قبل قرائتكم الجزء..حبيت اقول لكم اني من اليوم وصاعدا..راح اتكلم عن تاريخ شعب معذب..واوجه لكم دلائل ومعلومات ممكن تكون جديده عليكم..وحبيت اسردها بقصتي المتواضعه..لتعم الفائده للجميع..والله على مااقوله شهيد..ويارب يقدرني على توصيل هذه الرساله لكلم مسلم..يغار على دينه




الجزء السابع
وتتوالى الأيـــام..
--------------







اول اوقات غروب الشمس\

الجدران بيضـاء..والأثاث والموكيت والممرات والأناره والتحف ايضا بيضاء ..واللون الرمادي الباهت كان دخيـل عليه بشكـل بسيط و ابرز المكان اكثـر..والزجاج الشفاف جمـلّ الديكورات وزادها فخامه..
شعرت لولهله..انها بجنـه..جنـه بعيده عن الكوره الأرضيه..ومافيها غير هي و هو..
توقعـت اكيد الأجمـل..والأرقى...لكن اللون الأبيض والديكور الغربي اعطى القصر رونق مميز
سامي\عجبك..!؟
التفت له لولو بملامح تشع فرح وسعاده وذهول\جنـان..
ابتسم سامي براحه\الحمدلله..
لولو\تصدق..وجالت عيونها على اللوح الطويلة الحجم..اول مره اعرف انه هاللون حلو..بس مو كأنك تبالغ..!؟
حك سامي شعـره وكانه يفكر بردّ على لولو..
لولو\ياحبك لهاللون..عكسي تماما.احب الأسود..
مسك ايدها وطلعوا الدرج العريض اللي يتوسط الصاله\يعجبني..وسكت بره ثم كمـل..تصدقين احسه يمثلني..
لولو تأملته وهي تطلع الدرجات\فعلا..يمثلك..سامي..
سامي\امري
لولو\مافي مصعد..!
سامي\لا..
لولو استنكرت الموضوع..قصر بهالمساحه ومافيه مصعد\ليييييش!؟
سامي\لأني عارفه انك كسلانه..وماتحبين تمشين كثيـر..
لولو بصوت رقيق\اهون عليــك..
سامي غمز بعينه وقال\شوي.
لولو بخيبة امل\شــوي!؟؟
سامي كانت يتحاشا النظر بعيونها\يعنـي.!؟
لولو\والخدم..وينهم مااشوفهم..!؟
سامي \انا شخص اكره الخدم يمسكون اغراضي..لكن فردوس مربيتني من وانا صغيـر وواثق فيها وشايله القصر....وبتعلمك كل شي ..لكنها نامت اللحين..!
لولو باسلوب طفولي ردت\ياسلام..انا مااعرف شي..لا اطبخ ولاانظف..!
سامي\تنظيف بعديها لك لأني عارف حجم هألأيد الصغيره...لكن طبـخ..محد انولد وهو عالم..واظن عرفتي اسلوبي اكيد..
لولو برجاء وهي تحاول توصل لعيونه\سااااامي..
سامي\لاتحاولين.. ووصلوا اخير الدور الثاني بعد النقاش اللي ضايق لولو..لكنها تناست كل شي لمن جالت بعينها على المكان اللي كان مايقل جمال عن الدور الأول....

ناظرت الممر الطويـل المتفرع المداخـل ومليء بالغرف والتحـف الزجاجيه الموضوعه بالأرض بترتيب جميل بفضول ممزوج بااعجاب..وباخر الممر كان هناك باب كبيـر ومميز عن بقية ألأبواب..وبدون شعور تثبت نظراتها للباب وخمنت انها جناحهم الخـاص..
شد سامي ايدها الصغيره ولولو شعرت كأنها طفله تنتظر مفاجأه تسعدها..هموا ماشين له..لمن وقفت خطواته..ودفّ الباب اللي مفتوح بالوسط..وحرر ايدّها ..وترك لمخيلتها العنان والتأمل..
لولو كانت متفاجأه
مذهولـه بورعة المكان..وجماله الخيالي....
الجناح كانت دائري الشكـل مكسوا بالزجـاج جليدي ..وتغطيهـا ستائر بيضاء خفيفة الوزن..
والسرير ايضا كان دائري ويتوسط الغرفه ومزين بخداديات كبيـره الحجم باللون الرمادي..
وبالجهه الشماليه كان مدخـلّ لغرفة الملابس ودورة المياه..وبالجهه الأخرى كنب ابيض مزودج امامه شاشة بلازميه بقلب الجدار..
وبقربه مرايـــه عريضة الحجم اسفلها طاوله على طول المرايه..
مشـى سامي خطويتين ..وطلع درج السرير..ورمى جسمه وهو مرهق.و.بتلقائيه تقدمت له..وجلست بنفس السرير ونزلت الغطاء عن شعرها وهي تتلمس الحرير الأبيض اللي جملّ السرير ..وتحضن مخده لصدرها ..
لاحظ شرودها سامي..وهدؤها الغير معتاد..
وهو مرخي اجفانه قال\تعبانه..!؟
لولو\لا..
سامي بنبره هاديه غلبها النعاس\اجل وش فيك!؟
لولو\انا..
عقد سامي حواجبـه ينتظر ردّ منها..
بنفس هدوء سامي ردت\مدري..مدري..احس اني بحلم..!
ابتسم براحـه..وغمض عيونه..
سامي\لولو..ابي انام..
لولو كتفت ايدينها بقهر لأنها تذكرت نحاسته اثناء مايغلبها النعاس\بالله..بسك نوم..!؟
زادت ابتسامته\اصلا مو قادر ارتاح..لازم اطلع بظرف ساعتين
لولو\وبتتركني..!؟
سامي فتح عيونه وناظرها\تخافين.!؟
رمت المخده بضيق\ليش تحسسني اني طفله..!؟وماافهم لشيء
ضحك على عصبيتها العفويه\اميرتي..مو قاصد..!
كتفت لولو ايدينها بضجر\صدقتك..
سامي اخذ المخده اللي رمتها ووضعها على وجهه\مو لازم تصدقين..
التزمت السكوت لحظات ..وصبـرها كان شحيح لدرجة الثوران
لولو\سامي...انت نمت..!؟
هزت كتفه بضيق\سامي.ماابي.لاتنام..
اعطاها ظهره وتمدد اكثـر لمن وصلت رجله لنهاية السرير \شوووي بس..اوكي..دقايـــ.... ضاع صوته واستسلم للنوم بكل طواعيه..
-------------








هلّّ الظلام\

صدمتها فعلا كبيـره..ووقع الخبر المفاجئء هزها من الداخل بدرجه ماتصورتها بيـوم..
وكأنه شـي حاد انتشـل من روحهـا..وجرحها جرح مالها علاج..
لكنها مو فريد اللي بتخضع لجرح مصعب..
لازم ترجـع فريد القويه اللي تعطي وماتنتظر الردّ
لازم تبدأ حياه جديده بعيـد عنه..وبعيده عن كل شـي يرجعها للخلف..واذا مصعب اليوم حقق طموحه..فهي عندها طموحات اكبـر منه وبتوصلها باذن الله للعالي..
طلعت من غرفتهـا اللي كانت حبيستها من اول ماتعرضت للموقف البايخ اللي كان مع ابوها وسعاد اللي طلعت من الباص من بعد الكف اللي اعطتها اياه..وانتهي بمفاجأتها بمصعب..
واخذتها خطواتها للمطبـخ اللي كان خالي وماينسمع فيه غير صوت العفاسي على اذاعة البحرين وصوته الجهوري وهو ينشد "دعوني اناجي" يخترق اذنها ويوصل لقلبها المجروح بنبرته العذبه..
فتحت الثلاجـه..وحست انها محتاجه حاجه دافيه تروق اعصابهـا..وقررت تصلح لها "اسبرسو فريد"..لأنها هي اللي مخترعته وفخوره بتصليحها..
طلعت حليب سائل..واغلقت الثلاجه برجلها بحركه عمليه..وباأيدهـا اليمنى طلعت الخلاط..
جهزت الكوفي ..والشوكلاته السائله..والسكر.
وخلطتهم مع بعض بمقدار يكفيها..وانتظرت الرغوه تكثـر ..
واوقفت الخلاط وفرغت المحتوى بكوبها ألأورنج
تذوقت طعمه وهي مغمضه عيونها وحست بالرضا وتوجهت للصاله وهي تفكر بحمودي اللي ماشافته اليوم..
وكأنه الله استجاب دعاؤها لمن لاحظته يلعب بسياره صغيره بقرب شهد ورغد اللي مطنشينه ويناظرون الكرتون..
تقدمت له بشوق..وهو من شاف زولها خطى كذا خطوه وهو يضحك ويقول كلمات غريبه تدل على اشتياقه لها..لمن أمسك طرف بيجامتها وهي رفعته لها..
فريد\فديت هالضحكه..فديت حمودي حبيبي..بوسه فريد..حبيبي..بوسه هههههههه لللحظه هههههه
ضمته بقـوه بايدها اليمنـى..وطلعت وياه للحوش ..وجلست وياه على جلستهم العربيه بصنـع الخشب كانت بسطيه ومتواضعـه..ومكانها مريـح للأعصـاب ..وضيقتهـا تلاشت وهي تلاعب حمودي وتتذوق القهـوه بااستمتاع.ونست تقريبـا انه حتى بكره بيكون عندها كويز بمادة الرياضيات..
ومن عظم ماكانت الأفكار تحيط بها من كل جانب..ماشعرت بالشخص اللي جلس بقربهـا بكل هدوء ويتأمل ملامـح وجهها اللي مرات تشدّ ..ومرات ترتخي بكل حزن..
"فريـــد"

التفت فريد بسرعـه..واتسعت عيونها اللي حاجبتها نظارتها البيضاء
فريد\يبــه!!!!!
ابتسم ابوهـا بحنان\وين سرحانه فيه!؟..ماحسيتي بوجودي ابد..!؟؟
فريد\لا..وارتبكت وهي تقول.سلامتك..
والتزاموا الصمت ..ابوها كان يناظر الأرض بعجز وتعب..وهي تبعثر نظراتها بالهواء.. وماكان يقطـع هالسكون غير كلمات حمودي وهو يلعب بكوب اخته اللي شده لونه البرتقالي..
فريده ماكنت تتمنى انها تلتقي باابوها بهاللحظات..طول هالأيام اللي مرت وهي تحاول تتجنبـ الحديث معه.. ماودها تطيح عينها بعينه وتشوف نظرة ألأنكسار اللي اسرتها.. وهالشيء ماكان بـ ارادتها ولاحتى من طبايعها لانها هي تتعب وتتألم..وكيف لو كان الألم هي سبب من اسبابـه..!؟
ياما تمنت ترحم هالقلب الكبيـر..وتريحـه من عناء هالدنيا اللي مارحمتهم بيوم..لكن وشلون والظروف كل مالها وتعاندهم..!.؟
كانت كاره الجمود اللي يحتويها..والجفا اللي عنوان هاللحظه..
ماعرفت كيف تهدم هالحاجز اللي حال بينها وبين ابوهـا..
كان ودهـا تقرب وتدخل بين ضلوعـه وتنزع كل همومه..وتقوله..يبه..انا اسفـه..حقك عليك..بس تكفى الا هالنظره اللي اسرت هالعيون الحنونه..!
يبه انا لازالت اثق فيك..وافتخـر اني بنتك..يبه ارفع راسك وقول للعالم اني انسان..!
كان ودها تبكـي بحظنه لمن ترتاح وتشعر بالأمان..
كان ودهـا ترجع البسمه بشفاته..والثقه اللي زرعها بقلوبهم لأجل يعيشون حياه هنيئه رغم أي صعاب ممكن تكدر صفو حياتهم..
هي تقدر....هي فريد القويه الصامده اكيد بتقدرّ
فريد من اول ماحست انها بتتكلم وتزودت بشجاعه كان الدموع ماخذه مجرى بعيونها\يبـه..آآآآنا..انا..اسفــه..ناظرني تكفــىىى..
رفع بومحمد عيونه والتفت لها وبالرغم من سواد وجهه من جور الزمن عليه الا انه كان منورّ لكن من شاف دموع بنته..ضاقت ملامحه ومسح على رأسها بحنان\افا والله..بنتي تصيح مره ثانيه..من يقول اني زعلان عليك..
مسحت دموعها بسرعه من خلف النظاره\يعني انت مسامحنـي..!مو متضايق مني..!؟
بومحمد\وانا اقدر اصلا...والا يحق لي ازعـل..!!؟بس عتبان..عتبان لأنه بنتي ماقدرت تتحكم بااعصابها مثل ماعلمتها..!؟
تذكرت فريده الموقف وانقهرت واسود وجهها وعضت شفايفها بالم\مقدرّ..لاتلومني..انا لو باايدي كان ذبحتها من الضرب لمن يبرد قلبي..!
ضحك ابوها لأجل يلقب الموضوع لجانب اخر\وّلّ ..بنتي مجرمه وانا مدري..!؟
ضحكت فريد بوسط دموعها لضحكته\يبـــه..لاااا..مو لهدرجه ههههه
"ياسلام..انا ادور عليك بامحمد وانت مع بنتك!"
التفت فريد وابوها وهم لازالوا يضحكون لمكان الصوت..وكانت هيا تتقدم لهم وريحة دهن العود تشع من جلابيتها الزيتيه وابتسامته السعيده منوره وجهها..
فريده بصوت عالي ورجولي\يمــه..ليكون تغارين..!؟
رمقتها امها بنظره ثاقبه وقالت\على منوا...عليك انتي..!؟
فريده وهي تحرك ايدينها بحراره\اعترفــي..اعترفي انك ميته قهر..عادي يمه..خذيها بروح رياضيه ؟؟ابوي يحبني اكثر منــك..
صابها الشك هيا..وبلا شعور تقدمت لبومحمد بأسلوب متهجم\صج اللي تقوله بنتك..!؟
مات ضحك بومحمد وشد ايدها لاجل يحثها على الجلوس \كلكم احبكم..وسكروا الموضوع..مالي خلق هوشه..
فريد رفعت حاجبها وقالت\حتى سوير..قصدي...واعتفست ملامحها بضجر..اوووف.. ساره..
بومحمد رمقها ابوها بنظره\قصدك عمتك ساره..
لوت فريد فمها..وهمت على الوقوف..لكنها حست بحاجه ثقيله على حضنها..وارتخت ملامحها بحب..لمن لاحظت حمودي نام بحظنها..وهي ولا داريه..
فريد\ياحياتي..نااام..فديت قلبه..
بومحمد\من هذرتك..ماحسينا..وديه داخل..
فريد غمزت لأبوها\طيب يابومحمد..بنفوتها لك هالمره..عشان ست الحبايب ماتزعل..وهذه قومه..
رفعته فريد بخفه على ضحكات امها وابوها..ومشت لداخل ..لمن استوقفت لحظه..وناظرت امها وابوها اللي لازالوا جالسين بقرب بعض بنظرة حب عميقه..ورجعت تناظر السماء المغيمه بحالميه..وكانها تحكي لها قصـة حلم وطموح ابطاله اهلها..!
دخلت البيت وهالمره بنفس مطمئنه ومرتاحه
وكل الشجن اللي ساكن حناياها داواه ابوها بنظرة رضا من عيونه..
-----------------







يوم جديد..وصبـاح مشرق\

حنان\يعني..هدا رايك انتي..!؟
ام حنان\اكيد..ولاتفكري بيوم انو ابوكي حابب يسفرك لبره..لكنه مظطر..
وهون ما حدى ببعترف بيك اصلا.!والمفروض انتي مابتزعلي من ابوكي وتتعودي عاسلوبه الجاف..هو صحيح عصبي شوي..لكنه بيحبك..وبدوا مصلحتك..ونفسوا لو بنته تتخرج من احسن الجامعات!؟
"
فاقت حنان من سرحانها على صوت عايشه..
عايشه\والله اني تعبت وانا اناديك..حنواااااااا
رمشت حنان عيونها بخجل\سوري..ماسمعتك..
عايشه\لحظه..فتحت مذكرتها..وكتبت بسطرين الموقف اللي تعرضت له مع حنان لأجل تحبره بالبيت وتظبطه..ولمن انتهت اغلقت المذكره..ووضعتها بدرجها..ممكن تقومين..فريد تنتظرنا لها دهر ..والطابور بيدأ اللحين..
ضربت حنان على جبينها ووقفت على طولها بعد لمت شعرها الطويل اللي بشكل ضفيره على جنب..ورشت عطرها اللي بلون الفواكه الفواحه..
حنان\يالله..امشــي..
خرجوا البنتين للساحه..ولاحظوا تجمع كبير قريب من المقصف..قربوا بفضـول..وانصعقوا لمن شافوا فريد تصـرخ باعلى صوتها على بنت كانت غريبه بنظرهم..وشكلها مخيـف..وهيئتها مثل هيئة الذكور..
قربت حنوا من عواشي\منو هاي!؟
عايشه وتسرح من خطواتها \مدري..امشي بسرعه..
وصلوا ووقفوا جنب فريد اللي مو مكترثه لأي احد وتصـرخ بحريه وهي رافعه اصابعها السبابه للبنت اللي امامها..
فريد\شوفي ياهبله..ياغبيـه..ياللي عقلك اصغر من حجمك..ان مريت..وشفتك مرتزه جنبي..ماراح اسكت لك مره ثانيه..والوعد مره ثانيه في ألأداره..عشان اعلمهم عن حركاتك القذره..
تراجعت للبنت للخلف من شد صديقاتها لها..وعلى وجهها ابتسامه خبيثه..ورمت لها بوسه طايره..
وهنا فريد اشتدت اعصابها..لكن عايشه وحنان قدروا يمسكونها بلحظه حرجه ويهدونها..
مشت البنت وهي ترمي نظرات اعجاب لفريد..
وفريد رمقتها بنظرات حاده وعاصفه لمن اختفت من امامها..وخذت نفـس عميق..وزفرت بقهـر..
عايشه بنبره خوف\شصاير..!؟
عضت فريد على شفايفها..وسكتت..
حنان\لك تكلمي..قلبي عم يرجف..!
فريد\الحمـ..المتخلفه..تفكرني..مثلها..!
حنان\يعني شو..!؟مافهمت..!؟
عايشه فهمت..واستغفرت ربها..
مشت فريد بقهـر وهي تشتم وتسخط بالبنت\بويـه..
ماتت حنان ضحك..وظلت تضحك بشكل متواصل..وهم يتمشون على ارجاء الساحه بكل حريـه وعيون الكل تجول حولهم..
فريد تنرفزت\تضحكين على ايش باخبله..!؟
وطت حنان رأسها وهي تضرب رجلينها بجنون..
وعايشه ماقدرت تمنع نفسها من ألأبتسامه وهي ترفع كتوفها لفريد بدلالة الأستسلام..
حنان\هههههههههه بويه..انتيهههههههههه هههههههههههههههه والله انك رهيبه..مو مووومتخيله ههههههههههه
حمرّ وجهه فريد..وضربت حنوا على ظهرها بقهـر..
فريد\كولي عسـل...كووولي عسـل..
سكتت حنان وردت بكل مكر\بحبك اذا عصبتي..بموووت فيكي..
فريد التفت لعايشه\سكتيها..ترى والله بذبحها..
عايشه \انا مالي شغــلّ..ذبحيهـا..بس مدري هي تهون عليك..!
حنان\شو..اهون عليك فريد..وغمزت لها.!؟
ضربت فريد رجلها بالأرض\كولـــوا عسسسسسسسسسسل..
وهالمره ضحكت عايشه وحنان..ولأنه عايشه متوسطتهم..مسكت اياديهم..وكملوا مشـي..وكل وحده كان احساسها مختـلف عن الثانيــه..
فريد ماسكه اطراف من خصلات شعرها المغموره بالجل وتفكـر ليش الكل يحسها ولد وهي بنت..!؟
وحنوا تعيد موقفها مع امها اللي ريحها نسبيا,,!
وعواشي سرحانه بمصيرها بالأيام المقبله مع حمد..!
عايشه بكل ملل قالت\بلا1
حنان\بلا2
فريده جارتهم وهي مستأه\بلا3
"بـــلاااااااااااااااااااااا 4"

التفتوا ثلاث ازواج من العيون لمصدر الصوت بنفس اللحظه...وحسوا بشيء عميق ذاب داخلهم..وشوي شوي..تجمعت دمعه بهدبهم..وبكل سهوله..سالت على خدهم,,
وبأسرع من البرق ركضوا ناحية لولو اللي طاحت من حجمهم الثقيل عليهــا..
مره يضحكون..ومره يبكون..ومره يعاتبون..ومرات يصرخون..
اخيرا التم شملهم..
حنان قفزت من الفرحه\سويتيها يادوبه..وجيتي..والله ماني مصدقه..لولو..انتي ئبالي..!
لولو من عظم سعادتها بشوفة صديقاتها..اصبحت تأتأ بكلامها\وووربي..حتـ حتى ااانا فاقدتكــم..وحشتـ..وحشتووووونــي..
ضربتها فريده بكتفها وهي تعلق\وليش ماقلتوا لنا انك جيتي من امس..يالدبـه..
اختفت البسمه من وجه لولو \وانتي للحين تقولي دبــه..وبنره باكيه كملت..آهه والله تحطيــم..
ضحكوا البنات بفرحــه..وحنوا ضربت كتف لولو بخفه وهي تقول بكل مكر\ها..شو رايك بالزواج..!؟
ثواني مرت..ولولو متلزمه الصمت..وهي تفكر بسامي...وبكل تناقض ردت\حليو..
حنوا\بلا شو..!؟حيلو..وخدودك مورده..والفرحه ماليه وشك..!؟
فريده\وانتي للحين على افكارك الجهنميه.!.
لولو\اكييييييييييد..
كشت فريده بوجهها بقهر\بتندمين صدقيني..!
كانت بترد لولو وبتوضح لهم انه سامي شخصيه رائعه ونادرة الوجود لكن صوت الجرس اللي دق
مره ثانيه تنبيأ لبدء الطابور الصباحــي اخرسها....
مشوا بخـط واحـد وهم يحكـون لها احداث الأيام اللي مرت بغيابهـا ..لغاية ماوصلوا لمكان الطابور..
لولو لوت فمها الصغير بقرف\ماماتت هالسلوى,,!.
ضحكت حنان بحريه وهي تناظر المراقبه سلوى تشد الكتب من ايدي البنات..وتهزأ بصوتها الرنان\ههههههههه لا تنتظرك..
تراجعت عايشه خطوتين للخلف\بنات..خلونا نروح من الجهه الثانيه..مالي خلق لها..
تكلمت فريده بصرامه\لاااا..بنمشي..ومو هي اللي توقفنــا..
استسلمت عايشه لكلامهم وتقدمت لمحاذاتهم ونظراتها مارفعتها من الأرض..لمن وصلوا لمكان الطابور..وتعالت ألأصوات والتصفير من صف ثالث ادبي اثناء ما لاحظوا لولو تتقدم لهم بخطـوات لاهفه وابتسامه واسعه..
---------------








اثنـاء الغروب وغفوة شعاع الشمس\

الحروف لكي..والحب خلق من اجلكـي..
هذا الذي علمتني اياه مدرستـي.!؟؟ً
لكن..ايعقل انني لم اشعـر بهـذا الحب..وتلك العاطفه الجياشه التي تسيل حنان وتغمرني سعاده
ايعقل انني لم اشعر بتلك الكلمه التي رسمت البسمه في شفاة بنات مدرستي..وتلك الأغنيه التي طربتها ريمي وحفرت بقلوب اطفال عالمي..
امـــي..
اعذريني..واغفر لي عقوقي..
حقـاّ
قد بدأت انســى
معنى اول كلمه نطقت بها جوارحي قبل لساني..واول صرخة طفـل مولود..
"امــي"..هذه الكلمه التي اصبحت تكتب دون أي احساس ومشاعر رقيقه..
سامحيني يامان كنتي امّ لي..
سامحيني لأنني كنت ابحث عنك..ولم اسمع تلبية ندائي المؤلم
سامحيني لأنني كنت باامسح الحاجه لكي ولم اجدّ من يرحم مقلتي المحرومه..!
سامحيني لأنني فقدت اعـز مأاملك ولم ارى من ياخذني لأحظانه..!
ربما
الزمن الشحيح ..والعواطف الميته..
هي السببـ..!
سامحيني..يامن كنتي..امـ....ـي



كـ \وصيت قلبي عليك


اغلقت مذكرتها وهي تبكي على النتيجه اللي توصلت لها...وعلى اليأس اللي انفرض بحياتهــا..
خــلاص..
قبل دقائق اكتشفت فعليا انه امها ماتت..وبدون رجعــه..
؛

دخلت عليها ساره قبل ساعات وخبرتها بخبـر تمنت تسمعه من سنين عده..ولحظـه حلمت فيهـا منذ ألأزل..
امها بتوصـل اليوم..وبتزورها..هذا اللي قالته سـاره..!
وهــي!؟
..وش حالها هي..!؟صدمـه..رهبـه..حنين قديم..واشواق متبعثـره ومحتاجه مين يجمعها....حاجه غريبه كانت تدب بااوصالها وتضخ الدم بحراره بخلاياها....حاجه حلوه وبنفس الوقت مؤلمه..لكن ألمها كان حلو..احساس جديد..اول مره تشعـر فيه..يمكن كان موجود بداخلها,,لكن ماتفجر الا هالليله..

وليتها..ليتها ماشعـرت فيه..يمكن حالتها بتكون اقلّ وقـع من الدمار اللي تحس فيه هاللحظه..
لأنه وبكل بساطه امها رجعت للبقعه اللي كانت فيها..
والسبب انه زوج امهأ اظطر يرجـع الرياض لعمل طارئ لايتأجل..
وانتهت اللحظه الحلوه..واندفنت المشاعر قبل ولادتها.....وبدون مايحدث لقاء بينهم..وتجتمع القلوب اللي فرقتها الأيام..

ساره\خلاص حبيبتي..اعذريهـا..هي مسيره..مو مخيــره.!
عايشه رفعت ايدينها باستسلام وكحلها سال ذاب بعيونها وسودّ اهدابها \رجــاء..لاتحطين لها اعذار..وخليني بحال..خليني انساها..انا ماابيهــا..قولي لها لاتجي ولاتسأل عنــي..قولي لها انسي عايشه..انسيهـأ..
ضربت خدودها بقهر وحرقة قلب..كانت متزينه لها..كانت تبي توريها انه بنتها كبرت وحلوة..لبست لها احلى الثياب ..وتعطرت باجمل العطور واغلاها..ورتبت الصاله والممرات....وغرفتها..وبخرتها..كانت تبي تعلمها انها تسكن هنا..وتنام هناك..تناديها بالقرب من نافذتها.. وتدعي لها بمصلتها باانه ربي يحفظها من كل شر..وتبكي عليها بمخدتها الورديه اللي تشهد لحظات وحدتها....وتقول لها انا مسامحتك بس رجعي لي وخليك جنبي..لاتتركيني..يمه انا حزينه....مجروحه..ووحيده..
وهذه تتركها مثل كل مره....لكن الألم اليوم زاد وتعدى الحدود..

ساره تجاهلت ردها وكملت\والله ياعايشه انه امك كانت متشوقه تشوفك وماصدقت زوجها ينزلها الشرقيـه..لكن ربي مو كاتب تتلاقون..ان شاء الله بالصيف بتشوفون بعــض..
وقفت على طولها وكأنه شي هزها وجرحها من الداخل\بسهوله ..تتوقعين اني انسى انها كانت بتجي بسهوله....و اقدرّ أأقلم نفسي اني بشوفها بالصيف..لا ياساره...اناا موقد هذا كله..وبعدين..ليش تجي..ليش توها تفكر انه عندها بنت...بنتها اللي ماافتكرت تسأل عنها وهي صغيـره....بعد أيـــش..بعد ايش قولي.!؟؟؟
ساره\رجعنا للموضوع مره ثانيــه.!.
عايشه\وهو انتهى عشان نرجـع له..!؟تدرين..انا..آآآنا امــي مااااتت..ماتت من زمان..
انصدمت ساره من كلمتهــا وتألمت على الحال اللي توصلت لها بنت اخوها\عايشـــه.!؟لااا
سالت الدموع من عيونها وهي تقرّ وتصر باللي نطقت فيه\ماتت ياساره..
--------------



على صوت اذا العشاء\

بكل فخـر..ومجن..وكبرياء..كان جالس على المقعد الذهبي مثل ألأسد المالك..وهو يرد على موقفهم السلبي بلهجه قاسيه ...وفرحـة الفن حاجبه عن عيونه اموره كثيـره ماوضعها بالحسبان..والمصيبه الكبـرى انه اخته فخوره لتحقيقه حلمه..وأسرتها فكرة انها تكون اخت الفنان الصاعد السعودي ..مصعــب..

بدريه\جبتك عون..وصرتي لي فرعون..!
لولو كرهت سلبية امها وتفكيرها المحدود\يمــه..بدال ماتفرحين انه ولدك مصعب بيطلع لفــوق..توقفين ضده!؟
بدريه كانت تحس بالغليان بكل مفاصلها\انتوا بتجنوني..والله لو ابوكم عايش ماكان رضى بهالحال..
زفرّ مصعب بضيق وهو يناظر ساعـته الجلدية..ساعتين فقط وبتحين موعد طيارته..وبيسافر مصر لأجل يسجل اول البوم له..وامه لازالت محاضرته في بدايتها
هبّ وافق على طوله\يمه..عندك شي ثاني تبين تقولينه..
بدريه\ايــه..وبنره رجاء كملت..ارجع في قرارك ياولدي ترى الطريق اللي تمشي فيه بيضيعك..!؟اسمعني لو مره وحده..والله اني خايفه عليك..
ردّ عليها مصعب بكل قسوه\يعني يوم بحقق اللي حلمت فيه..وبوصل للي ابتغيه..بتوقفين بوجهي..مو انتي اللي كنتي تتمنين انه حياتي تستقر..
قاطعته بقهر\لكن مو بهالطريق..!؟
مصعب\وشفيه هالطريق..يمه لاتمنعيني على شي كنت ابيه من زمان..صعب انه افرط فيه بعد مالقيته..والفرصه ماتجي الا مره وحده..
بدريه\ودراستك..
مصعب\الدراسه مو طايره..وانا اصلا موقف هالسميستر..
بدريه بقهر ردت لأنها ملت من كلمة توقيف..ملت من استهتار ولدها\وهذا حالتك..كل مره بتوقف وبالنهايه بتطلع فاشل من الجامعـه..

انجرح من كلمة فشل..وامه صابت الهدف وضربتعلى الوتر الحساس..
فشـــــل
ياثقل هالكلمه عليه..وياعمق جرحها ..
فشــل
الم..وضيــاع..ودوامه مالها اخر
فشــل
حقيقه مره وقاتلــه..


ردّ عليها بهدوء والكلمات تطلع مغصوبه من روحه المجروحه..
\هذا انتي قلتيها ..هذا انتي قلتيها ياام مصعب...ولدك فاشل..وماعمره فلح بدراسته...وطلـع من البيت وهو بقمة غضبه وبدون مايودعهم..والله العالم متى راجع لهم..!؟
وسافر مصعب..سافـر لمصـر وقلبه صابه مرض الا مباله سواء عن اهله..او دينه..وربه اللي خلقه..
وحتى خالته هيا وبناتها اللي متعود يسلم عليهم قبل مايسافر أي سفـره..نسى يودعها..او يمكن..تناسى..كل شي ممكن..!؟

وتوالت الأيام سريعـه..وهادئه..
فريده وصلها خبرّ سفر مصعب وحلفت اقسام وايمان انها تنساه..وتفكر بدراستها..
اما حنان فبدأت تقتنع انه دراستها بالأردن شي واقع لامفرّ منه ..وألأماني عمرها ماوصلت للأنسان بسهوله...وبهألأقتناع السديد رجعت لحياتها الطبيعيه..واولهم التصاميم اللي احدث فراغ كبيـر بنفسها..
ومذكرة عايشه الذهبيه تسجـل جميع احداث حياتها وتترقب للنور والنشر..وموقف امها لازال ينعاد بذاكرتها..واذا قالت انها ماتت بالنسبه..فهذه اكبـر كذبه ممكن انها تقترفها..لأنه امها وبكل بساطه تنكتب بكل سطر تخطه ايدها..
اما لولو فالمظاهر والحفلات مستحوذه نص ايامها ومانقدر ننكر وجود سامي اللي اضاف طعم جميل في حياتها.... لولا غموضه اللي لازالت جاهله اسبابه لغاية ما انكتب اليوم اللي بدأت تحس انه الموضوع زاد عن حده ومو لأنها صغيـره على هألأمور بتلتزم السكوت.

عايشه\وضحي اكثــر..وجلست بقربها بعد ماوزعت الشوكلاته وطلبت من فريده تصب القهوه لأنه الموضوع شدها..
ذابت شريحة الشوكلاته بفم لولو وكملت اللي بدأته\قصدي..اممم..يعني هو..وانا..ما.. زفرت بقوه..ياربيه..مو عارفه شقول..وحجبت وجهها عنهم باايدينها الصغيره..
ناظروا البنات في بعـض..وهم متفاجائين..!؟
من متى لولو يصيبها الخجل..!؟
وماخطر في بالهم ابدا اسباب هالخجل الغريب ومبرراته.!؟
صرخت فريد بااسلوبها الخشن\اقول..بلا عبط..وقولي وشفيك..!؟
ابعد لولو ايدينها وهي تسب وتسخط بفريده\والله العظيم انك دفشــه..وماعمرك بتتغيرين..
رفعت فريده ارجلها من الأرض واخذت قطعتين من الشوكلاته..وحده مضغتها بسهوله..
واخرى تهم على فتحها \خلصي علينا وتكلمي..!؟
رمقت عايشه بنظره وابتسمت لـ لولو\ماعليك منها.؟؟كملي كلامك..
عصبت فريد واشرت على عايشه بأيدها\هي انتي..مو لأنك عازمتنا في بيتك تسوين نفسك كبيرتنا..!؟
ضحكت حنان\والله انك هبله..
فريده لوت فمها بقرف\تكلمت هالحالمه..!؟
حنان ضحكت بجنون\موتي حررره..
تجاهلت عايشه فريده ولا ردت عليها..وهي عارفه انه اسلوب التحقير بيذبحها\لولو.
اخذت نفس لولو وتممت بخجل\طيب..انا قصدي..والا شوفوا..بسالأكم سؤال..بس بليز.لاتعاملوني اني طفله..اوكي..
البنات بصوت واحد وبدأ صبرهم ينفذ\اوكي..
لعبت لولو بشعرها البني وقالت\اي اثنين اذا تزوجوا..لازم يكون بينهم..بينهـــم..لاااااااااااااا.. والله مقدر..ورجعت تخفي وجهها بخجل فاضح..
وصرخوا البنات بعد صرختها..
وعايشه شعرت انه اللي بالها صح..فحبت تخفف العبء على لولو..وقربت منها..\انتي قصدك..وكملت حديثها بصوت هامس ماسمعها غير لولو.وسط نظرات حنان وفريده الحارقه والفضوليه..

