مايموت عزمك دامني جنبك - الصفحة 70 - القصص المكتمله من وحي قلم الاعضاء

15-10-09, 02:34 AM

المشاركة رقم: 346

المعلومات
الكاتب:	moogah
اللقب:

البيانات
التسجيل:	Feb 2009
العضوية:	123476
المشاركات:	81
الجنس	أنثى
معدل التقييم:
نقاط التقييم:	22

االدولة

مدونتي

الإتصالات
الحالة:
وسائل الإتصال:

كاتب الموضوع : صبى الاوراق المنتدى : القصص المكتمله من وحي قلم الاعضاء

ابداع دائمواحداث وتفاصيل مشوقه فى انتظارك ودمتم بخير

17-10-09, 06:36 AM

المشاركة رقم: 347

المعلومات
الكاتب:	صبى الاوراق
اللقب:	ليلاس متالق

البيانات
التسجيل:	Jun 2009
العضوية:	146325
المشاركات:	245
الجنس	أنثى
معدل التقييم:
نقاط التقييم:	52

االدولة

مدونتي

الإتصالات
الحالة:
وسائل الإتصال:

كاتب الموضوع : صبى الاوراق المنتدى : القصص المكتمله من وحي قلم الاعضاء

السلام عليكم ورحمة الله وبركاته
احب اشكر مشرفات الاقسام على اطلالتهم اولا بصفحاتي البسيطه بينكم جميعا
وثانيا على التميز اللي اهداني احلى متابعين من خلف الكواليس
والتميز اظهرهم لي
فأنتم من ابرزها بقراءتكم وتعليقاتكم وردودكم الناقده والداعمه لي
واتمنى اكون عند حسن ظن الجميع ..
جهزت اربع بارتات والخامس باذن الله اليوم لكن نحن على نظامنا اربع بارت على مدى الاسبوع
يعني كل يومين
وانا على مواعيدي معكم حبايبي
البارتين الثاني والخمسون والثالث والخمسون الليله فانتظــــــــــــروه

كل الشكر مني لكم
صبى

17-10-09, 07:12 AM

المشاركة رقم: 348

المعلومات
الكاتب:	الوشه1
اللقب:	ليلاس متالق

البيانات
التسجيل:	Apr 2009
العضوية:	141856
المشاركات:	757
الجنس	أنثى
معدل التقييم:
نقاط التقييم:	21

االدولة

مدونتي

الإتصالات
الحالة:
وسائل الإتصال:

كاتب الموضوع : صبى الاوراق المنتدى : القصص المكتمله من وحي قلم الاعضاء

السلام عليكم ورحمة الله وبركاته....

مبدعه صبى الاوراق,,,,

اقول من كل قلبي ...................لك كل التقدير والاحترام.......

والمزيد من التقدم....

18-10-09, 12:01 AM

المشاركة رقم: 349

المعلومات
الكاتب:	صبى الاوراق
اللقب:	ليلاس متالق

البيانات
التسجيل:	Jun 2009
العضوية:	146325
المشاركات:	245
الجنس	أنثى
معدل التقييم:
نقاط التقييم:	52

االدولة

مدونتي

الإتصالات
الحالة:
وسائل الإتصال:

كاتب الموضوع : صبى الاوراق المنتدى : القصص المكتمله من وحي قلم الاعضاء

السلام عليكم ورحمة الله وبركاته
اسعد الله جميع اوقاتكم بكل خير ..
اشكر مشرفات القسم على التميز واعتبره وسام لي واتمنى اكون عند حسن ظنكم جميع ..
ثاني شي هالتميز ابرز الكثير من خلف الكواليس اللي كنت اتمنى طلتهم بعد كل بارت ..
والله يبارك بعماركم جميعا وينولكم مرادكم من الدنيا والاخره ..
السموحه منكم على اوقات البارتات الجايه والله يعين الجميع ..
استلموا البارتين الثاني والخمسون والثالث والخمسون ..
قراءه ممتعه ومفيده
بسم الله..
---البارت الثاني والخمسون ---
في الطياره --
لازال ماسك بالكيس ..ولا احد يعلم مافيه وكم مره اشغل هالكيس لحظات من تفكير اريج..
بعد مادخلوا وكانو متاخرين وتقريبا من بين اخر خمسه مسافرين على هالرحله متاخرين ..
جلسوا ومعهم الكيس اللي فضل راكان يتركه في اعلى جلستهم مع حقيبة ملابسه المتوسطه الحجم--
راكان بهدوء --عسى ماتعبتس
اريج--لاعادي
لحظات صمت ..
راكان قرر يقتل الصمت --طيب انا جوعان وش رايتس تاكلين معي بعد شوي
اريج بهدوء--اوك
راكان بابتسامه--حلو بس خل نقلع ونتعشى ..اممم تخافين من الاقلاع
اريج--لاعادي من زمان عنه
راكان --قد سافرتي ؟
اريج--اي لمكه نعتمر
راكان --اها كلكم
اريج--اي من زمان على حياة ابوي خالد كلنا مع بعض مع ال فيصل وال خالد
راكان--اها الله يرحمه كان يحب الجمعه والوناسه
اريج--اي
راكان وهو يسمع الاعلان بالانجليزي--Dear travelers now it's time to quit, please make sure to link belts
راكان --زين اللي ماتاخرنا
اريج وهي تسمع الاعلان بالعربي--اعزائي المسافرين حان الان وقت الاقلاع الرجاء التاكد من ربط الاحزمه
-------------------
بيت ال سعود--
ميس والو عند افنان ولمى بغرفتهم
ومع السوالف
وفجاه كلهم بكوا ..
وتسحبوا التوام لغرفتهم ..
شيخه--
كلت حبوب مسكنه ..وانتبه لها ناصر ..
ناصر--عطيني ياشيخه حبتين راسي لاج علي من اول الليل
شيخه وهي تمد له مع كاس الماء --انك الله يهديك مانمت من امس
ناصربعد ماشرب الكاس وتمدد عالسرير--الله يوفقهم وينقل خطرهم
بيت ال سعود --
اظلم واطفأت كل انواره بعد ماكانت يوم كامل مضاءه ومليئه بالاصوات والزغاريد
حصه وعبير وحتى ريناد ماستوعبوا الى الان ان بيت ال سعود في زيارتهم الجايه له بتكون اريج ماهي موجوده فيه..
عبير ماقدرت تستوعب
مسحت دموعها
وعدلت من جلستها
ومسكت هاتفها--
<<<<<<
الوووو
هلاعبير
هلابس وينكم
قولي بسرعه لان بنقلع
امم انتي طيبه
اي
خلاص طمنيني طيب
سلمي عليهم
اوك
اغلقت منها ورجعت تبكي لكن هالمره وهي مبتسمه(مدري احس صوتها زين اممم ههه الله يسعدها يارب)
------------------
بعد مااقلعوا بربع ساعه --
وصل العشاء اللي طلبه راكان لهم --
كل مره يمد لها تاكل وترفض كان يقول --الناس لايسمعونا هههههه خذي
وتنحرج وتاخذه--
اريج وهي تتصفح مجله(ودي اساله كم الرحله وبنوقف بمكان ولا على طول لبرى ؟؟)
راكان كمل اكله وقام يغسل --
بينما انتبه لاريج اللي بس خلصت طلعت جل وغسلت ايدينها منه
رجع وبس جلس انتبه لقرطاس البندول عند حذائها --تبين شي تشربينه ترى ماشربتي شي غير هالماء
لا
طيب راستس يعورتس
لا
مو توتس اكلتي بندول ولا انا غلطان
امم اي
طيب اللحين في عوار
لا عادي
الحمدلله .
ريح ظهره وابتسم --تدرين اني على قومتي من امس
اريج وهي تنتبه اخيرا لوجهه توترت وصدت -- (ماشاء الله فيه حبات خال صغيره حوالين فمه ..)
راكان--اهـ الحمدلله اللي الله سهلها علينا
اريج توترت لتنهيدته--(نام طيب نام..بس قلي كم الرحله كم ساعه وبنوقف ولا ؟؟)
راكان بعد مامتلئ بطنه حس بتعب جسمه طول اليوم--
التفت عليها ..
راكان--اريج نامي ارتاحي اكيد مثلي سهرانه
اريج وهي تنتبه للي مرت من جهة راكان ريح عطرها ومكياج عيونها وغطاها اللي مسكتها بيدها--لا عادي
راكان بابتسامه وهدوء--ترا الطريق طويل باقي 6 ساعات نامي ويمديتس تقومين بعد
اريج (اها 6 ساعات)--متواصله
راكان--اي انا حاجزها دايركت كذا افضل من ان نوقف بدبي وتعب وشغله نوقف
اريج وهي مستمعه وتتابع اصابعها xxراكان-- وبابتسامه يله نامي انا بنام ترى
اريج(اي طيب انام اهـ ويني وين النوم )
راكان وهو يمسح وجهه بيده--بروح ابدل ذا الترسيمه وارجع
اريج--هزت راسها بايجاب--
رجــــــــع وشافت هيئته الى نصف صدره --كان يرتدي جينز رمادي وتي شيرت مائل للزرقه
ماجلس لانه يبحث وفي صوت الكيس وشكله يدخل ملابسه اللي نزلها
جلســــــــــ وبيده شي --
اريج وهي تاخذ نفس مكبوت (عليه جسم مدري وش بيصير شكله بالبدل ؟؟)
جلس وريح الكرسي شوي --عطيني ايدتس اليسار
اريج بالصدفه لمحته وفــــــــــــــــــز قلبها وتحركت اشياء غريبه وترتها --
مد يده بهدوء ومسك ايدها وجابها لحضنه xxالتفتت هي فجاه عليه (وش بيسويــــــــــــــ هو ؟؟انتبهت للعلبه الصغيره اللي بيده ..)
طلع الدبله الالماس ولبسها --اصابعها كانت مملوءه واللي جعلت من الدبله مدفونه وماخذه قطعه من اناملها
اريج وقتها ماقدرت حتى تصدر صوت (ياربي شقول شكرا ؟؟؟)--
راكان (ليت الدنيا على كيفي والله لارفع يدتس وابوسها )..وش رايتس حلوه ؟؟
اريج وهي ترجع ايدها بجوارها وتهز راسها بالايجاب--
راكان جلس يتابعها وهو مبتسم وبعد اقل من ساعه..
شافته رافع الهاينك لانفه ومغمض وتحس انه في نومه عميقه ..(يمه لايفتح ويلقاني اشوفه ..ماشاء الله شعره ناعم واسود ..مادريت ان شعره كثيركذا..
شكله تعبان مسيكين ..
بس مافكر يلزم علي اصلا حتى لو يجبرني مانيب قادره مافيني نوم بس اشوى ان الصداع خف..
الحمدلله مدري وش الاوضاع هناك وش بيصير علينا )
صدت ورجعت لافكارها اللي تحاول انها ماتشغلها (مدري من يشبه ابوه ولا امه ..احسه شبابي بقوه مدري ليه اممم خلاااص مابي افكر )
مدت يدها لنفس المجله رجعت رجعتها وخذت الجريده --
وجلست تتصفح وهي ماتقرا ولاهي مركزه ..
وسرعان مارجعت ترتبها ..
