كاتب الموضوع :
احب الليل
المنتدى :
القصص المكتمله من وحي قلم الاعضاء
بسم الله الرحمن الرحيم
اقول اللي يبي القمرا وهو في حبها مولع
اما هي تنزله ولا هو لها يطلع
الا يا ململم اجروحك ومعزم لها تطلع
أخاف يطول عليك الدرب ومن نص الطريق ترجع
واللي هو مو قد الشوق لا يعشق ولا يهوى
لا يكابر ويقول اقدر مدام قليبه ما يقوى
لا تحسب ليالي الحب كل ساعه بها حلوه
ولا ظنيت كل واحد ترى يستاهل العنوه
مالك الا هذا الحل أي حل غيره ما ينفع
اما انك تهون ولا تروح لها وتخضع
راشد الماجد
سر الشوق؛؛؛ 5
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
سمر .. بعد ان غيرت ملاابسهاا..ذهبت للمطبخ لتسااعد في تحضير الغداء
سمر/ السلاام عليكم ..حموودي..شنو الي مااشفته
محمد/ ههههه.. لقطات من فلم..حب في المطبخ..ههههههه
سمرفهمت قصد محمد..وضربته على راسه بخفه/ وانت شمقعدك بينهم
استح على ويهك ..وفااارقنااااا
ام خالد وخدها متورد/ اقوول فااارقونااا انتو الاثنين
محمد يأشر على سمر/ ويووووو..طرده ..ويووو
ابو خالد / سمر..تعالي معاي .. ابيج بموضوع مهم
تبعته سمر الى غرفته.. جلس ابو خالد على الكنبه الوحيده بالغرفه
وجلست سمربطرف الطاوله الصغيره بقرب الكنب
ابو خالد بصوت هاادي وجدي/ عمج اليوم كلمني ..يبون الزواج في هالعطله
سمر بصوت متحشرج/ في العطله..يعني بعد شهر..لااا يبااا ..تكفاا حااول تقنع عمي
يأجل ..الين العطله اليايه
ابو خالد/ ياابنتي ..يااحبيبتي ..بعد مالي وجه آآجل زواجكم اكثر من جذي
صاارلكم خمس سنين ملكين ..وانتي تأجلين زواجكم
وعمج هالمره شكله مصر على رايه..وركز عينه بعين سمر..لانه حجز قاااعه
وجهز كل الترتيبااب ..الزوااج بعد شهر ولا يمكن يتأجل اكثر
نزلت دمووع سمر ساااخنه على خديها/ ونبيل ..وينه من هاذا كله
عمي ومرته يتكلمون ويتحكمون بحياته وحيااتي معااه
تكفى يبااا..اذا مااتقدر تأجل ..خلااص اطلب الطلاق
ابو خالد ..بصوت مرتفع/ لااا عاااد اسمعج تطرين الطلاااق
هذا ولد عمج..موب زينه بحقي ولا بحق عمج انه يطلقج
سمر وهي تقبل يد والدها/ يبااا..نبيل عقليته متحجره
وشخصيته ضعيفه..ماقدر ت اتحمله
وقت زياراته لناا..الي مااتتجاوز اربع او خمس مرات
ابو خالد/ هاذاج قلتي بنفسج..مااقعتدي ويااه الا كم مرة
ماا يمديج تتعرفين عليه ..بعد الزواج بيتصلح كل شي
سمر..وقد تحول بكائها الى شهقات متواصله/ اناا موب صغيره عشاان ماقدر
اعرف شخصية الي قدامي من اول حوار بسيط بيناا
ونبيل اناا عارفه شخصيته من وحنا صغااار..تاااافه
ابو خالد/ زييييين انج عارفه انج موب صغيره
الي بعمرج متزوجين وعندهم عيااال ..وين بتحصلين مثل نبيل
..كفاايه انه نااطرج بالاول لين خلصتي دراسه
وبعدين خمس سنين تاجلبن بدون سبب مقنع
قوومي غسلي ويهج...لاا تشوفج امج تصيحين وتسوي لنااا ساالفه
عرفت سمر ان الموضوع الذي تتهرب منه ..قد اصبح قرييييب
!!ولا تستطيع منعه او تأجيله
تجمعت الاسره حول سفرة الغداء
ام خالد/ سمو بالله..وقربت صحن البطاطس المقلي لابنهامحمد..وهي تسترق النظر اليه..بين اللحظه والثاانيه
نجود بعتب/ وانااا ..وين الباشميل الي قلتي بسوينه لي..حمودي من يطلب اي شي تسوينه له
وانااا لو اطلب شي..محد معبرني
ام خالد/ ان شاءالله على العشاا اسوي لكل واحد الاكله الي يحبهاا
هند / وعلي الكيك والفطااير
ابو خالد/ ليه.؟؟.عندكم احد على العشاا
ام خالد/ عادل ..فديته.. قايل بيمر عليناا بعد المغرب
ابوخالد/ سبحان الله ..هااالولد غير عن اخوانه.. احسه بلحااله
لا يتدخل بأحد ولا يحب احد يتدخل في اموره
ام خالد/ ليته يرجع يسكن عندنا.. بدل ماهو عايش بروحه
ابو خالد/ يمكن يبي يرجع زوجته..ويرحم حال ولده بدل ماهو متشتت بين امه وابوه
هند/ انتو من صجكم..يترك شقته الفخمه..ويرجع للحاره ..مستحيل
سمر/ لو شاااايفه قصر الـ سالم ..شبتقولين...خياااااال..ولااا عمري شفت زيه ولابالفلام
ابو خالديعقد حاجبيه/ وانتي وين شايفه القصر؟؟
سمر/مع العم فواز ..رحنا معه..نوصل بنتهم ناهد
التفتت لمحمد/ حمودي فاااتك !!عندهم سياارةشيييييي
فخمه بمعنى الكلمه..ماعرفت نوعهااا
محمد/ همر..ولا لكزس
سمر/ اقولك ..مااعمري شفت مثلها
هذول صاار عاادي نشوفهم في شوارع الحااره
هند/ اكيد عندهم اكثر من سيااره..على الاقل خمس او ست
ابو خالد / الحمد لله.. ظبيه تعااالي الغرفه ..ابيج بموضوع مهم
ام خالد وهي تنظر لمحمد/ ان شاءالله..بنات اذا خلصتو ارفعو السفره
واذا جا خالد صحوني اغرف له غداه
محمد/ ..بتناامين؟؟
ام خالد/ ايييه ..عندك مااانع؟؟
محمد يحرك حاجبيه/ ناامي في الصاله..مثل كل يوم..ولااا ابوي ماايرضاا
تجااهلت ام خالد كلام محمد.. دخلت للمطبخ.
