كاتب الموضوع :
صبى الاوراق
المنتدى :
القصص المكتمله من وحي قلم الاعضاء
السلام عليكم ورحمة الله وبركاته--
اسعد الله جميع اوقاتكم بكل خير ..وصحه وعافيه لاتزولـــــــــــــــ..
وان شاء الله نرجع ننزل على مواعيدنا السابقه..
الاحداث اذا تجمعت على الراوي او الكاتب تحتاج الى مجهود تركيز
وترتيب
وسرد
وتنظيم بالحوارات
والكثير ومن ثم المراجعه والتدقيق ولذلك تتطلب الوقت
فارجو المعذره ..والسموحه من كل اللي افتقدوني ..
لن اطيل عليكم
استلموا البارتين السادس والسابع والخمسون
بسم الله
قراءه ممتعه ومفيده..
---البارت السادس والخمسون ---
لازالنا بيوم الجمعه واحداث مابعد التمايم ..
وبالسياره تجولوا في شوارع لندن ..
شارع الاكسفورت ستريت
والهايد بارك
اريج (غريب متى يظلم الجو والمغرب متى عندهم الساعه كم ؟؟)
راكان وهو يتجول --(بنتمشى الى ان يجي وقت الصلاه ونروح نصلي واتحمم وامممم بعدها مدري يمكن ماعاد تقدر تطلع ..)
اريج وهي تنتبه انهم واقفين عند اشاره وفيه زوج وزوجته يبون يقطعون الشارع وضغطوا زر بالاشاره ووقف راكان عشانهم..(حركات تطور )
اريج وهي تشوف الساعه--امم العصر طويل عندهم
راكان
لالا (فديت هالحس )--اختلاف بالوقت يعني الفجر ياذن 3و25دقيقه
والظهر 1و5 دقائق
والعصر 5و4 دقائق
والمغرب8و23دقائق
والعشاء 10 ونص
اريج(اووووووه العشاء الساعه 10 ونص )--فرق
راكان--اي اكيد انا اكثر شي فرق المغرب بالسعوديه يعني ماتجي 6 الا الظلام خيم هناك وهنا عالساعه 8 فرق بقوه
وقف عند ( لندن اي )
اريج(وش هالطابور الطويل )--انزل
راكان --اي ولاتعبانه هذا حلو مثل امممم مدري شتسمونه عندكم اممم اي اي تلفريك بس هذا مايقارن باللي هناك
اريج وايدها ترجع تلامس رقبتها من الخلف--هههه اوك
نزلوا ومد يده لها قاصد انه ياخذ شنطتها..
تفـــــــــــــــــــاجأ بدفى يدها ونعومتها تلامس يده
وبسرعـــــــــــــــه ..
احكم القبضه على يدها (فديت هالنعومه ) بعد ماحس بيدها نسى موضوع الشنطه ..
اريج--(ياربي حركاته توترني )
راكان (اممم مستحيل اخليها توقف طابور تعب عليها )--امم انتظري هنا اوك
اريج --اوك
وبعد دقائق رجع لها
راكان--اوك ياله تاخرت بس زحمه لان الكل يبي يطلع لها
اريج--يعني وين تودي طيب
راكان --نشوف الولايه كلها تقريبا وتطول تقريبا 44دقيقه ..
اريج اللي تحب المغامره (ماعمري ركبت تلفريك عسى ماخاف )..
طلعوا واخيرا ومعاهم قرابة الثلاثين راكب --
جلسوا بجنب بعض ..وهما بداخل كبسوله زجاجيه ..
وبدات تدريجيا ترتفع عن الارض لترسم معالم الولايه بالاسفل البحر والجسور المعلقه والبسط الخضراء
وساعة البيق بن ومبنى الاكوريم وفي ابراج لفتت اريج وراكان ياشر لها ويذكر اسمائها..مثل مبنى البرلمان
راكان وهو يشوفها مرتبكه قرب منها --وشفيتس
اريج بابتسامه --هههه مافي شي
راكان--خايفه
اريج وهي ماتبي تركز بارتفاعهم تشوف البواخر بالبحر صغيره من الارتفاع --شــوي
راكان (يعني انا بجنبتس يابعدي ليه تخافين )--خلاص اللحين بننزل ماترتفع اكثر من كذا
اريج وهي تحس بالم في بطنها من الخوف( مع اني احب الملاهي بس احس اني توترت لانه معي )
وسمعوا للمرشد السياحي اللي كان راكان مستمع ولاول مره يعرف هالمعلومات عن لندن اي ..
وبدا يترجم لاريج --
تم افتتاح في مارس 2000م وأصبحت رمز للحداثة البريطانية ..
وقد وصل عدد زوارها في السنة الواحدة إلى 3.5 مليون وهي مذهلة في التصميم والهندسة
ويستطيع ركاب الكبسولة أن يصل مدى النظر من خلالها إلى 40 كيلومتر في كل الاتجاهات
فكرة التصميم تعود لـ ديفيد مارك وزوجة جوليا وفكرة التصميم هي رمز للانتقال
إلى القرن الجديد
وتم إنشاء شركة تشغيل لها باسم شركة عين لندن التابعة لشركة مرلين للتسالي.
لندن العين فازت بأكثر من 75 لجوائز وطنية ودولية للسياحةالمعلقة والهندسة المعمارية ونوعية الانجاز منذ افتتاحه في مارس 2000م
وحيث يبلغ الارتفاع التي تصله الكبسولة هو 424 متر ( 1.329 قدم )
مما يجعل من تصميمها فريد بأن العجلة معلقة فوق النهر والقاعدة بطرف الأيمن من العجلة
الكبسولات ذات الميلان المستمر مع العجلة دون أحساس ركابها لتحركها
وهي فكرة فريدة أفضل من أن تكون معلقة وبذلك يسمح لها الدوران بـ 360 درجة ويصل وزنها لـ 1272 كيلو ما يوازي وزن سيارة الأجرة السوداء
وعدد الكبسولات هو 32 تمثل عدد الأقاليم البريطانية
استغرق بنائها سبع سنوات .
وتصل مدة الدورة الواحدة لكل كبسولة 30 متر بما يعادل 26cm في الثانية أو 6km في الساعة مايقارب سرعة سلحفاتين
اريج وهي تشوف الاجانب يصورون ..
وبعض من الركاب العرب واقفين ويتحركون في الكبسوله بدون خوف (ماشاء الله عليهم )
نزلوا ومروا بجوار كشك يبيع الايس كريم --
راكان--دقايق اخذ لنا ..اشتهيتها فراوله
اريج--عادي
خذا وتوجهوا للسياره ..
