كاتب الموضوع :
صبى الاوراق
المنتدى :
القصص المكتمله من وحي قلم الاعضاء
السلام عليكم ورحمة الله وبركاته
اسعد الله جميع اوقاتكم بخير --لازالت تسلل احداث من الرياض الى لندن
حيث ال سعود وال بندر نعيش حياتهم لحظة تلو الاخرى
استلموا البارت الخامس عشر واحب اقولكم مدري هل غدا يحمل لكم بارت جديد ام لا
الحقيقه اني لا اعلم عن ظروفي غدا الاربعاء فانتم تعلمون اين ساكون يوم غدا
واتمنى اني اتحدى الوقت واقدر انزل لكم بارت
قراءه ممتعه ومفيده
بسم الله
----البارت الخامس عشر----
نوره توتـــــــرت بس شـــــافته متوجهه لسياارة ناجي
نايف من شباك الراكب حق ناجي -- لا العشى محمود راح يجيبه
نايف انتبه لحركات خالته القلقه
قال معكم مكان --يعني لرنو
امه--اي اي
طيب اجل ناجي انزل وانا بوديهم--
بينما حرب المشاعر السامه لانها مختلطه عندها<<<<<
{نوره كانت تلمحه مع كل جمله يقولها لمحه وتطرد عيونها وعلى هالحال تفاجات يوم عرفت انه بيركب
لالا مااااااابي يوديناااا
يوترني هو ماابيه مااابيه}
ناجي يبتسم -- اوك ونزل
راح قال لريناد وطفى سيارته ولحق ريناد لسيارة ال ناصر
ركب وقال ---يمه تعالي قدام انتي وخاله
امه --لاوالله ياوليدي ركبنا خلاص
نايف برجوله كامله -- اجل كانه ضيق عليكم احد يجي مع ريناد قدام
جااه صووت طفولي بريء-- انا انا
ناظر بالمرايه--من ؟
لمحهااا بحضن وحده متغطيه --يامرحبا تعالي ساعدتها ريناد في انها تاخذها من نوره وتجيبها قدام
نايف ماقدر يلمح شي من اللي ورى كلهم الا برقع امه وخالته والباقين كلهم مستحين ومنزلين طراحهم
شيخه -- ليش ميوس والو ماجاااو كان جاواا وش يقعدهم ؟
حصه-- خليهم بيتي وبيتس واحد ماعليهم شر عندهم الخدامات
نايف حط رهوفه بحضنه وهو يسوق
نوره تراقب تصرفاته -- {ليش يحطها بحضنه وهو يسوق وش كذا ؟ يبي يخرب البنت علينا-- ماتعودنا وبابا يسوق تجي بحضنه مو زين خطر عليها}
رهوفه ببراءه -- تتحرك كثير ومو عاقله وكل شوي توقف
نايف وهو واقف عند الاشاره -- مسكها وجلس يبوس فيها وهي تضحك وضحكتها تجنن نايف يلاعبها ويضحكها عالصامت ولاطلع ولا صوت
وفجاه
عضهااا من اذنها عضه خفيفه
نوره انجنت من حركته ليييييييييش هذي بنت صغيره وش هالمزح؟وهي بعد تكمل تبي تعضه شهاللعب مايصير كذااا؟
رهووفه متعوده منه هالحركه -- وكالعاده قررت ---- تردها له
قرب منها وقال لها --- اذاعضتيني ماراح نروح البقاله
رهف شالت الفكره من بالها وهي تحك اذنها-- لااااا حلاث بث نلوح البقاله
ابتسم نايف ابتسامه خبث وانتصار كعادته دوم معها
نوره --ماتت قهرررررر ماله داعي معاملته مع الاطفال مو حلوه الله يعين عياله عليه
قاطع افكارها صوت امها حصه --ريناد يمه خذي رهف من نايف لاتشغله وهو يسوق
ريناد بابتسامه -- هو يبيها -- رهوووف تعالي تعااالي عندي حبيبتي
نوره بصوت خافت -- ريناد جيبيها عنديييييي
نايف سمع الصوووت
اشتعلت افكاره--
{وش فيه وش صار لك
ماسمعت اللي سمعته
وش هالبحه }
هدير محرك الجي ام سي حسوا فيه كل اللي بالسياره
انه هدى عن سرعته اللي كانت عليه
لان نايف رفع رجله واستسلم للسياقه الاوتوماتيك يعني على 120 ثابت
وهو يتحكم بالدركسون
نايف شارد بافكاره وبداخله
{وش جاك يانايف؟
صوتها حرك شي غريب بداخلي
تدري اول مره اونس به--
