السلام عليكم ورحمة الله وبركاته
احبتي...

نوف بنت نايف

NoOoFy

شمس المملكه

شبيهه القمر

عيوز النار
منورين ياااقلبي...

سلمتوو..لي...الله لا يحرمني منكم..ويديم المحبه بيننا
وددت ..ان لا اتأخر..ولكن..قدر الله وما شاء فعل

هالمرة..اسأل عن ..ام الجمايل ..عسى ماااشر




البارت العاشر من سر الشوق

السلام عليكم ورحمة الله وبركاته

سر الشوق؛؛؛10



«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-


رغم أن ناهد استطاعت ..ببساطة.. ان تنقل إحساس خوفها وألمها تلك اللحظات
وهي تعجز حقا عن تخيل حجم المسؤوليه..الملقاة على كاهلها..وأُجبرت على مواجهتها


هل ستنطفئ شمعه حياتِهما..؟؟ وينتهك عرضهما..بسبب
عماله حاقدون..غابت عقولهم..وتمكن الشيطان منهم...فغلبتهم الشهوة
وتجردو من كل معاني الإنسانيه..ورموكل قيم الدين
لبسوا..زي الشيطان الذي يستبيح المحرمات..ليهتك الأعراض..ويفترس أحلام الطفولة


اصواتهم المبهمه..تتغلغل صدرها..قاذفة الرعب مع كل نبضة
همهمات مخيفه..تفضح...ضعف نفوسهم المريضه
احدهم..صرخ بأصحابه..فتحلقوا حول السيارة..كالذئاب..عندما تنظر لفريسه ..سهله وشهيه

ازدادت قبضه ناهد احكاماً ..حول عنقها...فتصلبت فرح بمكانها
احست ..ناراً تستعر بشراينها..وتفور عقلها..وضباب يتكثف..امام ناظريها
الا انها ..تشبثت بالصبر..تجسدت الهدوء..وتسلحت بالقرآن
والادعيه..وهي على يقين تاام..ان الفرج لا يأتي الا من عند الله

ساارع جوان..لفتح باب السيارة الخلفي..من ناحية ناهد..وحاول سحبها للخارج
احاطتها فرح بذراعيها..وحاولت انتشالها..وهي تردد
(..اللهم إنا ..نجعلك في نحورهم..ونعوذ بك من شرورهم)
أشار له صاحبه..بحركه..فترك ناهد..وتراجع للخلف
لتفجأ بيدين تحت ذراعيها ..تجذبانها للخارج ..حاولت المقاومه
فأخذت تضرب ..بيديها.. ورجليها..بحركات عشوائيه
لمنعهم ..من الاقتراب..وحين سقط حجابها..ضعفت مقاومتها
حتى تلاشت...اقترب منهاا جوان..ولامس شعرهااا.. بيديه القذرتين
استجمعت..جرائتها..وبصقت ..(اكرمكم الله)..بوجهه..فغضب..وثار
وضع .منديل مبلل.. تنبعث منه رائحه نفاثه..حول انفها..وثبتها بالقوة
ثقل رأسها..ومالت بجسدهاا..للخلف..حُملت على الاكتااف
وأُدخلت مبنى قديم..بعدها..غاااابت عن الوعي




