السلام عليكم ورحمة الله وبركاته
اسعد الله جميع اوقاتكم بكل خير ورضا وصحه لاتزول
ولازالنا في يوم من ايام ال سعود .. وهو يوم الاحد
راكان حيث الصراع النفسي الفطري وجديده سوف ينقله نقله شعوريه اكثر معاناه من الصراع النفسي
واريج حيث الشعور بتأنيب لما حدث منها
لشخص قد قدم لها الكثير خلال يومين فقط ..
نايف لازال في المنطقه الشرقيه حيث الفرع ولكن الامور قد تبدوا على مايرام ..
نوره لعل مكالمته لها قد اهدأت افكارا قد اوقدت .. ولو ان المكالمه كانت مقصوده لها لكانت
قد غفرت الكثير له لكن رب صدفة خير من الف ميعاد على مايقولون ومذاكرتها في بيت
خالتها ..كان سببا وليس بادره منه ..
عبيربرأيي تعاني وتاكدت انها كانت متعلقه كثيرا فيه ولكن كل مره تطرد افكارها ..وتدعي لاختها اللي ماتدري عن شي ..
فلاح يعيش الدور بحماس خلال افكار للتو ابتدأت ..
مابي اطيل عليكم لازالت الاحداث تتوالى ..
فاستلموا البارتين --الستـــــــــــــــــــون والواحد والستون --
---البارت الستــــــــــــــــون --
لنــــــــــدن--
راكان--من اللي تروح الجامعه من خواتس
اريج بابتسامه--افنان
راكان--اي اتذكر نايف يوديهم مع مرته وريناد
اريج--اي
راكان--وش اسماء خواتس؟
اريج--افنان لمى والتوائم ميس والاء
راكان بابتسامه--اي التوائم اذكرهم
وبعد لحظات من سماع موجز لاهم الاخبار --
راكان (اي تكفين اكلي )--امم بنروح اليوم لقصر الملكه بيكنغهام
اريج بابتسامه--يعني عادي نشوفه
راكان بحماس --اي واذا كانت فيه تطلع تسلم عادي ولو تبين نصور معها
بس تدرين انا ابي تشوفين القصر من داخل والحرس ..الحرس شي عجيب تخيلي 6 ساعات واقفين ولاحركه ولا يشوفون تيلفونهم ولا شي
ولبسهم ثقيل المعروف الاحمروالقبعه السوداء الكبيره عرفتيه؟؟
اريج بابتسامه(فديته مبسوط )--لا
راكان --بتشوفينهم دايم يطلعون بالتلفزيون وبتعرفينهم ..
اريج--يعني نتفرج عادي
راكان--اي الدخول بتذاكر وانواع الزحمه
اريج--طيب وش فيه جوا ؟
راكان بحماس بعد ماخذا رشفه من الشاهي --فيه 600 غرفه من ضمنها 52 جناح للضيف الملكي
وغرف النوم لـ 188 موظفا ،
92 مكتب
78 حمام الله يكرمتس
والزين بهالقصر هو الشرفة اللي تجمع العائلة المالكة
على الاحتفالية والمناسبات الرسميه اللي يحضرها الرعايا
هو أكثر من دار للعائلة الملكية
هو مقر النظام الملكي
ومقر لزيارة وزراء الحكومة
وكبار موظفي الدولة
وفيه اسطبلات الملكية
وعربة الملكية الفاخرة اللي لها موكب فخم بقوه
وبتشوفينه
ثاني سنه جيت هنا قدمنا نشاط عنه وتشوفين فاهم الوضع وحافظ لندن حيل
لا المكان قليل فيه الوصف بتشوفينه ان شاء الله
اريج (ماشاء الله عليه عاده حافظ دراسته )--شكله كبير
راكان --كبير وبس .. وش مساحته؟؟ قاعة الرسم بس 122قدم
وتراه تعرض للقصف في الحرب العالميه الثانيه بس رجعوا يعيدون بناءه
اريج(كاني اعرف القدم ههههه)--اها
راكان انتبه لخبر عاجل قصف على الاراضي الفلسطينيه من قبل الاسرائيلين --لاحول ولاقوة الا بالله
اريج التفتت ورجعت تشيل اللي عالطاوله وبس وقفت انتبه لها--
لاتسوين شي لحظه لحظه
اريج بهدوء--لا راكان ترى انا مضايقه من نفسي اني ماقدر اسوي شي خلني اشتغل لو شوي
راكان (وافديت عمرتس انا مابي اتعبتســـــــ)--بس مابي اتعبتس ..يابعدي شوفي
راح وجاب سله المهملات اللي بالمطبخ --ومسك الصحون البلاستيك ورماها بس بس مافي شغل
والباقي ارجعه الثلاجه --وهذ انا برجعه
اريج وهو معطيها ظهره داخل المطبخ--طيب ابي اشتغل من جيت وانت تشتغل
راكان (وافديت حستس )--انا مبسوط يابعدي مبسوط
اريج وهي تدخل يدها تحت رقبتها وتبعد شعرها للخلف(ياربي والله ماستاهل )--
دخلت وغسلت ورجعت تعيد على احمر شفاه الوردي --
طلعت وشافته بالصاله --
راكان ماقدر يبعد عيونه عنها xxوبالصدفه تقابلـــــــــــــــــت عيونهم وابتســـــــــم..
تعالي عنديــــــــــــ
اريج وقفت (ياقلبيـــه)ماتدري تسمع كلامه او .. لا --
راكان وهو يعدل جلسته وملامحه هاديه --تعاليــــ
اريج وهي تشوف المكان اللي حدده وبعدها جلست فيه--
راكان وهو يتابعها بدون لايلتفت عليها--(وافديتس )
اريج (والله مالي وجه عجزت انسى والله شي ماينسى.. ومع كذا ماحسسني بغلطي ولا انا تاسفت بعد )نزلت راسها وهي تشوف اناملها وترتب اظافرها --
راكان قرر يتكلم --تبين اجيب لتس عصير ولاشوكلت ترى الثلاجه فيها اشياء كثيره
اريج وهي ترفع عيونها لشاشه التلفاز--لا الحمدلله
راكان وهو يتابع لمعة شفايفها بلون الورد وبابتسامه--عادي حلــي
اريج بهدوء وهي تبعد نظرها للتلفزيون-- لا شبعت والله
راكان وهو لازال متابع عيونهــــــــــا ..
رموشهـــــــــــا ..
حركة شفايفهـــــــا..
اريج(وشفيــــــــــه يشوفني كذا لاتقــــــرب لالا )
راكان وهو يتغير صوته--طيب انا ابي احليـــــ
(ياربيـــــــــــــ)
وقرب اكثر منهــا--ابي احليــــــ عليتســـــــــ
تابعها وهي تغمض عيناها بصعوبه ..
حس بانفاسها على انفه --(عذابـــــــــ مابي انحــــــرم يكفيـــــــــ)
وبعد ثوانيــــــ ابتعد عنها..
