هلا وغلا..بكل لغات العالم

عسى كان شرح انوثه واضح..خخخخخ
شكلها خبيره بالانساب

غاليتي..
متابعتك تزيدني تميزأ واشراقه

لاحرمني الله هذا التواجد العطر

الذي جمل احرفي وديـ

™`•.¸¸.•¤¦¤`••._.• ][ســ الـشـوقـ20ـر][ `•.¸¸.•¤¦¤`••._.•`™


ارتعش جسدها..فاستيقظت من نومها فزعه
مرت بضع لحظات لتستوعب انها تنام على غير سريرها
ولتتعرف على وجه المرآة الجالسه بقربها

اسندتها .. وساعدتها على الاعتدال بالجلوس
ام خالد/ بسم الله عليج
هاج..شربي هالماي المقري فيه
حاولت ان تغصبها لتشرب ولكن دون جدوى
بشرى بتقزز/ ماااقدر... اشرب هالشياء..
ام خالد/انتي انسانه مؤمنه.. ليه تحاولين الانتحار
ماتدرين ان الله سبحانه وتعالى حرم الجنه على من يقتل نفسه
ما هقيتها منج والله

دفنت وجهها المرهق بصدر عمتها .. التى طالما
احتوتها.. واغدقت عليها الكثير من الحب والحنان


عندما انهت المرحله الابتدائيه.. قرر والدها
ان ترافقه وتتنقل معه في جميع رحلاته..
فحرمت لاكثر من عشر سنوات من عطف عمتها

بشرى/ عمه.. ماحاولت الانتحار.. لكن عادل قفل الباب علي
وتركني لحالي في الحمام.. يرضيج
يصير فيني جذي.. وترفع يداها الملفوفتين للاعلى
ام خالد/ لااا ما يرضيني.. خل اشوفه
!! لااخلي اذاني واذانيه اربع!! لكن شلون تعورت يدج؟؟
بشرى/ تخيلي.. الباب .. وانا منهاره وفاقده اعصابي
واضرب فيه بكل قوتي..ولما شفت الدم ماقدرت اتماسك وطحت
بعدها ماحسيت الا وعادل يلف يديني ويعطيني ابر
وشكله يبي يسمني و يتخلص مني
طوقتها بذراعيها النحيلتين..فأحست بالدموع
تنساب حارقه من عينيها..هذا هو آحد الامور الذي لم يتغير او
يتبدل ابداً...طيبه العمه وحنانها
ابعدتها عنها قليلا لتتمكن من تأملها بعينيها الكحيله اللتين اورثتهما لابنها عادل
قالت لها بلهفه وهي لا تزال تمسك بكتفيها
ضعفانه.. وويهج اصفر
شكلج مرهقه .. اكيد من السهر واكل المطاعم الي مافيه فود
دخلت هند تحمل صينيه ووضعتها امام بشرى على الحامل
ثم قبلت بشرى وهي تبارك لها
الف .. الف مبروك.. الله يهنيكم ويسعدكم
ماني مصدقه.. بشرى صارت مرة اخووي
الحقيقه .. عادل يبيله وحدة تسنعه
وغمزت لبشرى/ مااوصيج.. علميه السنع على كيف كيفج
رفعت ام خالد ملعقه من الشوربه / يالله .. انتي عروس ولازم تاكلين زين
خاطرج بشي... والا تبيني اسويلج اكله معينه
اخبرج تحبين البشمل مثل نجووود
بشرى/ وآآآآي عمتي.. بشميل مره وحده
تراني بطلت آكله بعد ماعرفت شكثر فيه كالوري
ردت وهي تلقمها قطعه صغيره من الدجاج المشوي
ليش تحرمين نفسج من العيشه ..مو مشكله لو زدتي كم كيلو
هند بمزح/وآآه شحلاتج وانتي صغيره.. متبتبه وتهبليييين
توردت وجنتاها وهي تضحك/ لااا تذكريني بالطفوله التعيسه ههههه

