كاتب الموضوع :
صبى الاوراق
المنتدى :
القصص المكتمله من وحي قلم الاعضاء
السلام عليكم ورحمة الله وبركاته..
اسعد الله جميع اوقاتكم بكل خير ..عندي احساس ملازمني من بدات الكتابه ..
مدري بس الكاتب اللي يحس بهالشي او حتى القارئ ..
وهو ان ابطالي ..يشغلوني وافكر فيهم .واحس بحياتهم.
واوقاتهم .واماكن تواجدهم ..
واوقات ياكلون ويشربون معي ..من تعلقي بهم ..
تشغلني امورهم وحتى صغائرها..
سفري مع عائلتي ..كانوا معي وكنتم معي ..
وعدنا جميعاا..
فهل احسس بي القارئ او المتابع ..
لم استطيع الابتعاد عنهم ..ولذلك فكرت قبل موعد السفر.. واللي كان باوائل الشهر الماضي ..
ان ابلغكم اني ساتوقف لسفري ..
لكن جاوروني ابطالي ..ولم استطيع ايقاف تفكيري حولهم .. ولاول مره في سفري ..
يرافق اسرتنا البسيطه ..
احباب سعدت بمرافقتهم ..انتم ..وهم ..
والحقيقه كنت انزل البارتات وانا مسافره ..معهم ومعكم ..
لاني لم استطيع الابتعاد عنهم احببتهم وتعلقت بهم ..
فكيف بمن هم تابعوني وشاركوني احداثهم ..
لاخلا ولاعدم منكم ..
كلامي كثير.. لكن احببت ان اشير لكم ماحدث من خلف تلك البارتات ..
وبخصوص البارتات ..
ابي نتقدم وهذا سبب تاخيري ..تعرفون رمضان شهر فضيل ..
واتمنى ان اختم قبله عشان مااقطع عليكم حماسكم ..
بس الله يكتب اللي فيه خير ..ويبلغنا شهره الفضيل ..
ولنا عوده بعد رمضان ..ان لم ننتهي ..
استلموا البارت ..
بسم الله..
قراءه ممتعه..
--البارت الثامن والثلاثون--
شبكة ليلاس الثقافية
تفاجات بصوت مسج تحت الخداديه ..
عرفت انه جوال عبيراللي تتوضأ ..فتحته وهي تمسح دموعها بتعب <<من المغترب ..(ارتجف قلبها كانه حاس اني اتكلم فيه)
عبير ياليت قبل لاتنامين ارسليلي عنوان مستشفى اريج وعند اي دكتوره ..
طلعت عبير وصلت واريج بين التردد ان تخبرها --
تتالم لردة فعله ومسؤوليته اللي ابتدأت من الان ..
بعد ماصلت تمددت عبير بجوارها بتعب -- وناسه بنجهز من بكره ..
والحلو ان النوري معنا ..يعني بنجهز لعروستين
قاطعتها اريج --اهم شي بكره من بعد مانصلي الظهر.. بنروح الدار
عبير وهي تتذكر-- اها ابشري الظاهر بكره ماراح نجلس بالبيت
اريج قررت تقول اللي شاغلها --اقوول خذي بس جوالتس هو مرسلتس مسج
عبير وهي تتناول جهازها--منهـــــــــــو
وهي تقرا المسج -- وافديـــــــــــــت عيونه بدا اهتمام الزوج هههههههههه
اريج وهي تغطي نفسها --اقول اخمدي بس
عبير --ههههههههه طيب تامرين امر بس برد عليه بمسج ..تبين اقوله شي
اريج --ــــــــــــــــــ
عبير وهي تحرجها زود--هـــــــــا وش اكتب
اريج غرقت باحداث اليوم ..
(اللحين انا صرت متزوجه..؟؟)
تذكرت كلامه واسلوبها معها..
(اريج باركيلي طيب..
اريج شوفيني انا هنا..
القويعيه بعيده ماطلبتي نقل..
عسى تقطعين اجزاتس وتداومين ..)
اسلوبه متفهم ..ومثقف..وواعي .. ورجال ثابت ..
كلامه موزون ..
محترمني خلاص ماعاد له تصرف ..انربط فيني غصب عنه ..ورضا بواقعه ..
اخـــــــــــ ياقلبــــــي..ماتستاهل ابشر باللي تعوضك..
قطعت افكارها عبير--ارسلت له ترى اروج مشتاقه لك اتصل عليها ..
اريج وهي تحت المفرش تبي تثبت لها انها نامت--(مو مشتاقه خايفه والله خايفه)
ربع ساعه واستسلموا للنوم..
---------------
وفي اليوم التالي وهو يوم 25-5-1430 هـ
نزلت الرواتب ولكن ليست جميع الدوائر الحكوميه ..
معناه يوم زياره مركز دار الرعايه لذوي الاحتياجات الخاصه ..
صلوا الجمعه ..ولبستها عبايتها ..وناجي ينتظرهم ..
طلعوا وقررت عبير تمر بيتهم عشان تاخذ محفظتها تقول ابي صرافتي يمكن اجهز معكم هههههههههه
وقفت السياره عند بيت ال خالد..
