صوره ..
لهفتي لهآ اسطوره ,,
لا تتكرر ..
صوره ..
بآآهيه الجمآآآل ..
الا انهآ بـلآآ الوآآن .. بآآهتـه ,,
ابيـض واسووود .. وبعض الخيآآآل ..
الــبـــاآآآرت الـــرآآآبـــع
جسـدت صوره ..~
ركضت بسرعه برع المطعم وانا امرر ايدي على شفايفي بتقزز خاطري اذبحه .. بس من صدمتي في ساره ما عرفت شو اسوي .. كنت ارتجف وصوت شهقاتي تعلا .. احس ريقي ناشف وريولي هب قادره تشيلني ...مسحت دموعي وين اروح ؟؟!
وكيف ارجع البيت الحين .. سمعت صوت ساره ورايه .. وقفت جدامي .. وقالت : فديتج نور سمعيني
غطيت على اذني .. سكتي حرااااااااااام عليج .. حرآآآم .. انا ما سويت لج شي .. .صـحت .. هيه تقربت مني وحضنتني .. دفعتها بقو .. لحضتها حسيت بدوخه .. كنت بفقد الوعـي بس خووفي ان هالحقـير يطلع لي مره ثآآنيه .. خلآآني اتمآآسك .. مشيت بس هب عآآرفـه وين ... قعدت امسح دموعي .. كنت امشي بسرعه والتفت على ورى .. اختفت سآآره .. خوووفي سيطر علي .. بديت اركض .. الدنيا ظهر .. ودرجه الحرآآره مرتفـعه .. كنت احس اني تسبحت من الحر .. هذا غير دموعي الي غرقتني .. الشآآرع العآآم بعيد ... ليش انا غبيه .. مسكت التلفون بسـرعـه .. وايدي ترتجـف ..اول اسم شفته امي .. دقيت .. بس كالعاده ماشي رد .. مشيت بسرعه السآآآيق بدق لـ السآآآآآيق .. مسحت دموعي التفت على ورى .. وشفت فيصـل وآآقف عند بآآآب المطعم .. رقع قلبي .. وركضـت .. تخرطفت وطحت على الارض .. العباااه صآآرت كلها ترآآآآآآآآآآآآآآآآآب.. صحت كيف اطلع من هالمكان .. تلفوني طآآح وتكسر على الارض .. لاااا .. شو اسوي الحين .. صوت سيآآره يقترب مني .. وصل الحقـــــــــــير .. شوا سوي .. التفت على صوتها
: ركــــــــــــــــــــــــبي .. بســـــــــــــــــــــرعه
ركضت وفتحت البااااب وركبت .. وبعدها ما حسيت بشـي الدنيا ظلآآآآآآآآآآآآآم ....
فـهد
ادري انها تحبني .. ما كنت متوقـع انها تنصدم هالصدمـه فيني .. كان عادي عندي تكتشف اني اكلم غيرها .. بس لما شفت ويها كيف صار ابيض من الصدمه .. نظراتها لي .. نظرات عتب وحـب .. بس فيها ضيجه .. عيونها مليآنه دموع .. وهالشـي خلاني اتعب . ... مستغربين اكيـد .. انا قلبي هب جاسي .. كيف اكون قاسي عليها وهيه شرات النسمـه ..
يمكن احبها .. ما ادري .. بس الي صآر لي منها .. ومن الكـل .. خلاني اكرهم .. صدموني في اليوم الي كان يوم عمـري .. اليوم الي كنت فيه اتريا اللحضـه الي اختلي فيها ويآها .. تكون ملكي .. بـ احساسها وجسمها وكل شي فيها .. بس انقلبت الفرحـه لصـدمـه ... تنهدت بصوت مسموع .. لف صوبي يوسف ..
قال : بلاك ؟!!
رجت صوبه ويلست عداله : الشرطه ما كلموك في موضوع سلوم ؟
رد : لا .. ماشي يديد .. لا تتهرب قلت لك بــــــــلاآآآآآآآآآآآآكـ ؟؟!!