جلست تتابع اللي جالسين وتفاجات من اشكال البنات واستعراضهم (يمه الله لايعاقبنا هذا وحنا تونا بالجو اجل بالارض وش بيصير ؟؟؟ياربي لاتسخط علينا )
تثاوبت مرتين ولكن سرعان ماكتمتها طارده نومها --
---------------------
بيت ال خالد--
في الغرفه السوداء..
نايف بعد مارجع منهم--دخل غرفته وبدل ملابسه وتمدد ولحظات يبتسم ولحظات يتمتم بكلمات غير مسموعه ..
وباصرار وحزم -اي انا لاقلت اشوفتس اشوفتس..
وبابتسامه--بس صراحه هالمره احلى من كل مره كل مره تصير احلى من اللي قبل
والله سحرتيني يابنت فيصل
تذكر رجفة شفايفها ..
وربكة اناملها ..
وانفاسها المتتاليه اذا ركز فيها
تذكرلحظات انه ركز فيها وماقاوم نفسه وضحـــــــــــك بصوت عالي ..زاد من ربكتها
فيها انوثه تو نضجت ..
احس فيها دلع بنات مثل اللي لالمستها تصرخ ههههههههه
تذكر عيونها وهي تبعدها عنه ..احـــــــ يانـــــــوره
سواد شعرها وحواجبها فيها من خاله واجد
الزين انها مهيب مثل البنات تغير في شكلها ولاتخلي حجانها لونين ههههههه
ولا تكثر من بياض وجهها..
بســــــ مغروره
هههههههه لايكون ناويه تنغرين علي هههههههه لالا ترا انا ماجي كذا يابنت عمي ..
وبابتسامه وهو يدخل بالملحف --حتى المبســـــــــــم يالبيــــــــه ..ياوش يصبرني
بعد الاختبارات؟؟يعني العطله الكبيره اممم حنا بشهر 5 6 7 لالا بسته بسته ان شاء الله
بس راكان واهله اممم الل يصبرنيــــــــــــــ
ياحلو النومه واخر من شفت عيونتس يالنوري
قرر يفتح تيلفونه العمل ويحط منبه ..
<<<<<<ادخل الرمز السري
<<<<<<شاف شعار نوكيا
<<<<<<الرسائل الوارده =1 وفجاه 2 وبعدها3 وبعدها4
استغرب وعدل من جلسته --غريبه من اللي متصل ؟؟
مشاري مرتين ورقم مكتب سانسك الشرقيه
لاحوول اخر اتصال الوقت الساعه 10 ونصف
واللحين 2 ونصف يمكن نام ومعه اهله
لالابدق مالح على رقمي الافي شي
<<<<<<<<مشاري
يامرحبا ياطويل العمر
هلابك السلام عليكم
عليكم السلام
عسى مازعجناك بس ترا توني افتح التيلفون
لا ماعليك بس انا والله طلعت اوراق كثيره وكلها تحتاج عماده منك وفيه طال عمرك نقص نقص بالعمال بشكل ماتتصور
ومثلك عارف المكاين مايبيلها اي احد يديرها او حتى يشغلها بس
تبي متابعه وتبي شفتات حتى عليها وكل ذا الامور تبي موافقه منك
نايف وهو يمسح على شعره --مشاري انا جايك الامور ماعاد تحتمل قعادي هنا دامها وصلت لنقص( ن )في العمال انا جاي
اغلق الخط ووقف جلس يبحث في الارقام <<<<<<< واتصل
هلا يامرحبا بك عسى مداوم؟
لا والله توني مسلم امرني
اجل كلم لي اللي بالمكتب انا طالع للشرقيه
باقي ساعه طال عمرك رح هناك وتلاقي كل شي خالص الله يستر عليك
وعليك الله لايهينك
ماتشوف شر
ولا اياك
ارتبك ماعرف وش ياخذ ملابس لان خواته هم اللي يجهزون شنطته كالعاده
طلع من غرفته وترك الباب مفتوح
وقف عند باب عبير <<عبير عبير
عبير تحس انها سمعت صوت برى بعدت الملحف من وجهها--من ؟
نايف --انا نايف صاحيه
اي
لبست روبها وطلعت --هلا وش فيك (لايكون صار شي بينهم)
تعالي
مشت وراه ودخلوا الغرفه --عبير بالله زيني شنطتي بسافر بسرعه مابقى عالرحله شي
ويـــــــــــن
الشرقيه دخلي دخلي كل هالملابس
طيب
رمى عطوراته بالشنطه
وفتح الدولاب ومسك مجموعه ثياب وجعلها على راحة يديه ونزل بها مع الدرج يركض
دخلها بالسياره وشغلها ورجع طلع فوق
لبس ثوب كان تاركه وطاقيته وشماغه من جديد
نايف--ياله عبير خلااااااص تاخرت
عبير --تبي بناطيل
اي اي حطي ثنين اوثلاثه
بس بس سكري سكريها
يالله فمان الله سلمي عليهم
نزلت وراه -- نايف اكيد الشرقيه
اي والله
طيب صاير شي
لا بس عندي اوراق مهمه ولازم اخلصها
اممم والله مدري عنك
لالا تقلقين امي كذا
ياله فمان الله
---------------------
وفي الطياره--
تذكرت كثير
اولها امها اللي تعلقت فيها خصوصا هالاسبوع
عبير كيف الوضع بدونها
ميس الو
لمو وافنان
ريناد وخاله
خاله والنوري وحنون
مابي مابي اتذكـــــــر ابوي اللي كان ماسك نفسه وعيونه حمر من التعب والسهر حتى الفطور ماذاقه من يومين
هنا بدات دمعاتها تعلن تحررها --
مسحتها بهدوء --(بلتفت عليه اخافت صاحي وانتبه ليـــــ)
لحظات من الجرأه --واخير التفتــــــت --
وشافته صاد للجهه الثانيه توترت --(ابيض ؟؟ولون التي شيرت مطلع بياضه )
شافت الساعه اووه باقي 3 ساعات ؟؟خل احسب اي حنا حركنا الساعه 10 وهو يقول الرحله كلها 6 اي 10 11 12 1 2 3
اي اي يعني نوصل الساعه 3 بس كم يصير الوقت عندهم؟؟اللي اعرفه ان الفرق الظاهر 3 ساعات بس ناسيه بس قبل بعد مدري
يعني احتمال يكونون الصبح وبتكون الساعه 5 الفجراو 12 الليل وبيكون ظلام
ورجعت تتفرج وتسمع من الملل ..والتوتر اللي تحاول تتناساه من اللي بجوارها..
وبعد مرور وقت انتبهت للساعه اللي مو راضيه تمشي انها اصبحت الساعه1والنصف
تحســــــــــــ بالجوع والبرد
وفجاه تحس بمثل الشبع وليس هو بذاته..
انتبهت لراكان اللي ثاني مره يغير وضع نومته..
انتبه لها وارمش ورجع فتحها--
ليش مانمتي
سمعت صوته وارتبكتxxبسم الله عليتس نامي نامي ارتاحي تونا ترا
اريج تهز راسها وتعدل طرحتها--(مابقى الاساعه انت اللي نايم هههههههههه وماتدري عن شي )
ولا ارادي رجع ارمش ولاعاد فتحت مره ثانيه
(الواضح انها تعبان وله ايام بعد وجو الطياره يجيب النوم وهذا اللي عرفته اريج ياليتهم بس يقصرون عالتكييف)
---------------
وعالساعه 3 فجرا--
عرفت من الاعلان انه وقت هبوط الطائره ..
راكان حس بشي بس كمل نومته بعد ماغير اتجاه نومته لجهتها --
كل مره يتابعها ويبتسم ويرجع ينام بهدوء..
هي انتبهت له (لامستحيل رجع ينام خلاص هبطنا طيب ..ماراح اصحيه ماقدر )
بدو اللي عن يسارهم والامام يتحركون ..
سمعت رجال كبير شوي.. يقول الحمدلله على السلامه
انتبهت له (ابتسمت مره متعمق بالنومه هههههههههه )
مر واحد وهو يتكلم بصوت عالي --
وقتها راكان عقد حواجبه وسحب الهاينك --وفتح
وصلنا
اريج تكتم ابتسامتها وتفتح حزامها--ايــــ
راكان يمدد ايدينه ويتلفت برقبته بصعوبه --اووووك يارقبتي ياله ياله الحمدلله على السلامه
