السلام عليكم ورحمة الله وبركاته --
اسعد الله اوقاتكم بكل خير وعافيه..
جعل الله حياتكم مليئه بالافراح والمناسبات كحياة ابطالنا ..وابارك الله لكل ابناءنا واخوانا واخواتنا والمسلمين من هم دخلوا حياه جديده..ولاحرم الله المسلمين نعمة الصحه والعافيه والمال والبنون -- وجعلنا من عباده الشكورين --اللهم تقبل منا شعبان وابلغنا رمضان ياحي ياقيوم ---اللهم اميـــــــــــــــــــــن
احب اشير الى نقطه قد كنت اغفلتها--
ان البارت الماضي كان بارتين السابع والثامن العشرون --لان صرت انزل بارتين بارتين لو لاحظتوا.. والان بارتين ..التاسع والعشرون والثلاثــــــــون --كنا ولازالنا تجهزنا مع بنات ال سعود كلهم وامهم شيخه بنت بندر ..فهل لازالتوا لابسين فساتينكم معهم ولا بتروحون مغاتير .. ترا ممنوع المغاتير والاطفال <<
جاهزين ..
فاستلموا..
بسم الله
قراءه ممتعه ومفيده
--- البارت التاسع والعشرون --
افنان كانت ترتدي فستان اسود ضيق اوضح فيه رسمة جسمه الرويان اللي اثنوا عليه البنات وقالوا لها يكفي ريجيم وشعرها كان اسود لامع كان شنيون مرفوع مدموج بخصلات تكسير رائعه للشعر واكتفت برسم كحل سائل اسود رسم بيد ماهره مثل ام سوسن كانت قد اسبقت جفنها بلون مائل للرمادي ولون شفتاها الحمراء وبلاش خفيف وردي
ريناد كانت ترتدي فستان من الدانتيل الذهبي ومدموج بالساتان الاخضر الفخم وكان ايضا ماسك اوضح نحفها وطولها الجميل ومن الاسفل وسيع وكانت ترتدي عقد ذهب اصفر فيه حجر اخضر كريم كبير فخم شكلها واعطها لوك رائع خصوصا مع الشنيون المرفوع بشكل مهاري خصوصا ان شعرها قريب من لون شعر عبير لون الشكولا الفاتحه .. ودمجت الاخضر والزهر الخفيف والمحل الاسود المميز .. ولون شفتاها الفوشيه مع بلاش خفيف بلون الزهر
نوره كانت ترتدي فستان صمم بطريقه فخمه جدا كان يشكل جاكيت اوف وايت كان هو من لبس نوره لانه حقيقه كان مقاسها بوضوح ..
وتنوره ضيقه رسمت تخصير جسدها النحيل ،،ومن اعلى الركبه يبدا بالتوسع اكثر ليجعلها تمشي بطريقه مميزه..
ابرزها جمال ملامحها وخصوصا عيناها الجميلتين --جعلت عيناها تلمع بمكياج البرونز للشدو فقط دون الاساس وبلاش ذهبي شفاه حمراء لامعه ..
والشنيون المرفوع بعد ماجعلت بدايه شعرها عمل بوف صغير منفوخ بطريقه مرتبه ومسك بكرستال ذهبي ابرز فيها جمالها
كان ترتدي عقد لوالدتها الماس فخم جدا وخاتمين بارزين في يديها الممتلئه ..
عبير من كانت ترتدي هي الاخرى فستان اورنج بخامه ثابته لامعه ضيق ايضا ليتسع من الاسفل ..
وتشتبك فيه اكمام من الاورغانزا الذهبي لتجعلها اكمام بطريقه منفوشه مميزه
ومكياجها الاورنج ولون شفتاها الحمراء ورموشها التي تميزت ببرائتها من بينهم ..
شعرها اختلطت فيه التكسير والتطعيج بطريقه مهاريه مميزه ورفع بطريقة شنيون مرتب.. بدت لي كالرومانيات في تساريحهم ..
ميزهم الذهب الاصفر جميعهم ..حتى ان شيخه تضحك تقول --الصبايا لبسوا الاصفر وانا الابيض وضحكوا لانهم لم ينتبهوا الا عندما اثارت انتباههم
صورتهم والتقطوا اريج وهي تقول --من زيني امحق شيفه لاتصوروني
قالت حنون-- اروج عاد تصدقين وجيهنا ملبخه وانتي ماشاء الله يوم حطيت الكاميرا عليتس صار التصوير صافي ونظيف
وضحكوا البنات على كلامها
دخلت شيخه وبيدها البخور وقالت لالا اول وحده عبور عبور توقف عليه -- صرخوا عبير توها تلبس بالغرفه عطتهم المدخن ووقفت امام مراة المدخل،، تعدل برقعها
اريج تذكرت حرب افكارها على ماسمعته من امها وابوها في الصاله --تحاول ان لاترى امها تخاف ان تنهار عند رؤيتها لعيناها
شيخه يالله ناجي برى ياله يابنات .. ولا ابوكم ناصر راح من بدري
رن هاتف عبير -- اريج صرخت عبير.. ترا تيلفونتس من يوم يدق.. تعالي ابيتس ..قربي مني
عبيرعرفت انه نايــــــف....
نزلت اذنها لاريج --لبيه
بهدوء والكل منشغل يلبس عبائته --ترى اتصل عليتس راكان ورديت ..هو اللي يدق اللحين -- التفتت عليها باستغراب --لا
طيب قربي --اذا وصلتي الزواج،، دقي علي انا ابيتس اوك
عبير توترت -- لحظه اروج .. لحظه ماعاد اركز--هلا نايف
نوره --انتفض شي اعتادت على حركته.. منذ ان يسمع طاري هالاسم..
نايف--هلا فيتس وينتس عن جوالتس ؟؟
عبير--اتزين امرنــــي ..
نايف وهو يسوق --امممم من بيوديكم؟؟
عبير--ناجي ومدري يمكن محمود،،انت بتحضر!!! ..
