هل يعود ؟!* - الصفحة 62 - القصص المكتمله من وحي قلم الاعضاء

08-01-10, 06:29 PM

المشاركة رقم: 306

المعلومات
الكاتب:	وجه النهار
اللقب:	ليلاس متالق

البيانات
التسجيل:	Jul 2009
العضوية:	147447
المشاركات:	317
الجنس	أنثى
معدل التقييم:
نقاط التقييم:	40

االدولة

مدونتي

الإتصالات
الحالة:
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء

اقتباس :- المشاركة الأصلية كتبت بواسطة eng_saleh
يسلمو حبيبتي عالبارت الجديد مسكيييييييييييينه نورر يا ألبي عليها ما توقعت انه فيصل عاملها شي سااااااارة ........... صح الانسان بيتغير بس هلأ اجاها وأت تدفع تمن يللي عملته و فهد المسكيييييييييييين ............. يوسف و مرته ....... الله يهنيهم

ياهلا فديتج ..

منوره ,,

بنشوف ساره كيف بتتصرف في الياي

.

عسآني ما خلا

08-01-10, 06:30 PM

المشاركة رقم: 307

المعلومات
الكاتب:	وجه النهار
اللقب:	ليلاس متالق

البيانات
التسجيل:	Jul 2009
العضوية:	147447
المشاركات:	317
الجنس	أنثى
معدل التقييم:
نقاط التقييم:	40

االدولة

مدونتي

الإتصالات
الحالة:
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء

اقتباس :- المشاركة الأصلية كتبت بواسطة ام الشهد

اهلين وجه النهار
يعطيكي العافية يالغلا بارت متعوب عليه وبصراحه يحرق القلب
بداية بنور المسكينة وافقدها للذاكرة بعد الي سواه الجبان فيصل الله لايرده المجرم وش هالمنطق عندك وش سويت بالبنت حرام عليك تقتل عفتها وتقول عشان اضمنك لي حتى لو خذتك ماراح تسامحك على الطريقة الي سويتها معها وفوق هذا تدفها وتروح وتخليها وتخلي الشغاله تلبسها التهمة والله انك مانتب صاحي بس الله يفضحك
نور ياقلبي عليها وش بتكون ردت فعلها اذا رجعت لها الذاكره اتوقع تطلب الطلاق من مايد علشانها مو بنت بحجه انها ماتستاهله وانها مو بكر وماتبي فضيحه لنفسها
مايد رجل شهم مادري كيف بتكون ايامه الجايه معها الله يصبره
عمر ليش كذا قلبك وحبك يتأرجح على هالمسكينة كافي عذاب والله كانك شاك فيها الا الان وفي توبتها طلقها ولا تحسسها بحقرانك اكثر بس حسيتك تتهرب من واقعك
سارة الله يعينها مع اني ماتوقع يطلقها عمر
جاسم وحور الله يوفقهم ويحنن قلب حور عليك واحمدي ربك على النعمه ولا ترفسينها برجولك ياحور وعيشي حياتك مع زوجك
فهد وحصه اتوقع طلعتها لها دخل بسالم وعودته بس حلو لحقة فهد عشان ان كان فيه هجوم يتصدى لها فهد
شبيب الله يحرق قلبك حرام عليك وش هالقلب رجع الولد لاهله عساك الريح
ختاما ننتظر جديدك وتكفين لاتطولين علينا ياقلبي

ياهلا وعليكم السلام
الله يعـآفييييج .. تسـلمين يا قلبوو ..

.

هروب من وآقعه .. هذا الي كنت اقصده من تصرف عمر الاخيـر ..
يمكن البعد يسآعده .. يصفى ذهنه .. ويتصرف تصرف سليم ..!

.

شبيب .. هل هو الي بيرجع الولد .!

.

لآهنتي يا قلبو
عسـآني مـآ خـلآ

08-01-10, 06:31 PM

المشاركة رقم: 308

المعلومات
الكاتب:	وجه النهار
اللقب:	ليلاس متالق

البيانات
التسجيل:	Jul 2009
العضوية:	147447
المشاركات:	317
الجنس	أنثى
معدل التقييم:
نقاط التقييم:	40

االدولة

مدونتي

الإتصالات
الحالة:
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء

اقتباس :- المشاركة الأصلية كتبت بواسطة NoOoFy

اول شي احيي فيتس جيجي التزامتس في التنزيل ولله انتس رهيبه ماشاءالله من بداية الروايه ماتغيبتي ولا اسبوع باي عذر

ماشاءالله بارتات على قولت اخوانا الاماراتيين طررررر يعني عجيبه خيال احداث مستمره من خلالها تحسنت جيات لكثير من الابطال

حصه اتوقع انها بترجع الفهد حصه ماراح تتحمل غياب فهد وبعدين حصه صبرتي على شي كثير من فهد حبكت على الموقف هذا وحتى اذا صار فهد غلط عطيه فرصه ياكثر ماعطيتيه
ياترى حصه كانت تدري عن وصول فهد وكانت رايحه البيت تستعد عشان ترجع معه ياخوفي ان فهد يفهمها غلط وتصير مشكله انا متاكده ان حصه ماعندها خرابيط يمكن نيتها ترجع للبيت قبل مايرد ابوها وحمد
يمكن كلام مهره اثر في حصه وحست انها غلطانه وان مالها هي وفارس الا فهد
الله يستر مادري ليش خايفه من طلعت حصه عندي احساس ان حمد بيفهم الموضوع غلط
ليش جيجي وقفتي عند المقطع هذا صدق قطعت قلب

مهره ويوسف احس الوضع بينهم تحسن وبشكل كبير وان شاءالله الله يرد لهم سالم قبل جيت اخته او اخوه

كنت اضانه ان مهره هي اللي رافضه شبيب لكن الموضع صار غير يعني شبيب هو اللي كان ماجل لموضوع يعني هي مهيب غلطانه ليش تسوي فيها كذا وانت اللي ماخر الموضوع وهي كانت لك وموافقه عليك وضيعتها وتالي تعاقبها

لبي قلب نور بصراحه قطعت قلبي وحزنت على حالها والمجرم بعد ماسوء فعلته خرب على ساره الله ياخذك يافيصل مجرم بكل ماتحمل الكلمه من معنى
يعني اغتصاب وسرقه ومحاولت قتل
ولا من زين الفعايل جاي يوم درى انها فاقده الذاكره عشان يمنع زواجها بس صدقني حالك مايدوم
راح تاخذ جزاك يالمجرم يعني تتوقع ان نور بتتم فاقده الذاكره على طول بس تدري اتوقع انك مانتهكت عرض نور وانك قلت اللي قلته لها عشان بس ترضى فيك
لانه لو انه صدق انك انتهكت عرضها وشراح تكون ردت فعل مايد بعد الزواج اذا درى عن اغتصاب نور

فرحت بصلاح حال عمر وساره لكن تفاجئت باللي صار من فيصل وبعدين عمر انت دريت ان لها سوابق قبل وعلمتك باللي صار يعني توقع مثل الاشياء هذي بس اهم شي انها تغيرت انا معاك انك ماراح تتحمل بس ماعليه مادام رضيت فيها من البدايه وانت عارف بوضعها خلاص تحمل
بس ماعرفنا وشفيصل مرسل العمر عن ساره
اتوقع جيجي ساره تكون حامل وماراح يقدر عمر يطلقها ويمكن عمر ماراح يتحمل فراقها

اتمنى الجاي احسن الحصه ومهره وساره ونور جيجي نترياتس على نار

فديتج مرورج الطر ..
وآن شاء الله انتظم لـ نهايه القصه .. النهايه الي ترضي الكل ..! وترضيني << فيها شر

.

