السلااااام عليكم

اخيراً لقيت وقت ....

اقدم فبه اعتذاري عن تكمله سر الشووق..في هالفتره

ماني محصله وقت ...منااااسبات ورى بعض

ثلاث خطوبات...حضرنا ثنتين وبااقي وحدة
زواااج...ولااده...حفل تخرج
واناا ياااضيفه ياااامضيووفه
الله يجعل كل اياامكم مسراات
موعدناااا بعد رمضاااان ..بمشيئة الرحمن
وكل عااام ونتم بخير



غااااليتي شبيه القمر

اعذريني غااااليتي على التأخير
عااد كان ودي انزل باارت عشااانج
لكن زي ماقلت ..مااالقيت وقت
الحين طاالعين للحناايه..
مادري شفيهم جمااعتناا..حاشرين كل منااسباتهم ورى بعض
خخخخخخ..يبون يخلصون قبل رمضاااان
لنااا لقاء بعد رمضان
اعااده الله عليناا بالخيروالبركه

دمتم لي.....شمووسه

هلا بك احب الليل ..>>ياشمسنا الحلوه ^_^

عذرك معك حبيبتي ..والله يتمم عليكم ويوفق معاريسكم ..يارب

واذا الله احيانا راح نلتقي بعد رمضان ..الله يبلغناه على حسن حال وراحة بال..

والى ان نلتقي لك مني كل الاماني الصادقه..

دمتي بخير ..

السلام عليكم ورحمة الله وبركاته

مرحبا با الغاليه احب الليل ..

ادم الله افراحكم وافراحنا جميعااا

وننتظرك بعد شهر الخير اعاده علينا وعلى الامه الاسلاميه بكل خير ..

بارتيييييييين خيال روعه تسلم يدج خالتوو الله لا يحرمنا من كتاباتك


حرااام فروحه يصير فيها كل هذا وحقدت على يسور الغبي <<تحمست


وعتيقه من اول الروايه مو بالعتها


وان شاء الله فروحه تاخذعادل وتترك الكريه يسوور


تقبلي مروري

مرحباااا..

ادري ان موعدنا كان بعد رمضان

لكني اجد نفسي مجبرة ان أضع بارت متواضع لكم

على أمل ان يحوز على اعجابكم

ولا تبخلون علي بأرائكم

دمتو لمحبتكم....احب الليل










سر الشوق؛؛؛11





آه لو تدري بقلبي وش غلاك.... كان تسمح لي كثر ما أخطي عليك
كان تغفر لي كثر ما هم جاك مني..وكل همٍ راح يجيك
نعم أخطي !! ماني ملاك ..كيف ما أخطي ؟؟.. وأنا ..مجنون فيك

™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™



في كثير من المجتمعات..يدور صراع بين الأباء والأبناء..بسبب
اختلاف في وجهات النظر..وخصوصاً البنات اللاتي يرغبن ببعض الحريه
فبعض الآباء لديهم خوف شديد ومبالغ فيه احياناً..بالنسبة لإعطاء
الفتاة حقوقاً أكثر ومجالاً أوسع لاكمال تعليمها..والعمل
او إتخاذ قراراتها بنفسها

ابو خالد.. بسبب خوفه على بناته..وحرصه على مصلحتهن
فرض مزيد من التشدد والسيطره..على البنات دون الاولاد
بحجه ان الشاب (شايل عيبه)..والفتاة للزوج وتربية الاطفال
وكأن الحساب يختلف امام الله عز وجل

