كاتب الموضوع :
صبى الاوراق
المنتدى :
القصص المكتمله من وحي قلم الاعضاء
السلام عليكم ورحمة الله وبركاته
اسعد الله جميع اوقاتكم بكل خير، ارحب بكل المنضمات لمتابعة ماكتبت .. يعجبني من هم مركزين معاي واحب اثير تركيزكم ان عمر الروايه واحداثها بالساعات وباللحظات وعمرها اليومي التسلسلي نحن في اليوم الرابع للابطال . اشكر من ابدى اعجابه ..والشكر لله اولا واخيرا.. فبشكره تدوم النعمه ..والحمدلله على نعمه دعمكم لي وتشجيعي . حقيقه هالبارتين تطلبت تركيز .. وبصراحه بكيت وانا اكتب مع موقف واحد اكتشوفوه ...اسال الله لي ولكم الصحه والعافيه اينما كنتم ..
فاستلموا البارت -الثالث والرابع من العشرون-
بسم الله
قراءه ممتعه ومفيده
--البارت الثالث والعشرون--
لنــــــــــــــــدن تحديدا جامعتها
وفي احدى قاعاتها
فلاح يقرب نظارته لعيونه يبي يشوف ويستوعب اللي رسمه راكان
كان راسم عين جميله ، ولها رموش كثيفه ،وحاجب مرسوم بدقه ، قريب للعرض اكثر من الدقه . وبدا لي انه ابدع في رسم تلك العيـــــن .
شاف الدفتر فــــلاح والتفت عليه xx تقابـــــــــــــلت عيونهم
وابتسم فلاح وكتب اعلى الرسمه (اوخص صاير لك ميــــــــــول عالبنات شصاير يـــــــــاعم؟)
وكعادته لم يوضح توتـــــره لفضح مشاعره امام صديقه .لكن تحركت مشاعر الرجوله لديـــــــــــه فقرر اغلاق الدفتر -- كنه يحاول يغلق الحـــوار بينه وبين فلاح
صد فــــلاح عنه ،وهو يتذكر الصوت الانثـــــــوي اللي بدا يحس بشي جميل ، وهو يسترجعه في كل مــــــــره . ولحــــــن ضحكاتها مع اخـــــــــيها . واشتيــــاقها له .
( وكان الصدفه تجمعنا ياعبير . كلمتس ،احسبــــتس عمه ناصر. كان ربي كاتب لي مانســـــــــــــــى صوتس ابد)
راكان لمــــح فـــلاح وحرص راكـــان الزائـــد ، شككه ان فـــلاح يفكـــر فيه ، ويشـــك انه رسم هالـــــعين لانه يحـــب او شي من هالقبيـــــــــل -
حـــاول طرد افكــــاره
لم يستطيــــــــع
تنــــــــــهـــد
فـــــرفع يــده
انتبه الدكتور ليـــد راكـــــــــــــان
Prefer Racan
تفضل راكان
طلع راكـــان ، وكانه ياخذ نفس بعيد عن كل من يحاول الكشـــف عن افكـــاره وعن مايــــدور بداخــــله
جلس علــــــى طاوله ، كان الممــــــر فيها هادئ ومطل على حديقه رائـــــعه، تسر الناظـــــر لها
(راكان ارجع واخطبها.
زي ماقلتلك الف من يتمنـــــاها..
انت ليــــش متردد...
احــــس ان احد منهم بيرفضني؟؟
ليش هالتوقع . الحمدلله انت مصلي فرضك ،، وخايف ربك .
ياخي لاتعقدهـــــا. قعدتك هنا بتقتـــلك بالافكار والهواجيـــــــــــــس .انزل وسنع امورك .
بــــــــــــــس
لاتكثر هــــرج ، راكان الظبــــــــي بتروح عليــــــــك ... لا طولت التفكير.. توكــــل علــــى الــــله)
تنهــــــــــد -- ونعم بالله
توجه لمكتب المساعد المسؤول البعثات --
الســــلام عليــــكم --
وعليــــكم الســـــلام -- شلـــونك طال عمــــرك؟
بخيــــــــــــرمن الله
انا راكــــان بن محمد ال سعود ---
تذكـــــروقته واسلــــوبه قبل اربعه سنين (يوم دخل على المسئوول مدير البعثات نفسه ولم يسمح له بمغادرة لندن اهــــــــــــ اهـــــــــ ياعزا ابوي ماحضرته
وش عادلي بالسعوديه دامك منت فيها )
قطع افكـــــــــــــاره
ونـــــــــعم ياراكـــــــــان امرني انــا بالخدمه
مايامر عليك عدو، ..الله لايهينك ابي اسافر للسعوديه ، وابي ترخصولي بقرابة الشهر ،وتراني مانزلت لها من 7 سنين
ارتــــاح ارتاح
جلس راكـــان ..وقاله انه قبل وقدم طلب اجازه .. وقت وفاة ابوه خالد ، ورفض المدير
المساعد--شوف يالغالي هالفتــره الى مابعد رمضان تساهيــــل باذن الله -
واستطرد --طيب وشرايك تاجلها ؟؟...الى مابعد هالشهرين ،يكونون الاهل بالسعوديه عطلــــوا وتتصـــوم عندهـــم وتعــــود .