اريج وهي تشوفه ماسك شنطتها والمظله والايس كريم (ياصبره علي )
ركبوا وترك الاغراض بجواره --
اممم قرب ياذن بنروح للفندق وبعدها اذا تقدرين ننزل نزلنا --
اريج وهي تسمعه وتشوف شعره وتتابعه
وهو يشغل السياره ويلتفت وراه بيطلع من الموقف وايدها ترجع تلامس رقبتها من الخلف
(سبحان الله يذكرني بابوي خالد الدم واحــــد..الله يرحمه)
راكان(مو بس اتمنى تشوفيني لا ابـــــــــــــــي تحسين باللي بداخلـــــــــــــــــي لتس )
راكان بعد لحظات صمت
هذا متحف بريطاني وهاللي بجنبه ساحة تزلج صناعيه
اريج--اها
راكان--اممم بكره نروح القصر الملكي و قصر بيكنقهام و مدام توسو لانه احلى بالنهار
اريج(بنروح الفندق ..؟؟الله يعدي هالايام على خير)--
وفجاه رن تيلفون راكان--<<<<<<الرقم من الولايه
اريج(غريبه من ؟)
راكان --Helloمرحبا
عبدالعزيز--Hello السلام عليكم راكان ؟
راكان--وصلت
معاك عبد العزيز ال عايد
يامرحبا والله
مرحبا بك وشلونك عساك طيب
الحمدلله عالبركه
يبارك بعمرك وانت بالمثل اجل وصلتو
اي والله واصلين امس والحمدلله بخير وعافيه انت طمني عنك واهلك طيبين
والله الحمدلله
يستاهل الحمد
ابي اشوفك وينك اللحين
والله انا رايح الفندق اللحين بصلي المغرب واممم والوجهه بعدها الله اعلم
اييي اجل اسمعني انا عازمك اليوم عالعشاء انت والاهل تجيني في الاكسفورد
اني هناك اسمعني انا ساكن بالاكسفورد اذا وصلت اتصل عليك على هالرقم اوك
اوك
هلا
هلا
التفت على اريج--انا مابغيت اعطيه كلمه وش رايتس نتقابل برى ولا يجونا بالفندق اريح لتس حسيت اني تعبتس اليوم
اريج(فشله والله عجوز مو عروس اجل تجي بالفندق بسس)--الفندق مافي مكان
راكان--بكيفتس تبين نطلع
نطلع ولا تجلسين انتي وياها بالغرفه وانا وهو بالصاله ولا بالبلكونه ولايمكن نطلع شوي ونرجع لكم
اريج (اي اي ولا اجلس امشي عند الرجال بالعصى يقول وش هالعروس )وايدها ترجع تلامس رقبتها من الخلف--اوك الفندق
راكان --اوك اذا صليت اتصلت اعطيه خبر..
----------------
وفي السعوديه حيث الشرقيه --
بعد مارجع من الفرع..
دخل الشيراتون وتمدد بغرفته..
النقص توقعته اهون من كذا ..
وانتبه للساعه كانت تشير الى 12 ليلا
قرر يطمن على الوضع هناك ..
<<<<<<<البيت
وتحديدا تيلفون حصه المحمول ..
مرحبا
مرحبا بتس وشلونتس
والله بخير انت بشرني عنك
الحمدلله رجعتوا من العشاء
اي
من جابكم
بندر ومعه محمود
اي وانتوا طيبين
الحمدلله خلصت شغلك
لا توني يمه انا يبيلي اقعد من زمان مبطي عنهم وفيه شغل واجد ولاخلصت عودت ..ناموا
اي الصغار وماعندي الاعبير خذها تبي تسلم عليك
عطيني اياها
ماتشوف شر
ولا اياتس
عبير--هلا كيف الحال
الله يسلمتس
انتو وش علومكم
طيبين
بتداومين
على خير
ورنو
مدري لان عندها اختبار الاحد ويمكن تغيب تستعد
اممم اها الله يوفقكم
والصغار ترا ماعاد الاذا الاسبوع ويعطلون
ماشاء الله زين
اي اريح لهم
اي والله تبون شي
سلامتك..امي تقول تعشيت
(مالي شف يايمه خليها على الله)اي اي
اها اي يايمه
فمان الله
باي
نايف--ويني ووين الاكل مالي شف ابد
الله يعين بس ..وتتسهل الامور
امممم يعني عندها اختبار الاحد ..
ولاتعرف تتصل تقول خلاص شفته وذا زوجي ومسافر فجاه بسال عنه
اكيد عرفت اني مسافر
ماجلس احد ماتصل الاهي
يعني لو حتى عندها اختبار مافي وقت تتصل عالعموم خل تذاكر ياله دام فيها دراسه الله يصبرنا نتحمل العذر..
واخيرا سحب الملحف من تحت ظهره وقرر يستسلم للنوم ..
---------------------
وفي الرياض بيت ال فيصل--
وتحديدا غرفة نوره وحنان ..
نوره بعد ماسكرت من ريناد تاخذ منها قرارها النهائي بالغياب
تمددت وهذا هي تراقب حنان الى ان نامت بدت تلمس دبلتها --
(احس بشيء يقهر.. كل ماتذكرت انه سافر.. بس زين اللي ماراح اداوم ارتاح من اني اترقب سيارته طول الطريق وانا رايحه وجايه ..)
قلبت بتيلفونها شوي وبعدها نامت ..
وبالدور السفلي--
ساره وفيصل بجوارها --وش اخبار العشاء جاو ناس كثير
فيصل وهو نايم على كتفها--اي والله والعشاء زين وواجد
ساره وهي تلتفت عليه--فيصل
فيصل وهويرفع وجهه لها -لبيه
ساره وهي تمسح على شعره--اللحين راكان وش تحس شخصيته ؟
فيصل وهو يمسك يدها--يعني شلون؟
اممم يعني يعتمد عليه وامممم
مافهمت قوليلي في ايش تفكرين
امم انا قصدي اروج تبي احد يساعدها كثير يعني حتى باغراضها ماراح تقدر تقوم بنفسها يعني هو كيف شخصيته بيقدر يقوم بطلباتها لانها مستحيل تقول له
فيصل وهو يعقد حواجبه--اللحين اريج يعني تعبانه اكثر من اول مره
ياليتها مثل اول لا اللحين بزود
طيب وش زاد على وضعها الاول كانت تعرج وعادي اللحين وش زاد عليها
لا اللحين اذا تحركت كثير او وقفت او سوت مجهود الورك عندها يحك بعظمة الحوض ويزيد الالم عليها
فيصل وهو يفكر بعلاقتهم--راكان بيدري بوضعها لاتخافين وهو رجال
اريج--انا مدري كلمتني وماقدرت تقولي شي وعبير قد قالتلي كلام الدكتوره انه بيزيد عليها مع اي مجهود وشلون لو تكون بوضع عروس
فيصل وهو يمسح على حواجبها--لا بيدري بيدري ليه مايشوف حالها ولا هي بعد ماتعرف تكلم وتقوله
اريج--لا وين صعبه وش تقوله الوحده منا باول ايامها عسى تفتح فمها مالقيت الا اريج اللي تتكلم
فيصل--يعني انتي كلمتيها
لا هي اتصلت علي فديتها اليوم
ها ووشلون مبسوطه
اي صوتها زين وتسال عنكم وتسلم بس ماقدرت اخذ واعطي معها
خلاص اهم شي وترا راكان ياخذ ويعطي ولافي مثل ثقافته واسلوبه
عسى والله يشفيها
ولاقالت حجز لها ولا وش سوو
لالا توهم اول يوم
اييي الله يشفيهم ويشفيتس ويخليتس لي
ساره وهي تقرب منه--ويخليك لي
احتضنها بهدوء وهو يقول --شوي شوي انا عارف هههههههه
---------------------
وفي لنـــــــــــــدن ..
