كاتب الموضوع :
صبى الاوراق
المنتدى :
القصص المكتمله من وحي قلم الاعضاء
السلام عليكم ورحمة الله وبركاته--
اخباركم فديت طلة الموجودين والغايبين عسى خير ,,
انا بصراحه اخرني عن البارت مشكلة هالفلاش لاني اطريت اكتب مره ثانيه والله يعيني علبارتات اللي راحت ارجع اكتبها
تمنيت الاقي حل وترا ماياست بس موضوعي محد ساعدني فيه ..
عالعموم انا بنزل البارتين اللي اصغتهم من جديد اليوم ويوم السبت يوم21-10 وزوجي مع مقاطعه شركة الاتصالات ويقولي بيقفل المودم
وانا لو مادخلت السبت موعدي معكم الاحد انزل لكم بارت الزواج
اللي هـــــــــــــــــو البارت الخمسون ..
على امل ان الكل يحضر ولا يغيب عن وداع اريج وراكان بعد مانزل للسعوديه لاول مره من سبع سنين
اريج بحاجة الكل يودعها ويفرح لفرحتها ومانبي نحسسها ان زواجها صار عائلي وبالبيت معناها
محد يحضر او يتعذر بالبيت البيت مجهز والكل مستعد فلا تقصرون معهم تعالوا
افرحوا مع ال سعود ووسعوا صدوركم وعلى فكره هو غداء بعد صلاة الظهر مباشره ..
انا بنزل البارتين بس الصراحه تمنيت اتأنى بتنزيلهم واراجعهم
بس من كثر ماشافت الانتظار بالمنتديات ورسائل البنات ضغطت على نفسي
وانجزته اليوم ..
والسرعه في هالشغلات ماحبيتها بس السموحه لو كان في اخطاء ..
استلموا البارتين الثامن والاربعون والتاسع والاربعون
قراءه ممتعه ومفيده ..
بسم الله ..
---البارت الثامن والاربعون ---
صباح الثلاثاء --
كعادة بيوت ال سعود يصلون الفجر ويفطرون €..
اريج --بس فتحت عيونها عالساعه 6 ونصف تحسست جنبها للتاكد ان الالم هدأ وان اللي صار كان شبه حلم وصار عالواقع..
حمدت ربها وقامت
طلعت وافطرت بصمت كعادتها
وفجاها ابيها ناصر بسؤاله--
مانمتي زين ؟
الا الحمدلله نايمه xx شيخه (فديت عيونتس والله ..عيونتس حمر وجافيها النوم ..الله يسعدتس ويشفيتس ..)
وبس قام ابوها دخلت واتصلت على عبير.<<<<<<<
وسردت لها اللي صار وهي مستغربه من نفسها وعبير ماصدقت وعندها اسئله كثيره ومتحمسه ولاقدرت تستوعب
اروج اروج
اممم لا تقولين شي ؟؟تكفين تعالي ..
ايييي اي انا بجيتس اسمعي بس اسمعني تكفين لاترديني البسي وتعالي معي الدوام غيري جو ونسولف هناك وش رايتس
اممم صعبه مستحيه منــــــ
اقووول وش تستحين بقعد انا وياتس بمكتب لحالنا والله
امم اي ياله انتظرتس
وناااسه هههههههههههه اووك باي
باي
ورجعوا على الساعه 12 ظهرا
نزلتها ببيتهم وراحت هي لاهلها ..وكعادة اريج ماجبرتها تجلس
بنفس اليوم كان موعد بروفا استلام فستان اريج واصرت انها ماتروح معها لانها ضامنه انه ماحتاج تعديل كثير عشان كذا ماوافقت تروح
عبير ماحبت تلزم عليها وقالت انا بستلمه لاطلعت من دوامي ..
---------------
بيت ال سعود--
شيخه --كلمت ام سوسن وحجزتها لهم كلهم ..
