شوق؛؛؛13


قدِمت على الموعد
وآن راق لكم ذلك
فسوف اضع جزء كل يوم اثنين

سموا بالرحمن..وصلوا على خير الآنآم
عليه أفضل الصلاة والتسليم

ولنبداء من حيث انتهينا

ســـ الشوق 13ــــــــر




يغلي من الضيق بداخله
بينما بشرى تبتسم..وهي تستدير حول الطاوله
لتمسك بكتف والدها/داد..تامر يسلم عليك
نظر لها والدها بفتور/ رجع من لبنان؟؟
بشرى/ مارجع ..عنده نيو فاشن شوو ومحتاج مشاركه بسيطه مني

قال محمد عندما وجد علامات استفهام
كثيره تظهر على وجه عادل
قال/تامر مصمم ازياء محترف..ويملك دور ازياء عالميه
في معظم الدول العربيه
تخطت بشرى الطاوله بخفه..ورمت نفسها على الكرسي
المهم..لازم اكون بلبنان بعد يومين

اندفع عادل يقول بشده/بشرى ..تصرفاتج ماااتعجبني

لفترة وجيزه..التزم الجميع الصمت
ثم اطلقت بشرى العنان لضحكتها/ ههههههههههه
ونظرت له بتحدي/ اولا انا حره بتصرفاتي
ثانيا احتفظ برايك لنفسك
ثالثا....؟؟
صرخت ....ثم اختنق الصراخ في حلقها من الآلم
وهي ترفع يدها لتتحسس الوجنه التي تلقت صفعه
من عادل..قبل لحظة..
لم تكن الصفعه قويه..لكن الاهانه التي تلقتها
مع اول صفعه بحياتها..جرحتها بشده
نظرت لوجهه بعينين دامعتين/ ميين مفكر نفسك؟؟
ظل يتأملها باستياء وانفعال
عقد حاجبيه..وقال مؤنبا/
بتصرفاتج الطايشه مارح تضرين نفسج بس
اقترب منها اكثر ومسك معصمها
وقال متوعدا/ شرف العايله من شرف بناتها
واي غلطه انتي تسوينها ..بنات العايله رح يدفعون الثمن معاج

برغم من دموعها..ابتسمت بمكر/اذا عندك قانون ومقياس لشرف العايله
علمني
واكملت بسخريه لا ذعه /لا صبر شوي..يمكن شرف العايله تتوارثونه
مع التخلف والعقد


التفتت لوالدها ..بحزن بالغ
( لماذا لا يقف بصفها ضد عادل)

توترت اعصابها..واحست فجأة بالدماء الحاره تندفع بسرعه
الى رأسها ووجنتيها..فقد لاحظت عادل ينظر لها
نظرات رخيصه..لم تعد قادره على تحملها
فركضت نحو الفيلا باقصى سرعتها


راى رأس خاله منكس من الهم
فتقدم منه وقبله
وقال له مطمناً / لا تحاتي..كل شي بيتصلح

محمد بإنكسار/شفت شلون انا ضعيف عند بشرى
كل قوتي تنهار قدامها..ومن كثر حبي لها.
ماقدر ارفض لها اي طلب..او اغصبها على شي ماتبيه
غلطتي اني ربيتها على الدلال الزايد
وعدم تحمل المسؤليه..
عادل بتفهم زائف/ كل الي سويته يا خالي
انك حاولت تعوضها عن حنان امها
وهذا مو جريمه تعاقب نفسك عليها
محمد/ لا تظن اني راضي عن تصرفاتها..اوعلاقتها بتامر

قاطعه عادل/ انا وعدت ان كل شي بيتصلح
انت بس تطمن..وظبط وضعك مع زوجتك
وام ولي العهد المنتظر
وخل بشرى انا بتفاهم معاها
محمد/ خلاص بكره تجيب الشيخ عشان تملك عليها
عادل(الخال ما صدق خبر)/اتصور انها مارح توافق ؟؟
محمد/ حضر بكره الشيخ..والباقي علي






