الـــــــــجـــــــزء الــــــعــــــــاشـــــــــر



آ آ آ آ آ آهـــ والله ماقلتلها شئ ولا سويتلها شئ آ آ آ آ آ آهـــ والله صدقني حمد آ آ آ آ آ آهـــ


تكلمين سعود يالحيوانه تخونــــيـــنـــي تخونيني مع من بعد مع اخوي ماقدرتي علي جايه تلعبين على سعود

تفو عليك من حرمه بس انا أأدبك أوريك وشلون تخونين حــــــمـــــد ....واستمر بضربها

دخلو اهله عليهم وهو يضربها بيفكونه ماقدرو عليه هو رجال يغلبهم بقوته

ضربها من دون رحمه وبقوه غريبه مايدري من وين استمدها وخلته يقاوم اهله ويعجزون يخلصونه من تحت يده




ترن ترن


آلو وينكم انتم افتحو الباب من متى ارن تعالو خوذو العـــ....

تقاطعه ندى / سعود ألحق علينا حمد بيذبح حرمته ولا قدرنا نفكهم

وشلووووووووون ...... تعالي افتحيلي الباب....أنا عنده

راحت ندى ركض تفتح الباب وتدليه مكان حمد

دخل وشاف منظر شنيع حمد يضرب جثه مو أنسان حي

مستسلمه لضربه من دون مقاومه ومغطيها الدم

غافله وضمه من ورى بكل قوته يمنع حمد عن الحركه / بسرعه شيلوها من تحته ودوها لغرفه ثانيه

شالوها البنات وودوها غرفه ثانيه وقفلو عليهم الباب

لما سمع سعود صوت قفل الباب فك حمد اللي كان يقاومه بشراسه وعصبيه

لف حمد وتفل على وجه سعود وتبعه كف / وش تبي جاي خايف عليها لاتموت وتضيع من يدك وتوالت الضربات لحد مادخلو بعراك

كان المنتصر فيه قوة سعود بسبب شغله كعسكري ....ثبته على الأرض بكل قوته ومقاومة حمد ضعفت لأن حيله منهد

سعود بصراخ / خايف عليك لاتذبحها وتنذبح بدمها ....عمري ماراح افكر فيها وهي على ذمتك مب انا اللي اخون اخوي حتى بتفكيري

تفل حمد مره ثانيه بوجه سعود وهو الفعل الوحيد اللي يقدر يسويه وسعود مانع حركته / يالخسيس لا تكذب شوق سامعه ملاك تكلمك وانا الاحظ حركاتك من اول بس كنت اكذب نفسي وحاط لحيه تستر شين فعايلك ياكلب

سعود / طول عمرك بتظل انسان تافه بعقل البزران تمشي ورى كلام شوق بدون حتى ماتتاكد من صحته ....ياما وياما كذبت عليك بس انت تتجاهل خطاها وتغفر لها ....

طلقها رجلها لسبب ماقاله وهي كذبت عليه وقالت العيب منه وطلعت كلام عنه شين ماينقال عن كافر

ومع كل كذبها الا انك تصدقه وتثور من دون ماتتثبت منه

حسافه عليك يابن امي وابوي حسافه عليك تخوّني وعلى من على حرمتك طحت من عيني وانا ماانزل راسي للأرض علشان ارفع ماطاح منها

وطلع وخلى حمد حاير بين كلام شوق وبين كلام سعود الصادق الحيره بتاكل راسه ماهو قادر يتصرف والعصبيه للان مسيطره عليه

غير ثوبه الملطخ بالدم وطلع من البيت يسابق الريح بدرجات العماره وتناسى المصعد كأنه يبي بفعله يخفف من عصبيته وحيرته



................................


ملاااااااك ملااااااك قومي تسمعيني كانك تسمعيني حركي يدك أو اي شئ

حركت ملاك اصبعها ببطء ثم توقفت حركتها

الحمدلله حيه والله حسبتها ماتت ...ندى جيبي فوطه نظيفه وموديه خلينا نمسح الدم

ندى / اخاف حمد برى ويدخل ويكمل اللي بداه

الجوهره / لالالا توي سامعه الباب ينصك مرتين اكيد انه طلع هو وسعود

ندى / حسبي الله عليه حسبي الله عليه ماكنها حرمته كنها عدوته ....بغى يذبحها لولا سعود جاء كان ذبحها حسبي الله عليه آآآآهـ آهي آهي

الجوهره بعصبيبه / روحي جيبي فوطه بدال ماتبكين هذي بدت تصحى يالله تحركي

خلود وهي تبكي / خلونا نوديها للمستشفى الحين يصير فيها نزيف ولا كسر ولا ندري عنه

أم حمد وهي تلوم نفسها وتانبها لأنها هي السبب بالزواج هذا وعارفه ولدها وتصرفاته وكان نتيجه فعلها ظلم انسانه مالها أي ذنب مايستاهلها حمد ولا يستاهل حتى ظفرها

صادقه خلود دقي على السواق خلينا نوديها للمستشفى بسرعه قومي وش تناظرين

لــــــــــــــلا لا لـــــــــــلــــــــــلا مـــــــــاا مــــــاا ابي مستــــــ.....ــــــشفى

ندى / ملاك صاحيه انتي تحسين فينا الحين تسمعينا طيب تشوفيني ؟؟؟

ملاك / آ آ آ هـ همممممم

ندى وهي تبكي / لازم نوديك للمستشفى انتي ماشفتي شكلك وشلون صاير حمد ماخلا فيك مكان سليم الله ياخذه حسبي الله عليه

ملاك / لـــــــــــــــــلا يــــــــــمــــــــســــــكـــــونــــــه الـــــــشـــــــرطـــــــه

خلود / بالطقاق خل يمسكونه بغيتي تموتين بيده لولا سعود جاء وفكك منه.....والله لو يدري مبارك ليذبحه مو يضربه بس

يوم عرف انه متزوج شاش عليه وشلون الحين لو عرف انه ضربك

ملاك تأشر بيدها بمعنى لا

خلود / وشو لا ماتبين مستشفى

ملاك / لـــــــــلا لا تـــــــقـــــولـــــيــــــنـــــــلـــــــه..... مــــــــجــــــــــنـــــــــــون يــــــــذبــــــحـــــــــه

الجوهره / خلاص ماحنا قايلين لأحد بس يالله بنوديك للمستشفى السواق جاء .....أشوى ان البنات مو فيه ولا كان ماندري وش صار

ملاك / ودونــــــــي لــــــخـــــــــاصــــ.......وغاب صوتها

ندى /ملاك ملاك ....وتضرب خدودها ....وش فيها ذي ليه ماترد......ملاك يمه لا يصير ماتت بس

أم حمد بخوف / لالالا انشاء الله مافيها شئ قوميها مره ثاميه شوفي

ندى وهي تزيد الضرب على خدها ومب مهتمه أنها مليانه دم وضربات او انها تالمها ماكان في بالها إلا انها تصحى وبس

ماترد علي .....ماترد علي ملاااااااااااااك ملااااااااااااااك ....لااااااااااااا لااااااااااااااا

ذبحها .....ذبحها الله ينتقم منه .......الله ينتقم منه وتضمها لصدرها وتبكي على حال صديقتها اللي ماذاقت من الحياة السعاده إلا بحياة واللديها

وكل حياتها بعد موتها حرمان في حرمان





.........................


فــــي مــــــــــكــــــــــانــ آخـــــــــــر


دكتور أرجو منك ان الموضوع مايطلع لبرى يعني غبو السالفه او صرفوها بأي شي

الدكتور / بس هاذا مو شئ سهل ابد وشلون تبيني اغبيه ....؟؟؟؟

عارف والله يادكتور بس سمعتنا بتتاثر بالسوق وعند الناس وانت ماترضاها لنا

الدكتور بحيره بين واجبه وبين صلة القرابه اللي بينهم / يصير خير يصير خير




........................


فـــــــي وقـــــتــــ آخـــــــــــر


صحيتي كل هذا نوم ؟؟

هههههه ندى من متى انتي هنا خبري قبل مانام كانت فيه الجوهره عندى .....متى جيتي ؟؟؟

ندى / أفا ماتبين صديقتك ترافق عندك ولا وشلون ؟؟؟

ملاك / لا مو القصد ؟؟؟ انتي الخير والبركه .....على العموم الله يعطيكم العافيه كلكم تعبتكم معاي والله بس انتي عارفه اني مااقدر اخلي احد من اهلي يرافق عندي

ندى / انتي اللي مسويه فيها روميو وجوليت ولا تبين تعلمين اهلك

ملاك / ندى انت ماتعرفين اهلي صدق انهم كانو قاسين علي ولا يسألون عني إلا خواتي بس لو احد مسني بكلمه ماتعرفين وش بيسون فيه

وعندي اعمام وخوال وعيالهم مابيسكتون عن حمد وعادي عندهم لو يذبحونه ويروحون بدمه وانا ماابي حمد ينذبح لو سوى اللي سوى فيني

ندى / معني مااقتنعت بس يالله ......خواتك كل شوي يدقون علينا ونقولهم مثل ماقلتيلنا انك مسافره انتي وحمد تعالجين بس كنهم ماصدقو

ملاك / يالله ......الله يصبرنا ونطلع من المستشفى وادق عليهم .....اف مليت متى يطلعوني ابكمل اسبوعين ولا طلعوني ؟؟؟

ندى / خليك هنا اريحلك نزفتي كثير وجسمك يبيله راحه وهنا بيعتنون فيك ازين من البيت وبعدين وش مستعجله عليه ..؟؟؟!!

ملاك / ههههههه ياختي وش عليك وحده مشتاقه لبيتها ورجلها

ندى باستغراب / نــــــــعـــــــــــم مشتاقه لبيتك ورجلك .....لا يكون بترجعين لحمد ؟؟؟

ملاك / أكيد برجعله أجل وين اروحله ؟؟

ندى بعصبيه / ملاك انتي صاحيه شكل الضرب قلب راسك ....أرجعي لأي مكان غير بيتك تبينه يذبحك عشان تفكرين تطلعين من البيت .....

حتى الزياره ماكلف نفسه يزورك ولا يسأل عنك وحده فينا عنك وبالأخير مشتاقه له وبترجعيله مجنونه انتي ملاك ولا تستهبلين ....عمري ماتوقعتك ممسوحة الكرامه بهالشكل

هذا وانتي وراك ظهر وعارفه انهم باشاره منك بيوقفون حمد عند حده بس انتي راضيه بالذل وساكته

ملاك وهي تكتم تجريح ندى لها بقلبها هي ماهي ممسوحة الكرامه بس تحبه وتخاف عليه حبها يمنعها من انها تاذيه بس مااحد يفهمها لأنهم ماهم بمكانها ويتكلمون وماهم عارفين شعورها وصعب موقفها

لازم ارجع مابي اطلع من البيت واخلي كل شئ معلق لازم انهي كل شئ بنفسي

سكتت ندى يوم حست بالأصرار بصوت ملاك والتفكير بعيونها وكانها تخطط لشئ



...........................


فـــــــي بــــــــيــــــــــتــــــ الـــــعـــــــائـــــــــلـــــــة


وشلون يعني تكذب ؟؟

يعني تكذب انت عشت مع ملاك قد عمرك شفت عليها شئ وندى من صغرها وهي معها ولا قد يوم مسكت عليها زله

وسعود أخوك اللي انت خابزه وعارفه وعارف اخلاقه تربية أبوك تتوقع منه هالشئ

حمد / وكلام شوق يعني اتناساه ...يمه قولي غير هالكلام ماني مصدق ؟؟

بيذبحني هالولد...... هو اصلا صح عشان تذكره

متى اصلاً سمعتها وهي جايه معك وطلعت مع سواق اهلها بعدك على طول ولا قعدت ولا دقيقتين وطول هالوقت ملاك بالمطبخ مع ندى متى سمعتها

ماسألت نفسك ولا حتى كلفت نفسك وسألتنا ......ومب غريبه على شوق انها تكذب على احد اذا انقهرت منه

تذكر سالفة رجلها وكذبها علي وغيره وغيره مااحد سلم من كذبها ولسانها

حمد / االحكي ذا مادخل مخي .....مب معقوله ان شوق بتتجرا وتكذب علي بعد ذيك المره

تكذبني وتصدقها بكيفك انا قلتلك وانت حر.....بس أغسل يدك من بنت الناس ذا اللي مكسره وراجمها بالمستشفى حتى مازرتها ولا سألت عنها




السلام عليكم


ألتفتو كلهم يطالعونه

أم حمد / وعليكم السلام والرحمه

خذ ......ورجم الأوراق بوجه حمد وراح

اخذ حمد الأوراق ولقاها فواتير جوال سعود وملاك وبيته من بداية زواجهم

أخذ حمد يقراها ولا لقى أي اتصال من حدى الجوالين لثاني أو البيت عوره راسه

وتاكد من صحة كلام امه بس كلام شوق لا زم يروح ويتاكد منه اكيد ماجابت كلامها من فراغ ولا فيه دخان من غير نار

قام واخذ معه الفواتير وشققها وراح لشوق


..................


فــــــيـــ عــــــــش آخـــــــــر


الحين ملاك متى بترجع ؟؟؟ووشلون حمد يجي ويتركها هناك

هاه.... حمد عنده شغل ورجع ولا له فايده يجلس معها لأنهم مايددخلونه عندها

خــــلـــود هي بتسوي عمليه ولا بتعالج عشان تحمل كلامك مب معقول

خلود / والله مادري عنهم إذا جت اسألها ....؟؟

وانا متى اسوفك واذا شفتك تتكلم فيهم .....قربت منه ولصقت فيه .....خلنا بأنفسنا ازين ... صح ؟؟

مبارك / الله وش عندها أم سعد بالعاده تدفيني ولا لك خلق ريحتي وش الطاري عليك

خلود توهقت هي بتضيع السالفه بس تورطت معه / لالالا كن ريحتك خافه وبعدين تقول أمي ان الوحام خلص

مبارك / اكيييييييييييد يعني اسوي اللي ابي وعلي الأمان

خلود / وانت عاد ماصدقت خبر ....خلني أتعود اول عليك

مبارك / وش قالولك مخطوبين وبنتعرف على بعض أقول تعالي بس

خلود وهي تسب نفسها على غبائها مالقت تضيع سالفه ملاك وحمد إلا بالطريقه ذي

مــــــــــبـــــــــــارك لالا حرام عليك والله ريحتك ماهي حلوه

مبارك / مب على كيفك والله مليت وزهقت ترى أبتزوج عليك ؟؟

خلود بإستسلام / خلاص

مبارك / هههههههههه حريم مايجون إلا بالعين الحمرى



........................


فــــي مــــــــــكــــــــــانــ آخـــــــــــر


وشلون ماسمعتيها ؟؟؟

وش فيك معصب ايه ماسمعتها تكلم احد .....وهي تقعد ببرود على الكنب

شوووووووووووق تلعبين معي ...انتي تدرين وش سويتي أنتي تدرين ....؟؟!!

شوق / أيه ادري أدري انك عصبت علي عشلنها وتساويني بها لازم أرد كرامتي واعلمها قدرها مو انا اللي تحط راسها براسي

عشان كرامتك ضربتها ....لا ذاك مو ضرب أوادم انا ذبحتها ....طلعت من عندها وهي مغطيه دم وللحين وهي بالمستشفى ....وخوّنت اخوي وضربته وقلتله كلام ماينقال

والحين مايكلمني ولا اكلمه وابوي مايدري وش بيسوي لي لا رجع من السفر وخواتي كرهوني وانفضحت عند اللي يسوى واللي وايسوى

وبالأخير كل اللي قلتيه كذب واهلي كرهوني وضربتها ظلم بسبب غبائي

شوق / حمد بلاش حكي المسلسلات والأفلام اصلاً انت تكره ملاك وتنتظر الزله منها عشان تضربها واحياناً تضربها من دون سبب فلا تقعد تلومني على عصبيتك الزايده وعقدك النفسيه وتقولي اني انا السبب .....والله حاله

حمد وهو شوي وينفجر من العصبيه / انتي عارفه وش سويتي كل شي تسوينه يكره اهلي فيني زود وينزل قدري عندهم حتى سعود سعود ماعاد يطيق يشوف وجهي ولو درى ابوي حلمي اللي تمنيته بيضيع من بين يديني

لأن ابوي مايرضى على ملاك بشئ .....وشلون لو عرف اني ضاربها بسبب كذبك عشان ترضين غرورك

شوق / أوووووووه لاتقعد تزعجني وكذبتي وكذبتي وابوي بيسوس وابوي بيفعل والله انا ما اتوقعتك بزر بتصدق على طول بدون ماتتاكد انا عارفه انك بتصدقني على طول بدون ماتتاكد ولا تفكر حتى البزران بيعرفون انها كذبه

ولا انا متى قد شفت ملاك تكلم عندي مشكلتك انك مافكرت ولا سألت وحلمك على قولتك مايهمني بشئ ضاع ولا ماضاع اهم شئ عايشه فيه ولا بدونه

حمد مصدوم منها / شوق انتي من صدقك ذا الكلام اللي تقولينه هذا انا بنظرك ؟؟؟

شوق بعصبيه / ايه من صدقي ماتشوف نفسك وانت داخل معصب علي علشانها وكانك جاي تدافع عن وحده تعزها وتحبها مو ملاك .....وقالتها بإستحقار.... اللي تزوجتها عشاني ....

