البــــــــــآرت العـآشــــــــــــر ..~
.
أدوّر بين الوجـوه ..
يمكن القآه ..
لآآآآه
مـآله أثـر ~
.
.
طلعت مـن غرفه سآره على الصوووت القوي الي اسمعه .. فتحت الباب .. شفت مآآيـد يرقع باب غرفه ابوي ويطلـع ... تميت سآآآكـت ... رحت صوبه
: شو صـآيـر ؟
قال : انته اخر وآحد يتكـلم ؟؟
هذآ اكيد تخبـل ... ودرني ودخل غرفته
رجعت بشوف العله سآآره .. انا تعبت .. شو الي خلآآني ارد من بريطآنيا .. كنت من البيت للمستشـفى مرتآآح هب مسؤؤل عن حد .. ولا احآآتي شـي .. فتحت الباب .. وقست درجه حرارتها .. شكلها نآمت ورجع الوضـع طبيـعي .. طلعت بسرعه .. رحت غرفتي ابا اختلي بنفسـي وارتب افكآآآآآآري .. اول ما دخلت الغرفـه سكرت البآب بقو .. .. فريت عمري على السـرير .. ريـحه عطر.. قربت قميصي من انفي .. عطر هالسآآره .. قمت بسـرعه .. فريت القميـص .. ما يعطر صدري الا عطرج يا امـل..
لبست لي بجآآمه .. وانا متضآآيـج .. شو اسوي ..؟؟!!
::::
ليلتها اليووووم غيـر .. اليوم انكشـف لها سـر كره بنتها لها .. قضت الليـل تنشـف دموعها وتسكبها مره ثآآنيه .. وتمسح الدمـع بآلدمـع .. يمكن هيه غلطت انها ما فهمت بنتها .. كآآنت تتوقـع ا نالي تسويـه حمآيـه لها ... لحضآت .. وقآآمت من سريرها ... وقفت جدام الكبـت .. وقعدت تقلب صور قديمه .. صور لسآره في برآئتها وطفولتها .. لـيش.. ليـش تحولت لـ انسآآنـه تلاشت منها مشآعر الانسآآنيـه .. اذا امها سوت فيها جيـه .. كيـف تتصـرف ويا غيرها ... خلآآص من اليوم بتتغيـر .. بتصـير قآآسيـه تعامل بنتها مثـل ما بنتها تعاملها ... بسها من الدلع ... هذا الي وصلها للي هيه فيـه .. بتدعي لها ...
دمـَعنْ تنـآثـَرْ وأتعـَبْ الكف لمـَه
ومـَنْ حيـَرتيْ قمـَتْ أمسـَح الدمـَع بالدمـَع
من حيآتي }~
عآآمـل النآس كما يعاملوك..
وليس كما تريدهم يعآآملوك..
لانهم لا يآآآآآبهون بمـــآآآآ تريــــــــــــــــد ..
متضآآيجه من حال بنتها... بس ما بيدها شي تسويـه .. تبا تروح بيت الله.. هذا الي فكرت فيـه ... هنآك .. الي هب مرتآآآح يرتآآآح .. .والي متضآآيج الله ايسـر له اموررره ... خلآآآص من بآجر بتكـلم ابو عمـر .. تباه ويآآهـآ .. تب تغسـل كـل القهر الي في قلبها على ابو سآآره .. هذا الي مآآ يخآآف ربـه ..كآآنت تدعي (( حسبي الله عليــــــــه .. حسبي الله عليـه .. دمرني ودمر بنته ... لاحـول ولا قوة الا بالله ...~))
سآآره
فتحت عيوني بتعب ... لحضآآت واسترجعت الي صآآر امس .. بدت دموعي تغرق عيني .. بس تلاشـت وانا اسمع تلفوني يرن ...
( نور حيآتي ~)
نورر .. هذي نور .. كنت بتهووور .. وبمسك التلفون.. وبقول لها الي فخآآطري والي صآآر .. بس يمكن تقول نفس كلآآمهم .. نفـس كلآآم الكل عني .. مسحت دموعي ورديت وانا بحآآآله طبيعيه ...