نايــــــــــف--ايه عشان ابوي ناصر .. وراكان رفيق لهم
نايف وهو داخل حارتهم--اها انا جايكم اللحين ولاتتاخرون علي ..اطلعوا ياله قبل لايقلطون العشاء
عبير بربكه --ياله ياله
عبير بصوت مرتفع--بنات اركبوا مع ناجي ..واللي بيركب معي .. ومع نايف يجلس تراه قده على وصول
نوره لا ارادي اقتربت من امها شيخه --
شيخه --ياله مع السلامه حصه .. ترا العشى زاهب ..انا قايله لهم يزينونه طيب وكل شي عندكم فمان الله
ووراها نوره ولمى وحنون وافنان وريناد اللي تبي تدخل معهم
عبير رجعت عند اريج اللي حست بعيونها كلام -- ها وش فيه فهميني
حصه اللي تسولف مع رهوف -- ان نوره بتروح وترجع
طلعوا ورجعت ريناد بصراخ -- عبيـــــــــر نايف برى ياله ..
عبير بربكه -- بكلمتس خلي جوالتس معتس طيب
ياله باي يمه--
ركبت عبيروحبت خشم نايف .. واهو اللي واضح عليه مشتاق لها
عبير --السلام --
نايف--وعليكم السلام
عبير--وشلونك عساك طيب
نايف--بخير يامال الخير
نايف ماتحرك ينتظر سيارة ناجي --تقترب من سيارته .. وهاهو اقترب --
نايف لناجي -- انت تدل قصر الرياض
ناجي--لا بابا
نايف--خلاص امش وراي
شيخه تفتح شباكها وافديت الزين شلونك يابوي
نايف تفاجا انها رايحه الزواج معهم -- هلا والله
وفتح بابه ..ونزل وسلم على خشمها ..
سمع صوت البنات --لالا ممنوع الكاميرا
--اجل بنزله البيت
ياله انزلي نزلت بصعوبه ..فستانها ضيق ..وراسها كبير
رجع نايف ركب وهو مايدري من نزل فيهم --التفتت على شباك خالته ..باقي احد ولا نمشيــــــــــــ؟؟
خالصين بس النوري رايحه تودي جوالها فيه كاميرا وممنوع.. وراحت ترجعه --
<<<<<<<<<<<<<<< وقتها عـــــــــــــــرف انه لازم يلمحها ..
فهو لازال محتفظ (بلقطة ) الصباح لها ..وهي تدخل بوابة الجامعه
رجع بسيارته بحجة انه ينتظر خروجها لانه تاخر --
عبيرتميل على شباك نايف-- خلاص خاله روحوا ،، وحنا بنركبها معنا --
جاها صوت ريناد المرتبك--لالا ماتبي ااا تبي معنا
نايف ومن بين اسنانه --اصلا مايدل ناجي ..لازم نمشي سوا
نايف تنرفز من جملة ريناد --(طيب انا اعلمتس وشلون ماتبين تركبين معي..)
طلعت وحده راسها كبير ..ومتغطيه بطرحه.. والحقيقه لمن قد يعرفها ان يتحمس ليرى شكل تلك الفاتنه في هالليله ....
نايف لم يستطيع الاطاله في مراقبتها الى ان ركبت --(وش هاالنحف .. مدري كنها ناحفه)
نايف حرك بسرعه -- شاف هيئتها بســـــــــــ (ماتبي تركب معك ). ياربي ياهالبنت مهيب طايقتني..
فجاه شافوا رهوف تطلع تركض مع الباب -- لانها لمحت نوره طالعه وانجنت تبي تروح معها--وحصه ظهرت بعد ثواني تناديها تعالي يمه تعالي بيعودون
نوره بعد ماسكرت بابها -- ياويلي وين ساندي عنها زفته انا قايله لها لاتشوفني ومامسكتها ..
شيخه للنوره لاتنزلين لالا بتغلق لو تشوفتس خليها خلا خلاص جاها نايف..
نايف نزل على صوت صراخها-- نولـــــــــــــــا نولا
حملها نايف وبكت -- بابا بلوح معكم ..
نايف وهو يمسح دموعها --ويقترب لسيارة ناجي .وبحزم... اللحين انا ابي افهم ليه ماتاخذونها معكم ..
نوره --اووووف خلها يدخلها لا يجيبها عندي .. ترا والله لانزل شوفوااا بكت اللحين وش يسكتها ..
شيخه - ابوي نايف ممنوع الاطفال عطها امك عنها واقفه هناك تحتريها ..
نايف التفتت للخلف لكن رهوف بكت اكثر وهي تنادي ابي نولا نولا
نايف وقف مايتحمل لاكبير ولاصغير يبكي وبابتسامه -- نوره تبين نوره!!!
وببكاء قوي--ايـــــــــــ
طيب وين نوره نوره؟؟؟ نوره بوسيها وجيبي لها حلاوه اذا رجعتي ياله .. وين نوره ؟؟
نوره وهي متوتره والبنات كلهم يضحكون وشيخه بضحك -- النوري حبيها ياله تاخرنا ههههههههههههههههه
فتح بابها اللي خلف ناجي --ومد جسم رهف للي يجلسون وهو عارفها لانها ركبت من هنا ..
لمح نايف ايديها واظافرها الحمراء .. نايف اللي كان معهم بالحدث ولا صد ولا استوعب ان الحركه جراه منه
حصه كانت قد وصلت بشرشفها للمواقف جبها جبها وروحوا بسلامتكم ..تعالي بس بس بتجي نوره بتجي يانوره جيبي رهف حلاوا
نايف اغلق باب نوره والحقيقه اغلق باب وانفتح باب اخر بداخله -- تنهد وهو يركب سيارته ويمشي..
عبير -- ياربيه من هالحاضنه ..مسبلتها ماتدري عنها
نايف بهدوء التفت على عبير .. اكشفي السياره مظلله ترى
عبير بحماس--جد مظلله..متى ظللتها؟؟ -- ماكن وده يحدد انه من صار يوديهم الجامعه --
نايف وهو يناظر بالمراه الاماميه حيث سياره ناجي -- من فتره --
عبير-- اها
وهو واقف عند اشاره مخرج القدس -- بالصدفه التفت عليها
نايف بهدوء -- تدرين محد بخرني ..
