البارت بعد قليــــــــــــــــــــــــــــــــــــل

صـبــــــــــــــــــــــــى يسعدلي صباحك

مشكوره على البارت ياعمري

ممم مو قصدي اني اهمش ماسبق لكن الحين بتبدء الأحداث ,,,لان عرفنا شخصية الابطال

وبالتالي بدء الاحتكاك الفعلي بينهم وبتبدء اختلاف الاراء ووجهات النظر .

===============================

صبى بليز سكتي شيخه صارت تغثني اذا قريت اسمها قبل الحوار اكشر ملامحي,

وتصدقين اني صرت الاحظ تصرفاتي لان خايفه اذا كبرت اصير انا وخواتي مثلهم واصير

انا مثل شيخه لا لا بسم الله علي ابي اصير مثل حصه راكزه وحنونه وحكيمه

لاتلوميني بس تغث بنتها موكافي الحوسه اللي صارت بسببها

جايه ترمي الحكي مثل الطوب عليها ,,,,,

المفروض تمسك بنتها على انفراد وتقولها يابنتي ترى الموعد اتغير ومايخالف بنسوي

العزيمه على الغداء وداريه ان الموضوع صعب عليك بس تراه ولد عمك ومن لحمك ودمك

بيخاف عليك ولاتشيلين هم الغربه والعلاج قلبي معك وادعيلك ,,,,,,,

مب تجي تقول الخبر قدام الكل ولاقالته الا عشان الشنط !!!!

وتقول ضعفانه !!!!! اكيد بتضعف المسكينه من فعايلك

===========================

راكان واريج

راكان انفتحت له مغارة علي بابا بس مالقى ذهب ومرجان وياقوت لقى شي اغلى منهم

لقى لحياته معنى ,,,, تدرين اذا شخص عايش حياته وحيد ,

الوحده الموحشه والسكون القاتل شعار حياته. الايام تتشابه عنده سواء نجح او فشل لنفسه

اذا مرض عالج نفسه واذا حزن كفكف دموعه بيدينه واذا ضحك سمع صدى ضحكته

وفجأه لقى انسانه عجبته لحد الأنبهار جميله بالاخلاق والشكل والروح

ومثل مايبي وكل ماصدف فيها شي عجبه وزاد الانبهار ,,,

والاكثر صار مستانس انه له اسرة صغيره وصار له ونيس يسمعه ويحكي معه ويشكيله ويحس

فيه,يلقى ابتسامه منها كدليل رضى على تصرفه الحسن ,ويلقى نظرة خوف منها على مرضه ,

يلقى سؤال عنه لو تأخر, ويلقى صوت حركه بالبيت يكسر حاجز الصوت,

يبي يعوض حرمانه ووحدته الموحشه ,,,, يبي اذا طلع من الجامعه يقول في احد ينتظرني بالبيت

تهمه نتايجي وتهمه صحتي وتهمه ضحكتي وحزني .ونغمة جوالها دايم تتصل عليه

يبي احد يعيش عشانه,,,, يبي يحكي عن تحركاته بصيغة الجمع.ومايشري من البقاله لشخص واحد.

عشان كذا هو مايشوف انه بيلازمها بعلاجها وانه بينحرم من علاقته الزوجيه ,,,,لا لا


نظرته أسمى من كذا بكثير هو يتعامل معها كأنسان فقط



لان اريج نظرتها ان لكل زواج هدف وطبعآ تشوف انها غير كفئ انها تحقق له هالاهداف .

اولها عدم انجاب الاطفال وثانيها القيام بواجباته سواء الجسديه او اليوميه مثل ,,,

شغل البيت وغيرها . ولكن الكارثه بنظرة اريج انها تشوف انها هي عائق لراكان انه يعيش حياته

لان بيكون وقته لها بالاهتمام والعنايه وهي مو داريه ان راكان فاقد هالشعور

والمسؤوليه .


شتـــــــــــــــــــــــــــــــــــــان بين نظرة راكان ونظرة اريج للزواج .

تدرين صبى اريج مثل طلاب مادة الفيزياء ,,, مايكفي تحكين نظري لازم تنزلينهم المعمل ويشوفون

التجربه عمليآ عشان يستوعبونها ,,,بالضبببط اريج لازم تسافر معه وتعيش لوحدها معه

عشان تشوف بعيونها هو وش اهتمامته وهي وش اهتمامتها .

وصدقيني انا متأكده ان مقولة (مايموت عزمك دامني جنبك) احتياج راكان لها مثل اريج

وكل واحد فيهم بقولها لثاني (بالافعال)

================================

نايف ونوره

مثل ماقلت سابقآ رجل اعمال كل خطوه تعتمد على اللي قبلها ويشوف ان الملكة تمت

الزواج طبيعي يكون مثلها سريع وماعنده اسباب قوية تأجل زواجه .

====================================

دام قلمك ماجف انتظرك بعد شهر ونكون بأذن الله تعالى ممن اعتق الله رقابهم من النار

ومن الذين اقامو وصامو رمضان ايمانآ واحتسابآ وغفر الله لهم ماتقدم من ذنبهم وماتأخر.

=============
همسة في أذن صبى ,,,, عدم تعليقي للبارت السابق لان كنت مع اختي بالمستشفى تولد

وجيت تعبانه بس ماحبيت اقرا ومااقول استلمته
واللحين فرغت نفسي عشان اعلق عليك وعلى رواية اخرى واتفضى اصير خاله مثل حصه