كاتب الموضوع :
صبى الاوراق
المنتدى :
القصص المكتمله من وحي قلم الاعضاء
السلام عليكم ورحمة الله وبركاته
اسعد الله جميع اوقاتكم بكل خير..وصحه وعافيه لاتزول..
لازالنا مابين لندن عاصمة الضباب والسعوديه حيث الامن والامان
والله يديمه علينا ويحفظ الامه العربيه من كيد الاعداء..
استلموا البارتين الرابع والستون والخامس والستون
قراءه ممتعه ومفيده
بسم الله
---البارت الرابع والستون---
لازالنا في لندن يوم الاربعاء
بعد وصول عبير وبندر وفلاح للمستشفى--
بقي الثلاثه في الخارج عدة لحظات
التفت فلاح على راكان --شف لي طريق بسلم عليها لاني بمشي
وين تروح انسى انك تحجز برى..الاهل وبيرافقون هنا ..ومافي الا انت وبندر وانا.. يعني ماله داعي
فلاح وهو يهز راسه --ماعليه يصير خير
دخل راكان واتجه لهم ..
عبيــــــــــــــــــر لاتسالونها عن شعورها اللحين ..تشوف اريج واخوها واقفين قدامها
ابتسمت من الداخل وحست بحرج--يعني صار زوجها ..تزوجوا ..يوه ماحسبت حساب اني بشوفهم مع بعض وقدامي
يتكلمون
عرفت من كلامهم ان فلاح بيدخل يسلم ويمشي ..
وين بيسكن ؟وش دخلنــــــــــي فيه ؟؟
اللحين ذي وشهي العجوز وين سريرها ؟؟
قطع افكارها صوت اريج وهي تغطي نفسه بشال وتعدل شكل الملحف--اي اوك خل يدخل
لحظات وصوت فلاح جاهم --
السلام عليكم
وعليكم الس
كيف الحال شخبارتس ان شاء الله الامور زينه ماتشوفين شر ماتشوفين شر
مانتظر منها ولارد وطلع
ولحظات وجاها صوت اخر في عمر الشباب--كيف الحال يااريج ؟
اريج وهي تاشربندر وافديته ههههههههه --الحمدلله
بندر وهو يرجع للخلف --ماتشوفين شر
اريج وهي تنزل الشال وتزين شعرها --صراحه تفاجات بنايف؟ عسى مافيه شي
عبير --لا بس شغله رابطه كثير وتوه راجع من الشرقيه انتوا رحتوا وهو راح للشرقيه
اريج--اللحين فلاح معكم ..جيتوا بنفس الرحله كلكم
عبير--اي
اريج--سبحان الله دايم تجمعكم الصدف
عبير--انتي تشوفين ؟؟(وش اقول انا لا مانيب صاحيه المفروض ماقول كذا ..طيب اني صادقه حتى هي ملاحظه خلاص لاجاء مجال قلت لها انه خطب رنو)
اريج وهي تمسك يدها--ياحبي لتس والله مانيب مصدقه
عبير وهي تدخل نقابها بالشنطه وتشوف عائشه --والله بغيت انجن وقلبتها مناحه بالمطار هههه
اريج--ياقلبي اي من شفتس اتصلتي ههههههه
عبير --من هذي ؟ تفهم كلامنا
اريج--خلتس عالعربي ولاتفهم هذي الله يجزاها خير تعرف عليها راكان وجابها ترافق معي بس احس اني تعبتها
عبير اللي معها لغه وهالشي ساعدها في دخول مجال البنوك --ياحليلها
---------------
وفي الخارج --
راكان--بندر رح ارتاح مع فلاح
فلاح --ياله نمشي
بندر عرف ان ماله مفر --ياله
راكان قرر يمر عالدكتور يساله عن اخبار اريج اليوم..؟
دخل عالدكتور وصادف انه ماكان مشغول ..
الدكتور ابلغه انه ماراح يجري العمليه هو
والدكتور اللي بيجري لاريج العمليه.. غير موجود بلندن حاليا وبيوصل في 17 من هالشهر
وزوجتك بعد ماخذوا التحاليل والفحوصات لها كامله وعطوها الدم تقدر تطلع الى حين موعد العمليه
والاعتماد على العصى كثيرا ..والابتعاد عن اي مجهود..
عرف ان السؤال اللي جهزه ماراح تكون اجابته عند هالدكتور ..وبهدوء انسحب بعد ماشكره..
رجع بهدوء لاخته ولزوجته--السلام
البنات وعائشه تابعوه وهو يدخل --وعليكم السلام
وش الاخبار عسى كل شي زين
والله الحمدلله
نايف طيب وش اخبار شغله
لا اشوى يقول صار اوك
هذي عبايتس نزليها خذي راحتس
التفت على عائشه --هذه اختي
نعم اخبرتني انها تجيد الانجليزيه
هههه نعم انها تعمل في قطاع البنوك
عائشه:اها ان السعوديات جميلات جدا
عبير التفتت لاريج:ضحكت وصرخت
اريج تحس بحرج:(اوف ياشين اللي مامعه لغه)
راكان بابتسامه:هههههه حقيقه لابد من الاعتراف بها شكرا لك
عائشه: تاكدت من ذلك من زوجتك واختك هههه
راكان تقابلت نظراته مع اريج وبسرعه ابعدها: تقول تاكدت بعد ماشافتكم ان السعوديات جميلات
اريج بابتسامه:(اربكــتنـــــــي)
دخلت النيرس وابلغتهم ان موعد الزياره انتهى
التفتت عائشه على راكان --بما ان اختك وصلت علي انا الذهاب
اريج اللي فهمت ردة فعل عائشه--اشكرها لي امانه ماقصرت تعبتها معي
راكان وهو يهز راسه بالايجاب--
----------------
وبســــــــــ وصلوا للشقه--
بندر طول الطريق يعلق عالمناظر وطبيعةالناس ..وانه نفس اللي شافه بقوقل الفجر
فلاح بابتسامه--بندر اذا صدمت ترا السموحه منك تراني ماشوف
بندر بضحك--لا هههههههههههههههههه والله ماحللك لو يقولون تفتت ههههههههههه
فلاح-هههههههههههههه اعوذ بالله حشى مافيك ذرة ايمان
بندر--انتبه بس لاتدهورنا ونصدم ذا اللي ماعندهم سيارات وداقينها ركابي هههههههههه
فلاح وهو يمسح على شعره--الله يقلع بليسك ياشيخ انك وسيع صدر
بندر--جعلك تسلم
دخلوا وحس فلاح لاول وهله من دخوله :(سبحان الله الريحه تغيرت كثير ..الزواج يغير ياراكان هههههه)
بندر وهو ينزل شنطته بجوار الكنب --سمع فلاح يقول دخلها داخل الغرفه الثانيه تعال هنا ..
فلاح عرف ان الوضع تغير بكثير ولفت نظره غرفة النوم ..
مر ومافكر كثير بمنظر السريرين واغلق الباب وهو يحاول مايلفته شي اخر في الغرفه
دخل وخذا حمام وقرر يريح لساعه فقط في الغرفه المجاوره
بندر بعد حمامه اكتفى بمنظر البلكونه ..حس انه بعد ساعتين تعب فقرر يتمدد على كنبه الصاله..