اما لو نرخصلك هالفتره تراك بتعود الشهر الجاي ومثلك شايف مابعد راح من الشهرالا 3 ايام
(الاهل اهـــــــ الاهل ماتدري اذا تقصد الابو والام راحوا حتى انا ماعرفتهم )
راكان تردد وفعلا تذكر كلام فلاح انه بيرجع بعد شهر-- اممممم اجل برد لك خبر بكره
المساعد-- ومالك الا رضاك .. بس اكتبه معروض ...وحدد الفتره وانا ارفعه لك
راكان-- وانت سالم
المساعد--هلا فيك
الرياض حي القدس بيت ال خالد نوره في غرفة ريناد
طلعت جوالها وتكلم امها
ومع السوالف ماما-- لبيه عيون امتس
عادي لو نرجع بيتنا انا وخواتي ،يعني نرتاح اكثر
النوري اعرفتس من اليوم وانا حاسه فيتس شي ؟ شصاير
نوره تغصها العبره وهي تمشي وتسكر الباب عليها-- ماما ابي اقولتس شي ،، بس بعدها انت قوليلي معي حق اروح لبيتنا اولا
قولي ماما حبيبتي، قولي خوفتيني عليتس
ماما جنني ولـــــد هم نايف وبدت تعدد مواقفها وياها ماعدا انه شافها مرتين --
ساره ضحكت من قلب هههههههههههههههههههههههههههههههههه وافديتها انا يانــــــــــــاس فديت بنيتي ،حبيبتي ،فديت عمرتس والله هههههههههههههههههههه
وبصوت باكي مـــامـــــا-- تكفيـــــــــن ترا انا مضايقه حــــدي
ساره وهي تحاول تمسك ضحكتها -- النوري حبيبي من جدتس واي عليتس ،نايف اللي يخــــــــــوف ،نايف شحلاته مايزعل من احد ،
بس هو حريص عليتس ،وعلى خواتس ..الله يرضى عليتس بس
لاتقلقني حبيبي خلاص اوووووووووص النوري ههههههههههههههههه --لالا ماصدق تبكيـــــــــــن
ماما مق.ه.ورهـــــــــ مقه.ورهـــــ-- مو بكيـــفه مو بكيفه ،برجع بيتنا ، انا ابي بيتنا عشان مايتحكم فيني ماله دخل فيناا-- ماماااااا متى بترج.عــ.ــــ.ـــــ..ـون
ساره بالفعل ماتدري متى -- فقررت تغير السالفه -- اهدي اهدي نوره ماما
لبيـــ.ـــ.ــه
يماما لاتصيرين حساسه بزود ، ترى من خوفه عليكم ، بس اعرفه نايف مثل ابوتس يخاف ويحن على اهله
نوره نــــــــــــوره ماما حبيبتــــــــــي
نوره حست انها اقلقت امها وهي تتنهد وتمسح عيونها -- خلاص بس متى بترجعون؟
ساره بدون تفكير-- مدري لسى باقي شغلات حبيبتي عند بابا
نوره سمعت ريناد تطق الباب--ماما ريناد تطق الباب خلاص ماما انا بقفل سلمي على بابا
ليش تسكرين ماعليتس منها ..
لالا مابي تدري انو انا كلمتس ، وقلت لتس اخاف تقوله
يالله عليتس ، انتي طيب هديتي ، مرتاحه ، اقتنعتي بكلامي ماما
اي ..اي ماما بيباي
باي
سكرت ساره وابتسمت بعدين ضحكت --هههههههههههههههههه ياحلوتس يانوره اوريتس في نويفان انا اخذ حقتس منه ههههههههه
الرياض بعد صلاة الظهر حي القدس--
خلصت صلاة الظهر والميت بجامع الراجحي الجامع اللي ماشاء الله يابخت من صلى الناس عليه فيه
جامع لايخلو من ازدحام المصلين وكثرتهم في جميع اوقاته لعدة اسباب منها لانه
على مخارج مهمه في الرياض مثل الدائري الشرقي ،ومخرج 15،من المعالم البارزة
كونه ويصنف من ضمن اكبر الجوامع على المستوى العربي ولهذا ادرج في قائمة معالم مدينة الرياض
التي يزورها ضيوف المملكة المسلمون اثناء زياراتهم للعاصمة.