شعرت لولو بالبكاء اثناء ماسمعت كلام عايشه اللي كان صحيح وكأنها عايشه الموقف.....شكرتها بسرها على هالمعروف وطلبت منها تفهم البنات وهي بدورها قربت منهم ونقلت لهم الكلام
وكانت ردت فعلهم صرخـه اكبـر من اللي قبلها..وعلامات استفهام تتمنى اجابه سريعه لهالموضوع المفجع
فريده وقفت على طولها من اثر الصدمه\شهـر مرّ على زواجك..وهو..وهو..
لولو وهي حزينه\مالمسني..
عايشه تكلمت باهتمام\طيب ماعرفتي ليش.!؟
لولو بنفس يائسه\لا..
فريده ضمت ايدنيها بقهر\والله اني كنت حاسه انه هالرجال وراه بلاء..
عايشه رمقت فريده بنظره
فريده لوحت باايدها بعصبيه\اقول لاتطالعيني ..ماني ساكتــه هالمره..انا ميته قهر..
عايشه\طيب..طيــب مو لازم تصارخين..هالأمور ماتنحل بعصبيه.... لولو حبيبتي..ليه ماحاولتي تكون المبادره منك..!
لولو اطلقت العنان لدموعها ولأول مره تحس انها صغيــره جسديا ونفسيا على هالموضوع اللي اكبـر منها\والله حاولت .وربي عالم..في البدايه افتكرت انه هو بيبادر..ومرت ايام..وهو ماتغير..قلت يمكن مني انا الغلط..او يمكن انا جاهله هالأمور..ومسحت دموعها ثم كملت..فتحت الكتب اللي اهديتيهم لي..وقرأتهم كلهم..وطبقت اللي مكتوب بالحرف الواحد..والنتيجه كانت وحده..صحيح اني نادر مااشوفه..وشغله واجتماعاته وسفراته ماخذه كل وقته..وصحيح انه يعاملني مثل الجوهره الغاليه اللي محرم احد يشرخها..لكنه مايعرف انه الشرخ جاء منه هو..توقعته ينصرع بجمالي واغريه لكن اللي ذبحني انه ماعبرّ هالجمال وقابلني بالصدّ والهجران..والله صعب على أي انثى تتودد لشخص وهو يتحاشاها فما بالكم بزوجها..اجهشت بالبكاء وهي تكمل ..ساعدوني..والله اني ضايعه..!؟
حنان تأثرت بنبرة الحزن اللي بصوتها..قربت منها..وطوقتها بقوه..وخلتها تفرغ كل حرتها..\وانا اللي مفتكرته رجال وابن ناس..
ابتعدت عنها لولو بقوه\لا..حرام عليك..والله انه طيب ويعزني..بس شكلي انا اللي مافهمته..!؟توقعت اني لمن ارجع من السفر بستغله من جميع الجوانب..واللي صدمني انه هو يهديني بدون مااطلبه..
فريده عصبت لأنه لولو بتظل لولو وفكرها ماراح يتغير\وانتي للحيين ناويه تستغلينه..وشلون مافهمتيه..المسأله مايبي لها نقاش..!
لولو\يعني شنوا..!؟شسوي..!؟نوروني..!
جلسوا حولها..وهم يفكرون بمشكلتها الحرجه..وكل شوي يعروضن عليها افكار جديده..لكن كل افكارهم جربتها لولو..لمن عايشه توصلت لحلّ ارغم الكل يصرخ بفرحه على عقلها الراجح.!؟
حنان\صح كلام عواشي..المصارحه افضل طريقه...
لولو\بس هذه يبغى لها جراءه..!؟
عايشه جاوبتها بصراحه \شوفوا مين يتكلم..لولو حبيبتي..انتي تملكين سلاح الجراءه والإغراء والكلام المعسول والأقناع..
فريده بنبره خففت من اعلاءها\والدلع..
عايشه\ايوه والدلع...في البدايه ادخلي بمدخل الأطفال..وشوفيه..هو يحب الأطفال او لا..ومن اجابته بتعرفين وش سبب صده لك..!؟
لولو\اخاف يقولي وشفيها هالبنت مفجوعه..!؟
حنان ماقدرت تكتم ضحكتها\ههههههههه خليه يئول لبكره..هذا حق من حقوقك..
لولو\بس انا ماابي اطفــال..!مااحبهم..قصدي.مااحب اسمع صياحهم..احب اشوفهم من بعيد بس..
فريده\مدري اضربها على راسها هالغبيه..انا عارفه انك مو شي مع ألاطفال...بس مثل ماقالت لك عواشي..ادخلي من هالمدخل..وبكذا بترفعين الحرج عنك وعنه..!فهمتي ياحظي..
لولو\تصدقين.تذكريني فيه..نفس حركاتك واسلوبك..!؟
فريده اتسعت عيونها من خلف النظاره البيضاء\منوا!؟؟؟؟؟؟؟؟؟
لولو\سامي..
ضحكت عايشه وحنان..اما فريد رمت المخده على راس لولو بقهر..وخربت تسريحة شعرها..
لولو\اييييييييييه وعمى.!؟
عايشه\هههههههههههههههههههههه لاتجيبي لها طاري الذكور..هي توها تعرضت لموقف جدا سخيف..!
وبكل استمتاع ذكرت حنان الموقف للولو اللي بمثل ضحكت وماقدرت توقف..
فالتقطت فريده جميع المخدات اللي حولها..وصارت تضرب الثلاثه بكل حره..واصبحت الصاله ملعب تنس ..والفائز كانت فريده لأنها كانت ترمي بدفاشتها المعهوده..
وتناست لولو نسبيا الكارثه اللي وقعت فيها..لمن قربت العزيمه بالأنتهاء..ووصلت الساعه لـ 10 بالليل..
حنان\شو ئلتي..بتطبقي اللي حكيناه..!؟
عضت لولو على شفايفها وقالت\بااقرب وقت..
دخلت عليهم عايشه وهي تناولهم عبيهم\وليش مو اليوم..!؟
لولو بخيبة امل بانت بملامحها\لأنه مسافر..اصلا انا مااشوفه الا مره او مرتين بالأسبوع..لكن بنهاية ألأسبوع بتكون حفلة استقبال علشاني..وهو بيكون متواجد..
فريده\وكل هالحفلات اللي كنتي تحضرينيهم حق شنوا..!؟
لولو\اللي تبين..عيد ميلاد..زيارة مرت وزير..حفلة نجاح..والله قرف..كرهت هالحفلات..كرهتهم من قلب.لكني مظطره احضرهم..لأجل محد يقط علي كلمه..ومظطره ابتسم كل دقيقه لأجل مايقولون وشفيها مرت ولدكم شينه..!
فريده زفرت بضيق \لاتتذمرين انتي اللي بغيتي تدخلين هالعالم يالولو..وتكونين منهم..ومطالبك كلها تحققت....وش تبين اكثـر..!؟

سكتوا البنات..بعد حديث فريده الواقعي والمرّ..وكانهم فعلا يأيدونها قولها....
شعرت فريده انها زودتها على بنت خالتها اللي مو ناقصه هم!..
فحبت تغير الموضوع وليتها صابت\وبعدين تعالي..ليه توهم يسوونها..!اقصد الحلفه,,
لولو تنهدت بااسى\سامي طلب يأجلونها لأنه ماكان فاضي...وانتوا طبعا اول المدعوين..
عايشه\وين بتكون الحفله..
لولو\بقصر الوزير..
لبست فريده عباتها ورتبت هندامها وعقبت بااستخفاف\قصدك عمك ياخبله..
لولو ماكان استخفافها اقل من فريده\خليني اشوفه عشان اقوله عمي..
حنان\والله انه حالتك حاله انتي..
لولو\خليها على الله..
طلعوا البنات بسيارة لولو وهم مصدومين وحزينين على حال صديقتهم..ماتوقعوا بيوم لولو تتعرض لهالموقف الحرج..بالرغم من امتلاكها كل شي كانت تتمناه..القصر....والنسب.. والمال ..
لكن كل هذا كان كماليات فانيه..والسعاده الحقيقه عمرها ماتشترى بماده..
-------------













بمنتصف الليل..وبسواده المظلم..\

رفعت الرصاص ورسمت حدودها الشماليه"لبنان وسوريا"ونزلت للحد الغربي..وكتبت البحر المتوسط..واكملت الحد الجنوبي بمصـر..والشرقي بالأدرن..
رجعت للشمال الغربي وكتبت بشكل تنازلي عكا وحيفا وتلّ ابيب ويافا وغزه..
وبالمثل بالشمال الشرقي طبريا وبيسان واريحا
وبالوسط.. القدس وخليل
شعـرت انه الرسمه لازالت غيـر مكتمله..وفي شـيء ناقصـها..فكرت برهه..
واثناء تذكرها..ابتسمت بفرح..وكتبت بقلبها بخط كبيـر وعريض "فلسطيــــن"

وبكذا اكتملت الرسمــه بنظرهــا..
وبـ الم..وجرح غائـر..شكلت دوائر باللون الأحمر على تلّ ابيب ويافا وطبريا وبيسان والقدس..وغرزت بجانبهم كلمة "محتلــه"
طوت الورقه بحـزن..وفكرت انها تدخل للشات قبل ماتنام وتفرغ كل طاقاتها المكبوته والحزينه فيه بالرغم من دخولها الظهر بعد رجعتها من المدرسه..لكن دخولها مره واحده مايشبع رغباتها لأنها بكل بساطه..ادمنــت..

..وقفت على طولها ..لكن اوقفها رؤية مجموعة الكتب بااعلى الرف اللي اشترتها من قبل يومين ..امتدت ايدها والتقطت اول واحد وكان لـ د.طارق السويدان بعنوان "فلسطين التاريخ المصور"
وقرأت اول ابوابـه

"لقد اورد التاريخ لنا ان بنى ابراهيم عليه السلام اسحاق ويعقوب قد ولدا في فلسطين ولكنهم من المهارجين اليهما ولم يكونوا مستوطنين بها ..ويعقوب عليه السلام هو ابن اسحاق ويوسف عليه السلام هو احد ابناء النبي يعقوب وفي القران الكريم ان يوسف ذهب عبدا الى مصـر الى ان مكنه الله تعالى واتاه الحكم والتأويل فأصبح عزيز مصر ومن ثم طلب اياه يعقوب واهله ان يحلقوا به الى مصر..فااخذ يعقوب عليه السلام جميع اهله وابناءه واقام فيها فلم يغادر من بعد ..وهكاذ انتهت هجرة هؤلاء من فلسطين واستوطنوا مصر فلا مجال ان يقال ان يعقوب عليه السلام من اهل فلسطين او من سكانها الأصلين وقد اثبت التاريخ وجميع الكتب هذه الوقائع غايه في الدقه والأتفاق وذريه يعقوب لم تكمل جيلا واحدا في فلسطين ..فكيف يدعي اليهود الآن ان فلسطين ارضهم بدعوى سكنى يعقوب عليه السلام بها فتره من الزمن!؟.."

والهجره الأخرى كانت هجرة موسى عليه السلام حين هاجر بقومه بني اسرائيل من مصر تخليصا لهم من فرعون وجنوده وهكذا نرى انا لم يدخولوا اليهود فلسطين الا مهاجرين اما اهل البلد ألأصليين فهم الكنعانيون وقد رجعت في قصصهم هذه الى الكتب المقدسه والغربيه..فقد انعم الله على بني اسرائيل فأنجاهم واغرق
ال فرعون وجنوده في البحر ولنا مع هذه القصه وقفه وعبره لنعرف من هم اليهود شعب اسرائيل ,

اغلقت الكتاب..وهي مقرره بعزيمه ونيه صادقه انها تتطلع وتاخذ اكبر قدر من معلومات لكل تاريخ وطنها واجدادها وتكـوّن قـوه تقدر بعدها تتخذها دفـاع وحصن لها ولأبناء بلدها..وهي قـوة القلـم واظهار الحق بالدلائل المدفونه..
بيدها رساله عظيمه..ولازم توصلها للجميـع..واذا عجزت عن فعل هالشيء..يكفي انها عرفت تاريخ وامجاد ارضها..
اتجهت لسريرها..وتكومت بالأغطيه الدافيه وهمتها اصبحت اكثـر علاء وقــوه وفخـر ..
ولسانها يردد وقلبها يقرّ
راجعين يافلسطين......
----------------
















باخر ايام الأسبوع..وبليله ظهر فيها الهلال\


الليله هذه بتكون ناريه ..واجابة لكل سؤال جاهله معرفتـه..
بتتعامل معاه بشتى الأساليب..سواء كانت مبادره..او اقناع .. او حتى جراءه..وعلى طاري الجراءه..فستانها اليوم ولونه الأصفر كان يشهـد على جرئتها في لبسـه..وبالرغم من بساطته الا انه الحرير ابرز انوثتها اكثـر..والتاج اللي يتوسط قمة رأسها يدل انها اميـرة سامي وحده..سامي اللي مااكترث لجمالها..ولا لدلعها..
ناظرت بعيونها المنحوته بكحـل اسود يسحرّ ويرجف أي قلب يدقّ.. "متى تجي ياسامي وتقدّر هالجمال..متـى!"
نزلت لضيوفها وهي تصبـرّ نفسها انها سامي على وصول..وكل شي بينتهي الليله.....والتقت بسوزان اللي كانت تصـرخ بااعجاب لها..
سوزان\لولو..شو هالجمال...!؟
رفعت انفها بغرور\ثانكس..
سوزان\اقولك خليك مغروره..لكن مو علي انا..!؟
لولو ضحكت \ههههههههه طيب..جوا البنات..!؟
سندس\صحباتك لسه ماجاو..اممم عزمتي فريده.!؟
لولو رفعت حاجبها بااستغراب\اكيد..بس وش معنى سألتي عن فريده.!؟
ظهرت ابتسامه خفيفه على وجه سندس اللي دعكته بلون البرونز تناسبا مع فستانها البحري\بس..كذا...واختفت مع زحمة المدعوين..
اما هي..فتحركت خطوات على مهلّ ..تسلم على هذه..وتردّ السلام على اللي بعدهـا..ولأول مره تشعـر انه هذا القصر جزء منها..او بعباره اصح..لأول مره تشعر انه من اهله وليست دخيله عليهـا..
يكفي انه النظره تغيرت..وبدال ماتصيبها الحسره لأنها خارج نسبهم المعظم فهي الآن مرت لأحد ابنائهم..
ومو أي ابن..هذا سامي اللي تميز عن احفاد العايله بثورته التي لاتقدر بثمن..
والمأدبه الليله..على شرفه وشرفها..
وعت من افكارها اثناء مالاحظت صوت امهـا امامهـا..
ابتسمت لها..وتقدمت تسلم عليها..واثناء مشيها لاحظت امراءه جالسه بالقرب من سوزان .. ترمقها بنظرات حاده..اشبه بنظرات تكبر واستعلاء..جذبها لون شعـرها الأسوده..وبياضها الصارخ..وماتقدرّ تنكر انها جميله..لكن اكيد هي اجمـل..ماكترثت لنظراتها وسلمت على امها...
لولو\يمه..ماجت معك خالتي..!؟
بدريه\قلت لها يابنتي...بس البنات ماخلصوا..
لولو\ماخلصوا...!؟؟؟الساعه عشر ونصف..
بدريه\كيفهم..انا اللي قدرت سويته..خليني اسلم على الحريم..
رفعت ايدها لولو تستوقف امها\يمه لحظه..لكن امها مشـت وماسمعت نداءها....
تأففت بسخط..وهي تناظر ساعتها الذهبيه المرصعه بالألماس..صديقاتها تأخروا..وهي وحيده بين هالجموع..
..ولاحظت المرءاه اللي كانت تناظرها تتقدم لها وصوت كعبها يدلّ على شموخها..
ادعت انها مااهتمت لقربها..ومشت تاركتها..لكن اوقفها صوتها..
المرءاه\لحظــه..
---------------------











10 و45 كانت تشير ساعة الحائط بغرفة فريده\




لبست على عجل سلاسلها المعتاده وحجبتهم داخل بلوزتها الشيفون الكحليه المخططه باللون الذهبي..وهي تسمع صرخات امها بالصاله تستعجلها..ومن عظم توترها طاحت على ألأرض وهي تلبس بوتها الذهبي..
صرخت بالم..وقامت بصعوبه وهي تسب وتسخط بهالحفله اللي ماتسوى عليها ..وجلست على السرير وهي ترفع الجينز وتدخل البوت بغضب
دخلت عليها بدور..وهي جاره شهد ورغد معها..
فريده\فكوني قولي لأمي ..خلاص بطلع اللحين..
تقدمت بدور لها وشعرها الطويل اللي يغيض فريده يتحرك معها..وجلست التوامين جنبها..ومعهم مشط صغير وردي..وربطات بنفس اللون..
حست فريده بالمطلوب..ورفعت حاجبها بقهر\خير انسة بدور..
بدور\تقولك امي مشطي شعرهم..
فريده\وانتي..واحلاموا..وش معنى انا..!؟
بدور كتفت ايدينها براحه\لأنهم مايبون الا انتي.على قولتهم يبغون تسوين لهم تسريحة المجانين..
فريده\شنوااااااااااااا!...
بدور\ههههههههه هم اللي قالوا..
انحرجت فريده..وهي ترمق التوأمين بنظرات توعديه..ومن شافوا نظرتها حسوا بالغلط اللي ارتكبوه..وحاطوا فمهم بااياديهم الصغيره
خرجت بدور من الغرفه قبل ماتسمع رد فريده..
"يــاااارب" هذا اللي قالته فريده وهي تسرح شعرّ شهد ورغد..وهم ملتزمين الهدوء خوفا من أي صرخه او ضربه من فريده..
فريده\مره ثانيه يااخواتي العزيزات لاتقولون لبدور أي شي اقوله لكم فاهمين..
رغد كانت اكثر جراءه بعكس شهد الخجوله\زييين..فروده..!
ابتسمت فريده برضا وبتلقائئة انزاحت التكشيره على ملامحها لأن التوأمين هم الوحيدين اللي يدلعونها بالبيت..
فريده وهي ترتب شعرها من الأمام\ها حبيبتي..!
رغد\ابي انام بسريرك اليوم..!؟
فريده\ليش..وغرفتك..!؟
عبست رغد وجهها \بدور مو حلوه..كله تطول على المسجل بالليل.وماتخلينينا ننام.. وبعدين ماتخلينا نتابع الكرتون..احنا مانحبها.. صح شهوده..!
اومأت شهد برأسها بخجل..\صح..
بدأت فريده تصلح شعر شهد وهي تبتسم لرغد\اوكي..بس بشرط..
رغد بفرحه اطفال ردت\شنوا.!
فريده\اليوم بس تنامون اتفقنا..
دخلت بدور مره ثانيه وهي تلهث..وفريده على طول صرخت بوجهها\وعمـــى..ذبحتوني مايسوى علي اخت كبيره لكم..
انصرعت بدور من صرختها ومن هجومها المفاجأ \فريد..قومي بسرعه..قومي بوريك شي..
فريده\اوووووف وش تبين بعد...!؟؟؟
بدور\مصعب..!

غمضت فريده عيونها بقلق..ماتبي تسمع اخباره بعد اليوم..ولا تبي تنصدم بشي جديد ارتبكه...خلاص ياناس ارحموها..ولاتجيبون طاريه..!
وبعدم اكتراث ردة وهي توقف على طولها وتاخذ شنطتها الصغيره وعباتها\بدور..خذي شهد ورغد..وقولي لأمي اني خلصت
بدور\فريد..لازم تسمعيني..فريد مصعبـ
فريد قاطعتها\بدووور ماتفهمين..وبنره عاليه كملت..بررره..
احمر وجه بدور وطلعت وهي ماسكه التوأمين..لكن قبل ماتغلق الباب قالت\انتي الخسرانه اذا ماجيتي الصاله اللحين..
طنشت كلامها فريده..وظلت تدخل اغراضها الشخصيه بشنطتها الصغيره وتفكيرها مو معها..بكلام بدور اللي وترها..ظلت نص قيقه وهي تدخل بعض الأغراض بشنطتها ببعثره وعقل تايه..
ولأنها مااستحملت هالظغط المعنوي اكثـر..تركت اللي بأيدها وركضت مسرعه للصاله..وهي تشتم نفسها ومشاعرها وحبها..و كل الوعود اللي قسمتها كذب..
واثناء ماوصلت الصاله..ما شافت شي يثير الأنتباه..وحست انها اكلت مغلب سخيف من بدور اللي واقفه بالقرب من احلام اللي تناظر التلفاز بعيون حالمه بعكس نظرات بدور المعصبه.. ..
التفت بتلقائيه لناحية التلفاز...واتسعت عيونها من هول مارأت..
--------------------













على انغام موسيقى تركيه..وبوسط قاعة الحفله كان هناك حوار ناري\

"انتي زوجة سامي صح..!؟
استغربت لولو من اسلوب هألأنسانه الغريبه والمستفز..ونبرة حكيها المتعالي..يعني اكيد بتكون زوجة سامي..!؟؟؟؟؟؟؟؟
لولو\ايه..ورفعت شعرها بدلع..وتناثر على كتفها بنعومه..معاك لولو..
مدت ايدها وقالت بكل ثقه\وانا عاليه..بنت عمه..
لولو كرهتها من اول لقاء لأنها تكون بنت عمه ..وكرهتها اكثـر لأنها تشبها بغرورها وثقتها بنفسها...
ابتسمت ببرود..وهي تصافحها..\تشرفنا..
عاليه\عذريني لأني ماحضرت حفل زواجك..كنت مسافره و
لولو قاطعتها وهي قاصده\لا عادي..
عاليه انقهرت منها لكن ماوضحت\شخباره سامي..!؟
لولو\الحمدلله..
عاليه حبت تنهي هاللقاء \اكيد كلمك سامي عني..!
لولو رفعت حاجبها وهي متفاجأه من جرئتها\سامي..!
عاليه باابتسامه ماكره\ليش هو ماقالك..!؟
لولو\ما قالي...!؟

"

"

عاليه شخصيه جديده هلت على الطيور...!؟

لولو وسامي هل فعلا بتكون هالليله ناريه بينهم..!؟

فريده هل بيرجع مصعب لحياتها بعد اللي شافته!..

حنان ورسالة فلسطين اللي باايدها..!؟

عايشه وامها البعيده..!؟



اختكم


كـ \وصيت قلبي عليك

--------------------------------------------------------------------------------

الجزء الثامن
" لا "
--------------







لا..لااا..لااااااا\
تتمنى لو تقول لاّ بثقتها المعتاده..وكلمتها المسموعه.. وكبريائها الجامـح..
تتمنى لو تقول لا للحب..لا للألم..لا للحزن.. لا للجروح..والف لااااا لمصعــب..
صعبه عليها هالكلمه..!؟صعب تصد هالحب الكبير وتتجاهله..!
ليش تبين له الكره بوجهه..وبداخلها تحبه..!وتبكي على حبه الف مره..
وين القوه العظيمه اللي تتباها فيها..!
والأهم..وين الوعود اللي قطعتها على نفسهــا..!
مصعب لا يستاهل لا حب وفي .ولا دموع تهلها على بعده..
مصعب مايستاهل غير الجحود والنكران والنسيان....
لكن رغم كل هذا..هي مقهوره..مجروحه..وحزينه بلا نهايه..
متى تتخرج..وتدرس...وتحقق احلامها وتبين له انه هي افضل واحسن منه..
هي افضل من طموحه..واطهـر من ملاذاته,.
هي على ألأقل ماباعت اهلها مثل باع اهله عشان رغباته..!
هو القاطع..هو الجاحد..وهو اللي خاااان..
وبهالقناعات البسيطـه خمدت النار اللي بداخل فريده..لكن القلب لازال مجروح والله العالم متى بيتضمد..!؟
لكن صورة مصعـب..صورته وهو يغنــي بمخيلتها..وكانها لازالت تشوفه بالتلفزيون..
ماكنت تذكر وش غنى! او حتى وين صور الأغنيــه.!في ذيك اللحظه ماكنت تشوفه الا هو..هو وبــس؟؟

"فريييييييييييييييد"

فريد\........ها
حنان بلهجه قريبه من لهجة فريد\وجعاه..شو بك يابنت..من اول مادخلتي وانتي ساكته!فيك شي!..؟
فريد\..........
اتسعت عيون حنان بذهول..وناظرت عايشه اللي تشاركها الذهول والأستغراب..
وبهاللحظه تقدمت لهم لولو بوجه تكسوه الحمره والغضب..وضغطها على ايدنيها الصغيره ينبأ على حدوث شي كبير ازعجها..
جلست بقوه على الكرسي وهي تزم شفايفها الورديه لأجل تحافظ على هدوئها\الغبيه,..المتخلفه..المغروره..
عايشه\منوا..!منوا هذه!؟
لولو بصعوبه قدرت تنطقها\عاليه..عاليه
حنان\منوا عاليه..!؟
تكلمت لولو بحراراه..وعرضت لهم الحدث بتفاصيله..وطبعا بين كل كلمه كانت هناك شتيمه متحرمه منها لأجل تخمد القهر اللي يثور بداخلها..
عايشه\طيب..واذا كانت بنت عمه..!
لولو كررت الكلمه بالم\وصديقته..!صديقــته..صديقته سمعتي.!
حنان\سمعنا وعمى..ليش تعيدينها!
لولو \ياربي..
عايشه\لولو وش هالتخلف..واذا قالت لك انها صديقتــه من هم صغار..وشفيها!؟؟؟
لولو\لا..بس ليش اللحين.!انا عارفه..هي تبي تغيضني.!؟
عايشه\هذا انتي قلتيها..يعني لاتحطين عقلك بعقلها..!
لولو ضربت رجلها بالأرض\ودي ذبحتها..وشمخت وجهها..الغبيه..ماشفتيها كيف تكلمني من طرف خشمها..
عايشه\وانتي بعد ماقصرتي..مشيتي ولا كأنك تشوفينها..
لولو \تستــــاهللل ..والله خليتها مثل الحشره..كان ودي اعمل اكثر بس مسكت نفسي..
حنان\ياهبله لاتخلين افكارك الغبيه تسيطر عليك..ومثل ما قالت عواشي كانت صديقته ..واللحين انتي زوجته.ولاتخلين كلمه منها تخرب عليك هاليوم..لاتنسين انه هذه حفلتك وسامي بيجي الليله وبتكلمينه بالموضوع..
التزمت السكوت لولو بعد كلام حنان المقنــع..لكن السكوت ماكان غير ثواني
لولو\ليتني اقدرّ..والله مقدرّ
عايشه ابتسمت بحب\كل هذه غيره..اثاريك تحبينه.!؟
لولو بتلقائيه ردت\منوا..؟؟يخسي...!
عايشه ثارت بغضب\لــــولــــــــــو.!؟.....
لولو ماتعرف كيف طلعت منها هالكلمه..بس اللي تعرفه انها انقهرت من هالأستنتاج الخطيـر..
هي تحبه!.!معقوله تحبه!.؟؟
مستحيل..هي اصلا..ماتعرف تحـب..وتكره اللي يحبون ويتعذبون بالحب..!
هي ماتحبه..هي فقط..تعتبره من ممتلكاتها..والمفروض تحافظ عليه..
هي ماتنكر انها تعجب بشخصيته..لكن حــب..لايمكــن!؟
لايمكـــن!؟
حنان\والله انكم تجيبوا المللّ..انتي هبله ومابتعرفي مصلحتك..وفريد ماده البوز شبرين..ومابدها تكلم حدى..قرف يقرفكم على عيشتكم..!
لولو توها تنتبه لفريد اللي لازمه الصمت ومتكومه بالمقعد بكل راحه وماده رجلينها كعادتها وحده شرق واخرى غرب وكأنها شبه نائمه\شفيها!؟
عايشه وحنان بنفس اللحظه \مانعرف..
لولو\فريد..
فريد\........
لولو\فريد..انتي معنا..!؟
فريد\معكــم..وبنفس همساتها ووضعيتها كملت..اكيد معكم..
لولو\طيب شاركينا.!؟
طلعت آهه من فم فريد\وش تبيني اقول..كل اللي الحكي اللي انقال انا معهم فيه..ماعدا شي واحد انا معك فيه..!؟
لولو بفضول ردت\شي واحد!؟
التفت لها فريد وناظرت عيونها\لاتحبينه ..والا اقولك..لاتعرفين معنى الحب..لأنك بتندمين..مثل ماانا اللحين اعيش هالندم..
عايشه\فريد..احسك فيك شي..ليش هاللهجه في طريقة كلامك..!
فريد\مو لازم تعرفون..ابتسمت لهم ابتسامه عبيطه ماكانت بوقتها..تدرون ودي ارقــص..خلونا نرقــص..ابي اغير جو..لولو قولي لراعية الدي جي..تحط مساري.مشتهيه استهبل..ابي اضحك واصرخ..وابكي وافرغ كل طاقتي..
تفاجئوا البنات من التغيير الغريب اللي حلّ على صديقتهم..سكون بعده جنون!اي مزيج انتي يافريده!؟؟؟
فريد صرخت ولوحت باايدها\لاتناظروني كذا..قوموا يالله..!
قاموا البنات على عجل..وفريد تشجعهم يتقدمون اكثر لناحية الدي جي ولولو طلبت من صاحبة الدي جي تغير الأغنية فورا..وبدئوا البنات يتمايلون على وقع الحان الموسيقى وعيون الجميع تراقب هالرباعي العجيب اللي ياما اثار اعجاب الكل..وكل وحده منهم كانت تتمايل بحسب نفسيتها.فريده كانت اقرب للجنون بحركاتها ايدها وارجلها السريعه..وحنان عيونها الحالمه كانت اقرب للأفق..وعايشه تتحرك بخطوات هاديه وتائهه..اما لولو فكل طاقاتها فرغتها بهالحلبه وكل مواهبها اخرجتها هنا لأجل تغيض عيون عاليه اللي تجول حولها..
-----------------------











على الساعه الواحده فجرا..وبحديقة القصـر\

رفعت غطاءها المزين بنقشات ورديه دقيقه..وشدت على ايد صاحبتها بلطف..
عايشه\ما اوصيك..خليك هاديه..واظبطي اعصابك مهما كانت الأجوبه..!
عضت لولو شفايفها بتلقائيه\والله مدري عواشي..هل بقدرّ اتحكم بااعصابي او لا!؟
عايشه\انتي قدها حبيبتي..لاتخافين..!؟
جالت عيون لولو على بتلات الورد المرصوصه على طول ممر القصر بوئام واريحه\طيب..اذا صدني مثل كل مره..!؟
عايشه\ليش تتوقعين الأسوء..!وبعدين مثل ماقلت لك لاتحاكينه وهو خلاص مفتح عين ومسكر عين..اختاري الوقت المناسب ياحلوه..وابتسمت بمكر..وبعدين مااظن وهو توه ارجع من السفر بيقدرّ ينام..
لولو ابتسمت بخجل لكن قاومت هالخجل بااستهزاء\ايه..واكبر دليل انه جاي من زمان ومافكر يسأل عني.!
عايشه\يمكن انشغل بالمعازيم..ماشاء الله معارفهم كثيـره..وكلهم من الطبقه الراقيـه..!
لولو\آآآه ياعواشي..وانا وش كان مجنني غير هذا..!
فهمت عايشه جملة صديقتها\خلاص اللي راح راح..ومانبي نندم على أي شيء..المهم..حاكيني اذا استجد أي شيء..ماارح اقفل تلفوني..!يالله..سلام..وطبعت بوسه سريعه على خدها..
لولو\سلام حبيبتي..
ودعت لولو عايشه لغاية مااختفى طيفهــا..ورفعت عينها للسماء المغيمه وتبشر بقدوم الغيث..رجعت للقصـر بخطوات بطيئه وهي مكنسه رأسها جاره معها اذيال فستانها الأصفـر والتاج الذهبي اللي يتوسط شعرها كان يحكي قصة اميـره تائهه وسط معمعة حياه رماديه..
واول مادخلت القصـر..وبصالة الأستقبال خيـلّ لها صوت ظحكاته..رفعت رأسها ببطء..وماخابت توقعاتها ..
كان جالس على كنبه مزدوجه بثوبه الابيض الناصع..وغترته البيضاء ويتوسط امه وسندس اللي ماليه عليه بدلع وتضحك معاه..ومالك الصغير جالس على رجوله ويلعبه بخفه..
شعـر بوجودها ورفع عيونه لها وابتسم ابتسامه حنونه ومشتاقه..
سوزان\خيي..شو رأيك بهالقمر الليله..!حلو الأصفر..مو!؟
زادت ابتسامته وتقدم لها بعد جلس مالك على الكنبه وباسه على خده.. وهو يلاحظ خجلها وخصوصا انه العايله جميعها مجتمعه واولهم ابوه..وخواته..
لمس ايدها البارده..وسلمّ عليها..واكتفى بهالشيء..لكن عيونه كانت تفيـض مشاعر واحاسيس جياشه..
ولأنه ماقاوم اثكر فقال قريب من اذنها\..وحشتيني..
اقشعـر جسم لولو من كلمته..وحنان صوته..وبلا شعور..غمضت عيونها بخوف وشعرت انها ودها تبكي..وبنفس الوقت تضحك..
انتهت هاللحظه بصوت سندس العالي..
سندس\ياهوااااااااااا حنا بالصاله..
التفت سامي لها بقهر\اكرمينا بسكوتك لو سمحتي..!
شدّ ايد لولو وجلسوا بااقرب كنبه ولأول مره يكون هالأجتماع العائلي..اللي نادر مايحصـل..
رجعوا يكملون حديثهم..ولولو الوحيده اللي ملتزمه الصمت بينهم.... لكنها ماقدرت ماتردّ أبتسامته الحنونه اللي يقابلها بوجه الجميـع.. ولاقدرّت تنكـر اهتمام سامي الشديد بـ مالك ولد نوره اللي بسن خمس سنوات..وتعلق ألأثنين في بعـض وهو يشده لصدره ويمسح على شعره بحب..
وغصبن عنها..نزلت هالرحمه بعيونها وهي تـتامل مالك وهي اللي بيوم كانت تكره الأطفال..لكنها اكتشفت شي خطير اليوم..
اللي يحبه سامي..هي بلا شعور بتحبه..!؟

صحت من افكارها على صوت سامي\لولو..لولوووو..وينك يابنت الحلال..
التفت لولو له\وحست بنظرات الكل متجه ناحيتها..فعرفت انها سرحت ..
لولو\هلا..
سامي\الوالد يقول الليله بنام هنا..بسبب الرعد والمطر..و ش رايك!؟
بلا شعور اعتفست ملامح لولو..!كيف نست انها اليوم بتناقش سامي بالموضوع..وبتسأله عن بنت عمه المغروره!.؟
ام عبدالله\انا اقول..باتوا الليله هنا..وانت ياسامي تعبان واكيد تبي ترتاح..!
سامي\يسلم لي هالقلب يايمـه..تعبان حدي..ومانمت غير ساعتين..!
حست بالكآبه الشديده..يعني معقوله الموضوع برضوا بيتأجل!
أي حظ هي فيه..!؟
كيف بتصبر ليوم ثاني..بتجن لو ماتناقشت معه الليله..!؟
لولو بقل حيله ردت\خلاص سامي..ننام هنا..!
وجهه كلامه لنوره وهو يطبع بوسه عميقه لرأس مالك\ولدك شكله نام بحظني..بدون مايحس..
نوره نادت ميريم تطلع مالك لغرفته..
سامي\طيب تعالي انتي شيليه..!متى بتتحملين مسؤلية ولدك.!
نوره بضيق اردفت\اوووه ..مافيني..ظهري بينكسر..!وهو كل ماله ويزيد وزنه..
ام عبدالله\بتحسدين ولدك يابنت.!
سامي\الله يهديك بس..وضع سامي مالك على الكنبه..وهمّ بالوقوف..ومسك ايدّ لولو
سامي\يالله تصبحون على خير..وبنفس الشيء لولو تمتمت بصوت هاديء تصبحون على خير..
الجميع ردّ\وانتوا من اهله.!

\

تلمست اطراف مفـرش السرير السكري المحدد بلون الذهب وهي تشكل خطوط وهميه تدلّ على توترها الفاضـح..فصخ غترته ورتبها وفتح اول زرين من ثوبه..وتقدمّ لها وجلس بقربها وكعادته مسك ايدها وحاوطها بااصابيعه..
سامي\كل اللي طلبيتيه جبته لك..وفي خاتم الماس لو تشوفينه بتبرق عيونك فرح..!
ابعدت ايده بجفاء واتجهت للتسريحه وارخت التاج اللي محاوط رأسها ووضعته على الطاوله بهدوء..
لمس سامي كتوفها البارده من الخلف وبنبره رحيمه عقب\اميرتي ضايقـه..!
ناظرت انعكاس صورته وهي تحس انه هذا الوقت المناسب..
حاولت تجمع كلمه وتشكل جمله..لكن ماتدري ليه كل شي حولها يقيدها..ولسانها انلجم..
لولو\سامي..
سامي باابتسامه حنونه\عيون سامي..
لولو وبعقل فارغ قالت\ماعندي لبس نوم..ومقدر انام بالفستان..!؟
سامي\ولايهمك..ابتعد عنها وفتح الدولاب..وهي تمنت لو تعطي لنفسها كف قوي من شدة غبائها..
فرصه ثمينه وانتهت بسببها..وماتدري هل بتكون في افضل من هالفرصه او لا..
استجمعت قوتها والتفت له..ولاحظته يفتش بين الرفوف الممتئله بالملابس لمن حصل له على بدله حريره سكرية اللون..
قابلها وبوجهه ابتسامه طفوليه وهو يحك مقدمة رأسه\يعني اكيد هي بتكون وسعيه عليك..لكن تمشي الحال..!؟وبنطلون البيجامه يستحسن تفسيطينه..!
مدّ لها البيجامه وهي بتلقائيه وضعتها على جسمها ولاحظت طول البنطلون الغير الطبيعي..والبلوزه اللي توصل لتحت اردافها..
سامي\البسي البلوزه بس..
حست بالدم يضخ بخلاياها..وبلا شعورّ احمرّ وجهها واذنيها..
اول مره سامي يكون جريء..!
وهذه خطوه بتكون من صالحها..!
دخلت دورة المياه بخطوات مرتبكه..وغسلت وجهها..ولاحظت فرشاة اسنانه..وهي بالعاده لازم تفرش قبل النوم..فكرت انها تستعملها لكن كل مافكرت انها مو فرشاتها تحس بالأشمئزاز والتقيأ..لكن هذا سامي..!
سامي اللي علمها الجمال في بساطة الشيء..!
امتدت ايدها للفراشه..وبسرعه ابعدتها وهي معقده حواجبها..مو مهم..ان شاء الله تضل اسبوع بدون ماتفرش..مااراح تموت..!
لبست البيجامه بدون البنطول بغرفة التبديل وناظرت نفسها بالمرايه اللي تحاوط معظم الغرفه..
معقوله بتقدرّ تطلع له وهي بهالشكل..!
وليش لا,,,!كذا مره حاولت تستقل جمالها..لكن للأسف ماتوصلت لنتيجه مرضيه..
طلعت من الغرفه وهي تجرّ خطواتها..وتحثّ نفسها على الجرءاه..
حست بنظراته حوله..لكنها ماقدرتّ ترفع عيونه لها..وكلي اللي قدرت عليه انها تجلس بااقرب اريكـه وتنزلّ البلوزه لحد نهاية ارجلها لأجل تخفي سيقانها البيضاء..
جلس مقابلها..ووضع ايده على خده وطال تأمله فيها..وبكل جراءه وبدون تحفظ,,وكأنها ملّ من هالوضع اللي عايشه ..
وبعده برهه تحدث بنبره هاديه وجميله\حلوه عليك..ولابقه لك اكثر منـي..!
رفعت عيونها له ولاحظت عيونه النعسانه وتأكدت انه يقاوم لأجلها\شكرا....
سامي\بكره عندي كذا ورقه اوقعها..وبنطلع انا وياك لليل..لغاية ماتتعبين وتنامين..!
لولو فرحت لأنها لها فتره ماطلعت معاه لوحدهم وهي بالفعل محتاجه هالطلعه \بنشوف اللي بينام..انا والا انت!...سامي..
وقبل مايردّ عليها رمت عليه القنبله بدون مقدمات تذكر...منوا عاليه!؟؟؟
-------













بأول الصباح البارد..ووشوارعه الرطبه\

ضبطت قهوتها كما تحب وارتشفتها بتلذذ..ووضعتها على الطاوله..فتحت نافذة غرفتها وهبّ الهواء وتخلل خياشيمها اللي تتنفس براحه..
شعرت انه هالصباح غيـر..هادي..وجميـل..والأهم من ذلك انها سعيده نفسيا وجسديا..
ومعنوياتها مرتفعه بشده..وكلها فضـول لتكملة كتاب الدكتور طارق السويدان..ونست..او يمكن تناست انها تصبح على الشات اللي كان من اول اساسيات يومها..!
تقدمت لمكتبها الصغيره والمتواضعه واللي بلون البيج الباهت..وفتحت لغاية اخر صفحه قرأتها..وجلست الكرسي وبدأت تقرأ التكمله بااهتمام وحرص شديد..