وخرجت لغرفتها وفي يدها صحن مستطيل الشكل
فيه كاس شااي وكاس ماء..وفي يدها الاخري علقت الكيس الذي احضره ابو خالد
محمد يتبع امه بنظراته ..هند/ احسن قوم وراهاا ..ياالبزر
نجود/ واااااه ..بزر ..واااه
محمد وقف وهو يقول/ اخر واحد يقوم ...يرفع السفره...واااااه
نجود/ لاااا ..غش...مااقلتو من اول
وضعت ام خالد الصحن امام ابو خالد..وجلست على طرف الكنبه
ابو خالدبعد ان نفض السيجاره في المنفضه/ تسلم ايدج على هااطبخه..بصراحه مسكته
ام خالد/ فيه العاافيه
ابو خالد / اخوي حدد موعد زواج نبيل وسمر ..بعد شهر تقريباً
ام خالد مندهشه/ ليه مااا شااورونااا..؟؟وسمر درت عن الموضوع؟؟
ابو خالد/ احسن انه سوى كل شي بدون ماايشااور سمر..كان متأكد انهااا بتأجل زي كل مرة
ام خالد/ يعني خلاااص رتبو كل امورهم..من قاااعه وسكن واثااث
ابو خالد/ ماابقى الا تجهز نفسهاا .حااولو تخلصووون باقرب وقت
ابو خالد شاف الكيس وضحك/ هههه شفتي الي فيه ..حلووو صح
ام خالد/ والله كبرنا على قمصاان النوم .. شرايك اعطيه سمر عروس وبتحتااجه
ابو خالد بقهر/ وربي لووو ماااشفتج لاابسته اليوم ..لااتزوج واخلي الحرمه الجديده تلبسه
ام خالد بدلع/واااهووون عليك يابو خالد..وتهون العشره
ابو خالد وهو يفرك لحيته المصبوغه/ لا اا هو بالصراااحه مااتهون العشره..لكن انتوو الحريم
مااتجون الا بالعين الحمراااا
صوت محمد يطق البااب/ يماااه..خاالد يبي غدا
فزت ام خالد / خااالد ..يااقلبي على ولدي..شفيه جااي مبجر اليوم
ابو خالد يسحب اللحاف ويغطي فيه وجهه/ ظبيه ..لاا تنسين ؟؟صكي الباااب ورااج
خرجت ام خالد..في الصااله كان خالد متمدد..لما شاف امه وقف وسلم عليها وقبل رأسهاا
ام خالد بخوف/ يمه..عسى مااشر ..يعورك شي..ليش يااي مبجر اليوم ؟؟
خالد/ ماااشر ..الله يخليج لي..مستأذن عشان اخلص اوراق ..مي
وخلصتها من وقت ..قلت اجي لامي اتغدى واناام شوي
ام خالد/ حيااك الله ..اصلاًاناا اسوي غدا واحسبك انت وعادل وياانا كل يوم
ام خالد تكمل وهي متوجها للمطبخ/ بغرف لك غدا عشاان تلحق تنااام وتصحى قبل صلاة العصر
في غرفه البنات...هند تبحث في الدروج ..وفوق الطاوله
سمر / اوووف ازعجتيني شدورين
هند / ابي ورقه وقلم..ابي اسجل المقاضي الي ابيهااا من بنده
عشان اسوي الحلااا ..والفطاير
نجود/ في شنطتي قلم ..وخذي ورقه من اي دفتر
هند فتحت شنطة نجود وتفاجأت من الي شااافته داخل الشنطه
روايات رومانسيه..ودفتر اوتغراف بقفل
هند وهي ترفع روايه / نجوووود..من وين لج هاالروايات
ارتبكت نجووود/ هااااا..من صديقتي
سمر/احنااا ماااقلناا ..ان هااذي الروايات مااتصلح للي بسنج
والشي الثاني ..المدرسه موب المكاااان المناسب لتبادل مثل هاالاشياء
نجود/ شمعنا انتو تقروون الي تبون..واناا كل شي عيب وحرام
سمر/ يااغبيه احناا غييييير ...احناا كبااار..مو مثلج مراهقه
هند وهي بعد ترفع الاوتغراف/ وهذاا شنووو..وين المفتاح
نجووودتنط وتاخذ الدفتر من يد هند/ هااذا حق صديقتي تبيني اكتب لهااا
وفيه اسرار خااصه لنااا..مانبي احد يشوفهاا
سمر تجمع الروايات/ هذي الروايات ما ترجع معاااج للمدرسه
اناا بنفسي بجي لمدرستج ..واشوووف صديقتج..واعطيهااا هاالروايات
نجود/ لااا تبين تفشليني قدام صديقاتي
سمر / والي انتو تسووونه موووب عيب ومايفشل..تبيني اعلم ابووي
نجود تبكي/ لااا خلاااص.. اناا برجعهااا ..مايحتاج تجين مدرستي..او تعلمي ابووي