اريج بهدوء وهي توقف --الله يسلمك
نزل هو ولاحظ ان الدرج الناس خلف اريج ينتظرونها تنزل
رجع هو يطلع لها يساعدها
اريج( ياربي اخرة الناس وفشله احرجته..واااو شهالبرد )
راكان وهو ماسك شنطتها وشنطته وهالكيس اللي معهم من الرياض --
واليد الثانيه ماسك ايدها اليسار --
وهي بيدها اليمين العصى تخطى بها..
لمحت اريج اعلانات ان هالمطار اسمه مطار هيثرو--
اريج (يمه الله بيخسف بنا هنا لاحول ولاقوة الابالله وش هالناس وين عقولهم معليه اهل الولايه بس العرب ليش نسوا ربهم هنا )
راكان وهم يوقفون عند كرسي --ارتاحي يابعديــــــــــــ
اريج من تسمع هالكلمه تتوترجلست ومسكت العصى من النص .-
دقايق وجاي اوك--
اوك اريج كانت جد مو مستوعبه اللي تشوفه كملت مراقبتها واشكال الناس اللي نازلين من الطياره (ياربي لاتسخط علينا )
طلعت تيلفونها وفتحته ولكن لاجدوى اوووه مايشتغل خارج المملكه --؟؟
شوي جاء راكان وهو ماسك التيلفون باذنه -- لا الحمدلله بخير وعافيه هذي هي معك
اريج عرفت انه ابوها--هلابك انا الحمدلله بخير انتو اخباركوم
طيبين
الحمدلله
اممم لا حنا بالليل
اي بس مدري كم الساعه هههه
سلم عليهم
ابشر ابشر
اغلقت الخط وشافته مع عامل معه عربيه حمل الحقائب
راكان --مامعتس لاب توب
اريج--لا ماجبته
اها لاني توقعتس حاطته بالشنطه لانهم يطلعونه يفتشونه
اريج باستغراب وهدوء وهم يغادرون صالة المطار--ليه يفتشون ؟؟
راكان --اووو لازم يمررونه على اشعة وماتخليه بالشنطه تطلعه وتحطه بالصندق ويمر بهالاشعه
ولو صادوا في الجهاز اي برنامج غير اصلي بتطبق عليك قانون القرصنه وسرقة الملكية الفكريه
اريج (اقول فضاوه وش دخلهم ههههههههه )--
راكان وهو يتصل بتيلفونه --اللحين ماراح نروح شقتنا لان نسيب فلاح فيها عريس بنستاجر الى ان يطلعون منها
اريج (ياقلبيه اكيد الاجار غالي هنا ؟؟ )--اها
راكان وهو متضايق ان اللي يتصل به مايرد --
واخيرا --
Hello and Link came hours drive away
I'm coming coming
I'm waiting
دخل هاتفه بجيبه ورجع التفت على اريج --تعالي اجلسي هنا
جلست وحس ببروده في اطرافها --بردانه ؟؟
اريج--شوي ههههه
راكان --افــا
قرب منها ونزل الكيس اللي طالما اشغل اريج --
طلع الجاكيت الطويل العنابي--ياله ياله وقفي هذا شاريه لتس من هنا بس ماقدرت اعطيتس اياه
اريج منحرجه وماستوعبت كلامهxxجلس يلبسها وتو بيسكر الازرارات انتبه لكرت السعر فكه ورماه بالكيس مع علبه الدبله
اريج تخيلت انه احراج في الشارع والناس تشوف سمعت تيلفونه يرن --تدفي تدفي سكري الازرارات
وابتعد عنها شوي يكلم بالانجليزي --
واريج مافهمت شي الا الكار سياره؟؟
(ياشين اللي مايعرف الا العربي ههه ياربي راسي رجع يوجعني )
لحظات واقترب منها وهو يغلق الخط --
كوم كوم
فهمت اريج انه يقول ياله
وقفت وتبي تتاكد ان ماتركت شي وراها عالكرسي انتبهت للكيس ولمحت فيه العلبه والكرت خذتها وراحت وراه
عند سياره بيضاء فئة الجاكوار 2008 والواضح انها جديده نزل راكبها ذو الشعر الاشقر
وصافحه بقوه --وجلسوا يتبادلون عدة جمل بالانجليزي وبعدها صار الرجال ياشر وراكان كانه ياخذ الطريق منه
حس راكان انه مافهم التفت على اريج --اشر لها تركب السياره
ركبت وهي تشوف الكيس كبير وواضح انه فارغ خذت العلبه والكرت ودخلتهم بشنطتها
ودع الشاب ورجع له بعد ماعطى عامل الحقائب عموله ..
ركبوا وحرك --
هذي سيارتيــ من فيصل شاريها لي جعل يكثر خيره
اريج(اول مره ادري ؟؟وهي تحس بمغص بطنها ..من الجوع بس المشكله حتى لو اشوف اكل ماشتهيي )--اها
التفتت للمناظر اللي على طريق هيثرو والمشاه اللي اكثر من اعداد السيارات هناك ..
راكان(فديتس عسى تعجبتس لندن )
كمل طريقه للفندق اللي تمنى انه يعجبه ويريحون فيه اليوم وبكره على الاقل الى ان يرجع نسيب فلاح
-----------------
الرياض--بيت ال فيصل .
غرفه نوره --
حنان وهي تقيس دبلة نوره--اهم شي انتي انبسطتي توقعتس بتسوين مناحه ههههههههه
نوره (حتى انا بس لو اني متوقعه ان الشوفه كذا كان قابلته من ذاك اليوم )ابتسمت وهي تاخذ الدبله وترجعها باصبعها(بداوم فيها بس مدري هي ذوقه اولا ؟؟)
حنان وهي تفهم ابتسامتها --والله اني ماعاد اشوف وعجزانه بكره احضر التمايم
نوره--لاااااااا تكفين روحي انا منيب رايحه تعبانه وبجلس عند امي
حنان--عندتس اختبار السبت
نوره--لا الاحد
حنان وهي تغطي نفسها بالبطانيه --انا بنااام
نوره(اييي نامي ابي استوعب اللي صار )--وانا بعد بنام
اغلقت الاضاءه ورجعت تتمدد وهي مبتسمه--
الغريب ان افنان ورنو ماكلموني واحس انهم مادروا باللي صار او تعبوا من بعد الزواج لنا ايام وحنا مشغولين وتو ريحنا
ياحبيلها اروج والله بفقدها ..
وبس ارمشت ورجعت تفتح عيونها بالظلام ..
تذكرت طلته يوم دخلوا وهو اطولهم وتوسطهم بوقفته..
صوته يوم قال --بتجيبونها ولا ادخل اسلم انا
صراحه جـــــريئ لالا بقوه ماستحى حتى يوم دخلت عبير وهو ماسك يدي مافكها اتوقع حتى لو امي ماراح يفكني ..
ابتسمت وهي تحت الملحف وبالظلام --بس يوم دخل بابا ههههههههههه تغيرت لهجته تذكرت يوم قال لا اصلا انا شوي وماشي ههههههههههههه
بس صراحه متقلب وتخوف شخصيته كذا بيجلس كل يوم يقلب لي مزاجه وبصير ماعرفله
ابتسمت وهي تتذكر حركاته وتحاول ماتسترجع الموقف اللي يربكها مجرد ماتسترجعه
يوم مسك اسفل وجهها ولفه لوجهه وكانه يبي يشوف عيوني مدري وجهي اكثر
يوووووو ه بغيت اموت حتى غمضت عيوني ماقدرت
اممم يعني ارتحت شوي عقب ماكنت خايفه منه ..
احس اني اعجبته ..
بس ماتصل علي
<<مسكت تيلفونها وفتحت الاضاءه
الساعه 3 و10 دقايق ص
يمكن قال الوقت متاخر ..ولا اكتفى باللي صار اليوم مدري مدري
ابتسمت وهي ترجع لرقمه اللي حفظته بنك استفهامات ؟؟
وكل مره تطفى الاضاءه ترجع تشغلها الى ان غالبها النوم ونامت
-----------------
---البارت الثالث والخمسون ---
وقبل لانرجع للندن --
في مطار الملك خالد نايف قص البوردنق وهذا هو مستعجل يلحق على الطياره ..
