كاتب الموضوع :
حفيدة الألباني
المنتدى :
الشعر والشعراء
* لك مساحة بلا حدود كي تمتعنا بقصائد على ذوقك؟!
أحب ابدأ بالقصيده هذه لانها لها ذكرى خاصه فيني
تبي الصراحه وش تبي باالصراحه".
أكذب عليك لاقلت عايش بخير".
الحلم يكبر والصغرباالمساحه".
وماللوفاعند المعازيب تقدير".
قلبي من ضلوعي تشيله جراحه".
وش حيله أبن أدم وجه المقادير".
لا[!جيتني!]صدري يزيد أنشراحه".
و[غيرك]بدنياي نقص ومخاسير".
في ذمتي ما[غيرك]أرجي أرماحه".
قول وش تبي مني وأقول أبشر
ويصير...............................
من شاف [بعيونك ]مساه وصباحه".
عزالله أنه مارجئ شوفت الغير".
أنقلت راحه ماورئ الناس راحه".
بس ألا[أنت] [وأفي؟]ومايجي منك
تقصير................................
طيرالسعد [بيديك]أجبرجناحه".
السالفه ماعاد فيهامعاذير".
لاجبو أسمي كلآ أطلق أرماحه".
ماكنهم قبل أمس عندي مسايير"
أبسط مثال لابغيت الصراحه".
أقول طيب بس أناماني بخير".
************
*****************
أبيتُ سـهراناً، وما تـدري
أهَدهِدُ الآهةَ في صـدري
كـأنني مُـؤتًمَنٌ، هَمُّـهُ أنْ
يُسَـلمَ الليلَ إلى الفجـرِ
أو أنني ملتـزمٌ صَـادقٌ
بصُحْبةِ الأنجـمِ والبـَدر
نفْسـي على آلامهـا تنطو ي
ودمعتي تُفضِحُ عن سِـرّي
تُراودُ القلبَ طيـوفُ المنى
فيعجـزُ القلبُ عن الصبرِ
ويبلغُ الدمعُ إلى غــايةٍ
لا يختفي فيهـا ولا يجري
كـأنه في مُقلتِي موجـةٌ م
حبوسةٌ في مُقلةِ البحـرِ
أكتـّمُ الأشـواقَ في خاطري
فينبـري في كشْفِها شِعـري
وأجمعُ الأزهارَ في راحتي
فيـأنَسُ العطرُ إلى العطرِ
ويحتفي الليلُ بـآمالنــا
وتفسحُ الأنجــمُ للبـدرِ
يا مَنْ قَرأتُ اللّومَ في صمتِهـا
فصرتُ كـالحائرِ في أمري
قلبي كعصفــورٍ بهِ نشوَةٌ
يطيـرُ من وكْـرٍ إلى وكْرِ
خيوطُ هذا الحبّ منسوجةٌ
من قبْلِ أنْ تدري ولا أدري
فكلٌّ أمـرٍ عند ميـلادهِ
كالطفلِ لا يحبو ولا يجري
قد نعلمُ الغايةَ، لكنّنا
نجهلُ منها نقطةَ الصفْرِ
حبّ، فإنْ مسَّتْـهُ كفُّ الخَنا
فقد غدا ضّرْباً من العُهْـرِ !
وهلْ يكونُ الحبَّ ذا قيمةٍ
إذا خـلا من لذةِ الطُّهـرِ ؟!