: الو
ردت : سآآرونه .. ما اشوفج وصلتي .. وينج ؟؟
رديت : انا.. ما بداوم .. تعبانه شوي
ردت : ســلآآآآمــتج يآقـلبي ... اليوم من اخلص دووآآم بمر عليج
ابتسمت : الله يخليج لي يا قلبـي ..
سكرت .. دخلت الحمآم ( عزكم الله ) ... وخذت شووور .. وطلعت .. شفت مقيآآس حرآره على الطآآولـه .. شو هذآآآ ؟؟ منو دآآخـل غرفتي ؟؟؟!!!.....
نور
اليوم ما دآومت سآره .. هالشي خلآني وحيـده في الكلآس .. ما احب الا اقعد عدالها ,, كآن يراقبني .. تذكرت كلمآته .. وحيد .. معقوله .. ما اتوقع .. انا اذكى من انه يخدع علي بهالكلمتين ..طلعت من الكلآس ركبت السيآره ...
ونحن في طريج البيت .. السايق مر على محل .. شكلها الوآلده طالبه منه شي .. البحـــر
التفت له وضحكت .. ليش يا في بالي مآيد الحين .. في شخصيته نوع من الغبآء . ما ادري كيـف.. يعني يلمس خدي ويبآني اضحك له .. رفعت ايدي لخدي ومررتهـآ عليه .. ليش تضآآيجت وآآيد من قرب فيصل .. بس مآآآيـد .. صح تضآآيجت ... بس ما اعرف كيـف يمكن يكون خجل اكثر من ضيجه او عدم قبول ... التفت على الباب الي يتسكر ... بعدت الفكره من بالي ..
قلت : رشيد وصلني بيت سآره
حصــــــــــــــه
مررت ايدي في شـعري .. شو بتسوين يا حصيص .. ابا ارتآآح وبعدهآ افكـر شو بسوي فـي سآلفـه فـهد .. التفت لـ فآآرس الي يطآلعني ببرآئـه
: قلب امك ما بتنآآآآمـ ؟؟!!
طالعني وابتسم .. وآآيـه فديته .. تقربت منه ويلست ادغدغه وابوســــــــــه .. فديت هالويه .. عسآآآآآآآآآني ما خلآآآ منك .. سمعت البآآآب
آكيـد حووور .. قلت : حووووووور يا الغثه دشـي ..
ضحكت وفتحت البآآآب : شدرآآج اني انا ؟
قلت : ومنو غثيث غيرج في الحيآآه
بوزت : يعني حمد هب غثيث .
قلت : لا فديته دمـــــــــه مثـل العسـل ..
طالعتني وقآآآآلت .. : شخبآآآر مهره ؟؟
طالعتها وقلت : حوووور .. مهره ما نآآقـصه بلآآآوي
فزت وقآآمت بتوتـر : وانا شو سويت ؟؟
قلت وانا اروح صوبهآآآ .. خليت ايدي على جتفها .. وقلت :
تتحسبيني ما احس فيج .. انتي معجبـه بـ يوسـف..بس اقولج .. ترى مالج امـل ويآآآه .. هو يحب زوجته
ردت حور بوقآآحـه : وهيه ما يابت له يهاااال
قلت : حووووووووور .. شو هالرمسـه ؟؟
ودرتني وظهرت .. الله يهديها ... ما ااعـرف شو سـر هالانجذآآب لـ يوسـف ماعدا ان يوسـف يعاملها حالها من حالي ... الله يهديها .. بس انا مطمنه ان يوسـف ما يبتعد لحضـه عن مهره ...
مهره
رن تلفوني .. شفت الاسـم .. عليا تتصـل .. رديت وانا ابين لها اني زعلانه
قالت : السلآآم عليكم
: وينج يا القآآطـعه ؟؟؟
قالت : ردي السلآآآآم ...
