مايموت عزمك دامني جنبك - الصفحة 8 - القصص المكتمله من وحي قلم الاعضاء

21-06-09, 03:13 AM

المشاركة رقم: 36

المعلومات
الكاتب:	صبى الاوراق
اللقب:	ليلاس متالق

البيانات
التسجيل:	Jun 2009
العضوية:	146325
المشاركات:	245
الجنس	أنثى
معدل التقييم:
نقاط التقييم:	52

االدولة

مدونتي

الإتصالات
الحالة:
وسائل الإتصال:

كاتب الموضوع : صبى الاوراق المنتدى : القصص المكتمله من وحي قلم الاعضاء

السلام عليكم ورحمة الله وبركاته
تقبل الله منا ومنكم صالح الاعمال احب اشكر ازدياد عدد المتابعين والقراء حتى وان كانوا على قولة ناقده من خلف جدران الكواليس اتمنى للجميع قراءه ممتعه
كل الود مني لكم
بسم الله
قراءه ممتعه للجميع

-البارت السابع -

في لندن

وفي جامعه اكسفورد تحديدا

فلاح وامام احدى القاعات الكبيره -- لالا الحمدلله زين انت وينك فيه بس
راكان من سماعة هاتف فلاح --الحمدلله وصاجنا بذاكر بذاكر تعال تعال واجهني عند البوابه انتظرك

فلاح بابتسامه -- جايك
قفل الخط وخذا فاتورة الطلب من النادل وجلس مقابل البوابه على طاوله
فلاح عرف راكان من الخلف - جاه وسلم وجلس يتكلم عن الامتحان بحماس وبالورقه يحلون الاجابات مع بعض
قطع على فلاح صوت هاتفه المحمول -- شاف الشاشه يااااااهلاااوالله ومرحبا
امه بصوتها الحنون --
وبكل شوق ووله لابنها الصغير -- ياهلابك مليون وشلونك يمك عساك طيب
بشرني عنك وعن دراستك يقولي اخوك ان عندك اختبار اليوم؟
لا الحمدلله عاد والله لوني سامعن صوتس قبل الاختبار لكان جبت الاول عليهم قالها وهو يشوف راكان ويضحكون
امه بصوت مخنوق-- ولالك جية قريبه -- لاوالله يمه يمه الحمدلله في ناس ماشافوا اهلهم 7 سنين
امه بقلب متقطع -- لا انشاء الله يرخصون لك وتجي لمنا قريب
انشاء الله انشاء الله
راكان يفكر بدقة فلاح بالحكي عليه --راكان جته كم فرصه بس مانزل للسعوديه
كل مره تكون الفرصه ولايكتب ربي لراكان لانه مكون نفسه مره برى فسكنه ملك وسيارته ملك ومااسس اوضاعه بذكاء وجهد
وكل هذا واعمامه معه وهم من ساعدوه ومع ذلك ماعمره طلب منهم هم من يبادروا ويجبروه لاخذ مايقدمونه له
واخرها السياره من فيصل اللي عطاه اياه اول هالسنه يوم زاره في لندن
بينما فلاح لم يفعل مافعل راكان فلم يملك الى الان سياره
وكثيرا مايعتمد على اخيه في ارسال له المبالغ عندما يحتاج
جاء النادل بالكوبين وقدمه لهما --
رشف راكان رشفات واهو يحن لسماع سوالف الامهات على اولادهم
والواضح ان ام فلاح توصي فلاح انه يتدفى وفهم انها تقول دف اهم شي رقبتك وراسك
فلندن بارده وقارصه هالايام
يجملها صوت القطارات والريل السريع
ابتسم راكان لفلاح الذي يطمان والدته انه بخير وعافيه ولاتقلق عليه
انهى المكالمه واهو يقول يابعدهم انتي
راكان -- الله يخليها لك
فلاح --تحيا وتدوم
فلاح بحماس -- تدري امي هالايام وش تقول انا مدري من حاط هالفكره براسها
راكان بضحك وحماس--- وش تقوولوشهي فكرته
فلااح تقول حاول تاخذ اجازه تعال شايفتلك بنت بزوجك اياها وخذها معك
راكان -- الله يجعل والدينا في الجنه
فلاح اي خايفه علي لا انحرف
راكان بضحك --- لا انحرفت ترى انا اول من يطردك من بيتي
فلاح بضحك وثقه --- ماتقدر مالك غنى عني
راكان بثقه اكبر -- قد عشت 6 سنين لحالي
فلاح بضحك -- ترا بصدق انك ماتبيني
راكان بود -- لاوالله يابو عايد شراتك ينعاف وقت بلياه والله معرفتك ردة لي الروح عن فراق اهلي وربعي
فلاح بود اكبر-- جعلك سالم ومتهني
والله لايفرق مابينا ويجمعنا على الخير والطاعه
وينهيي غربتنا بالتوفيق انشاء الله

