™`•.¸¸.•¤¦¤`••._.• ][ســ الـشـوقـ19ر][ `•.¸¸.•¤¦¤`••._.•`™

جسده مسجى على السرير الابيض كالجثة الهامده....وقد ازرق لون بشرته
لُف الشاش حول معظم اعضاءه...مسكت سمر اصابعه
وضغطت بهدوء/ نبيل ...نبيل.. رد علي
و ...انهارت بالبكاء مرة اخرى
اقترب منها عمها وضمها اليه..مسح على راسها وهو يقول
ادعي له يااابنتي...هو احوج للدعاء من اي شي ثااني
سمر /...و..وا..وعدني انه بيرجع لي...
وجلست على الكرسي المجاور للسرير
بجلس هنا ..يمكن يصحى بعد شوي...ومايلاقي احد عنده
العم / ماااينفع ..لو بيخفف عنه هاالشي كنت مافارقته ولا ثانيه
الاحسن ننتظر بغرفة الانتظار ..والدكاتره بيطمنونا
على حالته كل شوي
بعد جلوسها بالانتظار اكثر من ساعتين ..مرو عليها وكأنهم دهر
احست بالوقت يمر ببطء و ترقب
عرفت زوجه عمها عند دخولها للغرفه ...فوقفت تقبل راسها
دفعتها بعيدا وقالت بحقد مغموس بحزن ذاوٍ / انتي شمقعدج ..قومي لا بارك الله فيج
من خذج نبيل ماشاف الراحه
واكملت بصوت متهدج/ واخرتها ...هالحادث..ليتج مكانه يا ويه النحس
وآآه عليك ياانبيل...تعبت وانا اقولك اتركها عنك... البنات
كلهم يتمنونك..لكنه ماطاع..وماعلى لسانه غير
مو بيدي...احبها لو شتسوي فيني...وهاذي اخرتهااا
يااويل قلبي عليك ياااوليدي..مااااتهنيت بحياتك
تمتمت سمر باعياء/ اناا..شسويت ؟؟
وخرجت باتجاه عمها...حيث وجدته يقف قرب الطبيب ومجهش بالبكاء
تناهى الى مسامعها اصوات نحيبه!! يرتعش لها فؤدها خوفا
وصوت الطبيب يقرع كالجرس براسها/سكته دماغيه

\
/
\
/
خرجت مني صرخه كانفجار..دوت في جنبات المستشفى
وتجمدت اطرافي ..وكأنها كتلة من الحديد
:
:
كيف ظللت لسنوات..أُخادع نفسي..بان ماأحس به مجرد اوهام
وكيف استمرت مخيلتي المنهكه بنسج عالما ومستقبل اكمل وافضل بعيدا عنه

نعم!! لم اعتقد يوما ان اسجل ذكريات معه
او يتلاشى السواد الذي غطى قلبي رغما عني

ربما يحقر الانسان اجمل مافي حياته..ويستصغر كل مالديه
ولا يشعر بقيمة الشيء....!!حتى يفقده

اريد فقط ان اعتذر لك
و اخبرك ... بأنك ستظل اجمل مابحياتي
وكذلك واقعي واحلامي....واتمنى
لو تعود لي للحظات فقط..لابين لك ...كم تعني لي



