آشتآق اليها .. لذكريآآآتي معها .. لكل زآآآويه جمعتنا..
الا انها رحلت .. ولن تعود ...!!
:
آشتآق للمطـر .. فـ هي كـ عطآءه ..
امطرت على قلبي .. بمشآعر احتضنتنـﮯ بها ..
ولكنـﮯ فقدتها .. فهل تعود تلك المشآعـر ..؟!
:
البآرت الثآلث ..~
برحيلهـــآآآ رحــــــــلت}..
لف صوبي .. طالعني من فوق لتحت .. وكآنه يقولي ادري انج هنيه .. .. طالعته وخليت عمري ما سمعت شي : بنروح ؟
هز راسه ورد عطآني ظهره .. هزيت راسي ..لاحول ولا قوه الا بالله .. يارب صبـرني ...رجعت صوب امايه الي واقفه وماسكه فارس .. وقفت اطالع تحت النخلـه ورجعت الذاكره لايام اول ..
{
كنت يالسه اخلي مآنكير فوشي على اظآفـري ..ومركزه .. كنت لابسه بنطلون جينز .. وقميص بيج .. مر شهر على ملجتي انا وفـهد.. ما كان وااايد يمر بيتنا..لانه مشغول بدراسته .. رفعت راسي على صوت ريال
: السلام عليكم
شهقت.. وقلبي بغا يطلع من مكانه .. الله يغربل ابليسي حد يطلع بلا شيله .. ما رفعت راسي لحد ما سمعته يضحك .. شفته كان فـهد لابس كندوره بنيه وكآب وشعره طآلع من تحت الكاب .. استحيت .. نزل وقعد عدالي .. تقرب مني وقال : شحالج ؟!
قلت : بخيـر الحمد الله
مسك ايدي ويلس يطالع اظآفـري .. كنت ابا اسحب ايدي بس هو ما خلاني .. قال : شو تسوين ؟
تميت ساكته .. شو اسوي يعني ..سحـب ايدي صوب شفايفه وحبها .. شهقت انا بارتباك وقمت .. كنت ابا اهرب باي طريقه . مسكني من ايدي وقال : لا تعطيني ظهرج
خفت من نظراته .. ابتسم وقال : تعرفين يوم الملجه .. كنت ابا اسولف وياج .. بس النذل يوسف ..يدق على تلفوني .. وهذا حمد اخوج يدقدق الباب علينا .
ضحكت وانا اذكره يوم نرفز .. كنت خيفانه يومها .. قال : حصـه .. تحبيني ؟!
ابتسمت بدلع .. ورفعت عيني وشفت حمد ياي من بعيد ...قال : هاه قوليها ...
ضحكت واشرت على حمد الي يا صوبي وغمز .. : فـــــــــــــهــــــــــد
حسيت فـهد انصعق من صوت حمد .. طالعني وتقرب مني وهمس في اذني : دواج عندي
شهقت وانا اشوف حمد يسحب فـهد : بلاك شو تسوي ويا اختي ؟؟
قاله فـهد : ما عليه .. بعدك بتملج
ضحك : ههههههههههههههههه انا ما بخذ من الاهل ...
}
رجعت للواقع على صوت فـهد وهو يقولي .. : اترياج في السياره ..
:
كنت اشوفك شي ثآنـﮯ ..
شي غير بهالوجود..
شي غير لي كيآنـﮯ..
وكسر قيود وحدود ..
:
كانت الكلمات مناسبه لحالتي .. كان فـهد في حياتي .. شي كبير .. وصآر ولا شي .. التفت له .. شموخ ملامحه يجذب اي وحده .. مشتاقه له .. ادري غبيه .. بس احس بوله غير طبيعي صوبـه .. بس كرامتي ما تسمح لي اعبر وهو يصدني .. بس لما اكتشفت انه يخوني .. حسيت بطعنه قويه في قلبـي .. احس ابا اصيح بس دموعي نشفت من كثـر البكآء .. رعشه ايدي مستمره .. مررت ايدي على خد فارس .. يشبهه وااايد .. ابا انزل من السياره .. ريحه عطره تتغلغل فيني تخليني ابا اخلي راسي على كتفه واصيح اشتكي منه .. وله هو .. سندت راسي على السيت بتعب .. خلاص ما اقدر استحمـل كل هذا منك يا فـهد ما اقدر ...