انتبه لتعابير وجهها وطريقه حرجها منه
وطريقتها وهي ترجع ايدها عشان تلامس رقبتها من الخلف--
رجع اقترب منها بسرعه وبلهفه وضحت لمسامع اريج -- احاول بس ماقدرت .. فتنتيــــــني يابعديـــــــــــ
اريج انتبهت لجملته لها--(وش تحاول وماتقدر ..؟؟؟)
رجع ايده خلف ظهرها وانفاسه تتسارع على مسامعها وهو يحاول يقربها بجانبه اكثر--طيب بس قربي قربيــــــــ
اريج(يمه شفيه هو وش يقول ؟؟توترت لحركته وتحجر تفكيرها ..)xxxراكان رفع ايدها اليسرى لوجهه وقبلها (الله يمتعنيـــــــ بعافيتس )
لحظات وضبط نفسه وبدا يمسح على شعره..
اريج في اوج توترها وربكتها وحرجها ..(ياربيــــــــ..ليش كذا ..يعنيـــــــ ماسك نفسه ليش مايبيــــــــ يقرب لايكونـــــ ..)
جائهم صــــــــــوت تيلفون راكان --
ابعد يده من خلفها ووقف --لحظه اشوف من اللي متصل..؟؟
اريج(ايــــــــ اوك رح ..اهـ ياقلبي يعني ليش قال ماقدر واحاول وطيب بس قربي شلون يعني
مايبي يقرب مني طيب هذا انا قربت ليش مايبي ويقول ماقدر ..انا بنجن كل يوم تطلع سالفه تجنني)
وبالداخــــــــــــــــــــــــــــل راكان شاف المتصل hanre
Hello مرحبا
I'm fine انا بخير
And you وانت
What did you do? ماذا فعلت ؟
Now الان
Why لماذا
Do not rely on photos and X-ray and annexed papers from Saudi Arabia
لم يعتمدوا على الصور والاشعه والاوراق المرفقه من السعوديه
Well, Well, not street حسنا حسنا مسافة الطريق
There we meetنتقابل هناك
(اممم مو مشكله اللحين الساعه 7 وموعد القصر والطلعه الساعه 11ونص يمدي نروح ونرجع ماجا وقت موعد تغيير الحرس )
طلع لها وبيده تيلفونه--
راكان بابتسامه--هذا رفيقي هنري اللي يخلص اجراءات المستشفى يقول لازم تجين يكشفون ولزوم تحاليل واشعات
اريج بتوتر--اللحين
راكان وهو يجلس بجوارها وبالقرب من وجهها --اي بس كذا اشاعات واشياء عاديه نفس اللي سويتيها بالسعوديه
اريج وهي تحس بقلق بدا يسكن حناياها--اوك
راكان --ياله عشان نخلص ونروح للقصر ونكمل تمشيه بلندنـــــــــــ..
اريج وهي تشوف عصاتها وتمسكها وتوقف عليها--
راكان--بسم الله عليتس
انا بنتظر بس البسي عبايتس اوك
اوك
----------------
وعالساعه 9 ص --حيث الشيراتون في الشرقيه
رن هاتف نايف --
هلا بك صباح النور
اي جاي نفداك
لالا تسوي شي جايك انا
اغلق الخط منه --
وانتبه لمكالمات لم يرد عليها=1
<<البيت
نفداها متصله تصحيني ..
<<<<<
هلا بك
وشلونتس عساتس بعافيه
الحمدلله انت وشلونك زهمت عليك مارديت
اي مانمت الا بعد الصلاه وشالعلوم
والله بخير كلهم راحوا لاختباراتهم الله يوفقهم لا بندر ولاريناد
(اممم ونوره بعد) امين متى ريناد رايحه
ابد على حزة خوانها
ايي وانتي طيبه
الحمدلله
والصغار
طيبين وهذا اخر اسبوع لهم ويعطلون
ايي تامريني شي
سلامتك يابوي
----------------
وبجامعة البنات بالرياض ..
وقفوا مع بنات يناقشون اجاباتهم والحل الصحيح ..
وبعد مانتهوا توجهوا للكفتيريا ..
يعوضون افنان عن كوفي الصباح اللي ماخذته بسبب تاخيرهم ..
ريناد--والله ماذاكرت زين بس الحمدلله الاسئله حلوه
نوره --ولاعاد انا بس الحمدلله
افنان --احلى كوبين قهوه لاحلى دوافير هههههههه
نوره وهي تسحب كاسها لها رن تيلفونها -- اكيـــد ماما
<<<<<<<<<<هئئئ
افنان--وشفيتس هههههههههههههه نايف صح
ريناد بابتسامه--اوخص ردي
ابتسمت ووقفت وهي تعطيهم نظره--انقلعوا
وبربكه وهدوء--الو
السلام عليكم
وعليكم الس...
صباحك خير
ـــــ
شخبارك
طيبه (ياليل مصر اني رجال)
وبهدوء وهو يسوق--اختبرت صح
اي
بشر؟ عسى زين؟
حلو
والله انتي الحلــــــــوه
ابتسمت وارتبكت بنفس الوقت --ــــــ
والباقين حلو بعد هههههههههه
وبحرج--اي كلهم
اممم شتسوين
اتقهوى
ولا تعزمنا ولاشي
وبربكه--اممم جيـت
وبثقل--تبي اجي
ابتسمت بتوتر--ــــــ
ها تبي اجي ؟ رد علي
وبربكه--اي
هههههه فديتك والله لاخلصت الامور جيت كم عندي انا من حلوه ؟ بس انتيـــ
(يمه)ــــــــــ
نايف وهو يدخل المواقف --ماعاد عندكم شي ؟
نوره بهدوء--الا باقي ساعه
الشوفير الخاص عند باب الفرع--صباح الخير طال عمرك
نايف وهو ينزل من السياره ويتركها له -صباح النور
معيـــ انا وصلت اكلمك بعدينـــ
نوره بربكه--اوك باي
----------------
وبلنـــــــــــــدن --
راكان وطريق المستشفى يسولف عليها وياشر هنا وهناك --
اريج (والله ماحب المستشفيات ولا ..برى السعوديه كملت ..بس ان شاء الله نخلص واطلع بسرعه)
ووصلوا وقبل اتصل وعرف من هنري اي بوابه --
دخل وشافته نفس الشخص اللي استقبلهم بالمطار يوم جاب له السياره
بعدها تركهم ومعه اوراق وفهمت انه وصف لراكان على مكان الدكتور--
مشوا بجوار بعض وراكان رافع ياقته على فمه وانفه
وينبهها ماتلمس شي خوف من الامراض
(والغطاء حاميها باذن الله )--
اريج(شكل هذي قسم عيادات )
راكان--اجلسي يابعدي هنا بروح استفسر واجيتس
ابتعد وبعد لحظات رجع--
تعالي هالغرفه --
دخلوا وانتبهت للنيرس اللي بالغرفه ترتب الادراج..راكان التفت عليها --
?When the doctor is Comes
متى ياتي الدكتور؟
Two minutes later,
بعد دقيقتين ..
اريج(ياربي والله ماحب المستشفـــــــى)
راكان (فديت هالعيون )ابتسم--تقول بيجي الدكتور
لحظات ودخل دكتور شعره ابيض وبدات التجاعيد واضحه على يديه ووجهه ورقبته .
Sorry delayed
المعذره تاخرت
مرحبا حسنا لا اداعي للاعتذارلاننا الان وصلنا
وبدا بالحوار مع اريج
مدام اريج..
هل تعانين من شي ما حاليا ؟
منذ متى وانتي تعانين من تلك الاصابه؟
هل لديك حساسيه؟
هل انتي حامل ؟
هل تتناول دواء معين ؟
راكان كان يترجم وجاوب على بعض الاسئله هـو..