.

حصـه
حلو توقعج .. بس هل هو الي بيصير ..!
بنشوف في البارت الياي ..

.

هل توقعج بـ النسبه لـ فيصل صح ..!
بنشوف ..
بس هب في البارت الياي ..

.

لاهنتي يا قلبو
عسـآني ما خلـآآ ..

08-01-10, 06:34 PM

المشاركة رقم: 309

المعلومات
الكاتب:	وجه النهار
اللقب:	ليلاس متالق

البيانات
التسجيل:	Jul 2009
العضوية:	147447
المشاركات:	317
الجنس	أنثى
معدل التقييم:
نقاط التقييم:	40

االدولة

مدونتي

الإتصالات
الحالة:
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء

اقتباس :- المشاركة الأصلية كتبت بواسطة بوح قلم

تسلمين حبيبتي عالبارت

كرهت هالبارت ما احبه.. غبي << لا تحاولين خلاص ما بحبه ولا بغير رايي

مهرة ويوسف

بالبركة واخيرا.. يلا عاد ارتاحي الحينه ما ابيج تتحركين اهم شي الجنين خخخخ.. وانا اقول وينكم الظاهر كنتو حالفين ما تحدرون في البارتات الا ومهرة حامل خخخخخخخ.. الله يقومها بالسلامة.. الا يوسف شحال اصابتك اللي ما ادري بها من اي بارت.. هاي الجديمه اتحيدونها.. اقول ما قررتوا تلقون القبض على شبيب

شبيب

اونك عاد يعني تبين نصيح ونوقف في صفك.. روووح يا ريال اونك عاد.. اسمع بترد ولد الناس يعني بترده ولا ترى لي تصرف ثاني وياك

حمدووو الدب

اي انته اشعنه اتطالع الريال جي واترمسه من ورا خاطرك يلا اصطلب ما مدانا نقول الريال عقل الا ياي ونافش ريشك عالريال لا اسكت ما ابي اسمع صوتك

حصة وفهد

انتي ايه بلاج راكبه ويا الدريول.. ما تشوفين ريلج ورا في موتره يلا انزلي اركبي وياه ما له داعي للخبال.. فهد يلا الحقهم لا تضيع الفرصة جان تبي بيب الموتر وبعرضه جدامهم عسب يوقفون خخخخخخخخخخخخخ

المعاريس

حور وجاسم

الف الصلاة والسلام عليك يا حبيب الله محمد لوللوووووللوولووش.. بالبركة ما بغيتوا انعرسون.. يلا عاد حور ما له داعي للمصاخة ما ابي اسمع شي مني ولا مني ابيج تغدين حرمة مب تسودين ويهنا فالريال.. جاسم ما عليك منها شكلك تروم عليها عاد نبي نشوف شطارتك مب تسمع رمستها وشورها تراها ما تعرف مصلحتها

مايد ونور

اول شي بالبركة..
يعني انا من اول يوم شفتو بعض فيه وانا اتريا عرسكم وخلاف تسونه جي يلا شو نسوي الضروف لها احكامها.. اهم شي انكم خلاص بتعرسون وبتقهرون فيصلوووه الحيوان ما احبه.. لا بعده وقت خليها جي شوي عالاقل بارتين وخلاف خليها تتذكر بعده وقت عليها ما امداها تنسى اللي ياها.. بعد في حالتها تبي تهرب من الواقع فمخها اختار النسيان.. بس مردها بتتذكر وبتادب فيصلووو.. عاد انته يا مايد ما اوصيك عليها ابيك تحطها في عيونك.. عاد انته اليوم كبرت في عين الكل خصوصا انك ما اتخليت عنها

فيصلووو والبشكارة

انتو اي حشامب اوادم ما عندكم احساس.. تبون تخربون بيت البنية.. ما تستحون على ويوهكم.. وانتي شليتي البيزات وشردت تتحرين من شي قانون في البلاد ولا حتى حد بيودج ما عليه الله بيتنقم منج.. تعال انته اوقف خاطري جي ادوسك في بطنك اطلع مصارينك من حلجك.. انته شو من البشر كسرت البنه وذبحتها ولا خربت بيت ربيعتها اونك تحبها وتبيها هذا مب حب.. حتى قيس بن الملوح ما سواها وحليله حبه عذري.. شوف اتعوذ من الشيطان اخير لك ولا ترى بتشوف شي عمرك ما شفته

عمر وسارة

انتو حالة ثانية .. بعده وقت عليكم عقب البارت الاخير ببارتين ونص ان شاء الله بتتصالحون.. مع انكم بديتوا حياة يديده بس فيصلووو الجلب الله يغربله خرب عليكم.. تعرفين كل مرة الوم عمروو بس هالمرة غير يعني الحينه انتي بديتي تدفعين ثمن اخطائج.. وما شي ريال يستحمل بيشوف صور حرمته ويا غيره عاد ددواج حد قال لج تسوين سواتج هاي.. عمرووو يلا استانس اول مرة اوقف وياك .. بس بعدك غلطان انته تصلح الغلط بغلط اكبر.. اشحقه تشرد.. المفروض تكون اقوى من جي مب تسافر واتودرها

الله يعينا عالبارت الياي دام فيصلووو بعده فالبلاد

نترياج حبيبتي

لا تطولين

ياهلا فديتج ..!

.

ههههههههههههههههههه ضحكتيني وانتي تقولين لـ حصه ركبي ويا فهد ..
بس هيه ممكن هآربه منه ..!

.

ساره وعمر

ممكن الغلط من سآره .. !
شخصيتها في هالوقت .. تسآعد عمر انه يتصرف هالتصرفات
بنشوف .. هل بتغير من معاملتها ...

.

فيصل
هع هع .. لالا ..
يمكن اعطيكم استرآحه من مجآبل فيصل ..