يوسـف
دخلت عليها الغرفه .. شفتها مبدله ملابسها ومنسدحه على الكرفآيـه وتفكر .. هذا حالها من ذيج الليله المشؤمـه .. احسها قربت تتخبل من التفكيـر .. حالتها صعبه وااايد .. تقربت ويلست على ركبتي جدامها.. قلت لها
: ممكن نتكلم ؟؟!
اعتدلت في يلستها .. كان شعرها مفتوح لكتفها ناعم مثـل الحرير .. مررت ايدي فيه .. خايف من رده فعلها تجاه الي بقوله ,, تقربت منها ويلست عدالها وانا احضن ايدها ...
قلت : مهره.. انتي تعرفين اني متشوق لصوت ياهل ..
امتلت عيونها دموع.. قلبي عورني ..
قلت : شيلي اللولب
قامت كانها لادغتنها حيه .. وقفت جدامي وهيه منهاره وتصيح وتصارخ :انته اكيد تخبلت.. تبا عيااااااااااااال بعد سالم .. شكلك نسيته ..
كانت تهرب مني تبا تودرني .. بس مسكتها من ذراعها وسحبتها صوبي اباها تهدى .. بس الي صار العكس .. ضربتني على صدري وشمختني وهيه تصارخ : اباااااااا سااااااااااااالم دخيلك رجعه لي يا يوسف حرام عليك حرااااااااااااااام انته السبب ...
خلاص انا الي تعبت .. صرخت : مهـــــــــــــــــــــــــــره
رفعت راسها وهيه تمسح دموعها .. طالعتني وشهقاتها مستمره.. ابتعدت عنها وطلعت .. ما اقدر اشوفها جيـه .. ولا اقدر اسمع كلامها .. طلعت من البيت ... واقرب مكان البحـر ..
سآره
كنت في سيارتي رآجعه صوب البيت .. بس خوفي على نور بدا يتزايد .. ما ادري شو الي خلاني اتصرف هالتصرف .. لازم ارجع .. غيرت طريجي ورجعت صوب المطعم ... الي اعرفه ان هذا مطعم ابو فيصل والمطعم شبه فاضي الا من العاملين وحتى لو حاول يسوي شي ..نور ضعيفه وااايد .. سرعت .. ولا عمري سقت بهالسـرعه .. فيصل نذل وانا عارفه هالشي .. وقفت عند المطعم ودخلت وانا اركض .. سمعت صوت صرآخ نور .. وقف قلبي .. الله يغربلني على الي سويته...دخلت وانا احس بتانيب الضميـر .. دخلت بسرعه .. شفت نور صاير ويها احمر .. وتصيـح وقامت حضنتني وفيصل متضايج من وجودي ..
قلت له : هيه انته شو سويت فيهااااااااااااااا ؟؟؟!!!!!!!
قال : ما سويت شي ..
نور كانت منهاره.. خفت انه تعدى حدوده .. رصيت عليها.. بخوف .. انا السبب .. انااا .. بعدتها عني ورحت له وقفت جدامه ..
قلت : اذا اذيتها بمحيك من على الارض .. سآآآآآآآآآآآآآآمع
ضحك : الي يسمعج ما يقول انج انتي الي مرتبه كل شي يا سااااااااره .. يا ربيعه نور ..
شهقت .. وانا اشوف نور اطالعني بصدمه .. ركضت بتطلع من المطعم .. ركضت وراها وانا اسمعه يضحك .. الله يغربلك ..
صارخت : نووووور نووووووور صبري دخيلج ..
اول مره احس بدموعي تبلل ويهي .. الا نور .. ربيعتي الوحيـده .... مستحيل تسامحني مستحيـل ..
