السلام عليكم ورحمة الله وبركاته
بارت رائع عزيزتي
اعتقد ان الفلوس اللي في حساب فواز لها علاقه بفرح
فرح حتحاول في والدها انه يبين مصدرها حتى تتضح برآته
ولكن هل حان وقت الكشف الكامل عن الغموض لفرح ومعرفة عائلتها من قبل والديها وهل لياسر يد في ذلك ننتظركـ عزيزتي لا تطولين علينا
موفقة بإذن الله ... لك مني أجمل تحية .

توني خلصت قاريه الروايه ماشاءالله ابداع وروعه تسلم ايدتس اختي حبوبه ترى من زمان وانا قاريه الاجزاء الاولى منها بس مدري وش صدني ونسيت وكنت اتصفحها في المنتدى الثاني واقول انا قاريه ذا الاجزاء
بس مادري متى ومفاجئتي الثانيه انهالتس حبوبه وماكنت ادري انها اللي سبق وقلتي لي عنها وان شاءالله اكون متابعه معتس اول باول



حبيت من معاليق قلبي نوره وفواز ام الخير وبشير ام خالد وابوخالد فعلن يمثلون الحب والنقاء والعطف والرحمه في مجتمعنا يالبي قلبهم بس


اعجبتني شخصية فرح تربت على يد نوره وفواز تعجبني ثقتها في نفسها احترامها للغير جعل منها انسانه مقدره ومحترامه من الكبير والصغير
كل من راها من الشباب اعجب فيها ولا وش اللي خلى خالد وعادل وبعد علي يطلبون الزواج منها
واخرهم الفارس المغوار ياسر اللي اتوقع قلبه تعلق فيها من طاحت بين ايديه
مهما حاول عدم المبالاه والتجاهل فرح بتجيب راسه وبيكون ثمن طلوع فواز من السجن فرح
يعني بالعربي بيتزوجها بالقوه بتوافق فرح مرغمه
وبعدين تعالي قوليلي حبوبه يعني الحلال اللي عايشين فيه ياسر واهله كله الفرح


خالد انت قلت بتعلم سعاد عن الخبر بنفسك ليش ماقلت لها ولا صاحب العماره سبقك
اتمنى الغيره ماتعمي عين سعاد وتفهم الموضوع عدل من خالد لانها اذا عاندت هي الخسرانه
وبيلقى اللي بتفتح له اذراعها وبصدر رحب بيقارن بين صد سعاد وعناده وتدخل امها في كل صغيره وكبيره وبين ايمان وجرائتها وحبها الواضح الخالد وزاد عليه صغر السن والجمال
يعني ياسعاد بالعربي لاتحطين نفستس في مطب وتكنين موضع مقارنه بينتس وبين ايمان واكيد بترجح كفة ايمان والرجال يحب يشوف اللي تحبه ودلاله وصل المسج سعاد تراني ناصحه لتس وبصدق حافظي على بيتس وعلى زوجتس اللي مايشوف الا انتي ولا تضطرينه يدور على غيرتس


يحبيل توم وجيري وش عندك نبيلوه يقالك بتادبها بس على مين تلعبها هذا سموره وقد التحدي
وتراك في النهايه انت الخسران

حبوبه روايتس مع انها قريبه للخيال ودائمن انا احب الواقعيه في القصص الا انها شدتني وبشكل كبير وفقك الله لما يحب ويرضى في انتظارتس لاطولين علين لان احداث القصه ننساها اذا طولتي

مرحبااااا..جميعاً
وحشتوووني....وينكم...ياعسولااات
كل مااجيت ..انزل بااارت..لقيت المنتدى فاااضي..واهون>>هههههه>>قولي قسم
نوف...مساياّ^...ورده فوشيه... سلمتتوو..لمحبتكن..
وترحيب خاااص..لغاليتي NoOoFy
شبيهه القمر..وينج ..يااعسل
غبت عني والشوق جابك
عمري الغايب هلا بك
يامسا الاشواق ياروحي
الهوى يسال جروحي
غبت وين الناس قولّي
انت وينك قولّي وينك
الهوى مشتاق
في المحبه ابتدي من وين
يا غرامي يا حبيبي
شوقي لك آه بعثر كلامي
ياحبيب روحي
قولي يا خلي مين اللي ياخذك مني وانا اللي
توقف ايامي في بابك في غيابك يا حبيب روحي
في دروبك الف كلمه شوق
تبتدي بك تنتهي بك
تضحك بنظره حبيبك
ياحبيب روحي
سـرالـــشوق ؛؛؛9
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
قمــة الحـــب أن يجبرك
الصمت على الكلام
فيعجز الكلام عن التعبير
فتصمت,, ويبقى .... الآلم
رجع عادل.. من المستشفى حيث قضى معظم وقته ..انهكه التعب..فألقى
بجسده على الكنبه الحمراء الوثيره..يبحث عن الاسترخاءوالهدوء
يود..إعادة تنظيم افكاره..بل وإعادة برمجة عقله..حتى يتخلص..من
الافكار السلبيه..والمخاوف المزعجه..ويحل محلها..افكار ايجابيه
تحفزه على الانطلاق..من جديد..في الاتجاه السليم
تأمل اخطائه..بحق نفسه..وبحق ابنه..وايضاً بحق فرح
اخذ يلوم نفسه..ويحاسبها..