رديت : وعليج السلآآم .. عليوه دريتي شو صآآر ؟
قالت : لا فديتج ما دريت
قلت لها السآآلـفه كلها .. من بدايتها لـ نهايتها .. كنت افكـر بكلآآآآم حصـه يوم تقولي ان يوسـف يبا عيآآل
قالت : مهره انتي تخبلتي ؟؟؟ كيـف تفكرين هالتفكيـر ؟؟ من يشوف الولد الثآآني بينسـى سآآآلم .. وما بيسآآل عنه .. وانتـي الي بتتعذبين ... وهب بعيده تنسينه بـعـــــــــد
فز قلبي .. رديت : لالالالالالالا خلااااص انا بنسى هالسآآلفـه
قالت : هيه خلج ثآآبته على موقفج ... شو بلآآآج .. عشآآن هو متضآآيج .. تسوين جيـه .. وانتي يعني هب متضآآيـجه .. وانا اعرف يوسـف واضمن لج انه ما يفكر هالتفكيـر .. بس اهله مآثـرين عليه .. اقول .. انا بسكر الحين .. عندي اوراق مهمه اراجعها ....
سكرت وانا قمت الم آآشـغالي المهمه ... خليت لي ملآآبس .. وبعض الاغرآآض.. وقفت عند المرآآيأ .. صرت مهمله لنفسـي .. ولكل شي.. يلست على الكرسي جدآآم التسـريحه .. بحاول اغير نفسيتي .. لاني تعبت من التعب .. خلآآص ..
للحضآت .. اريـد ان اتغيـر ..
الا انني ادرك .. ان التغيـر يحتآج قوه ..
وانآآآ هشـه ...}~
:
عمر
طلعت معصب بعد خلآآفي ويا مآآيد .. اول ما شفتها ارتفـع ضغطي .. هذيـل الاثنين من طينه وحده ما يحسووون باهلهم .. طلعت .. اليوم يبدا دوآآمـي ومن بدايتها جيـه .. لبست بسـرعه بعد ما خذت شور.. وطلعت .. ركبت السيآآآره .. وتوجهت للمستشـفى ... اول ما دخلت .. توجهت للرسيبشن .. اسآآل عن مكتبي ااذا جهز وفي اي طآآبـق .. شفت وحده مآآسكه المآنكيـر وترمس في التلفون
قلت : لو سمحتي ..
لفت الكرسي وعطتني ظهرها .. فتحت عيوني على وسعها .. هذي اكيد خبـله .. اذا حد تعبان دآآخل جيه بتعآآمـله .. اذا هذي بدايتها ينعاآآف تاليها
قلت : لو سمحـــــــــــــــتي
قالت وهيه اطآلعني : ارمسج بعدين في وآآحد غثه هنيه جدآآمـي
غثه .. غثه يا قليله الادب .. قلت : بغيت اسآآل عن مكتب الدكتور عمر الـ...؟؟
قالت وهيه اطالع الاوراق الي جدآآمها : هذا الدكتور بعده ما وصـل .. شكله هآآآيت في بريطآنيآ .. تعال بعد يومين والا تباني اوصـلك مكتبه الفآآآضي
ابتسمت : هيه .. لاني ابا اشوف مكتبي لو سمحتي بعد ما رجعت من هيآآآآتت بريطآآنيا
كنت بنفجر وبضحك في ويها ... قالت برتبآآك : انآآ آآســــــفه
قلت بحزم : مره ثآآنيه لما حد يرمسـج تتكلمين زين فآآآآآآآآآآآآآهمه ...
كآنت بترد .. بس حسيت بآيـد على كتـفي .. التفت وشفت وآآآحد هب غريب علي .. بس ما تذكرت آآسـمه
قال : مآ عرفتني ؟؟
قلت : والله اسمح لي هب غريب علي .. بس الاسم ما يحضـرني..
قال : انا علي .. كنت اخر سنه وانته اول سنه بـعدك ..
ابتسمت وسلمت عليه : والنعم والله عرفتك اسمح لي يا اخوي
قال : لالا مسموح .. شو بلآآآك على منـى ؟؟
منى قالت بدلـع : علي شوووفـه .. يالس يهازب ما يكفي اني مدآآومه في شغله غيـري .. والناس تتجهز للعرس وانا هنيه ..
اي عرس واي خربطه .. صح ان بعض النآآس تفكيـرها سطحي ..
ضحك : روووحي روووحي الله يهديج .. نحن هنيه ..
قالت وهيه تصآآآرخ : والله ؟؟
قال : هيه يلآآ فارجي .. انا بوصـل عمر مكتبـه ..