وتفاجا بشكلها--ماشاء الله وشذ الزين والله حلو المكياج
عبير بحرج--لا الله يرفع من قدرك
نايف--ليه ماعجبتس
الا والله شغلها يجنن كلنا اشكالنا حلوه <<<<<<<<<< غرق نايف في افكاره السامه له -- يعني الكل بيشوفها ..
هي زينه ووشلون لاتزينت .. جات فكره بباله اخفى تنهيدته وهو يقول بخاطره(يصير خير)
جاء عند القاعه وقف
..ووقف وراه ناجي
نزلت عبير-- ياله مع السلامه..
نايف-- انتبهي ترا فيه درجه
عبير-- ههههه اي اوك
ولا تحرك ولازال يراقب ابواب ناجي ينتظر بابها ينفتح --اي اي من هالباب هي ركبت لم ينفتح الباب ..انفتح الاخر نزلت وحده..
امه شيخه اوك الي بعدها ؟؟؟؟
مدري منهي ؟؟
والثانيه مدري حتى ماعاد ميز احد
فجاه انفتح الباب الاخرالاخر --اي اي بابها--
نـــــــــــزلت بهدوء كان يلمح ساقها ..اشتعل غضب ..وفجاه فتح باب السياره ووقف عنده
والتفت على سيارة ناجي يراقبها ,, ويلتفت على الحارس ..يخاف احد يشوف ساقها الابيض
كان يلمح لون اظافرها --تــــــــــوتر <<مادقق في خواته ابدا وشمعني نوره يانايف ((صبى ))
كان فارد شماغه بشكل جذاب-- نوره مشت بهدوء وهو يراقبها بكعبها العالي وبخاطره ومن بين اضلاعه المشتعله غضبا-- مو منتس من كعبتس
دخلوا وامام المدخل .. كلهم يشيلون عباياتهم --
وتاكدت من اشكالهم شيخه وهي تقول --خلاص ياله انتي وياها .. خلاص ياله
ودخلت وفتشوهم عند المدخل قاصدين البحث عن هواتفهم النقاله ان كانت بكاميرا ام لا؟.
عبير من طلبت منها شيخه تتقدمهم --
استقبلتهم ام فهد وعديلتها وزوجة فهد هند اخت المعرس وبنت عم العروس واخت عبد العزيز،، اللي تبدو بأشهرها الاخيره من الحمل --
عرفت بالبنات وحده وحده وسلموا عليهم ..
ودخلوا تتقدمهم شيخه وام فهد اللي ماشالتها الفرحه بشوفة شيخه والبنات
جلستهم على طاوله كان قد وضع عليها لوحه كتب فيها محجوز..للناس المهمين المقربين لهم --
وكانوا لم يصلوا متاخرين .. بل ان منهن يحملن الدفوف .. هم االذين يريدوند احياء الحفل من وقت مبكر..
حنان ولمى عطتهم شيخه جمله لا اظن انهم بعدها سوف يتحركوا من الطاوله بدون اذنها ..
في السياره كانت قد قالت لهم-- الكلام لحنان ولمى لا اشوف وحده منكم قايمه من الطاوله بزعل عليها سامعين..
بصوت واحد-- ان شاء الله..
قامت ريناد تصب القهوه لهم ..وهم يتقهون ..وكل شوي جاي احد يسلم على ام اريج ..ويبدا الدور للصبايا الست الباقين ..
حنان ولمى --يستمعون للدفوف ويحسون ان وحده فيهم بتتهور وتقوم تتنكس هههههههه ..
هذي كانت جمله نوره لافنان ..
عبير لم تنسى اريج فقررت الاتصال بها -- وتخاف يكون فيه موضوع.. اريج ماتبي احد يدري فيه ..
لم تفكر كثيرا لتوقف الفرقه عن ضرب الدفوف-- استعدادا لخروج العروس ..
عبير--الو هلا اروج شلونتس ..
اريج من كانت متوتره وتريد الذهاب بعيدا عن امها حصه--هلا شوي وادق عليتس..
ناولت عصاها ..وذهبت لاقرب غرفه بجوار الصاله.. وهي صاله الطعام..
جلست على طاوله الطعام واتصلت عليها..
-----------------------
في قصر الرياض للاحتفالات
هي أحد القاعات المتميزه لإقامة الاحتفالات والمتؤتمرات .. الخاصه والعامه .
تتميز بتصميمها ..ووجود المواقف المغطاه ..وجمالية التصميم الداخلي والخارجي .
الخدمات المقدمه من القصر ..تتميز بالرقي والذوق الرفيع --وهو بطريق الملك عبدالعزيز باتجاه الجنوب ( حي السليمانيه )
عبير كانت تقف لتسلم على معارف امها وخالتها ..
عبير--هلا حبيبتي ايوه قولي بسرعه دام محد منتبه وشفيه ..
اريج بتوتر تتكلم بسرعه-- راكان اتصل عليتس كذا مره وانا .. رديت المره الثانيه خفت لايكون شي ضروري لاني اعرفه مايتصل الا في شي مهم ..
عبير-- ايــــــوه
اريج بتوتر وتاتاه واضحه--المهم رديت وقالي ..وينتس ليه ماتردين؟؟
تقطعها عبير -- اريج لحظه لحظه اللحيــــــــــــن انتي ليش متوتره وانتي تتكلمين ..عادي واذا رديتي عليه ..
اريج بصوت عالي --خلــــــــــــــــيني اكمل عبير تكفين..
عبير بقلق --اوك كملي كملي
بعدين قالي وشلونتس وسلم ..قلت زينه
عبير شي تسمعه وشي لا.. وانطفات الاضاءه-- ايوووه كملي
قال الجاكيت وعلمته مقاستس قال تبين شي قلت لاشكرا
قال <<<<<<<<<<
عبير تضايقت لم تعد تسمع ..لان الزفه اعتلت اصواتها معلنها بدأها --
الوووو اروج تسمعيني
الووووو-- سكرت الخط
شيخه تراقب عبير -- وش فيتس من تكلمين ؟؟؟
عبير تبتسم --مافيني شي ...
شيخه تطمانت -- طيب اقربي يمي ..