وكانت تتمنى اريج انها تعرف وش جاوب عليه ..
ناولته المسكنات وهز راسه الدكتورمثل اللي عرفها..
وتركها على طرف طاولته
الدكتور صار يتكلم مع راكان وتمر لحظات لاينتبه لاريج لانه يعلم انها لن تفهم مايقول ..
كتب عدة اوراق دخل ملف اصفر ..
(ياربي اخلص وش تكتب ؟؟)
العجوز الدكتور رفع نظارته واشر للنيرس (اريد تحليل دم فورا)و (صورتان للاشعه على الحوض )
راكان اللي عرف انهم يبون تحليل دم والاشعه--شكرا لك
الدكتور --10 دقائق واقابلك بعد ماارى النتيجه
راكان --اوك
طلع ومشوا ورى النيرس--يبون تحليل دم وصورتين اشعه
اريج(اوووف )--
دخلوا غرفه وطلبت من اريج تجلس على كرسي
راكان وقف يتابعهم وهو بجوارها--
اريج وهي ترفع الكم xxراكان وهو يشوفها تصد من الابره وتسحب كميات دم كبيره وتملى علب صغيره(بسم الله عليتس )
وبابتسامه--تخافين من الابر؟؟
اريج بابتسامه--شوي
وضعت قطنه ولصقت لاصق طبي وكتبت عليه بالقلم
النيرس وهي تكتب على العلب --انتهينا
ناولت العلب نيرس اخرى --
وقالت لراكان تعالوا --
طلعوا وتوجهوا لقسم الاشعه --اريج تفكر بالبنطلون (ليتنــــــــــــــــــــي لابسه تنوره)
دخلوا والتفت راكان لاريج بهدوء--تقول نزلي عبايتس
اريج وهي تصد (اوووف)--طيب
نزلت عبايتها وخذاها منها --
سحبت بلوزتها تغطي خصرها --
تقدمت النيرس لراكان وهي تاشر على اريج وتقرب منها وترفع بلوزتها وتمسك خصر البنطلون من الوسط--
راكان بابتسامه--بسم الله عليتس هههههه تقول زر البنطلون حديد صح
بيخرب الاشعه نزلي ملابستس
اريج (وشـــــــو ياربيـــــــ بنجن ) عقدت حواجبها ورجعت ايدها خلف رقبتها --
راكان هنا ماتحمل (شلون يعني اطــــــــلـع؟؟؟؟لالا تكفين ) --
سمع النيرس --اذا كان في ملابسها الداخليه حديد فالرجاء خلعه ؟؟
راكان بحزم(اوووووف مابقوا شي عليها )--اوك انا طالع
التفتت للنيرس --Is it possible to be doing to help her and I will wait outside
هل ممكن ان تقومي بمساعدتها واناسانتظر بالخارج
اريج وهي تشوفه متوجهه للباب(اشوى فهمها بيطلع)--
جاءت النيرس بحزم وساعدتها للوقوف بجوار السرير --اريج بدات تنزل البنطلون وتغطي نفسها بالملحف
ابتعدت النيرس واطفات الاضاءه وبقيت اضاءه قريبه للون الازرق
رجعت اقتربت منها ومعها مثل الصفيح المعدن الخاص بالاشعه--
وفجاه مسكت صدرها --هل يوجد بداخل البارس حديد ؟
اريج واخيرا فهمت معنــــــــــى بارس--يس
النيرس بحزم رفعته لاعلى --
وطلبت منها تنزع الدبله(بسرعه قبل لايدخــــــــل ياكثر طلباتس )--
واخيرا نامت على الصفيح اللي كان ماخذ جزء من الظهر بحرج وتوتر --
وانتهت واخيرا..
واشتعلت الاضاءه --
اريج بربكه--نــــــــــو بليز كلوز لايت ون منت
النيرس فهمتها --رجعت اغلقت الاضاءه بضيق وطلعت من الغرفه--
مرت من عند راكان--finish
راكان (شفيها ذي معصبه )--اوك ثانكس
وقف وفتح الباب وكانتـــــــــــــ المفاجـأه رغم النورالخفيف
اللي جعلها ملكـــــــــه في وسط اضاءه زرقـاء ..
تراجع ببطئ وطلع --(اهـــــــ ياقلبي )
اريج حست بصوت الباب --(لااااااااااااااااااااااااااااا والله هو شفت قميصه هو ببكيـــــــ)
اكملت لبس العباءه وهي ترجف --
خذت شنطتها وطلعت (والله انك انت لو كذا كان طليت علي ..)
رجعوا لنفس الممر وهم عالصامت ومتباعدين من بعض --
راكان مانسى القوام ولا لونه ولا رسمته ..(انا لازم اسال هالدكتور قبل لا نطلع منه..اي بعلمه وبشوف وش بيقول)
اريج(وش شفت ؟؟ بعد مالبست البنطلون ولا لالاااااااا كنت تونيــــــــــ ببكي )
انتظروا عند العياده قرابة النصف ساعه--
وراكان فضل انه يقطع الصمت بمكالمه لابوه ناصر وبيخليها تكلم اللي تبي
وبعد لحظات وخلال ماهم يكلمون امها شيخه وهم عالغداء ودار التيلفون عالبنات
كلهم بس الحلو انهم ماسكين انفسهم ولا احد بكى ..
راكان وهو يلتفت عليها--ياله واخيرا جاء دورنا
اريج--اوك يمه سلمي عليهم كلهم وعلى خاله حصه فمان الله
ناولته التيلفون ودخلوا --
الدكتور كان توه ينزل النظاره--
Hello prefer
مرحبا تفضل
Rays are clear, but the wife's body needs blood because he is suffering from a severe shortage
راكـــــــــــــــــــــــان انصدم من ماسمع وحاول يضبط نفسه--
(تعاني من فقر دم وحاد )وبنفس اللغه--هل تحتاج الى تبرع ؟
لا..يوجد لدينا بنك الدم ولاحاجة للتبرع
راكان يخفي تعابير وجهه القلقه--
اريج --وشفيه؟
راكان --لحظه
الدكتوريقاطعهم بابتسامه--لاداعي للخوف هذا اجراء بسيط وضروري لصحتها والان ..
التفت للنيرس وكانت الصدمه لمسامع راكـــــــــــــان اللي تغيرت ملامح وجهه غصبا عنه--Must remain in the hospital
-----------------
والسعوديــــــــــــــــــــــه--حيث الشرقيه
عزم ابو فهد نايف على الغداء ببيته
رحب فيه وماقصر بضيافته
وبس طلع ..
عرف انه الحمدلله خلص اموره ومافي شي يخليه يجلس هنا الى اذا وصلو العمال ..
ودام ابو فهد ومشاري عندهم يمكن مايحتاجون شي مني
قرر نايف يحرر فكرته من ايام --
وينزل للامارات
رفع تيلفونه وطلب من مشاري يحجز..له الامارات xالرياض
وبعد ساعه بالضبط تم الحجز ورد له خبر
لم اغراضه واستقل سيارته للمطار
وهناك توجهه للامارات حيث دبــــــــي..