شارع الاكسفورد ستريت ..حيث الفندق..
وعند باب الجناح دخلوا ..
اريج(هالفندق يوترني ..)
راكان --يالله يابعدي تراه مأذن
اريج(ياربي هالكلمه ماسكه معه) هزت راسها بالايجاب ودخلت الغرفه
علقت عبائتها ورتبت شكلها ومرت رايحه لدورة المياه (عسى مايشوفني مستحيه البنطلون ضيق)
راكان وهو يشوفها تمروجسمها مشدود بالجينز (يارب تشفيها يارب وتطعمني لذة قربها )
اريج وهي تدخل الحمام(شكله شافنــــــــــــي )
راكان بعد ماصلى ..جلس على حافة السرير ..
رجع يتصل على نفس الرقم الاخير..
<<<<<<<
هلا يالغلا كيف الحال ؟
هلابك على ماتحب
اسمعني تعالي بالجناح تعرف شارع الاكسفورد
ايوه
<<اريج طلعت وهي تحاول تضم شعرها اللي انسدل وقت وضوئها لمته للجهه الثانيه من كتفها
راكان انتبه لها وارتبك لجسمها --سمع عبد العزيزيقول --واذا جيت بشارع الاكسفورد وين اروح ؟؟
راكان وهو يصد (فديت هالانوثه ) ويوقف بيطلع --اي اي لاوصلت ابد عطني الو وادلك اصلا هو واضح الفندق
عبد العزيز --خلاص بيننا الو مع اني كني عرفته فمان الله
راكان(برجـــــــــــع لها ماقدر ابعد عنها )--هلابك
رجع ودخل ولقاها تلف شرشف الصلاه جلست على السرير وكبرت ..
راكان وهو واقف عند المرايه العاكسه عليها ..(فديتس والله ..ابي اقربتس لي ساعدينيــــــــ)
سلمت وجلست تشوف اناملها --
راكان بهدوء--خلاص وصفت لهم وشوي وبيجون
اريج وهي توقف بعصاتها (ياربي مايمدي استعد) --اوك
راكان شافها متجهه للشنطه(اكيد تبي تلبس ..يعني اطلـــــــــــع ؟؟)
وفعلا طلع وهو مبتسم للصاله --جلس وبدا يقلب بالقنوات
(اكيد بيعطيني مفتاح البيت ايييييي والله مارتحت هنا ابي بيتي ..ابي اخذ راحتي وملابسي واغراضي مارتحت هنا.
مدري نتعشى هنا ولا اطلع فيه صعبه ماراح ياخذون راحتهم بجلس تحت اجل باللوبي انا وهو وهم هنا ..عشان ياخذون راحتهم ..)
رجع يترقب الباب متى ينفتح ..
صرت ماعاد اصبر عنها ..
ماعاد احب اجلس بدونها
اشغلت كل تفكيري
حتى الجامعه مارحت ولافكرت ابدا الكورس بعد ماقطعته
مابي اتركها
احس تعلقت اكثــــــــــر
وبالداخـــــــــــــل --
اريج احتارت بالملابس الجديده وحتى القديمه اللي مو من تجهيزها مدري وش البس؟
امممم ماراح يشوفني بس العنود يعني عادي والعنود من زمان ماشافتني لازم لبس حلو
اممم ليت عندي تيلفونه احترت وش البس
بلبس هالفستان وبس ماراح يشوفني وان تقابلنا مو كثير لان الرجال بيكون عنده
لبسته واطلقت شعرها بحريه ورجعت تمسكه قاصده وضع لمسات من المكياج الخفيف
وفعلا انتهت وهذي هي رجعت تطلق شعرها وتتعطرواخيرا وقفت وعند الباب تراجعت للخلف
(لا بجلس الى ان يجون اصلا غلطتي لبست بسرعه ..
بس اخاف اهو يبي الغرفه احس اني طولت ولا دق الباب امممم اخاف بيبدل لالا توه لابس مدري بس لازم اغراضه هنا )
وعند الباب رجع للخلف (خلها على راحتها دامهم مابعد جاو..بس اشتقت لها وش تسوي كل هذا لبس )
رجع ووقف مقابل التلفزيون (مابي اجلس بسالها خلصت او لا ابي تجي تجلس معي قبل لا يجي الرجال وزوجته )
وقفـــــــــ عند الباب --اريج خلصتيـــ
اممم اي اي
رن تيلفونه وشاف المتصل <<<عرف انه عبد العزيز
رجع للصاله وهي فتحت الباب
هلا وينك
ماشاء الله دليت
اي هو اصلا واضح
ياله جاي جاي
هلا
فتح باب الشقه --اريج ترا بتطلع لتس فوق زوجته
اريج وهي توها بعصاتها مقبله على مدخل الصاله --اوك
وبســــــــــــــــــــ وقفت هو طلع ولاشافوا بعض ..
--------------------
تحت في اللوبي --
نزل راكان وعند مدخل الفندق استقبله بعد ماشبه على ملامحه
ابتعدت العنود عنهم (ماشاء الله وش ذا الزيـــــــــــن ) ..