اتاهم صوت عادل ساخرا/اووه.. الاكل بغرفة النوم
لو بنسمع هالضحكه.. من اليوم ورايح.. كل الوجبات بنقدمها للمليكان على السرير
التفت الجميع نحو عادل الذي تقدم وانحنى يقبل راس امه
ام خالد/ حيى الله معرسنا.. يبت الي وصيتك عليه
سحب هند وجلس مكانها وهو يقول / هاتي كوب شاي بدون سكر
احس راسي مصدع من كثر لدواره بالسوق
واستلقى بتثاقل واضعا راسه على كتف بشرى
ام خالد / فديتك.. لا تشرب شاي ومعدتك خاويه بروح ايبلك عشا
اقترب من المعلقه التي رفعتها ام خالد باتجاه فم بشرى
وفتح فمه ابتلع مافي الملعقه سريعا/ خلج يمه.. هذا بيكفينا
ام خالد/ عيل بروح اشوف الاغراض الي يبتها..وانتو تعشو براحتكم
عادل/ يمه.. لوسمحتي صكي الليت وياج
أغلقت ام خالد الانوار ..قبل ان تخرج وتغلق الباب خلفها
بشرى( انسدت نفسها عن الاكل ) / انا خلاص شبعت
حاولت النهوض .. لكنه يضغط بقوه على كتفها براسه
طوق خصرها بيده.. والتفت بجسمه كاملا نحوها
بشرى.. رجاءً .. ابي انام.. وصحيني بعد ساعتين .. عندي مناوبه
سمعت بعدها مباشره صوت تنفسه يعلو(دلالة على استغراقه بالنوم
انتظرت بعض الوقت.. ثم وضعت راسه بصعوبه على الوساده
ونهضت ثم توجهت للحمام.. فتحت الشاش الملفوف حول كفيها
تحممت وارتدت قميص قطني قصير باللون الازرق رسم عليه قطط بيضاء
وخف بنفس اللون..وتوجهت للمطبخ لتعيد الصينيه
وجدت ناني تبتسم لها/مبروك مدام
بشرى/ وين عمتي وهند
ناني/ رجعو بيتهم.. وتركو لك بعض الاكياس..ساحضرها لك
بشرى/ خلج ..انا بروح اشوفهم.. ومعن نايم؟؟
ناني/ نو.. مافي نوم.. بس داخل سرير مع العاب
وبخطوات متلهفه .. توجهت لغرفه معن
حيث وجدته رمى بالعابه خارج السرير.. ووقف ينظر لها وهو يخرج يده
الصغيره من خلف القضبان الخشبيه
بشرى تنحنى وتحمل دب كبير/ حبيبي.. ليه ترمي الالعاب .. مو عاجبتك
اخرجته من السرير ووضعته على الارض..وهي تقبله بحنان
تعال معي الصاله نتفرج على افلام كرتون
اشار معن لقميصها/ ميووووووو.. ميووووو
بشرى/ ههههههه..فديتك تحب القطاوه.. بوووتشي كات
ههههههههه