وبس وصل فتح تيلفونه --
وقرر يتصل بعمه فيصل ..بنيه ان ربعه اللي هنا ومعارفه يخدمونه
<<<<<<<<فيصل
وفي بيت ال فيصل كلهم على الطاوله يتغدون --
مسك تيلفونه ونزل الملعقه وبابتسامه--هذا نايف الشرقاوي
نوره بربكه--(نــــــــــــايف )
هلا بك
هلا ومرحبا وشلونك
والله بخير
وينك فيه صوت مطار
نوره(جـــــــاء ؟؟)
نايف اي بس مهوب مطاركم مطار دار العين
الا صدق ..وش وداك
ابد رايح ادور النسوان
ههههههه عساك عالقوه بس لاعودت ترا مالك شي عندنا هههههههههههه
اي زين ..اسمعني انا ابيك ترسلي احد يخدمني من طرفك ابي اجلس الليله وبعدها جايكم
اممم طيب قلي وش عندك ؟
بشتري لبندر سياره ياخي لحوح انت ..ياصبر ساره عليك
عادنا بنشوفك؟؟ وعساك عالقوه وش تشتري له؟
والله محتار ابيها نجاحته
اممم اسمعني خذله ـــــــــــ
قاطعه نايف--ياخي خربت المفاجاه من عندك ؟ ماصارت مفاجاه
كلهم يعني فضايحك كلن درى بها ههههههههه
نوره وقفت وطلعت(ماعاد اقدر بابا يحرجني بقوه ههههه)--
نايف (ههههه فديتها.. كلهم.. اجل هي منهم )خلاص ارسل خلصني لاتلطعني باخذ ليموزين وبروح لفندق حياه رجنسي بدبي خله يجيني هناك ولا باخذ سياره من عندهم
لالا برسلك فمان الله
---------------
لنـــــــــــــدن--
التفت للنيرس وكانت الصدمه لمسامع راكـــــــــــــان اللي تغيرت ملامح وجهه--Must remain in the hospital
انتبه لنظرات اريج--
مسح يده على ذقنه--تنويــم
انا ؟ من اللحين
لازم يبدون معليه عافيه مابه الا الزين
قومي يابعديـــ..
شكر الدكتور وطلع --(من اللحيــــــــن مامداني لا والله ماقدر )
اريج (اوف من اللحين ..مامدانا ليش ماترفض ولاماتحس ان وجودي مهم؟؟) اقتربت منه --راكان
لبى قلبتس
اريج بتوتر--من اللحين على طول ؟؟خل الى ان تجي عبير ترافق معي ..
راكان وهو يمسك كتوفها وايدها اليمنى --انا معتس فديت عمرتس لاتشيلين هم يابعدي
اريج تحس انها مو مستعده نفسيا ولا جلسة المستشفى والتنويم عادي جدا وحتى لو بدون مرافق بســـــــــ--
رجع التفت عليها--اريج انتي عندتس فقر دم ؟
اريج--اي
من زمان؟
اي
طيب ليش ماخذتي دم
ماقالوا اني احتاج
اهااا(ياربيــــــــــــ رحماك )
وصلوا غرفه مجهزه ونظيفه وبداخلها دورة مياه --
راكان بهدوء يطرد افكاره--تعبتي المفروض خذينا عربيه تعبتي من المشي؟
اريج بعد تفكير--لا عادي
خلتس بروح افتح حساب واضبط الامور وراجع لاتكشفين الى ان تجيب كمام لتس
اريج حست بتوتر--اوك
رجع راكان لها بعد ماخلص الاجراءات --
دخل وانتبه للنيرس الثنتين اللي عندها وهي منسدحه
ارتبك واستعجل بخطواته وطل عليها--
اريج (جيت )
ابتسم لها وابتسمت له
(فديت هالعيون )
تقدم ووقف عند راسها --تخافين من المغذي
لاعادي
شفتي حاطين لتس مغذي عشانتس ماتاكلين..
اريج وبابتسامه--توني مفطره
راكان على طول تاثر من شكلها وهي منسدحه--
قرب منها وخذا من طاولة النيرس كمام ولبسها وهي مبتسمه--
راكان--الله يستر منهم يمكن فيهم بلا
اريج بابتسامه--البس انت طيب
راكان --بســـــــــــــ ..ماطلبتي شي ههههه
خذا وحده ولبسها
ابتسمت وصدت للطرف الثاني عشان النيرس تدخل الابره --
على طول جا جهتها وبهدوء ورفع الكمام--تتالمين ؟
لا ..شوي
لا ولاشوي ههههه
ههه
علقت المغذي وطلعوا النيرسات--
جلس بجوارها وهو يغطيها بالملحف --
لاتخافين الغرفه انا طالبها خصيص ودافع على كل شي فيها عشان النظافه وهالشغلات
اريج--ماتقصر
راكان وهو يشوف الارض--لاتقولين كذا ترا مااملك الا انتي
<<<<<<<اريج كلامه يقطع قلبي والله يفاجئنيــــــــــ
رفع عيونه لها --خل اشوف دورة المياه نظيفه
دخل ورفع الكمام وغطا مجرى تنفسه--لا اوك
اريج (جد ماقصرت..مدري بيخلونه يرافق ولا لا )
راكان--اللحين قوليلي وش تبين من البيت
اريج (ياربي كل شي )--اول شي انا بطول ؟؟
راكان(ياليتني ادري يابعد جوف راكان)--لا ان شاء الله بس مهوب هاليومين
اريج--امم تقدر تجيب الشنطه الكبيره كلها
راكان--ابشري اي عادي
اريج--وفرشاة اسناني واغراضي اللي عالمغسله
راكان(اهـــ وش بيصبرنيــــــــــــ)--اوك
وقف وشغل شاشة البلازما --خل اسوي لتس بحث بالاقمار حقتنا
تابعته وهي ترفع شعرها بربطه لاعلى وتفك الكمام اللي ضايقها برقبتها
راكان وهو يناولها الريموت--شوفي اضغطيـــ هذا
<<>>تقابلت نظراتهم وبسرعه نزلتها --
راكان ماقاوم شكلها وشعرها المتدلي خلف ظهرها بطريقه طفوليه
وبروزعنقها الجميل..
راكان وهو يقترب منها يقبل شفتيها وبلهفه وهدوء--يابعد جــــــوف راكان
رفعت وجهها للاعلى وشافت السقف
توتر ووقفــــ..
انا رايح اجيب الاغراض قبل ماينتهي الدوام ..
اريج(ياربي بيجنني بحركاته ..ليش يسوي كذا ويتندم ؟؟)
طلع بدون لايسمع صوتها
وبس طلع من المستشفى فكر في انه مستحيل بيطمن لو تركها لحالها
وماراح استامن النيرسات عليها ياليت لو في احد هنا يقدر يرافق معها
اممممم هيــــــــــ اي هيـــــــــ بترافق معها
------------------
وبالسعوديه--الرياض..
عبير بس رجعت بلغت امها انها تغدت وانها بتنام عشان تقوم للدوام المسائي
الله يوفقها
صراحه انه ماينرد
يعني لي او لرنو اختي اللهم انه فيه خير وصالح
وانا اتمنى نصيبي مثل نصيبها
وقبل لاتنام سمعت اذان العصر
صلت ونامت
الى ان بلغها منبه المغرب بالدوام --
حاولت تتناسى وخصوصا بعد مامرت من غرفة رنو وابتسمت (الله يوفقتس )
وهناك في بحر اعجاب نوره بزوجها --
ياحلوه يبي يشتري لبندر والله انه حنون وطيب ومايقصر عليهم
بس ليش ماكلمني وقالي مااحب المفاجات ماتجي الا من بيت خاله حصه ولا من بابا
ابي انا ادري مره باخباره قبلهم
مو كل مره اتلخبط وارتبك قدامهم
ودي ارسل له مسج بس مو كتابه لا يعني رسمي
لالا مابي خل اصير ثقيله ازين مو يقول راميه نفسها علي ..