سمع صوت تيلفونه--
هلااا بتس اجل حسيتي فيني ههههههههه
هلابك يابوي وينك فيه صاير شي
لانفداتس مابه الا الزين بس انا المفروض اني رايح من الثلاثاء بس قلت عشان ابو سعود
حتى والله كان ودي ماروح الا بعد التمايم بس ماجات بالكيف بكره مابه حجز نفداتس ولا مابه الا الزين
يمه انا طالع الطياره ارجعي نامي انا اقل من ساعه وواصل لاتنتظرين اذا اصبحنا زهمت عليتس
ماتشوف شر يابوي
اغلق تيلفونه وتنهد وهو يشوف زحمة الركاب ..
غريب اليوم ليلة جمعه وش عندهم الناس رايحين للشرقيه..
ريح ظهره وانتبه للكبك في احد اكمامه اللي ماسكره زين ..
(مابي اقولها ان الامور مهيب زينه لها ايام
وتقلق ..قلت مافي حجز بس عسى ابوي وعمي يستوعبون العذر
ولايحسون بشئ انا بعد علي عذر ..؟؟ بس ماركزت شسوي ..
لو اني صبرت لبكره كان ماحسوا بشي اللحين بيقولون غريبه رايح ولا حضر التمايم ..الله يعين )
انتبه للعربيه المتنقله ..طلب عصير ليمون ..
وهذاهو يشرب --(فديتها والله على انها مستحيه وماخلتني اخذ راحتي معها بـــــــــس
زين اني بغيت اشوفها وصار..
تذكر حركتها يوم شافته وطاح اللي بيدها ههههههههههه هو وشهو ذا اللي بيدها ريش ؟هههه
تذكر يوم قالهم جيبوها ولا انا دخلت اسلم عليها
تذكر يوم قرب منها ونزل وجهه لها
والحرقه اللي حس فيها بس لامس خدها الناعم وجهه
تذكر يوم لبسها الدبله وهو ماقدر يرفع عينه..
تذكر نعومه وجهها وايدينها ..
تذكر شعرها وعيونها الجذابه ..
تذكر حياها ورجفت ايدينها ..
عرف انه وقت الهبوط وانه وصل (الحمدلله )
نزل وعرف انه وقت الصلاه --
صلى بالمطار واستاجر سياره
وراح حجز له جناح بالشيراتون ..
-----------------
وفي لندن عاصمة الضباب --
وقفت السياره بعد لحظات صمت وهو يتابعها وهي تراقب الناس والعماير والاماكن الملفته ..
راكان وهو ياخذ تيلفونه --انا بنزل اشوف هالسكن هنا اذا نزلت اضغطي هالزر (يقصد اقفلي الابواب )
اريج وهي تهز راسها بالايجاب --(المشكله على هالالم اذا لقينا سكن وشلون بنام ؟؟؟معه ؟؟)
نزل راكان ودخل وهي تشوفه يبتعد ..
طلع فوق و5 دقايق وهي تلمحه راجع --
(جاء جاء)
وقف عند الباب واشر لها تفتح الباب --
(اهااااا نسيت ) --وضغطت الزر
ركب وجلس وربط الحزام--ماعجبتني صغيره بنشوف غيرها
مشـــــــى
اريج بهدوء --يعني شلون صغيره؟
راكان ماصدق انه سمع حسها--اممم لا الحجم فيها غرفتين وصاله ومطبخ والله يعزتس حمام بس ماحسها
اممم واسعه يعني ملومه جنب بعض مارتحت مارتحت نشوف غيرها اكثر ماكثره في لندن السكن
اريج--طيب ولد ال عايد متى بيرجع ؟
راكان --والله اني مدري عالعموم فرصه ناخذ هنا خل تشوفين الاماكن الحلوه هنا ..قبل نبعد عند شقتي هناك
اريج--اها
راكان --انتي ماكلتي ولا ارتحتي الله يهديتس مانمتي بالطياره صح؟؟
اريج --لاعادي مرتاحه
راكان--وش مرتاحه ؟؟اذا انا نمت شوي وتعبت من ظهري انتي اللي جالسه ومانمتي وش بتقولين
لحظه بس خل اشوف هالسكن لو نلاقي فيه بيكون نايس
نزل ورجع بسرعه
(وشفيييـــــــــــ رجع )
سكري الابواب يابعدي
امم اوك (نسييييت .. يابعدي توترني )
رجعت التفتت تتفرج عالناس وهالمكان المطل عالبحر
حاولت تفتح تيلفونها ماجاء فيها ارسال ؟؟يالله لازم اعمم جوالي وشلون نسيت
تاخر راكان غريبه ؟؟
انتبهت للجاكيت صراحه ذووق وشكله غالي بس شلون ومتى وكيف شراه
انا هالكيس معه من الرياض يعني شلون جابه من الرياض وشراه من هنا ؟؟
لا كانه يقول شاريه من هنا انا مانتبهت وش قال ؟؟
رجع وهو مستعجل ..
ضغطت زر الابواب وركب --
اوك زين اللي لقيت هنا شفتي هالشارع وهو يمر من عنده رايح لمواقف الفندق الارضيه
هالشارع يودي للجامعه اللي ادرس فيها ..
اريج مستمعه بس تحس انه بيسمع الم بطنها اللي تحس انه بيصدر اصوات وبتحرجها ..
دخل (القبو )تبع فندق الاكسفورد ستريت oxford street
وجاه عامل ينزل الشناط ..
مشى وراهم وطلعوا بالاصنصير ..
الفندق كان قمه في التصميم والخدمات ..
تبعوا الشوفير اللي معاه مفتاح الشقه
اريج كانت تحس بتعب في جنبها وخصوصا انها ماخذت المسكن لانها ماكلت وبكذا رح يضرها فاكتفت بالبندول ..
كانت تمسك نفسها وماتبي راكان يحس وفعلا ضبطت الدور ..
دخلوا واغلق الباب راكان --
راكان وبابتسامه--هلافيك بلندن هههه
اريج انحرجت وابتسمت من وراء الغطاء--(تكفى ابي اشوف شكلي مابي اكشف احس وجههي ملخبط كحل ومحتاسه)
راكان وهو يشرب من قارورة الماء اللي نزلتها هي عالطاوله --اكشفي
اريج وهي تشوف جرأته--اممم اوك
قامت وهي توقف عند الشناط ..
لالا لاتشيلين ولااااااشي انا بدخلها روحي الغرفه هذيك وانا اجيب الشناط ارتاحي بس
انحرجت من نشاطه وحركاته--توجهت لدورة المياه ودخلت بشنطتها الصغيره
وقفت عند المراه --وفكت النقاب تفاجات ببياض وجهها الزايد من التعب والسهر
غسلت وجهها وبدت تمسح زوائد الكحل والماسكرا
وتمشط شعرها وانتبهت لحمرار عيونها --تذكرت الغسول اللي معاها.. قطرت بعيونها
وبعدها حطت كحل خفيف ..
الظاهر انه اذن الفجر ..
توضت بصعوبه ..
وكل ماجات بتطلع ترجع تفك شعرها وترجع تعدله
(اكيد بتحمم بس عسى ينام والله مدري وش بينام ؟؟ولا شكله شبعان نوم ومصحصح وشلون بنام ..)
راكان اللي دخل الشناط ورجع فتح الباب المطل عالبحر ووقف يشوف الناس
قرب الفجر جعل سحر البحر ولون السماء شي خيال بلندن ..
خاف لايكون طلعت وتسوي شغله وماتقدر فقرر مايبتعد عنها من اللحين ..
دخل من البلكونه وعرف من الساعه اللي بيده ان الفجر اذن ..
طلع للصاله وانتبه لباب الحمام اللي لازال مغلق ..(غريبه تاخرت )
دخل الغرفه وانتبه لشنطتها رفعها عالكنبه المجاوره لغرفة الملابس ..وفتحها لها ..
خذا شنطته ووضعها عالكرسي وبدا يطلع له منشفه وبجامه ..ولوشنات جسم ..
انتبه انها لازالت ..
والحقيقه انها للتو خلصت وعرفت انها تاخرت ..
اريج وهي تطلع لازالت بعبائتها وطرحتها على اكتفاها ونقابها بيدها ..
انتبهت للغرفه اللي بجوارها عرفت انها غرفة النوم (عسى مايكون فيها )
