كاتب الموضوع :
صبى الاوراق
المنتدى :
القصص المكتمله من وحي قلم الاعضاء
السلام عليكم ورحمة الله وبركاته ..
اسعد الله جميع اوقاتكم بكل خير..ماخذت براي واحد على موعد البارت اتمنى من الجميع التماس العذر لي ..
البارت بينزل عن بارتين لرغبة احد القراء ..
اما بخصوص الوقت فمجهود الكتابه يعتمد على الوقت والتركيز ..
وارى ان كل يومان بارت اكثر من 30 ك.ب
اتمنى ان يكون موفق ومقنع بالنسبه لكم ..
فاستلموهــــ--
مالذي حدث في بيت ال سعود حيث ملكة الشباب ..
وعودة الاسفار..
قراءه ممتعه
بسم الله..
----البارت السابع والثلاثون ----
هناك شيخه لم تعثر على مجال لابلاغ ناصر رفض اريج بالخروج ..
سال عنها ابلغته انها بغرفتها فذهب للاطمئنان ..
في الغرفه..
اريج تبتعد عن السرير لتتمسك بالاريكه ومن ثم التسريحه ومنها تقف عندها لألمام شعرها المبعثر ..وتهدية ملامحها الحزينه ..
عبير تجلس على الكمبيوتر وتتصفح بفكر مشغول
ساره اعلنت خروجها للجلوس بجوار ابنتها المتوتره ..
دخل ناصر -- ياولــد
عبير انتفضت-- هلا يابوي
اريج تمسكت بالتسريحه بقوه ..هــــ.لا
ماشاء الله تبارك الله استعجلي وانا ابوتس ..عبير عاونيها خل تخلص نفدا عماركم xxxرن هاتف ناصر --هلا يابوي جا الرجال وابوماجد جاي جايكم اغلق الباب خلفه
وعلى طول للخارج حيث الرجال--
عبير ركزت نظراتها على اريجxxاريج غمضت عيونها من الصدمه ونزلت راسها--يــــــــــارب وش هالحاله
انهارت لتجلسها عبير على كرسي التسريحه وبعد لحظات --عبيرعطيني منشفه ..
--------------------
الشيخ بدا بالاكبر --ومابين راكان ونايف الا اشهر فالمقصود هنا الاكبر لفيصل او ناصر ..
ولذلك كتب عقد راكان مع ابوسعود اول وشهد فلاح وابوماجد وفيصل ..
ومن ثم نايف وعمه فيصل ..
وكلاهما سألا عن المبلغ فاشار ابيهم ناصــــــر لهما بنظرة جديه --المهر طال عمرك ريال واحد ..
وعطاهم محاضره باعجاب عن غلاء المهور والاسراف ..(مادرى عن الخافي ..)
وانتم خير قدوه ودعى وبارك لهم..
وسال الله ان يكتب لهم الخير ويرزقهم من حيث لايحتسبوا ..
قدم العشاء بعد فنجانين قهوه ..وحضر الجميع الوليمه المقامه بهذه المناسبه ..
بعد العشاء تقدم راكان وكل منهما القى يمين على الاخر --بخصوص اخذ الشيك فجائته الجمله بصدمـــــــــــــه--
خلاص انت ادخل لها اللحين وشفها وعطها اللي ودك تعطيها والله يوفقكم اما انا لو علي مابي ولا ريال منك والحلال واجد..
فيصل الاخر انحرج من نايف لكن نايف رمى يمينه قبل --فاضطر فيصل اخذ الشيك..
---------------------
في غرفة اريج--
انجزت حمامها بصعوبه --بعد ان جهزت لها عبير --مقعد خاص-- تحت الشور وقربت لها الاشياء اللي بتستخدمها..
كانت متعبه ومستنزفه من كل النواحي ..لكن تحسس الكل بتعبها ورفضها او رضوخها للامر الواقع .
يعلم الكل ويفهمون اللي يفهمون
الا ابـــــــوي مابي يحس زود على همه ومثل فرحته اليوم ماشفت ..
ماأستخرت .. بس الله كتب يصير اللي صار..
والله يستر من الجاي ..
مرت10 دقايق ..لتذهب عبير بجوار الباب-- اروج خلصتي ..
لايوجد رد ..
والحقيقه الدموع تخالط الماء المنسكب من صنبور الماء الغزير ..
لم تبتعد عبير ..ولكن وقفت ..ومن الانتظار اصبحت تدور حول نفسها --اروج ها ..
سمعت مافي صوت مويهxx واخيرا جاها صوت مبحوح --ادخليــــ..
دخلت تفاجـــــــــــــــــــــــــــــــــــــــأت..
وجه حزيــــــــــــــن..
عيونها الجميله البريئه ..
قد تجمعت رموش عيناها حول بعضهم ..لتجعل كل طرف يلتم مع من هو بجواره ..
انفها المرسوم الجميل .. قد بدا اللون الاحمر يكسبه لونا بدل لونه..
وجهها بدا لي امتلئ شحوبا..من كثر البكاء..
عبير بصدمه--دخلت لتساعدها في الخروج ..
طلعت شافت عبير مجهزه الاستشوار ولمحت علب مكياج قد جهزت ..
عبير جلستها وبدت تساعدها في التجهيز --
استشورت شعرها ..ورفضت اريج تضع اي لون شدو او حتى كحل سايل ..لان عيونها ماتساعد متنفخه ومحمره وش بتصير على التصليح ..
واكتفت بوضع لون الزهر على شفتيها المتورمتين من كثر البكاء..
عشان كذا ماخذا وقت الا الاستشوار --
انتهت اختارت لهاعبير تنوره جنز ..وبلوزه زهر موديل الفراشه.