حتى احس بشبح الوحدة يخيم على المكان
خامره شعور..مزيج بين الاحباط والأسى..دفع تلك المشاعر جانباً..ونهض
لبس.. الغترة والعقال..والتقط هاتفه..وسلسلة المفاتيح
وخرج..بإتجاه منزل والده
في الحي القديم..حيث البيوت الشعبيه..الازقه واالطرقات..تشير لبساطة اهل الحي
والى الماضي .. بعد ان اجهزت الحضارة على كل جميل
أستنشق عبق ماضيّه وذكرياته هنا.. في كل ركن في الحي الذي وُلد..وترعرع فيه
رغم ان الحي..مشهور بأهله وناسه..الا انه بات مستنقعاً للمخالفين وآفة لترويج الخمور والمخدرات
وانتشر السحرة والمشعوذين..تحت مسمى( المطوع)كما
يواجه رجال الشرطة والدوريات الأمنية إرهاقاً من تلك الأحياء
ويهاب الكثيرين دخول تلك المنطقه خوفا مما يجري داخلها
وجد عادل انوار المجلس مضاءة..فدخل
اعتدل الاب في جلسته..بعد ان كان يميل بجسمه كله الى الامام
منهمكاً بمتابعة..برنامج..ستار اكادمي.. وبيده جهاز التحكم
تناول عادل(بيالة)شاي واعطى والده اخرى..وقال بتهكم/ يبااه..متى رجعت للسجاير ؟؟
اجاب والده..بلا مبالة/ اصلاً متى تركتها ..عشان ارجع لها
عادل/في عياده خاصة..للمدخنين..وشرايك تروح عندهم..وتستفسر.واذا عجبتك استمر بالعلاج
ابو خالد..ينظر للدخان المتصاعد من السيجاره/ يصير خير..اذا عندي وقت..رحت للعياده
عادل بأشمئزاز/ من فترة ..لاحظت بعض الاولاد من عمرحمود..يدخنون في النافذ
وربي كان ودي اجلدهم واحد واحد
ابو خالد.. / هاذي مسؤلية اهلهم
عادل/ ومحمد.. عقب ماحذرته منهم..للحين مصاحبهم
ابوخالد..زاد تركيزه بالشاشه /ماعليك منه..انا بربيه..اسكت شوي..بدا البرايم
عادل بملل /شرايك..اشوف لكم بيت في حي راقي..متحضر بعيد عن هالحارة الموبؤة
ابو خالد/ وين نروح..كلنا بهالحارة..اهل وصحبه ..وجيران..وموب طالعين الا على جثتي
عادل/ الله يهديك يباا البيوت في الشوارع الداخليه والمنافذ كلها عمال هنود..وبنغاليه.. فيه خطر كبير منهم
والحارة صارت ماتناسب العويل
صمت ابو خالد..واشر لعادل..ان يصمت هو ايضاً
فوقف عادل..وتوجه للمطبخ..وجد والدته..تقلب محتوى القدر على النار
وهند بجانبها..تسكب عجينه سائله بقوالب من المعدن
قبل عادل والدته..وقال بمرح/ الله الله..وشهالريحه الي تطير العقل
هند/ههههه..حماتك بتحبك..لو متأخر..جان مالحقت على شي
ام خالد تبتسم براحه/ويه فديتك..كنت بخلص الي بيدي واتصل عليك انت وخالد تيون تتعشون
وتمسح يداهابطرف المنشفه الصغيرة الملقاة على كتفها
تمسك ذراع عادل وتسحبه معها / اطلع من هني لا تمسك فيك ريحة الطبخ
وتوجه كلامها لهند/ خلصي الي بيدج..وشبي فحم للطيب
احضرت سمر ..معن..وأجلسته بحضن عادل/هاك هالغثيث..زهق ام امي
ام خالد/ ههه.. سمر بلا عيارة..معن وشحليله ..بس وقت النوم.. ودج تعقينه مع القطاوه بالحوش
عادل..يحضن ابنه بحنان ويقبله/ استحملوه كم يوم زياده..وبكرةبمر المكتب..واشوف المربيه الي طلبتها وصلت ولا بعد
ام خالد/وشوله مربيه..واحناوين رحنا
عقد عادل حاجبيه..خلع نظارته..ومسح زجاجها بمديل نظيف..ثم رجع يلبسها
وقال بنبرة حزن/انتو الخير والبركه..مابي اتعبكم ..واحملكم مسؤليه معن
ام خالد بأهتام/ حبيبي ..لااا تخلي الحزن يسيطر على حيااتك ..الدنيا فانيه
ماتستحق هموم و بهالحجم..التفت لنفسك..وتزوج ..الانسانه الي اخترتها لك
تخفف عنك همومك..وتصير ام لولدك
رفع عادل عيناه لسمر..يطلب مساعدتها..فردت سمربمزح/والله ان بشرى اكثر وحدة تناسبك..وخالي كم مرة يلمح
بأن وده يزوجها طبيب من العايله..ههههه
شد عادل سمر من معصمها..واجلسها بقربه..وهمس/ قولي خير ..ولا اصمتي..تباً لكِ
سمر/أيها الأحمق.. وضعك مأساوي..ويدعو للشفقه..هههه
عادل/ طيب..ساعديني.. خلج مرسال الحب..وصلي لها رسايلي
مررت سمركفها امام وجهها/ نو وي ..لاا تحاااول ..مالك أمل..ابداً
فرح رايها واضح وصريح
عادل ..بيأس/انا مصمم..وماراح اخليها تندم ابد لووافقت تتزوجني..تكفين سموره..حاولي تقنعينها
