كاتب الموضوع :
صبى الاوراق
المنتدى :
القصص المكتمله من وحي قلم الاعضاء
السلام عليكم ورحمة الله وبركاته
اسعد الله اوقاتكم بكل خير ..
يشرفني حضوركم جميعا لحضور زواج راكــــــــــــانــ $ اريــــــــج
وترا لاتزعلون مافي بطاقات يعني حتى انا ماجاتني بطاقه بس الاكيـــــد حضوركم شرفـــــــ لي ولهم جميعـاااا
واشكر كل من لبى وحضر ومن ظهر من خلف الكواليس وتشرفت بهالمناسبه اني تعرفت عليكم..
ملحوظه --اللي تشوف عندها اللحين ازعاج او ضوضاء وماتقدر تركز تقفل الصفحه وترجع تقراه بوقت انسب
البارتين اطول بارتين ودسمين بالاحداث وتحتاج تركيز ..وللامانه اطول ماكتبت ويمكن الكتابه لانها مره ثانيه خذيت مني مجهود اكبر
البارتين 40 ك.ب
استلموا البارت --الخمســـــــــــــــــــــــون -- والواحد والخمســــــــــــــون --
بسم الله
قراءه ممتعه ومفيده--
---البارت الخمســــــــــــــــون---
وبس قرب الفجريعلن ظهوره--
معناه يوم الخميس يوم الزواج 19_5_1430هــ تاريخ مميز وال سعود كلهم ماينسونه ..
بيت ال سعود الاضاءه مانطفات باي غرفه حتى ناصر منسدح مسوي نفسه نايم وهو النوم مجافيه من بعد صلاة العشاء امس..
قام يتجدد قبل لاياذن الفجر(الله يوفقكم ويشفيتس ويعافيتس ويسخركم لبعض يالله ياكريم اشفها انت الشافي شفاء لايغادره سقما)
شيخه --تحت معهم في غرفة اريج ..وبين كل مره ومره تقول يالله اطلعوا خلوها تنام وترجع هي تسولف معهم ..
من طلع الصبح وشيخه تدور عليهم افطروا ..
احد يبي فطور
ليه
افود لكم
ماكليتوا شي
وعلى هالحال ولا احد افطر ..
وسبحان الله اذا ناصر ماجلس على طاوله الفطور ماحد يشتهي وكلهم يترقبون له ونفسيته المتوتره ..
ويتجنب يطل او حتى يقرب من غرفه اريج ..وتحجج ان البنات عندها من اول الصباح
وكل البنات حاطين ماسكات على وجيهم ..
وعالساعه 9 ص
دخلت شيخه عليهم --
مانمتـــــــــــوا طيب اطلعوا خلوا عبير واروج ينامون ..
اريج--لاعادي خليهم
شيخه وهي تشوف وجيهم وبابتسامه--وش ذا ؟؟
ريناد --ماسك حطي ياخاله ترى جنان يخلي البشره متنفخه وورديه
شيخه--يالبوش ياله حطولي
عبير--ياله ياله جيبوووووا
اريج تضحك--
شيخه لحظه لحظه بشوف ناصر راح ولا
والبنات اعتلت اصواتهم بالضحك ههههههههههه
شيخه--اووووووووص وش يضحكن انتي وهي
جات لمى لالا راح طليت سيارته مهيب فيه
شيخه--ياويلكم لو يعود ويختلع من ذا البياض هو وشهو طحيــــــــن وعععععع
ههههههههههههههه
عبير وهي تغمز لهم--لالا حطي رنو حطي ايووه والله ياخاله ليت امي تحط مثلتس وناسه
شيخه وهي تحس ببراد الخلطه--حصه مهيب ناسفه برقعها ولا
عبير--اي عيت اقولها سوي تسريحه بس وعيت
شيخه--في عرس الظبي ان شاء الله
نوره تغيرت ملامحها --
شيخه--شغلوا شغلوا البقره خل ترتاح قلوبنا شوي ذا كم بيقعد في وجهييييي؟؟
ريناد اللي تحط لها بعصا خشب صغيره--يعني من ساعه الى ساعه ونص
شيخه--ياليل عز الله جا ناصر واختلع ههههههههههههه
اريج كل ماضحكوا او ضحكوها جاتها البكيه .. حالتها هي تقول مايعلم بي الا الله والحقيقه كلهم حاسين فيها
--------------
وهناك ببيت ال خالد --
حصه نامت ببيتها عشان عيالها هناك تقول --
راكان مانـــــــــــــــــــــام ولاغمضت له عين ..
نايف صلى الفجر ونام ..
بندر نايم من الساعه 12 ونص الليل وصلى ورجع ينام
سعود وفصولي قاموا الساعه 8
حصه --راحت تطلع ثوبها من الخياط وقالت بجلس عند السوري اوسع صدرها شوي
وجلست عندها الى الساعه 9 وخذت منها سجاجيد الصلاه حقة بيتهم كلها وسجاجيد بيت ال خالد بعد
عشان تكفي المعازيم لانهم بيصلون عندهم العصر والمغرب اكيدواحتمال العشاء ..
------------------
بيت ال سعود--وعالساعه 11 ونصف صباحا..
وفي احدى غرف الاستقبال اللي جهزوها وزودوها بالكراسي ..
كانت قد وصلت مشغله للديجيه ..
وجالسه تركب سماعاتها واغراض لها..
اما الكوشه رفضت اريج انهم يحجزون لانها ماتبي يكون له نظام معين للجلوس..
والطرف الاخر
كانت قد وضعت صواني التقديم لبوفيه الغداء اللي كانت مشتعله تحتها النار ..
---------------
وفي حوش بيت اريج وراكان --
فرشوا الزل الاحمر والكراسي والطاولات والمناديل ..
وجهزوا القهوجين ادواتهم
ومنقدهم >>وجار القهوه والشاي
والبيالات والفناجين والمباخر
وهذا ناصر يتابعهم على احد الكراسي ..ومعاه ناجي يساعدهم
---------------
حصه راحت لال فيصل الصباح ..
وجهزت فطور مخصوص من مطبخهم لساره
وخذت ملابس لسعود بن فيصل وفستان رهف..
وبعدها خذتهم مع عيالها ..
ورجعوا البيت وحممتهم واحد واحد
ولبستهم ثيابهم ..
وعطرتهم
وبعد ماخلصت منهم جاء دورها
وركبت مع محمود ومشوا لبيت ال سعود ..
----------------
ساره كانت هي الاخرى تتمنى انها تشوف اريج وتودعها لكن دمعاتها كانت من تسبقها بالتعبير للي تتمناه ..
واكتفت بالدعاء لها..
فيصل جاء من الحلاق ودخل عليها --السلام راحت حصه
ساره--ايه.. تاخرت ترى
فيصل--ياله ياله بتحمم واجيتس
قررت الاتصال بهم--
حلوتي <<<<<<
الو
هلا ماما
هلاحبيبتي هاشسويتي
امم اللحين اسوي العمله
اها وحنون شباقي لها
توها باديه مكياج وسوت استشوار باقي تسريحه
مدري عنها تقول ماتبي
لااااااا عطيني اياها
انا مو عندها ماما بالغرفه الثانيه عند اريج
اها خلاص انا اتصل بها
النوري لاتنسين ماما اقري المعوذات وعلى اختس طيب والبسي الطقم انتي اخذتيه
اي ماما
خلاص حبيبتي انتبهي طيب لرهف
طيب
قفلت منها واتصلت على
دلوعتي<<<<<<<
هلا ماما
هلاحبيبتي شتسووين
خلصت مكياج
وتسريحه؟؟
اممم
لازم لازم ماما افخم مايصلح الاستشوار للبنات الصغار مايصير احلى ياقلبي وتصرين رزه
امم خلاص انا رايحه اسويها لانو باقي انا واللحين هي تسوي لنوره بس ترى خاله عيت تقول بابا ناصر اللي بيدفع عنا كلنا
حاولي ماما تدفعون صعبه اوك
اوك
ياله ابدي مافي وقت طيب ولاتنسين البسي الذهب وساعتك
طيب
--------------
في غرفة صاحبة الروح والفكر المتوتر..