قلت : اخونها
لف صوبي يوسف : تخون حصـه ؟
رديت وانا انزل نظري.. لاني ما قدرت على نظرات العتب على ويهه : هيـه ..
قال : كم مره كلمتك وقلت لك ... انك بتصرفاتك بتفقد حصـه؟؟
رديت : وآيـد .. بس ما اقدر .. انته تعرف حالي .. وبعدين هالمره غير
قام معصب .. مسكني من كندورتي وسحبني صوبـه وهو يصآآرخ : كيـــــــــف يعني ؟؟
ارتكبت الحرآآآآآآآآآآآآآآآآآم ؟!!!!!!
قلت له بخوف وتوتر : لالا ..
دزني وطحت على الارض .. قال : شو سويت ؟؟
قلت : حصـه سمعتني ..
ابتسم بالم : مستحيل تسامحك .. حصـه نفسها عزيـزه .. اصلا اشك انك تلقاها فالبيت الحين
من قال هالكلمه تخبلت .. مسكت السويج وركضت صوب سيارتي وهو يصارخ يباني ارجـع
: لا تسـرع يا الخبـــــــــــــــــــل
ركبت السياره .. وطرت للبيت ..
عمـر
كنت فالمستشفـى .. طلعت بعد ما خبرتهم بموضوع رجعتي للامارات .. الطاقم الي وياي كله تضايج خصوصا اني طبيب جراح ... فريت البالطو .. ولميت الاوراق المهمه .. طلعت ..ذكرياتي هنيه .. كل شي مرتبط بحياتي .. بس الوالد يبا يرجع البلاد وكلامه اوامر .. رجعت البيت . .. شفتهم يالسين على الغدا ..
مايد :
Omar when we will come back to UAE ?
( عمر متى بنرجـع الامارآآت؟؟ )
رديت : ارمس عربي .. احسن
قال :
I don’t knew
( مآآ آآعرف )
رديت : باجر ان شاء الله
قال :
Oh my god, I will Miss jeen
( يالله .. بشتآآٌق لـ جين )
طالعته باشمئزاز : ما بيادبنك الا بنات الامارات
طالعني وقال وكل هذا والوالد ساكت ويفكر
:
Tell me about the girl there ?
( خبرني عن البنآآت هنآآك )
ضحكت : ههههههههههههههههههههههههههههههههههههههه .. ما ينشاف منهن شي يا الخبل هب شرات هنيه .. كاشفات كل شي .. اااه يا بنات البـلاد .. انته ما شفت العربيات الي هنيه .. شفت امل زوجتي الله يرحمها.. شراتها بس .. شي منهن يغطن ويهن بـعد .. هيه الا تتحجب ..
طالعني وعيونه طلعت :
They cover all thing.. Omar I will dead if I did not found beautiful girl
( يغطن كـل شي !! ..انا ما اعيش بدون البنآت )
طالعته .. : انته ما بتموت من البنات .. بتموت من الحر .. ههههههههههههههههههه
صراحه .. مايد بيكون نكته الموسم .. خصوصا انه ابدا ما رجع البلاد .. علاقته ويا العرب هنيه جدا سطحيـه .. بعد ما توفت الوالده وهو عمره 6 سنين .. دخله الوالد مدرسه داخليه .. استمر فيها .. لحد ما صار 18 .. وكنا نروح له في الويكند زيآره .. استغرب من تصرفات الوالد ويا مايد .. معاملته واايد جافه .. مايد ما يعرف شي ابدا عن بلاده .. حتى الصلاه .. ما منتظم .. بس في المناسبات يصلي .. حاولت اتقرب منه .. بس ماشي فايده .. ابوي .. اهتم فيني انا بس .. لاني كنت كبير .. وفاهم .. وكنت اسبق سني على قولته .. طالعت مايد الي يشرب بيبسي ..
