[FONT="Comic Sans MS"][SIZE="5"][COLOR="Purple"]أختي آالغ ـاليه شبيهه القمر

توٍآجدك المستمرٍ وتشجيعك آالدآئمم لي يدل على وفائك

صديقتي سلمت آناملك على الدرر التي نطق بها قلمك

كوني دآئما كماكنتي

نجمه ساطعه في سماءالروآيه


عذرا لقصر الجزء..>> يقولون العوض ولا القطيعه

احب الليل// مرحبا عزيزتي

جزء قصير بالمره..لايروي تعطشنا للقراءة ومتابعة ابداعك

بشرى
كيف بالله..العريس عندو مناااوبه..ايش اسموو هاداا
مو المفروض يكون مع عروستو.. والا ايش
احلى شي لما طلب يطفو الانوار...
كويس ماقال ..شوفي ساعتي بتضوي بالظلمه..هوووووووع
امااا عدول عليه بروود قااتل
الله يعينك ياابشوره
ام خالد
صحيح حنيتها وطيبتها بيكون لها دور بتحسين العلاقه بين العرسان

نازك
عيني يااعيني..من متى هالحب
يااهبله على طول بتقولي حاضر..
ناقشي..استفسري..مو عارفه انو وراك متابعين دابحهم الفضول
ما بيعجبني البنات مثلك ..تنمسح شخصيتها امام الرجل الذي تحبه


شوق’

نفسي اعرف ايش براسك..وكيف حتتصرفي
متآكده انك لاتريدن الانتقام..او معاملتهم مثلما عاملوك قبل
فكري يااشوقنا..وتحلي بالصبر وتعرفي على خصمك جيدا قبل المواجهه
وصاياااا حرب >> هع

المبدعه وصاحبه القلم المتألق

ابدعتي بوصف مشاعر واحاسيس ..وايصالها للقارئ

فدمتي لنا متوهجه :)

روائع من روائع شمس وسحاب
احببتها كثيراً
للكاتبه اسلوب راقي في التعبير والوصف

واووووه تطورات بين عادل وبشرى الله يديمها عليهم

بس ما عرفنا هي ليش حاولت تنتحر..هل هو هروب من حياتها مع عادل

او خيبتها بالعشيق السابق....تعلقها في ولد عادل راح يقرب بينهم
كثير وزود على ذالك احتواء عمتها لها راح يقرب العلاقه

حسسسسسسسسسسسسسسسفه مافيه اخبار عن نبيل وسمر يا حبيلهم

شوووووووووووق وش نا ويه عليه شكلك راح تنتقمين من عايلة سالم بس

انتبهي ياسر مو مثل ابوه تراه ذاك الفارس

يالبى قلبي على ام الخير وبشير وين بيلاقونها من بلاوي سالم


عزيزي بادي مره رافع الكلافه مع نازك وتقولها حبيبتي يا شيخ ترفق البنت خقت

شكلها تحبك بقوووووووووووووووه

ماشفنا حس لعتيقه وبناتها ولدها الخايس وش صار عليه هو ونجود

نجود بدت تلعب بالنار

يعطيك العافيه يا غلاي على نقل هالروايه من جد قصه تستحق القرأءه

نتتظر البارت الجديد بشوووووووووووووق

تراي صرت مبلطه بهالمنتدى وراح اتابع هنا بحول الله

انثى لا تنحني~
تعودت على سيل الحروف التي
يخطها قلمك بعفويه وسلاسه ممتعه
مشهد عذب طاب لي تواجدك
الذي يثلج صدري بتدفقه
ستبقين رفيقه لحرفي كما كنت
وستظلين مكمله لـ جملي العابثه
ودي لتالق حضورك ,,




الرائعه غسق~

بالفعل زيارتك االاولى لمتصفحي مفعمه بذوق لا محدود
تواجدك هنا ..
شرف تحضى به اسطري
انحني لهذا الحضور المحبب
الذي اشعرني بسرور

وما اجتهادي في اختيار الحرف
الا ليرتقي لذائقتكم ,,
ملاحضه بسيطه
بشرى لم تحاول الانتحار..لكن عادل اعتقد ذلك
وافهم والدته بما يعتقده



