سـر الشـوقـ ؛؛؛ 7

™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™



جلست ام خالد بقرب ابنها عادل..وكتفها ملاصق لكتفه..وضعت يدها اليمنى على كتفه الايمن
ويدها الاخرى على ركبته..وهمست بحنان/حبيبي..موب تشوف
نفسك كبرت علي..ترى بتضل طول عمرك محتاج امك
يكون بعلمك اني أحترم اعتمادك على نفسك..لكن ماا
اتغاضى عن الخطاا
عادل..يقبل جبينها/ ومنو يقدر يستغى عن حنانج(ويضع رأسه على كتفها) الله
لايحرمنا منج..(ويقبل يدها)وان اخطيت
السموحه يمه(اكيد عرفت عن الورده والرساله من خواتي)؟؟
دخل ابو خالد..عقد حااجبيه وهو يرى زوجته تحتضن عادل/ خيييير .. مااخلصنا من ولدك بالليل
تكمل انت الناقص بالنهاار..والله حااله(ويهز راسه)!!؟؟..
ام خالد..تعلو شفتيها ابتسامه خجل/ مسكين معن..شكله فااقد امه حييييل
البارح ماصك حلجه من الصياح..خانت حيلي..على صوت واحد ..مااامي ..وماامي..قطع قلبي
ابو خالد/.ايييه..الله لنا!! معن الي مسكين ؟؟..و الفقير الي البارح ماحد عطااه ويه.!!.وانتفخ راسه من صياح البزر؟؟
وانت يابوي..مالك نيه ترجع حرمتك..من حق معن يتربى بين امه وابوه..وفي اسرة مترابطه
لاح شبح إبتسامه ساخره واهنه..على شفتي عادل/ بعض الامهات..مايستحقون شرف
الأمومه..وما يقدرون النعمة..ولو ابي ارجع جنان كان رجعتها،،لكن
في فترة زواجنا الي ماتتعدى خمسة اشهر..عرفتها على حقيقتها
(الخاينه..كيف قدرت تعيشني بوهم ..اني الحب الوحيد بحياتها)
ام خالد/ كنت حاااسة انك موب مرتاح ..لا دينك ولاا اخلاقك
بيسمحون لك تستمر مع وحدة مو من مجتمعناا..وشااايفه نفسهاا علينا
ابو خالد/شووف ياولدي !!الحياة الزوجية مو مبينه على عاطفة
ورومانسية وبس!!لكن على مسؤولية ..وارتباط ..ورغبة في الاستقرار
ام خالد باستغراب(تضع يدها على ذقنها)/ يوووو..وش هالكلام يابو خالد..رومنسيه وعاطفه..آآآه منك
تفكيرك صاير يخوف..؟؟
ابو خالد يميل ناحيتها ويهمس / تدرين ظبيه!! ولي خلق هالزين(ويشد جديلتها)ماافي قلبي غير غلاج..ولو
شقيتي قلبي من هني ( ويأشر لصدره).. بتحصلين حبج متربع فيه
ام خالد تضع يدها على صدر ابو خالد/ بسم الله على قلبك
عادل/ آآآآآحم
ابو خالد/ الااا خالد وينه؟؟اليوم ماشفته في المسجد .وسيارته بنفس الموقف من الفجر
ام خالد واضح في صوتها الخوف/ مو من عوايده..لازم يمر اوعلى الاقل يدق نهار الخميس
قلبي ناغزني عليه واتصل عليه مايرد..وتلتفت لعادل..قوم شوفه بشقته
يمكن مريض ولا فيه شي
عادل / او يمكن نايم بحضن زوجته..ويحلم احلام ورديه..وانتو تحااتونه
ابو خالد/ جاااان قالي ابو سعد..و جاااان ما فاااتته الصلاة في المسيد
عادل / ان شاء الله وانا طالع بمر على شقته واشوف..ويهمس لامه..يمه
ابيج موضوع خاص
ام خالد بحماس/ ياعل عيني مااتبجيك..تراني حااسه فيك
بس انطرك تكلم او تلمح..جنان بدالها شيخه البنات.(ابتسم عادل بسعاده..امي شكلها بتوافق اتزوج فرح).و
اكملت ام خالد بنفس الحماس/بشرى بنت خالك محمد..جمال وادب
واخلاق..وخالك موب محصل احسن منك ..و
قاطعها عادل معترض بحده/ لااا ..يمه ولي يعااافيج..افهميني.. في بالي بنت معينه
وبصراااحه احبهاااا..وعندي رغبه قويه للارتباط فيها ؟؟
ابو خالد بغضب/ اسمع كلام امك..هي ادرى بمصلحتك..كفايه اخترت اول مرة وفشلت
ولا ناوي تعيد التجربه..اي حب اي خرابيط..الحب الي بعد الزواج هو الاقوى والادوم
عادل/لنفرض اني تزوجت بشرى وما حبيتها ولا حبتني إطلاقا..فالنهاية
الأكيدة الانفصال ..لابد من وجود الحب او الإعجاب بين الاثنين أولاً
لينتهي باالارتباط..والاستمراريه بعد الزواج
ام خالد/ وانا اخترت لك بشرى لانها اكثر وحدة تناسبك..والبنت منا وفينا
وبزواجك منها.. بتقوى العلاقه بين العايلتين
عادل/هذا اختيااري الخاص للزواج..مو مجامله للاسرة على حسااب سعادتي
رنين جهاز عادل النقال قطع حوارهم
نظر عادل لشاشه الموبايل ..رقم غريب.. بعد ان نظر للساعه..الثانيه والربع
رد بثقه / الوو..نعم
خالد بحذر/ عادل..انا محجوز بهيئه الامر بالمعروف والنهي عن المنكر
تعال بسرعه..المبنى الي وسط السوق
عادل..عيناه تدور وتتفحص بوالديه قبل ان يرد/ طيب ..طيب !!الحين جاي
(الله يستر..وش مسوى حتى يمسكونه الهيئه)
ام خالد شعرت بالخوف من المكالمه..وباحساس الام بالخطر المحدق بابنائها/ عسى ماااشر..خالد فيه شي؟؟
عادل بارتباك/ لااا ..هذا مو رقم خالد..عندي شغل ضروري..لازم اطلع الحين
وخرج مسرعاً