جلست متوتره ..تحس ان اريج صاير شي ..لالا اكيد مو بس هالمكالمه اصلا ..ماقلتها لي كلها
حتى راكان متصل علي مرتين مدري مدري
خرجت العروس - العنود -وعبير غارقه بافكارها --استوعبت من كلام البنات ونظراتهم لاعلى الدرج --
فتحت جوالها ارسال رساله جديده -- لاريج -- تكفين اقلقتيني بدت الزفه اكتبي لي وش صار بالضبط والله مارتحت انتظرتس..
اريج لم تستطيع ترك خالتها وحدها --خرجت لها بعد ان ترددت ماذا تكتب باختصار في الرساله
-----------------------
وبدت اصوات الزغاريد وعم الهدوء للاستماع للابيات التي اعلنت طلتها --
محلاك يا ليل جمع كل الأحبــــــــــاب
. . . . . . . . . . . . . (عبد العزيز ) زاين جمالة نهــــــــــــــــــــاره
ليلة عمر وفيها الفرح ينســــــــــــــاب
. . . . . . . . . . . . .( العنود) زينها وزانت ( عبد العزيز ) نور دارهــــا
غنوا معي في فرح ذيك الأنســـــــــاب
. . . . . . . . . . . . .( ال عايـــــــد ) اللي دائما ً في الصــــــــــــداره
وهنوا قمرنا كان نور القمر غــــــــــاب
. . . . . . . . . . . . .( العنود) شريكة حياته واختيــــــــــــاره
تستاهله يوم الهوى شرح البــــــــــــاب
. . . . . . . . . . . . .وتستاهل اللي نالها في جــــــــــــداره
غنوا معي بأفراحنا والهنا طــــــــــــاب
. . . . . . . . . . . . .الفرح غالي والمحبه شعــــــــــــــــــاره
( العنود) زادت بحسن واعجــــــــــــــــاب
. . . . . . . . . . . . .صارت هي الكوكب وحنا مـــــــــــــداره
وتعالت الدفــــــــــــــــــــــــــوف--
ياناس صلوا عالنبى ذكرى النبى فايقاها.. للهم صلى و سلم على محمد ...
ياناس شوفوا حسنها النور منها وقولها ..لا اله الا لله قولوا ..
الليل ساكن شعرها و الكحل اصلا رموشها الا اله الا لله ...
وصوت الزغــــــــــــاريد.. وتصفيق الحضور--
اعيونها اعيون المها و احلى الورد فخدها لا اله الا لله ...
اسمر على ابيض لونها سبحان ربى زانها لا اله الا لله ...
الف الصلاه على النبى ..لا اله الا لله و عليك سعيد و عليك ابمبارك ..
و الفرح فيكم تبارك ..عروسنا و عريسنا كملوا نور السنه ..عريسنا زين الرجال و عروسنا كل الدلال
..الا اله الا لله ..كملوا نص دينهم سبحان جامع شملهم ..دعيت ربى العالمين يصونهم من الحاسدين
------------------
بيت ال سعود --
رن هاتف اريج توترت تفكر انها عبير -- وارتاحت يوم شافت اسم ساره صديقتها بالفان--
كانت حصه مستمعه للمكالمه غصب عنها بعد ماتطمنت ساره على اريج قالت بسالتس عن بنت عمتس عبير مخطوبه ولا ؟؟
لاوالله المهم قالت انا ابيها لحماي اخو زوجي عطيني رقم امها بكلمها
عطتها رقم امها حصه واغلقت الخط --
حصه اللي تحمست تسال وتاخذ اخبار حمى ساره اللي اريج لم تملك معلومات عنه نهائيا
----------------------
لنـــــدن في طريقه للمطار --
اتصل على نايف -- نايف اللي كان بجوار فلاح ناوله الهاتف خذ خذ كلم ذا هههههههههههه
وفي قسم الرجال--
نايف وهو يجلس بجوار فلاح وفهد وعبد العزيز وابوه ناصر وعيال عم ال عايد ..
فلاح -الو هلااااااااااوالله
راكان--هلاااااااااااااااااابك هلا احسبني غلطان
فلاح--ههههههههههههههه
راكان --عالبركه اي اجل حاضر نايف زين الحمدلله
فلاح--الله يبرك بعمرك وايامك .. اي بيض الله وجهك وابوك ناصر بعد .. بشر شلونك؟؟وش العلوم
راكان--ووجهك ابيض ابد الحمدلله في الطريق للمطار
فلاح--صــــــــــدق والله
راكان--اي والله ماجاك الا الصدز
فلاح--وقف وهو يطلع عند البوابه --اجل مالك بجلستن بدوني ههههههههه
راكان--لا يارجال الا الساعه المباركه ههههههههههههه-انا واصل عطني نايف بالله
فلاح--تبيني استقبلك ؟؟
راكان--لاوانا اخوك انا بجي بسياره من المطار .
فلاح-- والله ماتخذ سياره والكراج مفتوح
راكان--والله لامنك ولامنهم حتى عماني السيارات عندهم.. بس خلني على راحتي وانا اخوك
فلاح--اخوي وماتبي مني شي ؟؟؟
راكان--فلاح اذا جيت يحلها ربك
فلاح--هذا نايف معك
نايف--هلا والله ومرحبا وشلونك
نايف--صدق والله الله يحييك متى .. ابشر ،، ابشر،، لا انا مفصل لي وكل يوم ابي اطلعها وهذا الله كتب انها لك.. الصباح اطلعها ..ابشر ..ابشر
نايف--ماتشوف شر فمان الله
----------------------
في قسم الحريم
امتلئت ذلك المكان التي تجلس في العروسه --بالسلام على العنود وتقديم التهاني لها
اجتمعوا عليها صديقاتها وبنات عمها
واقاربها والمدعوين -- واعتلت اصوات الزغاريد مابين الدقيقه والاخرى
عبير كانت تسمع التعليقات ولايوجد لديها اضافه لارتباكها وانشغال عقلها
طبعت مسج لها -- اريج لاتقلقييييييييييني فديتس
-------------------
قسم الرجــــــــــــال--
نايف من تقدم بمكانه الى جوار ابوه ناصر
ابشرك راكان ركب طيارته جاي صوبنا
يامرحبا به والله ابشر بسعدك والله يابوخالد --
يطول بعمرك يبوي ويخليك لنا
سمعوا ابو عبد العزيز يقلطهم للعشاء
بينما مال الاثنان فلاح وفهد--على عبد العزيز وذهبوا سويااا
---------------
بيت ال سعود-- حيث اريج وامها حصه اللي انشغلت بالعاب رهف
فتحت المسج وكتبت -- سمعت امي وابوي يقولون راكان خاطبني عشان يعالجني..