™`•.¸¸.•¤¦¤`••._.• ][ســ الـشـوقـ19ر][ `•.¸¸.•¤¦¤`••._.•`™

ظهرت عليه علامات الاستغراب وهو يدخل على والده المكتب ويجد الغاليه عنده
سالم/ خلي هالسالفهه عنج...وشوق انسيها خلاص
غاليه/ لااا يا قليل الخاتمه...هالمرة ماني قايله جيب لي البنت...لاني لقيتها ...وبيني وبينها خطوات وان قاله الله...انا اللي برد لها حقها
سالم/ اي حق الي تقولين ؟؟..واذا شوق موجوده وينهاا ليه مااتعلمينا بمكانهاا
يمكن موب هي..بس بينصبون عليج
غاليه/ شايفني مثلك ...تنصب علي عتيقه وبناتها
سالم بملل وسخريه/ والمطلوب مني بالتحديد ...اتنازل لها عن كل شي؟؟
غاليه بانفعال/ رجع لها حقها وحق امها...والفوايد بعد كل هالسنين
تقدم ياسر..ووضع كفه على كتفها
يمه..لا ترهقين نفسك..الموضوع مايسوى
رفعت راسها ناحيته وقالت بنبرة عتب/ ماعاد شاغل فكري الا شوق
ابي اقابل ربي وانا مرتاحه
سالم/ عندي حل يرضينا جميع... بعطيها الي تبي
بس تقبل تتزوجني
ياسر/ لو فرضنا انها موجوده... متأكد انها معاقه مثل خواتها
وبـ هالحاله يبا...يحق لك تكون وصي عليهابدون زواج..يعني مابتخسر شي
غاليه/ تراني قررت ...كل الي عندي من اموال وعقار...بكتبه باسم شوق
وكلمت بادي ..كلها دقايق وبيكون هنا
سالم/ مايصير..كل تعبي بهالسنين الي طاافت...اتنازل عنه
لوحده مانعرف اذا صج بنت منصور ولا تخدعنا
غاليه/ ام الخير ما تكذب.. عندها كل الاوراق تثبت ان شوق موجوده
ياسر/ وينها كل هالسنين..ليه ماتكلمت او طالبت بحقهااا؟؟
غاليه/ الي فهمته ان حسنه موصيتها على البنت.. ومن كثر خوفهم
منا...ماحد درى عن شوق غيرهم
سالم وطرف جفنيه يرتعش من شده الغيض/ منو قصدج بـ غيرهم
بشير.. وفوااز.. كنت حاس ان عندهم شي .. يااويلك مني ياابشير
غاليه/ صحيح انك ولدي وحشاشه يوفي.. لكني ما بخليخ تسوي لهم شي
والا ... بسحب التوكيل الي مسويته لك... وبتخسر كل شي عقب
سالم/ وليش كل هذااا يالغاليه.... عشااان بنت معاقه مااتسوى
حرام عليج تهدمين كل الي بنيته... الشهره والثروه
لابارك الله فيها من ساعه يوم عرفنا عن هالشووووق
تركهم وخرج يغلي من شده الغضب
غاليه بنبرة ترجي/ مافي قدامنا ..غير انك تتزوجها..وبذي الطريقه
ماايقدر سالم يسوي شي..ولااا..!!؟
قاطعها ياسر باستهجان/ اتزوج شوق !!...وش أبي فيها
غاليه/ وقف معاي ..شبتخسر؟؟ لا تخيب رجاي
ياسر بنبرة قاسيه/ كفايه مروان... ماعندي استعداد اتحمل مسؤليه
إعاقات ثانيه بالعايله
في هذه الاثنااء دخل بادي .. والقى السلام
غاليه/ وعليكم السلام.. اقرب يا ولدي.. ان شاء الله جبت الاوراق الي طلبتها منك
تقدم بادي ووضع حقيبته السوداء على المنضده ..ثم فتحها
واخرج اوراق وعقود وقال / الختم عندج؟؟
ياسر/ بادي!! الله يهديك.. ماعندك وقت.. حامي حامي.. اصبر ياخي
ذي الشغلات ما يبيلها تسرع