في غرفة البنات..سمر تضع بخاخ سبري على كل خصله من شعرها قبل ان تلفه بالرولات
سمر/ اوووف من هالشعر..ماينلف الا بتعب..ولا ينرفع الا بتعب
وموكل القصات تناسبه..تعب والله تعب
هند/ تحمدي ربج..ناس يتمنون هالشعر موب محصلبنه
سمر بملل/ تعالي ساااعديني..بدال وقفتج بدون فايده
هند وهي تمسك خصلات من شعر سمر/هههه ياا حظ نبيل بهالشعر..شكله بينهبل الليله
فقدت سمر اعصابها وشدت شعرها من هند وقامت بفتح الفات بعصبيه
ضفي وجهج احسن.. مااابي منج شي..والتافه مايستاهل اتعب نفسي عشانه
وإرتمت على سريرها وانخرطت بنوبه بكاء حاده ..حتى غلبها النعاس



™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™

إن قدرة سمر في علاقتها مع نبيل على بذل الحب.. وتلقيه
تعتبر إنعكاس لشعورها تجاه نفسها..فهي تميل للحساسيه
ومتهيجه عاطفياً.. وبحاجه لحب اكثر..لتعزز ثقتها بنفسها
بينما طيبة نبيل الزائده ولا مبالاته جعلتها تشعر بالاحباط
لانه بنظرهالا يعرف .كيف يبادلها نفس المشاعر
بل يكتفي بالجلوس بعيداًوالاستماع..والموافقه..بدون نقاش
..كانت هند تمسح على شعر سمر../سموره حبيبتي..ليش انتي حساسه بزيااده
عشان خاااطري لا تزعلين مني..ويالله قومي لبسي واستعدي..نبيل على وصول
دخلت ام خالد على بناتها ودهشت من شكل سمر/ سمر!!؟؟ مااالبستي للحين؟؟
يالله بسرعه لبسي.نبيل برا..وريني اشوووف..(ورفعت وجه سمر للنظر بعينيها مباشرة)ليه ياا قلبي
هااا الدموع.. زعلانه من نبيل..عشانه حدد موعد الزواج بدون مايشاورج؟؟
سمر بضيق..تمسح دموعها/ مااا فيني شي..ابوي موجود؟؟
هند/ شتبين بابوي ؟؟..عندج نبيل ..هو الكل بالكل
دخلت نجود وهي تبتسم/ ياااا ويل قلبي!!سمر ..اذا ماا تبين نبيل انا باخذه
توني اكتشف انه خقااااق..يخرب بيته من وين ياب هالزين كله
هند تغمز لسمر وتضربها بخفه على كتفها/ هااا ..شي يغطي على شي
سمر/ وانتي وين شفتيه يالنزقه..لايكون طلعتي قدامه بدون عبايه؟؟
نجود/ ههههههه..طليت عليه وهو يسلم على امي
يمه.. متأكده ان الي برااا نبيل ولد العم؟؟
ام خالد..وجهت نظرة تحذير..واشرت لها/ يالله استعجلووو..هند ونجود روحو المطبخ..جهزوالشاي والقهوه والحلا
وطرشوها للمجلس مع محمد..وانتي خلصي وتعااالي ما ابيج تتاخرين
واقتربت من سمر وهمست / سموره.. لاا تسمحين لنبيل يحاول .. يمارس اي من حقوقه الي مااتجوز الا بعد العرس
انتي فااهمتني.. صح؟؟
سمر بابتسامه واهنه..(لا قبل ولااا بعد..شكله مثل الحيط لا يهش ولا ينش) وتهز راسها بالموافقه
اكملت سمر لبسها ووضعت لمسات خفيفه من المكياج
دخلت المجلس بكل هدوء..سمر بصوت ناعم/ السلام عليكم..عندما رفعت راسها لتنظر لنبيل..خفق قلبها بشده
كما عهدته دائماً..جذاب ووسيم ..بشكل ملفت للنظر
اطول وانحف منهااا بكثير..لدرجة تشعرها بعدم التكافؤ


تقدم نبيل منها وقبل جبينها ..وقدم لها سله كبيرة ملفوفه بورق سولفان شفاف
اشتعلت سمر غضباً عندما رأت محتوى الهديه..دب أسود بحجم كبير..يحمل قلب باللون الاحمر