صعدت لجناحها الخاص..وهي تحاول التقاط انفاسها
وتجفيف العرق المتصبب من جبينها
سمعت رنين الهاتف في غرفتها
فأجابت لاهثه من شدة التعب/ هلااا ..نماار
نمار/ شـ تسوين..ماخبرج تتمرنين بهالوقت
بشرى/ طلعت الدرج ..بسرعه
نمار/ شوو..زايده كم كيلو وتبين تخسرينهم؟؟
بشرى/ نوو..بالعكس هاليومين قاعده اخسرمن وزني بدون مجهود
نمار/ حميه جديده؟؟
صدرت من بشرى تنهيده عميقه/ إلآآآ هم جديد
نمار بخبث/ وااو .. مقاس كم
بدآت بشرى تهدآ قليلاً/ فري سايز
نمار/ هههههه
بشرى /صوتج بالسياره..وين رايحه؟؟
نمار/ يوووه يا بشوره..لاايكون نسيتي
تذكرت بسرعه/ أوووبس..اي فورجيت
نماار/ طبعا..لو شي يخص تآآمر ..ماراح عن بالج
بشرى بآسف/ آآم سوووري..مآقدر احضر بآرتي نازك
اعتذري لهاا بالنيابه عني
نمار/ لا حبوو..من الذوق انج تتصلين وتتعذري بنفسج
القت بشرى نظره على ساعتها/ مو كأن الوقت بدري
نمار/ ههههههه..متعمده اروح قبل الموعد
لزوووم حركات لفت الانتبااه لحبيبي يآآآآسر
بشرى/ آهآآآآآ..الحين فهمت
طيب استأذن يا قلبوو
ناسيه جوالي بالحديقه ..ورايحه اجيبه واكلم نزوكه


آنهت المكالمه..ونزلت تتسحب للحديقه
مشت بهدووء بإتجاه المسبح
لو عادل متواجد..سترجع من حيث اتت
وجدت والدها يجلس بمفرده..وظهره لجهتها
تقدمت منه ببطء
وسمعته يتكلم بنبرة ود


هاااانت..يا بعد عمري
صدقيني حبيبتي..كلها كم يوم
ونصير مع بعض..ولا تخااافين
ولي العهد رح ينولد بالسعوديه
زي ماااوعتدج
صمت للحظات..لتسمع معه صوت نسائي
ينبعث عبر الهاتف/ قلت لبنتك عن زواجناا؟؟
محمد/ لااا ..بس بشرى بتتزو ج..وتنشغل بنفسها
وزوجها..وبيكون اسهل اني اصاارحها بزواجناا
وبعدها..مافي شي بيمنعني عنج ياقمر حياتي





تراجعت..وانسحبت ببطء وهدووء

كيف حصل ذلك..كيف؟..كيف؟
تراه قد تجرد من آسمآ المشاعر..وآرقها

كيف له ان تجرآ على ذلك؟

لسنوات طويله .. كان لها كل شي
الاب العطوف .. والام الحنون..والآخ الوفي
كبرت بخوفه عليها..وحبه..وكل أحاسيسه

تكآد لا تصدق..انه والدهآ
الذي عرفته..وعلمها ان حبه لها ابدي
حب ولِد للخلود
وهاهي سهام غدره..دمرتهااا
تشعر بمرارة لا توصف بكافه جسمهاا
ودموعها تسيل كاللهيب الحارق على وجنتيها

صرخت ..بآآعلى صوتهاا
دآآد..انت خآآآآآآآآآين

™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™


سدت هند أذنيها بيديها الاثنتين
وقالت بملل/ ول عليهااا..مسرع حطت راسها على المخده
وقامت تشاخر
سمر / ههههه.. بلاها فضيخة قلب
تقلبت هند على سريرها..ثم سألت سمر
شلون خاطر فرح اليوم؟؟
تنهدت سمر بحراره/ خيالات المرحوم..ماتفارق عينهاا
وغرق وجهه هند بالدموع/ مسكينه ..وربي كل مآآشوف
ويهااا أحسهاا ضآآآيعه
سمرتلوم نفسها/ احنا كل يوم دواره بهالسوقه
نجهز للعرس..وهي من مكتب لمكتب
تخلص اوراق امها..عشان تتعالج على حساااب الحكومه
هند/ وربي لو هي بنتها الحقيقيه مآآسوت
نص الي تسويه فرح لها
اعتدلت سمر جالسه بعد ان كانت مستلقيه
شجاااب هالطاري..موب أتفقنا
ننسي السالفه الي سمعناها بين امي ونوره
من كنا صغار..ولا جنا درينا او سمعنا شي
هند/ ودي اعرف ..منو اهلها
وشلون صارت القصه.. اورقاها الرسميه
صحيحه..يعني اهلها ماتو
ولاا خاله نوره خااطفتها

تحركت سمر..فتحت النور
وجلست على كرسي المكتب
تذكرين قصة الولدين الي تبادلو بالغلط
بمستشفى الولاده؟؟..حطوا قصتهم بالاخبار
هند/ اذكر ان واحد منهم تركي ..والثاني من الجنوب
سمر/ يمكن فرح صار لها نفس الشي