سمر../اممممم..بحاول..بس مو الحين..لما العم فواز يطلع بالسلامه
انصدمت ام خالد/ يطلع؟؟من وين؟؟
سمر/ من الحجز..متتهم بالسرقه..من المدرسه الي يشتغل فيها
امتزج ..التعاطف..والسخط..فصرخ عادل بأضطراب/ حرااامي؟؟
سمر بثقه/السالفه شكلها تلفيق
اجاب عادل بنبرة اشمئزاز/ تلفيق؟؟ مااعتقد..!! الإنسان العادي مستحيل
يصمد قدام اغراء المال..والثروةالسريعه..فما بالك بفقير ..منتف
وجهت له سمر نظرات ..احتقاروقد استشاطت غضبا واحمرت عيناها
وقالت بمنتهى الغضب/ الا العم فواز..مايخون الامانه ..لو على قطع رقبته
عادل بشماته/وانتي شدراج..هذي الفلوس..تعمي النفوس
وقفت سمر.. واتجهت لغرفتها وهي تقول/ انارايحه انام.. احسن من مقابل طبيب متخلف
ام خالد /وييييين..والعشا
سمر/ ماابي عشاااكم..مسويه رجيم
عادل بسخريه/ واخيراً انتبهتي لوزنج...على الله تستمرين
اغلقت سمرباب الغرفه بقوه خلفها وهي تقول/موووب شغلك
اخذت ام خالد..سماعة الهاتف..واتصلت على جارتها وصديقتها..نورة
ام خالد/ السلام عليكم..هلا نورة..ماتشوفون شر..وخطاكم السو
نورة/ وعليكم السلام..الشر مايجيكم..خطاكم اللاش
ام خالد/ هااابشري..شلون فواز..ان شاءالله مااعليه شي
نوره..بأسى/والله ياام خالد..مادري شقولج..فواز موقفه صعب.. الله كريم.. مايضيع من رجااه
ام خالد/ ونعم بالله..عسى موب مااسكين عليه ادله..او بصمات؟؟
اخبرت نورة صديقتها ام خالد..بتفاصيل القضيه..وحتى مسألة الرصيد المجهول
انهت المكالمه..والتفتت لعادل الجالس بقربها..متقدم بجذعه للامام..ساااهماً
ثم امسك رأسه بذراعيه..المسندتين على ركبتيه
عادل..بأهتمام/ وش سالفة ..النص مليون ريال؟؟
ام خالد/ يقولون ..ان رصيد فواز بالبنك..وصل نص مليون خلال يومين
وهالشي..محيرهم..عاد يبون يقابلون فواز..يمكن يقولهم من وين
عادل بخبث/ اقص يدي من هني..لو العم فواز..موب راسم على بعيد
ام خالد/ اعوذبالله منك ياابليس..هذاجاارنا من سنين وبنين..وامام مسجدنااا
مااعمره طلعت منه العيبه..اقول ..قوم نااد ابوك يتعشى ابرك
كان السكون يلف الجميع على سفرةالعشااء..ابو خالد بحذر/ يمكن اسااافر بعد كم يوم
ام خالد/ وين.. عندك اجااازة..؟؟
ابو خالد/ اكيد ...ابي اغير جو مع ربعي..وان شاءالله برجع قبل زواج سمر
ام خالد..بحسن نيه/تستاهل يابو خالد..من زمان ما عطيت نفسك راحه
من حقك ترتاح وتغير جو
محمد/ يباااا..ليه مااتوديني وياك..باقي اسبوع بس ونأجز
ابو خالد../ اول مره..اشوف المكان..واتعرف على البلد الي بنروح لها
عشان المرةالجايه اخذكم وانا عارف كل شي
عادل/ على اي خطوط؟؟
ابو خالد/ للحين ماااحددنا..يمكن السعوديه
عادل..بسخريه/ ليه مااتروحون المغرب..يمدحونها
شرق ابو خالد..وحاول بصعوبه ان يبلع اللقمه..ويتنفس بارتياح/ الربع للحين مااحددو وين بالضبط؟؟
ونهض بسرعه وهو يقول/ الحمد لله..ام خالد..الحقيني بالشاي
هند/ يبااا ..اصبر شوي..ذوق الحلا الي سويته..وتعبت عليه
محمد/ ههههه..عن نفسي..مااابي حلااا
نجود/ وانا بعد..الحلا الي تسوينه يعور بطني
هند تهز راسهاا/ خسااارة ..كانت سمر هي المشجعه نمبر ون
نجود/ما يصير حلا بدون سكر؟..ههههه
ام خالد بحزم/ يالله انت وياها..غسلو اسنانكم..وكل واحد على سريره..بكرة وراكم مدارس
استأذن عادل..واستعد للخروج...فقبل والدته.وابنه
ام خالد.. / سقااا الله ذيج الساااعه..الي اشوفك فيها مرتاح ومستقر..مثل اخوك
لا تنسى..قبل مااتروح بيتك..مرعلى خالد..وشوفه ليش مقفل جواله..وطمني عليه
لديه خمسة أشقاء تتباين طبائعهم لكن خالد هو الأقرب له دائماً..وبالرغم ان الترابط والتعاون
هما مايظهر على السطح .. الا انه يتعامل معه بقسوة حين يتعلق الأمر بتصرفات يرفضها
مثل التدخين..والسهر..والفوضى
عندما رأى عادل وجه اخيه خالد..شهق من الصدمه.. خالد/ياهلا ..تفضل ..ياخي لاتوقف تطالعني كأنك شايف سكني
عادل ..بخوف شديد/ شسالفه..فهمني شفيك؟..
