كاتب الموضوع :
صبى الاوراق
المنتدى :
القصص المكتمله من وحي قلم الاعضاء
السلام عليكم ورحمة الله وبركاته ..
اشتقت لكم وعساكم بافضل حال يارب ..
ها تعرفون وش تركتوهم عليه ؟؟
وش اخر اخبارهم ...
امممم
حلو متذكرين
طيب ..
تركتوهم يوم الجمعه وبكره دوامات
والعرس المختصر اللي بيختتم برحلتهم للندن يوم الخميس
وراكان مواعد العمال يركبون له المكيفات في بيته اللي ماحي بسافر وهو ماسوى شي من عنده فيه ..
ونايف لازال يعاني من هالنوره والحقيقه الظروف ماسمحت لهم يشوفون بعض وكل واحد يلقي اللوم عالثاني ..
والصدق ان محد فيهم له الحق ينلام ..يقارنون انفسهم بوضع اريج وراكان ..
استلموا مهورهم بعد لحظات ملاكهك وبدو من امس يجهزون ..
اريج رافضه فكره فستان عروس ..ولاعندها اي استعداد تناقش الفكره ..
نوره مصيرها مجهول هي ونايف لان الزواج ماتحدد لكن مامنعت من نفسها ان تاخذ ملابس مثلها ..
راكان لازال محتفظ بشغلتين اذا تتذكرون الدبله والجاكيت وهدايا العطورات لهم .. مايدري شالفرصه الانسب اللي بيقدمها لهم..
اشيااااااااااءكثيرها بتتذكرونها مابي احرقها عليكم
فاستلمـــــــــــــــــــوا البارت الاربعون والحادي والاربعون --
----البارت الاربعون ---
في السياره الاخرى اللي تسير خلف راكان بسرعه عاديه--
نايف صاحب الفكر المشغول ..والله كذا بيتاجل الزواج مره مايصير ؟؟
ياوالله الحاله ..
بكره السبت انا بوديهم الكليه ..وبشوفها ..مهوب بكيفها انا صرت رجالها ..
وولي الامر عليها اوديها واجيبها ..
انا لازم ااكد على رنو اللحين نرجع مثل قبل اوديهم وارجعهم اذا قدرت ..
<<<<<<<renad
الووو
هلااا وينتس
رايحين نودي ال سعود ..وبعدها لبيتنا --
نايف--عبير جات
ريناد -لا
وشلون مهيب مداومه بكره
الا بتداوم مناك ..
امم اسمعي ..نزلوا ولا
ريناد اللي فهمته--امم لا تو
نايف بحزم--امم تراني بكره بوديكم للجامعه نفس الاسبوع اللي طاف..
يعني على ثمان تكونون جاهزين ..
ريناد--هـــــــــــا اممم طيب طيب
نايف عرف انها تفاجات وحس ببوادر رفض--فمان الله
يحس انه منتصر بكل حالاته ..
ومن فرحته انه بكره بيشوفها --تقدم بسرعه .. حتى ان راكان سمع صوت السياره والتفت فجاه للمرايه الجانبيه ..يشوف من هالمسرع
---------------------
بيت ال خالد--
وصل راكان ونايف للبيت .. رجلان يحملان مشاعر واحساسيس جديده..
يمكن وليس شكا بل جزما ان الارتباط شعور جديد عليهما..
كل منهما يشكي من ..
هل تصل للمعاناة..
يسكنهم مشاعر واحاسيس مميزه ..
والاكيد انهم حصلوا على ماتمنوا..
نايف--ياله تمس على خير
راكان وانت من اهل الخير
نايف اغلق باب المجلس عليه ...وطلع فوق بعد ماتاكد ان الدور الارضي خالي ..
طلع فوق وهو يحاول يستبعد اي مشاعر تحاول ان تشاركه في حركته في البيت قبل غرفته ..
وقبل لايبتعد عن الدرج
سمع صوت باب البيت يفتح ..التفت وشافهم يدخلون..
نايف بثقل--هلاتوكم تجون ؟؟
امه حصه--اي يابوي تونا وصلنا ال فيصل
نايف اللي بدا يثيره اسم هالعائله--اممم ياله ياله عشان العيال وراهم مدرسه ..
حصه بعد ماعلقت عبايتها وهي تكلمه براس الدرج --ياله سعود فصول ياله البسوا بجايمكم بتسنن واجيكم ..
ريناداللي تفكر تفكير يشبه تفكير اخيها ..
حصه --نايف يمه ارب راكان ممسي هنا
نايف وهو عند باب غرفته--اي نفداس
حصه--اشوا البيت بيته
---------------
بيت ال ناصر الفجر--
دق منبه جوال شيخه معلن اذان الفجر ..
التفتت على ناصر ..
شيخه--ناصر ناصر الصلاه
ناصر اللي نايم على جنبه--يالله لااله الا الله
قام وتجدد وهذي شيخه تناوله شماغه وعقاله ..
نزل واشعل اضاءة الدور الثاني حيث الصاله..
وعند الدرج
شيــــخه قومي بناتس ..
شيخه--زين ان شاء الله
شيخه ابتدات بغرفة افنان ولمو--
وبعد ماطلعت من غرفة ميس والو
نزلت تحت ..
وهذي هي عند باب غرفة اريج تنادي عبير عشان تفتح الباب ويصلون ..
----------------
بيت ال فيصل --
كلن بافكاره وفي ارتباطات بين بيوت العمان ..
وان كانت ارتباطات حسيه ومعنويه ..
نوره --لم تنم الا ساعه فقط وكانت هي الساعه الثقيله الكافيه لتتعب جسدها ..