---------------------
في غرفة المعلمات
واثناء مااريج تضغط بنفس مكان الالم تحاول تتاكد انه اختفى او لازال
والحمدلله كانت اجابته انه اخف من الاول بس مايبي حركه قويه للحوض
وبخاطرها --- ياربي وش جاني
حاولت تتناسى الالم -- مسكت جوالها ودقت على عبير الورد<<<<<<<<<
وقبل لايفصل كان صوت عبير -- الووو هلا والله بالخوافه
اريج بابتسامه خافته -- هلا والله وش خوافه بعد
واستطردت متذكره اللي صار-- اهاااا وضحكت
عبير وش مهببه انتي قفلتي الايميل بوجهه صح ههههههههههههههه
اريج اي مو ايميلي وش يخليني اصلا ارد عليه من زوده رحمته يوم شفته قلق عليتس وعادت اللي صار كله
عبير -- اي اي قالي بس مو بالتفصيل مثلك اجل كذا السالفه
عبير طيب عادي ولد عمتس ترى ورابي معتس يعني مثل اخوتس
اريج لاياشيخه --- من متى المعرفه ولد عمي بس انا بالذات ماربيت معه ولا اصلا اعرف وجهه
عبير لازم وجهه وبعدييييييييييييييييييييييييييين شهقت تذكرررت ملامحهه
ارووج اروووج ياويلييييييييييييه يااروووج ياعليه وجهه وملامح يهبل والله وطلع عندنا احد في العائله ينافس نيوف
ارييييييييج وش السالفه ههههههههههههه شفتيه؟؟
اي فتح الكام لي امسسسسسس
وبحماسها طلعت من مكتبها لغرفة المرايا والصلاة عشان العميلات
موجودات بالممر اليوم لانه اليوم في اسهم نازله
اقووولتس ارووووووج ياليتني طلبت صوره له عشان تشوووفينه
يهبل يهبل يقطع غضاريف القلب
اريج بحماس --- اوف كل هذااا قولي ماشاء الله حسيت انتس شايفه سلفستر
عبير --- ياويش سلفستر عند اخوي وولد عمي
وبعدين ابنظله انا اخته اللي اخاف عليه
الخوف من اللي عنده وماخذين عقله
اريج بحماس -- من ؟ وش تخورين انتي ؟
عبير بقهر -- شكله يحب امدري متزوج والله مدري اروج انا ماخبي عنتس شي
اريج بخوف وشفيتس انتي ؟
تكلمييي
عبير ماحب الالغاز لاتقلقيني
عبير ماعاد كملت حوارها واختفى صوتها----------
الوو
الوووووووو
اخت اريج اي خدمه اخرى
اريج ؟؟
عبير بثقه واحترام --انا حاضره كل الشكر لك لتعاملك مع بنك ---مع السلامه

اريج تعودت على هالحركه من عبير اذا شافت عملاء او مندوبات او اي ظرف يشغلها بمراقبته لها او انتظارها
عدلت جلستها وقالت ياربي ياعبير حبكت تقطعين السالفه من النص
ليش كذا راكان يتزوووج ليه مهوب بكيفه ؟؟
-------------------------------------