فيصل فاجأ ساره بحلفه انه ماتحضر الزواج ..
ساره بالبدايه تضايقت وبعد نقاش البنات وخواتها اقتنعت ..
شيخه --اتصلت على المعارف تعزمهم للزواج بما ان مافي بطاقات دعوه ..
راكان بعالم ثاني من استلم الصور من عبير --دبس الصوره ومن لحظتها وهو كل ماجات بباله
ركب سيارته وفتح الدرج يشوف جوازها ..
وفي مره --
بندر اكتفشه وهو جالس قبل صلاة الفجر في السياره --وعرف سر جلسة السياره بذا اليوم وماحب يحرجه ههههههههههه
في الليل وتحديدا بعد ماطلعت عبير من البنك --راحت تطلع فستان اريج ..
وهم بيلبسون نفس فساتينهم في زواج ال عايد ..
عدا نوره اللي اصرت ساره امها انها تفصل --
واليوم موعد العروستين
طلع فستان نوره الصباح ..
وراحت استلمته خالتها شيخه لان نوره بالجامعه ..
وافطرت شيخه عند ساره بعد ماجابت لهم الفستان ..
وخذت عباية ساره اللي لونها كحلي بحاجبها ونقابها كلها بنفس اللون ..عشان تلبسها اريج اذا سافرت
نوره كانت اربع وعشرين ساعه ..بالها مع المسج بس وتتذكر كلامه اللي حفظته ..
وفي الصباح كالعاده --افنان وريناد مع نايف
ونوره والخدامه مع السواق ..
نايف--ماقدر يلمح سيارة السواق ولاعرف متى جات او وصلت ..وكان مقهور من هالنظام المجهول..
وعلى هالحال من يوم الاحد النفسيه الصباح ماش ..
وكلن مشغول بترتيباته ليوم الخميس ونفسيةاريج في تدهور اجتمعت قل نوم وتفكير يعني تعب من كل النواحي..
وبهاليوم واخيرا اعترفت اريج انها محتاجه عبير--
وبعد ماقاست الفستان عليها --وكان هالكلام الساعه 11ليلا ..
وتحديدا بغرفه اريج--والبنات كلهم مجتمعين خواتها وبنات خالاتها اللي هم بنات عمومتها..
عبير--واااااااااااااو جنان
نوره --واووونايس
ريناد --ماشاء الله
افنان --فظيع
حنان --صراحه انها ضبطته نفس الصوره
لمى --قولووووووا ماشاء الله ههههههههههههمحد قاله ترى
ريناد --الا انا قلته ههههههههه
ميس والو يلعبون بموديل الاسفل للفستان --الله يجنن
شيخه وهي تدخل الغرفه --جعلـــــــــــــــه ملبوس الصحه والعافيه
عبير--كلولولوووووووويش
والبنات يضحكون--
اريج بدون ابتسامه وانقلب وجهها عبرات حزنو وهي تسحبت للاريكه وجلست --وفجـــــــــــأه بدو يكتفون اياديهم ويتلفتون لبعض ..
ويطلعون من الغرفه..
جاتها شيخه وجلست بجنبها وقتها ماعرفت وش تقولها--وضحكت وضمتها ..
هالوضعيه كانت كافيه لاريج انها تنــــــــــــفجر ..
بكت لامو بس بكاء تنفيس لا بكاء من قلب ..وكانها تعبت ..من الاختلاء بدموعها بعيد عنهم الايام الماضيه..
مابي البس فستان تكفون وبصوت باكي يقطع حنايا القلب ..يازين شكـ.ــــــ.ـــــ..ــلــي وانا فستان واع ـ ــــــــ..ــــ.رج ..
شيخه ماتحملت --لاتقولين كذا فديت روحتس غيرتس يابعدي مايتحرك ..