فيصل التفت على ساره اللي كانت تعلن صحوتها منذ دقايق --مانمتي
ساره بكسل--الا بس كسلانه
فيصل --جاتس
ساره--مو مره شوي ودي انزلها
فيصل --طيب اشربي حار وعسى تنزل
ساره --اي بشرب ياله ياله ترا قده بيقوم
فيصل وهو يعلن صلابة ظهره --يالله
ساره بثقل ملحوظ في السير لغرفة البنات -- التفتت على هاتف وفضلت الاتصال على غرفة نوره اللي بتصحى على رنين هاتفها وتصحي خواتها بدلا عنها--
<<<<<<<<حلوتي
هلاماما يالله يالله قمت
يالله حبيبتي قومي خواتس وخوانك
تعبااااااااانه
شوي ماما
يالا جايه
ماهي الادقائق وتدخل --
قبلت راس ساره--تعبانه
لالا ماما شوي صحيهم مافي وقت على بال مايفطرون
طيب طيب
وعند الباب --اجيب لتس شي دافي
لالا حبيبتي انا بنزل معاكم ..صحيهم بس
اوك
ساره لاحظت على وجه نوره انها متعبه وعيونها حمر والواضح انها مانامت ..
بس ماتبغى تضيف لانها عاذرتها ..
--------------------
طلع ناصر من المسيد ودخل البيت --
وقبل لايسكر الباب لمح الفان تبع اريج وفـــــــــــز قلبه..بخوف
نزل الرجل المتين الاسمر من السياره الجمس وسلم على ابو اريج ..
يامرحبا --
عليكم السلام
وشلونك عساك طيب
عطونا الاوراق اللي تقولها بنتكم --في المقابل ارتاح ناصر لانه عرف انها تبي ترسل اوراق اجازتها ..
ومدري خاف لاتكون قايله لهم مروني وتروح وهي بهالحاله..
بعدها طلعت عبير وقابلته وهو داخل صباح الخير وقبلت راس ابيها ناصر --ها يبه شفت الفان برى
ناصر--اي هذي الاوراق
ناصر الاخر قال للرجال ادخلو صلوا عندنا قال --لا الصلاه برى الديره لانه مايبي يتاخر ويحرج البنات بدخول بيت اريج
عطاهم وتوكلوا
بعدها دخل وجلس مع البنات للفطور وهاهو بانتظار قدوم اريج --
طلعت عبير وقالت ان اريج تو نامت بعد ماصلت الفجر --
قلق عليها ناصر وكثر الاسئله --
عسى مايوجعها شي ؟
الاصدز؟
وش تنس؟
ليش؟
وش تسوي؟
وختم قلقه بالدعاء لها
عبير ترحمت على والداها اللي كان حنون كحنيه ابيها ناصر ولعلها صفه يتوارثونها ال سعود ..
عبير كانت لافه على شعرها منشفه لانها كانت تستعد للذهاب لدوامها بعد اجازه دامت نصف اسبوع ..
افطروا بينما ناصر اكتفى بقطعه من الخبز المحمص وكاس حليب دافئ ..وذلك بسبب فكره المشغول ..
انتبهت عبير ان ابوها ناصر دخل غرفة اريج فتوقعت انه رايح يطمن عليها ..
شاف الغرفه غير مضاءه لكن انتبه لارتفاع طفيف على السرير فاطمئن قلبه لروؤيتها ..
طلع وهوينادي --شيخه
شيخه وهي منزله اغراض شاريها السواق امس لحصة الفنيه تبع ميس والو ..لبيه
اريج لاتنسين تفطرينها تراها مافطرت
شيخه--ان شاء الله
بينمــــــــــــــا..
عبير دخلت واستسلمت قليلا لفراشها بجوار اريج ..
لانها ماحبت تضايق اروج بصوت الاستشوار ..
ففضلت النوم قليلا ..
الساعه تشير الى السادسه وعشر دقائق بالعاصمه الرياض 6:10ص
افنان هي الاخرى اعلنت صوت مجففها الكهربائي من دقيقتين ..
------------------
بيت ال فيصل --
حنون طلعت مع السواق ومنها على بيت ال ناصر --
الباص جا واخذ سعود ودقايق الى رهف طالعه للحضانه ..
ساره متعبه فكانت تمشي وبين فتره والاخره تجلس على اي شي تمر فيه ..
فيصل الاخر يبحث عن ساره في كل مكان وفي كل مره يقابلها -- السوري ارتاحي الشغالات والبنات بيقومون بالبيت ارتاحيـــــــــــ
نروح الدكتور؟
لازم؟
واضح عليتس التعب؟
لاحووول
كل مره يحايلها وهي رافضه ..
-------------------
وعالساعه 6ونصف
بيت ال خالد --
نايف نزل وهو الاخر مانام بس زاد عن اللي شغلته بساعتين..
صباح الخير
صباح النور يابوي ماقمت للصلاه الله يهديك
نايف--اجل ماقومتيني
حصه--الا يابوي دقيت عليك الى ان طلعوا من الصلاه ولارديت اكيد غاطك النوم ولاوعيت بي..
نايف --لا المره الثانيه بقول لبندر على طريقه يطق علي ماحسيت بالجوال
حصه --الله يعفو عنا وعنك يالله تعال افطر
نايف --بغسل وبجي
مر من امامه بندر --صباح الخير
نايف بهدوء--هلا
جلسوا وهذا هو جلس وسموا
نايف--سعود وفصول ناسين سندوتشاتهم ؟؟؟
حصه --ياااااااااااااااااااابعد عمري نسيت الله يدحر الشيطـــــــــــــان نسيت اليوم لاحووول كل شي بسرعه بسرعه ..
نايف--ماعليه ماعليه الله يهديتس ماصار شي ..اللحين وبندر طالع يوديها على طريقه
بندر يشير براسه بالايجاب --يله حطيها بكيس انا خلصت شبعت اللهم لك الحمد
حصه --ماري ماري جيبي كيس
خذا الكيس بندر وقال عسى محمود محمي السياره بس ..مع السلامه
حصه --تركدوا فمان الله
ريناد اعلنت طولها --الحمدلله
نايف--بالعافيه ترا الساعه 7و نص ساعه بنمشي
ريناد اللي جات ببالها على طول نوره اللي ماتدري عن ردة فعلها-- طيب
---------------
بيت ال فيصل--
وتحديدا نوره بعد مااكدت لها انهم كلهم راحوا لمدارسهم ..غادرت غرفة امها تاركه ابيها مع امها ..