اذا بوصف لكم مايد .... طووووووووووووويل وعريــــــــــض .. من الاثقال الي يشيلها .. اسمراني .. عيونه حآده .. انفه شموخـي .. شعره طويـل لكتفـه .. بس مع كل هالملامح القاسيه الا انه فيه طيبه .. بس مشكلته الكبيره البنات .. عنده عشر صديقات وكل وحده تنافس الثانيه .. علاقته وياهن تتعدى الخطوط الحمرا بحدود .. يعني بوسات .. هدايا .. يغارن عليه.. بس عمره ما وصـل لابعد من جيه .. الوالد يحتشر اذا شافهن وياه فالبيت .. هذا الي اعرفه .. يمكن الايام تكشف لي اشياء غامضـه في اخوي ... الله يستر .. احس من نرجع البلاد بتصير وااايد اشياء ...
كل هذا صآر والوالد بعد سرحان .. وسط عالم ما اعرفـه..
حصـه
اول ما دخلت البيت تميت اصيح .. الحمد الله فارس نايم خليته في سريره .. ودخلت الحمام ( عزكم الله ) خذت شور سـريـع ..ولبست لي بجامه قطنيه للركبـه ..فريت عمري على السرير بشعري المبلل ماي .. مالي خلق انشفـه .. وانخرطت في بكاء قوي .. ما قدرت امسك نفسـي .. ليش انا جيـه غبيه ليـش ..
ما بسمح لـ اي وحـده حقيـره تآخذ زوجي مني .. ما بسمح لها ابدا .. لازم ماا اكون ضـعيفه.. لازم اصير قويه .. سمعت صوت سياره .. ركضت صوب زجاج الغرفه وشفت انه وصـل .. شفته ينزل مستعيـل .. تخيلته ويا غيـري .. يتقرب منها .. يقولها كلام حب .. يدللها ويدلعها .. اكيد كان عندهآ .. متآكده .. ما تمالكت اعصآبـي .. طلعت بسرعه .. وانا في عز انفعالي .. شفته جدامي واقف .. ويتنفس بقو .. انكمشت على نفسي من نظراته .. شي فيني غلط ؟؟!!
خطواته صوبي حسستني بالخوف .. اللهفـه .. والغضب .. ابا اضربـه .. واحضنه .. واقوله احبك واكرهك .. معادله صـعبه .. ارتجفت وانا اسمعه يقول
: شو مظهرنج من غرفتج ؟؟!
قلت بعصبيـه وانا اتقرب منـه .. : تصدق عاد انا حشمتك زيآده عن اللزوم .. انته نذل وما تستاهل حد يعطيك فرصـه
شدني من ايدي صوبـه .. ضربت في صـدره .. كنت ابا اصيـح خيفانه منه .. ما بيرحمني .. يعل لساني القص انا شو قلت ..
قال وهو يتقرب مني اكثر ومشاعري بدت تخوني : انا نذل .. انتي شكلج ما يآدبج الا الضرب ..
رفعت راسي وواجهته .. خليت عيني في عيونه الي اغرق فيها : اضرب .. اضرب اذا فيك خيـر ..
ما حسيت الا بكف على ويهي .. طيحني على الارض .. وانهرت .. قمت بسرعه ومسحت دموعي وهو يطالعني .. هجمت عليه وبديت اشمخه في جسمه و ويهه .. شدني بقو وفرني في غرفته .. وقفلها .. نفس كل مره ..
فـهد
غبـي .. كيـف اسآمحها .. كيف اتقبلها وهيه كذبت علي في بدايه حياتنا .. صـعبه علي .. صـعبه .. رفعت شعري بعصبيـه ودخـلت غرفتها ... شفت التكييف مشغل وفارس نايم .. فريت عمري على السرير تعبان ابا انام ..
بس دقات قلبي تضاعفت .. وحراره جسمي ارتفعت .. لهفه وشوق .. لصآحبه العطر الي يسكرني وانا اشمه في غطا السرير .. رفعته لانفـي وشميته ابا احفظ الريحـه .. ما ادري كم مر من الوقت .. بس ريحه عطرها رجعتني لاول يوم لي وياها ..