راكان --لازين اللي ماشاء الله دليت هههه
عبد العزيز اللي طوله يعادل طول العنود والفارق كبير بينه وبين عيال ال سعود وحتى ال عايد في الطول--اي حفظنا لندن اللحين ههههه
راكان وهو يرفع صوته--كيف الحال ؟
العنود (ياطوله ماشاء الله )--الحمدلله
راكان --عسى كل شي زين
العنود تهز راسها بالايجاب --والله بخير
راكان --اجل تعال اطلعك للاهل فوق
العنود وهي تدخل معهم في الاصنصير(انا اخبرها تعرج مدري عالجوها ولا توهم ..ليش ماخلونا نتقابل برى مو بالفندق ..كان بمطعم ولا مكان زين )
عبد العزيز --وين رحتوا اليوم
راكان بهدوء وهو يتصل بجواله (خل اقولها من اللحين عشان لاوصلنا تكون وصلت هي عند الباب وتفتحه لزوجته)--الهايد بارك وشارعنا هذا والبيكادلي سوق بس
العنود(شكله يلعب رياضه )
راكان--هلا ياله افتحي الباب
العنود(وش افتحي الباب مافيه جرس ههههه ليش يقولها قبل شكلها مابعد خلصت لبس )
عبد العزيز (تفتح الباب مابعد وصلنا وش السالفه؟؟)
طلعوا من الاصنصير --
راكان --هذا الجناح
التفت عبد العزيز على العنود --هذا ادخلي
اريج وايدها ترجع تلامس رقبتها من الخلف من الحياء--فتحت الباب
دخلت العنود ومالت عليها تسلم
------------------
اريج بطبعها الهادي دائما والمعروف حتى عند اهلها --كيف الحال
العنود الجريئه من صغرها كونها تربت بين اولاد (ياقلبيــــــــــه عادها تعرج الى الان ..)--والله بخير الحمدلله انتي اخبارك الحمدلله على السلامه
اريج بحياء وهي توقف قدامها وتمد ايدها --الله يسلمتس عطيني عبايتس
العنود --لاجعلني فدوه ارتاحي انتي ارتاحي انا بنزلها
اريج حست بالاحراج --ياله نزليها مافي احد خذي راحتس
العنود وهي تنزل عبايتها (ماشاء الله عالزين والجسم واللبس والذوق بس الزين مايكمل )--ياحلوتس ماشاء الله ماتغيرتي
اريج-- عاد انتي مره تغيرتي ماعرفتس
العنود--ههههه والله يوم قالولي اريج بنت ناصر قلت الله ياصغر الدنيا رجعنا نلتم مره ثانيه
اريج بابتسامه وهي تجلس وتترك العصا بجانبها--
العنود وهي تمسح على شعرها --يعني توكم واصلين امس
اريج --اي وصلنا الساعه 12 تقريبا
العنود بابتسامه -ياعزتيلتس لاااااااا وشلون تزوجتي بنفس اليوم وسافرتوا
اريج تهز راسها بحرج وايدها ترجع تلامس رقبتها من الخلف---اي
العنود--يعني هذا اول يوم لتس هههههههههههه لااااااااااا وش جابنا لكم حنا ازعاج هههههههههه
اريج--لا عادي الله يحييكم
العنود --انا قلت لعزوز رح عطه المفتاح ومانبي نضيق عليهم
اريج بابتسامه(اوخص عزوز هههههههه) --لا عادي تشرفنا فيكم والله يحييكم
العنود --ماشاء الله هذي بلكونه حنا مالقينا مفتاح بلكونة بيتكم وتشوفيني محرومه ههههههه
اريج--تعالي هناك انا بعد احب هذاك المكان ودام حنا بالليل محد كاشفنا
العنود وهي تاخذ شنطتها --يالا اوك
جلسوا وجلست تسالها عن عدد خواتها وانها شافت بزواجها كثير بس ماتدري منهم
----------------------
والعريسان رجعوا لطريقهم الاول حيث اللوبي --
طلب راكان لعبد العزيز وله
وتركها عالطاوله واستاذن منه ..بيروح يطلع طلب البنات لهم فوق ..
راكان (ياصغرهم كلهم قصار سبحان الله بس لايقين لبعض طولهم مناسب هههههه..
انا واريج محنا بطول بعض بس بسم الله عليها طولها زين والزين بالرجال الطول..
وصل للباب وتمنى لو انه عطاها خبر قبل ..
وبجوار الباب طاولة خدمه قريبه ..نزل عليها الكوفي والكوب كيك والحلى وطلع تيلفونه <<<
هلا ابوي افتحي لي الباب
امم ان شاء الله
اريج--لحظه خذي راحتس
العنود --لاتعبين نفستس تكفين ترا الحمدلله شبعانه
اريج وهي تمشي معطيتها ظهرها --لامافي تعب
العنود وهي تتابعها -(ببكيــــــــــ يلومه اتصل عليها قبل تفتح الباب ..ولاقال تعرج مابيها ..
بس يكفي هالزين وهالنعومه احس انها صدق عروس مهوب انا مرجوجه هههههه)
كانت اريج ترتدي فستان باللون الاحمر المائل للاورنج ..وقد ابدع تصميمه في ابراز جمال قوامها..
واحمر شفاه برتقالي وبلاشر مشمشي ابرز ملامح جمالها وجاذبيتها ..
وعند الباب انتظرت شوي الى ان سمعت طرقه خفيفه --
مين
انا
بس سمعت صوته ارتبكت اكثر مسحت على شعرها وغطت فيه اكتافها العاريه وعلى طول رجعت يدها تلامس رقبتها من الخلف..
وانفتــــــــــح الباب --وكانت المفاجــــــــــــــأه لراكانـــــــــــــــ..
راكان وهو يطرد انتباهه لشكلها --سمي
اريج وهي تترك العصى
راكان وهو يستوعب شلون بتاخذ الصينيه منه --لالا انتو وينكم
اريج--بالبلكونه
اممم خلاص انا بنزله هنا
وهو يتوجه لطاولة الصاله مقابل التلفزيون وينزل الصينيه --وقوليلها تعالي هنا اجلسوا عشان البرد بعد
اريج(فشله عرف اني ماقدر اخذ الصينيه اهــــــــــ حتى الضيافه ماقدر )--اوك
راكان وهو يرفع راسه لها بهدوء--اممم تبون شي ناقصكم شي
اممم لا سلامتك
راكان وهو يصد عنها(فديت هاللون عليتس..)--طيب انا تحت اذا تبين شي اتصلي والعشاء اجيب مشكل شرايتس
اريج بحرج وهي لازالت تتحس رقبتها--امم على راحتك
راكان وهو يبتعد عنها رغم انه لم يقترب منها --مابي تسوين شي ولا تشتغلين خليها تجي هنا واجلسوا عن البرد هناك
اريج (مره يهتم فيني لاحظت عليه)--اوك
وطلع ورجعت للعنود وعند الباب --العنود تعالي هنا عند التلفزيون نتقهوى
العنود--ان شاء الله جايتس خلتس ياقلبي لاتجين
اريج(كلكم راحميني وانا اللي ماسكه نفسي ومخفيه تعبي لكن وراي وراي هالنظره حتى بعد ماعرست ..الله يصبرنيـــــــ)
راكان وهو نازل (ياحظ بنت ال عايد جالسه معتس وتسولفون وبتقضي الوقت عند عيونتس ومقابلتس الله يعدي هالساعات ويروحون
واشوفتس وو والله مدري شيبصبرني .
.بس بس هذا عبد العزيز وش عنده واقف ..)
هلا تاخرت عليك
لا عادي
تعال نتمشى برى
راكان(ياليل ناويها سهره هذا )خذا كوب الكوفي تبعه --ياله
طلعوا وتمشوا بدون سياره في شارع العرب --
وعند احد المقاهي قرروا يجلسون ..
