مهره
في غرفته الخاصه .. الكل موجـود ... كنت ناسيه الكل وقاعده عداله ... ما صدقت انه فج عيونه ... وتكلم ..اول كلمه قالها
: سالم بين اليهال كآآن ؟؟ لقيتوه ؟؟
ترددت والكل كان ينتظر ردي .. قلت : لا ...
سكر عينه ... مآ كنت ابا اكذب عليه وفي نفس الوقت .. متآكده ان يوسـف ما اقدر اخدع عليه بكلمتين ...شفت فهد يقرب منه وقالـه : الف سلامه عليك ... ليش سويت جيه ... ليش تعرض عمرك للخطـر ؟
رد : قلبي يحترق يا فهد ...
تراجعت للخلف وقعدت على الكنبه عدال حور ... وحصـه .. عمي من فر علي الكلمتين الصبح .. ما رجع ..
لحضآت .. حاولنا فيها نغير الجو السآيـد .. سوالف وضحك .. يوسـف طلع من زعله ..
فهد : حصـه يلا قومي نروح...
مسكت ايدي : رجعي بيتج وارتآحي .. فهد بيوصـلني وبيرجع يبات عند يوسـف ..
قلت : بس
قالت : شكلج تعبانه ... اليوم ارتآحي وهو ما عليه شـر
التفت تلقآئيا صوبـه شفته يطالعني .. هز راسه بـ ايجآب ...
قلت : خلاص جاسم الحين بيي وبروح ويآه ..
:::
حور
عمتي ام فهد رآحـت ويـآ فهد وحصـه .. ما بقى غيري انا وآمـآيه .. ابويه رآآح من وقت ويا حمد ... شفته وهو يسولف ويا مهره بصوت خفيف .. قلبي يحترق ..
امايه : حور يلا ابويه وصليني ...
طالعتها وانا اقول في خآطري .. دخيـلج امـآيه بعدني ما شبعت منه .. ما صدقت اشوفـه ..
قلت بهدوء : ما تشوف شـر يوسـف
ابتسم وقال: الشر ما اييج .. مشكوره على الزيآره يا حور
ابتسمت لي السآحره ( مهره ) ... ما يايه الا ابا اشوفك واشبـع عيني منك ...طلعت وانا احس بحزن .. هاللحضآت هل ممكن تتكرر .. اشوفه برآحتـي .. اكلمه .. الدمعه في عيني .. امـآيه كآنت تمشي جدآمي وانا ورآهـآ .. شهقت
: آمـآيه نسيت السويـج على الطآوله في الغرفه
قالت وهيه معصبـه: الله يهديج يا حور تعبنا من القعده .. يلا بسـرعه روحي هاتيه
ركضت بسـرعه صوب الغرفه مره ثآآنيه .. ممكن الله كتب لي لحضـه اخرى اشوفه فيـهآ وقفت عند باب الغرفه ومن زجآج الباب شفت شي خلاني انهـآر .. شفتهم في مشـهد حميمي .. يوسـف ويا مهره .. وقفت بصدمـه .. حسيت اني في كوكب وهم في كوكب آخـر .. احـلآمـي .. تهدمهم .. انا ما آعني له شـي .. شفته يمسح دموعهـآ ويسحب ايدهـآ ويحبهـآ .. دقيت الباب وانا بعدني ما وعيت من صدمـتي ... قلت : نسيت السويـج
خذته وكنت اركض ابا اظهر ... مابـا اشوفه في عينـه خلآآآص ... دموعي بتنزل ... رفعت رآسـي وانا اشوف شخص واقف جدآمي .. وصوت مهره : هلــآ جآسـم تفضـل ..
طلعت بسـرعه وانا ابا اهرب .... ما اعرف كيـف سقت السيآره للبيت ......
:::
قآم من نومـه على صوت التلفون ... رفعه وشآف اسم مـآيـد ..
قال بتعب : الو
ياه صوت مايـد :
How are you ?
رد : اسمهـآ شخبآرك ؟!
ضحك وقال : شخبآرك
رد حمد : بخير الحمد الله وينك انته ؟
رد : في البيت
حمد : اي بيت .. هي قايل انته ماعندك بيت وتعيش في الفندق
مآيـد : سالفه طوويـله .. تعال عند البحر .. المكآن الي التقينا فيه اول مره ابا اسولف ويآك محتآي افضفض
رد حمد : اوك .. مـآيـد باجر لازم تشوف ابويـه تراني رمسته عنك ..
مآيـد : تسـلم لي يا الغالي .. تعال انته بسولف ويآآآك هنآك ..