{
دخلت عليها فالفندق .. كلام ابويه يرن في راسي .. مستحيل الي قاله .. مستحيـل .. ما اصدق ..كنت ابا اتآكد باي طريـقه .. شفتها واقفه وعآطيتني ظهرها .. دقات قلبي زآدت وانا اشوف الملاك الي جدامي .. تقربت منها وهمومي زآدت .. اذا الكلام صـح شو بسوي.. كيف بعاملها .. كيـف .. حسيت بربكتها .. خليتها تجابلني .. تقربت وهيه تبتعد.. تقربت وبعد هيه ابتعدت .. تقربت للمره الثالثه وانا اثبتها مكانها .. طبعت قبله على رقبتها وانا اشم ريحه عطرها ..
حسيت برجفتها وخوفها .. قلت : اليوم اباج لي ..فاهمتني يا حصـه..
ابتعدت بخوف وعيونها مليانه دموع ..: بس انته واعدني ما تدخل الا بعد ما نتعود على بـعض ..
كنت منفعل .. قلت لها وانا اقرب منها مره ثانيه ,, وأقبلها على خدها هالمره .. تقربت من اذنها وهمست : ما اقدر استحمـل ..
نزلت راسها برتبآآك
من يوم يومها مطيـعه لي .. شفتها تروح صوب شنطه ملابسها وطلعت لها بجامه..
ضحكت : حصـــــه .. شو تبين في هاللبس ؟؟
انصبغ ويها باللون الاحمـر وهيه تبتسم بحيا .. قلت : انا بختار ممكن
قالت : هيـه ..
تقربت ونبشت وهيه واقفه عدالي وتلعب بشعرها بتوتر .. رفعت لها القميص الي عيبني .. شفت الصدمه على ويها .. ضحكت من الخاطر : هههههههههههههههههههههههههههه
تقربت منها وقلت : بلاه لونج تغير ..
قالت : ماشي ..
قلت : يـلا ..
خذته وهي متوتره .. تعرفون كنت ابا اهرب من توتري .. بس الظاهر اني وترت نفسي اكثـر .. انسدحت على الكرفايه انتظرها .. بس الي ظهرت من الحمام .. كانت انثـى مغريه بكل معنى الكلمـه .. فرق شاسع بين الي كنت اشوفها والي شفتها الحين .. كانت لابسه قميص نوم لونه ابيض .. قصيـر .. وعباره عن دانتيلات ناعمه وفاجه شعرها الي يوصل لنص ظهرها نآآعم ..
ريحه عطرها مره ثآنيه ذوبتني
سكرت عيني اكثر من مره .. اصدق الي اشوفه والا لا .. نزلت هيه راسها.. يالليت الكلام غلط يا حصـه ليته غلط ..
نور
فتحت عيني بتعب .. وين انآآ.. فيصل ..فيصـل ..لفيت بسـرعه وشفت سآآره تصييح عدالي ومخليه راسـها على السكآآن
قالت : والله مآآ آآدري انـه بيسوي شـي غلط .. قآآآلي يحبج .. ما كنت ..
نزلت دموعي وانا اتذكـر المشـهد .. قلت لها: ليـــــــــــــــــــش ؟؟!! حرآآآآآآآآآآآآآآآآم
صآآحت وقالت : نور فديتج .. والله ما كنت ادري .. قولي انه ما لمسـج .. قوووولي ..لا تخليني جيــــــــه
قلت : ما قدر ..
يت صوبي وحضنتي .. تميت سآآكـته ..
مسحت دموعي بآيـدها وقالت : الحقـــــير انا بآآدبـه لج
قلت لها : انتي كيـف توثقين فيه ؟؟
ردت : نوور .. هو قالي انه يحبج ..