اكملت نجود لماا شافت علااامات الدهشه والتعجب على وجه سمر وهند
نجود/ هاااذي الروايات..من إيمان بنت ام علوي
سمر/ إيمااان ..هي معاج بنفس المدرسه؟؟
هند/ هااذي البنت..ماانبيج تمشين معاااها فاااهمه
سمر/ لحظه ..لحظه..والوتغرااف لها بعد
هزت نجود راسهاا موافقه...تبيني اكتب لهاا للذكرى
وضعت سمر الروايات والاوتغراف في كيس
سمر/ في شي بعد..يخص إيمان ولااا خلاص كذا
نجود طلعت كتااب ..وعطته سمر/ هاذا كتابهااا ..نسته امس في المدرسه
واليوم غاايبه..ويوم السبت علينااا اختبارريااضيات
سمر تصفحت كتااب الرياااضيات..فيه انواااااع الكتاابات والشخبطااات الملونه
رسمات قلوووب واسهم ..وحرفA ,K
سمر/ ههههههههه..شكلها تحب واحد بحرف الكي
هند/ هههههههه..يمكن الضفدع كااامل ..هههههه
سمر/ لحظه نشووف اسمهااا..إيمان سلمان البادي
هند/ خخخخخ حتى ابووهم على نفس الوزن..خخخخخ
سمر / بعطي امي الكيس توصله لام علوي..خلها تعرف حقيقه بنااتهاا
دخل عليهم محمد/ سمر..ترى خالد جاا تبون تسلموون عليه
سمر/ ايه والله من زمان ماااشفته..وبالمره اعطيه الرقم الي مزعج فرح
في الصاله كان خالد يتغدا..سلمو عليه سمر وهند ونجود وجلسن قريباً منه
سمر/ يمه هذا الكيس فيه اغراض إيمان سلمان البادي..عطيه امها لي شفتيهاا
ام خالد/ مااعرف احد بها الاسم
خالد/ ههههه ..بنت ام علووي
سمر/ خييييير وانت شدراك..ياويلك من سعاااد..ههههههه
خالد/نسيتي اني باالاتصالات..وكم مرة اتوسط لهم عشان يرجعون لهم الخط الثابت
عقب ماا يقطعونه عنهم
سمر/ ايييييييه..فرح يجيهااا رسايل مزعجه من رقم ماتعرفه
والعم فواز يبي اسمه
خالد ذهب ليغسل يديه وعاد ..اخذ جوال سمر ونقل الرقم
خالد/ ههههه حافظته باسم مزعج فرح..هههههه
خالد كتب رساله نصيه وفيها الرقم المطلوب..وارسلهاا لصديقه
بعد خمس دقائق وصلته رساله ..بأسم صااحب الرقم ..وباااقي ارقاامه
/منتد قسم من حي قلم الاعضاء
خالد/ ههههههههههه..ماااتتوقعون منهوو مزعج فرح
سمرتحاااول تقرب من شاشة جهاز خالد لتقرأ الرساله
خالد/ يالله منااك ..مااااعندنااا بنات يشووفون ارقاام.واحد مغازلجي.هههههههه
سمر بمزح/ انزين ياااخالد ان ماااعلمت عليك سعاااد
خالد/ ذكرتيني ..خلني اكلمهاا واعلمها اني سميت بنتهااااا ..مي
اتصل خالد على رقم سعاد مسجل عنده بأسم..نورالدنيا
من اول رنه ..سمع صوت سعااد..تساارع نبض قلبه .مشتاااق .. ذاب مع صوت سعاااد الناعم
سعاد/ هلااا حبيبي...؟؟؟
خالد بوله/ يااابعد عمري..وقسم العيشه مالها طعم بدونج..؟؟
خالد/ يمه ..عطيني سعاد لو سمحتي
...........
خالد/ انا وسعااد بنتفاهم,,عطيني اكلمهاا
..........
خالد/ هذا كلامج والاااا كلامها
............
خالدبحزن عميق /ابشري ..لج مااطلبتي,,لكن بنتي محد يقدر يمنعني عنهااااا
ضااقت الدنيااا بوجه خالد... ومحتااج يطلع يتنفس هواء نقي
ام خالد/ خاااالد..شفيك يمه ..ليش ويهك اصفر
خالد/ ماا في شي.. يمه بروح بيتي ارتاح شوي..تبون شي قبل مااطلع
ام خالد/ ودي انك تقعد عندي وتناام وترتاااح
و اذا تشوف راحتح في بيتك ..على راحتك يمه
خالد يقبل رأس والدته/ الجاايات اكثر يمه
ام خالد/ خذ الكيس بطريقك وده بيت ام علووي
خالد أخذ الكيس وخرج متوجه لبيت ام علوووي
محمد يناادي امه/ يماااااا ه ..ام علووي تبيج على التلفوون
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
ام سعد تراقب سعاد تلااعب ابنتهاا .. تارة تقبلها بين عينيها ..