كانت الساعه تشير للواحده ..
قررت اريج تجري اتصالها تلبغهم كالعاده بقدومها ..عبير لاتتاخرين شووفيني بتصل ابلغهم مابي اتاخر عليهم ..
عبير وهي تسكر الباب --يالله يالله جايه بغير عبايتي واجيب المحفظه واجيتس..
اريج اتصلت على صديقتها المسؤووله هناك ..
توقفت سيارة نايف ونزل منها بندر وراكان اللي جايين من صلاة الجمعه ..
استغرب نايف وهو يطفي السياره --
اريج وهي تكلم ريم --(ياويليـــــــــــــ وش هالسياره اللي وقفت )ايوه معتس انا بخير الحمدلله
نايف وهو بالسياره--هذا ناجي ..
راكان --سواق ابوي ناصر.. ؟؟
بندر--ايــــــــــه الله الله معه معه وحده من بناته الظاهر ؟؟
نايف لراكان --ايه شكلهم اهلك ..
راكان وهو ينتفض متوجه للسياره--
اريج--شافتـــــــــــــه..وهو مقبل عليها عرفـــــــــــــته ..هـــــــو هــــــــو ..ياويليـــــ
اقبل عليها وشاف الشباك مسكر ..ارتبـــــــــــكت..xxناجي نزل يسلم عليه ويوم شافه متوجه لاريج ابتعد عن السياره..
فتح الباب--السلام انتو اهلنا
اريج لا ارادي نزلت طرحتها اكثر --وعلي..كم الس...لا
راكان بابتسامه من تحت نظارته (وهو مقبل عالسياره شاف الكرسي المتحرك مصفوط مكان الراكب بجوار ناجي)--
اشوا احسب وحده من البنات ..
اريج تبعد نظراتها عنه يبدوا له --وسيما توتره شخصيته ورزته..
راكان استغرب انتظارها --من تنتظرين عبير ؟؟
ايــــــ
اجل مانامت عندتس امس؟؟
الا بس جايه تاخذ اغراض وبروح
اها..وين بتروحون
هنا قريب
راكان حس انها ماتبي تقوله --الله يستر عليكم ..محتاجين شي ..
سلامتك
راكان لقى فرصته --عطيني رقمتس..
اريج ارتبكت وهي تمسك بجوالها تطلع الرقم --وفجاه تذكرت انه يبي رقمها مو رقم احد ثاني يعني شنو تدور بتلفيونه ماتدري ..
اممممم اي 055xxxxxxx
اها رديف ابوي ناصر xxايــــ
امممم حس انه اربكها -- قرر ينهي اخر مهمه وبعدها ينسحب (اهــ بس ليتني انا اللي اوديكم ) --
عطاها نغمه وتفاجات بصوت نغمة نوكيا --وبابتسامه -- بسم الله عليتس انا اللي متصل اوك هذا رقمي ..
وين عبير ابطت عليتس..دق عليها هو ..ياله طولتي على اريج ..
<<<<<<<<<اريج قلبها ارتجف يوم سمعت اسمها على عزف حنجره رجوليه--
اغلق الخط -- تقول جايه كانت تكوي مدري شتكوي ..
راكان--(ادري متوتره مني ..بس والله ماصدقت اني معتس اليوم بعد..ومابي اخليتس مع السواق لحالتس ..)
اريج--(ادخل وترتنيـــــــــــــ ..وصل اهتمامك )
راكان--(ماقدر انا فرحان بتاخير عبير فديتها كل شي تسويه مانساه لها..)
راكان وهو يلمح عبير نازله مع الدرج نزل راسه لداخل السياره --استودعتس ربي..
اريج بربكه --تفرك ايدينها بالجوال.(اخيــــــــــــرا)
عبير-- هلا شخبارك
راكان وهو ينزل نظارته ويغمزلعبير --هلابتس ابطيتي عليها
عبيروهي تقرب منه-- لو اني داريه انكم مع بعض تاخرت بعد هههههههههههههه
راكان بهدوء قاصد عدم سماع اريج--وين على هالظهريه
عبير--اممم بنزور الدار
دار ايش
دار للمعاقين .. هذي عادة المدام كل اخر شهر تروح لهم
راكان رق قلبه لماسمعه عنها--تطولون وش تسوون..
عبير--لا تجلس معهم وترجع انا صراحه ثاني مره اروح معها ياله اذا رجعت اكلمك باي
راكان تاثر بقوه وماعاد قدر يلتفت عالسياره حتى يودعهم بنظراته --فمان الله
----------------
في السياره--
تدرين اروج المفروض انتس تستاذنين منه خلاص ههههههه رجلتس
لاياشيخه تو ماتزوجنا امس ترى..
لاجد
خلاص بس اخرتيني ترى
تدرين وش قالي
ـــــــــــ
اقول ولا
قولي يابيخيتس
عبير--بايخه اجل مافي
اريج بقهر--احسن
عبير-- احس انتس بتفكرين وش قال صح ههههههههههههههه
ــــــــــــــــ
يقول وين بتروحون عالظهر
وش قلتيله
علمته
وش قال
سكت احسه استغرب
ليش عادي ازور اللي ربي كتب ان اكون مثلهم
عبير --ـــــــــــــ
اريج --ناجي لا مافي هذا باب باب ثاني
ايووووه
بس نزل عربيه
--------------
راكان غارق بافكاره دخل ولقى الغداء جاهز ..