اريج--لالا ايش تسوين ..مابي مكياج جسم وعـــــ
عبير اللي منسدحه جنبها تصلحها عامله ثانيه--لالا مافي سوي
اريج--خلاص عبير اوك مابقى شي صح
عبير --ها ايه خلاص
راحت اريج وجلست على سريرها (والله خايفه ..
هذا يوم زواجي ..
يمه كنت اقول باقي اربع ايام ..
الله يعدي الساعات الجايه يارب
عبير قالت للعامله لحظه شوي قامت وقلبت الشريط اللي بالمسجل ورجعت --
وفعلا اشتغلت سورة البقره لانها خايفه اريج تبدا تفكر لانها خلصت وعبير باقي عليها
--------------
وفي الحلاق لهم ساعه --
نايف وبندر وفلاح وفهد وفيصل خلص اولهم وراح قبل دقايق
وراكان اولهم واخر من خلص
بعدها توجهوا جميعا لبيوتهم --
وفي بيت ال خالد --
لبس راكان
ونايف
وبندر
جات ماري وعطة نايف المدخن لان حصه موصيتها..
حط كسرة عود راهيه وتدخن ودخن راكان وبندر
بعدها انتظرو ا فيصل وال عايد وزملاء بندر اللي استاجر سياره لكزس جديده لهالمناسبه
تجمعوا بعد نصف ساعه
ومشى الموكب على قولتهم ..
وكان بندر هو اللي يسوق وموصي زميله يطلع من الفتحه ويصور بكاميرا فيديو سيارة راكان اللي يقودها فيصل
وعلى يمينها سيارة نايف اللي يجلس بجواره فلاح
وفهد وعمه كانوا على نفس السياره ..
وولفت نظر بندرشباب شاركوا الموكب ..وهو مايعرفهم
وعلى يساركان زميل بندر يصور بكاميرا ثانيه لموكب راكان
راكان--تدري وش يقول لي بندر ههههههه
فيصل وبابتسامه--وش يقول هههه
راكان --يقول انه ناوي يجيب عرضه بس مالقى حجز
فيصل بضحك--هههههههههههه اشوى انه مالقى ولا كان ناصر سنعه وطربق الطيران على راسه ههههههههههه
راكان --هههههههههههه اولهم نايف ههههههههههه بس مادرى عنه
فيصل --اشوى انه مالقى حجز ولاكان افتضحنا عند الرياجييل
------------------
وعند العروس الجو من ايام مضطرب--
خلصت عبير اللي كان شكلها نفس زواج ال عايد ..واللي ارتدت
فستان اورنج بخامه ثابته لامعه ضيق ايضا ليتسع من الاسفل ..
وتشتبك فيه اكمام من الاورغانزا الذهبي لتجعلها اكمام بطريقه منفوشه مميزه
ومكياجها الاورنج ولون شفتاها الحمراء ورموشها التي تميزت ببرائتها من بينهم ..
شعرها اختلطت فيه التكسير والتطعيج بطريقه مهاريه مميزه ورفع بطريقة شنيون مرتب بدت لي كالرومانيات في تساريحهم ..
جات ووقفت عند العروس اللي كانت تلمع داخل خامه ملبسه بدانتيل الاوف وايت والذهبي اللامع بفصوص الكرستال ..
كانت مثل الاميرات في طلتها به--باستثناء جمالها اللي جعل ام سوسن تتمتع بتزيينها ..
عبير--بسم الله عليتس ماشاء الله قريتي المعوذات
اريج--اممم
عبير --ياله بقراها معتس
اريج وهي تبعد انظارها عن عبير--وتقرا بداخلها متوتره
-------------------
وعند باب بيت ال سعود --
وقف الموكب ونزلوا بعد ماوقفوا السيارات كانها في صاله للسيارات..
كلهم ارتدوا مشالح سوداء عدا راكان ..بلون السكري
سلموا على ابوهم ناصر وجلسوا وبدوا يتقهون ..ويباركون
وبالداخل--
لمــــــــــى --اللي كانها الورد لابسه فستان فوشي وعليه حزام من تحت الصدر الى اعلى البطن اسود وماسك ووسيع من الاسفل
وكانها ورده جوري فوشيه متفتحه تستقبل بجوار شيخه وحصه ..
المعازيم كانوا يسالون عن ساره ..وتحججوا بانها لازالت بالامارات لانهم اتفقوا كلهم انهم يقولون نفس العذر بما انها باول ايام الحمل
ميس والو كانوا مستحين شوي وتجنبوا المرور بالمجالس عشان المعازيم مايشوفونهم ..وكانت فساتينهم مثل بعض
-----------------------
وكان المجلسين قد امتلأت بالمعازيم --
جيرانهم ..
وصديقات لشيخه
وسميره اللي جالسه بجنب عائشه
وطفله ام ال عايد وبجنبها ام عبد العزيز وهند
وفجأه هدأت الاصوات في احد المجالس -- لدخول الثلاثي الفتان وكانت بينهم الطله الملائكيه بأطلالتها الجديده --نــــوره--
افنان-- اللي ارتدت فستان اسود ضيق اوضح فيه رسمة جسمه الرويان اللي اثنوا عليه البنات
وقالوا لها يكفي ريجيم وشعرها كان اسود لامع كان شنيون مرفوع مدموج بخصلات تكسير رائعه للشعر
واكتفت برسم كحل سائل اسود رسم بيد ماهره مثل ام سوسن كانت قد اسبقت جفنها بلون مائل للرمادي ولون شفتاها الحمراء وبلاش خفيف وردي
وريناد--اللي اترتدت فستان من الدانتيل الذهبي ..
مدموج بالساتان الاخضر الفخم وكان ايضا ماسك اوضح نحفها وطولها الجميل
ومن الاسفل وسيع وكانت ترتدي عقد ذهب اصفر فيه حجر اخضر كريم كبير فخم شكلها ..
واعطها لوك رائع خصوصا مع الشنيون المرفوع بشكل مهاري خصوصا ان شعرها قريب من لون شعر عبير لون الشكولا الفاتحه ..
ودمجت الاخضر والزهر الخفيف والمحل الاسود المميز .. ولون شفتاها الفوشيه ..مع بلاش خفيف بلون الزهر
والانجل .. بأطلاله جديده عن زواج ال عايد..
اللي تميزت بارتدائها ذهبي مطعم بدانتيل احمرفرنسي وكان يرسم الجسم النحيل بصوره ابدع فيها خالقها سبحانه
اعتلت اصوات الامهات بالذكر والتهليل حرصا على ان يعم على الحضور ذكر الله والبعد عن الحسد وماشابهه ..
كانت ترتدي اقراط الماس من الروبي الاخاذ المتلئلئ بلمعته التي ابرزت جمال
وجهها واكتافها واعطتها الاكمام الطويله التي تمسكت بحافتي اكتافها وعضدها
ومرفيقها لترسم لنا يد بالدانتيل الاحمر بشكل ملائكي جميل ..
وشعرها رفع بطريقه مرتبه وكبيره على مستوى راسها ..
وخصلات شعرها الاماميه خفيفه وققصت بطريقه مرتبه اخفت بها جبينها كخيوط الليل المتدليه على حاجبيها الاسودين الجميلين ..
وقد اضيئت جفونها بالشدو الذهبي الرائع وابدعت ام سوسن في رسم الكحله السوداء لابراز جمال عيناها ..
واحمر شفاه لمع على شفتيها في طريقه مرسومه بدقه..
طلعوا من المجلس اللي ماتركو جزء في الثلاثي مانتبهوا له..
ودخلو المجلس الثاني ..
سميره --انتي ريناد
نوره اللي التفتت على ريناد --لاهذي
اها وسلمت عليها ريناد --وعلمتها ان هذي نوره وهذيك افنان ..
وتاكد من احتار بالمجلس في اسمائهن ..
وقبل خروجهن من المجلس..
سلموا على بينتين توضح لافنان انهم حجازيات --
افنان انتو صديقات اريج--
وتكلمت احداهن --ايوه انا ريم وهادي فاطمه..
رحبت فيهم وطلعت ..
