على فكره غيوض توي اشوف البارت الرابع اذا خلصت قاريته رديت عليتس
وبينت انطباعي عنه ان شاءلله

روووعة الرواية

بانتظار البارت القادم

تحياتى

روووووووووووووووعه البارت

واستلمي يالغاليه توقعاتي

عبير .... عبير من بعد هالبارت راح تميل لفهد وفهد راح يمثل عليها دور الشخص الطيب الحنون اللى يخاف ربه و واعتقد لما تجيه الفرصه بانه ياخذ عبير وبعد ماياخذها ويرضى غروره راح يرميها

فهد .... انسان كاذب حقير لكن هناك ومضة خير في قلبه لكن بليس يعميها عن معرفتها واعتقد ان عبير بتكون من نصيبه

حاتم ..... كاسر خاطري يحب عبير واهي ماتدري عنه او بالاحرى تعبره مثل اخوها

ناصر وندي .... الله يخليكم لبعض ياااااااااااارب

ماجد وملاك ,,,,,, علاقه زوجية يندر وجودها بهالزمااااااان

اريج.... هالبنت فصله ودجه تهبل تهبل تهبل الله يحفظها بس اعتقد ان في شي راح يصير ويخليها عاقله مادري ليش ؟؟

وبث تقبلي ودي واحترامي

بارت روعه صراحه وضح لي موقف تركي اللي سبق وسئلتس عنه في الرد الاول


اعجبني حوار الشباب يجعلني مابتسيهم اخوان نوره طيور شلوى
هذولا الرجال وألا فلا
اااااه ياليت شبابنا هذا تفكيرهم ان شاءلله عيال الاجواد واجد مير الله يكفيهم شر اعيال الحرام


ابوتركي : الله الله بعبير كثر منذا الحنان ولله البنيه بحاجه تراك حارمها عطها ولا تبخل مثلها مثل اخوانها


ام تركي : الله يلهيتس عن عبير في شي اكبر وشفيتس عليها المسكينه لاهي ضرتس ولا امه ضرتس كن ابوتركي ماتزوج اغلب ايام السنه عندتس وهي وبنيتها عند الفضوه مدري وشلون صابره ام عبير وبنتها على ذا العيشه
خلي الله بين عيونتس عندتس بنات ولله يمهل ولا يهمل << كل ذا وام تركي ماسوت شي اجل لو تسوي وش برد عليها يمكن اطب على الابتوب


اخوان عبير ياصقور اها عاد غنيت فيكم لاتخلون عبوره
تركي : سلمه ربي يلله كسبنا مؤيد العبير جنب خلود عقبال الرمنسي مع اني مادري عنه هذا ماهمه الا ملاكه
احب شخصية تركي رجل بمعنى الكلمه حنون مع صرامه يعني بمعنى لايخاف في الحق لومة لأم ولله انك كحيلان
ماجد : رومنسيتك ولا اروع بس عاد ترالخفه الزايده مهيب زينه اثقل اشوي
وخل في حياتك اكشن حب حب حب بسكم عاد <<وحده غايره يمكن اصككم بعين تحصنو من عيني
بس تدرين احس مابيدومون بيصير في حياتهم شي يمكن تموت ملاك عند الولاده وياخذ اخته <<بلا شفتي الغيره وين وصلتني
خلود : جعل عمرك طويل زاد اليوم غلاك غلا تدري ليش لانك هلالي طيبه وسنع وحنيه وفوق هذا هلالي
خلصوا الصقور


خوات عبير ياصقور بستثنا الخايسه بنت امها فاتن
اريج : يقلبو على اللي تنتظر اخت لين ارجعت من السفر الله يرزقتس البعل الطيب يارب
ندو : الله يسخرلتس انويصر بس هاه ذا الدعوه مهيب بلاش خلتس في صف عبور ولا تضيمونها
فاتن : الله يمحاتس ان شاءلله ايه امشي ورى امتس لين تخسرين اختس
عبور : يعمري عليتس ذوق ولله تتركين البيت وتنحبسين في غرفتس عشان ياخذون راحتهم مع خالهم مير تدرين ماعليتس من احد البيت بيت ابوتس اسرحي وامرحي ولا تهمتس عجوز اقريح خليتس قويه يهابتس الناس
حبتس اللي انولد الفهد مهوب عيب لكن انتبهي من الغدر وحطي تربية امتس قدام عينتس واعرفي ان فهد مهوب سهل


فهد : شكلي بغير نظرتي عنك اليوم تدري ليش لانك هلالي وفوق هذا صديق الغالي خلود مهما سربت بترجع لاصلك مع اني اشك وختك ذا الجلفه ام تركي وين جابت ذا القسوه وعياله حبابين
وقف لعب تكسب عبير خاصه ان شكلها بدت تميلك وانا ترى ماكرهت الحب بينكم لان احس بيكون متبادل بس خايفه منه
وانتبه تبيها مع الباب بليا لعب ترى اخوانها مايخلونك حتى لو كنت خالهم هذي بعد اختهم شعرة اوجيهم قرب منها وشف وش يصيرلك


رهف وصديقاتها : انواعكم واجد الله يكفين شركم ويبعد جنسكم عن بنات الاجواد ولله اشفق عليكم العبوبكم عيال الحرام وتصدقون ولمشكله تشوفون ضحايا الشباب يمين ويسار ومصدقين الحب وخرابيطه
اصبري يمال الماحي لين يجي نصيبتس وفرغي الرمنسيه اللي عندتس بالحلال ولاتقولين زوجي مايعرف علميه مثل ماتجرئون على ذا الخمات تجرئو على ارجالكم
ياخذون منتس مايبون ويرمونتس رميت الكلاب ولا زود عنها يصورونتس باوضاع مخله ويهددونتس واذا خلصوا منتس انشرو الصور ويلله فضيحتس في كل بيت فضحتو اهاليكم جهل القبر يلم اشكالكم الله يستر بس على من يبي الستر
ولا الحرام يزينه الشيطان


اختي غيوض ماطلبتي شي يعمري اتمنى تردين على استفساراتي في الرد الاول اذا مافيها تاثير على الروايه


اتوقع الكثير من الاحداث ولاكشن في القادم تسلم يمينتس اللي تخط لنا ذا الأبداع

سامحيني اختي غموض اكتبتس غيوض غلطه مطبعيه وجب التصحيح