دخلت وابعدت منشفتها عن شعرها الاسود اللامع بنعومة خيوط الحرير..
شبكت المجفف وهذا هي قسمت شعرها وبدت تستشوره ..
واااااااااااي مره مستحيه انخطبت وتملكت فجاه وش بنات الجامعه بيقولون ..
والله اني مستحيه وودي محد يدري..
تعبانه من كثر مافكر فيه مدري عنه عصبي ..مرح ...ولا مايعرف الضحك..بيهتم فيني..
بيحبني..ولا ماعنده هالحركات..
مــــــــــــدري بنجن من كثر التفكير..
دايم يحسب اني بزر وماعرف اتصرف ...
ماينفع اعيش مع واحد مشدد وحريد ..
احس انه ثقيل وماعنده لف ولادوران ..
مدري خايفه والله خايفه..
رن هاتفها ومن تعمقها بافكارها افزعها رنين هاتفها<<<افنان
هلا
صباح الخير
صباح النور
من بيودينا؟
مدري
ماكلمتس رنو
لا
خلاص بخلي سواقي يودينا
اوك
اوك قولي لرنو انا مابعد خلصت شعري
اوك
باي
باي
يعني هذاك اللي كنت اركب معه الاسبوع اللي فات بيكون لااااااااااااااااااااااااااا
علت على صوت وحراره الاستشوار عالعالي تحس افكارها تاخرها عن اشغالها ..
--------------------
بيت ال سعود--
غرفة اريج --
اريج تتقلب على صوت مجفف عبير ..
عبير--ازعجتس
اريج --بقــــــــوه
عبير بابتسامه -- جعلني فدوه خلاص مابقى الاهالجزء خلاص
لالا بصلــــــــــــــــي ماصليت
ماصليتي ..
حسبالي مانمتي الابعد الصلاه
لالالا ياربي اووووك ياظهري
عبير قفلت الاستشوار ونزلته على التسريحه وقربت تساعدها على الجلوس --
اريج --يالله
عبير--مانمتي صح
اريج--ماجاني نوم
عبير ماحبت تعلق --الله يعين
اريج-خذو الاجازه
عبير--ايييه من زمان
اريج--اها زين
راحت تتوضا وعبير بسرعه اكملت استشوارها..
طلعت اريج وصلت ..
وعبير تصلح مكياج صباحي مشمشي خفيف ..
بعد ماسلمت سرحت بالسجاده قدامها ..تفكر بجوالها..
(اكيد لافتحته في موجود ؟؟
اكيد انه اتصل ولقاه مقفل ويمكن ارسل مسج بعد..
ياااربي متوتره بقوه ..
بفتحه اشوف --)
حاولت ماتحتاج العصا ..قامت بصعوبه وعبير الاخرى ترسم كحلتها فما انتبهت لها ولا كان جات تساعدها..
<<<<<<ضغطته من زر التشغيل من اعلاه
>>>>فتحت الاضاءه ومن التوترتمسح الشاشه باصبعها
<<<<شافت شعار نوكيا ايد الرجل البالغ تمسك ايد الطفل الصغير..
<<<<<<طلعت الابراج وخلفية الشاشه واعلن تشغيله ..
لحظات وانشطب على المؤشر اللي تحت الابراج يعلن وصول شي قادم يارساله او اتصال..
والحقيـــــــــــقه مســـــــــــج--
اطلقت تنهيده عميقه وتوترت ..<<<<<<<جاري فتح الرساله
من ساره ..اريج حنا قريبين من البيت جهزوا الاوراق
وبس انتهت اعلن صوت مســـــــــــــج اخر ..
موجود من ساره والظاهر انها يوم وصلت عند باب البيت اتصلت ..
وبســـــ..يعني ماتصل؟؟
لالا بنتظر شوي يمكن تاخرت الرساله ؟؟
وفجاه جاها صوت رنين هاتف عبير --وكان كافي ليربكها لانها كانت في حاله انتظار ملحوظ ..
عبير--ايوه محمود
اممم وديت بندر خلاص
اوك ياله ياله طالعه
تناولت عبايتها وطرحتها ونقابها --ياله باي
باي
كانت الساعه تشير الى 7ونصف ومشوار الطريق نصف ساعه على بال ماتوصل الفرع ..
--------------------
بيت ال خالد--
ريناد وهي تتناول عبايتها --سمعت صوت تيلفونها اللي كانت بتنساه في الشاحن
<<<<<<<<<<افنان
الو
هلا صباح الخير
صباح النورخلاص انا نازله اللحين بعبايتي خلتس جاهزه
من ؟بيودينا
نايف
اها اوك لان نوره تقول السواق بيودينا الظاهر ماتدري عن نايف
ريناد توترت--امممم بكلمها انا باي
<<<<<<<<نوني
نوره--الو هلا
ريناد----هلابتس
نوره--خلاص انا لابسه واننتظر السواق يجهز وبجيكم
ريناد ومن بين اسنانها--لاااااا
نوره بربكه--وشو
ريناد--نايف بيودينا
نوره--لالا اجل روحي انتي بسلامتس انا بروح بسواقي
ريناد--ترا عادي ههههههههه
نوره--لاه قلت مابي
ريناد--اممم ترا بيضيق عليتس
نوره وهي تحاول ماتركز بجملة ريناد--اقوول باي باي انا قدامكم بالجامعه
ريناد--ههههههههه باي
افنان بعد ماوصلتها مستجدات الحوار بين نوره وريناد اختارت الذهاب مع نوره فطلبت منها المرور بها ..
لان تحس مالها داعي تركب معه خصوصا اللحين ان نوره معذوره في عدم ركوبها
عطت شيخه هالاخبار وانها بتروح مع سواق ال فيصل
نوره الاخرى تحس بمزيج من المشاعر والاحاسيس..
(ويـــــــــــن يارنو اركب معه سلامات ..