اللي حرمتها من كل اللي تبي عشاني ....اللي ذوقتها الويل عشاني وبالاخير تهاوشني علشانها الظاهر غلطت يوم وثقت فيك بواحد طول عمره وهو صايع ضايع مايعرف ربه وين راعي حريم و......طرااااااااخ

لا تفكرين في يوم اني باسمح لأحد يهيني حتى لو كنتي انتي

وطلع من عندها وهي حاطه يدها على خدها والصدمه ملجمتها


...................

فــــي مــــــــــكــــــــــانــ آخـــــــــــر و فـــــــي وقـــــتــــ آخـــــــــــر


مــــــــــــلااااااك

لفت له ببطء والتعب مقيد حركتها وكانت الطرحه للآن على راسها والعبايه عليها

ملاك / ليه مستغرب ....؟؟

أ آ لا آ آ

وهي تفسخ عبايتها ببطء وطرحتها لأن يدها ماتساعدها

ملاك/ وش فيك نسيت الكلام مثل ملنسيت ان عندك زوجه ظالمها وناسيها بالمستشفى ولا زرتها ولا حتى سألت عنها

آ آ لا بس بس ماتوقعتك ترجعين للبيت ...!!

جلست على الكنب وبطء وعلامات الألم على وجهها يوم جت تجلس

ملاك / ليه ماارجع أنت بس ظلمتني وضربتني كالعاده بس هالمره اقوى شوي ههههههههه صح

مااعتقد من حكيك انك بتعدينها زي العاده أكيد شئ براسك بتدخلين اهلك صح ؟؟؟

ملاك / لاتخاف ماني مسويه لك شي ولا ابخلي اهلي يوسخون يدينهم فيك وبدمك وماراح اسوي شئ يضرك بالعكس يمكن يريحك كله عشان خاطر اهلك ولا انت ماعاد لك بالقلب مكان

حمد بلهفه وفرح مااظهره / يعني مانتي طالعه من البيت بتظلين هنا ؟؟

ترن ترن

ملاك / روح افتح الباب الشغاله جت

اي شغاله ؟؟؟

ملاك / شغالة اهلك ....وراحت تمشي لغرفة النوم .....على فكره تراني باسكن عند اهلك ... يعني دورلك شغاله غيري

صدق والله اجل بتسكنين عند اهلي ؟؟

ملاك بهدوء قهر حمد / انا مااشاورك انا اقولك قراري .....وشئ مالك دخل فيه ومن اليوم ورايح انت ولا شئ بحياتي يعني لا تنتظر مني اني اشاورك بأي شئ سامع ؟؟

وراحت وخلته بصدمته وطلع من البيت أصلاً ماله وجه يقولها شئ

عبت شناطها واخذت كل اغراضها وصار خالي من اي شئ يخصها ودعت البيت بدموع المحب اللي القسوة والألم مامحت الحب من قلبها

ولا ولدت الكره فيه ودعت جدران البيت اللي ضمتها بوقت حزنهاوفرحها وشهدت دموعها وظلمها

وانتقلت لبيت العائله وسكنت بغرفه خلود لأنها ابعد غرفه عن غرفة سعود

خلال فترة جلوسها عندهم ماكنت تشوفه كثير مع انه كان يجي لأهله دايماً واحياناً يومياً

لكنها صارت ملاك ثانيه غير اللي يعرفها انسانه متمرده طول عمرها كانت ضعيفه والناس اهانوها عشان ضعفها حتى لو كانت تحب هي انسانه وعندها كرامه وانذلت بما فيه الكفايه


أقول ملاك وين الشاهي الخضر

لفت له بكل برود / أي شاهي اخضر

اي شاهي اخضر بعد ؟؟اللي بعد الغداء

ملاك / اها ...لا ما سويت شئ

طيب روحي سويي لي

ملاك ولا همها كلامه وسحبت نفسها على الكنب وصارت شبه منسدحه عليه / اسمحلي تعبانه وتوي مكسره ولا ماتذكر .....؟؟؟ خل شوق ولا الخدانه تسويلك

حمد انقهر منها صارت تطنشه ولا تعطيه وجه وتكلمه بكل برود وترد عليه / الحين وين شوق وليه تقوم الخدامه وانتي فيه ؟؟؟

ملاك ناظرته ببرود وحقران ولفت على ندى تسولف معها واللي بالمجلس مستغربين من ملاك وحركاتها ويبتسمون على شكلها وعنادها مع حمد وشكل حمد المعصب ووجه المنتفخ من العصبية

ملاك ماتسمعين

ملاك / نــــــــــــعــــــــــم وش تبي ؟؟

قومي تحركي سوي الشاهي

ملاك / قلتلك لا من شوي مايحتاج اعيد الكلام

بتقومين ولا وشلون ...؟؟؟

اللي كانو موجودين خافو لا يقوم حمد ويكسر اللي ماكسره من عظامها

ملاك / وش بتسوي يعني ... بتضربني ؟؟؟ كانك بايع عمرك مد يدك علي اشوف لا تحسب اني باسكتلك مثل قبل ....وطلعت وتركته وهو يحس ان هيبته راحت من عند اهله وسحب نفسه وطلع هو بعد من البيت





.......................

فـــــي عــــــش آخـــــــــر

ياخي مابيها سفرها

الحين هي وش سوتلك ؟؟؟

حركاتها ماتعجبني قليلة ادب ونظراتها عليك شينه

ههههههههه ندى تغارين علي كلها شغاله لاراحت ولا جت

ندى / وأذا شغاله ماتحس يعني وانت ليه معارض انها تروح لا تصير عاجبتك بس ؟؟

وش ذا الكلام .؟..اذا راحت متى بتجينا شغاله ثانيه بتطول

ندى / قايلتلك ماابي شغالات ليش منشّب ذي في حلقي ؟؟؟

طلال بصراخ ندى عاد خلاص السالفه ماتستاهل كل ذا الصراخ هي وش ضارتك فيه يومنك تقطعين رزقها عشان نظراتها

ندى / تهاوشني عشانها عشان شغاله ....؟؟ وراحت لغرفتها وهي تبكي من اول ماتزوجو وطلال ماقد زعلها اللي الزعل البسيط بس ماقد رفع صوته عليها بهالشكل وعشان مين ؟؟؟ شغاااااااااله



..................

فـــــــي بــــــــيــــــــــتــــــ الـــــعـــــــائـــــــــلـــــــة


جاء لبيت اهله ودخل للمطبخ كان مشتهي اكلها من زماااااااااان عنه وشم ريحته جايه من المطبخ / [الحمدلله ربي يحبني هي طابخه اليوم ] وش تسوين ؟؟

لفت له متفاجئه منه ورجعت ببرود لشغلها وهذا اللي ذبحه زياده / وش تشوف يعني ؟؟

ملاك ماودك ترجعين للبيت ؟؟؟

ملاك / لاتكثر حكي مالي رجعه لبيتك

بيتنا مب بيتي لحالي .... قرب لها ومسك يدها برقه وحط السكين من يدها ولفها له بحنان وحط يده الثانيه على وجهها / مااشتقتيلي ؟؟؟!!

ملاك وبداخلها صراع بين حبها وكرامتها ومشاعر حلوه بداخلها افتقدتها يوم بعدت عنه ورجعت لها بقربه فعلاً هي اشتاقت له ودايم تغالب رغبه بداخلها انها تكلمه وتطلب منه يرجعها للبيت

بس ملت منه ومن قسوته وتعذيبه لها

نزلت يده بقوه من على وجهها / نزل يدك لا تحسب ان بكلامك هذا ابسامحك ولا باضعف واغفر لك مثا العادة بكل غباء وترجع تدوس علي مره وثلاث

من دون احساس منك لا هذاك اول وعطيتك بدل الفرصه عشر وكل مالك تزيد وتتمادى معي

انا رجعت معك بس عشان تروح أثار وحشيتك وهمجيتك من وجهي ولا يشوفونها اهلي ويمشكلونك ولا كان مارجعت ابد


اووووووووووه قطعت شئ عليكم

التفتو كلهم لخلود اللي جايه للمطبخ وشافتهم وحمد ماسك ملاك من كتوفها وملصقها فيه

حمد / يعني وش رايك وش تشوفين ...؟؟

ملاك وفكت نفسها من بين يدينه / لا ماقطعتي شئ والله هو كان فيه عشان تقطعين .....الله لا يهينك خلي الشغاله تفرش السماط بنكب الاكل الحين

حمد / تنكرين ان كنا نسوي شئ من تو ؟؟ وحط يده على خدها

ملاك وشالت يده / وخرررررر وش ذا السخافه اللي عايش فيها ....؟؟ ....وطلعت بعصبيه من المطبخ اعصابها تلفانه بقربه والمشاعر المتضاربه اللي داخلها وهو زاد عليها بإحراجها عند خلود واستهباله

ههههههههههههههه تحفه حرمتي والله خفيفة دم ههههههههههه

خلود تحمد ربها بسرها على نعمة العقل شكل اخوها انهبل

ملاااااااااااااااك وين الغداء جوعتينا

ملاك / ههههههههه يالله دقايق وجايه

اجتمعو العائله على السفره وسوالف واكل وسعة صدر

أبو حمد / الله يعافيك يابنتي على ذا الطبخه الطبيه بالدماغ

ملاك / تسلم يبه هني وعافيه عليك

حمد / شفت يبه حرمتي طباخه تطبخلكم هنا وانا مجوعتني هههههههههه

لف عليه ابوه وعطاه نظرات قاتله معناها اسكت

ام حمد / ياليت سعود معنا لا والله مايقوم من على السفره إلا العصر هههههههههه يحب الأكل الزين والنفس الطيب

ملاك / الله يسلمك خالتي لاتخافين عارفه انه يحبه وحطيتله عشان لاجاء ياكله

ارتفعت عيون حمد لها بغضب يحسب انها مثل العادة بتنزل عيونها وتطلب منه السماح

لكن قابلته عيون بارده متمرده مايهمها احد وكانها تقوله وش بتسوي ورني شطارتك وهاذي هي النظرات اللي ذبحته


................


فــــي مــــــــــكــــــــــانــ آخـــــــــــر و فـــــــي وقـــــتــــ آخـــــــــــر


حمد الله يعافيك تعال ود الشغاله المستشفى طاحت علي ولا صحت وطلال مسافر وسعود مستلم

حمد / شوفي السواق خل يوديك

ويني ووين السواق ابوي مرسله للمزرعه

حمد / يالله هذاني جيت

شالوها وودوها للمستشفى


..............

فـــــــي بــــــــيــــــــــتــــــ الـــــعـــــــائـــــــــلـــــــة

يبه ابي اكلمك شوي

أبو حمد / آمري يابنتي وش بغيتي ؟؟

آ آ آ حمد يبه

أبو حمد / وش فيه بعد وش سوالك ؟؟

لالا ماسوالي شئ بس ....ليه مقاطعه ليه ماتكلمه ؟؟

ابو حمد / واللي سواه فيك شوي اللي سواه ماارضاه على بناتي ومنيب مخليهم عند رجالهم لاو سوو فيهم سواة حمد فيك ولا يوم وانتي وحده منهم ولا ارضى عليك

يبه الله يسلمك انا عارفه انه مايهون عليك بس هذا مقدر ومكتوب وهذاني ماجلست عنده جيت عندكم انا حرمته بالطقاق ازعل عليه

بس انت ابوه ليه ماتكلمه هو ماله دخل انلعب عليه وكذب عليه وهو صدق والعرض مو شئ هين صح يبه لو انك بمكانه سويت نفس الشئ

أبو حمد / لالالا سواياه مايسويها الا واحد مهبول وناقص عقل الواحد يتركد واحد اخوه والثاني حرمته

مو كل الرجال مثل عقلك وتفكيرك وماتدري هي وش قايلتله بعد ....؟؟

سكت أبو حمد يفكر بكلام ملاك

عرفت انه بداية اقتناع منه ويبيله شوية كلام ويرضى عن حمد

هاه يبه وش قلت اروح ابشر امي ؟؟

أبو حمد / مدامك انتي راعية الشان وتطلبين مني اسامحه ابسامحه عشانك غاليه ولا يردلك طلب

قامت وحبت راسه ويده / عسى الله لا يفرقكم عن بعض ولا يدخل الأعداء من بينكم



....................


حــــــــــــــــــــــامــــــــــــــــــل ؟؟؟

الدتوره / ايه حامل ولها شهر وشوي تقريباً

حـــــــامـــــل من من حامل ؟؟

الدكتوره / هي ماهي زوجة السواق ...

لا جايه لحالها

الدكتوره / اجل بهالحاله لازم نبلغ عنها

ندى سكتت من الصدمه من حامل من من حارس العماره اللي قبالنا ولامن راعي الباقاله ولامن صاحب المطعم وهي وينها عنها وشلون مالاحظتها من قبل

طلعت لحمد برى

حمد / هاه وش قالولك ؟؟

ندى للآن تحت تأثير الصدمه / طلعت حامل

حمد / نــــــــــعـــــــــــــم وشلوووووووون ومن من ؟؟

ندى / مادري مادري

حمد/ وانتي وينك عنها ماتشوفينها ...

ندى / لا تزعجني ماقد فقدتها ولا خليتها لحالها دايم معي بالبيت

دخل حمد الغرفه من القهر منها وضرب الشغاله لحد ماجو حراس الأمن وفكوه وطلعوه برى / خليني عليها حامل اللله ياخذها من من ذا الكلبه حامل ؟؟؟ لو انها جايبه لأختي بلى ولا شئ وش تفيدنا خليني اذبحها

حارس الامن / ياخي وش عليك منها بتجي الحين الشرطه وتاخذها وشلك تتمشكل عشانها ماتستاهل استنى شوي لين تجي الشرطه هي اللي بتقررها غصب عنها

جت الشرطه ودخلو عليها يحققون معها / منين حامل انتي

حمد / تكلمي يالحيوانه ليه ساكته

الشرطي / يااخوي هدي شوي خلنا نشوف شغلنا

هاذا هاذ

الشرطي / مافيه خوف مين هو .....؟؟

الشغاله ونظرات الخوف بعيونها / هذا بابا مال انا

حمد / طـــــــــــــــلالـــــــــ

الشرطي / من طلال

حمد مطنش الشرطي / حامل من طلال ؟؟؟

الشغاله تبكي وتهز راسها بإيه

الحيوان ولد الكلب و.....و...... وطلع وخلى الشرطه داخل

وش من صار ....؟؟

من صار يعني رجلك المحترم مسوي اخلاق وبالأخير مع شغاله؟؟؟

لا لاااااااااااااا مو معقوله طلال مايسويها لا لاااااااااا اكيد تكذب اكييييييييييد

حمد / وطي صوتك فضحتينا وليش مايسويها يعني وليه تكذب والشرطه محاوطينها

لااااااااااااااا لاالالالالالالالالالالالالالا وطاحت عليه

شالها وسدحها على الكراسي بالسيب وفتح غطاها وصار يضرب خدودها لين ماصحت نادى الممرضات لها وحطوا مغذي عليها ومهدي انتظر معها ساعتين

لحد مانتهى المغذي وطلعها ولا سمع كلام الأطباء وشالها وركبها السياره

دخل على اهله وهو للان شايلها بين ايديه قمزت ملاك اول ماشافتهم / وش فيها وش صارلها

أفتحي المصعد ابرقيها فوق ترتاح ثم ابقولك وش فيها

راحت ركض ملاك وفتحيت المصعد ورقو لي فوق وفتحت غرفتها وسدحها على السرير وشالو عباتها وغطوها

ملاك / وش فيها وش صار ؟؟؟

حمد / اطلعي برى وانا اقولك ....طفو اللمبات عليها وصكو الباب وطلعو بالصاله حقت خلود

ملاك / وش صاير خوفتني ....؟؟

رجلها الحيوان الشغاله حامل منه

ملاك وهي تحط يدها على فمها من الصمه وهول المصيبه اللي طاحت بها صديقتها / لا لا مو معقول طلااااااااااال

أزعجتونا بطلال مايستاهلها الكلب مع شغاله ياطلال شغاله

ما احترم القرابه اللي بينا ولا ابوي وش بيسوي ابوي لا درى ولا عمي حسافه عليه ذا الكلب والله مااخليه يتنهنى بحياته يحسب ماوراها رجال ابعلمه وش قدره ومن يغلط عليه

ملاك / شفت ياحمد وشلون الدنيا دوراه انت سويتها فيني وخنتني مع شوق قبل ماتتزوجها وطلال خان اختك يعني انت السبب باللي هي فيك اي شئ تسويه بحياتك حرام بيرجع بمحارمك لو كانو من بيت عمك

وخلته بالصاله بس ماذبحته بكلامها اول يرمي اللوم على طلال الحين يرميه على نفسه هو السبب فعلاً يزنى بالزاني ولو بجدار بيته

واكله الندم على كل شئ سواه




........................