عجبك الصوت
ودي اسمعه مره ثانيه خلوهااا تتكلم
وش هاللي احس فيه
كأنه
لالالاااااااااااا كلموها بتاكد ؟}
قطع عليه ريناد تحاول تسحب رهوفه اللي تمسكت بيد نايف -- مابي مابي
نااايف بصوت رجولي وبحزم --خلوووهااااااا ---عندي ابيها
نوره بس سمعت جملته الاخيره --ارتبكت ونزلت الطرحه اكثر على عيونها
افنااان تميل على اختها لمى اللي جنبها وقدامهم امهم
افنان بصوت خافت باذن لمى -- ياويليييييييه ياحظ رهووفه
لمى انحرجت وخاطرها{ ليته بندر اللي مودينا }-- اووص يمه يخوف احس انه عصبي
افنان عايشه مع افكــــــــارها وباذن لمى -- وش عرفتس هذي الرجووله يالبيييه
حنـــــــان مشغوله بهاتفها -- ترسل لامها
كتبت --مامي حبيبتي وحشتينيي ابي جهاز جوال لاتنسين رقمه n97خلاص مامي امووووووووووووووه سلمي على بابا--
جــــــاري ارســـــال الرســـــــالــــه
هـــدا الصـــــوت في السيـــــــــاره
وبقي صــــــوت سعود بن فيصل وسعـــــــود وفيصل بن خالد اللي باخر الجي ام سي معهم قيم بوي
وودهم بجهــــاز سعود بن فيصل اللي بدى انه مناسب لعمره فضــــلا عن اعمارهم
شــــــانغريلا بوظبـــــــــــي
طلعوا فوق لبس واستعد لشغله بينما ساره ساعدته
فيــــصل وهو يتعطر -- اذا محتاجه شي دقي علي
ســــاره --اوك
ســـــاره تدور جوالها يوم سمعت صوت المسج --
فيـــــصل شوفيه هناك -- وااشر على الاريكه
ســــــاره --اهااا من حنون ههههههههههههههههههههه
تدري وش تقول تبي جهاز جوال
فيـــــصل تبشر كم عندي من حنان انا
ســاره وهي تنسدح بخمول ملحوظ-- الله يخليك لنا يااربي
فيــــــصل عرف انه على وشك تنوم -- مر عليها وهي منسدحه قبلها --ويخليتس لنا ان شاء الله
ســــــاره وهي نعسانه-- اه يافيصل بشتاقلك لاتطول
فيــــصل -- اخلص واجي
ســـــــاره تتكي على ايدها اليسار-- تعال تعال
قرب وهو يضحك -- هو ماصدق انها نادته جلس بجنبها --- لبى روحتس
ســـــاره تعدل جلستها وتقرا-- اعوذ بكلمات الله التامات من شر ماخلق
فيــــصل يبتسم ويحاول يقاطعها وهي تقرا يقرب من شفتها وهي تبعد وتاشر له بعيونها انها تبي تكمل
فيــــصل عرف انها مصره --قرر يستسلم لمتابعة
شفتــــــاها
اسنـــــانها
عيــــوونها
وحركـــاتها
وهذي هي خلصت
ســــاره -- خلاص ياله ماتشوف شر
فيـــصل وهو مركز بعيونها--لا باقي انفخي علي
ســــــاره تضحك -- طيب
جــــات بتنفخ قالها --فيك روج ؟
ســاره تتذكر لانه شككها -- لا مافيني
فيـــــصل اجل قربي طيب لاني تاخرت --ساره فهمته وبشووق قربت منه
الريــــــــاض عند بيت ال ناصر
وهذي السياره توقف عند بيت ال ناصر
نـــزلوا كلهم الا نايف اللي يراقبهم وهم ينزلون وشيخه مرتبكه واول من نزل فيهم
توتر نــــــــايف مايدري وش بيصير جوى
دق على aber
الــــووو
الـــــــوو هذاهم دخلوا اي اسمع اصواتهم انا طالعه لهم ها دروا ايه قلت تعبانه شوي بس جاوك
اوك اوك
نــــــايف لاتروح اخاف يسوون مناحه ولا ماقدر
طيب
طيب
باي
الباب يطق
فتحت عبير مرتبكه هلا خاله
نايمه نايمه
تعالي برى
ياويلــــــــــــي على بنيتــــــــتي وتبكــــــي شكها طلع بمحله
تعبــــــــانه
خــــــــاله تكفين تعــــــــالي
سحبتها وسكرت الباب
شيخه راحت معها للصاله وتصيح وحصه معها عرفوا ان اريج تعبـــــــانه من ملامح عبير وعيونها المتنفخه واثبت ان فيه شي انها رجعت تبكــــــي معهم