-----------------
---البارت الواحد والستـــــــــــون--
وبلنــــــــــــــــــدن،،،،،،،،،،،،
توجه بسيارته--
لبيت العجوز اللي تعرف عليها بالصدفه قبل لاينزل للسعوديه --
وعند الباب --
طلعت له وركزت فيه --اين انت ايها المخادع ههه تفضل
شكرا لك
انا نزلت للسعوديه ورجعت منذ يومان
اهلا بك جميل انك لم تنسى صداقتنا
لا لم انسى لكن فالحقيقه انا تزوجت
رفعت يدينها تصفق بحراره وتضحك--واااااااو
ابتسم --لكن هي مريضه بالمستشفى الان
ماذا اصابها ؟؟
من وقت بعيد تعاني واتيت بها هنا للعلاج وانا اتمنى منك مساعدتي
اطلب ماتشاء فان استطعت لك ماتريد
اريد مرافقتك معها فهل توافقين ؟
لامانع لدي فانا اعاني من وقت فراغ كبير
انا ممتن لك
في الصباح نتقابل لتذهبي بصحبتي لها
لك ذلك
لن انسى معروفك ولك الاجر من الخالق
شكرا لك ولخالقنا
هل اسلمتي ؟
نعم
جميل سوف ترين النور في الاسلام
اتمنى ذلك
لقاءنا غدا
حسنا ..
طلع منها(الحمدلله والشكر الحمدلله )
توجه للبيت وعرف انه تاخر عن اخر وقت لدخول الزوار والمراجعين
قفل الشنطه بعد مادخل اغراضها بكيس وخذا شاحن تيلفون ومشروبات من الثلاجه وشوكليت
وبسرعه سحب الشنطه وكيس معها وطلع
ومنها لسيارته
<
>
<
>
<
>
<
>
وللمستشفى --
دخل ولقى الاسياب هاديه وخلفه حارس امن بشرته سوداء يمشي مترقبا له ..
دخل واغلق الباب خلفه --
شاف الاضاءه بس على سريرها ..
التفتت عليه بابتسامه(هلاااااااا)--هلا جيت ابي اتصل عليك البطاريه فارغه
راكان--هلا بتس ..ايه جبت شاحن
حمل الشنطه الثقيله ومددها عالطاوله بحيث تقدر توصل لها وهي واقفه..
فتح الشنطه وطلعه --عطيني احطه فيه
الرمز السري --اصفار اوك
راكان بابتسامه--قالوا نامي ولا من مطفي النور كذا؟
اريج (اجلس تكفى تونا بقعد طول الليل لحالي )--النيرس طفته
راكان--انا بكره بجيب مره كبيره عجوز وبخليها تجلس عندتس مانيب مرتاح وانتي لحالتس اعرفتس ماتجلسين
اريج مابتسمت--(لاتروح تكفــــــى ابيك )
راكان حس انها خملانه(شكلها فيها النوم زين خل ترتاح )--ياله ارتاحي
اريج --راكان
راكان وهو يلمس جيوبه من التوتروتوه بيعطيها ظهرها سمــــــــــــــــــــــــع وتردد بمسامعه صوتها راكـــان
التفت لها --عيونه
اريج وهي تنزل عيونها --عادي تجلس شوي ماتقدر تقولهم تو الساعه 8 يعني وش بسوي لحالي ؟
راكان تحرك شي بداخله ولاول مره يشعر فيه -(اجلســـــــــــــــــ والله لاجلس لو يسحبوني سحب )وبابتسامه--بســـ كم عندي انا من اريج ..اي لحظه بس
طلع وتلفت ولا لقى رجل الامن ..
وقبل لايدخل --
لفت نظره نيرس واقفه --
نادها ودخلها --
وعند الباب --انا جيت وكان يتبعني حارس امن وزجتي لليوم تم تنويمها هنا ونحن لازالنا عريسان
ابتسمت النيرس وهي تلتفت لاريج
وطلع محفظته وعطاها كم باوند بيدها ..علما ان الباوند يساوي 7 ريال سعودي
اتمنى ان استطيع النوم هنا ايضا
لا اضمن لك ذلك
حاولي
اريج--(وش يقولــــــــــون)
سوف احاول
شكرا لك
عفوا
رجع لها وهو يدخل محفظته بجيبه--
تامرين امر نجلس حتى انا مدري وش بسوي لارحت هناك
اريج(ماصدقت والله الى الان انك بتجلس)--وش قلت لها اخاف تعلم
راكان--لا قلت ان حنا معاريس والفلوس تسكتهم هههه
اريج احرجها بكلمته وابتسمت وهي تنزل عيونها --
راكان(عسى يخلوني انام عندتس )--ياله لازم تاكلين
اريج --تو شلت اكلهم مابي
لا بتاكلين معي هذا من ثلاجتنا كاكاو وعصيرات
اريج ابتسمت (ماني مصدقه توقعت خلاص من شفتهم قفلوا الانوار ..)
جلس بجانبها وفتح لها العصير وسحب الطاوله وبدا يطلع لها انواع الكاكاوات اللي بالكيس
اختارت كت كات
راكان وهو يتابعها--فيه العافيه
اريج--وانت
راكان--انا ترا مانيب من الناس اللي تحب الكاكاو عوافي عليتس
اريج وهي تتابع حبات الخال الصغيره اللي متوزعه بمناطق بوجهه (ملامحه تجنن الله يرحمك يابوي خالد ماتنلام يوم حبيته
اهــ مدري وشلون بسامح نفسي يوم اتهمتك
ولا انا شعرفني بالسكران من الصاحي
اهــ بس
نزلت باقي اصابع الكت كات--وجلست تتابعه وهو يراقب الوضع برى--
(فديت قلبه بس طلبته ماردني ..
مدري عادي عنده يتركني
انا جد محتاجته
ولا عشان مالي الا هــو
مدري
بســـ
اللي انا متاكده منه
لو يجون يطلعونه بنقهـــــــر..
راكان--اييي مافي احد
اريج(جعلهم ينسونك)--وش اللي بترافق معي اللي تقولها
--------------
وبالامـــــــارات --
دخل نايف المعرض واخيرا تم الشراء
وطلب شحنها للرياض من بكره --
اجرى اللازم ورجع للفندق تعبان ونام
والرحله بعد صلاة الفجر ..