خالد..وهو يغير الضمادات حول عينه اليمين/ مثل مانت شايف..اصابات وكدمات في منطقة الوجه
وحول العين اليمين تحديداً
عادل/ هذا وقت تنكيت ..انت ووجهك.. تكلم بجد..من مفقع وجهك؟؟
خالد/ امي مرزوقه..عليها بكوس.. ولا اقدع ملاكم
عقد حاجبيه/ ليه.. شنو المناسبه
اسند خالد ظهره للكنبه..وارجع راسه للخلف/ آآآه. كنت امس اسعد انسان..يوم رجعت الامور تزين
واليوم انعفسنا..حسبي الله ونعم الوكيل.. ليتنت قايل لها قبل ماانام
عادل..بملل/ ياخي قاعد تتكلم بالالغاز...وضح لاقوم افقع عينك الثانيه
خالد..حاول اخفاء غضبه..فأرتعش طرف شفتيه بشدة/ نمت بعد ما طلبت لنا غدا..ولما وعيت
كانت الساعه ست المغرب..وسعاد بدل ماتصحيني وتسمع رايي..طلعت من البيت بدون شوري
والادهى والامر..انها حكت لامها عن هالورقه..وامها مايحتاج.. بدل ماتهديها ..زادت الطين بله
.. ومد يده..واعطى عادل ورقه
رحت لبيت ابو سعد..ابي اكلم سعاد واشرح لها.بس امي مرزوقه..استقبلتني بالاحضان ..ورحبت فيني بحرارة
مثل مانت شايف
عادل..يصر على اسنانه/ وقسم..لو اني مكان ام زوجتك..كان ماخليت فيك ولا عظم سليم
انت بتصرفاتك المتهورة.. ضريت العايلتي
خالد/ يعني انا قايل لإيمان تعالي ارمي بلاج علي؟..البنت متهورة وجريئه بزيادة
عادل/ شايفتك مقصه وينلعب عليك..كان ماقدرت تستدرجك هالبزر
وانت واقف وتاخذ وتعطي معاها..حتى السكان فكرو انك انسان غير سوي
خالد/ كل شي بيتصلح..وسعاد وامها دواهم عندي
عادل بغضب/يكون بعلمك ان السمعةمثل الزجاج..الي انكسر لايمكن يتصلح
ورغم التطور الي عايشينه..لكن العادات والتقاليد ما تتغير..وسوءسمعة اي احد من العائلة
تعرقل زواج البنات..فكر بمستقبل بنتك.. وحتى خواتك اما يعيشون من دون زواج
او يرضون بسيء السمعه لان الافضل ماراح يرضى بهم
خالد/ياخي..لايصير فكرك محدود..وتوقف عند كل خطأ..وتحطم فينا
لان البعض ماتفرق معه سمعة الاهل..وما يهمه الا من ارتبط فيها
عادل/ ماعتقد احد يتجاوز عنها..ان ارتبطت بسوء الاخلاق والفساد..والسرقه او الغش
واحنا دوم نقول..العرق دساس..وبمجتمعنا يهتمون وايد بالسمعة
خالد..يرجع الكماده ويضع غيرها/سمعة الأهل أمانة ومسؤولية لازم يتحملها كل أب ..واكيد ربي بيحاسبنا عليهاا
حتى لو تعذر العيش مع زوجتي..بنتي..مالها ذنب..ومستقبلها يهمني
عادل ..بحزن/ وانت شايف في هالزمن.. مجتمعنا يهتم بالمظاهر..اكثر من اهتمامه بالجوهر
تثائب عادل..نظر للساعه ..وقال/ .لاتننسى
اتصل على الوالدة..وطمنها عليك
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
جلست ام الخير على حافة سرير فرح..ومررت اصابعها المرتجفه على وجنتي فرح..وسألت بهدوء/ فروحه.. واعيه يا قلبي
فتحت عيناها..ورفعت جسمها..حتى جلست .. تضم ركبتيها/ هلااا خالتي..وين كنتي؟؟
ام الخير/ كنت عند بشير بالمستشفى.. مسكين.. من امس الليل مسخن..ولا حد انتبه له..الين طاح عليهم مرة وحدة
فرح/ ساامحينا ياخالتي..شغلناج عن عمي بشير..وخذيناج منه
ظهرت ابتسامة رضا..على شفتي ام الخير/ ولا يهمج..يااعمري انا وبشير راحتنا من راحتكم
لوبشير في البيت..ماارجعت عندكم..لكن الدكتور قررله يبات اليوم تحت الملاحظه
وبكرة الضحى ..بيلقاني سااابقته لبيتنا
اسندت فرح راسها على كتف خالتها/ الله لا يحرمنا منكم....خالتي؟؟
اجابت بحنان/ سمي.. ياقلبي