فصله -لصبى الاوراق --
يمديكم على مهوب بكيفه تتوقعون ليش قالت مو بكيفه ؟؟

-----------------------

وتحديدا في الطريق لمطار الملك خالد

ليتني مريت على اختي حصه وشيخه اسلم عليهم
فيصل يبادر وهو يناظر الطريق من ورى نظارته--مايكفي كلمتيهم تيلفون
ساره وفي بالها حصه الحنونه اكثر
لا بس الجد على الاقل حصيص اختي تقطع قلبها يوم درت
فيصل واهو مغلق فمه ويعلك بخفيف-- اجل بكت كالعاده
ساره بضيق -- اي جعلني فداها دايم تبكي تقلق من بعد خالد واهي معاد تتحمل فراق احد
فيصل --الله يعين تدرين اجل يمدي نرجع ونسلم عليها
ساره بحيره -- لا واقفين يعني ولايمدي نجلس نتقهوى شوي معها
فيصل بحماس-لاحبيبتي مايمدي نجلس معنا ساعه على بال ماعود ولبيتهم ومسافة الطريق للمطار مره 2 بيكون مابقى شي على البوردنق والرحله
ساره بياس -- خلاص بعد نروح نبكيها زود خلا ااص خلاص
فيصل وجاءت فكره براسه -- السوري شرايتس بعد مااخلص شغلي نروح لراكان بلندن
ساره واهي تطالعه بنظره فاهمته -- ايييي وبعد
فيصل وبس مابعد لندن شي نبي البراد والجو الزين ومنها نشوف راكان
ساره واهي تستبعد افكارهاا-- ماعليه شر راكان طيب وتكلمونه وتوك جاي منه اول السنه
فيصل واهو يمسك المقود بايد صلبه -- والايد الثانيه يحاول يشبكها بايد ساره -- والله ماستانست بدونتس اي سفره حتى لو بديره مثل لندن منتيب معي فيها
ماعتبرني زرتها لاني رحت بدون قلبي
ساره واهي تبوس كفه -- وافديتك انا
فيصل برجاء --هاا وش قلتي حبيبتي نروح للندن ؟؟
ساره بابتسامه وتبي ينسى هالسفره اللي لو وافقت عليها بتطول غيبتها عن بناتها وخصوصا ان رهوف مو معها--حنا خل نوصل للمطار ومنه للامارات وبعد الامارات
تزين الامور انشاء الله
فيصل وبخاطره انا عارف ياساره ان العيال اهم وهم اللي تحسبين حسابهم بالاول ناظر شباكه عشان يلبق السياره زين بالمواقف --- انشاء الله
وقبل لاينزل دق فيصل على نايف ----<<<<
الوو
الوو
هلاومرحبا بالشايب
فيصل وهو يراقب عيون ساره من النقاب وكانه يرسم رموشها وكحلتها السايله الدقيقه اللي خذت رسمة العين بمهاره ورموشها المتباعده بمسكارا طبيعيه خلابه
وينتس تسمعين ياساره --------يقولي شايب تدرين؟

ساره واهي تضحك وبصوت خافت لمسامع فيصل-- ياحلو شايبي
فيصل يضبط نفسه يوم سمع جملتها الاخيره --ايوه شسالفه الشياب على ذا الصبح يوم شفتني بسافر عشان اتشبب هههههههههههههه قلت لي شايب يعني لازم تذكرني حتى وانا عند المطار
نايف يضحك وبقووه -- اجل ماتقولي ان اكبر عيالك في الجامعه
فيصل بحماس -- وانت لاتقولي انك ماتدري ههههههههههههههه
وحطه سبيكر عشان ساره تتفاجا مثل مافيصل تفاجا--
يقول توه يدري ان اكبر عيالي بالجامعه
قالت ساره --نايف ماتدري ان نوره وريناد كبر بعض وحتى بنت عمك ناصر افنان كبرهم ابد مابينهم الا اشهر ولاكلهم بنفس السنه
نايف بحرج--عالعموم الله يخليهم لكم انشاء الله وهاجين اجل وتاركينهم
ساره بحياء تضحك --ماينخاف عليهم بسم الله عليهم دام عندهم اختهم
فيصل يغلق السبيك -اقول نايف انا السياره بركنها في المواقف وتعال انت وبندر خذوها ولامحمودومعه بندر وتراني بحط المفتاح في الشكمان طيب
نايف --اعتمد ماتشوف شر
فيصل --ولا اياك
فيصل يقول لساره --ياله فديتس تاخرنا انزلي
-------------------
في شارع القدس وتحديدا الشارع اللي فيه بنك الجزيره وعلى هدير محركات GMC
كان واقف بينهم بشعره الكدش متلطم يستنى دوره بالاستعراض
بندر-- اقول ذا مرتبك ماعرف للموتر خله يعطيني اياه اعلمه الشغل صح
صاحب اللثام بالشماغ الاسود الي كنها غتر ه فلسطيني -- لالاتتهاون فيه ترا يضبط الشغل زين بس اليوم
عطوه عين العيال اصبر عليه بيبدع لك اللحين بس راقبه راقبه
بندر بحماس وغضب بنفس الوقت --ياشيخ ماشفنا شي منه
لحظااااااات واصوات الدوريتين الامنيتين تحيط المكان --- وتحاول القبض على بعض الشباب لكنهم ساروعوا بالركوب في سياراتهم
وفركواا على قولتهم افركوااا ياعيال افركواا الشرطه الشرطه
بندر كان بعيد هو وحمدان عن سياراتهم -- بينما لم يستطيع الهرب
فمسك به هو وحمدان ووثلاثه معهم افراد الامن