اريج--يمه ماقدر والله تكفين
شيخه--بسم الله عليتس بس خلاص جعلني فداتس بس
اريج تون بصوت ابكى البنات اللي بقى منهم بملحق اريج--اهــــــ يايمه اهـــــ تكفين مابي مابي
عبير بابتسامه--يعني لاوافقت خاله انا بوافق لا مايصير ياقلبي خلاص خاله روحي ابوي يناديتس ..
انا بقعد عندها روحي ماعليها شر روحي
شيخه هالمره كسرت مجاديفها اريج--مسكت كتف عبير وطلعت ..
شيخه خلت البنات يروحون للصاله وسكرت الباب خوفا من ناصر يحس بشي او يسمع صوت بكاها اللي بكى الصغير والكبير ..
عبير--اريج اريج ارفعي راستس ..اريج كلميني شوفيني طيب
ولازالت في بكائها--مابي مابي تكفوون مابي
عبير بترجي وخوف--وشو اللي مابي بسم الله عليــــــــــــــتس
وجاءت الكلمه اللي فاجــــــــــأت عبير(حمدت ربها انها لحالها ولاعاد البنات حساسات لو سمعوا مثل هالجمله ان تصير اريج بنظرهم عروس مغصوبه )--
مــــــــابيه مــــــابيه
------------------
بيت ال فيصل --
ساره--النوري وش في صوتس ؟؟
نوره وهي تكفكف دموعها --مافي شي احم ..
ساره بخوف--الا فيــــــــ شي وش صاير ؟؟
نوره بربكه تخنقها عبراتها--اممم اروج بكتنا بس
ساره بقلق--ليــــــــــه
نوره انفجرت لامها باكيه هي الاخرى --قصدها انها بتروح يعني وبكت
ساره--عسى حصه مهيب معكم
نوره وهي تمسح دموعها --لا
اشوا طيب متى بتجون ؟
خلاص بنطلع اللحين ..ماعاد اقدر اقعد ..
اي تعالوا ..اللحين هدت اروج
لا مدري طلعنا من عندها
ومن عندها عبير
اي
الله يعين
يالله تعالوا بابا يسال عنكم
طيب
باي
باي
------------------
هناك في المجلس --
نايف كان جاي ياخذ ريناد وعبير --وهذاهو ينتظرهم بالسياره
وكانه سمع صوت باكي --وش فيــــــــــــــ
ريناد بربكه--مافي شي
الاصدق فيكم شي
لاا
اجل شيبكيتس وشلـــــــــون مافي شي؟؟
اممم اريج
فيها شيي
لاااا بس بكتنا
تعبانه ؟؟؟
لا
اجل اهدي اهدي
حاولت ريناد تكتم قلقها وحزنها لاريج --اممم عشانها بتسافر وتتركنا وبكتنا كلنا
ايــــــــــــــه بس ماصار الا الزين خوفتيني قلت فيكم شي ولا البنت مصخنه
ريناد ماتدري شلون تفهمه--ــــــــــــ
شغل السياره وبعدين التفت عليها--وين عبير ؟؟
بتنام عندها عشانها
مشى بالسياره--بتداوم
مدري
ومن يبكي ؟اجل خالتي شيخه بكت ؟؟
اييي كلنا
ههه لاحول ماعليها الا العافيه دام معها ولد عمها ماظن احد بيهتم فيها ويصونها مثله وانتوا تزيدون عليها بعد تبكون عندها
ريناد وهي تكتم عبرتها--اممم هي اللي بكتنا
نايف--اي بس مهوب تزيدون انتو اذكروا الله والبنت عاقل وكبيره وراكان ماعليه كلام رجال سنافي
ريناد انتبهت انهم وصلوا xxشافت راكان اللي توه ينزل من سيارته واللي اكيد كان يتصفح جواز اريج
نايف انتبه له --
طفى السياره ونزل
مرت ريناد من عند راكان وابطأت في خطواتها --
ريناد بصوت مزكوم--السلام
راكان --هلا وعليكم السلام
نايف --وش الاخبار؟
راكان--تسرك وين الباقين
من عبير؟
جلست عند ال سعود
اها
وش سويت تاكد الحجز ولا
لا بس انا حاس انه 10 الليل لان هذا كلام اللي بالمكتب
اها
بتنام
اي والله خالص من الشغل وعسى الامور تزين
بخصوص
فرع الشرقيه ارسلت واحد ويقولي الدعوه ضاربه هناك والظاهر اني بروح له
وشووو لا يارجال خل الروحه بعد الخميس
اي اي لاني عارف لو بروح ماعادني معود الا بعد ماتضبط الامور
الله يعينك
تامر شي
سلامتك
ماشفت بندر
الا تو تقهوينا وراح ينام
زين زين
طلع وسكر باب المجلس
--------------------
وبعد مادخل شاف امه نايمه (جعله نوم العوافي )
سكر الباب بهدوء وطلع فوق..