مــــــــــن بــــــــــكرى

هاذا اللي فرحانه فيه هذا اللي وقفتي بوجهي عشانه استانسي الحين هاذا هو فضل الخدامه عليك

ندى / يمه بس الله يخليك ماني ناقصه

ام حمد / عشان تعرفين ان كلامي صح ولا عمرك قد تعارضيني بشئ هاذا اختيارك ومثل وجهك

ندى / يكفي يكفي وش تبوني اسوي يعني اروح اذبحه كل مايجي واحد يرمي اللوم علي تعبت والله تعبت آآآهـ آآآهي

قربت ملاك لمها وضمتها وجلست تهديها هي تحس بشعورها لما تنطعنين من أقرب قريب لك اللي حبيتيه وحاربتي الكل عشانه وبالأخير يخونك بس مااحد يقدر شعورها أو احساسها

مسكتها ورقت وياها للغرفه اللي صارو يتشاركون فيها بالنوم والبكاء


........................

الــــــــــفـــــــــــجــــــــــــر


شفتي كيف حظوظنا صديقات وحظوظنا كلها شينه

ملاك / ههههههههههه والله انك صاقه

وطي صوتك لا يقوم سعود

ملاك / آآآآآسفه .....تصدقين على اللي سواه حمد فيني اللي اني ماكرهته

وكل ماشوفه في شئ داخلي يحركني له ماقدر اصبر عنه اعد الساعات على شوفته

آآآآآهـ بس تعبت وانا امثل دور البارده المتمرده دور الانسانه اللي تكرهه

انا قاعده العب على نفسي لا يمكن اني اكرهه او مشاعري تكون بارده من ناحيته

تعبت والله تعبت آ آ آ آهــ آ آ آهـــــــي

حتى انا ماتوقعت ان طلال يخوني ولا حتى طرى على بالي كنا نحب بعض من يومنا صغار وحبنا كبر معنا لحد ماتوجناه بالزواج

وقفت بوجه امي عشان اتزوجه وصارت مشاكل بالبيت وبنا وبين خوالي بسببه بس كل شئ هدمه يوم خاني مع شغاله آ آ آ ه مليت البكى مليت

ملاك / يمكن ان الشغاله تكذب طيب

لا ماتكذب وش يجبرها انها تكذب سواءً قالت هو او غيره نفس النتيجه

وحتى يوم قلتله سفرها عصب علي وهاوشني وسافر وحنا متزاعلين ولا فكر يراضيني حتى

ملاك / شكل صداقتنا نحس ماادري من اللي نحس الثاني

هههههههههههههه مكتوب مكتوب آ آ آ آهــ آ آ هي آ آ هي

ملاك / ليه تبكين انتي الحين هماك مليتي البكاء

أبكى على رداة حظوظنا اللي رمتنا على رجال ماقدرونا

ملاك / صادقه آ آ آهــ آ آ آهي

وقضوا الليل بطوله وهو بين ضحك يخالطه بكاء وكانهم مجانين

ويندبون حظهم السئ مع ازواجهم


..................



خير خير وقف وش تبي انت ....؟؟


انت مطلوب بقسم الشرطه

شــــــــرطــــــــــــه خير وش سويت انا بعدين انا كنت مسافر وش ابسوي وانا مسافر....؟؟

بالقسم بتعرف ولا تسألنا عن شئ .....؟؟

سحبوه معهم من المطار وركبوه لسياره


.......................


داخل القسم

جيت يالنسيب

طلال /حــــــمــــــــد خير وش السالفه ساحبيني من المطار كني حرامي

حمد / ليتك حرامي اهون والله ......وسدد لكمه على وجه طلال وتبعه لكمات لحد مافكوهم من بعض ووجه ظلال ينزف دم من خشمه وفمه

طلال وهو يمسح الدم من خشمه / خــــــــيـــــــــر انت انهبلت وش سويت

حمد / انطم يالكلب لأكمل عليك .....فكونـــــــــــــــي فكونـــــــــي عليه خلوني اربيه واعلمه من يخون ومع من يخون

طلال بخوف / وشش اخون ومااخون وش ذا الخرابيط اللي تقولها انت ؟؟

حمد / لاتسوي نفسك برئ انت عارف وش اتكلم عنه عن الشغااااااااااااله

طلال بصدمه /شغااااااااااااله

حمد / ايه شغاله ....واستغل فرصة انهم منشغلين عنه وفاكينه وهجم مره ثانيه على طلال وطاح فيه ضرب

الضابط / فكوهم وشيلوا حمد وطلعوه برى لين نكمل التحقيق معه



.........................................


فــــي مــــــــــكــــــــــانــ آخـــــــــــر و فـــــــي وقـــــتــــ آخـــــــــــر



رااااااااااحـــــــــــتـــــــ رااااااااااحـــــــــــتـــــــ

ذبحتـــــــــــــهــــــــــا ذبحتـــــــــــــهــــــــــا


مبارك وش فيك وش صاير ومن اللي ذبحتها

مبارك / خلود ذبحتـــــــــــــهــــــــــا مااااااااااتت ياليتني مت وهي حيت

ذبحتها وذبحت ولدي تقولي لاتسرع لاتترك الدركسون

لكني حمار ماافهم ماافهم موتها بيديني

تمزح انت ؟؟؟ترى هاذا شئ ماينمزح فيه

مبارك / اي مزح انتي اي مزح راحت مني خلاص راحت وصار يبكي بصوت عالي يقطع القلب يقطعه صوت شهاقه

مبارك مبارك رد علي رد مبارك وانقطع الخط


بسرعه دقت على جوال حمد بس مايرد والخوف زاد بقلبها اضعاف

رد بعد اتصالها الخامس / صدق اللي قاله مبارك ......صدق خلود مـــمــمــــاتتـــ

ماجاها رد إلا صوت بكى حمد من التلفون ...................





* تمنياتي لكم قراءة ممتعه *


* مع تحياتي هاجس ليل *




............................................................ .....................


الـــــــــجـــــــزء الــــــحـــــــادي عــــــــشـــــــــر



رد بعد اتصالها الخامس / صدق اللي قاله مبارك ......صدق خلود مـــمــمــــاتتـــ

ماجاها رد إلا صوت بكى حمد من التلفون ...................

حمد رد حـــــــــــــمــــــــــد صدق ولا لا صدق ولا لا


انفتح الباب بقوه ولفت له ملاك بخوف

خـــــــــــــــلـــــــــــــــود ماتت ماتت آ آ آهــ آ آ آهي

تاكدت ملاك من كلام مبارك بعد ماشافت حال ندى ......راحت لمها وحضنتها وقعدو يبكون مع بعضهم وكل وحده تبي من يواسيها



جاء آخر ايام العزاء وكل اللي بالبيت حالهم مايسر من كبيرهم لصغيرهم وخصوصاً أبو حمد كان موت خلود الضربه اللي ماقدر يتحملها

وهذا هو بغرفته والممرضه حوله تعطيه العلاج عقب ماطاح عليهم وودوه للمستشفى

قاعد يمسح دموع طاهره على خده بصمت ابو حمد القوي الصلب اللي المجالس تهابه موت بنته كسره صارت الدمعه ماتفارق خده الطاهر

ومبارك المختفي من عقب مادفنوها ولا احد شافه ولا حضر الا اول يوم بعزاها وهو يغالب دموعه والندم واللوم والحزن ياكله اكل انهار مره وحده ماكان يرجي شئ من الدنيا

الا رضاها واولاد منها وفيهم شبهها وبستهتاره ذبح حبيبته وذبح ولده اللي تمناه طول عمره ولا شافه ماتحمل كل هذا ولا تحمل شوفة ابو حمد بهالشكل ولا تحمل جو العزاء ولا حقيقة موتها

فضل الهروب كابسط حل يريحه ويريح اي احد يلومه


.....................



انتظر هنا ابناديها واجي خذ راحتك

تسلم ماتقصر ياحمد

دخل وناداها ورجع للمجلس /ادخلي يالله

ليه وش فيه وش صاير بعد ؟؟؟

حمد / يابنت الحلال مافيه شئ ادخلي وبتعرفين

دخلت بخوف وقلبها ينبأها ان فيه شئ / أنــــــــــــــــتـــــــ ؟؟؟؟ ولك عين تجين بعد كل اللي سويته انقلع برى بــــــــــــــرى

ندى انتظري شوي خليني افهمك السالفه

ندى / مابينا كلام انقلع برى انقلع مادري وشلون حمد دخلك يالحقير

قرب لها بيمسكها ويهديها بس هي ابعدتها عنها بعنف وقرف / لا تحط يدك النجسه علي انقلع اقولك ماتفهم ...؟؟

هديت كل شئ حلو كان بينا بنزواتك وشهواتك .....ليه لـــــــــيــــــــــه ؟؟؟؟

وانفجرت بالبكاء وشهاق بكاء عتب ولوم وخيبة امل ومن بين دموعها تتكلم

انا قصرت عليك بشئ أنا منعتك من شئ .....تكلللللللللم ليه ساكت

كل اللي تبيه انفذه لك ومن دون ماتطلب ولا تتكلم

وبالأخير تخوني مع شغاله شغاله لو انك متزوج كان اهون علي ولا انك تخوني بالحرام

طاحت على ركبها وحطت يدينها على وجهها وقعدت تبكي بصوت عالي ودامي / وش سويت انا ياربي ......ابتلائك صعب علي صعب آ آ آهــ آ آآآآهي

كل شئ اجتمع عليها بوقت واحد خيانت رجلها لها الشئ اللي ماتوقعته ابد ولا جاء بيوم على بالها

وموت اختها اللي بعز شبابها وابوها اللي المرض والحزن اقعده على السرير

ماتحمل يشوفها بالمنظر هذا هاذي حبيبته وزوجته وبنت عمه وام ولده

ماتحمل يكون هو السبب بحالها هذا وانكسارهها وضعفها

قعد على الأرض عندها وحضنها وهي ماقاومته او ابدت اي رد فعل بالعكس زاد بكاها وارتفع صوته

مثل مانسوي دايماً لما نلقى الحضن الحنون الي نحب

تتوقعين بيوم يمكن اني اخونك لو فيه موتي ماخنتك

وحريم الدنيا بعيني مايسون ظفرك وانا ماني حيوان يوم شهوتي تزينلي الحرام

لو انك اشر الحريم واشينهم ماخنتك ولا تزوجت عليك

انتي كل شئ بالدنيا عندي وكانك هنتي علي ففوقي رب ماينام ولا اقدر اعصيه

رفعت راسها من حضنه والدموع ماليه عينها وسايله على خدودها والعبره خانقتها

وتسأله بعيونها هل كلامك صدق ولا كذب بعد مالمست نبرة الصدق اللي بصوته

صدق والله العظيم اني ماقد لمستها ولا طرت على بالي بيوم

وبالمستشفى سوو لي تحليل الحمض النووي وطلعت كذابه واعترفت انه راعي البقاله وسوو له تحليل طلع هو

ولا وشلون طلعوني الشرطه ؟؟؟ كاني الحين ميت عقب مارجموني

بسم الله عليك .....ورجعت لحضنه ورجعت تبكي بس هالمره دموع فرح وشكر لله انه ماخيب ظنها برجلها ورجعه لها

لا تتركني مره ثانيه والله اني كرهت الدنيا وكرهت نفسي

ضمها له بقوه عشان يحسسها بقربه لها / لو فيني الموت مابترك



..........................


ملاك خلال هالفترة اللي جلستها ببيت أبو حمد رجعت تدرس مره ثانيه عشان تعوض اللي فاتها ولا اهتمت

من حمد او حمقه عليها طنشته وكانه يكلم الجدران

..........................


سعود اللي كان محجوز اجباري بسبب الشغل والتطورات العسكريه اللي بالبلد

ماكان له اي اتصال باهله ولا درى عن موت اخته ماحضر الا ثالث يوم للعزى

دخل وشاف شكل البيت والناس داخله طالعه واجواء العزاء بكل مكان وانقبض قلبه توقعه ابوه او امه دخل مثل المجنون للمجلس وجال بنظره

يدور ابوه مثل الطفل الضايع عن اهله ويدورهم من بين الناس لما ماشافه

تأكد ان ابوه هو اللي مات / وين ابوي وينه ؟؟؟

جاء حمد وحضته بيهديه وبيفهمه السالفه

سعود / فك اقولك فك وين ابوي دفنته وانا ماودعته يالـــــخســــيــــس دفنته وانا ماشفته فـــــــــكــــ فكنيـــــــ أقولك

حمد مافك سعود ظل حاضنه / عظم الله اجرك في خلود

سعود سكنت حركته وبدت عيونه تذرف مااهتم بالرجال ولا اهتم باحد كانت صورة خلود بابتسامتها ومرحها قدامه تناديه

سعود / تكذب علي ولا صدق

حمد زاد من حضنته لأخوه حتى حسو بضلوع بعض يأكد لاخوه كلامه

سعود / يعني راحت من دون مااشوفها ؟؟

حمد بكى مع اخوه وطلع هو وياه برى المجلس يهديه ويوقف دموعه اللي مارضت توقف

سعود / ماودعتها ياحمد ماودعتها راحت من دون مااشوفها الله يقلع الشغل وسنينه اللي منعتني عنها

ورجع لحضن اخوه مثل الطفل اللي يدور الأمان ونسى زعله على اخوه نسى اللي سواه فيه اللي هم فيه اكبر من زعل وكره هو محتاجه محتاجه حيل افقده بالأشهر اللي راحت وكان بيسامحه لارجع وطلب منه السماح بس موت خلود كان السبب بتصالحهم مع بعض

على قوة شخصية سعود الا انه بالمواقف هاذي مثل الطفل يحتاج الحضن اللي يهديه ويحتويه

ولا يخجل ان دموعه تسيل لو عند اكبر راس من الرجال


...........................



فــــي مـــــكـــــــــان آخــــــــر مــــن البيتــــــ وبعد مده باعتقاد البعض انها كافيه لنسيان


يبه ارحم نفسك حزنك عليها ماراح يرجعها

أبو حمد / هاذي بنتي واغلاهم على قلبي راحت وهي ماتهنت بشبابها راحت بغمضة عين

يبه الله يخليك كفايه حزن والم والله مليت منهم البيت تغير ماعاد هو البيت كله حزن بحزن صار اظلم

أبو حمد / آآآآآآآآآآآهـ الله يصبرنا بس ويمسح دمعته اللي ماجفت من وفاتها

يبه اللي تسويه اعتراض على قضاء الله وقدره .....لو كانت خلود عايشه كان مارضت بحالك ولا اللي قاعد تسويه بنفسك

أبو حمد / لو ...؟؟ وياليت لو ان لو تفيد

يبه ماتوقعتك ضعيف لهدرجه انا بنت وماشفت من الحياة اللي شفته ماتو اغلى اثنين على قلبي

وهم راس مالي بالدنيا وكل حياتي ولا بعد شبعت منهم ولا لهم بديل ماتو ميته شينه بس مع ذلك

ماسويت بنفسي اللي سويته انت يوم ماتت خلود مع ان لك بنات غيرها

وانت مفروض اللي يستمدون منك عيالك القوة والصبر بس انت صرت اضعفهم استسلمت على طول ولا حاولت النسيان او انك تصبر نفسك

قافل عليك بالغرفه وتمسح دموعك بضعف ولا صرت تروح الشغل ولا تجلس معهم وكن موتها نهاية الدنيا عندك زوجه وعيال محتاجينك

وين ابوحمد اللي يهز نفوس الرجال هيبه وخوف منه وين ابو حمد اللي ينشد بقوته الظهر وينخى وينه ماعاد له وجود مات مع موت بنته

صح يبه كلامي ولا لا .....مسكت يده بحنيه ....صح يبه كلامي ؟؟؟

هز راسه ابو حمد يوافقها على كلامها وقرب راسها وحبه

استغفر الله يبه محشوم انت اللي تنحب مو تحب ....وقامت وحبة راسه

وكان كلامها هو اللي طلع أبو حمد من حزنه وقنوطه واستسلامه




..........................