استيقضت..لتجد نفسها على سريرغير سريرها..في غرفة باارده..
حاولت النهوض..فأصطدمت بحافه السرير
لا تزال تشعر بثقل رأسها..خطت بضع خطوات..وتوقفت عندماا سمعت صوت خالتها (ام الخير)تهمس
بدايةً..لم تفهم..ما يقال..لكن صوت ياسر..الذي استفزها وبدا لها مايقول واضحاً
ياسر/خاله..انتي طلبتي ..وانا تممت..لكنج تعرفيني..مو متعود اعطي بدون مقااابل
وتعرفين بعد..ان اي شي ابيه .. احصل عليه.. بدون مااطلبه
ضحكت ام الخير..وقالت/ واعرف ..ان قلبك ابيض..وشهم..وينشد بيك الظهر
واالشاهد..انك تممت لي ..قبل ماتعرف طلبي
قاطعها / لو الموضوع بيدي ..سااعدته..لكن الوالد مصمم..ياالاثاث بالكاامل ..او قيمته
وطبيعة عملي..تحتم علي ان القانون لازم ياخذ مجرااه
ام الخير/ خذو الفلوس الي برصيده..وساامحوه
ياسر/هههههه..الاثاث ..قيمته ماايقاارب المليونين..وربي.. لو يبيع الي وراه ودونه..مايجيب ربعهاا
ولمعت عيناه..وهو يكمل بوقاحه/ في الحقيقه..عنده بنت....تتثاقل بالذهب..وتسوى ملاااين
من شفتها.. دخلت مزاجي..جمالها..يليق بأن تكون أم لعيال الـ سالم

لم تتفاجأ ام الخير من طلبه..انما من طريقته الغريبه/ تبي ..تتزوج فرح؟؟
رفع رأسه..وقال بغرور/مقابل..انقاذ ي لشرفها .. بعد مااحطت نفسها بموقف..سخيف
ناتج عن تدخلها بخصوصياتنا..كانت بتخرب كمين متقن ..لجواان والحثاله الي وياااه..وربي ستر
وفوقها مليونين ..أدفعها للوالد.. ثمن حريه فواز..بعد العقد طبعاً
ام الخير/ مو بهالطريقه الفجه..تطلب بنت مثل فرح
ياسر/ صحيح..انا ماطلبت..انا قدمت مساعدة وتنازل..وانتظر المقابل
واصلاً..بنت بهالجمال .. وماتزوجت للحين..اكيد فيها إن
ام الخير/ يجونهاا خطاب لي قُبل..وفواز يردهم..لسبب مهم

لم تتحمل المزيد..فتراجعت خطوتين..للخلف
شعرت..برعشة تسري بأوصاليها وأطراف أصابعها..ورغبه جامحة في البكاء
رفعت رأسها..بشموخ(لا ..مارح ابكي..ولا انكسر بسبته..لازم اساند نفسي..وامدها بجرعات
من القوة والايمان)..رمت نفسها على السرير...والهدوء من حولها..يساعد على الاسترسال بالتفكير
نظرت بصمت الى الغرفه.. كل شي مرتب..الستائر مسدله..كل ماكانت تشعربه..تضائل
امام مااجذبها بالمكان..لا تعلم..اهو شعور حقيقي..ام مجرد تهيوءت
اغمضت عيناها..وبلا وعي..نطقت..(شوق)..!!؟؟
وغاابت..الى الماااضي..سمعت أصوات عديدة..لم تميزهاا..وفي
لحظات ينتابها شعور..مزيج من الغربه والآلم
تنخفض الأصوات من حولها..وتتلاشى .. بالتدريج ..فتحت عيناها
لملامح تألفها..وتبتسم شفتاها/ خالتي..احنا وين؟
تحضن كفي فرح بين كفيها لتطمئن/انتي عندي ياا حبة عيني
تمسح دمعها..وتكمل بقلق/ فرح..تحسين بألم..علميني ياقلبي
اخذت فرح نفس عميق..واجابت/ سلامتج..امي درت عن السالفه
ام الخير/ ايه..وكنت انتظرج تصحين..واتطمن عليح..ثم نروح لها..قربت تنجن من خوفها عليج
احست بدوار خفيف.. ولمست جبينها بيدها..اهتمت ام الخير وسألت/ راسج يعورج؟؟
فرح..بابتسامه واهنه/ دوار خفيف..لخبط الواقع بالاحلام
ام الخير/ من المخدر..الله يبيدهم الكفرة..المجـ
قاطعتهتا بسؤال/ ناهد..ان شاءالله بخير..وما تأذت
ام الخير/ بخيييير..حتى المخدر ماأثر فيها مثلج
حاولت تذكر ماحدث..لكن الالم اللذي شعرت به..منعها من المواصله
فسألت خالتها/شلون وصلت هنا..ومنو جابني؟؟
بدأت ام الخير..تروي..كل التفاصيل التي عرفتها/هذا جواان..يعله مايربح لا دنيا ولا آخره..كان مخطط
يخطف ناهد..ويهتك عرضها.قبل ماايسافر..وياسر..سهل له الامر
بعد ما حط عليه مراقبه..يبي يمسكونه متلبس بالجريمه..على قولت ياسر
لكن انتي..يعلني فداج..غيرتي عليهم..وجوان الكلب..غير خطته..بدال مايرجع البيت
راح عند عصابته..لهاالسبب تأخرو عليكم..طلبو زياده في الامدادات
وياااسر بنفسه..انقذت من بين يدينهم..بعد رحمة رب العااالمين
توردت وجنتيها..حين سمعت ان ياسرنظر اليها وهي بذاك الشكل المخزي
بعد..حين..تسرب صوت المؤذن..لتلك الحجرة..فتحركت مشااعرها من جديد
رددت النداء معه..كلمة ..كلمة..حتى ارتاحت مشاعرها