"الهيكل المعزوم"تورد بعض المصادر ان سليمان عليه السلام هو النبي الذي بنى الهيكل الذي يزعم اليهود الى وجود الى هذا اليوم..والصحيح الوارد في المصادر الأسلاميه ان النبي سليمان كان قد جدد المسجد الٌصى ولم يبني هيكلا وانا جاءت كلة هيكل من كتب يني اسرائيل المحرفه..والتي تعتمد لا على دليل ولاسنه ولكي نوضح قضية الهيكلز.لابد ان نوضح بعض النقاط ومنها..1\قام ببناء الهيكل المعوم جنود وبنائيون الذين عرفوا بااسم الماسون أي البناؤون ومن هنا اتت كلمة ماسونيه..وهي حركه يهوديه خطيره تهذف الى بسط نفوذهم ..ولهم طقوس وشعائر عجيبه..وهي حركه معاديه للأسلم..
2\وصف بناء الهيكل اقرب للخيال في الكتب اليهوديه وفي مبالغه كبيره مثلا جعلوه قصرا كاملا من الذهب ..وامامه الذمبح المغشى ايضا بالذهب..
3\اليوم اليهود يبحثون عن الهيكل وجاء في متبهم وكثير من الروايات والأخبار ان هذا الهكيل هدم واخرق بالكامل ولم يبق منه حجر..
---------------









انا بالليل حائره..وبالنهار رجعت اكثر حيره\

ضلت ساعتين وهي مستلقيه على البانيو وصوت الموسيقى الأيرلنديه تسمعه بانصات وهدوء..لعل روحها ترتاح وتستقر نفسيـا..
تذكرت احداث امـس وصدود سامي الغريب عن الردّ..وتصغيره للموضوع وكأنه لا يعنيه اذا كانت عاليه بنت عمه او لا..!
هوصحيح وضح لها انه علاقته فيها كانت قويـه وماتتعدى الأخوه والصداقه..لكن ردوده مااقنعتها ابدا.و اظطرت تنهي الموضوع ومو عاليه اللي بتعكر صفو حياتها..
واظطرت ايضا تأجل الموضوع الأهم لأنها تذكرت نصايح عايشه لها ..واصرت ترجع بيتها الصبـح...وفعلا رجعوا وهي ماذاقت النوم دقيقه..كانت تسمع انفاسه الثابته وهو نائم بااسترخاء وهي بقربه جالسه على جمـر وقهر..وماقدرت غير انها تهمس بقلبها ..ليه..!؟ليه ياسامي.!وش اللي ناقصني عشان تصدني.!؟لهدرجه انا مااعجبك,,!اي غمـوض انت تعيشـه!؟
طلعت من البانيوا بصعوبه ولبست ملابسهـا برمودا جنيز وتيشرت اسود..وكل تفكيرها منحصر بنقطـه وحده..!
مافكرت تحط مكياج..!..تـاملت نفسها بالمرايه اكثـر,,وفكرت وش اللي ماانجذب له سامي.!؟
حست انها عاديه واقل من عاديه..!
كرهت نفسهــا..وكرهت شكلها..!
اعرفت من هاللحظه انه الجمـال شيءتافه كانت تتباها فيه..
تجمعت الدموع بعيونها..ووصلت لدرجة الأحباط والكآبه..!؟
سامي اعطاها كل شـيء..وخذلها بأهم شيْ..
سمعت صوت نغمة تلفونها..مسحت دموعها ومشت بخطوات مهزومه.. فتحت الرساله على عجـل..وقرأت المكتوب..
"اميرتي ..تأجلت الطلعه..انا عارف انك زعلانه..لكن عندي شغل متراكم ومظطر انهيه..يمكن اتأخر لليل"
رمت تلفونها على ارض السيراميك..وزادها هالخبر كآبه..!
-----------



تساقطت اوراق التقويم واتى يوم الثلاثاء\

اسبوعين فقط ويبدأ العد التنازلي..والطيور لا نعلم مامصيرها..هل ستحلق الى الأفق..ام ترجع لأعشائها..!
*
المدرسه تعجّ بالطالبات والضيــوف الذين حظروا اليوم المفتوح..الأقسام مرتبه بشكل مرتب ومنظم..ولمسات الطالبات واضحه بكل جهه..وكل قسم مميز وفريد عن باقي الأقسام..هناك طاولات مبعثره بجميع ألأتجاهات ..وامامها مطعم متواضع لبيع المأكولات السريعه وبعضها كان من عمل المعلمات..
و باخر الساحه هناك خيمه شعبيه مزينه بفوانيس ملونه واقمشه من صوف ووبر الحيوانات..وبوسطها اربع طالبات متبعرين لنقش الحناء .. اما بقية الأقسام فمتنوعه بين بيع اشرطة اناشيد وكتب منوعه وادوات للذكرى..وكوشك ايس كريم وذره...وباامام الساحه كان هناك مسـرح خشبي معد من قبل الطالبات يعرض فيه فعاليات اليوم المفتوح من اناشيد ومسابقات ومسرحيات ..
اما الـ B....فكان قسمهم بنفس مكانهم المعتاد.. خرافـي لدرجة الجنون ويدل على ذوقهم الرفيع في انتقاء الوان الجدار الذي خلفهم ..استعملوا خامتين من الشيفون..اصفر فاقع..وفوشيا..وثبتوهم بطريقه عشوائيه..وتجذب الأنظار..وكتبوا بوسطها ال b بخط كحلي وعريـض..وعمموا لبسهم اللي كان تيشرت ابيض بوسطه حرف الـ b
اما عمل هذه الخانه فكان الرسم على التيشرتات البيضاء برسم حنان الفنانه..
و الرسم على الوجه بلمسات لولو الأنيقه..
والأكسسوارت المجنونه من حلق وسلاسل حديده طويله وخواتم كبيره الحجم اشرفت عليها فريد ..اما عايشه فكانت تكتبت بالحبر السائل على الأكسسوارت بعبارات محببه للبنات مثل
(friendship, for ever…love birds… ) او حتى اسمـائهم..
كانت الخامات جدا بسطيه وغير مكلفه وتقتصر على نفس لونين شعارهم..اصفر فاقع وفوشيا..

فريد بنبره غاضبه\شوفي عاد..انا عطيتك وجه بزياده..مو كل مره بتجين وتغيرين الخاتم..استقري على واحد لأفقع عيونك..!
طاحت الفرشاه من ايد لولو وهي ترسم عيون البنت بااتقان..والتفت لحنان اللي اطلقت ظحكه عاليه..
البنت اللي صرخت عليها فريد..انسحبت بهدوء بعد ماحست بالأحراج البالغ اللي انحطت فيه..
جلست فريد على الكرسي الخشبي وهي تردد\مشكله البزارين وقسم بالله..اولى ثانوي وجايه تتحاجج..صج ماينعطون وجه..!
ابتسمت عايشه على جنب وهي تضع لمساتها الأخيره بتعليقة سلاسل على شكل قلب\وانتي خليتي فيها وجه..البنت طارت..!؟
ظحكوا الأربعه بخبال..والبنت اللي كانت ترسم بوجهها لولو خافت من عصبية فريد..وظلت طول الوقت موطيه رأسها للأرض لمن انهت رسمتها..ومشت بخطوات سريعه..وكأنه حرامي بينقظ عليها..
حنان بتوسل\والله يافريد..لو ظليتي كمان على هالمنوال لا تشوفي الزحمه اللي بخانتنا بتنفرّ مناّ..!ّ
فريد مااكترثت لتوسلاتها\كولي عسل زين..!؟
حنان\فديت هالعيون..باكل علشانها عســل..
فريد ماقدرت تمنع نفسها من الأبتسامه..وهي تسمع جنون حنان..
مضـوا الb في شغلهم وهم مستمتعين بااشغالهم البسيطه اللي تقبلوها البنات وحازت على اعجابهم..
كانوا يشتغلون بسعاده مفرطه واستمتاع لا نهايه له..كانوا يعرفون انه هاللحظات محسوبه ومستحيل تتكرر..وبتظل راسخـه بقلوبهم الصغيره.. بالرغم من عصبية فريده على البنات..وحالمية حنان وهي تشخبط على التيشرتات بتصميمات بسطيه وكلها انوثه..وفرحة لولو وهي ترسم بوجوه البنات وكانها تمكيـج بثقه وهي متأكده انه لمساتها بتعجب الكل..وسعادة عايشه وهي تخلق بعـض العبارات للبنات وتشوف الأنبساط بعيونهم والرضا..
تمنتوا هاليـوم ماينتهـي وهالنهـار الربيعي يضـل بنسيمه واعتداله..
نسوا احزانهم..ومشاغل حياتهم..ورموها خلفهـم..بالرغم انهم عارفين انه اسبوعين فقط ويخرجون من هالمدرسه اللي عاشوا فيها اجمل لحظات حياتهم..اسبوعين فقط يبتدأون فيه اول طموحاتهم..واحلامهم اللي رسموهـا مع بعـض وتمنوها ايضا مع بعض..
وبأخر اليـوم..كانت جميـع الأغراض مشتريه..والمبلغ اللي حصلوه هائل وغير متوقـع..جمعته عايشه واعطته معلمة الفنيه اللي كانت المشرفه على البرنامج وطبعا جميع الأموال بتكـون دخـل لمبنى اليتامى بالدمام..
رجعت عايشه لصديقاتهـا..ولاحظت اختفائهم المفاجىء..التفت يمين ويسـار..والنتيجه واحده....
مشت خطوتين وحست بشـيء بشـيء بارد اعلى رأسها..وهالشيء وصل لجميع ملابسها..
التفت بسـرعه وغمضـت عيونها من الألوان اللي دخلت عيونها وتطبعت بجميع ملابسهـا ..
ارتجفـت واقشعر جسمها..وصـرخت بااعلى صوتهــا.."لاااااااااااااااااااا"

ركظت لصديقاتها بقهـر اللي ماكانوا افضـل منها وهي ناويه نيه شينه عليهـم..تعبت وهي تصـرخ وتتوعد وتسخط..كل وحده منهم كانت اسرع من الثانيه..حتى لولو كانت بالنسبه لـ عايشه ارنب بري..
شعـرت انه مافي فايده من الركـض ..رجعت لمكانهم واخذت رمل ملون كانت تستعمله حنان في تزيين التيشرت..ومسكت بايدها اليسار ترتر ..ورجعت لهم واول ماشافت فريد اللي كانت تنظف نظاراتها من الألوان وماانتبهت لها..استغلت وقفتها..ومشت بسرعه لها..ورمت عليها كميه كبيره من الرمل والترتر وهي تضحك بجنون..
فريد صرخت لأنها بصعوبه قدرت تنظف نظارتها..ركظت لها وبسهوله قدرت تاخذ الرمل والترتر ورشته عليهـا..ورمت الباقي على لولو وحنان باانتصــار كبيــر..
فريد\تستاهلون ياحمــيـــــ..
بكت لولو بضيق وهي تجلس بالأرض\حرام عليكم..مويه والون ورضينــا..لكن رمــل..لااااااا ياربي..!اههه
طاحت عايشه على الأرض مثلها وهي تتنفس بقــوه ورمت نفسها على ظهر لولو..وبالمثل حنان واخرهم فريد اللي طاحت عليهم بقـوه ودفاشه متعمده ارغمت الكل يبكــي من الألم..وهي ضحكت بجنــون..\وقسم بالله هطف..!
عايشه\هطف بعينك كسرتي ظهري.!
فريد\ههههههههههههه تستاهلون..!؟
رمقت حنان لولو بنظره عرفتها وعايشه بنباهه فهمت تخطيطهم..!
وبحركه سريعه وغير متوقعه انقضو الثلاثه على بطن فريد لمن حست انه معدتها بتنفجـر من اصبعهم اللي يحاولون يضحكونها..
فريد\بنااااااااااااااات ههههههههههههههههههوالله خلاصههههههههههه توبه توبــــــــــــــه ههههههههههههههه تكفونههههههههههههه تركووووووووووووووني يادببببببببببببب ابعدوااااااااااااا..
"بـــــــسسسسسسسسس"

التفتوا اربع ازواج من العيون لمصدر..واثناء ما اكتشفوا هوية الشخـص ..عرفوا انه النهار الجميل انتهى..
-----------------










بغرفه بيضـاء..بداخلها نار تستوهج\

اربع لوحات تشكيله غريبه...مصفوفه بغرفة المراقبه,,
الأولى اسمها فريد وكانت تفرك بعيونها اللي حرقتها,,,والثانيه حنان اللي تحاول تسوي جدايل لشعرها بنكهة الصبغ الأصفر..والثالثه لولو اللي تقضم اظافرها اللي تسكرت من اثار اللعب ..والرابعه عايشه اللي كانت اجمل لوحه فنيه وخصوصا بالتيشرت اللي امتلىء بجميع ألألوان..
المراقبه سلوى\انتوا ماتستحون على وجههكم..بنات وش كبركم كل وحده اطول مني ..وتسون هالحركات..!والله عيب عليكم..!
فريد رفعت حواجبها لأجل تغيض المراقبه\لا ياابله..انتي غلطانه..لولو اقصر منك..بكم انش.!
حنان +عايشه\ههههههههه
ضربت لولو فريد على كتفها وقالت\اوريك بره..هيين..تطنزين علي ياغبيه..!
فريد بنظرات ناريه\شوفي عاد احترمي نفسك لا بالجزمه اللي لابستها..!
لولو\ايه..ضربيني بس..وهددتها بنعومه...والله لخلي ليلتك سوداء..
فريد\كولي عسل..
عايشه\بس فضحتونا..كلكم كلوا عسل وانكتموا..!
حنان\خلاص عاد..شوفيكم..قلبتوها جد..
فريد\لا تطالعون فيني هي اللي بدأت..!
عايشه\خلاص انا اللي بدأت بس انكتموا..!
ظلوا يتجادلون بالسنتهم وهم متجاهلين المراقبه اللي تناظرهم ومتفاجأه منهم..وفريده من كثر حماسها صارت تضرب لولو بضربات خفيفه وتتخبأ خلف حنان الطويله..
المراقبه\بسسسسسسسسسسس
رفعوا البنات اياديهم على اذانيهم..وبهاللحظه اكتشفوا انهم يتشاجرون امام المراقبه..ماعدا طبعا فريد اللي متعمده ترفع ظغط سلوى..وتخليها تحلف انها ماتدخلهم الأداره مره ثانيه..!
المراقبه\وبعدين يعني..وبعدين..وش الحل معكم..!؟
همست حنان بااذن فريد \شوفي..شوفي بس شلون عيونها بتخرج لبره..!؟
فريد\مو عين عليها.فناجين يرقصون...!
حنان كتمت رغمن عنها ظحكتها لمن احمرّ وجهها وحست انها بتختنق..
المراقبه\شوفوا عاد..انا هالمره بسكت عنكم لأنه يوم مفتوح..وهالمصخره اللي مسوينها بملابسكم ووجيهكم تمسحونها..!لكن قبل ماتطلعون كل وحده بتوقع..والله ياثالث ان عدتوا هالحركه ماراح يصير لكم طيب..فهمتوا..!
فريد\لا بموووت..آآآه تكفون..خرعتني. مسكوا قلبي .قطعته..اهي اهي..وبصوت عالي كملت..من عيوني ياابله..انتي كريمه واحنا نستاهل نقدر نمشي اللحين..!؟وغمزت بعيونها..
المراقبه وهي كارهه حركات فريده\ايه..صدعتوا راسي..
حنان\ســلااااااااااااااااامتك..وبنبره هاديه بعد ازعاجها..ياابله..!؟
خرجوا البنات وهم يسرعون من خطواتهم قبل مايسمعون تعليق بايخ من سلوى..وطلعوا للساحه وهم يضحكون بهبل..
فريد\وقسم نكته هالسلوى..!؟
عايشه\بس عاد..ترى مصخناها..كل اسبوع واحنا زايرين الأداراه..!
حنان\الا غريبه ماوقعنا تعهد..
لولو\المفروض يخصصون ملف تعهد خاص لنا هههههههه..
حنان\اي والله ههههههههههه
دخلوا دورة المياه..وناظروا اشكالهم بالمرايات العريضه..وبدأ الضحك..لدرجه كل وحده اصبحت تتمسخر على نفسها..
فريد\تصدقون..بخلي شكلي كذا..كشخــه..اخر موضــه..!
حنان وهي تناظر الصبغ اللي ماخذ النصيب الأكبر بذقنها..\ولا انا..
لولو\ولا انا..
عايشه نظراتهم بتشكك وبخجل ردت\ولا انا..
طلعوا من دورة المياه واحساسهم واحد..كانوا يحسون انهم ولأول مره يحلقون لبعيد..او يمكن هم في بداية التحليق..شعور غريب يخالجهم ويرغم الأبتسامه تكون ثابته طول النهار بوجههم..
كانوا يمشون بنفس الخطوات بجميع دهاليز والممرات والواسعه
تخطتهم حنان بكذا خطوه وقابلتهم وهي تصـرخ\تعرفوا...نفسي هلأّ اطيـــر..ماتتوقعوا قد ايش انا سعيده..!؟
عايشه بابتسامه حلوه\دوم يارب..تعالي وين وصلتي بكتابك..!
حنان\لسه توني...بدي اقراه على مهــل..خلونا من الكتاب..بنااات امس حلمت حلم حلو كتييييييييير..!
فريد\قولي..وبلهجه ساخره..ياحالمه انتي..!
حنان\حلمت انوا في حرامي بيلحقني..لكن حرامي وسييييييييييم..يجنن يابنات..!
البنات\هههههههههههههههههههههههههههه
وقفت حنان من مشيها ووضعت ايدها على خصرها\شوا..ليش تضحكوا..!.
كان رد البنات ظحكه ثانيه واكبـــــر..لغاية ماتنرفزت حنان وعصبت..
فريد\حرامي ووسيم ههههههههه..وين تجي هذه ههههههههههههه!؟
رمقت حنان فريد بنظره قاتله \انتي مالك شغل ومن قلة الذوق انك تئاطعيني!
فريد\طيب ياعسل..فديت هالوجه الزعلان..كملي..وفديت هالطول الغير طبيعي كملي.. يابعدي..كملي..
احمرّ وجهها من هذا الأطراء ورمت بوسه لفريد \بقول لكم الحلم..بس اذا بتضحكوا..ماراح اكمل..والا ائول..بدي كمل غصبن عنكم..وانتوا بتسمعوني غصبن عنكم كمان..!
عايشه\كملي..كلي اذان صاغيه..
حنان ابتسمت بتوتر \مايعرف شو بدي احكي..هالحرامي.. ظلّ يلاحقني من مكان لمكان..نظراته كانت تخوفني..
لولو\وبعدين..وبلهفه اضافت..وش صار بالأخير..تزوجتوا!!؟؟؟؟
حنان\شو تزوجنا انتي التانيه..حلم ياهبله..حلللللللللم..! وبدون ماتاخذ نفس كملت بحماس...بنااااااااااااااات تتوقعوا انه هو فارس احلامي........!
فريد اتسعت عيونها وتأكدت انه صديقاتها مخرفات..شمرت ساعديها وقالت\بنات مسكوها..شكل البنت خرفت..!؟هدوني خلوني اذبحها...هي انتي أي فارس واي خرابيط.؟؟؟مو كل مره بتشوفين واحد حلو بتقولين هذا فارس احلامي..!
حنان تجهم وجهها بغضب\فرييييييييييد والله بذبحك..انا عن جد احكي..!؟
عايشه\طيب وين كان يلاحقك..!
حنان حاولت تسترجع الحلم بصعوبه\مابعرف..بس اتذكر اني كنت بمكان مافي ناس الا انا وهو..!
لولو\يالله..ذكرتيني بنفسي اول كنت أي حلم اشوفه افسره على طول..بس مثل حلمك ماسمعت..!
مرت لحظـة صمت..وكملوا البنت مشيهم..لغاية ماريحت حنان ظهرها على جدار تسندت فيه وعيونها تتأمل السماء ومشاعرها هاللحظه اثيرت\تصدقوا..نفسي اذا ليئت نصفي الثاني نسافر لمكان مافيه بشر..مافيه الا انا وهو..نمشي بالممرات براحه ..بحريه..وطمأنينه..امسك ايده..واعبر عن كل اللي بخاطري..وارمي حملي الئيل عليه..وبحالميه كملت..نعبر ادغال الأمازون ونتسلق جبالها بمغامره مثيره..ونمضي سهره رومانسيه بالجندولا القمر فوقنا..والبحر تحتنا.... نتمشى قبال برج ايفـل..ونتسكع بشوارعها لحد الليل وبدون تعب..استطعم فتات الأكل من ايده..وانام باامان بحظنه..واصحى واول مااشوف عيونه..واتطرب بهمس حبه....وهو يقول "حبيبي"
ابي اذوق الحب معاه..واشعر بالجنون لأجله..واتنفس نفسه بحبور..ابيه ينسيني مين انا..!!ابيه يربيني من جديد..على ذوقه..وعلى غنجوا..!ابيه يحرقني بشوقه..و يصهرني بقربه..ويذوبني لحد مااموت بعشقه..
"
ماكان بعد كلام حنان كلام..ولا كان بعد شاعريتها شعرّ يقال..!؟
الكل هام بجنونها وحبها الأكثر جنون..!؟
لولو استرجعت لياليها الجميله مع سامي بلندن..وتمنت لو تقدرّ ترجع الزمن للخلف وتعمل كل اللي ذكرته حنان..!
اما فريده فكان قلبها يدمي بمصعب اللي خان..!؟
وعايشه..فهي فكانت تحس بالحرمان..الحرمان اللي بيحيل بينها وبين هالحب المستحيل اللي كان بعيون حنان..!؟
----------------
























ليل بارد,,"وارواح حـاره\

ناظرت عقرب الساعه اللي يشير على العاشره ليلا..
عشر ساعات متواصله نامتها بدون ماتشعر بنفسهــا..
يومها ضاع وهي متكومه بسريرها..وظلام الغرفه الدامس محاوطها..وبرودة الغرفه جمدت مفاصلها..
اضاءات الأباجوره وهي تفكـر بحياتها اللي اصبحت ممله..!وروتينيه..!
كانت تفكر بااشياء كثيـره ممكن تكسـر هالروتين..او حتى ممكن تزيل هالشعور الحزين الي بداخلها..!
قامت من سريرها متوجهه للدورة المياه..وهي متيقنه انه مثل ماضايعت نهارها بالنوم..بيضيع ليلها بالفراغ والوحده القاتله.. ..
تروشت بماء بارد ممكن يصيحها من التيه اللي عايشته..ولبست فستان قطيفي عشبي بدون ماتفكر تنشف جسمها وشعرها المبلول..رشت عطـرها المفضـل "alin" وحست بشيء مرمي تحت رجلها..وطت رأسها..وبالم وضيــق شديد رفعت سجادة الصلاه من الأرض..ووضعتها على الطاوله بخوف لأنها داست عليها بدون قصد....
ومن عظم ضيقتها الشديده حست انها المفروض ماتلمس السجاده وهي تركت الصلاه من سنين عده..
هي عارفه انه سبب ضياعها ومللها السريع من كل شيء حلو بعيونها ترك الصلاه..!هي متأكده انها مهما كابرت..وتناست..ووصلت لأعلى القمم..بتظل حزينه على حالها اللي مثل حال الكفـره..!الكفره اللي مابينا وبينهم الا الصلاه..ومن تركها فقد كفــرّ...؟
لكن كيف ترجع تصلي وهي تركت هالعاده من سنيــن..كيف بتقابل ربها وهي عاصيــه..!
عاصيــه..
عاصيــه..
تكررت هالكلمه بداخلهــا..وحست بالخــوف ..والرعب..هزت رأسها بقوه..
وهربت من هالأسئله اللي تشعر انها تخنقها وتقيدهــا.

نزلت للدور الأرضي وهي تسمع صوت موسيقى و تستنشق ريحـه عجبتها من المطبخ..وبهاللحظه توها تكتشف انها معدتها خاليه من امـس..والشيء الوحيد اللي دخل معدتها عصيـر البرتقال اللي اشترته من مقصف المدرسه..
اتجهت للمطبخ بخطوات سريعه وصوت الموسيقى يعلـى بصوت ماجد المهندس "بين ايديا"وهي تتوقع انها بتحصل فردوس تتطرب وهي تطبخ العشاء..لكن اللي شافته غيــر..شافت انسان عذبها طوله..واسرها بحنانه وعطفه..وبكاها غموضه..
شافت سامي بلبسه المتواضع برمودا رمادي..وتيشرت ابيـض مرفوعه اكمامه وابته العريضه وهو يغني مع ماجد المهندس بهدوء ورواق..وبايده سكينه حاده يقطع فيها حلقات من البصل الفلفل الأخضر والجزر..كانت ايده تنتقل وبمهاره وسرعه بين الخضروات وكانه اعتـاد على الطبـخ ..وحتى رجله اللي كانت تغلق الرفوف التحتيه كانت تضعها بحالة ذهول وصمـت..والغريب في ذلك بالرغم من وجود العديد من المحتويات في الطاوله الا انه المطبخ بشكل عام نظيف ومرتب..ويدل على نظافة صاحبه..
"لولو"
صحت من سرحانها بوقع صوته..ولأول مره عيونها تلتقي بعيونه بعد فتور دام اسبوع فيه انشغل سامي بمصنعه واجتماعاته..وفيه انشغلت لولو باليوم المفتوح وحفل التخرج اللي تقرر يوم الأربعاء الجاي..
سامي مدّ ايده بعمليه بدون مايتحرك من مكانه للأستريوا المثبت على الجدار ووطى من حدة الصوت\تعالي,,!؟
تقدمت له لولو وجلست على كرسي مرتفع امامه..وهو اتمم شغـله بهدوء..
حاولت تسرق النظرات منه لأنها لازالت مشدوده باللي يفعله..وكل مالاحظت انه يناظرها بعثرت نظراتها لغاية ماابتسم سامي وتأكدت انه كشفهـا..
سامي\جوعانه..!
سكتت ثواني بلباقه وكانه الموضوع مايهمها ثم ردت وهي تزم شفايفها بطريقه طفوليه\..شوي..!
تابع سامي طبقـه..ووضع الخضروات بطنجرة الباستا وحركها بخفه بعد مااضاف الصوص ..والكريمه البيضاء..والقليل من الزبده..\تحبين الباستا.!
ممدت ايدها على الطاوله واسندتها على خدها\شوي..!
سامي\طيب ماتبين تجففين شعرك..!؟
لولو\أأأ شوووو هههههههههههههه..
سامي ظحك لضحكتها\ليش تظحكين..!؟
حركت عيونها بدلع\لأني عدت شوي اكثر من مره..!؟..سكتت شوي وكملت وهي غضبانه..بلييز لاتعاملني كأني طفله..!؟
سامي\طيب انتي طفله..بس طفله حلوه.. متمرده..مغروره.. هالطفله اللي بداخلك ..وقرب جسمه منها من اعلى الطاوله اللي بوسطهم لغاية ماوصل لأذنها اللي مغطيه شعرها المبلول وابعده عنه بخفه...تستهويني..وتعجبني..!؟
غمضــت عيونها وهي تتنفس انفاسه..و مثاره بمجن..واول ماشعرت باختفاء انفاسه فتحت عيونها ولاحظته يخرج وعاء زجاجي من الثلاجه..وبأيده الثانيه يرفع الباستا من الموقد..ويهم على الخروج من المطبخ..
سامي\ممكن تساعديني..وترتبين الطاوله..!
وقفت على طوله وهي تحس بالسحر اللي دخلها سامي فيها رغمن عنها..
خرجت خلفه..ولاحظت انه حافي القدمين..ورجله مشعره بشكل كثيف ..بعثرت نظراتها بتوتر..وهي كارهه هالخجل اللي عرفته من ارتبطت بسامي..

رتبت الطاوله..بما فيها من صحون وشوك وسكاكين..وكاسات..ووضعت شعرها على جنب لأنها تضايقت منها مثل حركة حنان العتاده..وبطريقه آليه وضعت الباستا بصحن سامي..وصبت العصير ..وهي اكتفت بالباستا..وجلست مقابل له..بالرغم من كبر حجم الطاوله..
رجع سامي من المطبخ..وباايده..توست محمص..واثناء مالاحظ ابتعادها..علق بمكر\كان جلستي بالكنبه بعـد..!...تعالي جنبي..!
لولو حركت الشوكه بالصحن وبالمثل رجولها تتحرك تحت الطاوله بتوتر\لا عادي..كذا احسن..
وضع الصحن على الطاوله واتجه لها لمن مسك ايدها وجلسها بكرسي جنبه\وكذا انا مرتاح..!
ماعلقت على رده..وانقهرت من تسلطه اللي هي تعبتره اوامر..!
سامي\يالله بسم الله..!
لولو\طيب..وبعصبيه خفيفه كملت..بجيب صحني..!
سامي\لا..كلي معاي..وعشان ماتزعلين لأنه حنا مانقدر على زعلك..هذه شوكه..بدون سكين..!
حظت ايدينها على خواصرها\لا والله..!؟
سامي\هههههههههههههههههه
لولو\وتضحك بعد..!؟
سامي\ههههههههههههه
لولو\سامي..!؟
سامي سكت اخيرا رغمن عنه \اميرتي..ممكن تاكلين..!
لولو\.....
سامي\ارجوك. وابتسم بحب.لخاطري..
لولو استجابت لسحره كالعاده وكلت من صحنه لأنها فعلا جوعانه..
اكل معها بنفس الصحن بااستمتاع..وهي من جوعها مالاحظت انه يتأملها..
صب لها العصير ومدّه لها..
لولو\جوافه..!؟
سامي اوما برأسه \طبعا..
لولو\مااحبها..!؟
سامي\طيب ذوقي..صدقيني بتعجبك..!؟
لولو\لا..لااا..
سامي\بس ذوقي شوي..!
لولو\حرااام عليك..!
شربت القليل منه..وماتنكر انه عجبها..لكن عناد فيه..اكتفت بهالمقدار بالرغم من حلاوته..وكملوا اكلّ..
حست انه وبشكل غير مباشر..يتأسف منها على اللي حصل الأسبوع الفات ..وانشغاله عنه..
وهي طبعا قدرت هالشيء لأنها تعرف انه صعب جدا الرجال يتأسف..ولأنها غبيه..ومعجبه فيه..تعبته مثل المسحوره..ونست فعلا زعلها..نسته وهي تتأمل ابتسامته..وحنانه..
خلصوا عشاؤهم البسيط..وجلسوا على التلفزيون..ولأنها ربية بيت فاشله..مافكرت غير انها تشيل الصحون وتنتظر فردوس تصحى وتنظف المطبخ..
استقروا على مسلسل "lost" بـ mbc action..
ولولو قامت بسرعه\تبقى ببسي.!
سامي\لا..!اذا بتشربين اشربي عصير..او مويه..!
لولو\طيب انا ابغى اشرب..!
سامي طول على الصوت\مضرّ..مو زين..
عاندته لولو وفتحت الثلاجه وفتشت بين محتوياتها على ببسي..وصابها الأحباط والقهر الشديد لأنه عنادها ضاع هباء..اغلقت الثلاجه بقــوه..ومثل مااغلقتها بقوه فتحتها للمره الثانيه..وفتشت لعلها تحصـل شيء يرويها ويبخر الغضب اللي ساكن روحها....والنتيجه متساويه..
اخذت برينجلز لأنها لازالت تشعر بالجوع..بالرغم من اكلها لكن ماحبت تاكل الكثير امام سامي اللي تغبطه على جسمه المثير..واذا قارنت جسمها وجسمه فالكفه بترجح لسامي وهذا الأمر يغيضها..
دخلت الصاله وجلست بقربه..بدون ماتناظره..!
سامي\وين الببسي..!
لولو\اي ببسي..!
سامي\اللي بغيتيه!؟
لولو اشرت على نفسها بغرور\انا..مين قال اصلا!
انرسمت ابتسامه خفيفه على خده الأيمن..وكمل مشاهدة المسلسل..وبتلقائيه مد ايده واخذ اربع حبات من البرينجلز ومضغهم بسهوله..
ناظرته بذهول..وماعلقت..ومرّ الوقت بمسلسل..وبرينجلز..وهدوء ساكن..
لغاية ما لولو قطعت الصمت..
لولو\سامي..
سامي\ها..
لولو\شنو ها..!؟تذكرني بفريد..!
سامي بدون مايلتفت قال\سلمي عليها..!
لولو\نعــــــــم...!؟؟؟؟
هالمره التفت لها..والتقت عيونهم\تغارين..!؟
لولو رمشت مره وحده\ايه..قصدي...لااااا
ابتسم لترددها..والتزم الصمت..وتوجهت نظراته للتلفزيون..اما هي فـ لامت نفسها على غبائها,,وظلت تقول في نفسها"غبيه..غبيه..غبيــه"
لولو\ماتبقى تنام..!؟
حست انه مزاجه انقلب..لكن قدّر يتمالك نفسه بالرد\شوي..واقوم..اذا نعسانه..اسبقيني..!
تمددت بالجلسه اكثـره..وبجراءه قررتها هاللحظه اسندت رأسها على كتفه الممدود بعرض الكنبه..واقتربت اكثر واخفت وجهها بين كتفه..وهي تبتسم بمكر..وتتذكر نصايح البنات لها..
لولو\حتى انا..مافيني نوم..
--------------------















صباح مشرق..وضجه دوت المكان\

"هذا اللي قدرتي عليه ياهبله!!"
مررت لولو المبرد على اظارفها بشده ..ورفعت عيونها لفريد\اولا قصري صوتك..مااحب الأزعاج..وبعدي وش تبيني اسوي اكثر من كذا..!؟
مشت فريد بالممر ذهاب واياب بغضب\ابدا..سلامتك..بس لاتقولين مره ثانيه ساعدوني..!؟
اطعمت عايشه الحمامه ونفضت الباقي من مريولها البني\وبعدين..وش صار..!؟
تكملت لولو بخجل وهدوء\وبعدها نمت..وماحست بنفسي الا وانا بالسرير والمنبه صدع راسي من كثر مايدق..!
حنان\وهو..وينه!؟؟؟؟
لولو عضت على شفاتها بضيق\بالمصنع طبعا..!
فريد\وبعد..نمتي..!؟ما كفاك العشر ساعات اللي نمتيهم بالنهار..!؟اقولك روحي المستشفى وكشفي على نفسك فيك مرض النوم..!
قامت لولو من كرسيها الخشبي وادعت العصبيه\لو سمحتي..لاتتمسخرين علي..!؟يكفي انه يعاملني مثل الطفله..!
فريد رمت القنبله بوجهها بدون تفكير\ماالومه..بشوف وحده هبله..وراضيه بوضعها..!