-------------------
وبالمستشفى ولنجتون --
طلع راكان يوصل عائشه بعد ماشكروها وودعتهم وتمنت لها الشفاء
اريج --اقولتس وحجز لي هالجناح والنيرسات عطاهم فلوس يحرسوني
ويلبون طلباتي ماتتخيلين اتفاجا باشياء يسويها لي وانا ماحس ولا انتبه
وانا اللي ماستاهل ..
عبير-- لاتقولين كذا تكفين خلاص صار اللي صار خلينا ننسى تكفين
كفكفت دموعها اريج --ماصدقت اني شفتس والله
عبير وهي تضمها وتبكي--بس جعلني فدوه انا معتس وان شاء الله ربي يخليكم لبعض ويسعدكم
اممم تدرين كل يوم يصير شي جديد وماحد يدري وش المكتوب يوم جا امســــــــ..
سمعوا طرقات الباب --
النيرس --ناولت اريج المسكن انتبهت لشكلها وعرفت انها تبكي ..هل تحسين باي الم
عبيربابتسامه--لا مشتاقين لبعض فقط
النيرس ابتسمت وهي تقيس الضغط والحراره--هل انتي المرافقه الجديده؟
عبير--نعم
النيرس وهي تتوجه لجهاز نقل الدم وتزيد سرعة النقل ..وبعدها طلعت
اريج--ايوه كملي وش كنا نقول ؟اممم
عبير--امم اي اقولتــس
<
>
<
>
<
>
النيرس تدخل--الدكتور قادم
عبير وهي توقف بعيد عنها--اروج تقول الدكتور قادم .يــــــمه
اريج وهي تاخذ نقابهاوتتغطى وعبير تساعدها(فديتها تتغطى من الدكتور الله يشفيها)
الدكتور -- كيف حالك الان ؟
عبير --يقول وش اخبارتس؟
اريج--طيبه
عبير--بخير
الدكتور--هل تتالم من شيء لان النيرس ابلغتني انها تتالم
عبير--لا لا مافي شي ههههه بس لاننا تقابلنا فقط وفرحت ولامافي شي يؤلمها
الدكتور--حسنا انا هنا الى ساعتين من الان وفي حال وجود شي الرجاء اخباري
عبير--شكرا
اريج وهي تشوفه يطلع --وش السالفه؟
عبير--هههههههه شافتنا نبكي وراحت تعلم الدكتور مع اني قلت لها يوم سالتني انتس منتي تعبانه والدموع لانتس شفتيني
اريج--ههههههه تراقبنا
عبير--يمكن مسؤوليه عليها وقالت اعلم
اريج--يمكن..ترا اذن العصر ياله نصلــي
عبير--اي ياله
اريج وهي تتحرك تذكرت بندر وصوته وهو يسلم عليها--ياحلو بندر تذكرت حركاته مع لمو تتذكرين هههههه
عبير -- اي هههههه امحق حب يناغشها ويتهاوشون هههههههه يعني حب بالغصب ههههه
اريج--ولايبي يلعب الامعها ولا تكون من فريقه او تشجعه ههههههه
عبير--ياحلوهم والله ههههه
--------------
راكان --بعد مارجع للشقه شاف كل واحد منهم بجهه نايم ترك الغدا بالمطبخ
وطلع للممشى واخيرا اكمل ساعه ورجع --
وبالطريق--<<<<
اريج وهي تجلس عالسرير تستعد للصلاه--هلا
هلافيتس
شخبارتس واخبار عبير
الحمدلله
تغديتو اي جابو لنا وكلينا
اكيد
اي
امم رحت الشقه ولقيت كل واحد منهم نايم بجهه ابوعايد بالغرفه المقابله وبندر بالصاله تركت غداهم وقلت انزل امشي
وهذا انا راجع اصحيهم لصلاة العصر..
ههههه تعبانين اجل
اي اكيد على قومتهم من امس وجلسه الطياره متعبه
اها
اممم تبيني اجي ولا عبير خذت مكان الجميع
هههه حياك
اممم بشوف تعرفين العيال توهم واصلين وابوعايد بيشوف له سكن مدري عنه
اها
اوك اذا تبون شي اتصلي على طول اوك
اوك
ارتاحي فديتس
اوك
(المفروض اني اجيب لهم عشاء من برى )--فمان الله
باي
عبير وهي تلم السجاده--من راكان
اي اجل هههه
وش اخبار بندر ماقال شي عنه
الا يقول نايم هو وفلاح وكل واحد منهم بجهه باالشقه
فشله والله اني مدري باقي لي اغراض ولا لا مع اني متاكده اني جمعتها وكل شي بالغرفه
عبير--بيجون ؟
امم يقول مدري لان توهم جايين ويقول بيشوف شوضعهم يعني مرتبط فيهم
اوه اخاف اتحمم وفشله يجي وانا
اممم ماظن يجي.. خذي راحتس ولو جاء بيقولي تحممي بس
عبيروهي تطلع لها ملابس--ياويلتس لو جاء
-----------------
رجع راكان لهم..
وحلف ان هو اللي بيعشي هم اليوم ..
بندر رغم النوم بس استوعب انه مسافر ولازم يتعرف على بريطانيا ويصدق كل اللي قرا عنها وسمعها من فلاح ..
بندر تقيم فلاح له شخصيه بالغه.. قبل وقتها وناضجه بعمر رجل صغير ..
تعامله محترم ومقدر للاخرين ..ويمكن الكل مايعرف شتعرض له بندر قبل ثلاث اسابيع .. وشاف حالته اللي تعرض لها
وفعلا بندر احد الاشخاص اللي اخذ درس وتعلم كيف لو كان الدرس هو المـــــــــــــوت وامامــ مرئ عينه
ومن شخص تعرف عليه من سنه ونصف ..
قضى معه فتره مراهقته اللي تعلم منها الكثير ورغم ذلك تلك هالمرحله اصبحت خلفه ..واستوعب نفسه بعد ماكان صعب عليه ان يختلط باشخاص جدد
وصعب عالانسان بعد صدمه ووعي ان يحدد بمن يرافق من جديد ..
ولا العروض مرت عليه كثير ولكن لم ينصاع لهم ..
عرف ان الطريق بعد ذكرى مسجد الراجحي والجنايز اللي كانت مع صديقه بنفس اليوم
والمقبره ودموع والده كبير السن ذو اللحيه البيضاء ..
كانت كافيه لبث الخوف في نفس المراهق اللي كان ماركز في تصرفاته
والشي الوحيد اللي كان يعرفه ان يدور بالشوارع او يستعرض وكان يجهل انه يخاطر بحياته هو ومن هم على شاكلته
رغم كذا مانصاغ لكل المغريات اللي تعرض لها من المغريات انا ماقلت مغريات هي مزيفات ومثل كذا التدخين كان رافض وعقله تعلم ان هالشي مضر ..
وكثير وكثير ممن هم في عمره وابتعدوا عنهم ذويهم مماجعلهم غير قادرين على تميز السوي واللاسوي ..