فهل ..ستقدم التنازلات..لرجل..يرى كل النساء..سخرت له ولامثاله
هل ترتبط..برجل لايعرف معنى الحب..ولا يهمه سوى..جمالها
كانت ..متيقنه انها ستتجرع المر..وتقاسي الحرمان
وربما تكون حياتها ..أشبه بالموت البطيء
قطعت ام الخير حبل افكارها/ فرح..يالله..بشير ينتظرنا..لا نأخره عن الصلاة
فر ح بخجل/ العم بشير..تستاهلين سلاامته..ساامحيني خااالتي..ماسألتج عن صحته
ام الخير وهي تلبس عبائتها/ ههههه..بشير هو بنفسه ..يوصلج سلامه..ويتحمد لج بالسلاامه
خرجت ..وانبهرت ..من أكوام قطع الاثاث ..المتراكم..اماام البوابه
قالت ام الخير موضحه/ الـسالم..كل ست شهور يغيرون اثاث القصر بالكاامل
وهذا اثااثهم القديم..يرمونه..للعمال..الي يبي شي ياخذه
شد انتباهها..اللحاااف المتدلي بين قطع الاثاااث..فأقتربت..ولما تأكدت انه لهااا
سألت ام الخير..للتتأكد أكثر..فهزت ام الخير رأسها بالايجاب/يوو..كنت رافعته مع بعض من اغراضي..فوق
ونسيته..خليه يااقلبي..شتبين فيه
سحبت اللحاف بقوة..طوته بعنايه..وحملته معها لسيارة بشير
ولم تنتبه ..لشخصين..تابعو..تصرفها الغريب..بسخط