™`•.¸¸.•¤¦¤`••._.• ][ســ الـشـوقـ20ر][ `•.¸¸.•¤¦¤`••._.•`™
نازك/ عفيه.. حبيبي مروان.. بعلمك شلون تدخل على مواقع الالعاب
مروان بزعل/ مااابي..هلاص..ماهب باب لوب.. عتيه ناهد
( خلاص ماحب الاب توب..عطيه ناهد)
نازك/ مو كنت تبي تتعلم الكمبيوتر.. ليه غيرت رايك
مروان / مااابي..مااابي.. ماهب ابله فره.. بس اهب البته والسمته في البهيره
( ماحب ابله فرح..بس احب البطه والسمكه في البحيره)
نازك/هههههه..اذا ماتحبها..ليه زعلان عليهااا
رن هاتفها المحمول بنغمة خاصه
من اغاني راشد..ويلاه
نظرت لشاشه جوالها لتتأكد من الأسم.بااادي
صحيح قد حفظت رقمه منذ مده طويله بجوالها
لكنها لم تتوقع ان تتلقى منه اتصال
ضغطت على زر الاجابه وقلبها يخفق بشده
نازك/ الووو..مرحبا
بادي بعفويه/ هلا وغلااا..اخبارج نزوكه.. كل شي تمام؟؟
نازك بـ اضطراب/ ب..بخير.. اخبارك انت؟
بادي/ ادري مستغربه اتصالي بهالوقت
لكن مضطر اخوك لابطل.. عندج استعداد تساعديني
نازك.. وهي تضع يدها على قلبها..تخشى ان يخرج من مكانه
من شده الخفقان/ آآآآ....آآآآمر
بادي/ شوفي حبيبتي..
شهقت نازك وبلا ارادة منها صرخت/ وش قلت..حبيبتك
بادي/ ايه حبيبتي..شفيها لو عمج ناداج بحبيبتي
نازك/ بس انت مو عمي
بادي/ لا تقعدين دقين على كل كلمه
تراني متعود انادي نمار ونيران جذي.. وانتي بغلاتهم
المهم..ابيج تاخذين امج غاليه..وتيبينها مكتبي
بدون ماحد يدري عندج بالبيت
نازك/ حاضر.. بس باي وقت تبيها؟
بادي / بكره على الساعه عشر الصبح.. اوكيه حبيبتي
نازك/ اوكيه.. اي شي ثاني
بادي/ نوو.. تسلمين ..باي
نازك بصوت لا يسمع/ باي..حبيبي


™`•.¸¸.•¤¦¤`••._.• ][ســ الـشـوقـ20ـر][ `•.¸¸.•¤¦¤`••._.•`™


للأسف الشديد !! انها الحقيقة المرة

زلزلت في قلبها وعقلها وكيانها ..
حريق يلتهم أعماق قلبها

خسرت امها الحنونة "نوره" ورحل والدها الرحوم "فواز

أظلمت الدنيا في عيناها
وضاق الوجود بها
تعلم جيداً أنهما لــن يعودا يوماً
فلم تعد في حاجة إلى قناع يستر أحزانها وجروحــها
ولتواجه العالم بوجهها الحقيقي
حاولت اقناع نفسها ان اياما تحمل أجمل ذكرياتها..قد انطوت
واياما قادمه..تحمل حياة آخرى..ستعيشها مع كل اشراقه شمس
مرغمه وخائفه من الفشل

:

رفعت شوق بصرها لسقف الغرفه وقالت بحرقه/ مالها عذر
الآم الي تجردت من اسما معاني الانسانيه
وتخلت عن بنتها.. مالها عذر
ام الخير بهمس/ ماسوت جذي الا من خوفها عليج
لا تصيرين قاسيه
نظرت للأرض.. وتنهدت بخيبة امل/ وينها ؟؟
ام الخير/ انقطعت اخبارها من سافرت... لكن اهل ابوج موجودين
فجأة داهمتها موجه غضب ..وصرخت
مايشرفني ان يكون الـ سالم أهلي
ام الخير/ لكن غاليه بيتقطع قلبها عشان تشوفج.. او تتعرف عليج
رفعت شوق يدها مقاطعه باستخفاف
غاليه.. مو هي السبب بكل الي صار..والا نسيتي ؟؟
ام الخير/ إييييه ياعيوني.. لكنها تابت..تندمت وتبي ترجع لج حقج
شوق بحزن عميق/ وامي.. من بيرجع لها حقها؟؟
ام الخير/ ماحد يدري عنها.. هل هي موجوده.. حيه والا ماتت؟؟
شوق/ اقصد امي الحقيقيه.. امي نوره.. من بيرجع لها حقها؟
ثم اتبعت /لاني مختلفه عنكم.. كم تسببت لها بالاحراج..وصارت موضع شك وريبه
اتهمت بشرفها.. وكثير تكلمو من وراها .. وقالو خاينه
لكنها مااا فكرت تتخلى عني.. ولا رمتني بالشارع
كانت تتعرض للالم كل يوم بسبتي
وبالعكس أحسها تصير تحبني اكثر واكثر.. وانااتعلق بها زود