دخل غرفته وبدل وتمدد..
اللحين لو نوقف عرض الامدادات من عمان يمكن نخسر بنسبة 40 بالميه ..؟؟
اي اي 40 كحد ادنى
الله يستر لايكون اكثر
لالا انا حاسبها
امممم نوقفها والعوض على الله
شاف ساعته اللي منزله بجنبه --1ونصف ليلا
اممم يمكن نام واهله عنده بعد؟؟ اها بكره ابلغه
تمدد ليريح ظهره اكثر ..
نــوره نـــوره اي استرجع صورتها يوم رجعت من زواج ال عايد ..
فديت زينتس يالمغروره ..
بتتزينين بعد في عرس راكان ؟؟
اكيد
ابيـــ اشوفتس بعد ههههه من حقي ترى بس وشلونـــــــــــــ
--------------------
وهناك بالمجلس --
راكان لحظات امس ماغابت عن باله --
قرر يتصل يطمن عليها --
>>>>>>>> لم يتم الرد
اها شلون يعني كل مره عبير ؟؟..عبير ..عبير
<<<عبير اللي قدرت تطلع من الغرفه
الو
هلا مابغيتي تردين
اممم بكلمك بعدين اوك
امم في شي
لا مافي شي
انا اتصلت عليها وماردت عسى ماهي تعبانه
لاوالله بكلمك بعدين اوك
اوك
---------------
رجعت عبير لها --
اريج--راكان صح
عبير بابتسامه--اي شكله قلقان عليتس
اريج --ــــــــــــــ
عبير--يقول انه اتصل عليتس ولا رديتي
اريج باستغراب وتوتر--انا
اي
تلفتت تحسس تيلفونها عالسرير مالقت لها اثر--اصلا مدري وينه
عبير--صامت اجل
اريج--اييي سايلنت
اها
عبير اللي شافته على الاريكه--اها هذا هو لقيته..الا في مكالمات لم يرد عليها بس واحد
اريج خذته منها وفتحته بربكه --اها
عبير --دقي
لا
ليش والله قلقان عليتس
دقي وانا بطلع
لالا مانيب متصله
اخليه يدق اجل
لااااااااااااا امانه اصلا الوقت متاخر وش بيقول اصلا
هو يبي يطمن من عقب امس بس
ـــــــــــــ
ايوه كملي بس سميره
اي اقولتس هبلت فينا وصدقنا انها بتولد المغرب اليوم هههههههههه
------------------
وفي المجلس --
راكان (كنت اتمنى الوضع بشقتي بس عسى نلاقي شقه نظيفه ومرتبه لو على الاقل الى ان يرجع نسيب فلاح ..)
وااااااو هانت ياراكان هانت اليوم الثلاثاء وبعده وبعده العرس خلاص وتعيش حياه جديده الله يسهلها ويوفقنا يااااااارب ..
والله كل ماتذكرت اللي صار امس ..يتقطع قلبي يارب تتعافى يارب حسبي الله ونعم الوكيل ..