بعد ان تخرجت سمرمن القسم الادبي..بامتياز ...كانت رغبتها
تتجه نحو دراسة الصحافه والاعلام لتحقق طموحها
بأن تصبح إعلاميه ..او كاتبه في إحدى الصحف المرموقه
وبسبب معارضة والدها الشديدة وأسلوبه السلطوي
منعها اصلاً من التسجيل بكلية الاعلام
تارة بقصد الخوف عليها من مخاطر هذه المهنة
وتارة أخرى مخافة ما سيقال عنها من قبل من يعرفونها
حدث رد فعل عكسي ادى إلى انفلات سمر
وبالسر عن أهلها..والتجائها إلى طريق الكذب
لتقع في اعمال تنافي.. معتقدات والدها
فهربت للكذب والخداع...مع انه سلوك ترفضه وبشده
فارسلت مقالات وخواطر..تحت اسم مستعار
لاكثر من مجله وصحيفه محليه
لم يبدر منها اي تصرف يخالف الدين..الا انها
كانت تشعر دائماً بالخوف ان يصل الخبر الى اذن والدها
فتتسب بمشكله تعرض حياتهم الاسريه للخطر

تصفحت العدد القديم من مجلتها المفضله ..متيقنه من دافع نبيل لاعطائها هذا المجله بالذات
ليس صدفه.أبداً...آكيد انه على علم بما تحويه؟؟
ياترى هو يعلم بكل خواطرها؟؟..ام هذه فقط
تنقلت بين الصفحات..بتوتر.. الى ان وصلت لصفحة فيها زاويه بعنوان ..الحضن الدافئ
خااطرة (الحب..وخيبه الامل)الجوهرة السمراء


*لنحلق في فضاء خيال شاعرة وتصويرها الرائع لـ "خيبتها" بمن ابتليت به
والذي خالفها الإهتمام وشذ عنها بالتأثر .. فأشارت له بجرحها المعنوي المميت
فقابلها بجرح حسي يظهر بُعد الإهتمام وقلة الإلتزام بنزعات الحب وتبعاته
ما أجبرها على أن تندفع ثائره متضجرة من هذه "الخيبة" حيث تقول
لي صاحبٍ منّه تبي تطلع الـروح
خبلٍ ومنهي مولعـه فيـه خبلـه
عامين أبين له مع الجد ومـزوح
وأقـول ياعنتـر تناديـك عبلـه
طال المدى ثم قلت أنا اغليك يالوح
مجروحةٍ جرح مخاطـره عجلـه
دنق وقال انا من العـام مجـروح
وأشر لجرحٍ مبطيٍ وسـط رجلـه

أن خيبة الأمل مؤلمة جدا ..ويمكن أن تتسبب ضربة قويه وجرح عميق
لكن الضربه إذا ما موتتك تقويك!!..والحمد لله
الخيبه التي اصبت بها( قوتني )كثير
هل صحيح ان الشخص يمكن معرفته
من : موبايله ، حذائه ، عطره ، شماغه ، كندورته ، ساعته ، .......... الــــــخ
وهل صحيح ان جمال المظهر..اهم من الجوهر؟؟
لانكر اني .. وقبل كل شي جذبني مظهره
لكن وبعد ان اقتربت منه وتعرفت على صفاته وتفاهته
واكتشفت اي نوع هو من اصحاب المظاهر المزيفه
مظهره فقط جميل اما مخبره وجوهره فعكس ذالك
هنا ..اصبت بخيبة .. وسقط من عيني جماله
مافي شك ان الاثنين مكملين بعض إنما الجوهر يغني عن المظهر
ممكن ان نحب انسان مظهره بشع و يملك قلب طيب
مستحيل نحب انسان قمر زمانه اذا كان هالانسان تافه وعقله صغير
يعني ..تصوروا بيت من ورق برأيكم ممكن يصمد امام نسمة هواء؟؟
هذا البيت مثل الانسان صاحب المظهر الجميل ولا شي بالداخل*




