هلا وغلا احب

وش هالنظاره الكشخه اي ماركه من جد تهبل

بخير بسكووونه..دامج بخير
بنااات المبدعه انفاس شفيهااا وش صاااير

احب هذا كلام انفاس بعد اخر بارت


#أنفاس_قطر#
.
.
خلصنا بارت اليوم.. بس أنا عندي حكي ماخلص
بصراحة ما أدري أشلون أبدأ
اليوم 20 /6/2009
وكان أول يوم نزلت فيه بعد الغياب 23/12/2008
يعني روايتين خلال 6 شهور.. ما تعتقدون إنه شيء مستنزف جدا وخصوصا مع وضعي الصحي الحالي؟؟
أنا من زمان أفكر بهذا القرار.. بس أحاول أتجلد وأعطي نفسي دافع
بس خلاص لكل إنسان طاقة تحمل طبيعية.. وأنا موب المرأة الخارقة
لما نزلت بعد الغياب كان عندي 40 بارت جاهزين...بس أسى الهجران نزلتها وأنا عندي 10 بارتات بس
تعبت .. والله العظيم تعبت.. وأرجوكم تسمحون لي أني اطلب قفل القصة
لا تزعلون مني.. أنا بأرجع.. بس لأني ما أعرف وقت محدد للرجوع
وأنا تعودت أني أكون دقيقة معكم.. فإقفالها أحسن
وسبب طلب الإقفال في هذا الوقت له عدة أسباب
أولها إني فعلا تعبت واستنفزت لأخر حد.. أنا زوجة وربة بيت وحامل في طفلي الأول الله يهون علي وعليكم
وهذا الالتزام اليومي استنزفني واستنزف طاقتي لأخر حد
ثانيها انه أسى الهجران مقبلة على مرحلة جديدة هي المرحلة الأهم
وأنا حابة إني أكتب على رواق وأراجع اللي اكتبه.. والتنزيل اليومي ما يسمح لي بالمراجعة مثل ما ابي
السبب الثالث إني ما أبي أفتح نت خلاص.. ومادمت أنزل بارتات لازم أفتح نت
وانا بصراحة تعبت من الرسائل الخاصة اللي تجيني واللي سوت لي إحباط شديد وسدت نفسي عن الكتابة
اللي تقول لي أنتي صدقتي إنك كاتبة صحيح؟؟
واللي تقول أنتي تكتبين قصة وإلا تستعرضين معلوماتك العامة بتبجح... وأشياء ثانية مؤلمة أكثر
لو كنت في حالتي النفسية الطبيعية ماكان اهتميت بهالكلام
بس أنا مرهقة نفسيا... والحق والكلام للكل أنا مازلت أقول انا مجرد قارئة تحاول الكتابة
عمري ماقلت أني كاتبة ولا أدعيت لنفسي هذا الشرف
فاللي شاغلة نفسها بهالموضوع.. ياليت تريح روحها

فاسمحوا لي أرجوكم ارتاح من النت وارتاح من الكتابة شوي
عشان أرجع عقب أكتب براحتي
إن شاء الله غيابي ما يطول.. بس ماعندي وقت محدد للرجعة

وهديتي لكم أسى الهجران كاملة من الجزء الأول إلى آخر جزء نزل اليوم الجزء 68 على Word في ملف مضغوط بإهداء خاص مني لكم على غلافها
ولما تخلص الرواية بأهديكم الجزء الثاني إن شاء الله

وياليت المشرفات الغوالي يتكرمون بقفل القصة
بعد ما يأخذ هذا الجزء حقه من القراءة
وإلى الملتقى

أستودعكم الله الذي لا تضيع ودائعه

يعلم الله بمعزتكم وغلاكم وتقديركم في قلبي
وحزني لهذا الفراق الإضطراري الذي أتمنى ألا يطول
.
.
سبحانك الله وبحمدك أشهد ألا إله إلا أنت أستغفرك وأتوب إليك
.