-------------------
وفي الجامعه بحي الملز

ريناد ونوره وافنان يدخلون الجامعه --
افنان بجراه -- ريناد امحق زييييييييييييين على نايف يهبل
ريناد بثقه --- بسم الله على اخيي من يوم يومه يجنن
نوره تصفط عبايتها وتسمع حوارهم
افنان بجراه-- والله لولا الحيا ولاكان صورته
ريناد باستغراب وابتسامه -- لييييييييش تصورينه
افنان بمكر -- اصوره وارسل لصورته لوحده تسوي عمل عشان اتزوجه
نوره وريناد يضحكون على افكارها
نوره بضحك واهي تلبس نظارتها الشمسيه-- عليك افكار ياافناان
افنان بجراه اكثر --والله اني ياريناد انهبلت يوم شفته انا من زمان عنه هو ليش ماينشاف
ريناد بضحك واستغراب -- وشوو تبينه كل اسبوع يجي يمر يسلم عليتس خخخخخخخخخخخخخ
افنان -- لا جد هو ماينشاف ابد
ريناد بحب -- ياحبي له هو اصلا بيتوتي من الشغل الى استراحتنا الى البيت
نوره باستماع لهم ومتعمده تقطع حوارهم عن نايف--بنات ياله تاخرنا على محاضرة الدكتور
وبطررررررريقهم للقاعه
رينااااااااااااااد رينااااد
كان هذا صوت صديقتها من ايام الثانويه الاهليه --هلااا
صديقتها -- هلا وتسلم عليها بينما ريناد صافحتها بجهل فيها
الصديقه ريناد ماعرفتيني--
ريناد بحرج-- لاوالله ماعرفتك مشبهه
بينما نوره تنزع نظارتها الشمسيه تراقب ملامح هاللي تعرف ريناد وترحب فيها هي الاخرى مشبهه
نوره تقاطعها --- هند
هلاااا هند

وصووت ريناد اهااا هند وترجع تسلم عليها خد
لكن هند انجنت يوم عرفت نوره نوووره تغيررررتي
سبحان الله الزين الزين يالبيييه تغيرتي بس تدرين سامنه وخدود وحركات
نوره بحرج -- عيونتس الحلوه
تستطرد الحكي عن اي قسم انتوا ومعلوماتهم هنا---
هند تبادر -- وين بنت عمكم الثالثه هي اسمها افنان
ريناد بحماس ونوره تهز راسها وتعاود لبس النظاره-- اي اي
هند بابتسامه--عادها دبدوبه
ريناد ونوره بضحك نوره حرام عليتس تسوي ريجيم
ريناد -- هي وينهااا اكيد سبقتنا للمحاضره
هند اجل عندكم محاضره--
ريناد ونوره بحرج -- ايي
هند اجل عطلتكم خل نشوفكم ياله بايو
نوره وريناد --- انشاء الله باي
---------------------