«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-


كان اليوم..غائماً..وتساقطت زخات من المطر..فأنتشرت رائحه التراب المبتل..والحشائش الرطبه
توقف المطر...والمكان يخيم عليه الهدوء..اغمضت عيناها..واسترخت
تحت السقيفة..الزرقاء..المشيده في وسط الحديقه..بأعمده رخااميه..تتسلقها نباتات كثيفه
جائها صوت ..ساخر/انتي نيران
وقفت متفاحئه..وهزت راسها بالموافقه
ليه جااايه الحين...بعد 25سنه..جاايه تقلبين علينا المواجع..بعد ماابدينا ننسى الجراح
جايه تفتحينها من جديد..ودفعتها للخلف ..ارجعي مكان ماجيتي..مالج مكان عندنا
نمااار..(صرخ بادي ..بصوت هادر)..اتركي البنت بحالها
اقترب بادي من ..نمار..ووضع يده على كتفها..نيران مالها ذنب..مافي داعي تسمعينها هالكلام
نمار..وقد انتابتها..موجه غضب/مالها ذنب ..؟؟
هذي صورة من امها...شوف نظراتها...شوف ملامحها..عمري مااانسيت هذاك اليوم
الي دخلت فيه بيتنااا..ودمرت حياتنااا
قطب جبينه..وقال بألم/مهما كان..عيال سلمان ..عيالنا..والدم الي يجري بعروقهم.. دم عيال البادي
صرخت..بهستيريا/ اتمنى ان يوقف قلبي..وينشف الدم الي بعروقي..ولا احد
يقولي ان عيال عتيقه..يجري بعروقهم مثل دمناا
..حاولت نيران..مقاطعتها..لكنها لم تستطيع ..فلاذت بالصمت
تنهد..بحرقه وهو يقول/عمر الدم ماايصير ماي
نظرت..نمار..نحو البعيد..تحاول استرجاع ذكرياتها/في كل ليله..انتظره..يرجع..ويحضني
ويمسح على شعري..يلعب وياي..لكنه تخلى عني..ونساني
رماني ....واهملني ..وضمت كفيها لصدرها..بعد ما تعودت عليه..و
حسيت انه بيعوضني عن حنان امي وابوي الي فقدتهم
غرقت بأحزانها..ودموعها.).كل هالسنوات..وانا اتعذب..لاأم..ولا أب..ولا احد
من مربيه..لمربيه..لخادمه..حتى صرت مااأثق باي أنسان..من خوفي اني افقد اي احد احبه
حتى انت..بيجي اليوم الي تتركني فيه..وارتمت بحضنه
باااادي ارجوووك..لاتتركني
بادي..بتعجب/شلون اتركج..وانتي اغلى ما لي بالدنياا
فبكت ..بكاء الاطفال
هزها بادي برقه/نمااار..نمااار..حبيبتي..تقبلي الامر الواقع..سلمان..مااات..وبنته نيران بتعيش وياانا
وبعدين.. خلينا في المهم .. عندي لج خبر سعيد..وابتسم براحة بال..حسنه ..لماغادرت السعوديه كانت بمفردها
يعني شوق موجوده هنااا!!مو بالمغرب مع امها..وعن قريب ..بنعرف مكانها
واكمل حديثه..وهو يغمز لها بمكر/وعشاانج..يا قمر..تركت مهمة تبليغ سالم هالخبر لج
فغرزت اصابعها ..بشعرها الاسود الكثيب..وسألت بغرور/متى عرفت..؟؟
بادي بجديه/ قبل نص سااعه بس..وصلتني رساله..على ايميل المكتب الخاص..من السفارة
بالمعلومات المطلوبه..عن الممرضه حسنه...زوجة المرحوم منصور الـ سالم
ردت بملل/اووف..من وين طلعت لنااا...هااشوق...نااقصينها حناا
وخت خطوة للخلف..اخرجت هاتفها من الجيب الخلفي لبنطالها الفوشي الملتصق بجسمها
وقالت قبل ان تتحرك متجه لداخل الفلااا/لو هاااذي بتم عندناا..قول للخادمات ينظفونهاا..عشان تصير
من مستوى المكان الي هي فيه