اتاهم صوت والدته مفعم بالسخريه / شعندكم... إجتماع مغلق؟؟
التفت ياسر واغتصب الابتسام/ يمه!! الحمد لله على سلامتج
اشرت للخادمات خلفها... يحملن الكثير من الحقائب والاكياس
على فوق.. وبالراحه .. لا ينكسر شي.. والا بخصم من معاشاتك
..برتابه تقدمت بضع خطوات .. وقبلت غاليه على جانب راسها
شلونج خالتي...؟؟
غاليه/ عساج استانستي بها السفره.. وغيرتي جو
ام ياسر/ آكيد يا خالتي.. اوربا حلوة .. ماتوقعتها بهالجمال والروعه
غاليه/ اهااا.. وليش رجعتي .. !! جان تميتي هناك
ضحك بادي وهمس لياسر الذي جلس بجواره/ آكيد صفرت كل بطاقاتها
نظرت للاوراق التى امامهم/ صفقه يديده؟؟
بادي/ لا والله.. تدرين لو صفقه .. فتواجدي ماله داعي.. وياسر بيخلص كل الاجراءت
ضاقت حدقتا عيناها.. عيل شنوو؟؟
بادي/ الغاليه تبي تتنازل عن ممتلكاتها .. لشوق بنت منصور
ساد الصمت للحظات.. بعدها تكلمت ام ياسر
بنبره كره ووقاحه/ عجوز ومخرفه.. والله اني
قايله لسالم.. يحجر عليج قبل ما تضيعين حلالنا
ياسر/ يمه.. ما يصح هالكلام.. امي غاليه حره بتصرفاتها
ام ياسر/ لا اا.. مو حره.. تبي تحرمكم من ورثها.. وش هالانانيه
بنت منصور مالها غير نصيبها بورث ابوها وبس.. وبلا فلسفه وكلام فاضي

وضعت غاليه يدها على صدرها..وضغطت بقوه
احست بان قلبها اشد ضعفا من أن يتحمل كل هذه الآلام
وقالت بوهن / مستحيل احد منكم يحس بالآلم الي اعانيه
او يفهم وش ابي




™`•.¸¸.•¤¦¤`••._.• ][ســ الـشـوقـ19ر][ `•.¸¸.•¤¦¤`••._.•`™

الممرضه/ خلص ماما اليوم يروح بيت
فرح باستغراب/ روح بيت ؟؟ كيف وحالتها مو مستقره...وجهاز التنفس واضح انها ما تقدر تستغنى عنه
الممرضه / هدا نظام مال مستشفى هنا.... سرير لازم حق مريض ثاني
ام الخير/ مستشفى شكبرهاا مافي اسرة كافيه للمرضى؟؟
تهز الممرضه كتفيها بعدم مبالة/ممكن يشتري جهاز مال تنفس..واستخدام كتييييير سهل
دفعت ام الخير الممرضه امامها/ امشي وريني غرفه مدير المستشفى وينها فيه؟؟

انهت فرح تلاوة اجزاء من سورة البقره واتبعتها بالمعوذات .. والفاتحه
علها تخفف الالم او تجفف من ضرع المرض الذي اكتسح جسد نوره غازيا
تأملت ملامح وجه امها...تلملم عن اجزاءه المتعبه.. معاني الضياع
ورفعت يدا مرتجفه.. تتحسس بخوف جبينها المتصفد عرقا
وبصوت تملؤه الشفقه قالت/ يمه.. تراني ادعيلج بعد كل صلاة.. وبكل وقت
ولدهشتها فتحت نوره عيناها.. وقد غارت في بحيرة قاتمه
رفعت فرح الكمامه عن وجه امها
فقالت بصوت كأنه خرج من قاع الصمت /شووق.. سامحيني يااابنتي!!؟؟
وانهملت دموعها حاره
شووق.. صار الوقت لازم تعرفين سرج
ولولا خوفي من الله.. ما علمتج بالحقيقه

\
/
\
/
!! وجدت نفسي ..ابتسم
ابتسم..؟؟ وانا اسمع حكايتي
او بـ الأحرى سري.. وامي تسرده للمرة الاولى
!! وأن كانت أذني التقطت الهمس منذ زمن