تغرغرت الدموع بعيون لولو..من الحقيقه المره اللي اعنلتها فريده..
فعلا هي هبله..وراضيه..وطفله..!!
لولو الرجفه كانت بصوتها\يمممككن انا اتصف بالصفات اللي وصفتيني اياها..لكن لاتلوميني..انا بنت..توني مادخلت ال 18 سنه..صحيح اني جريئه..وفيني صفات شينه..لكن مقدر اتقدم اكثـر من كذا..مقدر اقول له يازوجي انا ضايعه والسبب انت..كنت متوقعه اني اقدر اسلب عقله بجمالي مثل ماسلبت عقول كثير غيره..لكن للأسف سامي كل ماله ويجرحني...وهو..وهــو..ولا داري..
تقدمت فريد خطوتين..ومسكت اكتاف لولو المترجفه..وضمتها لصدرها بقوه..وهنا لولو مااستحملت الموقف واجهشت بالبكاء اكثر\ اسفه ياقلبي..والله ماكان قصدي..لاتبكين ارجوك..انا كنت متضايقه عشانك..كارهه الشتات اللي بداخلك..ومصدومه من سلبيتك..ماتعودت كذا اشوفك..اختفت الأبتسامه من وجهك..اشوفك دوم سرحانه وانا مو بأيدي شيء..يعز علي اشوفك على هالحال..تكفين سامحيني..!وانتبهي ترى انا مو عادتي اطلب السماح..!
لولو تمسكت فيها اكثر\ادري..عشان كذا انا ضايقه..
فريد\ضايقه من شنوا..من طلب السماح..والا من شي ثاني..!
لولو بنبره ممزوجه بدلع وبكاء\فريد..والله مو رايقه لك..
فريد\ههههه طيب بلا1
لولو ضحكت رغمن عنها\بلا2
عايشه \بلا 3
حنان تذكرت الوداع اللي بيحن اجله..تذكرت انها ايام معدوده وبتسافر الأردن وغلبتها دموعها\بلا4


:

حفل التخرج..واسبوعين امتحانات..ويبتدأ تحليق الطيور..ومن يدري هل فعلا قادرين على التحليق ام لا..!

انتظروني بالجزء التاسع..ولحظات الوداع..وبداية حياه جديده لشخص ما..

اختكم
كـ \وصيت قلبي عليك

الجزء التاسع
مره نضحك..ومره نبكي..
=============



ضايق الليله ياقلبي..
ومااظن فرحي يهــلّ
ساكني حزنّ(ن) يبكي..
وماظنّ يتحمله بشرّ
لظى برمشي يكوي..
وحرقة(ن) فوق حزني زاد
انحب باارض ماهي ارضي..
واشكـي لبشـرّ ماتهاب
اكتب باوراقي همي..
وليت اللي بخفوقي ينزاح
امشي وحيد بغربتي..
لا عزوه..ولا رفيق يسرّ
يااهل العطاء بقربكم دواووني
وعطوني لجرحكم الأليم علاج
ضايق الليله ياقلبي..
ومااظن فرحي يهــلّ

اغلقت مذكرتها بتمهـل..وابتسمت لساره اللي جلست على طاولتها وتتأمل قلمها الوردي الناعم..ثم عبست وضاقت عيونها
ساره\وانتي كل شيء وردي..!؟
رفرفت عايشه بعيونها\احبه..وش اسوي قولي لي..!؟
ساره\حبط برص..ههههه قصدي..حبتك العافيه ياقلب عمتك انتي..
عايشه عجبها الأطراء...وفتحت نهاية المذكره ..ودونت سطرين..واغلقته بعجل..!
رفعت حاجبها ساره..وماعلقت..لكنها قالت بحنان..
ساره\مستعده للأمتحان..!؟
دبّ الرعب في نفس عايشه\لاتذكريني..والله قلبي ريجف..!
ساره\ومدام قلبك يرجف..ليش ماتذاكرين..!
عايشه\حراااااااام عليك..والله اني اذاكر ومنظمه نفسي..واللحين عندي بريك نص ساعه..ومنسقه جدول لي كمان.. شوفيه..واشارت على لوحه عريضـه..فيها اكثـر من ارواق ملونه مبعثره ومثبته فيها بداببيس فضيه
ساره\اذا كذا حلو..وبسحب كلمتي..!
اومأت عايشه رأسها على القبول\اوكي..
ساد الصمت ثواني معدوده..ثم ساره بدأت بالحديث..
ساره\عواشي..
عايشه\هلا..
ساره\عندي لك خبرّ..بس مدري بيفرحك..والا بيحزنك..فعلا مدري..!
تركت عايشه القلم اللي باايدها وبفضول قالت\شوقتيني ..قولي..!؟
ساره\احمد..
عايشه عبست وجهها بتلقائيه..وساره شعرت بالتغيير اللي طرأ عليها..وبهدوء اضافت..\بيتزوج..!؟
عايشه\بيتزوج!
تفحصت ساره ملامح عايشه..وتمنت تعرف السرّ الدفين اللي بين اخوها وعايشه..
ساره\وليه تفاجأتي..!؟
مسحت عايشه على شعرها المتناثر على اكتافها باارتباك واضــح..
عايشه\مدري..مدري ماتوقعت انه يتزوج..!
ساره\حتى انا استغربت مثلك..بس بعدها فرحـت...وابتسمت بشوق...اخيرا اخوي بيودع العزوبيه..ويعقـل..!صحيح اني مااستلطف حركاته..وتقهرني تصرفاته..لكنه بيظل اخوي..!
بتردد قالت\ابوي يعرف..!
ساره\اكيد..قلت له قبلك..وفرح كثير..
وقفت ساره على ارجلها..وطبعت بوسه على خد عايشه ..
ساره\يالله ذاكري..وخلي كتاباتك على جنب..وبخلي حليمه تصلح لك عصير..!
خرجت ساره من الغرفـه..وعايشه ثابته بمقعدهـا..ظلت دقائق وكلام سارده يتردد بااذنهـا..وبدون شعور اانهمرت الدموع بعيونها..ولطخت وجهها الأبيض..
معقوله..بيتزوج! وبترتاح من الجاثوم اللي يخنقهـا..!
معقوله بيتزوج وتستمر حياته هانئه..وهي حياتها انتهت بسببه..!
وين العدلّ..وين الأنصاف!؟
الظالم يعيش..
والمظلومه تموووت..!
لكن مومهم..مو مهم امسحي دموعك ياعايشه..الجاثوم بيرحـل..
بيرحـل وبتعيشين باامان..!؟
وسرك بيظـل مدفون للأبــــد..
--------------










يوم جديد واربع اصوات..بخط واحد\

"ممكن تنكتمون وتخلوني اتكلم"
رجعت الأصوات تتداخل مره اخرى..وكل وحده تحاول يكون صوتها الأعلى وكلمتها هي فقط المسموعه..
ظلوا الـ b ربع ساعه وهم في شجار وعراك..لغاية ماارتفع صوت انثوي رقيق..
عايشه\بــس..والا والله..اني اسكر السماعه واقطع الخط عليكــم..
عم سكوت رهيب..لكن مالبث هالسكوت الا وحنان تستغل هالصرفه وتتكلم بتضجر
حنان\خلص انا خارجه..وخليكم تتناقروا لحالكن..
فريده وهي تحاول تقلد نبرة حنان وتتخيل شكلها\اكيد اللحين الهبله حنوا حاطه شعرها على جنب..وتئول شو هاد..!..ورجعت لصوتها الطبيعي اقولك حنوا..بالطقاق اللي يطقك..اطلعي..
حنان ثارت\كمــان..باي..وانقطع الصوت..
فريد\ههههههههههههههههههههاي..
لولو\وش سويتي فريد.حرام عليك..!
فريد\اقول كولي عسل انتي وياها..انا كنت متعمده تطلع..!؟
عايشه اتسعت عيونها بذهول\ليش؟؟
فريد\ياهبله انتي وياها..كيف تبونا نتكلم وهي ملاصقه معنا اربع وعشرين ساعه..!
لولو\مافهمت..طيب واذا!؟؟
ابعدت فريده السماعه من اذنها وهي حاسه بتنفجر غضب من غباء صديقاتها\شفيكــم نسيتوا انه بنشتري لها هديه..ونعمل بارتي..!؟
ضربت عايشه جبينها بااحراج\نسيت..سوري..
لولو\حتى انا وضحكت بغباء..ههههههههه
عايشه\اوكي..خلونا نتفق..على شي حلو وبنفس الوقت بسيط..لكن خلونا نتفـق على حفل التخرج ..انتوا مستوعبين انا اخر يوم امتحانات يكون حفـل!
فريده\الصراحه هي فكره مجنونه..وخصوصا لأنه تونا طالعين من امتحانات ومالنا خلق..لكن عجبتني مره..على الأقل نتخرج وبالنا مرتاح..!
لولو\احلى شي انها بالظهر..
فريد\تدرون انه الهبله سلمى..كانت معارضه الفكره..!
عايشه\ليش؟؟
فريده\على قولتها انه بالظهر بتكون فوضى ومااراح يكوت ترتيب..لكن المديره ماعطتها وجه..!
عايشه\وكيف تدرين انتي بهالمعلومات..!
فريده ابتسمت بفخر\حبيبتي مصادر موثوقه..!
لولو\بلا تكبــرّ اكيد غزيل(معلمة الفنيه) حبيبة قلبك قالت لك..!؟
فريده\ايه..في اعتراض مدام لولو!؟
لولو\لا..بس تعالوا مايمديني اروح الصالون..فتره الظهر قصيره..!
فريد\وشحقه صالون..!سوي شعرك بالبيت..!
لولو رفعت حاجبها المحفوف باتقان\شنوا شعرّ..انا هالمره بعمله كيرلي..ويمكن اصبغ احمـر..وبنظف حواجبي..وبعمل تنيظف بالكرستال..!
لوت فريده فمها بقرف\كرستال!؟؟؟
عايشه\هههههههههه كل هذا..مايمديك اكيــد..انا شعري ناعم..مو مسويه فيه شي..بس بحط لي مكياج,,
فريد ماعجبها ابدا تطرقهم لهالموضوع\وانا مو مسويه ولا حاجه..!
خرجت صرخه من حنجرة البنتين\لاااااااااااااااا
فريد ضربت ايدها بالهواء اعلان عن انزعاجها\وعمـــى..!
لولو\فريد قلبي هذا يوم تخرجنــا...!اصلا مو بكيفك..انا بجرك معي..!؟
فريد تـأففت بقرف\ايه انطري...!
عايشه\اوكيــه..خلونا نرجع لمحور حديثنــا..هديه حنوا..!
لولو\في مجموعة عطور بـ لوشن وبودره وجلّ..بنكهات متنوعه..اقدر اشتريهم من الموقع..ويوصلون خلال اسبوع من محل SEPHORA. بباريس..
عايشه\حلو..ونضيف شمــوع..وشغلات مثل كذا..
فريد\تصدقون ودي شي ثانــي..شي اكبــر من كذا..!
لولو بتريقه خفيفه\شنوا يعني..سلاسل..وجينز..
فريد\بعينك ان شاء الله..
عياشه\ههههههههه فكونا خلونا نفكر بهدوء..وعلى فكره صح كلام فريد...خلونا نضيف شي هي تحبه..شي يتعلق بتصاميمها..!
فريد\ايوه..هذا اللي بغيت اقوله..!
لولو\طيب يالله فكروا..
فريد\امممممم
عايشه\المشكله مافي شي مميز..
فريدانا اقول خلونا نشتري لها..مجموعة اقلام باارقام معينه..ولوحـه خشبيه نفس الفنانين شفتها انا مره بجرير الخبر..
لولو\حلو..طيب كل هالشغلات نحطهم بـ بوكس كبيـر..ونعبيها بااكسسوارات..واذا لقينا شي ثاني حلو نشتريه..
عايشه\كذا تمام..شرايكم بكــره نشتري الشغلات..لأني ابغى اذاكر وماافكر بالهديه..
فريده\حتى انا الصراحه..وبالمره نشتري اغراض البارتــي..!
لولو\طيب يالله خارجه سامي بيجي وانا مادخلت المطبخ..!
فريده\عشتوا..انتي تقصين على منوا ولا منوا!؟
لولو\مالك شغــل....انا اقول الطلبات لفردوس وهي تطبــخ..
عايشه\وللحين هو مايدري انها هي اللي تطبــخ..!
لولو\لا طبعــا..لأني اضيف بعض اللمسات البسيطه في الطبـق وهو ماينتبه..!يجي تعبان ويبغى ياكل أي حاجه..
فريده\انتي جالسه تلعبين بالنار..!
لولو تجاهلت كلامها\كيفه..يحمد ربه اني اشرف على اكله..!ولو وحده غيري ماافتكرت فيه..
عايهش\لولو قلبي..ترى هو زوجك..!
لولو\ واضح انه زوجـي..واضح كثير ياعايشه..
سكتوا عنها البنات..
وتمت الأتفاقيه بينهم....وبوقت العصــر كان التنفيذ بمجمع الراشد اللي كان يجمع مكتبة جرير,,ومحلات ملابس ..
دخلوا المكتبه وبالتحديد قسـم الفنيـه وادوت المكتبه.. وبدأت فريد تبحـث عن اللوحه الخشبيه.ولولو ترافقها .وبنفس اللحظه كانت عايشه تبحث عن مجموعة الأقلام لأجل يستغلون الوقت..وبسرعه التقطت مجموعة الأقلام اللي كانت مرصوصه بعلبه معدنيه..ووضعتها بالسله..وماقدرت تقاوم فضولها وولا ارجلها اللي كانت تخطي لقسم الكتب..القت نظره على فريده ولولو ولاحظتهم منهمكين في البحث عن اللوحـه..استقلت انشغالهم..ومشت بخطوات سريعه للقسم..وبدأت تقرا عنواين الكتب واحد تلو الأخر..لغايه ماتثبت نظرها على كتاب جميـل..بعنوان تعزيز تقدير الذات..قرأت اول صفحاته..وبحركه سريعه فتحت الفهرس وعحبها مضمونه..وضعته بالسله وهي تبتسم ووعدت نفسها تقرأه بعد ماتنهي ا..توجهت للبنات وحصلت اللوحه بايدهم وينادونها..
فريد\حصلتيها..!
رفعت عايشه العلبه\طبعــا..
دق تلفون عايشه..واخرجته من شنطتهـا..واثناء ماعرفت مين المتصـل..صرخت بنعومه\حنوا..!؟وش اقول لها..!
فريده\لالالا لاتردين..
عايشه\اخاف تزعل..!
لولو\عادي..قولي لها..تلفوني كان على الصامت..!
عايشه ارتبكت..وحطت تلفونها على الصامت..وراتاحت لمن انتهت المكالمه..وثواني معدوده والتلفون رن..لكن هالمره كان تلفون لولو..
لولو\ويــه..حنوا..ياربي..اللحين بتعرف انا حنا مع بعــض..
عايشه\لا مااظن.
لولو\بتقولي ليش مارديتي..ومو من زود المذاكره عشان اقول لها اني ااذاكر..انقطع الخط وارتاحوا البنات..
لولو\اوكي نحاسب اجــل..
حاسبوا البنات..وخرجوا يكملون مشترياتهم..وكانت المهمه صعبه جدا..لأنه كل وحده كان لها الذوق خاص عن الثانيــه..احتاروا في امرهم..لغاية مااستقروا على انهم يدخلون محل ملابس ويشترون لحنان فستان صيفي تذكرهم فيه كل مالبسته..
وقفوا قدام فستـان شيفون مشمشي..عجب لولو..لكن عايشه اعترضت لأنه عاري وينفع لمتزوجه..اما فريد فكانت معارضه الفكره من الأساس..وتتمنى جينز متواضع على تيتشرتاتها المجنونه الفصفوريه ..
طلعوا من المحل بعصبيه..ودخلوا ثلاث محلات والنتيجه كانت سلبيه..وحلفت فريد لو ماعجبهم المحل الجاي بتتشري على ذوقهــا..لكن ولله الحمد ا المحل من المليكان اللي يقدمه انه حلو..وبيعجبهم..
دخلوه على عجــل..وفريد تحلف وتتوعد فيهم بحراره متناسيه وجود العملاء في كل مكان..

فريد\شوفي انتي وياها..انا وراي مذاكره..ومعادلات تلوع الكبد بالكيمياء بسرعه خلصووونــي..وهذاني حلفت مااراح تطلعون من هالمحل الا وانتوا شارين منه..!؟
لولو كانت تأشر على فريد انها تخفـض صوتها لأن المحل كان خالي من الناس..وموظفينه يناظرونهم بذهول..
اقترب منهم عميــل بخطوات ثابتــه وقال بصوته الرجولي..
العميل\حابين اخدمكم بشيء..!؟
التفت عايشه وفريده لناحية الصوت..وشهقوا من هول الصدمــه..
عايشه وفريده\خــاااااالــد..!؟؟؟

قطب خالد حواجبه\عفوا!؟؟
وطت عايشه رأسها لأنها كانت متبرقعه وعيونها واضحه..اما فريده كانت متنقبه ونظراتها البياضء حاجبها عيونها..
فريده بجراه قالت وكأنها معتاده عليه\انا بنت ولد خالك بومحمد
بصعوبه قدرّ يستوعب..وماكان عنده الا ولد خال واحد
خالد\حياكم .. بلع ريقه وهو عاجر يقول كلمه ثانيــه..وهو يشوف عايشه صدت عنــه..وصارت تبحث بين الملابـس..
مسكت لولو ايد فريد..وصرخت باذنها\حمـــ...اشوفك تخونين اخوي عيني عينك..!
بتلقائيه ضربت فريده لولو بكوعها..وخالد لاحظ الحركه وابتسم لأنه عارف حركان بنت ولد خاله الصبيانه..مشى بعيد عنهم بمسافه بسيطــه وهو يحس انه يسمع ضربات قلبه اللي بدأت تخونه وتدق بجنــون..
معقوله هالصدف..!
هي وياه بمكان واحد..!قرب بعــض..
مايبعد بينهم الا سنتيمترات..!
ياكثر ماتمنـى هاللحظه..ياكثــر ماحلم فيهــا.!
معقوله حست فيه..!؟
اكيد حست فيــه..
هي نطقت بااسمه..
..قالت خالد..!خالد..خالد..!
غصبن عنه كانت عيونه تجول حولها..كان يتبع حركات ايدها البيضاء وهي تتحسس نوع القماش بنعومه..وعيونها الوسيعه تتسع اذا عجبها شيء..وتضيق اذا ماعجبها المعروض..
حاول يتدارك نفسه..وابعد نظراته عنها..لكنها تلقائيه كانت ترجع لها وهالمره عيونهم تلاقت..وبسرعه بعثرت عايشه نظراتها ومشت ناحية صديقاتها..
اعطاها خالد ظهره..وتأكد انها عرفتـه..!
"
لولو بسخريه كلمت عايشه\شرايك عواشي..زهري وساتر على قولتك ..ويليق على حنوا..!؟
اومأت عايشه راسها وهي تتأمل الأزهار الصغيـره المنتثوره عليه ..\مره حلو..بيناسبها كثيــر..
فريد\اووووووووووف ارتحنا..!امشوا نحاسب,,
حاسبوا البنات..وتراجعت عايشه خلفهم..!وهي تسمع حوار فريد وخالد..
فريد\عاد سوا لنا ديسكاونت..!
خالد\الأسعار ثابتـه..!
فريد بهمس\ياثقل دمك..!
ضحكت لولو بخفــه..والتفت فريد لعايشه وقالت بنبرتها العاليه\عواشي..تعالي وين نلقى محلات تغليف!؟اكيد انتي تعرفين هالشغلات...!
رمقتها عايشه بنظره اثناء ماحست انه ألأنظار كلها عليهــا..وخرجت من المحل..
فريد\وشفيها هذه!؟
لولو اخذت الكيس..ومسكت ايد فريده وخرجوا..
فريد\هيه انتي ترى ماني خروف تجريني!
لولو\يااختي عليك صوت مو طبيعي..قصريه..
لاحظوا عايشه واقفه قبال محلّ وترفك ايدينها بعصبيه
فريد\وشفيك بعد انتي طلعتي كأنك بسباق مارثون..!؟
لولو\ههههههههههه ولها عين تسأل..
عايشه\احرجتيني..صوتك عالي..
فريد\وشفيكـــــــم على صوووووووووووووتي!؟
حطت عايشه ايدينها على راسها\قصري صوتك....!
فريد\مالكم شغل كيفي..!
لولو\الا تعالي ..فريد ماقلتي لي مره انه لك ولد خال..!؟
فريد\وليه كان في مناسبه عشان اقولك..هو مو ولد خالي..ولد خالة ابوي..!
لولو\شلون!
فريد تكلمت وهم يمشون\ ابوي..عنده خاله كبيره اسمها ام خالد..وخالد يصير ولدها..عشان كذا انا اسميه ولد خالتي..لأنه ولد خالة ابوي..!وحنا علاقتنا معهم قويه حيييل..
لولو عقدت حواجبها\لخطبتيني.....!؟
فريد\اوووف مو لازم تعرفين..!..ووقفت فجأه وتوها تستدرك الموضوع..عواااشي..انتي تعرفين خالد..!
قربت لولو من عايشه اكثر\اي والله صحيح..سمعناك تنطقين اسمه..!
عضت عايشه على شفاتها باحراج بالغ..وردت بتوتر\هو..امم..هو ولد جيرانا..
لولو باابتسامه ماكره\اها..طيب شفيك تقولينها كذا..
اتسعت عيون عايشه..وكملت مشيها وهي تشد على شنطتها الصغيره\وكيف تبيني اقولها..!؟
ضربت فريده كف بكف بوناسه\اي والله..صدقيني خالد يناسبك..كلكم هادئين وتستحون ويمكن حتى بليلة ملكتكم ماتكلمون بعض..لاتخافين انا بتوسط لك عنده..قصدي عند خالتي..!ههههههههههههههههاي
توقفت خطوات عايشه..والتفت لها وهي تضغط على خصرها\قليلة ادب..!؟وتخطتهم بقهــر..
فريد\هههههههههههههه توني اكتشف انو عواشي تستحي..تعالي تعااااالــي..
كملوا البنات تسوقهـم..وقروروا ياجلون اغراض البارتي ليوم ثانـي.بسب ضيـق الوقت..
رجعـوا بيوتهـم..وفريد وعواشي كانت عيونهم تجول حول الكتــاب..اما لولو
فقررت تنـام وتهــرب من واقعهـا
===========












يوم بيوم..لحظه بلحظـه..وحتى الثواني كانت محسوبه على الطيـور بثقلها وترقبها وصعوبتها.
اسابيع الأمتحانات مـرت مثل رمش العينين..يوم كان ينتهـي بأبتسامه بسبب سهولة الأمتحان..ويوم ينتهي بصرخة ضجر وقهـر.. و مراراة الفراق كانت بمثابة علقم متربع بمنتصف الحلق يعكر صفوا لحظاتهم المحسوبه والتي ستنتهي بذكرى جميــله صعب انها تنعـاد.. لكن هذه عجلة الأيـام..الذكرى بحلوها ومرّها هي التي ستبقـى..

؛؛بداية المسيـره\

القلوب ترجف..والأرواح هائمــه..والخطوات تمشي مسيــره..خائفه..!لا تعلم مامصيـرهــا..!؟
الحظور يترقب الدفعه الثالثه عشر لتخريج البنات..واخيــرا..اقتربت خطواتهم ومشوا باانتظام..قبعة السوداء فوق رأسهم ووشاح التخرج يتوسط بميلان اجسامهم وشعرهم يتطاير خلفهم..ومكياجهم البسيط اخفى توترهم.. صعدوا المسـرح الخشبـي..وهم ينشدون كلمات "محمود الخضر"

وتخطت فرحة اللقيا كبرق..وسمانا اظلمت بعد التماعي..
اه لو تدري بحزني والتياعي..حين قالوا اشرقت شمس الوداعــي..
واناجي ظلمة الليل بصمتن..وعيوني اسكب الدمع فراقي
وفؤادي قد تعنا بااشتياقن..هكذا البعد اشدّ ما الاقي..

اعتلآ التصفيق الحـار..ففئه تقول الله اكبر..وفئة تصفـر..وفئة تهتف بااسم ابنتها او اختهـا..وفئات تبكـي فرحـا وهي تتأمل غاليتها تتخرج وتكبـر امام مرأى عينيها..
اما الطالبات فمشاعرهم هاضت..شعـور غريـب لأول مره يخالجهـم..
وكلمه واحد ترن بمسامعهم..
"وداعـا يامدرستي"

اخذوا الطالبات مقاعدهم...وبدأ برنامج حفل التخرج..القت المديره كلمة للخريجات..ثم كانت كلمة لأم ايضا للخريجات..وبعدها بدأ توزيع هدايا للخريجأت والمعلمات..وفقره خاصه لكل فصل..
؛

بداية النهايه\

بزاويــه ملطخة بجميع الألوان..مزينـه بكلمات الـ b....ولمساتهم ومواقفهم ومعيشتهم..
كانوا الأربعه مجتمعين ومحاوطين الحمامه التي شهدت اجمـل ايامهم..ولمسات ريشها اصابعهـم..وحتى لولو التي كانت تشمئز من ريحتها وهديل صوتها كانت تشعـر بجميع مشاعر الشجـن والفراق..فراق اليـم..موجـع لحد الألم..دامي وقتــالّ..!
انزلتها حنان من عشها..لتقترب منهم اكثــر..وضلت تتحس على ريشها بحنان..ودموعها اللؤلؤيه تتساقط بلا نهايه على ريشهــا..
كان موقفهم هو الصمت..وردة فعلهم هي الصمت..وكلماتهم هي الصمت..حيث لاتوجد اقوال ممكن تخفف من حدة الموقف..ولا هواء ممكن يثلج ارواحهم..
بكلمات متقاطعه همست حنان\انتوا متخيلين..واشرت على الحمامه..هالوش(هالوجه) الحلو..ماارح اشوفوا بعدّ اليوم..!؟
ناظرتها فريدهّ بالم وفهمت مقصدهـا..وابتسمت وهي تبكي بعد قناع القوه اللي استمدته طول هذا الأسبوع..\لا..لاا..اكيد بنشوفها..بنشوفها لأنها بقلوبنــا..صحّ عواشي..صح لولو!.
اومأت عايشه راسها وكل مافيها يرتجـف..شيء في قلبها ينـزع وجاهله هويته..رددت باارتجاف\اكيد..اكيييد..
باست فريده الحمامه\احنا لازم نفك قيدهــا..لازم تطيــر..لازم..!
عدقت لولو حواجبهــا..وانهمرت دموعها..كلام فريده صدمهـا..وكأنها توها تكتشف انه الفراق محتوم..
يعني معقوله..بسهوله..كذا..تطيــر..!ليييش!...هذا اللي كان يتردد في بال لولو..
فكوا قيدّ الحمامه..ورفعوها للهواء لأجل تطيــر.. تأملوا شكلها وهي تطيــر بأريحـه..وبحركات عشوائيه..كل وحده كانت تتأملها وبعينها نظره غريبــه..نظره تجهلها..هل هي بتطير بيوم مثلها..واذا طارت هل بتقدرّ تحلق للمعالي.هل بتوصل للأفــق اللي ارسموه مع بعـض..!؟
ومالبث الا دقايق على تحليقها وردة فعلها انها رجعت لأصلها ولمكانهــا.. تفاجئوا البنات من هالحمامه اللي عيت تطيــر بعد صارت حره..طليقه بالهواء... وفضلت ترقد بعشها.وتأثروا بحركاتها اللي ارغمتهم يسبحون اللي خالقها....وعرفوا انا الوفا لازال موجود..
فريده بملامح يائسه وقطبت حواجبها الكثيفه\الحل؟؟!؟
حنان\الحل معي..بتكون معي..! واخذت الحمامه وضمتها لصدرهــا
فريده\وين..!؟
حنان\معي..وبصعوبه نطقت..باخذها معي الأردن..وارتخت ملامحها وهي تكمل ..ابيها تسليني..بيــ..بيغايبكــن..انفجرت بكــي..وهالمره كانت شهقات مؤلمه....وانكست رأسها للأرض وهي تضمها اكثر وكأنها تخفي ضعفها وعجزها..
مااستحملت عايشه الموقف..قربت منها لمن حاوطتها وضمتهــا بقــوه..وظلوا يبكـون بصــوت مفجع وشاركوهم البكاء لولو وفريده لحظات طويله كانت ثقيله على انفسهم....
مشـوا في ساحات المدرسه وهم متمسكين ببعض..ارواحهم متقاربه..خايفه لحظة الفراق..
كانوا يبكون مدرستهم العزيزه..ويبكون كل ذكرى حلوه اندفنت هنــا..كان يبكون حنان اللي بتسافر..وحياتهم الجديده..!
نسوا الحفـل..نسوا اهاليهم والطالبات والمعلمات اللي بالقاعه.. وحاولوا يستمتعون باخر لحظه لوحدهم..
..تاملوا كل بقعه..كل جدار..كل كلمه انكتبت باياديهم..كل مكان ضمت ذكرياتهم فيه..وكل موقف حدث لهم..ناظروا العشب الأخضـر..الأزهار الورديه...والشجره الكبيـره الجذوع اللي اثارت اعجاب حنان..تلمسوا كل شيء يمـر عليهم..المقصف..الساحه..فصولهم..لوحاتهم..ممراتهم..و كأنهم خلاص يودعونه الوداع الأخيــر..والى الأبد..
دقت ساعـة انتهاء اليوم الذي لاينسى واظطروا يرجعوا لأدراجهم..وكان اول من رأوا اثناء مادخلوا القاعه اللي قام فيها الحفــل..هيا..ام فريده..فاتحه ايادينها الثنتين.. وتبتسم لبنتها وكأنها حاسه بشعورها هاللحظه..
اسرعت فريده لها..وارتمت بااحظانها وهي تبكي بحظنها الدافي\يمه لا..ماابي اروح..ليش نتخرج..!ليش تروح حنان عنا..!
مسحت هيا على راس بنتهـا..وهي تضحك لأجل تلطف حزن بنتها..
هيا\معليش يابنتي..هذه الدنيا..ان شاء الله بين كل فتره فوتره تشوفون بعــض..نستيني..مبروك ياقلبي مبروك..
وبنفس هذه اللحظات كانت حنان مرتميه بحظن امها وتبكي..وكذلك لولو. لكن الوضع كان مختف تماما..لولو هي اللي تذرف الأدمع..وامها تحاول تهدئتها ببعض من لمساتها الدافيه على ظهرها..وصعب جدا عليها انها تعطي اكثــر,,لأنها ماتعوت هالقرب والحنان اللي تشوفه ينسكب بحراره بعيون اختها هيــا..












محتاجه حظنك الدافـي..اكثر من أي لحظه فاتت..
ضميانه لصوتك اللي يروي..وسط متاههة افكاري
بكيت وكتمت اهاتي بسري..
وصرخت بصوتي العالي
لكن محدن سمع صدى هالصوت
ضحكت وقلت في نفسـي..!
ياعايشه انتي محرومه!
بكيت..وبكيت..ولاادري..!
وانا معلقه باامل قتال.\

كانت تناظرهم بعيون مليانه اسى وهموم..كانت تشوف المحبه والحنان بلمساتهم.الدفء بنظراتهم..كل وحده متمسكه ببنتها..وفرحانه لأجلها..ارتشعت وهي تشوف ام حنان تمسح دموع بنتها وترجع تضمهـا..وبكت وهي تلاحظ ام فريده تضحك لفريده ..وازدات جروح وهي تناظر الهديه الكبيره اللي اهدتها ام لولو لبنتها..
"مااستحملت هالمشــاعر..مااستحملت هالوجع..
تبي تحظن أي احد وتبكـي...تبكي لحد ماتموت وترتاح..!
ليش يمـه..!ليش ذبحتيني...وحرمتيني من قربك..لييييش!؟
تمنيتك تكونين قربي اليوم..!
تمنيتك تواسيني ..او حتى تقولين لي ..مبروك يابنتي..!؟
وينك يمـــه..!والله اني احتاجك اليــوم.."
حست بااحد يطوقها من الخلف..ويهمس لها بمبروووك..
مسحت دموعها بسرعــه..ولمن كشفت هوييته ضمته بكل قوتها..
ساره\بسم الله على هالقلب..ليش تبكين حبيبتي..!
عايشه بكت اكثــر وتمسكت فيها وكانها ماصدقت انه ساره موجوده\توقعتك ماتجين..انتي قلتي لي انك مشغوله بدوامك..!
ساره بالم بنت اخوها\كذبه بيضاء ياقلبي....كنت ابي اسويها مفاجأه..!
ضربتها على كتفها بقهر\طيب ليه تـاأخرتي ..تمنيتك تشوفين المسيره..!
ساره\معليش حبيبتي..والله غصبن عني..رئيستي بالموت رضت تطلعني..!ابعدت عنها شوي..تفضلي ياقمـر..!
ناظرت عايشه ورودهــا..ورود الزنبق مثل ماتحـب..ابتسمت بسعــاده وتادكت انه الدنيا ممزوجه بمراراه وحلاوه..
ضمتها بسعاده\شكـرا ساره..
ساره\وماشفتي شي..في هديه ثانيه تنتظرك بالبيت..!
اتسعت عيون عايشه\ثانيه..!
ساره\مااراح اقول لاتحاولين..وين صديقاتك مااشوفهم..ودي ابارك لهم..
ماامداها عايشه تردّ الا وفريده ولولو وحنان يركضون لساره ويسلمون عليها..لأنه ساره كانت علاقتها حلوه مع البنــات..وهم يعجبون بحكيها..بالرغم من فارق السن بينها وبينهم..
ساره\ياعيني على الكشخــه..بتنخطبو اليوم يابنات..!
غمزت فريده بعينها\لا..كذا انتي اخجلتينا..!
لولو\منوا اللي بيخجـل..كأني سمعت شي غلط..!
فريد\كولي عسل..ونظفي اذنك زيين..
ضحكوا البنات..ونسوا لحظات احزانهم..
لكن من تقدمت لهم ام لولو تذكروا كل شي..
ام لولو\يالله عاد لولو..تأخرنا..والمدرســه فضــت..
لولو جاوبتها بنبره راجيه\يمه.لحظه شوي..مو مستعجلين على شــي..
ام لولو ماعجبها الكلام..هي مشغوله..عندها عزيمه اليوم ولازم ترجع مبكر\انا مستعجله..يالله يابنتي..!
تأففت لولو بصوت واضح..وماعلقت..
فريده\احنا لو علينا مانطلع ..لكن خلاص..خلونا نطلع باابتسامه..ولاتنسون بعد بكره الحلفه بـ بيتي..!
تكلمت حنان بااستغراب\اي حفله..!
فريده\احنا مقررين نعمل حفله لنا بكره..نسينا نقولك..وناظرت لولو وعايشه..صح بنات,!
عايشه وافقتها الرأي\ايه صح...ولاتنسين حنوا..جيبي معك الوشاح والقبعه عشان بنصور..
حنان\الله يعيني..اخاف بابا مايرضى..
قالوا البنات بصوت واحد وهم متفاجئين \ليييييييييش!..
حنان ردت وهي موطيه راسها\لأنه مشغول بااوراق سفري..!
ثواني مرت والصمت سيد الموقف..لكن روح ساره المرحه وتغيريها للموضوع اخرجتهم من هالجو الكئيب..!
خرجوا البنات من مدرستهم بصعوبه شديده..بعد ماودعوا جميع معلماتهم وزميلاتهم..حتى المراقبه سلوى ودعوها لأنهم فعلا بيفقدون كل شيء مرّ وحلو بااجمل مرحله عاشوهــا..

=======



وصلتها امها بيتها وجميع الأحداث اللي مرت اليوم في بالهــا وماانتبهت لأمها وهي تلقي السلام عليها..
تذكرت صديقاتها..مدرستهــا..حياتهـا..ذاتهــا..كل شي كان كئيب بعينهــا..تذكرت الحمامه..الحمامه اللي عيت تطيـر ورجعت لعشهـأ..شعرت انه حياتها مثل الحمامه..حلمت كثيــر..وتمنت الأكبـر والأعلى..لكن بالنهايه...رجعت لنقطة الصفر مهزومه وبنتايج اثرت سلبيا على حياتها..
دخلت بيتهــا ورأسها منكوس ونظراتها تايهه..ولا كأنها اليوم تخرجت وانتهت من ألأمتحانات
صعدت الدرجات بمملّ وفتحت بـ ايدينها الثنتين بااب غرفتها الأبيض..وهالها مارأت..
تقدمت ناحية السرير...وصعدت درجاته..رفعت الفستان الفيروزي وانعجبت بالزخرفه الذهبيه اللي متناثره فيه..كان قريب كثيــره لستايلهـا..وكأنه هي اللي اختارته...انتبهت على بطاقه موجود بنفس مكان الفستان..فتحتها بفضـول..وابتسمت بحبور..وهالأبتسامه تحولت لظحكه خفيفه وسعيده..
قرأت الكلام للمره الثانيه وعبست وجهها وهي تلاحظ عفويته...وسرعة كتابته..