فـــــــي وقـــــتــــ آخـــــــــــر


طق طق طق

ادخــــــــل الباب مفتوح

مـــــــــلاكـ وش عندك زايرتني اليوم

ممكن شوي ابغى اكلمك

حمد / بعدين اذا خلص البرنامج

ملاك تجلس على الكنب بجمب حمد بغرفته اللي رجعلها لما انحاس البيت عقب وفات خلود

ومسكت يده بهدوء وتوتر / ابغاك بموضوع ضروري مايحتمل التأخير

حمد وهو لاف وجهه لتلفزيون ولا لقالها بال / يالله قولي اسمعك

جت ولفت وجهه بيدها بنعومه وقابلته بعيونها / تدري ان بكرى ذكرى زواجنا الثاني والناس بالعاده بهاليوم يتذكرون يوم زواجهم ويتعاهدون على حياة جديده وسعيده

حمد يقاطعها بملل / والمطلوب بعد ذا المقدمه الطويله

ملاك بحزن من طريقته معها اللي ماتغيرت / لا تستعجل علي أنا .....أنا مليت حياتي معك وصبري ملني وماعاد فيني قدره اني اكمل حياتي معاك ......

يالله استحملت الاشهر اللي فاتو عشان وضع البيت كان مقلوب ولا قدرت اطلع منه وهو بهالوضع ماني قليلة اصل بس يوم رجع كل شئ مثل ماكان ماعاد عندي سبب عشان اجلس

انا كنت جالسه بس عشان الأثار اللي بوجهي تروح وموت خلود الله يرحمها حاس اللي كنت بسويه ماكنت ابي اهلي يشوفني بهالشكل عارفه انهم ماراح يسكتونلك

وانا ماارضى احد يمسك بشئ وشلون لو تكون متاذئ بسببي ....لإ.....لإني احبك ...قالتها ودموعها تسبق كلماتها

مافيه حرمه تتحمل ان كرامتها تنداس الا اذا كانت تحب من داسها بس ملييييييييت

سويت كل شئ اقدر عليه عشان اخليك تميل لي بس فشلت ولا عاد عندي نفس عشان اكمل معك

انا عارفه انك تكرهني وعارفه ليه تزوجتني وانك تحتقرني لان مافيه مقارنه من بينا

وان اللي سويته بيتكرر مرتين وثلاث وعشر مدامك تصدق اي كلام ينقال عني

حمد / بس هاذي كانت غلطه

والغلطه بتتكرر مره وثنتين وانت تسمع كلام الناس وتصدقه من دون ماتتأكد

حمد / لو قلتيلي الصدق كانـــــ...........

قاطعته ملاك / حمد انت اصلاً ماعطيتني فرصه عشان اتكلم أو ادافع عن نفسي جيت وهجمت علي ولا التفت لصراخي وتوسلاتي

حتى لو قلتلك بعدين الصدق مابتصدقني لانك مصدق شوق ولا فكرت يمكن انها تكذب علي لأنك تحبها ولا يمكن تكذبها

نفس الشئ لو احد قالي كلام عنك ماراح اصدقه لاني احبك ولا اشوف زلاتك

حمد / وذا الكلام كله .....تبيني اتركك؟؟؟

ملاك اخذت نفس وتنهدت بألم / مابي اكرهك .....ابي احتفظ ولو بشئ بسيط من حبي لك بقلبي ماابغى تمحي حبك بشي فعولك

عشان كذا ابيك تطـــــــ.....تطلقني ....وسالت دموعها على خدها صعبه الكلمه تنقال من فم الحرمه حتى لو كانت كارهه لرجلها

وشلون وهي تحبه وتموت فيه صعبه بالحـــــــــــيـــــــل طلب الطلاق معناه هدم عش وحياة واسره هدم حب توه ماشاف النور

حمد تضايق واستانس بنفس الوقت استانس لانه بيفتك من ملاك اللي ابوه رافض يطلقها وبيتفضى لشوق اللي توها ترضى عليه عقب الكف اللي اعطاها اياه

ومتضايق لانه بيخسر ملاك الزوجه المطيعه او الخادمه المطيعه

حمد وماهان عليه كبريائه وغلبه غروره واخذته العزه بالاثم / الحين من الصبح احبك واحبك وبالأخير طلقني على بالك انك اذا قلتي احبك بتمسك فيك

وابديك على شوق ....وش ذا اختبار لي تشوفين كاني ابيك واحبك ولالا.....؟؟؟ احلمي بس على قدك مفهوم

واعرفي انك بطلاقك مني انتي الخسرانه والحمدلله جت منك وانا الكسبان

انتي طــــــــــالـــــــــــــق ........ولا تحرك لي رمش بطلاقك و طلع وخلاها

بصدمتها ماتوقعت انه بيتمسك فيها بس ماتوقعت انه بيطلقها بهالسهوله هاذي بدون مايعارض

وكانه كان ينتظرها تطلبه منه هانت عليه عشرة سنتين كانت تتمنى فيه رضاه منوه

ماتنكر انه كان بداخلها امنيه انه يعارض ويتمسك فيها أو يعاند ويخليها على ذمته أو اي شئ ثاني

المهم تبقى مربوطه به لو كان كارها وكاره قربها وبيعذبها وبيذلها

نزلت دمعه يتيمه على خدها .....دمعة الم ...دمعة قلب مطعون ينزف .....دمعة حب ضايع مالقاله مرسى ....

دمعة غدر دمعه جفاء ....دمعة محب صده محبوبه ....قعدت تبكي بنفس مكانها وبهدوء هي عارفه عمر البكاء بصوت ما يرجع غايب ولا يفيد لحد ماشبعت من البكاء ونامت بنفس مكانها


..................



الصـــــــــبــــــــــاح


فتحت عيونها ببطء وراسها يألمها من بكاء البارح

وش جابني هنا .....تذكرت كل اللي صار امس وانها الحين هي مطلقه وجالسه بغرفته قامت بسرعه عشان تطلع

مـــــــــاشــــــــــــاء الله السهره صباحي أجل اليوم ...؟؟

تراضيتو انتي وحمد ...؟؟

ابتسمت ملاك بوجه ندى اللي ماتدري بانها تطلقت / تقدرين تقولين كذا ههههههههههه

ندى / الله يتمم عليكم الوجه منور اليوم

هههههههههه صدق ؟؟؟

ندى / يالله انزلي توهم حاطين الفطور انا مفطرتكم اليوم

الله من متى الكرم الحاتمي والسناعه

ندى / حرااااااااااااام عليك والله اني سنعه بس يوم كانت فيه الشغاله ماكان لي خلق اسوي شئ الله يقلعها من سيره الله ياخذها

ههههههههه حاقده من قوه تذكرين يوم نقعد نبكي لين الصبح وكل وحده تندب حظها

ندى / ههههههههه لاتذكريني قلت السالفه لطلال وليتني ماقلتله كل فجر يقعد يتطنز علي ويقول عيدي اللقطه لي كرهني بنفسي

الله لا يعيدها من ايام ولا يوريها لغالي

ندى / اتكسرت رجليني من الوقفه يالله خلينا ننزل تحت نفطر

لالالا معليش عندي شغل مااقدر اخليه

ندى / بكيفك عضوه الكونجرس بس تراه فطور مايتفوت

خلاااااااااااص امري لله ذليتيني من اللي تحت؟؟ وكملو كلامهم وهم ينزلون لتحت

ندى / كلنا ساره وابوي وامي وخلــــ.... الله يرحمها لين الحين ماغابت عن بالي

الله يرحمها كلنا ماراحت عن بالنا تدرين كم مره اخذ الجوال وابي ادق عليها ماني مصدقه اللي صار

حتى مبارك ماعاد هو مبارك صار انسان ميت يتحرك شغله لو مامسكه فيصل كان ضاع تعب سنينه

حتى انا وريم ماله خلق يكلمنا ولا يمزح معنا للآن يلوم نفسه ويتمنى لو مات معهم

ندى / كلن بدى يسلى اللى هو يقول ابوي انه كلمه وقاله كل شئ قضاء وقدر

يقول انه قعد يصيح مثل البزر ويقول لا انا السبب

الله يعينه ويصبره ومع الزمن بينسى

خليه بالأول يطلع من البيت ويرجع لأهله قاعد بالبيت على ذكراها وين ينسى معه وهي تتراواله بالبيت

ندى / ولد اخوك مهب صاحي ليه يعذب نفسه كذا ...؟؟

اللي يحب صعب ينسى وشلون لو كان هو السبب بموت اللي يحب

وصلو لمكان الفطور السلام عليكم صبحكم الله بالنور والسرور

هلا ببنيتي وينك امس رقيتي ولا عاد شفناك

لفت ندى لها بابتسانه خبث / مهب فاضيه لكم عندها الأزين وش تبي منكم

أم حمد / من ذا اللي ازين منا ؟؟؟

ندى / ههههههه حمد من غيره

أم حمد / تصالحتو يمه ؟؟

ملاك ابتسمت بالم وهي تمثل الفرحه

وحاولت طول الوقت انها تستانس وتنبسط وتنسى تبي تكون جلستها الاخيرة معهم مافيها لاكدر ولا زعل

اجتمعو العصر كل الأخوان والبيت كان ازعاج ووناسه حمدت ربها ان البسمه والضحكه رجعت للبيت

قاعده تناظر الوجيه اللي حولها وترسما بقلبها بتودع البيت اللي لمها ووقف معها وقت محنتها

تناظرهم وهي مبتسمه ابتسامة مودع خانتها الدمعه ونزلت على خدها خلاص بتفقد هالناس الطيبه اللي حولها

بترجع يتيمه مثل اول من دون ام ولا اب بعد مالقت حظن الام والاب بتفقدهم من جديد

حرمتني ياحمد من حظن امي وابوي بعد ماحرمتني من حظنك



.......................


بــــــــــــعـــــــــد الـــــــعــــــــشــــــــاء


تسلم يدينك ملوكه رووووووووووووووعه العشاء

بالعافيه حبيبتي

واله من جد يهبل طبخك..... اشوى انك جيتي ببيت جدي عشان نلقى احد يطبخ طبخه حلو مو ساره ذا اللي ماتعرف تسوي شاهي بتروح لثالث ثانوي وهي ماتعرف تسوي شئ

ساره / وليه اسوي وفيه طباخه وشغالات ليه اتعب عمري؟؟؟

ملاك / حلو لو انتي طبختي هاذا بيتك مو بيت الشغاله والطباخه حلو الواحد يرتاح فتره وتطبخ الطباخه بداله بس مو على طول الخط

ساره / يصير خير لا جيت اتزوج اتعلم اطبخ

ملاك / ههههههههههه البنت من الحين تطري الزواج بعدين وش بتسوين بتخطبين لنفسك هههههه

حمدت ربها ملاك بسرها انها بتطلع من البيت وكلهم راضين عليها ولا احد شال بخاطره عليها

وكان هالعشاء هو اللوداعيه لهم منها


ترن ترن ترن

آلو هلا مبارك

ايه ايه جاهزه دقايق بس


طلعت فوق ونادت الشغالات ونزلو شناطها ونزلت بعدهم وهي لابسه عبايتها

كلهم لفو لشناط وملاك اللي نازله

أم حمد / بترجعين اليوم للبيت ؟؟ ماقالي حمد شئ

ملاك ابتسمت ابتسامة حزن / لا انا ابرجع اليوم مع مبارك

أم حمد / هو اللي بيوصلك للبيت

ملاك / لا انا ابرجع معه لبيت اهلي ......خلاص انا تطلقت من حمد ...

كل اللي بالمجلس ارتفعت اصواتهم بالأستنكار / طلقك متى ووين وحنا وينا عنكم

ملاك وهي ترسم ابتسامه بالغصب على وجهها / امس بالليل يوم رقيت

ندى لامت نفسها على غبائها وكلامها مع ملاك وناظرت ملاك بنظره اعتذار

فهمت ملاك عليها وابتسمت بوجهها وهزت راسها دليل قبول اعتذارها

أنا كنت ابطلع من زمان بس ماقدرت اخليكم بعد موت خلود الله يرحمها ... بس الحين الحمدلله رجعتو مثل اول وازين

كلهم سكتو ماعندهم كلام يقولونه هم عارفين وش سوى ولدهم بها وعاذرينه لو طلبت منه الطلاق وكثر خيرها انها ماضرته بشئ

يالله مع السلامه اشوفكم على خير ....واشوفك ياساره وانتي عروس وتطبخين لرجلك ههههههههههه....

كان ضحكها ممزوج ببكاها صعبه لحظة الوداع ناس تحبهم وتغليهم صعب انك تفارقهم وشئ غصباً عنك وهم مالهم ذنب

قامو يسلمون عليها وانتقلت من حضن لحضن ودموعهم تخالط بعض لحظات الوداع الخيره

بتطلعين ولا انتي مسلمه علي

لفت ملاك لأبو حمد هو الشخص اللي بتفقده اكثرهم هو الرجل اللي عوضها عن حنان ابوها اخوها عبدالله مع حنيته وحبه لها الا انها مالقت حنان الأبو عنده

راحت له وارتمت بحضنه وقعدت تبكي فراقه وحرمانها من حضنه

سامحني يبه بس ماقدرت اصبر والله ماقدرت

أبو حمد / مسموحه يابنتي مسموحه الله يلوم اللي يلومك

قامت من حضنه وحبت يده وراسه وحبت يد ام حمد وراسها وطلعت من البيت اللي شهد آخر ايامها معهم



الحين كل ذا الشناط والصياح ليه هو مسويلك شئ

لا.... بس ماقدرت اصبر مااقدر استمر مع رجال متزوج علي افهمني يامبارك عاد

مبارك تنهد / يعني بتطلبين منه الطلاق

انا تطلقت منه خلاص

وقف السياره مبارك فجأه وجت ملاك على قدام من قوة توقيفته / نــــــــعــــــــم تطلقتي متى وليه ماقلتيلي ....؟

بسم الله ...مبارك بغيت تموتنا

مبارك طنش حكيها / متى تطلقتي .....ومن شاورتي ...ولا طقت براسك تطلقين تطلقتي ماوراك احد انتي ولا مات ابوك صرتي حرة نفسك ؟؟؟

لا تصارخ علي ....امس بالليل طلقني

مبارك / لاوالله وليه توك تتكلمين وليه جالسه ببيتهم للحين .....؟؟

مبارك تكفى ماني برايقه لك اللي صار صار وخلاص هذاني بسيارتك لا تزودني اللي فيني مكفيني وادخلت بنوبة بكاء شديده

كانت ماسكه نفسها ببيت أبو حمد بس خلاص ماعاد تقدر تصبر زياده وكلام مبارك زادها واستسلمت لدموعها

رحمها مبارك بس ولو مفروض ماتسوي شئ كبير مثل هذا بدون ماتشاور احد وليه عقب ماتطلقت امس جالسه عندهم يوم كامل

بس قلبه ماطاعه يقسى على عمته وقف سيارته على جمب / ملاك آسف والله اني عصبت عليك بس صدمتيني باللي سويتيه

وبدون ماتشاورين احد اكيد عماني بيزعلون منك وبيعصبون خلاص تعالي اسكني عندي بالبيت

أنا مالي شغل باحد حياتي وانا حره فيها كفايه انهم تحكمو بحياتي لين ماقالو بس بعد بيتحكمون فيني بعد زواجي ماحد له حكم علي انا حرة نفسي ورجعت تبكي وهي تحط يدينها على وجهها

حن قلب مبارك وحس انه زودها قرب لها وحضنها وقعد يواسيها

طق طق طق

فزع مبارك من ذا اللي يطق دريشه السياره

بعد عن ملاك وفتح الدريشه لقى الشرطي قدامه / نعم ياخوي اي خدمه ....؟؟

الشرطي / ليه موقف السياره بالشكل هاذا ؟؟

كان عندي مكالمه ولا حبيت اكلم وانا اسوق فيها شئ ذي ....؟؟

الشرطي بنظرات شك / لامافيها شئ بس فك التظليله ممنوع تظلل الزجاج الأمامي

نزل مبارك يفك مع الشرطي التظليله الاماميه ويعطيه بطاقته

الشرطي / انت متزوج ....؟؟

مبارك تذكر خلود واكتسى وجهه حزن والم على فراقها / ايه نعم

الشرطي / البيت استر لكم بدل الشورارع ترى التظليله خفيفه وكنتو باينين من وراها بس حبيت انبهك مب كل الناس تفكيرهم واحد

لو اني مااعرف اهلك وانكم اجواد وماتطلع الزله منكم ولا مسكك غيري كان الحين سين وجيم

مبارك انحرج من الشرطي ماعرف وين يودي وجهه منه / ان شاءالله بس خبرك معرس جديد

الشرطي / ههههههههه ماعليك مرينا باللي مريت فيه يالله مع السلامه نشوفك على خير وسلمني على عمك عبدالله

يوصل بإذن الله

ركب السياره واول ماسكر الباب انفجر ضحك ولا قدر يسوق

ملاك / بسم الله وش فيك انت ...؟؟

مبارك ماقدر يرد عليها من كثر الضحك

بعد ماهدى بشوي

تدرين ان التظليله خفيفه والشرطي شافني وانا حاضنك ويحسبني زوجك ويقولي البيت استر لكم

ههههههههههههه وانا ماشي معه قلتله توي معرس قاللي مرينا باللي مريت فيه مايدري انك عمتي وان حرمتي ممــــــ آآآآهـ الله يرحمها

وسكت وسرقته الذكرى لأيامه مع خلود وفرحهم بحملها ووشلون هو بغباءه واستهتاره ضيعهم مسك الدركسون بقوة وشوي ويتفتت تحت يده




...........................