قطع استرسالهن بالحديث
وصول رساله لهاتف سمر

فتحت سمر الرسالة مباشرة
وعقدت حاجبيها بضيق
سألتها هند/ من نبيل؟؟

سمر/ رسالة وسائط
صورة شااب
و مكتوب عليها
تكفى امانه لا يطول غيابك
وان طالت المده تذكر حنيني

والمرسل ..مزعج فرح

سمر/ غريبه من وين عرف رقمي


هند/ الاحسن انج تعلمين خاالد

تفاجؤ بنجود تسعل بشدة
وقفزت من سريرهااا..أخذت كأس الماء
الموجود فوق الطااوله
وشربته دفعه واحده
ورجعت مكانها
سمر(طالبه حرش)وييين
قومي المطبخ هاتي جلاص ماي بدل الي لطيتيه

بدون اي كلمة خرجت نجود للمطبخ
لتحضر ما طلبته سمر
راقبتها هند بإستغراب/ شعندهااا مطيعه اليوم
قربت منها سمر..وقالت / شوفي الشااب الي صورته بالرساله
يشبه علوووي الخكري موووو
شاهدت هند الرساله../ االملامح غير واضحه
يمكن عشااان الكشه الي فوق راسه
مثل كشه الخروف علوي



™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™

وقف يتأمل وجهها المجهد.. تغط بنوم عميق
لا تستطيع حمل راسها..فيميل يميناً ويساراً
مستنداً على احدى كتفيها
وعلى امتداد يدها اليمين..نامت مي بهدوء وطمئنيه
نبهها بهمس/ ظبيه..ظبيه
ثم حرك يدها بهدوء/ ام خاالد..يبا قومي تمددي داخل
اريح لج أدآم الصغيرة نااايمه
رفعت جفنيها بتثاقل ..وتحسست بيدها اليسار المكان الخالي
قالت بفزع/ وين معن..توه كان هني

ابو خالد/ الله يخلف عليج بس
تبخر جزعها عندما تهادى لمسمعها صوت ضحكات معن ومحمد
وقفت ام خالد ببطء وتكاسل/ زين عيل بدخل اكمل نومي
مع حبيبتي ميوو

انتبهت لطريقه لبسه وتألقه / وين رايح ؟؟
الريال ماصار له شهرميت..وانت متكشخ جنك معرس
ابو خالد/ فواز مات وشبع موت
يعني مانلبس..ولا نطلع وتبينا نجامل ميت
ام خالد بملل/ استغفر الله.. على الاقل تراعي خاطر بنته
ابو خالد/ انتي والبنات قايمين بالواجب واكثر
نجود وهي تحمل كأس ماء لسمر/ يبااا..يبااا
ابو خالد/ واحطبه..شعندج انتي بعد
نجود متردده/ وين الجوال الي وعدتني
ابو خالد بحده/ مااني يايب شي
وطسي داخل ابرك لج..لا آاتوطا ببطنج هالساعه
نجود بنزق/ زييين لا تحمق..علينااا
صرخ بعصبيه/ شقلتي.. مااسمعت !!سمعيني
ارتجفت وقالت تصحح/ اقول..متى بتسافر مرة ثانيه
قال وهو يدير رأسه بغضب/ موب شغلج
وخرج دون ان يلتفت

تبعته عينا نجود حتى تآكدت من خروجه
قالت متذمره/ يعني العم فواز ماالقى يموت الا وآبوي مسافر؟؟
ام خالد/ استغفري ربج..محد يدري متى بيموت
وجهت لنجود بنبره آمر/حطي بالج لمعن لين اصحى
نجود/ يااسلام..عيل الست ناني شنو شغلتهااا
ام خالد/ تقلعي اشووف..وسوي مثل ما قلت
لاااتزعجيني بحنتج..ابي ارتاح شوي
نجود تمد يدها/ زين عيل..هاتي فلوس عشان البقاله
ام خالد/ يالعوبه..تو ابوج قدامج ليه ما طلبتي
نجود/ شقالولج بايعه نفسي انا..شفتي شلون موب طايق كلمه منا
ام خالد/ شتبين من البقالة..كل شي موجود عندكم
نجود/ مااالي خص..تفاهمي مع نانيو الخاايسه
تزامر وتقول خلص حليب معن

انااارايحه اناام..محد أحسن من حد








™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™


روان تلمس ياقة ثوبه بدلع/ حموودي

ابو خالد/ قووولي..يا عيون وقلب حموودي
روان/ متى نروح بيتنااا..زهقت من القعده بروحي
يضع قطعه من التفاحه التي قام بتقشيرها وتقطيها بنفسه
بين اسنانها/ ماصار لنا ساعه من دخلنا من برى