ام الخير/الله يجزاها الجنه.. ويحسن لها الخاتمه
لما تحمل الزوجه بعد ثنعشر سنه قضتها بين امل والم
ويوم ربي يرزقها ويثبت حملها.. تفقدها بعد ماتعلقت بها.. اتذكرها كيف انهارت
ووصلت لحد الجنون.. حتى ما انصدمت لما عرفت بان فيها سرطان بالرحم
كثر مانصدمت بفقد بنتها ام شهرين
رحمتها المسيكينه.. مع اني زيها محرومه من الخلفه.. لكنها غير
هي.. حملت..حست بشي يتحرك قريب من قلبها
قاست من الم الولاده..وتخيلت بنتها تكبر..تمشي
حتى تخيلتها لما تصير عروس..وفستان الفرح شلون بيكون
وشيدت امآل واحلام على هالبنت
صمتت ام الخير للحظات.. ثم
انكفأت على وجهها باكية بحرقه

............
مر اسبوع..
وقد اعتزلت بغرفتها..وجل تفكيرها بالوضع الذي صارت عليه
كانت تجلس حزينه ..كسيرة ومهمومه
اين هي الام التي ولدتهاوكيف تتوصل اليها.. هل تفكر بها؟؟ ام نسيتها
هل تحبها؟؟ ولما القتها.. وهربت
و تتسأل بحيره
هل تنتظر أم تواجه الكراهية والحقد.. ؟
كيف تقاوم الشر وتحارب منابعه ؟
كيف وسلاحها الحب والنقاء والبراءة
البقاء للأقوى أم للأصلح أم للأكثر طيبة ونقاء ؟؟
:
:

بلعت ريقها..علها تطفئ مراره الخديعه التي شبت بحلقها

من صجك انت..!!؟؟ يتهم بشير بالنصب والاحتيال ؟؟ من بيصدقه عقب هالعمر؟؟
ياسر/ غير التهم الثانيه المقدمه بحقكم.. سحر وشعوذه.. وتزوير
هاج الاوراق وتأكدي بنفسج؟
ام الخير/ شفيه.. هذا آكيد ين وقعد
بشير/ شـ السواة الحين؟؟
ياسر/ حجزت لكم على الشمال وبتمون هناك عند رفيجي لي مااشوف صرفه
اهم شي تختفون هاليومين ..ولانبي احد يدري بمكانكم
بشير/ الله يكفينا شره.. والا احنا كبرنا علـ المرمطه
ولا عاد فينا قوة مثل لول
والتفت لام الخير/ قومي يبا قولي لفرح.. وجهزو شناطكم
ياسر/ انتظركم بالسياره
:


دخلت عليها ام اخير .وصدمتها بما قالته عن كراهية وحقد سالم
ام الخير /نبي نروح الشمال.. يالله جهزي اغراضج
صرخت بوجوم/مستحيل اترك امي وهي بهالحاله
ام الخير/ فروحه..مانقدر نروح ونخليج بروحج
واظن اني قلت لج قبل ان ياسر كلم المسؤلين .. وبيخلونها
تحت الاجهزه.. الى ان يكتب الله لنا ولهاالخير
شوق/ خالتي.. انتم هاربين من التهم الي لفقها لكم سالم
اما انا ليه اهرب.. وباي صفه
ثم ربتت على كتف ام الخير
أنتم اقوى من الجميع!! مادام الله معكم.. قولي يارب.. بصدق
وبتيكم البراءة ..وثقوا بأن القوة من القوي العزيز
وبتظهر شمس الحقيقة.. ولو بعد حين
خرجت ام الخير لدقائق.. ثم عادت وبيدها صندوق خشبي
خلي هالصندوق عندج.. اكيد بتحتاجينه بالأيام اليايه
آدري ان قلبج الكبير..اكبر واكبر
من الحقد والكراهيه الي بقلوبهم
ربي يحميج وينصرج على من يعاديج
شوق/ خالتي ..عندي طلب
ام الخير/ تامرين آمر ياعيوني
شوق/ برجع ادرس مروان.. بس مابي احد يدري اني شوووق