.
لآهنتي يا قلبو

08-01-10, 06:42 PM

المشاركة رقم: 310

المعلومات
الكاتب:	وجه النهار
اللقب:	ليلاس متالق

البيانات
التسجيل:	Jul 2009
العضوية:	147447
المشاركات:	317
الجنس	أنثى
معدل التقييم:
نقاط التقييم:	40

االدولة

مدونتي

الإتصالات
الحالة:
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء

البارت السآدس والعشرون ~

آنتي بـ النسبه لـي نور ..

يُضيء العُتمه التي تَسكُنني ...!

غطيت على اذني وانخرطت في بكآء صآمت ... ما قدرت استمر في المسرحيه .. ابتسم وانا اسمع الناس تتكلم عني .. الهمس كآن من كل نآحيه ..

الي يسآلون اذا انفصلت عن ريلي ... والي يقولون ماشاء الله عليها ما تستآهل تكون حق وآحد نذل شرآته .. والي يقولون .. ريلها صآدوه في شقه .. شآرب ..

ومسوي مصآيب والسالفه فيها بنـآت ... حرمه ثآنيه تقول .. لا .. أكتشف انها تخونه والا تكلم غيره .. وحد يقول ... حليلها مطلقه وهيه صغيره .. والي يقول ..

ريلها هآجرنها ...

الكلام كله يرن في آذني .. مهره حاولت تبعدني ..بس ما قدرت.. تركت المكآن بكل ضعف .. فجيت الباب .. الجو بآآآآآآآرد وفستآني عاري ما تغطيه الا العباآه .. نزلت بسرعه ابا اروح غرفتي .. ما ابا اشوف الناس ولآ يشوفوني ..

اول ما خليت ريلي في الصآله ..فريت عمري على الارض جدآم وحده من الكنبآت .. حظنت نفسي .. ما بسآمحك يا فهد .. ما بسآمحك... خليتنى علكه في حلوج الناس ...

على كثر اللحظآت الي قلت .. اول ما يرجع بقوله .. اباك .. وماابا الاا اني اكون ويآك ... ترآجعت عنهـآ .. ترآجعت .. كلآم النآس يحرق ..

شهقت وانا اسمع الباب ينفج .. شفته جدآمي.. ما صدقت ,, الظآهر اتخيل .. .. اول شي سويته .. ركضت صوبه وحضنته ... كل الخرآبيط الي كنت اقولها تنآثرت لما شفته ..

صوته ياني .. شهقت وانا اسمعه يقول : مشتآق لج .. فوق ما تتصورين ..

بكيت ... ليش يصير لنا انا وهو جيه .. ليش ..

رفع راسي بـ آيده .. : خليني اشوف ملامج .. ابا اشبع عيني منج لو اني هالشي مستحيل .. حصه ... طالعيني دخيلج .. ليش احسج تعبانه اكثر مني .. كل يوم ..

قبل لاانآم .. آحضن صورتج انتي وفآرس.. حصـه شوفيني

رفعت عيوني له .. مرر ايده على بشرتي يمسح دموعي بـ لطف .. استويعت : آآه

ملامحه كلها لهفه.. طالعني وقال : شو يعورج .. !

كنت احس بـألم في ريلي .. من غير لا اتكلم .. نزل عند ريلي .. رفع فستآني .. الظآهر وانا اركض ما آنبهت .. وانجرحت ريلي .. ما حسيت الا وانا بين ايديه ...

طالعته بصمت .. للحين ما قلت ولا كلمه ... احس هب قآدره استجمع قوتي ..مررت ايدي في شعره ...

: فهد ..

طالعني وهو يخليني على الكنبه بـ هدوء ..

: آمري ..

ما عرفت شوا قول .. نزلت راسي .. حسيت بـ صوته يتغير : آهلج كآرهيني يا حصـه .. مايطيقوني ...

طالعته وقلت : كلآم الناس الي يوصلنا يقهر ..

قآم بعصبيه : آي كلآآآآآآم ..!

قلت وانا متردده.. : فهد الناس تتكلم عني .. يقولون اني انا خنتك .. عشآن جيه ودرتني ... وسآفرت..

يا صوبي ومسك ايدي وبآسها .. ارتجفت : تنقطع السآن الي اييب طآريج ..

بعدت عيوني عنه وقلت : والي يقولون مآسكينك في شقه ... والي يقوولن طلقتني ..والي

حسيت باصابعه على شفايفي : لا يهمج اي كلآم من الي سمعتيه

قلت : انت رآجع على طول ..!

رد : لا .. اليوم بس .. برجع بعد سآعتين او ثلاث ..ابا اشوف فآرس يا حصـه .. وينه ...!

قمت .. وسط لخبطه الافكآر الي في بالي .. شو قصده من الرجوع يوم وآحد .. يعني شو يبا ..

قلت : في غرفته .. نآيم الخدآمه ويآه .. تعال

طلعته فوق .. كنت سرحآنه .. فهد ..

شو يابك يوم وآحد ورآيح .. يعني تبآني احن لك .. لحظآت وتروح .. وتخليني .. فتحت الباب .. رفعت الخدآمه رآسها

قلت لهـآ : روحي

طلعت .. تقربت من سريره ورفعته .. حسيت بـ فهد وآقف وراي .. خذه مني بلطف .. ايدي لامست ايده .. ما ادري متعمد والا بس صدفه .. بس رفعت نظري له .. وشفته يطآلعني وبعدها يلس يحب في فارس ...

التفت على صوته ... : المره هذي .. يآي عشآن اقولج .. انج بعدج مثل ما انتي ما تغيرتي

حصه .. حبيبتي .. زوجتي .. وآم فآرس ...

حصه .. تهربين ويآآآآآآآآآآآي ..!!

ارتجف جسمي من كلآمه .. أهرب .. معقوله أهرب ...!!!

يوسـف

وقفت جدآم المسبح .. فهد للحين ما رجع احآتيه .. خلص العرس .. وعلى قولتهم العروسه للعريس والجري للمتآعيس .. ابتسمت وانا اسمع صوت خطوآتها وهيه تقترب مني .. قالت

: صح الي سمعته .. فهد رجع..!

لفيت لها : هيه .. ويسلم عليج .. ربع ساعه الي قعدتهن وياه .. وبعدهـآ طلع من العرس

كآنت لابسه فستآن نآعم حرير على جسمهـآ .. عاري من الظهر .مُلفت لو انه بسيط ..

طالعت الارض .. رفعت راسي وهزيته : لا حول ولا قوة الا بالله .. شو قايل لج .. ما قايل لا تلبسين كعب ..

قربت الكرسي .. وخليتها تيلس وهيه مبتسمه : آحبك لما تهتم في ادق التفآصيـل

ابتسمت .. قعدت على الارض .. وسحبت الجوتي .. وفريته بعيد ..