وتقوم في دروس ومحاضرات وندوات دينيه ويقصده الجميع وهو جامع الشيخ سليمان بن عبدالعزيز الراجحي جزاه الله خير
يتسع الجامع لأكثر من 27 ألف مصلي ،ويوجد فيه مكتبه كبيره تسع أكثر من مائة الف عنوان 100000
كذلك يوجد بها مغسلة أموات لتغسيل 53 ميت خلال الساعه الواحده بمعدل ربع ساعه لكل جنازة طبيعية
كذلك يوجد بها ثلاجة لحفظ الأموات
ويوجد أيضاً مكان مخصص للصم والبكم وهو أول مشروع إسلامي في العالم يهتم بهذه الفئه الغالية حيث يوجد مترجم لنقل خطبيتي الجمعه والأعياد والمحاضرات والدروس
ويوجد أيضاً مصلى خاص بالنساء يتسع لأكثر من 2500 مصلية
كما تنتشر دورات المياه في جميع جهات المسجد
يوجد بها مبنى مجهز لمواقف السيارات يتسع لأكثر من 484 سيارة بخلاف المواقف الجانية
يوجد أيضاً خمسين غرفة للمعتكفين وكل غرفة مجهزة بدورة مياة ومطبخ وكل غرفة تتسع لشخصين
يوجد أيضاً مطبخ مجهز لتفطير الصائمين
يوجد مواقف خاصة لكبار الشخصيات
يوجد أيضاً إستراحة لأهل الجنائز حيث يوجد مطبخ في استراحة الرجال والنساء مجهزة بالشاي والقهوه والمياه
تنتشر في جميع أعمدة المسجد صنابير مجهزة بمياه زمزم لخدمة ضيوف الله
والجامع مكون من ثلاثة أدوار البدروم والدور الارضي والدور الثاني ...)
ومع زحمة المصلين ضاع بندر عن نايف --وفي المقبره بحث عنه فلم يجده من الزحام -- وهاتفه مو معاه
فقرر الرجوع الى المنزل -- وانتظاره هناك
وهاهي ساعة نايــــف تمل من الانتظار، تغدى نايف مع امه ورهوفه وسعود بن فيصل ، واخوانه فيصل وسعود بن خالد
والبنات لحالهم على سفره ثانيه
لم يستطيع نايف من القلق على بندر انه يطلع غرفته وهو مابعد شافه
وهذا هو صوت الباب يفتح بهدوء ويدخل بندر-- قابلته امه هلا بوليدي وعزته للمره الثانيه وقتهـــــــــــــااا
فــــك اللطمه بندر ولم يستطيــــع التحمل اكثر -ضــــــــــم امه وبدا يبكي ببـــــكاء مكتــــوم
امه لم تحتمل -- بسم الله عليـــــــــك الله يرحمه يابـــــــــوي الله يرحمه
بندر لم يستطيع التحمل اكثر--اهـــ يايمه اهـــ يايمه حمداان راح بغمضة عين راح
حصه بصياح --ياوياي على وليــــــــدي ،،اذكر الله يابوي
ريناد ومــــــــاري يمسكون حصـــه وكانهم يحاولون يفكونها عن بنــدر اللي انهـــار بالصراخ والبكاء
نايف اقترب من بندر اكثر -- بندر ابوي اطلب له الرحمه ، والله يعظم اجرك
وقتها بندر رمــــــــــــى نفسه على نايف بقوه --م.ات م.ام.ت يا ن.اي.ف لي.تن.ا سم.عنا الن.ص.يحه لي.ت.ــ.ــــ.ــ.نا
نايف بجسده العريض الثابت المتماسك الي بدى له صلابه ، لملم يدينه على اخوه -- بندر اذكر ربك اذكر ربك وانا اخـــــــــــوك
البنات قلبوها مناحه ،وكل وحده تطل من جهه ولمى لم تحتمل الموقف -- دخلت تبكي بالمقلط
نوره سمعت الصراخ ،وهذا هي تطل مع الدرج وتبكي ، اصلا كانت محتاجه تطلع بكائها ، وهذا هو جاء وقته
بندر اللي ماكلا شي من امس ، وحالته لله ومايدري اشلون تماسك بالمقبره وبالمسجد --
حس نايف بجسمه ينزلق من يديه -- فضمه بيديه الاخرى بقوه عرف انه فقد توازنه وبدت ينخفض مستوى صوته-- بندر بندر-- ابوي انت -- صراخ امه وريناد ونوره ولمو وحنون وميس والو
حمله نايف وسدحه على الكنب في الصاله البنات كلهم تراجعوا ويركضون للمقلط ، وفتحوا درج شراشف الصلاه،
وكل وحده خذت لها شرشف وتتغطى فيه ، وكل وحده فيهم ترتجف وتشاهق
ريناد عند راسه تصارخ مع امها -- ونايف يرش عليه مويه بندر بنـــــــــــــــدر
نايف بقلق يعض على شفايفه -- تسمعني ابــــــــــــوووي تسمعني
بندر اللي لم يستطيع الايمــــاء براسه--
حمله نايف وطلع به وهو يصارخ ينــــــادي -- محمـــــــــوووووووووووود افتح افتح السيــــاره
حصه اللي طلعت للمواقف ببرقعها ،وريناد تبكي وتبي تروح مع نايف بالشرشف اللي ماستوعبت الا بصراخ نايف عليها انتبهــــــــــي لامي
ركب السياره محمود مع بندر ورى وريناد بركض تعطيهم كاس مويه
رجعت لامها يمه ماعليه الا العافيه لالا ابي اروح ابي اروح . يمه الله يهداتس