نايف في هاللحظه عرف انه تغير كثير والاهم حرصه على الصلاه بس كان موترني انه ماحدد له صحبه جديده
وغير كذا حب مجالس ابوي ناصر ومخالطه الاكبر منه سن
المهم انه قدام عيني ..ومايفارقني ..اعجبني انه رغم كل اللي صار متمسك بالرياضه الاقرب لقلبه كرة القدم
ومايستمتع الا مع اثنان من رفاقه وممن هم من عوائل محترمه وسلوكيات
متزنه ..وعشان كذا قررت ارسله مع عبير ومنها يتحمل المسؤوليه
وغير كذا ابي يحس اني اعتمد عليه واني واثق فيه ..
يعجبني اتزان راكان وابوعايد وواثق انهم بيطلعونه
على العالم الخارجي في ظل انه يشوف ويحيا قلبه ..
فيصل بندر انا مأمل عليه وان شاء الله مايخيب ظني
لاتنسى راكان راح وهو اكبر منه بس بسنه وكان شخصيه لاتزال مرنه وقابله ورغم كذا ..
كون نفسه وهذا هو اعتمد على نفسه وقايم بأموره
فيصل--انا والله اقول لساره بندر رجال
نايف--بيعجبكم ان شاء الله..
كان هذا بعض مادار في خاطر نايف وبعد نقاش مع فيصل وهم بالاستراحه..
-------------------
واخيرا استعدوا ولبسوا وطلعوا--
وقبل لايتجولون دخلو العماره اللي بجانب سكن راكان وفلاح
وحجز غرفه لفلاح وبندر..
وبالسياره في شوارع لندن وتوقفوا في شارع العرب Edgware Road
شارع ادجول رود
وعند احد المقاهي وقفوا
بندر كان يكتفي بالنظر والاستماع لهم ..
طلبوا قهوه --وبدوا يتكلمون وتطرقوا لعدة محاور اهمها بكره الجامعه وش السواة؟
راكان(انا مانيب صوب الجامعه كل همي اريج والعمليه وانها تاجلت وانا اللي توقعت بننتهي باقرب فرصه)--مدري انت وش بتسوي؟
فلاح--انا رايح لهم بكره وبشوف شالوضع للي مثل حالتنا ؟ انت بتكمل ولا
راكان(والله مدري مدري)--اسال ورد لي خبر عن حالتي بعد لاني رحت الصباح ولقيت زحمه ورجعت
بندر من انواع الرياضات المحببه لديه البلياردو..
فقرر يباري فلاح النشيط رغم عودته من اهله ..
راكان راقبهم بملل--
فتح رساله جديده--وكتب ارسال لعبير--(تعشيتوا بامانه ولاتقولين لها وارسلي لي الطلب وانا اجيب بدون لاتدري اوك)
وهنــــــــــاك--
وبعد ماصلوا المغرب--
توجهت عبير لصوت تيلفونها ..<<<<<
ابتسمت ورفعت راسها لاريج اللي تصلي ..
(لاحرام يقول لاتقولين ههههه ..اممم شنطلب ؟؟؟ اممم بكتب اي شي على ذوقك )
وفعلا كتبت وتم الارسال وهي تتمنى انها تستمر مخبيه عليها هالرساله
وفعلا ماعاد رد ..توقعت انه بيجيب الطلب وبيجي..
وبعد مانتهت اريج--فديت امي حصه اتصلنا وبكيناها عسى بس هدت
عبير--اي فديتها عاد رنو نايمه.. بس امي جعلني فداها دمعتها دوم على خدها
وهنــــــاك--
راكان وهو يوقف عند الطاوله العريضه --انا رايح اودي لاهل المستشفى عشاء وراجع
فلاح--على راحتك
بندر--ترى عبير ماتحب اي مطعم ورجاء تاكد مهوب تعطيهم خنازير هههههههههه
راكان وهو يرفع الكوره عليه--تبي شي ؟
بندر وهو يبتعد عنه--سلامتك
وهنـــــــــــــاك --
بس عرفت بالسالفه كلها وبابتسامه--ليش ماقلتيلي ياالــــــــــ والله ماخليتس
عبير--فديته يبيها مفاجاه وهذا هو جاء خذي حطي روج وزيدي كحل ياله بسرعه
اريج(مابي اخليها تلاحظ اهتمامي بسرعه تصلحي بيجــــــــــي اشتقتـــــ له ياله)--جيبي مع انو عادي مهو لازم
عبيربابتسامه--لاياشيخه خذي بس.. تدرين اشكالكم تجنن كل واحد مايلتفت عالثاني اللحين بيجي وبتفرج عليكم هههههههههه وناسه والله
اريج بحرج--لايكثر بس هههه
دخلت النيرس ومعهـــــــــــــا ..
-----------------
وبعد ماخذ العشاء المتنوع --
اتجه للمستشفى وانتبه لرجلين امن واقفين بحرص--
راكان(اوهوو ماظنتي بندخل )--وقف وبعد استفسارات ومحاولات كان الرد نحن نوصله لغرفه المريض
خساره مشتاق اشوفها واجلس معهم اسمع سوالفهم ..
<<<<عبير
هلا ابوي ترا النيرس بتجيب الطلب
اي جابته ..ليه وانت
لا اليوم مشددين ورفضوا لا يدخلوني
امم خساره اخبار بندر ؟
طيب ماعليه مع ابوعايد لاتشيلين هم
امم اوك
اريج شخبارها
ماعليها
(طيب عطيني اياها )--اوك فمان الله
باي
كم لي ماشفتها ؟؟من العصر اوووف
والله اشتقت لها ؟
قهـــــــــــر كنت مأمل اشوفها قبل لاانام
----------------
وبالمستشفى--
اريج بكبت داخلي لملامحها وعواطفها(لا قهــــــــــر ماشفته اليوم كله ؟؟..)--خليتيني اتزين بس
عبير--حرام شكله يبي يشوفتس
اريج--ماشاء الله تعرفين مشاعر الناس
عبير وهي تفتح العشاء--هذا اخوي مو ناس هههههه
اريج (خساره.. ماشتهي وكحل وروج وبالاخير اممم قهر )--اي زين اكلي بس
عبير--وشفيتس زعلانه هههههههههه
اريج--كله منتس طقيت هالكحل وهالروج من افكارتس
عبير--تبيني اخليه يحاول يجي يقدر
اريج باستغراب--شلون هو قالتس
عبير وهي ترجع للخلف بظهرها وتضحك-ههههههههههههههه والله رحمتكم ههههههههههه
اريج بضحك وحرج--بلا بياخه ههههههههه
------------------
رجع لهم وجلسوا يتعشون وهم نشيطين لانهم خذو نومه ..
راكان--شكلكم مطولين
فلاح--اي والله شبعانين نوم رح ارتاح شكلك تعبان وانا وبندر بنجلس
بندر مبتسم بينهم--
راكان بتعب --خلاص خذو السياره انا رايح
ورجع للبيت على حسابه..
وبس وصل طار النوم --
افكاره تشغله كثيرا ..