قآم حمد وخذ شور سـريـع ... لبس كندوره بنيه وغتره بنفس اللون .. وتعطر بدهن العود.. وطلع مر من عدال قسم آخـته .. دق الباب وفجه .. المكآن ظلآم .. شآف سآعته .. السآعه 8 في الليـل .. اكيد رجعوا من عند يوسـف .. دق باب غرفتها وفتح الباب .. شآفهـآ يالسه على الارض .. شعرها مغطنها وتصيح .. والمكآن يشتغل فيه التكييـف ماعد ان الجو بـدا يتغيـر ويصير بارد هاليومين.. رآح صوبـهـآ
همس : حوووور ؟
شهقت ورفعت شـعرها .. طالعها منصدم : بلآج ؟
تلعثمت : ماشي بس ... بس
قال لها : بلآج؟
قالت بتهرب : ماشي بس علامتي في الامتحآن الاخيـر هب زيـنه
ضحك : كل هذا عشآن امتحآن .. اقول قومي غسـلي ويهج يلآ ..
طلع بسـرعه ورآح صوب البحـر ..
جآسم
حاولت اركز في الدرب .. التفت صوب مهره .. ابا اقولها بس مستحـي ..
لازم ما تترد .. الحين مهره مطمنه على يوسـف .. وهذي فرصتك .. صآر عمرك 28 .. متى بتعرس ..
قلت بتردد : مهره
طالعتني .. قلت .. : منو هذي الي طلعت من غرفه يوسـف اول ما دخـلت ..؟
قالت : هذي بنت عمـه ..
آكيـد الي ماخذنهـآ فهد .. فضيحه اسآل عن وحده معرسـه .. شو بتقول مهره عني .. ترددت مره ثآنيه .. التفت عليها بلهفه وانا اسمعهـآ تقول ..
: كآنت يايه ويا امهـآ ونست سويـج سيارتها
عرفت كيـف ادخل واستفسـر دون ما تشك .. قلت : مـآ شاء الله فـهد مخلنها تسوق .. احيده تقليدي بزيآده .. و..
قاطعتني : لااا هذي اخت حرمه فـهد ..
::
تنفـست برآحه يعني هب معرسـه .. هذي الصـغيره .. قلت : شو رآيـج فيهـآ ؟؟
قالت : حلوه وهآديـه وآآيـد ..
حلوه .. والله كلمه حلوه قليـله عليها .. شلعت قلبي ... صح نظرآتنا التقت للحضـه .. بس ما تنوصـف .. حتى ما شآفتني .. نزلت رآسهـآ وطلـعت ..
كنت سرحآن بشكلها .. سمعت مهره : عيبتك ؟
هنيه صدق ارتبكت .. ما عرفت شو ارد .. ضحكـت ..
قالت : ترا البنت حلوه وعايلتها معروفه .. اذا عيبتك قولي من الحين .. على الاقـل بلمح لهـآ او لـ حرمـه فـهد .. على اساس ما اطيـر من ايدك ..
ابتسمت .. وقلت : توكـلي على اللـه .. بس خبري امـآيه
قالت : ان شاء الله ... جآآآسم ,, باجر مر علي الصبـح بروح مشوآر مهم .. واباه سـر بيني وبينك
طالعتهآ وقلت : تآمرين امر ... يلآ مع السلآمـه
فتحت الباب ونزلت ... حركت السياره وانا أحس برآحه .. لـ سببين .. اولهن .. يوسـف ..
تآكدت انه بخيـر .. والحمد الله .. صح ما لقى ولده .. بس على الاقـل ما خسرناه والا كـآنت
بتموت مهره .. ثآني شي .. التقيت بـ نصيبي ... او الي بتكون نصيبي ..
فهد
طلعت من الحمآم بعد ما خذت شور سـريع .. ما نشفت شـعري .. احس بضيجه على يوسـف وحاله ... يـلست على الكرفآيـه .. وسـرحت وما حسيت الا بصوتهـآ ..
: فـهد .. يالس جيه بتمـرض . .
ركضت ويآبت فوطـه وبدت تمسح المآي الي في شـعري وتنشـفه .. ابتسمت .. مسكتها من ايدها ويلستها عدآلـي ..
: حصـه ..
قالت : آمـرني..
طالعتهـآ .. ومررت ايدي في شـعرها .. : مرآت احس انـي بطرآآن ... كل الي كنت اسويـه .. وانا راحتـي ويآج .. شوفي يوسـف ... هب مرتآح وبعد يعامل مهره احسن معاملـه .. مرآت
احس ان الي سويـته ..