ود لاينضب

™`•.¸¸.•¤¦¤`••._.• ][ســ الـشـوقـ 21ـر][ `•.¸¸.•¤¦¤`••._.•`™


بخطوات واثقه.. تقدمت نحو الستائر وازاحتها .. لتسمح لاشعة الشمس الدافئه بالدخول

استيقظت نجود على يد تهزها برفق وصوت يناديها/ نجووودو.. بسج نوم..قومي
أفاقت بعينين ناعستين ذبلت رموشهما من كثرة البكاء طول الليل
ابتسمت هند لاختها/ علميني شمضايقج.. يمكن اقدر اساعدج
نجود بفزع/ هااا..شفيني؟...لاااء مافيني..!!آحد قالكم عني شي
تقترب منها وتتحسس جبينها/ يعني انا مالي عيون اشوف حالج الي تغير
دومج قاعده بروحج ..ومو من عوايدج تنامين والنور مشغل ..
..هدوئج الغريب وحالة الانطواء الي انتي فيها مآآطمن
نجود!! اعترفي ليش كنتي تصيحين؟
نجود/ لاااا.. ماصحت.. ليش اصيح؟؟
هند/ وعيونج المتفخه.. ومخدتج الغرقانه دموع
انزعجت من تدخل اختها...وخافت لو انها تضغط قليلا عليها ستعترف
لها بما حصل.. وستلقي عليها باللوم..ولن تتفهم حالتها
فاخرجت سلاحها من غمده..(لسانها السليط) لتوقف هند عند حدها
نجود/ اوووف..وخري عن ويهي..وبلا فلسفه وكلام فاضي
هند/ الحين هذا جزاي الي ابي انصحج..واطلعج من حالة الاكتئاب الي انتي فيها
نجود بابتسامه بارده/ ياااربيه.. شهالنشبه.. انا بحل مشاكلي بروحي
فـ وفري نصايحج لنفسج
هند بقهر/ شهانفس الخايسه.. والاسلوب الزفت
ردت وهي تنهض بتثاقل/ من زين الاسلوب الي عليج
مسكت يدا نجود بقوة/نجوووودو احترمي نفسج
نجود وهي تحاول افلات يداها/ مآآلج خص بحياتي..ولا اسمح لج تناديني نجوووودو
هند باستخفاف/عشتوو..من متى هااالكلاام؟؟
حضرت ام خالد مسرعه على صوت الصراخ/ هااا ..شفيكم تصارخون
هند/ بنتج ذي يبيلها تربيه من يديد.. وقحه بشكل
نجود/ وانتي سخيييييفه بشكل..مادري شايفه نفسج على شنووو
هند ترفع حاجبها بمكر/ ياخبر اليوم بفلوس !!بكره بلااش
ام خالد وهي تضغط على راسها/ يااربي منكم.. متفيجات
حملت نجود منشفتها واستدارت لتدخل الحمام
ام خالد /هنود مو جن المطعم تأخر.. عادل من يوصل يبي الغدا زاهب
ليتني ماسمعت شورج وطبخت بنفسي
هند/ ههههههه.. مايصير هالجمال كله والنعومه توقف بالمطبخ
بيخترب كل الي سويتيه امس بالمشغل
ام خالد وهي تتحسس شعرها المصبوغ بعنايه
احس اني لابسه ثوب موب ثوبي
هند/ الا وربي مناسبج .. ومغير شكلج.. صااايره تهبلين ..ليت ابوي يرجع ويشوف هالتغيير
بينسى رواانو واهلها..
ام خالد/ ومن قالج اني ابيه يرجع.. بـ الي مايحفظه هو وروان
ومن باعنا بعناااه ولو كان غالي
هاج الجوال دقي على المطعم.. يمكن مادل البيت
ضغطت على زر اتصال..واختارت رقم المطعم..واستفسرت
عن سبب التآخر..وبالفعل السائق التركي لم يتعرف على موقع منزلهم بالضبط
وطلب ان ينتظره شخص امام بيتهم
هند/ صدقتي يمه..طلع السواق في الحاره بس مو عارف بيتنا لانه بدون رقم اشتراك
ام خالد/ خلف الله علي.!!.نسيتي ان محمد مع سمر يزورون نبيل؟
هند وهي تضرب جبينها/ اوووبس!!.. مافي الا اني اطلع له بنفسي
لبست عبائتها الساتره..وخرجت لتقف امام البيت..
كانت تتحدث مع سائق المطعم ..تحاول ان تصف له موقع بيتهم
هند/ اهاااا..الحين خذ يمين ..امش على طول
ثالث بيت على يسارك
لم تلاحظ عينا سعد.. ترقبها بكل غضب واحتقار
اقترب اكثر..وسحب الهاتف من يدها
مافي رجال في بيتكم..واقفه تواعدين بعز النهار..ومحد هامج
فوجئت بكلامه..ولم يتسن لها الوقت لكي ترد عليه..فقد وصلت سياره
المطعم..فنزل السائق وحمل صينيه كبيره معها اكياس من الورق الابيض
السائق (اشقر..وعيونه زرق)/ سوي ورقه لازق فوق باب ..منشان يعرف بيت مره ثاني..من رقم اشتراك
سعد بعصبيه/ خلصنا..كم حسابك؟
قبل ان يخرج شي من جيب ثوبه.. سبقته هند وناولت السائق قيمه الفاتوره
وانحنت لتحمل ماوضعه السائق بعد ذهابه
واغلقت الباب خلفها بشده..
وضعت الاكل فوق طاولة المطبخ..وهي ماتزال مضطربه..واطرافها ترتجف
بعد مرور دقائق قليله.. سمعت صوت جرس الباب
فاتجهت صوبه قبل ان تنزع عبائتها عنها
سألت/ مييييين
سعد/ واخذي جوالج
.. اخرجت كفها ..ليضع الهاتف
فوجئت بانه لم يضع الهاتف فقط بل مسك كفها.. وشد عليه بقوة
وبصوت قاس ومتهم / اذا ما ترتكتي الخكري علووي
و حركات الصياعه عنج..لتكون نهايتج على يدي
ترك كفها .. واغلق الباب خلفه بهدوء