كلهم بعباياتهم
افنان تركض تجيب لامها مويه والشغاله جابت جيك وراها وعطت امها حصه بعد
عبيــــــــر تبكي مدري وش فيها
شيخه طايحه هي وش جااها تكفيـــــــن ياعبير وش فيها
رجعت تقوم لهااا وحصه حلفت انها ماتدخل والبنات بكوا يوم شافوا امهاتهم يبكون
عبير ماعاد قدرت تمسك نفسهااا وتشــــــــاهق--- وريناد تضمهــــــــااا -- يقول الدكتور لازم عمليه
شيخه تبكي من قلب وافنان ماعاد عرفت لها هي ونوره وكلهم قلوبهم ماعادت تتحمل كلهم حاسين بمعاناة عبير
اللي ماعمرها حسستهم بتعبها وضعفها على كثر ماجاها
جوال عبير يدق ولا احد يرد وهذي المره 3 اللي يرن فيها
بابا الفله ينفتح يــــــــاااولد --
البنات تغطوا بطراحهم
وافنان قررت تدخل على عبير تطمن عليها بدون ماتدري امها ولاعبير
هاااهااا عسى ماشر
يمه يمه جا وجلس عندها
خير البنت مافيها الا العافيه اشوفكم تفاولون عليها
شيخه تبكي تكفـــــــــى يانايف لو فيها شي مانامت ذا الحزه وماذا بوجه اختك
نايف يشرب امه كاس المويه وبعصبيه ماصارت لو انداري كان خليتكم هناك
وانا اللي جايبكم عشان تتطمنون ان مافيها الا العافيه
انا بدخل اشوفها ريناد راحت مع خالتها شيخه
عبير تبكي لا تكفين ماصدقت انها نـــــــامت
شيخه ماكنها سمعت جملة عبير وراحت لغرفه اريج
عبير تبكـــــي وامها تضمهــــــــا يمه اريج تعبااانه يقول لازم عمليه
يمه انا جبتها بعربيه للبيت
يمه اريج اريج
نايف بحزم يضمها عبيـــــــر عبيـــــــــر خــــــلاص افا عليتس بس هذي عبير لالا ماخبرتس كذاا
عبير تبكــــــي وبقووه اريج يانايف اريج
اريج ماعليها الا العافيه طيبه طيبه-- ماعاد احد يتعب --ماعليها شر
شاف امه اللي تمسك راسها -- تدروون البيت البيت قووموا ياله انا الغلطان انا الغلطان قوومــــــــوووووا
نوره تبكـــــي وخافت من عصبيته وقالت لو راحوا ماراح اروح معهم
طلعت افنان بعبايتها ومتغطيه-- يمه حصه تعالي اريج قامت امي عندها
عبير تبكي بصمت يوم عرفت انها قامت --
نوره وهي بعيده عن خالتها وهم يبكون وماتحب تشوفهم كذا وماتقدر
تقرب منهم لانه جنبهم قررت تروح تشوف خالتها شيخه وتطمن على افنان واريج
نايف يساعد امه تقوم ويمشيها ونوره من بعيد تمشي وراهم
نايف مايدل وامه هي اللي تدله الله يهديتس بس الله يهديتس اللحين ينخفض السكر والبنت طيبه الحمدلله استوعب انه
بيدخل الممر اللي يودي لغرفة اريج التفت لمح وحده تمشي وراهم
وكنها خايفه على حصه عرف انها وحده من بنات عمه قال -- تعالي يابنت امسكي امي
نوره بخوف وعبره وتوتر وحالتها حاله-- اوك اوك
نااااااااااااايف تكهـــــــــرب المبحوحه مره ثانيه
فكها ورجع للخلف وهي جت من يساره
تمنى يسمع صوتها مره ثانيه قال-- امسكيـــــــها زين
نوره بخوف وتوتر وخليط من مشاعرها السامه له--ان شاء الله
سمع همسات بس مايدري وش قالت --
وصلته البحه نايف بداخله >وش جاك --مدري مـــــــــــــــــــــــــافي شي<
حنان ولمى كانوا بالصاله المقابله وبدى عليهم البكى والتوتر
رجع نايف عند عبير اذكري الله قوومي قومي معي غسلي وجهتس قووومي
عبير ترا ازعل منتس ماحب اشوفتس كذا قومي حبيبتي
قومها وراحوا للمغاسل اللي بالمدخل وغسل وجهها وهي تقوله-- نايف ترى بنام عندهااا