راكان(ياليل مرت ساعه ونص ..يارجال انا ماتزوجت وسافرت الا انفرد فيها
انت لك اسبوع وانا مالي الايوم ولابعد تميته ياوالله القلق ههههه)
ورغم هذا راكان مابين له شي بالعكس ياخذ ويعطي معه ويوصف له اماكن مازارها
ومع السوالف
راكان --ياله نرجع خلينا الاهل بدون عشى
عبد العزيز--اي والله ياله نمشي
-------------------
وبالفندق الساعه 11 ونص بتوقيت بريطانيا لندنــــــــــــ..--
اريج--تصلين لانه اذن العشاء له ساعه
العنود بابتسامه --ايـــــــــــ لاتطرينها هههههه جد مالها داعي بشهر العسل خل نستانس هههههه
اريج وهي تصد عنها محاوله انها ماتستوعب كلامها--تعالي صلي بالغرفه ياقلبي
العنود تتابع خطوات اريج قدامها (والله الكمال لله ..ياعمري احس انها تتالم وهي تمشي ..عشان كذا قال زوجها تعالوا زورونا بالفندق )--اوك
العنود وهي تاخذ منها السجاده--والله ماتفرشينها انا اللي بفرشها
اريج بهدوء--عادي ياقلبي
العنود--بصلي جنبتس عادي
اريج --انا ماجلس الا على السرير
العنود(ياعمريـــــــ عليتس قسم ببكي ذا الزين كله ووياربيــــــ)--اوك
صلوا بجوار بعض --
وبالركعه الثالثه رن هاتف اريج ..
انتهت وناولتها تيلفونها العنود--
اريج وهي تاخذه منها--الله لايهينتس
<<<<<تو بتتصل اتصل (يحس فيني )
هلا
هلا انا جايتس بالعشاء
ياله جايه
باي
باي
-------------
---البارت السابع والخمسون ---
اتجهت للباب ومن ثم الصاله ولباب الجناح--
فردت شعرها على اكتافها وفتحت الباب --لحظات وهو يدخل
راكان بابتســــــــــــامه شوق طلعت غصب عنه اول مره تمر عليه 3 ساعات وهو صاحي ولاشافهـــــــــا قدامه
اريج وهي تنزل راسها(شفيــــــــــــــــه يبتسم ..وترتنيـــــــ..)
راكان نزل الصينيه على نفس الطاوله ولم الصينيه الاولى
اريج(الحمدلله اني لميت الكاسين والاوراق بالصينيه )وبتردد--يعطيك العافيه
راكان وهو يوقف بوجهها وبهدوء (ابيها تحط يدها ورى شعرها زي دايم )--يعافيتس ربيـــــــــــ..
اريج رجعت للخلف (وشفيــــــــــه احس بدوخ)
راكان استوعب انه اربكها (اطــــلع بس )-- اذا تبين شي اتصلي علي
وعند الباب تذكــــــــــر--لحظه
اريج انتفضت لرجعته --اتجهه للثلاجه وطلع قارورتين ماء
ونزلها عالطاوله بجوار الكاسين --
وبصوت هاديء خافت--ناديها واجلسوا لاتتحركينــــــــــ.. اوك
اريج وايدها ترجع تلامس رقبتها من الخلف--اوك
(فديتهـــــــــــــــا والله انا ماعاد اتحمل بطلع )--باي
اريج ماقدرت ترد عليه غرقت باسلوبه وباهتمامه لها ..تحس انها كل تفكيره
والله ابتلش فيني يعاملني كانه ممرض لي مو زوجي
مابي افكر والله ببكيــــــــــــ
طردت عبراتها وهي تتجهه للغرفه --العنود ياله تعالي راح
العنود كانت تكلم هند اخت عزوز ومرت اخوها وبنت عمها --
ياله هند اكلمك وقت ثاني باي
طلعت وتعشت معها والعنود تسرد ذكرياتها بيوم زواجها اللي اختلفت احداث زواجها بقوه عن اريج
--------------------
وبعد ساعه بالضبط وكانت تشير الى 12 والنصف بعد منتصف الليل --
تحت باللوبي --
عبد العزيز --لا والله ان تعطيني موعد ياغداء ياعشاء انا حلفت خلنا نكسبك طال عمرك
راكان --لاتحلف فيك سر ولد عمك
عبد العزيز --ها متى
راكان --برد لك خبر عشان الاهل
عبد العزيز وهو يطلع المفتاح --جعل يكثر خيرك وماقصرت بيض الله وجهك ولافيكم قصور يال سعود
راكان--يابن الحلال حنا مستقرين ومرتاحين عادي خلك انت والاهل هناك
عبد العزيزوهو يطلع باكيت الدخان --نفداك كلها كم يوم وننزل مانشستر نتمشى
راكان --الله يستر عليكم ولا احتجت شي اتصل علي
عبد العزيز وهو يتصل بتيلفونه--ماتقصر الا لايقصر بعمرك
>>ياله انتظركم تحت
العنود وهي تتزين --اوك نازله
التفتت على اريج وهي تلبس عبايتها -- هههههه كنت بخليتس ترسمين لي كحله نفس رسمتس تجنن واكشخ عنده يمكن اصير حلوه مثلتس هههههههههه
اريج--عيونتس الحلوه طيب تعالي ارسم لتس
العنود وهي تاخذ شنطتها --مره ثانيه يقول انتظرتس ..امانه ردي لنا الزياره خليني اشوفتس ماشبعت منتس
اريج (تتزين له وانا مستحيه اطلع له بهالشكل )وبابتسامه --اوك نشوف فمان الله
اغلقت العنود الباب وراها وطلعت --
اريج ابتعدت وهي تشوفها تطلع وبعدها اتجهت لشنطتها اليدويه ..اعادت على الاحمر شفاه الاورنج
(وشووله اورنج اصلا بغير الفستان استعرض وهو مافكر اصلا فينيــــــ)
حست انها شعرت بضيق ..
تناولت علاجها المسكن بعد الوجبات..
ولمحت كلب لشعرها تناولته ورفعت شعرها ..
تفــــــــــــــــأجات بابراز فستانها لجمال رقبتها ونحرها واطرافها ..
لامست رقبتها ورفعت شعرها بيدها للاعلى ورجعت تتركه بحريه
منحرجه
متوتره
مرتبكه
عرفتـــــــــــــ
انها الاكيـــــــــد لازم تبدلــــــــ ملابسها..
اتجهت لشنطة الملابس ..
واختارت ثاني بجامه من مشترياتها..
واللي من ضمن تخطيطها باللبس لهالنوعيه اول الايام
راكان دخل بعد ماشاف ان الباب مفتوح بعد العنود ولم يقفل ..
على طول بحث عنها لانه متوقع انها بتتخلص من مظهرها السابق
دخلـــــــــ وانتبه لها ..
الســـلام
اريج وهي تشهــــق من الربكه --هــ..لا
ولازال متوجهه لها وبابتسامه وبهدوء وضع يده فوق يدها اللي فردتها على صدرها --
بسم الله عليتس
خفتيـــــ منيــ
لازال ينتظرها ترفع وجهها له
شافها وهي ترفع يدها بطريقها لرقبتها ..ولاتمالك نفسه--تدرينــــــــــ انتي ساحرتنيــــــ
اقترب اكثر وبيده اليمنـــــــى وضعها خلف ظهرها واليد اليسرى لازالت تمنع يدها اليسرى من الصعود لرقبتها كعادتها
ويمناها كانت تمسك بالعصى
اريج(تحس بانفاسه
وتسمع انفاسها اعلى منه ..