:
لحضآآت كنت في مكتبـي .. او بالاحرى المكآآن الي برآآجع فيه فحوصآآت المرضـي .. لان انا شغلي هب في عيآآده .. شغلي في غرفه العمليات
قال : منور البـلآآد
قلت : النور نورك
طبعآآ دارت بيني وبينه احآآديث .. نستني البيت وهمومه .. .
مهره
آتصـلت لـ يوسـف .. قلت له اني بروح لاهلي اليوم .. ابا اغير نفسيتي ... عليا مشغوله ما بقدر اروح لها .. وهو وآآفـق .. آتصـلت لـ جآآسم اخوي .. وهو الي مر علي .. وخذني
قال : هاه مهره شـخبارج اليوم
رديت : الحمد الله .. بننتقـل بيت عمي وعمتي
ابتسـم : زين والله .. بتغيرين نفسيتج
هزيت رآآسـي بموآآفقـه .. قلت : وشـخبآر شمآ .. عسآآها بخيـر .. ؟؟
رد وهو يبتسـم : اختج بخيـر لو انها بلوه كل يوم جسووم وصلني السووووق
ضحكت : ههههههههههه .. ما عندكم غيرها الحين آستحملوها .. متى نآآوي نفرح فيك ؟
قال : لا بعدني وآآيـد ..
كنت ابا انآآقشـه .. بس شفت ان نحن وصلنا البيت .. شفت سيياير متجمعه.. الظآهر الوآآلـد عآآزم قوم عمي عندنا فالبيت ..نزلت بسـرعه .. وغطيت ويهي خوفي حد يشوفني .. ويوسـف دآآيما يشدد علي .. ما يباني اكشـف ويهي جدآآم اي حد الا محآآرمي ..
جآآسم توجه للميـلس .. اكيد آمآايه في المطبـخ كنت برووح للمطبـخ .. بس حسيت بحد يشـدني من ايدي . .شهقت والتفت .. وحسيت بدمي يفوووور....
شبيـــــــــــــــــــــــب ...
قال : مهره .. آعرفج من بين مليووون بنت ..
سحبت ايدي بعصبيـه : ما يحق لك تمسكني من ايدي .. لو سمحت ..
ما حسيت االا وهو يكشـف الغشوه .. صدق انه قليل اآدب..
قلت : شبيب .. انا انسآآآآآآآآآآنه متزوجه الحين .. وانته مجرد ولد عم
قال : انا الحين طلعت مجرد .. مجرد ولد عم ... وهذا يوسـف هو الزوووج المصون ..
قلت : شبيب .. انته شو بـلآآآك ما بتنسى السآآلفه يعني .. خلاااص كنا مخطوبين لـ بعض وفسخت الخطووووبـه .. ما ابآآآآآآآآآآآآآآآك ,, ما تفهم ..
قال بعصبيـه : انا اولي فيج من الغريب ..
عصبت : لو سمحت تذكر ان الي تتكلم عنه .. زوووووووووجـي وابو ولـــــــــــدي
رد : وآآضـح انه الزووج المثآآآلي .. ولدج ضآآيـع وهو عآآيش حيآآآآآآآآآته
ما قدرت اتمالك نفسي .. يايه اريح آآعصآآبي .. وهو حرقهآآ .. تذكرت ان الامل تجدد .. ورد وزآآآل .. خلآآص .. تعبت من هالمشآآحنآآت ..
ما حسيت الا وهو يتقرب مني : انا بعدني احبـج .. عطيني فرصـه ..واذا اطلقتي من هالجلـب .. بتزوج في اول يوم من نهآآيـه العده ..
لاااااااااااااااا مصخها .. قلت له .. : صدق ما تستحي ..
ركضت صوب المطبخ وانا اتنفـس بقو .. خذت اقرب كووب مآآي وقعدت اشـرب ..بتصـل لـ يوسـف اي يآآخذني .. دآآم شبيب هنيــــــــــه ..
مآيـد
ما نمت ليلي .. افكر .. مالقى جوآب ولا رد علي .. بس تم يطالعني وانا ثايـر .. آحترق ..ليته قآلي ولو كـلمـه وحده .. ليته قال ... اي شي ولا سكت ...