صرخت : حرآآآم عليييييييييك .. هذآ ....

قآطعتهـآ وانا اتقرب منها واقعد عدالهـآ : هذا هب مهم .. المهم رآحتج .. ليش من يومين ما تنآمين ,, لا تتوقعين اني هب حآس فييييج ..

طآلعتني.. وقالت : يوسـف ..

حسيت من نبره صوتها .. انها بتموت من الخوف .. حسيت بـ آيدها تحضن ايدي .. وترفعها لـ صدرها وتخليها مكآن قلبهـآ ..

: قلبي .. احس هب رآضي يوقف .. يدق بقو .. خيفآنه .. خيفآنه .. كل يوم .. آسترجع ذكريآت سآلم .. وايام الحمل .. هالايآم وآيد تعبت يوم سـآلم .. آحس بشوقي يتضآعف له ..

احس بـ ريحته تقرب مني .. وبعدها تبتعد ... احاول اشمها .. بس ماشي ..

تقربت منها ..ولويت عليها وقربتها من صدري .. قلت لها : أهدي .. كل شي بيكون آحسن عن قبل.. هالمره ... بحمي الي في بطنج .. وما بسمح لـآي حد يقرب منه ..

مهره ... طالعيني ..أنتي وآثقه فيني .. وآثقه اني بكون آحس اب في العالم له ..

هزت رآسها بـ أيجآب .. ابتسمت : وليش التفكير دآمج وآثقه ...!

نزلت رآسها وقالت : شوا سوي ..

انتبهت عليها ترتجف : قووومي نطلع لـ غرفتنا برد عليييج ...

قالت : لا ابا ايلس هنيه .. مرتآحه

ضحكت .. قالت : اتصـل لـ فهد .. ابا اسلم عليه ...

رفعت تلفوني ...أدق ... بس ماشي فآيده .. محد يرد ... استغربت ...!

اليآزيه

طلعت بعد ما خذت شور ... طآلعته وهو يقرآ كتآب وهو على الكنبه .. رحت صوبه وسحبت الكتآب .. ضحك وطآلعني ...

:يا سلام .. شو لابسه لي اليوم ..

ضحكت : ههههههههه .. بروح عند سآلم

مسك ايدي .. : وين رآيحه .. ترآه نآم

قلت : بطمن علييييييييييه

طلعت بعد ما لفيت الروب على جسمي .. طول الفتره المآضيه .. بينت لـ شبيب .. اني وياه في كل شي .. غرقته في حبي له .. آحسه عـآدي يعلن زوآجنا لـ آهله .. وفي نفس الوقت .. انا سويت هالشي .. عشآن يعطيني الحريه في الطلعه من البيت . . . لانه من اليوم الي صآر فيه الي صار.. وهو ما يخليني اطلع .. الا نآدر .. ومع السايق الي احسه جآسوس علي ...

طالعت سالم وهو غرقآن في النوم .. فديته .. لازم ارجعه لـ آهله .. وهالشي معنـآته اخسر شبيب .. امتلت عيوني بـ الدموع .. آحبه والله .. وعشآن جيه .. ما برضى يروح السجن .. ما برضى .. ما حسيتا ني تآخرت الا لما سمعت صوت باب الغرفه ينفج بهدوء .. وحسيت فيه وآقف ورآي.. لآحظ دموعي قبل لا امسحهـآ .. حوط ايده على خصري :

شو فييييج ...!!

قلت وانا اقآبلـه .. : لا مـآشي .. بس سآلم يذكرني بـ وآحد من أطفال الميتم .. يشبهه..

طالعني شبيب وبعدها طـآلع سآلم بحسـره ..

قال : تعرفين ان هذا الولد .. كآن لازم يكون ولدي انـآ .. ويكون اسمه

سآلم شبيب الـ####

هب سآلم يوسف الـ###

طالعته بـ أستغرآب.. خليت ايدي على جتفه .. : خلنا نروح غرفتنا نكمل الحديث ... قبل لا يوعى

طلعنا .. شبيب صار وآيد يثق فيني ...

قعد جدآمي وقآل : هذا ولد بنت عمي .. الي كنت متخبل عليهـآ ..

قلبي طـآح .. حسيت بغيره .. وهو يرمس عنها حتى نبره صوته تغيرت ... ما أدري ليش قمت

بسرعه .. وهو لآحظ ... وقف ومسك ايدي : الوضع تغير الحين يا اليازيـه ..

انتي تعنين لي الكثير .. في حيآتـي .. على الاقـل انتي الوحيده الي تعرفيني ... !!

طالعته وقلت بغيره : بعدك تحبهـآآآ!

ضحك .. تقرب مني وبآسني .. بعدته عني .. : انته تحبهـآ .. عشآن جيه ما تبآ تعلن زوآجي منك .. بس هيه متزوجـه وما اهتمت منك ..!!!

طالعني وتغيرت ملآمـحه .. : ابا اعرف انتي على شوه مستعيله ... ترآني كنت ابا اسوي لج مفآجئه .. انا بعلن زوآجي منـج ....

طالعته وانا هب مصدقـه ... معقوله شبيب .. شآك فيني .. اني بخبر عليه .. ويعرف .. اذا اعلن زوآجنا .. ما بقدر انفذ الي اباه .. وارجع سآلم لـ آهله ..

طالعته وقلت : والله ؟

ضحك : هيييييييه .. وعلى فكره .. وحده من خوآتي تعرف .. الكبيره .. بآقي الوآلد والوآلده .. وهذيل يبآلهم وقت .. وبعدها .. كل طلبآتج بنفذهـآ ..

تقرب مني وحضني .. وخلى ايده على بطني وقآل : تبين بيبي ... ادري .. وانا بعد ابا .. منج انتي ..

بس .. لا تكمل حرآم عليك .. كل الي يقوله .. ما بيصير اذا انا رجعت سآلم لـ آهله .. حسيت بدموعي تنزل

قال : والحين شو سبب هالدموع ..!

قلت وانا اآكـآبر وابين العكس : الفرحـه ..

حضنته وانا افكآري كلها تشتت .. شو بسوي ...! !

معقوله .. عشآن نفسي .... ادوس على سآلم .. وعلى اهله .. ومشآعرهم .. معقوله .. كآن قلبي يدق بقو ... حسيت ان شبيب نظرآته لي تغيرت .. وبدون مقدمـآت قال :

تحبيني ؟

هزيت راسي وحضنته .. احس عيوني بتفضحني .. بتفضح مخططي .. ما اقدر .. ما اقدر .. وصلني شبيب لـ مرحله .. ما اقدر فيها اتخذ قرار ..!

حور

قعدت مجآبلتنه وهو بس يطآلعني ..

