السلام عليكم ورحمة الله وبركاته
صباح الورد
صبى الاحرف والاوراق
هل تعرفين مالذي يمتعني بقصتك
لاخبرك انه الجو الاسري العالي الذي يتواجد فيها وفقك الله غاليتي
اليوم لفتت نظري قضية اجدها مهمة وهي فترة الخطوبة او فترة ماقبل الزواج
بصراحة اجد نورة على خطأ واجد سارة مقصرة
واجد نايف معه حق ولكنه يلف يدور حوله
لاوضح الامر
نورة خجل على عزة نفس على قلة خبرة يعني ماله داعي كل هذا العند وما اله داعي كلما حصل امر بينهم تسرع لوالدتها قمة قلة النضوج في حين اجد عمرها معقولة حتى تدرك هذه الامور >>قطعت البنت لاتزعلين النوري

نجي على سارة بدل من تتصل بنياف كان عليها ان تجلس مع ابنتها وتفهمها لمحات بسيطة عن فترة الخطوبة وكيف من الممكن ان تكون هذه التوصيلات البسيطة منفذ لها حتى تعرف ولو قليلا عن شخصية من سوف ترتبط بها
بينما سارة عملت العكس ووقفت معها
ننتظر ربما هناك جلسة بين البنت ووالدتها تلوح بالافق

اما نايف فله حكاية مختلف بدل هذا الف والدوران لما لاتتصل بأبيها وتطلب منه رؤيتها او التحدث معها طبعا اذا كانت عاداتهم تسمح بذالك
ريح نفسك واعصابك واسلك الطريق المباشر حتى تضمن سهولة الموضوع

كم ارغب بالرد عليكي دائما ولكن الفكر احياننا يقفل
اقبلي اعتذاري
وبالتوفيق غاليتي

صبــــــــــــــــى يسعدلي مسائك

تسلمين على البارت ,

مممم كنت ادري ان سبب تأخيرك مشكلة عندك بالفلاش ميموري

لان شفت بمشاركتك موضوع مشكلتك <----ملقوفه بنسبة 100%

===============


بارت اليوم غريب شوي يمكن لانه كان تركيزه على الجوانب الحزينه للعرسان الاربعه.

صح فرحت بجزء فيصل وساره لكن حزن الباقين كان اعمق.


===================================

اريج وراكان


اصعب شي ان اللي يهمك يشوفك باضعف مواقفك,,,,, وقتها تتلبس عليك الرؤيا


وماتعرف مشاعره هي خوف ولا شفقة .


يعجبوني انهم يخافو على بعض ويبون الراحه لبعض وكل واحد فيهم ينظر لاحتياج الثاني

ضارب بعرض الحائط احتياجه.

طبعآ موقف اريج عند الشيخ ,,,قوي وصعب عليها جاتني الضيقه وهي تتخبط واحسها

بكابوس ,,,,بس نقول رب ضارة نافعه ان سبب هالتخبط كان مفتاح عشان تعرف شيخه

سبب على بنتها .


خفت انهم يأخرون سفرهم عشان القراءه بس اشوا الحمدلله بيستأنفونها عقب الجراحه.


مممم ماتشوفين معاي ياصبى ان خطوة راكان بأنه حمل اريج وضمها وقربهم من بعض

هذا بينصب بمصلحتهم لان بتكون كخطوه اولى تثبت ان متزوجين.

============================

نايف ونوره


خطر جدآ حوار نوره مع نفسها ,,,ممكن يوصلها لتفكير بيضر علاقتهم مع بعض.


انا عن وجهة نظري الشخصيه اشوف خطر جدآ ان الزوجه تشوف نفسها ان

فوق مايستاهل زوجها , وان من حسن حظه ان اخذني وتبدء تتذكر

الناس اللي كانو يتمنونها لأبنائهم , لان وقتها بتشوف اي تصرف طيب يصدر منها

تجاه زوجها مشكوره عليه , واي تصرف طيب يصدر من زوجها لها مجبور يقوم فيه

لان هذا قدرها <----وجهة نظر شخصيه


مممم نايف بينشغل بشغلة الشرقيه وهذا احسن شي


لان نوره بتاخذ وقتها وتستوعب فكرة زواجهم والاهم تبدء تبحث عن اخباره .

مسألة انها تقارن بين ابوها وبين نايف هذا امر طبيعي يصير لكل البنات

خصوصآ وان علاقة امها وابوها مع بعض مثاليه , لكن مع الوقت بتشوف امور بنايف

بتعجبها وتتقبلها .

================================

دام قلمك ماجف انتظرك بأذن الله

حقيقه بارتين قربتهم لبعض ياصبو بس مشكله لانها قربتهم في حاله صعبه لاريج لان صعبه اللي يحبك مايشوفك الا بتعبك
وخصوص ان هالشي يديد عليه
نوره تخوف وافكارها ان طولت جذي بتدهورهاااا
شيخه حلو انها كانت اهي اللي وياها واكتشفت تعبها
صبو وايد تاثرت بالبارتين
انطررررج فديتج وتسلمين لانج على مواعيدج دوم