خفق قلبها بشده...حين تذكرت ..احساسها بالحب..والقلق والخيبه
بدايةً ابهرها وشغل بالها ..بجماله واناقته..وجاذبيته
ثم صدمها .. صمته ..وازعجتها نظراته الحاده..وحذره الشديد بكل كلمه يقولها
حتى صارت على وشك الانفجار من شعورها بالاحباط..وانعدام الثقه بذاتها
بالوقت الذي كانت فيه بحاجه لكلمات اعجاب ..او نظرة حب منه
فسرت اعتماده للصمت..ضعف بشخصيته..ولما طال صمته..اعتقدت انه تااافه
تقبله لاساءتها..وصبره على سخطها..فاق كل توقعاتها
الى ان وصلت لقناعه..عدم قدرتهاعلى الاستمرار
لم تناقش ما تحس به مع والديها..وفضلت تجاهل
مشاعرها بهدف نسيانها..وضغطت على نفسها كثيراً
حتى لا تخرج ما بداخلها من حزن
لم يستيطع احد أن يعرف مدى إيلام الصدمة العاطفية التي تعرضت لها
صارحت سعاد وهند وفرح..بمدى تأثرها وبمدى خيبتها
تعودت أن تكون مسيطره على عواطفها ..وكان تصرفها محرج لاسرتها
ومنهكا جداً..لها
وجدت نفسها..تسرد مشاعرها على اسطر وأوراق
بكلمات وأفكار من داخل رأسها
كل ذلك كان شيئاً رائع..الا ان صوت بداخلها..يدعوها لنشره
حتى تصل مشاعرها وصراعاتها للنور..وتحقق ما تطمح اليه

قطع افكارها صوت اختها هند / سمااره..هيييييه..وين وصلتي ؟؟
سمر/ هااا..هند.تبين شي؟
هند/شفيج متضايقه ؟
وقبل ان تسمع الرد..انتبهت للمجله بيد سمر/ ارسلتي شي يديد للمجله؟
سحبت المجله من سمر../ عن شنو كااتبه هالمره ؟..يالخبله
سمر/ مالخبله الا انتي..هاذا عدد قديم يايبه نبيل وقطه بويهي
هند/ههههه..وآكيد قط وياها كم كلمه
سمر..بغضب/ التااافه ..السخيف..يحسب بتصرفاته ذي بيخوفني
هند/ حبيبتي..انتي فااهمته غلط..هو يبيج تحبينه مو تخافين منه
اشرت سمر بيديها في الهواء/ اقوول فكيناا..وفاارقي للمطبخ
وقبل ان تخرج ناادتها/ هنووود..من يعرف غيرنا اني اكتب لهذي المجله
هند/ انا وانتي وسعاد وفرح وطبعاً سعد بس
سمر/ يعني .. مااقلتي حق احد غير
هند بارتباك واضح/ احد زي منووو..اصلاً انااا وين اشووف آحد
صرخت سمربعصبيه/ عارفه شنو قصدي..لاا تستهبلين..
عيل نبيل من وين عرف
هند ترد بصوت اعلى/ كم مره حذرتج..لكن ماااطعتيني
الحين لو ابوي او اخواني عرفو..علميني شلون بتتصرفين
سمر/ منووو بيقول لهم..؟؟
هند بهدوء/ تكفين...لااتعاندين..اكيد سرج بينكشف مستحيل تضلين
مستغفلتهم طول هاالمده
بعدين شدراج !!يمكن نبيل غير عن
ابوي ويسمح ..تكملين دراستج..وتشتغلين باالاعلام والصحافه
سمر..بحزن وانكسار/ .هه.. وهو بالصورة ذي
مستحيل يتحقق حلمي..ورمت براسها على المخده..اوووف
دخلت ام خالد/ كل هااذي اووف..شفيج انتي بعد؟
هند/ لييييش..في غيرهاا يتآآفف بها البيت
ام خالد/ شبيهتهاا ..نجوود العله..عورت راسي بحنتهااا
الا تبي جوال
سمر/ ياااسلاااام!! انا ما صارعندي جوال الا بعد ماا توظفت..وبطلوع الروح
ونجووودو ..تبي جوال وهي مااخلصت متوسط..تحلم
هند/ وابوي وشقااال؟؟..اكيد صومعهااا
ام خالد/ هههه... بييب لها الي تبيه من السفر
هند وسمر مستغربين/ غريبه!!؟
ام خالد/ لحقي انتي ويااها الي تبي شي
تروح تطلب منه..ادامه رايق
خرجت هند مسرعه..اما سمر فتنهدت وهي تقول/يمه... نجود شتبي بالجوال
اذا بتكلم وحده من صديقاتها ..عندها التلفون الثابت..ترى الي بسنها
ماايصلح لهم الجوال
ام خالد/ على قولتهاكل صديقاتها عندهم ..وهي موب اقل منهم
علبالها جواد العلي يصير لنا من صج..كذبت الكذبه وصدقتها
سمر/طارق العلي ويخب عليها..
ماااتعرفينها يمه؟؟..تتمسكن ليما تتمكن..تراها تقول جذي
تبي تكسر خاااطركم..وتلبون طلباتها
ام خالد/ كلكم مريتو بهالمرحله..وانتي بالذات تزعلين
لما كنانحرمج من اي شي تبينه
سمر/ طفشتوني من كثر مااتشبهونها فيني..زمانا غير زمانهم
حضرتي متفهمه ان معاملتكم نابعه من محافظتكم وحبكم لنا
عكس نجود الي تشوفه تسلط وحرمان
ام خالد/مصيرها بتعرف ان الي نسويه كله لمصلحتها
سمر/ لا تنسين يمه.. انا وهند كانت صداقاتنا محدوده
فرح وسعاد وكم بنت من العايله..اما الاخت
نجود.. كل يوم لها صديقه..عسى ماا سألها عن بنت
الا قالت صديقتي
ام خالد/ وزود بعد..مصاحبه ايمانو ..ياخوفي تتأثر و تسوي مثلها
سمر/ عشان جذي يمه.. خل اقولج شغله مهمه..
ممكن تعطونها حرية بمساحة ورقابة معقولة
يعني ,,امسكي العصا من النص
بهذه اللحظة دخلت عليهم نجود وهي تتمايل وتردد