وتاارة تمسك يدهاا الصغيره وتقبل داخل كفهاا
وتارةتلامس شفتيها بطرف اصبعها.. فرحة بطفلتهاا التي انعم الله عليهاا بعد طول انتظار
ام سعد/ هااذي الي البارحه تقول ...خله ياخذ بنته..بتقدرين تفااارقين حشااشه يوفج؟؟
سعاد/ امس كانت اعصابي متوتره وحسيت اني ممكن اكره بنتي لو سمااها ايمان
لكن بعد مااعرفت من ابوي ان خالد بيسمي بنتناا مي..رجعت
احبها اكثر من اول..و يمكن اتصل على خالد اتسامح منه
استأت ام سعد من كلام سعاد/ لاا تتساامحين منه ولا تنقصين من قدرج
تبين يكبر راسه عليناااا..خليه يحس بقيمتج ..وبيرجع هو بنفسه يعتذر منج
سعاد/ مافيها شي لو اعتذرت من زوجي..وحتى لو هو الغلطان
ام سعد/ تراج موب عااارفه مصلحتج..لو انتي الغلطاانه بحقه
اعتذري معليه..لكن هو الي يخوونج ويبج تنزلين راسج..ماايخساا الا هوو
سعاد وقد بدأت تقتنع بكلام امها/ يعني ماا اتصل ..ولا اعتذر
ام سعد/ طبعاً .. لاازم تكون عندج عزة نفس وكرامه
سعاد ..نزلت رأسها ..تحاول ان تخفي دموعهاا / بس ..يمه اناا احب خالد..ومشتاااقه له
واخااف يزعل مني ويتركني
ام سعد/ لااتخاافين..ماايقدر يتركج ..عشان بنتكم
و اذا جاا ولا اتصل لاا تكلمينه ..الين اعلمج
في نفس الحظه رن موبايل سعاااد..المتصل ..الحب خالد
سعاد تبتسم ابتساااامه عريضه وقلبهااا يرقص فرحاً
سعاد بدلع ونعووومه/ هلااا حبيبي ..وماا قدرت تكمل .. امها سحبت الموبايل منها
خالد ذاب من الشوق لما سمع صوت سعاد تدلعه
خالد بوله/ يااابعد عمري..وقسم العيشه مالها طعم بدونج
ام سعد/ دامك تحبهااا ..ليش تقهرهاا..ليش تخونهاا
ولا عشاانها سااكته ومتحملتك على بلاااويك
تدوس على قلبها..ولا تسوي لمشااعرهاا اي اعتباار
ا/ يمه ..عطيني سعاد لو سمحتي
ام سعد/سعاد مااتبي تكلمك او تسمع صوتك
خالد/ هذا كلامج ولاا كلامها؟؟
ام سعد/ اناا وسعاد واحد..هي علمتني الي صار بينكم..وصراحه انك غلطان
..وبنتي عزيزه نفس
ما تعلي من ذلهاا وحطهاا تحت..لااعاد نشووفك تطلب زوجتك او تتصل عليهاا
الين تترك هالسووالف عنك..وتعرف قيمة الجوهرة الي عندك
خالدبحزن عميق /ابشري ..لج مااطلبتي,,لكن بنتي محد يقدر يمنعني عنهااااا
اقفلت ام سعد الموبايل..واعطته سعاد/ اذا اتصل مره ثاانيه ..اثقلي ..مووب تخقين من اول كلمه..خلي عندج كراامه
سعاد..وكأنها تلقت صفعه ..تركتها محطمه../لييش يمه.. انااا احب خالد ومستحيل اعيش بدونه..ليش تبعديناااا عن بعض
ام سعد بكل ثقه/ ياالخبله ..كلهااا كم يوم وتحصلينه عندج ..يبوس يدج عشاان ترضين عنه
سعاد بقلة حيله/ مااااعرفتي خالد مثلي ..مستحيل يساامح الي يقلل من قيمته
وانخرطت في بكاااء مر..حسرة وندم
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
الفضول..سمة من سمات البشر...واذا زاد الفضول عن حده فأنه ينقلب ضده
فالفضولي يتدخل بجميع امور الغير وخصوصياتهم ويقحم نفسه
في امور لااتعنيه..ليثير الفتن والبلبله
عتيقه من دخلت بيتهاا..قاابلت التلفون والمفكره..واخذت تتصل على الاسمااء المدونه
وبالترتيب..تنشر المعلومه الجديده التي عرفتهاا عن نوره ..وفرح
عتيقه / الووو حمود ..وين امك
محمد/ موووجوده..تبينهاا
عتيقه/ طبعاً عيل ليش متصله..اسولف معك مثلاً
محمد/ انا مااعرف اسولف زي امي..لحظه بنااديهاا
عتيقه/ لحظه حمووود..ابوك موجود؟؟
محمد/ اييييييه ..ليش
عتيقه / امك شقااعده تسوي الحين
محمد/ ماااتسوي شي!!ليش
عتيقه/ مااابي اعطلهاا عن شغلهاا
محمد/ اصلاً الحين مااعندها شغل
محمد يناادي امه/ يمااااااه خاله عتيقه على التلفون
ام خالد/ السلاام عليكم
عتيقه/ وعليكم السلاام..حيى الله ام خالد ..اخبارج واخبار البناات والعيال
ام خالد/ بخير..الاخبار عندج..وين هااجه اليوم ..مالج حس
عتيقه/ سكتي يام خالد..عندي اخباار ..ولااا عمرج تتوقينهاا
ام خالد/ خير ..خييييير
عتيقه/ نوووره!!طلعت مسويه عمليه وشاايله الرحم