™`•.¸¸.•¤¦¤`••._.• ][ســ الـشـوقـ 21ـر][ `•.¸¸.•¤¦¤`••._.•`™

احست بمدى التوتر الذي يملأ الجو..تقاسيم وجهه تنبأ بوجود آمر مآآ
كانت تختلس النظر اليه وكلها آمل أن تلتمس خيطا يقودها لسبب تغيره
آثرت الصمت على ان تسأله: مابك
رفع عينيه ..واذا بهما تقع سهوا نحو عينا سعاد
صرخ بها قائلاً/ شطالعين؟؟
سعاد بنزق/ ليه ماتاكل.. تغديت برا.. والا مو عاجبك طبخي ؟
ضرب صحنه الممتلئ بالملعقه.. فتبعثر الطعام
وصنع صوت الاصتدام اثر في نفسهاا
اارتفع صوتها بلوم/ تصرفاتك صارت من جد غريبه ؟؟
فتح ازرار ثوبه العلويه..وقال بتوتر/ ثقل جاثم فوق صدري..وكاتم على انفاسي
خرج للصاله..ورفعت سعاد صوتها بالاستغفار
واخذت تنظف المنضده من بقايا الطعام المتناثر..وتغسل الاطباق
وهي تجري حواراً مع نفسها..ودت لو استطاعت ان تقوله بصوت آعلى ليسمعه خالد
سمعته يناديها/ سعااااااد
غسلت يداها ..وسارت اليه باقدام تائهه
اشار لابنتهما / خذي بنتج وفارقو عن ويهي
نظرت له بقهر..مسترخي على الكنبه..ويتبادل احاديث هامسه في هاتفه
حتى نبره صوته اصبحت ناعمه..تكاد الابتسامه لاتفارق شفتيه
سعاد/ من تكلم؟
خالد ينهي المكالمه/ سلم على الاهل..وعلى نهايه الاسبوع رح اكون عندكم
نظر لها بحده/مو لازم تعرفين من كنت آكلم
جثت بقربه على الارض/ اشوف الضحكه شاقه الويه..والااا..النكد والعصبيه
لي..والضحك والوناسه حق غيري
اشاح بوجهه وهو يعقد حاجبيه ويسد انفه فجئة
!!اوووف شهالريحه....قوووومي من قدامي
وبحركه لاإراديه..رفعت ياقه قميصها..واستنشقت عطرها
هذا العطر انت مهديني اياه..؟وقربت ياقتها من انفه
دفعها بقوة..واستوى واقفا..ثم اتجه للمغسله..واستند على حافتها ..واستفرغ
واستفرغ..حتى لم يبقى في جوفه شئ...
انهار من التعب ..وجلس ووجهه للجدار
من خوفها عليه..اقتربت منه..وانحنت تقبل جبينه..ثم مدت يدها له
قوم معاي داخل..تمدد على السرير..وريح نفسك
رفع راسه ..فصرخت فزعا..وابتعدت عنه
كانت عيناه بلون الدم..ونظراته غريبه
سعاد بخوف/ خالد..خالد..شفيك.. شتحس فيه
رجع وثبت نظره للجدار دون ان ينبس بكلمه
جلست بجانبه..وما ان شرعت بقراءه الايات الأولى من المعوذات
حتى قفز فوقها ..وكتم انفاسها..وقال بصوت غير صوته
لو سمعتك تقرأين مره ثانيه..سـ أقتلك انت وأبنتك
وانصرف عنها غاضباً... صحيح لم يتسبب بخسائر بالارواح او الممتلكات!! فقط
رعب يكاد يقتلها..و شروخ تدمي قلبها