بيت ام نايف

حصه تتحسس جيب جلابيتها تبي جوالها--ماري ماري
ماري-- نأم ماما
حصه --جيبي جوالي من الغرفه
ماري --تيب ماما
حصه وبخاطرها تقول بدق على عبير انشدها محمود بيجيب ريناد ولا لا
ماري -- تفزل ماما
حصه اي عفيه عليتس --ركبتي الغدا
ماري-- اي ماما يطبخ الا نار
حصه زين زين
جاري الاتصال -- <<<<<<<<<
جاها صوت عبير-- الووو يامرحبتين والله كنتس حاسه اني افكر بتس
امها -- هلابتس يانور عيني امري امي انتي
عبير بوله -- ابي انشدتس ودى نايف البنات
امها -- اي نفداه وداهم
عبير براحه-- يعطيه العافيه خل تذكرله ريناد انه مره وداها تلقيناها مبسوطه ان نايف الي وداها
امها --اي حبيبتي نزلت عجله وقلتلها لاتخافين نايف بيوديتس على دربه
امها باستطراد اكملت -- اسمعيني يمتس اخلي يجيبهم اذا طلعوا ولامحمود يمديه يجيبتس ويعود عليهم
عبير بدون تفكير -- لالا برد لتس خبر قبل لاطلع بساعه طيب
امها -- اجل وداعتس الرحمن
عبير بانشغال-- ماتشوفين شر
-----------------------
حصه اغلقت الخط وسريعا احسست بشي من القلق على اختها اللي قلقت عليها مابعد مر يوم على غيابها
اختارت رقم 9 اتصال سريع <جاري الاتصال بدلوعة زوجها كان هذا اختيار حصه وشيخه عندنا شروا شرايحهم قبل 4 س
وخزنوا اختهم بهالنك
<<<<<<<<<<<<ان الهاتف المطلوب لايمكن الاتصال به الان فضلا اعد الاتصال في وقت لاحق
حصه بووله كبيروتوتر --اكيد بالطياره توهم
الله يحفظكم وينقل خطركم
-----------------------
في شركه ومؤسسه ابناء خالد ال سعود --
وتحديد مكتب مدير الشركه

يرن هاتف نايف المحمول--- نايف يشوف رقم غريب
وضع الجهاز على يمينه بعد ماوضع كتم للرنين
ولازالت الاضاءه تشير بان الاتصال مستمر
تركه محاولا تجاهله --لان مزاجه مشغول بالمعامله اللي قدامه
دقيقه وعاود الرنين-- وبتافف شاف نفس الرقم وباستغراب من طالبني على الهاتف الخاص بي
اكيد صديق قديم او احد يبي خدمه والله مالي مزاج
اغلق الهاتف نهائياووضعه في جيبه ووقف ذاهبا للمدير المالي اللي اكبر منه سنا
تعود انه يروح له شخصيا احتراما له لكبر سنه وانه يحبه ويعده مقام ابوه
من الموظفين القدامى واللي لهم جهد قبل وبعد وفاة خالد ابوه
---------------
رن تيلفون الثابت وحصه جالسه تسنن الضحى
فكانت ماري الاقرب له من هاتف المطبخ--- الو
الو السلام عليكم هذا بيت نايف خالد ال سعود

ماري بخوف -- نام بابا هازا بيت
الشرطي --- وين نايف
ماري -- نايف مافي موجود
الشرطي-- انا شرطه في موجود ام نايف
ماري لها 13 سنه تشتغل في بيت ال خالد وكنها وحده منهم عاشت معهم حلو الايام ومرها بس سمعت كلام الشرطي عرفت ان بندر مسوي سالفه نفس اللي صار قبل شهرين
ووقتها عبير قالت لماري امي ياماري تعبان سكر وضغط مايصلح نقولها اي خبر مافي كويس
ماري قالت بصوت خائف-- ماما مافي موجود
الشرطي بياس--عطيني رقم شغل بابا نايف
ماري --معلوم نمبر موبايل بابا شقول مافي معلوم
وجه التيلفون مكتوب
الشرطي اوك جيبي موبايل ملته الرقم اللي علىو جه التيلفون مكتوب
الشؤطي خذاه واغلق الخط -- بينما ماري اغلقته سماعة المطبخ
والقت نظره اطمئنان على حصه في الصاله اللي مازالت تصلي
وبسرعه رجعت رفعت سماعة المطبخ واتصلت برقم نايف اللي عالتيفلون <<<<<<<وكانت الاجابه مغلق
نايف عنده رقمين رقم خاص باهله وعلاقاته الخاصه ورقم خاص بالشركه واشغاله
ماري ماتعرف رقمه 2
قررت تستنجد بجهاز ام نايف اللي لمحته فوق التيلفزيون وعلى طول ومنه قامت تبحث في الاسماء على اسم نايف ولكنها ماعرفت انه بجوال امه اسمه -نور داري-
فقررت الاتصال بعبير اخر رقم اتصلته ام نايف--- الووو الووو
هلااا يمه ----من ماااري
عبير بخوف-------