مغسول وجهي بمرقه..لالا اشوى اني عرفت قبل لايوقفون عند بابنا
حتى هو وش بيقول قاطه وجهها معنا من اللحين
ولاماتستحي
اعرف تفكيره انا ..الحمدلله اني قلت لها قبل لاتحرك ..ولا كان فشله والله وعيب بعد ..)
نزلت ريناد وعرفت ان المهمه اصعب لانها بتواجه نايف لووحدها بالخبر ..اللي تتوقع انه رتب له من امس..
ريناد--يمه باي
حصه وهي بالمطبخ --مع السلامه يامي
كانت تتمنى ريناد انها تبلغ نايف وامها موجوده عشان تكون ردة فعله رسميه شوي الله يسترمنك يانايف ..والله البنيه ماتنلام ..اجل تركب معك من اللحين ويــــــــــــن..
تذكرت امس يوم لمحوا البنات اريج مع فلاح اللي كنه مالك الدنيا وهو يدف كرسيها ..
ولمحوه مره ثانيه وهو جالس يسولف معها عالكرسي وشكلها يحرجها لانها كانت توطي راسها وتبعد وجهها عن جهته ..
(شفيهم عيالنا تطوروا بقوه ههههههههههههه ولا هذا اللي كان مستخبي ..)
اقول اوص بس هذا هو جاء--
لمحته من مرايتها الصغيره بجوار الراكب --
خلاص نمشي..
ايــــــــ
شمت ريحة عطره اللي ماتمت شهر وهي كل يوم تشمها فيه ..
رفع ايده للمكان اللي بين الشماستين ..
وضغط ضغطتين ..
وطلع جيب للنظاره..
لبسها وهو يعلن خروجه من فناء المنزل ..
جــــــــــــــــاته الصدمه من كلمة ريناد --لاتمر البنات
وكعادته بجبروت نزل عيونه لطبلون السياره ورتب ورقه ابتعدت عن تجمع الاوراق اللي خصص لها هالمكان ..
نايف بلامبالاه--كلهم ؟؟
ايـــــــ
وقـــــــــــــرر يتحدى نفسه ولايبادر باي كلمه تكشف خفاياه امام ريناد ..
ومسكت معه الفرضيات الداخليه ..
(ليــــه يعني عشاني بوديها ..؟؟
طيب بيت ابوي ناصر تعبانه هي ليش تغيب؟؟
او حتى مستحيه باكلها معي ريناد؟؟
طيب ليش تغيب تروح مع ابوها ولا خاله توديها مع السواق ؟؟
الا ان كان عاد مالقت احد يوصلها مع السواق ؟؟
مهيب حاله ؟؟
لالا؟؟
هذا اللي مانحسب حسابه؟.
مايكفي يانوره..
اني ماشفتس..
واني ادري انتس تبكين يوم عرفتي اني ابيتس..
ماصارت ماصارت لعنبـــــوا حبـــــــــن يــــــــــذلــ نايـــــــــفــ..
ريناد في المقابل --
(طيب اسال ليه ..
عشان اريحك ..
يعني قول ليش ..
غريبه كلهم ..
من رافض يروح معي..
غريبه ..
كنت احسبك مهتم
اثاريك حريص علي بس.
وافديت هالزين والله ..
استودعتك ربي ياوخيي من كل شر ..الله يخليك لنا ويسعدك ويهنيك ..
والله اني ماني مصدقه انك بتتزوج النوري والله ونااااااااسه ..
احس انه منهبل بعد ماشافها ..
وهي عاد ماشاء الله تاخذ العقل ..
ونعومتها احس تجذب الرجال ..
ورزه ..
والله لايقين لبعض ..
الحمدلله انه صدق خطبها ..ولا كان ربي بيعاقبني اني خليتهم يشوفون بعض )
نايف--(لايكون تعبانه ومضايقه من سالفتنا وماتبي احد يشوفها ..ماقدر يتماسك ويقاوم اكثر..)
نايف بهدوء قرر يجستدرجها بالحكي بدون لاتحس --كان ماعنتدس شي علميني ولاتدوامين بدون محاضرات ..؟؟
ريناد تفاجات-- الا عندنا من يقول لا وبعد فل الجدول..
نايف--وهم مهم معتس في القسم
ريناد تحرك عقلها حست انه استدرجها وبربكه--الا معي
نايف--طيب ليش ماداوموا؟؟
ريناد--امم الا مداومين بس راحوا مع السواق
نايف بحزم--منهو سواقه
ريناد--سواق ال فيصل
نايف يهدي سرعته وبحزم --وليش انا مو قايل مشوارنا واحد ولايقطعون هالمسافه لحالهم وبعدين انا ماوراي شي هالوقت ..
رينادارتبكت بقووه ماتدري تعترف اولا--اممممم
نايف بحزم--اتـــــــــصلي اتصلي عليهم شوفي وينهم فيه
ريناد--طططيب
<<<<<نوني
ريناد--هلا وينكم
نوره بصوتها المبحوح وبهدوء --توني ماخذه افنان انتي وينتس؟؟
ريناد--اممم على وصول
اخترق حوارهـــــــــــم وقلب احداهن صوت نايـــــــف--وينهم فيه؟؟
ريناد--اممممم توهم مابعد دخلوا المخرج..
نوره تسارعت نبضااااااااااااته --رنو وش السالفه ؟؟
نايف--معهم خدامه ولا لحالهم
ريناد اللي عارفه الاجابه بس تاملت انها تكون غير--معكم خدامه ؟؟
نوره بربكه ورجفه--لا ومن متى احد راح معنا..
نايف يتمالك نفسه --قوليلها بننتظرهم عند مدخل الملز ..
نوره <<<<<>>>>>>>>>>ريناد اوك بننتظركم عند مدخل الملز
<<<<<<<<<نوره بتبكي من الصوت الرجولي وتفكيره ومن خوفها وقهرها --اغلقت الخط
التفتت على افنان اللي تصرخ تقول وش السالفه ؟؟
نوره وهي غاصتها العبره--مدري عنــــــــــه وش يبي هو وافكاره
افنان--وش فيه وش يقول؟؟؟؟
نوره وهي تناظر الطريق---لايوجد رد
(اللي هذا اوله ينعاف تاليه ..