احبك كلمة تنفينى تصبحنى وتمسينى
سرت فى ظلمة ضلوعى تنور كل مافينى
احبك اه احبك
تخرج ورقه ماليه من جيب بنطالها الجنز وتلوح بها لسمر..وتقول
الله يطول لنا بعمر الوالد..ويكثر سفراته
ام خالد/ اشوف !!عطاج الفلوس الي تبينها؟؟
نجود/ والباقي بيعطيني اياه بكره والجوال وعدني ييبه لي من السفر
اقووول يمه..ابوي وين مساافر
ام خالد/ماادري عنه...للحين مااحددو..اهم شي يشم هوا..ويرتاح
وتمد يدها لنجود..هاتي الفلوس اخشها عندي لا تضيع
نجود/ عشان ماشوفها طول عمري..خلها عندي اخشها بمعرفتي احسن
واقتربت من سمر..واكملت وهي تضحك

ساعة تنبض بقلبى وساعة تشرق بعينى
وساعة من كثر شوقى تضحكنى وتبكينى
احبك آآآآآه احبك

مسكت ام خالد يد ابنتها سمر/ متى تبينا نبدا نجهز ..ترى مافي وقت
ابتسمت ام خالد ..لكن وجه سمر مازال منكمشاً
ورمت راسها من جديد على الوسادة
بلعت ام خالد ريقها ..وقالت بعد تردد واضح/ تحبين واحد غير نبيل!!!؟؟
صدمت سمر من كلام والدتها..وردت بدون تفكير
وهي تضع اصبعها على صدرها
انااااا؟؟؟
وسألت بدهشه/ ليش تقولين جذي يمه؟؟ من وين لج هالفكرة الغريبه؟؟
ام خالد/ صدقيني..انا اكثر وحدة حاسه فيج..ومن زمان ودي اصارحج
لكني ترددت لاني مو متأكده زين..ولانج تربيتي
وواثقه في تصرفاتج..بس مو قادره افسر كرهج ورفضج لنبيل
سمر بنبرة حزن واضحة/ مو قادرة أحبه !!!! ... مع أنه وربي وربي
مافي أحد في بالي غيره ولا لي أي علاقات..سابقه مع اي احد
ام خالد/ شوفي حبيبتي..انتي مو مغصوبه..ولا حد منا طقج
عشان توافقين على نبيل..كان عندج فترة طويله..ليش مااتكلمتي فيها
سمر بنبرة حزن / مو قادره احس
بإمكانية وجود أي حب بينا حتى لو بعد الزواج
وانا ساكته طول هاالمده..على امل انه يمل
ويشوف له وحده ثانيه تنااسبه
ام خالد/ والله اني ادعي لج في كل صلاة ان ربي يسخركم لبعض..ويجمع
قلوبكم بالحب..ويوفقكم
سمر باصرار/ موووب متقبلته... انا وياه مانصلح لبعض
ام خالد بحسره/الله رزقج بزوج ماكو مثله..يااخوفي بكره لي خسرتيه
تموتين من الحسره