نوره انا بكلم السواق يجي يودينا--
اي اي يمتس كلميه اهــ اهـــــ على وليــــدي ماتحمل ماتحمل
دقت نوره وهي ترتجف --الو تعال بيت بسرعه
لبسوا عباياتهم ريناد وامها ونـــوره وهاوشـــواا البنات محد برايـــح ولمى تقطع قلبها تبي تروح --بس رفضوا البنات
نوره قبل لاتطلع --اسمعــــوا لادق احد لاتقولــــون شي طيب لاحد يدري
تركوا البنات في منــــاحتهم ونوره قلقانه عليــــهم -- (الله يستر لاوحده منهم تدوخ بعد)
دخل نايف مستشفى المواساه الاقرب
الطوارئ قالهم السالفه وانه ماكلا ولاشرب ولانام ومشى كثير ونفسيته تعبانه --
ركبوا في مغذي وعطوه مهدئ في الوريد وهذا هو نايم
نايف بعد ماطمن عليه استوعب انه بدون جوال وبدون شماغ وحتى النظاره مهيب معه -- مايحب يطلع للناس بدون شماغ (ايــــــــــه اهم شي سلامتك يالذيب )الحمدلله الحمدلله
جا محمود وقال ان مدام حصه فيه اجي اللحين طريق--
نايف -- لاحـــــووووووول بتتعب نفسها اكيد ماعرفت تهديها ريناد لو عبيرعندها كان بتعرف تهديها--
دخلوا الثلاثه واللي دلهم على الغرفه محمود --
دخلت حصه -- نايف وين بندر -- بندر بندر يمه نايم نايم هوطيب وجلست تبكي لف من جهتها وحضنها ، يمه والله طيب بس عطوه مغذي ومهدئ وهذا هو بخير وعافيه
نــــــايف بهدوء واضح-- يمه انتي خابرته ، مانام ولا كلا ومع الممشى تعب ،
ريناد تقرب الكرسي وجلست امها اللي تبكي ونايف عند جلس عند رجـــــولها
نوره تبكي .وتحاول تكتم شهقاتها. ماقدرت فرجعت ورى الستاره
ريناد تبكي .وتمسح على راس بندر. وهو نايم -- وكل شوي تحب راسه
نايف اللي الحمدلله هدا. من قبل لايجون .قرب لريناد -- رنو اللحين انا اهديتس ولا اهدي امي .شوفوه هذا هو طيب .ماعليه الا العافيه لاتكبرونها
هدت ريناد وجلست على حافة السرير -- وامه حصه كل شوي تحبب ايده
ولازال في صوت شهقات
نايف يناظر امه وبعدين رنو x وبعدين رنو ويرجع بنظره لامه ( في صوت احد يبكي ولايتهيالي)
رجع يتاكد منهم محد يبيــــكي منهم -- رجع سمع وقالــــــــهم -- ياناس في احد يبكي ؟؟ ولا يتهيالي
نوره اللي كتمت انفاسهـــــا
ريناد بعبره وبابتسامه نوره نوره تعالي
نــــــــــــــــــــــــــــــــــــــــــــــايف شاف وجهة نظر ريناد ..
والتفتت شاف اللي تطلع من ورى الستاره
وهي منزله طرحتها ومعها مناديل باناملها
مال عن طريقها
وكانه مايبيها تشوفه وهو بدون شماغ ولاحتى نظاره ولا يبي يشوفها بهالحاله( وش جابها .. من بقى بالبيت؟؟)
توتر وتذكر ان المغذي باقي فيه واجد -- امي الجلسه هنا بتمرضها الله يستر-- بروح اشتري لها مويه تبرد على قلبها
راح وشرى خمسه مويه --
وهذا هو رجــــــــــــــع -ياولـــــــــــد
يعني بديهي ان نوره متغطيه مستحيل رح تفتش قدام بندر حتى واهو نايم
حصه امه -- تعال تعال مابه الا النوري ماعليك
نايف يكره انه ينحرج او يتوتر من انثى -- دخل ونزل الكيس وطلع وحده وفتحها وقال اشربي
قالت مالي به يانور داري
والله ان تشربينه
نوره مراقبه الحوار بسماع بدون ماترفع راسها
شربت امه حصه اللي وجهها فيه طيبه الدنيا كلها وبياضه كنه نور الصباح
سقيت من ماء الجنه ان شاء الله
وياتس يالغاليه
اشربوا بنات اشربوا
نوره توترت تحـــــــــــس انه يقول اشربي يانــــــوره اشربي
نايف يمسح بايده على شعره وكانه يعيد تسريحه ،
ويعاود ادخال اصابعه يريد تسريحه اكثر وترتيبه ،
واطال المسح على شعره من اليمين والشمال ،
توقفت ايده اليمنى لثواني على رقبته من الخلف مثل اللي يفكر،
وهاهو يمسح على وجهه ، وبدا يطرد توتره
مابينه وبينها الا متر.. ايه متر باالضبط هي عالكرسي وهو على حافة السرير
نوره متوتره بقوه --هو ماحاول يناظرها لانه عارف بتوترها منه
حصه بقلق -- بندر يمه بندر ابوي انت
بندر وجفنه بدى بالحركه --اممم
حصه وهي تبكي -- لبى جوفك بندر انت طيب ؟؟
بندر وهو يفتح عيونه X ريناد توقف تشوفه
بندر بتعب --وشفينـــــي!!!؟؟