-----------------------
وبالداخل --
حصه جات هي وشيخه لاريج وعبير--
ياله يمي ماعاد الاخير قبل نقلط للغداء
اريج ربكتها من الناس مو كثر خوفها من الجاي ومع راكان بالذات --ياله كلهم لمسوها واللي قرا عليها واللي عدل رمش عينها
تقدموا عنها وهي مشت --
هناك الورده الفوشيه والجوري الاصفر حنان اللي كل من مر سالها من انتي بنته
ووحده من المعازيم شافتها وقالت --بينت ساره يالبيه وانا اقول وش ذا الملح اثاريتس بنت فيصل
وين امتس ماجات --مسافره
سلميني عليها
طيب
وبس شافوا اريج وعبير وامهاتهم طلعوا قالوا شغلي الاغنيه ..
دخلوا على اصوات الزغاريد وذكر الصلاة والسلام على محمد عليه افضل الصلاة والتسليم
وبدو الناس يجون يسلمون عليها لانها كانت ماخذت العصى واكتفت بانها تتحمل على يد امها ..
سلموا وكلن نزل الهدايا على الطاوله المقابله لها
وبعد اريج كانوا ينجذبون لعبير اللي بجوارها ..
طلعوا اللي بالمجلس المقابل وسلموا عليها وبعدها جلسوا بالصاله ..
وبس خلصت الزفه ..
قالت لمى ياله شغلي الشريط هذا على اللي وقفناه عليه طيب وخليه يغني الى اخر الشريط
وبعدها حطي اللي جبتيها معتس
وفعلا --ضغطت تشغيل واشتغلت الدفوف الخاليه من الموسيقى ..
وبدات بام العروسه ..
اللي جات حصه تحايل شيخه ترقص
وفعلا رقصت وراقصوها المعازيم كلهم حتى سميره الحامل
عبير وهي تمسك سميره-- اقول اجلسي لا احد يولد صدق مهوب مزح مثل امس هههههههههه
وحصه نزلت برقعها ورمته على شيخه اختها
وام ال عايد رمت عبايتها
وبعدها رقصوا ريناد وافنان ولمى وحنان .. مع الحجازيات صديقات اريج وعائشه وبنات جايين مع امهاتهم
وعبير تصفق لهم ..ومالت على نوره --لاترقصين ابدا اوك
نوره اللي استغربت طلبها --اوك
ميس والو --مالقوا احد يشجعهم على الرقص
-----------------
وفي حوش بيت راكان الجديد--
فيصل اقترب من راكان --
وعطاه كم كلمه باذنه ..
بعدها
راكان--لا ولايهمك ان شاء الله
ناصر --ماجلس ياواقف او يكلم بتيلفونه اويودع او يستقبل
وبس جات الساعه 1ونصف الظهر قلطوا الغداء
وقف ناصر ونايف وقلطوهم ..وبعد الغداء كلن سلم ودعى لهم وراح
واخيرا خفت السيارات من الحي..
وجلسوا عيال العايد وفيصل والعريس وناصر وابوماجد وابومحمد وناس من الزملاه والمعارف
وهذا هم يتحادثون ويتقهون ..
-----------------
بعدها شافت شيخه --الساعه وقلطتهم للغداء
اقتربت حصه لاريج اللي جالسه مع زميلاتها--تعبتي يمي ادخلي غرفتس
اريج هزات راسها بالنفي
عبير لمحت نوره (ياويلتس مني اليوم يااني طابخه لك طبخه ماتخورش الميه ههههههههه)
نوره لمحتها تشوفها وابتسمت xxعبير--انتي اليوم اسمك الفاتنه انجل
نوره انحرجت منها ماتدري ليش تذكرت اخوها..
كل مره كانت تشوف نفسها بالمرايه --حسافه ياخذني هالحريد اللي مايقدر اخ بس لو يشوف ردة فعل ونظرات الناس لي
عشان يعرف ان الف وحده تتمناني لاخوها ولالولدها
شيخه راحت للمطبخ بعد ماقلطتهم ومسكت رئيسة الصبابات --
اسمعي ياحبيبتي ابيتس تاخذين غسالهم كلهم لاتاخلين ولا اثر
ابشري ياخاله ابشري
يعطيتس العافيه والله والله يجزاتس خير
----------------
وعالغداء--
طفله وهي تشوف صاحبه الفستان الاخضر --
انتبهت ام هند لها --يالبيه ياذا البنت ماجلست ظفره تصب وتحوف وتكوف لا وبسم الله على امها مبتسمه وتهلي وترحب
لو عندي ولد(ن) كان خذيتها له
طفله وهي تتغدا--اي انا جايزتلي وسبحان الله كل مالتفت ماشوف الا هي عسى بس فويلح يوافق يعرس بس ولانسابة ال سعود كلن يتمناها
ام هند--وتهقين يوافقون يطلعون برى العائله
طفله--والله اني مدري يوخيتس
ام هند وهم يتابعون ريناد وهي تاخذ من البوفيه وتوزع صحون لكبار السن اللي عالطاولات
طفله--بس الظاهر في وحدت(ن) اكبر منها كني شفتها معهم
ام هند --لا ذيك من بنات شيخه هقوتي
طفله--الله يصلحن كل وحده تقول الزين فيني ماشاء الله
شافوا حصه تدور --يامرحبا ويامسهلا بكم جميع تغدوا عليكم بالعافيه
سمعت وحده تقولها --تغدي تعالي
حصه--قريب ياحبيبتي قريب عليكم بالعافيه
-----------------
وبعد صلاة العصر --
بدوا ينسحبون وحده تلو الاخرى
هنا تحمسوا ميس والو وارقصوا عند الباقي منهم ..
شيخه --كانت حديث الامهات ..
ماشاء الله ..
زين وجمال وجسم ماكنها جابت عيال
تراها من زمان شايله رحمها
اي ماعاد تجيب عيال
اريح لها
ماعندها احد تشيل همه الا ذا المسكينه وتزوجت وربي وفقها
اي والله
يقولون رجلها مايشوف الاهي
يالبيه تستاهل
تراهم شارين بيت ال محمد
من جيرانهم
اي لبنتهم
ابوها ماقال مهوب ولدي ويدفع شراله ضامن ان ولد اخوه بيحطها بعيونه
اه خلف الله على ولدي اللي ابوه قايل خله يزوج نفسه
اص اص شفي ذي بنت ساره مملكه على ولد حصه
ياماشاء الله هذي والله الزينه
كل ال سعود من وين بيجيهم الشين ترا ذا اللي لابسه البرقع
حصه؟
اي
تراها تهبل لاكشفت محد يتمنى يشوف بعد وجهها
ماشاء الله اي شفتها يوم نسفت برقعها لاختها وهي ترقص
صدق اجل قبل لاجي
ايــ الظاهر
وساره اختهم و ترا فيصل بن سعود انا اللي والله اعرفه ماودتس تشوفين الا وقفته بين الرجال
ومن ذولي الصغار
ذولي بنات شيخه توأمها واخر من جابت
ايي
ماشاء الله الله يستر عليهم
امين
-------------------
وقبل اذان المغرب--
اريج مستمتعه وتحاول تتناسى نفسها شوي --
وهذا هم ياكلونها وبعدها سلموا عليها وودعوها ..
دخلت اريج والبنات يصلون ..
ومابقى احد ..بدوا يصورون انفسهم وكل وحده مع اريج ..
بعدها بدلوا ملابسهم ولبسوا لبس حلوطارئ
لاي احد بيجي يسلم بعد هالمعازيم ..
عبير هنا التفتت على نوره بتبدلين --لا ولا حنون لان امي تقول تعالوا اشوفكم
اها
راحت الغرفه ودورت جوالها --اتصلت على <<<دلوعة زوجها
هلا
هلابتس
اسمعي نايف يبي يلبس بنتس دبله وانا حاجزه مصوره لهم .. تبين عندتس ولايلبسها هنا
والله لالا تكفين هنا هنا عندي
اممم بس اجل ماقدر اجي
اي اي خليكم عند اريج مايصير تجون
انا ماقدر برسله لتس واللحين بجيتس المصوره قبلهم تصورهم ياخاله من تدخل نوره عليتس الى هو يدخل اوك
اممم طيب ياله خلها تجي
---------------
رجعت تتصل عليه<<<<<< هلابك امرني
امم مشغول عندك احد
لا
امم تراك بتلبسها ببيت امها
ليه مهوب هنا
مو خاله ماحضرت
اييي طيب هي وينها
اللحين بقولها اوك
اوك
بس ماراح اطول طيب عشان صعبه ماودع راكان
طيب ودعه ورح
اقول اسمعي
لبيه
خليها على اخر الليل بعد ماراكان يروح
امم اوك الخاتم معك
اي
اوك
باي
-----------------
رجعت بلغت ساره بكلام نايف --
ساره اتصلت على نوره واكدت عليها ماتبدل لان ابوها حتى يبي يشوفها
بعدها اتصلت على المصوره ودلتها على بيت ال فيصل ..