بــــــــــــعــــــــــد شـــــــــهـــــــــــر


ندى قوليلها اقنعيها ترجع ....والله حياتي انحاست من دونها صرت كني عزوبي من دونها

ملابسي عند اهلي واكلي من المطاعم

ندى بعصبيه / الحين تبي ترجعها تقول ملابسي واكلي بترجع خدامه انت ولا ملاك ....

وش تبيني اقولها حمد مالقى احد يطبخله ويغسل ملابسه بالله عليك هذا حكي ؟؟

حمد / أووووووووه قوليلها اي شئ أنا ماعدت استحمل بُعدها افهميها عاد وصك السماعه بوجهها

استغربت ندى من عصبيته وسكتت ولا قالت لملاك شئ



.......................


بــــــــــــعــــــــــد شـــــــــهـــــــــــر


آلـــــــــــو

..........

آلــــــــــــــو فيه احد على الخط

ملاك انا حمد

حــــــــــــمـــــــــــــــد

وشلونك ملاك ؟؟؟

ملاك قلبها بيطلع من بين ضلوعها فرحه بسماع صوته وشوق له وحب للحين باقي ماانمحى

رغم الطعون ...رغم الصدود ....رغم الجفاء ...

حمد وهو يسمع تنفسها المضطرب / ملاك انتي معي ....؟؟؟؟.....مــــــــــلاكـــ انا محتاجك

ملاك انا ....انا ....ملاك ترجعيلي ...ملاك خليني ارجعك ..انا اقدر ارجعك من زمان ومن درون رضاك بس خايف ماترجعين للبيت او تسوين شئ ثاني مــــــــــــلااااااك

ملاك وبدت تبكي ...شوقها وحبها له اكبر من طاقتها / نــــــعـــــــم

ملاك أنا خلاص طلقت شوق ماعادت على ذمتي ....ابرجعك موافقه انتي ولالا ارجووووووووك وافقي...؟؟

ملاك بفرحه [طلقها عشاني طلقها عشاني ....يبغى يرجعني حمد ترجاني حمد محتاجني ماقدر على فراقي .....يعني يجبني يحبني ]

وانرسمت ابتسامه على وجهها / صدق حمد طلقت شوق عشاني وتبي ترجعني ....؟؟

اكيد بطلقها خانتني تبيني اخليها على ذمتي

ملاك بااستغراب / خانتك ...؟؟!!

ماقالتلك ندى بنت الكلب ذا الــــــــــــــ....مسكوها الهيئه مع واحد ولها سنين وهي معه ذا الـــــــــ....

وانا المغفل اللي صدقتها وحبيتها ووثقت فيها أنا استاهل ماسمعت كلام ابوي يوم حذرني منها عادنته وتزوجتها باللحيله استمر حمد بكلامه وسبه لشوق ونسى مشاعر اللي يكلمها

ملاك تحطمت آمالها اللي بنتها من دقايق تحطمت فرحتها [دق بس مو عشاني عشانها يحبها للآن يحبها رغم خيانتها اللي ماتغتفر ....

دق لأنه محتاج احد يسمعه محتاج احد عنده ويوقف معه اكيد ان اهله كلهم يلومونه الحين ...صدمته بشوق خلته يلجأ لي انا يلجا لوحده يكرها لوحده اهانها وذلها

اكيد جرحه كاااااااااااااايد ولا ماتنزل وترجاني وترجى ملاك اللي يستحقرها ]

ملاك / حمد انت جرحتني وجرحتني وسامحتك ورديت جرحتني من دون ماتراعي ان لي مشاعر واحساس

لكني ماعدت ملاك اللي تغفر وتسامح لا ...انا اخذت منك الكثير والكثير أخذت منك شده وقسوه وعناد وقلب اسود مايسامح ولا يغفر لأحد

عرفت منك وشلون اصد واكره عمرك مااجتجتني الا مره وحده احتجتني وسيله عشان تحقق غايه وبالأخير خسرت كل شئ الوسيله والغايه

ملاك / حمد

حمد / هلا

ملاك / لا عاد تدق ماعاد فيني قلب يستحمل فعايلك بحفظ الله وامانته وسكرت السماعه

ودموعها تغسل خدها بصمت كعادته



وداع جروح ياجارح وداع مابعده جراح

وداع الحب ضيعته وشوق يشتغل فيني

ابي اعرف وش اخطائي وش اللي اجبرك تجتاح

وتتمادى في تجريحي وبالقسوة تجازيني

تجرعني العذاب ألوان وكفي لعيني صار مراح

رويت الكف من عيني وكف جاء يهديني

اجر الصوت بااعماقي اداري والدمع فضاح

واذا قالو علامك قلت شئ وطاح في عيني

ترد اليوم تبغاني بعدما اللي في راسك طاح

ترى ماني على كيفك بتاخذني وتوديني

صحيح اني احبك واكذب كانني مرتاح

ابي قربك وابي بعدك لو الاثنين تشقيني

أكابر واطلب فراقك ودمعي من عيوني ساح

وتدري بي انا مااقوى وهذي متعتك فيني

ويوم اتذكر جراحك كرهتك والغدر ذباح

ماعاد اطيق لو صوتك وداع وخاطرك فيني

.................................

بــــــــــعــــــــــد ســــــــــنــــــــــه


والله انتي وحمد حاسبيني لعبه عندكم هو يرسلني وانتي ترديني وعلى ذا الحاله ماترحموني وتقولن هاذي حامل تعبانه

خلاص ياندى قفلي على الموضوع عشان ماتتعبين وترتاحين ....كان ماعندك موضوع غير خليني أقوم اسوي العشاء لمبارك اصرفلي

ندى/ ملاك ارحمي حاله كل يومين وهوناط عندي يبيني اكلمك

ندى خلاص انتي ارحميني مااقدر ارجعله مااقدر ...... بتظل ذكرى اللي سواه حاجز بيني وبينه مااقدر اتخطاه ولا اقدر اهده

ندى/ ملاك حمد يحبك ويبغيك شوفي له سنه حتى مافكر يتزوج لأنه يستناك ترجعين له

حمد عمره ماحبني ولا راح يحبني هو بس تعود على الحياة معي وعارفني وعارف أطباعي واخلاقي

وخايف يتزوج وحده وتصير مثل شوق فأنا اضمن الأحتمالات بالنسبه له

ندى/ الواحد اذا حب يضحي .....ملاك ارجعي عشانك انتي عشان حبك له وبالحب بتقدرين تغيرين كل شئ

ملاك بحزن نفس كلامي اول ماتزوجته لكني كنت غلطانه الشكل هو الأساس عند حمد

كان دايم يقارني بزينه وزين شوق ويتطنز علي بس مافادني زينه ماطالني غير شين فعوله

ندى/ يعني انتي الحين خلاص ماعدتي تحبينه ...حبه بقلبك مات ....خلاص نسيتيه ؟؟؟

ابتسمت ملاك ابتسامت حزن لندى ولا ردت عليها اللي بقلبها تجاه حمد من حب لا يمكن توصفه كلمات أو توحيه أوراق

حب مامحته القسوه والكره والصد ....


قالو نسيته قلت مابالزمن خير

بيني وبينه المسافه بعيده

قالو نسيته ؟؟ قلت حبي اساطير

وشلون ابنسى خافقي صار بيده

قالو تحبه ؟؟ قلت يدري به الطير

مل القلم من كثر ماكتبت قصيده

قالو شكيته ؟؟ قلت ماشكيه للغير

والمبتلي كثر الحكي مايفيده

قالو تكلم قلت اسراره فبير

يانا خلوني على مااريده

قالو تصبر قلت هاذي مقادير

نصبر على عوج السنين العنيده ....................


فـــــــي مــــكـــانـــ ووقـــــــتـــــــ آخــــــــــر



خطبتها

نــــــــــعــــــــــــم وش تقول انت مانت صاحي

اللي صار عاد خطبتها وانتهى الموضوع

انت بعقلك يومنك تخطبها تظن اهلها بيوافقون عقب اللي صار

مافكرت بالي بيصير مافكرت فيها هي وبردت فعلها لو تدري انك خاطبها

الظاهر صار لعقلك شئ ؟؟؟

اوووووووه لاتزعجيني مادري كيف خطبتها والله ماوعيت للي سويته الا يوم ركبت السياره

ان شاءالله ماتوافق عليك انهبلت والله انهبلت





* تمنياتي لكم قراءة ممتعه *



* مع تحيلتي هاجس ليل *

الـــــــــجـــــــزء الأخـــــــــــيـــــــــر



-وافـــــــــــقــــــــــــتــــــــ تقوله صادق انت ؟؟

والله ليه اكذب ؟؟ انصدمت ماتوقعتها توافق

-انت تسرعت اصلاً خطبتك لها من الأساس خطأ

عارف اني غلطان بس قلت بترفض عشان كذا ماشلت هم لكن لما وصلتني موافقتها

عرفت مدى غلطتي وحجمها .....تتوقعين غاصبينها ؟؟
منتديات ليلاس
-مااعتقد .....ابوي ماعنده شئ بالغصب اكيد الموافقه عن قناعه من ساره بس ليه وافقت عليك وانت كنت رجل اختها هاذا اللي ماقدرت افهمه

معنها مدلعه ولا ينرد لها طلب وراسمه احلام لزوج المستقبل انت مستبعد منها بسبب فارق العمر اللي بينكم وتجربتك السابقه مع غيرها

الحين وش السوات تورطت مااقدر اكنسل ولا اقدر اتمم الزواج هاذا

-انت غلطت تحمل نتيجة غلطك
منتديات ليلاس
كلميها ملاك قوليلها مبارك مايقدر يتزوج وحده بعد خلود قوليلها انه تسرع قوليلها تراها بتتعذب معي قزليلها اي شئ بس المهم انها ترفض والرفض يجي منها ولا مني مابي اصير ناكر للجميل

-انت انهبلت يازيني رايحه للبنت اقولها ارفضي ولد اخوي لأنه بيعذبك ويبهذلك وخطبته لك كانت هبال منه ولعب لو تقطعني ماقلت لها

لا تسكرينها بوجهي .....المشكله انهم لهم فضل علي ماحاسبوني يوم ماتت بنتهم معني كنت انا السبب بموتها

ماطردوني ولا كرهوني بالعكس وقفو بجمبي وطلعوني من حزني وكني ولدهم

مااقدر الحين ارفض يوم وافقو علي آآآآآآهـ وش السواة الحين ؟؟

-ماادري لا تسألني ....مادري وش اللي ضربك على راسك وخلاك تخطبها قضو الحريم ؟؟؟

تشبها ياملاك تشبها نسخه منها كنها هي .....نفس الوجه والجسم والضحكه والشطانه ..ابتسم وهو يتخيلها

كأنهم توام ...شفتها تلعب ويا فارس بالحوش ماقدرت ارفع عيني من عليها نسيت كل شئ مراجلي وشيمي ولا صديت عنها ولا تنحنحت

كل شئ ضاع بشوفتها بغيت اناديها واقولها خلود بس فارس كان اسرع مني ونادها بساره انحفر اسمها بعقلي

واول ماشفت خالي بو حمد خطبتها من دون تفكير وماوعيت للي سويته ولا فكرت فيه الا بالسياره وكان الوقت فايت على اني اتراجع

رحمت ملاك ولد اخوها مبارك وسكتت عنه فعلاً كانت ساره نسخه من خلود في كل شئ بس ساره اهدى شوي من خلود

وحزنت لحال ساره قبل ماتجي على اللي بتشوفه من مبارك [ان شاءالله تقدر تغيره وتخليه يميل لها ]

منتديات ليلاس


..........................


بــــــــــــــعــــــــــــد أربــــعـــــــة أشــــــــــهــــــــــر



تم الزواج بعد شهرين من الخطبه بالعطله الصيفيه


-مبارك يحب هذا الحلى ؟؟

أووووووووه يموووووووت عليه ودايم اسويه له

-اممممممم طيب تعلمينياه ؟؟

ههههههههه وش عندها ساره بجلالة قدرها تتعلم الطباخ

-لا تضحكين علي ...وابتسمت بإحراج ....بتعلم عشان اسويه لمبارك

الله الله تطوراااااااااااات سارونه

-هههههههه خلاااااااااص ملاك

وشو هو اللي خلاص ؟؟

التفتو كلهم على مبارك

ملاك / بسم الله من متى وانت هنا ؟؟

مبارك / بسم الله على عمرك توي جاي ولقطت آخر كلمه

ملاك / هههههههه لا بس حرمك المصون تبي تتعلم وشلون اسوي الحلى عشان تذوقك اياه من يدها اكيد له طعم غير بيصير ...صح ؟؟

التفت مبارك على ساره اللي منزله راسها بحيا منه / تسلم والله هاذي المره السنعه ......واكتفى برده هاذا وطلع من المطبخ

استغربت ملاك من رد مبارك البارد .....كانت اذا جت للبيت على حياة خلود مايخلي فرصه الا يتغزل فيها ولا يسوي حركه من حركاته اللي تحرج خلود وملاك

ولا يهتم بوجود احد عندهم ....لكنها تشوف مبارك ثاني انسان بارد بتعامله مع ساره يمدح ملاك ويحضنها ويبوسها بس ساره لا ......وكانه فيه خطوط حمرى بينهم مايقدر يتعداها
منتديات ليلاس
بس لازم تكلمه شكل البنت تميل له وتبيه ولا كان ماوافقت عليه وبتتعلم وش اللي يحب من الأكل وهي عمرها ماطبخت ...بس يمكني ظالمته يمكنه تغير وصار يستحي يسوي شئ قدامي

وانا الغبيه لاصقه فيهم 24 ساعه وناسيه ان مالهم شهرين من تزوجو ابفضيلهم الجو واروح اسوي جوله ببيوت خواتي

وعزمت امرها وسوت اتصالاتها وخبرت خواتها انها بتنام عندهم وتستغل العطله



....................


لا والله ومن قالها تطلع من البيت من دون ماتقولي

هي قالت بتفضيلنا الجو شوي ماتوقعتك تزعل

مبارك بعصبيه وعلا صوته / ومن قالها ابيها تفضيلنا الجو وليه تفضيه اصلاً لكن دواها عندي

سكتت ساره لما شافته معصب ولا يتحاكا وتذكرت كلام خلود عنه اذا عصب مايبي احد يرد عليه وفضلت السكوت

وانسحبت من الصاله بهدوء


.....................