تحس بربكه
وتوتر
وخوف
وخفه في التوازن
وفجــــــــأه..تضايقت منـــــه بعد مااستوعبت وعرفتـــــــ انــه..
غمضت عيونها
راكان اختفت ابتسامته
وحس بحراره بجسمه
ورفع راسه اكثر واطلق تنهيده باسمهــــاوبهدوء--اريــج
رفع ايده عن صدرها ومنه الى اسفل وجهها وبدا يرفع وجهها له ..
شاف عيناها مغلقتين بقوه
وملامحها تدل على التوتر
ولاكأنه يميز نوع حالتها
لفت انتباهه شفتيها المرتعشه ..
رفع يده من ظهرها الى اعلى ليمسك بالاداه اللي جمعت خصلات شعرها ويسحبها بهدوء
وهنــــــــــــا زاد الم اريــــــــج المفاجئ لها (ليش يوجعنـــــــــي بشعري )..
خف التوازن لديها فاحكم قبضته لجسدها من الخلف ليقربها الى جســـــــده --اهـــــ انــــاـــــــ
وبفجائيه التهم شفتيــــــــها بعنف..
ليتفـــاجأ بسقوط العصى من يدها
وتثاقل ذلك القوام الجميل من بين يديـــــــــه ..
راكان وهو يرفعها بيديه ويخترق مسامعه صوت عبراتها وخوفها--اريـــج وش فيـــتس بسم الله عليـــــــــــــــــــــتس (وشو اغمى عليها وش فيها؟؟)
وقفت وابتعدت عنه وهي تحاول تضبط انفاسها ..(بنجن مستحـــــــــــــيل لالا صدمتني الله لايسامحك هذا وانا بنت عمك قلبي بيوقف والله..ياليتني احلم ياليت )
راكان مسح على شعره ومسك عصاتها وماقدر يناولها لها--تعالي انسدحيـــــــــــ ارتاحيـــــــ
راقبها وهي تعرج وتطلع بدون عصى وتتنهد (وليش يعني ماتبيني اقرب منها ..
وش انسدحي انا بعد شكلها عصبت مني شفيه والله تعبت وانا حتى اللمسه محرمه علي )
جلس على حافة السرير
وقرر يخليها تهدأ وهو يستوعب اللي صار وانه فعلا ماسوى شي يضايقها ..
حس انه محتاج يبرد على جسمه من التوتر وكثر التفكير ..
دخل وخذا حمام ..
اريج بعد ماعرفت انه دخل رجعت خذت البجامه وهي تبكي ..وراحت للبلكونه..ولازالت تنزف الم من اللي صار
وقفلت الباب عشان تلبس وبعد معاناه من الالم والحزن انتهت
وهذي جلست بعدماقررت تقفل الباب (وشلون بنام ماراح انام اليوم انا ماراح انام مع واحد مثله
والله ولاعاد يجمعنا مكان ..
ابوي لو يدري انك كذا كان مازوجني
وفضل اني اجلس بعجزي ولا اخذ واحد مثلك ..
بس لايغرك عجزي
انا باخذ حقي بيدي
تبي تستغلني عشاني عاجزه
وهم فرضوك علي
اصلا انا ماصفيت النيه من اخذتك
وكنت اعتقد انك بتتغير وتحبني بس للاسف دام اهلي فرضـــــــــــوني عليك ..
بس بلومك لا بلومك
وانسى انك تقلل من قدري ..مهما كان انا بنت عمك ..
اهـــــــ ياربي وينتس يايمه
وينكم ياليتكم جنبيـــــــــ
كان جيتكم
والله لو تدرون ماخليتوني معه دقيقه ..
اه ياراسي ..)
طلع راكانـــــــــ من دورة المياه وبعد مالبس قرر يروح يطمن عليها (لانها اكيد بالبلكونه او رجعت للصاله لاني قبل شوي يوم طلعت ماشفتها)
بالصاله مافي اثر
اممم اكيد بالبلكونه او المطبخ
انتبه للباب المسكر --لاتكون مقفله عليهــــــــــــــــــا(لالا رجاء مانبي نوصل هالمرحله اجل لو انيــــــــــــــــــ لاحول ولاقوة الا بالله )
مسك المقبض --اريج اريج افتحي
اريج تبكي وتكتم صوتها بيدها
تحس راسها مصدع بقوه
ومن الزكمه والبكاء والقلق والخوف اللي صابها منه
راكان بهدوء--اريج افتحي ابي اكلمتس
اريج تزيد في بكائها وراكان مايسمع شي
اريج ردي علي ترا بتقلقيني كذا (لايكـــــــــون مغمى عليها )
بسرعه اتجهه للطاوله اغلق التلفزيون بالريموت --
ورجع بسرعه عند الباب --اريــــــــــــج اريج
اريج--معليش خلني هنا
(وشــــــــــو وش ناويه عليه هيــــــ)
راكان وهو يمسك نفسه--طيب افتحي ابي اكلمتس افتحي
اريج بخوف--مابي اكلم احد
راكان حس بنبرة صوتها الخائفه--اريج انا اوجعتس تعبانه يوجعتس شي يابنت الحلال افتحي لاتهبلين فيني
اريج تحس انها ماتقدر تحرك من مكانها وترتجف خوف--ووصله صوت بكائها
راكان لا ارادي هز الباب والمقبض --افتحي لاتقلقيني عليتس والله مالمستس والله
اريج زادت في بكائها XXراكان انصدم وضرب برجله الارض --يعني انا وش مسوي اوجعتس قوليلي اما انتس تقفلين عليتس بهالبرد لاااااا افتحي
راكان انصدم سمعها وهي تبكي تون --يمــــــــاهــ اهــ يايمه
راكان بهدوء وترجي--اريج اريج اهدي ترا بيجون اهل الفندق ويدخلون لانه مايصير وترا بيمسكوني
اريج بترجي وتعب -- تكفى خلني بلحالي مابيكــــــــــــــــــــ
راكان تمنــــــــــــــــــــــــــــــــــــــى انه ابتعد قبل لاتكمل جملتها (افـــــــــا والله افا يااريج هقيت اني ماخذ عاقل )
رجع بخطواته للباب ومن بين اسنانه --اطلعيــــــــــــ وجعلني الحق ابوي وامي تحت التراب ان ترجيتس تجلسين معي اما انتي تقعدين بالبرد لا ..