ام خالد/ يوو..مسكينه ..يمكن من زماان قبل ماانعرفهم
عتيقه/ لااا وبعد..طلعت فرح مو بنتهم..مثل ماا توقت اول ماااشفتهاا اكثرمن عشرين سنه
الفرق وااااضح.. الله مااا شفنااه
بس بالعقل عرفنااااه..من يصدق ان فرح ..بنت نوره وفواز..اكيد خااطفينهااا
او لاقينها في المسيد..او يمكن وحده عطتهاا نوره لانها يات بالحرام
ام خالد/ خاافي ربج يااامرة..واتركي اللقااافه عنج
انتي مااسمعتي عن علم الوراثه..وان الشبه يمتد لسااابع جد
يمكن عندهم احد من اجدادهم مثل فرح..وطلعت فرح تشبهه
عتيقه/ والله ماعتقد ان عاايلتهم فيها مثل فرح..لو للجد الخمسين
ام خالد/ عتيقه استري على مااا وايهتي..الله يستر على بنااتج
اشعليج من فرح..بتنااسبينهم انتي
عتيقه/ ماحب اشوف احد يغش الناس واسكت عنه
نوره وفواز مغترين بنفسهم ..والناس مخدوعه بهم..والكل يعمل لهم الف حسااب وهم مايستاهلون
ام خالد تحاول تكتم غيضها/ انا غلطانه معطيتج ويه وقاعده اسولف معااج
ترى لو سمعت نوره هالحجي بتزعل منج
عتيقه/ وانا بعد غلطانه الي فتحت لج قلبي ..وعلمتج بالاخبار
شكلج مشتركه معاها بالجريمه..ومو بعيده تكون فرح بنتج
ام خالد/ ههههههه جاان زين عندي بنت مثل فرح..ههه
وليش اعطيها نووره اربيهاا مع خواتهاا هههههه
عتيقه/ بس لو كنتي حملتي فيهاا بالحرام..يعني مو من زوجج..اكيد بتخلين عنهااا
ام خالد سكتت فتره ..تبي تستوعب..وصرخت في وجه عتيقه
ام خالد/ يااااا عل ربي يبتليج ..مثل مانتي تتبلين بالناااس ..حرام عليج
وش بتستفيدين من الفتنه الي بتسوينهااا بين الخلق..ام علووي تراني من الحين اقول لج
علاقتي بنوره اكبر مما تتصورين والي يرشهااا بالمااي،،ارشه بالدم
لو مااسحبتي الكلام الي قلتيه ببلغ الشرطه عنج
عتيقه باستهتار/ يووو ..خوفتيني بالشرطه..الشرطه لج انتي والعصابه الي وياااج
ام خالد/قد اعذر من انذر..وسدت التلفون..وهي مولعه من عتيقه
عتيقه سكرت من ام خالد ..واتصلت على ام سعد...ومااردت
رجعت للمفكره ..واتصلت على بااااقي الارقام
رن جرس البااب..عتيقه/ الجاازي شووفي من عند البااب بس لاااتفتحينه
ذهبت الجاازي ورجعت مسرعه لغرفه خواتهاا
الجاازي/ ايمااان .... لحقي حالد حبيبج عند الباب
ايمان كانت متمدده على السرير..وتقرأ روايه
فزت على طااري خالد/ الجاازي ..صحيح ..لااا تقصين علي
الجاازي / والله ..مااقص عليج رووحي وتشوفين
سرحت ايمان شعرهااعلى السريع..وخطت بالروج الوردي على شفايفها
وتعطرت من عطر ...مثير..وخرجت تتسحب للبااب
عتيقه كانت مشغوله بالمكاالمات ما سألت ولاا اهتمت
خالد كان ماد يده يطرق الباب..الذي انفتح امامه
خالد مد الكيس الي بيده من غير ماايرفع عينه/ هااذا لايمان من نجوود
طوولت يده ممدوده ..مافي احد اخذ الكيس..رفع عينه يشوف الي قدامه
تفاجأ بالجماال السااحر والانوثه المكتمله اماامه
ايمان مدت يدهاا وتعمدت ان تلمس يده/ خالد ..الله لاا يحرمناا منك..تسلم يااقلبي
خالد عرف ايمان من صوتها/ ايماان ..توقعتج ؟؟يعني..طفله
ايمان بدلع/ كل صغير يكبر..وانا كبرت عشاان احبك..واموت كل يوم الفين مره من صدك لي
خالد رمى الكيس الي بيده ومسك الباب وسحبه معه/ ايماان ..اناا متزوج واحب
زوجتي ومستحيل افكراخونها..مع وحده مثلج
وصك الباب ..تارك ايمان خلفه..تعض على شفتيهاا..غضباً
/منتد قسم من حي قلم الاعضاء
™`•.¸¸.•¤¦¤`••._.• ][ســ الـشـوقـ ـر][ `•.¸¸.•¤¦¤`••._.•`™
فرح..كانت تحاول النوم بعد مكالمة سمر وشكوااها من نبيل
..اغلقت هاتفها والمنبه وتقلبت على سريرهاا..لكن بدون فائده
تحااااول تتعمق بذاكرتهااا..لتجد مكان ذكرى القصر
او اي شي يتعلق به..وبوابته الضخمه..وبدون فائده ايضا ً
فرح / اعوذ بالله من الشيطان الرجيم..استغفر الله العظيم من كل ذنب عظيم
وصارت تردد بعض الاذكار الى ان غطت في نوم عمييييييق
استيقضت لتجد الساااعه الرابعه .. فزت مسرعه..صلاااة العصر