وبجانبه ورود ناصعة البيااض
ترقرقت الدموع بعينيها..وضعت السلة جانباً
وقالت بصوت متهدج/شكراً..كللك ذوق
(وشماته)
عادل بابتسامه سااحره وساخره/امي قالت..لازم ماتروح لهم ويدك فاضيه..وانا مطيع..ماارفض لامي طلب
ام خالد..وهي تستعد للخروج وتركهم لوحدهم/ ام نبيل..راعية واجب..هي ام السنع والذرابه..الله لايخلينا منها
(خذ راحتك يا ولدي...البيت بيتك..ونظرت لسمر..نظرة ذات معنى..(لاتنسين الي وصيتج
طالت فترة الصمت..رفعت سمر بصرها ..لتفاجأ بانه..يحدق بها واسنانه مطبقه على شفته السفلى
ارتجفت سمر من منظره..وكأنه متحفز لمعركه..قالت بتردد/انا..اا..اناغلطت بحقك..ولازم اعتذر..انا اسفه
سكت نبيل للحظات..ثم وقف وتقدم خطوتين ..حتى اصبح امامها مباشرة/ شنو يدفعج للاعتذار الحين.. وين غرورج وحبج للسيطره
نكست سمر رأسها(اول مرة يتكلم معها بهذة الطريقه المستفزه)شد سمر من معصمها لتقف بمواجهته
وضع يده برفق على كتف سمر..واليد الاخرى وضعها تحت ذقنها
رفع راسها لترى شوقه اليها/ حبي ..؟؟
احتضنها بحنان..صدمت باعماقها من تصرفه..لم تستطيع مقاومة جاذبيته
فجأة..دفعته بعيد..وقالت بانفعال واضح/ لااا ياا نبيل.
.على اي اساس حبيتني ..يعني تركت بنات الدنيا وحبيتني انا، والاامك داعيه عليك
أتوقع اننا مو مناسبين لبعض..ابد
شعرت بيديه القويتين تحيطان خصرها ..حاولت الابتعاد عنه
لكنه كان يمسك بها بحزم..قربها منه اكثر..ثم قرب فمه من اذنها
همس برقه/ لو الامر بيدي..فأنتي ما تستحقين اي اهتمام
ألألم الي سببتيه لي..خلاني مو قادر ابدأ حياتي من حيث أنتهينا
اكتشفت اني لازم انتقم..واحطم حياتج..وادمر كل معاني الحب
اما عواطفي المنهكه..فما اعتقد انج تبالين بها ابداً
اغمضت عينيها لتتجنب النظر بعينيه التى بدأت تضيق ويزيد لمعانها
دخل محمد..ووقف يشاهد منظرهما..الذي يوحي بأنهما متيمان ببعض
عندما انتبه نبيل لوجود محمد..قبل شفتي سمر بخفه..وتراجع للخلف
ترنحت سمر ..وسقطت على الكنبه التي خلفها مذهوله..ومستأه من تصرف نبيل الغريب
رفعت رأسها لمحمد..الذي غطى عينيه بكفيه وهو يقول/ ماا شفت شي...مااشفت شي
نبيل / عااادي حبيبي حمودي..الرجال وحرمته تصير بينهم مواقف حميميه..مثل الي شفتها الحين ..واكثر
بعد ان انسحب محمد خجلاً..أحست بدموعها الساخنه تنهمر على خديها
إجتاحتها سحابة غضب..فوقفت أمامه..واخذت تضرب بكفيها على صدره
انت باي حق تتصرف معاي مثل هالتصرفات
مسك نبيل كفيها وارجع يديها للخلف..وقال وهو يصر على اسنانه/ هذي اخر مره اسمح لج ترفعين يدج..فاااهمه
سمر بحده/ اشك انك تقدر تسوي شي..لانك مجرد انسان تااافه
ندمت على كلامها.. واستفزازها لنبيل..لانها اثارت جنونه
لف كفيه حول عنقها..وضغط على حنجرتها بقوة..فلم تستطيع التنفس
(هل سأموت بهذه الطريقه)
اخيراً ابتعد عنها..وهو يقول/ لا تحااولين تستفزيني مره ثانيه..والا ماراح يحصل طيب..ماقدر اضمن ردة فعلي
توجه للباب الخارجي..والتفت لسمر وهي تسعل/ سلمي على عمي ..وعمتي