رفعت فرح نفسها..وقبلت جبين ام الخير
وقالت بخجل/ اتمنى..مايتكرر الي صاراليوم..وهذا يااسر..ياليت ماايدخل بيتنا مرة ثانيه
ام الخير(ياسر..وده يجيكم كل يوم)/ تحسبيني راضية بلي صار ؟؟
فرح /آآآكيد لا..انا مستغربه ..ان سمحتي لواحد مثله ..يحب راسج..ويبحلق فينا ..وكأنه شي عاادي
ماادري كيف سمح لنفسه..ان..ان..واغمضت عينيها
وأضافت .. (ربنا لاتؤخذنا بما فعل السفهاء منا)..بارتباك
ام الخير/ هههههه..معذور..تلقا هالملاك طاحت عليه من السما..تبينه يغض بصره.؟.مايقدر
كانت.. محاولة فاشله لتخفيف عن فرح
احنت رأسها..وأستسلمت لليأس/لو ابوي موجوود..ماكان واحد مثل ياااسر..تجرء..وتعمد النظر..وترصد للحرام
الله ينتقم منه....اهان وتبلى ابوي اولاً....وآذاني..وحملني اثم ..ثانياً
ام الخير/لكنج تدرين ..نظرة الفجاءة ..بلا تعمد أو ترصد.. ما عليها أثم..ولا حرج منها
فرح ..تمسح دمعه حاولت الظهور../ لازم يقوي عقله..ويسد باب من ابواب الشيطان
ام الخير..بسكينه /اسال الله عز وجل ان يهدى شبابنا وبناتنا ويمن عليهم ..جميعا.. بغض البصر
في مدارس الـ سالم..كان يوم ثقيل..كئيب..بالنسبه لفرح
انشغلت بتجميع اوراقها وملفاتها الخاصه..وجدت اوراق عمل لبعض المدرسات
اعادتها ..واعتذرت عن اتمامها لهن..سألت المعلمات عن نص رسالة الاستقالة
كانت منشغله بالكتابه..ورفعت رأسها عندما سمعت المراسله (دُخنه) تناديها
اندهشت من حجم سله الورد الفخمة..التي وضعت على طاولتها/خااله..لو سمحتي..شيلي السله عن الاوراق
ووصليها لراعيتها
قربت المراسلة..الكرت..المزخرف..وفتحته امام وجه فرح/الانسة فرح فواز
مرحباًبك في عااالمي..عالم العشق..والهيام..والشوووق
أ/ياسر سالم الـ سالم
بحثت عن ريق لتبلعه..واحست بالدماء تندفع لوجهها..وبشي حاار يسري بين فقرات ظهرها
عضت طرف شفتها..حتى ذاقت طعم الدم
جائها صوت مبطن بإساءة/ بنت الحااارس..بنت الحااارس.. ابله نزيهه تبيج
القت فرح نظرةاستهانه ..ل ابله نمار..البذيئه..واسندت مرفقها للطاوله..وحضنت وجهها بكفيها
(ماني راده..مااني رااده..بالحريقه..لي اسم تنااديني فيه)
مدرسه اخرى بأدب/ ابله فرح..ابله نزيهه تبيج بمكتبها
صفرت ابله نمار..وقالت بسخريه/الفقارااا...صار عندكم..نص مليون..وسلة ورد .. وفوقهم امموه.بوسه..هه..هه
آرتهم ..فرح ..ابتسامتها..وجمال اسنانها/شكرا ..ترى من طيب اصلج
وبعدين هذا ..فضل خير بعد الله..وخرجت بعد ان جعلتها تموت كمداً
وضعت فرح..استقالتها..امام ابله نزيهه..سكرتيرةالمديره
فرح ..بهدوء مصطنع/هاذي إستقالتي..وانتو كملو البااقي
نقلت ابله نزيهه نظرها بين الورقه..ووجه فرح/ سيتم النظر باستقالتكِ..واحب ان انوه
انكِ لن تجدي..وظيفة بسهولة..ومرتب..مثل هذة..فأستمري معنا..ودعي المشاكل العائلية جانباً
(المكان الي انهان فيه اعزالناس عندي واشرفهم.مالي قعده فيه)
رفعت ابله نزيهه نظارتهامن الطرف..واكملت/ طبعاً ..تعلمين لو قدمتي استقالتكِ قبل انتهاء العقد..عليك
تطبيق بنود الجزاء
عقدت فرح حااجبيها ../اي بنوووود
اخرجت ابله نزيهه ورقه عقد جديده..ووضعتها امام فرح/إقرئي..البند قبل الاخير
قرأت فرح بصمت سريع..عند رغبه الطرف الثاني(المدرس)فك العقد..قبل انهاءمدته
الالتزام..بإرجاع..رواتبه..كاملة..منذ بدء العمل به
قالت ابله نزيهه/في أُناس كثُر..لا يعيرون البنود..اي اهتمام..مع اهميتها