ابوووي وامي ليه مااا وعوني للصلااة؟؟ غريبه
وضعت يدهاا على قلبهااا..ابووووي..مستحيل يفوت الصلاااة
وتنهدت وهي تتذكر ان ام الخير عندهم..وفواز يستقر بالمجلس الى ان تذهب ام الخير
ونوره وام لخير اكيد مثلهااا راحت عليهم نووومه
اسرعت فرح للصاله..لتجد نوره وام الخير .. متقابلات ويتحدثن بكل هدووء
فرح بحزن/ يمه ..ليش مااصحيتوني للصلااااه
نوره/ ههههههه احنا صليناا ولله الحمد..وانتي ماااعليج صلاااة
فرح .. تذكرت انها قالت لنوره وام الخير عن المغص الي حسته بالسيااره وهم راجعين للبيت
وصار السبب موعد الدوره الشهريه..المنتظمه بموعدهااا بالتمااام
فرح وهي تحك راسها/ اوووه راح عن بالي..ههههه
خفت وطاح قلبي لما شفت الساعه اربع وما صليت العصر
نوره/ هههههههه..تذكرين ياأم الخير..اول مره جتها الدوره
وعرفت انها مايصير تصلي..صاارت تصيح..كل وقت صلاة
وتقول اكيد ربي ماايحبني وبوديني الناار
لييييين تعودت على الوضع وعرفت ان هاذي حال كل البنات
فرح/ هههههههه وللحين ..احس بالنقص والغربه..بدون الصلاة
و اسلي نفسي بالحديث والاذكار..بروح ابدل وراجعه لكم
نوره/ ترى سمر دقت عليج اكثر من مره
فرح/اشووه اني مقفله موبايلي..ولا جان ماخلتني انااام
فرح بعد ما اتحممت وبدلت ..فتحت موبايلها..وصلت لها رسائل
اتصالات من سمرو ارقاام غريبه
رجعت فرح بعد نصف ساعه وقد لبست تنوره بقصه جميله...وبلوزه لونها اصفر لاامع.
.نص كم والياقه مرتفعه قليلاً ومفتوحه بشكل سبعه
سلمت ودخلت للمطبخ ..لتعمل اي كيكه حسب المقادير الموجوده
جمعت الموجود..طحين بيضه..زبادي.زيت..بكم بودر..فانيلا
مقادير كيكه الزباادي ...خلطت القادير وصبتها في صينيه مناسبه
وادخلتها للفرن ...وبعد اربعين دقيقه اطفأت الفرن ورجعت للجلوس معهم
ام الخير/ خلصت الكيكه ولا بعد..تراني اول وحده بذوقهااا
فرح تأشر على عيونها/ من عيووني ..ابشري
نوره/ ام الخير..والسكر...مايصير تاكلين كيك
فرح/ خففت السكر مخصوص للخاله العزيزه
رن تلفون البيت وردت فرح/ السلام عليكم سمر تبكي/ فرح لحقي علييييي...نبيل يبي يزوناا بكره
فرح/ هههههه طيب حيااه الله ..يبي يشووف زوجته وام عيال المستقبل
سمر/ فراااااح..لاااتستهبلين..اناا ماابي اشوفه
فرح/ ماااتبين ولااا مااااتقدرين عقب الي سويتيه فيه اخر مره جاا يزوركم
سمر يزيد بكائها/ فرح..فرح.. لاتصيرين انتي والزمن علي
سمر/ لااااا الموضوع ماااينحل بالتلفوون..جايتكم الحين نناقش على الهواء مبااشرة
فرح بعد مااسكرت التلفون..التفتت لامها/ يمه ابي اروح عند سمر
ام الخير/ مووقبل ماااتعطيناا من الكيكه الي قلبت راسي ريحتهاا
في المطبخ..فرح قطعت الكيكه الى مربعات صغيره
ووضعت جزء منها لام الخير ونوره..كم قطعه لفواز..وجزء تأخذه معهااا لسمر
فرح لبست عبايتها ووقفت في نص الصاله/ الحين من بيوصلني
ام الخير/ الله واكبر من بعد البيت...خطوتين وانتي عندهم
نوره/ لو نفتح فريه من بينااا..جان مااتعطلنااا
فرح وهي ترفع التلفون / بتصل على فرح ترسلي حموودي
واقل من خمس دقايق ومحمد عند الباب ينتظر فرح..فرح/ السلام عليكم..شلونك حموودي
محمد/ بخير..لو تفكوني من المشاااوير
فرح/ شنسوي ماااعندنااحد يفهمنا مثلك
محمد وقف يلاااحظ السياره الجاكورالبيضاء التي وقفت امام بيتهم
محمد يبتسم/ عااادل..وركض باتجاه السياره..تارك فرح في منتصف الطريق
خرج عادل من سيارته ..وقبل محمد ولف من الجهه الاخره ليفتح الباب
ويحمل ابنه معن الذي احمر وجهه من كثر البكااء
عادل / محمد ..افتح الشنطه ونزل الاغراض الي فيهاا
محمد/ .ليش يصيح ..وحااول يسوي حركات بوجهه عشان يضحك معن
انتبه عادل ..للعيون التي تراقبهم من وراء الغطاء الاسود السميك
صاار قلبه ينبض بشده..ارتبكت مشااعره..يعرفهااا..فرح حبه الصااامت
عادل انزل معن واوقفه على الارض/ محمد خذ معن داخل عند امي