™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™


في طريق العوده..ام الخير تميل برأسها لجهة زوجها وتهمس ببضع كلمات
ويرد عليها بهمس كذلك.وتطول الهمسات..ويزيد توتر فرح
تلتفت ام الخير لفرح وتقول/ الحين بنوقف عند المغسله..هاتي اللحاف
ينزله بشير غسيل وكوي مستعجل
فرح بخجل/ ماله داعي..اذا رحت البيت بنفسي اغسله واجففه
ام الخير/ هاا..هذي المغسله..وقف بشير يعلني قبلك
مدت يدها باللحاف وهي محرجه/ تعبناك ويانا ياعم
بشير/ ماهنا تعب ولا شي..نعين ونعاون
وبعد نزول بشير.. سألت فرح/ مافي اخبار عن الوالد
ام الخير وباختصار/ ما شي يديد..ولا جان علمتج

ماتزال فرح تشعر بثقل رأسها..خطت مسرعه
لداخل البيت بعد ان وجدت الباب موارب
ولتخفف من توترها..سمت..وذكرت دعاء الدخول..بصوت مسموع
نزعت عبائتها..وتوجهت لغرفه نورة متلهفه للقاءوالدتها .. طرقت الباب بخفه
السلااام عليكم...يماااه وينج؟؟
نوره تجلس متربعه على (المصلاة)..وتغطي وجهها برداء الصلاة
صوت بكائها جعل فرح تحس بقسوة الالم وتأنيب الضمير
وجدت نفسها ترتمي عند قدمي والدتها وتقبلها..لتخفف من شعورها
بالذنب/ يمااا..سااامحيني ..ماكان قصدي اتسبب بحزنج
مسكت نوره فرح من كتفيها ورفعتها وقد زادت حده بكائها
فرح..يمه..ماابي افقدج مره ثانيه..كفايه.. مارح اتحمل فراقج
مستعده اتنازل عن قلبي ونور عيني..بس ..لاااا
ام الخير تمسح دموعها ..وتقدمت ببطء من نورة
انحنت لتمسح على رأسها/ فديتج...بطلي عيونج زين
فرح هاذهي تحت نظرج..زي ما وعدتج رجعت ساالمه
نوره تمسح دموعها / ليش يصير فينا جذي..اكيد عقووبه
ام الخير/ هااو يا حافظ.. ليش عقوبه...بالعكس كل الي سويناه من
مصلحتهااا..وحفاظاً على حياتها
اكملت ام الخير لما شعرت بفرح تنظر لهما باستغراب
شلون راسج الحين..خف الصداع..ولا نروح الطبيب
نوره/ الصداع كل ماله ويزيد...وهالمره احسه من قمة راسي
تمسك ام الخير يد اختها لتساعدها على الوقوف
قوومي المركز الصحي..وبالمره تسلمين على رفيقتج الأوليه .. السيلانيه
وهمست بصوت خفيض ..ونتفاهم معها
نهضت نوره بثقل واضح اتكأت على عضد فرح
احضرت لها ام الخير عبائتها ووضعتها على راسها
فرح/ احس فيني النوم..اذا رجعتو صحوني عشان اتطمن عليج يمه
نوره/ نوم العوافي..بس عطيني مفتاحج.. لان مفتاحي عند فواز الله ينصره
وضعت فرح كفها على جبينها../ يووو..شنطتي بسياره
السواق حسبي الله عليه..وفيها الجوال والمفتاح
طمنتها ام الخير/السياره بلي فيها عند الـ سالم..اكيد رح يعرفون انها لج
ويرسلونها مع بشير
نوره/ عيل بنخلي الباب مردود..وقفلي باب غرفتج عليج
ام الخير/ لا وش نخليي الباب مردود..وهالعمال تارسين الشارع
فرح/ خلاص يمه .. روحو وانا بنطركم..مو نايمه لين ترجعون
نوره/ كلها نص سااعه ..مارح نطول..في امان الله
تحممت ..ولبست بجامه من القطن الثقيل باللونين
الازرق والرمادي
وقفت امام المرآه لتجفف شعرها..وماا ان اغلقت المجفف
سمعت صوت شي يرتطم بشباك غرفتها..فرفعت شعرها بسرعه
ووقفت على سريرها ..(تحت النافذه)وبحذر شديد
ازاحت الستارة الورديه من الطرف..وابتسمت