"اقولك..البسي هالفستان..وجهزي لبس لي ولك ليوم"

وفعلا..استجابت لمطالبه.. سحبت الفستان بحماس شديدة وطلبت من فردوس تغسله وكانت هذه عاده فيها تغسل أي حاجه جديده..
ومع انشغالها في تعديل شكلها..وشعرها..ومكايجها ماحست بالوقت..ولا حست بمعدتها الفاضيه..ولا حست بانه نفسيتها انقلبت بسهوله..
ولا حست ايضا باللي شدّ على اكتافهـا..تنبيه على حظوره..
رفعت عينها بحركه سريعه..وابتسمت\سامي..!
سامي اقترب من رأسها وقبلّها\مبروك..
ارتخت ملامحها..ولاحظت انه اجفانها بدت تذبل مثل الورده\الله يبارك فيك..
ناظرها من المرايه\خلصتي..!؟
لولو بنعومه قالت\ايه..واضافت بنفس النعومه..بس بلبس..
رفع ايده من اكتافها وحك شعـره..وبنفس الوقت فتح عقدة الكرفته\اوكي...لاتتأخرين..
قامت من مكانها..والهدوء يلف حركاتها..كانت مثل الطفله الوديعه بيوم العيد ..تستعد للمعايده وهي طايره من الفرحه..اتجهت لغرفة التبديــل..ولبست الفستـان..كان متواضع جدا..ولأنها قصيره كان يغطي نصف ساقيها..ويربط اكتافها خيوط ذهبيه ..تحركت من مراءة الدولاب وهي تلقي نظره على الفستان من جميع زواياه..فتحت الكلبس اللي بشعرها..وتناثر على اكتافهـا البارده..لعبت فيه بااطراف اصابعهـا..وعجبها شكلها.. حبت شكلها الناعم..والشدو الخفيف اللي ملىء اجفانها..اكيد بيجن عليه سامي..اكيد بينعجب بشكلي,,!والله لأهبل فيك اليوم..! اكتشفت انه وزنها قلّ بشكل ملحوظ بسبب ضيق الفستان اللي حدد جسمهـا..وبعدها اكتمت صرختها المقهوره..لأنها العكس زائد وزنها لكن ضيق الفستان اعمى بصرهـا..
ابعدت هالأفكار المملّه عن بالها..وبحثت بين رفوف احذيتها على شيء يناسب الفستان..واحتارت بين صندل واطي ذهبي..وصندلّ ربط ذو كعب عالي,,
اختارت ذو الكعب العالي لأنها تشمئز من قصرها الغير طبيعي..
وخرجت من الغرفه وهي تتنفس الصعداء..
لولو\خلصت..
كان سامي يتحدث بالتلفون..ومن سمع صوتها ردّ بسرعه
سامي\اوكي.اسبقيني انتي..
الأبتسامه اللي جملت ملامحها اختفت توقعته يذوب..بجنّ..المهم يظهر اعجابه..واللي ظهر العكس..
اخذتها الشنطه اللي جهزتها بصعبيه بانت بحركاتهــا..
وعشر دقائق ونزل سامـي وكان حاجب عيونه بنظاره سوداء صغـرت عمره اكثـر..
وهالمره اللي انصــرع لولو مو سامــي اللي كان انيق ببساطة لبسه..
اّشرّ لها ينبها وهو لازال يتحدث بالتلفون..وهي انتبهت واحمرّ وجهها..ولامت هالعقل الغبـي اللي اصبح ينجذب بأقل القليل..
لبست غطائها على عجلّ وطلعوا للسياره..وهي مو عارفه دروبهــا وين بتوصـل..!؟
:::
لدرب المجهول\

شي غريـب يرغمها..تضل هادئه طول الطريق..كانت تتمنى تفتح موضوع معـه..او حتى تقول..وش اخبارك.!وتحكي له عن احساسها اليوم..لكن في شي يعيق حديثهـا..هي ماتنكـر انها مجهده بسبب اليوم الحافل بامور كثيره..اولها انتهائها من ألأمتحانات ...وثانيا حفل تخرجهـا...وثالثا وألأهم ان بدأ النوم يداهم عيونهـا..
لكن مستحيل تضيع هالفرصه..!مستحيــل..
اخذت تلفونها وكتبت مسج سريع لعايشه لأجل تبلغ صديقاتها..وقفلت تلفونهـا..
وبهاللحظه وقفت السياره عند الشاليه واتسعت عيون لولو بفرحـه..
ماتوقعت انه بيجي يوم ويتكون مع سامي بالشاليه..ارتفعت معنوياتهـا..ونست النوم اثناء وصلوا لشاليهم الخاص اللي باسم ابوه..
سامي\عجبتك المفاجأه..!
لولو سكتت وهي تتمنى لو تطوقه بقوه وتعبر عن سعادتها لكن اكتفت بهزّ رأسها وابتسامه سعيده..
نزلوا مع بعـض..وسامي اعطاها المفتاح وهي سبقته..ودخلت الشاليه اللي كانت حافظه كل قسم فيه بسبب الحفلات اللي تكون فيه..
فتحت غطاءها ووضعته على اكتافهـا..ودخل سامي وهو حامل الشنطـ..
لولو\لو قلت لي كان استعديت..!؟
وضع الشنط على اول كرسي وكتف ايدينه\وكيف تكون مفاجأه..وبعدين لاتخافين..انا مجهز كل شـي من الصبح..
رفعت لولو حاجبها الأيمن وعجبها اهتمامه..وبالمثـل سامي عملّ نفسه حركتها..
سامي\ترى حتى انا..اعرف اعمـل حركاتك..
ضحكت عليـه..وتوجهت لغرفة النوم..وعلقت عباتهـا..ورتبت نفسهـا..
حست انه لبسها..مو لبس شاليه..لكنها ماحبت تذكر هالشيء اماما سامي..لانه هو اللي طلبّ منهـا تلبسه..واكثر شي كان معوقهـا..صندلهـا اللي بيعيق حركتهــا..
نفضت هالأفكار من بالهـا وهي كارهه الأصوات اللي تخرج من معدتها.. طلعت من الغرفه وهي تتمنى تحصل شي بالمطبخ....لاحظت انه الباب الزجاجي مفتوح واكيد سامي طلع للشرفه..
اتجهت له..وعجبهـا الجو الربيعي الملفح بنسمة هواء هاديه اللي يهب عليها قبل ماتخرج للشرفه..
وضعت ايدهـا على فمهـا المفتـوح ..وسمعت صرخـة سامي المعتـرضه..
سامي\لاااااااااا خربتي علــي..
تقدمـت له لولو وهي ودها تصرخ وتعبر عن اللي محبوس بدخلـها..
مسك ايدها سامي ونزلت درجتين لمن اصبحت مواجهه له..
ظلت تتأمل الطاوله االمثبته بعواميد مغلفه بقماش ابيـض ينزل للأرض ويغطي ارض الجلسه..
والورود البيضاء كانت متناثره بكل بقعـه..
والأحلى من ذلك..صورتها المزينه الكيكه اللي ماخذه شكل قلـب ابيـض..
هذا غيـر المقبلات سنديوشات الدجاج والمرتديلا والجبن البارده..وعصير الجوافه حبيب سامي..
وورق عنب..وتسالي من جميع ألأصناف....وصوت موسيـقى انعش روحها..
ثبت سامي ايده على ذقنهـا.وحس بعيونها وهي تجول على كل مكان.ولأجل يغير الجو اللي اصبح شاعري وفوق طاقته..قال بضحكه..
سامي\جوعانــه..!
اومأت لولو رأسها..ولاحظت الشموع اللي ماسكها سامي..
سامي ابتسم وضـل يحك شعره ويبعثر نظراته \عيت تشتعل..يمكن بسبب الهواء. يمكن..
ضحكت عليه لولو..كان شكله مثل الطفل المذنب..
تقدمت له اكثـر..وضمته بهدوء....وهمست باذنه\شكرا حبيبي..

استغرب سامي من حركاتها..وتفاجأ من كلمة حبيبي...اول مره يسمعها منها..تمناها ترددها بااعلى صوتهــا ومايسمع منها غير هالكلمه..ماقدر يفكر اكثـر..وانصاع لمشاعره الثايره..غمض عيونه وطوقها بكـل قوتـه..
ظلوا فتـره على هالحـال.لولو كان بهاللحظه تعوض كل لحظة حرمان..والم ببعده..وسامي كان يحـس بالضعـف وهي بين ايديه..
فتحت عيونهـا وخطرت في بالها فكره ..ابتعدت عنه شـوي..لكنها انصـرعت لمن رجعها لصدره..تنفسـت بشـده .وحاولت تقاوم ضعفهـا..لازام تبتعد هاللحظه..لازم تذوقه اللي ذوقها اياه طول هالفتره..نزلت ايدينه بصعوبــه..واخيرا قدرت .. ظلت تناظر وجهه..وشعره اللي تنثار على جبينه وعيونه اللي زال مسكرها هي باانفاسه الهايجه..ابتسمت بمكر وهسمت باذنه وهي تقاوم ظحكتها\جوعانـه..
فتـح سامي عيونه بقهـر..ورسم باتسامه على شفاته..\اوكـي..
جلسوا على الكراســي..وسامي ظل يرتب شعـره ويرجعه للخلف..
اخذ السكينـه..واقترب منها..مدت ايده معـاه..وقصوا الكيكه..وهي اصبحت تصدر صرخات مثل ألأطفــال..
لولو\قصيت وجهي حراااام..
سامي بنبره حنونه قال\وش لي بالصوره دام ألأصل عندي..
حركت عيونها بدلع..وظلـوا ياكلون بشكل متواصــل وبدون توقف لأنه ألأثنين حاسين بالجوع..
لولو لوت فمها بقرف\جوافه ّ!!
سامي ظحك على حركتها\طبعــا..!
لولو خذت نفــس..واظطرت تشربه وهي بداخلها تموت وتشربه لأنه حبته بسببه..
رفع لها ورق عنب بأيده وبدون شوكه وقربه من فمها وبعيونه نظره ماكره\يقولون تحبينــه..!!
شعرت انها بتبكي...لكن عملت نفسها كبيـره...واكلتــه..!
ولأجل ترد حركته اخذت ورق عنب بشوكتها ..وقربته من فمه\ويقولون انك ماتحبــه..
وفعلا سامي ماكان يحبه ابدا..لكن عاندهـا..واقترب منها واكله وهو يبتسم\لذيــذ..وفجأه سكت..وعض على شفايفه وارخى جفونه..حامــض..
لولو ظحكت على شكله\ههههههههه شكلك كيووووت ..
ظلــوا على هالحـال..حكي.وضحك..واكل..
كل واحد نسى همه..ورماه للخلف..واستمتعوا بكل لحظه مرت عليهم..
--------------
















انا سعيده\
رافعــه شعـرها الطويل بقلمها الرصاص بشكل فوضوي ماعدا خصله متمرده توسطت عينها اليمنـى..
لها ساعه وهي تشخبط بالكراسه بدون مللّ تحـس انه طاقتها اليوم مرتفعـه بشكل كبيـر..رسمـت قصة الفستان بشكل واسـع..وظغطت الرصاص على البنس اللي بتكون تحت القصـه..
"حنوا..وينك!؟"

رفعت نظـرها..وعدلت جلستها\ها ماما..انا هون..
تقدمت لها امها وجلست على سريرها..
ام حنان\شو بتعملــي..دراسه وخلصتي...ليه حابسه نفسك بالغرفه!؟
وضعت الكراسه على السرير وابتسمت لأمها\ولا شي..بس جاي على بالي اشخبط شوي..من زمان مارسمت..!
لاحظت امهـا وهي تجول نظرها على الكراسه..\بدك تشوفيه..!؟
ام حنان\ايوه..بدي..!؟
رفعته من السرير..واعطته امهـا بحبور..
تصفحتـه امها بسرور..وهي منعجبـه بموهبة بنتهـا..هي صحيح تمم لها شياء كثيـره لكن مافكرت بيوم تفتح كراستها وتناظر الأصـل..
حنان كانت متحمسه من ردة فعـل امها..وفرحت بشده لمن لاحظت نظرات الأعجاب تنبع من عيونهـا
ثبتت ام حنان على نفس الصفحه اللي كانت ترسم فيها بنتها ..واعطته بنتها\ماشاء الله...حلوه تصميماتك.
حنان\عجبتك..!
ام حنان\كتيــر.
حنان كانت تمسع الكثير من كلمات الأطراء والأعجاب من اللي حولهــا..لكن كلام امها مثل العسل الصافي عليها
مو عارفه ليش..لكن اللي عرفته..انها حبت هالشعور..وتمنت نظرة الفخر اللي بعيون امها ماتنمحي طول العمر..
ام حنان\خلينا بالمهم..عندي لك خبر بيفرحك!
حنان حست باللي بتقوله امها لكن مااستبقت الأحداث..تخاف تفرح على فراغ..
ام حنان\شو..مابدك تعرفي,,!
حنان\بلا..ماما ئولي..مافيني صبر..!
ام حنان\ابوك وافئ تروحي لصاحبتك..
حنان \والله....!؟
ام حنان\طبعا..
حنان\مو مصدئه..ماتوقعته موافقته
ام حنان\وليه..هو كل مره عنده بنت تتخرج,.!؟
ضحكت حنان..وشاركتها امها الضحك..ومن هاللحظه بدأت تفكر ..ايش ممكن تلبس بالحفله..!
---------------
















امام الشاطىء\

ظلام الليل الكاحل..والقمره المنوره..والهواء البارد..وتلاطم الأمواج..وهي..وهو..
كانوا اجمل صوره على الشاطىء..
حكـوا مع بعض طـول النهار..وقبال البحــر..واستمتعوا بغروب الشمـس..لوحدهم وبقرب بعـض..ايد على ايد..كتف بكتف..الشاطىء كان خالي..خالي من الناس..وهم استغلوا هاللحظه..
اشيـاء كثيرها عرفتها واكتشفتها لولو من سامي..وبالمثل سامي ويمكن اكثــر..واجملها اكتشـف انه لولو تحــب اللعب بالتراب على قولتها..زين للبشره..
بنـوا قلعـه مليئه بالقبب..اخذت من جهد سامي الكثيـر..وغيرت فستان لولو من الفيروزي للبنــي..
لولو\تدري...ونفضت التراب من فستانها وعباتها المفتوحه..لو صديقاتي يشوفوني اللحين...مايصدقون اني لولو..
سامي كان يسمعهـا..ويبنى السور بأيدنيه الثنتين\ليش!؟
لولو\انت متخيــل..شوف فستاني...شكلي ههههههههههه نكتـه..
ملىء ايده بالتراب..ورماه على شعرها\واجمل نكتــه..
غمضت لولو عيونها وهي تبكي\لااااااااا الا شعري..
سامي\عشان تتروشين مره وحده ..
لولو رفعت حاجبها\ياسلااااام..!طيب اوريك..
اخذت كل اللي تقدرّ عليه من التراب..لكن سامي حس بحركتها وقام على رجلينه وركــض..وهي ركضـت خلفه وتصرخ باسمه\سامي..لحظــه ساااااااااامي ماااابي وقف ...برمي عليك يعني برمـي لاااا لاتروووح
التفت عليها\لحقيني طيب اذا قدرتي ..يابطــه..
الفتت اعصابها\انا بطـــه..!؟و اشرت على نفسها...انا؟؟؟؟..طيب انت وزه..واطول وزه شفتها بحياتي
ظحك على تعليقهــا..ورجــع الشاليه..وهي تبعته وشكرت ربها لنها فصخت صندلها قبل ماتخرج..
رمت التراب اللي بايدها عند مدخل الشاليه..ودخلت ماحصلته بالصاله..دخلت غرفة النوم..وسمعت صوت الماء بدورة المياه..وثارت اكثــر..فصخت عباتها..وهي منقرفه من نفسهــا..
ودقائق وخرج سامي وهو لاف الفوطه على خصره..تقدمت له وهي بتموت من الأحراج.. قررت تكمل خططها الجديده وتتقوى بجرأتها..رفعت اطراف رجولها وبصعوبه وصلت لكتفه ..مدت ايدينيها على طول ذراعه الطويله وملئتها بباقي التراب اللي بقى بجسمهــا ولصقت فيه اكثــر......وابتسمت اثناء ماشعرت بتقطيبه حواجبه وابتسامته المستسلمه ..وهمست باذنه\وحده بوحده يا...قلبــي..
ابتعدت عنه..وعحبها تأثيرها عليه..دخلت تاخذ شاور..وتترك سامي يحارب مشاعره..

::

رتـب عدة الشـوي..ووضع الفحم..وبدأ يتشغـل بااللحـم..نص ساعه وخرجت لولو..القى نظره عليها وظحك..ورجع يكمل شغـله..
لولو حطت ايدها على خصرها وتحدثت بنبره ناعمه\ليش تضحك..!؟
سامي\لأنك طفلــه..!
ناظرت لولو لبسهــا..كانت لابسـه برمودا وردي..على تيشرت فستقي عاري الكتفين..ولافه جسمها بشـال كشميري نحاسي..ولابسه شب شب قمة رأسه بشكل ارنب..
ورافعه شعرها ذيل حصان خوفا من تهجم سامي عليها..
لولو بتلقائيه قالت\والله شكلي يجنن..ونايــس..انا اصلا اهبل..انا لولو انا..!وظحكت بمرح..
بانت ابتسامه على طرف خد سامي ..وحاول يقلد نبرة صوتها وهو يميل فمه\طيب لو سمحتي يالولو انا..وتعمد يشد على كلمة انا..ممكن تعملي السلطه..
لولو حست بالسخريه والحنان بنفس الوقت بنبره صوته\طفله طفله..مو مهم..تقدمت له..واخذت الخضروات وبدأت تقطعها على شكل حلقات..وبحركه بطيئه..
سامي بهمس\عز الله ماكلنا..
لولو\شتقول..
وضع اللحم على الفحم و رد بتهكم\سلامتك اميرتي..
بعد فتره

لولو\اممم شكلك كذا..دوم تشوي..
سامي كان يقلب اللحم ويسمعها\كيف عرفتي..!؟
لولو\مدري..يمكن لأني اشوفك متحكم بالرحله..!
سامي\فعلا..وابتسم بحنان لها..بوقت اجازتي احب نطلع رحلة بر او بحـر مع ربعـي لأني نادر مااشوفهم..فااستغل يومي بهالرحلات..!
لولو\اها..حلو..
سامي\وانتي..!؟
لولو ناظرته\انا..
سامي بنبره هاديه قال\حبيتي هاليوم..!؟
كان بتقول وبدون تردد ايه..حبيته وكان من اعسد لحظات عمري ..لكن شي بداخلها اسكتهــا.وقررت تقول وهي تمثل عدم الأكتراث وتشغل نفسها بالسلطه كلمتها المعتاده\..شــوي..
سامي\لولو..
لولو ماناظرته وردت بهمهمه\هممم
سامي ترك اللي بايده وقال\ناظريني..!
بعثـرت نظراتها..وهي تحس فيه يناظرها ومصمم على كلامه..رفعت عينه له ولاحظته يبتسم ابتسامته الحنونه..وبـ استسلام ابتسمت له..وهي تقول بنفسها غبيـــه..غبيه..غبيـــه
-----------------











يوم ثاني..وخبر مفجع\

ترتب..وتعلق..وتنظف..في وقت واحـد..تحس ان كل الي حولها اغبيـاء ومصنوعين من قوالب ثلج الا هي..
عصبيه مجنونه تحتويها ومو قادره تسيطر على نفسهـا..
سبت وسخطت في خواتها كلهم..حتى محمد الصغير حبيب قلبها ماسلم منها..
وبهاللحظه كانت واقفه على السلم وتعـلق بلونه متمرده عيت تلصق ..
فريده\ياغبيــه..ياغبيه الصقــي..
بدور كانت تحتهـا وماسكه السلم وتحاول تكتم ضحكاتها..
فريده\وبعدييين..وبعدييين..رمت البلونه بالهواء بقهر..يعلك ماتلصقين زيين..
بدور هنا انفجرت ضحك\ههههههههههههههه ههههههههههههه
فريد نزلت من السلم بخطوات سريعه\ليش تضحكين ياهبلا..
ابتعدت عنها بدور مسافة خطوتين خوف من ايد فريده \ههههههههههههه لأنك كبريت..هدي شوي..
رفعت فريده ايدها تهديد لبدور\مالك شغـل..هذا انتوا اللي نافعين فيه التطنز..
رمشت بدور بعيونهـا لأجل تقهر اختهـا..
فريده\لا تسوين هالحركه تذكريني بسبال شفته بالطائف..ههههههههاي
اختفت الأبتسامه من وجه بدور..\انا سباال!؟
ماردت عليها فريده..وخرجت من الغرفه وهي تركــض لكن سمعت صرخاتهـا وهي تنادي امهــا..ضحكت عليها وكملت مشيها ولأنها تركض وتشوف خلفها تصادمت مع ابوهـا وهو حامل محمد\اييييي يبـه ماتشوف..!
استعت عيون بومحمد\انا اللي مااشوف..والا انتي اللي تراكضين..
تنفست فريده بعمق وهي تحس فجأه بالحرّ من كثر ماركضت وضحكت\سوووري يالغالي..بس بنتك بدورو هبلت فيني.!
بو محمد\هي اللي هلبت فيك والا انتــي!؟
فريده حاولت تخفي ابتسامتها الماكره\لا طبعا هــي..
بومحمد\وليش حابسه خواتك بالغرفه..خليهم يطلعون..
فريده\مين قال.انا ماحبستهم بس هم يعفسون اللي اسويه..وصرخت عليهم..وقلت لهم لاتتحركون من مكانكم..
بومحمد\كل ذ هذا ولا حبستيهم..
فريده بكل برائه ردت وهي ناويه نيه شينه على خواتها \لا طبعا.
بومحمد حس انه الكلام مع بنته ضايع وخصوصا لأنه كلمتها هي اللي مسموعه\زين خذي اخوك..بروح المحل..!ومو تحبسينه..اذا مانتي قادره عليه..وديه لعمتك ساره..
فريده "عمتي طل"\زييين..
اخذته من ايدين ابوها وصارت ترفعه لفوق وتحاول تضحكه شعرت بتأنيب الضمير لأنه اخذ كذا صرخه وضربه منها..وبعصوبه رجع يضحك بعد ماكان ماد شفايفه الورديه...دخلت معاه غرفتهـا..وجلسته على السرير..وهي ترمي بوسات عليه وتضحك له\فديتك ياقلبــي..انا غبيه لأني صرخت على هالقمر..
رنّ جوالها اللي قدمه لها ابوها برنة نوكيا المعروفه وكانت "عواشي تتصل بك"
ضغطت على الزرّ الأخضر وهي ناويه على حرب جديده مع عايشه\وينك انـتي..كل هذا نوم..مايسوى علي..سويت كل شي ..وانتوا مبردين..هذه اخر مره اسوي حفله ببيتي..لأنكم ترفعون الضغط والسكر..اوووووف
عايشه\خلصتي!.؟
فريده زفرت بغضب\ايه..
عايش\زين فتحي لي الباب..!
فريده صرخت\انتي بـــره!؟؟؟
عايشه\من زمااان..وقفلت بوجهها..
رمت التلفون وماانتبهت انه عايشه قفلت بوجهها..وطلعت للحوش..وشافت عايشه وعلى الأرض بوكس كبيـــر ..
تقدمت لها فريده وسلمت عليها..
عايشه\بالموت قدرت اخلص الهديه ضليت ساعتين عشان يغلفها....تعالي كلمتك لولو..!
فريده\لا..
عايشه\ فريد لولو مقفله تلفونهــا..
فريده\احلفـــــــي..!
عايشه\والله..والمصيبـه من امس..!شكلها نايمه بالعســل..بعد المسج اللي ارسلته..
فريده عقدت حواجبها الكثيفه\مســـج؟؟؟
----------------









"توم كروز الخليج يصعـد لأعلى النجوميه"

"الفنان الشاب مصعب يخرج اول البوماته بعنوان "لا للجرح"

"النجم مصعب يصور اول فيديو كليب بمصــر"

"صدرت نسخه جديده من البومه بعد تفريغ كامل لجميع المحلات بالخليج"

"حكاية مصعب والفن كانت بدايتها الدق على العود"

"الملحن المشهور سعود اول من اكتشف مواهب الفنان مصعب"

"جميع من اشترك في اخراج البوم لا للجرح من معد ومخرج ومنتج وملحن وكاتب كلمات يتوقعون مستقبل صاعد لتوم كروز الخليج"

جالت عينه على الصحـف والمجلات اللي ماخذه نصيب من اسمه..
مديره الشخصي ماهر\وش رايك..!؟
رفع عينه لماهر وايده ثابته بااريحه على فكه المبتسم
وكانه يخفـي جنون ممكن ينفجر أي لحظه\i cannot explain sensory ... مدهوش..!ماتوقعت اني اوصل لهالمرحله..وبسهولــه..!؟
ماهر\وليش ماتتوقع..صوت..وحظور..!في احلى من كذا..!
خذ مصعب نفـس..وراه نفــس..ورجع يقرا المقالات اللي انكتب لأجله..
ماهر\اخليك اللحين..بس لاتنسى التصوير بكـره..
مصعب\ متى!؟
ماهر\بالليل في تصوير..والساعه ثمانيه عندك مقابله..!
مصعب\يعني اليوم بريك..وابتسم ابتسامته الساخره المعتاده وهو يزم فمه وتبان شامته..great.,,
خرج ماهر من السويت..وظل مصعب سارح بمجلاته بالشرفه المطله على حديقة الفندق..
يقرأ مقال..ويتأمل صوره..يغمض عينه بحالميه..ويضحك بمجن..!
ظل ساعات غير معدود بالشرفه وهو مقرر يستقـل كل لحظه ويمارس يومه بشكل طبيعي..وينسى انه فنان..
واول الممارسات كانت طلعته من الفندق ومشيه بشوارع مصـر على ارجلـه..ونهر النيل على يســاره ..
وهذا ثاني هوايه كانت يعشقها مصعب..ويهتم فيهـا..كان متعود يمشي وحيد ..الوحده خاوته من صغـره..واصحابه كانوا قله جدا..وهو جاهل السبب..هل بسبب شخصيته الشاذه والمغروره ونظرته المتعاليه للي اقل منه..او بسبب تميزه عن البقيــه..
ماكان يصاحب الا اللي بمستواه الأجتماعي ويتكبر على اللي يحاول يتقرب منه..وركان هو الشخص الوحيد اللي دامت صداقته معاه سنين عده..لأنهم متشابهين بالأفكار والشخصيات..والنسب اليوم جمعهم اكثر..
ضحك بسخريــه..هو محتاج هاللحظه اصدقاء عشان يسلونه في وحدته..!لأنه خلاص وصل لطموحه وانشغل فيه..اشنغل فيه بعد ماكان فاشل ومستهتر وضايع وفاشــل..!
وامه..واخته..وش موقعهم من الأعراب في حياته..!؟
امه يحاول يدق عليها..وماتستجيب لمكالماته..لكن الأهم انها بخيـر..وهذا شي ممكن يريحيه..!
اما اخته فاتصاله معها بشكل اسبوعي..!
وبكذا حياته مستقـره..ماعدا شيء وحيــد..عازم يوصل له بأقرب فرصــه..لكن منتظر الفرصه المناسبــه..
منتظر يثبت وجوده بعيونها ..وبكذا بيكون اكثــر استقرار..!
مو عارف وش ممكن يكون شعورها..!
هل فرحانه لصعوده في عالم الفن..!؟
هل هي تتابع اخباره..!واشترت البومه..!؟
سند ايدينه على سور النهار وعجبه غروب الشمس..واحتار في امره..
كيف ممكن يوصلها بهدوء..وبدون ماتلاحظ اهتمامه..!؟كيف..!؟
انتبه على صوت عالي خلفــه..ومافكر انه يلتفت..لكن صوت البنت ينادي باسمه..
التفت شوي..وسمعها تقول.."ممكن صوره..بليييز"
مصعب\اوكي.
قربت البنتين لمصعب وهو فارطين من السعاده..كانوا يحسون انهم محظوظين لأنهم بياخذون صوره معاه
تقدمت له الأولى..وقربت منه وصورتهم صاحبتها..والثانيه غارت وصورت معاه..وهو يبتسم ابتسامته جانبيه ساخره ومكتف ايدينـه بوقفه ثابته..
واثناء انتهاء التصوير..طلعت البنت الأولى قلم جاف ونوته من شنطتها.وابتسمت له..
كتب مصعب كلمته المعتاده"مع حبي" ووقع بااسمه..ومشـى بعيد عنهم وهو يلوحون باايديهم..ويصرخـون سعاده...
---------






خالد يقرب لفريده..وحب طفولته عايشه؟؟؟

سامي ولولو ونهايه غير معروفه..!؟

مصعب والفن..وفريده..!

وعايشه وخطوبة حمد..!

حنان وسفـره اقتربت..!

انتظروني بالجزء الجاي وبااحداث جديده..ومثيره..

اختكم
كـ \وصيت قلبي عليك

الجزء العاشر
"وداعــــا يااجمـل ذكريات"
===========









"قلــق نهايته راحـه"

البنتين عايشين بجو قلق مملؤء بالتوتر..اسئله عديده تلهو بفكرهم..
وتعكـر فرحتهم بحيره دخيله عليهم..!
لولو ليه مغلقه تلفونها..!؟
بتحظر الحفله او لا..!؟
وين مختفيه..!؟
:
رمـت فريده علبة الجلّ بعصبيـه..وصرخـت على شهد اللي دخلت غرفتهــا..وكل هذا كان بوجود عايشه اللي شاده على فمها خوفا من ضحكه تشعلل الاجواء اكثـر..
فريده\وش ذا..يعني الواحد مايحس بااستغلاليه بيــوم..!؟قولي لبدور تحط لك..!؟
شهد ببراءه وهي تقضم اظافرها من الخجل \تقول ..قولي لفروده..!؟
انهلت الرحمه بملامح فريده ..ودليل على ذلك هدات نبرة صوتها\طيب..قولي لأحلام..واذا مارضت ناديني..!
عضت شهد على شفايفها الورديه\طيب..واغلقت الباب بنفس هدوئها..
عايشه حاولت تقلد نبرة شهد وهي تفتح المجله المرميه بسرير فريده\فروده..فديت الدلع..!؟
عملت فريده شعرها عنقوصين وبصعوبه قدرت تتحكم بربط شعرها القصير اللي بدأ يطول\تتطنزين انسه عواشي..!؟..اوووف..نفسي اقصه..مايعجبني طوويل..
عايشه\والله ان قصتيه ياويلك..!
فريده التفت لها بااستغراب\ليش!؟
عايشه\بس يااختي..خلينا نشوف شعرك لو مره طويــل..حرام شعرك كيرلي وحلو ..يابختك نفسي يتلفف شعري طول الوقت..!ومسكت خصله من شعرها بملل..مايعجبني كذا..!
هزت فريده راسها وشفاتها تحمل ابتسامه ساخره\فعلا ألأنسان طماع..ومايعجبه حاله..اقول قومي لا يكثــر..انا لو علي اقصه من زمان لكن امي حالفه قبلك..يااختي قهر حتى بشعري بيتحكمون..
دوت الراحه بقلب عايشه اثناء ماسمعت حكي فريده\ريحتيني ياشيخــه..
قطع حوارهم دخول نعيمـه المفاجاّ والعرق يتصبب من جبينها\فريــد..صديقتك الطويله جــت..!
عقدت فريده حواجبها..\طوييله..!؟يادوبه اسمها حنان..
قفزت نعيمه كذا قفزه وهي ماسكه مقبض بالباب بقهر\اووف حنان..حنان..امي قطعت علي الكارتون والسبب صحباتك..
وضعت فريدها على فمها وهي منحرجه من عايشه\يقطع ابليســك..على منوا طالعه انتي..!؟..وركضت خارجه من الغرفه..
ابتسمت عايشه بينها وبين نفسها على هالعايله الغريبـه..عجبها حكيهم..وسحرتها بساطتهم ..تحس بالراحه اذا دخلت هالبيت .تحب الألفه اللي تحاوطهم البسمه اللي ماتفارقهم..الشغب اللي معطي رونق حيوي لمواقفهم...وبالرغم انه مافي شيء مميز..الا انها تشعر بالطمأنينه ..بالحب....بالأمان..تمنت دعوه صغيره بهاللحظه الخاطفه.."ليتني احظى بعائله مثلهم".وبنفس هاللحظه تمنت اكثر بقل حيله.."وليتني احظى بكلمة ام لطفله مثل شهد"

"عوااااااااااشي وعمى تعالي حنوا جت"
هذه كانت صرخه فريده اللي دوت من الصاله وقطعت افكار عواشي..قامت على عجل..ورتبت هندامهـا والقت نظره خاطفه على تنورتها الموف..وبلوزتها المشجره بلون الكريما..شكلها ناعم....وحركت شعرها لعله ينتعش وثبتت الفراشه الصغيره المزينه غرتها..وخرجت للصاله بخطوات سريعـه....
وابتسمت لمن لاحظت فريده تصرخ على حنان اللي تأخرت..تمتمت بنفسها.."الله يعنيك حنوا"وتقدمت لهم..
عايشه\هاااي
حنان\هاايات..زين انك جيتيت انقذيني من فريد..
رجعت عايشه ايدينها للخلف وابتسمت لحنان\عادي...تهزأت قبلك..
فريده\صج ماتستحون..غلطانين وتتذمرون..
حنان فصخت غطاها وعباتها وحالت تغير الموضوع\اوكي..حقك علينا..
اخذت فريده عباة حنان وعلقتها عند باب المدخل..!
حنان\تعالوا..وين لولو..لسه مااجت!؟
سكتوا البنات..وماقدروا يردون..
لكن عايشه جاوبت وهي تاخذ حقيبتها\بدق عليها..شكلها بتتأخر..!
حنان\شو هاد..ومعصبين عليا ولولو لسه مااجت..!؟
ابتعدت عايشه خطوات عن ازاعاج البنات..ودقت على لولو..وشعرت باليأس اثناء ماطلع لها التلفون مغلق..
وصوت جرس الباب نبه البنات على وجود ضيـف جديد.. دعت فريده من قلبها انها تكون لولو.حاستها السادسه كانت تقول لولو..وماخب ظنها ابدا اثناء مادخلت عليهم لولو وهي تصــرخ
"انـــا جيييييييييييت"

عايشه شدت على تلفونها وهي شوي وتبكي من الفرحه..اما فريده زمـت شفايفها والشرار بيخرج من عيونها..
لولو قبل ماتسلم عليهم..رفعت ايدنيها بااستسلام..وهي تستعطفهم
لولو\ادري..ادري اني تأخرت ..سوووووري...
تقدمت لهم وسلمت عليهم..وفريده ضربتها على ضربات خفيفه على اكتافها لأجل تفش غيظهـا..وكل هذا بوجود حنان اللي جاهله هوية الموضوع..
:
جلسوا البنات بالصاله يتبادلون الحدايث..ووزعت عليهم بدور عصيـر فريده..رمقت فريده بنظره واشرت لها تجي للمرّ..اخذت عايشه العصير معها واستغلت حديـث لولو وحنان..
عايشه\خيــر..
فريده بنبره حاولت تخففها \اسمعي نبدأ اللحيــن..!
عايشه \ايوه..
مرت من جنبهم شهد وابتسمت بخجل لعايشه..
فريده\شهد..روحي حبيبتي داخل..
عايشه\لا خليها..تعالي شهد..قربي حبيبتي..
رفعت فريده حاجبها\كيفك بتلصق فيك..
عايشه تجاهلت ردها ومدت ايدينها لشهد اللي تقدمت لها بخطوات بطيئه..وشوي شوي كانت بااحظانها\ياربي..تهبـل اختك..!؟طبعت بوسه على خدها..ورجعت تضمها..
فريده\اسمعي انتوا حاولو تخلونها تتقدم..عشان البلالين تتناثر حولها..اوكي.
غمزت عاييشه بعينها\ولا يهمك..
فريده دفتها بخفه \اوكي روحي ليش واقفه انا بشغل المسجل وانتوا دخلوا ..
دخلت عايشه الصاله ونادت البنات اللي قاموا ولبسوا ملابس التخرج ودخلـوا..
حنان كانت تسمع اغنيه عجبتها وهي تتقدم لغرفة الحريم\وينها فريد!!
عايشه\تنتظرنا داخـل..
دخلوا الثلاثـه وخلفهم اخوات فريده..وتنـاثرت البلالين اللي بلون الذهبي والأخضر على رؤس البنات الثلاثه ..ضربت فريده راسها لأنه فكرتها مانجحت لكن فجأه سمعت صرخة حنان ويه تضحك..التفت لها بسرعـه..وعرفت انها شافت اسمها معلـق بالجدارن وكانوا مركبينها بشكل بلالين..
"حنــان نحبك"
جالت عيون حنان على الغرفـه المليئه بالزينه بكل مكان..لاحظـت بوكـس كبيـر محوط بطاوله على الزاويه....حثتها لولو لأجل تتقدم اكثتر..واصبحوا قبال الكيكه المكتوب عليها "مبروك التخرج حنان"
تجمعت الدموع بعيونهـا ..وحست بايد لولو وهي تعطيها سكين لأجل تقص الكيك..
انخرس لسانهـا..وكانت بس تتحرك وتستجيب لأوامرهم..او اوامر قلبها اللي عيا يعبـرّ..
وضعوا البنات اياديهم على ايد حنان وقصوا الكيـك..وهنا حنان خلاص انهارّ صمودهـا وبكـت بشكـل مفجـع..وحظنوها البنات وهم يبكـون..واتمزج الحزن والفرح بنفس الوقت.
حتى اخوات فريده اللي مو عارفين ايش المووضع دمعت عيونهم..ماعدا وحده كانت تناظر الكيكه ولعابها يلعب بلسانهـا..كانت نعميه اللي مو عاجبها الوضع وتبغى بسرعه تاكـل ولمن لاحظت انه المساله بتطول صرخت \خلاااااااااااص عاد..ابي كيكه..بس تصيحون انتوااا!
تفاجئوا البنات من لسان هالصغيرونه..هالجمله هذه طلعت البنات من حزنهم..وبتلقائيه ضحكوا بوسط دموعهم..
فريده وهي تمسح دموعها وتبتسم\اي والله صح..خلاااااااااص عاد
الكل\ههههههههههههههههه
تكلفت عايشه بالمهمه وقطعت الكيك للجميـع..اما فريده ولولو اهدوا حنان الهديه..
حنان\والله هدا كتييير علي!
فريده\شوفي عاد اذا ماودك فيها..اهديني اياها..
لولو\اقول حنان انصحك تاخذينها..ترى فريد ماتنعطى وجه..!؟
فريداسكتي احسن لك ترى بقلبي حره عليك..
حنان\ههههههه خلص بتتخانقوا مره تانيه..امشوا ناكل الكيك..
اكلوا الكيك..وضحكوا..ولعبوا..ورقصوا..وغنوا..وصرخوا..وبكو ا..وتكلموا..
كل حاجه كانت بخاطرهم انكتبت الليله.
كانت الليله مميزه بالنسبه لهم..هم متأكدين انه هاللحظه يمكن ماتتكرر ابدا...لجل ذلك فرغوا كل حالات الجنون بهاللحظات..
وبنصف الليل غيروا واجهتهم..وخرجوا للحوش..وجلسوا بالجلسه الخشبيه المتواضعــه..كانوا محاطوين حنان بكل اتجاه ويتسقلون كل لحظة قرب معها..لولو جالسه على احضانها وسرحانه بالسحب ..وفريده بجنبها الأيمين..وعايشه متمسكه بايدينها وجالسه امامها..
فريده\ومدام انكشف كل شي اللحين.ممكن اعرف مدام لولو وش سالفة المسج!؟؟
ابتسمت لولو على هالذكرى..واحمرّ وجهها وغمضت عيونها\رحت معه الشاليه..وحكت لهم كل شي وبالتفصيـل..
وبالنهايه..اخفت وجهها بحظن حنان ونطقت لكل خجل\احبـــــه
البنات بنفس الوقت\ايــِش!؟؟؟
لولو ابتسمت وهي تنطقها للمره الثانيه\احبـــــه..احبه..احبـــــه..