روان / عيل قوم نتمشى على البحر
ابو خالد/ لا يا حياتي..ماقدر اتأخر عن البيت زي البارح
زمت روان شفتيهاا

( ان مااانسيتك اسمك..يا شيبه عرعر)
دخلت غرفه النوم بمفردهااا..(مسويه زعلانه)
بعد لحظات تبعها مهرولاً..(ما قدر على زعلها
كان لون الغرفه طاغي عليها الاحمر الغاني
وقف امام الباب ..منبهر تماما من منظرها المغري
بالفعل أرجعته عشرين سنه للوراء

( انعن البيت والي في البيت)

آفرط بتدليعها من منطلق ((انا افضل من الف شاب
وأغدق عليها من كل نااحيه ..لتعويض الفارق العمري بينهما
وكان التناسب ...كلما كان أكثر سخاء معها
كانت اكثر(استعراض لمواهبها الانثويه) امامه ..حتى

استهلكت طاقته..بالكآآآمل

™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™

اندفعت سعاد خلف اخيها سعد باكيه
وأخذت تناجيه بعينين تفيضان برجاء متعب
سعد..ولي يخليك..كلم امي..ناقشها..اقنعها
تكفى يا آخوي..ابي بنتي ترجع لحضني
التفت سعد لأخته..يمسح دموعها..ويربت على كتفيها
بحنان حزين..محاولة منه ليهدئ روعها
اصتدمت عيناه بعينا اخته الباكيتين/ حبيبتي..خليني اخذ نفس
وصلت آمس بس..وهريتيني صياح وهم
بعدين بنتج عند عماتها وجدتها..مراعينها
لاا تباليغن بخوفج عليهااا


أُبااااالغ؟؟؟
أي ذنب جنيته حتى..أُحرم من صغيرتي
فلذة كبدي
ريحانة حياتي
وبهجة دنياي

أتمنّى رؤيتها ...لاأريد سوى ذلك
دعوني فقط أرى تقاطيع وجهها الطفولي الحبيب
استنشق عبق أنفاسها

أضناها الشوق وألجمها الحزن
فتقطّر قلبها وسالت مدامعها
وارتعشت أطرافها..وهي تقف بمشقه واضحه
رق قلبه..فأدارها لناحيته
ابتسم بفيض من الحنان الاخوي/ موو اجيب لج مي
الااا..اجييب ابوهاا..وابو ابوهاااا
نظرت لعينيه بخوف/ وأمـــــي
سعد بثقه/ نشوووف لها تصريفه

™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™


هاا هي فرح تعود للمنزل..
رأسها مثقل بهموم..لا تظنها ستنتهي
فطلبها المتجدد بالحاح..قوبل برفض لا رجعة فيه
وبعذر لم تستطع تقبله
( ليس هناك علاج لمثل هذةالحالات الميؤس من شفائها)
كما آكد لها الاطباء انه لا امل لامها
البته من الشفاء
بذلت كل ايامها لـأمها
وأفاضت عليها من نهر الرحمه والعطاء
بسخاء متدفق لا مثيل له

فكانت لا تنام الا وهي تحتضن كفيها الذابلتين
وكثيرا ما كانت خالتها تلومها على هذه الرعايه الزائده

سارت بأقدامها..التائهة الى غرفتها
آخذت تقلب عينيها في انحاء الغرفه
كآنها ..لامست تغير مآآآ


وجدت كل شي على حآله
اذاً.. مالذي تغير؟؟

حانت منها اللتفاته لسريرها القابع بمكانه
ورآته..؟؟


حضنت لحافها الصغير...ضمته بقوة لصدرها
وكما كانت تفعل دائما
لفت طرفه حول اصبعين السبابه والوسطى
وقربته من انفهااا
ارتمت على سريرها..
ورحلت لذكريات الماضي



تتراقص امامها خيالات..غير واضحه
واصوات ..اقرب الى الهمهمات


ميزت صوت امهااا
يرتفع بأهازيج شعبيه محببه لها


شوااقه ياااا شواقه
ابوج مشرع بابه
باب الكرم مااصكه
ولاا حط له بوابه

يا رب سلِّـم بنتـي وايزهـا الحبنتـي
واتعرِّس وامها حيَّه واتييب اصبي وابنيه

ثم صوت خالتها.. يقترب للهدهده


يـا النـوم يـا النـوم هـيــلا عـلـيــه
يـــوِّد عـيـونــه وهـــوِّس عـلـيـه
الله الله يـا المـنـادي محمد ساكـن الـوادي
لا مـايــن ولا زادي محمد شفيـع العبـادي
محمـد زيـن كـلـه مولود في ضحى الإثنين