عرف انه تولع بطيفها ..وبعد لحظات صورتها مالي الا صورتها
<<<<<<فتح اللاب توب
ودخل على الصوره
ابتسم <<بعد مانقر على زوم
سبحان الله الزين زين حتى بعد ماتزوجت ماغيرت بشكلها فديت عمرها والله..
يعني شلون بتصبر وتتحمل الدكتور ماهو فيه ؟؟
يعني تطلع هالاسبوع وترجع الاسبوع الجاي ياربي شهالعذاب ياربي لاتعذبنا يارب
ولحظات --وبعدها
ابتسم واخيرا اصبحت ملك له وبجواره بغربته --
فتح الورد وبدا يكتب --
روايتي لست ادري كيف اسردها
من اين ابدأها ام كيف انــــــهـــــيـــــهـــــــــــــــــــــــــــا
فكم عشقت ولكن لم احر يوما
الا اريج فانــــــي حــــــــــــــــائراً فيهــــــــــــــــــــــــــــــا
اذا التقينا قضينا الوقت في ضجر
وان تغب لحظةً فالعــــــــــــــــــــــــــــين تبكيهـــــــــــــــا
هي الشقاء هي الاهات والالم
هي العذاب ولكن راحتـــــــــــــــــــــــــــــي فيهـــــــــــــا
هي الحنان هي التحنان والامل
قصيدةً لســـــــــــت ادري كيـــــــــــف القيهـــــــــــــــــــا
ليست بمغرورة لكن بها ثقةً
في نفســــــــــــــــــــــــــــــــــها لست ادري ما اسميهــــــــــا
الطهر شلال نبع من اصابعها
والحسن سكر نبـــــــــــــات ذائــــــــــــــــــبٍ فيهـــــــــا
<
<
<
>
>
>
اشتقت لها مـــــــــــوت بس شلون اكلمها وعبير عندها ؟؟ابتسم وهو يرجع يقرا القصيده من اول
وثبت القلم بقوه ..وكتبــــــــــــ
فيها من الغنج شيئا لا حدود له
تذوب من غنجهـــــــــــــــــــــــا حتى اوانيــــــــــــــــــها
احبها كيف ما شاءت وما فهمت
فكلمة الحب لا تخفـــــــــــــــــــــى معانيهــــــــــــــــــا
احبها ان نات في الارض وابتعدت
فكيف لا اهتويهــــــــــــــــــــــــــــــــــا في تدانيهــــــــا
احبها علقما بالعشق يقتلني
احبها كيف لا وسعــــــــــــــــــــــــــــــــــــــــادتي فيها
احبها قصة بالدم انقشها
والروح تخرجها والقلب يرويهــــــــــــــــــــــــــــــــــــــــا
احبها حزنا يجتاح افراحي
احبها بلسما للــــــــــــــــــــــــــــــروح يشفيـــــــــها
--------------
وفي احد دور السينما في عرض لفيلم امريكي --
بندر وفلاح كانوا لهم نصف ساعه ومندمجين --
دخل بيبر على الرئيس العسكري يخبره بأن الملازم اللي ارسله للتفاهم مع العدو قد قتل ..
بهالوقت رن تيلفون بندر وكان بينه وبين فلاح --<<<عبيـــر
فلاح(اكيد تبي تتطمن عليه هههههههه اجل هي اللي كل شوي تكلمه ههههه)
هلا
مارجعت؟
لا في سينما اشوف فلم امريكي
يوه يا بندر والله مارتحت ارجع نام ارتاح
شفيتس مافيني نوم انت نامي ارتاحي بس
فلاح--(اكيد انها تفكر فيني بعد.. مستحيل اكيد تفكر انا متاكد )
والله ماجاني نوم الى متى ؟
توناداخلين
جاكم راكان ؟
لا يمكن انه بسابع نومه انتي نامي ولاترا بقفل تيلفوني
فلاح ابتسم غصب عنه(ياحلوها)
والله لو تسويها هههه بنجن
لالا خلاص ياله لاخلص الفلم كلمتس
اوك باي
باي
عبير--مارتحت والله
اريج--وينه
عبير--معه رايحين يشوفون فلم
اريج وهي رافعه راسها للسقف--قسم كل ماجبتي طاريه عجزت استوعب انه خاطب رنو ؟؟
عبير(اجل انا شقول )--خلاص خطب يعني هههه
اريج وهي تلتفت عليها --لا عبور من تتوقعين خاطب ؟
عبير--مدري خلاص المهم انه ماعليه والله يوفقهم
اريج تغيرت ملامحها وهي تشوف ربكه عبير--(جعل ربي يرزقتس باحسن منه ..والله ماني مصدقه ..
صح ماتوقعت يخطب عندنا بس بعد ماتوقعت انو يخطب ويخطب رنو قبلتس..قلبي عليتس الف رجال يتمناتس بسم الله عليتس)
عبير--(ليشــــــــــ احس اني ببكي وبنهار..الله لايقـــــــــــــوله لالا مابي هاللحظه ..يارب انسى وشلون انسى وهو قدامي شلــــــــــــــون )
رجعت شافت الساعه (ياربي متى بيرجع مانيب مرتاحه وهو برى بهالليل)
اريج--لا والله شهالصدف يعني مايعرفونتس ولا شمعنى رنو
عبير بابتسامه غريبه--نصيب ورنو تهبل فديتها
اريج--لا يعني انتي الشينه انتي ازين الا ان كانهم يبون اصغر ؟؟
عبير (تكفيــــــــــــن ارو ج اول مره مابي اتناقش معتس خلاص ..والله بنفجر )
التفتت على التلفزيون--واريج تراقبها (مستحيــــــــــــل ليش الحظ كذا )
--------------
وبعد 3 ساعات
طلع بندر وفلاح وبس ركبوا السياره قرر فلاح يقول اللي بخاطره من خلص الفلم
فلاح--اتصل على اختك قلها رايحين للبيت خلاص اكيد مارتاحوا
بندر وهو يطلع تيلفونه--اي اي تذكرت اكيد مانامت
<<<<<<
نمتي
امم اي خلاص رايحين اي لالا خلاص بنجلس بالشقه لالا استاجرنا بس لاطلعتوا سكنا فيها اي
خلاص نامي غيرت عليتس اي شوي ونوصل فمان الله
(اكيد هو جنبه )--باي
---------------
وبالسعــــــــــــوديه--
وبيوم الخميس الصباح --
رن هاتف نايف من ساعات الصباح الاولى
<<<
>>>
<<<
>>>
<<<
>>>
وكان المتحدث شركة نقليات السيارات تعلن وصول سيارة بندر
توجه لهم مع محمود وهناك نزل وقادها هو بنفسه الى ان وصلها لكراج البيت
دخل البيت وهذا هو ينادي
يمــــــــاه يمه
هلا يبوي
هلابتس البسي شرشفتس وتعالي معي
جات سياره الشيخ هههههههههه نفدى عمره جات وشفناها قبله وبدات تلبس برقعها وشرشفها ودموعها تسبقها
ريناد صاحيه ؟؟
اي رنو رنو
خليها انا بتصل عليها<<<<
هلا رنو وينتس
عند التلفزيون وشفيكم تصوتون
تعالي انزلي بسرعه وجيبي عبايتس
وين بنروح؟
لالا تعالي انزلي ابي تشوفين السياره جات
واااااااوسيارة بندر ههههههههههه طيب
وعند السياره --
نايف--لاحد يقوله لاني مانيب معلمه الا اذا طلعت النتيجه وشفت النسبه الزينه
---------------
توجه فلاح للجامعه --
بندر وراكان راحوا للزياره وتفاجأو ان الدكتور كتب خروج لها..