-من قالك تتطلعين من البيت بدون ماتقوليلي

مبارك لا تصارخ فجرت اذني الله يهديك بس....توك معرس انت وقلت افضيلكم الجو عشان تاخذون راحتكم شوي

-وليه تفضينه انا مستحمل البيت عشانك فيه تقومين تتطلعين

مبارك وش ذا الكلام ؟؟

-بلا مبارك بلا هم مااقدر اتصور ان لي زوجه غير خلود حاولت أأقلم نفسي

على فكره ان زوجتي ساره ماقدرت ....أحس اني اخون خلود الله يرحمها بعد ماذبحتها ومع مين ؟؟؟ مع اختها

مااقدر مااقدر
منتديات ليلاس
مــــــبــــــــارك انت عارف وش قاعد تقول ؟؟

انت كذا تلعب بساره ومشاعرها ....كان هاذي فكرتك ليه خطبتها من الأساس

ليه تتزوجها وتعذبها معك وانت مو قد الزواج ... حسافه يامبارك حسافه وين العقل والمرجله اللي عندك

وش ذنب المسيكينه ....؟؟

انا ابرجع للبيت بس مو عشانك لا لأنك ماتستاهل ابرجع عشان ساره حرام اخليها مع واحد مثلك ...وسكرت السماعه بوجهه

وذكرى حمد واللي سواه فيها تمر قدام عيونها ورأفت لحال ساره وانها اكيد بتمر بالي مرت فيه هي الصد والبرود والجفاء

شعور صعب صعب خصوصاً لاكنت تحب وشكل ساره تميل لمبارك ../ الله يعينك ويصبرك على مابلاك


..............................



فـــــــي وقـــــــتـــــــ آخــــــــــر



-يالله آخرتينا كل هذا لبس ؟؟

طلعت من غرفة التبديل وهي بكامل زينتها

فتح فمه على الاخر وهو يشوفها بهالشكل جمالها طاغي ونعومتها ساحره كانت فاتنه وحياها مجملها زود

شرق بالهواء اللي دخل بحلقه / كح كح كح

بسم الله عليك ...ركضت له وصارت تضرب ظهره بنعومه ....وهو داخ من عطرها

راحت صبت له مويه من ثلاجه الغرفه وعطتهياه / بالعافيه عليك ....هااه الحين ازين ان شاءالله ؟؟

هااااااه ؟؟

مباااااارك وش فيك ...أقول الحين ازين

مبارك / ايه ايه ازين يالله قومي خلينا نطلع

انقهرت ساره منه حتى ماكلف نفسه يمدحني قامت عشان تلبس عبايتها
منتديات ليلاس
ساااااااره مو كنا الفستان عاري شوي

ماتت من القهر هاذا اللي انتبه له انه عاري.... بس لازم التزم بخطة ملاك

كيد الحريم وحيلتهم واسعه أقدر استغلها واخليه يلتفت لي شوي

لفت له ورسمت على وجهها احلى ابتسامه بدلع / لـــــيـــــــه مـــــــو حـــــــلـــــــو ؟؟؟

خلاص مبارك ماله طاقه عشان يقدر يتحمل كل هذا منها /انا ماتكلمت عن الحلاة ...انا اقول عاريييييييي

ساره مصممه تمشي بخطه ملاك وطنشت تفشيلته لها ...قربت له ولفة يدينها حول رقبته وهالشئ اللي استغرب منه طول 6 شهور من زواجهم ماسوت هالحركه معه

اغيره يعني هذا استر واحد عندي ...؟؟ وناظرته نظره سحرته وهزته .... تعال معي اختارلي فستان غيره على ذوقك

مبارك فك يدينها بسرعه وباس جبينها / لالالالالا الله يرحم والديك ذا حلو ويمشي الحال ..... يالله خلينا نطلع تاخرنا على الجماعه

وبنفسه [انا هذا ويالله قدرت امسك نفسي وشلون لو تبيني اختار لها عز الله ماخليتها تروح للعزيمه هذا استر واحد اجل الباقي وشلون ؟؟]

ضحكت ساره على شكل مبارك وحركته المكشوفه وعلى كذبها هي مختاره اعرى شئ عندها عشان الخطه / انا وراك وراك ليييييين مااجيب راسك ذا اللي رافعه علي


.................................


فــــي صـــبـــاح عــيــــد الـــــفــــطـــر



-أفتحيلي أنا عند الباب

صدق والله يالله دقايق وانزلك

فتحت الباب وسلمت عليه

-من العايدين من الفايزين تقبل الله

منا ومنكم صالح الأعمال وشلونك بشر عساك بخير

الحمدلله مانشكي باس .....بس هاذا معتل ....ويأشر على قلبه

-هههههههه والله انك سوالف ياحمد ....أجل قلبك معتل هااااه ؟؟؟ ومن اللي عاله ؟؟

انتي عارفه انه معتل من ذا اللي عندكم .....ولا هي معطتني وجه حتى بالعيد ماتسلم

-أنت داق عليها ؟؟!!

هـــــاه ....ايه داق

-حمد انت ماتتوب دايم تسكر بوجهك السماعه وترجع تدق عليها

وش أسوي ابي اسمع صوتها الشوق ذابحني

-هههههه من كان يصدق ان حمد يحب ويشتاق لملاك ويسولف معي عادي بدون ماينافخ الـــــــــــلـــــــــه كبرت ياحميدان

حميدان بعينك أنا الشيخ حمد رجل الأعمال المعروف وصاحب شركات .......للأكترونيات توقلين عني حميدان

-الله الله لا يطيح نصك بس هههههه

اااقول ســــــــاره
منتديات ليلاس
-وفيها مطمطه بعد قول يااخوي قول

ابي اشوفها

-ساره طيرت عيونها / من صدقك انت ؟؟!!

بس شوي ثانيه بس ....طلعيها الحوش وانا ابطل عليها من دريشة المجلس ولا من اي مكان من دون ماتدري

-حــــــــمــــــــد وش ذا الحكي حرام علي اخليك تشوفها مايجووز والله لو تدري لتقلب البيت على روسنا

حمد بإستسلام وقلة حيلة / طيب وش اسوي دبريني اب اشوفها مشتاق لها حــــــــــيـــــــــــل

-أنت ماتمل كل يومين ناط تسلم علي وبالمناسبات ترتز اول واحد كل هذا عشانها وهي ماهب معطيتك وجه مامليت انت ؟؟

وش اسوي ياليتها تحس فيني شوي

-بعذرها من اللي شافته على يدينك يحقلعا تصدك

حمد يتنهد / آآآهــ الله يعين

طيب امسكي عطيها هاذا وقوليلها عيديه من حمد ....للآن مانسى وش اللي تحب هي

ومد لها علبة حلاو جواهر ....اخذتها منه ساره وهي تضحك على هبال اخوها

دخل عليهم مبارك وكانو قاعدين بحديقة البيت سلمو وعايدو بعض ......وفيه عيون تراقبهم

تراقبه هو بالذات في كل مناسبه وفي كل يوم تتوقع تشوفه تنتظره لأجل تكحل عيونها بشوفته

وتروي حبها وتطرب اذنها من سماع صوته

لين الحين الحب اللي بقلبها تجاهه مامات رغم الألم رغم القسوه رغم الظلم رغم البعد والطلاق

حبه بقلبهل يزيد يوم بعد يوم ماعمره نقص او تبدل

سكرت الستاره وانسدحت على السرير وغمضت عيونها ...

وكانها تسكر على صورته داخلها وتخاف عليها من الضياع من ان صورته محفوره بقلبها ولا يمكن تنساها او تمحيها السنين

ملاك / كل عام وانت بخير ياروح وقلب ملاك


ياسمي النور .....يالنور البعيد

ياسراب عن عيوني ماابعده

ياغرام عاش في عين الفقيد

ماذكرت الا عزاه ومولده

ماتشوفك عيني الا كل عيد

شوقها للوصل نار موقده

ايه احبك من قديم ومن جديد

واحتملت الهم قومه وقعده

كفو ياقلبي ويانعم العضيد

اصبر بالصبر حزنك تفقده

ادري انك بالحشا تنبض وحيد

وخفقتك بين الضلوع مقيده

كم جرعت المر في حبل الوريد

يوم دب الياس في كل جسده

الليال السود يدها من حديد

وكل مايقرب وصالك تبعده

أيه اريدك والزم العلم الاكيد

ماقوى الشاقي يشوف بك سعده

ايه اريدك وادري الحظ العنيد

يحرم الجفن المشقى مرقده

ولو نريد .. .. الله يفعل مايريد

ولا سواه مع المكاره نحمده




................................


فـــــــي وقـــــــتـــــــ آخــــــــــر


تعبت تعبت آآآآهـ كل ماله ويبعد ويصد حاولت بكل اللي اقدر عليه بس هو ولا كاني موجوده

مادري ليه تزوجني مادري ليه اختارني من بين الحريم عشان يعذبني بس

مدامه ماقدر ينساها للحين ليه يتزوج .....تحملت كثير بس ماعاد عندي صبر انا اموت باليوم الف مره

لا شفته وشلون يتصرف معك ومع خواته وانا زوجته كاني الغريبه بينكم

يناديني باسمها دايم يغلط ويناديني باسمها ويقرب لي ويعاملني بحب ويبعد عني وكانه قام من حلم جميل واكتشف اني ساره مو خلود

تزوجني عشاني اشبهها صح ؟؟!! تكلمممممممي عشاني اشبهها ؟؟

سكتت ملاك ماتدري وش ترد عليها كلامها صحيح وعذابها قوي وجرحها كايد

كرهت وجهي اللي يذكره فيها وجهي الحاجز بينا يتذكر فيني خلود

كنت عارفه قبل لااتزوجه ان هاذا بيصير ...وش اسوي هااااه قوليلي وش اسوي ؟؟؟آآآهــ آآآآهــ آآآهي

حضنتها ملاك تهديها بصمت ماتدري وش الكلمات اللي يمكن تصبرها وتواسيها

ليه توافقين عليه مدامك عارفه ان ذا بيصير ؟؟

أحـــــــــــبــــــــــــه من كنت بالمتوسط وهو فارس احلامي

كانت خلود تتكلم عنه وتقول كل شئ يصير لها معه

كنت انام واقوم على سيرته صار دايم يزورني بحلمي

واغار من خلود ....ابتسمت بحزن وهي بحضن ملاك

تخيلت اني زوجته وام عياله احلام كـــــــــثـــــــــــيــــــــرة رسمتها

كنت اظنها احلام مراهقه شافت رجال قدامها وسيم ورومانسي وغني

وتعلقت فيه ماتوقعت ان ذا الحب بيكبر والمراهقة بتنضج وبيظل حبها بقلبها مامات

تمنيت اني معه يوم وفاة خلود اواسيه واوقف بجمبه تصدقين يوم شفت حالة بعد وفاة خلود الله يرحمه

غرت من خلود حتى وهي ميته

ماتتخيلين سعادتي يوم قالي ابوي عن مبارك انه خطبني بغيت اطير واحضن ابوي

هههههه الـــــــــلــــــــــه أحلامي تحقققت واخيراً

بس مادريت انه خطبني عشان للآن خلود بباله حيه ماماتت ويبي يحيها فيني

مايدري انه كذا يعذبني ويجرحني آآآآآآهــ

يقولي اجلي موضوع الحمل مابي عيال الحين ....بس هو مايبي عيال مني

يبي عياله من خلود بس ....انا عارفه مقصده بس ماقدرت اقوله كذا بوجهه خفت اجرحه ولا اقلب عليه المواجع

ليه احلامنا ماتتحقق واذا تحققت تصير ناقصه كلها الم وعذاب وجروح

ملاك طول هذا الوقت وهي ساكته ساره صدمتها بكلامها من اوله لاخره

ماتصورت ان ساره المدلعه شايله كل هذا بقلبها وصابره حياتها مع حمد تنعاد قدامها

لكن الأشخاص مختلفين والظروف مختلفه نفس الصد والبرود


..................


دخل ومعه ورده حمراء والشعور بالذنب ياكله اكل بعد الكلام اللي سمعه

دور عليها بالصاله والمطبخ ومالقاها رقى لغرفته لقاها نايمه على السرير

والقميص اللي لابسته مخليها حوريه نايمه بسلام

بدل ملابسه ببجامه وانسدح بجمبها ومقابل وجهه وجهها وهو يحرك الورده على وجهها بهدوء

ابتسم على حركات الأنزعاج اللي انرسمت على وجهها بنعومه

فتحت عيونها ببطء والنوم ماليها واتسعت عيونها وهي تشوف الورده قدامها وابتسامته اللي تذوبها

مــــــــبـــــــارك

عــــيــــــونـــــــه

ساره تغمض عيونها وتفتحها وترجع تغمضها / حلم حلم

فتحي عيونك انا قدامك مب حلم هذا حقيقه وهاذاي احلى ورده لاحلى زوجه

ساره دمعت عيونها من تصرف مبارك اللي تمنته من اول زواجهم وتحقق بالأخير

ليه ليه ...؟؟ جايبلك ورد عشان تنبسطين تقومين تبكين

زاد بكى ساره من كلامه ولمست الحنيه بصوته اللي مفتقدتها

جلس مبارك وصار يمسح على راسها وهي منسدحه / سارونه انا ادري اني عذبتك معي

وجرحتك كثير وخيبت آمالك بالزوج اللي تمنيتيه بس ابيك تصبرين علي شوي

صعب علي اني اتقبل وضع اني اتزوج بعد خلود الله يرحمها ومن مين من اختها ......اوعدك اني اتغير وبسوي كل اللي اقدر عليه عشان ابسطك واعوضك

عن الشهور اللي فاتو بس انتي ساعديني عشان تستمر حياتنا مع بعض شوية وقت وشوي مني وشوي منك ونتخطى كل اللي يواجهنا

قربت له ساره وحطت راسها على رجلينه وحضنت خصره وكملت بكاها

خلااااااااااص بتودع ايام الحزن والعذاب وبتبدا ايام السعاده صحيح بتواجهم ايام صعبه بس مادمهم تفاهمو وتعاهدو

انهم يبنون حياة سعيدة كلها تفاهم وحب بيتخطون كل شئ يواجهم

مو شرط ان الحياة الزوجية يكون اساسها الحب احياناً يكون حب من غير تفاهم واحترام وينهدم كل شي بينهم

واحياناً يكون تفاهم من دون حب لكن الحياة تستمر والحب يجي مع حسن العشره ومع مرور الزمن

يصير كل طرف مايقدر يستغني عن الثاني



.....وانفتحت صفحة جديده من حياتهم ...


...................................



بــــــــــعــــــــــد ســــــــــنــــــــــه


يالـــــــــلـــــــــه اخرتونا كل ذا لبس

بالله عليك وش اسوي اطير ؟؟!!

تراها عزيمه مهب عرس

بلا اللي فيني مو فيك ولا ماقلت بسرعه

عاد وش اللي فيك ؟؟ من كبر الكرشه ؟؟....اللي يشوفك يقول بالشهر الثالث مب الشهر الثامن وش بتجيبين لي انتي ابرص الظاهر مب ولد

أقول اسكت تراها واصله معي من ولدك من اصبحنا وهو يفحط ببطني ماخلاني ارتاح ولا انام وتجي انت تكملها وتتطنز علي

هههههههه وش فيكم ياجماعه هدو اصواتكم واصله للجيران

ملاك تعالي شوفي مايكفي تعب الحمل وقرفه يجي يتطنز علي بالله هاذي حاله ؟؟

ملاك / والله معك حق يعني تشوف الوقت مناسب عشان تتطنز عليها

غثاء اختبارات وحمل وبيت ....ابتسمت ساره ان فيه احد واقف معها ويدافع عنها .....

ملاك / انتظر لين تجي للشهر التاسع وتتازم النفسيه اكثر وتطنز عليها على كيف كيفك

ملاك + مبارك / هههههههههههههه

ساره / تطنزي تطنزي وش عليك تخرجتي وانا لين الحين اكرف

ملاك / ياحبيبتي انا تعبت اترام صيفيه وغثاء لين تخرجت الحمدلله ......ويالله ماصارت عزيمه هاذي بتروحولها ترى تاخرتو

ساره / مانتي مغيره رايك وجايه معنا ...تعالي وسعي صدرك

ملاك / لا معليش اليوم تعبت بحفل التخرج ابغى ارتاح واليوم كلهم شفتهم وكلمت امي مزنه واعتذرت منها ووعدتها بجيه ثانيه ان شاءالله

ساره / على راحتك ....يالله مع السلامه وقفلي البيبان زين

ملاك/ مع السلامه وبحفظ الله


......................