دخلت شيخه غرفة اريج--
ياساندي وماري طلعوا هالشناط وحطوها بالمقلط ياله
ماري حطي دخون
افنان لمـــــــــــــى تعالوا رتبوا رتبوا السرير والغرفه
عبيرشافت امها شيخه عند باب الغرفه --بيدخل
اي ماعاد الاخير من ظهر وهو على حيله خل يدخل يرتاح معها
اممم طيب تو ساره جايه
وش اسوي هي اللي جات متاخره ناصر شب فيني يقول بيدخل
اممم اوك
------------------
وبعد صلاة العشاء --
بدات القهاوي والقهوجيه ياخذون اغراضهم ..
وسكروا البيت واجتمعوا بمجلس ال سعود
دخل راكان راجع من السياره --تارك بشته هناك
فيصل--ليه وين البشت هههههههههه مليت
ناصر--لالا هههههههههه بندخلك بالبشت رح جبه
راكان بابتسامه--لازم هههههه
بندربابتسامه --عطني المفتاح اجيبه لك
عطاه وبدا يحس ان اخيرا حسوا فيه (ليتني منزله من العصر )
وقف ولبس بشته--
ولح ابوه ناصر يوقف وهو يرفع تيلفونه لاذنه--ياله يابوي ترانا بندخل
وقف فيصل ومر من عند راكان-- تعال معي
راكان حس ان الفرج قرب--ياله
نايف وهو يتذكر انه راضي عليها شوي من امس بعد ماشاف الخدامه مع السواق موصلينها-- (عقبـــــــــــــــالي )
-------------------------
راحت لاريج --ساره ليتس جيتي بدري لانه بيدخل اللحين
<<<>>> كلهم استغربوا وانحرجوا بس شعور اريج في أوج التوتر والخوف
ساره-- لا اجل اشوفتس على خير والله يوفقتس ويسعدتس السواق برى فمان الله
اريج هزت راسها بالوداع--
وجابت ميس عصاتها وهي تركض
وبالطريق بجوار عبير وحصه --
اريج لعبير بهدوء--الغرفه عادها مرتبه
عبير بربكه--اي وتو دخنوها
اريج (ياربــــــــــــ قويني )--
جلست على الاريكه --
واشتعلت كل الانوار حتى الاباجورات اللي على حواف السرير..
-------------------
انفتح باب البيت وانغلق تيلفون شيخه--
لمــــــــــــــى وحنون --شغلوا الدفوف
دخلو اثنان متساوين بالطول --وناصر يتقدمهم ..
ياولد ..
فيصل ياولــــــــــــد..(ماعليه حلا المكان بدون طلتس يالسوري وين بناتي بس)
على طول توجهوا لغرفة اريج ..عبيروريناد كانوا الوحيدين اللي ماعليهم غطاء
اريج كانت منزله راسها وبس سمعت حس ابوها رفعت راسها ..وقفت وحبت راسه وراس عمها
راكان مال عليها وقبل جبينها..
وجلس بعد ماطلعـــــــــوا ..
اريج بعد ماسمعت صوت الباب (ياربـــ)
وش اخبارتس ؟
الحمدللــه
راكان وهو يميل عليها --عالبركه
اريج--الله يبارك فيــ
راكان--عسى ماتعبتي
اريج--لا
بعدهالف عليها بقوه --
وبدأتــــــــــت لحظات لم يحسب حسابــــــــــــــها راكـــان وهي لحظات الصمتـــ يوم انتبه لوجهها ولشكلها
توترت اريج(وشفيـــــــــه هذا بنجن ترى لايسكت ليش يقرب )
وبسرعه عدل جلسته يوم سمع الباب يطق وانفتح--
دخلت شيخه وانتبهت لربكته (الله يوفقكم ياربي ويسعدتس يابنيتي ويعوض صبرتس خير )
ونزلت العصير وكاسين ماءxx اريج(تلمح امها وهي تروح وتجي )
وبس وقفت عند الباب رجعت وجابت قاتوه ..
قام راكان وشل الطاوله وحطها بالوسط ..
شيخه نزلت عليها القاتو --ياله اكلوا لاتبقون شي لاكليتوا شي ولا تغديتوا
راكان ابتسم xxاريج نزلت راسها
راكان راقب شيخه الى ان طلعت وبســـــــــ تسكر الباب سمع صوت شيــــــــــ
--------------------
وبس طلعوا من غرفة اريج--
حنان شافت ابوها يوم طلع من غرفة اريج وهو يتلفت فجات مسكته وجلست ترقص معه
ناصر بدا يرقص مع اخوه ..
وحصه وشيخه تصفق لهم وهي بشراشفهم..
كل البنات رقصوا عدا عبير المتوتره وقلبها على اريج ..
-----------------------
وبسرعه عدل جلسته يوم سمع الباب يطق وانفتح--
دخلت شيخه وانتبهت لربكته (الله يوفقكم ياربي ويسعدتس يابنيتي ويعوض صبرتس خير )
ونزلت العصير وكاسين ماءxx اريج(تلمح امها وهي تروح وتجي )
وبس وقفت عند الباب رجعت وجابت قاتوه ..
قام راكان وشل الطاوله وحطها بالوسط ..
شيخه نزلت عليها القاتو --ياله اكلوا لاتبقون شي لاكليتوا شي ولا تغديتوا
راكان ابتسم xxاريج نزلت راسها
راكان راقب شيخه الى ان طلعت وبســـــــــ تسكر الباب سمع صوت شيــــــــــ
صوت مفتاح الباب يتقفل ويدخل من تحت الباب ..
اريج (لاااااااه وش هالحركه من اللحين ؟؟)
راكان كل شوي يحس بشعور جديد اغرب من اللي قبله --
قام راكان وهو ينزل مشلحه--ابوي عيا لايدخلني الا بالمشلح هههههه وانا مليت منه يكفي اني صابر عالشماغ هههه
اريج وهي تراقب لمعة فستانها --ـــــــــــــ
راكان وهو يجلس بجنبها وماوده يركز في شكلها--يالله اللحين لازم ناكل لو شوي ترا اكل الطياره يمكن مايعجبتس
اريج وهي تبعد خصلات شعرها--لا مابي
راكان--لالا معي مافي مابي اي شي اكل منه بتاكلين منه
اريج--(ياربيـــــــــــ ابي اوقف رجفتي وشلون )
راكان وهو يقطع جزء من القاتو-- ياله ذوقيه اول شكلتس تحبين الشكولا
اريج بحرج--والله مابي
راكان--عشاني بس هالملعقه
اريج بتوتر مسكت بطرف الملعقه (ياربيـــــــــ)وكلتها..
راكان اللي انتبه لمبسها ولون شفتيها الساحرتين --اممم فيه العافيه
وبعدها كلى بنفس الملعقه له..
راكان وهو يتناول كاس العصير ويناولها لاريج--سمي
خذت الكاس اريج وتركته بين اناملها..
راكان--شنطتس جاهزه
اريج وهي ترفع راسها لمستوى جلوسهم --امم اي كلها
راكان--كم شنطه
اريج--ثنتين
راكان وهو يشوف الساعه--اها الرحله بعد ساعه تقريبا عسى مانقصكم شي ؟
اريج--لا
راكان وبابتسامه لملامحها الجذابه--شكل المعازيم واجد؟
اريج تهز راسها بالايجاب..
راكان وبابتسامه--انا تعبت من هالشماغ هههههه معليش بخرب الشخصيه بس تعرفين ماتعودت عليه
اريج واخيرا ابتسمت --
راكان نزل شماغه على السرير اللي خلفه لانهم جالسين على الاريكه اللي امام السرير..