و هاهي انتهت ..ولكن لم تستعد نفسيا..
اريج بعد صمت عذب عبير لساعتين --عبير وين ابوي..
عبير بهدوء--اكيد عند الرجال .
اريج بقلق--تتوقعين بيدخل علي عنده
اممم مدري
اريج بترجي--لا تكفين روحي قولي لامي ..
وبصوت تخنقه العبره--والله لو اشوفه ببكيـــــــــــــ
عبير بعد ان جلست على الكرسي بجوارها --اوك اوك بروح اقولها..
اريج وهي تمسح دمعه نزلت على وجنتيها--اي تكفينــــــــــــ..
---------------
رجعت لها بسرعه --
وانا اكلم امي شيخه اعلمها ..جا ابوي ناصر ..وقال..<<<<<<<<<<<<سمعت صوت امها شيخه..
ياله يامي خلصتي --بسم الله عليتس باسمه يحرستس ..
ياله عبور تودينها ولا انا اوديها--
عبير--لا يامي انا بوديها..
شيخه--وماعليتس الا العافيه --ماحد بداخل عليكم ..
اريج قمه توترها ابتدات --
دخلتها الملحق المؤدي لمجلس الرجال-- وفجاه وقفت العربيه تعلن ان شيء استوقفها ..
انتهبت عبير وشفيتس ههههههههه بسم الله عليتس ..
اريج بصوت هادىء لانها تعلم انها اقتربت من المجلس -- جيبيـــــــــ لي طرحه ..بسرعــــــــه
عبير تحاول تخفي ابتسامتها-- تكفين اروج والله عادي رجلتس ..
اريج ومن بين اسنانها وبين عبراتها اللي تعبر عن ان مابداخلها كثير --عبير رجاء (ن)ماني ناقصه
عبير --اوك اوك
من التوتر مع انها ماتسمع صوت احد في المجلس ..
بس خوفهـــــــــا..
وحرجهــــا..
وقلقهــــــــا..
وربكتهــــــــا..
خلتها ترجع بايديها للعجلات الى الخلف ..
تحس انه بيطل يشوفها ..او او مدري بس احس اني قريبه منه ..
لحظات وعبير جابت اقرب طرحه من علاقة العبايات ..
هاتس
اممم لفتها على راسها .. بتوتر بشكل سريع ..
عبير مصدومه وبصوت واطي تخاف انه يسمعهم -- ليـــــــــــــــه
لايوجد رد
انتبهت انها بكت بعد كلمتها --
ياربيــــــــــــــــ منتس ..لاتخربين شكلتس تكفين .. وهي تعلم انها لم تضع شيئا تخاف من استنزافه..
لكن ربما كانت تقصد اظلاله الحزن وتجنب لزيادة الاحمرار لعيناها..
حاولت تهدأ..xxxبسم الله عليتس والله انه حليو فديته طيوب هههههههههه اهدي تكفين عيونتس حمرت زياده وووخشمتس احمر ..
اريج توترت لابرازها عيوبها حاليا وبهالوقت ..لافائده الان لايوجد حل ..الاـــــــــــــــــ حل واحد وبحزم ..ياله
عبير شافت حزمها ..فخافت كيف تقابله وهي حازمه كذا--
وبسرعه وبدون تردد وقبل ان لايعلن طارئ اخر لوقوف الدخله سارعت باللجوء الى المجلس ..
حيث راكان اللي حس ببوادر اشياء ضايقته وهذه الاشياء رهينة انتظاره--
حينما بقي اقل من الخطوه بالقدم وليس بالكرسي المتحرك -- كانت المفاجـــــــــــــــــــــــــأه لعبير.. ان اريج رمت (الطرحه ) غطاها على وجهها ..
----------------------
في الخيمه--
تعشوا وراحوا ومابقى الا نايف وفيصل وبندر وفلاح وراكان اللي اعلن دخوله مع ابيه ناصر من ساعه ..
فيصل التفت على فلاح --يالله نمشي للاستراحه..
نايف(يعني ماتبي تشوفني ..والله هو ماعنده علم ..)--التفت فلاح على نايف ..ها يابو خالد نمشي ..
نايف برجوله (الظاهر مالك فيها نصيب)--مشينا..
التفت على اخوه بندر --تخاوينا ..
بندر وهو يعاود فرد شماغه--الله الله..
فيصل --اجل بشوف ناصر بيخاوينا ..
دخل البيت بعد ماتنحنح..وين ناصر..
هناك الجميع توتر على نوره اللي ماستعدت متوقعين ان فيصل داخل يطلبها ..
قلب صغير يرجف بشكل سريع ..
خائف .
مضطرب.
سوف يخرج من بين اضلاعها..
عبير-- على طول وبخاطرها(من يوم عارفه وجالسه كان قمتي تتصلحين لو شوي ..)
ساره الاخرى رغم ان عارفها ان مافي شوفه بس من سمعت صوته(ياويلي على بنيتي ماستعدت)
فيصل--وين ناصر؟؟
ساره--ها مدري ناوي يدخل على اروج يطمن عليها..
فيصل وهو يطلع هاتفه من جيبه--<<<<<<<<<ابوسعود
عاود النظر لها وهو ممسك هاتفه بالقرب من اذنه..فيتس شي متغير ..
ساره بحرج وهدوء--ايـه الصبغه فتحت من كثر الغسل..
فيصل دخل اصابعه في مقدمة شعرها حيث قصتها المدرجه وسحبهاله قاصدا مداعبتها واشتياقه لهاxxxاهـــــــــاهــــــ ههههههههههه
وبابتسامه تقتلها الجديه--الوو
هلابك وينك فيه ..