----------------
واتذكر بالليــــــــل --
بيت ال فيصل --
وهو نايم بجوارها--
فيصل --وقف الدم
ساره --اي الحمدلله
فيصل --الحمدلله بس لازم نروح نشوف وش بتقول
ساره --العافيه من الله
فيصل--الله يتمه ويعطيتس الصحه والعافيه
ساره --اتمنى انه ولد اتمنى
فيصل--اللي يجيبه ربي ..والله اهم شي سلامتس وسلامته وماصدقنا ان الحمال طبيعي
ساره--اي والله والله لو احد يقولي حلم بصدق هههه الحمدلله
فيصل--عشان تعرفين قيمة السفر عندي
ساره--لاههههه
فيصل --اي ههههههه
ساره--لايكون مستخدم شي
فيصل-- لاه مابعد شيبت هههههههههه
ساره بحرج --ولامفكر لاشيبت بتستخدم
فيصل --مافي مانع بس سافري معي ههههههههههه
ساره--ههههههههههه
---------------------
وبلنــــــــــــــدن --
وفي اكبرمستشفياتها ولنجتون
اخبرها بالسيده العجوز وقصه معرفتها لها وانه فرح انها اسلمت
اريج--تاخذ اجر ان شاء الله
راكان وهو يشوف الساعه-- الحمدلله مرت 3 ساعات ولا احد عرف ههههه
اريج(يارب يخلونك عندي )--كم الساعه عند اهلي
راكان --اممم3 الفجر ليه من تبين تكلمين ؟
اريج--عبير
راكان تذكر انها ماكلمتها ابد بعد السالفه--امم نايمه اكيد
اريج وهي ترجع يدها خلف رقبتها--اي واخاف ماترد ..واذا شافت اتصالي تخاف
راكان وهو يحط عينه بعينها(انا ماعاد ادري وش تقولين والله لولا المغذي بيدتس ولاكانــــــ )
اريج (لاترفعين عيونتس له اي .اي شوفي التلفزيون تراه يشوفتس ..ياربيـــــ)
راكان--(شوفيني ابي تعطيني بس اشاره ياله شوفينيــــــ)
اريج وبتوتر--(ابيه يقرب ومابيه مدري شلون ..لا تلتفتيـــن يشوفتس ..)
راكان وهو ينزل راسه ويمسح شعره ويرجع ايدينه لورى كانه يتمرن (انا بروح ماعاد اقدر اجلســ)--تبين شي
اريج وهي تشوفه يوقف وبابتسامه--بتروح طيب خلهم الى ان يجون هم
راكان وهو يشوف عيونها ويرفع راسه للسقف (لا تقوليـــــــــــــن اجلس والله اتعذب )--لا بروح واخليتس تنامين شوفي عينتس اليمنى حمراء
اريج بهدوء سام لبدن راكان--فيك نوم
راكان وهو يركز بعيونها وبصوت خافت وبدون لايرمش--من انا ؟
اريج وهي تفهم انه سرحان بعيونهاوناوي على شيء--اكتفت بهز راسها بالايجاب
<
>
ورفعت ايدها خلف رقبتها --هالحركه مثل المغناطيـــــــــــــس لجسم ومشاعر واسرار راكــــــــــــانــ
قــــــــــــــربـــ منها وانفاسه تسبقه لها
شفهــــــــا-- لو بجلس باكلتســــــ ..
اريج وهي تحس انها استنشقت ريحة عطره(جلست تتردد جملته في مسامعها..لوبجلســــــــــ باكلتســـــــــــ)
ابتعد عنها اكثروتابعته وهو يمسح على شعره بيده --لاتسكرين تيلفونتس اوك تصبحين على خير
حطت ايدها على فمها وصدت(احســـــ بيوقف قلبيــــ) --واستوعبت انه بعد عنها
وبس التفتت شافته يسكر الباب وراه--(اممممممممم بنجنـــــــــــــ اي ليش يسوي فييني كذا يعلقنيـــــــــــ ويتركني وش شسالفته هــــــو )
غطت نفسها ونزلت السرير بالتحكم وهي متوتره --
انتبهت للتيلفون بجوارها فصلت سلك الشاحن وفتحته --
قررت تطمن عبير من بعد امس كتبت مسج (اشتقتلتس يالدوبه انا طيبه والامور ماعاد احب اتذكرها وطلع تفكيري غلط ..امنيتي اعتذر منه )
<<<ارسال
تم ارسال الرساله
الرقم يتصل بك <<< راكان الا هذا الرقم الثاني الظاهر
الو
الو طلعت محد درى عني
ههههه انت استعجلت (اصلا ليش تطلع ؟؟؟طيب ارجع)
تبينيــــــــ
(ياربيـــــ لاتسالني بس ارجع )--اممم
لا يابعدي نامي ارتاحي وانا بنام والصبح ابد محضر عندتس لوتبين قبل لايدخل الدكتور
اوك وينك
(واخيـــــــــــــــرا احد اهتم فيني وسالني هالسؤال قبل ماموت ) اهــ انا ابد اللحين وقفت وبطلع فوق
تنامين
(لاتتاوه تكفـــــى)ماحبت تقلقه--اي
اسمعيني لاتشيلين هم انا معطي نيرس واقفه عند الباب تداريتس واي شي تبين رني الجرس بس اللي وارتس
(ابيك لا ارجـــــــــــع)اوك
اممم تبين شي
وبربكه--امم سلامتك
دخل البيت وهو يتلفت(ماودي اسكر البيت ماله داعي ..شوفيـــــــــــــــــــ كابه والله ضقت من فتحت الباب )امم تصبحين على خير
وانت من اهل الخير(اموت اعرف شالاشياء اللي تخبيها عني )
ماحبت تستوحش نفسها وتفكر بالغرفه كثير فقررت تغمض وتنام على طول
نفس الحال دخل وشاف السرير مرتب من بعدها
وريحة عطرها تفوح بالغرفه ..
وبالجيينز والقميص تمدد بتعب طول يومهم كانوا بالمستشفى ..
كنا ناوين نطلع
ونتمشى
ونروح القصر
ونشوف الحرس
ووو
اهــــ
تحسس مكانها عالسرير--كل هذا شي وان المكان هذا يكون خالي شي ثانيـــــــــ
ماحسبت حساب انتس بترجعين تختفين مني لو لحظه بس
سحب الملحف ورجع يشوف مكانها--
بعدها مافكر كثير استنشق ريح خداديتها واكتفى بالنوم بمكانها ..والدعاء لها وبابتسامه دخل بنومه عميقه
------------------
وبالسعوديه--
وفي صباح يوم الاثنين --
استعدت ساره للذهاب لموعدها مع فيصل--
موقف احراج فيصل لساره عند الدكتوره ورفض يبتعد عنها وهي تكشف عليها
ساره --تحاول تتعدل
والدكتوره تضحك وتقول هو كم ولد عندكو ؟؟
فيصل بابتسامه --ماعندنا احد
ساره وهي تصد عنه بزعل --فيصل والله لازعل اطلع
فيصل وهو يكلم الدكتوره--اكشفي ماراح اطلع
الدكتوره وهي تنزل الكمام وبابتسامه--هو انتوا عادي بالبيت وهنا لاه مالك ياساره
فيصل وهو يشوف ساره بابتسامه-- مدري عنها؟؟
ساره بحزم --مابي طيب خلاص اصلا ماعاد ابي كشف
فيصل وهو يرجع يجلسها عالسرير--لا لاخلاص ههههه
الدكتوره بضحك--والله غريبين كتير ناس زيكو مابعرفش بيختشوا بالعياده ليه هههههههه
فيصل وهو يجلس عالكرسي (قهــــــــر عنيده بزعل والله لازعل )
--------------
عبير اتصلت على نايفــ..
وذكرته بموعد السفره ولان سميره بتجي وحده بدالها وماودها تدخل سين جيم معها ..