بحثت عن ريق ابتلعه
؛
او عن دمع أفجر به فجيعتي
؛
وغضب أغرق فيه كل ماحولي
!! لم آجد من ذلك شيئا
فرت مني حتى..لواعجي واحزاني
وكأني لوح من الثلج...فأبتسمت ببلاهه
نهضت من مكاني وانا الثم يدها.. اشبعها تقبيلا
قلت بـ إجلال وامتنان.. بصوت موجع/ ماعرفت غيرج ام
انتي امي الحقيقيه.. يمه..
وعانقتها بحنان..ووجهها غارق بالدمع
وبعبارت يقطعها الاعياء/ شوق ..ادعيلنا بالرحمه

الابتسامه.. كانت وسيلتي لاوقع لها رساله امتناني
ظللت انظر في وجه امي..واواصل الابتسام
؛

اذ كنت احمل امتنانا للأم التي ولدتني
فلانها احسنت اختيار من القتني في حجرها قبل ان تتركني


تُرى مالذي كانت ستؤول اليه حالي لو ان
هذه العائله لم تحتضنني وترعاني؟؟




™`•.¸¸.•¤¦¤`••._.• ][ســ الـشـوقـ19ر][ `•.¸¸.•¤¦¤`••._.•`

كانت تجلس بزاويه مظلمه ..تتكلم بصوت هامس
شسوي ياقلبي...كل مابغينا نستانس...صار شي وخرب علينااا
علوي/ اشتقت لج..مافيني اصبر على فراقج آكثر
نجود/ وانا بعد...لكن لو تجي تخطبني..آظن اهلي
بيوافقون عليك لاني احبك
علوي/ اسمعي.. الحين انا قريب من بيتكم... اقدر اشوفج؟؟
نجود بغباء/ لااا.. مااقدر الدنيا ليل.. ومافي الا انا وسمر.. مسكينه توها تنام
كانت مقطعه نفسها من البجي على نبيل

وجدها علوي فرصه لا تتكرر/ حووبي.. من شوي تقولين مشتاقه ومدري وشوو
نجود / ايييه .. بس
علوي/ لا بس ولا شي.. عرفت قدري عندج
ليتني كنت بدال نبيل
نجود/ لا تزعل .. بقابلك زي كل مره.. بس تآكد لا ينتبه لك احد
علوي/ خمس دقايق..و افتحي الباب
لم تجد وقت كافي للتتزين او تغير ملابسها
فقابلته ببجامتها .. التى كانت تظهر اجزاء.. وتلتصق باجزاء اخرى من جسدها
علوي ونظره على صدرها اللاهث/ الله .. الله وين كنتي مخبيه كل هالزين
عقدت يداها في حجرها وقالت بصوت متحشرج/ ماا امداني اغير.. لا تحرجني اكثر
وربي استحي..
جال ببصره في الفناء ..ثم اشار لباب المجلس/ في آحد بمجلسكم ؟؟
نجود/ لااا.. ليش تسأل؟
تقدم باتجاه المجلس وسحبها خلفه/ خل نقعد فيه .. اريح لنا
:
:

تجاهلت الشهوة المتغلغلة في أعماقه.. إلى أدق جزئيات جسمه
إذ سمحت له بلمسها .. بتقبيلها وسمحت لنفسها بالتكشف امامه
سمحت بلقاءات ليست بريئة
يجب أن تتحمل النتائج الوخيمة
/
\
علوي/ اني الي اغريتيني.. ليش تصيحين .. وكل الي صار برضاج
نجود/ لازم تصلح غلطتك
علوي بخبث/ كل شي بيتصلح.. بس لا تقولين لاحد
نجود/ حاسه ان السالفه مابتمر على خير.. علوووي.. ليكون تقص علي
اخرج سيجاره وبدا يدخن/ قومي .. بالاول هاتي لي شي اشربه
كانت على وشك ان ترفض.. لكنها تذكرت مسحوق الحب العجيب
الذي احضرته ايمان.. ووضعت جزء منه لخالد


اذابت ماتبقى منه في كاس عصير منجو.. وقدمته لعلوي
واطمئنت وهي تراه يستمتع بشربه.. لاخر قطره

/// عندي اقتراح للمشرفات///

الروايات التي يتم اغلاقها... ترجع للخلف///


لانو وبصراحه صاير المنتدى مش عارفه كيف شكلوو

نرجع ,, لسر الشوق...