قريب جاي جاي
حنا بنروح الاستراحه تروح معنا..
لالا انا من الصبح وانا صاحي من البنك لابومحمد للشركه ماتشوفون شر وترا ماعاد الا خير ..قدها 11..
ماتشوف شر
ولا اياك
متى بتروحون البيت ؟؟
ساره--اممم بعد ساعتين او مدري ..
اها اجل خلو السواق يوديكم انا بجيكم من الاستراحه هناك ..
خلاص
---------------
في مجلس الرجال--
حينما بقي اقل من الخطوه بالقدم وليس بالكرسي المتحرك -- كانت المفاجـــــــــــــــــــــــــأه لعبير.. ان اريج رمت (الطرحه ) غطاها على وجهها ..
لتتفاجأ هي وراكان اللي طال صبره ..بذلك المشهد--
عبير اختفت ابتسامتهاوفرحتها من قلبهالاختها واخوها.. اللي كانت مجهزتها لراكان--
عبير وهي تفاجأه--السلام عليكم ..
راكان وهو يقف بهدوء منتبه لدخولهما والحقيقه انه تفاجـأ بمبدا ان الملكه والخطبه والزواج معا.. يتسوجب غطاء للعروس..
لا اعلم مالذي يحدث ؟؟ لم اطلب لقائها ..وماهو سر اللقاء والغطاء ..؟؟
عبير --الف مبروك
راكان برجوله وبهدوء -- يستقبل الكرسي المتحرك ..الله يبارك بعمرتس ..شافها تتناول براد القهوه --
فقرر الاضافه لانه يجهل مالمطلوب منه بحضور عبير او انفراده باأريج ..عقبالتس ..
الحقيقه ان راكان لم يكن على طبيعته ..بل اخترقه التوتر وشعور غريب لأول مره يشعر به ..
عبير وهي تمد فنجان القهوه -- سم ..
قرر اخذه منها لعله يخترق الصمت في كل مره --لاهنتي ..
راكان--(مدري وش المطلوب مني والله .. ليش هالغطــــــــاء)
xxxxxxxxxxxxxx
اريج(عبير تقول ان شكلي غلط وجهي وعيوني حمر ومحزنه وحالتي حاله واصلا اهم شي عرفت اني ماقدرت استقبلك وانا واقفه)
عبير تخترق افكارهما وبهدوء --اروج تبين فنجان ؟؟
اريج حاولت تنطق ماقدرت تشك ان احبالها الصوتيه انقطعت هي الاخرى تفاجات بنفسها --ارتفع كفها الايمن يعلن الرفض ..
راكان انتبه لحركتها لانه كان ينتظر صوتهاxxعبير بحالة رعب صراحه من حال الاثنان ..(راكان ماكلمها من دخلنا ..
وهي مدري وش جاها ..
استخفت هي وهالغطاء ..
انا بطلع وعسى ربي يزينها معهم)
عبير وهي تعلن لهم --انا استائذن..
راكان برجوله--اذنك معك ..
مرت لحظتان بالضبط ..نزل فنجانه --عالبركه..
لايوجد رد..
شاف هيئتها اللي تبعد عنه قرابه الخطوتان ..كان الواضح انها ترفع راسها للامام وهو اللي بجوارها علم انها خجلانه واعتقد لا بل ارتفعت نسبة ظنونه انها لاتراه ..
انتبه ليديها الشفافتين البيضاء ..وباظافرها المقصصه بطريقه نظيفه وجميله ومرتبه..
كانت تعلن هيبتها رغم جلوسها على المقعد المتحرك ..
ارتسمت على شفتيه ابتسامه خفيفه--ماتبيني اباركلتس طيب انا ابي تباركيلي ..
--------------------
في الصاله --
نوره --وصلها الخبر ان ماعاد في رجال بالبيت يعني هو راح وماطلب يشوفها مثل راكان
(مال (ن)من وجهي وش يبي يشوف ..حتى لو يبي وهذا اخر ماتوقعه ..ماظن بيطلب يموت ولايبين شي لاهله. اخر همه المره..
طيب يعني لو طلب بتطلعين مو تقولين مابي اطلع ..لا مابي اطلع ..بس هي ملكه المفروض يطلب وانا ؟؟؟بكيفه فكه منه الحريد..)
في المقابل قطع افكارها صوت ابيها ناصر اللي نازل من الدرج--
شيخه كانت قد نهته ان مايدخل عليهم لانهم اكيد بيستحون منه ولم تبلغها ان اريج قالت ابوي لايدخل ...تكفون ..
توجه لشيخه--انا بدخل اشوف وش الامور ؟؟
شيخه--لانفداك هي بتستحي منك ..
ناصر برجوله--تستحي من ابوها ..وهو يدير ظهره متوجها للملحق المؤدي للقسم الرجال ..
شيخه تسارع بخطواتها له --ناصر لاتدخل تراها ناشدتني تقول هو بيدخل ولا ..
ماتبي مستحيتن مني ..
ناصر وهو تتغير ملامحها للضيق بنته ماتبيه وماهقاها من اريج ولم يصدقها لانه يعلم ان مافي بنت تستحي من ابوها؟؟<< فعلا بعض الرجال عندهم مبدا غريب مثل هذا ..(الحياء مخلوق من المراه ..ويبرز اكثر مع محارمها ..فكيف بمن هم غير المحارم ..)
ماكنه سمع جملتها--ومشى في طريقه ..
--------------------
هناك حيث الوسامه والجمال يحجب مابينهم غطاء--
ارتسمت على شفتيه ابتسامه خفيفه--ماتبيني اباركلتس طيب انا ابي تباركيلي ..