وانا الي بنزل الاغراض من الشنطه..وتحرك لخلف السياره
فرح تقدمت خطوتين ..اعطت محمد صحن الكيك الذي تحمله
وانحنت لتحمل معن..ضمته بحنان وقبلته..ودخلت معه لبيت ام خالد
عادل كان يسترق النظرات من تحت غطاء السياره..رفع نظارته
ونسف شمااغه..وشد الحقيبه الكبيره وبعض الاكياس
دخل البيت وهو يقول/ يارب يصير حظك يااامعن احسن من حظ ابووك
في الصالة التف الجميع حول فرح..والكل يحااول يوقف بكاء معن
ام خالد حملته وصارت تلعبه ..بدون فائده
هند/ طالعو ويهه مختبصه معالمه من الصياح مسكين اكيد يبي امه
نجود/ يمكن جيعان او عطشان... وقربت منه كأس الماء..لكنه لف وجهه للجه الثانيه
معن شد غطاء فرح..ام خالد/ فرح شيلي عبايتج..شكله خاايف منج
فرح / بدخل عند سمر..في احد قدامي..وانزلت معن على الارض
نجود / مااافي الاسمر ..ويهه متنفخ من الصيااح
دخل عادل وهو يجر الحقيبه ورائه/ ياااهل الدار.. مسااكم الله بالخير
اسرعت فرح لغرفة البنات واغلقت الباب خلفهاا
توجهت لسمر التيدفنت وجهها بالمخده..وصوت بكائهاا مكتوم لكنه واضح
جلست فرح على طرف السير واخذت تمسح على شعر سمر وظهرها
سمر..سمر حبيبتي..ردي علي
رفعت سمر راسهااا ..ووضعته على كتف فرح
سمر وصوتها مبحوح من كثرة البكاء/ ليييييش حظي جذي
مافي في الدنيااا غير نبيل التاااافه الي اكرهه من وحنااااصغاار
كان عندي امل انه يصرف نظر عن الزواج ..لكنه طلع تاافه وعنيييييد
فرح / لاا تنسين (وعسى ان تكرهو شياً وهو خيرا لكم)خلي عندج ثقه بنفسج
ولاا تفكرين كثير بافكار سلبيه..توقعين ليش نبيل انتظرج كل هاالسنين
سمر تهز راسها/ ماادري..يمكن يبي يعذبني
فرح/ ههههه..لااا لو يبي يعذبج جان تزوجج غصبن عنج..عقب الملكه بشهر او شهرين
سمرتحك راسها/ تبين تقنعيني انه يدور رضاي
فرح/ هاذا الي حسيت فيه ..ولااا الهديااا الي كان يرسلها كل شهر وترمينهاا
ورسايل الجوال ..الي كنتي ترجعين ترسلينهم له
سمر/ امممم..احسه سخيف وكلامه مثله تااافه
فرح / وعين الرضي عن كل عيب كليلة ولكن عين السخط تبدى المساويا
سمر تمسح دموعها / والحين المطلووب مني
فرح/ بكره تجملي لزوجج..وحااولي تطولين بالجلسه ويااه..عشاان تتعرفون على بعض اكثر
سمر/والكلام الي قلته له ..تهقين نسااااه
فرح تبتسم/ او تنااساااه عشانج
سمر وهي تتجه للباب / بروح اسلم على عادل ..وارجع لج
فرح/ سمر ..شوفي لي الطريق ابي ارجع البيت
سمر تضع يدها على خصرها/ نعم نعم..ماافي رووحه مااشبعت منج
رن موبايل فرح..وخرجت سمر وهي تقول فااصل ونواصل
ضغطت فرح على زر رد..السلام عليكم ورحمة الله وبركاته
تفاجأت فرح بصوت رجولي عمييق وجاف/ وعليكم..انتي فرح فواز
فرح بلعت ريقها/ نعم ..معاك فرح فواز..مين انت
معاج ياسر سالم الـ سالم
فرح/ اتوقع اتصالك له علاقه بناهد
ياسر/ ابي افهم نوع الامور الي تبين تنااقشينها بخصوص ناهد
فرح/ على ماا اذكر اني كتبت والده ناااهد..موو احد ثاني
ياسر/ لو في مشكله صحيح..مومهم من يناقشها معاج..اهم شي تنحل المشكله
هاذا لو في مشكله من الاصل
فرح ببرود/ لااا يااخ نااصر في مشكله ..وو
قاطعهااا..يااسر لو سمحتي
فرح اكملت بنفس البرود/ طيب يااخ ياسر في مشكله وتتعلق بنااهد وسوواقكم جووان
ياسروصوته بداء يحتد/ جووان السواق ..وش فيه
فرح/ اسفه يااخ ياسر اناا طلبت والدة نااهد..ومستحيل انااقش مثل هالامور الخاصه مع احد ثاني
ياسر بعصبيه/ وانااا اخوها مو اي احد
فرح/ .الي عندي قلته..اسفه اخ ناصر مضطره انهي المكالمه..وضغطت على زر انهاء المكالمه
دخلت سمر وهي تحمل صحن كبير فيه كأسين عصير وصحن فطاير
وقفت فتره تراقب فرح/ ههههههههه..اول مره ادري ان عندج دم وتحسين
فرح فتحت عيونها بعيون سمر/ اش قصدج ..يعني انااا عديمه الاحساس الله يسامحج
سمر/ لااا مو قصدي..لكني معذوره اول مره اشوف ويهج احمر ومتوتره
طول عمرج ملامحج الجميله جااامده ..مافي اي تعااابير..او انفعاالات