مافيه شي ينحب ..
احس انه معقد ..
احاول ارتاح له واطمن ماقدر..
هذا وشلون بعيش معه..
لاوتقولي امي فيه من بابا ..
لاوالله وش جاب لجاب ..
ببكــــــــــــــي والله ماقدر ليش يعني بينزلنا من السواق ويركبنا معه ...
والله مانزل طيب واذا عصب ولا هاوش ..ياربي مهو صاحي ذا ))
----------------
هناك في سياره نايف --
نايف( بتجنني هذا والله بتجنني ماتفهم يعني باكلها لو تركب معي ..
ولا كل هذا ماتبيني ..
انا اموت اعرف هي وش تفكر فيه ..
لايكون تعاندني ..؟؟
ترا مانخلق اللي يعاند ولد خالد ...
بشوف شاخرتها ..)
نايف التفت على ريناد--متى تبدا المحاضره ؟؟
ريناد--مو اللحين بعد نص ساعه ..
نايف لمح ساعة السياره اقرب --امممم طيب اتصلي شوفي وينهم فيه اللحين ..
وبعد لحظات اخيرا لمح سيارة السواق خلفه تسير ببطئ ..
وهنا حتــــــــــى ريناد قلبها اعتلى صوت نبضاته ..
هنـــــــــــــــاك
افنان تزيد من حدة التوتر لنوره اللي مو ناقصتها ..
افنان --هو وبعدين وشيبي اللحين ..
نوره تو بتتكلم الا شافت يد نايف تطلع من شباكه مثل اللي يقول امش وراي --اوك امش وراه خل نشوف اخرتها
افنان بضحك --صراحه غريب هالانسان هههههههه
نوره مقهوره علاخر ومو قادره تضيف ولا كلمه زود--
----------------------
صارت الساعه 8 ص --
في مجلس ال خالد هناك هاتف يلح على صاحبه بالرد عليه --
عدل نومته للجهه اليمين حيث هاتفه ..
راكان --الوو
المتصل--ايوه سلام عليكوم
راكان --هلا
المتصل --انا بتاع المكيفات عاوز الطريق بتاع البيت
راكان--اوووه انت وين؟؟
المصري--لسى بالمحل
راكان--اوك تعال للقدس ونتقابل عند الدائري الشرقي ماشي
المصري--ماشي
راكان--فمان الله
المصري--الف سلامه
---البارت الواحد والاربعون ---
قام بسرعه ودخل الحمام وخذا له دوش سريع وهذا هو يشغل سيارته ..
الا ويشوف اليد وجزء من شرشف امه حصه مع الباب ..
ويستعجل بخطواته --صباح الخير وهو اللي يقبل راسها ..
حصه--صباح النور ادخل اخل افطر
راكان--لا والله يمه عجل مواعد عمال للبيت وتوهم دقوا يتنظروني
حصه--يبوي لقمه بس
راكان--والله ماشتهي جعل يكثر خيرتس
حصه--لالا اجل اصبر يبوي لاتــــــــــــروح
راكان وبابتسامه --ابشري
رجعت وهي تمد له كوب من اللي متسكر وساندوتش ملفوف بورق نشاف --سم يبوي افطر على طريقك دامك عجل الله يستر عليك
راكان--الله يهديتس يمه كلفتي على روحتس
حصه--مابه كلافه والله الساعه المباركه اللي انت عندي يابوي
راكان--جعل عمرتس طويل وتفرحين فيهم جميع فمان الله
حصه--ماتشوف شر ولامكروه
-------------------
عالساعه 8 و15 دقيقه --
بيت ال سعود..
كانت عبير توجهت للدوام ..xxاريج ..كانت مشغوله بالتفكير ولسى باقيه على جلستها على حافة السرير تقلب بهاتفها ..
قطـــع افكارها دخول امها شيخه--هلا يمه تعالي الفطور بالصاله
اريج--يالله يالله جايه
شيخه --تبين العربيه ولا العصى
اريج تناولت عصاتها اللي بجوار السرير --لابجي بعصاتي
شيخه--يالله تعالي
طلعت شيخه -- واريج تجبر نفسها على تحمل الالم والسير..
وتذكرت انها امس كل شوي تقول باكل المسكن وتنسى ..
والغريب ان الاحداث نستني انا وعبير العلاج
مرت على التسريحه وخذت كيس العلاج --وكملت خطواتها لصاله الطعام ..(مقلط العشاء)
وهذا هي جلست وبدات تاكل وامها تسولف عليها انها تنتظر السواق يرجع بعد ماودى حنون والبنات لمدارسهم ..
شيخه-- ابي اروح اخذ لتس يامي اغراض بتحتاجينها بالسفر
اريج ماحبت انها ماترد على امها فاكتفت بكلمة--ماله داعي تتعبين عمرتس عالفاضي
شيخه--وشو عالفاضي هذا تجهيز مهوب ماله داعي
اريج لازالت افكارها توديها وتجيبها ..
تذكرت انه اتصل امس مره وهي ماردت..
وبعدها قفلت هاتفها متوقعه انه بيتصل بس مااتصل
شيخه--اشربي يمه حليبتس افود لتس
-------------------
هناك في مكان موبعيد عنهم مقابل بيتهم --
راكان اللي وصل وخلفه سيارة شركه المكيفات --
فتح الباب وبدا يشوفوهم ينزلون ويرقون وكانوا 11 عامل من مختلف الجنسيات ..
وجلس اهو يبلغ المصري عن اماكن المكيفات --
وفي احدى الغرف المواجهه لبيت اريج فتح الشباك الكبير كان فعلا في نسمة هوا قبل ظهور الشمس --
(الله يا اريج متى تمر هالايام ونسافر..
كنت محتاج اي انسان يكون معي بغربتي ..
او حتى يهتم فيني ..
او حتى ينتظر رجعتي ..
بس زوجه ..
ومن
اجمل بنت شافتها عيني ..
واخترتها..
وحبيتها ..
وهي ماتدري عني ..