نايف قال برجع اتصل عليتس
وبعد مرور ساعتين --
اتصل وبلغها انه وصل للرياض واسمعي خذي تعريفات والاخلاء عشان الفيزا
وقوليلها ابي الاجازه تبدا من تاريخ الاربعاء بعد بكره --
وفعلا طلبت وبس وصلت للبيت الظهر عرفت ان نايف طالع للمكتب ..
وعالغداء اتصل عليها وقال ارسلي الاوراق مع محمود --
ارسلتها وبدا باستخراج الفيزا وامور السفر ..
وعالمغرب اتصل عليها وهي بالبنك
وطلب منها الصباح بكره تروح معه لانه يلزم توقيعات وصور لها ومن هالامور ..
----------------
وعالمغرب تجمعوا كلهم ببيت ال فيصل--شيخه وحصه وعيالهم
نوره تفاجات انه وصل ومابلغها ولا حتى عرفت بسالفه السفره اللي يجهز لها هو وعبير
وعالساعه 10 ونص --
طلعت عبير وبعد ماعرفت من اهلها انهم عند خالتها اعتذرت وتوجهت للبيت --
نزلت من السياره ..
وهي تشوف سياره توقف وراها ..
وبلمحه التفــــــــــــــــــــــــــــــــــتت..هــــــــو
فـــــــــــــلاح..
تسارعت خطواتها ودخلت البيت .. وهي تمسك بصدرها تحاول تهدا من خوفها وتسارع نبضاتها..
ببكي دايم اشوفه دايم ..
رن التيلفون تبع الباب --
توترت ..
السلام عليكم
امم وعليكم
ابو خالد صاحي ابي اسلم عليه سيارته برى وتيلفونه مقفل ؟
امم مدري لحظه
سكرت سماعة الباب
(فديت هالصــــــــوت شكلهم قالولها ..مستحيه هههه)
وركضت فوق تركض ..
مسكت مقبض الباب وهدات نفسها وفتحت الباب --مافي احد نايف نايف؟؟
رجعت تركض نازله وهي ترمي طرحتها على الاريكه بالصاله --وترفع الخط
والله ماهو موجود تلقاه بالاستراحه ..
شكرا فمان الله
(عفوا) لايكون جاي يخطب ؟؟واهلي مهوب فيه مدري مدري يروح له في الاستراحه
انام ابرك ليـــــــ..
---------------
واهل لندن --
راكان من بدري على موعد مع العجوز اللي اعطت لنفسها اسما جديدا بعد اسلامها
وسمت نفسها عائشه ..
توجهوا للمستشفى ..
وكانت عائشه في البدايه هادئه وفضلت الجلوس على الكرسي للاستماع لهم
ولكن سرعان ماتركهم راكان لوحدهم ..
اريج كانت تستخدم بعض الكلمات البسيطه من ماتتذكر من الدراسه المتوسطه والثانويه
جعل عائشه تبتسم في كل مره لاتفهم شيئا منها..
وعالساعه الثانيه ظهرا دخل الدكتور ..عليها ووقف راكانـــــــ..
مرحبا
مرحبا
كيف حالها
جيده
الان سوف نركب جهاز نقل الدم
راكان وهو يلتفت عليها -- بيركبون جهاز نقل دم
اريج بتوتر--تهز راسها بالايجاب
راكان(قلبي عليتس والله مدري وش جهاز نقل الدم الله يستربس )
تقدم النيرس مع الدكتور --
وبدوا يبدلون انبوب المغذي بانبوب اخر لجهازفيه كيس دم لنقل الدم
(اريج متنقبه وتشوف جهة الباب )
راكان بابتسامه جاء ووقف باتجاه نظرها ورفع حاجبيه لها بنظره كافيه لاثارة اريج واشعال توترها--(فديتـــــــــ عيونتس وقلبتس اللي متوتر )
الدكتوروهو يلتفت على راكان--انتهى هذا اول كيس وباقي اربع اكياس للدم
راكان --اربعه يعني خمسه يادكتور
الدكتور --هذا ماتحتاج اليه
راكان وهو يمشي يطلع معه للخارج --وكل كيس كم يحتاج من الوقت
الدكتور --لاداعي للقلق سوف تنقل واحد تلو الاخر كعمل المغذي تماما
راكان --شكرا لك
رجع لها وهو يشوف يدها اللي اخفت مكان الابره باللاصاقات الطبيه المثبته..
راكان بابتسامه--يعور
اريج وهي تحس ببروده من دخول الدم لجسدها--لاعادي
راكان وهو يركز فيها (مدري غلطت انا يوم جبت عائشه ولا لا ..بس الاكيد اني غلطت في حق نفسي )
اريج(عائشه هنا احس بتخليك تحسب حساب كل ردة فعل ..اوووف والله انا مشتاقه لك)
----------------
بالسعوديه--
وبالخارج مع محمود--
بابا نايف فالاستراحه ولامافي معلوم؟
مدري انا قبل جيب مدام من شغل كان موجود سمسم مدرس بندر
مدام وين بعيد شغل
لا هنا بنك الـــــ
(حلــــــــــــو واخيرا عرفت بس بس)اها بروح الاستراحه اكيد هناك شكرا
ركب سيارته وتوجهه للاستراحه وهو مبتسم--
بنك اها كنت متوقع من شفته يقول قبل شغل مدام وانا اقول شغل الليل معناه بنك
بس غريب انها راضيه بدوامين ؟؟ تعب ويبيلها مجهود
سبحان الله ربي كاتب انه يجمعنا كل مره
عساه يجمعنا ببيت واحد ان شاء الله
---------------
وفي بيت ال خالد--
وفي الغرفه الفوشيه--
بدلت عبير وقررت تبلغ اريج بانهم بيحجزون على الاربعاء ..
وخصوصا انها لها يومين ماكلمتها وبس استلمت المسج الصباح تطمنت عليها --
<<<<اريج وهي تشوف راكان يصلي العصر..
هلا والله
هلا بتس كيف الحال
والله الحمدلله انتو شخباركم
طيبين وينتس فيه؟
ابد نتمشى
اها بالسوق صوت شي يطنطن
اريج وهي تشوف جهاز نقل الدم بجوارها (كل من صوته بيفضحنا)--اي السوق اخبار امي وابوي والبنات والسوري
والله طيبين السوري كان موعدها اليوم والحمدلله حالتها اللحين اوك وعادي ووقف الدم
الحمدلله الله يتم عليها
شفيتس تقصرين صوتس هو عندتس
اي ايوه
شخباركم تفاهمتوا
اي لاتذكريني مدري وشلون
وشو اللي ماتدرين وشلون
امم
انتبهت لراكان اللي يساعد العجوز في ترتيب الاغراض --
بعدين اقولتس
اها اوك اهم شي انتي طيبه
اي الحمدلله
حجزنا الاربعاء انا ونايف بنجيكم ان شاء الله
والله الله يحيييـــــــكم
راكان انتبه لجملتها (كملت بعد؟؟ من بيجيـــــــــــ ؟؟اكيد عبير ونايف )
---------------
وبالاستراحه --
دخل ولقاهم كلهم مجتمعين ..