قلت لها وصوتي يبين اني ابا اصيـح: والي يحب حد يسوي فيـه جيـه .. وصليني.. بيتي .. ولا تكلميني
سآآره طالعتني وصآآحــــــت .. عطيتها ظهري ابين لها عصبيتي من الي سوته .. كيـف تسوي جيـه
قالت : ان شآآآء الله بوصـلج .. بس اذا احتيتي شي تعرفين وين تلقيني ...
:
اول ما وصلت البيت.. نزلت وضربت بالبآآب .... انا اعرف انها طيبـه وهم يستغلونها بس هب قآآدره اسآآمحها بهالسهولـه .. مسحت دموعي ودخلت البيت بسـرعه .. ابا امي .. ابا اشكي لها واخبرها... دخلت بسـرعه .. شفت الخدآآمـه ..
: وين امآيـه ؟
ردت : المستشـفى دوآآآم
كالعاده في دوآآمها .. وابوي في الشـركـه .. ليش يآآبوني وخلوني جيـه وحيده..ركضت لغرفتي .. فريت مـلآآبسي القذره بريحه عطره .. بفرها فالزبآآآآآآآلـه لانها تذكرني فيه ...خذت شور .. المشـهد يتردد في بآآلي .. وقفت جدآآم المرآآيآ وانا اشوف نفسـي.. بديت اصيـح فريت عمري على السـرير وانا احضن المخده ..
يـوسف
كنت رايح صوب البيت .. مسكت الزقآيـر وبديت ادخلها لرئتي بكل شغف .. كل ما اتوتر ادخن صلب وارتاح .. رن تلفوني.. سحبته وشفت اسم عليآ ..
رديت : الو مرحبآ
قالت : هلا يوسف شحالك عساك بخيـر ؟؟
قلت : الحمد الله .. " سكت "
قالت : ادق لـ مهره ما ترد .. خفت عليها قلت ماشي الا ادق عليك
توترت .. بس حاولت ما ابين لها .. : احيدها نايمه.. انا الحين رايح صوب البيت ..
قالت : يالليت اطمني عليها .. احاتيها
قلت : ان شاء الله
سكرت وسرعت اكثـر .. عليا ما مقصـره ويا مهره .. واقفه وياها .. هيه سبب قـصه حبي الي ما تنتهي بـمهره .. هيه الخيط الي ربطنا ويا بعض :.. نزلت بسرعه ودخلت البيت .. رحت صوب غرفتها بس ما حصلتها .. خفت .. ماشي الا في غرفه سآلم ..رحت بسرعه .. فتحت الباب بخوف .. شفتها منسدحه على الارض .. تقربت منها .. ماشي الا صوت انفاسي وانفاسها المتقطـعه .. شفت بقايا الدموع على خدها الصافـي .. قلبي وقف وانا اسمعها تهاذي باسم سالم .. شليتها من على الارض الظاهر صآحت لحد ما نآمت .. ريحه عطرها تغلغلت فيني .. مسكت فيني وهيه في هذيانها .. خليتها على سريرنا .. تآملتها للحضات .... عندي رغبـه انسيها كل الي صآآر ... بس هالشي بيظل عائق بيني وبينها .. مررت ايدي على ويها الناعم .. بخوف .. فتحت عينها وهيه اطآلعني .. وقالت
: يوسـف
تقربت منها .. خليتها في حضني وهيه سآكتـه .. بس تراقبني شو اسوي ..
قالت : انته .. ما تشك في حد .. وحده من صديقاتك الي قبـل .. والا .. والا ...!!!!
جرحني الكلام .. ما انكر اني كنت متعدد العلاقات قبل الزوووآآج .. هب وآآآحد رآآعي بنات ..بس حالي حل اي مرآآهـق .. .. لكني .. عمري ما تعديت خطوطي الحمرا .. كلامها للبحث عن امل .. يدوس على مشآعري المتخبـطه بين وله وشوق .. وعتاب ... ليش يا مهره .. ليش .. تحسسيني اني المسؤول عن اختفاء سآلم .. وكآني شريك في الجريمه .. او بالاحرى انا الي مرتكب الجريمه ..