تأكد بادي..من دخول نمار .. التفت لنيران..وقال / لا تزعلين من نماار..لسانها طويل ..بس طيبه..وتحب الكل
ردت نيران بابتسامه..بارده/ شدعوه ياااعمي..في احد يزعل من نماار..عمتي ...الطيوووبه
بادي/ اعذريني لو بتكلم عن امج..كلام يجرح..امج ياعزيزتي..شتت شملنا..وغيرت اخونا المرحوم علينا
لدرجه انه تخلنا عنا..وحنا صغار..وتحت رعايته..وتبع امج..لوكر الشعوذة ..الخاص فيها
لهالسبب ..نمار متأثره..وتعناي من عقد نفسيه..واكتئاب حاد..وتتعالج بعياده نفسيه.. اكثر من عشر سنين
وبتحسن طفيف
نيران..بتردد/ ماعتقد ..ان المرحوم..كان يكن لعتيقه..اي مشاعر حب..لدرجه انه يتبعها
بالعكس..كان يكرها..وباستمرار يسبها ويشتم فيها..ويلعن اليوم الي عرفها فيه
بادي/لو كلامج صحيح..ليه استمر معاها..و ماا طلقها
رفعت كتفاها/ ماادري
بادي/مع اني ماأومن بالسحر..وهالشغلات..لكن بسفرتي الاخيره للمغرب
دخلت لمنطقه ..شعبيه..ينتشر فيها الدجالين بشكل كبير..لدرجه وانا ماشي بالشارع
يوقفني احدهم..ويعرض علي ..عمل سحر..لتخلص من مضايقات .. او الانتقام من احد
نيران/ عااادي..في حارتنا..كل يوم والثاني..الهيئه تعمل مداهمه..وتمسك .. كثير.. بتهمه ممارسة
الشعوذة..والاحتيال
بادي../مستغرب..كيف طلعتي من بيتكم..بدون علم اهلج..وركبتي سيارة اجره..لحاالج
كيف قدرتي..؟؟وحاارتكم مثل مااقلتي
نيران/ الحااله الي كنت فيهااا..خلتني ماشوف قدامي..وعتيقه اذا صممت على شي
تسويه ..وماهمها احد..تصور.ياعمي..تبي تزوجني ..شايب اكبرمن ابوي
بادي/مافي شباب بالديره..وقفت على هالشايب..لا وانا عمج ..كل شي بالخناق
الا الزواج..بالاتفاق..ونظريتي بالحياة..يا تتزوج الي نحبه..ولا اتنم بلا زواج ارحم

ظهرت..ابتسامه رضى..وراحه على شفتيها..اخيراً لقيت الي يوقف بجانبي..ويفهمني

«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-

مثل عادتها..تعبث بهاتف اختها..تقراء الرسائل ..وتتنقل بين مقاطع الفديو..وتستمع للاغاني
وجدت بين الاسماء..مزعج فرح..دفعها الفضول للاتصال..ومعرفه صاحب التسميه الغريبه
سمعت الصوت.وتعرفت على صاحبه..وبدأت اللعب
فقد كان مجرد عبث بسيط بعيد عن أعين الأهل.. كانت مطمئنة تماما إلى أن أمرها لا يعلم به أحد ؟؟
صغيرة..ساذجة..لم يكن يدور بخلدها أن الأمر سيؤول بها إلى..كارثه