( عبد الرحمن العشماوي )
******************
*************************
يالله عفوك يوم تصفية الحساب
يوم حصاد لما زرعنا في السنين
يوم الحشر قرب ولا معنا زهاب
اليوم في الدنيا وبكرة راحلين
نجني ذنوب ونرتجي عفو وثواب
وعلى نصر ربي لنا مستعجلين
تدرون ليه آمالنا كنها سراب
تدرون ليه النصر سيف الأوليين
الأوليين أعمالهم وفق الكتاب
قاموا عليه وباعوا الدنيا بدين
وحنا غفلنا بين مالذ وطاب
والنصر سيف ما يسله غافلين
نصبح على شوف انتهاكات وخراب
ونمسي على دمع وتنهات وونين
بصدورنا شي تذوب اله الهضاب
وأفعالنا والواقع رياح وطحين
وعلى العيون من الفتن مثل الضباب
معد درينا من يسار ومن يمين
ما للضيف الا الدعا لو ما يجاب
ما غيره الا الشوف مكتوف اليدين
يالله زلزل تحت الأعداء التراب
والطف بنا واحقن دماء المسلمين
ندعوك يا قادر على جعل السحاب
جيش لنصرة قلة مستضعفين
أغرقهم بنوع من أنواع العقاب
غرق الغلام اللي يحسب انه فطين
لوما عصى نوح نجا به في رحاب
سفينته وأمضى معه في العمر حين
لكنه اختار الخساره والذهاب
اصنع بهم صنعك به وانت المتين
والا اخذهم يا مجري سود الحقاب
أخذ العجوز اللي بقت في الغابرين
ذوقهم اللهم أنواع العذاب
اللي عثوا في أرضك أمن المفسدين
وألطف بمن لبسوا من التقوى ثياب
عبادك المستهدفين المتقين
تكالبت عليهم أنياب الذئاب
ولا غير عونك يا معين الصابرين
من بينهم شيبه يعجزون الشباب
من وقفته من طولها في الركعتين
ومن بينهم بنت تون بلا حجاب
أحجابها لفوا به الجرح المكين
وطفل عن عيون أمه الثنتين غاب
تبكيه عين وتلتفت لأخيه عين
من هول ما يجري لهم شاب الغراب
يا وسع حلمك وانت ما فوقك مدين
دعيك وانت ادرى بحال أهل المصاب
وأمد كفي لك يا أكرم الأكرمين
( محمد بن فطيس)
::::::::::::::::::::::::::::::::::::::::
ماهو بكفوْ الوقت حبك يمحّيه
ياللّي تخاف صروف الأيام تمحاه !
إرتاح .. مادام المواصل يقوّيه
إنت إنت .. وأنا أنا .. وقلبي هو إيّاه !
حتى ولو بتغيب ذكراك .. تكفيه
ياواحدٍ تكفي عن الناس ذكراه !
حبّك على رمْلة خفوقي مواطيه
ورياح عذلي عنْك ما تمسح خطاه !
والّلي يِعَذل القلب عن درب غاليه
الله بما يبلا المواليف يبلاه !
أخفيه يابا الفيت والحال يبديه
أدناة واحد ينظر الحال يقراه !
مِخفيه فيه ومعتنٍ به وحاميه
من كلّ عينٍ ودّها تنزل حماه !
قلبٍ يحبّك والهوى الذرْب ماليه
كانك مكذّبني .. بعينك تحلاّه !
شرطٍ تشوفك فيه .. منت بحواليه
ويمكن تشوف ديار وآماكن إرعاه !
وبتشوف به تمثال والوقت هاريه
وبتشوف زرعٍ ميّت وواقفٍ ماه !
وبتشوف جرحٍ فيه سكين راعيه
راح ونسى السكين والجرح ينخاه !!
وبتشوف حصنٍ عجّ الأقدار سافيه
وبتشوف باقي بيت راعيه خلاّه !!
لا تنزعج هذا خفوقي وباقيه
ولا تضايق من تصدّع زواياه !
قد زلزله فرقى .. وهزّت عراويه
والله ستر .. والحظ عانه وعافاه !
وكانه صلح لك .. وأعجبك زيد تبنيه
إبنه وجهّز للمقابيل مبناه !
أبغيك بسّ من المفارق تداريه
وإزهل من يداري شعورك ويدراه !
وحلّل وحرّم فيه .. ياأبرك بلاويه
وحلّه وراع رضاي ورضاك ورضاه !!
جعلك بعد بعض الوجيه ... أمحق وجيه
ناسٍ مراتعها الرفيق بتقفّاه !
أنواع .. وأخطر نوع .. ماني بناسيه
نوعٍ على تفريق الأثنين مسعاه !
