البارت العشـرون
.
اَمدُ لَهَـآ يدي
ولَكِنهـآ تَهْرب ..!*
.
طلع بعد ما جرح فيني .. من القهر كآن ودي اطلع من الفندق وارجع البيت واقووول لـ امايه كل شي .. بس تذكرتها لما توصيني عليه .. مـآ يستآهل اصـلآ .. ما يستـآهل ...
قمت بسرعه... ما بصيح .. مسحت دموعي .. وطالعت نفسي في المرأيـآ ..
بديت اكحل عيوني .. أول ما يوصـل بقوله ..يوصـلني البيت . ... على الـآقل بكون قريبه من أهلي .. وآمي ...
رتبت شكلي .. وانا اتذكر كل همسـآته الجـآرحه امس .. صح انـآ تصرفت في حيـآتي تصرفات هب محسوبه .. بس انا لي مشـآعر وكيـآن وتغيرت ,, وهو كل لحضه يذكرني بالمـآضـي ..
لبست وكشخت .. ما بيكسرني ..
انفج الباب .. وكـل كـلآمي .. الي اقوله لنفسي .. تبخـر .. دقآت قلبي بتذبحني .. شفته .. وقفت والتقت نظرآتنـآ ..
قـآل بخشونه : تجهزي بنرجع البيت
قلت بـ صوت وآثق : جـآهزه
كـآن رايح .. بس لمـآ سمعني اقول
انا جـآهزه وقف .. وطـآلعني من فوووق .. لتحت ..
قال : ان شاء الله بتطلعين جيه ..
طالعته بصدمه ... وطالعت شكلي .. فيني شي ..
قال : هالمكيـآج الي على ويـهج مسحيـه .. ولبسي عبآه سـآتره هب نفس ستـآيـل عبآآآياج الجديمه .. وتغشـي يــلـآآآ
وقح .. هالكلمه الي تتردد في بـآلي .. حتى لبسي يتحكم فيه .. بس بسكت .. وبسوي الي يبـآه ..
حصـه
فتحت عيني على صوت فآرس .. لفيت له وحضنته .. حبيب امك .. زعلت منهـآ .. ادري .. والله ادري ... اني دخلتك في شي انته مالك ذنب فيه ..
بتسآمحني صح ..!
طـآلعني وهو يبتسم ... فديت هالويه زيييييييييين .. ههههههههههههه
يلا قووم نـآخذ شووور انا وانتـه ...
.
خذ تشور سريع .. لبست فآرس .. وخليته عند آمي ... طلعت للحديقـه .. بتريق هنيه .. تعبت من الغرفه .. ومن حبس عمري فيهـآ .. تعبــت ..
مسكت تلفوني .. وارسلت المس جالي من امس وانا اخطط له ...
وابا انهي هالتعب الي اعيشـه ..
.
.
فهد
نزلت من سيارتي جدآم بيتهم .. وبالصدفه كـآنت هيه في الحديقه .. ضربت بكلام ابوي .. وعمي .. الحـآئط .. خـلآص .. أول ما شافتني قآمت .. رحت صوبهـآ .. ماباها تهرب .. ولا هيه هربت اصـلآ ... وقفت جدآمهـآ .. وعوآصف مشـآعري تضـرب بـ مركب صمودي امـآمهـآ ..
قلت : يعني ما تبينا نتفآهم ..
ابتسمت بسخريـه وربعت ايدهـآ : على شوه بالضبط .!
صـراحه ثآرت اعصـآبي بس تعوذت من ابليس : اعوذ بالله من ابليس .. خلينى نتفآهم ..
قآطعتني وهيه تضحك : ههههههههههههه .. والله وانته تتعوذ تحسنني ان الايمـآن والتدين هنيه .. يـآ .. والا اقول ما بوسخ نفسي ...
هنيه ماقدرت امسك اعصآبي مسكتها من معصمها وسحبتها للميلس وسط صرآخهـآآآ وغضبها .. فريتها في الميلس .. وقلت بعصبيه : خلينى نتـكــــلم بعقـل وبجديه ..
قآمت بغضب وهذا ما يمنع ان ملامحهـآ حلوه تجذبني
: فهد
هنيه توقف قلبي .. اسمي على شفايفها وبصوتهـآ غيـر ..