فيصل ونايف بضحك --الطيب عند ذكره تونا بنزهم نبيك تتعشى معنا
انا توني جاي من بيتك ادورك قلت اسلم عليك
كيف الحال الحمدلله على السلامه
الله يسلمك انت بشرني عنك وعن الاهل
والله مانسال الا عنك
وقف بندر وصب الفنجان لفلاح--
فيصل--وش اخبار المعرس ؟ماله حس
فلاح --الا توني مكلمه قبل كم يوم وطيب وبخير
نايف --اهم شي ..انا بمشي له الاربعاء ان شاء الله
ناصروهو ينزل راسه--الله يستر عليكم زين ماسويت
فلاح (غريبه ؟؟وش عنده ببريطانيا الامارات والشرقيه وبريطانيا ؟؟شسالفه)--انا رحلتي معك الاربعاء وش حجزت دايركت ولا ترانزيت
نايف --والله الى الان باقي اجراءات انت دايركت من وين اي مكتب ؟
فلاح --اعرفلك واحد يسنعها عطني اياها
نايف--ماتقصر الصبح اسلمك الاوراق كلها
فيصل بصوت خافت وهو يميل عليه--لحالك ولا معك عبير
نايف--لا معي هي اللي شابه فيني عشان العمليه تقول لاتسويها الا وانا عندها
فــــــــــــــــــــــلاح--( بتــــــــــــــروح معه ؟؟؟والدوام وكيف الوضع وليشـــــــ؟؟والعروس ذي وشفيها انا مهوب اول مره اسمع انها تعبانه ؟؟)
تعشـــــــــــوا وكلن في خاطره سالفه--
حتى بندر يتمنى ان سالفه مفاجاه السياره صدق بس ماحب يستعجل وقرر ينتظر نايف الى ان هو بنفسه يبلغه فيها..
الكل مشغول باله لاتقولون بس الرجال في الاستراحه
لا
حتى البنات وليت في انسان حس فيهم وشاركهم افكارهم ..
على الاقل ارتاحوا او حتى خف عليهم الكبت المميت ..
عبير تحاول بلا يأس جاهده في نسيان ماحدث وانشغالها بسفرتها للخارج حيث السياحه والعالم الاخر واريـــــج اللي تاكدت انها كانت
سنينــــــــــ تملأ وقتها ..
نوره ومن عرفت وهي متمسكه بتيلفونها وترددت في ارسال رساله له لعله يتذكرهاويبادر ولكن لاجدوى ..
اتذكر لكم بعض مادار بخاطرها ليوم الاثنين--
تكبتـــ الكثير ..
تعتب على حالها
وتندب ماحدث منه
يسافر ويرجع
وانا اخر من يعلم
ولا ليته على كذا
لاحســــــــــ ولا خبــــــــــــــر ..
وانا اللي دايم اسمع كلامه
وهو كل شي يبيه انا اسويه ولازم يانوره تنفذينـــــــــ
ماصارت كل البنات من يتملكون
يكلمها ويقولها وعادي ولا عشان حنا ....
جد عادات غريبه ..
حتى الوحده منا لاتدري امها ولا ابوها انها تكلمه
طيب ليش
مهوب صار زوجي
ولا ليش ملكتونيــــ
اوقات احس انه يحبني واوقاتــــــــــ
علاقاته وشغله اهم مني
ولا يمكن تنسيه زوجته ..مدري اللي تملك عليها ؟؟
قررت تستعد للدوام من الليل --
وتحديدا قبل نوم حنان --
استشورت ورتبت لبسها ..
ونزلت تجلس مع امها الى وقت رجعة ابيها..
------------------
وبلنـــــــــــــــــــــــــدن --عاصمة الضباب ..
والفرق بينهم 3 ساعات كان راكان..توه راجع مصلي المغرب بالبيت ومعه ساعه للجلسه فقط الى وقت انتهاء الزياره
دخل وشافهم يصلون --
ابتسم (الله يتقبل منا ومنكم ..انتبه للعجوز عائشه وطريقة صلاتها المبتدئه)
قرر يجري اتصاله اللي جاء وقته ..طلع بالممر وجلس عالكرسي المقابل للباب
<<<ابو عايد
هلا ابوعايد
هلا بك نايم
لا توني طالع من الاستراحه
لايارجال شلونكم طيبين
والله ماننشد الامنكم
لا الحمدلله بخير ..
شسويت عالكورس
هههه ولاشي انتظرك وتبي الجد امس اشوف الجدول عالايميل
وعالخميس بيبدون
اي انا بعد وصلني وحجزت الاربعاء جاي
والله ..اجل الله يعيني ..ببدا معك انا والله ماودي يفوتني لاني عارف اذا ببدا الكورس مره ثانيه ماراح يكون عندي نشاط لحالي
امم نايف قالي من شوي بيحجز معي وبكره بيعطيني الاوراق عشان اعطيها رفيق فهد يضبطهم معي
راكان ماعرف يرد على فلاح--امم اي عشان الاهل ..توصلون بالسلامه
فلاح--وانت وينك اللحين
راكان--والله بالمستشفى لي يوم مع الاهل وجبت العجوز اللي تعرفت عليها يوم اني محموم عرفتها هههه
فلاح--سلامات اي عرفتها
راكان--ابد الله يسلمك محتاجه دم قبل العمليه وان شاء الله ان الامور زينه
فلاح--الله يشفيها ويعافيها
راكان--اللهم امين
فلاح --باي مستشفى منومه ؟
راكان --ولنجتون عرفته
فلاح--اي اي والعجوز قعدت عندها
راكان--اي والله على الاقل ترد لها الصوت وماقصرت الله يجزاها خير وتراها اسلمت وبقولك سالفتها بعدين
فلاح--لا ههه زين زين اوك انا اخليك توصي شي اجيبه معي
راكان--لا ماتقصر توصل بالسلامه
اغلق الخط وهو يشوف الساعه --تاخرت اوووف
طرق الباب ودخل --السلام
اريج وهي ترفع الكمام وترجع تنزله بابتسامه--هلا
(هلا بتس والله فديت هالمبسم .. )
-----------------
وعوده للرياض--
بيت ال خالد بالليلــــ..قرابة الساعه الثانيه عشر ليلا--
نايفــــ حن للصوتـــ المبحوح ..
خيالها يأســـره في كل مره يختلي بنفسه ..
يتذكر..وبســـ يتذكر يسمع صوتها..
ويجيـــ طيفهـــــا
يحتضن احداثهــــــم..
ويتوقفــــ عند الفستانــــــ الاحمر ..
اللي ترك لون بشرتها يظهر عبر فتحات القماش >>(الدانتيل)
وعند ذاك القوام اللي ابتعـــــــــــد و ماودعنيــــــــــ
بدون تفكيــــــــــر ..اتصل على رقمها
<<<<<<
وهناك كانت توها تدخل الغرفه وبهدوء لان حنان نايمه لها ساعه --
(اكيد توه راجع لان بابا توه وصل )--الو
لم يجف قلمي غدا يكمل ويكشف لنا اسرارهم
كل الود لكم
صبى الاوراق
همسه --ياليت لو تتركون لي خبرباستلامكم عشان اقدر انزل اللي بعده ..
والشيء الثاني المنتدى (أ) لم ينزل فيه هالبارتين واللي تعرف الغوالي اللي هناك تبلغهم..ويشرفني انضمامهم في ليلاس
دمتم بعافيه وطاعة الرحمن..
02-11-09, 10:34 AM
جديد مواضيع قسم القصص المكتمله من وحي قلم الاعضاء
العرض العادي