تتسهل اروح والاقي بذاك الشارع اللي قريب من الجامعه خصوصا انه لارجعت بيصر على وقت امتحانات
وبكون بالجامعه اغلب الوقت ومابي اكون بعيد عنها .. يارب تسهل الامور ..
----------------
بعد مانامت الجنيه على قولة المرحوم --
عبير مانست اتصال راكان --
<<<<<وعلى اخر رنه الوو
هلا نمت
لاااااه بدري
ههههههههه خلاص باي باي
لالا تعالي ليش تاخرتي
خلاص اكلمك لاصحيت
لاعادي برجع انام جاوبيني
اممم كنت سهرانه مع عروستك
اها وش تقولون
ههههههههه حلوه ذي اقول والله انك رايح بسابع نومه ههههههههه
وش تقولوون
نحش فيك ههههههههه
لاياشيخه
ههههه لاعادي نسولف وش باقي وش بنسوي
ناقصكم شي قوليلي
لاوالله اصلا المهر مابعد راح نصفه
اممم هي شلونها
طيبه الحمدلله
لاصدق والله اني عبير عقب امس مانيب طيب كلما تذكرت
لا اشوى والله الحمدلله بس النفسيه لازم تعرف اذا حنا مانقوى بعادها شلون بتقوى بعادنا
انا معها وكلها فتره العمليه ودراستي ونرجع
وش علينا من دراستك هههههههههه ماعطوها الا3 شهور
بســـــــــ؟؟ وانا اخر من يعلم
اممم
المهم هي طيبه
الحمدلله
انت وش عندتس نايمه عندهم ؟؟
ابد كذا احبها مقدر استغنى عنها
اممم ادري تبيني احارشتس واطير النوم من عيني لااااااا سلامتس ياله باي هههههههههههه
ههههههههههههه باي
-------------------
---البارت التاسع والاربعــــــــــــــــون---
وفي صباح يوم الاربعاء 18-5-1430هـــ
--الكل متوتر مثل اليوم اللي قبله --
نايف بعد ماصلى الفجر وافطر مع اخوه واهله
راكان قام من نومه مفزوع ..وراح بعدها صلى ورجع مشغول باله ولاافطر ..
حاول يرجع ينام ونام بصعوبه ..
نايف قرر انه يتراجع عن قراره اللي اتخذه امس بشأن صفقة عمان
وعالساعه 8 كالعاده وصل ريناد للجامعه--
راكان استلم اتصال الساعه 9 ص وبعدها بلغ ابوه ناصر ان الرحله تاكدت الساعه 10 الليل وقال ناصر اشوا اني حطيته وعزمت على الغدا عشان ماناخرهم
شيخه دخلت غرفة اريج ولقتها على قومتها للفطور مع ابوها وخواتها مابعد نامت
ومسكت الشناط وبدات ترتب الاغراض على ان عبير ماقصرت بس ترتيب شيخه كان افضل..
بعدها راحت تستلم طرحة اريج اللي طالعه من امس الليل بس ماقدرت تستلمها بيومها ..
وطلعتها واخفتها بغرفتها ..
الثلاثي كلهم داوموا وكانت المفاجاه لنايف هناك بالجامعه --
انه بعد مانزل ريناد وافنان ..
انتبه للسياره اللي تنزل البنت اللي وراه ..السواق نزلها ومشى
نايف هنا انتبه للخدامه مع السواق--
ابتسم ابتسامة انتصار انها صارت تمشي على نظامه وتسمع كلامه..(ايــــــــــ كذا انتي حلوه)
بس انقهر انها ماشافها وهي تنزل ..
كان يتمنى يشوفها ..
هنا البنات مقررين خروجهم الساعه 11 عشان ينامون ويصحون ..