فيصـل
يلست على الكرسي بتافف .. هذي وقتها تدخل .. الله يغربلج يا ساره .. من وين طلع فيج ضمير وتحسين.. رجعت للذاكره للخلف .. للحضات الي تقربت فيهن من نور .. بتخبل عليها .. دآخـله رآسـي ..
{
طالعتني بتوتر : وينها ساره تآخرت ؟؟
قلت لها وانا اطالع جسمها المنحوت .. وهيه تلف شيلتها على راسها .. وخصلات منه بانت بلونها الاشقـر .. الي يغريني .. هذا غير شفايفها وهيه تاكل بكل نعومه .. خاطري اتقرب منها .. وجسمها يكون لي .. ملكي .. ليله وحده .. بس
قمت من مكاني وانا تحت تآثيـر جمالها الي يذبحني من الوريد للوريـد.. طالعتني هيه مستغربه
وقالت ببرائـه : شبعت فيصـل ..؟!
هيه غير عن كل البنات .. لانها بريئه .. البنات غيرها يفرن عمارهن تحت ريلي من غير لا المح لهن .. وهيه تعبت من كثر ما اركض وراها ..
يلست عدالها .. طالعتني بخوف : فيه شي ؟!
قلت لها : هيه فيـه ... صوتج يذبحني .. عيونج .. خجلج .. تقربت منها وانا ماهامني الخوف في عيونها .. حضنت ايدها بايدي .. وخليت ايدي الثانيه على خصرها وقربتها منـي .. وهيه تقول لي : ودرني فيصل لا اصاآآآآآآآآآرخ .. ودرني ..
ما قدرت .. تقربت منها وهيه ترفسني.. بس هيه مهما كان ضعيفه ..ما قدرت اقاومها .. تقربت منها وما ابتعدت الا وهي تدفعني بقو .. مسحت بكل تقزز على شفايفها وقامت وهيه تصارخ والدموع بللت خدهآآآآ
: انته قليل ادب ..
وقفت .. بس انا شديتها من ايدها : انتي قد هالكلمه .. ؟!
صآحت ودخلت علينا ساره .. كنت بكمل مهمتي .. بس كله من ساره .. كله منها ..
الحقيـره .. بطلعه منها .. بس نور ما بتفلت من ايدي مهما سوت .. ما بتفلت ..
مهره
قعدت على الكرسي بعد ما ظهر يوسـف .. ما قادره اسيطر على عوآآطـفي ولا احساسي .. احس ان لـ يوسـف دخل بالي صآآر .. احسه هو السبب .. في جزء مني غاآآآضب عليه .. خاطري اقوله انته ما حميت ولدنا .. وفي نفس الوقت.. اشوف حالته .. اشفق عليه .. هو مستحملني ... قمت بسـرعه وفجيت باب غرفه سآلم .. وقعدت اشم ريحه ملابسه .. حبيبي .. بيرجع لي انا متآآكـده ... احس فيه .. تتوقعوني خبـله بس انا بتخبل اذا ما رجع ولدي .. صحت وانا اتذكره .. كيـف مشآآغب.. طول وقته وياي انا وعليا ... ما اخليه بروووحه .. عليا تحبـه ... محتايه لها .. محتايه اقولها الي فـي خآآطـري .. قعدت اشوف سريره .. انسدحت على الارض .. وقعدت اردد اغآآني الاطفآل الي كنت اغنيها لـه .. وما حسيت بعدها بـ شي ..
عمر
طلعت من البيت ..آخر ايامي في لندن .. اودع ذكريآآتي .. لحضـه فراقها .. كآنت صـعبه ... بس ذكريآتي وياها والامآكن كلها هنيه تذكرني فيها .. كانت تواسيني .. المحلاآآت ..المستشـفى .. شقتها ويا اخوها .. الشوآآرع .. كل شي .. الحين انا بفآآرق هالامآآكـن .. بفآآآرق ذكريآآتي .. كنت امر في كل مكان .. واشم ريحه عطرها ..آآه .. حسيت بايد على جتفـي.. التفت.. ابتسمت ..