لحظة صمــت..الكلمه اللي نطقتها لولو اذهلتهم..لولو تحــب!؟
فريده كررت كلمتها\احبه..ولمن استوعبت قالت...تحبينه لولو.!؟
ناظرتهم وقالت بكل صدق\ادري انتوا مستغربين..حتى انا ماتوقعت اقول هالكلمه بيـوم..لكن ليش اكابر..انا فعلا حبيته ومااكتشفت هالشيء الا اليوم..سامي ارغمني احبه غصبن عني...
حنان\ياااااااااااااي..لولو تحب..مو متخيله!طيب قلتي له!؟
لولو\لا..وكملت وهي مغموره خجل..بس مثل ماقلت لكم..تجرأت وقلت له حبيبي..!
حنان تحمست\وهو يحبك!؟
لولو فكرت لثواني وبعدها ردت\وهو بعد ماقالي بس افعاله تبين لي حبه..!؟
فريده لازالت تكره شخصية سامي والسبب جاهلته\طيب صار شي بينكــم..!
لولو\قصدك..وسكتت..
فريده\ايه..اللي في بالك..!؟
لولو ترددت تتكلم لكن تجرات وقالت\...لا..
فريده كانت اجرا منها\والا متى ان شاء الله!؟
ماردت لولو لأنها فعلا ماعندها جواب لسؤال فريده..ومثل كل مره تكفلت عايشه بالرد\فريده وبعديــن!؟
فريده رصت عل اسنانها وهي تكابد العصبيه\شنوا وبعدين.!؟
لولو حبت تنهي الموضوع\بنات شوفوا مااظن في واحده مستحمله هالوشع كثري...لكني احس انه سامي هالليله تغيـر..وو..وانا لأول مره اكون مرتاحه..
استغربوا للمره الثانيه من لولو..نبرة جديده..وحب جديد..ورضا وقناعه غير متوقعــه..!
غيرها سامي..بدلها ب لولو جديده..هم ماقدروا يغيرون غير القليل منها..حبوها كذا..صادقوها بشخصيتها رغم كثر السوء اللي فيها.. !كيف قــدر!؟كيف قدرت ياســامي!.
معقوله الحب يصنع المعجزات!؟
هذا اللي كان في بال عايشه!؟
اما حنان فنظرتها حالمه وبعييييييده..
وفريده تذكرت الماضي الكئيب..!؟
انتهت الليله بفيلم هندي تابعوه..وكل وحده رجعت بيتهـا وماكانت تناظر غير سريرها المغري..
================











"حلم"

عرفها..وكيف مايعرفها..وكانت حبّ قديـم كبرّ معاه..وحلم فيه من سنين..سنين جملت الحياه بناظره ولونتها بأحلى الألوان..كان حبه صامت ..هادي..وشريف..كل شي كان من بعيـد..حبها من بعيد..يتأملها من بعيد..يخطط لمستقبله معها من بعيد..ويتشاق لها ايضا من بعيد..مافكر بيوم انه يصارحها بحبه ولا يتودد لها..على الرغم كل طفولتهم ومراهقتهم عاشوها مع بعض..ولمن بانت علامات النضوج في ألأثنين بدأت تبتعد عنه بعد ماكانت تتردد لبيتهم بجميع ألأوقات..ويفقدونها اهل البيت اذا اعتذرت بيوم عن المجيء..
لكن كل شي يكبـرّ ..وهو كبرّ..وهي كبرت ..وكانت احلى ذكرى بينهم..ذكرى الطفوله الجميله اللي بتظل معلقه مدى الحياه بفكرهم..
لمياء\والله انا استغربت..توقعت اول مااشوف هي..يا اني مشتاقه لها هالبنت..بس تقول عمتها ساره انها تعبانه..!
كان جالس بينهم..ومتمدد على الكنبه بعد مارجع من الشغل..ولمن سمع اسمها شعر انه مابينه وبين الجنون الا شعره لأنه هي محتله افكاره كل وقت..وكل ساعه ودقيقه....لحد يتكلم عنها..هم مايعرفون أي مشاعر تجتاحه اذا انذكر اسمها ..ولمن عرف انها تعبانه..ذاب شي عميق بقلبه..وتفتت..
ام خالد\بسم الله عليها,,هالبنيه كاسره خاطري..الله سخّر لها ساره ..ولا بدونها بتضيــع..
ساره\صادقه يمه..
متى بيجي اليوم اللي بيضمها ببيتهم..!والله انه ينسيها اسم الحزن والوجع..ولايعرف لها طريق..!
شهاده ثانويه..واخذها اخيرا,..
ووظيفه ومستلمهـا..!
لكن هل بترضى براتب مايتعدى الألفين ريال,,!
كيف بيقدرّ يصرف على عائله كامله..!
ظروف المعيشه صعبه جدا..وهو لازم يلقى دخلّ يحسن من وضعهم اكثــر.!
واذا هو جاد فعلا..لازم من الآن يدخرّ لزواجه..لكن كيف يخرّ وراتبه ينصرف على مقاضي البيت..
لازم حلّ.اكيد في حلّ.
ساره\يمه..ودي ازور فريده وخواتها..
تذكر فريده..وانرسمت ابتسامه صغيره بثغره..!ولأول مره يحس انه مدين لها بشيء..لأنه لولا الله ثم هي ماحظى بفرصه يشوف فيها حبيبته..تذكر خجلها..ونظراتها....تقابلوا بعد بعدّ ارهقه كثيــر..لكن اليوم ظمى قلبه..
ساره\خااااالد..
خالد انقطعت اجمل افكاره\هلا..
ساهر\سمعت امي وش قالت..!؟
عدلّ جلسته وقال\سمي يمه.
ام خالد\ياحبي لفريده..ليتك تخطبها ياولدي..!؟
انفجع خالد..وتشوشت افكاره.."أي فريييييييده يمه"
خالد\لا يمه لا..انا مو مستعد اتزوج حاليا..
ام خالد\ليه ياحبيبي..لاتحرمني من شوفة عيالك..
خالد\الله يخليك لنا يمه..بس بدري على الزواج..
ساره\حرام عليك..نفسي حد من عندنا يتزوج..وبعدين فريده لاتعوض اسئلني انا..
"وليش اسألك..انا مدين لها اصلا"
خالد\رجاء قفلوا الموضوع..واذا بتزوج انا اللي بقول لكم..
ام خالد\يعني متى..بعد عشر سنين..
خالد بـ ابتسامه حلوه\مااظن ولدك بيصبر عشر سنين..!؟
==================
















"صباح مشرق وكتاب لايملّ"

"ولد عيسى عليه السلام بمعجزه الاهيه فكان اليهود في بادىء الأمر ينظورن اليه بنظرة شك ويتهمون امه بالزنا ..فكفوره واتهموه ايضا بالسحر..فلقد ارسل الله اليهم يحيى وزكريا لعلهم يرجعون للدين الحق,,ووبداية نبوة عيسى عليه السلام انه كان يمارس الدعوه وجعل يسيح بالأرض داعيا الى الله ولم يكن له بيت يستقر فيه ولذلك سمي بالمسيح..من سياحته بالأرض على الروايه الشمهوره..وبدأ يحارب المنكرات..مثل بيع الحمام والتعامل بالقمار داخل المعابد..وفي روايه شمهوره انه ذات مره دخل المعبد فجأه وبدأ يقلب طاولات القمار وجعل يجلدهم على انتهاكهم حرمة هذا القدس وكان من الخطباء المشهورين في الهيكل.وهذه صوره من الهيكل المزعوم..

http://www.templemodels.com/temple/goodfullbig600.jpg


وعندما بلغ ال 32 سنه كان حقد اليهود بلغ مبلغا عزيما فما كن منهم الا ان اصدروا حكما عليه بالأعدام..ووافقهم على ذلك بطليموس الحاكم الروماني..فبؤا يبحثون عنه بكل مكان وهنا تكثر الأقوال والقصص..وخلاصة الروايات ان الله سبحانه رفع عيسى عليه السلام بعد ان طلب المسيح من حواريه ان يقدم احدهم نفسيه فداء له فتقدم هذا الشاب ووافق ان يضحي فقلب الله سبحانه شكله الى سكل عيسى امام اعينهم في معجزه لم بروا ملثها من قبل ..فااخذوه ووضعوا عليه تاج من الشوك ثم اقتادوه الى المحاكمه وبدأ اليهود يحاكمونه وكلنه كان حواريا لعيسى فقد كان بارع في رد اجوبتهم ودحض مزاعمهم ..فا اصدروا قرار الصلب ..فحملوه صليب وكان هذا الصيب ثقيل فحمله وسار به الى طريق معروف حتى اليوم يسمونه اليهود
"طريق الالام"..فكان له اربع وعشرين وقفه يرتاح فيها من التعب ..وهم يعرفون هذا المكان ويعتبرونها اماكن مقدسه ..ويقول الله تعالى في دحض مزاعمهم(وماقتلوه وماصلبوه ولكن شبه لهم وان الذي اختلفوا فيه لفي شك منه ومالهم به من علم الا اتباع الظن وماقتلوه يقينا)"

http://arabic.cnn.com/2005/entertain....jpg_-1_-1.jpg

اغلقت الكتاب وهي متأثره باللي قرأته.. زاد حقدها على اليهـود..ضلت تسب وتسخط وقلبها محروق ومغمور ثأر.."النصر قريب..النصر قريب" بردت قلبها بهذه الكلمات..وهي تحلم بهاليوم!؟
دخلت امهـا..وصرخت بوجهها..
ام حنان\وانتي لسه مالبستي..!؟..والله لو شافك ابوكي بيذبحك!؟
دب الرعب بنفس حنان..وبعجله..قامت وفتحت دولابهـا..ولبست خلفه
حنان\ماما شو جاء على بالكم نخرج الصبح!؟
ام حنان\لأنه ابوكي مشغول بالليل..وانتي لسه ماشريتي لك ايشي للسفر..!؟
تضايقت حنان من كلمة سفر وكملت لبسهـا..وبعجله وضعت اغراضها الشخصيه بحقيبتها ..ولبست عباتها ونظارتها..وخرجت بخطوات سريعـه وهي متوتره من هرنات سيارة ابوهـا..
--------------









"يومين مضوا..وخطبه اتت"

كانت تكتب بعجل وسرعـه غريبه والدموع تتساقط على صفحات مذكرتهـا..بداخلها شي لا مسمى له ولا وصف له غير الوجع..الوجع القاتـل..وتفريغه كان نزف قلم يكتب باحساس الأنسان المظلوم..الأنسان الميت..الأنسان الـ لا وجوده له في الحياه غير مسمى مسكيــن..وضحية شهوه..!
من اول ماصحت من نومها..وحست بالحركه الكثيره بالبيت..والورود اللي ترسل لتزين الكوشه..
والعاملات المطلوبين لتنظيم الحفله..
وريحة البخور بكل زوايا الغرف وهي بحالة ضيــاع..حزن..شعور استصعب عليها تفسيره..!
المتوقع انها تفرح لأنها بتخرج من قفصها وبتحلق بحريه..المتوقع انها تتنفس براحـه بعيد عن الأجواء المخنقـه..لكن شيء بداخلها يقولها هو اكتملت حياته..وانتي الناقصه اللي انتهت حياتك بسببه..!
الأنثى بداخلها انسكرت..والطفوله اللي انوصفت فيها ضاعت..وهو الوحيد الرابـح..الغانم..السعييد....!
رجـل مايعيبه غير جيبـه..!
واثنـى اصبحت بين يوم وليله امراءه بدون.. زوج..!
اجهشت بالبكاء وهي تردد هالحقيقه الصعبه..

كيف بتقدرّ تواجه هالعالم الظالم..!ومنوا اللي بكون عون لها..!؟مين اللي بيسمعها وياخذ حقهـا..!؟منوا اللي بيصدقها..وبيفهمها..!؟
تذكرت شهد اخت صديقتها..ياكثر ماكنت هي حلوه..!ياكثر مالمست شي قوي بداخلهـا..تحب الأطفــال..!وتمنت تكون ام..ميكن هي صغريه على هالكمله..لكن الرحمان اللي تعيشه فاقد هألأحساس..
لكن حبها بيظل حلم صعب المنالّ..حلمها اصبح محروم..وهو ماخرج من عشه..ولا حيا بالنور..!
لبست احلى لبس..وزادت من المكيـاج..وتعطرت باجمل العطور..ونزلت لتحت..تواجه عالمها الظالم..وهي مثل الطير المكسوره جناحتـه..امتلت الدموع بعيونها..وهي تشوف العروس قد ايش هي جميله..وصغيره..وخجوله..وجذابه..كانت تحس انها تشبهها...لكن الفرق الوحيد بينهم انها بنت..وهي مستعمله..!!
ارتجفت من هالكلمه اللي جرحت فكرهـا..وجلست بأقرب كرسـي..وهي تحس برجفة اوصالها..
حست بأيد تشدها..التفت بسرعه..وكانت ساره اللي وقفتها وقربتها من العروس لأجل تبارك لها..غصبن عنها جاراتها لأجل ماتحسسها بأي شيء..
سلمت عليها وهمست لها بمبروك..واثناء ماسمعت انه عمها بيدخل..ابتعدت الى اخر مكان..وسمعت واحده من المعزومين تقول"شكلها تحب عمها وتبكي من الفرحه..ابتسمت بسخريه..وصعدت الدرجات لأجل تطلع لغرفتهـا..هي مو قدّ هالألم اللي بدأّ يفتتها من الداخل ..لازم تبتعد..سمعت بااصوات التباريك وبلا شعور وقفت خطواتها والتفت لأقبح مخلوق ناظرته عيونهـا..كان يمشي بخطوات دوم تكرهها..والسعاده تضخ من وجهه..وعيونه الخبيثه تـتامل عروسته..
هرولت لغرفتها ..وقررت تتصل على فريده..هي الوحيده الي بتفهمها..وبتحس بمعاناتهأ..واول ماسمعت صوتها..انفجرت باكيه..
بلهجة خوف ردت فريده\عواشي..عواشي حبيبتي وشفيك.تكلمي ..
لكن ردّ عايشه كانت شهقه ..
فريده\ياربي حرام عليك..لاتخرعيني قولي وشفيييك..الله يخليك..
عايشه بنبره حاولت تهدئها\الخاين..الحقيـر..الحقييير..
فريده\منوا..منوا الحقيــر!؟
عايشه بكل حقد وغلّ نطقت اسمه\حمــــد..!
فريده\وشفيه.ايش سوى لك بعد..!!قولي..
غمضت عيونها اللي تعبت من كثر مابكت اليوم\تزوج..تزوج وتهنى..!
فريده من سمعت بخبر زواجه..وبدأت تسب وتسخط وتشتمه بجميع الكلمات اللي تذكرهـا..
فريده\عسى الله لايفوقه لا دنيا ولااخره..!الدنيا دواره عواشي..والعين بالعين والسن بالسن والبادي اظلم..لاتخافين حبيبتي حقك مااراح يضيع..!
صرخت عياشه بهستيريا وهي تتكرر كلام صديقتها\ماراح يضيع..وليش هو بقى حق..عشان مايضيع..حمد دمرني ذبحني وتلذذ بتعذيبي..حمد سودّ حياتي وقلبها لجحيم..بقلبي حقد عليه..نفسي اقتله باديني الثنتين نفس اقول هذا اللي انتهك شرفــ وضاع صوتها وهي تبكي..
حاولت فريده تهدئها...لكن كيف تهدئها وهي تحس بالنار شابه بصدرها..كان ودها تكون قربها وتطمنها.تحسسها انه في احد جنبهـا..لكن كيف وطل المسافات شحيحه....
كانت تحس بانكسار بصديقتها..وصوتها اللي اصبح مبحوح من كثر بكائها..خافت تصول لحالة الجنون من عظم مصيبتهـا..كانت تسمعها وهي تشتم عمها وتنطق بكلمات ارعبتها ..كلماتها كانت مثل الخناجر اللي ماتدمر غير اللي راميهـا..كانت تحوم بدوامـه مثل التايهه اللي تشوف كل النوافذ مغلقه بحياتهـا..!
ماكان عندها حيله غير تهدئتها..ولمن لاحظت انه وضع عايشه يزداد ويتضاعف...اغلقت الخط منها وكلمت ساره اللي كانت تدعوا المعازيم للعشاء..
ساره\الو..هلا ياحلوه..
فريده بااستعجال\هلا ساره...اسمعي
ساره\سمي..لحظه ابعدت عنها السماعه..تفضلي اختي ..البوفيه بالغرفه..
فريده توترت اكثر وضلت تنتظر ساره لمن سمعت صوتها مره ثانيه..
ساره\هلا قلبي .؟؟كيفك!
فريده\الحمدلله...ساره اسمعي..عايشه توها مكلمتني من شوي..وشكلها تعبت وجتها الحاله..تكفين اطلعي لها فوق..
ساره ارتبكت وبلا شعور اغلقت الخط بوجهه فريده..وطلعت جري لغرفة بنت اخوهـا..وانصرعت لمن شافتها جالسه بزاويه الغرفه وتصرخ لوحدها..وكل اللي حولها متسكر وطايح بالأرض..
تقدمت لها ساره..وقلبها يدق بعنف..
ساره\عواشي حبيبتي..وشفيك ليش كذا.. وجلست موازيه لها ولمست ايدينها..تعالي حبيبتي لاتخافين..تعالي..
ابعدت ايد عمتها بقوه وعضت على شفاتها بخوف..ومارت على عمتها..غير كلمة\لاااا..
ساره قربت منها اكثر ودمعت عيونها وهي تشوف ضعف بنت اخوها ورجفة جسمها الضعيف ونظرة عيونها المكسوره\انا ساره..لاتخافين..بس انتي تعالي..ورجعت تمسكها مره ثانيه ..وردة فعل عايشه كانت اعنف..ظلت تضرب عمتها بضربات عشوائيه وهي تصرخ وتقول تركيني.اقولك تركيني...محد يحبني..محــد..لكن ساره قاومتها لغاية ماتحكمت باايدينها وطوقتها بكل قوتها..وبكــت..ضربيني.. سوي فيني اللي تبين..بس لا تبكين..
من سمعت عايشه هاللكلمات..وحست بالأمان بحظن عمتها.. انفجرت تبكي.. وهي تشد عليها اكثر واكثـر..!!
ظلوا دقايق على هالحال..ساره احتارت بأمر بنت اختها..وعايشه خافت عمتها تبتعد وتخليها..!
نص ساعه مضـت..وعايشه نامت مثل الطفله بحظـن عمتهـا..مددتها على سريرها..وقرأت عليها المعوذات..واثناء ماخرجت من غرفتها كان تلفونها يرن..
فريده\ها شو سويتي..!
ساره بصوت مخنوق\مدري شقولك..لكن هدئتها والحمدلله نامت..
فريده ارتاحت نسبيا لكن لازالت صرخات عايشه تدوي بااذنها\خلاص بكلمها بكره..وانتي روحي لمعازيمك..
ساره\ماهموني...اهم شي عايشه..
فريده تنهدت بضيق\الله يخليها لك ولنا..اوكي مااطول عليك..مع السلامه..
ساره\مع السلامه..
===========





"فجر الأربعاء"

عيونها احمرت ..وقواها انهارت..وارجلها تصلبت وهي تضرب اشواط متبعثره بجميع زوايا البيت.. عقلها مشغـول بحاجات كثيـره..اهمها عايشه اللي انهارت عليها بالتلفون,,ونتيجتها اللي بتعلن بالساعات القادمه..
ترددت تدق على لولو..لولو اللي خبرتها انه سامي متكفل باظهار نتيجتهم ..لكن الأحراج كان موقف كل تصرفاتها..فكرت انها تنتظر نص ساعه..واذا مادقت لولو بتدفن حيائها وبتدق واللي يحصل يحصــل..!
خرجت للحوش بعد مالبست الشب الشب الأصفر..وفرحت لمن طاحت عينها على ابوها وهو جالس يفطـر بعد ما صلى..تقدمت له بخطوات سريعه

فريده\صباح الورد..والجوري..والتمر..والفستق..والمكسرات..والعسـ ـــل..لأحلى ابو..وجلست ملاصقه له..وبدون تردد اخذت خبز وقمسته بجن ومربه..
بومحمد\صباح النور ..ولاحظ احمرار عينها..للحين مانمتي!!
بلعت لقمتها وضحكت ببلاهه\ابدا..هههههه,,!؟
بومحمد\وليش يابنتي..!
فريده بنبرة خوف وترقب\يبه اليوم بتطلع النتايج والنوم عيا يجيني..
بومحمد بعاطفه ابويه\ الله يوفقك..روحي ارتاحي ..النتجيه مو طايره..وبعدين بنتي ماتجيب الا اللي يرفع الراس..
ارتفعت معنويات فريده..وشعرت براحه خفيفه تلطف فؤادهـا..لكن هالراحه مالبثت غير ثواني لأنها شافت الشين يتقدم لهم حامل معاه كوب حليب ساخن..
ساره\تفضل يابومحمد..
بومحمد اخذه منها\جزاك الله خير..تعالي جلسي..ليش واقفه..
ناظرت ساره فريده اللي كانت تخزهـا بنظرات احتقار..وابتسمت لبومحمد\بروح اشوف محمد يمكن صحى!!
بومحمد\لا مو صاحي ولدك..ياخذ راحته بالنوم..
استسلمت ساره..وشاركتهم الجلسه وهي هادئه وتلعب بااظفارها المقصوصه بعنايه..ومره تعدل غطائها اليانع الخضره,.
تجاهلتها فريده..وظلت تاكل بااستمتاع مع ابوها..وتحكي براحه عكس ساره المتوتره وكأنها مقترفه ذنب..لغاية ماشعرت بالتخمـه ومرت نص ساعه..ودخلت البيت.. وقررت تدق على لولو اللي مستمتعه بنوم عميــق...ولاهيه عن العالم الخارجي..
ومع اصرار فريده انتبهت لولو من الأزعاج اللي دوى بغرفتها..والتقطت تلفونها وهي حاجبه عيونها بقماش كحلي يثبت باأذنيها..
لولو بلهجه خشنه ومنزعجه\ميييييييييين!!
فريده\وعمي يعميك ان شاء الله كل هذا نووم..قومي قومه.خلصتي نوم الشرقيه..!
ابعدت لولو السماعه عن اذنها..وتأففت بممل وهي تحك شعرها\وش تبيييين!!
فريده\وش ابي.....قومي لأذبحك.!
لولو\اوهووووووووا وهذا انتي اللي الفالحه فيه بس تصرخين..
فريده\بعد للعشره اذا ماقمتي بـ
قامت لولو من فراشها وقاطعتها وهي تبعد القماش عن عيونها بضيق\قمت اووووف وش تبين..!؟
ابتسامه صغيره اظهرت اسنان فريده\ايه صيري حرمه..!زوجك دق عليـك..!
لولو\مدري!
فريده\شنوا يعني ماتدرين..!؟
لولو\يعني مدري..
فريده حاولت تتحكم بااعصابها\والنتايج..مو انتي قلتي لي بيطلعها اليوم..
لولو ضربت جبينها بااحراج\ايييييييه نسيييييييت..طيب سكري بدق عليه..لحظه..لحظه عندي خط..فريد هذا سامي...خليك على الخط..
ضغطت لولو على رد وكلمت سامي\هلا سامي..
سامي بصوت غير مسموع وواطي\هلا..صحيتي!
لولو ابتسمت باحراج\ايه..انت داق علي بعد..!
سامي\شوفي كم مكالمه بتلفونك..!؟
لولو\سامي مااسمعك..
سامي حاول يرفع صوته \اقولك شوفي كم مكامله بتلفونك
لولو غمضت عيونها بخجل\طيب..
سامي ناظر سكرتيره اللي يجمع بعض الأوراق\المهم..حبيت ابشرك طلعت نتاجيكم..!
لولو\والله...!؟كم ..قــول.فريد ذبحتني معاي عالخط..!
سامي\طيب اسمعي..

;

"انا جبت سته وتسعين..سته وتسعييييييييييييييين"
البيت بااجمعه استيقظ على صيحات فريده..الكل فرح لفرحتها ودمعت عينه لأجلها..حتى التوأم كان يركضون مع فريده بكل مكان وبأصغر زاويه ويرقصون بسعاده ويقفزون بجنون..ومانست فريده محمد اللي اخذته من سريره واوقظته من نومه لأجل يشاركها الفرحه..حتى بدور اللي تأففت من هالأزعاج كانت تبكي وتحظن اختها..
بومحمد\وبهالمناسبه السعيده انا عازمكم على الغداء..!
اهتفوا البنات بصوت واحد\يعيش ابووووووووي..
وقفت فريده على رجولها..وطلعت فوق الطاوله وهي تضحك والكل متفاجأ من حركتها\احم احم..طبعا على شرفي,,
ظحك الجميــع..
بدور\تعالي..وصديقاتك كم جابوا..!؟
فريده\اممم عواشي 94..وحنوا 91..ولولو 71 وكثير عليها بعد..!توقعتها ترسب..
:

وصل خبرّ النسب للـ b..والجميـع كانت فرحتهم لاتوصف..وعايشه ايضا تناست كل لحظه مميته عاشتها امس اثناء ماوصلها الخبر..
وحتى لولو كانت سعيده بشكل كبيـر لأنها ارتاحت من شيء اسمه ثانويه..وماحملت مواد..
وحنوا تأكدت هاللحظات انها قريبه من الأفق..!
===========











"استفهامات مبهمه"

حاولت تلتقط شعر حاجبهـا بدون ماتشوه رسمته الدقيقه..وبسهوله حصلت على نتيجه عجبتها وزادت من جمال حواجبها بنظرهـا..
"انتي تحفيـن"

هوّ الملقط على الأرض اثناء ماسمعت صوت سامي المفاجىء..وضعت لولو ايدها على مكان قلبها \ماحسيت فيك..!
تجاهل كلامها وكررّ سؤاله \انتي تحفين..!؟
ماكنت تدري ليه شعرت بالخوف..والغريب انه هالسؤال دوم تسمعه..لكن من سامي كان احساس بالخيبه وشيء اخر جهلته..
ردت عليه بصوت حاولت تقويه وكأنها مااذنبت \ايه..
سامي تقدم لها\من متى..!
بنظرة تحدي وكأنها رجعت لولو الأوليه\من زمااان..
اخذ نفس طويل وعقب\اتمنى تكون هذه اخر مره..
لولو حست بالدم يضخ بقوه بوجهها\اعتبره امرّ
سامي كتف ايدنيه على صدره\..لا تخذينه امرّ..وتذكري انه اللي تحف ملعونـ
قاطعته وهي كارهه هالكلمه تقال لها \عارفه..
سامي\ومدامك عارفه ليه تحفيــن..
لولو ردت بنبره صدق\تعودت من المتوسطه وصعب اني اترك هالعاده بسهوله..لاتتوقع انه عاجبني الموضوع..لكن مو متخيله اني ما احف..
سامي\من ترك شيئا لله عوضه خير منه..تذكري هالشيء وماراح تندمين ابدا..
من ترك شيئا لله عوضه خير منه
من ترك شيئا لله عوضه خير منه
من ترك شيئا لله عوضه خير منه

ترددت هالجمله بمسامعها وكانت هذه اول صحوه لها..تذكرت كلام صديقاتها لها وبالأخص فريده واصرارها ..والأحاديث اللي اخذتها بالمدرسه واللي تنص عن لعن النامصات وطردهم من رحمة رب العباد يوم الحساب..حست بالقشعريره تدوي بروحها وترجفها..كرهت هالشعور..وكرهت اكثر احساس الذنب اللي دوم يدمرهـا ويجلب له الضيقـه..لكن تذكرت انه هذه مو اكبر معصيه اقترفتها بحياتها..حياتها مليئه معاصي..واهمها صلاتهـا...صلاتها اللي نستهـا..ومثل مانستها نست اشياء كثيره بحياتها وغرتها الملذات..
سامي\اعتبر سكوتك شيء ايجابي..
ماكان على علم سامي بالتناقضات والأحاسيس اللي تعيشها لولو..
سامي بحلم\مارديتي!
بتلقائيه اومأت رأسها..وهي مو عارفه هل بتقدرّ على طلبه او لا..!؟
ابتسم ثغره وحاوط اكتافها بحنان وداعب اذنها بهمسه\ايه..هذه اميرتـي..
ضمته لولو اكثر وارخت رأسها على اكتافه \سامي..
سامي\ عيونه
لولو\آنــااا
كانت بتنطق وتقول انا مااصلـي..انا عاصيــه..انا مااستاهل هالحنان هذه كله..انا مااستاهلك ياسامي..لكن شيء بداخلها اخرسهـا..كانت ضعيفـه وانهزاميـه..
حست هاللحظه انا اللي بينهم شي كبيـــر لايوصف ولايفسر..وبنفس الوقت بعيــد..بعيد لأنها تخدعه وهو ايضا تشعر انه يخدعها بغموضه.. بسكوتـه..وصدوده..غمضت عيونها بااستسلام..
تحس بالأمان معاه ايه..تحب هالشعور اللي يحلق فيها بأبعد افق ايه..تقبلت كل شي كان مرفوض بحياتها ايه..
لكن احساس التشتت والحيره صعب يرسيها على مرسى..
سامي\احكي..اسمعك..
لولو استجمعت قوتها وردت\انا ضايعه...سكتت واكتفت بهالكلمه..
ابتعد عنها شوي..ورفع راسها وتأمل نظراتها التايهه وظل دقايق على هالحل..وبعدها نطق بنبره مؤلمه وكأنه هالكلمات خرجت من اعماقه \حاس فيك..بســ
قطع حوارهم صوت رنة التلفون..اللي انقذت سامي..وضايقت لولو..
ابتعد عنها..وظغط على رد وتكلم وهو عينه على لولو اللي ظلت على وقفتها وتنتظره..
ظلّ فتره طوييله وهو يحكـي وكمل مكالمته خارج الغرفه وكل هذا تحت مرأى لولو اللي وصلتها رسالة سامي الغير مباشره..
تأكدت هاللحظه انه سرّ سامي كبيــرولازم توصل له..بس عقلها المشوش منعها من التفكيـر..
تذكرت كلامه.." انا احاس فيك" كانت نبرة صوته حنونه ونظرات عيونه مغموره شجن ويأس..
"ياترى وش سرك ياسامي!!؟ احترت وياك..."
===========











"ياخائن اشتقت اليك"
كانت تسمع صوته القريب البعيد.. الشاعري القاهر.. الرحيم المغرور..كل التناقضات كان يجمعها هو..نفس نبرة صوته..نفس احساسه وهو يطرب..نفس شده على الحروف ..واتقانه وفنه لجل المسامع تذوووب..
كل هذا كان بشريطه اللي اخذته من لولو وهي حاليا تسمعه بالهيد فون وتعيد وتردد بنفس الأغنيه وعيونها تحرقها من قوة المشاعر اللي هلت عليها فجأه..او بمعنى اصح اللي انفجرت هاللحظه..كانت تتأمل غلاف شريطه..وتلمس برقه ملامحه اللي فقدتها..نظرته الساخره..ابتسامته الجانبيه..شامته السوداء اللي دوم تعشقهـا..شعرها اللي يتساقط بعشوائيه على جبينه العريض..عوارضه اللي بدأت تنموا بحركه زادته جاذبيه..بشرته البرونزيه اللي جملت ملامحه..
اشتاقت له..اشتاقت له بعدد زخات المطر..وكبر المجرات...وبطول المسافات اللي حالت بينها وبينه..
حتى عصبيته وسخريته وغروره وتكبره وكلمة فريد بلسانه اشتاقت له..
من يقول انه الحب يموت..!؟من يقول العاشق بهناء..!؟
وانطقوا...من يقــول فريده نست مصعب..!؟

طول هالفتره كان تقاوم رغبتها في السؤال عنه..وتكابر وتتجاهل حبه..وتفرغ اشتياقها بدموع على وسادتها..واكثر شيء كان يألمها ويرهقها انها ماتسمع اخباره..الكل كان محاربه..اولهم امه..واخرهم امها وابوها اللي عارضوا موضوع الفن..اسمه اختفى بكل مكان وبكل زاويه حتى اخواته اللي دوم يذكرونه ماعادوا يتكلمون عنه..من وين بتعرف اخباره وهي معاهده نفسها انها بتنساه..!!معاهده نفسها تنساه مثل مانساها واتحه لطريق مظلم..
لكن الى هنا وبـس..الى هنا وبـــس..اليوم سمعت لولو تحكي عن البومه اللي اشترته..وبلا شعور طلبت منها تستعيره وسط ذهول صديقاتها..وماتظن انها بترجعه لها..هالشريط هذا كان السلوى لها..والراحه بعد الفراغ والوجع اللي انتجه غيابه..
دخلت عليها عايشـه..وماحبت تقطع خلوتها..لكن من لاحظت عيون صاحبتها الحمراء جلست جنبها واخذتها لأحظانها بهدوء..
عايشه\لاتقولين اتركيني..خليني لوحدي..انتي ماتركتيني وانا اتعذب..وانا اليوم ماراح اتركك ..
فريد كانت عيونها تتساقط على خدها بهدوء\عواشي..انا احبه..كذبت على نفسي وقلت بنساه..ومادريت اني كذا اتعذب اكثـر..ليش حبيتـه..حبي له كله عذاب ماعمري حسيت بالهناء معاه..وينه عني..!هو مايدري عن أي شيء..وانا هنا اتعذب بسببه..ليش حبيته ..لييييش!؟ليش مامنعتوني..ليش خلتوني احبه..ليش جريت ورى اوهام..بمووووت من الوجع..ليت اطعن هالقلب الي يتألم..خاين..خااااييين..
فرغت كل عنفها وطاقتها المكبوته وحبها الجارف وكلامها اللي كتمته لعايشه..هذا وقت الصديق..لغاية ما ارتاحت..وهدأت..