بتجيهم ام سوسن بتحف لهم وبودي كير ومني كير وهالشغلات وكل هذا ببيت ال سعود عند اريج-
اريج مره متوتره لان عبير مداومه --
وافنان هي اللي قالت ابدوا فيها وبغرفتها --
اريج خذت حمام مغربي الصباح ورفضت تسوي اي شي الى ان تبدا معها عبير
وعبير ماجات الا 11 وهذا وشيخه اللي مطيرتها..
تقصد ان اريج ماتبي الا بتس من قالتس تداومين..؟؟
عبير جد متعبه لانها شايله همين هم اريج وهم نفسها --
عبير استاذنت عن يوم دوام الخميس ..وعزمت عائشه وسميره على الزواج .ليوم غد الخميس يعني الحضور بعد صلاة الظهر
وعالساعه 11--الثلاثي
رجعوا كلهم مع ناجي ..والخدامه طبعا لان نايف مشغول مع راكان على قولته
---------------------
وعالساعه 11--ص
وهناك في محل شوكلاه وتقديم حلويات مناسبات --
وقف راكان ونايف قبل لاياذن الظهر ..
حجزوا لبكره 50 صينيه ..وحلف نايف انه هو اللي يدفع
والكراسي للحضور شيخه حلفت انها قد حجزتها قبل امس
والبوفيه حلف راكان انه هو اللي بيدفعه لان شيخه قد حجزت وخلصت
راكان جد ضاق صدره ماتوقع ان هالتجهيزات بتصير ..يعني كان عطوني خبر وادفع لهم ..
نايف وهو يركب معه --ياخي رجع هالسياره ذا الاجار واركب اللي تبي
راكان--ــــــــــــ
نايف --ولاناوي تنزف عليها
راكان--اي قبل بكره اسلمها لهم
نايف--وش فيك متكدر باقي شي؟؟
راكان --هم بقوا شي الله يهديهم ماخلوا شي ماسووه انا مدري عن ذا الامور كان علموني وانا ادفع
نايف --بســـ بسيطه بسيطه البنت بنتهم وانت ولدهم وش ماصار الا الزين
راكان وهو يلف داخل الحي --لا مايصير كذا بعد مدري المغنيات خذو بعد من حسابهم
نايف --وشوووو مغنياته ههههههههههههههههههههههههه ياخي سلامات بيت ومغنيات وبعدين اسمهم طقاقات لاتفضح عمرك يامغنيات متعود على شي هناك انت هههههههههههههههه
راكان ابتسم --لاوالله مالي بهالامور
نايف--الله يستر منك يارجال انزل انزل نتغدى ميت جوع انا
راكان--اجل اتعبتك اليوم
نايف -لا ابد..مابه تعب ولاشي الا بنشدك انت بتربي دقن هههههههههههههه اربك بتتطوع
راكان --لا شفها اليوم ترى بكره بتودعها هههههههههههههههه صفر هههههههههه
نايف وهو يضحك بلكاعه--ليه الظاهر هي تبي مطوع ههههههههه
راكان --الطواعه مهوب فالشعر ههههههههههه
نايف بجديه--في ذي صدقت
راكان --الاصدق وش افضل محل بيسنعنا بكره يقول فلاح يعرف مكان زين بس مدري عنه
نايف --لالا وانا بعد اعرف لك واحد بيضبط الامور
راكان سموا وبدو يتغدون والا بندر داخل عليهم --السلام الاستراحه فيها احد ؟؟
نايف--هلا لا مافيها الا العامل
اي انا رايح العيال هناك عندنا مباراه
اسمعـــــــــــ طلعت ثيابك ولا