حنيت لهـآ .. تقربت منها وهدوء غريب سيطر علي وعليها .. عاصفت الغضب هدت .. وصـآر وقت لـ كلام القلوب ..
قلت لها بهمس : ما اشتقتي لي ...
ما ترييت ردهـآ .. مديت أيدي لـ شيلتي .. وسحبتها .. رده فعلها ذبحتني .. لانها انكمشت على عمرهـآ كـأن الي جدآمها هب ريلها .. كـآن الي جدآمها شخص حرآم يشوفها ..
رفعت شيلتها .. قلت : لهدرجـه ؟
طالعتني بـ جمود : وآكثر .. متى بطلقني ..!
السؤال سآلته وكآنه سؤال عادي .. قلت : كيف اطلقج وانا أحبج ......
قآطعتني : انته ما تحب الا نفسك يا فهد .. وخلنا نطلع بمعروف .. مثل ما بدينا .. ما فيني على المحـآكم
مسكتها من ايدها وشديتها لحضني : اي محـآآآآآآآآآآآآآآآآآآآآآآآكم الي تتكلمين عنهـآآآآآآآ ...!!!!
انتي اكيييييييييييييد تخبلتي .. حصــــــــــــــــه انتي لي انــــــــــــآآآآآ ...
انـــآ بس .. ولا تتوقعين تكونييييييييييين لغيري لو متي فآآآآآآآآآآآآآآآآآآآآآآهمه ...
.
.
.
التفت على باب الميلس الي انفج بقوووووووو
.. وشفت ويه حمد الي ما يبشـر بخيـر... واول شي انتهت له انها ركضت لـ حضن اخوهــــــآ ,, كآني انا اذيتهـآ .. كآني انـــآ انسآن غريب عنهـآ .. تصـرفآآآآآآآآآآآآآتها تذبحني ..
صوت حمد : ولك وييييييييييييييييه بعد تدخل بيتنـآ .. بـــــــــــــــــــرآآآآآآآآآآآآآآآآ
قلت : دآآآآآآآآآم زوجتي فيه ما طــــــــــآآآآآآآآآآآآآآآآآآلع الا ريلي على ريلهــــــــــآآآآآآ
هنيه تخبل حمد .. وهجم علي .. ما توقعت هالشي .. ابدا ما مديت ايدي .. اذا مديتها بصير انا الغلطآن ... خليته يضرب برآآآآآآآآآحته .. اصلا من يوم يومه مقهور مني ..
وما ابتعد عني الا على وآآآحد سحبه وحصه طلعت تركض من الميلس..
حمد يصآآآآآآآآآآآآآآرخ : يا النـــــــــــــــــــــــذل تدخل البييييييييييييييييت ونحن هب فيه .. تتحسب انها بترجـــــــــــــــــــع لك ...
ودرنـــــــــــــــــــي يآآآآآآآآآآآآآآآمـــــــــــآآآآآآآآآآآآآآآآيد خلني اعلمـــــــــــــــه الـآدب ...
.
قلت له بكل ضيجه : متعلم الادب الحمد الله .. يوم تكلم الريـآآآآآآآآآآيييـل اعرف كيف تكلمهم يا ولد عمي .
وهنيه طلع هو من طوره ولا سمع لا لـ كلام مآآيد الي ويـآه .. ولا لاي حد .. بدا يضرب مره ثآنيه وانا بديت ادآآفع عن نفسي .. ما حسينا بعمرنـآ الا برع الميـلس .. واصوآتنا وآآصله اخر الحـآره .. ادخل الحـآرس .. وطلعت ام حصـه وحصه شفتها تشوفني من ورى الباب ..
لحظات وتدخل مآيد وسحبني وقآل : رووووووووووووووووووح
ما ادري ليش رحت .. يمكن اهرب من الذل الي شفته .. ومن الاحتقآر في عيونها ركبت سيارتي .. ارتعبت اول ما شفت شكلي في المرآيـآ ..... ويهي كله كدمـآت .. الله يـل### .. استغفر الله ..
قمه القهر .. انك تكون مظلووووووم .. والله رآيح اقول لها خلآص ...
وانصدت في الشـقه ... حركت السياره .. وانا اقول الله يستر اول ما يدري ابوووي
عادي يطردني من البيت .. ليش يا حصـــــــــــــــه ليييييييييييييييييييش ...!!!!!!