نايف يجي مكان ريناد ,,, نوره مثل اللي فزت من مكانها لمروره --نزل لراسه وحب جبهته -- طحت علينا من قل النوم والتعب ..انت سهران امس؟؟
بندر نعسان للاخر--ايـــ انا في المستشفــــــــــ
حصه وهي تلمسه--اي يمه ماعليك العافيه يوجعك شي ؟؟
لالا ابي انام
امه ونايف --نام نام
لا ابي اروح للبيت
نايف باهتمام ---وين وين ارتح ارتح المغذي فيك اذا خلص رحنا
بندر وهو يغمض عيونه بغضب--ماف.ي.ني شي ب.روح الب.يــــ.ـــ.ــت
حصه تكتم بكائها والبنات يبكون --اوص نام نام تعبان جعلني قبلك يابـــــــــوي
نايف توتر من صوت بكاء ريناد وشهقات نوره --وعند الباب حصه انتبهت له-- ووين يايمه تعال ووينك رايح؟؟--
نايف وهو يخفي توتره--قريب .. قريب
بعد دقيقه من متابعتهم لبندر واهو يستغرق بنومه --
حصه تشوف الساعه بيدها --قده حول العصر
نوره بصوت واطي وهي ترفع طرحتها عن عيونها-- لاتوه يمه ، مابعد اذن
--- البارت الرابع والعشرون--
حصه مدت يديها لراس بندر-- وبصوت باكي - قرت عليه المعوذات والاذكار اللي ترددها دايم في جميع اوقاتها
دبــــــــــي في السياره
فيصل بابتسامه-- من باقي ماشريتي له؟؟
ساره وهي تشوف الاكياس--باقي بنات اختي شريت بس لعيـــالي
فيصل بحماس -- الله الله في هدايا شيخه وام نايف
ساره بابتسامه -- اوك عليك ..انا ابي ..انت اللي تختار لهم ...وش قلت؟
فيصل بابتسامه -- ماعرف ملابس وبلايـــز ماعرف
ساره بضحكه -- لاااااااا ساعــــات
فيصل بضحكه -- اجل ذووقي عاجبتس صـــدق
ساره وهي تتذكر-- ذووقك في الساعات شيــــ ودايم خواتي يقولون مهوب هين ابو سعود يعرف الزيـــن ههههههههههه
فيصل وهو يضحك -- اجل يبشرون بعـــــزهم كم عندي انا من بنات عم ههههههههههه
طيب تحمست اللحين خلاص ندخل اللحين اكبر وافخم محل ساعات بالامارت وهذاهم دخلو الفردان وشوبارد ومحمد رسول خوري
دخلوا واختاروا ساعات اشكالها تجنن وغيرو لام نايف بدل الجلد وحطوه عادي بس من نوع فخم ..لان ام نايف ماتحب تلبس جلد على عكس شيخه اللي تنجذب للفخامه مهما كانت
فيصل لو عليه كل ماحطت ساره على ايدها ساعه خذاها لها -- بس هي تتردد ، وترجعها ، وتدور احلى
لنـــــــــــدن وبعد ماطلعوا من الجامعه
فـــلاح -- راكان انا بروح محلات هنا ابي اشتري هدايا لفهد واهلي
راكان وهو يحس انه محتاج يختلي بنفسه--لا ماتشوف شر محتاج شي ترا الخير واجد --وبضحكه -- ولا من سال ماعطى
فـــلاح وهو يطبطب على كتف راكان --- ماتقصر يابوسعود خيرك سابق معي جعل يكثر خيرك
راكان باصرار --الا والله وهو يطلع محفظته قاصد البطاقه x جعلك سالم ومكثور الخير والله مايجيني شي ولو ابي اخوي ومانيب مستحي منك
راكان اجل مع السلامه
فلاح مع السلامه اسمـــــــــع-- لاتجيب غداء بجيب معي وانا جاي
راكان عطاه نظره ايجاب وكمل طريقه
في الحمادي في احد الممرات --
نايـــف يوقف وهو ينتظر احد يدخل من البوابه الرئيسيه للطوارئ--وعيـــــــــــن على غرفة بندر وعيـــــــــــن على الباب <<وش اللي على غرفة بندرعين ؟؟ ولاقلب (صبى )
حس انه طول بالانتظار فقرر يجلس على الكرسي المقابل للغرف--شاف شاب قريب من عمره او حتى اصغر ،
يدخل وهو يدف عربيه امراه والواضح انها زوجته لانها كانت تتالم بوضوح لمن يراها وعرف نايف انها تولــــد ،
نايف راقب الحدث بدون لايشعر ولايستوعب والواضح للعيان ان كل من في الممر كان مراقب والبعض مهتم في الامر
نايف كان يراقب الرجل وهو يتكلم ويركض بين النيرسات باحثا عن الدكتور المختص
بقلق وربكه واضحه خوفا على زوجته وكانه يريد انقاذها من الالم
وهاهم ادخلوها وهو بقي خارجا ، ويرفع ايده كل مامرت دقايق رفعها يدعي لها ، نايــف كان من ضمن المندمجين
ولاول مره يرى بواقعه امراه في حالة ولاده --لالاما يهم همه -- الرجل في عمره
والواضح انه اول ابن له، الله يقومها لك بالسلامه ولايحرمك
اقترب منه.. من كان ينتظره --
محمود--تفضل بابا
نايف اللي ماقدر يصبر بدون شماغه ولاعقاله .. قدام الناس وصى محمود يروح البيت يجيبها ..