ابتعدت عنها بضيجه وقلت : هالسالفه ما بتنتهي ..
عطتني ظهرها .. سحبت البطانيه .. وغطت نفسها .. نفس كل يوم .. لا جديد ..
مهره
قمت من السرير.. مابا انآآم .. طآآحت عيني على جهآز اللاب توب ..التفت له وهو نآآيـم.. معقوله ياك النوم يا يوســــــف .. رحت للجهاز .. فتحته ودخلت وآآحد من هالمنتديات المعروفه .. والموثوقـه .. شدني عنوآآن
(( آختطآف طفله بالغه من العمر 5 سنوآآت وعمليات البحث مستمره ))
:
رددت .. الله يردها لاهلها ..ويرد سالم لي.. يآآآرب .. سكرت الجهآز .. دخلت الحمآم ( عزكم الله ) توضيت.. طلعت وبديت اقرآء قرآن ... كنت اصيح وانا اقرآء.. لحضآآت وحسيت بحركه وراي .. التفت وشفت يوسـف مسك مصحف وقعد عدآآلــــــــــي .. وطمني بعيونـه
عمـر
وقفت جدام المرايآ .. اشبه ابويه في كـل شـي .. البياض .. الشعر الكثيـف .. الطول ... والعيون الوسيـعه .. ومن وسآمتي كانت امل الله يرحمها تغار علي موت خصوصا من زميلاتي الدكتورات بس عمري ما شفت غيرها .. لبست الجاكيت الاسـود .. طالعت شنطتي .. باقي يوم وآحـد عن
السـفر .. بس هالمكان فيه ذكرياتي انا وآمـل ..تعرفون شو يعني بيت دون انثـى.. يعني مقبـره .. هالاحسآس كان ينتآبني .. كـل ما ادخل بيتنا .. لا آآم .. لا آآخـت .. ولا حتى حد .. الاا ابوي ... كبرت وكل شي فيني يتلهـف لوجود آنـثى في بيتنا .. طلوعي للجآمـعه خلآني اشوف بنآت اشكآل
والوآن .. الي ما تلبس حجآآب .. والي تلبس قصير والي والي ... كنت آطالعهن بشمئزآآز .. هب هذي الصوره للبنت الي ابآآها ... امل جسـدت الصوره الي رسمتها بكل تفآصيلها ...
في غيابك
صارت الدنيا سهر
والعصافير اللي على الشباك
ماتت !
كيف تحيا وأنتي أبعد من نظرهم
ماقووا لحظة فراقك ،
كيف أنا بأقوى شهر ..؟
في غيابك
والله إن الصبح ليل
والفصول الأربعة صارت ثلاث
ضيّعوا فصل الربيع ومالقوه..
ومالقيتك !
طلعت بسرعه قبل ما تخنقي الذكريآت .. طلعت ورحت صوب غرفه ابوي وانا اسمع الاغاني الي مطول عليها مآيـد .. وصوت ضحكه وهو يكلم وحـده من صديقاته واصل لاخر البيت .. عآيش حيآته .. دقيت الباب ودخلت شفت الوالد واقف عند المرايآ .. مع كبر سنه الا ان ابوي جذاب ..
وروح الشباب فيه تعجب كل الي حواليه .. وقفت وراه .. نفس طولـه ..
قلت : شو مخبي فالبـلاد ..؟! ما اقدر انآم .. احس فيه شي ينتظرنا ...
قال : لازم اخبرك واخبر مآيـد .. بس انا بخبرك انته من اللحين .. لازم نرجع هنآك .. لازم ..
قعدت على الكرسي.. وجابلني ابوي ..
قال :.....................
نهآآآيــــــه البآآآرت الرآآآبـــــــع
دمتم احبتـﮯ..~*
20-07-09, 11:54 AM
جديد مواضيع قسم القصص المكتمله من وحي قلم الاعضاء
العرض العادي