حور
طلعت بعد ما سمعت الصوت العااااااااااالي خفت صـرآآآآحه... وشما قعدت ترتجف ..
شو صــــــآآآآآآآآآآيـر
طالعتها وقلت ما اعرف .. اصوآآت ريـآييييييييل ...انصدمت وانا اشووف حمد وفهد يتضآربون .. شو الي صـآيـر .. اول مره في حيآتي اشوف هالموآقف ... قعدت ارتجف .. التفت على شمـآ الي قآعده تقول
: منو هذيـل .. !
قلت : اخوي و ولد عمي
سحبتها ودخلتها دآخل وسكرت الباب بخووف ..
حمد
لحضآت واختفي من ويهي فهد .. وآنسحب مـآيد من المكآن وما صار فيه الا انا
الابوآب كلها انغلقت ...
رحت لمآيد الي سحب عمره من المكآن لما شاف خوآتي وآمي .. شكله انحرج ..
رحت ولقيته وآقف عند سيارته
قال : منو هذا .. وشو الي صـآيـر ..
قلت وانا اقترب منه : فهد .. ولد عمي
طالعني بصدمه .. شوا لصدمه في هالكلام.. اقترب مني وقال : لازم نروح المستشفى
قلت : شو فيك انا بخيـر ..
قال وهو يآشـر على حآجبي .. فوق حآجبك جرح عميق وينزف .. شكله يباله خيآطه .. يلا تعال
مسكني من ايدي .. رفعت ايدي الثآنيه ومررتها على حآجبي ونزلتها .. ايدي كلها دم .. الـ ### ..
مـآيد وهو يسوق السياره .. التفت لي : حمـــد ..
طالعته وانا كنت غارق في افكـآري .. قال : انته ليش ما تقعد وياه وتتفـآهمون ..
قلت بعصبيه : ما يخصك انت في السآآآآآآآآآآآآآآآلفه ..
سكت مـآيد .. ما اعرف كيف رديت على مـآيد بهالاسلوب ... بس انا متضآآيج ..
من فهد . .. وشكلي طلعت كل قهري في مآيد .. هو التزم الصمت ..
حصـه
دخلت غرفتي اركض .. دموعي الي اخفيتها امـآم الكل.. ما قدرت اخفيها عن نفسي .. لاااااا والمصيبه يقولي احبببببببببج .. يتحسبني شـرآت قبل .. غبييييييييييييييييه ما أفهم.. لآ حصـه تغيرت .. فريت عمري على السرير .. وقعدت اخرب كل شي جدآمي .. فريت المخدآت على الارض من القهر .. نظرآته تخليني اكرهه اكثـر .. شو يتحسب .. انـي ميته عليه للحيييييييييييييييييين .. اليوووووووووووم بقول لـ ابوي .. اذا ما طلقني منه قريب .. انا بروح المحكمه .. والي فيهااااااا فيهـآآآآآآآآ ..
.
سمعت صوت الباب .. فزيت ومسحت دموعي : أدخـــــــــــــل..
دخلت حور ومبين عليها الضيجـه .. قآلت : انحرجت جدآم شمـآ ..
قلت : شكلها تخآف من الاصوآت العاليه ..
آنتي ما سمعتي صوت حمد اخوج ويـآ فهد كيف عالي .. انا الي اعرفهم هم الاثنين خفت .. فمـآ بآلج هيه ...
قالت :صآدقه
سكت .. مالي نفس حتى اتكلم ..
قالت : تعرفين ان الملجه بعد يومين.. وانا للحين ما جهزت نفسي .
طالعتها .. وقلت : بتسوون حفله ؟؟
قالت : لـآ .. الظروف ما تسـآعد
.
عرفت انها تقصد موضوعي .. قلت: حور .. فرحي .. ليش رآبطه نفسج بـ ظروفي .. انا بروحي ابا اغير نفسيه .. خلينى نسوي حفله .. لو بسيطه على الاقـل ...
.
قآمت حور وعطتني ظهرهـآ.. : كيييييييف افرح وانا ما اباه .. كييييييييييييف ..
طالعتها مصدومه .. وهيه انسحبت من الغرفه .. معقوله للحين متعلقه في يوسـف ...
.
.
.