وهذا هو وصل -- اها شكرا محمود ، خلاص ارجع بيت مع نفر ثاني ، انا في جيب كلو
محمود -اوك
نايف لبس شماغه وعقاله والتفت على بوابة مدخل يرسم في المرايه العاكسه للبوابه ضبطها وتوجه لغرفة بندر
مرت عشر دقايق
والوحيده اللي تساءلت بخاطرها وين راح نايف هي وحده منهم يمكن لانها حاسه انها اكثر وحده حرمته من الجلسه مع اخوه واهله< صدق يانوره هذا السبب (صبى)
ريناد تقطع على نوره افكارها وامها في جو القرايه على بندر-- يمه تراه اذن.,.
حصه وهي توقف وتحب راس بندر --ياله اسالك الصحه والعافيه لوليـــــــــدي
على اذان العصر --جوال اريج يدق وعبير اللي من يوم تنتظره يرن
لي لي انا دقه من تيلفونتس--الو
ساره -- السلام عليكم .عبير حبيبتي حنا عند الباب. افتحي لي
عبير وهي تتوجه لباب البيت -- هلا حياتس ... سلمت عليها وخذته منها وشكرتها
عبير -- حياتس اقلطي .وتغدي. وتقهوي معنا .ولتس علي اوديتس لبيتس انا بنفسي مع السواق
ساره بحرج -- لايابعد عمري زوجي ينتظرني على الغداء ..فرصه سعيده اني شفتك ..مع السلامه
عبير -- هلا والله ..الله لايهينتس يالغاليه ..ماتشوفين شر
لنــــــــــدن شقه راكان وفلاح--
راكان يسترخي بتعب نفسي داخلي من اعماق اعماق جسده وداخل كل خليه بجسده ، اصبح مثل المقيد من افكاره ،
لايدري هل نزوله للسعوديه، فكره اصاب فيها ام تسرع باختيارها--هل
الان ام بعد شهر ، اذا نزل هل سيتجرا ويخطب ، ام سينزل سيرجع مثلما نزل ،ام سيرجع محطما برفضهم له
،اهـــــــــــــــ كم قاتل شعور ان تمنع من ارضك ؟؟وشلون لامنعتك اسباب عاطفيه ؟؟!
متضايـــــــــق
مكتـــــــــوم
محتـــــــــــار
تعبـــــــان
مرهــــــق
اكره هاللحظه من سنين اكره الاجازات بالدراسه ؟
(راكان انا قايل لك توكل على الله ، ونعم بالله.... بس هو يقولي تبي هالشهر.. ولا تنزل شهرين وبعطلة المدارس وتتصوم عندهم ، انا محتــــــــــار
انا لارحت وين اروح وين اسكن فيه ؟ وش اتصوم ؟؟...عند من ؟؟...مابي اضيق على احد ...حتى لو بملاحقهم ؟
ولاقلت باخذ جناح واسكن برى بيجلسون يحلفوون علي ولابيزعلون ...انا وش اللي بهالغثاء انا هنا وعلى راحتي... ولا اني الحمدلله مضيق على احد
هذا اخر ماعندكــــــــــــــــ .... وبنت عمك بتصبر عليك ....
التفت على شقه الايمن وغمض--اهــــــــــ
للنور أسولف ../ عن أمـل../ ذكرياتـك
ــــــ ولليل اسولف ../ عن ألم ../ ذكرياتي ...
ياكيف ابهرب وابتعـد عـن .. / جهاتـك
ــــــ وانتي عيونك ... / لارحلتي / جهاتـي ...
هـذي عيونـي قبـل لاقـول ../ جاتـك
ــــــ تبكي المسافة / والصبـح / وامنياتـي ..
يالهف حال اللـي .. حيابـك ! وماتـك !