طلعت بضيجه لغرفه امايه عايشـه .. دقيت الباب .. ودخلت
قالت : صبآح الخيـر ابوي .. تعال تعال
رحت صوب الكنبه .. قعدت عدالها ..
قالت : تريقت ..؟
قلت : لا ..
ابتسمت ..: يعني انا محظوظه اليوم .. بتريـق ويآك
ابتسمت .. تقربت مني ..
مررت ايدها في شـعري .. ابتعدت .. ما ابا حد يعطف علي .. انا هب يآآهـل ..
قالت : مـآآيـد حبيبي .. شو بلآآك ويا ابوك ؟
اكيد قال لها .. او سمعتنا امس ...
قلت : مـآشي ..
قالت : انا امك عايشه ما بتخبرني ؟
ترددت .. وبعدين قلت :
: ويـن سآآره ؟
قالت : سآآر في غرفتها ...
قلت : انا بروح لها
طلعت بس مسكت ايدي .. وقالت : اذا تبا تقولي شي .. تعال اي وقت .. سآآمـع يآ ولـدي ..
طلعت بسـرعه ورحت صوب غرفه سآآره ..
يوسـف
استغربت من مهره يوم اتصـلت وقالت مر علي .. رحت اول شي بيتنا .. وخذت الشنط الي جهزتها ...كلمت آآمـايه وفرحت اني قررت هالقرار .. جهزت لي قسمي .. رحت صوب بيت آهل مهره.. شفت سيايـر ملتمه .. الظآهر عمي عنده عزوومـه ... نزلت على طوول.. ودخلت الميلس .. كآآنوا عيال عمها .. آحمـد .. نآآصـر ..وشبيب .. وعيآل عمتها ... مآآنـع وجآآبـر وعمي والكل .. سلمت عليهم ..
ومره ثآآنيه رن التلفون ..رديت
: هلآآآ حيآآتي
قالت : يوسـف وينك ؟؟
قلت : هنيه في ميـلس اهلج ...
كنت اشوف نظرآآت الشبآآب علي .. تجآآهلت ..
قالت: خلنا نروووح
قلت لها : ان شاء الله
قمت وعمي احتشـر .. يباني اقـعد على الغدآ بس انا استئذنت بصعوبه .. ركبت السيآره .. ثواني وشفتها يايه صوبي وهيه متغشـيه .. ركبت ..
قلت : بلآآج ما يلستي.. احيد قعدات بنات عمج .. تعيبج ؟؟
قالت : مآآشـي ابا ارتآآح مافيني على صدعتهن ..
قلت اكيـد حد ضآآيقها .. خليت ايدي على ايدها .. التفت لي ..
:حبيبتي .. الحين بنروووح بيت اهلي امآآيـه تتريآنا ..
ابتسمت : يلآآآ ..
:
كنت احس انها سـرحآآنه .. بس انا خلآآص قررت اغير نفسيتها .. اعرف اني ما بخليها تنسى سآآلم .. بس ما اباها تتخبـل .. وقفت عند البآآب وهرنت .. شفت الخدآآمآت يركضن .. يشلن الشنط .. وآآمآآيه واقفه تستقبلني .. وتبتسم .. كنت برووح لها .. بس شفتها تتجه لمهره وتحضنها .. وتتفداها .. ضحكت.. يعني الابتسآآمـه مـآآ كآآنت لي انا ..
مهره: عموه فديتج شحآآآآآآآآلـج ؟
ردت : بخيـر ياالغاليـه بشوفتج .. تعالي فديتج تعالي جهزت غرفتج كآآملـه هيه وصآلتها ..
قلت : آآمـايه جنج الا نسيتيني ..؟.؟؟
ردت : لا ابوي .. مهره غيــــــــــــــــــــــــــــــــر
فجيت عيوني .. : امآآيـه
ضحكت وخذت مهره ..ومهره فرحآآنه من استقبآآل الوآآلـده .. الظآآهر امآآيـه بتسآآعدني
لحقتهن .. .. عشـر دقآيـق وكنت في غرفتي ويا مهره .. وبروحنآآ .. الوآلده نزلت عشآن الغدآ والوآآلد وصـل من الشركـه .. شفتها واقفه اطآلع المنظر من دريشـه الغرفـه .. حضنتها وهيه عاطتني الظهر ..