™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™


عند الساعه الثانيه ظهراً..دخل علوي للمنزل هائجاً مثل البركان
دفع الباب بقدمه اليمين..وصرخ / عتييييييييقه ..وينج يااااساس البلا
خرجت الجازي تفرك عينيها/ علوووي ليه تصارح..كلهم نايمين
دفع الجازي عن طريقه ودخل غرفه البنات وصرخ / ايماااانو ياالـــــ
رفعت ايمان اللحاف لتكشف عن وجهها/ نعم..يالله صباح خير
اندفع علوي ومسك شعر ايمان وشده بقوه/يا بنت الـــ
.عتيقه ماااعرفت تربيكم..انتو يبيلكم ريال يشكمكم يا سواد الوجه
قوووومي ..ابيج لابسه عبايتج وواقفه عند الباب..ولا والله
مايحصل لج طيب..ويرميها على الارض
توجه لغرفه امه..دفع الباب بعد ان طرقه مرة واحدة وبقوه
علوي..يتأمل عتيقه وهي نائمه بكل هدوء ( لو عندج ذره من احساس الامومه
مانمتي مرتاحه عقب الي صار..واحسن اني حصلتها نايمه..وما صحت تتصل على العالم وتنشر الفضيحه )ومد
يده وحرك كتف عتيقه وهو مشمئز منها/ هييه..عتيقه ..هيييه
فزت عتيقه من نومها.. بعصبيه/ خييييييير..علووي؟؟وش جااابك مبجر..بالعادة الخميس مااتشرف هاالحزه
تعلو شفتي علووي ابتسامه ساااخره/ نااايمه ..والغراب ينعق
عتيقه / الغرااااب يابته امك!! شعندك ؟؟قوول وخلصني
علوي يرفع سبابته امام وجهها/ الحين تطلعين انتي وايماانو
وتعتذرين لخالد..وتحلين المشكله بشكل ودي
عتيقه تقطب جبينها وتدفع يد ه بعيداً عنها/ نعم !! نعم..وشوووو..ماااسمعت
ماابقى الا انت يالفقس..تعلمني شغلي؟؟
علوي بثقه/ شووفي..لو ماسويتي الي اقول عليه..ماراح تشوفيني بهالبيت
قاطعته عتيقه بحنق/ ياااالنذل ..تبي تساااوم امك ..انت حقير وسافل..طالع على ابوك وعمامك
علووي ببرود/ تربية ايدج!!..خمس دقايق لو ما شفتج عند الباب !! باخذ ايمان بروحها
عتيقه/ وانت شدراك عن الي صار..ووين بتاخذ اختك؟؟
علوي/ توني ياي من هيئه الامر بالمعروف..هم اتصلو علي واستدعوني
بصفتي ولي امر ايمانو ..واخوها الوحيد..وطلبوهاعشان يحققون معاها
عتيقه بحقد/ هذول شيبون..انا الي مقدمه البلاغ..وهم شاااافوه يايبها من برى
وهي اعترفت انه اعتدى على شرفها
علوي/ خالد انكر..وطلب يسون فحص لايمان
عتيقه/ وشوووو..؟؟ لااا موب بكيفه..اهو غلط ولازم يتحمل نتيجه غلطته
علوي بملل/ يوووو..نقول لها تيس.. تقول حلبوه.. لو ماانهيتو الموضوع..بتكبر السالفه
وسااعتها بيوصل الموضوع لعمي بادي..وانتي تعرفين شنو بيسوي عمي
لو درى عن الفضيحه؟؟
فكرت عتيقه قليلاً ..ثم دفعت علوي لخارج غرفتها وهي تقول/ انطرني في السياره.. دقايق..بس ابدل
واروح معاكم اتنازل عن البلاغ
(مو مشكله ..ماصابت هالمرة.. الجاايات اكثر)