قاطعتني وخلت ايدهـآ على جتفـي .. وقآلت : خلنا ننسى الي صآر .. وبعدين انته وآعدني انك ما تجرحني مره ثآنيه .. صح .. ؟
طالعتهـآ ,, تقربت منهـآ بشوق .. مررت ايدي على خدهـآ .. .. بس هيه منعتني طالعتها مستـغرب ..
قالت وهيه تضحك : لازم تروح تبات عند يوسـف اليوم ..
ضربت على يبهتي : اووه نسيت ..
ضحكت وهيه ضحـكت .. قلت : بس لا تعذبيني ... خليتي اللبس واطلـع ..
لبست بسـرعه كندورتي .. وطلعت .. سمعت صوتها وهيه تركض ورآي في حوش البيت ..
التفت لها .. قالت : ما تبا عشآ ؟
قلت : برد عليج دخلي دآآخل وقفلي عليج انتي وفآرس يوم برجع الصبـح بتصـل لج تفجين الباب ..
ابتسمت وقالت : تخاف علي وعليه ..
قلت : انتو حيآتي الحين.. شكلي اليوم بخلي يوٍسـف بروحه
ضحكت وقالت : يلآ روح
ما حركت السياره الا بعد ما تآكدت انهـآ قفلت الابوآب .. طـلعت ورحت صوب المستـشـفى ..
:::
على البحـر
وقف سيآرته .. تنهد ونزل .. اليوم تجدد الجرح يوم شآفها ... اول يوم تركـهم كلهم فيـه .. حس انه تركـهـآ .. وانتهت نور من حيآته بس لما شافها .. الجرح نزف ... وتعب اكثـر .. يبا يهرب .. بس ماله الا درب وآحد .. وطريق وآحد .. في نهايته نور .. محد غيـرهأآ .. يمكن وهم الي يعيشـه .. ما يدري ...
سمع صوت سيآره وراه .. بس لما تكون على البحـر .. ما تبا شـي الا انك تضـل تشوفـه .. لان كل لحضـه تختلف عن الثآنيه ... ما يدري ليش يحس ان الي حولـه هنيه كومـه من النقآء الي تخلي روحـه تصـفى وترتآح ....
التفت على صوت حمد : عنبــــــــــــــــــوووه .. ربـع ساعه انا واقف ولا عبرتني ..
ضحك وقال : تعال شوف .. البحـر يغسـل همومي ..
مآيد بأالنسبه لـ حمد .. شخص غامـض .. يبا يعرف شو سـره ..
قال : تحـــــــــــــب ؟!
السؤال كآن هزه لـ مآيـد .. طالع حمد .. انسدح على رمـل البحـر وقال ..
: تعال تعال اقعد وتنفـس ...
قاطعه وقال : لا تهرب ..
نثـر الرمل الي علق في ايديه وقال .. : تعال ايلس هنيه
يلس مجابلنه .. قال : يعني ما بعرف شو قصتك ...
قال : يآ آخي اول مره اشوف وآحد يبا الهم والغم ..
ضحك حمد : هههههههههه .. هيه ابا الهم والغم .. بس انته خبـرني ..
مـآيدري شو الي خـلآه يكلم نفسـه او بالاحرى يكلم حمد..غرقوا في حديثهم ... وما حسوا الا على صوت
:::
الله أكبر، الله أكبر
الله أكبر، الله أكبر
أشهد أن لا إله إلا الله، أشهد أن لا إله إلا الله
أشهد أن محمداً رسول الله، أشهد أن محمداً رسول
:::
رفع رآآسـه للسمآ .. معقوله السآعه 4 ونص الحين ..
حمد التفت له .. : انزين خلنا الحين نروح المسيد نصـلي .. وبعدها تخبرني شو سويت اول ما وصلت البلآد .. وطلعت سالفتك سالفه يا مـآيد
طآلع حمد بآستغراب .. الي يشوف حمد ما يقول هذا شخص موآضب على صلاته .. مع حمد يحس انه يكلم نفسـه ماعدا انه ما شافه الا من يومين .. سبحآن الله ... الي يزرع محبـه نآس نعرفهم في لحضآت .. وما نعرف عنهم شـي .. بس مثـل ما يقولون الانطبآع الآول .. مهم .. واغلب الاحيآن صآئب ..
قال من غيـر تردد : حمد.. انته موآآضب على الصلآه ..؟؟
حمد كآن قآآيم .. يبآ يشـغل السيآره .. وقف طآلع مآيـد وابتسـم . . ما يلومـه .. ويلومه بعد ..
قال وهو يتقرب منه .. : مآيـد .. ما تقول لي انك مضآآيـج .. تحس انك هب مرتآآح ..