تلقاه دوم وكلّ يوم تلاقيه
وإلى بغيته صدق ما عاد تلقاه !
ولاّ أنت ردّك كلّ ما أدعيك .. لبّيه
أنا أشهد إن منتوب في عيني أشباه !
منتب مع العالم ولا تقول لي .. ليه ؟
أنت آدرى منّي ووش جوابي وفحواه !!
كذيه .. ومن الله .. يازين واليه
وأغلى طروش القلب ودواه من داه !!!
الحلم ياتيني بزولك وأراعيه
وفي كلّ حلم آقوم قبل آتحفّاه !!
أعشق سميّك في البزارين وأدعيه
وأقبل خطاه إلى خطى وآتلقّاه !!
وإسمك يروّعني إلى مرّ طاريه
وآحبّ ملقوفٍ يسولف وطرّاه !!
وآمرّ بيتك من بعيدٍ ولا آجيه
وآنا لو إنّه في يدي .. ما آتعدّاه !!
حتى ( تواير ) ( موتري ) تلتفت فيه
تبغي تلفّ ويستحي العقل والجاه !!
وصلْك يخيط الصدر والبعد يفريه
ويابري حالي كان صدّيت برياه !!
ويلي على .. ( أدري حبّنا ويش تاليه ؟ )
وويلي على ( أدري وش ورى الغيب ؟ ) ويلاه !
عشان أشوف إذا محبتك .. ترفيه
والله لا أقفّي عنْك .. أستغفر الله
(محمد بن فطيس )
:::::::::::::::::::::::::::::::::::::::
تالي عصير
الضيقة اللي دايمٍ تالي عصير
وش حيلتي وأردها لا تجيني
لا طال ظل العود حزة عشى الطير
كنها على سجن الحديد تحديني
يضيق صدري كل ما جات وأسير
ولايخفف سوج رجلي حنيني
لا حولنا مشراف ولا اقدر اطير
يالله قمسة خير لا تبتليني
وعقارب الساعة توقف عن السير
ولاكن في الدوحة سواتي حزيني
والعبره اللي تاصل الحلق وتحير
يا قربها لو قيل لي يا عويني
أمل شوف الناس ورد ومصادير
واللي يقول اشفيك كنه يهجيني
يعني على ما قيل من باب تصوير
(لاحدٍ أبي قربه ولا أحدٍ يبيني)
أروح أدور خط مابه دواوير
وأدور اللي هادها تهتديني
وآخذ مع الهاجوس سجة وتفكير
وأراجع اللي فات بيني وبيني
وأحسب ذنوبي وأدور التكفير
عساي ما قصرت في والديني
وعساي ما قارنت من ينفخ الكير
واللي يحمل المسك جعله قريني
ويطري علي يوم الحشر وأطلب مجير
ما أعطى كتابي في شقيقة يميني
ويطري علي صدقان كثر الدنانير
اللي اتعاديني إلا كثر ديني
وراعي الهروج اللي سوات المناشير
أصد عنه وأدري انه يعنيني
الله حسيبه يوم عرض القواوير
والله حسبي من صواب مكيني
وإلا طرالي واحد كانه اصغير
أم أصغر بيومين ولا سنيني
دريت وش قومي وعينت تفسير
للضيقة اللي من زمن تعتليني
حبه بصدري سالفة سر في بير
وكن الفواد يقول هذا زبيني
أشفق على علمٍ يجي منه من غير .