™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™


وصل عادل لمكتب هيئه الامر بالمعروف والنهي عن المنكر..سأل العسكري الذي يقف عند المدخل
عن مكتب التوقيف..فأشار له للمكتب رقم ثلاثه..شكره وتوجه للمكتب مباشرة
حضن خالد..وشد على يديه..وهو يسأله عن السبب
خالد/ ياااخوي.. وربي خدعه ومدبرتها ام علوووي وأصغر بناااتها
وحكى له عن كل الذي حدث بالتفصيل
عادل بقهر/ الهمج..والله مااا خليها تعدي لهم على خييييير..والبنت وينهاا..حولوها للفحص؟؟
خالد/ للحين..كلمت علوووي..وشرحت له الوضع..ووعدني انه يحضر امه واخته ..ويتنااازلون
عادل/ يعني البنت مااا مسكوها ..ليييييييه..المفروض هي معااك
خالد .. ويده تتخلل شعره الناعم..اووووف..متى ينتهي هاااالكابوس
دخل شيخ ذو لحية طويله بيضاء ويلبس بشت بني..ومعه عسكري يحمل سلاح
جلس الشيخ خلف المكتب..وفتح احد الملفات التي اماامه/ هاا يا أخ خالد...ماااعند ك اقوال اخرى
هز خالد رأسه بالنفي..تكلم عادل/ شلوون مااا يمسكون البنت ..مو هي ويااه..والمفروض تكون بنفس وضعه
الشيخ/ لاااا ياابني..الفتاة..لها وضع خاص..لان والدتها هي التي قدمت البلاغ
عادل بعصبيه/ وقسم..انهم طابخين الطبخه مع بعض
الشيخ/ كثرت المصائب في هذا الزمن..بسبب الابتعاد عن تعاليم دينا الاسلامي
كان خالد ..يتحدث مع عادل والشيخ..بكل ادب ووديه..حتى دخل علوي وخلفه
عتيقه وإيمان...علوي/ السلاااام..جبت اختي ..عشان تقول كل الي حصل
وامي عشااان تتناااازل..ونحل الاشكااال بدون تعقيدات
وقف عادل..متعصب/ ومن قااال بنوافق على التنااازل..الاجرات بتمشي حسب القااانون
ونبي فحص يبين اذا كانت البنت عذراء ولا لاااا
عتيقه بصوت مرتفع/ عشتووو..وانت وش دخلك..الموضوع مااايخصك
فقد عادل اعصااابه..وحاول يمد يده على عتيقه..وقف خالد بينه وبين عتيقه..ودفعه بعيد عنهااا
خالد../عاااادل..لاا تخليني اتحسف اني نااديتك..نبي السااالفه تنتهي وخلاااص
عادل/ لاااا ياخالد...يرمون بلاهم عليك وتسكت..مااارضااها على اخوي
الشيخ/ احب ابين لكم..انه اذا تم فحص الفتاة..وكانت بكراً..فقد يكون هناك تهمه الصحبة بدون محرم..وهذه عقوبتها
السجن من سته الى ثمانيه اشهر للاثنين..والجلد كذلك
خافت ايمان من كلام الشيخ..ونكست راسها خجلاً
عتيقه/ ياااامال الماااحي..عيال ظبيه مستقوين..جعلهم الضاارب..بنتناازل.. موب خوووف منهم
لكن على مستقبل بنااتي ..لو صااارت شوشره على سمعتهم..منو بيتزوجهم
هز الشيخ راسه..قرب الاوراق من طرف المكتب..تقدمو للتوقيع
وقع خالد..وعندما رجع وجد ايمان اماامه..مسكت كفه متعمده..ثم وقعت
وبعدهاا عتيقه..وعلوووي..وخرجو ..جميعاً من هيئه الامر بالمعروف
في سيارة عادل..طلب خالد من عادل ان يصله لشقته ..حتى يغتسل .. ويحلق..ويبدل
عادل/ لاا تنسى تمر على الوااالده..تراها تحااتيك
خالد/ اذا خلصت ..بمر على عيالي ..ثم اروح اتعشاا وانااام عند الوالده
عادل بمزح/ افاااا..ياخوي..بتبدي حرمتك على امك..هههههههه
خالد/ لا والله امي محد يجي مكاانتها...بس في إشكال مع سعاد..بحاول احله
عادل/ لو زوجتك شمت خبر عن الي صار اليوم..بتقوم الدنيا عليك
خالد/.الله يستر..بقولها بنفسي قبل ماا تسمع من برى
عادل يوقف سيارته امام المبنى الذي يسكن به خالد/ الله يوفقك..ويسهل امورك
خالد وهو يفتح باب السيارة لينزل/ وانت ..الله يعوضك ببنت الحلال الي تعينك على دينك ودنيتك
وتساعدك بتربيه معن..بس انتبه وشيك عليها قبل ماتدبس فيها,,لاتصير غيوره..وتنكد عليك؟؟ههههههه