انتهوا وبعد ماغسلوا ..
راكان--نايف تعرف لك احد يخلص امور جواز اهلي ..(واخيرا صار عندي اهل )
نايف --ايـــ ايــــ حتى بدون الصوره ويمشي الوضع وتركب الصوره هي ..
راكان صدق والله اجل كلمه يسنع امورنا ماعاد به وقت ..
نايف --ابشر
راكان --افكر اشتري للبيت مكيفات عشان يطيح مني شي اذا عودت القى لو شي واحد سويته
بندربابتسامه--اخاف تجي تلقاها مسروقه
نايف --تنسرق وهو قبال بيت ابوي
راكان --وش رايك
نايف --توكل على الله وغرفة النوم بعد
راكان --شسوي عمتي حالفه اني ماشتري شي
نايف--الله يكثر خيرهم ..اجل الادوات الكهربائيه كلها..
راكان --اجل تخاويني اليوم ..مابي اروح وهو خالي ولاجيت القاهم معبينه وانا هناك والخير واجد..
نايف --خلاص بعد المغرب نتقهوى ونمشي ..قيل انت عين خير..
راكان--(ويـــــــن انام وانا توني شايفها .. احسها تحس باشياء غير عن كل البشر.. تتالم وماتتكلم ..
واوقات احسها قويه ومو محتاجه احد ..محد تكلملي عنها ..بســ احس انها كذا من عرفت انها راحت تزور الدار )
قلق عليها وش بيكون الوضع هناك في كل مره تروح..
انتبه لشكل نايف وهو مومعاهم ..
راكان--نايف قم ارتاح والله مدري من اللي يبي يقيل ..
بندر وهو يبتسم --اصلا نايف متعود على نومة الظهر ..
راكان--ماعليك مني يارجال قم خذ لك نومه ..
نايف التفت على بندر --تراني كلمت المدرس موسى وبيجيك بعد العصر..خلك حاضر
بندر --ابشر
نايف --اي شي منتب جيد فيه خله يدرسك فيه لو كل المواد
بندر يعطيه نظرة ايجاب
ترخص صاحب البال المشغول ..
---------------
بس دخلوا
تركت عبير عليها عبايتها..
واريج خذتها منها المسؤووله --ريم الحجازيه
ريم بدا عليها الاستغراب --يااهلا فيكو ومرحبا مين عبير واللهي ونورت الدار
وعيونها على اريج--عسى ماشر.. حياك مكتبي تعالي الاطفال يتغدون ..
اريج وهي تشوف مفاجات شكلها بعيون ريم--هلا فيتس والله..اي اوك ..عليهم بالعافيه..
ريم وهي تغلق باب المكتب --عسى ماشر ايش صابك..
اريج --ابد قدر ومكتوب ..
ريم --لاتقولي حادث
اريج--لاوالله فجاه جاني الم بالدوام وزاد علي الى ان مره تعبت ..
ريم--ياختي بعد دوامك بعيد وبيتعبك زياده
اريج--خليها على الله اللحين خذيت اجازه
ريم--الى متى ؟؟مسيرك راجعه لتعب هالمشوار..
اريج --لا بسافر اخر هالاسبوع للعلاج وعسى الله يكتب اللي فيه خير ..
ريم--صدق واللهي عمليه يعني ولاتمارين بس
اريج --عمليه لازم مقررينها من زمان ترى..
ريم--من زمان الله يهديكي بس عشان كذا اهملتي نفسك وزاد فيكي
عبير --حتى العصى من زمان ..ولافي احد يسمع
ريم --الله يعين ابوكي ياشيخه بتجننيه مابتسمعي كلاموه
عبير بابتسامه تكلمت بالحجازي--لا ابوها ملكها وزوجها ياستي بيتكفل فيها..
ريم بصراخ--لا ياشيخه الف مبروووك الف مبرووك واللهي بتستاهلي ياقمر..
اريج--الله يبارك فيتس
ريم بفرحه--والله فرحتلك من قلبي
عبير--من طيب اصلك والله..
-------------------
اخترق حوارهم صوت الباب--ايواا اتفضلي
دخلت فتاه في مقتبل العمر --ميــــن اريج وصلتيــــ ياقمر ياهلا وسهلا ..
فايزه المساعده لبنت عمها ريم
وهم ابناء عمومه مشتركين في حب هالفئه ..
اخذوا دورات قاصدين الاجر والمهنه والاهم الهوايه..
كانت اريج تتمنى تنضم لهم قبل لايطلع تعيين القويعيه
لكن ابوها ناصر رفض..تاثرت فتره ..حتى ان ريم قالت بخلي زوجي يكلم ابوكي
رفضت عبير وفهمتها انها ماتتجرا على هالخطوه ..لان مابين البنت والاب عندنا وسطاء..