لمحها واهي تزيد من قبضة يدينها ببعض ..عرف انه وترها .. والحقيقه انه هو الاخر متوتر ..
وبجديه لم تقتل ابتسامته وروحه الاجتماعيه --وشلونتس اللحين ؟؟
اريج بصوت متقطع خائف ..الحم دلل.ه .
راكان لم يعلن ابتسامته لسماعه لحن صوتها وقرر المزيد لاستمرار الحوار معها--عندتس جواز ..
اريج تحاول الثبات --لا
راكان بجديه وهدوء واضح--اها اجل من بكره تروحين تصورين صوره عشان الجواز يخلص قبل اخر هالاسبوع..
راكان يستطرد لايريد انقطاع الحانها--اممم اوراقتس قدمتيها للمدرسه
اريج تحاول تثبت نفسها-لا
راكان يواصل استفسارته اللي بدت من اليوم اسئله يريد معرفة اجوبتها --اممم طيب وش بتقدمينها استثنائي ولامرضيه
اريج وهي تتمالك نفسها اكثر--لا استثنائيه
راكان وهو يعدل من ترسيمته--اها ان شاء الله تقطينعها وترجعين تداومين..ولو ان القويعيه بعيده ماطلبتي نقل ..
اريج اللي شبه هادئه--قدمنا بس ماصار شي..
قد بدأ هدوئهما للتو ..والان هما قادرين على الاخذ والعطاء هذا بالنسبه لراكان xxاريج الاخرى لاتستطيع الا العطاء لكن ان تبادر بالسؤال مثله يستحيل ..
تفاجـــئ الاثنان بصوت ناصر-- تنحنح لا اله الا الله واعلن دخوله --السلام عليكم ..
اريج في حاله لايعلم بها الاهو ..سبحانه
(لااااااااااااااااااااا كنت حاسه..
والله هذا اللي انا خايفه منه وصار ..
ياربيـــــــــــــــــــ)
ناصر انتبه لابنته --اريج يابوتس شيلي غطوتس ماعندتس احد مابلا رجلتس ..
راكان --اكتشف ان الغطاء قرار شخصي لها ..ولم يامرها احد ..والغطاء ماله داعي بهالمقابله ..)
اريج لاحراك --تحاول ولاتستطيع ..ولكن لاجدوى في قدرتها على التصرف ..الدموع ملئت عيناها ..
(والله يابوي اني كنت باكشف عادي بس عبير قالت شكلتس وانا شايفه نفسي عيوني متنفخه وحمر..)
راكان يتهرب من الوضع المحرج --خلها على راحتها يابوي ..
ناصر بجديه وهو في طريقه للخروج لكن مطلق العنان لانتظار اريج-- لالا وشهو ماعليتس الا العافيه اكشفي وانا ابوتس ..
اريج (تكفىــــــــــ لاتعصب فديت روحك انا)--رفعت يديها بخفه .. اثلج التوتر اطرافها .. حقيقه لاتشعر بأناملها..
وسحبتها الى الاسفل .. بينما اعلن والدها خروجه للتو ..
ليرى المفاجاه والصدمه ..
هو وحده ..راكـــــــــــان ..
تفاجأ بعيناها اللي من الواضح له انها كانت تبكي حتى اصطبغت عيناها بذلك اللون المؤلم..
انفها الطويل الذي ارتسم في ثلث وجهها الجميل ..حيث اكتسب اللون المؤلم ايضا..
شفتيها الورديتان اللامعه ..هي الاخرى من ربكتها وألمها لحضور والديها وطلبه الاقوى لها ..اصبحت ترتجفان ..
تحاول ان تمنع تلك القطرات ان لاتنزل امامه ..وبيديها العذبتين ..وباحدى اناملها ..ثبتته تحت جفنها الايمن تمنع دمعتها من السقوط امامه ..
راكان توتر بعد ماكان الجو هدأ بالنسبه لهم قبل دخول ابيهم ناصر..
انتبه للدموع في محاجرها..لايعرف ماذا يقول ؟؟او مالعمل الان ..(كل هذا ماتبينيــــــــــ...
ولا احرجوتس بالشوفه ..
والله ماتدرين عن اللي بخاطري لتس ..
تدري ودي اقرب الكرسي جنبي هنا هنا ..)
انتفض للصمت اللي مر للحظات -- وقف وتناول براد الماء ونا ولها كاس منه..
سميـــــــــــ..
ماحبت ترده--فقررت تاخذه منه ولكنــــــــــــــ لم تاخذه ..
راكان ناولها الكاس ..
اريج --( ياويلي ماقدر اتحرك وامد ايدي اكثر ..مـــــــــــاعــاد عنديـــــــــــــ عـــــــــزم..
راكان --انتبه لترددها في اخذه فقربه اكثر (مايـــــــموت عزمتس دامنــــــــــــي جنبتـــــــس)
اريج --اناملها لم تعد بسيطرتها ابدا منذ لحظه دخولها ..لم ترا وجهه ابدا ولم تفكر اصلا بروأيته..
مدت يدها لتمسك به ..فلم تستطيع فاقترب اكثر..ليمسك هو بيدها ويثبتها برقه ليقبضها الكاس بيديها العذبتين ..
(الصور مامثلها اذا كان ملتقطها مبدع ..في التصوير.. والعكس ..
والحقيقه ان صورتك كانت قد التقطت بهاتفك على ماظن ..
كانت تخلو من العيوب بل ابرزت جمالك ..
سبحان من صورك ..وابدع في تصويرك ..
تدرين والله ماجيت من هناك وانا سبع سنين ..
مره متردد
ومرات استصعبها
ومرات اقول مالي شف اروح..