تعالت الاصوات..وازدادت الطلاسم

وجوه كثيرة..بتقااسيم تجهلها
بعضها تنبت من الظلام..ثم تختفي
اختلست النظر لكل الوجوه
علهاتلتمس خيطا يقودها لفك رموز تلك التعابير


وعند آحد الوجوه..توقفت

انهااا..؟؟
طفله بعمر السنتين
اسمها..فرح!!؟




ولها وجه ناهد...!!!؟

ثم استفاقت فرح بعينين..محدقتين بالظلام

خرجت من غرفتها..تجر لحافها الصغير خلفهااا
اتجهت لامها..الجالسه على كرسي خشبي
ارتمت على يديها..تقبلها

شدت نوره على كفي فرح
كان وجهها يتصبب عرقا
نظرت لوجه فرح
و أطآآلت النظر
تبحث عن كلمات في ذاكرتها الناقصه

امسكت طرف بلوزة فرح..وقالت/ حسنه..متى جيتي
كلن سأل عنج..وين رحتي بدون ماااتقولين
وضعت فرح رأسها على حجر امها
يماااه..انا فرح بنتج
معقوله تنسيني
وآكملت بحزن مدعق/ يماااه..احس ان صدري ضااايق
مااقدر اتحمل كل هالـ الآلم بروحي
ابيج تسااعديني..يماااه
مجرد احساسي انج قريبه مني يكفيني
لاا تتركيني ..تكفين يماااا
قاااومي المرض عشااان
فرح .. حبيبتج

شعرت بدموع امها ساخنه تتساقط على وجهها
وقفت تمسحهاا..بحنان
اصلحت من وضع الوشاح على راسها
الخالي تماما من الشعر

اوقفتها بصعوبه..وسارت معها الى السرير
ساعدتها لتستلقي.. بوضع مريح

ثم استلقت بجوارهاا..حظنت كف والدتها بيد..ونامت
ويدها الاخرى تتشبث بـ لحافها العزيز



™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™

عند عودتها من المدرسه..دخلت مباشرة عند فرح
سلمتها بعض الاوراق من ادارة مدارس الـ سالم

وبرغم من كل السعادةالتي كانت تبدو على ملامح سمر
فقد غصت بحزن شاحب أعلن سيطرته على قلبها
عانقت فرح بعينين دامعتين/ كنت اتمنى
تحضرين زواجي البسيط
قالت تمازحها/ انا مآاحضر زواجات بسيطه
يااا زواج بقاعه فخمه..وقد المستوى
ولااا ما ا شرفكم بحضوري
ضحكت سمر/ على طااري الفخامه
كان الحفل الختامي اليوم.. فخم وخيااالي
كرمو فيه المتفوقات
و المثاليات..طبعا مثل كل سنه
نازك السالم..وناهد الـسالم
متصدرات القائمه
وابله نماار الخايسه..كرموهاا بعد
مع انها مااتستاهل
والطالبات كلهم يسلمون عليج
مرسلين لج بطااقات وورود
بس نزلها ابوي للبيت مع اغراضي
وبرسلها لج مع محمد بعد شوي
فرح/ مشكوره يا قلبي
نردها لج بالافراح
سمر بترجي/ ترى زواجي بكره
واذا ماااقدرتي تين بيتنا تودعيني
خليني اسمع صوتج على الاقل
قبلتها بحراره/ الف مبروك مقدما
لان بكره امي عندما جرعه
وزي كل مره..يمكن تتعب عقبها
يظطرون ينومونها ليين تتحسن
وانتهت الزياره بدموع الوداع..اختلطت بضحكات الفرح

تصفحت فرح كومة الاوراق التي احضرتها سمر
كان بينها..تنبيه اداري
بسبب تكرار الغياب..بدون عذر
بعد استنفاذ الاجازات المسموحه
وقرار اداري بخصم 75 بالميه من راتبها
لنفس السبب

رددت فرح بضيق
طاار ثلاثه ارباع الراتب
شلون بدبر عمري باااقي الشهر

رجعت تنظر لباقي الاوراق المتنااثره امامها بضيق
سحبت ورقه اعلان ..لفتت نظرها

مطلوب مدرسه خاصه للحاسب

المؤهلات والشروط
حاصله على دبلوم بالحاسب
خبره لا تقل عن سنتين
تجيد التعامل مع المعاقين
الاولويه للسعوديات