رجع لف جهتها ويتمنى يبعد الطرحه عن اطرافها (تكلم لاتسكت يكفي انها متوتره )واخيرا انتبه لكاسها المملوء--اشربي عصيرتس ولا اشربتس
اريج بربكه رفعت الكاس لفمها--واعتقد ماوصل شي لحلقها بعدها رجعت للكاس للطاوله..
راكان وهو يتابعها --فيه العافيه
حس انه جاء وقته ليحس بالراحه اكثر--ياله نصلي..
اريج اللي عبير مذكرتها بهاللحظه --اي
راكان وقف وتلفت يدور سجاده xxاريج اللي تتقدم بتجيبها--هناك بالدرج
راكان--ارتاحي يابعـــــــــــدي انا اجيبها ..
اريج اللي توترت بس طلع صوتها(يابعديــــــــ )
صلى راكان وانتظرت هي عشان صلي بعده ..تمنت لو تصلي معه بنفس الوقت بس مافي سجاده ..
توترت تمنت لو تروح تشوف شكلها بالمرايه شوي بس ماقدرت
وهذا هو انتهى وسلم..(اللحين لازم اروح اسوي اللي قريته بعد ..)
راح وشافته متوجهه لها (ياربي شفيــــــــــه)
وقف قدامها وحط ايده على جبهتها xxي ارتبكت ونزلت راسها ماتعرف شالمقصد وفهمت شي ثاني
راكان بصوت واطي..[ اللهم اني اسألك خيرها وخير ما جُبلت عليه واعوذ بك من شرها وشر ما جُبلت عليه]
اريج --(عرفت انه يطبق شي بالسنه كانت تجهله) احس قلبي بيوقف
راكان بس انتهى ابتسم وجلس بجوارها على الاريكه وانتبه لها وهي تمشي ورجع بظهره يتكي على الاريكه ولا ارادي --اهـــــ ياظهري
اريج وهي متوجهه للتسريحه (وش فيه يتالم )عرفت انها لازم تفك الطرحه عشان شرشف الصلاه--حاولت بلطف ماعرفت اصلا كيف ام سوسن مسويتها بشعرها ..
انتبه لها راكان وقام لها --ههههه وش فيتس وش تبين افك ؟؟ اي شعرتس
اريج(لالا انا انا بسحبها شكلي )وهي تمسك بالطرحه--لا هذي
راكان (اي فكيها ماخلتني اشوف حتى فستانتس )--اها اي اي عرفت
وجلس يعطيها المشابك والبنس وهي مثل الشي الثابت من الخوف ..واخيرا فكها وهو يحس برائحتها تفوح منه ..
نزله على حافة السرير بجوار شماغه ورجع جلس ..يشرب العصير..لمح شاشة الساعه بيده عرف ان باقي النصف
جلس يتابعها وهالشي زاد من توترها
كبرت وبدات تصلي
(يارب تشفيها ..استغرب انها تصلي وهي واقفه ؟؟
قام وخذا كرسي التسريحه وحطه وراها اجلســــــي لاتصلين واقفه ..
جلست وركعت ..
رجع اهو وجلس يتابعها (لبى القوام المرسوم جعل ربي يتم عليه ويكمله بعافيتس ..
فيتس نعومه تسحــــر
الله يصبرني ويبلغني عافيتس )
توتر مزاجه قليلا (ماعاد يمدي اصلا باقي مشوار خالته اللي قالي عنه فيصل )--لف على شماغه وخذاه وراح يلبس عند التسريحه
اريج سلمت وهذي هي وقفت مكانها ..
راكان بهدوء--ابوي غيري ملابستس وانا بطلع احمل الاغراض والشنط لان مابقى وقت
اريج--اوك
انتبه انه لازم يشوف طريق --مد لها الثابت--كلميهم وخليهم يشوفون لي درب
اوك
<<<<
الو افنان اي اي ادخلوا لانه يبي يطلع
راكان(طيب قولي اسمي احب اسمي من فمتس )--خلاص
نزلت السماعه ووقفت -- اي
فتح الباب وطلع
------------------
وعند باب المجلس كلهم مجتمعين عند سيارة راكان ..
بندر--راكان انا اللي بسوق بك
نايف --بتمشي لحالك ولانسوق بك
ناصر --لالا الا بسلامتهم ولا احد يتبعه للمطار ودعت اماتك واهلك
راكان--لا والله ماعينتهم
ناصر --تعال وانا ابوك
دخله الصاله --
ياشيخه يام نايف تعالوا سلموا على ابوسعود قده بيمشي
طلع بس شافهم جاو مقبلين عليه ..
-------------------
---البارت الواحد والخمسون ---
وبس طلع من الغرفه --
دخلت عليها عبيرومعها قاروره صحه --وقفلت الباب ياله ياله
نزلت لها الفستان وهي تشوفها تبكي وكل مره يعلق الفستان لعبراتها وشهقاتها
تضمها عبير وتقبلها مرات راسها
ومرات جبينها
ومرات خدها --
وتترجاها تهدى
تكفيـــــــــــن اروج
والله بتنبسطين معه
والله راكان مافي زييه
اذا في زييه انا باخذه هههههههههه
اريج والله خلاص تكفين اضحكي
اضحكي فديت عمرتس
ياله نزليه ياله حبيبتي تاخرتوا ..
ياله باقي مكياج خفيف
اريج واخيرا نطقت --ماقدر وشلون ماشوفكم ياربي
بس بس فديتس ترجعون ان شاء الله بالسلامه
اصلا انا بجيكم بجيكم خلاص فديتس
ايوه
يالله البسي هالبنطلون والبدي اريح لتس عبايتس مسكره وماتبين اللي بداخلها البسي
ايووه
تغسلين تقدرين ولا امسح مكياجتس انا
فديت روحتس اي حبيبتي قومي ياله
دخلتها ولاول مره اشوف عبير تغسل وجهه اريج بنفسها ..
خذت القاروره وتصب بيدها وتخليه تغسل وجهها منه
اريج وهي تبكي--ريح قهوه وش ذا
عبير بابتسامه--غسلي غسلي عادي
اريج اللي فهمت وضاق صدرها زود--خلاااص
عبير --اوك اوك قلبي
بعدها طلعوا للغرفه --
عبير قلبها يتقطع انصاف ولكن اصرت انها ماتضعف قد ماتقدر
اخيرا نشفت وجهها --وبدت تحط قلوس وكحله سائله وكل شوي تمسح من ربكتها لدموع اريج
وقبل لاتخلص منها
سمعت شيخه--ياله يابنات راكان يقول ماعاد به وقت ياله
اريج ارتبكت وعبير تلبسها عبايتها --لحظه باقي كحل اخلي ايووه بس بس ياله
لبستها طرحتها وناولتها عصاتها وطلعوا واريج كاتمه عبراتها --
دخلوا البنات وطلعوا الشنط ..
كل وحده تبي تسلم اخر وحده وقفت بوسط الصاله وضمت امها حصه
وشيخه جات وضمتها من الجنب وانواع البكاء البنات كلهم بدوا يبكون
حسوا ان فعلا مابقى وقت وهذي هي بتروح ..
دخل ناصر --ياولد اريــــــــــــج تعالي يابوتس تعالي
جت وهي دموعها على خدها ..عبير تبكي وتمسح وجهه اريج
ناصر --اسمعيني يابوتس الله الله بنفستس وبرجلتس واذا احتجتوا شي تراني مانيب راضي لو ماعلمتيني لو يقصركم ان شاء الله مية ريال ازهمي وعلميني
وانتوا عيالي ومالكم الا حنا اهلكم اي عازه تحتاجونها لايردكم شي
تنهد وهويمسح دمعتها ويمسك عضدها بقوه--والله الله يبوتس بالصلاه الصلاه عامود الدين واللي يتركها عمد كافر
وانتي ان شاء الله انتي دارسه وفاهمه ومتعلمه وابخص بذا الامور
تنهد وكانه يبي يتذكر وش يوصيها بعد لانه عارف انهم تاخروا وقطع قلبها منظرها قدامه--اي وانا ابوتس راكان رجال ويخاف الله
بس لاطاعه لمخلوق(ن) في معصيه الخالق
لا قال اراح مكان هنا وهناك فيها امور ماترضي الله لاتطيعينه ولا قالتس وانا ابوتس اكشفي وجهتس
لاتطيعينه الا بالحلال
شاف ميس والو يتعلقون فيها ويبكون وهي تضمهم وهو اللي يكمل كلامه ويبعدهم عنها--والكشف منتيب محتاجته ان شاء الله الا في العمليه ولاخلافه بس
والله يوفقتس ويرضا عليتس بس بس يابوتس بسم الله عليتس استودعتس ربي استودعتس ربي
شيخه وحصه واقفين حواليها مع بناتهم ودموعهم على خدهم ..