شفيتس ماري امي فيها شي-----------؟؟
لالا مافي شي مافي كوف حبيبتي هادا بندر سوي اكسدنت وانا مايبي قوول لماما اشن شورطه كلام قول وين ماما وين بابا نايف
عبيييييييييير وبصوت قلق ومرتفع توقف وتمشي خارجه من المكتب -------- اي اي وشووو فيه شي صار له شي
لالا انشاءوالله مافي شي مافي كوف بس لازم كلام انتي بابا نايف نمبر تاني اشان انا سوي كلام بس نبر موقفل
عبيررررر انا جايه جايه
قفلت كلمت محمود --------------------محمووووود تعال بسرعه بنك
وعلى طووووول نايف<<<<<ان الهاتف المطلوووب 0000000000000
ياااربي <<<<<<<<<<<<<<رقمه الثاني
وبعد عدة رنااات
الووووو
الوووووومحاولة ضبط نفسهااا نايف وينك
نايف يحاول يتمالك نفسه بالسياره رايح للشرطه
واستدرك لاتخافين مافيه شي --- انا بنفسي كلمته عند الضابط وطيب ومافيه الا العافيه
عبير والله قل والله وشهو صادم فيه ومن سيارته اللي معه
نايف وشوووووو حادث ماصدم لاتخافين طاق من المدرسه انا بنفسي موصله الصبح اليوم
ومعه شله ورايحين يتفرجون على تفحيط بس هذي كله السالفه والله
عبيررر بخووووووف اكثر ------ لاتكذب علي يانايف بندر فيه شي
يابنت الحلال والله هذي كل السالفه وبعدين من قالتس حادث
يعني ماري تكذب ---
نايف بخوف يقاطعها---- لالا ماعندها سالفه عسى امي بس مادرت ان الدعوه كذااا خل اكلمها اطمنها
لاتحاتين حبيبتي كملي دوامتس ترا بندر مافيه شي الحمدلله بس جالس يتفرج ومسكوه وانا ؤايح اخذه من المركز
وبحزم اكثر--- خلاص ياعبير لاتحاتين
عبير مرتبكه وترفع شعرها عن عيونها --- ماتشوف شر
اسمع كلم امي عسى ماماري قالت لها شي انا مقدر حدي متوتره منيب عارفه احكي
نايف طيب طيب ياله ياله
----------------
دق على البيت ردت ماري
الووو ماري ماري زين انتي اللي رديتي ماما عرفت شي عن شرطه
لالا انا مافي قول
من قول بندر مسوي حادث
شورطه ---
شورطه قول لا مافي بس جنجان شوي مافي قول شي لماما طيب شوي وانا اجي بالطريق
ماري بخوووووووف من رجولة نايف وعصبيته---تيب تيب
نايف بحزم اكثر -- مافي قول ماري ماابي ماما يعرف شي طيب
تيب تيب
نايف تدرين افصلي تيلفون اللي عند ماما
اوك اوك بابا
مع السلامه

لم يجف قلمي غدا يكمل ويكشف لنا اسرارهم
كل الود لكم
صبى الاوراق

21-06-09, 04:26 AM

المشاركة رقم: 37

المعلومات
الكاتب:	ripe lady
اللقب:	ليلاس متالق

البيانات
التسجيل:	Jul 2008
العضوية:	85297
المشاركات:	246
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : صبى الاوراق المنتدى : القصص المكتمله من وحي قلم الاعضاء

صبـــــــــــــــــــــــــــــــــــــــــــــى يسعد لي صباحك

مشكورة على البارت

بارت اليوم احسه بدى يدخلنا بالروايه اكثر, بس مازلت في بعض الشخصيات مدري

هل هي عابره او بتكون من ضمن ابطالنا <--- بتابعك وبعرف بأذن الله .