مهره
دخلت الغرفه ..ما شفته على السرير .. ارتبكت .. معقوله طلع وما حسيت فيه .. زعلان مني اكيـد .. وانا عيوني ما فارقت السـرير .. سمعت صوت ... التفت وشفته طـآلع مـآخذ شور ... ابتسمت بس هو ما التفت صوبي .. رآح صوب التسريحه وبدآ يمشط شعره ...
رحت صوبه وخليت ايدي على كتفه : زعلان مني .؟
قال بجفآف : لـآ
قلت : يوووسـف ليش جيه تكلمني .. آمبلآ زعلان
سكت ما رد .. كآن سـرحـآن بـ افكآره بعيد عني ..
سحبت المشط الي في ايده ... طالعني بغضب ... وقال وصوته فيه بحه من التعب
: مهررررره .. هب فآضي للسخافات الحين .. عطيني المشط ..
طالعته بصدمه .. فريت المشط وطلعت من الغرفه ..
شو الي فينا انا وهو هاليومين .. شوووه .. انا من اي شي ازعل .. وهو صـآير كتووووووم ومتغير .. قعدت اصيييييييح جدآم المسبح ..
.
.
::::::
في مكآن ثآني.. في نفس البيت ..
فر المشط بعنف .. وقعد جدآم المرايا يشوف نفسه .. شو بلاك يا يوسف ..
من امس مو رآضيه تروح من بالي سالفه عليا ..
ومهره وانا ما ادري شو سبب وضعنا .. لا تنكر يا يوسف .. انت عارف
حياتنا بدون يهال .. مالها لون ولا طعم..
بآهته ..
مثل اللوحآت .. الابيض والاسود ...
لبست بسرعه.. مافي غير اراقب بيتهـآ .. بـ سياره ابوي الجديمه ..
وآشوف .. اذا طلع صح الي اتوقعه .. بوآجهـآ ..
نزلت بسرعه وانا ارفع شعري الي بعده مبلل بالمـآي..
وقفت جدآم سياره ابوي الجديمه .. وبديت اغسلها . لانها كلها غبآر ..
وافكاري تتطآير نفس المآي .. الي يصطدم بـ زجآج السياره ..
نظري طآح عليها وهيه وآقفه جدآم المسبح .. متضآيجه أعرف من حقهـآ ..
اول ما خلصت غسل السياره .. بعدها هيه على وضعهـآ .. قلبي ما يطآوعني اطلع ..
شفت شكلي .. ملابسي كلها ماي شرات اليهال .. .. رحت بخطوآت وآثقه لها .. وافكآري منصبه في تغيير الوضـع ... وقفت وراها وهيه هب حآسه ..
قلت : يعني ما بتخليني اشوف ويهج
كآنت عاطيتني الظهر .. وما تحركت ..
تقربت منها وحوطت ايدي على خصرها .. قلت بهمس .. تفكرين شو سبب وضعنا الي نحن فيه ... هزت راسها بصمت ... قلت :انا اعرف الحـل..
التفت لي .. تقربت منها وهمست : أبـآ بيبي يا مهره ..
وتركت المكآن .. هيه رفضت .. انا رفضت .. بسنا من التفآهـآت الي ما بتسوي لنا شي .. ننكر حآجتنا ليـآهل ,, لـ متى .. صدقه ابوي.. ما كذب ... ركبت السياره وطلعت من البيت ... ..
.
حور
دخلت غرفتي وسكرت الباب .. مابا اشوف حد .. نظرته قبل شوي تكفيني ..انا شفته اكثر من مره .. من زجآج غرفتي .. لما زارنا للخطبه.. وغيرهـآ كم مره .. بس ولا مره شفته ويه لـ ويه .. لما قالت لي شما انها بتروح .. وقفت عند باب الميلس اسلم عليها .. كآن في السياره .. ما ادري شو الي خلاني التفت له .. طالعني بنظره يبين لي انه زعلان مني .. لاني ما ارد على مسجآتـه ..
تغير لوني... احس ويهي صآر بآهت.. حتى شما تمت اطآلعني .. أستآذنت وطلعت .. وانا رحت لحصه .. ما اعرف كيف اتعامل وياه.. كل شي فيه اقآرنه بيوسف .. وكل مره كفه يوسف هيه الي تمييل ...
تلفوني يعلن وصول مسـج .. اكيد هو .. انا ما افتكيت الا اخر يومين .. لما ما قعد يرسل ..