لا يسمع اللي سولفوا به ونيني
يا كثرهم غيرهم ولكن خبر خير
ما غير شوفه في الوجود يهنيني
رايي كذا يا عاشقين الغنادير
ماله على وجه البسيطه وزيني
العام أجيهم من حساب المسايير
واليوم حال عداي وينه وويني
خطاي تعليق الأمل في المدابير
الين راح وشفت حقري بعيني
صبرٍ جميل وخابر إنه مقادير
والله على تخفيف حزني عويني
ذي حالتي لين اتغبا الشمس واصير
معطى سراحي عقب مانا سجيني
واذا امتلى جوف الشجر بالعصافير
طلبت من رب العباد يهديني
يعتقني المذن عقب ضيقة عصير
اللي على سجن الفراق اتحديني
( محمد بن فطيس )
*************************
*****************************
العقل
لاتقيس الدّين بالعقل ياعقلي .. ونام
فيه غيبيّات أأمن بها بلا . مقوت
لان أيمانك بها يعني أنّك في سلام
من غضب ربّي وسخطه وتخريب البيوت
لاتفكّر في مسائل نتايجها .. أثام
يكفي أن الوقت ملبسني من الأثم .. كوت
أأثمٍ بس آآعرف ويش تالية الغرام
بين شيخان العقيده وشيخان البشوت
تالية حب الطرفين ؟ ضيعه وأنقسام
تنعكس.. على من ايدوّر لـمضناه .. قوت
السكوت؟ أيزين لاصار من حولك كلام
بس ماهو زين لاصار من حولك . سكوت
ويش أقول؟ أقول يالله جعلهم للعدام؟
لا .. بقول .. أنا أتمنّى قبل عمري يفوت
ودّي أنّي ماتعدّاك يالبيت الحرام
وودّي أن آآعيش فيك العمر كلّه وأموت
الله أكبر لا أذّن المذّن وكبّر الامام
وأصبحو زاكين الانفاس من خلفه صنوت
وابتدا ايرتّل ونظّم بترتيله زحام
وأنتهى من ركعته وأبتدا .. يدعو .. قنوت
الله الله الله الله .. على شعور الوئام
جعل صوت أبن سبيّل بعد مليون صوت
يجعل بيوت الشياطين في عقلي .. حطام
كن صوته ينتشلني معه من بطن حوت
لاسمعته؟ يصغر الكون فعيوني .. وأنام
وأمن أنّي مؤمن أبما يقول .. ابلا .. مقوت
(سعد علوش )
::::::::::::::::::::::::
البطولة
الشعر وهبـة رب ماهـو تـدرّاس
وانـا بفضـل الله أقولـه وأعولـه
أجذب جماهيره مثل جذب الألمـاس
واقعّـد بـزوره ووقّـف كهـولـه
أفصّحـه وآنبّطـه وأنثـره كـاس
وآسكّـره وآفـض بكـرة بتـولـه
واليا اعلنو شعّار ساحتـه الافـلاس
صكّيت له فـي بنـك مخّـي عمولـه
والشاعر اللي في هيبـه ونومـاس ؟
مايخـذل الجمـهـور لاصفّقـولـه
يارب يللي خالق أعبـادك أجنـاس
ياربّنـا يللـي عظمتـك .. مهولـه
يامالـكٍ ملكـك بـلا حـد وقيـاس
الأدراك .. لـو تناولـه .. ماينولـه
يسبّح لك النمل فـي ليـل الاغـلاس
ويخاف بطشك فاسد .. وشيخ دولـه
ياعالـمٍ تعلـم بـذرّات الانـفـاس
علمٍ علمـاء البشـر مـا اوصلولـه
ياجاعلن شيطـان شاغـل وخنّـاس
ومخشّـره قلـب البنـادم وزولــه
ياخالق الكرمـان بيضـان الالبـاس
ويدمّر أقرا .. المترفيـن بسهولـه
يادامج الاسياف في جال الاطعـاس
ويامفني العشبه .. ومبقـي الجلولـه
يمنزّل الفرقـان جـلاّي الاعمـاس
ترضيبه نفـوس العبـاد الزعولـه
أجنبني الشرك وعمل عمل الانجاس
وفقّهنـي فدينـك وسنّـة رسـولـه