اوووووه اللحين امر اللحين
قل لامي اخاف تبي تروح مكان لينها تروح معكم على طريقكم
امي تقول مهيب رايحه الا العصر
وين
ال فيصل
<<<اممم
ياله توصون شي
راكان -- فمان الله
راكان وهو يطلع من افكاره وياكل --اجل تقولي مافيه طق
نايف--لا امي تقول مسجل مدري ديجيه بس
راكان--ناد امي تكفى خل اسالها ناقص شي
نايف--ابشر سحب سلك التيلفون وهو يتغدا واتصل عليها
هلا يبوي
تعالي يمه راكان يبيتس بالمجلس
ياله جايه
نزل السماعه ووقف راكان
نايف--تغــــــد
جعل يكثر خيرك
اقول اكل كل هذا حماس مهيب جايه اللحين
لا والله خلصت
راح غسل ورجع وجلس --
نايف طيب خل نصلي العصر ونروح ناخذ لنا بشوت
لا يابن الحلال ابي اقيل تعبان والله
ياخي امش لازم رياضه افود لك وخل عنك النوم
لا يابن الحلال تعودت انا
اجل مستعجل تكرش ههههههههههه
وجلس يشوف بطنه--لا ان شاء الله مالي كرش
راكان--ههههههههههه
دخلت عليهم حصه ومعها فصول وسعود الســــــلام عليكم
وهو اللي يقوم ويحب راسها--عليكم السلام الله حيهــــــــــا
الله يبقيك
شلونتس يايمه
والله زينه جعلها تزين لك ويتممها عليك
نايف--يمه اقلقنا كن محد بمعرس غيره
حصه -بسم الله عليه عادنا بنشوفك جعلني افرح بشوفة عيالكم
ابتسموا كلهم --
سعود وفيصل هادين مستمعين للحوار --
نايف --راكان يقول اخاف شي ناقصهم ولاعلموني
حصه--منتب غريب نفدى عمرك تراك ولدهم وهي بنتهم والريال واحد
نايف --انا معلمه وقايل له
راكان--يايمه كل شي سووه وامي شيخه ماخلت شي الله يهديها وحلفت حتى عليها ماتدفع الغداء والله يستر لاتزعل ..
حصه--الا بتزعل اي ليش امك وابوك وانت ولدهم يابوي لاتزعلهم منك.. ولو قاصرهم شي بيعلمونك انت البس البشت بس هههههههههههه
نايف--الله يوفقنا وياه
حصه --امين
فيصل راح جلس عند نايف --اللحين من اللي بيتزوج انت ولا راكان
نايف --انا
حصه--ان شاء الله ان شاء الله خلها تختبر ويعودون المعاريس وعلى عافيه ان شاء الله وابد بيجي دورك
نايف( ايــــــــــــيي رد ردد)
راكان وهو مبتسم --اميــــــن
-----------------
وقبل صلاة العشاء اتصلت عبير على نايف
وبعد السلام
وينك فيه
ابي نروح انا وياك مشوار ؟
وين
بعدين اقولك
امم اوك خلتس جاهزه انا مع راكان شوي وجاي
------------------
وبعد ماشراله مشلح ولبندر ولعمه فيصل اللي موصيه على مشلح
طلعوا وهو بلغهم ان عنده مشوار ..(مع عبير)
وراكان توجهه للاستراحه ..
وبالطريق --اتصل وعرف ان بندر هناك مع زملائه ..
اتصل بفلاح ولا رد
وبس دخل بسيارته للاستراحه شاف سيارة فلاح وانتبه انه
يلعب معهم كوره
وعشان كذا مارد على اتصاله..
حس انه نشيط ورايق فقرر انه يلعب معهم ..