بســـــــــــــ والله ماجابني الا هالوجه ..
فديت ملامحتس..
فديت هالحزن اللي بعيونتس ..
اريج--(تكفــــــــــــــــــى خلاص ادري انك تشوفني ..بتقول شي ولا خلني ارجع مكان ماجيت منه )
راكان--(ادري ضايقتس واحرجتس ..بســـــــــ والله بموت اقولتس وش بخاطري لتس ..ابي اقول الله يكفيتس عيني على الاقل ..)
تابعها وهي تشرب ويمكن لو انه ماملا الكاس كان ماوصل لريقها شي لانها لم تستطيع بعد حرقه لاصبعها بلمسته الحانيه لها رفع يديها للاعلى..
راكان بابتسامه--عافيه
اريج تتفادى انزلاق طرحتها عن شعرها
راكان يقلقه شكلها المتعب وسبب بكائها ..ولماذا لم تكن تريد كشف وجهها رغم ان هالشي من حقه..
لم ينسى لكن عرف ان وقته الان خصوصا انه يبي اي سالفه تخترق صمتهم..
ادخل يده بجيبه الاعلى ليخرج الشيك -- والله مهوب حقتس يابنت عمي ..بس ابشري بعزتس ..
اريج توترت ومدت ايدها بلاوعيــــي --
سمـــــــــــي ..
راكان وهو يركز بوجهها اكثر--ادري مايمديتس هنا تتشترين بس بتعجبتس هناك محلاتهم ..واللي تبين قوليلي وانا اجيبه لتس ..رقمي عند عبير انت اتصلي بس ..
لحظات تمر ..
راكان ضاع وهو متعمق بملامحها وتمنى لو --اريــــــج
تفاجات انه نادها فجاه ولا ارادي رفعت نظرها للامام ..
وبابتسامه وهدوء --انا هنا شوفينيـــــــــــ
توتــــــــــــرت --فعاودت نظرها ليديها المتشابكتين ..
فاطلق ابتسامه احست بها ..كانت كافيه لتوصلها لقمة توترها..
راكان مسح على سكسوكته ..وكانه يحاول يتمالك نفسه ..وابعاد التركيز بتلك الفاتنه وبرجوله..اريــج
اريج وهي تفرك اصابعها--ـــــــــــ
راكان اكمل جديته وهو يتذكر ردة فعلها الصباح --اتمنى اني اسعدتس وتشوفين فيني الزوج المناسب ..
سمع صوت سعود وفيصل اللي وكان احد يمنعهم من الدخول عليهم ..
توتر راكان وضاع الحكي منه لكنه يعلم شي واحد ان مايصلح يطول عندها ..مالسبب لهالقرار القاتل لا يعلم ..
شاف ساعته ابتسم ..ماحسيت بالوقت ..
لايوجد رد بس لا ارادي عدلت من جلستها ..
راكان يتمنى يودعها لكن معها لايملك الجراه ..لم تساعده ابدا ..حتى النظرله لم تعيره ولو لبرهه..
يــــــــــــاله تامريني شي..
رفعت نظرها شوي لترى ثوبه الابيض اللي بين انه جديد.. لا سلامتك..
راكان لم يستوعب نفسه لانه قرر يصورها بنظرها بدقه هالمره ومع التركيز والتمعن فيها اللي افقده استيعابه--يسلم قلبتس ..
استوعب انه اطال الوقفه --والحقيقه راكان استنزف مشاعر جديده كبرت اليوم --لينزل لرأسها
اريج اللي حست انه اقترب قاصدا تقبيل راسها--(لالالالا وش بتسوي)
ويقبله ..(لاـــــــــــــــــــــــــءءء رحـــــــــــــــ)
ماتشوفين شر..(متى يجي اخــــــــــــر الاسبوع واحس جد انتس ملكي )
------------------
في الصاله --
نوره --غارقه بافكارها البسيطه عنه ..كل ماتعرفه من المراد معرفته انه ماطلب وراح الان ..
ساره طلبت ريناد في المطبخ ووصتها على المهمه--
وفعلا جات وخذت نوره وطلعتها فوق ..
وبدت الحوسه والربكه بالصاله مابين عبرات ام نايف وفرحتها بما يحدث امامها..
بقي في الصاله ..
حصه في وسط الصاله متوسطه بجلوسها على احد الكنبات .
شيخه تستخدم هاتفها بين الفينه والاخرى ..
ساره تامر البنات جيبوا حطوا افعلوا اتركوا --
حنان --تاكدت من ازارير الصاله واي مفتاح يغلق واي مفتاح يفتح
لمى -- رتبت الطاوله والصحون وجابتها بالوسط
ميس والو جابوا الشموع من غرفتهم ...
الاء --اشعلتها ..ومددت توصيلات الاستريو ..
شيخه --اكدت عليهم ان ماحد يبدل لبسه او يغير بشكله وهم العرايس نفسهم ماسوو شي ..
عبير جربت اغلاق الانوار وصرخواااااااا البنات عالمنظر الروعه فاعادت فتحها --فضحتـــــــــــوووونا هههههههههههه
تركوا الثريه الكبيره اللي توسطت الصاله من اعلى الدور الثاني للاسفل مضاءه وهي لاتضاء الا بالمناسبات وفعلا جاء وقتها ..
افنان مابين اللحظه والاخرى تنزل وماقدرت تطول خايفه لاتحس نوره ان فيه هيصه تحت ,,
غير كذا تبي تساعدهم لان الخدامات مسكوهم البزاريين فوق ينتبهون لهم ويشغلونهم عن الترتيبات الى حين بدا الحفله ..ولازم ينجزون بسرعه..