اعلنت المطربه للجميع بدخول الرجال -- تغطوا ياحريم ...
راحت حنون ولمو يجيبون العبايات ..من غرفه الحجز الخاصه
عبير استلـــــــــــــــمت المسج قراته عدة مرات لم تصدق --التفتت على خالتها اللي كانت تسولف مع امراه بنفس عمرها .. ومتعمقين بالسوالف
ابتسمت بطريقه ملحوظه من اعماق قلبها -- <<<اتصلت وهي توقف لكن عاودت الجلوس ..لان اريج قطعت الخط
تخيلت انها جالسه مع امها ..واكيد بتقوم تغير مكانها ..وتتصل هي علي...
جاءت عباياتهم - تغطوا .. والاجمل ان الاضاءه اطفات لكي لاتكشف الحضور --
ودخلو ثلاث رجال و على صوت الدفوف والمدح فيهم ..
حنا بني عايد كسابة الطيب تشهد لنا العدوان قبل القرابا..
حنا بني عايد فوق السحابه يشهد لنا التاريخ وقت مضى با..
اتصلت عبير باأريج تسمعها صوت الدفوف ولعل تفهم منها ماحدث ولو لبرهه..
ياعزوتي ياثلاث صقور-- فهـــــــــد وعبد العــــــــزيز وفـــــــلاح
وتعالت الزغاريد والتصفيق.. والمطربه من الحماس صارت تدمج وتشبك بالاغاني واطالت في اغنيه ..
ويلو يم العروسة الله يتم هناكي ويلو ليلة سعيدة والحبايب معاكي ...
اروووج تسمعينييي امحق زين واحد منهم يهبل .. لالا المعرس شخصيه لالا ذا يهبل شكله اخوه اللي مابعد اعرس .. تسمعينـــــــــــي
اريج بحماس تسمع ام نايف -- يرقصون تقول دخلوا ثنين مع المعرس
ام نايف بحماس--اي اي خوانها ثنين واحدن تراه رفيق لراكان توه جاي من برى ..
ام نايف اشعلت شمعة الالام اريج ..عندما ذكرت اسمه راكان --
المطربه بحماس--
ويلو يم العروسة الله يتم سرورك ويلو ليلة سعيدة والحبايب يجوكي ...
ويلو عريسنا جانا بدفعو وطيبو ... ويلو يا عمتو يم العروس رحبيبو
البنات وشيخه مستمرين بتعليقاتهم باصوات عاليه لانهم مايسمعون بعض ..
وشفاة البنات لم تتسكر من الضحك والعبرات لام فهد والابتسامه لفرحتهم
واخيرا اشرت شيخه على فلاح اللي يتراجع عن الرقص--وبخاطره وده يطلع من هالمكان ..
هذا رفيـــــــــــــــــق راكان يالبيه يالزين بسم الله عليـــــــــــــــه..
وتناقلوا الجمله الى ان وصلت الجمله الى عبير اللي كانت تصرخ لاريج ---اريج يجـــــــــــنن ياخذ العقل يهــــــــبل رزه وثقل .. اخوه يرقص هو لا .. لالا مارقص ..
افنان بصوت عالي لعبير ..
هذا ذا ذا اللي ينزل صديق راكان جاي من برى يقولون ..امحق زين-- يســــــــــطل
عبير صرخت ولكن ماحد علم ماورى هذي الصرخه ...
عبير بصراخ--اريج اريج--تخيلي بيطلع .. هذا صديـــــــــــق راكان
اريج لم تتحمل فازداد توترها فاغلقت الخط ..
ويلو جانا من الدرس فرحان ... ويلو وعمامتو كادى ونرجس ونمام
ويلو عريسنا وايش ادعيت في صلاتك.. ويلو وجاتك عروسة والله تشرح فؤادك
ويلو عريسنا وايش ادعيت يوم صليت ... ويلو جاتك عروسة على ما تمنيت
وازداد حماس المطربه والتصفيق--
حطوا فهد على الكرسي هذا فلاح عضيد له --
ياجعل العنود ماتحاد .. وياجعل عبد العزيز مايعاق
عبد العزيز ماسلم على العنود ..جاء ووقف جنبها من الربكه
فهد كان من يجيد الرقص
رغم ان فلاح ذكرت اسمه المطربه كثيرا
فــــــــــــلاح ثار باروده ..
وفـــــلاح لاتخلونه حلو بارقابكم دونه..
لكنه لايحب الرقص امام الناس --لم يتحمل بكاء والدته الذي شاركه الحضور في بكائها --
رفع عقاله وقبل راسها عده مرات .. لم يستطيع القيام باكثر
فهد من راقص عماته ..وابنه الصغير الذي استمتع بوجود والده..انسحب فلاح بعد ماقبل راس اخته ووالدته ..
بعد مانزل من المكان المخصص للرقص والكوشه --وكان الاقرب لطاولة من جلسوا على الملكي -- والطاولات التي حجزت للمهمين--
استوقفته خالته لتقبله وتسلم عليه.. ومن الفرحه لم تقاوم فرقصت امامه فاكتفى بتقبيل راسها ورفع عقاله لها --
طلع فلاح وعيون الناس كانت تراقبه ..
عبير كان يومها رائع جميل .. يحمل اخبار ومواقف اسعدتها ..