وقف على رصيف الملعب وقال هــــــا من تعب وانا اجي بداله
فلاح --انا
راكان بضحك وتحدي لاااااااا خلك بندر اطلع وخلني بدالك ابي العب ضده يارجال
بندر --كفو يابوسعود
راح راكان يلبس لبس رياضه ورجع يهرول بنشاط
------------------
وبالسوق --
نزل وهو يلتفت عليها --انا مافهم ترى انتي اختاري
اوك
نزلوا ودخلته محل الزمرده وطلعت له دبله
ولا ارادي --لا موحلوه دايم هذي اشكالهم مافي شي ثاني
اعجبها انه تكلم --الا فيه وشلون مافيه
فتح لهم البائع شنطه كبيره --
نايف بدا يشوف وحس انها انتبهت انها تنتظره فقرر الابتعاد بنظره لديكور المحل
عبير (ياالله عليه )--نايف شف هذا
نايف--امم
عبير وهي تلبس الدبله--حلو خيال شفه على اللبس
نايف باستغراب --وليه اصابعتس نفس اصابعها
عبير هنا شافته بنظره--اوخص ههههههه لا عاد بدينا من اللحين
نايف اللي حس انها فهمته غلط --وشو اقصد مدري عن اصابعها وش عرفني فيها
عبيربلكاعه --اها طيب حلو
نايف--اي على الاقل احلى من ذاك
اها
خلاص ياله
ناخذه خلاص مافي غيره
يالله منك ياله اختار انت طيب
لالا هذا زين
ههه اوك
حاسب وطلع من المحل ..
باقي شي
لا تبي تاخذ لها شي بعد
لا
اها خلاص اجل طلعنا
اقصد انتي تبين شي
لالا سلامتك
---------------
وبس وصلها للبيت وراح هو للاستراحه --
شوفت امها الدبله --
والتفتت لريناد اللي تقيسها --اسمعي لا تقولين لها تكفين
اوك
حصه--جعلها تلبسها بالعافيه ويوفقهم ويسعدهم
اميــــــــــن
------------------
بيت ال عايد --
فلاح--السلام
طفله--هلايابوي تعشيت
اي نفداتس
في العافيه وش اخبار المعرس ههههههههه
ماعليه طيب وبخير بتروحون لهم بكره
اي اكيد انا ومرت عمك لازم هذا رفيقك وولدنا
امممم على خير
تصبحين على خير
وانت من اهله
طلع الدرج --(اممم بس وشلون اخليهم يفكرون يخطبون لي بدون ماقولهم اووووف)
--------------------
وببيت ال سعود--
هاليوم اشتعل تفكير اريج ماسمعت ولاشافت شي عن راكان --
ويمكن لانهم من يشوفونها يسكتون او مايطرونه عشان مايوترونه ..
وهي تجهل اسباب غيبته وانقطاع اخباره ..
احسه انصدم فيني ..
اتصل امس ولارديت ومل شكله
والله ابتلش عروس وتعبانه ولا عاجزه بعد ..
وكل شوي تستلم مسج من زميلاتها يباركون لها بالزواج ..وهالشي زاد من توترها
ياليت عبير نامت عندي اليوم اخر يوم انام هنــــــــــا ياربيــ صبرني وشلون بقدر اتركهم
وكعادتها تنام على دموعها اللي تبلل وتبرد وجناتها
---------------
بيت ال خالد--
راكان في المجلس ..
دخل مع اريج بيت اهلها وراح وشافها تشوفه بنظرات خوف وارتباك
اريج--رجاء راكان لاتقرب مني
راكان--ليشــــــــــــ طيب
اريج--فيني اللي مكفينيـــــــــ
راكان وهو يشوفها تبتعد وتروح لسريرها وتتمدد بصعوبه ولحظات وهو يتابعها تتالم
وتصارخ وهو يمشي ويحاول يتقدم بخطواته ..ويكتشف انه لازال بمكاااااانه
وقتها سمى بسم الله وتحمد ربه ان كان مجرد حلم .
لم يجف قلمي غدا يكمل ويكشف لنا اسرارهم
كل الود لكم
صبى الاوراق
همسه --احضروا معي بارت الخمســــــــــــــــــــــــون بارت زواج اريج xراكان ومفاجأه اخــــــــــــــرى
الدعوه عامه للجميــــــــــــع بمنزل ال سعود الكائن بحي القدســـــــــــــ..
|
06-10-09, 03:45 AM
جديد مواضيع قسم القصص المكتمله من وحي قلم الاعضاء
العرض العادي