------------------
في السياره --
طلع ماشاف احد ركب سيارته وهو يحمد ربه ويشكره على ان اليوم اكمل نص دينه ..
ودعى الله ان يشفيها ..
ويجعلني قرة عينها ..
ويبلغني عافيتها ..
ويجملني بعينها ..
ويسخرها لي ...
وبدون مايحس يسير بالسياره لايعلم تغيرت عليه مخارج الرياض والطريق اللي يسلكه يدخله على اخر وهو ماهو مستوعب من فرحته--(لبى الزين اللي فيتس.
فتنتيني والله ..
ليتها تتكلم وتقول اللي بخاطرها..
احس بعيونها كلام ..
وحالها يثبت لي..
يعني ماكشفت منحرجه ولا فيــــــــ سبب..
ماودي احرق فرحتيــــــــــ
ودي اتصل عليها ..مامداك توك طالع ..والله هههههههههههه ماحسيت بالوقت ..واااااااااااوه فديت عيونتس ..
الله يعجل الايام ونسافر ..
انا ويـــــــــــــني فيه ..
لاحـــــــــول ضيعت ..والله يالرياض وبالليل انواع الزحمه والمتاهات ..تغيرت مره ..
قرر يوقف عند محطه مقابل مفروشات العامر ..وياخذ الوصف من نايف للاستراحه..
-------------
في بيت ال سعود--
لازالت (الجنيه) >>عملة الجنيه لقب اريج عن ال سعود..
هناك اريج لاتعلم كيف تهدي نبضات قلبها اللي تحسه بيوقف ..
نادت لسعودي اللي جاها على طول ..
شوف روح لعبير قول لها باذنها باذنها مو تسمع اهلي كلهم قولها اريج تقول تعالي ياله بسرعه..
وفعلا راح وضبط المهمه --وجات
هلاااااااااااا راح..ههههههههههههههههههههههه ها بشري
اريج -- وش ابشر
عبير تهدا من فرحتها --صراحه انتس صدمتيني واحرجتيه مسيكين زوجته ومتغطيه منه ..حرام مايستاهل
اريج بهدوء--اصلا وجهي مو مهم ولاتصجينا كشفت..
عبير بفرحه--وشهووووووووووووووووو لالا افلام ههههههههههههههه قوليلي وش صار
هنـــــا مو اللحين بعدين .. اهلي كلهم برى .
ايـــه بس لابسين خاله ساره تحتريتس ولا تقول ميته تعب من السفر تقول بشوفها وبروح
وش هاالورقه شيــــــــــــــك هههههههههههههه والله شيك اوه ميه تستاهلين ..(نايف ماعطاها فشله )
اريج --والنوري شخبارها
عبير--ماطلعت السخيفه قاهرتني مايستاهل اخيي..
اريج بجديه--مافهمت شي امشي امشي عندهم ولاراحوا نسولف
عبير--لاااااااااا وش يصبرني قولي شنو صار
استغفر الله بعدين نادي الخدامات بس يشيلون ذا القدوع ..
عبير بترجي--ارووج لاتقهريني قولي
وبجديه--وش اقول عادي شلونتس طيبه قدمتي اجازه بس عادي والله عادي
عبير وهي تتذكر المفاجأه اللي برى --خلاص بعدين نكمل الله يصبرني
دفت الكرسي ببطء لانها عطت ساره نغمه--معلنه قدومها بأريج
-----------------
دخل الكرسي ..ونزلت نوره مع ريناد
ريناد اللي خوفت نوره -- كللوووووووووووولوووووووووش
عبير ماتعرف تزغرط ولا كان خرقت اذان اريج ---
نوره تفـــــــاجات للثريه والنور الاصفر في الظلمه --واكد ان فيه سالفه صووت الاستريو ..
اريج وعبراتها تخنقها --تمنت لو تكون واقفه وتمشي وتبتسم وتضحك وتقبلهم كلهم ..
نوره تنزل وهي مبتسمه ومنحرجه عالاخر--التفتت على ريناد اللي ماسمعت ولاكلمه منها من صوت الاستريو --اوريتس يادوبه ومخليتنا فوق من يوم وانا مدري عن شي ..
حصه تصفق من الفرحه --ساره ترقص هي والبنات ويصفقون ..وقتها نزلوا الخدامات ورهوف وبني سعود وفصولي وفعلا كان الاجمل وجود الاطفال لانهم بان فرحهم وهم يجهلون المناسبه ..
اريج و الكرسي مقابل الصاله عشان تشوفهم وهم يرقصون ويصفقون ..
في الاعلى --هز بصوت الارض من قوه الاستريو واصوات قويه بالخارج فقرر للاطمئنان عليهم تناول شماغه وفي خاطره --بشوف راح راكان او توه ..
نزل وتفاجأ باللي تحت اطلق ابتسامه من القلب لفرحته اليوم ..اللي الكل شاركه فيها ..تنحنح ولا في حس فاشعل انوار الدرج ..
شيخه بفرحه--خلكم ماعليكم بروح اشوفه ..
قابلته عالدرج --هلا يابوي ..تعال تعال
ابتسم --ترقصون ..؟؟هههههههههه راح اجل راكان
اي نفداه ..ماقال وين بينام ؟؟
لا والله تعال ..
ياولـــــــد
ساره كانت قد اخذت هي وحصه شراشف وتغطوا ..البنات كلهم سلموا على ابوهم ..
هو اتجه لاريج وهالمره وبصعوبه عرفت انه ناوي يسلم عليها فوقفت قبل لايقترب منها..
افنان تصوت لعبير طولي عالصوت ياله..
وبريموت الاستريو رفعت عبير الصوت ..