قلت : بس عـآد

ضحك : ههههههههههههههه .. ليش بس .. خليني اتهنى ..

قمت بسرعه مسكني بقو وطيحني في حضنه .. انزعجت من قربي منه .. ما اعرف ليش قلبي انقبض .. قال : شو فيج .. ضآيقج تصرفي ..!

قلت : هيه ..خلني اقوم ..

قمت بسرعه ودخلت الحمآم ( عزكم الله ) .. شهقت وبديت اصيح .. شو فيج .. خيفآنه اكيد .. اكييييد هالشي .. مسحت دموعي ورتبت شكلي وطلعت .. شفته في مكآنه ... رحت صوبه ..

: آسفه بس ,.,

ابتسم وقعدني عداله : عادي .. لا تتآسفين ..

حوط بـ أيده خصري وقربني منه .. وقال : انتي قمـر اليوووم .. صـرآحه حتى على الكوشه . .ماقدرت ابعد نظري عنج .. يتني شما تقول لي فضحتنا .. خف من نظرآتك جدآم الحريم

ضحكت ما قدرت اسكت : هههههههههههه

قال : فديت هالضحكه ..

تقرب مني وطآوعته ... كلآمه ريحني .. بس ما اعرف كيف بعامله خلال الايآم اليآيه .. آحسني اصير انسآنه دفشه و وقحـه وياه .. ما اراعي مشآعره ابدآ ..!

مآيد

التفت صوب ساره الي تقربت مني .... احس في خاطرها رمسه ..

قالت : أنتبه على نور.. تراها خآيفه واااايد .. فآآآهمني يا مـآيد

ابتسمت اطمنهـآ : لا تحآتين ..!

مجرد ملجه وحفل بسيطـه ... والحين بدخل لـ نور ... بخذها ويـآي .. حجزت في فندق ثلاث ايام

قلت :أدخل..!

قالت سـآره : هيه يـلآ .. ومثل ما وصيتك..

حآس اني مقصر فيها ...وآآآيد كآن لازم اسوي لها حفله الكل يتكلم عنها ..بس الظروف حدتني..!

دخلت وانا منزل راسي .. التفت لها ...وقفت ...بس اطآلعها .. كآنت لابسه فستآن ابيض ... نآآعم لـ اقصى حد .. فيه علاقآت .. وتحت الصدر شريطه سودآ... ستآيـل اجنبي .. شعرها ... نهايته تلامس بدايه كتوفها .. مفتوح .. ومخليه غره مغطيه على يبهتا .. سآره قالت لي ان في يبهتها كدمـه .. وهيه متضآيجه من هالشي .. كآن الفستآن منآسبنها .. وذوقي

قلبي دق بقو وانا اشوف ارتبآكها .. تقربت منها .. طالعتها رفعت راسها طالعتني وبسرعه نزلته ... ابتسمت : أشتقت لج ..!

رفعت راسها بتوتر... تقربت منها .. .رفعة غرتها بـ أيدي وهالشي خلاها تنكمش .. تقربت وحبيتها على يبهتها ... وما ابتعدت الا وهي تبتعد ...

طالعتهـآ : مبرووووك

قالت : الله يبارك فيك ...!

قلت : بنروح الفندق ثلاث ايآم وبعدها بنرجع لـ بيت اهلي ..

نزلت راسها .. قلت : يلا

مديت لها ايدي عشآن تمسكها .. بس هيه ما مسكتها .. وهالشي خلاني انا الي امسك ايدها واطلعها وياي ... شفت امايه عايشه تزغرط ... وفرحآنه ودموعها في عينها ..

تقرب ابوي .. سلمت عليه نور ... أبوها كآن وآيد متوتر .. وكل سآعه يوصيني على ادويتها .. وعلى انها اذا تعبت .. لازم اوديها المستشفى .. ونصآيح .. ما يدري اذا نور استويعت.. انا اموت ..! ..

ركبنا السياره بعد ما لبستها ساره عبآتها .. وتغطت ... كنت اسوق بسرعه .. ابا انفرد فيها .. أتكلم وياها.. أتنفس قربها بعد الي صار .. هيه وآيد هـآديه وسآكته ..

تقربت وانا اشوفها بعدها بعباتها .. عاطيتني ظهرها وترآقب المنآظر من زجآج البلكونه .. تقربت منها ... وما وقفت الا لما حسيت انها قربي .. في حضني ..

قلت بهمس : ليش ما فصختي العبآه ..!

قالت : انـآ .. أنـآ ,,

لفيتها لي .. فتحت عباتها ورميتها على السرير ..!

مررت ايدي على بشرتها الي صايره حمرا من بروده الطقس .. خجل .. ما اعرف بس الي اعرفه اني احبها بكل جوآرحي ...

بعدت ايدي وقالت بـ ارتبآك ... : انا ما اعرفك ..

طالعتها..الكلمه قويه علي واااااااااااااااايد .. فوق ما تتصورين.. ما تعرفيني .. ما تعرفين الشخص الي ركض ورآج ... الي صار بسببج انسآن ثآني ...

تلعثمت ما عرفت شوا قول .. حسيت عيونها تنملى دموع ..

: شو تبا فيني انا ... ذآكرتي صفحه بيضا .. تعبانه نفسياً وجسديا ...

شوف يبهتي .. شوف شكلي ... شوف

حتى وهيه منفعله تتكلم بنعومه .. تقربت منها : ما يهمني شي الا اني اكون ويآج .. حيآتي

عطتني ظهرها بغضب ... خليت ايدي على جتفها : شو رايج نعقد صفقه ..!

سمعت شهقتها .. قالت لي ساره ان نور خآيفه .. بس ما توقعت لـ هدرجه

: نتعرف على بعض .. نأخذ رآحتنا .. ما مهم ..

خليت ايدي في لحيتي .. هب عارف كيف اوصـل لها الفكره .. مالازم شوه يا مـآيد .. قول هيه الحين زوجتك ...

: أحم.. ما لازم تشآركيني السرير اذا بيضآيقج هالشي

التفت لي ...

طالعتني وانحرجت من نفسهـآ ...

قالت : انا اسفه ..

ابتسمت وتقربت منهـآ .. ما ادري كيف بنفذ الي قلته .. بس ابا اطمنهـآ ...

نور

لفيت المنشفه على جسمي .. رفعت شعري اطالع الكدمـه .. اووف .. متضآيقه من نفسي .. ومن هالانسآن الغريب الي انا ويـآه ... حسيت بالباب ينفج شهقت بخوووف ... وحضنت نفسي .. قلت : أطلـــــــــــع ...!

طالعني مرتبك : ما كآن قصدي ... بس ..

قلت : اطلـــــــــع ...!