ــــــ فرقاك .. كلمة / مختصرها : .. مماتي ..! (بركات الشمري)
فتح عيــــناه بهدوء متعب -والله يابنت عمي ، ومن سبع سنين ماقد قررت وفكرت ،
انزل لكم الا بسببين وانتي التالي فيهم ، مدري وش المكتوب لي معتس ؟؟؟....بنزلتس بعد شهرين ، والمشكى لله
الريــــــــــــــــاض--
بيت بو سعود --ابو اريج
شيخه تسولف مع ناصر عن كلام الدكتور والدكتوره -- ابوي انت اسمعني ، خل عبير ونايف ينزلون بها عند راكان ، وهو يسنعهم هناك
ابو اريج -- مدري راكان يقول احتمال يجي
شيخه -- جعله والله الساعة المباركه .. اجل يملتس عليها ،،ويروح بها يسوون العمليه
ناصر يرفع عيونه لعيون شيخه باستغراب -- وش ذا العلم ؟ ليه هو خاطبها منتس ؟؟
شيخه توترت يوم عرفت انه عصب منها-- انا كلمته اليوم ،، ولاعنده مانع
ناصر وهو يهدا -- وليه ماقالي
شيخه تبعد عيناها عنه خايفه عيونها تفضحها --انا وياك واحد
ناصربحزم -- مافي شي الا بموافقة اريج
قام وهو ماستوعب اللي صار وكانه يبي ينسى --اريج صاحيه
شيخه بتوتر-- ايـــــــــ
ولازالنا في الرياض وتحديدا ..في الحمادي
بعد ماجاء من مسيد المستشفى
دخل الغرفه .. وشاف الثلاث اللي واقفين بعباياتهم ... يصلون جنب بعض ...
ورجع لــــــلخلف
سلموا وجلسوا على السجادات على الارض
وفجاه -- ابي مـــــــاء
قامت حصه والبنات -- وشربته ريناد وحصه اللي ماسكينه ويشربونه
تكلمت معه حصه وبدا يسولف معها -- ريناد يمه نادي نايف خله يشوف اخوه --
واستطردت وهي تشوف ريناد تطلع وتعاود النظر لولدها --خنت حيلي قلقان عليك ويحاتيك
ريناد رجعت ونايف معها ياااولــــــــد
هــــــلاااا لاماشاء الله ماعليك العافيه معافى معافى
بندر رفع خشمه له وسلم عليه x نايف نزل له وهو يرفع عقاله خايف لايطيح عليه
نايف--ها بشر شلونك اللحين ؟؟ تونس شي
الثلاثه يراقبون الحــــــــوار-- لكن اللي مركز بابعاد اخرى وعشان اثبت لكم انها مركزه بدقه -- كانت تقول (ماكان عليه شماغ وشلون جاب شماغه؟؟!!!!!)
جلس يسولف بندر بهدوء مميز يدل على التاثر والامتثال للقضاء والقدر--عن حمدان وكيف سوا الحادث ومن اول مابدت السهره حقتهم
وامه حصه تبكي وتاخذ وتعطي معه بحماس وتترحم عليه وتدعي للي مثله بالهدايه
بندر استغرب الثالثه منهي ؟؟ اجل من ذي مهيب عبير
حصه بضحك -- لانفدا عمرك وعمرها ومن يسمع .. هذا النوري لبى عمرها .. شافتني اختبصت بطيحتك .. وزهمت على سواقها وجابتنا
نايف ( ياهي تتصرف بشورها ماتتوب)
نوره بهدوء وبصوت خافت -- الحمدلله على السلامه
بندر بصوت متعب -- الله يسلمتس
نايـــــــــف --تمنى لو عليه نظاره او انه ماكان باالغرفه ،،، عليتس عــــزف حنجره،
انغــــام هادئه ،
عذبه ،
ساحره ،
تطربنــــــــــي يانوره تطربنيـــــــــــ
حرام انتي احد يسمعتســـــــــ ،
لاتتكلمين عند احد ،
سامعـــــه ،
تكفيـــــــــــــــن لاتعانديني بـــــــــس هالمره مابي احد يسمــــع صوتس غيـــــــــــري
وش قلتيـــــــــــــــــ يا مغروره؟؟!!!!!
قطع افكاره طرقات الباب
النيرس -- تشوف المغذي اهـــاا باقي شـــويااااا
بندر باصرار وحزم -- لالا فكيه بس خلاص
نايــــف -- لالا خليه وش تفكه ليش ماعاد بقى الا هالقطره ..وتفكه اصبر الصبر زين
نوره متوتره والظاهر مستحيل تمر حالة هدوء دام هي وياه بمكان واحد
جلست النيرس تقيس حراره وضغط بندر
وفي هدوء الغرفه التفتت حصه على البنات
مدري عن البنات رحنا وخليناهم يباكون ،، الكبار بسلامتهم.. بس انا همي الصغار
نوره فديت عمرتس ازهمي شوفي اخيتس رهوف شلونها اكيد بدورني ، لا انا ولا انتي ولاهيب باغيتن حنان .. ازهمي يمتس
نوره تتخيل تتكلم عندهم.. مستحيل سمعت جملة امها حصه وهزت راسها بالايجاب.. بس متى التطبيق ؟؟ الله اعلم
نايف وصلته السالفه وهو يتابع النيرس ومسوي انه ماسمع شي والحقيقه انه في حالة ترقب ، وانتظار بدء العزف ، واللعب على اوتاره