هنا ..بدآ التغير..و من هنا بدأت المعاناة


™`•.¸¸.•¤¦¤`••._.• ][ســ الـشـوقـ 21ـر][ `•.¸¸.•¤¦¤`••._.•`™

تقف امام الغرفة الزجاجيه
تنظر اليه..يتوسد جراحه
تحصي دقات قلبه
وتنتظر قرار الحياة بدونه
و ...نهاية تصيبها بالجنون

محمد وقد صعبة عليه حالة اخته/ سمر.. وقفتج مالها داعي..تراه مايسمعج..ولا يشوفج
سمر/ المهم انا اشوفه ..واسمع دقات قلبه
محمد/ طولنا على السواق.. لا يمشي عنا..بعدين وين بحصل لموزين في هالمكان

(سمر فكرها وين...وحمود وييييين)
انتظرني شوي..بروح اسأل الطبيب عن حالة نبيل
محمد/ هذا نبيل قدامج!!..شفتيه تحسن؟ .. من اسبوع وهو على نفس الحال
والطبيب يكرر نفس الكلام.. حنعمل الي علينا
والبائي على رب العالمين
وضعت كفها وسدت بها فمه/ آكيد في آمل..الدكتور المختص قال جذي
وما ان ابعدت يدها عنه قال/ نبي نرجع قبل يجي عادل وزوجته
واتني تعرفين عادل.. بيعصب لو درى انا رايحين بتكسي
سمر/ مستعيل على الرجعه جن بيفوتك شي مهم..مافي غير شله الصيع ينتظرونك
محمد/ اذا كل مرة بتقولين هالكلام عن اخوياي.. شوفي غيري ييبج ويوديج
سمر/ امش قدامي.. جنك ياي بلاش..صاير مثل المنشار
يبيلك ميزانيه بروحك..الله يصلحك
محمد/ لو كل مشوار اخذ فيه عشره ريال.. مابوصل عمري عشرين الا
وانا مليونير..مثل خالي هههههه
سمر/ لاتصير مادي..الفلوس مو كل شي بالحياة
وصلا لمواقف السيارات .. لكنهما لم يجدا سيارة الاجره
محمد بملل/ اوووف ..ابن الـ .. رااح
لاااتسب!! زجرته بحده
واتبعت/ روح على الشارع العام..بتلاقي سياره ثانيه
وشوفني بالصيدليه.. تعالي هناك
اتجه محمد للشارع العام..ودخلت سمر الصيدليه التابعه لمبنى المستشفى
زحمه..جن مافي احد صاحي بالديره)
اخذت ماتريد من الارفف الجانبيه..ووقفت بعيدا تنتظر دورها امام المحاسب
(طاابور طوويل.. كله شباب.. والاغلبيه سعودين)
( حشا!! ولا طابور بنده ليله رمضان..صدق ماعندهم ذوق..)
تاففت وهي تشاهد نظرات آحدهم تتبع حركاتها
جاء دوره..فتنحى جانبا..واشار لها/ تفضلي أختي
التزمت سمر الصمت.. ونظرت حولها بتوتر
(قليل الحيا..يبيني احشر نفسي بين الرجال)
فتح محمد باب الصيدليه ..وبعفويه ناداها بصوت عالي/ سمر حامد العلي ..موجوده
من شده الانفعال والتوتر..احست انها تقف عاريه على منصه وجميع الانظار تحدق بها
جائها صوت نفس الرجل الذي عرض عليها دوره/ سمر ..عطيني احاسب عنج
(قمة الاحراج..من شخص قمة في الجرأة الممزوجه بالوقاحه)
القت السلة على الآرض بتوتر وخرجت محرجه
ضربت محمد على رأسه بقوه/ماااتشوف الريايل شكثرهم..لازم يعني تصارخ باسمي
محمد/ عادي ..مافي غير هالطريقه بطلعج من الزحمه
سمر/صار كل الي داخل يعرفون اسمي ..ناقص تعطيهم عمري وعنوان بيتنا
ورقم جوالي ..ياغبي
حمود/ عاادي.. مو صاير شي..في غيرج وايد اسمهم سمر
سمر قبل ان تدخل سياره الاجره التي تنتظرهم/ كل شي عندك عاااادي..الله ياخذ عدوينك