هزت فرح رأسها (ابوي موقع عقدي وعقد سمر)بالموافقه
رجعت ابلة نزيهه بكرسيها..للوراء قليلاً..واحضرت ظرف ابيض متوسط الحجم..ومدته لفرح
اخذت فرح تقلب الظرف بين يديها..مختوم..من مكتب محاماة معتمد..استشاري قانون
فرح باستغراب/ شنو هالظرف
ابله نزيهه/ وقعي اولاًعلى استلامه..ثم افتحيه لتتعرفي على محتوياته
وقعت فرح على ايصال استلام الظرف..وفتحته بسرعه
وجدت..الايصالات التي وقعها فواز..وصوره من كشف حسابه
وشيك ..بقيمة عشرين آلف ريال..بأسم فرح
ابتسمت ابله نزيهه بخبث/ الشيك..اودعيه بحساااب آآآخر..حتى لا تخسريه
وبما انكِ وقعتي على استلامه..فأنتِ المسؤله ان ضاع او سُرق
وصلت لمكتبها..عندما ادركت ان يديها ترتجفان..وقلبها يخفق بقسوة على أضلاعها
ركزت على باقه الورود..لم تشاهد مثلها من قبل
كانت اللوان الورود..بين درجات الاحمر والبرتقالي..الاحمر القرمزي
والقرمدي..والنبيذي..والعنابي..والاحمرالياقوتي..لابد ان البائع..محترف بعمله
فقد نسق الورود بطريقه بااارعه
وفي لحظة يأس..وضعت راسها بين ذراعيها..توهمت انها وصلت لطريق مسدود
واوشكت على الضياع..عندها..!!خجلت من نفسها
ان تضيق..وتيأس..من توافه الحياة..وهي القوية بإيمانها
وتحت غطاء من التفاؤل..وبدافع العزيمة..تماسكت.. رغم احساسها بنظرات
زميلاتها.. مزيج غريب..من الازدراء..الحقد..وربما تعاطف او رحمه
شقت طريقها بثقه..نحو الصف الأول..استأذنت ..ودخلت..احتضنت نااهد
وقالت بثقه/ حبيبتي.. ان احتجتي اي مسااعده..علميني
اكتفت نااهد..بهز راسها..وهي تقضم طرف ابهامها
وعند نهاية الدوام المدرسي..عمت الفوضى..وتزاحمن الطالبات بدون نظام
وتعالت اصواتهن..وصراخهن..وبعضهن تطاولن على الحارس..الهندي
بالسب.. وإنهالت عليه الشتااائم من كل طالبة تضطر للخروج والعودة مراراً
وقفت سمر..امام فرح..وقالت /فرح.. ابوي براا
بحثت فرح عن ..ناهد لتطمئن عليها..وتقبلها
وكأنما..شي قوي يشدها لتنظر بوجه تلك الطفلة البريئه..المهمله
بحثت عنها ..طويلاً..فلم تجدها
استحثتها سمر للاسراع/فرووووحه..بسرعه..ابوي معصب من الزحمة
فرح..محتاره/ وينهاااا.. متأكدة انها ماااطلعت.. ولا.. كان شفتها
اوقفت احدى الطالبات ..وسألتها عن ناهد..اشرت الطالبه على زااوية غرفة الانتظار
وقالت/هنااااك..ناايمه
مشت فرح بحذر..وجدتها منطويه ..تضم قدماها لصدرها..تبكي بصوت مكبوت
وجسمها الصغير يرتجف..جلست فرح بقربها..وهمست/نااااهد..يعورج شي
رفعت ناهد رأسها.. فاشتبكت عينا فرح..بنظرات فيها..البؤس..والقهر..وألم مختلف
اجتاحها اليقين..بعد الشك..لم تجرؤ على البوح به..وسؤال يتشكل بعقلها
جوااان..السواق..؟؟.طلب شي غريب منج ..آآآذاج بشي؟؟
وقفت ناهد..لتظهر..بقعه بلل كبيره على مريولها الرمادي..وانتشرت رائحه (البلل)اكرمكم الله
واطلقت صرخه..ثم اشتد بكائها..كانت قواها خائره..وجسمها واهناً
انتصبت فرح..وكانها قطعة جليد..بحثت عن دمع لتذرفه..او غضب تهدره ..على من حولهاا
فلم تجد...عانقت ناهد..بحرارة..وشدت قبضة يدها..حول الكف البارد الصغير
ومشت معهاا..بخطوات قويه..ثاابته..وجدت سمر بانتظااها
اعتذرت فرح ..عن تأخرهااا..وقالت/ ناهد تعبانه.. سموره!! تطلبين من يوصلهاا ويااانا
سمر/ لاااا..مااقدر ..ابوي متنرفز..اذا ماطلعتي معاي..بيمشي عناا
فرح.. تمسك ناهد بيد..وترفع سلة الورد بيدها الاخرى/ اسفه لاني عطلتكم