رفعت التلفون ..
.
.
أهتمي بنفسج ..
ويهج شآحب و متغير .. لا تفكرين وآيد ..
كل الي في خآطرج بنفذه لج ..
.
.
عصبت من كلآمه .. هذا شوه ما يحس ..
مسكت التلفون وارسلت كلمه وحـده
" شكراً "
.
ما ارسـل .. ولا انا رديت اكلمه .. قال ويهي شآحب قال ..
نزلت لـ امايه .. ربيعاتي كلهن بيحضرن .. لازم اكون قمر .. وآخليهن يعرفن اني احلى وحده فيهن ..بروح اخذ لي فستآن.. واختار خبيره تجميل تعدلني يوم الملجه ..
.
عمر
طلعت من الحمـآم بعد ما خذت شور .. شفتها قاعده ولابسه عبآتهـآ .. بخليج تتخبلين يا سـآره .. ما اكون انا عمر ..
طالعتها وقلت: ليش لابسه عبآتج ؟
قالت وهيه توقف : ما بنرجع البيت ..
لفيت لها .. ورحت وانا ابتسم.. كآن الخوف مرسوم رسم على ويهـآ ..
قلت وانا اتقرب منها وامرر ايدي بلطف على ويهـآ ..
: قلبي .. منو قال بنروح .. أنتي نسيتي .. نحن معاريس .. لازم نآخذ رآحتنا
طالعتني وبدت تتلعثم بالكلآم .. : بـ ..بـ س.. اأ أ .. انت قلت
خليت صبعي على شفايفها امنعها تتكلم ... قلت : امس شو قايل لج انـآ .. يوم اقول .. تآكلين .. تآكلين .. يوم اقولج .. نقعد يعني نقعد ..
تجمعت الدموع في عينها وهالشي يرضيني ... قالت : ان شاء الله ..
سحبت شيلتها بلطف .. وانا احس انها بطيح من الخوف .. قلت : بعدني ما شبعت منج ..
آنكمشت على نفسها .. ضحكت بصوت عـآلي : ههههههههههههههه .. سآره .. انا عمر .. زوجج .. يعني لازم ادلعيني شوي ..
رفعت عيونها لي بخجل ..معقوله صدقت الكلام.. كنت بنفجر وبضحك مره ثآنيه بس مسكت عمري ..
قالت : آمرني ... شو تبا مني.. بسويه ..!
طالعتها بـ أستغراب .. وقلت : لبسي بنطلـع .. ونفس ما قلت لج .. كيف ابآج لما تظهرين .. ؟
هزت راسها بموآفقه .. وركضت للغرفه الثآنيه ..
وين بوديها الحين .. وييييييييييين ..!! ....ضحكت بخبث .. ماشي الا هنـآك ..
بخليج ترجعين منهــآآره يا سـآره ..منهـــــــآره ..
.
.
ســآره
ركضت الغرفه الثآنيه .. برتب شكلي .. ونفس ما قال عمر .. ما بخلي شي على ويهي .. كنت لابسه فستآن نـآعم .. رميته ولبست جينز .. وقميص لونه بيج .. وفيه لولو بشكل جذآب .. رتبت شكلي وشعري .. وسويت مسكره وبلشر بس .. عشآن ما يقول لي مسويه مكيآج ..
وانا اشوف عمري في المرآيـآ .. رفعت ايدي ومررتها على خدي .. المكآن الي مرر فيه اصآبعه بلطف .. ولـ أول مره احس عمر .. منجذب لي.. كـ آنثى..
وبخليه يحبني .. ويعشقني بعد .. وبينسى الي صآر .. طلعت عطري وتعطرت على الخفيف ..لحضآت وسمعت خطوآته .. عند الباب ..
فتحه وانا ابتسمت .. قال وهو يغمز : يلآ
تقدمني وانا بعدني مخليه ايدي على قلبي .. ريحه عطره .. مع الغمزه .. كآنت بتسبب لي اغمآء .. نسيت معاملته امس .. في لحضـه .. تبعته .. وانا ما ادري شو مخبآي لي في هالطلعـه ..
نور
وعيت الصبح .. وترتبت بسرعه .. وبشكل نآعم وطلعت .. بروح اشوف آمـآيه عآيشه ..آمس قالت لي تباني على الريوق ويآهـآ .. ركبت السياره ..