فايزه مانتبهت لنوع الكرسي اللي تحت اريج بس تفاجات انها ماوقفت لها --اشبك يابنت
عبير وريم ماقدروا يردون
اريج ابتسمت من القلب-- احبهم وصرت مقعده مثلهم..
فايزه --لاياشيخه فديت رجولكي ايش صابها مهو كانت عرجه بسيطه
عبير --قدر وكتب والحمدلله لطف فيها
ريم--باركيلها جا محروسها ..وهو اللي بيسفرها برى للعلاج..
اريج انحرجت -
عبير ضحكت على محروسها..
اريج تفكر في النزلاء اذا شافوها وتفاجاو مثلهم --ماخلصوا من الغداء
فايزه--الاخلصوا من بدري
ريم--اجل ياله
عبير اللي راحت خلف كرسي اريج--
اريج تفكر --اموله وشدون وحمودي ووو كلهم بيتفاجاون
---------------
بيت ال فيصل --
طيب الغداء بعدين روحوا السوق ..
نوره اللي مانامت من كثرتفكيرها--مااشتهيي يمه
ساره --انا قلت مافي روحه وبراحتس..
نوره بابتسامه وهي تضم امها--هههههههههه والله فقدتس تدرين خاله تتحايل فينا نتغدى وحنا نرفض ههههههههه
ساره وهي ترفع خصلاتها --تتعبونها اجل
نوره--لافديتها بس كانت تتمنى نتغدا وحنا نومنا مو معتدل
ساره--طيب ياله روحي تغدي
نوره --مع اني ماشتهي بس باغصب نفسي عشانتس..
ساره وهي تفكروبطريقها للصاله--
(ياويلي نوره صغيره وشلون بتقوم بنايف..حتى تفكيرها احس بريئه مو مثلي كنت ناضجه اكثر..يبيلي ابدا اعلمها شغلات اساسيه)
-------------
بعد مادخلت اريج كانوا الاستاذات صافينهم طابور --
عشان يسلمون بالترتيب
طبعا هم بانفسهم صارعندهم القدره على استخدام الكرسي بمهاره ..
اريج--شافت في عيونهم تساؤلات عده--
اريج التفتت على فايزه --فديتهم مستغربين شكلي ..
فايزه اي حتى الاستاذات انتبهوا --
طيب انا ابي اكلمهم كلهم --رتبوهم حولي كلهم..
صفوهم نص دائره مقابل اريج --
عبير جلست على الطرف مع الاستاذات وفايزه وريم--
اريج حمدت ربها ان الغرفه صغيره وبيكون الصوت واضح ومسموع للكل --مره ثانيه السلام عليكم
الجميع--وعليكم السلام ورحمة الله وبركاته..
الحمدلله اللي ابلغني هالشهر اني ازوركم واشوفكم..هالمره ادري تفاجاتوا اني انا مثلكم على كرسي ..
عشان نعرف ان الانسان مو دايما يجلس على حال وحده طول عمره ..
يمكن امل يمكن محمد اي واحد منهم اجي المره الثانيه اشوفه يمشي وغيروا جالس ..
انا ماسويت حادث ولا جاني شي --بس جاني الم مفاجئ وخلاني اتالم الى ماصرت ماعاد اقدر اوقف ..
محمد اللي كان يرتدي نظاره اطارها عريض لسمك عدستها والواضح انه بعمر الثامنه--ماما اريج وانتي ماروحتي الطبيب..
اريج--رحت يامحمد بس الله كتب لي اكون على كرسي ..انا بالبدايه كان المفروض اسمع كلام الطبيب ..
واستخدم العصى ويمكن رح تكون النتيجه افضل ..بس ماسمعت كلامه وصار اللي صار لاتعملو زيي وماتسمعوا كلام ..........
التفتت تبحث عن طبيبتهم واخيرا ابتسمت لها --يعني اسمعوا كلام استاذه عائشه طيب..
انتبهت لعادل اللي اصبح يرتدي سماعة اذن مؤخرا --عادل كيف السماعه مناسبه لك ..
عادل اللي يبدو جريئا --ايوه اسمع كل شي حتى اللي بالصف التاني..
اعتلت اصوات زملائه واساتذته لجملته--
جاهم صوت الحق صوت اذان صلاة العصر بمدينة الرياض--
سكتوا يسمعون الاذان كعادتهم --
وبعد الاذان --فيه حد عنده اي سؤال ..
طرحوا اسئله كثيره وردت عليهم والغالب بخصوص من متى ؟؟وايش نوع الالم ؟؟ وكيف بتدرسي البنات وانتي كذا ؟؟,,,,,,,,,,
بعد ماخلصت --حبايبي اسمعوني ..
اذا ماجيتكم بايامي المعروفه يعني نهاية كل شهر ..ادعولي لانو انا مسافره اتعالج ..
التموا عليها يودعونها --
عبير تفاجات انها تشارك بعضهم في الدموع --
اريج وهي تمسح دموع شادن --ياله ياله لاننسىـــــــــوقت الصلاه ..
وضووهم الحاضنات واساتذتهم --
واجتمعوا لاداء الصلاه--
------------------
بعد ماطلعوا وصلوا العصر مع نزلاء الدار..