انتبه انها طلعت (واخيرا)
شافها وهي تدخل --(مستحيل عادها بعباتها )
دخلت (هنــــــــــــا لاااااا )كملت خطواتها بثقه وانتبهت لشنطتها على الكنبه ..
وقفت وتلفتت بربكه ..
راكان وهو بيده ملابسه --نزلي عبايتس وخذي راحتس وتراه اذن الفجر
اريج وهي تعلق طرحتها --اي توضيت بس وين القبله ؟
راكان وهو ياشر --من هنا
تابعها وشافها وهي مرتبكه
بعدها قرر يتركها تاخذ راحتها
دخل الحمام ورجع خرج
راكان وهو يشوفها مابعدت من مكانها اللي تركها عليه --امم شوفي شنطتس هنا ايوه لاتشلين شي ..اي شي تبينه قوليلي انا بتحمم وبطلع اوك
اريج بربكه--اوك
راحت لشنطتها بسرعه وطلعت السجاده من بين زحمة الاغراض
فرشتها وصلت ..
ورجعت تتسنن ..
(ودي ااخر ساعتي بس مدري كم اخليها بساله واعدلها عشان اعرف وقت الصلاه ..)
قامت وهي متوتره ولاتدري وش تلبس ولا وش بتسوي ولا تعرف تهدي بطنها او حتى راسها اللي بدا يرجع لعمايله
المشكله لازم اكل شي عشان المسكن ؟؟
خل انزل عبايتي بس البدي ضيق ووعاري لابجلس الى ان يطلع واتحمم بســـــــــ الله يعيني
طلعت من الشنطه المنشفه وبدات تلم اغراضها جوات هالمنشفه ..
لقت مجموعة البجايم اللي خططت تلبسها من اول الاسبوع ..
خذت وحده ربيعيه الوانها غامقه ..
وقفت عند المرايه تتابع ملامحها المرتبه ..
بطنها يوترها وخايفه لايزيد الم جنبها عليها ..
بحثت بشنطتها اليدويه عن اكل ..مالقت الا لبان خذته وكلته ..
قررت انها تاكل المسكن لان مافي امل تبحث عن اكل ..او حتى تطلب منه
وفعلا راحت للصاله بهدوء وكلت الحبه وشربت من نفس هالعلبه ..
حست ان في هواء بارد يجي من هالباب ..
طلت وبسرعه تراجعت التفتت تبي شي تغطي راسها عشان تطلع ..
تخيلت لو يجي ويلاقيها تطل اوو برجع هنا بعد ماتحمم ..
وهي طالعه شافت التيلفزيون اللي كان يشتغل على قناه اوروبيه خالعه ..
ارتبكت ورجعت للغرفه ..
طلعت عطر وعطرت الغرفه ..
مرتبكه..
ماتدري وش بيصير
ولاتدري وش وضعهم ؟؟
قررت انها ترجع تفتش بالشنطه ماتدري وش تبي بالتحديد بس الاكيد انها يمكن تلاقي شيء تحتاجه
انتبهت للشنطه الاصغر وتذكرت ان فيها قهوه واغراض ماتحتاجها اللحين ..
فجـــاه رفعت راسها من الشنطه وشافته ..
ارتبكت وهو ابتسم --بسم الله عليتس
حس انها انحرجت من شكله ولانها الظاهر ماسمعت صوت الباب يوم فتحه
كان لاف منشفتين ومغطي نفسه قرر يلبس ويجفف نفسه بالصاله ..
وفعلا راح ولبس وجلس يمشط شعره وصلى وهذا هو يشاهد التلفاز ..
انتبه لها بعد مامرت من الغرفه الى الحمام وهي ببنطلون وبلوزه بدون اكمام
تغيرت ملامحه --(فديت ذا الجسم واجعلني اشوفتس بدون عصى )
حط ميوت للتلفزيون وسحب المينو اللي عالطاوله ..
اممم مدري تاكل دجاج او لحم ؟؟
امم بطلب مشكل وسلطات وكل كل شي مدري وش تحب فديتها ..
رفع السماعه <<<<وطلب
بالداخــــــــــل الكرسي بعيد عن صنبور الماء (المروش )
وكان الصدمه انها حاولت ترفعه الا انه صمم من الرخام الثقيل ..
تركته وعرفت انها مضطره توقف رغم الالامها واحساسها بالجوع ..
مرت ربع ساعه وزود ووصل الاكل ..
راكان (مافي حس كل هذا تتحمم ؟..برد الاكل طيب ..
قام ورتب الاكل عالطاوله مقابل البكونه فتح الشباك الكبير وطفى اضاءة البلكونه ..
نورالصباح في لندن عجيب
والناس جالسين عالشاطئ باريحيه تامه وكلن نفسي نفسي .
.وهالشيء راكان تعود عليه
رجع دخل المطبخ وجاب ملح وسكين وملعقتين ورتب علبة الكلينكس والكاسين ..
ورجع يطل وعرف انها توها ماطلعت (ياليل الى متى ؟؟عادها بتطلع وتلبس يالله )
جلس عند التلفزيون وشوي يمسك الريموت وشوي يمسك تيلفونه
انتبه لجهازه اللي ينبه ان البطاريه ضعيفه ..
توجه للغرفه يشبك الشاحن وتفاجـــــــــأ انها مقفله ..
راكان --طلعتي
اريج بربكه--اي
راكان --خذي راحتس بس كنت ابي الشاحن وترا الاكل جاهز انتظرتس
ابتعد عن الباب وهي كملت حركتها (والله ماشتهي اجعتني كبدي من ريح الاكل وانا مابعد شفته ..احس من كثر ماني جوعانه انسدت نفسي
طلعت الاستشوار وجلست تجففه بسرعه عادت على كحلتها وقلوسها وتعطرت وطلعت اخيرا بعد ماترددت كثير وهي توقف وراه وترجع للمراه ..
راكان اللي انتبه ان الباب فتح عدل جلسته ..لانه فعلا كان جوعان وغير كذا حاس فيها اللي ماكلت شي نهائيا
وطلع اللي ماحسب حسابه ..انه يشوفها بلبس بيتي ..
وتمشي قدامه..
ولوحدهم وويـــــــــــــن .. ببيتهم ..
حاول مايركز فيها ويتجاهل شكلها الملفت بالنسبه له ..نعيما
اريج لازالت تخطي بعصاتها النيكل النسائيه وبابتسامه--الله ينعم عليك
راكان وهو يوقف --لاتجلسين تعالي هنا ناكل
اريج بتوتر(الله يعني في البلكونه المفتوحه )--كملت مشيتها وراه وهي منحرجه
راكان بعد كرسيها عن مكانه قاصد انها تجلس هنا (فديت هالشعر اللي مغطي ظهرتس ) --تعالي هنا
ارتبكت وجات للكرسي
جلس هو بالكرسي المقابل لها --بسم الله
احترت مدري وش تاكلين تشكن اور ميت
اريج اللي فهمت انه يقصد دجاج او لحم ولازالت ماسكه كاس العصير..وتشوف البحر وودها تقرب تشوف الناس تحت .
راكان --وشفيتس ماعجبتس الاكل
اريج--لا بس ماشتهي
راكان وهو ينزل الملعقه (فديت هالوجه الصافي وهالعيون والله ماني مصدق انتي قدامي )--وش ماتشتهين هو انتي اصلا كليتي شي
اريج وهي تشوف صحن السلطه --وبالشوكه خذت قطعة جبنه صغيره مكعبه
راكان --لالا لازم تاكلين ماكلتي شي اكلي ياله اشوف خذي خذي هالفطيره ياله اكليها كلها
اريج ابتسمت وهي تشوفه ينزل الفطيره بصحنها -- بدات تقطع نصفها وتاكل بهدوء
راكان وهو يتمنى يرفع عينه لها ويجلس لو 5 دقائق يشوفها بس 5 ..
ماني مصدق انها معي ولا وبلندن الحمد لله الحمدلله
راكان وهو مستمتع بجلسته (الظاهر دامني اكل مافي امل تاكل )
جلس يتابعها --اجل تيلفونتس ماعممتيه
اريج بحرج--لا نسيت
راكان --لا انا اصلا مافتحه الا اذا جيت هناك ودامني هنا استخدامي بريطاني
مد لها شريحة بيتزا-- بكره لارجعنا لشقتي هناك عندتس الثابت اتصلي منه اللي تبين وبكره اطلع لتس خط مثلي خطي بريطاني