اعتذري لعمي حاامد..بالنيابة عني.. ماااقدر اخلي نااهد ..ترجع بروحها مع السواق
وخرجت مع ناهد..باتجاه سيارتهم..اتجه السائق مسرعاً صوب نااهد
التي اختبئت خلف فرح وهي مااتزال تشد على يدهااا
فتح باب السيارة الخلفي..وخطى خطوتين للاماام..ومد يده ليحمل سلة الورد
تجاااهلته فرح ..ووضعتهاعلى الارض..لينحنى بعد ذلك ويرفعها معه للكرسي الامامي
لبس السائق الاسيوي..نظارته الشمسيه..ورفع راسه/مداام.. وين يبي روه
نضرت اليه نضره جامده..ورأت ثغره باااسماً..قد جرد من كل معاني الانسانيه
قام بإشباع غرائزه الحيوانية .. بمثل هذه الافعال الحقرة
شعرت بيد ناهد فوق يدهاا..مرتجفه بارده..قالت بصوت قوي / مع نااهد..القصر
اجاب بصوته البغيض/مدام..هدا قصر..ماافي نفر..كلو براا
اخذت فرح بعض الوقت للتفكير..وقالت /خلاااص ..بيت العم بشير
رد السائق على هااتفه النقال..بعد اول رنه..مما جعلها تعتقد انه ينتظر مكالمه غاية الاهمية
استمر ..يتكلم ..بلغته الاصليه..بدون ان تفقه فرح ولا حرف..انما..نبرات صوته دفعتها للريبه
وضحكاته المرتفعه..ترن باذنيهاا..كم تمنت..ان تسلمه بنفسها
للجهات المسؤوله..وتطلب ان يقص تعزيراً
وضعت رأس ناهد..في حجرهاا..وتخيلت ..والدة نااهد..وردة فعلها..اذا عرفت
ان سائقهم وثقو به..واعطوه الحريه المطلقه..تحرش بطفلتها المحبوبه
احنت راسها وكلمت ناهد..بصوت خفيض/لو صحيح مافي احد بالقصر..تعالي ويااي عند خاالتي
حركت رأسها ببطء..وتشبثت بعباءة فرح
شعرت فرح ببرودة تسري بأطرافها..فألصقت رأسها..بالنافذه
إشتاقت لوالدها..لدفئه..لحنانه..فهو الوحيد الذي تستمد منه القوة والامان
صباحاً..وعدها ..العم حامد..عندما اوصلها مع سمر للمدرسه
ان يجد طريقه. لتكلم والدها..او تزوره..بأقرب فرصه
التفتت..لتجد ان الطريق مختلف..صرخت/ انت ويييييين رايح..هذا مو طريق البيت
اخرجت هااتفها النقال.. لف جوان لجهتها..ورفع نظارته وثبتها على رأسه
انا بئد واحد ساائه..روه كلاااص..لاازم سوي هديه ..هق سير سالم
انتابتها قشعريره..واهتز كياانها..عمرها لم تتخيل..ان توضع بهذا الموقف
سحب هاتفها وحقيبتها..ليجردها من وسيلة الاتصال الوحيده
التفت ذراعي ناهد..حول عنقها..واطبقت عليها باحكام
اخذت ترنو ببصرها ...هنا وهناااك..علها تجد ..مخرج
وفي اقل من خمس دقائق.....تجمع حول السياره..سبعه من امثال جواان
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
دموع..تلو الدموووع...بللت ..حياتها..وفاضت بالالم
بكت ..خالد.. الانسان الذي احبته بجنون.. واكتشفت..خيانته
ضيعت سنوات العمر هباء في الوصول الى قلبه..ثم تكتشف في النهايه ..انه سراب
تمنت ان يعود بها الزمن للوراء فتتصرف بصورة مختلفة
دخلت والدتها..تلف شاش ابيض حول..كفهاا اليسار..وقالت بخشونه/كم مرة قلت لج..لا ترضعين البنت
وانتي متضاايقه..ياجعل ابوها الضيقه
وضعت الغداء..فوق الطااوله..وقربتها لسعاد/ تغدي..نفعي نفسج
قطبت جبينها..واشاحت بوجهها/ماالي نفس..خليه بعدين
جلست بجانبها..ورفعت الملعقه../مااني مخليتج هالمره..قبل ماتاكلين
اطبقت شفتيها..بشده..فقالت والدتها/يعني بتموتين نفسج من اليوع..عشان واحد ماايستاهل
يالله اشوووف..فتحي فمج
تحاملت على نفسها..وفتحت فمها..بهدوء..لتلقي والدتها..بمحتويات الملعقه بجوفها