في بـــــيـــــتـــ العـــــــائــــــلـــــــه


لاوالله ماتقومين انا ابروح اجيبه

ملاك هو انتم الضيوف انتو اللي تخدمون

الجوهرة وش ذا الكلام حنا اصحاب مكان ولا بينا هالرسميات ولا نسينا ماكلينا

الجوهره / بس فشيله قدام خواتك انتي اللي تخدمين انتم الحموله حنا اللي نضيفكم

ملاك / هههههه ماعليك بينا عيش وملح عادي واعتبرو الحموله اللي داخل انا طلعوني من الحسبه

الجوهره / الــلـــــــه يذكر ذيك الأيام بخير لو تلينين راسك ذا اليابس وترجعين كان اكتملت فرحتنا

ملاك / الجوهره خلصنا من هالموضوع ولا ترى ازعل واخليك تضيفين لحالك

الجوهره / هههههههه هو على كيفك يالله قدامي على المطبخ

راحو المطبخ ....

ملاك / خلاص انتي خوذي القهوه وانا ابجيب سلة الشكولاته اذا جابها السواق مع هدايا المولود
منتديات ليلاس
الجوهره / أخاف يتاخر السواق وفشيله ادخل واصب والشكولاته ماجت

ملاك م مو انتي تقولين السواق قال انا دخلت الحاره خلاص كلها دقايق بس.... بعدين فيه الحلى خليهم يتبدون فيه لين تجي الشكولاته

الجوهره / شورك وهداية الله يالله ابسبقك اجل

ملاك دقت على السواق / محمد وين شوكلاته سرعه فيه نفر روح

انا فيه اجي مطبخ يحط عند باب

ايه اذا حطيت طق باب عشان ياخذ

طق طق طق

ملاك / خلاص خلاص حطه ورح

فتحت الباب وجت بتاخذ السلال وشافت طرف بنطلون السواق ورجعت سكرت الباب من جديد

ملاك / محمد انت مايفهم كلام انا ....خلاص روح

انتظرت شوي ورجعت فتحت الباب لقته للحين عند الباب

ملاك عصبت على هالسواق الغبي وفتحت الباب شوي / محمد روح لا بالنعله على وجهك يالله رووووح

مادرت الا بالباب ينفتح بقوه ويدخل عليها ويمسكها من يدها / آآآآآآآهـــ وصرخت صرخه لولا انه مافيه عازل كان ارتج البيت من صراخها

بـــــــعـــــد عني ياكلــــــــــبــــــــ وخـــــــــر وتحاول بكل قوتها انها تبعده ....يــــــــــمــــــــــه يــــــــــبــــــــه تعالو شوفو السواق وش يصلح آآآآآهــ وبدت دموعها بالنزول ولا حست

فيها كل همها انها تخلص نفسها من يده القذره طول عمرها محافظه على نفسها يجي بالاخير سواق ويعتدي عليها ....لكن لازم تنقذ نفسها منه شكل مااحد جاي ومنقذها وبدت تمخش اي شئ تاصله اظافرها

جات كل قصص اعتداء السواقين على اصحاب البيوت قدام عينها وتخيلت مصيرها بيكون مثلهم

بــــــعــــــــد عني اتركننننننني يانذل

ماحست الا انها تهتز بيده / مــــــــــــــلااااااااااااكـــ اصحي انا مب السواق

وقفت ملاك فجأه عن مقاومتها له ورفعت راسها ببطء لصوت اللي قاعد يكلمها / حـــــــــمـــــــــــد

تلاقت العيون وتعطلت لغة الحروف بينهم لاهو تركها ولا هي ابتعدت عنه كل المشاعر اجتاحتها بهالوقت

الحب والشوق والعذاب والألم والخيانه كل مشاعرها من طلاقها تجمعت عليها بهالوقت

سالت دموعها على خدها ترثي حالها وشوقها وحبها

ملاك انا أــــــــــــ

فاقت من غيبوبة الحب اللي هي فيه ونشوة الشوق وعرفت مدى خطاها ...بحضن رجال اجنبي عنها وبدون غطاء وبمكان غلط

فكت نفسها منه بسرعه بس يده للآن مثبته كتفها / ملاك اسمعيني ابشرحلك الوضــ....

ملاك / وخر عني انت ماتخاف ربك ماسكني ....ياخي اعتبرني اختك ترضاها علي ترضى طليقها يمسكها فكـــــــــنـــــــــي

فـــكــــنـــي وبدت تخلص نفسها منه بس هو ياجبل مايهزك ريح ولا أثرت فيه حركتها

الله يعافيك حمد فكني لا احد يجي ويظن الشينه فينا فكنيييييييييي آآآآهــ آآآآهي وبدت تبكي بصوت عالي فكــــــــــــــنـــــــــــي

تركها حمد فجأه / انا آسف ماقصدت ابكيك .....ماقدر يتحملها تترجاه بوجه حزين وخايف منه هو .....هو المفروض اللي يكون مصدر الأمان بالنسبه لها

تخاف منه ....دموعها مثل السكين بقلبه ماقدر يتحملها وفكها ...بس مو ذنبه هو مشتاقلها مشتاقلها حـــــــــــــيـــــــــــل يبس يكلمها يفهمها الوضع

ماقدر يضبط تصرفاته ولا يفكر باللي هو يسويه ارتجل تصرفه من دون سابق تفكير كان خايف لو جاها بالطيب ترده مثل العاده

مالقى الا القوه هي اللي مناسبه معها [مب كأني زودتها شوي معها كاني ابعتدي عليها هذا مب شوق ذا هبال هههههههه مأثره فيني الأفلام روعتها المسيكينه ]

واطلق ضحكه مدويه على نفسه وهو يتلمس جروحه اللي سببتها له ملاك [قطوه مب ملاك آآآح يحررر بس كل شئ منها حلو هههههههههه]

عسى ماشر انهبلت تضحك لحالك

بسم الله....سعود من وين طلعت ماشفتك ؟؟....

الحبيب مب معي من تو وانا قدام وجهك البلا من ذا الضحك اللي ضحكته

ههههههههه لا بس تذكرت شئ وضحكت عليه

وهالشئ بعد هو اللي قطع بلوزتك وجرح وجهك

ههههههههه لالالالا ذا سالفه ثانيه

الحمدلله والشكر الله يثبت نعمة العقل وش فيك متهاوش ويا احد

آ آ آ آ آ هــ فداه الجسد والروح يسوي اللي يبي فيهم

لالا حالتك صعبه من ذا اللي فداه لا يصير بس ابوي ولا امي

حمد وبغيره من سعود للآن ماقدر يتخلص منها / ماللك دخل عطيتك وجه زياده ....وراح عنه وخلاه

سعود يناظر ظهر حمد اللي راح وخلاه بإستغراب ولا يدري وش اللي قلبه عليه فجأه .....تو يضحك وش زينه والحين معصب

سعود / يامقلب القلوب ثبت قلبي على دينك هــــه



..........................




فـــــــي وقـــــــتـــــــ آخــــــــــر


هلا يمه مزنه وشلونك عساك بخير

الحمدلله بخير وشلونك انتي ووشلون ساره ومبارك

كلللللللهم بخير حتى ذا المفعوص سعد بخير اذا قلنا جديده يتلفت يدورك وانا عمته مقابلته مايعطيني وجه

هههههههه ياحبيله اسم الله عليه وش جاب جدته لعمته خبله انتي

ملاك بنبرة زعل / افــــــا يمه انا خبله ؟؟

انتي خبله انتي ملاك ...اسم على مسمى ثقل وعقل وزين واخلاق ربي يحفظك

-هاذي ملاك ؟؟

أم حمد وهي تسد السماعه بيدها / ايه هي ...وخر عني لاتسمعك

طيب عطيني اسمع صوتها شوي

أم حمد / حــــمـــد اعقل وش جاك ؟؟

حمد / بس شوي شوي

أم حمد حنت على ولدها وحاله المعذب / طيب بس شوي مثل ماقلت

ابتسم حمد ابتسامه واسعه حتى بانت كل اسنانه تقريباً

حطت ام حمد على السبيكر بالتلفون / يمه ملاك طولت عليك ..؟؟

ملاك / لا عادي خذي راحتك اصلاً عندي هالمزعج سعد قاعده ألاعبه فديته والله

أم حمد / عقبال مانشوف عيالك حولك

ملاك /ــــــــــــــــــــ سكتت ....عيال يعني زوج ...زوج يعني رجل غير حمد وهي ماتبي غيره وبتصير خاينه له لا تزوجت غيره <<<كان هاذ تفكير ملاك

ملاك وهي تضيع السالفه / يمه وين ابوي باسلم عليه ..

استانس حمد لأنه عرف انها ماضيعت السالفه الا لأنها رافضه فكرة الزواج من غيره

أم حمد / ابحولك عليه هو الحين بغرفة المكتب

ملاك / يالله يمه مع السلامه وان شاءالله اشوفك قريب

أم حمد / مع السلامه وسكرت السماعه

حمد يتنهد / آ آ آ آ آ آ هـــ

أم حمد / هههههههه لعبت بك لعب هالملاك هاااه؟؟

حمد/ لا تسألين يمه لا تسالين

أم حمد / هاذا اللي يقول وهي تقلد صوته ....مالقيتو تزوجوني الا هاذي شينه وسمرة وع تقرف انا رجال احلى منها ...

حمد / ههههههه ظنيت اني باتبدى باام شوشه لين تجيني المنقوشه صارت هي ام شوشه والمنقوشه

أم حمد / ههههههه وصرت تقول امثال الحريم بعد




................................


فـــــــي وقـــــــتـــــــ آخــــــــــر ومـــــكــــــان آخــــــــر


دخل للغرفه وفسخ شماغه وثوبه وعلقهم

من اللي بيجي اليوم عندكم اشوفكم من الصبح بالمطبخ

مـــبــــارك وش فيك نسيت ؟؟؟ اليوم الدوريه عندنا

اها والله اني ناسي هاااه عسى مانقصكم شئ ؟؟

لا الله يسلمك ارتاح ياعمري مانبي اللا سلامتك

آآآآهــ ذا القلب لمتى بيتحمل ههههههه

ههههه بيتحمل طووووووول ماانا عايشه

ربي يطول بعمرك ولا يحرمني منك

ابتسمت ساره بحب لمبارك اللي يحاول انه يسعدها من يوم وعدها

هي عارفه انه مانسى خلود وشايفه خاتمها وسلسالها اللي كانو عليها يوم الحادث بدرج السياره وكم مره شافتهم بيد مبارك وكانه يكلمهم والدمعه بعينه والحزن كاسي وجهه ويخبيهم لا جت

بس ولا مره تجرأت وقالت لمبارك عنها او زعلت عليه بسبب هالشئ الغيره ماكلتها بس كونه مابين هالشئ قدامها ولا دخل الخاتم والسلسال البيت

معناه ان لها خاطر عنده ويخاف على زعلها .....هي عاذرته لأنه فقد حبيبه وحبيب بيوم واحد وبسببه ....بس ماتقدر تتحكم بغيرتها ودها تزعل عليه ولا تكلمه

بس قلبها مايطاوعها تضيق صدره .....وما فيه شئ يربطه بذكرياته الا هالأشياء فليه تحرمه منهم هي ماهي انانيه ولا عمرها بتكون انانيه ....مع الوقت بيسلى وينسى ونكون حنا بس ببالله انا وسعد

الحلو بمن سرحان ....ان شاءالله انا مب غيري ؟؟

ههههههه أكيييييد انت فيه غيرك ماخذ عقلي وقلبي ومشغل تفكيري

لالالا كذا زودتيها عاااااد شكلك مانتي شايفه أهلك ؟؟

ساره بغباء / لـــــــــيــــــــــه ماهم جاين هم قايلين لك شئ ؟؟

ناظرها مبارك بخبث و بنظره ذات مغزى ......نزلت راسها بحيا منه للآن تستحي منه مع ان لهم مده متزوجين

قرب مبارك لها ومسكها / لالالالا اهلي بعد شوي بيجون ابروح اللبس مايمديني

منعها مبارك من القومه / وين وين هو دخول الحمام زي خروجه ماحد قالك تتميلحين عندي ثم تقولين مايمديني اللبس

- مــــــــبـــــــــارك حراااااااام عليك والله مايمديني اللبس ولا اللبس سعد

لا وبعد تتدلعين وين تبيني اترك معه

حطت يدها على خده بنعومه وعينها بعينه / الوعد بالليل ....ok حبي وباست خده بنعومه .....وراحت بسرعه لغرفة الملابس تبدل ملابسها

آآآآآهــ عذااااااااب الحريم عــــــــــذااااااااابـــــــــ والله خليني اطلع مع الشباب لاتطلع الحين واخربها معها .....وقام وطلع من الغرفه



جو العائله كلها سواليف وازعاج وسعة صدر ولا احلى من كذا جلسه

-هلا والله حي ذا الصوت

-ايه ايه هذاه عندي

-سعود سعود تعال كلم بالجوال

جاء سعود وكلم وهو يهز راسه / طيب طيب طيب خلاص فهمت طيب

انتهى سعود من المكالمه وراح ركض لملاك وحضنها بقوه وحبها مع خدينها بأقوى ماعنده وطلع صوت قوي

ساره / ههههههه وش فيك سعود ....شكل الولد انحرف ....بدت مراهقته من الحين

ندى / سعود وش ذا الحركات انا امك ماقد سويتلي كذا .....شكله بيشبك من الحين ملاك يسويلك اغراء انتي العزباء الوحيده بينا هههههه

ملاك وهي تضم سعود / هههههههه والله والغير ه وش دخلك واحد وخطيبته وش حشرك بينهم

ندى/ هاه سعود اعجبتك ملاك نخطبها لك وبعد عشرين سنه تتزوجها ؟؟

سعود / لا ماما ملاك كبيره

ندى / كبيره اجل ليه بستها تو وشوي وتاكلها

سعود / عشان خالي حمد قال احضن ملاك بقوووووووه وبسها مع خدودها بقووووووه وقلها هاذي من خالي حمد

وهو بيوديني بعدين للملاهي ....بس انا نسيت اقولها ....ورجع من جديد حضنها بقوه

وحبها مع خدودها بقوه / هاذي من خالي حمد هههههههه نسيت تو

انحرجت ملاك ونزلت راسها وووجهها قب احمر وكأن حمد هو اللي مسويلها كذا قدام الناس

كل اللي بالمجلس ضحكوا من طلب حمد وشكل ملاك المنحرج

الجوهره / والله ان حمد ضيع عقله من يوم طلقك وهو منهبل شكلك اخذتي عقله معك

ساره / هههههه لو فيه مبارك كان صارت علوم كان صار الضحيه سعود بيجيه تكفيخ مو صاحي منه



..............................