اول ما سكر الباب .. الله يغربلني .. كيف نسيت اسكر الباب .. هذي امآيه طول الفتره المآضيه ما تخليني اقفل باب .. حسيت برجفه في جسمي كآمل ..اووف الحين مالي ويه اطلع له ... لبست بجآمه للركبه ... وطلعت وانا ارجع شعري على ورى .. شفته على الكنبه مرتبك ... قآم اول ما شآفني .. تقرب مني .. وكل لحظه اقول .. شكله بينكث بوعده ...

ما كآن متعمد .. بس صآر لها ساعه في الحمآم ( عزكم الله ) .. ابوها منبهنه وآمها بعد ...

من خوفه عليها .. ما دق الباب فجه على طول .. الي شآفه يخليه يرتبك اكثـر ...

طلع بسرعه ... اول ما خلى بعمره على الكنبه .. ضحك .. صدق انه خبل .. اكيد بتزيغ الحين ... للحين صورتها وهيه بالفستآن الابيض في باله ...رآح لها هالمره بثقه .. كآنت اطلعه بخوف .. حتى الخوف في عيونها عيبه ..

قال : ممكن اتعرف ..!

طالعته مستغربه ... مد أيده لها .. وهيه اطآلع ايده الممدوده .. : ممكن ..!

ابتسمت برآحه و بنظرآته عرف انها تقول أيوه ..

قرب ايدهـآ من شفايفه .. حبها بلعطف .. لمح ملامحها الي تغيرت .. بس لازم يكسر الحآجز من اول ليله .. هب لانه مستعيل .. لا .. لان الاستمرار في فتره طويـله في وضع مثـل هذا .. يبعدهم ما يقربهم .. قعد على الكنبه وخلاها تقعد عداله ..

قال : أحكي لج .. كيف التقى الفآرس الشجآع .. بـ الاميره الخجوله ..

طالعته .. عرفت انه يقصدهم هم الاثنين ...

قالها : تعالي ..

أشر لها على حضنه .. قال : ما تبين تنآمين .. خلي راسج .. بحكي القصه وما بتحسين الا وانتي نآيمه ..

طالعته .. عيبها اسلوبه .. خلاها ترتآح ..

قال : ما تبين .. ما بجبرج ...

خلينى نبدا ... ! .. كآنت اطـآلعه بلهفه .. تبا تعرف كل شي .. ادق التفآصيل .. لما يوصف الاميره على قولته ... وصلها أحساس قوي ان الشخص الي قدآمهـآ ...يحبها ....

سرحت بـ افكارها .. حست بـ ايده على خدها يقرصها : وين رحتي ..!!

طالعته .. وبعدها خلت راسها على صدره : كمل القصه ..!

طالعها مستغرب .. ما توقع انها تسآيـره بسـرعه ..!!

أرتبك وضآعت كل السوالف ... مرر ايده في شعرها القصير وقـآل ...

: نور ... أنتي بـ النسبه لي نور ..!

وكمل القصه بسرعه.. ما يبا رد منها .. ما يباها تقول .. ما اعرفك ..!

سـآره

فريت عمري على السرير بعد شور طويـل ودآفي ... تذكرت مايد وهو يقول لي

: عمر اعتذر .. ماعنده اجازه .. .. وما قدر يفرغ نفسه من المستشفى ..!

كنت اتآمل اني أشوفه اليوم .. فزيت بسرعه وانا احس ان معدتي تصرخ بـ آلم .. حسيت بـ آلم في بطني ... اوووف .. طلعت كل الي كليته ... اول ما رفعت راسي .. وشفت نفسي في المرايا .. ويهي صاير اصفر .. وارجع ... شهقت وخليت ايدي على شفايفي ... حآآآآآآآآآآآآآآمــــــل ..!!!

دمعت عيني .. يعني حتى لو رجع لي عمر .. بيكون مجبور.. مابا هالشي .. فريت عمري على السرير غفيت بتعب ...

::::::

قآمت مفزوعه بعد الكآبوس الي شآفته .. ساره تنآدي عليها وتقول لها بردآنه .. فزت من سريرها وركضت لـ غرفه بنتها .. فتحت الباب بهدوء ..شآفت بنتها امدده على سرير بدون ما تتغطى .. وهيه بـ بجآمه خفيفه .. رآحت صوبها وغطتها .. حست بـ ايد بنتها تمسك ايدهـآ

: أمآيه .. تعالي نآمي عندي

طالعتها .. الظآهر انها مفتقده عمر .. قربت منها وقالت : كلمتي ريلج اليوم ..!

هزت راسها بـ أيجآب وهي تخدع على امها .. حست بـ ايد امها على شعرها .. غفت برآحـه هالمره ..!

:::::::

تختلت من السرير وهيه تشوف السآعه 8 .. طلعت من الغرفه .. ورفعت التلفون .. دقت للسآيق

: روح هـآت من الجمعيه الاغراض الي طلبتها منك آمس ..

اول ما شآفت السياره رآحت .. ركضت لـ غرفه سـآلم .. وكآنت مخليه فيها عباتها ولبس لها .. تلبست بسرعه ... وصآر وقت انها تروح لـ يوسـف الـ####

مشت للشآرع العـآم .. كآن الجو بارد .. بس ما يهمها .. الي يهمها الحين انها توصل المعلومه لـ يوسـف .. ان ولده حي .. وبيشوفه قريب .. وقفت على الشارع العام .. ربع سآعه

طآلعت السآعه .. اذا وعى شبيب .. بيذبحها ... دموعها نزلت وهيه تتذكر وعوده امس .. لانها تحبه بتسوي هالشي ... التفت بخوف على صوت السياره الي وقفت لها تآكسي .. تآكسي اخيراً ..

ركبت بسرعه ... : روح ######

تحرك راعي التآكسي .. وهيه تستغفر .. الاستغفار يفتح ابواب على الانسآن .. الله بيسهل عليها .. وقفت التآكسي

: 15 درهم مدآم

فرت عليه الفلوس وقالت: لا تروح ترياني عشـر دقآيق ...!

نزلت تركض .. دخلت الشركه .. ما رآحت له البيت ... لآنها ما تعرف وين ..!

دخلت وسآلت .. وصلت لـ سكرتير يوسف الـ###

قالت : لو سمحت ابا اشوف الاستآذ يوسف

قال : مشغول لو سمحتي ..!

قالت : ارجوك

قآطعها : عذريني ...!

ما سوت فيها .. رآحت صوب باب المكتب .. فجته بقو .. التفت يوسف وكآن ويـآه حمد يرآجعون اوراق مهمه للشركه .. طالع مستغرب

السكرتير : اسمح لي طآل عمرك بس هالحرمه

اشر له يوسف يطلع ... قال : خير اختي كيف أخدمج .. !!

حمد شل الاوراق : برجع لك يوسـف ..!