على الفور..احست سعاد..بالشوربه..مرة كالعلقم..فنهضت بسرعه ناحيه
سلة المهملات..وافرغت ماافي جوفهاا..وباندفاع مخيف
وقفت ام سعد..خلف ابنتها..تمسد على ظهرها..وتخفف عنهاااا
وعندما رجعت طبيعيه..تكلمت بسخط/ تدرين..اول مرة اتحسف اني مااسمعت شور ام علووي
ضاقت حدقتا سعاد..ونظرت لامها..بأستغراب
ام سعد/من اول مادرت ان خالد..خاطبج..وهي تنصحني..وتقول.. شغال في الاتصالت
يعني اسهل شي عنده..المكالمات..والمغازل..والله اطلعت عتيقه لها نظره ماتخيب في الواحد
ارخت سعاد راسهاا..بكت..وبكت كثيراً..حتى غسلت قلبها
من كلمات لم تسمعها..من قبل..تركت حااجز اسود..لا يخترقه الضوء
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
كررت الندااء..مرة اخرى..نيرااان...نيراان
كالعادة دائماً..لايمكن ان تحظ بإجابه فوريه..من احداهن
بدت عصبيه..اكثر من اي مره ساابقه..ورفعت صوتها..بحدة اكثر..نيراااااانوو
فتحت باب غرفتهن..وصرخت /وين نيراان
اجابتها ..بيان بشيء من النزق/يعني وين بتكوون..بجيبي..هاااااااه
رمت مابيدها من اغطيه بلاستيكيه باتجاه بيان/انطمي..وقومي ..ناديها..خطيبهااا جاي يشوفها..وهي مختفيه
روان/يمكن في غرفة الضيوف تستناه..وااااه..وضربت كفها بكف بياان..حلووووه
عتيقه..تدفع..الجازي امامها/روحي شوفيهاا ..بغرفة الضيوف
وانتو حسااابكم معاااي بعدين...بس اتفرغ لكم
خرجت إيمان من دورة المياه..تفرك شعرها بمنشفه صفراء صغيره
وقفت امامها وسالت/وين اختج
ردت بملل/ اي وحدة فيهم
وضت يدها على خااصرتها..وهددت/والله ياااإمانو..لو ادري ان لج يد بأختفاء نيراان
انج تندمين
اثنت ركبتها..واسندت ظهرها للجدار/انا شعلي منكم...نيران كبيره وتعرف مصلحتهاااا
وسحبت المنشفه..حركت راسها..لتتناثر الخصلات..بلون قرمزي..لامع
عتيقه..بقرف/وععععع..مالت عليج وعلى ذوقج..انقلعي من قدامي
اخرجت هاتفها النقال..بمحاوله يأسه..واتصلت على ابنها
جائها صوته/ هلاااا
عتيقه/علوووي..وينك..نيرانو اختفت
صمت ..طويلاً..ورد بجفاء/احد مزعلهااا
عتيقه بعصبيه/ غبيه..ماتعرف مصلحتهااا
علوي/ صحيح..انتي اكثر وحدة تعرفين مصلحتنا كلناااا
عتيقه/اووووه..وبعدين..مااافي وقت..دورهااا..ويبها ..لو مربطه
علووي/بتزوجيني فرح...ادورها وادور ابوهااا
انهت المكالمه..وهي تقول/ياالنذل..طالع على ابوك واخوانه
..تذكرت ..لحقت بناتها..حيث يجلسن..قبالة التلفاز.. وايمان تمسك جهاز التحكم
يفصل بينهم اقل من متر..وقالت /بيان هاااج الجوال..ودقي على باادي
التفتت ايمان..عند سماعها اسم عمهاا/عمي باادي..شفيه
عتيقه/يمكن هااالمقصوفه..راحت له..تبي يفكهاا من المعرس..غبيه بقوووة هالنيراان
اتصلت بيان على الرقم المخزن بأسم باادي البادي
وردت بهدواء..وادب/ هلااا عمي..انا بيان
بادي/هلااا..ببنت سليمان..اخباركم يا عيال اخوي
عساكم بخير..تراني كل مااأمر عندكم..وابي اشوفكم..امكم تتعذر
وين امج الحين
بيان..بارتباك/اميييي..نااييييمه..عمي..انا بسأل عن نيراااان..اختي عندك
بادي/هه هه هه..كانت عندي قبل شوي..ونااامت
بيان /عندك..صحيييييح..اشوه
سحبت عتيقه الجوال وانهت المكااالمه
مرت نصف ساااعة..طويله..وصعبه على ام علوي
فجأة..سمعو جرس البااب..قفزت عتيقه..وانتصبت اماام ..روان
وقالت تأمرها بشده/ يالله قوومي ..قاابلي خطيبج
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™