الحوافز

الراتب (مغري
توفير مواصلات..من وإلى
تأمين صحي يشمل الابوين

على من ترغب بالوظيفه
الاتصال بالسيده سلوى/******05

ومن غير تردد اتصلت فرح
وابدت رغبتها بالتقدم للوظيفه
سلوى/ لو سمحتي اختي
عطيني اسمج ورقمج
ورح توصلج رساله
نحدد فيها موعد المقابله
فرح/ عندي استفسار بسيط
سلوى/ تفضلي اختي
فرح/المعاق كم عمره
سلوى/ خمس سنوات
اعطتها المعلومات المطلوبه

وانهت المكالمه..وهي تدعو الله
ان تكون الوظيفه من نصيبهاااا



™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™

وأخيرا..لبست سمر فستانها الابيض الطويل
ولو ان الحفله صغيره وضيقه
لا تتسع لاكثر من افراد العائلتين
الا انها اختالت به كحورية البحر
هند ..عاشت فرح اختها وفرحت لاجلها
وكاد قلبها يرقص طرباً في حفلة الزفاف
الصغيره
لكن ينتابها شعور مؤلم ..من ذلك الفرح الغامر
الذي تشوبه نكهة مرارة مااا
فهي من الأشخاص الذين يخافون من الفرح والبهجة
وتردد مراراً
(الله يعطينا خير هالفرحه ويكفينا شرها)
وكأن الفرحه..سوف يتبعها شر
ويأتي الدعاء..لدرء ذلك الشر

نجود..في ذلك المساء..تزينت لاول مرة كانثى كامله
لطخت وجهها بالمساحيق
لبست فستان سهره يُظهر مفاتنها المتواضعه
فبدت..أنثى حسناء ناااعمه
ليس من أجل فرحة اختهااا
وانما لطلب ..لم تستطع رده
قال لها في أخر مكالمه / لازم اشوفج بعد الحفله
فيييس تو فيييس

ام خالد...رغم انشغالها بترتيبات الحفل البسيطه
وتشتت فكرها بالعنايه مابين معن ومي

فهي تمر بمرحله حزينه..وتحتاج لاتخاذ قرار حازم

كان ماهراً جدا في إخفاء خيانته
واكتشفته بكل سهوله

تغير سلوكه..واهتماماته
مع انعدام رغباته الزوجيه
تؤكد وجود علاقه بإمرآة أخرى تقوم بأشباع رغباته




أحست سمر بنفسها..شديدة الخجل
ونبيل يتقدم نحوها..يقبل جبينها
ثم يحثها على السير بجانبه..باتجاه سيارته


لم تستطع سماع مايقوله..او التركيز معه
حتى قال بغضب/ ادفع كل غالي..واعرف بشنو تفكرين

ردت لتمتص غضبه/ مو بشي مهم

شعر نبيل بالاحباط..صحيح انه انتظر هذا اليوم
الذي حددته سمر بنفسها..بفارغ الصبر
فقد توقع منها الكثير من العناد..والمقاومه
حتى يجد لنفسه العذر بأخذ حقوقه
عنوة..عند تمنعهاا

حاول التقرب منها بشكل عادي
بداية..مسك ذراعها..ليخفف من توترها

حتى وصلا ..لعناق ساخن

انتهى ..بصدمه لم يتوقعها منها

عآآآآآئق شرعي
((الدورة الشهريه))
وفي ليله قامت هي بتحديدها



لماذا سمحت له ان يتمادى بملاطفتها

أتريد ان تختبر قدراته؟؟
ام ردة فعلة؟؟

و ماذا غير ذلك..!!؟

خمدت مشاعره
وانطفأ شوقه

نظرت له وقالت بخبث/ ليش مستعجل
قدامنا العمر كله


إرتدى ملابسه..وخرج غاضباً










™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™

تعرف من هي مناسبه تماما لهذه المهمه
لكنها رشحت ابنتها إيمان

لما تتمتع به من جمال ملفت للانتباه
وجسم ملتف..لو اختارت ما تلبسه بعنايه وذوق
فأن الكل سيصدق انها فعلا
تنتمي لتلك الطبقه المخمليه

وقفت تنظر لابنته ايمان بعين الرضا
وقد اعماها حب المال عن حقائق
لا تجهلها ابدا

عتيقه بفخر/ وربي ان خلود ماعنده نظر
كل هالزين قدامه ..ولا ينتبه
ياعله العمى آكثر ماهو عمي