نايف بدون تفكير-- اي خلاص نامي س اهدي تبين تدخلين تشوفينها
عبير بدون تفكير-- لا لا مابي
نايف --طيب خذي اشربي ماء
وكان هناك عينان تراقبهم وتشاركهم لحظات حزنهم حنان ولمى
رن جوال نايف
محمود--
الووو
اي جايك يعطيك العافيه نزله نزله عند الباب
طلع نايف فتح الباب وشل الصحن
غرفة اريج
نوره دخلت بامها حصه وسلموا على اريج الجامده
اريج-- يمه شفيتس انا طيبه الحمدلله
القوي بالسالفه والحمدلله ان عبير ماكانت موجوده ولاكانت بتنهار
ان اريج عادت على امها وخالتها واختها السالفه وعلمتهم بالعمله والعصى وختمتها الحمدلله انا طيبه بس الدكتور يبالغ
وش الجديد العصى ولا العربيه عاديه بسيطه وبالا من شغلة العمليات
اريج بثبات --يمه ابوي لاتكبرون السالفه عنده
شيخه تمسح وتبعد شعر عبير عن عيونها -- ان شاء الله وانتي طيبه اللحين
اي ولله الحمد بخير
امها حصه -- الحمدلله الحمدلله
امها حصه نادوا عبير--
اريج تمنت انهم ماطروا عبير لانها لو تشوفها بتبكي وبتنفجررررررر وبيخرب التمثيل اللي سوته كله عند امها وخالتها-- هي وحده عبير من تعرف جروح وخفايا اريج
شيخه بتنهيده -- يمه النوري جيبي كاس مويه لامتس حصه
نوره -ابشري
طلعت نوره متغطيه وشافت الصاله مافيها احد ونزلت طرحتها على رقبتها ومرت على الصاله
وقالت نوره لعبير---عبير ترى اروج قامت وامي حصه تقول نادوا عبير
عبير -- طيب طيب
راحت نوره وهي تفك شعرها الناعم بلون ظلمة الليل الهادئه وترجع تعكفه وتثبته بمسكة شعرها
دخلت المطبخ
وراحت للدولاب تجيب جيك مويه تعبيه
وهي تصب من البراده
دخل نايف من الباب اللي يجي من السور حق البيت -- هي ماحست الا بصوت الصحن ينزل على الارض
هو رفع نفسه
وهي التفتــــــت على الصوت
وتقـــــابلت وجيههم ببعض
نوره ماصـــــرخت لان صوتها اكتفى بـــــــــ شهههههههههههههقت
وكعااادته بس هالمره غير طلعت وهو مبلم من اللي شافه -- يااولد
نوره ارتبكت وبس طاحت عيونهم ببعض افلتت جيك المويه من ايدها وماتدري وشلون طاح منهاوانسحبت من المطبخ
نايف وقف في المطبخ لحاله ويناظر الباب اللي طلعت منه -- من هذييييي ؟ لعنبووو زينها يذبح
سمع صوت الخادمه اللي قربت تدخل المطبخ -- مييين كسر مين في مطبااخ
نايف لف بظهره وطلع --
نوره طلعت للصاله ترتجف والربكه ملحوظه عليها بس محد كان منتبه لها
حنان ولمى انتهى فلم متابعتهم لنايف وحنيته على امه وعبير وراحوا داخلوا عند اريج
نوره واقفه في الصاله وتعدل طرحتها بيدين ترتجف --
عبير تسال نوره -- فيك شي
نوره بفزع -- هااا لا مافي شي
نوره لمحت الجيك اللي على الطاوله عند عبير -- راحت خذته وقالت -- هذا بارد اهاا اشوا زين
واستطردت قائله بربكه ملحوظه --خليني اصب لك كاس
عبير تلاحظ ربكتها
نايف يفتح باب الصاله --يااااولد
نوره بربكه --- لالالالا يدخل
نايف اللي مقبل على الصاله سمع جملتها وتاكد هالمره ان الصوووت
صوووتها هيييي
ولا احد يراهني هي نوره بنت فيصل
نايف تراجع وقال--- عبير تبون شي تراني دخلت العشى تعشوا وبعد العشى بجيكم ---وبعصبيه --طلع
لم يجف قلمي غدا يكمل ويكشف لنا اسرارهم
كل الود مني لكم
صبى الاوراق
|
30-06-09, 04:37 PM
جديد مواضيع قسم القصص المكتمله من وحي قلم الاعضاء
العرض العادي