كان الاصعب ان يخفي شخص ومن وسط زحمة الناس من حوله حزنه وتعبه ويبكي جهلا بمستقبله ..
لاراد لقضائه ولامعقب لحكمه ..سبحانه
عبير وللمره الثانيه تطلع منهم وتكون بعالم ثاني تتاثر كثير بحياتهم ..
اريج اللي بدات اثار الزكمه عليها-- تقطع افكار وهموم عبير اللي ابتدت منذ ظهورها بلحظات --عبير اتصلتي عالبنات..
عبير-ها لا بتصل على خواتي انتي اتصلي عالنوري
طيب --واتفقوا الوعد بالرياض غالوري ..
اريج -- اول شي لازم اشتري هدية الو وميوس حقة استاذتهم ..بتجي الاختبارات ماعطوها وانا مواعدتهم من زمان ..
عبير --ماشاء الله عليتس مانسيتي خلاص تامرين والله مانيب مصدقه اخيرا بقضي لعروس ههههههههههههههههه
اريج بحرج--اول شي لاتنسين امي ملزمه
عبير--اوك اوك بالسوق نتغدى طيب
دخلت السوق ولأول مره تدخل اريج السوق بهالحاله ونفس الشعور عبير اول مره تدخل السوق وهي تدف كرسي ..(قلبي عليتس يأروج افكر كيف بتقومين بنفستس هناك ومعه )
اريج وللاسف بحثوا عن ممر لدخول الكرسي ..
بس انفتحت لهم البوابه تفاجات بنظرات السكيورتي ..لازال الكرسي المتحرك ملفت للنظر ..؟؟
عبير قطعت خيوط الصمت--ياربي وش هالزحمه اجل بالليل شنو ..
اريج--كاني اشوف خصومات
عبير--ايـــــــ الظاهر عشان الخصومات ..
اروج--المطاعم اول
عبيربالمصري--توؤمري ياعروسه ..
رن هاتف اريج--<<<ماما الحبيبه
هلا بتس
هلا وشلونكم وينكم فيه ؟؟
بالسوق
تغديتوا ..
اللحين ..تو دخلنا المطاعم ..
اها بالعافيه تبون شي ..
سلامتس ..
اسمعيني اشتري اهم شي شنطتين كبار لتس ..طيب
اريج بدت تحس بتوتر وهي مابعد بدت --ان شاء الله..
واي شي تبين اشتريه طيب ..معتس ولا شوفي افنان بتجي ومعها بطاقتي ..
لالامعي الراتب نازل ..
اشتري ولاجاء بكره صرفنا الشيك ودخلناه بحسابتس ..
خلاص ..
سمعت صوت عبير --اي مطعم ؟؟
شيخه--يالا اجل اخليكم تغدون ..
--------------------
في بيت فيصل --
ساره تحس بتعب في جسمها --بسم الله وش هالتعب ..
تركت الريموت بس شافت البنات يدخلون عليها بعباياتهم --خلاص جاء السواق
نوره--اي ماما جاء
حنان --يالاماما ماراح تروحين ..
ساره صعب تترك نوره كذا وخصوصا ان عبيرو اريج مواعدينها تجي --اوك يالا جيبي عباتي..
لبست وهي تحس بالالام في ظهرها وتعب يجي ويختفي--
تناولت هاتفها --وطلبت فيصل ..
هلا ومرحبا
وبهدوء--هلابك ترا طلعنا كلنا السوق..
فيصل--ايـــ وشفي صوتك عسى ماشر
ساره مانتبهت ان صوتها متغيروبنفس الوقت عرفت ان عنده احد--لاماشي بس تعرف مثل كل شهر..
فيصل--امم كلكم ..ماتشوفون شر..
حنون --ماما نسينا لاناخذ هداياهم
ساره-- طيب شلون وحنا بنروح السوق .. اذا رجعنا نمر ناخذها..
نوره حبت تاكد على السواق--مافي روح بيت بابا ناصر هو ايجي سوق ..
اوك ..
--------------------
بيت ال خالد--
ريناد طالعه بتركب مع السواق --
انتبه لها راكان اللي ماتعود ياخذ نومه العصر اوحتى غفوه امثال نايف--
من ريناد
ريناد انحرجت--ايــــــ
وين
للسوق
لحالتس
اي عادي
لا ياشيخه انا اوديتس..
لالا مابي اكلف عليك
لا مابه كلافه ولاتروحين لحالتس مع السواق
محمود --خلاص انا بوديها..
نزل محمود بعد ماقفل السياره..
ركب راكان وركبت ريناد بحرج واضح xxراكان خذا شماغه وعقاله وجلس يرسم بشباك السياره ..
ريناد من الحرج تفرك اصابعها ببعض --ياربي شلون اقوله يمر بيت ابوي ناصر ..
قررت تبري ذمتها--
اتصلت وبلغتها وحمدت ربها افنان انها مع ميس والو ولمى وحاليا هم في السياره ..
لاني مافي امل اركب مع رجل اختي قبل اختي هههههههههههه
ريناد توترت--طيب انقلعي ..