بعدها راح للدكتور وقال لا ابيها ترتاح بعد هالدم اللي خذته .. ووافق
وبس عرفت منه--(ليه ماتبيـــــــــــني ولا لا جا رفيقك وبندر بتجلس معهم ؟؟)
فلاح بعد ماطلع اتصل على عبد العزيز والعنود اللي راجعين لندن من امس الليل وتوهم عرفوا من طفله امه ان فلاح فيها ..
عطاهم عنوان الفندق اللي هو استاجره ولانه بجوار سكنهم اللي قبل وسكنوا فيه عرفوه --
انتظرهم وجاو --
سكنوا معه وبس عرفوا باريج قررو يزورونها بالمستشفى --
فلاح عرف انهم بيتقابلــــــــــون كتم نفسه ولاقدر يتكلم عشان ماينتبه عبد العزيز عليه --
قال خل تشوفها وبعدين اسالها ..
وفعلا دخلت العنود وكانت منحرجه من عبير اللي جلست طول الزياره متوتره من نظرات ومراقبة العنود لها
عبير(اكيد عشاني اختها ماصارت خطوبه هذي )
وبلغتها اريج انها طالعه بكره
العنود--جل والله عشاكم بكره علينا على سلامتس والله مادرينا الا تو من فلاح
عبير(اها هو اللي معلمهم )
ماتاخرت لانها جات متاخر حتى انهم قدموا العشاء وهي جالسه --
طلعت وشافتهم كلهم متجمعين عند الباب تجانبت على يسارهم ومال عليها فلاح قبل عبد العزيز --
فلاح --ايوه ولاكلمتس امي اليوم
العنود بهدوء--لا بس يومنا في الشقه
اها
من هالرابع اللي معكم
ولد عمه اخو اللي داخل ..
اها
شافته ابتسم --وشفيك
وشرايتس بالبنت
عبير تجنن ماشاء الله
اها تصلح لي
مسكت يده وسحبته للممر اللي خلفها--ههههههه جنان لاتفوتك بس مدري احسها محجوزه
هههههه اي لي
من جدك
اي خطبتها امي بعدين بعدين نتكلم
لالا تكفــــــــــى وناسه ذا الزينه مرتك هههههههههههههه
اووص فالليل نسولف
وين نتروح رح معنا
لامعي اخوها
اخص يالنسايب هههههههههههههه
اوووووص خلاص روحي وبالليل نسولف طيب
والله امي خطيره ولاهند من اللي مختارتها ؟؟
مدري بس بس ماينقالتس شي ههههه
هههههه لاتلومني والله ماصدقت وناسه
ابتعد وراح معهم --
عبد العزيز--خلونا نشوفكم طيب
راكان --على خير
دخل راكان (ياليل والله عذاب كل يوم اتشفق)--اي وش اخباركم اليوم
عبير--الحمدلله
اريج ابتسمت (ياحلو البنفسجي عليه)--
راكان وهو مايدري من يثبت نظره عليه --انا ماشي اذا تبون شي اتصلوا
عبير--اوك
اريج اكتفت بس بمراقبته الى ان اختفى (تعلقت فـــــــــيك كثير)
------------------
وبالسعـــــوديه--
اجتمعوا عندهم عندال فيصل عشان ساره ..اللي صارت ماتنزل للدور السفلي
وقررو يحتفلون بنجاح الصغار ..
<<<
>>>
<<<
>>>
<<<
>>>
<<<
>>>
ومع السوالف واشتياقهم للثنائي وحصه انفجرت بدموعها وقت ماذكروا اهل لندن اكبر همها بنـــــــدر سمي ابوها وغاليها
الثلاثي كان عندهم اختبار حددو المهم وعرفوا الاهم ورجعوا لاهلهم ..
نوره--لاحس ولاطاري من امس حتى رنو وامي حصه.. ماتكلموا عنه؟؟
ماقدرت تقاوم مسكت تيلفونها وفتحت رساله وارده <<احتارت وش تنقر اي حرف ..وش اكتب ؟؟
التفتت على تيلفون امها بجوارها
وفتحت حافظه ساره خصصتها لفيصل واي شي يرسله--
---البارت الخامس والســــــــــتون--
ابتسمت وتغيرت ملامحها كثير وهي تقرا سوالف كتبها فيصل بنفسه
اممم واخيرا توقفت عند احد الصفحات ورفعت راسها تركز ان مافي احد منتبه لها--
وهناك وعند باب البيتــــ وقف ..
نايف بابتسامه وهو يشوف رقمها--ياهلا واللــــــــــه هههه
ماقاوم نفسه بسرعه تذكر ان اهله عندهم واكيـــــــد اشتاقتلي
رجـــع للسياره وحرك --
اتجه لبيت ال فيصل--
لانه عارف ان فيصل في الاستراحه وبيتاخر فقرر ينفذ اللي بباله--
استوعب انه مارد عليها لامسج ولا اتصال مثل ماتمنى وطمع برؤيتها --
بعد لحظات من الابتسامه وترديد بعض الابيات الغنائيه--
وقــــــــف عند الباب --واتصل <<<<<<<<<على رقمها
وعلى اخر نغمه-- جاءه صوتها
الو
هلا والله شلونك
طيبه
وينك
ببيتنا
اها عندكم امي صح
اي
طيب افتحلي الباب
وباستغراب وربكه--اي بابـــ؟؟
وبابتسامه--اي بابكم انا واقفــــــــ انتظر احد يفتح لي ومابي الا انتي يالا
اممم اوك
طلعت من غرفتها بسرعه مرتبكه اتجهت لتيلفون الباب وفتحته اكترونيا
(ياربيــــــــــــــ وش مفكر افتح له الباب وانا باي شكل ؟؟؟)
وهناكـــــ مانتبه للباب --
نزل مرايه السياره وجلس يشوف نفسه ويتحسس ذقنه ..ويفرد غترته ويرجع يعدلها واخيرا تعطر
انتبه للباب ابتسم ونزل --
---------
وبالليل في لنـــــــــدن --
اريج فكوا عنها المغذي ..
وهي وعبير اتصلوا وماتركوا احد ماكلموه ..