: عيبج المكآن
قالت بهدوء : هيه ..فجني
عاندت وانا اضحك : ما بفجج .. يلآآ اشوف حآآولي تفلتين من بين ايديه
ضحكت بنعوومـه: يووووسف .. فضيحه خلني انزل اسآآعد امك ..
قلت : لاااا .. امآآيـه عندها 3 خدآآمـآآت شو ينزلج
استسلمت لي .. بحركه بسيطه خليتها تجآبـلني .. وقلت وانا ابعد خصـل شعرها الي غطت على ويها ..
: مهره .. آبآآج تكونين مبسووطـه .. هذا بس الي ابآآآآه
شفت الرضـى في عيونها.. قالت : خلني ابدل ملآآبـسي الحين .. بننزل نتغدى ويا عمي
ضحكت .. : يلآآ انا اتريآآآج تـحت ...
فـهد
دخلت البيت الفآآآضـي ... حآآس بضيجه ,, هـب قآآدر افكر .. كل ما اتي فكره انها تتركني ..احس عمري بتخبـل .. بتخبــــــــل ..
دخلت غرفتي .. فريت عمري على السـرير .. حزه غدآآ .. كآآنت هيه تجهز لي كـل شي .. وانا الي بطرآآآن .. الحين لازم ما اروي حد ويهي .. لحد ما ترد علي .. اقول للكل اني مسآآفـر .. انسدحت على الكرفآآيـه بمـلل ....
مسكت تلفوني . . .بكلمها .. ما بترد عليك .. فريت التلفون .. بقوم اطلب لي من المطعم ابرك ..
يوسف
نزلت لطآوله الطعآم شفت ابويه وامآيـه ... قعدت
ابوي :وين حرمتك ..؟!
قلت: الحين بتنزل
سكت ... لحضآت ودخلت مهره ... وهيه تبتسم .. .هدوء خلال الغدا .. اول ما خلصت ..طلعت مهره ترتاح ..وانا ببداء مهمتي .. دخلت مكتب ابوي .. قفلت الباب ..
وفريت التلفونـآت...
( يوسف انا متزوجه .. دخيلك اذا درى ريلي بيذبحني ما اعرف شي عن ولدك .. والله .. وعندي عيآل وآخآف ربي ... انا طويت صفحه المآضـي )
( الرقم غير مستخدم )
( انا اطلقت .. وهب فآآيجه لعيآل حد يكفيني بلاوي طليقي )
( انا راجعه من علآآج .. من يومين .. تعبانه ومريضه .. وما اعرف شي عن ولدك .. الله يرده لك )
هذي الردود .. فريت التلفونـآت .. بتخبـل .. منوه خذه .. منووووووووووه ...
مـآ اشك اصلا في كل الي كآنت بيني وبينهن علاقه ...بس هوآجيس مهره هيه الي سببت هالامر.. الباب حد يحآول يفجـه ... فتحته وشفت ابوي
: قآفل على عمرك ؟
ارتبكت : شغل .. اخلص شغل ضروري
قال : أهـآ ...
مآيـد
فتحت بآب غرفه سآره .. بس محد .. سمعت صوت المآآي الظآآهر تآخذ شور .. طلعت من غرفتها وانا اغني .. نزلت للحديقه .. شفت سيآره هب غريبه .. توقف عند المدخـل .. ونزلت ..
كيـف اوصفها لكم .. ما تنوصـف .. حوووريـه ... كآآنت لابسـه عبايا سودآ .. وشيلتها مغطيه شعرها .. خآآطري اشوفه مره ثآآنيه بخصـله الشـقرآآ .. وجسمها مثـل ما يقولون مثيـر .. ما قدرت اتركها تمر بسهوله .. رحت صوبها .. هيه ما كآآنت ملاحضـه .. مسكتها من ايدها .. والتفت عليه وهيه تشـهق ...
.
.
.
نــــهــــآيـه البــــآرت ..
نلتقي في البـآرت الحـــآدي عشـــــر ان شآء الله
قرآءه متـــرفه بـ الرضـآ ~
22-09-09, 12:45 PM
جديد مواضيع قسم القصص المكتمله من وحي قلم الاعضاء
العرض العادي