ناصر --ياله ظهرتوا الشناط كلها ؟؟باقي شي
شيخه بصوت باكي -- لا
قربت من اريج وقبلت راسها ومالة على اذنها --شوفيني حطيتلتس حبوب بشنطتس وحولت لتس فلوس على حسابتس ..الله يحفظتس
وطلعت وهي ماعاد تتمنها تتلفت عليهم ..
------------------
وبالشارع --
مد نايف ظرف لجيب راكان --والله ان تاخذه وتراها مهيب مني من امك حصه والفلوس مهيب قدرك يابو سعود
راكان وهو يشوف جيبه--الله يهديك مابينا هالسوالف وهي الحمدلله مستوره
نايف وهو يشوف من المتصل فيه <<عبير --الله يوفقك ويسعدك
انتبهوا ان ناصر طلع ومعاه العروس فسلموا عليه وودعوه ودخلوا للمجلس ..
نايف راح لسيارته وقربها من جهة الباب --
ركبت عبير وحرك--
لحظات صمت مرت
وش اخبار امي وخاله
ماعليهم
باكيه؟
ههه اي هذي اروج يانايف
ماعليها الا العافيه مع رجالها منتب احرص منه عليها
ـــــــــــ
وفجاه مدت ايدها تاخذ منديل ورن هاتفه اللي بجوار العلبه --ماصدقت عيونها <<ابو عايد يتصل بك
<<<هلا ابوعايد
هلابك وينك فيه
امرني
بتروحون الاستراحه ولا
امم انا مشغول شوي مع الاهل وهم مدري عنهم
اها الله يستر عليك ماتشوف شر
واغلق الخط
هــــــــــــــو هو ابتسمت سبحان الله صدف هالانسان دايم تصير لي مواقف معه
----------------
والمعاريس --
وبس ركبوا السياره--
وبدات تبتعد السياره ..
عم الهدوء لساعات ..
راكان--اللحين بنروح مكان صغير قبل المطار ..
اريج تشبك بيدينها البعض وتحس بالتوتر(يعني وين ؟؟)--ــــــــــــــ
مع انها كانت متوتره بس فز قلبها للطريق اللي عرفته وفعلا كان هذا اللي رمى له راكان
وحقق اول امنياتها بيوم عرسها ..
وعند بيت ال فيصل توقفوا --
راكان بهدوء وابتسامه--وهذا حنا وصلنا يالله انزلي سلمي على خالتس بس سريع سريع هههه عشان الطياره مابقى عليها شي..
لف وجهها وجلس يتابعها وهي تنزل -- استوعب انه لازم يساعدها
نزل وراح من جهة بابها --وبس وصل لبابها كانت هي استعجلت ووقفت على عصاها..
بعدهـــــــــا سمع صوت سياره توقفت --
انتبه انه راكان ومعه عبير --
عبير جات بسرعه ومرت من عند راكان --وراكم وراكم هههههههه
راكان --هلاوشفيكم عبير
عبير --هههه هلا
راكان بهدوء اقترب منها--خذي الكيس اللي تركته لتس بالمجلس
عبير --جعل يكثر خيرك
نايف--ابد نشبه صح هههههههه
بعدها انتبه نايف وهو يتكلم مع راكان عن موعد الطياره وانه مابقى شي على الرحله --لسيارة سواقهم وعرف انها وصلت هي واختها وخوانها الصغار..
وهناك عبير كملت مع اريج اللي عارفه ان نايف وعبير جايين يحررون المقلب لنوره اللي من وصلت صرخت
واستغربت المصوره اللي تلاحقها متحمسه ومبتسمه
مدت يدها للمصوره --سلام كيفك
ابتسمت لها --عليكوم السلام الف مبروك
ابتسمت وباستغراب--ثانكس
وجلست تسال حنان --وش فيه هههههههههههه
من جايب هالمصوره
حنان بصراخ وهي توقف تستعرض عند المصوره --هههههههههههه فديتها ماما مفاجاه حلوه ههههههههه
نوره من جد مفاجاه هههههههههههههه
مشوا بعد مارموا عباياتهم على امهم والمصوره تلاحقهم وتضحك وهي متحمسه
سلمتهم وهم يسلمون على امهم اللي تعلقوا فيها
نوره--وش السالفه هههههههههه
حنان --والله مفاجاه حلوه مع ان حنا صورنا هناك
ساره --لا هالشريط خاص فينا بس بتحفظه نوره عندها ههههههههههه
حنان بعد قربي صوري هنا ههههههههههههه وجلسوا ثلاثتهم وبحضنهم سعود ورهف
رن تيلفون ساره ابلاغ انهم على وصول --
مسكت حنان وباذنها قالت لها -ادخلي نايف بيدخل عليها مفاجأه
وراحت حنان وهي متفاجاه ..
ساره وهي تراقب المصوره وهي تصور نوره اللي بدات تاخذ وضعيات على طلبها ..
النوري وين روجتس زيدي عليه
اي اي راحت وزادت ورجعت بسرعه وفيها حيويه مبسوطه على فكرة امها
ساره تتابعها بابتسامه وتسمي عليها (الله يستر لاتتوتر ابيها بهالحيويه)
نزلت رجولها على الارض ووقفت وهي تتابعها شافت بجوارها عطر ..عطرت نفسها وقالت لو اعطرها بتستغرب شكلها متعطره وكانها متدخنه ..
انفتح باب البيت ودخلت عبير واريج
هنــــــــــــا ساره واجهت اول شي عبير هلا جيتواا
اي بس معي اروج بتسلم عليتس
واللــــــــــــــــــــــه
هلا والله
وبكاء وسحبتها للمجلس وتضمها وبكاء ساره لانها كانت تتمنى جد انها تشوفها وحصل ماتمنت .. ووبعدها ودعتها وطلعت ..
------------------
وهنــــــــــاك --
نايف بعد ماستلم اتصال من عبير ترك راكان ودخل ..
نوره كانت بالغرفه تصور والمصوره واضعه خلفيات وستار اسود خلفها..
عبير طلت عليها --هاي
هلا وش جابتس
هه ماتبيني اوريتس
لا بس غريبه صدق وشفي
ابي الماما وينها
مدري كانت هنا
تركتها وراحت لساره اللي توها ودعت اريج--
ساره وهي تكفكف دموعها --وين نايف
بيجي
طيب نادي المصوره ابيها تصور اشكالهم بالفيديو اول هههههه
ناديها انتي
طيب
تعالي لو سمحتي
وهي اللي كانت تحط ريش واشياء على نوره --بليز امسكي شوي
تركتها وجات
وعند الباب جيبي كام فيديو
اوك
دخلت ونوره تشوف نفسها بالمرايه وتزين الريش -- حنوووووون يمه نادي حنون
ساره (ياقلبيه على بنيتي )--طيب
طلعوا للصاله وساره تضحك وفيها البكيه --فتحت الباب عبير ودخل نايف
المصوره توها تشغل الكاميرا
ساره قربت منه وسلمت عليه
اشتغلت الكاميرا تصورهم
عبير تاشر هذا العريس ههههههههههه
المصوره ابتسمت --نايس اريس هههههههه
ساره-- مهيب سهله هههههههه
نايف يفرد شماغه بثبات وبابتسامه --وشهوله هالتصوير
عبير وبيدها الكيس --تعال تعال
دخلت المصوره عند نوره ونوره تشوفها تتراجع بظهرها وكانها تصور احد مقبل على الغرفه وبيدخل --
وفجأه وقفوا ثلاثتهم قدامها وهو يتوسطهم --
نوره شهقـــــــــــــت وهي تترك الريش اللي بيدها يطيح..