: طآآرق ؟
ابتسم : وينك ما تنشاف ؟؟
لوى عليه .. ابتسمت .. قلت : موجود من المستشفى للبيت ..
قال : تعال تعال ويآآي الشـقه ..
مسكني من ايدي وما خلا لي مجآآل ارفض.. نفس اختـه .. طيبتهم غريبـه .. تخليهم يدخلون القلب على طووول ... اول ما دخلنا الشـقه ..
قلت : وين عمي وعمتي اذكرهم عندك ؟ < ام امل وابوها
قال : الوالد رجع البـلاد ... بيشوف حلاله ..
ضحكت .. قعدت على الكنبه وهو راح اييب لنا شي نشـربه ..التفت وشفت صورتها على الطاوله .. حاضنه طآآرق وتبتسم .. خذت الصوره .. وقعدت اردد : مشتآآق لج ..
ما حسيت الا بطآآرق يسحب الصوره ويقلبها على الطآولـه ..
قال :كلهم طلعوا من حالتهم الا انته ..
قلت : انا بخيـر ..
قال بتهكم : وآآضـح ..!!
خذت كوب الكوفي : شو مسوي في دراستك ؟؟
ابتسم : الحمد الله .. وانته شو آخر اخبآآرك ؟
قلت : بنرجع البـلاآآد
قال : زين ... يمكن نفرح فيك ..
طالعته بضيجه : طآآرق ...
قاطعني وقال : تعرف .. انا عمري ما شفت وآآحد شهم شـرآآتك.. تزوجتها وانته تدري ان ايامها معدوده .. عمري ما شفتها فرحآآنه كثـر الايآآم البسيطه الي قضتها ويآآآك يا عمر..
طالعته وقلت : ماعدا اني كنت فاهم الحآآلـه .. وعارف هالشي .. بس كآن عندي امل انها تصح من هالمرض ..
رن تلفونه استآذن ..وانا ذاكرتي بدت ترجع لي مشآآهد ما انسآآها ..
{
مطر قووووي ..وبآآآرد .. لبست الجاكيت بعد يوم تدريب طويـل في المستشـفى .. طلعت وانا ابا بس اوصـل لسـريري .. ارتآآح من التعب ..شفتها وااااقفـه في المطـر .. هالبنت دووم اشوفها ..ترددت في البدآآيـه .. بس اخر شي قررت اروح اشوفها ..كانت ترتجـف ..
قلت : الجو بآآرد .. احسن لج تروحين
قالت وهيه تعدل حجابها : آخوي ما وصـل انا اترياه ..
رن تلفونها : الو .. ليش .. انا اخآآف الحين فالليـل ..
هذا الحوار كنت اتابعه .. عرفت ان اخوها مشـغول .. او ما قادر يطلع ..
سكرت .. قلت : امشي ويآآي .. اعتقد الشقق الي فيها العرب قريبه ..واكيد بيتكم قريب من بيتي ...
ترددت في البدايه .. بس بعدين وافقت .. تمشي وياي انا احسن من انها تمشي بروحها في لندن والشوآآرع مزحومه بالسكرانيين .. والمدمنين ..والمجرمين ..
قلت : كل اسبوع اشوفج هنيه ..انتي طالبه طب ؟؟
قالت : لا..
كانت متضآيجه من تدخلي .. بس انا استمريت بالسؤال ..
قلت : عيـل ؟
ردت : علاآآج ..
معقوله بنت صـغيره .. وبهالجمال مريضـه .. التفت لي بنظراتي المستغربه .. وقالت
: سرطان واي اخذ العلاج الكيماوي ومن تخلص الجلسات .. وارتاح .. اطلع ..
ابتسمت وكملت دربها ....
انصدمت .. قويه وهيه تقول هالكلمات ... معقوله في ناآآس جيـه ... قالت : شكرا .. وصلت البيت ..