وهناك وبس رجع فـــلاح --
كان عبد العزيز يتحمم ..والعنود سمعت صوت الباب عرفت انه فلاح --
دخل وسلم
هلا بك تعشيت
اي الحمدلله
وين نسيبك هههههههههه
في الشقه نام عزوز
لا
قلي شسالفه بسرعه هههههه
بس شرايتس فيها ؟
ماشاء الله جنان وهدوء وذوق واخلاق حتى تحفى فيني مع انها ماتعرفني لا ذوق بسم الله عليها
امم اها بس اقولتس هند كلمت وخطبتها لان امي موصيتها يعني حطينا خبر يعني هي عارفه اللحين بس ولو اهم رافضين كان رجعوا يقولون شي
وناسه والله تجنن ولايقين لبعض وبرجع اقابلهم لاني قلت لاريج لاطلعتي بعزمتس
اها اوك ياله تصبحين على خير
اجلس بيطلع عزوز
لا اخليكم بروح عند العيال ..فمان الله
ماتشوف شر
-------------
واتذكر بالسعوديه قبل ساعتين --
وتحديدا ببيت ال فيصل --
نزل نايف ودخل (ياليــــــــــــــل وينها)--ياولـــــــــــــد
<<<
>>>
<<<
>>>
<<<
>>>
<<<
>>>
الصاله العلويه هدأت وتعالت اصوات الخالات وحصه--تعال يابويـــــــــــ
البنات توجهوا لغرفة نوره --نـــــــــوره هههههههههههه نوره نوره نايف جاء
نوره بربكه-- وجع خوفتــــــــــــوني داريه
ريناد --ههههههههه وشفيتس هههههههه
افنان--ههههههههههه
لمى وحنان وميس والو بابتسامه يراقبونها--
دخل وقهووه ومع السوالف --
نايف --كلموني اهل لندن كلموكم ..
شيخه--اي والله كلمونا وطيبين
نايف وهو يهز راسه بالايجاب--اها
ناولته فنجانه شيخه--تقهو يابوي
نايف وهو ياخذه --والله متقهوي في الاستراحه
شيخه--معكم ناصر
نايف --الله الله كلنا هناك بس يلعبون( بلوت ) وانا مالي به
شيخه-هههههههه وتعشيتوا
نايف--اي والله الحمدلله
ساره--دوام الشرقيه بشر عنه
نايف--لا ان شاء الله ان الامور زينه
حصه--دق لي يابوي على بندر ابي اكلمه
نايف وهو يمد لها التيلفون --سمي هذا هو معتس
لحظات وكلهم يستمعون للمكالمه--
<
<
<
>
>
>
<
<
<
>
>
>
نايف(يعني شلون مافي امل والله لو ماتطلع لتزعل انا قلت اطلعي لي )
توتر ومد يده لصينية الشكولا وخذا وحده وفتحها --
رجع يمسك تيلفونه وكتب بدون تفكير-- (انا انتظرك ترا ماجيت الا عشانك )
وبالداخـــــــــــل --
ريناد جالسه عالسرير ونوره على حافة التسريحه وافنان فاتحه الدولاب وتشوف ملابس نوره
جاء المسج لتيلفون نوره اللي بجوار ريناد..
نوره --من اللي مرسل ؟
ريناد وهي معقده حواجبها وبابتسامه(مخزنته استفهامات ههههه ويرسل بعد ههههههههه)--اممم خذي
نوره (مـــــــــــن لايكون هو لالا هو هنا)
قرت المسج ورجعت نظرها لرينادوبهدوء وابتسامه--شسوي طيب
ريناد--اممم لبستس حلو تعالي بس عيدي على كحلتس وروجتس
افنان التفتت عليهم وهي تسكر باب الدولاب بظهرها --وش فيه بتطلعين لنايف؟
ريناد--اي
نوره --مدري مدري متوتره
ريناد--حمدلله اقول خلصي بس بطلع معتس ياله
نوره (ابي ومابي مدري مستحيه)
وهناكـــــــــــ--
ماعاد فيه صبر وهو ينتظر ويترقب مداخل الصاله --ياله يمه نمشي
ساره-- بدري تونا اجلسوا بس.. ترا اليوم خميس؟؟
نايف--خلاص انا بمشي اجل تجون مع محمود
حصه--مدري بتروحون ياشيخه
شيخه-لا تونا لافينا النوم وبنروح نقابل بعض هناك
حصه --اجل رح يابوي بسلامتك
نايف وهو يوقف --ياله تمسوا على خير
وعند الدرج--طلعت ريناد بالصدفه تجيب شنطتها وتفاجـــــــــــأت فيه
وبهدوء وابتسامه توجهت له --نايف تعال
هلا
نوره بتسلم
وينها ؟خل تجيني تحت انتظرها
ساره وهي تراقبهم (كنت حاسه ماطلعت فوق الا تبي تشوفها هههههههههه)
ريناد--طيبـــــــــ
(اي كذا الاخبارلاتطول بس.. ويجي فصيلان ترا مالي خلق الكل يدري)
رن تيلفونها وارتبكت --
هلا ماما
هلا حبيبي ماراح تطلعين تسلمين
الا قال بســـ
وبهدوء--ياله بسرعه الرجال بيروح استعجلي شكلتس حلو
ريناد توجهت لها
نوره ياله ينتظرتس تحت يقول بسرعه بس سلمي وتعالي
نوره--يوه لاتطيريني ترا والله ماطلع
دخلت ساره ببطئ--
مابتسمت وتقدمت لنوره وقالت لا امسكي شعرتس من هنا شوي ومن هنا شوي
ايووه
خلاص انزلي رنو معها
بسرعه ابطيتوا عليه
نوره بربكه--توجهت مع ريناد ..
نوره بنص الدرج--رنو شوفي عيني في داخلها شي
وشو لا مافيها شي
طيب انفخي فيها
هههه هــــــا
اي خلاص
ومن عند الممر وقفوا --
تقابلـــــــــــــــــــــت ارواحهم قبل اجسادهم
<
<
<
>
>
>
<
<
<
>
>
>
نوره xxنايفــــــــ
نايف برجوله وبثبات وبدون لايبتسم--هلا
قربوا وتلاقوا وجاتهم خطوات ريناد معلنه هروبها ..
كعادته نزل بطوله له ولامس خدها --شخبارك
تراجعت للخلف--الحمدلله
نايف وهو يراقبها ويصور شكلها --ابطيت انتظرتك فوق ولاجيت بس زين اللي قريت المسج
نوره بابتسامه نزلت عيونها وتبعد خصلات من شعرها لترجعها مع البقيه--
نايف --شالاخبار
نوره وهي تهز راسها--زينه
نايف بابتسامه وهدوء مد يده يمسك يدها--والله انتـــــــــــــي الزينه
نوره(انتــــــــــي واخيرا)ارتبكت لقبضة يده ليدها..
جلس يتحسس يدها وحس انها ترتعش حياء --تبين شي فديتس؟
نوره تهز راسها بالرفض --لا
نايف(ودي اقبل ايدها )--اشوفك على خير فمان الله
نوره--باي
دفن ابتسامته وهو يحس بصوت سيارة فيصل منذ ثواني تدخل الكراج
وطلع--
نوره لمت شعرها وجابته على جهه واحده
وطلعت تركض عالدرج وقبل لاتظهر للجميع فوق
ابطأت بمشيتها وتعدلت عشان مايلاحظون حالتها ..
وفي الخارج --
ضاق صدره يوم شاف سيارة محمود اللي دخلت الموقف ودخل غرفة السواق
دخل عليهم
السلام كيف الحال
محمود اجلس الى ان ماما يرجع طيب
---------------
وفي يوم الجمعه --
صلوا كلهم جماعه في مسجد الريجنت بارك
وبعدها توجه بندر وراكان للمستشفى عشان يجيبونهم ..