™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™



في منزل فواز وخلف الباب الحديدي الاسود..كانت فرح تجلس على العتبه الصغيره
تستمع تلاوة إمام المسجد..بدل والدهااا..لصلاة العشاء
هبت نسمات بارده..فارتجفت فرح ..ولفت ذراعيها حول نفسها
ثم دخلت لجلوس مع ام الخير ونوره
ام الخير/ وينج حبيبتي.. خلصنا صلاة وماا شفناج
فرح بحزن / خااالتي..اللحين ابوي وش تهمته بالضبط
ام الخير/ ابد..حسب كلام بشير لما جابني عندكم..ماعليه اي شي
مجرد مايمسكون السياره والعمال الي حملو فيها اثاث المدرسه الجديد
ابوج بيطلع منها زي الشعره من العجينه
نوره ودموعها لم تتوقف منذ سمعت بالخبر /واذا ما قدرو يمسكونهم..وش ذنب فواز..هو وش دراه عنهم
ام الخير/ يااابنت الحلال ..اكيد بيمسكونهم ..وين بيروحون؟؟.. تريلا وش كبرها
وين بيقدرون يخشونهاااا؟؟
فرح في بالها الكثيرمن التساؤلات/ يعني السيارة الي فيها الاثاث ..موب مرخصه..ولا هي تبع شركه
مخصصه للاثاث
ام الخير توضح لهم / لما فواز فتح بوابة المدرسه..دخلو االعمال بعض قطع الاثاث للساحه
وأذن الظهر..خلاهم فواز وراح يصلي..ولم رجع بعد الصلاة
ماالقى السياره ولا العمال..وحتى الاثاث الي نزلوه..رجعو حملوه وياهم

فرح/ يعني ابوي ماعليه اي مسؤليه..ليش حاااجزينه..ولا هي تبلي وخلاص
ام الخير/ اوامر سالم السالم..راعي الحلال
يعله ..للنار..يارب مايمر عليه يوم الا وهو شايف عقوبه من الي ماتنام عينه
فرح بضيق/ خاالتي..ليش تدعين عليه..كفايه تقولين.. حسبي الله ونعم الوكيل
رفعت نوره كفيها مع ام الخير/ حسبي الله ونعم الوكيل..الله على الظالم