عايشه\طيب ممكن ياعسل..تشاركينا تحت ..لولو عامله ستيك يحبه قلبك..هذا غير الصوص .. ابتسمت فريده بسخريه وهي تمسح دموعها\ههه..تقول بتطلب..وش اللي غيرّ رأيها..وبعدين من وين لاطشه طريقة الستيك..
عايشه\من فردوس..هناك هي وياها يتخانقون ..نكته تحت لايفوتك..
فريده وقفت على ارجلها\وحنوا وينهـا..!
حنوا\جلست تتابع الفيلم..لوحدهـا..تقول شاشة سينما لاتعوض..وتتطنز على التلفزيون تبعكم اللي تابعنه فيه الفيلم الهندي يوم حفلتها..تقول عنه علبة ذره..
فريده ثارت وبسهوله رجعت لطبيعتها والسبب كان عايشه\تاكل عسـل الطويله..اوريهــا..وخرجوا من الغرفه لتحت...وسمعوا صرخات فردوس على لولو..واثناء مادخلوا بابا المطبخ..سمعوا هالمره صرخة لولو..
لولو\لاااااااا اطلعوا..
ارتعد قلب عايشه\ليش..!؟
لولو غمزت لهم وهي ترفع الطنجره من الفرن\مفاجأه..
طنشتها فريده..وافتحت الثلاجه واخذت عصير وبحثت بين محتوياته على ببسي وماحصلت\ماعندكم ببسي..
عضت لولو على شفاتها\ممنوع يدخل بيتنا..!؟
وضعت فريده ايدها على خصرها\ليش ان شا ءالله!.؟
لولو بلخجه مصريه\المخرج عاوز كده..
ضحكت عايشه لأنها عرفت مقصد لولو..
اما فريده ماعجبها الكلام\اقول بس..مالت..يعرف يحط احكــام..الا هو وينه صدق..!
حست لولو بغيره خفيفه\وش تبين فيه!؟
بحثت فريده بالمطبخ على شي ترميه على صاحبتها لكن كل شي كان من زجاج ابيض.\انثبري..من زينك انتي وياه..
لولو ضحكت على غبائها وسؤالها وخرجت بره المطبخ مع البنات \مسافر..عشان كذا عزمتكم اليوم..
فريده\اها..يعني مو لله عزومتك..
لولو اعطتها نظره ثاقبه وماردت عليها..
فريده\تعرف بعد تخزّ..اقولك وش عنده مسافر..
فريده كانت مصره تسأل عن سامي..عجبتها نظرة لولو الجديده..وحبها اللي اعلنته لهم..
لولو تذكرت اخر موقف بينهم وتأرجح علاقتهم اللي مره تكون فاتره بفتور الماء..ومره تكون لاهبه بحرارة النار..
لولو\كالعاده..سفرة عمــل..
دخلوا الصاله..وشافوا حنان على وضعتيها ماتحركت..الخداديات خلفها..وماده ارجلها الطويله على طول الكنبه..ذكرتها هالجلسه لولو جلسة سامي..وحست بتسارع دقات قلبها..
فريده\تلفزيونا علبة ذره يالطوييله..!!
رمشت حنان بعيونها ..\لا..مين نطق هالحكــي..
تقدمت فريده لها..ورفعت رجلها اليمنى لبطنها وشدت على خفيف\عمتي..!؟
حنان\عمتك!؟
فريده\بلا استهبال..وظغطت على بطنها اكثر..
عايشه\فرييد..والله انك دفشه..
فريده التفت لعايشه\كولي عسل انتي الثانيه..
حنان\تستاهلي يالنمامه..
انحرجت عايشه وجلست..
حنان\فريد حبي انتي..بعديين نفذي عقابك آآآآآآه وجع رجلك متل الحديد..اللحين البطل بيعترف لحبيبته انوا يحبها ويبلش الجد..آآآآآآآآآآه
ضحكوا عليها البنات..
فريده\قليلة ألأدب..
حنان\مالك شغل..حارميني من كل شيء حتى حلمي ظليتوا تتمصخروا عليه..خلوني اعيش احساسي..ابعدوا عني..
ابتعدت عنها فريده مثل ماطلبت وهي تتشمت\والله انه عقلك بيوديك المريخ..حنا بالسعوديه على فكره..
حنان كانت عيونها على التلفزيون فردت بغيض وملل\عارفه..
فريده\ايه بس حبيت اذكرك..
حنان تأففت\اففففففف طيب..
فريده\اعععععععععع مااحب يكون البطل شعره اصفر..!وجلست بسرعه قبال الشاشه والتقطت خداده بيضاء طويلة الشكل واسندت كوعها فيها..
لولو\هههههههههه هو حاصلك انتي..!وقامت تشيك على طبخها..
حنان\فديتوا..وفديت طلتوا..
عايشه\منوا..!؟
حنان وضعت ايدها على قلبها\أأأه البطـــل..
عايشه كانت تحب حالمية حنان لكنها ولا مره صرحت هالشيء لها..\البطل!!؟
كملت حنان حالميتها\جنتل..آه..
عايشه\بتظلين طول الوقت وانتي تـتأوهين!.
حنان\خلوني اعيش احساسي بس دقايق وبينتهي الفيلم..
فريده اندمجت مع الفيلم\حلو ذوقك يالطوييله..
انتهـى وسط ادمع حنان لأنه البطل مات بعد مااعلن احبه لحبيبته..اخرجت عايشه منديل من حقيبتها واعطته حنان اللي التقطته وكملت بكائها..\آآآهههه
رفعت فريده رأسها لهم وضحكت على حنان\وقسم بالله مصخره..
حنان\آهه شفتي كيف عويناتوا قبل مايموت..
فريده كملت ضحك\ههههههه ايه..
حنان استجرعت الفيلم بذاكرتها وظلت تنحب وتنحب بلا نهايه\..كيف بدي انام الليل انا..
عايشه\دقي علي لجل اونسك..وضحكت ضحكه صغيره..ههه
حنان\آآه وانا شو مصبرني غيركن..
فريده تكلمت هالمره بجديه\والله احنا اللي شلون بنصبر بدونك..
عايشه\بسرعه بسرعه بلا1..مانبغى دمووووع..اليوم اخر سهره لنا..
حنان حست بشيء انتشل قلبها لمن سمعت كلام عايشه..لكنها تجاهلت هالشيء وتصنعت الأبتسامه وهي تكمل بعد فريده\بلا3..
لولو صرخت اثناء مادخلت عليهم\بلاااااااااااااااااااا 4..وبخجل كملت لمن حست انه الكل انزعج من صوتها..العشاء جاهز..
اول وحده وقفت على ارجلها فريده\يمييييي جوعانه..
وبعدها باقي البنات..دخلوا غرفة الطعام اللي لاتقل جمال من غرف القصر الأخرى..وقفوا يناظرون الأطباق الموزعه بترتيب وعنايه على الطاوله وسال لعابهم وهم يشمون ريحة الستيك اللي تراس الطاوله..وبكل جوانبه كانت انواع السلطات الخاصه فيه..من ذره ومشروم وجزر وصوص..هذا غير التبوله والفتوش وورق العنب اللي تكفلت فيه فردوس..لكن اللي ضحكهم العصاير المعلبه بماركة "الربيع" وما راقت لهم ابدا..
جلست فريده اول وحده..ووضعت بطبقها قطعة ستيك وشوية سلطات وبدأت تاكل..
وضعت لولو ايدها على فمها وقالت بدلع\لازم اعلمك كيف البرستيج..!تفضلوا ياحلويين..
جلسوا البنات..وامرت لولو فردوس الواقفه ترجع المطبخ..
فريده\اقول لايكثـر..وقطعت قطعه كبيره ومضغتها بأيدها بسهوله..اااه بس ..في بيت مافي ببسي..هزلت..
وزعت لولو على اطباق البنات الستيك..وبدأت تأكل بالشوكه والسكين\لا تذكريني..لي اسبوع ماشربته..
عايشه\تصدقين..وفتحت علبة العصير وشربت شويه منها ..والله افضل لك..
لولو\لا تحاولين..بمووت واشربه..
حنان\والله وطلعتي تعرفي تطبخي لولو..لذيذ الستيك.تسلموا ايدياتك..
رمشت لولو بغرور\الله يسلمك..احرجتيني..
كملوا البنات اكلهم..وهم يحكون..وكثير من المرات كانوا يحكون بنفس الوقت
ويتناقشون بمواضيع ايضا بنفس الوقت..وبالنهايه تغلبهم فريده ويكون صوتها وكلمتها المسموعه
رجعوا للصاله بعد مااكملوا عشائهم..ودخلت لولو وخلفها فردوس الحامله معها طاوله بدورين.الأول كان القهوه والشاي..والثاني كان طبق موس كيك بشكولاته.وطبق اخر تشيز كيك بالفراوله..
مسكت فريده بطنها اللي اكتفى من الأكل لكنه قابل بالمزيد\لا..وش هالأغراء..!؟
حنان\انا كذا بزيد 2 كيلوا..
ابتسمت لولو بقهر\احســن..مو انا بس اللي امتن..!؟
حنان\طيب حنا شوا ذنبنا..
جلست ووزعت عليهم الكيك\ذنبكم انكم صحباتي..!
اكلوا البنات رغمن عنهم..القطع المستطيله اللي بالموس كيك مغريه جدا..والفراوله اللي زينت التشيز كيك تناديهم لألتقاطها....
وضعت حنان الكيكه على الطاوله الصغيره المستديره اللي امامها\تدرون صبايا..بلعت ريقها واكملت..انا..انا مو متخيله اني يومين وبسافر..وبعد سكوت مؤلم اكملت وصوتها بدأ يضيق..راح توحشوني.. وتجمعت الأدمع بأعينها..
اسندت انفس البنات عن ألأكل وذاب الكيك بحلقهم..
صحيح اكلوا..وضحكوا..وانبسطوا..لكن مستحيل ينسون انه هذه اخر ليله..العبره كانت خانقتهم من اول مااجتمعوا ,,معقوله بعد هالصداقه..بعد الرباط القوي..تسافر حنان..كذا..وبسهوله..
كانوا يناظرونها وهي تبكي بصمت..ولا وحده منهم كان عندها القدره انها تهدأئها..او حتى تواسيها..لأنهم هم يبغون احد يواسيهم على فراقها المدمر..
كيف بيعشون بدونها..!؟
بيفقدون وجودها.. صوتها..شخصيتها المرحه..حتى حالميتها المجنونه بيفقدونهـا..
:
قامت على ارجلها..وخرجت من صاله وهو مستغربين من خروجها المفاجىء ومتجمدين بمقاعدهم..وكلها ثواني ودخلت حامله معها كيس طويل عشبي اللون..فتحته واخرجت ثلاث براويز منه..وتقدمت للبنات اللي يناظرونها مدهوشين..
اعطت كل وحده برواز خاص فيها.. وابتسمت بحب لهم..
حنان\ماكنت عارفه شو ابدي اهديكـم..فكرت كتير..وشفت نفسي ارسم لكم تصاميم واحطهم ببرواز..ولاتنسوا توقيعي محطوط تحتهم..واكملت وهي تمسح دمعاتها..ماتعرفوا يمكن بعد خمس سنين تغترّ عليكم المصممه حنوا ويشتهر اسمها وتصمم لكن مره تانيه..
تأملوا البنات البرواز المزخرف بزهور ورديه صغيره كان اشبه بتصميم كاركتير لستايل وجسم كل وحده..حتى ملامحهم بالكاركتير كانت شبه متقنـه..حنان ابدعت بهالتصميم بشكل يقول هذه مصمه وعارضه وفنانه..وبتحت كل تصميم كان اسمها وتوقيعهـا المميز...
قاموا بنفس اللحظـه.. بدون كلام وبدون همس وضموها بدموع حاره.. وكانت هذه ردة فعلهم الوحيده..وبهاللحظه هذه كان الصمت يغني عن أي كلمه تعبـر..
================












"وداعا يااجمل ذكريات"

اغلقت حقيبتهـا..وتأكدت للمره الأخيره انها مانست شيء..تلمست كل شيء تمرّ عليه..
مكتبها اللي حملت كتب دراستها..سريرها اللي تحب ترسم وتقرأ وتدرس فيه..كمبيوترها اللي ماكنت تستغنى عنه..دولابها المتواضع اللي يحمل ملابسها..غرفتها هذه شهدت لحظات فرحها والمها..بكائها وظحكهـا..
الله العالم هل هي بتقدر تتأقلم مع حياتها الجديده..بدون اب.وام..وحتى بدون صديقاتها..!؟صديقاتها اللي بكت بدال الدموع دم وهي تناظرهم النظره ألأخيره..
اكثر حاجه كانت توجعها انها غريبـه..غريبه بالدارين..بالسعوديه رغم انها تحسها هي دار اللي حظنتها وشعرت فيها بالأمان وألأستقرار لكن بتظل غريبـه فيها لأنه كل عرق فيها ينادي بفلسطين....وألأردن بتكون اكبـر غربـه لها لأنها بدون وطن..وبدون اهــل..!!..اهلها اللي بسافرون معها لأجل يرتبون اوضاعها وسكنها وبعدها بيرحلون..بيرحلون وبيتركونها وحيده..وحيده بهالمدينــه..!
حاولت تكذب على نفسها وتبين للجميع انها قد هالسفره..قد هالطموح..قدّ هالغربه..لكن من اقتربت لحظات السفر ولاحظت انه كل شيء بدأ يكون واقعي بنظرها وهي بحالة تيه وضياع..!
كان تخطيطها تعيش اخر ايامها وهي فرحه وتستقل كل لحظه سواء مع اهلها وصحباتها..وكانت قد هالتخطيط..لكن المكابره والوجع اللي بقلبها مين بيخففها..!؟
لازم تقوى..لازم تكمل مشوارها وتحقق طموحها..ماتبغى تضعف باللحظات ألأخيره..
وبناء على ذلك خرجت من غرفتها حامله باأيدها اليمنى معها قفص الحمامه ولوحة ارسم اللي من صحباتها وايدها اليسرى كانت تجرّ فيها حقيبتها.. ناظرت الغرفه نظره اخيره تحمل جميع الحب والشوق,,..وماحبت تقفلها لأنها متأكده انها راجعه..راجعه وحامله الشهاده..باذن الله..
ومثل ماخرجت من غرفتها خرجت من الشقه..وخرجت من حدود السعوديه وحلقت الطائرة لسماء ألأردن..





:



وفعلا حلقت حنان..واعلنت لولو الحب لسامي..ورجعت فريده لعادتها القديمه..وساء وضع عايشه بعد خطوبة عمها,,


..تابعوني بالجزء الجديد..اللي يحمل اسم "وحيده بالمدينه"


اختكم

الجزء الحادي عشر
+ وحيدة بالمدينة +
=========



"عذاب بقربك..وعذاب ببعدك"
من بدأت العطله الصيفيه وكان الفراغ ملازم ومصاحب بشده يومها الباهت اللون,,اسبـوع مضـى وهي بحالة مللّ ليس له منفى..
ولو استرجعت الأشياء المفيده اللي حدثت لها بظرف هالأسبوع فلن تحصل لا اعمال خيرّه ولا ذكريات جميله غير مكالمة حنان اللي طمئنتهم على وصولها بالسلامه..وحتى سامي كان اكثر انشغال وسافر حوالي الأربع مرات لأجل عمله الغير منتهي,,
:
نزلت من غرفتهـا بالمصعد اللي تعودت على استخدامه في بيت اهلها..وتناست اهميته في بيتها..وضحكت لمن مرّ بذكرياتها معارضة سامي الشديده بعدم وجود المصعد في بيتهم..وطبعا لأنها هنا..فبتستغل جميع ذكريات مراهقتها المجنونه..واولهم..الشات اللي بلا شعور تناست اهميته بحياتها..
فتحت الاب توب..وتربعت بجلستها..ووضعته باارجلها..وهي مشغوفه ومتشوقه لعالم الشات اللي فقدتـه..
فتحت الصفحه..وكتبت معرفها المميز "انا لولو" على حس صوت امها اللي دخلت الصاله وحامله عبايتها
ام لولو بدريه\مارحتي بيتك.!
القت لولو نظره على الأسماء المتواجده بالشات\لا مالي خلق..يمه وين رايحـه..!!
لبست بدريه عباتها\معزومه عند ام سلمان..ودك تروحين!؟
عقدت لولو حواجبها ومال فمها دليل على قرفها\لا طبعا..ورجعت ملامحها لطبيعتها وهي تكمل..توقعتك تتعشين الليله وياي..!
بدريه\لا تنتظريني..تعشي لوحدك..
لولو لاحظت انه النافذه اللي فتحتها بدأت بمحادثه لكن تجاهلتها\ تعبت وانا اكل لوحدي..واجلس لوحدي..يمه تعالي مبكر وتعشي وياي..
تأففت بدريه بملل\اوووف..اذا انتي حاسه بالوحده دقي على بنت خالتك وقولي لها تجيك..ولا روحي بيتك اللي ماتدرين عنه من يومين..وخرجت من الصاله معصبه من بنتها اللي مقيدتها..
قفلت شاشة الاب توب بقوه...ورمت ثقلها على الكنبه بضجر..مدت ايدها للتلفون..ودقت على رقمـه..وثواني فقط..وكان الردّ
سامي\هلا والله..
لولو\اهليين..
ظلوا فتره قصيره ساكتين..وسامي قطع هالصمت..
سامي\كيفك.!
مسكت خصله من شعرها وظلت تلعب فيها ترخيها مره وتشدها مرات ندمت لانها اتصلت عليه..المفروض انها تكابر مثل ماهو يكابر\...زينه..
سامي\وانا بخير الحمدلله..
اتسع ثغرها..وظلت مستمعه..
سامي\بكره راجع..للمعلوميه..
لولو حست بـ وميض من الفرح لكن ماحبت تبين\حلو..
سامي رددّ كلمتها\حلو..حلو..مانمتي..!..ولا توك صاحيه
لولو كانت مكتفيه من النوم\الثانيه..
سامي بنبره مختلفه..هاديه وحنونه\ لولو..
لولو\ هممم
سامي بصوت دافي\وحشتيني..
لولو\.........
سامي\طيب..ماوحشتك..!
لولو\......
سامي\انتي معي..!؟
كانت تحس انها بعالم مزعج..ضيق.. مليء بالضجيج..وفجأه..سامي انتشلها لعالم...هادىء ومغلف بالسكينه والعاطفه..
لولو\ايوه معك..
سامي استغرب من برودها\ماعقبتي على كلامي..ولا ماعجبكـ..
لولو قاطعته بسرعه\ لا بالعكس..بس..بسـ تفاجات..
سامي\يعني.!
لولو\سامي..
سامي كان مستعد لتعقيب اجمل وادفأ..عاطفته كانت هاللحظه متفجره وجياشه..سفره..شغله الغير منتهي..بعده المتعب عن لولو..محتاج للقليل من العاطفه,, لكلمة تصبره..وتسكن احاسيسه..
سامي\عيون سامي..
لولو\بسكر..امي تبغاني ضروري.مع السلامه..
اغلقت الخط من هنا..ولحظات فقط..وتجمعت الدموع بعيونهـا..وانفجرت تبكـي..!تبكي بدون توقف..
تبكي بدون سبب..بدون نهايه وبااكبـر وجع..!
ماتدري هل انفجرت لأنها اسمعت صوته..او لأنها ضايقه وحاسه بالبؤس واليأس بحياتها..او لأنها كارهه عيشة الأستفهامات المبهمه..!
كرهت الضعف اللي سرى بخلاياها من اول مانطق...بكلمة :وحشتيني:..بينت عدم مبالاتها واغلقت الخط لأجل تعلمه أي عذاب هي تعيشه..!
ليش تبكي..!المفروض ماتبكي..وتظهر انهزامها وضعفها حتى لو كان بينها وبين نفسها.هي اقوى..اقوى بشخصيتها..لازم تمشي على خطتها..لازم تعلمه منوا لولو..!؟لازم تخليه مايرسي على برّ..مره تظهر له اشواقها الاهبه..ومره تخليه عطشان على بحر جاف..!!بتكون مجنون ياسامي..
لكن مجنون فيني!!!
=========








"احساس مؤلم يااول الغربه"
كتمت آهاتها بصعوبه..وشدت على فمها اللي خنقتها العبره..خلاص,,الحبايب غادروا..وهي ظلت وحيـده..
وحيده بالرغم انها بوسط اهلها..تذكرت أول اسبوع قضته بالأردن..ماتقدر تنكر انه جميـل وممتع وخصوصا لقائها مع بيت عمها امجد بعد غياب طويل استمر ثلاث سنوات..وكيف استقبلوهم بالدموع والأحظان..وحتى بنات عمها الاء ومنال اللي دوم يغارون منها كانوا مشتاقين لهم بالرغم انهم حاولوا يخفون اشتياقهم..
كانت تعرف انه صعب الوصول لقلبهم..ولأجل كذا..اهدتهم هدايا بسيطه عباره عن قلاده من فضه بقلبها حرف كل وحده منهم..والحمدلله حاليا الأجواء مستقره..ودليل على ذلك..نهار هذا اليوم بيقضونه كله بالتسوق بشوارع ألأردن واسواقها..
"
لبست فستان اسود اللون مخطط بلون ألفيروزي على بنطلون اسود..رفعت شعرها ذيل حصان..ولونت شفايفها بمرطب زهري..وزدات من الماسكرا كحليه..لبست حجابها الأسود..واخذت حقيبتها وخرجت تتنظر مرت عمها والبنات بالصاله..
جلست على الكنبه وتأملت المكان..اكثر حاجه تعجبها في بيت عمها الحجر البني اللي ماخذ حيز كبير بالبيت..من مداخله ..وواجهته..كان بشكل عام بسيط ويتكون من طابق واحد لكن لمساتهم والوان البيت الجبليه اضافت التميزّ بكل ركن..هذا غير نقوض الزهور اللي بصنع ايدهم المنثوره بجمال على المفارش والخداديات..
دخلت هاللحظه ام منار "صفاء " وابتسمت لمن لاحظت حنان جاهزه وسرحانه\غلبناكي ياحنان معنا..يابنات يالله ..حنروووح..
بادلتها حنان ابتسامه خجوله\لا عادي..خاله..انا كمان تأخرت باللبس,,!!
قطع حديثهم دخول منال وخلفها ولاء اللي فاجأ حنان وارغم عيونها تتسع من هول الصدمـه..
منار بنبره ساخره\شوفيك..ليش عم تتطلعي عليّنا..!
رمشت عيون حنان بذهول\لا..مافي شيّ..!
ناهد وقفت على ارجلها\يالله يابنات..
خرج الكل..واخرهم كانت حنان اللي تناظر منار والاء بذهول,,كانوا وبكل جراءه لابسين بدي وجينز يبرز جسمهم..وبدون غطاء على الشعر..
هي صحيح تكشف سواء كانت بالسعوديه او بأي مكان اخر..لكن لبسها ساتر جدا..ولايقارن بلبس بنات عمها اللي تركوا الحجاب نهائيا على عكس امهم اللي ملتزمه بحجابهـا..يمكن عمها راضي..او راضي بااكراه..!!هي مو بعلم بالمستجدات اللي طرأت بحياتهم..
لكن الصدمه لازالت تلجمها....وفعلا اللي يقول الأنسان يتغير بين يوم وليله..!
خافت بهاللحظه تكون مثلهم..تغرّها الحياه الجديده..البيئه المتفتحه..العادات الغريبه عليها..
ناظرت شوارع الأردن..وفكرت بالأيام الجايه....بحلمها اللي يراودها ليل ونهار..وطموحها
اللي بدأ يقترب.. بالجامعه المختلطه اللي بتجمعها ببنات وشباب..هل بتقدرّ على هذه الحياهّ؟
هل بتصمد وبتظل متمسكه بحلمها..!؟
هي خايفه..خايفه من هالشعور الغريب..الحائر اللي يلازمها..!؟في شيء ناقص بحياتها الجديده..في حلقه فارغه بداخلها..
ماتدري..هل غربه..والا وحده..والا هواجس عنيده تعكر لحظاتها..ومع كل هذا..فهي مظطره تتأقلم مع الوضع الجديد اللي بدايته ماتبشر بخيرّ ابدا..
منار\يالله حنوا..وصلنا..
تهاوت ايدها من على خدها وخرجت من السياره وتحركت بخطوات خجوله وبطيئه..ومشوا الأربعه بااسواق ألأردن الشعبيه...وطرقاتها المزحومه بالناس..كانوا يفرجونها على كلّ حاجه مميزه بااماكن مختلفه وهي مستمعه والأبتسامه الخجوله مافارقت ثغرها..ولا وجهها الباسم..وتكتفي بتعليق بكلمه او كلمتين..كانت عكس حنان الحالمه..الثرثاره..المجنونه..تذكرت هاللحظه صديقاتها..وكيف اذا خرجوا يتسوقون..والضجه اللي يعملونها اذا طاحت اعينهم على أي شـيء حتى لو كان عابرّ..كانت ايام حلوه..تتمنى لو تسترجعها..ويكونون معها بهاللحظات..!!
دخلوا محل صغير اشبه بكوشك منثور بكل زواياه طاولات صغيره خشبيه يبيع عصاير ومثلجات..طلبوا لها ايس كريم بالمانجا لانهم مدحوه ..تذوقته وانعجبت فيه لكن ماكان بحلاة ايس كريم فريده..فريده اللي مشتاقه لها بجنون..لو هي جنبها بهاللحظه كان اخذت منها الأيس كريم ورفضت احد يتذوق غير ايس كريمها..
ابتسمت على هالذكرى..بشوق كبير يملىء روحها..
الاء\الظاهر الأيس كريم..ماعجب حنوا..
حنان زدات ابتسامتها الخجوله\لا بالعكس..لذيذ..
الاء\الا مائلتي لي حنوا مستعده للدراسه..!؟
حنان\بدك الحقيقه!؟
الاء\ايوه..
حنان\متحمسه وبنفس الوقت خايفه..!
ناهد\مابتخافي..شوي شوي راح تتعودي..
حنان\ان شاء الله..
الاء كانت بعمر حنان..وتغار بشكل كبير منها..لأنها الأجمل..ولطيفة المعشر..عكس الاء العادية الملامح والمغروره..!
الاء\الله يعنيك يبغالك سنه حتى تتعودي..
ناهد\لا حنان قويه..وحنا ماارح نخليكي..
الاء بغلّ \ايه..طبعا..
حنان\تسلموا..وعمّ الهدوء..ماعدا ثرثرة الاء الغير منتهيه..
وبعدها طلعوا..وكملوا تجولّ بالأسواق..لغاية ما انهلكوا..ورجعوا البيت حاملين اكياس تبضعوها من اسواق متفرغه..
=============







"جميله..تلك العنيده.."
تهاوت الملابس من شتى الألوان وجميع الموديلات على الأرض والسرير وهي تناظرهم بنظرة ازدراء وملل..مو متخليه انها ممكن تلبس هاللبس..!هذا مو ستايلها..ولا لبسها..!!
هي بتكون نكتة الموسم اذا استمعت لكلام بنت خالتها وطاوعتها..!.؟
مستحيل...مستحيل اللي تقوله يكوووون..!
لولو\شوفي..هذا الأسود بيطلع جنان عليك..قيسيه ..!
ارمقتها فريده بنظره..واخذت الفستان ورمته بالأرض مع بقية اخوانه.
فريده\انا صحيح قلت لك بلبس مثلكم..لكن مو لهدرجه..!؟شنوا..هالحرير..وقسم بالله لوحة رسم..واخذت بلوزه شيفون بلون الأحمر القاني..وش ذا..!؟انتي من صجك بتلبسيني هاللبس..!؟تبين اجيب اخرتك..!وتنفست بشده..!
عقدت لولو حواجبها بقهر..وكتمت غيضها..وبحلم ردت\قلبي انتي..يعني شنوا تتوقعين اجيب لك..!!مو انتي قلتي تبغين تغيرين وتكونين انثى بمعنى الكلمه..!؟
ترددت فريده بالأجابه...هي فعلا تبغى هالشيء لكن مو لدرجة تلبس شيفون وحرير..وخامات ثانيه جهلت اسمائها..!؟
لولو لمن لاحظت سكوتها حاولت تغريها بصوت بمثل هسيس الرياح\ياغبيه...فكري زين..انتي وراك جامعه وحياه جديده ومو معقوله بتلبسين جينز ....ومو بس كذا..انتي وراك شي اعظم محد يعرفه غيري وغيرك.!!
اتسعت عيون فريده..وهي تسمع كلام لولو..معقوله فهمتها..وعرفت مقصدها..!!معقوله تقرأ افكارها وتعرف انه من اسباب العزم على التغيير هو اخوها!؟اخوها اللي بتعلمه منوا فريد الولد على مقولته!؟؟
احمرّ وجهها..ورغمن عنها ظلت هادئه..
لولو\حنا بنات وفاهمين على بعـض..وانا وياك لأخر المشوار.. وغمزت بعيونهـا..
عضت فريده على شفايفها وبتلقائيه رق صوتها\طيب..شوي شوي علي..مو معقوله من بديتها بلبس هاللبس..وبعدين انتي تعرفين انه هالألوان ماتعجبني..!!
لولو فرحت لمن قدرت تقنعها\اوكي مو مشكله..خلي الفساتين على جنب..وش رايك بهذه التنوره..!!
دخلت هاللحظه عايشه حامله معها اكواب الكابتشينوا مصفوف بجنب كل كوب قطعة شوكلاته..
عايشه\للحين مالبستي..!؟وااااو حلوه اللي بأيدك لولو..
ناظرت فرديه التنوره القصيره بوجه عابس..كانت بلون الاورنج..وفيها قصه على الخصر.ومره ناعمه..تنفست بعمق..وصرخت مره ثانيه\ياربي حتى هذه مقدر البسها..!
البنتين بنفس اللحظه\ليييييييييش!!
جلست على السرير بضيق\بس..بــس..مقدرّ..فهموني بليييز..
ناظروا البنتين بعض لحظات قصيره..وعايشه اخذت كوب كابتشينوا ومدته لفريده\خذي..وروقي..!
اخذت فريده الكوب..وشربت قليل منه وهي خانقتها العبره..!!
وش فيها..!؟ليش هالأنهزاميه..والسلبيه..!؟ماكانت كذا..ايش اللي قلب كيانها..وضايق نفسها..!
ماتقدر بين يوم وليله على كل هذا التغيير,,!
ليش ماتنساه وترتاح..هي وش تبغى بالظبط..معقوله تغير نفسها لأجله,.وهو اللي مااكترث فيها..!؟
لالالا..هي بتتغير للأفضل عشانها..عشان حياتها الجديده..وبنفس الوقت بتعلمه منوا فريده اللي خسرها..!
بتعمله منوا فريده اللي باعها لأجل طموح ضال..!!
بتعلمه انها بتظل شامخه..وعاليه..وطريقه صعب اللي بيوصل لها..!
فريده\اوكي..اطلعوا خلوني ابدلّ..
صرخوا البنات من الفرحه..وكلها ثواني وكانوا خارج الغرفه..
تلمست فريده قماش التنوره..وقررت تلبسها على تيشرتها السكري..غيرت ملابسها بحركه بطيئه..وترددت تشوف نفسها بالمرايه..رفعت عيونها ببطء..وناظرت وجهها..وبتلقائه طاحت نظراتها للتنوره اللي كانت بمقاسها وماسكه على جسمها..وبلا شعور وضعت ايدينها على وجهها و ابتسمت بخجل على شكلها..
لولو\خلصتـــي..
ابعدت فريده ايدنيها..وتخيلت لو يشوفونها البنات بهذا الشكل..ومامداها تفكر اكثر لأنه البنتين فتحوا الباب..وهي بلا شعور حاولت تنزل التنوره لجل تخفي ساقيها..
لولو وعايشه\واااااااااااااااااااااو..
حطت فريده ايدها على خصرها وصرخت بوجههم لأجل تخفي خجلها\كولوا عســـــــل..
تقدمت عايشه وفيها الضحكه\لحظه..فتحت الكلبس اللي رافع شعرها صديقتها..وتناثر ببعثره على اكتافها..وابتعدت شوي عنها..ومثل مااتبعدت خطوه تقدمت خطوه ونزعت النظاره اللي محاوطه عيونها..وابتسمت بحبور..والله انك قمــر..
مسكت فريده بتلقائيه شعرها..وحاولت تاخذ النظاره من عايشه\لا.اعطينني اياها..
عايشه\اسفه..
فريده بضيق\والله مااشوف..
لولو\لبسي عدساتك لو سمحتي..مافي نظاره بعد اليوم..يخرب بيتك عيونك فناجيين..
عبست فريده عيونها وانحرجت من هالأطراء رغم دفاشتها\طيب اعطوني اياها اللحين..والله مااشوفكم زين..
هزت عايشه راسها بالنفي\لا..
فريده صاحت بضجر وكانت جاده بكلامها\عوااااااااشي..لاتستغلين نظري الضعيف
لولو\قبل مانعطيك..لازم نحط لك مكياج خفيف..
فريده\لااااااااااااااااا
لولو\مو بكيفك..عواشي مسكيها..
مسكوها البنات بااكراه..وجلسوها على مقعد التسريحه..وهي كانت تشتمهم ومغتاضه منهم ..وبصعوبه..وضعوا لها .. فاوندشين وحددوا عيونها بقلم وردي..واكثروا من البلاشر الفضي على عظمة خدها..وحلوس وردي على شفافيها..
رضت لولو بالنتيجه اللي توصلت لها..وطلبت من فريده تناظر شكلها\فتحي عيونك ياغبيه..وشوفي شكلك..
عايشه\شكلك خطيير..بسم الله عليك..
فتحت عيونها بقهر..وقربت من المرايه لأجل تشوف ..وضحكت لمن شافت شكلها..كانت شكلها مختلف جدا..بالرغم من بساطة المكياج..
فريده\وش ذا..!؟
لولو\حلو صح!؟
فريده بلا شعور نطقت \ياربي شكلي غير..!؟وظحكت ببلاهه..ههههههههههههه
عايشه\هههههههه
لولو بمكر ردت\ليت ابو شامه سوداء موجود..
قطبت فريده حواجبها..
عايشه\يبيليك تشقير حواجب...!!
فريده هنا عصبت\احلموا.......
عايشه\والله بتطلعين احلى..صدقيني..حواجبك كثيفه بالرغم انها محدده..
فريده\لاتحاولين..
لولو\مو على كيفك..بكره بنروح سوى المشغل..
فريده\انتي تاكلين عسل..جيبوا نظارتي عمى.مااشوف زين..!
اعطتها عايشه النظاره وهي تبتسم\اليوم سماح..
فريده لبست نظارتها بسرعه وحست بالأرتياح لأنه النظرنعمه لاتقدر\كثير متفائله انتي.!
عايشه\وليه مااتفائل..!!غصبن عنك بتسوين اللي بنطلبه منك..وبكره بنروح المشغل..صح لولو!
لولو باابتسامه ذات مغزى\اكييييييييييد..
فريده\كولوا عســل..واطلعوا ابغى ابدّل..
لولو\وعمى ماكملتي عشر دقايق..
قامت من مقعدها وطردتهم..وهم معترضين..ومعصبين..وقفلت الباب لجل مايتطفولن ويدخلون..ناظرت شكلها نظره اخيره..وهالمره تمعنت النظر لأنها لابسه نظارات.. شعرت بالخجل وهي تتأمل شكلها..وبسرعه قصوى..فصخت ملابسها ورفعت شعرها..ومسحت المكياج..ومابقى الا القليل من اثره..وطلعت للبنات وهي متاكده انهم بيصرخون من القهر..وفعلا هذا اللي حصل..
لولو\ليييييييييييش..يادوبه..!
تقدمت لهم وهي تبتسم بمكر وجلست قبال التلفاز تفرر القنوات\بس..طفشت..
ناظروا البنات فريده بنظرة قهر..وهم يتوعدونها بالأيام القادمه..
فريده\لاتناظروني كذا..كيفي..البس متى مااحب..وافصخ متى مااحب..
عايشه\اوكي غلبتينا هالمره..!
لولو\اقولك قومي..اكيد سامي وصـل له ساعتين..!؟
عايشه ناظرت لولو اللي تلبس عباتها\وين ..بدري بنات!!
لولو\مقدر حبيبتي اتأخر اكثـر..!
فريده\مو انت تقولين تبغين تتأخرين عشان تقهرينه..
لولو\صح ..واللحين اكيد هو متنرفز..!!
اخذت فريده عباتها وبدأت تلبسها\يستاهل..!
عايشه\وانتي تحرضينها ياانسه..
لولو\ليش غيرتي رأيك مو هذه من خططك..!
عايشه\معك حقك..لكن مو بهالطريقه..!؟
لولو بنظرة تكبر قالت\انا اعمل مثل مايعمل هو..
طلعوا البنات بعد ماسلموا على عايشه..ومثل كل مره عايشه كانت توصي لولو توصياتها المعتاده..
===========