ركب راكان --وعدل التكيف عليها وربط الحزام --وحرك
وبعد دقيقتين بالضبط --وين اي سوق
اممم الرياض غالوري
هذا وينه فيه ؟؟
تدلين
اي اي ادل
وقام يسولف عليها كم له عن الرياض ووش صار له امس يوم جاء يروح للاستراحه..
-----------------
جلسوا واريج اللي فقدت شهيتها منذ فتره تعبها ..
هي نفسها تعلم ان الوقت يمر بدون اكل ..وبدون لاتحس بجوع..
انتبهت لها عبير--اكلي شفيتس انتي ماتحسين بالجوع منتي صاحيه..
اريج --واذا قلتلتس اني ماعاد لي نفس ولااجوع ..
عبير--(الله يشفيتس--)فتره وتعدي ان شاء الله اكلي اكلي عشاني..
اريج مدت لفمها اصبع بطاطس مقلي ..وفجاه رن جوالها ..وسمعته يقول افنان ..
نزلت البطاطسه--شكلهم جاو
<<<الووو وينكم جيتوا ..
الوو هلاايـــ .. تخيلي ريناد جاتكم مع من ؟؟
اريج اللي على طول عرفت-- ـــــــــــــ
مع راكان ههههههههه
طيب واذا ؟؟
بس اقولتس
المهم وينكم
قربنا
تغديتوا
ايــــــــــ من زمان..
اها خلاص اذ جيتو حنا بالمطاعم ..
اوك
باي
--------------
عبير وهي تاكل--وشفيتس
اريج بتوتر--راكان هو اللي جايب رنو..
عبير باستغراب--والله ههههههههههههههه
عبير--ياحبيله غريبه بدق عليها..
اريج باستنكار--لالاتتصلين ..
عبير--ليــــــه
اريج--اخاف يقول قالولها ..
عبير--عليتس تفكير
اريج--معليه المهم لاتتصلين
عبير--طيب اكلي انتي
اريج--مابي ماشتهي
عبير--ترا بقول لخاله ..
اريج عصبت وبدا عليها التوتر --مابي والله انسدت نفسي
عبيربقهر--استغفر الله واذا جابها يعني عادي ..قصدتس بيدخل
اريج بضيق--لو تصير بنجن ناقصته يلحقني هنا..
عبير بابتسامه--مهوب داخل ماظن ..ههههههههههه وواذا وش كل هالضيقه ..
-----------------
هذا ناجي وصل للمره الثانيه..
نزلوا البنات وتوجهوا للمطاعم..
عرفوهم وماحبوا يتشفقون اكثر عالعروض اللي مروا عليها وهم داخلين ..
افنان --انا امي تقول اشتري اي شي يعجبكم لها ..والان تبدا المهمه ..
اريج --لا انا ببدا بهدية ميس والو للاستاذه..
ميس والو---وااوههههههههههه اي اي ياله ياله
اريج اللي حز في خاطرها انهم صاروا متشفقين اكثر..
افنان --ياله عبور ..
عبير--بخلص اكل واغسل واجيكم ..
افنان --اوك
خذوا اريج وطلعوا..
عبير اللي بس شافتهم طلعوا اتصلت على راكان ..
هلااا
هلا بتس جايين صوبكم ..
عبير--اي بتدخل ابيك خل ريناد تجيبك لي بالجلسات اللي تبع المقهى ..
راكان--اوك واخيرا استوعبتي ان لازم نتكلم ..
عبير--ههههههههه طيب تعال
--------------------
دخلوا المحلات وهذا هم يلفون واحتاروا باشياء ..
اريج -- شوي وعبير تجي واخيرها بين اللي شفنا..
افنان --ال فيصل جاو بروح اجيبهم..
اريج بننتظر هنا ..
لمى لا بندخل هالمحل ..
اريج --تحس مالها نفس حتى تركز او تتفرج للبضاعه وتراقب الناس والاطفال مع الخادمات !!
وكيف يهتمون فيهم وكانهم مسؤولين عنهم ..
الى الان مايدري اني مقدر اجيب اطفال الا بعدـــــــــــ
تعبانه كثير اشياء مايعرفها..
والله ماهي حاله ..
قطع افكارها صوت حنان وافنان ..
سلموا عليها ..وبدوا يتفرجون على الملابس ..
ساره-- كم مقاستس بالبناطيل ..
اريج--عادي اي شي
ساره--وش اي شي
اريج--ايه مديم
ساره--اها يعني 38
اريج تغصها العبره وهي تشوفهم ..فديتهم حتى خواتي الصغار يجهزون لي ..
اقتربت نوره لها ..شرايتس حلوه هالتنوره ..
اريج --ايـــ احلى حشوتها ..
نوره بحماس باخذ لتس مثلها ..
لالا مابي
اقووول ..وين عبير تسنعتس ههههههه
اريج اللي انتبهت لاخواتها كل وحده شايله كوم بايدينها ..(والله ببكي فديتكم والله)
---------------
في المواقف --
دخل راكان بعد مالمحته ريناد يتعطر بالسياره (كل هذا انتكه ولا عشان العروسه جوا خخخخخخخخخ)
بس انفتحت البوابه تعلن دخولهما ..