اريج--يعني ماقول لاهلي يعممون تيلفوني
راكان --براحتس بس اعلى التكلفه بواجد اذا استخدمتيه لهم عشانا بالخارج
اريج--اها
راكان --اريج ياله اكلي لاتضيقين صدري
اريج بابتسامه--اكلت والله
راكــــــــــــان ابتسامتها حركت مشاعره بعنف xx نزلت راسها ولاعرفت شتاكل
راكان-- اريج عيونتس حمر امم من قل النوم اللحين تاكلين وترتاحين
انا الحمدلله شبعت اكلي اكلي ولا ترى جلست اراقبتس
اريج (والله ماشتهي مدري وش فيني )--اوك
دخل وغسل يدينه وشاف الحمام مرتب وملابسه اللي تركها بالحمام اختفت ..
غسل وراح يبحث عنها ولقاها بكيس بجوار الخزانه ..
وقف بالصاله متردد (ابي اجلس معها ..وش خلاني اقوم اووووف ..
لو ارجع ماراح تاكل انا ابيها تاكل ..
جلس عند التلفزيون ويسوي بحث لقنوات على اقمار عربيه ..
وفجاه طلعت من البلكونه .--
راكان --(وافديت هالزول يابعدي جعل فيه العافيه )
اخيرا خزن بعضها وحس ان الدقائق مرت ..
انتبه لها وهي تاخذ كيس ورايحه لطاولة الاكل --
وقف واتجهه لها--تعالي تعالي وش بتسوين
(لاتقـــــــــــرب تكفى )اممم بشيل العشاء
انا انا اشيله انا ابيتس ترتاحين بس تعالي قبل لانجلس تعالي ..
مسك الكيس ومشت وراه(جسمه رياضي احسه يلعب رياضه ..كانه عضلي ..)
طليتي من البلكونه ؟؟
لا احسها مكشوفه
لااااا وين الناس بعالم وحنا بعالم ثاني مايشوفونا
اممم
وش فيتس حنا بالدور الواحد وعشرين
ابتسمت بحرج وتقدمت --
مسكها بيدها --اصلا انا مطفيء الاضاءه من جلسنا عشان ..وارتبك وسكت
حست بربكته--(كمل عشان ايش ...)
ها شرايتس
هههه الله يجنن (وش هالناس ياويلهم من ربي يعني صدق اللي نشوفه بالافلام يمه منهم )
راكان --تعرفين تسبحين ؟
اريج بهدوء وهي تتابعهم --لا
راكان --ليش عاد السباحه احسن شي للصحه تعالي تعالي ادخلي عن البرد انتي متحممه
اريج وهي تتمنى تجلس هنا الى ان ينام ..
دخلت وهي بجواره --وقبل لاتجلس
راكان--اكلتي علاجتس
اريج--اي
طيب تعالي ننام انتي مانمتي ولا ارتحتي تعالي
اريج بربكه(لااااااجاء وقت النوم )--مافيني ــــــ
وش مافيتس نوم ههههه عيونتس فاضحتس حمر كوم كوم
مشت وراه وهي تخفي ابتسامتها --
دخلت وهي تشوفه يطفي الاضاءه العاليه ويترك اضاءه ضعيفه --
دخلت اريج ووقفت بالضبط بنص الغرفه --
راكان حس فيها بس تمنى انها تتقدم وتهون عن ربكتها ..
اريج(مستحيل انام قبله مستحيل )--
راكان جاء بيسكر الباب انتبه لصوت التلفاز واضاءة الصاله --
سكر التلفاز
وتاكد من غلق الابواب وغرفة البلكونه
وبالاخير الاضاءه
وقبل لايدخل خذا نفس (الله يصبرنيـــــــــــــــ )
دخل ولمحها على حافة السرير --
اغلق الباب --
بعد الملحفـــــــ وجلس --تعالي ابوي تعالي ارتاحي مانمتي ولا ارتحتي
اريج (اقول لاتكبر السالفه وتحسسينه بشي ء هو مافكر فيه نامي )--التفتت واتجهت لاعلى السرير
وعالطرف نزلت شبشبها وعصاتها اللي ساعه تثبتها عشان توقف عالرخام ..دخلت بهدوء في الملحف
راكان هنا يحاول يشغل نفسه بتعديل الخداديه --
ومن ثم اخذ تيلفونه وجلس يقلب فيه..
رفع راسه بعد مالمحها دخلت بالملحف بس مامددت نفسها وصارت مثل الجالسه بداخله --ابوي انتي انسدحي نامي
اريج بتوتر --نزلت نفسها شوي ولكن لازالت شبه جالسه
راكان (اهــــــــــ لاتزيدين علي ارتاحي يمكن ارتاح )--رجع يكمل ضغط بازراراته
اممم تدرين كم الساعه ؟
اريج وهي تبعد خصلات شعرها --ــــــــــ
راكان --الساعه 7 الصباح
اريج بهدوء--امم اغير وقت ساعتي
راكان --اي نزليها هاتي اغيرها
شافها تنزلها بربكه (يريحني ويريحتس ربي )--واذا ماتبين الفرق بينا 3 س
اريج--لاغيرها
خذاها وجلس يغير فيها ورجع مدها لها --اريــج انسدحي يابوي سمي بسم الله ونامي
اريج بس سمعت سمي بسم الله --غصتها العبره ماتدري ليش ..
صدت بوجهها للجهه الاخرى وجلست تلعب بخصلات شعرها بتوتر
راكان (عطــــــــرتس
وحركتســـــــ
وحستســـــ
ودي اعطيتس ظهري بس اخاف اتندم لاني واثق اني مابي احرم عيوني شوفتس
اريج (انا ليش متخيله انه بيقرب مني او حتى يلامسني ..شكله مافكر اصلا عارف اني شبه عاجزه وهالشي ماينفع لي ..)
عضت على شفايفها ..
توترت..
تحس نفسها متعبه ..
ومخنوقه
ودي ارتاح من التفكير
هو مافكر بهاللي شاغلني ..
وانا ذابحه عمري والمفروض هالشيء مايشغلني ..
راكان وهو يحس بحركتها الكثيره بالسرير --(بس الظاهر مجبور مانمتي ولا ارتحتي وعيونتس حمر اممم الشكوى على الله )
راكان رفع راسه لها--يالله تصبحين على خير
اريج(وانت من اهله )بربكه --اوك
عطاها ظهره بهدوء والملحوظ بتردد --
اريج بعد مرور ساعه الا 10 دقايق ..
ماعاد قدرت من كثر ماتفكر ..
قررت هنا تتاكد انه نام لانها ماعاد قدرت تتحمل اكثر ..خايفه انه يشوفها وهي كل مره تميل رقبتها وتختلف عيونها في التركيز
ويلاحظ تعبها فقررت تتاكد من انه نام --
ارتفعت وصارت بالضبط جالسه .
انتبهت انه مغمض عيونه ومستسلم للسرير --
(كنت متوقعه انا افكر بشيء مافكر فيه اهو ..)
خنقتها عبراتها وبسرعه تذكرت كلمته (بسم الله بسم الله بسم الله )
عطته ظهرها بصعوبه --
ومدري متى نامت لانها غطت وجهها بالملحف
وبالجهه الثانيه والمجاوره بافل من متر تقريبا كان متمدد والعين مقفله لكن خلايا جسده لم تنام
(اخاف التفت وهي مانامت ولا على وشك ويطير النوم منها
انا بلتفت بس لو تصحى او تكون صاحيه ماعاد اقدر بطلع وبنام بالصاله او بجلس شوي الى ان تنام
تعبت واتعبتها معي والصراحه اريح لي ولها الله يصبرني هذا اول يوم اجل بكره بعده كيف بتحمل وكيف بتصبر ؟؟
لحظات مرت وافكاره تروح وتجي ..
بلتفتــــــ
التفتــــــ
وشافها معطيته ظهرها ومغطيه وجهها ..
ترقب لها وماتحركت ..
عرف انها نامت ولاحست بحركته
(جعله نوم العافيه ..)
اللحين جاء دوري تعبانـــــــــ الله يعين ..ليتني بشقتي والله مارتاح الافيها ..
اغمض عينه وريح نفسه قاصد انه ماعاد يتحرك عشان مايزعجها
لحظات واغلق جفونه ودخل بنومه هادئه ..
لم يجف قلمي غدا يكمل ويكشف لنا اسرارهم
كل الود لكم
صبى الاوراق