فـــــــــي الـــــــســــــــوقـــــ


أوووووووه هذا وينه تأخر ..../ آلو هدى وين سواقك لي ساعه انتظره برى وللحين ماجاء

- ماجاء للحين من زمان مرسلته هو والشغاله غريبه والله ا....بدق عليه واشوف شكله راح يمشي مدامته على حسابك ههههه

ملاك / يوديني البيت ثم يروح يسعسع هو وحرمته على كيفه تكسرت رجولي من الدوران بذا السوق

- ههههههه استحملي شوي ....أقول ملاك حبيتي

سمي آمري

- مايامر عليك عدو ... بس جيبيلي معك كوفي وكروسان قايمه من النوم وانا مشتهيته

هههههههه توحمي وحنا نخدمك مايصير خاطرك الا طيب أحلى كوفي وكروسان لاحلى هدى

وراحت لستار بكس وجابت لأختها شهوتها وطلعت برى وللان ماجاء السواق

- ايش الجسم هذا ....هذا ولا ملكان بس اللي مخربه ذا الخيمه اللي لا بستها

كان ضوقتي العبايه لأجل اتمتع بهالجسم عدل

ملاك ماتت من الخوف بمكانها هي خوافه من الاصل واول مره يصير لها هالموقف هذ

- تبين توصيله ؟؟ شكلك تنتظرين احد يوصلك ...انا هنا بالخدمه ليه تتعبينهم

ملاك /ـــــــــــــــــــــ

- شكلي مااعجبتك ؟؟ لا يهمك الشكل ترى الجيب مليان وهذا الللي يهمك صح ؟؟

خلاص ملاك صارت تتنافض من الخوف ولا قدرت تتحرك من مكانها وتتدخل داخل المجمع

- هاااااه وش قلتي ؟؟

ملاك كل اللي قدرت عليه / روح لأعلم عليك الهيئه

من سمع صوتها اللي يغازلها ولزق فيها زياده لإن صوتها حلو

- خوذي الرقم ...والله لأعيشك فوق السحاب ....لأصرف عليك بالهبل بس كلميني

ملاك وبدت عيونها تدمع الخوف شل حركتها وقطع صوتها

مـــــــــــــلااااااااااااكـــ

من سمعت صوته صارت تبكي بصوت ....كان صوته هو طوق النجاه لها ماتدري من وين جا....لكن هو الوحيد اللي تمنته بهاللحظه عشان ينقذها وربي حقق امنيتها

- نـــــــعـــــــــم وش عندك هنا مضيع شئ ....وكان صوته محتد ومليان غضب

خاف اللي يغازل منه لأنه يفوقه جسم بالطول والعرض والعصبيه الواضحه عليه واستعداد منه انه يتضارب معه .....وانسحب على طول من دون كلام

- وش تسوين هنا لحالك ؟؟

ملاك ماردت مازالت مستمره بالبكاء

- تكلمي وش جابك هنا ؟؟

ملاك وهي تبكي / مالك دخل فيني

- اللي لي دخل وش جايبك ؟؟

مو انت طلقتني خلاص مالك دخل فيني اتركني بحالي

حمد وهي واصله معه من العصبيه / لا ماني تارك بحالك ....ومسكها من مرفقها ومشاها غصب عنها وهي تحاول تفك يدها منه اللي فيها الأكياس

وباليد الثانيه ماسكه الكوب ....طاح منها الكوب على الأرض وثارت حركتها انتباه حراس الأمن

جو لمهم حراس الامن / خير وش قاعد تسوي انت ؟؟

حمد لف لهم / ماسوي شئ

الحارس / قاعد تسحب الحرمه ولا فيه شئ ....وين حنا قاعدين فيه تخطفها عيني عينك ....اختي وش سوالك ...؟؟ فكها للحين ماسكها

حمد / وش عليك مني ومالك كلام معها سامع ...ووش اخطفها وش ذا الخرابيط هاذي زوجتي

الحارس / زوجتك اللعب على غيري ....زوجتك تسحبها

حمد ووصلت معه / مانت مصدق .....وفتح البوك وطلع منه صوره من بطاقه العائله ومدها له

الحارس / وش يثبتلي انها حرمتك ....اختي معاك بطاقتك الشخصيه

قعدت ملاك تحوس بشنطتها لين طلعت الطاقه ومدتها للحارس....

اخذها حمد قبل مايمسكها الحارس وحط اصبعها على صورتها ومدها للحارس عشان يطابق الأسماء وهو يخز ملاك بنظرات ناريه

الحارس بإحراج / آسف أخوي بس مثلك عارف المصايب اللي صارت خاتنا نتشدد شوي

حمد وهو يحاول يكبت غضبه / لا ماصار الا الخير وهذا واجبكم

الحارس / آسف مره ثانيه والله اني منحرج منك

حمد / مسموح يالطيب ...وراحو عنهم .....يالله قدامي

ملاك / كنك صدقت نفسك انا مشيت مك باللعبه عشان اجنبك المشاكل بس

حمد / اقول لا يكثر وتعالي معي للبيت يالله

ملاك بخوف / وش بيته انت صاحي ...؟؟ انا ماعدت احللك

حمد / الا تحليلي انتي زوجتي

ملاك / حمد أصحى انت مطلقني من سنتين وزياده

حمد عصب / وش شايفتني خرفت يعني ....أنا مرجعك من زماااااان ....وكون اني ساكت عنك ولا رجعتك للبيت بالقوه مايعني انك ماتحليلي

ملاك بصدمه / كــــــــذابـــــــ وش ذا الخرابيط اللي تقولها

حمد / يعني ماصدقتيني ...طلع جواله ودق منه/ آلو هلا مبارك

-هلا بك زود

حمد / الله يسلمك ...بشر عنك

- والله الحمدلله تمام

حمد / الله يديم عليك ....أقول مبارك مب أنا رمجع ملاك وهي للآن على ذمتي

مبارك استغرب هالسؤال / وش مناسبه هالسؤال الحين

حمد / قلها انها على ذمتي واقدر اخذها للبيت ...تسمعك الحين هي

مبارك / تسمعني ...!! انت بالبيت عندنا

حمد بنفاذ صبر / لا بالسوق ....اخلص علي قلها

مبارك / ملاك ملاك ...تسمعيني انتي الحين ؟؟

ملاك بعبره وصوتها مختنق وماهي مستوعبه الكلام اللي انقال او ماودها تصدقه / ايـ ـــ ــه

مبارك / كلام حمد صحيح هو مرجعك فبل ماتنتهي عدتك وانا كنت شاهد وعمي عبدالله واخوه سعود وخالي أبو حمد وخالتي بعد كلهم دارين

حطت يدينها على وجهها وقعدت تبكي ولا اهتمت بالناس اللي يناظرونها ولا بمبارك اللي يناديها

كمل حمد المكالمه مع مبارك وسكر الجوال أخذ الكياس من الأرض ومسكها من كتوفها ومشاها معه وركبها لسياره

بدون اي مقاومه منها او كلام ...للآن بصدمة الخبر مابعد فاقت منه كل الألم كل الشوق كل الوحشه اللي حست فيها يوم تطلقت منه

كلها بسبب غبائهم ليه ماعلموها ليه مالمحو لها وهو يشوفونها تتعذب بصمت...يعني محاولات حمد انه يكلمني عشان يقولي وانا كنت اصده بقسوه

طيب ليه مارجعني بالقوه ليه مارجعني بقسوة اللي تعودت عليها ليه انتظر كل ذا الوقت ...عشان يزيد عذابي ولا وش اسبابه




...............................


قامت مفزوعه من على السرير وهي تتلفت حولها المكان غريب عليها شفته قدامه / وش جابني هنا

- تراك جيتي برضاك ماحد غصبك

لا اكيد سويتلي شئ آخر شئ أتذكره مكالمة مبارك لي ....وش جابني أكيد سويتلي شئ

- وين حنا فيه بفلم ياباني ...مسكتك وركبتك السياره ودخلتك الشقه وبكيتي ثم نمتي

ملاك بشهقه / من مت انا هنا ....؟؟

- أمممم من 5 ساعات تقريبا

خمس ساعات ولا احد سال عني

لاتخافين انا قلت لمبارك وهو وصل الخبر للبقيه

قامت ملاك من على السرير ...رجعني لبيتنا

- هذا بيتك

لا بيت مبارك

- بيت رجلك هو يتك مب عشاني تركتك كل هالسنين على راحتك ابظل على طول ساكت ...ماينفع معك الا القوه

كنت ابترك فتره لين ماتهدين ويطيح اللي براسك وترجعين لكن الظاهر انك تتغلين ....ولا ماعاد لي بالقلب مكان

ملاك / انت عارف وش انت بالنسبه لي على كثر اللي سويته فيني

بس انا ماراح اظل طول عمري مع انسان مايحبني ...ماراح اظل طول عمري اعطي من دون مااحد يعطيني واقدم تنازلات وبالنقابل والقى غير الصد والكره والنكران والجحود

مـــــــــلـــــــيـــــــــتـــــــــ ماعاد فيني قلب يتحمل المهان والذل ....وجلست على السرير وغطت وجهها بيدينها وبكت بحرقه وبصوت بقطع القلب

قرب منها وضمه وهي تبعده وتقاومه لكنه بالخير ضمه بقوه وفشلت محاولات المقاومه أو استسلمت بدت تهدى بين ايديه ونفسها ينتظم

ملاك بصوت باكي / ليه تسوي فيني كذا ؟؟؟ ليه تعذبني ؟؟؟ تعرف اني مااقدر على قربك واضعف ... ليه تقربني ثم تبعدني .....انا ماعدت اتحمل ماعدت

شدد من قوة ضمته / ماراح ابعد عنك ....ز.ابظزل طول عمري متكسك فيك ....ماني مضيعك مني مره ثانيه

ملاك / لا تكذبق علي ....تعشمني بشئ ماراح يتحقق بيوم ولا شعورك تجاهي بيتغير ...ابظل ملاك المنبوذه اللي تكرهها

حمد / ملاك أنت لين الحين ماحسيتي اني احبك ...؟؟

ماحسيتي كل هالسنين بحبي لك ؟؟؟ ماسالتي نفسك ليه ادق عليك وارسلك واترجاك تسمعيني ولو مره وحده

كل هذا ليش ؟؟... كله لأني احبك ....فهمتي الحين ؟؟

رفعت راسها من حضنه وبعيونها اللي كلها دموع سؤال .... صدق اللي تقول ؟؟

حمد / ايه صدق انا احبك من زمان .... حبك انولد فيني من اول ماشفتك ..لكني اكذب نفسي

كنت اقول وشلون احب وحده بعكس المواصفات اللي ابيها ....وحسيت ان قلبي بذاك الوقت مليان بحب شوق

مداريت ان المظاهر قشور داخلها صالح وطالح واغتتريت بها وحبيتها أو يمكن مب حب يمكن تحدي لأبوي

وعناد عشانه رفض يزوجنياها يوم امي اقترحتها علي وابوي ماقد رفضلي طلب ففسرته بأنه حب

كنت اغير عليك من سعود لأنه هو الانسب لك بنظري اصغر مني وملتزم زكنت افسر غيرتي على انها شده او كره او اي شئ ثاني غير الغيره لنها تعني الحب

وانا كنت انكر حبك ...حتى شوق اللي سويت المستحيل عشان اخذها ماكنت اغير عليها مثلك مع ان حركاتها البايخه باينه للكل

انتي غيرتيني ماعدت حمد الاولي صرت حمد ثاني أحافظ على صلاتي وعلاقتي تحستن مع اهلي

غيرتيني من دون مااحس على رغم قسوتس معك

ناظرها بحب وابتسم/ هههههه تصدقين قاعذ اتذكر لما اجي اخذ خواتي من المدرسه وانت تنشدين ...اغنب نط جابله خط من يقغاه انا اقغاه

ملاك وهي تضربه بخفه عل كتفه / حراااااااام عليك فشلتني هذا مرض الواحد مايستهزئ فيه ولا يبلاك ربي

حمد / ههههههههه بس كان حكيك مملوح احب اسمعه

ملاك / خلااااااااااااص حمد كنت لتغه والحمدلله مافيني شئ الحين

حمد / خلااااااااص صافي ياللبن

ملاك / حليب ياأشطه ههههههه



..................


مــــــــن بــــــكــــــــرهـــ الصباح


صباح الخير لاحلى ملاك ....وعلى قولتهم صباحيه مباركه ياعروس

ملاك تغطي وجهها مستحيه من حمد

حمد يسحب المفرش من على وجهها / الحين انتي مستحيه مني ؟؟

ترانا بنكمل خمس سنين متزوجين كان ماعندك خبر ...تو الحيا يجي ..؟؟ ولا الحيا يجي يو م ـــــــــــــــــ

حطت ملاك يدها على فمه / خلاص حمد واللي يسلمك ترى اذا انفتحت انت ماتتسكر

حمد بخبث / واذا بدت يديني تشتغل ماتوقف ....ويضمها له

ملاك / هههههههه حمد حـــــــــــمــــــــــد




.....................



بــــــــــــعــــــــــــد ســـــــــــــنــــــــــــــه


سعود تكفى وقف عند محل الورد ابشتري لملاك

- ليه الورد مب انتي شاريتلها شوكلاته ليه الورد بعد ...؟؟

تكلمت بدلع / ساودي حبيبي ترديني .....؟؟ هاذي خالتي وهي السبب في زواجنا بعد الله مالتستاهل ورد

سعود / والله ماوداني ورى الا هالساودي حقتك ...ماعاش اللي يردك ولو تبين نجيب لها المشتل حاضرين لطيبين كم عندي من ريم أنا ...؟؟

ريم بضحكه حلوه / وحده بس زمسكت يد سعود بحب

رفع يدها لفمه ولثمها وهو يحمد الله بقلبه أنه رزقه بالزوجه اللي كان يتمناها في كل شئ اخلاق وسناعه وتربيه وكمان جمال



......................


فـــــي المــــســــتــــــشـــــفـــى



الــــــلـــــــــه بنتك حلوه خالتي ملاك

ملاك / صدق حلوه ؟؟ الله يسلمك ياحلو سعود ياناس يسلملي قلبك

احم احم

لفت له ملاك وهي تبتسم / وش فيك ؟؟

- اشوف الكلام الزين حق ناس وناس وانا نصيبي ضايع لا لو داري ماجبته معي تراني اغاااااااااار

هههههههه هاذا كبرك تغار من بزر ؟؟

سعود / ايه انا احبها كثر الجبل

حمد / لا انا احب كبر السماء والأرض

وصارو يتعاندون من يحبها اكثر من الثاني
منتديات ليلاس
وهي تناظرهم مبتسمه على كلامهم وطريقة حمد بالكلام اللي يقلد فيها الأطفال
منتديات ليلاس
اللتفت عليها فجاه / انتي تحبيني كثر ايش ؟؟

ابتسمت له واخذت جوالها وصارت تطقطق به

تضايق حمد من تطنيشها له وقعد شوي وطلع

شوي ولا واصلته رساله فتحها وقراها


كثر العطر واكثر من الروح مغليك

كثر المطر والعشب والروض والفي

كثر الخزامى والنفل عطر بيديك

كثر الظلام بغربتب همسك الضئ

كثر المسافه والمدى قمت اناديك

كثر الدموع اللي مع غربتي فئ

كثر الحروف وكثر كل الشعر فيك

كثر الشذى في وجنة الليل بسري

كثر الدموع آخذ من الليل واعطيك

من غربتي لحظه ومن دمعتي كي


وراح ركض للغرفه وحضنها وصار يبوّسها وهو مالقى بال للي حوله

صار وجه ملاك احمر من الاحراج

- اقول ترى عندكم بيت ...شفاحه هي اذ1ا رحتو للبيت سو اللي تبي

حمد لف لراعي الصوت / يوووووووووه ياذا الحاله انت ملاحقني بيوم زواجي ويوم ولا دت حرمتي

وش تبي ياخي عطيناك اختين نبيك تفكنا من شرك بس مافيه فايده لزقه اصليه نشبت زياده

هههههههههههههههههههه

كل اللي بالغرفه ضحكو وكانت السعاده حليفتهم بايامهم اللي جت

مع مايشوبها من زعل وحزن احياناً بس تغلبو عليها بالحب والتفاهم




..........................




الحمدلله تمت قصتي الأولى ( مافادني زينه ماطالني غير شين فعوله )

بفضل الله ومنته وبتوفيقاً منه

حبيت اوصل بهالقصه فكره ان الجمال مو اساس الزواج الناجح

ياما وياما هناك زوجات آيه من الجمال لكن من الداخل اقبح من وجه ابليس

مدام وجد التفاهم والحب فبيقضي على كل الفروق بينهم والعقبات

والحياة الزوجيه تستمر وتمشي من دون حب اذا وجد التفاهم والاخلاص

وحسن العشره والاحترام ....لكن في بعض النساء تجدها تريد حياة الحب والرومانسيه

كما تقراها بالروايات وتشاهدها بالأفلام من دون اي محاوله منها أو بذل اي مجهود


.........................

واخيراً أشكر كل من وقف لجانبي وشجعني ودعمني

بردوده وتعليقاته المميزه التي اسعدتني وبثت الثقه بنفسي

لا يسعني هنا سوى شكرهم والدعاء لهم ....اللهم اشملهم بواسع رحمتك وعظيم فضلك

وكريم منتك واغدق عليهم من وافر رزقك وادخلهم عالي جنانك واشربهم من حوض نبيك

وارزقهم رؤيتك وجهك

العجز عن الشكر ابلغ الشكر





* مع اطيب تحياتي ومودتي والى الملتقى ان كتب الله لنا عمر *


منتديات ليلاس

* أخوكم هاجس ليل *