كانت سمر تجلس على حافه شباك غرفتهم..وتمسك
بعض (الحصى) لتقذفها على شباك غرفة فرح المقاابل لها
لا يفصلهم سوى جدار مشترك..لم يرفعه فواز مثل باقي
السور.. لثقته الكبيرة بجيرانه..وتلبية لطلب من فرح

فتحت فرح النافذه..فصرخت سمر بعتب/ يااا البايخه..ليش ماتردين
على تلفونج من سااع ادق..ولا معبرتني
ردت فرح بابتسامه مرهقه وصوت متعب/ جوالي موب عندي
اشرت سمر بيدها اليسار/ وخري شوي
خلال ثواني..كانت سمر على سرير فرح تضحك
هههههه..من زمااان عن هالحركه
فرح/ خطييييره سموره..تذكرين آخر مرة شصاار
سمر تفرك وركها/ آآآح..للحين قرصة خاله مرزوقه معلمه بذاكرتي
فرح/ احمدي ربج بس قرصه..سعاد الي كلت الطيحه والضرب
سمر/ و الهوشه الي خذيتها من ابوي هذاك اليوم عن مية جلده
ومع ان الي سوينااه عشانج..ماجااج ولا حتى كف
فرح..ترفع حاجب/ لما قلت تعاالو عندي ..توقعتكم تيون
مثل الناس من الباب مو من الشباك..لا اا وبعد
مخليه سعاد تسوي سواتج..سعااد هالبنوته الحساسه الناعمه
تشجح الطوفه...وين عقلج يااشيخه
سمر/ الي اذكره .. كنا في إجازه ..وعقلي كان مآآخذ إجازه وياي
فرح/ هههههه..كان وما زال
سمر/ تسلملي هالضحكه..شرايج نروح لسعااد..من زمان عنها
فرح/ خليهاا بكره..الحين امي موب هني..ولاعندي مفتاح للبيت
سمر/ وين مفتاحج؟؟
فرح/ موب عندي
سمر/ شسالفتج اليوم..لا جوال ولاا مفتاح؟؟اصلاً
من شفت سلة الورد عندج بالمدرسه..وحاسه ان فيها سر
فرح/ ولاا سر ولا شي.. الساااالفه وماا فيها أن........وحكت لها من بدايه
لقائها الغريب بياااسر
سمر/ آآآهاا..يعني مثل الافلام..حب من اول نظره
فرح/مثل هالحب..نسمع عنه بالقصص الخياليه بس
بلا اول نظره بلا بطيخ..هالكلمة امسحيها من قااموس الواقع
سمر بيأس/ صحيح ..في ناس لما نشوفهم نحبهم
بس لما يتكلمون..نقول ياليت مااتكلمو
فرح/ بغض النظر ..عن الحب والنظره الاولى
مايصير نحكم على الشخص او نثق فيه الا عقب ما نتعامل معه
ظهرت ابتسامه على طرف شفتي سمر/ سوأل يطرح نفسه الأن
لو تقدم لج ياسر من جد..توافقين؟؟
رفعت فرح انفها بشموخ/ ودي ارتبط بأنسان يحمل
قيم ومباديء ..يحبني لشخصي..مو لشكلي
واتمنى يكون مثل ابووي..مثالي
سمر/ رحنا وطي..ياااسر وييين والعم فواز وييين
اقول لج شي قبل ماارجع غرفتي..تباادلين؟؟
فرح / اممممم..لو نبيل موافق ..ماعندي مانع
ومسكت سمر من يدها/ مايصير تروحين وانا ماااضيفتج
في المطبخ.. رن جرس الباب وفرح مشغوله بصنع كوبين من الموكا
فرح/ آكيد هاذي امي وخالتي
سمر/ خلج ..انا بفتح
دخلت سمر / ابله فرح..عندج ضيووف
التفتت فرح لتجد سمر تحمل سلة الورد بيد وحقيبتها بيد ها الاخرى
وظهرت من خلفها..ناهد