تذكــــــــــــرت راكان اكيد يبي يقولي من يوم --
فتحت مسج وكتبت -- لا يادووووووب تخطب اروج ولا تسالني موافقه او لا وش دراك يمكن ماأوافق انك تاخذها ههههههههههه الف
الف مبرووووووووووووووك والله مو مصدقه
فهد يراقص خالاته وعماته وزوجته اللي ماتحملت فرحة فهد وجلس يراقصها وام فهد تحاول تجلسها خوفا عليها
بعد ان خرج فهد رقصوا خوات عبد العزيز معه وبعدها التفت على العنود وقال ياله نقوم --
ساعدتها هند---في حمل ذيلها وتعقب مشيتها للاعلى
وبنات عمها وسط زغاريد الحضور غادروا الصاله الى الاعلى
------------------
قسم الرجال--
نايف بعد ان تعشى هو وابوه ناصر كلاهما استقلا سيارته--
ناصر غادر وعلى طول لبيته
بينما نايف اتصل باحد زملائه وعزمه لاستراحته -- وفي السياره قلبه هناك هناك بصالة النساء
مع انه كان بينا حجاب يخفي ملامحها الا انها فتنتني بعبائتها وساقها وشكلها ..
انا ابــــــــــــي اشوفها ماقدر مانيب صابر غيري يشوفها وانا لا ..
زارته افكاره اللي مايتردد في القيام بها --طيب من ؟ ريناد ولاعبير
<<<<< لالا عبير لا renad
في القاعه ..
انتبهت حنان لتيلفون ريناد اللي ياشر والصوت لم يسمع من صوت الدفوف..
رنـــــــــــــو رنـــــــــو جوالتس ..
ريناد تلتفت على عبير -- يــــــــــــوه نايف--عسى مادرى ان في رجال دخلوا بيذبحـــــــــــــنا ياويليـــــــــــــــنا
نوره باستغراب--(مستحيل وشفيه هذا حريــــــــــــد واذا دخلوا رجال .. كلونا يعني )
عبير تاشر عليها -- رديــــــــــــــ رديـــــــــــــ طيب
هلا بك
هلا رنو اطلعــــــــــــي عن الازعاج شوي
ريناد بصوت خائف مرتفع -- اطلـــــــــــــــــــــــــع ليه
اطلعي ماسمعتس ابيتس
ريناد وهي متوتره تناظرهم -- اهااا طيب
وقف صوت الدفوف
قامت وهي تقول النوري قومي معي -- xxxxنايف--لالا هههههه رنو ابيتس لحالتس هههههه
استغربت اسلوبه ،، اشرت لنوره خلاص اجلسي -- اوك
قامت وشيخه تلتفت على عبير وين راحت -- مافيها شي تكلم عادي
شيخه ماتحب البنت اللي تتحرك في المناسبات كثير --
---------------
في غرفه مرايا القاعه--
هلا نايف
هلا شخبارتس
رنو باستغراب --زينه
نايف بهدء--حلو الزواج
رنو بارتباك وتحس انه عارف ان الرجال دخلوا-- ايـــــــــه
اها اسمعيني اذا خلص العرس وين بتروحون ؟؟
مدري.. يمكن بيت ال سعود
وبعدين .. لايكون بتنامون
لالا بس بنسهر عندهم عشان اريج وعبير هناك
اها المهم اسمعيني انا خاطب نوره
وشووووو وش نوره
نوره بنت عمتس فيصل
النـــــوري
ابتسم من اعماق قلبه لردة فعل اخته وتدليعها لخطيبته -- ايـــــ
صدق والله متىـــــــــ
المهم وافقوا بس انا ابي اشوفها .. واليوم ابي اذا رجعتوا ترجعون البيت لاني ابيتس تخليني اشوفها وهي ماتدري.. مايصير اتزوج وحده ماعرف وجهها
---البارت الثلاثــــــــــــــــــون--
وشوو ماتدري ,, يعني ش لـــون ماتدري انا ماعرف
رنو اسمعيني تدري ولاماتدري البنت لي ..والشوفه من حقي اشوفها ..ومابي الا انا وانتي وهي ..اللي ندري بس سمعتينـــــــــــــــــي ..
رنو بربكه--نايفـــــــ مدري وشلون
نايف--خير خير ريناد المهم عالبيت طيب ولاتدرين اذا جيتوا .. بتطلعون دقي علي اجي اخذكم..
ياله روحي فمان الله
ريناد الى الان متوتره -- متوتره -- مبسوطه بس متوتره شلون ياويلي ماعاد استوعب ابي احد يدري معي ..ويعطيني حل .....
---------------
رجعت ريناد .. وعبير لاحظت ان فيها شي
عبير--اشرت لها وش قال لتس؟؟
ريناد--ها.. يقول متى بتطلعون؟؟
عبير--معصب
ريناد--لا
ريناد كل شوي تلمح نوره وتركز فيها -- ياويلي مايصير يشوفها كذا مدري احس حرام متزينه هي مره ..
طيب خالتي ساره ماقالت لها وامي الا اميــــــــــــــــ تدخنه اليوم الصبح
ليش ليش مايبون يعلنون مدري مدري ليش اخترتني انا كان اختار عبير انا ماقدر صعب .. بقول لامي شكلي ..تذكـــــــرت (ومابي الا انا وانتي وهي اللي ندري بس سمعتيني ..)
--------------------
عبير كل شوي تشوف تيلفونها -- لا راكان ولا اريج ياربيــــــــــ ابي احد منهم يقولي شصاير ..
ام فهد تاشر لشيخه من المكان المخصص للرقص -- انها طلبت من المطربه ان تمدح فيهم ..
البنات ارتبكوا وصاروا يتلفتون على بعض ..
جاءهم صوت المطربه --
جعل ال سعود يعزون عز الورق في غصونه ..
ياجعلهم مايقلون ... حتى العدو يكعمونه
قاموا البنات تقدمتهم شيخه بجسمها ورزانتها الواضحه للجميع وقد عرفت بها منذ ان تمسكت ببرقعها مثل اختها حصه --
وكانوا فعلا ملفتين النظر جميعهم والمطربه بمدحها وتعريفها للجميع -- كانت قد اجابتهم على حيرتهم من هم هؤلاء الجميلات الانيقات
البعض عرف لمى وافنان لكن تسائلوا من هن الثلاث المتبقين معهم . وقد فرضوا فرضيات انهن بنات اختها حصه --
ولكن كانت الاجابه قد وصلت جميع من هن حضرن الزواج--
والمطربه بحماس --
ذولا آل سعود مسمين ...يكفون شر الثليمة
لاركبوا الجيش عجلين ...كم بيدوا من قبيلة
-------------------------
شانغريلا بوظبي --
لبس بجامته بعد ماانهى فلم تابعه طارد قلقه على ساره --
تمدد بجوارها على السرير وجلس يتابعها وهي نائمه --
بعد دقائق تحركت فاقترب هو ليحضنها فاحست به ..