وبعد الساعة التاسعه..كما اعتدوا دائماً..كانت نوره تستمع لبرنامج على اذاعه القران الكريم
ودخلت ام الخير لغرفة فرح..وجدتها تقرا في مجلد فقه السنه
ام الخير/ فرووحه..يا قلبي..ماتبيني اكمل لج الحزايه؟؟
فرح اغلقت المجلد..ورفعت راسها لام الخير/ خالتي .. اليوم موب جايني نوم ..البيت مظلم من غير ابوي
ام الخير/ الله يرجعه لكم بالسلامه..بس احنا وين رحناااا..ما نسد
فرح/ الله لايحرمني منكم ياارب
تمددت ام الخير على فرشتها ونادت فرح..اقتربت منها فرح ووضعت راسها على كتف ام الخير
واستمعت لباقي الحكايه..صلي على النبي..عليه افضل الصلاة ةالتسليم

عاش الشيخ التاجر مع زوجته وبناته الثلاث في القصر..بكل هدواء..ومرت الايام والتاجر
يتردد مع بناته الثلاث للشيخ الي يعالج بالقران ..ولاحظ تحسن في حالات بناته
بس استصعب طلعتهم كل يوم والثاني من القصر للبيت الشيخ
فصار يحضر الشيخ بنفسه للقصر ..ويقرا على البنات ..ويعطيهم ماء مقري فيه ..او زيت يدهنون فيه مكان الالم
توطدت العلاقه بين الشيخ والتاجر..حتى صارو مثل الاخوة
كان التاجر ..رجل طيب..ويحب الخير..فتح قصره للكل ..ووظف الكثير من معارف الشيخ بأجر مرتفع..إكراماً للشيخ ذاته
شاء الله وتوفيت زوجته قبل بناته..فأحتاج التاجر لسيده تعتني ببناته ..لم يفكر بالزواج
لان عمره فوق الثمانين..تعرف عن طريق زوجة الشيخ المقرئ بممرضه من بلد عربي
ووظفها عنده براتب مرتفع..للعنايه ببناته المعوقات..واظطر ان يجعلهاتعيش معهم في نفس القصر
وكان لابد له من الاحتكاك بالممرضه عند دخوله للاطمئنان على بناته
وقع التاجر العجوز بحب الممرضه الشابه..فتزوجهااا..وقضى احلى ايام حياته معها
فقد تفننت الشابه بإرضاء نزوات التاجر..وقدمت له قلبها على كفيها
واعتنت ببناته الثلاث ..خير عنايه..حتى صارو لا يستغنون عنها
لكن سعادة التاجر العجوز وبناته..لم يكتب لها الاستمرار..فقد علمت خالة البنات بزواج التاجر
وخافت على بنات اختها من زوجة ابوهم..ودخلت القصر لتحول حياتهم لجحيم
التاجر..رحب بأخت زوجته المتوفيه وخالة بناته.المعوقات.وابنة عمه بنفس الوقت
..وخصص لها الجناح الغربي من القصر
بينما اتخذ الجناح الشرقي له ولزوجته الشابه وبناته..لانه اكبرواوسع ...ويطل على البحر مباااشرة
الخالة كانت شديدة الحقد.. لجئت للسحر والشعوذة للتفريق بين التاجر العجوز وزوجته الممرضه الشابه
واستعانت بأبنها المتكبرالظالم..الذي حاول ان يتزوج من واحدة من بنات التاجر المعوقات ..للإستيلاء على املاك التاجر
صارت الحياة بالقصر لااا تطاق ..بسبب السحر..واتهم التاجر زوجته الشريفه بالبغاء ..لانها حامل
قاطع التاجر كل اصحابه ..ومنهم الشيخ القارئ..وصار يرى احلام مزعجه
ويحكي للخدم عن معاناته اليوميه حتى يستطيع النوم
فقدمت له احدى الخادمات ..علاج شعبي ..يساعده على النوم ويذهب الارق
فذوبه التاجر كله في زجاجه عصيركبيره..ووضعه قرب سريره ليشرب منه قبل ذهابه للنوم
في اليوم التالي..وجد التاجر وبناته الثلاث..قد فارقو الحياة..اثر تناول جرعة كبيرة من السم
اختفت الخادمه..التي قدمت الدواء للتاجر
وتوجهت اصابع الاتهام للزوجه الشابه..لانها المستفيده من موت التاجر وبناته
هربت الزوجه الشابه..ولكن ليس بعيداً.. لانها غريبه ووحيده
فبقيت تسكن عند خادمة ..تعرفها..داخل القصر..حتى ولدت بنت مثل القمر
وساعدها زوج الخادمه..باستخراج اوراق المولودة واثبات نسبها للتاجر
ورحلت الممرضه الشابه..لبلدها تاركه بنتها المولودة برعاية الخادمه وزوجها
بعد ان اوصتها ..بأن تبعد ابتها عن القصر..والسحرة الي فيه..خوفاًعليها