أنا فوجهك ... لايجي وجهي البـاس
في يوم .. تعرا فيه حتّـى الخجولـه
البارحه ماغمّـض الجفـن بنعـاس
غدابـي التفكيـر صولـه وجولـه
فالنّـاس وفالدّنيـا وفالهـم واليـاس
وفي سرعة أقـدام الليـال العجولـه
العمـر يمشـي والمقاديـر جـلاّس
والحلم.. ياقصره ولوهو .. يطولـه
والقلب هـاذا كـل ماهـب نسنـاس
شـددّ معاليقـه ودقــق طبـولـه
والحزن طعمه طعم وأجراسه أجراس
لاجاب دمع؟ ايجيك علـى اصولـه
والدّمع لو نقّص ضعيّـف وبـلاّس
مانقّص ارجـال المواقـف رجولـه
بالعكس .. أشوفه بوح راقي ونبراس
في وقت شحّت فيه حتّـى الطفولـه
الفلسفه ؟؟ ومعالج الجـذع بالفـاس
خذت من أثمن بحـر ماسـه ولولـه
والأثم والفعـل الـردي والتغـلاّس
يرّث عقد جمّا ,.,. وأنفـس ملولـه
والأنسان بالفطره .. مناقض للأدناس
لو يشتهـي قلبـه وتجـرا رجولـه
واللي يدوس النفس ماهوب منـداس
لـو اوقفولـه خبرتـه واقعـدولـه
ومدينةٍ ماهيب تبنـى علـى سـاس
مالوم ماطرهـا لا وقّـف هطولـه
ياليـت مـادون الثمينـات حـرّاس
ومادونهـا بـابٍ تقـفّـل قفـولـه
وياليت مالي أسم من بيـن الاقـواس
وياليـت كفّـي باخلـه ومغلـولـه
وياليت ماعندي مشاعر ولا أحساس
الله .. ياكـم شـي خافـي بقـولـه
وياليتني أنسان مـن سايـر النـاس
لانّي تعبـت اعيـش دور البطولـه
الحكـم لله والمسـجّـل بـكـرّاس
بيصيبنـي لـو أن مانيـب حولـه
الله يعـز السـاس ويشمّـخ الـراس
ويشيّل ابعير المحامـل . . حمولـه
( سعد علوش)
:::::::::::::::::::::::::::::::::::;;;
هيبة ملك
اللّه يعزّر فيك والله يقبلك
أن كان عرفك للضياع أقتادني
من يومني صغير أعشقك وأتأملك
حتّى تفرعني غلاك وسادني
كبرت أحبّك بس صرت أتخيّلك
غبي تعلّمني غلا وأجادني
من أوّلا اشوفك ولع وادللك
وأحب خيط العذر لامن قادني
والحين لامنّي ولهة وجيتلك
قام ايتصيّدني الحزن وأصطادني
فالشّارع اللي هيبته هيبة ملك
اللي تهجّا خطوتي وأعتادني
من تحت شبّااكك وودّي أسألك ؟
يغلا من أغليته غلاك أش فادني
لو أدري أن مستقبلي مستقبلك ؟
ماكان نقّصني الغياب وزادني
هنا وبس ولا تضايق وأزعلك
بقفي فمان غيابك وماعادني
لا اقفيت عن عينك رجعت وقلتلك
تكفى ليا قفّيت عنّك نادني
من حشمتك لو أوصلك ما أوصلك
ياخي بثور من العذاب وهادني
أحساسي أنّي ذنب فعيون أهلك
أحساسي ب الاحساس ذا أبادني
(سعد علوش )
*****************
سبتمبر ..!
ما هي حكاية.. خطبة أو مَنْبَرْ..
ولا حكاية..
مجتمع عَنْه التَّرَف أدبرْ..
ولا حكاية مناهج..
فجأة اكتشفوا..
انّها لابد تتغيّر..
ما هي حْكاية بطالة..
ولا هي حْكاية جهالة..
ولا هي حْكاية عمالة..
ولا هي حكاية كراهية تقادم أو وراثة..
ولا هي حكاية صراع بين الثوابت والحداثة..
ولا هي حكاية حقد من أصغر.. على الأكبر..
ما هي حكاية.. وضع بائس..
أو شباب.. مُعْدم ويائس..
فارقوا كل المباهج..
دُرّبُوا في ليل حالك..
وخاضوا لامريكا معارك..
وبعد ما أدّوا الغرض..