شكرا محبوبة الليل عل هالجزء العجيب !!

وآآآآي عليك يافرح...كيف ولا نزلت منك ولا دمعه
قلبك جااامد
اذا انا ماارحت للمدرسه عشانك وبس>> قويه صووووح
متأثره بالموقف
وحزينه لنبيل >> ياترى رح تتحسن حالتو.. والا مافي امل

وكمان نجود ام دماغ فارغ...
احب لو سمحتي .. لا تتعاطفي معاها.. وخليهم ياخذو جزاءهم

ننتظرك يامبدعتنا المميزه //

آسعدتني بمرورك الذي دائمآ مايترك الأثر

الجيد والانطباع الرائع عنك شخصيآ وعن قلمك

المميز .. تملكين آسلوبآمميز في الرد

والتعقيب يذهل كل من يقرأه ,


ولكن



لا اريدآ ن تشغلك الروايات
عن دراستك..!! >>> مصدقه

فتلك ليست رغبتي

آشكرك لـ اعجابك بسر الشوق

شرف نلته بكل تواضع


ودي واحترامي

السلام عليكم
اهلين شمس >>عاجبني الاسم خخخخ اخباارتس يالغاليه ..
احساسي يقولي ان النهايه قربت الله يعينا على الفرقاا...

بس اللي يضيق الصدر نبيل وحااله سمر ..ماتوقعت ابدا انه ممكن يموت ..الله يكون بعون هالسمر تكسر الخاطر ..
فرح ..وسر الشووووق واخيييرا عرفتي اللي كنا عارفينه عنتس من اول القصه ..
بس الله يستر ليوصل لها سالم قبل غاليه ..ويسوي اللي بباله ..
الا تعالي شموسه الحين سالم وش يقرب لمنصور ...مخي ضارب هاليومين ومو عارفه اجمع
على بالي انهم اخوان بس من قال سالم ابي اتزوجها وانا الاسلاك تشربكت عندي قلت لازم ارجع للاجزاء الاولى علشان اعرف راسي ومن ساسي ..؟؟؟
علوي ونجود ..الحمدلله انقلب السحر على الساحر بس خساره عقب ماطاح الفاس بالراس
وجه النحس عتيقه هي وبناتها اليوم ماشفناها عساها البلى اللي يشيلها ..

أحب الليل ..
ماتدرين وش كثر فرحني الجزء انه نزل ..كنت اترياااه من زماان .فديتج.>>اماراتيه
بس انتي شكو يا شبيهه كل يوم رازه الفيس متى ..متى ..امبيه >>ماكو صبر >>كويتيه
مشكوووره شموسه على الجزء اللي طمننا عليتس نشوفتس بالليل ياأحب الليل >>سعوديه
ههههههه كل يوم مدينه ..هههههه من اتذكرك اموت ضحك ..الله يوسع صدرك بالعافيه ويفرج هم كل مهموم يارب ..

شبيهه .. فديتك يالغلااا

قسم انو ردودك شي .. شي.. ومو اي شي خخخخخخخ
احب اتابع تعليقك بعد كل بارت
صاير من توابع الروايه

اسمحي لي اوضح لك, واوفر عليك تقليب الصفحات
عارفه اخوات شوق من ابيها سبق وتكلمت عنهم ام الخير
غاليه خالتهم.. وبنت عم منصور
بكذا يبغى سالم مو عمها..ولكن ابن خالة اخوتها
ومااعرف كيف اسمو صار السالم

ودي اطلب من احب الليل ترسم لنا شجرة العائله ..هههههههههاااااي