وكل هالاحلام تتحقق بمجرد نزلتي لديرتي ..
الحمدلله ياربي ..
والله انه اجمل حلم تحقق ..)
تذكـــــــــــر امس..
وكيف انه اتصل ومتوقع انها مانامت
ولاردت
اووو يعني بدينا حركات الحياء
وفجاه تذكر حركاتها ونظراتها المتوتره --
وااااااااااه فديت المزيونه انا ..
وياحلاة حيائتس يابنت عمي ..
لالا ماقدر اتحمل اكثر بتصل عليها ..
ولا بروح لها اكيد صاحيه .. الله لو اروح لها هههههه..
ماقدر ابي اشوفها ..
ماعطى نفسه مجال للتفكير اكثر ..
وبيديه تيلفونه <<<<<اتصل على <<<<<<<ابوي ناصر..
ضحك انه يطلع نفس الاسم لانه رديف ابوها ..
ومع كل رنه يقول ردي تكفين ابي اشوفتس ماعاد فيني اصبر ..
<<<<<<<<<<<<<<<<<<وهنـــــــــــــــــــــاك
--------------------
في بيت ال سعود --
شيخه--اروج في تيلفون يرن ؟؟
اريج وهي تناظر يمين طاوله الفطور اممممم اي تيلفوني نغمتي ؟؟من عسى موعبير ناسيه شي اوووو المدرسه الا المدرسه
شيخه وهي توقف--اجلسي اجلسي انا بجيبه ..
راحت للغرفه وبس مسكته تقفل قفل الشاشه ولا بين من كان المتصل وعلى طول <<<<المكالمات التي لم يرد عليها =1
جابت الجوال وعطته اريج--
اريج اللي ماحسبت حسابه ملامحها بهالموقف وتفاجـــــــــــــــــأت ان الرقم الرقم رقم <<<<<<<اللي امس يعني-=هو راكان
وتغيرت ملامحها بقوه امها حست ان فيه شي..
شيخه-- من؟؟؟؟؟؟؟؟؟؟؟؟؟
اممم وخذت الخبزه ورجعت تنزلها ومسكت الكاس..
من ؟؟؟ اللي متصل عليتس
اممم لامو المدرسه
شيخه حست انه هو--راكـــــــــــان
اريج توترت بس سمعت اسمه من فم امها -- ايــ
شيخه--طيب دقي عليه يمكن يبيتس ..
اريج تبي تثبت لامها ان مابينهم مكالمات--لا اصلا غريبه وش يبي متصل ؟؟
شيخه --دقي يمكن يبي يجي يفطر.. ولا تراه زوجتس يمه عادي خليه يجي ترا ذا شي من حقه.. والبيت بيت ابوه حياه باي وقت
اريج-- وانا شدخلني يفطر بالفندق اللي ماخذه
شيخه-لا توني مسكره من حصه وتقول حلفت عليه ينام عندهم من امس وممسي عندهم وترك الفندق ..
فجــــــــــــاه --صوت مسج
اريج لعب فيها التوتر والارتباك --xxشيخه--شوفي اخاف هو مرسل ؟؟
<<<اريج تدعي ربها انه مو هو <<<<<الصدمه كانت اقرب لها <<<(صباح الخير انا في البيت وابي اجي اخذ صورتس عشان اخلص الاجراءات )
شيخه اللي تاكدت من ملامح بنتها انه هو المرسل وعلى طول قالت --هـــــــــــــا وش يقول
اريج بتوتر--امممم يقول يبي الصور والصور طالعه من امس الليل بس اممم عبير بتمراليوم بالليل تاخذها منهم ..
شيخه--وين مكانهم انا بروح اجيبهم على دربي--
فجــــــــــــــــــــــــــاه واللي ماحسبت حسابه اريج صار <<<<<<<<الرقم يتصل بك
شيخه-- ردي يمه ردي
اريج بترجي -- وش اقول الله يهديتس
شيخه---عادي علميه اذا نشدتس وقولي تعال افطر
لاااااااااااه وشووو و لا منيب طالعه ترى
شيخه--ردي انتي طيب وعلميه لاحول
وبربكه وتنهيده وكتم انفاس <<<<<<ضغطت على الزر الاخضر
في المقابل المتصل ماحسب حساب انها بترد عليه --الو
هلا السلام عليكم
وعليكم الـــــــــــ
صباح الخير
صباح النوـــــــ
-----------------
عند باب الجامعه --
نايف اللي نزل نظارته فجاه والتفت لريناد --اسمعي وقت الخروج اتصلي علي وكلكم تركبون هنا معي لاتقولون ماقلت معتس مصروف؟؟
رينادعرفت ان المهمه صعبه لها--اي باي
راقبهم وهم ينزلون --ومروا من عند شباكه تمنى لو الدنيا على كيفه --
(ليه وش بتسوي لو الدنيا بكيفك..ياشيخ والله..
لامسكها
واكتفها
واحط عيوني بعيونها ..
واهزئها
اهزئها
اخليها تعرف منهو
نايف اللي كلمته تنسمع ..
لحظه لحظه متاكد انك
لامسكتها
واكتفتها ..
وحطيت عيونكم ببعض ..<<<<متاكد انك بتهزء بهاللحظه ..
اهـــــ ياخي لاتزيد علي ..
ابي اشوفها ترا والله مانيب ناقص دلع وحيا ..
وتخالف رايي ..
انا قلت لاتركب مع السواق لحالها
خلاص تنضبط وتسمع كلامي ..
جد ترفع الضغط
هي تخليني اقلب عليها )
تفاجا ان الاشاره خضراء وصوت تزمير نقل طالبات وراه صحاه من افكاره --
هــــــــا رح رح الله يسهل عليك مدري وش معجلك دامك نزلت الطالبات
------------------
بيت ال فيصل --
ساره وهي نعسانه -- روح حبيبي خلاص والله خفيت وفيني النوم والله بنام لاتقلق روح داومك
فيصل وهو يدخل بالبطانيه معها --لا اصلا فيني النوم ..بس لو تطيعيني ونروح الدكتور يعطيتس مسكن على الاقل
ساره وهي توشك على الدخول بنومتها--ماعاد يمغصني شي ابي انام بس
فيصل وهو يلعب بشعرها--نامي نامي
فيصل كان ماعنده مواعيد الصباح وساره طردت كل افكاره بخصوص الشغل --قرر يتذكر اذا كان احد يسال عنه بالدوام او محتاجين شي .