صاروا مرض..
ما كوفِئوا.. بما يرونه..
مُسْتَحَق من الثّمن..
وبعد فترة من الزمن..
أصبحوا أعنف وأخطَر..
وأصبحوا بالأمر أخبَر..
خلّطوا حابل بنابل..
وقرّروا يكونوا قنابل..
موقوته من ناس آخرين..
في وقت يأتي بعد حين..
في اللحظة المثلى تُفَجَّرْ..
ما هي حكاية صُدَفْ..
ولا هي تخطيطٍ مُدَبّر
الحكاية ما هي هذي..
الحكاية قد تكون..
أكبر .. أو أصغر..
لمّا تاريخ الحقائق يطمسوه.. بالأدلّة والشواهد
لمّا أولى القبلتين يدنسّوه..
والدنيا تشاهد..
لمّا طفل يموت.. بين أحضان أبوه..
والدنيا تشاهد..
لمّا تنهدّ البيوت.. فوق روس أصحابها..
والدنيا تشاهد..
لمّا يُقْتَل شخص في مسجد.. وهو ساجد..
والدنيا تشاهد..
لمّا تندكّ الكنائس بالرصاص..
والدنيا تشاهد..
لمّا تُفقَد كل آمال الخلاص..
وتضرب الحسرات.. في كل الصدور أطنابها..
لمّا تفقد أم.. نصف أطفالها..
ويصبح زوجها معوّق..
ولا مناص..
تصير الكل في الكل..
وما في في المنزل أكل..
وجيش مدجّج بأعتى السلاح..
يحاصر بابها..
لمّا تصبح كل فكرة للقصاص.. تُهْمَه..
والله أكبر تصبح إرهاب..
لمّا الفلسطيني تُهَان أخته وأمّه..
ويلاقوا لهذا أسباب..
لمّا يومياً تكون المعركة..
ما بين أطفال بحجارة..
ودبّابة..
لمّا يومياً يمارس..هتلر العهد الجديد..
حصاره.. وإرهابه..
لمّا كل هذا البغي.. بكل صفاقه يؤيدوه..
لمّا تاريخ المذابح يطمسوه..
لمّا أولى القبلتين يدنسّوه..
لمّا تُصبح.. سيّدة هذا الزمان..
أمنّا الغولة.. كذّابة..
لمّا تصبح.. أمّة العُرْب الأشاوس..
أُمّة ندّابة..
لمّا كل هذا يصير..
ويَحُدث الحدث الكبير..
يحدث الأمر المحال..
وتصبح إسرائيل..
هي بس وحدها..
المستفيد الأكبر..
ينطرح في كل هالدنيا سؤال..
هي حكاية خطبة أو منبر..؟
أو حكاية مجتمع.. عَنْه التَّرَف أدبر..؟
أوحكاية مناهج.. لابد تتغيّر..؟
ما ندري ليه..؟
جاوب يا سبتمبر..!
( عبدالرحمن بن مساعد )
::::::::::::::::::::::::::::::::::::::
أستاهلك
ابسألك عن حالنا انتي وانا
ياللي احس..انك انا
حالنا ما هو غريب
انا نكون متأكدين ان الفراق ما هو بعيد
بالرغم من جرح السنين
ماهو غريب .. اني لو مرة في همي
نسيت وبكلمة جرحتك
قبل ما تتألمين .. اللي ينزف هو دمي
ابسألك ماهو غريب .. استاهلك
ابسألك لو قلت لك ان الحنان اللي في قلبك
ينبت من الصخر الزهر .. بأستاهلك
وان النهار اللي في خدودك يخلي النسمة عطر..بأستاهلك
وان العذاب اللي في عيونك يعلم الناس الشعر..بأستاهلك
ولو قلتلك اني احبك اكثر من هموم البشر
وكثر الجفاء وكثر السهر ... لو قلت لك
وانك اقرب من عيوني للنظر
كل الذي اقدر اقوله
واللي ما اقدر اقوله
بأستاهلك.. حبيبتي
وباجاوبك ..للاسف ما به احد يستاهلك ..!