ساره وهي مغمضه -- مانمت ؟؟
فيصل وهو يبعد شعرها عن عيونها-- انتي شلونتس عادتس تعبانه؟؟
ساره وهي تفتح عيونها-- لا الحمدلله
فيصل وهو يتابها --الحمدلله .ماتبين نروح الدكتور؟
ساره-- لالا انا قايله بس ابي انام مافيني شي..
فيصل -- الحمدلله تدرين راكان رحلته اليوم وبيوصل الصباح
ساره تصحصح شوي-- ماشاء الله زين الحمدلله
فيصل --اي والله كلمني يبي افصله ثياب
ساره -- اجل خل نرجع بكره
فيصل يداعب وجناتها -- اللي تبين على راحتس نعود نعود
ساره-- العمليه مالله كتب خل ناجلها
فيصل --الله يكتب اللي فيه خير
-----------------------
وصل نايف للاستراحه وعرف ان زميله وصل قبله --
دخل السياره وخلا الصبي ..يطفيها ويعدلها في المواقف
وفي الخيمه-- السلام عليكم
راشد-- هلا وعليكم السلام .. ماشاء الله وينك جاي منه ؟؟
نايف-- من زواج واحد من الربع..
راشد-- ايه احسبك توك جاي من زوجتك --قلت لايكون الرجال معرسن مسيار ههههههههه
نايف -- لالا حنا مانأيد الا العرفي ههههههههههههههههه
راشد-- ماجا فيصل من الامارات
نايف -- لا والله عاده هناك
راشد -- يارجال له فقده ..كم الساعه ؟؟؟ اوه متاخر تلقاه غارق مع حرمته .اجل برسله رساله انكد عليه .. هههههههههههه
ارسل له سوالف الرجال مع بعضهم ..يدق في وضعه انه متزوج واهو لا ..
راشد بضحك-- انت ليه ماتعرس منت شايف عمرك بالمرايه شيبت وانت كل يوم تحاول تشبب الحق على عمرك يارجال ..
قاطعه نايف بضحكه --اقول لايكثر اللي يسمعك يقول انك متزوج واصغر مني هههههههههههه
ولم تاتي في باله فكرة ان يقول انه خاطب بنت فيصل . ولا جاء في باله يتكلم اصلا
حب يغير الموضوع -- تدري راكان بيوصل المطار 6 او 7 الصباح
لايارجال تقول الصدز .. اجل خلص دراسته
لا ماباقي عليه الا باقي هالسنه ..بس جاي مبطي منا .. خله يجي يارجال متى خبري فيه قبل سنتين يوم حنا رايحين له انا والعيال ..
راشد -- عاد تدري جماعتنا يروحون ويجون ولايغيبون عنا بالسنين .. بس اخوك هذا غريب امره..اجل الوالده كم له ماشافته ؟؟
نايف وهو يضحك -- اخر ماشافته مابعد اكتمل شنبه ههههههههههههه
راشد وهو يضحك --لاياشيخ اعوذ بالله
------------------
عالساعه 2 ونص ليلا
--اتصلت شيخه على ناجي ..تعال يلا خلصنا
ريناد-- يمه حنا نايف بيجينا وبنكمل السهره في بيتنا
نوره -- لالا واروج ..
عبير-- انا ارسلت لها الدوبه ماتنام تنتظرنا
رينادوهي تناظر نوره-- بكره بنجيكم -- حنا بنروح البيت
نوره -- لا لا بنسهر عند اروج حرام
ريناد-- بكلم اروج بشوفها نايمه اولا ؟
راحت كلمت اروج . والواضح انها تنتظرهم ..
فقررت تبلغ نايف اللي تو اتصلت عليه تقول تعال خلصنا.. ياويلي بيهاوشني .. وشدخلني بقوله عيت ..
الو هلا
انا قريب قريب
لا نايف
وشووو
عيت تقول بنروح نسهر عند اريج
وش اريج
بنت عمي !!!!!!!!!
ايــــــــــ
ومتى بترجعون طيب ؟ريناد استوعبي ان الساعه 2 تدرين ولا ؟
اي ادري بس وش اسوي فيها
قولي انا بروح نايف عيا علي
اوك
------------
نوره نايف عيا علي تعالي معي البيت ..
استغفر الله وش فيه هذا متخلف بنات وبنسهر مع بعض ..
ريناد --( ياويلي اخوي وخطيبها ومتخلف --ياحلالاه من يهواشتس بس عشانه بسكت )
المهم روحي معي
نوره وهي تناظر البنات متوجهين لمكان عباياتهم ..
امممممم خلاص بخلي ناجي يجيبني اوك
تستهبلين اركبي معنا
لالا في الصباح وكل شوي معه ..
----------------
نايف اللي مر البيت وخذا امه وهذا هو جاي ياخذهم
ومع كثر استنتج فكره بتصير لو خلا نوره تمشي فكرتها ..
فقرر يستعجل بابلاغ ريناد قراره
الو
الو..ريناد
انا وديت امي البيت وامي في البيت لحالها قولي راكان يقول كلكم ترجعون .. وبعدين رهف بالبيت ومابعد نامت ..تنتظرها مافي احد بيسهر
ياله وصلت اطلعوا وهذا ناجي برى
ريناد بربكه--نركب معك كلنا
نايف وبحزم -- رنو وشفيتس ماتفهمين كلامي اي للبيت ياله واسالي عبير اذا بتروح معنا اولا..
اوك
ياله نوره يقول نايف مافي سهر ورهوف تنتظرتس بالبيت مانامت ..
نوره وفيها عبره ودها تبكي تخنقها قراراته اللي تحس انها موجهه لها --اســـــــــــــــــتغفر الله على اخوتس
رنو تروح لحنون ياله حنون لبيتنا --
حنان-- واروج نبي نسهر عندنا فله ووناسه
لا نايف يقول لا ياله بس هو ينتظرنا برى .
لمى بروح استاذن من امي
رنو تحس نفسها بعد متوتره كل وحده ترمي كلام عليه جد سخيفين ..