من يومها ما طلعت من بالي .. كل يوم في بآآلي .. لليوم الي دخلت عند دكتورها .. وقالي ان حالتها متقدمه .. ومافيه فآآيـده .. التقيت فيها اكثر من مره آكتشفت انها بعد تكمل دراستها هنيه .. شي صعب.. اعجبت فيها الا حبيتها .. كنت احس انها تبادلني الشعور .. بس مغلف بخوف ..لليوم الي تقدمت لخطبتها .. وثآرت فيني ..واتذكرجملتها الي ترن في اذني
(( انته اكيد مينووون تربط نفسك بانسانه قطعت املها في الحيآآه ))
ردي كآآن لها
(( اذا تركتج اكون مينوون .. مافيه مستحيل في الطـب ..))
:
تزوجنا بشكل بسيط .. ايام .. شهرين بالتمآم والكمال .. انتكست حالتها .. دخلت المستشـفى وهيه تمسك بايدي .. وتقول: انا بخيـر
وطلعت جثـه .. مآتت ..
}
التفت على صوته : هذي الاوراق تخص آمـل .. اقراها ..لانها لك ..
استغربت .. خذت الاوراق .. وطلعت ...وعلى شقتنا.. ابا اقرى الاوراآآق ..
:
عند ودآآعهآآآ .. تنآآآثرت انآآآ ..
وتجمع الكل حولـﮯ..
ولكني لا ارى احدآً سوآآآهـآ .. فالمكاآآآن معتم ..
الا من نور روحهاآآآ ..
التي تشآآآآهدني .. من بعيد ..
لحضـه صمت ..
ادركت انها رحلت .. وآآآاني رحـلت
بـِ رحيلها ..!*
:
يوسف
وقفت عند البحـر .. ما ادري كم مر من الوقت .. ما حسيت الا بتلفوني الي يرن شفت اسم فـهد .. غريبه .. اكيد شي صأيـر .. رديت
: الو
قال : وينك ؟؟
قلت : عند البحر
قال : بيي صوبك
قلت : فيك شي ..؟!!
قال : متضايج ..
سكرت التلفون وفريته على الرمل عدالي .. وقعدت انا .. اتذكر كيف سالم ضاع من ايـدي ..
{
كنت طالع من كارفور بعد ما لعبت سآلم .. عمره 3 سنين ونص .. انا وهو طلعنا من البيت .. لان ربيعه مهره عليا عندهآ .. قلت بظهر وبظهر الولد يـلعب ..
قالي : بابا .. ابا اثكريم ..
قلت : وليش ما قلت قبل .. كنت بشري لك من باسكن
قال : ابا الحين الحين
قلت : امري لله ... يلا بنزل عند باسكن الي جدامنا
وقفت السياره حتى ما بندتها .. قلت بخذ له وبرجع بسرعه .. موعد نومه الحين ..
قال : بابا بنزل
قلت : لا لا تنزل ثواني وبرجع لك ..
نزلت .. دقايق ورجعت بس وقفت مذهول ان سالم هب فالسياره .. تمالكت اعصابي .. نبشت السياره كامله.. نزلت المحل قلت يمكن تبعني .. المكان فاضي في الباركنات . . شليت تلفوني ودقيت للشـرطه ..
}
من يومها .. وهو مفقود .. انا بعد مرور 5 شهور .. بديت اقتنع انه راح خلاص .. والله بيعوضني بغيره .. بس مهره .. من راح وهيه في حاله انهيار .. اكثر من مره طاحت فالمستشفى .. وقالت لي دكتورتها .. لازم اخليها تراجع عند دكتوره نفسيه .. بس انا رفضت .. مهره هب خبله .. انقطعت افكاري وانا احس بصوت حد يتنهد .. شفت فـهد ورايه ..
قلت له : بـلاك ؟!!
نهايــﮧ البارت الثآآآلـــــث ...
نلتقـﮯ في البآآآرت الرآآآبـع في القريب ...
قرآآءه مترفــــﮧ بالمتعـﮧ.. آتمنى ان اُرضـﮯ ذاآآآئقتـكم ...
وجــــــــــﮧ النـهـــــــــــــآر ..!*
15-07-09, 11:29 PM
جديد مواضيع قسم القصص المكتمله من وحي قلم الاعضاء
العرض العادي