™`•.¸¸.•¤¦¤`••._.• ][ســ الـشـوقـ 21ـر][ `•.¸¸.•¤¦¤`••._.•`™

بعد مغادرة ام الخير وبشير بصحبة ياسر
اضطرت شوق لفتح هاتفها لتتواصل معهم.. فوجدت 20 رسالة بصندوق الوارد
أغلبها من رقم المزعج نفسه
واثنتين من سمر..تطالبها بالاتصال
بالاضافه لرساله من سلوى.. تريد معرفه سبب انقطاعها عن الوظيفه
وتنصحها بالرجوع لانها بكل بساطه لن تجد مثلها
ورساله عتاب.. ممهوره باسم نازك
اما الرسالة التي دمرت آخر دفاعاتها
نرجو من حضرتك.. اخلاء المنزل خلال مده اقصاها ثلاثه ايام
نظرا لحاجه المالك الجديد الشخصيه للبيت
والا سوف نضطر آسفين ..لتدخل الشرطه
:
ظلت تنظر امامها!!باتجاه الـ لاشيء
صمت يمزق قلبها!! فلاتملك أن تفكر بشيء غير آلمها
فرح !!كانت تعتقدها كلمه مضاده للحزن
وعرفت مؤخرا..بانها كذبه..وضعت مكملة لمفردات اللغة
:
لم تستطع سمر منع دمعه..سالت على وجنتيها
فرووووحه..زين الي تذكرتي ان عندج اخت اسمها سمر
وييييييينج يالبايخه
شوق/ وين بكون يعني ..في بيتنااا
سمر/ حلفي!! اقووول بس..هذا حمود عند بابكم..
شوق/ من جد ؟؟..تراني متصله ابيه يرافقني لوظيفتي اليديده
تعرفين مآقدر اروح مع السواق بروحي
سمر/ تطوراات..يعني متصله عشان جذي..وانا كنت احسبج تنشدين عن اخباري
شوق/ فعلا حبيبتي.. متصله ابي اسمع صوتج وأتطمن على نبيل
لكن انتي يبتي طااري حمود
سمر/ مسموحه يالغلاااا.. زين الساعه كم دوامج؟
شوق/ بعد ساعتين
سمر/ حلووو..يمديج قبل ماتروحين .. ابي اشوفج مشتاااقه
لج حييييييل..يالله فتحي الباب لحمود وتعالي وياااه
وانهت المكالمه
لم تضع على وجهها اي نوع من مساحيق التجميل
فقط سرحت شعرها..ورفعته بمشبك أسود عريض
رافقت محمد ..وعند منزلهم سألت/ منو عندكم؟؟
محمد/ عادل وزوجته بشرى
شوق / فرصه حلووه.. بتعرف على بنت خالك الوحيده
استقبلتها سمر بحراره..ودخلتا مجلس الرجال
لان عادل يجلس بالداخل مع زوجته
سمر وهي تنزع عبائه شوق/ حراااام..ماباقي شي وتختفين
شوق/ شقصدج؟؟
سمر/ نحفاااانه حييييل..جنج طالعه من مجااعه
شوق/ وانتي بعد مبين عليج خسرتي من وزنج ..للحين مستمره بالحميه؟؟
سمر/ بس لو امي تخليييني على راحتي..الله يخليها لنا
ام خالد..متوصيه فيني عدل مدل
المهم ياختي..ايه آخر المستجدات في السآحه..ابي الاخبار بالتفصيل
قبل يهجمون علينا ..التتار هند ونجووودوو
:
رائع ان تكون عندك صديقه ..تستمع لخلجات قلبك
وتساعدك على اتخاذ القرارات
وتنصرك..ظالمه او مظلومه
:
راحت سمر تتخيل نفسها بمكان شوق.. وتتسأل بداخلها
اليس من الافضل لو تركت بدون ان تعلم حقيقتها
بدل ان يفرض عليها مجابهة انسان جشع مثل سالم
من الواضح انه لن يرجع لها حقها بسهوله
:

سمر/ لا يكون..بتتركين حقج
لان الساكت عن الحق شيطان أخرس
الأفضل تشوفين محامي ..يرجع لج حقج بالكامل
رفعت كتفيها بملل/ مآقدر اسوي شي ..بالآول ابي اتعرف عليهم آكثر
وبعدين اشوف الطريقه الي تصلح معهم
سمر بـ اشمئزاز/ مو متخيله ان في ناس يتمكن منهم الحقد والبغض
لدرجه استخدام السحر وتفرق بين الرجل وزوجته
شوق/ موجود..وهالشي ذكر بالقرآن
سمر/ لو يتركوني على هالسالم..ما اخليهم يعدمونه قبل
مآآآاراويه انواع التعذيب
شوق/ ياحليلج يااسمووره.. تحسبين العاصي او الظالم مرتاح بحياته؟؟
حتى لو ضميره ميت!! تلاقينه دائما بخوف وترقب..وعيشته ضنكا
سمر/ المهم ماتسكتين عن حقج عشان ماايضيع
شوق/ اذا قصدج القيمه الماديه !! ولااا فكرت فيها..
سمر/ الله عليج ياافروحه....اووبس!! اقصد شووق
شوق/ عاادي..عاادي..فرح او شوق مااتفرق
سمر/ هههههه..ذكرتيني بحموود ابو الفضايح..و حفلة تعارف بالصيدليه
بس صبري شوي..بروح انادي هند وبشرى..وارجع اقولكم شصاار
شوق/ وقولي لحمود..يجيب سيارة اجره..ماأبي اتاخر على مروان
قالت مآزحه قبل ان تستدير للخروج/ والله حاله..عندها ملاين وقصر يسد عين الشمس
وتبي سياره آجره

™`•.¸¸.•¤¦¤`••._.• ][ســ الـشـوقـ 21ـر][ `•.¸¸.•¤¦¤`••._.•`™

قبل دخوله ..حاول ان يرسم ابتسامه على شفتيه
مراعيا لمشاعر والدته
.. وجد ها تتحدث بالهاتف
سعد/ مساج الله بالخير يمه
ام سعد/ مسيت بالخير والسرور.. هاا بشر عساك مرتاح بالوظيفه
سعد / تماام..من تكلمين
ام سعد/ جارتنا ام علوي.. تسلم عليك
سعد بداخله(الله لايسلمها هي والدها)/ بدخل غرفتي ارتاح..تبين شي
ام علوي/ سأليه شعنده واقف قبل شوي عند بيت ام خالد؟
( مركبه ردار..يرصد اي حركه بالحاره)
ام سعد/ مآآدري عنه..يمكن يبي عيالهم بشغل
ام علوي/ بدل هالترزز قدام البيوت..عرسيه آحسن
والبنات شكثرهم.. مثل الهم على القلب
(قصدها بناتها)
ام سعد/ عروسته موجووده.. لكنه يقول تو الناس
ام علوي/ اييييه..ماعليج منه..الحين تو الناس..ومن يحصلها قدامه
يتبريد..ويلزق فيها..وبينسى امه وابوه بعد.. لا تضيعين وقت.. زوجيه عشان تشوفين
عياله قبل ماااياخذ ربي امانته
ام سعد/ ام علووي...لا تفاولين علي
ام علووي/ بسم الله عليج.. بس الحق حق..لو بطاوعينه..مب متزوج طول عمره
ام سعد/ عيل الحين بلبس عبايتي واروح لآم خالد
ونتمم الموضوع
ام علوي بحقد/ عقب الي سواه فيج خلووود ولدهم.. بعدج تبين بنتهم؟؟
ام سعد/ أسود الويه خلود!! لكن سعاد تستاهل الي بيها منه
هي الي راحت له بريولها وطنشت كلامي..بلحريق هي ويااه
لكن هند مالها ذنب.. مسمينها لسعد من هم صغار
وانا اشوفها مرة سنعه وما عليها كلام
ام علوي بحقد دفين/ على راحتج.. وخلي ابو خالد عليناا
بنخليه يعطيكم البنت بعباتها.. ولا خساير ولا ويع قلب
ام سعد/ ويه . .. ابي افرح بولدي
ابي عرس وطقطه..بسوي عرس لا صار ولا استوى
ام علوي/ بروح معاج..اشوف عندهم ناس داخله وناس طالعه
وطالبين غدا من المطعم التركي..مآدري شعندهم اليوم
(خخخخ ..ماقلت لكم مركبه رادار)