وبصوت عالي --اطلعي ياله
اريج (حلف هو حلف بس والله لو يقرب مني والله لاجمع عليه كل اللي بالفندق وخلهم يسجنونه لانه يستاهل اللي مايخاف ربه )
ابتعد وهو يرمي كلمات اوقعت الخوف لها-- ياله تسمعين اطلعــــــــــــــي
ابتعد وهو يمسك براسه بصدمه وعدم استيعاب --(اي والله ماني مستوعب شفيها هيـــــــــــــــــ هذا من حقي وانا ماسويت شي يوجعها لاتجنني ماسويت شي)
فتحت الباب بربكه وهي تبكي --
راكـــــــــــــــــــــــــان XXXاريـــــــــــــــــج
انصدم من شكلها
كحلتها السايله
ودموعها
وعيونها الحمراء
وشعرها الللي اجزاء منه مرتفعه واجزاء متناثره عشوائيه
وتتمايل ممسكه بالجدار وهي تكتم عبراتها
راكانـــــــــــــ--اريج خلينا نتكلم
اريج وهي تدخل الغرفه --مابيــــــــ
راكان وهو متوتر --تراني مدري وش فيتس
سكرت الباب وقفلته --اريج لاتجننينيــــــــــــــ
اريج تمددت عالسرير وجلست تبكي ..
راكان وقف في الصاله وكل شوي يرجع عند الباب بترجي -اريج افتحي
اريج
تسمعيني
افتحي
وربي اني مدري وش صار
اي مايصير
اللي صار شي عادي
طيب انا اوجعتس
اريج
ردي
طيب افتحي
اي ليش
طيب بس قوليلي وش فيتس
افتحي مارتحت والله خلينا نتكلم
الله يلعن الشيطــــــــــــان استغفر الله
اريج نمتي ؟
اريج
والله ادور بالصاله ريحيني بس قوليلي وش سويت
اريج
افتحي
بتنامين
انتي طيبه
طيب افتحي بشوفتس مارتحت
اريج
خلاص بكيفتس نامي انا بنام برى بس انتي طيبه
راكان (الحمدلله )
راكان حس بتعب (استودعتس ربي الله يفرجها من عنده والله بموت من القلق وش صار وش فيها احد يجاوبنيــــــــــــ
يعني ادري ان فيه بنات يخافون بس والحل طيب الى متى يعني ماتوصل انها تقول الله يهديها مابيـــك..قويه يااريج علي
جلس وبدا يقلب بتيلفونه وهو متمدد على كنبة الصاله ويحس بصداع فظيع من التوتر --
وفجاه لقى نفسه بقوقل كتب في مؤشر البحث علاج خوف الفتيات من ليلة الدخله ..وعدل جلسته وبدا يقرا ..
ضرورة مناقشة الأمور الجنسية بين الخطيبين قبل الزواج بعدة أسابيع
و هنا أؤكد على ضرورة تثقيف الزوجة جنسيا !
(لاياشيخ خطيب يكلم خطيبته بدون ملكه اي شرع انتوا استغفر الله )
رجع يبحث باسلوب ثاني وكتب بالمحرك --كيف تتخلص من خوف زوجتك بليلة الدخله ..
انا بعد قربت بهدوء يعني خافت يوم قلت انتي ساحرتني وعشان بوستها طيب يعني هي بذمتها
ماكنت تلاحظ اني اتعذب لاشفتها
وانا شي طبيعي اللي اسويه فيها مهوب يكفي ان النومه معها ممنوعه
ترا ماصارت والله
رمى جهازه واتجه لبابها حاول يتسمع مافي صوت
الله يستر بس الله يستر )
اريج --(حسافه اللي اهلي وثقوا فيك والله حسافه
المصيبه انك ولد عمي
يلومك ماتدري وش سويت لانك
حسبي الله ونعم الوكيل
اهـــــ ياراسي
اهــ يايمه يماهـ يماهـ
جاي تدرس
ولا تصيع
وتنهبل
والله قهــــــــر
والمشكله محد يدري حتى عمي فيصل جاي عندك وساكن ولا علمنا بسواياك
ولا بعد مافرقت معك
وحتى وانت متزوج ..
انتبهت للساعه وقررت تريح راسها وتدعي ان اليوم يمر على خير وتصلي الفجر ..وبعدها اكملت نزيف جروحها بالبكاء المكتوم
واخيرا دفنت نفسها ونامت ..)
راكان قرر يطرد قلقه بذكر الله والصلاه دخل يتوضأ وصلى بالصاله على قطعه صغيره مقابل التلفزيون ..
وبعدها تمدد عالكنبه..وهو يردد استغفر الله ..استغفر الله ..لاحول ولاقوة الا بالله
------------------
وبالسعوديـــــــــــــــه ..يوم السبت
بعد صلاة الفجــــــــــر.. بيت ال عايد ..
دخل فلاح راجع من المسيد...
لقى طفله تدور بالبيت
صباح الخير
صباح النور يابعد جوفي
فهد وينه مانام هنا اجل
لا عند اهله يبي عياله وامسى عندهم
اها وعايد طيب
الحمدلله
بجيب الفطور مراصيع وش زينها توني بخبزها
بروح اغير وبرجع
معليه عشان لاحولت تلقاها زاهبه
طلع فوق وبدل ملابسه ونزل ..
جلس عند التلفزيون ينتظر ..
حس بالملل وقرر يدخل يشوفها وهي تخبز ..
فلاح--الله عالريحه الزينه
طفله--هلا ابطيت عليك
فلاح --لاا بجلس عندتس اشوفتس
طفله وهي تمد له بعض الاقراص اللي خلصت وبجوارها سمن وسكر مطحون--هذي خلصت كلها دامها دافيه
فلاح وهو يرفع اكمام البجامه--بسم الله
طفله وهي تفرد دوائر من العجينه السايله--متى بتروح يابوي
فلاح --اخر هالاسبوع ان شاء الله الاربعاء
طفله وهي تلتفت عليه --ماتقدر تمدد
فلاح وهو يصب السمن--لانفداتس متاخر على الكورس ..
طفله وهي تصب له كاس حليب --هماك قايل بجلس شهر
فلاح --ودي جعلني مابتسيتس بس ابو سعود بيقطع اجازته والكورس هذا بعد اسبوع تبدا اختباراته ودام مافاتنا واجد نلحق عليه
والمهم اني جيت وشفتكم وشفت عايد والحمدلله زين اللي ارخصوا لي
طفله(جعلني اخطب لك قبل لاتعود)--اجل اسمعني
لبيتس
منتب معود الا انت خاطب
ههههههه من عينتي
واحده ماشاء الله زين وعقل ويكفي اهلها ال سعود
فـــــــــــــــــــــــلاح تفـــــــــــــــــــاجا ولاصدق مسامعه --ونعم واللــــــــــــــــــــــه..
طفله انبسطت لردة فعله --اي ماشاء الله زين ودلال عنها اخت(ن )لنايفـــــــــــــ
فــــــــــــــــــلاح هنا تحجر عقله ما صدق يحس انه
ماقام
ولاصلى
ولاجلس عندالتلفزيون
ولادخل عند امه
ولاكلى مراصيع
ولاشرب حليبـــــــــــــــــــــــــ
انا احلم..