بعد ثلاثه ايام من التحقيق ..واتخاذ الاجراءات اللازمه
وصل به الاجهاد والاعياء لدرجه خطيره...فلا سنه ولا صحته تتحملان
المعامله( السيئه)..التي اتخذت معه؟؟
مما اضطر الشرطه للذهاب به الى المستشفى..فجرى الكشف عليه
ووجد الطبيب ان حالته خطيره.. فقد تجمع صديد كثير على رئتيه..لذا
قاام بعمل اللازم من النااحيه الطبيه..بأن اجرى له عملية لتركيب
انبوب في صدره حتى يخرج الصديد من صدره..ولما كانت حالته خطيره جداً
فقد كتب الطبيب تقريراً عن حالته,,وامر بتحويله الى مستشفى مختص
بعلاج مثل تلك الحاالات..الا أن مندوب الشرطه رفض التحويل
الا بعد استئذان الجهات المختصه..لانه مسجون
فتم اعادة فواز للزنزانته..وهو بهذا الانبوب..لحين اتمام الاجراءت
لتحويله...فسااءت حالته خلال ساعات الانتظار
ولفظ انفاسه الاخيره..لعدم تعهده بالعلااج في حينه


™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™

احضر المربيه..الفلبينيه من المطار..وشرح لها
طبيعة العمل المطلوب منها..وبعض التعليمات
دخل غرفته لينام..على امل انه في الغد سيحضر معن
ويخفف عن والدته العبء الذي تحملته بسببه
اخذ حماما بارد... ثم دفن جسمه تحت الاغطيه استعداد
لنوم هاديء...ازعجه صوت جرس الباب
فنهض بعد تردد...وهو يلوم نفسه لاختياره هذة النغمه
المرتفعه للجرس..شد حزام المئز الثقيل والذي يصل
لتحت الركبه بقليل..وفتح الباب ...ليجد امامه.. شخص لم يتوقع زيارته
عادل بتوجس/ خالي ..!!؟؟
رد وهو يمد يده اليمين/ السلام عليكم..عساك مو نابم من هالحزه؟
صافح عادل خاله وقبل رأسه
ثم تنحى جانبا ليتقدم الخال ويدخل/ وعليكم السلااااام..تفضل
البيت بيتك..ياهلا والله بالخال
محمد..بعد ان جلس / كنت في زيارة عمل للشيخ سالم..ولما خلصت
لقيت نفسي قريب من هني ..فقلت امرك ...واكلمك بـ
قاطعه عادل/ عن اذنك ..اجيب نظارتي من الغرفه
دخل غرفته ..غير ملابسه ثم لبس نظارته
وطرق باب غرفة المربيه..ففتحت له يعلو وجهها اثار النوم
عادل/ آآآم سوري..بريج سم فرش جوس تو جيوست
المربيه ناني/ اوكي سييير..اني ثينك ايلز
عادل/ نووو..ثانكس ناني
رجع وجلس بجانب خاله/ ماشاء الله عليك يا خالي
متى رجعت من نيوزلندا؟؟
محمد/هه هه..رجعت منها قبل اسبوع على ايطاليا..وقبل يومين
وصلت لجده..واليوم الصبح رجعت للشرقيه
عادل/ الله يعطيك العافيه.. عسى انهيت اشغالك
محمد/ الشغل مايخلص وانا خالك!!؟؟
بعد يومين عندي صفقه مع شركه يابانيه...ولازم اكون متواجد
عشان يتم الاتفلق على التفاصيل المهمه
عادل / الله يعينك..ماقررت ترتاح..او تعين شخص تثق فيه
يساعدك ..ويشيل عنك
محمد بلهجه حاده/ مايشيل الرجال الا ولده الي من صلبه..!!؟؟
تفاجأ بنبرة خاله الحاده..وقال يجامله/ البركه ببشرى..ان شاء الله
تترس لكم البيت أولاد وبنات
محمد/ بس مهما كان ابي لي ولد يشيل اسمي بعد
ما تغمض عيني..بخلي كل هالفلوس حق منو؟؟
عادل/ (شكله الخال يبي يتزوج)الله يطول لنا بعمرك
دخلت ناني تحمل العصير..اعتدل محمد بجلسته
وقال وهو يتناول الكأس/ هااذي خادمه؟؟
عادل(عيل شنو) / لااا..مربيه..توها واصله اليوم
محمد يهز راسه/ الحييين ام عيون ممغوطه بتربي ولدك..احسن من امك؟؟
عادل بخجل/ لااا ..موو الفكره
قاطعه بحدة شديده/ انت ماعندك نظر..مااتشوف سلسال الصليب
الي معلقته على صدرها..وتبيها تربي ولدك
موو كافي ان امه ــــــــ
خجل عادل من كلام خاله..فنكس رأسه
محمد بهدوء/ المهم.. كنت جاي لك بموضوع ثاااني
عادل/ تآمر آمر يالخال
رفع محمد ذقنه ..وركز عيناه بوجه عادل وقال بأسلوب آمر
ابيك تتزوج بشرى