تثاوبت ام الخير ..والتفتت لفرح/ هاا حبيبتي.. النوده ما داعبت عيونج
فرح/ ماا قدر انااام..وانا افكر بابوي.. وشنو حالته الحين..نايم . ولا صاحي..عنده اكل ولا جوعان
وعسى مايرتفع عنده السكر ..ويتعب ومحد حوله..الله يكون بعونه
ام الخير/ والحزايه ما عجبتج؟؟
فرح/ خاااالتي..التاجر هو الشيخ منصور السالم ..صح
ارتجفت ام الخير(شدراها عن منصور) وردت بسرعة
اييييييه حبيبتي..بس اهو مات وبناته المعوقات ويايه بنفس اليوم..و انتي شدراج
فرح/ القصر شهرته ..مثل نار على علم..ومكتوب عللى القصرلوووحة وش كبرهااا
قصر الشيخ..منصور الـ سالم
واكملت فرح كلامها وهي مستمره بالتفكير..لا يكون ابوي هو الشيخ الي يقرا عليهم
بس انا من وعيت على الدنيا ما شفت ابوي يقرأ على احد غريب
وانتي ياااخالتي ..اكيد كنتي الخادمه الي ساعدت ام البنت..والعم بشير هو الي ساعدها وياج
تنهدت ام الخير بارتياح( آآآآآه..قطعت شوط طويل ..وقربت وايد من الحقيقه)تصبجين على خير حبيبتي
غطت ام الخير بنوم عميق..اما فرح فتقلبت كثيراً
ثم قررت الاتصال بسمر لتسألها عن احوالها وتطمئن عليها

خرجت فرح للصالة.. واتصلت على سمر..بعد رنتين ردت سمر ..بصوت متحشرج
سمر/ الوو..فرح...وينج محتاجه لج ولنصايحج بقوووة
فرح/ سمووره.. اختي الغاليه..وش صار..صوتج ما يوحي بأن الامور مشت زي ما تبين
سمر/والله ياااا فروحه..الا تعقدت زياده..ونبيلوو طلع موب سهل
جاب الاولي والتالي على راسي
فرح/ هههههه..عسى ما صار مضارب
سمر/ يوووو ..فاتج..الا صار خنق.(.وسعلت )..وبغيت اموت
فرح/ سموووره..هبلتي الريال..خفي عنه شوي
سمر/ هههههه..قررت من بكره ابتدي حميه شديده ..عشان اخف عنه
الاانتي غريبه صااااحيه يالدجاجه..وش صاير بالدنيا..لا يكون متضايقه من عادل
ولا كلام نجود..معليه ..مسحيها بويهي
فرح/ لا ..انا ماقدر ازعل او اشيل بخاطري من اخواني
السالفه ان ابوي ..محجوز..وانا متضايقه عشانه
وحكت فرح لصديقتها العزيزه عن والدها وسبب حجزه
واما سمر فحدثت فرح عن قصة خالد وإيمان...وكيف خرج بدون فضايح
سمر/ الله يرجع العم فواز بالسلامه
فرح/ آآآمين..يالله حبيبتي..صار لنا اكثر من ساعه نهذر..نشف ريقي
وانتي ماخلصتي سوالف..الله يساعد نبيل على طولة لسانج
سمر/ هههههه.. ليه انا هبله اوريه طولة لساني ..انا باخذه اول شي بالسياسه
وبعدين بالتدريج .. بخليه يتعود على سوالفي ..وما يقدر يستغنى عني
فرح/ ههههههه..تصبحين على خير ..يا ام السياسه
اغلقت..فرح من مكالمة سمر..وتمطت ..ثم رددت بعض الاذكار
ودخلت لتنام..سمعت جهازها النقال يرن ..نظرت للشاشه
فوجدت رقم بدون اسم..خفق قلبهااا..وتوترت
عندما تذكرت انه رقم..ياااسر الـ سالم


™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™