وعند الساعه الخامسه عصراً
خرجت بصحبه ايمان
متوجه لقصر الـ سالم

دخلت تمشي بثقه كامله
تدلي بنصائحها (القذره )لابنتها

شايفه يابنت كل هالعز
لو قدرتي تحصلين هالوظيفه
رح يكون كله تحت امرج

سألت ايمان/ طيب فهميني شطبيعة العمل
عشان اصرف عمري

حثتها على التقدم/ امشي..وداخل بتعرفين

منذ دخولها من البوابه الخارجيه
وبداً بالوحه الذهبيه المعلقه بالقرب من البوابه بالخارج
وكتب عليها بالخط الاسود العريض
قصر الشيخ منصور الـ سالم
ومرورا بالبوابه الحديديه الضخمه
والملاحق الكبيره القابعه على جهة اليمين
بتصميم بديع
ثم الحديقه الاماميه..المزينه بعده نوافير ..وتماثيل ضخمه
وصولا للمدخل الرسمي في الطابق الأرضي من القصر
إلى بهو ذي ارتفاع مضاعف ، محاط بالجدران المكسية بقطع من
رخام " روزا كاستيلو بورتوغالو " مختارة و مجمعة بشكل دقيق
و السقف المقبب متوج بثريا متلألئة وضخمه
و يقع على جـــانبي رواق المدخل أفنية مضاءة طبيعياً
و مزينة بالنباتات و النوافير الجميلة

مشين بهدوء..خلف خادمه ترتدي
نيوفيرم..يحمل شعار القصر

الى قـــاعة الاستقبال الرسميــــة
و قد زينت بأسقف من الجبس المزخرف بشكل رائع
و تنتشر فيها الثريات الكبيرة الفخمة
أما الأرضية فهي من الرخام المعشق المكسو بالسجاد الفارسي
و هناك أيضاً مجموعة من قاعات الاستقبال اصغر حجماً
ولكن لا تقل فخامة
وقفت عتيقه بثبات..تحاول ان تخفي ارتجاف اطرافها
طال عمرك..هاذي البنت الي وعدتك
صحيح انها صغيره..بس لهلوبه
مستعدة تسوي اي شي تطلبونه منها
وانت كريم طال عمرك..وهي فقيره وتستاهل

وقف بعيدا رجل ستيني
هالة حظورة تجلب المهابه
تحسبه..خرج للتو واللحظة من مجلس
لاجتماع وزراء..او رؤساء دول

قال بصوت فخم/اقربي ..يااااا
ردت عتيقه بسرعه/ شووق ..طال عمرك
مو اتفقنا انها شوق

قال بحده/ اقربي يا شوق

تقدمن بضع خطوات ..حتى اصبحن امامه مباشرة
رفع هاتفه وقال/بـ الاول نشوف الغاليه
تتقبلها وبعدها لنا كلام

اعطى الاوامر ..بتبليغ (الغاليه) انه يريد حضورها لامر هام
رجع يكلم إيمان/ شوفي..ياا شوق
اذا حضرت الغاليه..ما تنطقين ولاا كلمه
وكانه حيا او خوف..عشان مايزل لسانج
وتخربين على نفسج
هزت راسها بالموافقه

وجه كلامه لعتيقه/ منو اهلها؟؟
عتيقه/ ابوها متوفي من سنين
(هذي اول كلمه حق تقولها)
وهم ناس على قد حالهم

دخلت خادمه..تدفع امامها كرسي متحرك
وقف سالم ..وتوجه ناحيتها بسرعه
استلم الكرسي من الخادمه
قبل راس العجوز..واكمل دفع الكرسي للامام

أطالت العجوز النظر بوجه أيمان
ثم لكزت عتيقه بعصا بيدها/ فتحي قطاج..نشوف وجههج
وما ان رفعت عتيقه نقابها
ومن لمحة واحده صرخت العجوز/ عتوووق
انتي حيه للحين؟؟

قاطعها سالم/ خلج منها يالغاليه..وشوفي
هاذي البنت القمره..من تذكرج فيه؟؟
اجابت بدون ان تعيد التفكير/ بالساحرة عتوووق
زفر سالم/ لا يالغاليه..هذي شوق بنت المرحوم الشيخ منصور
ردت/ رحمة الله عليه..ذي موب بنته..لو تنطبق الارض على السما
ماتصير بنته..ولا فيها شي من السالم
وامرتها بشده/ اقربي اشووف
ولما صارت امامها مباشرة
سحبت العجوز شيلة ايمان
وكشفت عن رقبتها من الخلف
شوووف..وين الشااامه
الدمغه لعيال السالم ..يا ثور
لا يقصون عليك ..هالساحرة وبنتهاااا
ونادت الخادمه/ كااترينا..كااترينا..تعالي وديني غرفتي
التفتت له وقالت / هاااتلي بنت منصور
ولا تحاول تنصب علي مرة ثانيه
لاني بعرفها ..واطلعها من بين مليون بنت