====================================

نايـــــــــــــــــف

ابي افهم مبهور من عمر نوره طيب والكائن الحي الثاني ماشافها ؟؟؟ يعني انتبهت لنوره وافنان

ليه ماهتميت انك تتصل بخالتك شيخه وتقولها بنتك صارت بالجامعه!!!! مثل ماسويت مع فيصل؟

اخاف انه داري لو قال لخالته شيخه بتقوله جيب المملك وتعال بسرعه .

ماغلطت يوم قلت ان حياته كلها رهن اشاره من اخوانه . تفاني وايثار قليل نلقى مثله بهالزمن .

مممم

اتوقع موضوع بندر بيفتح جبهة حرب بين نايف والمراهق المتهور بندر بتستمر

طيلة اجزاء الروايه
وبتأثر اكيد على امهم دام معها السكر .

========================================

عبير ماصار لها نصيب بهذي البارت نكتشف عنها شي جديد .

لكن توازي نايف بمسؤليتها تجاه عايلتها واهتمامها فيهم.

ضحكني موقفها مع اريج واضح انها كثير تمر بهذا الموقف لدرجة ان اريج مااستغربت

وعبير حولت كلامها بطريقة آليه.

===============================

راكـــــــــــــان

بارت اليوم اشبع شوي من فضولي تجاه راكان .. شخصية معتمده على نفسها

والاهم تعود انه يعيش لذاته رغب حبه الشديد لعايلته .

علاقته مع فلاح علاقه اخويه حلوه . بس شتان بين مبادئ كل واحد فيهم.

يؤيؤ لا يكون فلاح اخو عايشه وعقب طلاقه ترك الديره وراح يكمل دراسته <-- لاعاد تتوقعين

=============================

علاقة نوره وافنان وريناد حلوه وعجبتني

يعتبرون اخوات اكثر من انهم بنات عم وخاله , بس هل هند شخصية عابره لا بتكون لها دور ؟؟!

=======================

ساره وفيصل

مممم

ناظري ممكن نتفق وممكن نختلف لكن علاقتهم احس فيها خيال بزياده , لان علاقتهم

فيها مثاليه بزياده .

هل بيستمرون على هالحال او ممكن بتمر فيهم عقبات تأثر عليهم شوي مثل حال المتزوجين.

خصوصآ وان فيصل متأكد ان يجي بالمرتبه الثانيه عقب اولاده بحياة ساره. هل بيبحث عن

انسانه يكون بحياته بالمرتبه الاولى بلامنازع؟؟!!!

===========================

اريج اتوقع ان من كثر ماتلمح امها لزواجهم من راكان برمجت نفسها انها لراكان,,,,,,,

او يمكن ان كون امها ربته هي صاحبة الحق انها تختار وتقوم بدور الام بترتيبات الزواج.

وابوها وعمها فيصل هم لهم الكلمة الاخيره بااختياره زوجة المستقبل.

===========================

ننتظرك بكره بأذن الله عشان تسلطين الضوء على جزء اخر من الروايه.

21-06-09, 05:21 AM

المشاركة رقم: 38

المعلومات
الكاتب:	NoOoFy
اللقب:	ملكة المرح

البيانات
التسجيل:	Nov 2008
العضوية:	106580
المشاركات:	1,343
الجنس	أنثى
معدل التقييم:
نقاط التقييم:	528

االدولة

مدونتي

الإتصالات
الحالة:
وسائل الإتصال:

كاتب الموضوع : صبى الاوراق المنتدى : القصص المكتمله من وحي قلم الاعضاء

اببدا اليوم بماري قسم بالله تحفه يالله انك ترزق اميمتي مثلها اذا كبرة ترى امي توها صغيره في الاربعينات وانا البكر
كل اللي عندها مامنهم فايده على كثرهم هي اللي تطبخ
يمكن العيب من ابوي هو مايبي الا طبخها (يقاله فيصل ايه ابوي من رجاجيل الخليج مانبي الا طبختس يطيبه يلعب عليها وهي يلله تركض اطبخله عشانه مدحها لاولله عاد فديت ابيي اموفر لها اللي تبي )