ساره بضحك--بسم الله عليتس
عبير --مفاجاه صح ههههههههههههه
نايف اللي شافها وحس بنوع من الربكه --
ساره بضحكه تعالي يمه تعالي سلمي--
نوره تحس نفسها بتطيح عليهم --
نايف حس انها ارتبكت بس شافها عطتهم ظهرها وصارت تشوف الستاره السوداء وبابتسامه--بتجيبونها ولا ادخل اسلم انا
عبير --هههههههههههههه
ساره وهي ترفع جلابيتها تدخل بين اغراض المصوره اللي مشغوله تصورهم لان عبير تقول عادي صوريها ههههههههههه وهي كذا
مسكتها ومسكت ايدها ياله تعالي لايجي بابا ويجبرتس --مشت خطوات وهي منزله راسها
نايف رجع وقف وهو اللي كان منزل راسها مايبي يحرجها وهي متقدمه له--
نزل لها بطوله وعطاها خده وبصوت حاد --هـــــلا
ساره قربتها له وهي قربت ولامست طرف خده ..
نايف--(وافديــــــــــــت ذا الزين والله )
نوره--(يمـــــــه امسكيني بطيح )
عبير بعدت وجلسته جنبه --وقفوا وجلسوا يتابعون المصوره اللي متحمسه
ناولت عبير نايف علبه الخاتم --
نايف خذاه وحط عينه بعين عبير --اللحين
عبير --اي
فتحه وطلعه --وساره تتابعه بابتسامه (فديتهم لايقين لبعض)
التفت عليها ..ومدت هي ايدها بعد ماسمعت عبير وساره --خليه يلبستس
نايف--وين باي اصبع
نوره (مستحيل اخلص بس وش عرفك )
عبير وساره --هههههههههههه اي شي
نايف--مدري عنكم هههه
لبسها بدون مايشوفها وبسرعه التفت عليهم (اتركونا لحالنا تكفون )
عبير مسكت ساره --تعالي الصاله
ساره فهمت --
طلعوا وسكروا الباب
المصوره متحمسه ونايف متوتر --لانه ماقدر يلتفت عليها
المصوره--معليش قوم هناك عشان كلفيه
نايف بابتسامه--بعـــــد نقوم
نوره قامت ببطئ--
ووقفت بعيد منهxx المصوره قريب قريب
نايف ماتحرك وجلس يشوفها --هي قربت شوي
المصوره التفتت من وراء الكام --قريب حبيبتي قريب
نايف--اوك انا بقرب
قرب منها وبدا يسمع اوامر المصوره استنشق ريحة عطرها المميزه --(احـــــــــ والله ماني مصدق اني بجنبتس )
نوره--(ياربيـــــــ بطيح لالا وش يلمسني لالا فك تكفـــى )وفيه اشياء رفضت نوره تنفذها
نايف ابتسم بس فهم سبب رفضها --
التفت نايف للمصوره --اوك كم صوره اللحين
خمسه تلاتين
اممم
اوك يكفي
شكرا--
بدات تلمم اغراضها
نايف--(ياليل ماطولك متى بتخلص ذي؟؟)
عبير دخلت --خلصت
نايف --اي
اممم شالت معها اغراضها وطلعوا
نايف وهو يلتفت عليها بابتسامه--مابغــــــــوا
نوره توترت--ــــــ
نايف--ايوه شخبارتس
نوره تهز راسها بالايجاب --الحم.دلل.ه
نايف وهو مانزل عينه من وجهها(يـــــــــــــاو يابنت عمي ياعليتس زين يضاهي زين امتس ) --لمحها ترتجف
مد ايده ومسك يدها --وبابتسامه..بسم الله عليتس وش فيتس متوتره مني ..؟؟
سمعـــــــوا صوت طق الباب --
نايف لازال ماسك بباطن يدها ..
نوره تحاول تسحب ايدها منه ..
دخلت عبير وشافها نايف بابتسامه..
عبير انتهبت انه ماسك ايدها..معليش ازعاج هههههههههه
نوره جاتها البكيه..
نزلت قطع قاتوه وكاسين عصير..
نايف--راحوا اهل راكان
عبير --اييي من زمان
نايف وهو لازال ماسك ايدها--بسلامتهم
طلعت وسكرت الباب--
التفت عليها --ماراح افكها الا اذا وقفتي رجفه ..
شافها تغمض عينها بخوف --هنـــــا هــــــو ضحك وتركهـــــا
نوره(مو صاحيــــــــــــــ انا ببكي ليش يتركوني معه )
------------------
وفي الطريق للمطار--
مرت لحظات صمت ..كثيره
تتخللها ابتسامات من راكان تزيد من توتر اريج..
راكان--تتوقعين من كان خاطره يسوق بنا للمطار
اريج بربكه(يعني لازم اجاوب )--مين
راكان بابتسامه(صوتها صوت وحده باكيه )--بندر بن خالد ههههههه مدري ماستوعب الظاهر انتي منتي محرم له
اريج ابتسمت لكن بدون صوت ..
هنا راكان استوعب --اريج اكشفي السياره مظلله front and backاوو هههه من قدام ومن ورى
اريج (ماشاء الله يتكلم انجليزي وكانه يتكلم عربي ..وانا رياضيات ويالله افهم ههه)--اها
اكشفيــــ
امم فكت نقابها وجلست ترتبه على رجليها
راكان--(خل اوصل للاشاره هذي وبحاول التفت عليها جد مشتاق لها)
وقف ولفت نظره ساعته--9و55دقيقه
اوووووووه تاخرنـــــــــــــــــا
اريج (وهي تشوف ساعتها الجديده عشر الاخمس )
راكان تمايل بسرعه وقطع الاشاره --
اريج (الله يستر )xxراكان والله ماحسيت بالوقت
اريج وهي تسمع مؤشر السرعه يعلن انه تعدى 120 في سرعته
حتى ماخذت لتس شي تشربينه يالله
اريج --لاعادي مابي شي
راكان اللي توتر وتوه دخل المواقف الخاصه بالسياره --
ياله اريج انزلي --
لبست نقابها ونزلت ..
راح ورى ونزل الشناط وخذاها الشوفير --
رجع لاريج ومعه كيس --ادخلي وانا جايتس
انا مادل
ادري ادخلي وبجيتس ابي اسلم السياره اوك
اوك اروح ورا هذا
اي بجي انا بجي اوك
راح يسرع بخطواته للمكتب دخل وبيده كيس --ووقع وسلم السياره وطلع الرجال يشيك عليها وهذا اللي قهر راكان وفهم الرجال ان عنده رحله
انتهى منه --ورجع
-------------------
وهناك ببيت ال فيصل --
وتحديدا بالمجلس ..
نايف وهو يمسح على فمه وعلى سكسوكته (لاتحرم نفسك تراك ماراح تطول ارجع شفها )--
وفعلا رجـــــــــــع التفت عليها--
نــــــــــــايفــــــــ xxxنــــــــــــورهــ
عيونه مركزه بملامحها وكانه يرسم ويلتقط لوجهها صورxxبربكه مشبكه اناملها ببعض وبدا التوتر واضح عليها..
( وش هالانوثه اللي تو نضجت ..
فديت هالوجه الزينـــــــــ
ما شاء الله
نوره شوفينـــي ابي عيونتس ..
مرتبكه ..
خايفه..
مني ..
انـــا
يمكن مستحيه ..)
ابتسـم وانتبهت لابتسامته مع انها مالتفتت عليه --
صدت للجهه الاخرى ابتعادا وهربا من نظراته المميته ..xxهنا هو اصدر صوت ابتسامه ( انا لو بطول مدري وش بسويبتس ههههههههه زين انتس توفقينــ)
انتبه للصينيه --
نايف بابتسامه وهو ياخذ العصير--سمـــــــي
نوره وهي تمد ايدها تاخذه ..
نايف--(طيب ارفعي عيونتس لي والله مشتاق لتس )
---------------
وهناك في الصاله --
عبير بعد ماخذت شريط التصوير والفلم ..