"دمرني وجودك"
اغلقت التلفاز ووضعت الكنترول فوقه..ماكان فيها نوم..
يمكن بسبب الكابتشينوا اللي شربته وبدأ مفعوله..!!فكرت تكتب شوي وتضيع وقتها..لكن بهألأيام هذه تحس بفتور عنيد..ومحتاجه الهام يداهمها لأجل تكمل اللي بدأته..!تذكرت باايام الأمتحانات كانت تحلم باليوم اللي تنتهي من الدراسه وتتفرغ لكتاباتها تفرغ كامل..وفعلا هاليوم انكتب..لكن اشياء كثيره استجدت معاه..واولها جرحها اللي عيا يطيب..ليته يموت..وترتاح..بس اللي تطلبه محــال!
سلمت امرها للباري,,وطلعت لغرفتهـا..رتبت الفوضى اللي احدثتها فريده ولولو..
وتذكرت انه ايام وتسافر وتشوف امها..امها اللي مالتقت فيها من تسع سنين..!!
ياترى تغيرّ شكلها..!؟..شعرها لازال طويل..وبشرتها البيضاء اللي اكتسبتها منها لازالت بنضارتها..!!
واخواتها الأربعه..اكيد كبروا..مو قادره تخبىء الأحساس اللي يرغم قلبها على زيادة نبضاته اذا تذكرت انها ايام وبتلتقي فيهم..بتجلس معهم..وبتسمع سوالفهم..صحيح مرت عليها ليالي سوداء..كرهت فيها اسم "ام" واخت وعايله واهل..لكن ماتقدر تنكر بداخلها انها فاقده..فاقده هالأحساس القوي..
تناقض غريب تعيشه لكن بكلا الحالتين..هي محتاجه لهم اكثر من أي وقت مضــى..
سمعت صوت تناديها..تركت اللي بأيدها..وطلعت لها..
عايشه\توقعتك نايمه..تقدمت لها وناظرت التكالوجات اللي بايدها..ايش هذا!
حكت ساره رقبتها بضيق\لي ساعه وانا ادور على فستان ييلق بأخت المعرس..ومو لاقيه..!
حست عايشه بالضيقه ترجع لها..واصبح كل شيء اسود بعيونها..!
ساره\وشفيك..لي ساعه اتكلم وماتردين..!
عايشه\ولا شيء..بس جالسه افكر مثلك متى اخيط فستان..!؟
ساره\والله حاله..شهر واحد بس بقى..وبهالشهر احنا مظطرين نروح الرياض عشان زواج جماعتنا..وبالمره تشوفين امك..!
عايشه\طيب نفصل بالرياض..او نشتري هناك..
ساره\لا..ابغى اخلص كل شيء قبل مانمشي..
"يافرحتي..كل هذا عشاني"
التفتوا زوجين من العيون لمصدر الصوت..وبتلقائيه حست عايشه بالأختناق والدوخه في آن واحد عكس ساره اللي استقبلت اخوها بوجه بشوش
ساره\جيت والله جابك..تعال اختار لي موديل..!
تقدم لهم حمد بخطوات ثابته وهو عينه متركزه على عايشه اللي اسودّ وجهها وزادت دقات قلبها من الخوف اللي داهمها..وكل هذا كان بثواني..
جلس جنب اخته بااريحه ومددّ ايده على طول الكنبه اللي شبر وتوصل لكتف عايشه\وانا وش يعرفني بهالشغلات!؟
ساره فتحت على كذا موديل عجبها..واعطته اخوها\شوف..اي واحد احلى..!
حمد وعينه مانزلت من عايشه\مدري..كلهم حلويين..صح عايشه..وابتسم ابتسامته الخبيثه..
عايشه بكل رعب..وبكل الم..اومات رأسها المنكوس..
ساره\بلا مجاملات لو سمحت..!تعال شخبارها خطيبتك..!
حمد\قصدك زوجتي..قمر....تعجبني وعاجبها...
ساره\الله يهني سعيد بسعيده..
حمد وبااسلوب حقير اكمـل\ لكن لازال قلبي خالي ويستقبل..
اتسعت عيون ساره بذهول\وانت ماتعقل..مستانس على اللي تقوله..
حمد بكل عصيان \وانتي وش عليك..!!خليني اعيش ايامي..
ساره\كل هذا..وماعشت..بتدخل الخمسه والثلاثين..!!
حمد ردد بااسلوب منرفز\شباب..شباب..
ماعلقت ساره..ورجعت تناظر التصاميم بتركيز..
حمد بنبره هاديه وماكره\وانتي ياعايشه..اخترتي لك موديل..!!
ماعرفت كيف ترد عليه..!او حتى كيف تنطق..كل حروف العالم نستها بحظوره وخبثه وحقارته..!!
وش تقول..!!؟تقول انك اقبح مخلوق عرفته!! اصلا حتى كلمة مخلوق بحقه ظلم..هو نكره..نكره عاله عليها..ولازم تمحي وجوده بحياتها..!لازم تعلمه انه الله حق..والظالم عقابه قريـب مهما ارتفع شانه..
الله عليك ياظالم..تٍسالني بكل وقاحه..ولا كأنه حدث شيء..ولا كأنك نبشتي قبري بايدك..
الله ينتقم منك..!الله ينتقم منك..وتموت ..والا انا اموت وربي ياخذني وارتاح..
حمد\وشفيها بنت اخوك ياساره..ماتحكي..!!
حاولت تقــوم..وتترك المكان له..وجوده خطر ومعذب بنفس الوقت..لكن ليش تحس انه رجولها ماعادت تشيلها..وروحهـا الفقيره انقبضت وماعادت تستجيب لأي احساس...وحراراة جسمها تضخ وتحرق كل خلاياها..
حاولت وجاهدت...تنسى هالجاثوم لو ثواني لأجل توقف على ارجلها وتبتعد عنه..ذكرت ربها كثير وتعوذت من الشيطان.....تذكرت صديقاتها لعبهم..وظحكهم..وحبهم لها.. وخف توترها...ولحظات بسيطه جدا وكانت بغرفتها والأرض تحظنها وتشهد انتصارها لأول مره..
===========





"تعيش الجرأه"
ناظرت نفسها بمراية المدخل..وزادت من الروج الأحمر..وربطت خيوط بلوزتها الصفراءعلى رقبتها...وابتسمت بمكر وكأنه لبوه ناويه تنقض على فريسه سهله..
"انا لك ياسامي..تقول وحشتيني..اليوم بعلمك كيف يقولونها"
وحركت ايدها علامه على الجنون..وظحكت بعدهـا بغرور..
طلعت الدرجات وهي تتظاهر القوى وتتناسى أي خجل لكن من ناحية اخرى كان قلبها يدق بعنف وكأنه قادم من سباق مارثون..حست انها بتبكي لأنها جسمها يرجف وهي لسه ماقدمت على أي خطوه....دخلت الغرفه خلسه..وطاحت عينها عليه وهو جالس على الكرسي ومعطيها ظهره وقريب منه على الأرض كان حذائه وجواربه البنيه وواضح انه بأيده كتاب يقرأه ويتسلى فيه..استغربت من اطواره الغريبه .لو هي مكانه وواصله من سفره مااراح تشوف غير السرير..!!
مشت على اطراف ارجلها..لغاية ماوصلت له..وبحركه سريعه مالت له وطبعت بوســه طويييله وقويييه على خده لغاية ماشعرت انه روجها بكل تفاصيله وحمرته انتقل له..وهمست بأذنه بكل عذوبه وغنج\وحشتنــي..
ومثل مااقتربت بشده..ابتعدت لكن ايدين سامي اللي طوقتها وجلستها بحظنه كانت اسرع واشد حراراه..
سامي\مادريت انه اشواقك كثري مشتعله..!!كيفها اميرتي..!
اخذت نفس طويل وتأكدت انه وجهها انقلب لوحه فنيه..ابتعدت عنه شوي واول ماناظرت خده غمضت عيونها بقوه وحاولت تكمل اللي بدأته...\..الحمدلله..
سامي\ليه مقفله جوالك..!
لولو بكل غرورو ردت\كيفي..
سكت وهو عاجبه حركاتها الطفوليه.. تاملها بجرأه ..وتوها ينتبه انها مغمضه عيونها\ليش مغمضه عيونك..!؟
حاولت تبعد ايدينه لكن قوتها راحت عبث..فضربته على صدره \فكنــي..!!
سامي باابتسامه حلوه\واذا مافكيتك..!
لولو بنبرة دلع وزايده بالعيار\ســامي..
سامي رفع ايد وحده لشعره وحكه بقوه وكأنه استسلم\يارب صبرك..!
استغلت هالشيء ووقفت بسرعه وابتعدت كم خطوه\وشفيك..!؟
ظغط على اسنانه وقال\ولا شـي..!..وابتسم لها بحنان واكمل..انتي اللي وشفيك اليوم..!
وطأت رأسها وتناثر شعرها على اكتافها وهي تخفي ظحكتها\خدك..!؟
قطب سامي حواجبه\خدي!!
قام من مكانه..وتوجه للمرايه..واثناء مالاحظ الأحمرار الصارخ اللي بخده زادت ابتسامته..وضحك والتفت لها\كله منك..خربطتي وجهي الله يهديك..!بس حلو..مو!!
ماتت عند هالكلمه وحست انها نقطه صغيره مالها أي وجود وانكمشت على نفسها ..يعني لازم تنفذ خططها الجهنميه..وش هالحراره اللي تسري بجسدها..نار تلفحها..في شيء قوي يتحرك ويسري بدمها ..هي اللي بغت..هي اللي تعنت له..وينك ياعواشي..وينك يافريده..ياربي فشله..فشلـه..
تقدم لها سامــي..وهو مستمع بهدوئها..وخجلها..وكل شي عفوي يصدر منهــا..
لاحظت اقترابه من طرف عيونها..لفت وجهها الجهه الثانيه..وهي تضحك بغباء على نتايج افعالها..لغاية ماحاوط اكتافها..وارغمها تناظر عيونه..
لولو\شنوا..!
سامي ناظر خدهـا وعيونه ضاقت وبانت الخطوط المتعرجه اللي حوالينها\هذا..ايش!؟
حاولت تناظر بطرف عيونها خدها..وهو استغل انشغالها وطبع بوسه رقيقه على خدها\وحشتيني اكثــر..
=========


اليوم الثاني,,"دوامة الحب"
وبــس..هذا اللي صار..!
فريده\مالت..ومالت..ومالت عليك..!وعليه كمان..
لولو\رجاء لاتسبين..
فريده رمت مخدة الكنبه بقهر وقربت السماعه من اذنها \انتي هيه انكتمي احسن لك..والا بذبحك..
كل هذا وماتبيني اسبه..
لولو\ايه..لاتسبيه.بس انا اللي يحق لي اسبه..!
فريده\اقول..كولوا عسل انتوا ألأثنين..!
تاففت لولو بقهر واحدثت فرقعه باصابعها\فريد ترى انا مادقيت عليك عشان تزيديني..شوفي لي حل..
فريده\كلمتي عواشي..
لولو\عواشي ماترد على تلفونها..
فريده ريحت ارجلها على الكنبه الطويله وتنهدت\والله انا مثلك احس اني محتاره..
لولو\اجل لاتلوموني......مو قادره اتحرك خطوه ثانيه..!تعبت من الخطط الفاشله اللي ارسمها..
فريده\انا قايله لك من زمان هذا الأنسان مو طبيعي..!
لولو تأوهت بحيره\طيب وش تبيني اسوي..جربت معه كل الطرق..طفشت..خلاص..مااظن اني اقدر اكمل خطتي معاه..اسلوب الجفا واللين في آن واحد يبيله طولة بال..وانا بالي شحيح..!
فريده\طيب انتي كملي اللي تفعلينه مو خسرانه شيء..!
لولو بنبره حزينه\الى متى..قولي لي الى متى!؟
فريده\الله يفرجها..
لولو\تدرين على كل اللي يحصل لي..بس احس انه كل مالي وانجرف له..فريد..
تدرين قد ايش احبه..احبه بجنون..بجنون يافريد..ماتوقعت يجي يوم واحب انسان لهدرجه..سامي غيرّ مفاهيم كثير بحياتي..توقعت اني اسحره..ورسمت خطط لأجل اغريه ويكون من ضمن طابور عشاق لولو..لكن اللي يحصل اللحين مضحك جدا..انقلب السحر على الساحر وسامي صياد بارع عرف يرمي سنارته..وتنفست بعمق وهي تكمل..تدرين وش المؤلم اللحين..وانا اكلمك اشتاق له..ايديني تحاول تضغط على رقمه لجل تسمع صوته..وعقلي يقولي لا..اثقلي يالولو..شفتي وحده غبيه مثلي..!..فريد انتي معي..!!
فريده بصوت هامس\ايوه معك..
لولو\مااشوفك علقتي!
فريده\وش تبيني اقول..!!وانا مثلك..اعيش اللي تعيشينه..آآآه..خليني ساكته افضل..!!
لولو\ليش احنا نحب..!
فريده\لأننا بشر..عندنا مشاعر واحاسيس..!
لولو\وليش نحب ومايحبونا..!؟ليش نتألم..ومايتألمون..!!
فريده\سبحان الله درات الدنيا وصرتي تقولين مثل كلامي..وين اللي يقول اللي يحب مجنون..
لولو ابتسمت بسخريه على نفسها اثناء ماتذكرت موقفها مع صديقاتها\كلاااام..حبيته يافريد ومادرى..
فريده\بس ..خلاص..
لولو ماحبت تزيد اكثر\....اوكي
فريده\لولو بقفل طيب..
لولو\طيــب..
فريده كرهت نفسها لأنها لأول مره ترفض مساعدة شخص..لكن لولو ماتدري بالجروح اللي تنبشها بايدها\طمنيني عليك..
لولو\من عيوني..
فريده\سلام ياعسل..
اغلفت الخط من فريده..ونست تقول لها عن مقابلة اخوها اللي بتعرض خلال دقائق بالتلفاز..ارسلت لها مسج سريع وكتبت لها اسم القناه وهي متأكده انه هالخبر يابيفرحها او بيضايقها..
=========



"مقابله فنان"
اسندت رأسها على الكنبـه باارهاق شديد..اليوم كان حافل بالمتاعب..دخلت مع امها المطبخ من الصبح وساعدتها بعمل ذبيحه لجيرانهم وهالأمر اخذ من جهدها الكثيـر...صحيح هي تحب الطبخ..لكن اليوم نفستيها مامسحت لها تستمع بهوايتها..وهي اساسا من امس مااخذت كفايتها من النوم..واكملتها لولو وهي تخبرها بموقفها مع سامي اللي ابدا ماراق لها تصرفها..نفسه تلقن سامي درس وتعلمه كيف قلوب العذاري حساسه!!لكن ماعندها صلاحيه على قولتها..!!
فتحت التلفاز بمللّ وظلت تفررّ القنوات بلا هدف..سمعت صوت حمودي يبكي وواضح انه بغرفة اخواته..قامت له وهي تبتسم..صوته كفيل برسم البسمه بثغرها طول اليوم..
ولاحظت شهد ورغد يتضاربون بالأيدي..ونعيمه نايمه بااريحه بفراشها بالرغم انه النور مضيء والباب مفتوح..وضجة التوأمين داويه بالغرفه..
رفعت حمودي من على الأرض وصرخت على التوأمين\وعمى ان شاء الله..للحين صاحيين..!
شهد ورغد وقفوا عن المشاجره اثناء ماحسوا بوجود فريده..
فريده لاحظت خوفهم واخفت ابتسامتها\كل وحده تدخل فراشها لأخنقكم فيه..
هرولوا التوأمين لمخدعهم وغمضوا اعينهم دلاله على نومهم..
ابتسمت لهم بحب..وقربت منهم وطبعت بوسه على خدهم\فديت المطيعين..!
خرجت للصاله حامله حمودي اللي ابتسم من شاف وجهها..واصبح يحرك ايدنيه وينطق كلمات غير مفهومه دليل على فرحه..
فريده\ياربي انا بموووت والسبب انتي ياقمر..وعظته بخفه..باكلك وارتاح..يممممه يهبببل
ظحك حمودي على حركاتها المعتاده..وجلست على مقعدها المعتاد وجلسته بحظنها وعيونه تصارع النوم..رفعت الريموت لجل تغير القناه واثناء ماناظرت التلفاز اتسعت عيونها من هول مارأت..
ظلت ثواني لأجل تستوعب اللي تشوفه..وبتلقائيه وضعت كل قوتها على الريموت وتغيرت القناه..واثناء مالاحظت انه صورته اختفت من عيونها..صحت من غفوتها..ورجعت القناه وطولت على الصوت وهي شوي وتصـرخ..!!
كان صوته المميز ..وحظروه الطاغي منورّ المقابله..يارب..وش كثر هي بتستحمل !!شهور مرت وماسمعت حتى صوته..وبظرف اسبوعين..شافته وسمعته..كثير..كثير عليها اللي يحصل..الى متى هي بتتحمل..اي عذاب تستشعره هاللحظه..!!
المذيعه سهر\ بعد ماطرح مصعب البومه اللي لقى النجاح الكبير ..هل هناك مشاريع قادمه تماثل لا للجرح..!؟
عقب مصعب مؤكد\ليش لا..حاليا في افكار عديده تعرض لي..واوعدكم بمفاجأه بتعجب المشاهدين..
المذيعه سهر عقبت ظاحكه\هههههه اكيد بتعجبنا دام الفنان مصعب حصرّها ببرنامجنـا..
ضحك مجامله لها\تسلمين..
حست ببركان يثور بصدرها..ظحك..ومصخره..وقلة ادب..وفسق!!
أي حياه تعيشها يامصعب..!وين وصلت دروبك..!
طحت من عيني بعد ماكنت عالي..مرتاح اللحين!..هذا اللي كنت تبي توصل له..!شهره..وغناء..ومال ..وفن..!
مسكين يامصعـب..مسكين لأنك اغتريت بصوتك ونسيت دينــك..
المذيعه سهر\سؤال اخر..منوا اكثر شخص وقف مع مصعب لجل يكمل مشوار فنه!؟
سكت مصعب لحظات..وفريده انتبهت لسكوته..وابتسمت بسخريـه..!!
نفسها تعرف جوابه على السؤال..!
وبعد بره ردّ ببساطه\ لا احد..سلكت طريقي بنفسي..
المذيعه وهي تناظر الأوراق واكوام الأسئله المدونه\طيب سؤال ظريف شوي..كثير نسمع اسم توم كروز الخليج يقرن بااسم مصعب..من اول من اعطاك هذا اللقب..!
ابتسم مصعب ابتسامته الساخره وبرزت شامته السوداء ورد وهويناظر عدسة الكاميرا\شخص عزيز..!
المذيعه\طيب.. هالشخص العزيز تظن انه يشاهد البرنامج..
مصعب\....اتمنى ذلك..
اغلقت التلفاز..ورمت الريموت بالأرض..! وكملة شخص عزيز ترن باذنها..
اخذت تلفونها..ولاحظت مسج وصل لها..فتحته..وقرأت المكتوب..دقت على رقمهـا وهي عازمه على شيء جاهله نتيجته..
لولو\هلا..
فريده\لولو..تمريني بكره..!
لولو\ليش!
فريده\....ابي اروح المشغـل..
لولو ابتسمت فرحه\اكيد ياقلبي...بكره العصر انا وعواشي نمرك..وبهالمناسبه السعيده بتكون الفاتوره على حسابي..
اغلقت الخط منها قبل ماتغير رايها..
"شكلك ماتعبت لعب يامصعب!! "
=========





"رايحين مشوار"
دعوني اناجي مولا جليلا اذا الليل ارخى علي السدولا
دعوني اناجي مولا جليلا اذا الليل ارخى علي السدولا
نظرتُ اليك بقلب ذليلٍِ لأرجوا به يا الهي القبولا
لك الحمد والمجد والكبراياءُ وانت الألهه الذي لن يزولا
وانت الألهه الذي لم يزل حميدا كريما عظميا جليلاَ
تميت الأنام وتحي العظام وتنشأ الخلائق جيلا فجيلا
عظيم الجلال كريم الفعال جزيل النوالٍ تنيل السؤلا
حبيب القلوب غفور الذنوب توراي العيوبِ
تقيلا الجهول وتعطي الجزيلا وتولي الجميلا
وتاخذ من ذا وذا وذاااك القليلا
عايشه\ياربي صوته خطير الله يوفقه!!
لولو\سامي مايحب يسمع الا هو..
اعطتها فريده نظره..والتزمت السكوت وهي تناظر شوارع الخبر..
عايشه\اول مره اشوف مثل قناته..تفكيره خطير عرف كيف يوصل لقلوب الشباب بمواعظه البسيطه وصوته الأثيري..وانتوا لوا تلاحظون اغلب اللي يطلعون بقناته شباب متوسطين العمر..حتى نغمات الجوال اللي بأيد الكبار والصغار صارت بصوت العفاسي..!!بميزان حسناته يارب..
لولو\على فكره..كلمتني امس حنان..وتسلم عليكم..
فريده اول مره تدخل معهم بحديث من ركبت السياره\شلون كلمتك..هي تقول ماعندها تلفون..
لولو\طلعت امس رقم..لكن لسه ماشرت جهاز..استعارت جهاز بنات عمها..تقول بتشتري هالأسبوع اذا طلعت للسوق..
عايشه\طيب شخبارها..بدت دراسه..!؟
لولو\اليوم اول يوم دراسـي..!!والله وهي تكلمني حسيت انه خنقتني العبره..بس حاولت قد مااقدر اثبت صوتي..
عايشه اعتفست ملامحها\وهي..حست!؟
لولو\مدري..بس لو تسمعون صوتها..غصب تبكون..مدري يابنات حسيتها..متضايقه مرتبكه..شي فيها....!
فريده\كيف عرفتي..!
لولو\كانت متردده وهي تتكلم..او ودها تحكي بس في شي يمنعها.... ممكن انا اكون غلطانه..وتعاطفت معها..
عايشه\شي طبيعي..هي بمرحله جديده عليها..وارح تتعود ان شاء الله..
فريده رجعت ظهرها على المقعد\يارب..متى تطلع تلفون ونكلمها زي الناس..
سكتوا البنات..وكل تفكيرهم منحصر بحنان..ووضع حنان ..واول يوم لها بالجامعه..!تمنوا يكونو بقربها بهاللحظات..تمنوا يطمئونها..ويشدون من ازرها..
لولو\وصلنــا..
نزلوا الثلاثه..للمشغل النسائي..ودخلوا قسم العنايه بالجسم..وجلسوا على المقاعد الفارغه..ومن حسن حظهم انه المشغل قليل زواره..
فريده\بنات اقدر اشيله اذا ماعجبني..
البنات غمرتهم ضحكه متواصله...
لولو\هههههههه شنوا لزقه تشيلينها متى ماحبيتي..!
فريده عضت على شفايفها..وسكتت..
عايشه\ حبيبتي فروده..التشقير مثل الصبغه مايروح اثرها الا بعد مده..!!
ضربت فريده ارجلها بالأرض\ادري..لاتسوين فيها لي حكيمة زمانك..
عايشه بهمس\ايه واضح..
لولو\حتى انا مثلك بجرب اول مره..
فريده + عايشه\صــددددددددددق!!
لولو انفجعت من صرختهم\ايه..وشفيكم..تفاجأتوا..!
فريده حست بنسمات دافيه تداعب روحها\مو مصدقه..يعني معنى كلامك انك خلاص..
لولو ابتسمت ابتسامه حلوه\خلاص..ودعنا الحف..
فريده\كيف..وشلون اقتنعتي!!
لولو\لالا هذا عاد سر..وغمزت بعيونها..
فريده كانت سعيده بالرغم انه فضولها مجننها\سر سر..اهم شي انك ماعدتي تحفيين..!
دخلت عليهم العامله..وطلبت لولو منها تعمل لهم تنظيف بشره كرستالي قبل ماتبدأ بالتشقير..وفريده كانت بوضع لايسمح لها بالتراجع.. وكل ماتمر دقيقه تعترض وتزمجر بصوتها..وهذا فقط اللي قدرت عليه,,واللي مهون على البنات انه فريده نازعه النظاره ومو على علم بالمواد اللي توضع ببشرتها..واثناء ماانتهوا من كل شـيء..قربوا المرايه لفريده..وكانت ردة فعلها صرخه\وااااااااااااااي
ظحكت لولو وعايشه..
عايشه\متفاجأه صح..!
فريده\لاتعليــق..
لولو\لا يابعدي..مخسره فلوسي وبعدها تقولين لاتعليق..ابي اعرف ردة فعلك..
ناظرت فريده وجهها بتمعن وحست بالفرق العظيم..حست انها مو فريده اللي تعرفها..بشرتها اصبحت بيضاء وصافيه بعد الحبوب والجثور اللي شوهت وجهها..لمستها بخفه..وكانت ناعمه مثل الأطفـال..ظحكت على نفسها وهي ترجع وتلمس بشرتها مره ثانيه..
اما حواجبها فكانت المفاجأه الكبرى..كانت مرتبه بشكل رائع وكثافة حواجبها من الأساس زادت جمالها اكثر..ظلت تناظر نفسها مثل المجنونه..تبغى تصدق اللي تشوفه..معقوله هالمواد البسيطه تغير من شكلها..!!!
فريده رجعت تردد نفس الكمله\لا تعليق..
عقدت عايشه حواجبها\شفيك فروده..!
فريده اومات رأسها بالنفي\لاتعليق..
لولو\ههههههههه من الصدمه..
طلعوا البنات من المشغل بعد ماحاسبت لولو..وركبوا السياره..
وفريده..هادئه..وسرحانه..وبين كل فتره تتلمس بشرتها خلف النقاب..وماعندها غير كلمة.."لاتعليق"
عايشه\واللحين وين..!
لولو\السوق..
عايشه اقتربت من لولو وهي تناظر فريده اللي سرحانه\ماتأجلينها لوقت ثاني..!
لولو\ابدا..انا ماصدقت انها صارت مطيعه..
عايشه\براحتك..
نزلوا البنات للسوق..وفريده حالتها ماتغيرت...اشتروا بدلتين..تحت مراى اعين فريده ..ولمن انتهوا.. رجعت كل وحده بيتها..
===========







"انا ..مو انا"
شكلها مضحك..وحزين في ان واحد....
تمشي بالممرات وحيده.غريبه..وكأنها بعالم اخر..عالم لاوجود له..
ماتعرف وين واجهتها الجديده..طلعت من اول محاظره وكانت فاشله من اولها..الدكتور هزأها على تأخرها..وهو متناسي انها طالبه مستجـده..كل ماتتذكر احراجها البالغ وهو يطردها من القاعه تتجمع الدموع بعيونهـا والطلاب يرمون عليها الكلمات الساخره هذا غير نظرات الشفقه اللي تجول بأعينهم يمكن هي تبالغ بالأمر لكن احساس الوحده يمحي كل شي حلو بداخلها ..!!واللي زاد المها اكثر..بنت عمها الاء اللي ماتعرف أي بقعه هي فيهــا..الجامعه كبيـره وتحس انها ضايعــه.. هي قالت لها..بتنتظرها بالحديقه..وهذه هي تمشي بطول الحديقه ولا لقت لها اثر..تحلت بالصبر اللي بدأ ينفذ منهـا.وانتظرتهـا...لعل وعسى تلمح طيفهـا..
حست انه وقفتها ماارح تجيب فايده صحيح هي ماعندها وسيلة اتصال حتى تحصل الاء لكن ه يتقدر تبحث عنها مره ثانيه.. ..قامت على طولها..ومشــت ومشت بلا هدف..وماحصلت نفسها الا بكفتيريا الجامعـه..دورت بين الطاولات والجموع الكبيره على وجه الاء..ولمن حصلتها حست انها بتبكـي من الفرحـه تقدمت لها..بخطوات سريعـه..وشافتها جالسه بطاوله مليئه بالشباب والبنات..خبئت خجلها لأنه مو وقته..ونادتها.
حنان\الاء..
رجعت تناديها مره ثانيه..وهالمره علت صوتها
حنان\الاااااء
كل اللي على الطاوله سكت..واتجهت اعينهم لمصدر الصوت..اما الاء فااعتفست ملامحها وقامت لحنان بخطوات بطيئه ..
الاء\خير..شوا في..مادخلتي محاظرتك..
حنان بعلت ريقها الجاف\بلا..بس انطردت..
علت ظحكه جريئه من حنجرة الاء\ههههههههههههه شوا..!؟من اولها ههههههههههه
استغربت حنان من هالظحكه اللي مو بوقتها\ايوه انطردت..ليه عندك مانع..
الاء لازالت تضحك\لا هههههههه ابدا..شو بدك هلاّ..
حنان انحرجت وانجرحت\مابدي شي..
الاء سكتت عن الضحك وردت بجفاء\مطلعتني من الهيصه والحكي..وتئولي مابدك شي..
حنان\الاء ليش تحاكني بهالنبره..!!
الاء\ابدا..ورمقتها بنظره مقهوره..سلامتك..وتذكرت كلام امها وتوصياتها على حنان وبااكراه كملت..تعالي اجلسي معنا انتي مافطرتي صحيح!
حنان ماكان لها نفس بالفطور..ماكان لها نفس بأي شيء..كانت تتمنى هاللحظه ترجع للسعويه..لبيتها..وبالتحديد لغرفتها..وتبكي..وتبكي لغاية ماترتاح..!!هي بالمكان الغلط..لازم اذا رجعت البيت تكلم ابوها وتقوله خلاص..انا استسلمت..هي مو قويه...هي تظاهرت بالقوه ومن اول يوم طاحت على وجهها..هي مو اهلّ لـ طموح وحلم والدراسه..هي مو قد هالتحدي..مو قده ابدا..!
هي غبيه..وفاشله..وتكفيها رسم تصاميم بدفتر فقير...وعرضها لصديقاتها وبــــس..!!
جلست بين جموع الطلاب..وهي مو حاسه باازعاجهم..ولا بحكيهم..ولا بأي شيء..
وين حنان المجنونه..الحالمه..اللي الضحكه عنوان يومهـا..كل شيء اختفى..وكل شيء حلو انتهى..
رجعت البيت ومادخلت ولا محاظره..اخذت جهاز عمتها ودخلت شريحتها..وبدال ماتضغط على رقم ابوها,,,ظغطت على رقم عايشه ..واول ماسمعت صوت صديقتها اجهشت بالبكــاء..
عايشه\حنوا..انتي حنوا..
حنان\عواشي..ايووووه.آآآآه,.ومقدرت تخكي اكثر..
عايشه\حنوا..حبيبتي..وشفيك..ليش تبكين..!؟
عايشه\طيب اهدي..اهدي..
وبدال ماتهدا بكت اكثـر..وعايشه تركتها على راحتهـا.لمن هي بنفسها هدأت انفاسها..واصبحت تبكي على خفيف وتحكي لها بهدوء ايش حصل....!!
عايشه\وانتي الشاطره اللي تبغين ابوك يحجز تذكره على السعوديه ولاكأنه شي كان صح..!
حنان\المفروض تفهميني مو توقفي ضدي..!مو ئادره اجلس اكتر..حاولت اتودد لبنات عمي بكل الطرق وهو واضح انهم مو حابين وجودي..
عايشه\ايه مو قلت لك انك شاطره وتبغين يحصلون اللي يتمنونه..ياقلبي ياعمري افهمي...مو من اول موقف بتتضايقين وبتقولين خلاص ابي ارجع..انتي باول المشوار..وكثير مواقف بتمر عليك ويمكن اكبر من كذا..طنشي ياحنان..وماعليك من أي احد..تجنبيهم..واذا عاملوك بالسيئه عامليهم بالحسنه.جربي معهم اللين وصدقيني بسهوله بيكونون بصفك..لأنه مهما كان ومهما صار هم بنات عمك من لحمك ودمك..
حنان\وانتي مفكره اني ماحاولت..هم من زمان كارهيني..انا بالبيت مثل الحيط..مااتكلم مع أي حد..مرت عمي هي الوحيده اللي تحكي معي..وطبعا هي مو ملزومه تظل معي طول اليوم..اما عمي مايرجع من شغله الا بالليل ويحكي معي كلمتين ويدخل غرفته..مو ئادره استحمل الوضع..والله كتير عليٍ..
عايشه\طيب انتي اصبري...ومابعد صبر الا فرج..
حنان\نفذ صبري..
عايشه\طيب انتي تخيلي ترجعين السعوديه اوكي..مافكرتي بموقف اهلك منك..وخصوصا ابوك..ابوك تعب وهو يحاول يدخلك احسن الجامعات عشان تكملين دراستك..وانتي طبعا عارفه كيف دخلتي الجامعه ومو لازم اذكرك..معقوله بعد هالتعب تجازينه بخروجك..مالك حق ياحنان..
سكتت حنان..كلام عايشه رجعها لعقلها..كيف نست موقف ابوها وامهـا!!؟
حست قد ايش هي غبيه..ومتخلفه..عشان موقف سخيف ووارد حدوثه..تتراجع..!
أي غباء حلّ عليك ياحنان!؟
عايشه\ليش ساكته..اقتنعتي ..والا لسه!!
حنان\مابعرف..
عايشه ابتسمت بحنان\اقتنعتي صح!!
حنان\يمكن..
عايشه\قولي ايه..لاتكابرين..!
حنان مسحت اخر دموعها اللي حاوطت خدها\ايه..
عايشه\هههههههه ايوه هذه حنان..مو من شوي..والله طيحتي قلبي..!!قولي لي اللحين..وش بتسوين..!
حنان\ابدا..برجع لغرفتي مثل الهبله..
عايشه\ايه خليك هبله..يمدحون الهبل هألأيام..
حنان ظحكت غصبن عنها\هههههههه..
عايشه\اخيرا..
حنان\ويمكن ارسم..
عايشه\ايوه كثير من الرسم..طلعي كل مواهبك وقهرك بالرسم..
حنان\طيب..على السريع شو اخبار البنات..
عايشه\طيبون..كلهم بخير ويسألون عنك..
حنان\ياقلبي..وحشتوني موووت..
عايشه\واحنا اكثر..المهم..اخليك اللحين..وبسرعه اشتري لك جهاز..
حنان\ههه اكيد..يالله سلمي عليهم..
عايشه\من عيوني..
حنان\عواشي..
عايشه\هلا,,
حنان\شكرا..
عايشه\على شوا..!
حنان\انتي عارفه..
عايشه\اظن مابين الصديقات شكرا صح والا لا!؟
حنان ابتسمت بشوق\صح..
عايشه\مع السلامه حبيبتي..
حنان\مع السلامه..
ارتاحت حنان بعد هالمكالمه..وحمدت ربها انها ماتهورت وكلمت ابوهــا..رجعت لغرفتها مثل ماقالت..ولبست بيجاما..وقررت تطبق اول كلام عايشه من هاللحظه..اما الرسم..فهي لاحقه عليه..!
===========




"رساله"
من اول ماعرف بنتايج قبولهم..وهو كل يوم يقول بيكلم وببارك لها..و يومه يضيع ومايتذكر الا اذا داهمه النوم و اوى الى فراشه..هو ماينكر انها تطري على باله بوسط انشغاله ويقدر بوقتها يكلمها لكن شيء قوي يمنعه يتخذ هالخطوه الجريئه..!
فكر وفكر وفكر..يدق..والا مايدق..والا ينتظر اذا قابلها ..
تذكر رقمها..رقمها اللي اخذه من اخته بحجة خفيه..!هذا احسن حل..التقط تلفونه..وكتب كلمات بسيطه..وظغط على ارسال..ومافكر ينتظر رد لرسالته لأنها اكيد ماتعرف ارقامه الجديده..
طلع من الفندق..وقرر يتجه للسوق ويشتري هدايا كعادته اذا رجع من سفره..
مابقى له غير يومين ويرجع..ويرجع لبلاده..
واول ماطاحت عينه عليه..كان عقد ذهب ابيض..يليق بمقام امه ورضوه لزعلهـا..اشتراه بدون أي تردد..واخر مافكر فيه يناظر سعره الباهض الثمن.. وقبل مايخرج من المحل فكر يشتري مشابه له لخالته..جالت عيونه على المعروضين وعجبه عقد بسيط مرصع بكرستالات دقيقه وصغيره..اشتراه ايضا بدوت تردد وخرج وهو يفكر بنوع الهديه اللي يشتريها للبنات..!
وضحك ضحكه خفيفه لمن لاحظ المعروض بالمحل اللي امامه..تقدم له وهو يفكر كيف بتكون ردة فعلها..!لكن ليش الأستعجال....يومين وبيعرف..!
===========




اليوم الثاني.."مفاجعه..وليست مفاجأه"
كانت هالمره اول الحاظرين..لأنها مو ناقصه تتعرض لمواقف سخيفه..وماتقدر تنكر انه نفسيتها افضل بكثير من امـس..توددت لبنات عمها..واهمهم الاء اللي توقعت الكره منها بسبب موقفها السلبي معها بالجامعه..ومثل ماقالت عايشه اصابهم الذهول..وكانوا مسالمين معها امـس..تعشوا معها..وشاهدوا فيلم اجنبي..لكن حكيهم كان قليل جدا..بس اول الغيث..قطره..
قامت من مقعدها بعد ماانتهت المحاظره ودونت اهم الملاحظات..ودخلت قلمها بحقيبتها الفوشيه اللي مطقمتها مع تيشرتها الفوشيا..ونزلت الدرجات..وهي تفكر انها لازم تتعرف على بنات بنفس تخصصها لأنه تخصص بنت عمها لغه عربيه وابدا مايلتقون بالمحاظرات والأفضل فعلا انهم مايلتقون..مشت وهي قاصده الكافتيرا..وتتمنى من كل قلبها انها ماتشوف الاء..وتجلس لوحدها لغاية ماتحظى بصحبه بنفس تخصصها وتفكيرها..
دخلت الكافتيرا..وطلبت عصير برتقال وسندويش جبن..ولأنها عطشانه فتحت العصير..وبدات تشرب وهي ومتجه للباب..لكن اللي الشخص اللي شافته..جمد خطواتها..ووقف بحلقها العصير..والهواء نفذ من حولها..!!!
طاحت زجاجة العصير من ايدهـا..واحدثت صوت قوي بالكافتريا وتناثر زجاجها بكل مكان..
واثنين فقط يناظرون بعـض ..بنظرات مجهوله..

"


منوا الشخص اللي التقت فيه حنان..!؟؟
شخصيه جديده وبيكون حظورها قوي مع طيورنــا..!!

لولو ام الأفكار الجريئه..ودعت الحف..وهذه البدايه..لكن؟؟

فريد..بتكون فريده..!!
مصعب بيرجع بعد يومين..!
عايشه بتسافر لأمهــا..!؟

انتظروني بالجزء الجديد بعد العيد اللي ممكن اطلق عليه..نااااري..ومن هاللحظه اقدر
اقول انه دخلنا بمرحله جديده اسمها مرحلة النضوج.. ripeness stage


اختكم

وصيت قلبي عليك..