اعتلى الاستريو ..وهو يسالها ها وش الامور كلش زين ان شاء الله..
اقتربت منهم افنان ومسكت يد ابوها وجلست تراقصه وهو مستحي وشوي يرقص وشوي يقبل راسها هي واريج..
واقتربت ميس والو وكل وحده تمسك يد ابوها وتراقصه الا لمى اللي تستحي..
اكتفت بتقبيل راسه والتصفيق من فرحتها لاول مره تشوف ابوها يرقص ..
اقتربت شيخه لتمسك باريج وناصر وجلس يراقصهم ..
وكلهم رقصوا معه عبير ونوره وحنان وفيصل وسعود ..
حتى الخدم كانوا فرحانين ويشاركونهم بالتصفيق ولو اخذو الاشاره منهم لاكانوا هم الاخرين رقصوا معهم ..
حصه الاخرى تبكي من فرحتها ان الله كتب لها عمر وحضرت هاليوم..
بعد ها ترخص منهم--يالله اخليكم انتوا ماتعشيتوا تعشوا وعودوا استانسوا ..
-------------------
في الاستراحه --
راكان ولاول مره يحضر هالاجتماعات بينما فلاح كذا مره انعزم هنا بحكم جياته للسعوديه بين الفتره والاخرى ..
الحقيقه ان الخاطر لايصفى عند احد لكن الامور تحسنت للمطلوب وهو الزواج ويكفي شوفتي لها ..ودام الزواج حصل كل شي بيزين عقبه..
نــايف متضايق هم اللي ابلغوه ان في ملكه ..وشوي تبكي ..وفجاه ماتطلع لي ..
بندر اللي بدا نضجه ويبدوا اكبر من سنه لفلاح ..
فلاح --بندر انت باي سنه
بندر بابتسامه--اول ثانوي
فلاح--ماشاء الله.. الله يوفقك ..
بندر برجوله--وياك..
فيصل --نلعب كوره
بندر اي تكفون وعلى طول نزل شماغه ونفض الكدش حقه ..
راكان وفلاح متعود ين عالرياضه يوميا على عكس نايف وفيصل اللي عالمزاج
فلاح --اي ياله تكفون انا وراكان متعودين على المشي حتى كل يوم..
راكان بنشاط-- ياله ..بس في هنا لبس..
بندر في كل شي بالغرفه هناك ..
فيصل --ياله نايف ..
نايف--ياله معكم الشكوى على الله ..
----------------
عالعشاء--
ساره خلصت واقتربت من اريج اللي دخلت كرسيها بين كراسي الطاوله ..
ساره--هابشري وش سويتي ؟؟
اريج وهي تتاكد ان ماحد منتبه--عادي ماصار شي..
ساره بابتسامه--وش رايتس فيه تكلمي وش قال لتس..
تذكرت هيئته وحركته الاخيره --توترت فاحمرت وجناتها ..بعدين
ساره بابتسامه --ههههه الله يسعدكم ..
جلسوا وسولفوا
ساره-- حصه جعل يكثر خيركم ترا نايف عطى فيصل جعلني مبكيه ..والله يوفقهم
حصه بفرح--النوري تستاهل زود
عبير --حتى اروج عطاها راكان ميه الف
شيخه--الفلوس تجي وتروح ومانطلب الا التوفيق من رب العالمين ..
نزلت الحاضنه ساندي--مدام رهوف نوم ..
ساره اللي انتبهت للساعه--اوه الساعه 3 ونص ياله يابنات ياله حتى السواق برى ينتظرنا من اول الليل..
ريناد -- اجل ياله يمه عشان اغراض البنات عندنا ..
حصه --ياله سرينا ماعاد الا خير ..
-------------------
ركبوا وتوجهوا مع محمود لبيت ال خالد --
في الطريق --اتصل فيصل على ساره وينكم ؟؟ماعاد الاخير انا في البيت ..وناصر نايم ازعجتوه
ساره بهدوء--لالا حنا جاينك بالطريق
فيصل -- الله يستر عليكم ..انا انتظرتس.
وقفوا عند بيت ال خالد --
بسرعه يابنات بابا ينتظرنا لاتتاخرون ..
نوره وحنون--طيب..
دخلوا البيت وبسرعه ..ريناد عرفت ان السياره اللي برا شكلها سيارة راكان ..
طلعوا فوق يجمعون اغراضهم ..
ريناد التفتت على امها اللي ترتب عبايتها --يمه نايف وبندر فيه وشكل راكان معه
ياويلي يامرحبا به --اني يوم واجهته قلت له امرح عندنا ..لبى عمره نفداه جاء..
نزلوا البنات يالا مع السلامه xxxنوره صارت تنحرج من امها حصه ..
ماتشوفون شر ياحبايبي
نزل بندر --جيتوا
اي يمه
اخوانك فيه
لا راحوا يجيبون اغراض راكان من الفندق عشانه بيمسي هنا..
الله يحييه اي اني ملزمه عليه يمسي عندنا..
----------------
عند السياره--
طلعوا وركبوا السياره ..وانتبهوا لسيارة نايف اللي وقفت للتو ونزل هو وراكان اللي اتجه للداخل حيث المجالس ..وهم جايين من الفيصليه جايبين اغراض راكان ..
ساره للسواق--لحظه
وللبنات ماباركت له خل اسلم عليه..xxنوره--لا يمه مو اللحين مو وحنا معتس
ساره ابتسمت وهي تشوفه قاصدها والظاهر ان كلاهما قاصد يبارك للثاني ..