18-10-09, 01:48 AM

المشاركة رقم: 350

المعلومات
الكاتب:	ripe lady
اللقب:	ليلاس متالق

البيانات
التسجيل:	Jul 2008
العضوية:	85297
المشاركات:	246
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : صبى الاوراق المنتدى : القصص المكتمله من وحي قلم الاعضاء

صبــــــــــــــــــــــــى يسعدلي صباحك

مشكوووووره على البارت ياعمري.

رائع بارت اليوم العلاقه بين راكان واريج صارت مباشره بدون واسطه ,

حلو ارتباك اريج لانه شغلها شوي عن حزنها على فراق اهلها ,,,,

طبعآ راكان ياعمري حس بحياته لون كون ان في انسانه يهتم لأمرها

مممم

بس راكان شكله بدء يشعر بوجود اريج من جميع النواحي وهذا مؤشر لشي ثاني.

يمكن يخليه يتجرء ان علاقته تتعدا حدود معينه لكن اتوقع انها بتكون لصالحهم والاكيد

بتكون كفيله تذوب الثلج اللي بينهم.

عجبتني اريج يوم شالت ملابسه من الحمام , لان هالحركه بتأثر ايجابيآ فيها كون انها تحس

ان لها دور بالبيت وبحياة راكان مو مجرد عاله عليه ,,,,,وبنفس الوقت

عطى لراكان شعور حلو انها مهتمه فيه وقايمه بدور الزوجه .

من وجهة نظري اللحين نقول صار في علاقه بينهم والاهم زادت علاقتهم حماس .

===========================

نوره ونايف

سفر نايف جاء بوقته يشغله شوي وبنفس الوقت يعطي فرصه لنوره تفقد وجوده

بس يارب ماتكون هالسفره لها تأثير سلبي بمجريات الروايه.

نوره مثل ماتوقعت هالحركة المباغته شغلتها عن الافكار السلبيه اللي كانت تدور بعقلها .

والاهم انها افتقدت اتصاله وهذا شي حلو.

=====================================

دام قلمك ماجف ياصبى بأذن الله بكون بأنتظارك .

الله يوفقك