وبس وصلوا كانوا منتظرينهم ..وتوجهوا للشقه
نزلوا عبير واريج
وطلعوا بندروراكان الاغراض فوق..
وبغرفة اريج--
دخلت عبير--سريرين حطيتوها نفرهههههه
اريج بحرج--ههه مو حنا ..العنود وزوجها مو كانوا بشقتنا قبل لانجي
راكان--(اكيد بالغرفه كلهم ..واخيرا رجعتي للبيت بس شلون الوضع اممم اي عبير تنام بالغرفه الثانيه..الحمدلله اللي طلعت عقبال العمليه )
عبير طلعت تتفرج على الغرفه المقابله ولمحت راكان واقف --البيت جنان صراحه ماشاء الله
راكان-- اها تغديتوا ولا اجيب غدا
عبير--انا مابي شف اروج يمكن تبي ؟
وقبل لايدخل عالغرفه سمعت اريج جملة عبير لراكان والتفتــــــت--بندر وينه
راكان وهو يشوف اريج --تحت بنزل له
عبير دخلت الغرفه وسكرت عليها الباب(مالي داعي معهم بالشقه)
راكان بهدوء--الحمدلله على السلامه
اريج وهي ترفع شعرها المنسدل --الله يسلمك
راكان --وش مشتهين اجيب غدا
اريج تغيرت ملامح وجهها --لا بس ماشتهي
لا مايصير لازم
اممم بس مالي نفس
لاحول طيب شتبون اجيب لازم تاكلون
انا مابي بس مدري عن عبير ؟
وعبير تقول مابي كلكم مايصير ..اممم اجل بنطلع فيتس حيل ؟؟
اي عادي اصلا مشتهيه اتحرك ..مليت
راكان وهو يشوف الملابس بيدها--اها خلاص تحممين
اي مارح اطول
امم خلاص اذا تجهزتوا بلغيني انا نازل عند العيال
اوك
تبين شي
لا سلامتك
--------------
وبالرياض --
الثلاثي كان عنده اخر اختبار يوم السبت ويومهم كان بجوار مراجعهم ..
والصغار عطلوا من الاربعاء..
نوره قلب مع الدراسه الصامته وقلب هناك في بيت خالتها
كعادة عبير الصباح اتصلت على امها تطمنها وتشوف شخبارهم
وبندر استلم مكالمة نايف اللي تطمن عليهم ..
-----------------
وبعد ساعه ونصف استعدوا بعد ماصلو العصر طلعوا --
وقبل لاتطلع اريج رن تيلفون الثابت --توقعت انه هو
توجهت للتيلفون باللحظات الاخيره--الو
جاها صوت انثوي عربي--الو السلام
وعليكم السلام مين؟
انا العنود بنت عايد
اي هلا فيتس
طالعين
اي اجل ابي اشوفكم دام عزوز بيطلع مع العيال قلت اجي اسلم عليتس بس دامكم بتطلعون نطلع سوا
الله يحييتس حلو خلينا نشوفتس
اوك انا طالعه
وحتى حنا ياله باي
باي
ركبوا راكان وبندر وعبير واريج بسيارته
وفلاح وعبد العزيز والعنود بسياره خاصه مستأجره
انتبهوا لاريج وهي تمشي بعصاتها ودعوا ان الله يشفيها ..
وتوجهوا للهاردوز --
عبد العزيز --الظاهر ان هم يبروحون الهاردوز
فلاح--اخص صاير تعرف ههههه
العنود--اوه خبره ترى هههه
تسوقوا البنات مع بعض والشباب تجمعوا في احد المقاهي بالهاردوز
راكان (ياوالله اللي ماحسبت حساب هاللحظات يعني كان ناقصني احد يبعدني عنها )
فلاح كان الوحيد اللي يترقب لهم من بعيد وبدون لا احد يحس ..
وبعد مانتهوا اتصلت العنود على عبد العزيز --وبلغته انهم جالسين بنفس المطعم اللي قبل وتعشوا فيه
هنا اكتشف راكان انه راح الليل ولاشافها --<<
اتصل وجاه صوتها بعد لحظات من المطعم المجاور--هلا
ابتعد عنهم --هلا فيتس عسى ماتعبتي
لا عادي
اها طلبتوا عشاء
امم اي العنود ماقصرت كلفت على روحها
اها فيه العافيه تبون شي
لا
طيب اكلي ولا ترا باخذ لتس وارجعه معنا
امم ههه
حس بابتسامتها وربكتها--خلاص فمان الله
باي
ورجعوا بعد ماخلصوا وخذو جوله سريعه في البيكادلي
راكان انتبه لاريج واستوعب ان لها ساعات وهي تمشي وحتى لو بتتعب ماراح توضح كعادتها تقاوم
تقابل مع فلاح وقال وين العيال ياله حنا بنعود
فلاح-على راحتك حنا معك
عبير-- ليش خلونا الجو يجنن بالليل
اريج(البيـــــــــــت ؟؟)--مدري ماتسمعين يقول بنروح البيت
عبيرلمحت فلاح بقوه وهو واقف يتكلم مع راكان وبندر وتراجعت في التحدث مع راكان--(ياماشاء الله الله يرزقنيـــــــــ يارب)
اريج توترت وارتبكت من عرفت انهم بيروحون السكن ..
العنود --تو مابدا يحلى الجو ليش بيرجعون
فلاح--راكان شكله تعب
عبد العزيزوهو يشوف العنود بالمرايه--تبين نطلع ننزل بوعايد ونطلع
العنود بضحك وحرج--لا عادي الله يحييه
رجعوا وفلاح راح مع بندر
وراكان قال بنام --
دخل وشافهم كلهم جالسين بالصاله جلس معهم
عبير انحرجت داخليا لانها تمنت لو انها كانت بالغرفه وتواجهوا لوحدهم
سولف معهم وكانت اريج متابعه عالصامت بحرج
وعبير تاخذ وتعطي ويفهمها عن انجلترا اكثر
بعدها بلحظات عم الصمت لمتابعه ابرز القنوات
وقف راكان --لاتسهرون عشان نتمشى بكره من بدري لارجعت من الجامعه
عبير--مايصير نروح معك الجامعه
راكان وهو يتوجهه لغرفته--يصير بس اصحوا بدري
اريج(مستحيل وش اسوي اللحين ادخل وراه امممم صعبه والله )
عبير بهدوء--خلاص عادي روحي انا بشوف هالفلم وبدخل انام
اريج--لاعادي تونا اصلا
عبير --قومي بس ماعليتس مني
اريج وهي تاشر بعيونها تقصد الرفض--خلاااص
عبير(ياقلبيه احرجتهم )--طيب
جلست اريج تترقب صوت باب الغرفه ونظرات عبير اللي تشوف الغرفه اكثر
وكل ماشافت عيون عبير مالت على الغرفه توترت تدري انها تشوفه او انتبهت له
وبعد فتره --
عبير --قومي طفى النور حرام عليتس
اريج بربكه--اووووص بس
عبير اشتدت اعصابها من وضعها بينهم --
وفجاه انتبهت لهيئته وهو يتمدد عالسرير بوسط اضاءه خفيفه--
عبير--ارو ج تكفين قومي انسدح
اريج بابتسامه حرجه--انا وش دخلنــــــي خلاص تكفين
وهنــــــــــاك--شكلها مستحيه اممم لايكون ماتبيني لا اله الا الله
اجل خلهم مع بعض الظاهر مالي نصيب اليوم ؟؟
اممم وراي جامعه وتعبان من المشاوير اليوم والشفقه على هالبنيه خل انام )
وبمكان ثاني بالولايه --
فلاح وبندر دخلوا مقهى وفيه صاله للتزلج بالوسط --
بندر --ابوعايد تعرف تتزلج
فلاح--الله الله حتى ابو سعود ياكم مره جينا هنا
بندر --انا اعرف بس مبطي كنت اتزلج بالبوت وانت بكرامه
فلاح--ولايجي بخاطرك يابو خالد قم ولو اني مالي حيل بس عشانك قم
لبسوا واستعدوا للتزلج --
بندر--الله يستر لااجيب العيد
فلاح--لا تشيل هم وانا اخوك
بندر--خل انزل جوالي لايطيح
فلاح--اي نزله هنا وخذ عليه بطاقه وخذ تيلفوناتي معك ..