/
\
/
كان داخل الصندوق اوراق تخصني _شوق_شهادة الميلاد
وجواز لمنصور تمت إضافة صورة واسم شوق وهي لم تتجاوز الاسبوع
واثبات منصور تمت ايضا إضافة اسم شوق
وورقه تمت كتابتها بخط اليد.. يشهد بها فواز
بان فرح .. هي شوق تم تغير اسمها خوفا عليها
وتوقيع فواز وشاهدين
ابو خالد..وابو سعد
واوارق تخص حسنه.. مراجعات اثناء الحمل
وفواتير ...ثم ظرف مستطيل باللون الوردي
وجدت به مع ورقتين بنفس لون الظرف
اثبات حالة ولاده.. بالتاريخ والوقت
وصورة لبنت حال ولا دتها.. كتب تحتها بالانجليزي بنت حسنه
آخر ورقه كانت .. عقد امتلاك لقصر الشيخ منصور
باسمي.. شوق منصور الـ سالم

من هول المفاجأة.. شعرت بدمعي ينهمر
وصدري يضطرم..وكل جوارحي تردد
اللهم اني عبدك ابن عبدك ابن امتك ماض في حكمك عدل في
قضائك, اسالك بكل اسم هو لك سميت به نفسك,او انزلته في كتابك
او علمته أحدا من خلقك،او استأثرت به في علم الغيب عندك،أن
تجعل القرآن العظيم ربيع قلبي،ونور صدري
وجلاء همي وذهاب حزني



™`•.¸¸.•¤¦¤`••._.• ][ســ الـشـوقـ20ر][ `•.¸¸.•¤¦¤`••._.•`™

صبااح الخيير أحب الليل ..
وش هالصبااح المفعم بالبارتات الحلوه والله كان زين كل يوم نتصبح ببارت >>ماتنعطى وجه خخخ
احس الحين راح تبداء الحرب البارده بين فرح وسالم ...بس الخوف كله من هالشريرسالم اللي مايخاف ربه الله يستر لايسوي شي فيها اذا عرفها ...
فرح ..بعد ماعرفت حقيقتها اكيد راح تتذكر القصر اللي كانت تذكره وهي صغيره ..وراح يداخلها احساس غييييير بعد ماتدخله لانها زماان كانت ضيفه لاكن الحين صاحبه بيت ..والله احسه شعور يخوف مادري ليش ..؟؟؟؟
ياسر ..بصراحه البارتات الاخيره ماعجبتني صاير ماصخ حتى الافلام الهنديه ودرتها ...خخخخ
بس اتوقع بتكون بينك وبين فرح مواقف كثيييره وخاصه انها رجعت تدرس ولدك ..
بشرى وعاادل ..حسيتها اندمجت بحيااتها الجديده بسرعه ..يمكن مع وجود معن معها بالبيت خلاها تتنازل عن غرورها وكبريائها ..
أحب الليل ..
صحيح البارت قصير وماأمداني اقراها اندمج معها الا وخلص ....بس ان شاءالله البارت القادم نبيه دسم مثل ماعودتينا ..وياليت تنهين عجوز الشر عتيقوووه الشرشبيله وتعجلين عليها بالعقوبه
هي وبناتها والله مافيهم فاتح العين ..ولاتنسين عليوووه الزفت الله ياخذه ..الا تعالي وش صاار على نجوود ...؟؟؟ ونبيل ..لايكون صدق موتيه ..ترى دموعي مجهزتهم من الحين ..اهئ اهئ .
شمس ..
مشكوووره يالغاليه صايره بنت شاطره وملتزمه بالحضور الله يزيدتس يارب ..ونشوف الحضور يومي بعد مو اسبوعي .. >>ادري ودتس تكفخيني ههههه
بكل الشوووووووووووق ننتظر سر الشووووووووووووق ..
في حفظ الكريم ..

جميلة جداً وجهة نظري طبعاً :)