طلع وهيه تنتفس بصعوبه .. هل الي تسويه صح والا غلط ... قالت : ابو سـآلم

فز من مكآنه لا اراديـآ .. من دخول هالحرمه عليه .. حس ان فيه شي .. حس بشعور غريب

قال : نعم هو .. تفضلي ..

قالت : سآلم ... سآلم بيرجع لك ..أنـآ .. أنـآ أهتميت فيه .. ترى هو بخير صدقني .. والله انا احبه ... بس ...

طالعها ما مصدق .. : شو مصلحتج ...! .. شو مصلحتج تآخذين من آم ولدهـآ .. ومن ابو روحـه ..أنتــــــــــــي شووووووووه ..

صرخت : لا تظلمني .. الي خآطف ولدك .. هو شبيب ... ولد عم مهره .. وخطيبها ... وكآن بيتزوجها لولا دخولك انت في السآلفه .. و

طالعها مستغرب ...لا هذي شو تقول .. قالت : انا برده لك ... بس دخيلك .. لا تبلغون على شبيب .... وانا بتفآهم ويـآه ...بس بيرجع لك سآلم ... انا اقولك هالشي .. اذا ما رجعته خلال هاليومين ... بلغ الشـرطه

طالعها .. كيف يخليها تروح .. و ولده عندهـآ ,,سآلم .. ما صدق ايي خبـر عنه ..

قال : كيف اضمن ..! وليش ما يبتيه الحين ويآج

قالت : ابا اخذ منك وعد انك ما تأذي شبيب .. ولا تبلغ عنه ...!

صرخ : شووووووووووه .. تتحسبين الي صار سهل .. اشوف زوجتي منهاره واللوم في ويهـآ .. انا الحين ببلغ الشرطه

رفع التلفون ياه صوتها وهيه تصييييييييح : دخيييييييييييييلك .. لا لاتسوي هالشي فيني .. انا مالي الا شبيب .. دخيييييييييييييييييييييلك .. بيرجع لك سآلم .. أحلف انه بيرجع ...

طالعها ... قال : واذا ما رجع خلال هاليومين ...

رآحت صوبه وقالت : أكتب لي رقمك .. وانا برسل لك نلتقي في حديقه .. وبكون مآخذه سآلم ويآي وشبيب ... وهنآك انت أخطف الولد .. شرآت ما انخطف قبل ...

وبيوصـل الخبر لـ شبيب عن طريقي بعدين .. بس ما اقدر اشوفه ينكسر جدآمكم وجدآمي

مابا اشوف شبيب متآذي .. انا يتيمه .. شبيب انقذني من الشآرع .. مابا اكسره .. دخييييييييلك .. اذا تحب ولدك ... سآمحه .. ترى شبيب يحب سآلم والله ..

طالعها وقبضته رجفه .. تفكيره متشتت .. خلت هيه صوره جدآمه : هذا سالم امس مصورتنه عشآن تضمن اني ما اخدع عليك .. سحبت كرت يوسف الي مخلاي على الطآوله .. بكلمك ..!

طلعت وهو شبه منهار .. هب قآدر يجمع المعلومات .. شبيب .. مهره .. كآن بيآخذها.. وهذي زوجه شبيب .. هب قآدر يجمع الافكآر .. ما نتبه انها طلعت .. الا لما شاف حمد جدآمه

: يوووووووسف شو فيك .. صوتك انت وهالحرمه انسمع في المكآن .. ويهك صآيـر اصفر .. شو بلااااك ..! شو قالت لك ..!

طالعه وقال : سآآآلم

سحب حمد الصوره الي على الطآوله .. صوره حديثه .. رجع رفع راسه لـ يوسف ..

هب فآآآهم شي : يوووسـف

يوسف سحب سويـجه وطلع وهو يركض ..!

مهره

طالعت عمتي ( ام يوسف ) الي من بلغتها بخبر حملي وهيه فرحآنه .. بس ما انسى دموعها امس لما سمعت ان فهد وصل البلاد ولا سلم عليهـآ .. وتضاربت هي وعمي على معاملته لـ فهد .. كنت اسمع اصواتهم العاليه انا ويوسـف .. حسيت يوسـف تضآآآيج وآآآيد ...عشآن فهد ...

خصوصا بعد مادرى ان فهد رجع لـ بريطآنيا وهو مكسور الخآطر .. من حصـه من صوب .. ومن العايله كلها من صوب ثآني ..!

سمعتها تدعي : الله يقومج بالسلامه ان شاء الله .. ويرد لنا سآآآلم يالله يا كريم ...!

سمعت صوت عمي الي ما راح الشركه اليوم : السلام عليكم

عمتي ردت .. وانا بعد .. بس حسيت عمتي متغيره ..

قال : شو تبيني اسوي .. ما كلمته ولا قلت له كلمه .. هو وعمه يتفآهمون .. يبا حرمته يروح لهم انا مطلع ايدي من الموضوع

قالت : يا قو قلبك

انفج باب الصاله بقو .. قمت بخوف وانا اشوف ويه يوسف قال : مهـــــــــــــــــــــــــره ... تعالي

وقفت اطالعه بصدمه .. يا هو صوبي ومسكني ما ايدي وشدني بقو لغرفتنا ..

قلت له : شوي شوي علي ... يوسـف .. يوسف

اول ما دخلنا الغرفه ... سحبت ايدي بقو : شوووو فييييييييييييييك جيه

يلس على الكرسي جدآمي وخلى راسه بين يديه : سآلم قربنا .. لو كنت مخبرتني .. كآن اختصرنا معاناه شهور

طالعته وارتجف جسمي .. : انت شو تقول ... يوسف ...

صرخ بقو : انتي شو علاقتج بـ شبيب ..!

حسيت بدوخه .. وكآن حد صفعني .. يلست على الكنبه وانا احس بـ جسمي بيخذلني وبطيح على الارض .. : كآن ... .. كآن ..

قال بهدوء .. : كآن خطيبج .. ولدج عنده يا مهره ... سآلم عنده

فزيت بسرعه : النذل .. بخبر عليه عمي وابوووووووي .. يكسرون عظآمه .. خذني له يا يووووووووووسف .. وشو مقعدنك هنيييييييييييييييييييييه .. بلغت علييييييييييييييييييه والا لا ..

طالعني وقال : لا

قلت : بكل هالبرود تقول في ويهي

قآطعني : زوجته يتني اليوم .. بتسلمنا سالم ... او بنخطف سـآلم .... في مكآن هي بتحدده

قلت : وليش ما تبلغ ...!

قال : ترجتني ..

صرخت : شو ترجتك .. انا ما اتنآآآآآآآآآآزل لحد ما اشوفه مسجوووووووووووووون ومعفن في السجن ..