لمى امي تقول روحي ههههههههههههه
ياله ياله
افنان جات معهم
مشوا كلهم .. وا حب يلتفت عليهم لانه شاف مجموعه جاو.. ومن فرحته ..ااجل مراقبته لها الا وقت اخر
نوره من جد زعلانه ولااحد يضيف كلمه عليها بتبكي
مرت شيخه على شباك نايف -- كلهم معك
اي نفداتس -- بنات فيصل معنا ..
ريناد بتوتر--ايــــــ
شيخه--اي ماتشوفون شر وانا امك
نوره تناظره نظرات قهر .. مسوي نفسه له كلمه علينا اووووووف عيشه تقصر العمر
فعلا تحققت فكرته لانه لو خلاها تسهر بتغير ملابسها وبتشيل مكياجها وانا مابي احد يشوفها وانا لا--اخفى ابتسامته وهو يحرك السياره معلنا ذهابه الى بيته
نوره كانت قد اتصلت هي الاخرى على جوال حاضنه رهف ..ولكن لم تلقى رد على اتصالها
والان عاودت الاتصال لهاتف ريناد اللي اتصلت منه عليها--
النوري--xxx نايف هو الاخر فز قلبه لاسمها xxحنون ولمو متحمسين في تعليقاتهم على الزواج بصوت هادي
لكن نايف يميز ان في احد يسولف ولا يعلم مايتحدثون عنه..والاهم ان اتوجد بحه من ظمنهم--
ريناداللي منحرجه اكثر من نوره يمكن لانها تعلم مافي خاطر نايف..ومايفكر به حتى الان --خذي ساندي تتصل --
نوره ولاول مره تكون غير متوتره لكن غلب عليها العصبيه والقهر منه..
ايوه ساندي .. وين انتي ؟؟
مين ودي ؟؟ xxنايف(انا هههههههههه لانتس ماتدرين ليش )
اها .. xxنايف(ايوه انا ههههههههههه)
اوك ..xxنايف(وافــــــــــــــــديت هالصوت)
لا لا مافي نوم ..xxنايف(الظاهر محد نايم اليوم)
انا في الحين اجي وباخذها تنام عندي ..xxنايف(ياليل هاللي يسولفون اوووص ماسمعها)
خلاص هي عشاء.xxنايف(غصب عنه ابتسم ) بس ياليت ريناد شافته <<<(صبى)
اها ..اوك .بايxxنايف(تنهد والتفت على شباكه)
مسكت الجوال بيدها -- مالها خلق تمده لريناد ولاتعطيها ولاتناديها
نوره--(اخر مره نجي عندهم والله توبه)
التفتت على لمو وحنون ومن بين اسنانها وبهدوء-- ماتعرفون تسكتون انتي وياها--
نايف وهو رافع حاجبه ومبتسم من الداخل --( وافديتها ياناس ..)
-----------------------
دخلت عبير وعلى طول لغرفة اريج--
هلا سلمت عليها --وجلست عند سريرها ..
هاا وش صاير --صدق متى
تغيرت ملامح اريج وتحاولت الى غضب --لكن سرعان ماتغيرت لدخول شيخه
وجلست تعلمها بالعرس ومن شافت --
وان ام فهد تسال عنها --وتسلم عليها هي ومرت فهد
وبعد السوالف والاخذ والعطى -- ياله ناموا خل عني السهر ..
قــــــــــولي شصاير
قالت السالفه كلها بضيق وعصبيه --
قالت -- انا ارسلت لها مسج باركت له والله اني مبسوطه
وانا ياعبير..................
انفجرت باكيه وبسرعه راحت عبير تركض تقفل بابها --
وترجع لها بخووف -- وشفيـــــــــــــتس هو باغيتس
خلينا وواقعين عبير وش باغيني لاتلحسين عقلي انتي بعد ..هو عشان يسافر محرم لي يعالجني
محد غصبه ياريج لاتبالغين
واكيد هو اللي خاطب
لالا والله لو تبيني احلف ان اهلي هم اللي قايلين له
ضمتها اكثر عبير-- اريـــــــــــــــــــج تكفين هدي انتي الف واحد يتمناتس
وراكان ماينعاب -- انا ماقلت انه ينعاب هو وش ذنبه يدرس ويتعلم ويبحل فيني
انا انا عبير انا ياله اقوم بنفسي .. وسمعتي الدكتور وهو يقول الحمل مستقبلا بدون عمليه بيكون مستحيل يستمر
عبير تبكي معها وش هالتفكير اهو بيعالجتس --
هاها هذا انتي قلتيها ماخذني عشان يعالجني ..انا بسويها هنا.. مابي احد يتحمل مسؤوليتي
اريج تكفين هدي هدي ولا زالت نقاشاتهم حتى بعد ماصلوا الفجر صلت بصعوبه
جن جنون عبير وهي تشوفها تبكي كل ماسجدت وصوتها يعلو بالدعاء -- يارب لاتحوجني الى لك يارب يارب
----------------------------------
بس وصلوا للبيت جلسوا بالصاله كلهم وسوالف --
جاب لهم من السوبر الماركت من عنده بدون مايطلبون بس استمتعوا يوم شافوا الاكياس ..الا ريناد اللي كان فكرها مشغول ..
وبلغ نايف ريناد انهم يسهرون بالصاله -- المهم بس شافوا الاكياس قرروا يبدلون ملابسهم وريناد قالت بنسهر عند التيلفزيون تحت لان الاربعاء في فيلم هندي على قناة-انفنتي
بعدها بلغتهم ريناد انها بتشوف الطريق لهم ..
طلعت فوق وقابلها نايف اللي كان جدي بالمره .. ولا كان حتى مبتسم ..وهذا اللي وتر ريناد اكثر ..
بيطلعون اللحين فوق بيبدلون ملينا صعب نجلس بفساتينا كذا -- وناكل
نايــــــــــف اللي بدون مايفكر قال لها --
لم يجف قلمي غدا يكمل ويكشف لنا اسرارهم
كل الود مني لكم
صبى الاوراق
28-07-09, 07:17 AM
جديد مواضيع قسم القصص المكتمله من وحي قلم الاعضاء
العرض العادي