نايف برجوله--السلام عليكم
فتحت الباب ساره وارتفعت له --هلا بك وعليكم السلام .. عالبركه
نايف برجوله--يبارك بعمرتس
نوره متوتره عالاخر -- حنون --النوري لايفوتس الحلاقه ..عليه عيون شوفــــــــــــيه ..خبله
ساره -- وانت شلونك طيب ذا راكان رديت عليه اليوم ولاقزيته ..ماشاء الله تبارك الله
نايف انتبه للسواد اللي داخل السياره(فديت اللي يسمعني)--اقلطوا امسوا عندنا
نوره بتوتر(لاياشيخ مايكفي كل يوم وانت ناط بوجهي )
لا هذا فيصل ينتظرنا . جينا ناخذ ملابسهم خربت عليهم ياخي كان بينامون عندكم ..ههههههههههههه
نايف ابتسم -- ماعليهم الا العافيه مانيب صوبهم خل ينامون ..
نوره بخوف--(ياويلـــــــــــــــــي)
ساره بضحك -- كثر منها منتب صوبهم ههههههههه يالله فمان الله سلم على راكان..
نوره ودقات قلبها تزيد واهي تو تلمحه --(ياويلي ليه يمه وش هالحكي اللحين بيقول ماتخلي شي ماتقوله لامها)
نايف ماعجبته جملتها الاخيره --ماتشوفون شر..
لمحهم وهم طالعين من الشارع-- جد انها بزر ماتخبي شي ..
-----------------
بيت ال سعود -- في غرفة اريج ..
عبير وهي تلبس بجامتها --هاااااا وش صار
اريج وهي تلبس هي الاخرى --ابد ازعجتوني انتي وخالتي ساره ماصار شي ..
عبير وهي تجلس عالسرير-- طيب ياله قولي وش صار من اول مادخلتي ..
--------------
في السياره --
تذكرت فيصل اللي وصاها انها تعطي الشيك نوره--خذي ماما هذا مهرتس مية الف
توترت --خليه معتس
لا بكره روحي وحطيه بالبنك اها ولابكره جمعه امممم خلاص السبت
عم صمت للحظات ..
حنون لنوره--تبين نطفي المكيف بــــــردانه شكلتس
ساره ابتسمت من الداخل (حنون عليها فضائح احرجتها فديتها ..)--طف المكيف اصلا رهوف نايمه مابيها تبرد ..
----------------
ناصر وشيخه بالغرفه --
شيخه --لا الحمدلله مبسوطه وتضحك معنا وماعليها الا العافيه لاتشيل هم ..
ناصر --الحمدلله ..حتى انا كلمت فيصل ويقول طلع منها وجانا ومبسوط والحمدلله .الله يسخرهم لبعض ويشفي بنيتي ويتم عافيتها عليها..
شيخه--اللهم امـــين
ناصر-- وديها من بكره للسوق تشتري لها اللي تبي ..
شيخه --ابشر هي ماتبي الا عبير ولا السوري ..والبنات بيروحون كلهم يعاونونها..
ناصر --الله يسهل عليها
شيخه--لاتنام اجل ..صل وبعدين امرح ماعاد الا خير وياذن ..
------------------
في غرفة اريج --
اريج--وحب راسي وطلع ..
عبيربفرح مستمعه--يالبى قلبه يحبه ربه ..
طيب انتي ليش متضايقه اللحين ..
غصتها العبره -- ماله ذنب والله ماله ذنب ..تدرين قبل لا اكشف مافكر يقولي اكشفي وشيبي بوحده معاقه ..ياويلي حتى الكاس والقهوى ماقدرت اصبها له ..
ولحظه صمت قاتله شدت فيها من قبضتها على خيوط الخداديه ..
وفجاه عادت تستزف جروحها--عبير حرام انا يشهد ربي مانيب انانيه وحرام بمثل وضعه ومستقبله ..ياخذ وحده مثلي تدفن حياته ..
مايكفيه لا ام ولا ابو وينجبر يعاني ..صراحه الله يغفر للابوي وامي كانهم اذنبوا في حقه ..
عبير بعصبيه -- اريج تكفين امرضتيني بكلامتس خلاص شي وصار والرجال مبسوط تبين اكلمه اسئله وش نفسيته. عادي ..
وش تبينه يقووول انا شفته بعيني وحسيت فيه مامانع ماقدر يرفض طلب اهله ..اقولتس ماطلب يشوفوني ..حتى اسئلته لي
وشلونتس وبســــ.. الرجال ادى الواجب وبس يعني اجبروه عالعرس ولا طلعوني له اعذبه قبل مانجتمع انا وياه ..يعني تاقلم من اللحين ..
عبير وهي تبكي--لاحول ولاقوة الا بالله انا بستخف منتس خلاص كل اللي تقولينه صح ..اقوم اتوضا واصلي ابرك لي ..الكلام ضايع معتس..
اريج بتعب انسدحت على ظهرها--لايوجد رد
ماعندي غير دموعي ..
وليت احد يحس فيهـــا ..
ياربي رحمــــــــــاك..
تفاجات بصوت مسج تحت الخداديه ..عرفت انه جوال عبيراللي تتوضأ ..فتحته وهي تمسح دموعها بتعب <<من المغترب ..(ارتجف قلبها كانه حاس اني اتكلم فيه)
عبير ياليت قبل لاتنامين ارسليلي عنوان مستشفى اريج وعند اي دكتوره ..
انتهى يومهم يوم الخميس 12-5-1430هـ
ليعلن لهم فجر جمعه ..فماذا يخبىء لهم
لم يجف قلمي غدا يكمل ليكشف لنا اسرارهم
كل الود مني لكم
صبى الاوراق
|
10-08-09, 10:50 PM
جديد مواضيع قسم القصص المكتمله من وحي قلم الاعضاء
العرض العادي