هز رآآسـه .. بـ تآآكيد على كلآم حمد
اشر على المسيـد : هنآك رآحتنـآ .. ربك .. يسمعك .. قبلي انا .. وقبـل ابوك .. وقبـل آخوك ..
خلنا نصـلي وبعدهـآ نكمل حديثنـآ ..
::::
سآره
أووووف .. منو هالغثيث الي يدق الباب في يوم اجآآزتـي .. اوووف .. ما يكفيني امس نور مـآ أعرف شو بلاهـآ كله سـرحآنه وأنا الي اشتغلت على البروجكت كآمل ...
قلت بعصبيـه : منوووووووووووو ؟
رد وقال : انا عمر .. بسآلج شفتي مايد والا تعرفين وين بآت ..
فزيت بسـرعه وقلت : لا
وين رآح مـآيـد .. امس في الليـل على الساعه 7 كان موجود.. لا يكون شي صآر بينه وبين نور .. قمت وخذت شور دآم النوم طآر من عيني ... وطلعت ونزلت تحت شفته يالس ومعصب ..
قلت : صبآح الخيـر
قال : هلا ..
من طرف خشمه يـرد .. ما ادري شو بلآه .. كل هذا لان مايد هب موجود ..
قلت : ما عرفت وينه ...!
قال : ما يرد علي ..
ابتسمت وقلت : مايد هب يآهل اكيد بيـرد عليك .. يمكن مشغول ..
ما رد علي .. الظآهر كلامي ما عيبه .. قلت بتردد : متى بترجع امـآيه وخالي ؟
قال : ما اعرف
عافآنـآ الله ...شو بلاه هذا ..
طلعت ورحت غرفتي .. آحسن لي ...
:::
فهــــد
فتحت عيني على صوت يوسـف .. ما حسيت الا وانا على الارض طحت من على الكنبه .. ضحك يوسـف : هههههههههههههههههههههه .. عنبوه شو بلآآآك
ضحكت على عمري .. : صبآح الخيـر
قال : صبآح النور.. يلآ قوم عنبوه انا من ساعه قآآيم اتريآك توعى ابا اظهر مليت من المستـشـفى ..
فتحت عيوني على وسعهاآ : شو تقول انته
قاطعني : ارتاح اكثـر في البيت
سكت .. قال : ردت لك ؟
تفآجأت ... وهالشي خلى يوسـف يقول : هي قالت لي ...
ابتسمت : هيه رجعت .. ما تصدق شكثر انا فرحآن
طالعني وقال : ودر خرابيطك
ضحكت : ان شاء الله ...
لحضات واندق الباب ودخل حمد ويا وآحد من ربعه .. اول مره اشوفـه .. عرفنا عليه .. ويلس ويا يوسـف يسولف .. رن تلفوني .. وكآنت سآره .. مسكت التلفون وطلعت ..
: الو
ردت : هـلآ فهد شحالك ؟
قلت : انا بخير الحمد الله .. شخبارج انتـي ؟
ردت : لو تهمك اخبآري سآلت .. على العموم انا ابا اشوفك .. ضروري
رديت وانا اقول في خاطري هذا وقته .. لازم اشوفها ..
قلت : سآره اشوفج في الشـقه اليوم في الليـل على الساعه 7 .. اوك ؟
ردت سآره وهيه بعد في خاطرها وايد اشيآء : اوك ... اشوفك
::
للحضه .. ما صدق الي سمعه .. فهد بعد ما رجعت له حصـه .. بعده على خرابيطه .. دخل الغرفه على يوسـف .. وهالمره ما بيسكت خلآص .. بيلعم فهد الادب ... وبيخليه يعرف ان حصـه رآح تكون بعيده عنه .. مثـل بعد الثرى عن الثـريآء .. صدق انه ما يستـآهل ظفرهـآ .. وزمن السكوت انتهى ..بيكون له فعل .. وفعل محد يتوقعه ..!
.
.
هل ستكتب لي لحظات فرح معهـآ .!
ام انها ستنتهي ..
وسـآنتهي ..!
.
نهـآيه البآرت
اتلهـف لـ مصـآفحـــه انتقآدكــــم وارآئكم ..
ردودكـم تعني لي الكثـير .. فـلـآ تحرمونـي منهـآ ..~
دمتم بـ ِ هذا العطــآء
.
.
لكم
الاقـرب الى ورحي في هذا البـآرت
مشـهد مـآيد وحمد على البحـر ..
لآمسني .. اتمنى ان يكون لآمس شيء في نفوسكم
آحبتي ..!*
15-10-09, 10:37 PM
جديد مواضيع قسم القصص المكتمله من وحي قلم الاعضاء
العرض العادي