سالم بنبره كره/ عتيقه..لو عديت لين الخمســ
لم يكمل تهديده..لانها اختفت ...بلمح البصر
(ما شاف الا غبرتها )

خرجت عتيقه تسابق ابنتها..للخروج
ومن شده الخوف..وقعت..وعضت على لسانها

ركبت السياره..والدماء تسيل من فمها

(( يمكن آحد داعي عليهاا))

السلام عليكم ورحمةالله وبركاته
اهلين حبوبه وش اخبارك
وناسسسه انااول وحده ارد
:::::::::::::::::::::
ابوخالد شيبة عرعر وهذا احسن وصف له
حسبي الله عليك يالشايب العايب هذاجزى ام خالداللي مهتمه
فيك وخادمتك وحاشمتك بس صدق بعض الرجاال مايستاهل
الخير والنعمه اللي هوفيها وش اللي ناقصه نقص عمررره ان شاء الله بس عسى نوراان تنتقم لام خالد وتاخذ صحتك ومالك
::::::::::::::::::::::::::

عاادل وهل يستطيع انه يربي بشررى ويرجعهاللحق والصراط المستقيم اتمنى له التوفيق بس لايضيع ولده معن
::::::::::::::::::::
خالد وسعاد هل يستطيع سعد انه ياثر على امه ويرجع
سعاد
::::::::::::::::::
عتقووووه قطع رقبه موبس اللسان حسبي الله عليك جايه بتضحكين
على العجيز بس الله كريم خذلك وقهررك يامجررمه الله ينتقم منك
::::::::::::::::
سمممر ونبيل ومين يضحك في النهايه هالمرره كسبتي الجوله ياسمر بس المررره الجايه مين بيفوز
::::::::::::::::::::::::
فررررح ايتها الباررةبامها حفظك الله من كل خاين ومتامر ونصرررك وارجع حقققوووقك يارب
:::::::::::::::::::::::::
اخيرررررا شككككككككرا حبوبه على البارت الرائع والجميل والالتزام بالموعدننتظرالبارت القادم بشووق
::::::::::::::::::::::::::::::
سبحان الله وبحمده سبحان الله العظيم

مساء الخير أحب ..

احس كل يوم عن الثاني الروايه تكبر وتتشعب

والشخصيات كل مالهم في ازدياااد ..بس بطل القصه الين الحين ماشرف !!!

احيانا اقول ياسر شخصيه قياديه ..وحنونه ..وينفع البطل

واحيانا احسه خااايس مايستاهل >>ههههه

ياالله الايام الجايه بتعرفنا بشخصيته اكثر ..بس هالنمااار مدري هالدمااار

من وين طلعت لنا ؟؟؟احسها تبي تحذف عمرها على ياسر بأي طريقه

بس هو مو معطيها وجة >>احسسسسن

جدة شووق ..

واخيرا طلع فيه احد يبي هالشوق المسكينه ..بس الغريبه هالجده وينها

من سنييين..!!! وليش الحين بس قاعده تدورها ؟؟؟ووينها عن ام الخييير

معقوله انها ماسألتها عن بنت ولدها بحكم انها هي ونوره وفواز كانوا

على حياااة ولدها منصوور ؟؟

احساااسي انها راح تشوف بنت ولدها بالصدفه ..يمكن ناهد تعزمها على حفلة النجااح

وبكذا راح تتقابل فرح مع ياسر ونماار ونازك ..والاهم الجده ..؟؟؟

والله هالجده حبيتها احسها هي اللي بتاخذ حق شوووق من عمها المعفن ..وعياااله


شووووووووووق او فرح ..

ياترى وش راح يكون مصييرها ..بعد وفاة ابوها وامها المريضه وزواج صديقتها

احسها بتضييييع وماراح احد يساعدها الا يااسر ..بس هو وينه والا لاهي مع نمااروه

الخاايسه ..

أحب الليل ..

مشكوووره على الجزء الممتع وبانتظااارالاكشن اللي بيجمع شووق مع جدتها

وبنات عمها ..والنسره دمااار

أحب ياليت يكونون بارتين كل اسبوع >>طماااعه

وش اسوي حدي متحمسه مع الاحداااث.. تكفيين حبووبه ..

السلام عليكم ورحمة الله وبركاته

الله الله اتحفتينا وش ها الزين

كله كوم وشيبه عرعر كوم وكوم

اتق الله في ام اعيالك

وفرح وش مصيرهاااا

في انتظارك الله يطول بعمرك