اسندت رأسها للجدار..وقالت بخوف/ ان لقيت فرصه..بدق عليك..انت لاتتصل على هااارقم..فاااهم
علووي../ فااهم ياااقلبي فااهم.. مو طولين علي..مااقدر اصبر عن صوتج..احس اني تعودت عليج
ردت بدلع/ هههه..مااتبي تعرف أسمي؟؟
علوي/ موو ..مهم الاسم...من صوتج الناعم..النابض بالانوثه قدرت اتخيل شكلج
احنت رأسها لجهه اليمين..وأخذت تلعب بأطراف شعرها/ شلوون متخيل شكلي؟؟
علوي/ اقولج..وما تزعلين..يمكن ماااعرف اوصف
مطت شفتيها/ عااادي..ودي اعرف شلون متخيلني
علوي/ شووفي..اتخيلج.. بملامح غجريه...جميله..وسمااارج..يزيدج جماال..وشعرج
آآآآه..عذاب..ساايح..بسواد الليل...مثل مااأحبه بالضبط
احست بالدماء تتدفق..بوجنتيهاا(يخرب بيت أهلك..كانك عااارفني)ا
وضعت كفها على خدها/ هههه..علي..تبي تعرف..ليش تجرءت وكلمتك
علوي/هههههه.. حبي(من اول مكالمه..صار يناديها حبي)جرائتج..هي سر اعجابي فيج
تدرين مشتاااق اعرف كل شي عنج..ادق تفااصيل حياتج..بس مابي اضغط عليج..براحتج
اغمضت عيناها.. ..وقالت بحاالميه
الي يسمعك يعطيك اكبر من عمرك بواايد..و
اكملت بهمس..وخووف/ علي..بسكر الحين..اختي تنااديني..اكلمك بعدين
أنهت المكالمه..وأرجعت الهاتف لمكاانه....انفتح باب الغرفه
وأطلت سمر/ نجووود..صاارلي سااعه أناادي ..ليش ماتردين
وقفت نجود ..وقالت وهي تحاول إخفاء ارتباكها / هااا..ماسمعت
بهدوء..وبرود..اقتربت حتى بقي بينهم خطوة..وسألت/.مااشفتي جوالي؟
فكرت للحظه..ونظرت حولها بقلق/لاااء
كان شكلها..وسلوكها..يثيران الريبه..فدارت سمر حولها
وقالت بعصبيه/كأنج..حرامي..ماااسكينه متلبس
ردت نجود..بسذاجه..أقرب إلى البلاهة/احلف ؟..عشااان تصدقين ان جوالج مو عندي
وفجأة..رن هاتف سمر..فألتقطته نجود بسرعه..وناولته لسمر..بعد قرأت أسم المتصل
نجود..وهي تخطو..باتجه الباب/نبيل ....آآآآه..يا حظج..بهالوسيم
أغلقت سمر الباب بقوة..وهي تحملق..بهاتفها..تبحث عن جواب
لأسئله..تلح عليها..وضعت الهاتف جانباً..وجلست على السرير
وتاهت الأفكار من رأسها...احست بحشرجه..وغصة..في حلقها
ابتلعت دموعها ..وشعرت بمرارتها..واخيراً ..أجابت بتردد/الووو
نبيل بعصبيه/افتحي البااب ..انا براا
سمر بخوف(جاك الموت..يا تارك الصلاة)برا وين؟؟
نبيل بملل/ عند بابكم
سمر بارتباك/ أتصل على ابوي..ولا احد من أخواني
شدد قبضته على هاتفه..وقال بعصبيه/ سمر...لااا تستفزيني أكثر..عقابج رح يكون شديد
سمر..وهي تلمس عنقها مكان اصابعه/ طييييب..برسلك محمد
نبيل باالحاح/ لااا.. افتحي البااب انتي..بنفسج
سيطر عليها الخوف..فتسحبت ..تجر قدميها..وفتحت الباب ..بهدوء وحذر
دخل نبيل..تسبقه رائحه عطره الجذاب..وقال بعصبيه/انتي بصراحه يبي لج
طق على بطنك الين تعرفين ان الله حــق..تحسبيني بسكت عن الي قلتيه؟؟
على بالك انك قويه.. انا اشهد ان ماعندج سالفة
سكت قليلاً ..واكمل/كانج قويه..حطي عينج بعيني..وقولي ..الي تبين
احنت سمر رأسها..والتزمت الصمت
نبيل /عندج قدرة عجيبه على تحطيمي ..و إعادة تشكيلي من جديد
لكن ما راح تشعرين بإحساسي إلا إذا صرتي بمكاني
وإن غداً لناظره..لقريب..ومسح بكفه على خدها..وقال بتهكم
خلي ..المكابر..لأهله..يااا جوهرتي السوداء
وضع بين يديها..عدد قديم من مجله معروفه..ورحل