حصه التفتت عليها -- مامعتس تلفونتس خذيـــــــــــــــ تيلفون
نوره واخيرا نطقت--الاـــــــــ معي
طيب ازهمي يومتس احاتي ذا الصغيره ولا الكبار ماينخاف عليهم
نوره راحت ورى الستاره ..مكان مريض اخر خالي ..بجوار بندر x دخل الدكتور ومعاه النيرس
نايــــــــف انقطع حبل افكاره الذي لم يبدو للتو ... والان فقد الامل في السماع له--
وعليكم السلام دكتور
ازيك يابندر عامل ايه
الحمدلله
الحمدلله ضغطك تمام .والتحاليل تقول مافيش سكر. والحمدلله كله ميه ميه . والف سلامه عليك .وتقدر تخرج
صافحه نايف وشكره وطلع
النيرس قربت وبعد نايف عشان تفك المغذي
جاء صوت خافت -- متى جاتكم ؟اها - لاتقولونها ان حنا في المستشفى - يااللهــــــــــــــــ عليكم ليه قلتوا ؟؟
نايف --(ياويليــــــــــه وده يطرد النيرس وخرفشة اغراضها معها --اشششششش ابي اسمعها )
ريناد تطالع في اخوانها منحرجه ماتبي يدققون في صوت نوره الواطي بس يوضح مع هدوء النيرس
نوره--عطوني اياها ؟ افنان شخبارتس لالا الحمدلله طيب لا مافيه الا العافيه مغذي اي لالا اشوى شوي ونجي لاتقولين لامي شيخه -- لا انا عندهم شوي ونجي بعديــــــــن ماقدر اتكلم خلاص باي
نايــــــــــف--(لالا تسكرين قوليلهم اللي صار كله )
نوره رجعت وشافتها حصه -- هاوشلونها ؟
نوره بهدوء وتوتر--لا طيبه تلعب
نايف -- (والله انا اللي انلعب في حسبتي من حستس)
نايف يسند لبندر ..وهو اللي يطمنه انه يقدر يمشي لحاله .. طلعوا وراهم كلهم يمشون ... وقرب السياره لهم
وصلوا للبيت ودخل بندر وحلفت امه انه يتغدى قبل لاينام --
ابتسم وهو يحب خشمها -- والله ماليبه بس عشانتس بصلي العصر وبجيتس
امه -- الله يتقبل منا ومنك اجل لا رجعت بتعينه والم
ماااري تراقب بندر وكنها تطمن عليه -- همدلله كويس . انا في روه زين قدا
اي حبيبتي روحي
في غرفة البنات
كل وحده تتذكر الموقف وتعلق على الثانيه واللي يضحك واللي يتعبر --
وافنان تقول والله اكشن ليتني معكم ..يالبيـــــــــــه اجل هيرثك طلع فلم قبل كم ساعه هههههههههههههههههههه
ريناد--- يالبيه لا ازين منه رجاء خيو ماله شبيه ههههههههههههههههه
نوره بتوتر تتهرب من النقاش وهي تداعب شعر رهف وراميه اذنها عندهم
افنان القت بسهامها على نوره -- نويران ياحظتس كنتي مع ذا الزين
نوره عطتها نظره -- عليتس تفكير
الامــــــــــــارات وعند جامع كبير كانت ساره تو رجعت للسياره .. وفيصل نزل يصلي العصر ولابعد رجع
تذكرت رهوف اللي تشغلها باوقات انتظارها في السياره دايما
تذكرت نوره وهي تبكيــــــــــــ
ابتسمت -- اها باخذ حقها من نويفان هذا وقتك
طلعت جوالها واختارت الوسيــــم
نايــــف دخل غرفته -- ابعد مفرشه الاسود والابيض وانسدح بتعب -- الحمد لله الحمدلله جعلكم ماتشوفون شر ولامكروه استودعتكم الباري
تناول الريموت اللي كان عالطاوله المجاوره لراسه-- يحاول يطرد اللي صار بعضيده
جاءه من يطرد افكاره رنين هاتفه لكنه بدا يحس بشعورجد يد لهالعائله ؟؟
في غرفة البنات
البنات كلهم يعرفون لمى وحبها لبندر وفعلا اهو صديقها ايام الطفوله والان بعمر 16سنه ماشعورها له ؟؟
ريناد تتكلم عن انه ماكان يحس فينا اول ماوصلنا وانه وانه --وفجـــــــــــــــــا ه
ضحكوا البنات يوم سمعوا شهاق لمى تبكي وتهز راسها لريناد يعني كملي وماستوعبت نفسها انها وضح خوفها وقلقها
ريناد تضحك -- يالبـــــــــــــــــــــــى قلبها ياناس اموت انا على اللي يحس وعنده احساس واكتفت با هالتعليق ماتبي تحرجها
لمى تضحك وتمسح دموعها
ريناد -- لمو ..والله طيب اشوى اللحين
والله تقومين تشوفينه ..هو تحت بالصاله.. قوومي شوفيه.. حلفت انا ...قومـــــــــــــــــــي
لم يجف قلمي غدا يكمل ويكشف لنا اسرارهم
كل الود مني لكم
صبى الاوراق
همسه-- تعمدت انزل الى اخر حرف كتبته... وهذي اطول بارتين نزلتهم وتستاهلون
|
13-07-09, 08:43 AM
جديد مواضيع قسم القصص المكتمله من وحي قلم الاعضاء
العرض العادي