وهنــــــــاك--
<
<
<
>
>
>
اريج بربكه--انا بدخل انام شكله نام
عبيروهي تترقب الظلام--ايه ياعمري شكله نام من زمان
اريج (نوم العافيه )--خلاص اوك نامي انتي بعد
عبير--اي لارجع بندر نمت مارتحت انا
اريج--لاتطولين
لا ان شاء الله لاخلص الفلم يكون رجع الله يهديه
اريج وهي تعطيها ظهرهاوعند الباب رفعت عصاتها--وتمسكت بحافة اطار مدخل الباب
وبحافة الباب وبهدوء اغلقته وهي تتابع عبير اللي ادعت انها ماتراقبها..
ومنه للدولاب
ومنه للشنطه
ومنه جلست على الاريكه ولبست بجامتها وهي تترقبه خايفه لايكون صاحي وانا كان فهو معطيها ظهره وهالشي مريحها
بعدها توجهت بهدوء وجسد متعب من المشي المكثف مع مقاومتها ..للسرير
جلست ببطىء وهدوء وبعدها تمددت ..
قرت المعوذات واسترخت واستسلمت للنوم..
وفي الخارج حيث الصاله --
ازدادت قلق يوم اتصلت ولارد عليها ..
حاولت تهدا ولاقدرت--ليش مايرد ليش ..؟؟
---------------
بندر كان يضحك وعرف ان المهمه اصعب بشوي من تزلج الارضيه العاديه عن الثلج
وصار يضحك وفلاح اللي ماقدر يمنع نفسه من الضحك لانه كان ماسك يمين بندر
ويضحك على تعليقاته لابارك الله في من جمع ذا النسوان هههههه يعرفون ازين مني ..
ياويلاه على من جاء طاير وصمخهم في وجيهم بس اخاف انا اللي اوقع مهوب هم
فلاح بضحكاته اللي ماقدر يوقفها كان يتمنى انه يسكت لانه ماعاد قاوم التزلج والضحك في وقت واحد..
بدا يساعده لكن بندر رفض انه يترك الحائط المحيط بدائرة التزلج
وفلاح يترجاه وهو يضحك انه يتركه دامه بجواره..انه مايقلق لانه بيكون بجنبه ويساعده
لكن بندر لم يسمح له وتاكد ان المساله مع فلاح ماراح تكون امنه ووضعه وهو متعلق بالحائط افضل
فلاح بضحكات عاليه وهو يبتعد عنه بكيفــــــك خلك متعلق مثل البرص في الجدار هههههههه
وبدا يستعرض ويتزلج وهو يشوف ابتسامة وضحكات بندر ..
بندر تعال يالعيــــب طلعني لااتكسر هنا ههههه تعال
جلســــــــــ يأشر عليه
فلاح ماصدق انه دخل الصاله ونسى اللي حوله ودخل بعالمه ..
بندر (ماشاء الله حريف مايمزح)
انتبه لشابه شقراء اقتربت لتتحدى فلاح وكانت مبدعه هي الاخرى بالتزلج..
الفتاه الشقراء--ماهو اسمك ايها المحترف ههههه؟
فلاح--فلاح
اانت عربي الاصل
نعم
ههههههه جميل انك تتزلج بمهاره
شكرا لك
اتحب ان ترى مهاراتي
لا مانع لدي
وبدات الفتاه يمنه ويسره تتزلج وتمسك الوسط وسرعان ماتنحرف لتعود لترسم دائره حول فلاح ومن هم بجواره
بندر انتبه للبنت ..(ابوك يالبزر تعرف هههههه)
فلاح راقبها بابتسامه لابداعها اطالت في استعراضها فرغب بالذهاب لجهة بندر
قطع منتصف الصاله بالضبط .
وفي المنتصــــــــــــف ..اعتلـــــــــــى صوت الفتاه الشقراء ليتوقف من في الصاله جميعا عن التزلج ..
-----------------
وهنـــــــــاك--وبعد ثلاث ساعات
عبير انتهى الفلم ولم تنتهي رحله الاتصالات على بندر المتتاليه
في كل ركن من البيت توقفت فيه
ترددت في طرق الباب على اخيها واريج
كانت تكبت اسأله ولعلها وساوس كثيره
خايفه..
ليش مايرد
معقوله مايسمع
انا قايله له انتبه لتيلفونك
وارجع بدري
ولاتسهر
حتى فلاح على كلام راكان عندهم جامعه بكره
ليش السهر
من قاله يروح ويشغل الرجال
مايسمعون التيلفون ثنينهم
واذا صامت 3ساعات ماشاف شاشة تيلفونه لا اعرف بندر دايم يشوف شاشة تيلفونه
يعني انسرق الجوال او طاح بمكان
اووووف
والحــــــــــل مافيني اصبر بيأذن الفجر وهم مالهم خبر ..؟؟
----------
وهناك بالغرفه --سمعت صوت نغمة تيلفون راكان
وبسرعه تسارعت خطواتها للباب تسمع
راكان --امم هلا
اي وشفيــــــــــــ
جاي جاي وينكم فيه ؟؟
جـــاي لالا انا جاي
راكان وهو يبعد المفرش واريج بخوف تبعد شعرها عن عيونها ..وشغلت الاضاءه..
<
<
<
>
>
>
<
<
<
>
>
>
جاهم صوت عبيرمن خلف الباب-- راكان وش فيـــــــــــــــــه؟؟؟ كنت حاسه والله.. من يوم مايردون عليـــــــــ..
لم يجف قلمي غدا يكمل ويكشف لنا اسرارهم
كل الود لكم
صبى الاوراق
همسه--بلغـــــــــــــوني حبايبي بالاستلام عشان نشوف باقي احداثهم..
|
10-11-09, 09:30 PM
........... الجزء رائع كالعاده
جديد مواضيع قسم القصص المكتمله من وحي قلم الاعضاء
العرض العادي