ولا امي هي اللي قداميــــــــــــــــــــ..
فلاح وهو يضبط نفسه لانه تعود يكون بهالموضوع ماسك نفسه حتى لو توصل درجه الرفض --بس خطبه نفداتس يعني حكي وتلميح مانبي
شي رسمي ولاانا اروح لهم ولا شي بس احجزيها واذا الله كاتب انها لي لاعودت باخذها
سكت شوي
ورجع يستطرد-- والله ونعم ال سعود ونعمتين
طفله --اي والله حسب ونسب وصلاح وتوها شباب ماشاء الله
وقف ماعاد قدر يستوعب نفسه --على خير ان شاء الله بس مابي ينتشر يعني بينا وبينهم يعني وصلوه للبنت واهلها
بس والحمدلله جعل تسلم ايدينتس على هالمريصعات
طفله --عافيه عافيه الله يوفقك يابوي الله يوفقك للحظ الطيب
فـــــــــــــــــــلاح واخيرا واخيرا عبير اللي تمنيتها ليــــــــــــ سبحان الله اكيد زينه ولا لو كذا ماعجبت امي بعد
اكيد انها معجبه هند بعد ولا ماكان ههههههههههههههههه الحمد لله الحمدلله
لحظه لحظه
خل توافق هي بالاول
ههههههههههههه
لالا ان شاء الله ان اموري زينه عند اهلها وماظن بيرفضوني ..
----------------------
وفي بيت ال سعود--
افطر ناصر وراحوا التوائم ولمى لمدارسهم
افنان كعادتها صلت وافطرت وقررت تنام الى الظهر عشان تصحى تذاكر لامتحان الاحد
نوره قامت وراقبت خوانها الى ان طلعوا كلهم وبعدها دخلت عند امها ..
ساره--راح بابا
نوره --لا تو
ساره--روحي حبيبتي شوفي اغراضه لايكون يبي شي
نوره وهي تطلع --اوك
وبالصاله قابلها ابوها --روحي ارتاحي ولاذاكري دام اخوانتس راحوا حبيبتي
نوره وهي تهز راسها --اوك
دخل على ساره وهو يعدل بترسيمته --انا رايح تبين شي
ساره وهي تشوف ثوبه وترتيبه--سلامتك ماتشوف شر
فيصل وهو يشد ثوبه للاسفل --هذا ثوبي الجديد وش رايتس كنه مضوقه صح
ساره--اي بس مو مره عادي زين والله
نوره--لا بابا بالعكس زين
فيصل--مدري ماجاز لي
ساره--عشانه اول مره تلبسه بس والله مو ضيق لاتبالغ عادي
فيصل وهو يشوف ساعته--ياله فديتس فمان الله
ساره -ماتشوف شر
نوره(فديته ياخذ رايها بكل شي ..امممم )--ياله ماما انا برجع انام الى الظهر لانو بروح لريناد بذاكر عندها
ساره --لا قلبي روحي نامي ماقصرتي
-----------------
لنــــــــــــــــــدن حيث العاصمه ..
وعالساعه 9 ص --
تحرك راكان من البرد بالصاله ..
واستوعب نفسه بعد مافتح عيونه واسترجع كل اللي صار برمشة عين..
ياله خل اقوم اشوف قامت
وقف عند الباب ومسك المقبض --(اكيد مابعد صحت )
جلس بالصاله وهو يحس انه مصدع ريح راسه على الكنبه وهو يتنهد ..
تمايل بيرجع ينسدح ..وسمع صوت تيلفونه بالغرفه يرن --
(لايكـــــــــــــــــــون ابوي ناصر وترد ولاتبكي ولا ــــــــــــــــ)
اتجهه للغرفه --اريج اريج عطيني جوالي يابعدي
اريج وهي تبعد الخداديه عن وجهها --وتشوف الاسم بالانجليزي hanre
وقفت ولمت شعرها --وهي تسمعه يناديها
وبهدوء(مابي اشوفه بس اكيد انه خلاص حسبي الله ونعم الوكيل )--طيب
مرت من عند المرايه مسحت بمنديل زوائد الكحل ..
وفتحت الباب بعد مرور لحظات من توقف رنين الهاتف--
مدت له التيلفون وهي منزله راسها --
مسك هو حافة الباب وخذا التيفلون باليد الثانيه--صباح الخير
وشلونتس اللحين
ابتعدت عنه متجهه لشنطتها--طيبه
راكان وهو يتابعها(حتى يوم طلعت لي متغطيه وقالها ابوي اكشفي كشفت وهي تبكي واللحينـــــــــ..بحاول انسى بما انها هدت )--ياله عشان نفطر يابعدي
اريج (مابي شي ) خذت منشفتها ومالت تاخذ عصاتهاواتجهت لدورة المياه--
سمعته قبل لايطلع يتكلم بالانجليزي ويقول هنري ..
Hello مرحبا
Fine بخير
Where are you اين انت
I Balaaksford Street انا بالاكسفورد ستريت
Do I have known هل عرفته
Ok, if you reach Call me so we meetاوك اذا وصلت اتصل بي ل نتقابل
باي
باي
اغلق الخط وتنهد --استغفر الله
توجه لشنطته واخرج ملابس له
انتظرها تاخرت
اضطر للذهاب للاوفيس وغسل وجهه وتوضا وفرش اسنانه ..
ولازالت بدورة المياه والحقيقه انها انفجرت باكيه
وهي تشوف وجهها بالمرايه مصدومه من تعبها
واللي اكتشفته وماحدث امس من راكان ..
لبس راكان ومشط شعره وتعطر
وهو يحاول مايفكر..
واخيرا توجه لشنطته ..واخرج منها ملف كبير وبداخله اوراق وصور اشاعات خاصه باريج
رن هاتفه وعرف انه هنري --
مرحبا انا قادم
اوك
وتوجهه للحمام بتوتر--اريج انا طالع اقابل رجال بخصوص المستشفى قفلي الباب عليتس اوك
اوك فديتس
واخيرا جاءه صوتها بهدوء--اوك
(استودعتس ربي )
طلع واغلق الباب عليها
وهناك كانت قد انتهت --
(اي عالجني مو هذا اللي اخذتني عشانه والله يصبرني على مابتلاني )
طلعت وتوجهت للباب وقفلته ..
رجعت للسرير بهدوء وانسدحت على ظهرها بصعوبه وهي تتألم ..
وابتل الملحف اسفل وجهها بدموعها ..
اهــــــ يايمــــــه وينــــــــكم ..
هدت نفسها وسحبت المخده ونامت عليها بدون ماتحســـــ..
لم يجف قلمي غدا يكمل ويكشف لنا اسرارهم
كل الود لكم
صبى الاوراق
|
28-10-09, 01:59 AM
ترا البارتين بكره يعني اليوم 
جديد مواضيع قسم القصص المكتمله من وحي قلم الاعضاء
العرض العادي