قلت : حمد الله على السلامه رشيد
ابتسم : شكرا نور
.
شغل اذآعه القرآن الكريم .. وكـ العاده يعرف بيت سـآره ..وآنا في الطريق .. رجع لي مشـهدي وانا اهرب من مـآيد .. ماقدرت اوقف واتنآقش واتحاور وياه ..
ما قدرت .. على طرف لسآني كلام وآيد .. وآآيد وآحآسيس ,, اول مره احسهـآآ .. اخاف اصارحه .. وآخآف من رده فعله .. من كلآمه وياي .. آحسه للحين ما نسى .. الموقف الي كآن بيني وبينه ... صوت رشيد رجعني للوآقع
: هذا بيت ساره ..
نزلت بسرعه .. وفتحت الباب .. آكيد محد في البيت الا امايه عايشه .. وابو مـآيد .. عمر في الفندق .. ومايد بيدآوم ..
قلت : صبآآآآآآآآآح الخييييييييير
التفت لي امايه .. وفتحت لي ايديها .. رحت اسلم عليها وقالت
: عقبال ما افرح فيج
ابتسمت .. قلت : خليني اتخرج قبل ..
ضحكت : متى دوآمكم ؟!
قلت : بعد 3 ايام تقريبا ..
رفعت ايدهـآ : الله يوفقج ويوفق سآره ان شاء الله
.
.
قضيت ساعتين وياها .. سوالف وضحك ..
احبها وآيد ..لحضآت وانفج باب الاستقبال .. وظهر هو جدآمي ..
ومن منظره ما قدرت اكتم الشهقه .. شهقه خوف .. ...
حاولت اكتمها ما قدرت .. كيف اكتمها وانـأ اشوف في ملابسه دم ..
مآيد
دخلت البيت .. بعد ما وصلت حمد بيتهم .. كنت حدي هلكآن .. من الطواري في المستشفى.. ما لآحظت ملابسي فيها دم .. الا لما سمعت شهقت نور .. رفعت نظري اطالعها ..
ركضت صوبي امايه عايشه : مآآآآآآآيد شو فيك ؟؟
قلت وانا اهديهـآ : لا ماشي .. هذا دم ربيعي ... مسوي حآدث بسيط
قالت : وشخباره بخيـر ؟
ما قدرت ما ارفع راسي وانا اشوفهـآ وهيه اتمتم وتقول " الحمد الله "
قلت وانا ابا اشغل نفسي بـ شي ثآني : بخير الحمد الله .. امايه ابا عصير او اي شـي بارد ..
طلعت اركض لـ غرفتي .. مابا اجتمع بـ لحضآت اكثر ويـآهـآ .. بس سؤال يدور في خـآطري.... تخآفين علي .. ؟!
خاطري اسئلها .. ابا اجآبه صريحه .. ويمكن ابا اجآبه وحده .. هيه آخاف عليك ..
دخلت الحمـآم .."عزكم الله " .. خذت شور سريع ..
وطلعت .. اكيد رآحت الحين .. نزلت للصآله .. بس شفتها هيه .. وامايه محد .. قمه الربكه .. انا اتجنبها..والصدف تجمعنا ويا بعض .. وبروحنـآ ..
.
.
قلت وانا ابا اكسر الصمت .. وكلام العيون..
: وين امـآيه ؟
قالت : رآحت عند ابوك .. تشوفه اذا بينزل يتريق
سكت .. ما عرفت شو اقول .. رفعت راسي على صوتها
: عصيرك ..
كآن على الطآوله .. كنت متوجه اخذه .. ما قدرت اكتم الكلمه اكثـر ..
قلت : حور .. تخآفين علي ؟
.
.
حسيتها انصدمت من سؤال.. وطآلعتني كآنها اطآلع في الفرآغ .. كنت اشوف شفآيفها اتريا كلمه هيه ..
.
.
نهآيه البـآرت
يـآ عسـى ـآ أيآمكم كلهـآ أعيـآد .. أحبتي ..!
نلتقـي ..
.
.
26-11-09, 01:02 PM
يعني شو بيستوي بك جان اتاكدت من السلافة قبل لا تخرب بيت اختك
جديد مواضيع قسم القصص المكتمله من وحي قلم الاعضاء
العرض العادي