دخل وبدى..لي الطول الشاسع بينه وبين ريناد..
فكيف بنوره ونايف ..الفرق واضح ..
دخل وهو يتبع خطوات رنو المنحرجه منه ..سمعها تقول وينتس ..
اوك شفتس ..
اقبل عليها ..
وقالت خل نجلس جوا هالعاج عشان ناخذ راحتنا ..
استاذنت ريناد بتروح للبنات ..
التفت راكان مابغيتي يالدوبه ..
عبير--هههههههههه انت تدري اني معها طول اليوم وحتى النوم بجنبها.. xx راكان --(يلوموني بحبتس ..يابختس بس)
راكان --ايوه وش اخبارها ووش سالفة الدار حقة المعاقين ..
عبير --عادي عادي هي تروح لهم يمكن من ثاني جامعه ياخي في ناس تعرفهم هي وهم كانوا مواليد وكبروا قدام عينها ..
راكان باستغراب--طيب انتي وين قايمه..؟؟
عبير--بطلب قهوه ..
راكان--لاياشيخه وانا ضيفتس اللحين يعني ..اجلسي الله يصلحتس بس
قام وطلب له ساده مره ..وهي العكس..
ورجع لها ومد لها كاسها ..
راكان --ايوه ويعني ترتاح اذا زارتهم ..
عبير--ايــــــ..عادي بس اليوم والله كان صعب تعرف اول مره يشوفونها بكرسي واسالوها واللي بكى صراحه تاثرنا اليوم ..
راكان--وهي تضايقت ..
عبير--لا.. شوي .بس تعرف هذي مرتك تكابر.. لو تتالم ..ماتتكلم ..الله يعينك عليها ..
راكان--طيب يوم عرفتني ..كيف اقتنعت يعني قولي وش قالت عني امس ..
عبيرماتبي تضايقه--لالا عادي جدا مرتاحه لك كثير الله يسعدكم ..بس اذا انا ماراح اسافر معها ..
من يقوم فيها اقنعناها بخدامه تقوم فيها ورفضت ..
راكان بعصبيه--وشهووو وانا وين رحت اخدمها بعيوني ..
عبير--فديتك والله ماتقصر بسس
راكان بحزم--بلا..بس. لاتنرفزيني ..عبير انتي ترضين خادمه تقوم فيتس ياختي حتى العجايز هنا
وبرى ياله يرضون احد يخدمهم ..وهي فتره وبتتعافى باذن الله ..
عبير--لا جد خلنا واقعيين شوي اريج ماهي مثل اول ..راكان اريج مره تعبانه عالعصى وياله تتحمل وماتقدر توقف ربع ساعه
ووو(ودها تقول حتى حمامها صعب تاخذه الابعد ماحد يجهز لها ..وووو)
راكان بحزم--عبير انا حاس لازم نحتك ببعض كثير احس اريج تجهلني تماما وتجهل .....ماحب يكمل جملته..
المهم سفرتنا لوحدنا بتقربنا لبعض ..انا ابي اعرف ليش تغطت وليش كانت تبكي اشياء كثيره حيرتني بهالبنيه..
عبير بابتسامه--تعرف تستحي
راكان --لا هي من بعد المكالمه اللي سمعتها شكت ان عمتي وابوي جابريني اتزوجها صح
عبير وهي مااتناظره --تقريبا ..
راكان وهو لا ارادي --ضرب بايده على الطاوله بقوه اهتز فيها كوبين القهوه ..
هــــــــذا اللي حط بينا حواجز انا قايل احد عندتس وتقولين لا وفجاه تسمعنا..
عبير توترت --والله انها كانت نايمه ونومها صاير اصلا خفيف
وانا بعيده فديتها من الصدمه تحركت صوبي ..xx(اخــ بس يالقهر هالموقف بنى حواجز بينا )
وبعدين هي تستحي منك ..توها اعذرها ..
راكان --الله يعين ..وينها ؟؟
عبير بهدوء --مع البنات ..
راكان بهدوء قتل ..عبير حست انها اذنبت بدون سبب .. --خلاص اجل استاذن اخليكم تقضون براحتكم وانا وراي مشوار للمستشفى قبل لاروح مع نايف ..
على راحتك
ياله اوصلتس لهم ..
عبير تذكرت ان اروج ماتبي تشوفه--لاعادي بتصل عليهم ..
مسح فمه بالكلينكس --ياله تعالي بس
عبير طلعت بابتسامه لاسلوبه اللي بدت تفهمه..اوك
راكان انتبه انها تبي تتصل عليهم --وش تسوين انا بوديتس
هههههههههههه طيب بسالهم وينهم هههههههههه وشفيك عجل ..
توتر لانها كشفت احساسه ..
الو هلا رنو وينكم ؟؟
اممم في دبنهامز ..
اوك
تعال هنا هم ..
دخلوا المحل الكبير المتنوع ببضاعته مابين العطور والملابس والاكسسوار ..
تقدمت عبير تبحث عنهم ..قاصده تحقيق مراده في ان يراها ..
انتبهت لخالتها ساره اللي واقفه عند كرسي اريج ..