«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-


خيبه الأمل التي تصيب .. بعض الرجال من وراء زوجاتهم
تدفع فئه منهم ليبحثوا عن ما يجبر نقص بيوتهم
تلك المشاعر الغائبه في البيت ..يبحث عنها خارجاً
بعضهم .. يسكتون في شبابهم لضعف ما
وما يلبثون الا ان تسنح لهم الفرصه ..وتموت المسببات.. او تختفي ..او تضعف
فينفضون غبار الماضي ويعلنون العصيان على الطاعه والرضوخ والرضى
ويبدأ التمرد واختيار الحياه دون قيود
ليبحث عن جمال الشكل .. الرائحه .. اللبس.. الجسد .. جميعهم .وأكثر. ولو كان ..كذب او تصنع


خرج..العريس..بعد ما تفاهم مع عتيقه..على المهر..والجهاز
وجميع طلبات العروسه..وامها واخواتها..مقابل..ان يتم الزواج..بسريه
لفترة قصيرة..الى ان ..يضبط اموره

ايمان..بحماس/واااااو..يهبل ..يجنن..رزه..وتكانه..وسناعه
بيان/من صج..شايب..بس مهتم بلبسه وشكله..حتى كرش ماااعنده
روان بطفش/ شايب كبر جدي..شيبي بالزواج وهوبها السن..يروح يموت احسن له
رزان/ هههههههه..خذيه..وبعدين يموت على راحته
إيمان/ اسمعي نصيحتي..وتزوجيه لا يطير من يدج
روان/ هذا فيه شده يمشي ..عشان يطير..رجل بالدنيا ورجل بالقبر
إيمان/ موو كبير لهاا درجه..سن الخمسين..سن العقل والثبات
تدخلت عتيقة وقالت رأيها بغضب/الشايب الي مو عااجبج..على الموضه الي
طالعين فيها البنات..تعرس على شايب..وعنده فلوس
ومكون نفسه وبسكنها بيت وتستانس معه وتشتري كل اللي تتمناه
احسن من شاب توه بادي حياته .. بتصبر معه على الديون
(والاجارات ويبيله سنين لين ما يشتري بيت.. لا واذا شراه ..لينها عاد (تافله العافيه
إيمان..تأشر باصابعها الاربعه/ والاسلاام محلل ارب
روان ..بحيره/ ليه يتزوج ..وحده من عمر بنااته..مافي بينا اي توافق بالتفكير والميول والرغبات
عتيقه/ يمكن عشان يقهر حرمته..ويوريها انه شباب..وفيه قوة
مالت..ايمان لناحية ..روان..وهمست/ ههههه..(القوة.).مقدور عليهاا..دزيه (بلحبوب الزرقه)هههه

تسلم الايادي..

بس شو قصة ياسر قلبي مو مرتاح له..

عاد شوفو الفسقه يغيرون اثاثهم كل 6 شهو رويرمونه بالحديقه الي يبي ياخذه,, الا حتى الناس تتكلم وتقو لافلان مغير اثاثه وحاطه للناس>> رياء ياربي حتى صدقه ما يعرفون يتصدقون لازم رياء

ومين هالعمه الي طلعت في حياة نيران.. وشنو دورها.. مع السالم..


نبيل وسمر.. هو مو على قولتها.. رج لماعنده شخصيه .. هي الظاره تحلم والا شنو .. هاي كله وماعنده شخصيه والي عندهم شخصيه في نظر سمر شنو .. اول ماتبيه والحين تموت من الرعب منه..


ننتظر الجديد عن قريب

باررت رووعــــــــه

دحين ابى اعرف ام الخير قبلت تزوجه فرح ولا ايه

مو هو يكون اخوها مانى فاهمة

الحمدلله الله ارسلها ياسر عشان ينقذها من اللى حيصير لها

بس طلع وقح يبى شى مقابل شى

اعتقد شوق الى يدورن عليها هى فرح بالاساس اللى عايشه عند فواز

ونورة



روووعــــــه البارررت

وبانتظار البارت القادم

تحياتى