شنوصاااير اليوووم..خلااالدم يجري بعروقج ..وخلاا مشاعرج تثور عليناااا
وقفت فرح/ ابي ارجع البيت ..خلي حمود يوصلني
سمر تسحب يد فرح وتجلسهاا على طرف السرير/ ماافي روحه ..مااكملت كلاامي
وصلت رساله لموبيل فرح.. المرسل رقم يااسر
اخت مرح..ارسلي رقم حسابك..لتحويل ثمن الخدمه التي قدمتها لناهد
لحياتنا العائليه خصوصيه ينبغي عليكي احترامها
لن اسمح لك بالتدخل او اقحام نفسك بمشاكلنا الخاصه
التي يمكننا حلها دون تدخل الغرباء
/منتد قسم من حي قلم الاعضاء
استمرت فرح تنظر للموبايل ...وشعورها بالاهانه يسيطر على مشااعرهاا
وضعت سمر يدها على كتف فرح/ الرساله من المزعج نفسه
ترى قربت نهاايته لان خالد عرفه..وبيتصرف معه
احست فرح انهااا لو نطقت حرف سوف تدمع عينااها..فأكتفت بهز راسهاا
سمر/ الرساله مووو من المزعج ..عيل من منوو
وقف فرح ورفعت عبئتها على راسها..وانزلت غطاها السميك على وجهها
فرح بصوت ضعيف/ بعدين بعلمج..الحين ابي اروح البيت ..شووفي محمد
دخلت فرح بيتهم وانصدمت بالاصوات العاليه ...توجهت مسرعه ناااحيةالصاله
لتجد ام علوي..تصرخ/ هاااذي الورقه انقعيهاا واشربي مااايهاا
نوره بصوت عااالي ماتعودت فرح عليه/ اقصري الشر..وطلعي من بيتي
ام الخير سحبت الورقه من يد عتيقه/ بكره نوواجهج مع السيلاانيه ..وتشوفين بنفسج
نوره دفعت ام علوي من كتفها/ اطلعي من بيتي ..والشرطه بتاخذ حقي منج
ام علوي/ يعني كلش اناا الي ميته عليج..الشرطه بتسحبكم كلكم للسجن
ام الخير/ انتي بديتي..والي نعرفه عنج مووو يوديج للسجن..الااا يوصلج للمشنقه
ارتبكت عتيقه ..وخرجت مسرعه ...ولما قربت من فرح قالت/ مااقط سألتي عمرج...شلوون هذول صاارو اهلج
فرح..ضااقت بها الدنياااا..حست بالهم ثقيل على صدرهااا..استغفرت ..وتعوذت
قربت من نوره ..وقبلت راسها/ السلااام عليكم
وقربت من ام الخير وقبلت راسهاا/ خالتي موب زين الانفعال عشاانج..هدي اعصاابج
نوره حضنت فرح..وبكت بكل حرقه
ام الخير/ انتي وبعدين معاااج..كل شوي مسويه منااااحه
فرح/ يمه مااااتعرفين سوالف ام علوي.. كل فتره والثانيه لها مشكله مع احد
حتى بناتها يشتكون منهااا
بعد الساعه التااسعه .. كان البيت هااادئ..الا من صوت قارئ يتلو سورة البقرة..اغلقت فرح المسجل
وقربت من ام الخير المتمدده استعداد للنوم
فرح / خاالتي..ودي اطلب منج طلب
ام الخير فتحت ذراعيها لفرح/ تعالي حبيبتي ..واطلبي لو عيوني المركبه ماتغلى عليج
فرح دفنت راسها على كتف ام الخير العريض
فرح بتردد/ تذكرين اللحاف الوردي ..الي مرسوم عليه قلوب ملونه
ام الخير/ ههههه..طبعاً اذكره.. خذيته منج اعااقبج على كلاامج الجارح لنوره وفواز
فرح/ كنت ياهل ماا فهم بعلم الوراثه والجينات..خاالتي
تعرفين اني من كنت صغيره ماا اناام الا و الفه بين اصابعي
واستنشق ريحته...احسه محفوور بذاكرتي
ام الخير/ هههههه..يعني من هذا ك اليوم ماانمتي
فرح/ لااا موووو مانمت..بس صرت اناام بصعوبه ..اشتاق لشي نااقصني
واتوقع انه اللحاف الوردي
ام الخير/ هههه اللحاف موجوود..لو انج قاايله من قبل جان جبته لج.. من زمان
اللحين شرايج اقولج حزايه ...هزت فرح راسها بالموافقه
ام الخير/ صلي على النبي.. عليه افضل الصلاة والسلاام..كان يااما كاان
رجل اعطااه الله من كل ملذات الدنياااا..تزوج بنت عمه..وعااش معهاا بسباات ونباات
خلف منها ثلاث بنات معوقات.. والرجل وزوجته ما يأسو..تمو يعالجون بنااتهم بكل الوسائل
لكن بدون فايده..الاعاقه شديده..والوت ماامنه مفر...سمع الرجل عن شيخ يعالج بالقران
فقرر يجيب بنااته للعلاج عند هالشيخ المشهوور....حضر للشرقيه
وعجبه المكان.. وبنى له قصر كان في ذاك الوقت من عجايب الدنيااا
ونااااامت فرح قبل مااتكمل ام الخير الحكايه
|
11-06-09, 02:55 PM
جديد مواضيع قسم القصص المكتمله من وحي قلم الاعضاء
العرض العادي