تسحب من السرير وتاكدت انها مغطاه تماما--دخل غرفة الملابس واتصل على السكرتاريه وسألهم اذا عندهم شي وااكدله انه عنده موعد عالساعه 11 ..
وقبل لايقفل منهم جاه الانتظار من فلاح وبعد ماغلق الخط --هلا ابو عايد
فلاح --صباح النور وشلونك عساك طيب
فيصل وهو يطلع للصاله --الحمد لله وينك فيه
فلاح --جاي صوبك للشركه عندك شي ؟؟
فيصل --لا انا مارحت لها اليوم وعندي موعد عالساعه11 تعال للبيت انتظرك
فلاح --جايك بس تراني مافطرت
فيصل --ابشر بسعدك
فلاح-- ههههههههههههه ماتقصر يابو سعود
نزل فيصل وبلغهم بالفطور والقهوه والشاهي--
الخدامتين مستغربين ان المدام مانزلت اليوم..
-------------
بيت ال سعود--
وبربكه وتنهيده وكتم انفاس <<<<<<ضغطت على الزر الاخضر
اريج--الو
راكان--هلا السلام عليكم
اريج--وعليكم الـــــــــــ
راكان--صباح الخير
اريج--صباح النوـــــــ
راكان--كيف الحال وشخبارتس؟
اريج--الحمدلله
راكان--وابوي وامي طيبين
اريج-- اي الحمدلله
راكان وهو يتنهد لنبراة صوتها--يستاهل الحمد
اريج--ـــــــــــ
شيخه عرفت انها احرجتها فقررت تنسحب--
راكان ماعرف شلون يفاتحها --اجل ابوي طالع من بدري ولاهو كل يوم كذا..
اريج--لا كل يوم كذا يصلي ويفطر ويروح ..
راكان--الله يستر عليه..
>>>>>>>لحظه صمـــــــــــــت<<<<<<<
راكان بهدوء--انا في البيت فيه عمال يركبون المكيفات
اريج وهي تمشي بصعوبه ايد فيها العصا وايد فيها الجوال وبحرج--اها
راكان يبيها تتكلم--ابسالتس وين غرفتنا ..؟؟
اريج--اممم
راكان حس انها توترت--اللي مقابله بعض على اليسار ولا على اليمين؟؟
اريج--أأ
سكرت باب غرفتها..
<>سمع صوت الباب راكان وحســــ بشعور غريب--
راكان وهو يتمنى يتحقق اللي بباله --طيب انا ابي اجي اخذ الصور ..
اريج --اممم مابعد جبتها هي امس طلعت الليل .. وامي تقول بتطلع تجيبها اللحين
راكان--اها اجل بعد مايخلصون العمال اجي اخذها..
اريج--اوك
لحظـــــــــــــات صمت
راكان بهدوء--اريج
اريج--اممــــــــــ
راكان يكلم واحد من العمال جاي يساله --حس انه مافي امل وهي متوتره منه--اوك توصيني شي
اريج--لا مشكور
راكان --مابينا شكر
اريج--ــــــــــــــ
راكان--اوك مابي اسمع مشكور
اريج --اوك
راكان --اممم يالله ماتشوفين شر
اريج--باي
تنهد ومشى ورى العامل وده يهاوش العامل اللي يبيه عشان يفهمه وين يحط موقع المكيف--ياجعلني فدى هالصوت والله..
----------------
الساعه9 ص--
في الجامعه--
بس وصلو دخلوا البنات عالصامت --كل وحده منهم في اختلاف بسيط عن تفكير الثانيه ..
وعلى طول شافو اشكالهم بمرايه قبال المغاسل ودخلوا ..
لازالوا عالصامت وملامحهم تاكد ان كل وحده كابته عدة جمل عاللي صار --
الكل يعرف ان افنان عودتهم على كوفي قبل اي محاضره --
شافتهم متوجهين على المكان اللي تعودوا يجلسونه بين محاضراتهم --ويــــــــــن مايمدي لازم ناخذ كوفي لان المحاضره بعد شوي
نوره بحده--طيب تكلمي مو يوم وصلنا المكان تقولين كوفي
افنان بابتسامه --لاتحطين الحره فيني تراني مثلتس محتره منه
ريناد بنفس نبرتهم --اقول لايكثر ويالله للكوفي..
نوره --لايكثر مهو انتي ماتعرفين تتصرفين معه ولا لتس كلمه تكلمي قولي ماتبي مستحيه استغفر الله
ريناد --رجاء لاتفشلونا وصار اللي صار اللحين فكري في الخروج يقول ياويل اللي ماتركب معه بالرجعه
افنان تضحك بصوت عالي
xxx
نوره وقفت وهم يمشون ووقفو xxوالتفتوا عليها
<<<نوره تغيرت ملامحها لا هّــــــــذا زودها انا برجع مع السواق واعلى مافي خيله يركبه انا رايحه المحاضره
ريناد اللي حست ان في مجموعه راقبوا المقطع الاخير لنوره--اقول افنان امشي ..
مشوا خطوات وبعدها
ريناد بقهر--خليها تروح انا اللي علي وبلغتها
افنان اللي قلبها على نوره مشت ورى ريناد--لايوجد رد
وهناك في الكافتيريا --
افنان شافت تبلد ريناد وجلوسها وتوترها وهي تراقب البنات ..
راحت طلبت هي الكوفي ومدت لريناد ونزلت كاسها قدامها
<<<<دقايق مرت على متابعتهم للي بالكافتيريا ..
افنان --افكر بالنوري ماعمرها مشت لحالها بالجامعه
ريناد بضيقه-- يعني جد افنان خليتس بمكاني
انا وش بيدي اسوي
والله هو حبوب
وماكان معصب بس انا ماتعودت اجادله
نايف عودنا على احترامه اللي حبيناه منه ..