™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™

تشعر بالوهن و ترتعش من الحراره اغمضت عيناها
فتحررت دمعات مالحه على جانبي وجهها
لم تستطيع مقاومه غيبوبه النوم..فغابت عن عالمها
وجدت نفسها تسبح بين غيوم من لهب..وجبال تفورحمم
الا ان صراخ صغيرتها..اخرجها من اللظى
بصعوبه بالغة استطاعت رفع جفنيها..لتكشف عن عينين
ذابلتين..ممتلئتين بالدموع
عاودت الصغيرة الصراخ..واشتدت رفساتها داخل مهدها
نادت سعاد بصوت مرتجف/يمااااه
رفعت عنها الغطاء بتأني وحذر شديد وهي تئن تحت وطأة الالم
تقلصت ملامحها مع زيادة الوجع..حملت الصغيرة
التي سكن صراخها..وراحت تحرك وجهها بفم مفتوح
تبحث عن غذائها..ارخت سعاد الصغيرة بحضنها
ومدت كفها من فتحة الصدر..واخرجت ثديها وادنته من الصغيره
التى اقبلت على الرضاعه بنهم
تأملت سعاد ملامح صغيرتها الجميله ..وراحت تمرر اصابعها
على خدها الغض...فأنسكبت دموع..وتبعتها شهقات
تمالكت نفسها..وبلعت لعابها المر..ثم طبعت قبلة على جبين
صغيرتها..ووضعتها بعنايه في مهدها
القت جسمها المتهالك على السرير..وطبقات الحرارة تزيد
مع الالم..ثم غرقت في بحر عمييييق..ليس له قرار..!!؟؟

أفاقت على يد قويه..تربت على وجنتيها
سعااد..سعاد..حبيبتي قومي..شصار لج
حاولت رفع جفنيها..وتشبثت بيد والدها ..وهذت
بكلمات شوق مؤثرة..ثم شهقت بعبارة حزن..خالد!!؟؟
تسمع صوت والدتها متوتر/ شكلها تهذي من الحرارة..يمكن حمى النفاس
بسرعه ودها الاسعاف..لا تروح البنت من بين يدينا