السوري وشرايتس نروح الراكان بلندن
ساره اييه وبعد
بس مابعد لندن شي وه بس تحسينه حوار في قمة البراءه
وبقي الحوار طالع من قلب
بس ماتحسين ان فيصل فيه اشوي انانيه يبي ساره له الحاله وذا المسكينه ولوها المسؤليه امبكر
ياخوفي من روحتم اخاف تكون نهاية فيصل وساره فيها وتاخذ حصه اعيال اخته تربيهم وتزوج نايف نوره وبكذا تزود مسؤليت نايف

اعجبتني شخصية نوره الاكبر من عمرها بسبب اعتماد امها عليها اذا سافرت
وتوقع هذا اللي يبيها نايف عاقله ورزينه ويعتمد عليها
مع ان نايف يصلحله وحده فرفوشه حيويه عشان تنعش قلبه ويكون تعامله
معها اكثر اريحيه لكن ثقل ساره ورزانتها بتخلي التعامل معها رسمي
يعني بلعربي الثقيل يبيله خفيفة دم اتفرفشه وتوسع صدره والخفيف دم يبيله ثقيله وعاقله تركده وتثقله

اتمى الله عليك نعمته ووفقك

21-06-09, 05:26 AM

المشاركة رقم: 39

المعلومات
الكاتب:	صبى الاوراق
اللقب:	ليلاس متالق

البيانات
التسجيل:	Jun 2009
العضوية:	146325
المشاركات:	245
الجنس	أنثى
معدل التقييم:
نقاط التقييم:	52

االدولة

مدونتي

الإتصالات
الحالة:
وسائل الإتصال:

كاتب الموضوع : صبى الاوراق المنتدى : القصص المكتمله من وحي قلم الاعضاء

ripe ladyوصباحك حبيبتي
منوره كعادتك العفو حبيبتي بصراحهمن امس وانا مقرره انه بارتين بس بعد ماصليت الفجر مادري ليش ترددت لان كان البايت كبير حتى وصايره الاحداث دسمه بقوه
وبكذا ماراح استلم توقعات على كل جزء طرحته قلت الخيره فيما اختاره الله واخليه بارت واحد

نايف بالاول فكرها بنت شيخه ولو انه كلم شيخه يمكن يقول بنتك شايفتني سواق عندها وش بيقول هو شكله ماكان متوقع اصلا ان السالفه بتشغله - لان من اخر اهتماماته انه تشغله بنت

توقعاتك رائعه كل الود لك عزيزتي لمرورك هذا الصباح

صبى الاوراق

21-06-09, 05:34 AM

المشاركة رقم: 40

المعلومات
الكاتب:	صبى الاوراق
اللقب:	ليلاس متالق

البيانات
التسجيل:	Jun 2009
العضوية:	146325
المشاركات:	245
الجنس	أنثى
معدل التقييم:
نقاط التقييم:	52

االدولة

مدونتي

الإتصالات
الحالة:
وسائل الإتصال:

كاتب الموضوع : صبى الاوراق المنتدى : القصص المكتمله من وحي قلم الاعضاء

ههههههههههههههههه هلافيك حبيبتي النوفي اشرقتوا على الصفحه بنوركم حبايبي
ماري نادره هالايام الا من رحم ربي هههههههههههههههه
يخليلك ربي امك وابوك ويبارك لهم مابين ايديهم
نايف رجل مثالي ويبيله زوجه مثاليه اذا عندك اخطبيله بس شوفي اهو يبيله احد يقنعه لانه رافض الفكره ههههههههههههههه

ساره وفيصل يعيشون بشفافيه وعذوبه حياه صادقه هل تستمر بصفائها ام ماذا؟

توقعاتك متميزه اليوم واصلي تميزك بس ماراح اقولك وين هههههههههههههههه

كل الود مني لك نووفه صبى الاوراق