انفتح باب البيت ودخل فيصل بابتسامه--السلام
ساره وعبيربابتسامه--هلا وعليكم السلام
سلم على ساره وجلس بجوارها --اجل نويفان مكيف ها هههههههههه
عبيروهي تطلع تيلفونها اللي يرن --ايووا اجي اوك اوك
عبير بعد ماوقفت --ياله فمان الله
ساره--جاء
فيصل--وين
عبير--بروح ورانا نومه عشان التمايم بكره
فيصل(شكل نويفان بيطول ههههههههههه)--ماتشوفين شر مع محمود ؟؟
عبير وهي تتغطى --اي
فيصل وهو يشوفها تطلع التفت على ساره وبابتسامه--جاتس اروج
ساره وهي تتذكر وبفرحه--ايــــــــــ فديت هالراكان الله يوفقه جابها لي تقول اروج هو اللي جابني انا ماقلته
فيصل وهو ينزل عيونه--انا اللي قايل له من ظهر انتس تبين تشوفينها وهو قال ـــــــــــــــ
مامداه يكمل الا هي قايمه وراميه نفسها عليه وتبكي --انا كنت حاسه والله والله ولا الرجال وش عرفه اني ماحضرت
بعدت وجهها عن كتفه انا قلت ياانت ياعبير ولا من غيركم بيقوله xx فيصل وهو يمسك خصرها بسم الله عليتس بس بس
فديت روحتس ههههههههه اجلسي زين هههههههه
فيصل وهو يشوف العصير عالطاوله--هذا من هو له ؟
ساره وهي تاخذ منديل--جبناه لعبير ولاشربت
فيصل--طيب ياله اشربي ..
وهو يشربها--وش رايتس اخرب عليهم ههههههههههه
ساره--لالا بتستحي النوري منك لو تشوفك
فيصل بهدوء واستغراب --تستحي من ابوها
ساره--ايــــــ فيصل تعال
فيصل وهو يروح للمجلس --بسلم بس هههههههههه
ساره وبابتسامه تعرف نوايا فيصل--ياليلــــــــــــ
---------------
وقبل لايدخل--
نايف وهو يشرب كاس العصيروبابتسامه وبهدوء--متى تبدا اختباراتك؟
نوره وهي ترفع عيونها لمستوى الطاوله اللي قدامهم --اممم الاسبوع الجاي xxنايف(لبـــــــــى هالفم وهالصوت المبـــــــحوح )
نايف( شوفيني ابي عيونتس تشوفني )--هذا؟؟
نوره تهز راسها بالايجاب ..
نايف--كل الاسبوع يعني ورى بعض..
نوره تهز راسها بالرفض ..
نايف هنــــــــــا ماقدر يتحمل تهرب عيونها اللي متاكد انها بتسحره عشان كذا مصر انه يشوفها ..
مــــــد يده لفكها السفلي تحت فمها وبس لمسه انتبه انها اغمضت عينيها (لااااااااااا بيغمى علي ترا خلاص ماعاد احس بنفسيــــ)
وبعد ماجعل وجهها باتجاهه انتبه لانفاس صدرها المتتاليه xx(مامــااا تكفين تعاليـــــــــــ )
نايف وهو بدا يرتبك --(فــــديت هالعـــيون شوفيـــــــــــــني طيب لاتصدينــــــــــــ)
رجع يثبت نفسه بعد ماصدت بوجهها واخذ رشفه عميقه من العصير --
هنــــــــــا سمع خطوات بقرب الباب --
فيصل اعلن طوله وبابتسامه--السلام
-----------------
في صاله مطار الملك خالد الدولي--
رفع تيلفونها واتصل عليها ..
هلا وينتس
امم
ارفعي ايدتس كاني شفتس
اها اوك
تلفتت وانتبهت له (وش هالكيس اللي معاه )
راكان --الله يهديتس واقفه والكرسي عندتس تعالي
كان يمشي بسرعه ويرجع لها لان ينتبه انه بعد عنها كثير ..
والمره الثانيه اسرع بخطواته وانتبه انها لازالت بعيده وخطواتها بطيئه بالعصى
وبنص الطريق--
اريج(لاترجع رح عادي ..الله يصبرك عريس وكانك مع عجوز )
راكان--(والله ماعاد في وقت عشان كذا امشي واخليتس )
وكمل طريقه عشان يكمل الاجراءات
واخيرا وقفت هي بجواره--
تحس بتعب بجنبها الايمن ..وشوية صداع من اثر البكاء..
راكان وهو يلتفت عليها --ياله نمشي
اريج مشت بجنبه وهو يراقب العصى ..عطيني شنطتس ..؟؟
اريج--لا عادي
راكان وهو ياخذها --لا هاتي
مشو مع بعض وركبوا للطياره..وهو يحمل الكيس المتوسط بالحجم وشنطتها..
----------------
وهناك في بيت ال فيصل --
وبالمجلس --
فيصل اعلن طوله وبابتسامه--السلام
نايف بحزم --وعليكم السلام
نوره اللي شافت ابوها متجهه لها قامت وسلمت عليه فيصل--وشلونتس
نوره اللي جات على يمينه وعطت ظهرها نايف--هزت راسها بالايجاب
نايف اللي يشوف فيصل وهو مركز بهيئه نوره وجسمها وشكلها الفاتن --
فيصل وهو يمسك كتوف بنته --اجل نقزتكم ههههههههههه اجلسي ياحبيبتي اجلسي
نوره وهي ماقدرت تتحرك من مكانها--(لاباباااااااا تكفى خلاص الى متى )
نايف بهدوء--لا انا اصلا شوي وماشي
فيصل--اجلسي بابا اجلسي هناك
شافها التفتت على جهة مكانها الاول وطلع وتركهم وهو يبتسم--
نايف اللي متكي بظهره بس سمع صوت الباب وبلكاعه ابتسم وبهدوء--اجل مليتي مني اروح ؟؟
نوره حست نفسها اشتعلت توتر--ــــــــــــــ
نايف وهو مركز فيهاوبهدوء--معليش انتي دايم تشوفيني انا ماقد شفتســـــــ
نوره وهي منزله راسها (اقول خلني ساكته)--ـــــــــ
نايف بهدوء ولكاعه --سولفي ابي اسمع صوتس ولا ترا اذا طلعت بدق عليتس
نوره وهي تمسك باظافرها بقوه--xxلاتوجعين نفستس ههههههههههههه تبيني اروح؟؟
نوره وهي تصد ومسكتها الربكه والتوتر وحست نفسها بتبكيـــــ--
نايف هنا انتبه لها --رجع صد لجهة الباب ..(اطلع يعني والله احس ان ماشبعت منتس )
رجع التفت عليها --لقاها صاده عنه وتطالع السقف --
نايف وهو بدا يكتم (لبــــــــــــــــــــــــــــى هالعيـــــــــــــون والله ياله شكلي بطلع قبل لاتطردنـــــــــي )
نايف بحزم وهو يفرد شماغه ويعيد ترتيبه --يالله يابوي بالله شوفيلي الباب ..
نوره هنا وقفت وانتبهت انها تمشي بصعوبه--xx(نايف --تكفين ماعاد ابي انتبه لشي فيتس ولا ترا غصبن عنتس برجع اجلســــــــــ ههههه )
طلع وهو يراقبها بدقه--
شافت امها ساره جالسه برى بالصاله--
ويـــن تعش ياحلو ..
لا نفداتس خالص (انتبه لنوره اللي ابتعدت ودخلت غرفه )
ساره بابتسامه وهي تمشي له بخطوات بطيئه--اجلس تعشوا كلكم مع بعض
نايف اللي انتبه لتعب ساره--لالا سلامتس ارتاحي فمان الله ..
وبعد ماطلع --نايف(ماصبرت الى ان اطلع حتى الوداع ماودعتنيــــــــــــ )
لم يجف قلمي غدا يكمل ويكشف لنا اسرارهم
كل الود لكم
صبى الاوراق
همسه--لاتتضايقون من اوقات بارتاتي الجايه لاني مالقيت حل للفلاش الى الان وعشان مااخركم رجعت اكتب ..
|
11-10-09, 08:32 PM
جديد مواضيع قسم القصص المكتمله من وحي قلم الاعضاء
العرض العادي