مسكني يوسف بقو .. ضمني وقال : الله يقدر يآخذ حقنا منه .. بس انا يكفيني ان ولدي يرجع لي .. فآهمه يا مهره .. مابا نسوي مشآكل في عائلتج .. خلآص .. الولد بيرجع هذا اهم شي ..

ارتجفت وبديت اصيييييح : وسهرنا وتعبنا الفتره المآضيه .. انا وانت بغينا نوصل للطلاق .. و ..

قآطعني : عند الله ما يضيع شي .. سآآآمعه

طالعته وقلت : انا ما راضي عن التنزآل .. بس بيمشي كلآمك .. بس اعرف اني هب رآآآآآآآآآآآضيه ابداً ..

فتح ايدي وخلا فيها صوره وقال : شوفيه .. حسيت ان روحي ردت لي وانا اشوف صورته ...!

طالعت الصوره وبديت ابوسها .. أحس اني بموت قبل لا اشوفه .. ضمني يوسف وانا اصيييييح .. : يوسف اباه في اسرع وقت .. أخاف اروح قبل ما اشوفه ..!

دخلت البيت بسرعه .. اول شي شآفته.. شبيب مخلي ريل على ريل وقآعد على الكنبه في الصآله

: وين كنتي ..!! غافلتي السآيق وطلعتـــــي ..!

قالت : انا ..

صرخ : انا شوووووووووووو قايل لج .. أشم خيآنه يا اليازيـــــــــــه ...!

طالعته وقالت : تشك فيني

صرخ : سمعي انا اشك في نفسي .. وين كنتي ... هـآآآآآآآآآآآآآآآآآآآه ...!!!

فرت عليه كيس وركضت للغرفه وهيه تصـيح .. فج الكيس وحصل هديه .. وبطآقه : كل عام وانت بخيـر ..

عيد ميلاده .. حس بتئنيب الضمير .. دخل عليها الغرفه : انا اسف ..! بس ليش ما رحتي ويا السايق ..!

قالت : مابا ... ابا احس اني حره .. تراني تعبت من مرآقبته لي.. انت ما تثق فيني

مسك ايدها .. حبها وقال : أثق فيييييج ...

طالعته وقالت : ابا اطلب طلب..!

قال : آمري ..

عرفت ان هذا الوقت الي بينفذ لها فيه الي تطلبه : حبيبي ابا نطلع انا وانت وسـآلم .. بنروح الحديقه القريبه من بيتنا .. هنيه .. محد بيعرفنا انا بخليه يلبس اشياء ثقيله وبيتغطى نص ويهه .. بس ابا اطلع وياك

طالعها وقال : خلاص .. اوكيه بآجر المغرب ان شاء الله ...!

ارتآحت من موآفقته .. خلاص بتقول لـ يوسـف يتوآجد في نفس الحديقه ..!

سـآره

فتحت عيني على صوت اذان الفجر ... فزيت بسرعه شفت امايه عدالي .. شكلها نآمت عندي .. خذت شور سـريع ..صليت .. وقفت جدآم الدريشه .. شفت خالي رآجع من المسجد ... مالي غيره لازم اخبره .. خليت ايدي على بطني .. مستحيل اسمح ان بنتي او ولدي الي ياي للدنيـآ يعاني مثل الي صار لي في حيآتي ..ابا سند .. عمر .. هو لازم يكون وياي ..

وعشآن يكون ويآي .. لازم ما اكون ضعيفه .. نزلت وانا متردده .. شفت خالي قاعد يشرب القهوه ومآسك مسبآحه ..

رفع راسه : هلا ساره صباح الخيـر ..!

رحت صوبه .. حبيته على راسه ... : صبآح النور

قال : وين امج عيـل ..!

قلت : تسبح وبتزل .. خالي

قعدت عداله طآلعني وقال : آمري ... .!!

رديت بتردد : في مشكله بيني وبين عمر .. و .. و ..

طالعني وطمني بنظرآته وقال : قولي يا بنتي .. انا شرات أبوج .. لا تخآفين ..!

حور

فتحت عيني وانا احس بـ ايده على بشرتي : اووف .. جآآآسم ابا انـآم

ضحك : هههههههههههههههه ... بسج من النوم السآعه 11 وصلت

رديت : على كيفي انا ...

حسيت فيه يقوم .. رجعت رفعت البطآنيه وكملت نوم .. مابا اقووووم .... حسيت بالباب يتسكر .. أحسن بعد ..

قمت بسرعه : فكه ..

خذت ملابسي ودخلت اخذ شور سريع .. اول ما طلعت .. قعدت اكشخ .. أهم شي كشختي ..

ابتسمت وانا اشوف نفسي في المرايا .. حلوووه فديتني .. حسيت بالباب ينفج .. اول ما رفعت ويهي شفته يطآلعني ويبتسم وفي ايده بآقه ورد ابيض ..

طالعني وقال : لج ...

رحت صوبه وخذت الورد .. وقلت : شكراً

طالعني وقال : جيه شكرا حآآآف ..

ضحكت : هههههههههههههههه .. تريقت ؟؟!

رد : لا اتريآج

رديت : مافي دآعي تترياني .. لو تريقت بروحك

تقرب مني : بس انا ابا اكل ويآج ... تفتحين نفسي ...!

عطيته ظهري .. : يلا انزين ..!

مآيد

فتحت عيني بتعب ... وين انـآ .. شفت نفسي نآيم على الكنبه .. وهيه في حضني .. مديت ايدي ابا ارفع شعرها من على ويها بس خفت توعى .. وتنتهي اللحظه ...

تأملتها .. فتحت عينها وابتعدت عني بـ أحرآج ..

قآكت بسرعه من غير اي كلمه ... أختفت من جدآمي .. ابتسمت .. فديت خجلها ..

رفعت التلفون .. شكلي ما نمت الا ساعه .. بتصـل لـ امها وابوها .. اطمنهم .. موصيني قبل لا اطلع...

###########

فريت ملابسي بسرعه في الشنطه .. الظآهر ان شي صاير فيهم .. ابوي اتصـل لي وقال تعال ضروري ... خفت .. واول شي فكرت فيه .. ابو ساره . .لا يكون قرب منها او اذاها .. بعدتها عن بالي .. ما هربت انت منها .. شو تبا تفكر فيها يا عمر .. !!

رجعت في بالي .. لا يكون شي صار فيهـآ .. !!

ياربي .. وليش مارضى ابوي يخبرني .. هالشي يخليني اتوتر اكثـر ..

جهزت شنطه صغيره .. وقلت برجع ...

بـ اشوف شو يبا الوآلـد ..!!

نهـآيه البارت
ادري البارت قصير .. بس الاسبوع المآضي كآن مزدحم بالامتحآنات
البارت اليآي .. وكـ تعويض.. رآح يكون بعد اربع ايام
او آقـل ..!