بس في مواضيع صعب الواحد يناقشها والله حسوا فيني..
افنان --انا والله فاهمه بس النوري ماتنلام بعد ماتبي تركب معه ..
هي تستحي خلقه وجت سالفه الزواج بعد يعني هو مايقدر بعد
ريناد-- وش مايقدر رجاء انتي الثانيه . بعد يغار عليها ومبسوط انها تركب معه..
ومدري احس لو ماركبت معه يمكن ماصارت سالفه خطوبتها منه
تدرين انه ماكان يدري ان عمي فيصل عنده بنت بالجامعه ..
افنان -- ارجع واقولتس نوره معها حق ..والله قلبي عليها
ريناد --حتى انا والله اسمعي دقي عليها بس لاتقولين ريناد تدري ياله ..
----------------
بيت ال سعود--
حيث حي الورود حتى ال عايد يسكنون بنفس الحي ولكن من اوائل البيوت القديمه في الورود ..
فيصل واقف عند الباب ..
هلا والله الله حيه
فيصل وهو يدخله المجلس--الله يحييك اقلط
فلاح--البقى الله يزودك من فضله ..عسى ماشر مارحت الدوام ؟
فيصل--ابد ماعندي شي وجالس
فلاح--اها
فيصل--افطر افطر سم
فلاح----جعل يكثر خيرك تراني امزح بس زين انك صدقت هههههههههه
فيصل----عليك بالعافيه هههههههههههههه..اجل وين المعرس ماجا معك
فلاح--كلمته يقول عنده عمال بالبيت
فيصل--اممم الله يعينه استعجل اذا رجع لاحق على هالامور
فلاح--لا خله يقول اخاف اعود القى ابوي سنع كل شي من جيبه
فيصل--معليه ابوه وماعنده غيره
فلاح--الله يخليه له
فيصل--امين ..ايوه وش اخبار فهد وعياله
-----------------
بيت ال سعود --
شيخه بعبايتها مرت على غرفة اريج--ها بيجي يفطر
اريج بجديه--لا عنده عمال بالبيت بس يبي الصور لاتتاخرين يقول لاخلصوا العمال بيجي ياخذها
شيخه--وليه ماقلتي يجي يفطر
اريج بحرج--لا ليش يجي هنا
شيخه بابتسامه--لاحول واذا عادي ..
خلاص انا رايحه واذا تبين شي اتصلي اول شي بمر الصور خلي معتس جوالتس اخاف اضيع الوصف
اريج --ان شاء الله
<>سمعت صوت بابها يتسكر انــــــــــــــــسدحت تذكرت كلامه --ونغمة صوته..
اسلوبه
يوم سال عن الغرفه..
اممم كيف ماردت عليه ..
كيف مرت لحظات صمت بينهم..
احس انه رسمي اوقات ..
شخصيته غريبه ..
قطع افكارها صوت هاتفها بس الحمدلله انه نطق اسم ماما عشان يوقف توترها --
-------------------------
بيت ال سعود --
بس طلعت شيخه لمحها راكان وهي لمحت سيارته واقفه برى
هو من شباك الدور الثاني --تراجع مايبها تشوفه
ركبت السياره واتصلت على اريج
الو
هلا يمه
اسمعي ارسلي الشغاله للبيت وخليها تودي لهم براد شاهي وقهوه وماء بارد
لازم
ايــــــــــــــ
انا كلمت الشغاله وعلمتها بس انتي روحي شوفي البراد والمواعين مرتبه ولا
بتحتالين يمي
اي
باي
------------------
بيت ال خالد--
حصه تقطع قلبها على اختها من شافتها ارسلت لهم الهدايا امس مع البنات ..
وهي ماجات
واللحين تدق عليها ولاترد ..
وبعدها دقت على الشغاله اللي قالت ان مدام نوم ومافي انزل من امس وبابا فلاح في بيت
من سكرت من الخدامه وهي تدور بالبيت --
وبعدها خذت التيلفون ودقت على عبير --
هلا يمه
هلا بتس وشلونتس
الحمدلله
عسى ماقالوا شي على غيابتس
لا عادي يمه سميره اجوديه
وشلونها هي عندتس عطيني اسلم عليها
لا اذا رحت عندها خليتس تكلمينها
اممم ماكلمتس خالتس ساره اليوم
لا ليه عسى ماشر
لا بس ابي اطمن عليها
امم لا بس ان شاء الله انها بخير
والله اني مدري ادق عليها ماترد وحتى فيصل ماداوم تقول الخدامه انه ماداوم والسوري مانزلت اليوم من غرفتها
طيب طيب انا ادق عليهم وارد لتس خبر
انا دقيت ولا ردت
لاتحاتين نفداتس انا بدق عليها تدخل عليها وتعطيها التيلفون تكلمني
ردي لي خبر
طيب
باي
-----------------
في احد فروع البنوك المعروفه --
عبير استلمت تيلفون خالتها اللي كان عالصامت ولافي امل تحس فيه ساره--
وبعد تقريبا 9 محاولات باءت بالفشل قررت ان الحل ثابت البيت ..
هنـــــــــــــاك بالمجلس فيصل كل مره يحول الاتصال ويرجع يدق نفس الرقم عرف ان مافي احد يرفعه ..
والحقيقه ان الشغاله من اول اتصال وعبير طالبه منها تتركه ولاترد عليه عشان تحس فيه ساره وترد ..
وفيصل العكس يبي الخدامه تحط خبر للي يتصل ان ساره نايمه ولايبي احد يزعجها ..
بعدها رفع اهو السماعه -- وفلاح مقابله يشرب كاس الشاهي بعد ماانتهى من فطوره
فيصل--الو
لم يجف قلمي غدا يكمل ويكشف لنا اسرارهم
كل الود لكم
صبى الاوراق
|
27-09-09, 09:12 AM
جديد مواضيع قسم القصص المكتمله من وحي قلم الاعضاء
العرض العادي