عبدالرحمن بن مساعد
::::::::::::::::::::::::::::::
الخيانة
من بعد ما كنت احسبنّي نسيتك
مدري اشجابك على البال وذكرتك ؟؟
ولا وعيت إلاّ وانا قدّام بيتك !!
ماتقول انّي قبل مدة هجرتك ؟!
ذا مكاني .. لاغفى الليل وسريتك
شف ّ كم لي .. ما سريت ولا سهرتك ؟
وذا مكانك .. لا تضايقت وجفيتك
وشف ّ كم لك .. ماترجّيت وعذرتك ؟
وذا مكان قلوبنا .. لحظة هويتك
فيه عمري اختصرته واختصرتك
واقف .. وكنّي من احزاني بنيتك
(جسر) .. مابين الزمانين وعبرتك !!
آتذكّر .. وش خذيت ووش عطيتك
يوم كنت انقاض وبحبي عمرتك
وآتذكّر .. ساعة انهوك وبديتك
كيف بجروحي عن جروحي سترتك !!
وكيف بعت احلام عمري واشتريتك
وكيف كنت اشنع هزيمة وانتصرتك
وكيف كنت الملح ..لكني رويتك !!
وكيف كنت الزيف .. لكني ذخرتك !!
ادري اني جد ّ.. من قلبي بغيتك
وادري انّي رغم كل هذا خسرتك
انتظرتك .. ( عمر ) حتى اني لقيتك
والقهر مدري على ويش .. انتظرتك !!
كنت احبك .. كنت !! لكني سليتك
وما بقى سلمته الريح ونثرتك
وانت لاا تزعل اليا مني رثيتك
بعد ما خنت وتوفيت وقبرتك !!
والله اني .. لاحزنت ولا بكيتك
مثل ما عمّرتك بقلبي دمرتك
بس تدري ليش عقب غياب جيتك ؟
واهتدت رجلي على بيتك وزرتك؟؟
بشكرك .. على آخر طعونك فديتك
ليلة فراقك .. نسيت !! وما شكرتك !!
( محمد جار الله السهلي )
:::::::::::::::::::::::::::::::::::::::
إما بموت من الوله ولا بموت من القهر !
أي والله اني ضايق ومرهق ومخنوق وحزين
و إما بموت من الوله ولا بموت من القهر
واللي لعب في حسبة ايامي وخلاّها سنين
إني على ذا الحال يا شعري لي اكثر من شهر !!
بعت المدينه لجل عين وقالوا الخافي يبين
ودفنتك بجوفي وقالوا وش بقابك ما ظهر ؟!
يا مطوّل الغيبه يا طول الشوق مير الله يعين
العاشق اللي عاش ظامي بين عدّك والنهر !
عيّدبي غيابك سنه والليله من العايدين
ولا عاد عيدك يا الجروح اللي بقلبي من دهر
يا صاحبي لو تعتذر عن غيبتك عذرك سمين
حبك بعد ما غبت عن عيني تمادى وازدهر
من يوم شفتك والنعاس بعينك النجلا سجين
ومن نفس ذاك اليوم و عيوني سجينه للسهر !!
علقتني بالضحكه اللي تسبق الغمازتين
وتركت لي شاعر !! كتب فيك القصايد واشتهر
سيّلت دمعك واستباح الدمع ستر الياسمين
وعلمتني كيف الندى يجمّل خدود الزهر !!
ليتك عقب ما غبت غيّبت اشتياقي والحنين
أو ليتني ما قد دفعت احلام عمري لك مهر
وياصاحبي لاعاد تسألني عن الحزن الدفين
أقسى الطعون : الطعنه اللي من حبيب و فالظهر !!
( محمد جار الله السلهي )
::::::::::::::::::::::::::::::::::::::::::
أتمنى اني وفقت في اختيار ما يناسب ذائقتكم
لكم مني خالص الود
تحياتي
casber
|
03-10-09, 11:30 AM
جديد مواضيع قسم الشعر والشعراء
العرض العادي