رجعت للخلف حيث ربكته لكثرة النساء بالمحل ..هلا لقيتيهم ..
ايــــــــ ..واشرت بايدها ..شفتهم هناك
من معها ؟؟
خاله ساره
اها تعال تعال ماعليك
لالا خلاص انا قصديــ اوصلــــــــــ
اقوول لحظه بجيبها والله ان تنتظر ..
اعاد فرد شماغه ورتب ترسيمته ..
-------------
اقبلت عليهم
السلام
هلاخاله وغمزت لها ..
ساره مافهمت شي وحتى السلام الغمزه اربكتها ..ولمحت الطويل على بعد منهم ..
وبعد ماشافت الكرسي متوجه للخلف عرفت ان عبير بتوديها له--(والله منتب سهل يالخارجي ههههههههه)
اريج كانت تتكلم وعبير ماردت ولا باي حرف --وفجاه انقطعت الاحبال الصوتيه لليوم الثاني عالتوالي..
اقبل الكرسي --وشافت نظرته الرجوليه الحاده ..وذوقه وترتيبه وهيبته ..(عصبت وازداد توترها .. لكنت اللعنات لعبير)
راكان بنظره مميزه وهو مانزل لها --السلام ازعاج صح..حتى بالسوق..(والله لاتلوميني صرت احس اني ناقص بدونتس..وفجاه القى نفسي ابحث عنتس..)
عبير بفرح--انا اخليكم (والله سامحيني ياروج والله ابي تفهمون بعض )xx(اريج ريح ريح تعاليــــــــــــــ وين سلامات تخليني معه ..ببكيــــــــ)
راكان راح ورى الكرسي..وصار يدفه شوي شوي ..
وبس طلع من المحل المزحوم نزل راسه لاذنها-- ابي اقعد معتس شوي ممكن ؟؟
اريج(بعد ايشـــــــــ عقب ماخذيتني منهم )وبتوتر--اوك
راكان ابتسم من اعماقه --دف الكرسي مكان ماكان هو وعبير ..بس الواجهه تختلف وكان الموقع اخر الغرف العاجيه المسكره ..
دخلها --
راكان --وش تشربين ..
مابي والله
لا لازم اول مره اعزمتس
اي شي
اوك قهوه ولابارد
مابي
لاحوول لازم احلف يعني ..
اي شي
راكان عرف انهامنحرجه وكل الحالتين باهالوضعيه اهو طلب وبس ولا عارف انها ماراح تشربه --اوك على ذوقي
اختفى اطلقت تنهيده جنونيه --رجعت فكت نقابها وربطته مره ثانيه ..
مامرت اقل من دقيقتين الا واهو راجع ..وهذا البارد
سمي
ماقدرت تمد ايدها --واكتفت بانها تتابع يده وهو يحطه قدامها ..
راكان يبي يضبط توتره--والله تفاجات الرياض تغيرت .. حتى امس مادليت استراحه ال خالد..
اريج ترفع عيونها لجانب وجهه يعني نظرها عالعاج اللي خلفه --وتعاود النظر لاطرافها..
راكان انتبه لها وهي تمسك يديها ووضح عليها التوتر -- اللحين ليش متوتره اريج خلتس عادي ..(انتبه لرجفتها)بجيب لتس شي حار دقيقه ..
اريج --ياويليــــــــــــــــــــ بنجن والله ..
دخل ومعه كابتشينو وبحماس --سمي ..اشربي وبعدين اكشفي ماحد يشوفتس
اريج توترت لقربه منها --
راكان يبي يثبت ان وجوده مايدعي الغطاء او الحرج --اريج تسمعيني ..شيلي الغطاء والله مافي الا انا
اريج --لا انا كذا مرتاحه
راكان--واذا قلتلتس انا مو مرتاح (اوه قويه ياراكان احرجتها)
اريج وهي تشوفه ينتظرها(ببكيــــيــ)--خلن.ي على راح.ت.ي
راكان وهو يستسلم لصوتها وعيونها --ــــــــــــ (ابي اشوفتس ..والله مشتاق ..)
اريج تحس بنبضات قلبها السريعه(والله بيوقف قلبي احس بمووت )
راكان وهو يستوعب احراجه لها--اممم اي اول مره اعرف انتس تروحين للدار ..يعني وش تسوون هناك..
انتبه انها تعدل طرحتها على نقابها وبصوت متوتر--اممم تعودت حبيتهم ..xx(والله انا اللي احبـــــــــــــــــــــــــــتس يابنت عمي)
راكان --ولتس الاجر ان شاء الله ..
وبعد لحظات متابعه لها--
تكلمي وش خاطرتس فيه ابي تتكلمين .. اطلبي امري..
تفاجأ بردها اللي ماتوقع انه يطلع منها ..له شخصيا..
لم يجف قلمي غدا يكمل ويكشف لنا اسرارهم
كل الود مني لكم
صبى الاوراق
همسه--حبايبي فضلا لا امرا .. اذا استلمتوا البارت عطوني خبر ..
|
14-08-09, 11:11 AM
جديد مواضيع قسم القصص المكتمله من وحي قلم الاعضاء
العرض العادي
