شمس وسحاب - الصفحة 3 - القصص المكتملة (بدون ردود)

09-05-09, 08:15 AM

المشاركة رقم: 11

المعلومات
الكاتب:	احب الليل
اللقب:	عضو راقي

البيانات
التسجيل:	Jun 2008
العضوية:	78903
المشاركات:	2,051
الجنس	أنثى
معدل التقييم:
نقاط التقييم:	70

االدولة

مدونتي

الإتصالات
الحالة:
وسائل الإتصال:

كاتب الموضوع : احب الليل المنتدى : القصص المكتملة (بدون ردود)

السلام عليكم ورحمة الله وبركاته

صباح الورد ..صباح الجمال ..صباحالعسل
احلى صباح لاحلى اعضاءومتابعين

لست اديبه مبدعه او كاتبه محترفه,,انما صاحبة تجارب ..وربما امتلك خيال واسع

وكونيـ ام قد سااعدنيـ كثيراً ..بفهمـ عواطف ومشاعر
ابطال الرواية

متابعين شمس وسحاب.لكم مني كل الحب والتقدير
ولكل من قدم لي فكرة ساعدتني في الكتاابه
=================

أهديـ هذا البارتـ المتواضعـ
مع حبيـ العميقـ
الـــــــى كل منـ
شجعنيـ على الكتابهـ
وشاركنيـ في تطوير الروايهـ

اقدمـ جزيلـ الشكر
لكل من شااركـ برد مميز
او مسااعده رائعهـ

اشكركل من تاابع ..شمس وسحااااب
لحبهم وتقديرهم
==============

شكر خاااص..جداً
شبيهه القمر..لمشاركتها رحلة تطور الروايه
بنت الكويت..لحبها وتقديرها المستمر
Emomsa..على فهمها لمشاعري واعجابها بكلماتي..استفدت كثيراً من ايجابيتها الرائعه
اشتكي بصمتي..لروحها اللطيفه..ساعدتني لتقديم ما هو افضل
وردة فوشيه.. من بناتي الي اعتز فيهم..ومتابعتها للروايه بكل حماس
إرادة الحياة..للمحادثات التي كانت تدور بيننا في المقلط..ومساعدتها لاعادةصياغة الروايه
لتكون ..بمستوى افضل
اشكر اعضاء ليلاس الرائعين
العامريه/ مذهلة الخليج/ حبرالقمر/ تمنيت قلبك/ بنت خالة انفاس قطر /عيوز النار
واعذروني لو نسيت احد.....

09-05-09, 08:32 AM

المشاركة رقم: 12

المعلومات
الكاتب:	احب الليل
اللقب:	عضو راقي

البيانات
التسجيل:	Jun 2008
العضوية:	78903
المشاركات:	2,051
الجنس	أنثى
معدل التقييم:
نقاط التقييم:	70

االدولة

مدونتي

الإتصالات
الحالة:
وسائل الإتصال:

كاتب الموضوع : احب الليل المنتدى : القصص المكتملة (بدون ردود)

<<<30>>>

خمسة اياام ورى بعض دوااره بالاسواق والمجمعات .. تعب وارهاق
تعبوووا... وهم يدورون فستاان زفااف ..ينااسب ذوق شمس
دخلت علياااوحنين ورى شمس للبيت .. وكل وحدة منهم شاايله الي تقدر عليه من الاكياااس والعلب
حنين: ميرنااا جيبي جهااز مااال مسااج .. وبعدين روحي
نزلي باااقي الاكياس من السياارة
حطت ميرنا حوض صغير قدام حنين وملأته الى المنتصف ماي اقرب يكون سااخن..وكميه
من املاح البحر الميت ونقطتين من خلاصة البابونج وقربته من رجلين حنين وضغطت على زر التشغيل منتديات ليلاس
حنين حطت رجلها وشعرت بالراحه : شكراً ميرناا..جيبي عصير باارد
شمس: جنج سمنتي شوي ؟؟ عشاان جذي تتعبين بسرعه من المشي
حنين: هههه ..العرس للمعاريس والجري لي انا وعلياا
عليااا:ههههه..وياليتنا عااجبين؟؟
شموسه ..ليتج مااخذه الفستاان الي قلت لج عنه ..والله بيطلع ينن عليج
شمس: اي فستااان؟؟ ان شاءالله ابو ورود حمراا!!وعععععع..موو حلووو
حنين تغمز لشمس: مووو ملااحظة انج للحين ماااشريتي ولا شي باللون الاحمر
عليااا: ههههههههه ..من كثر مااا علقناا عليهااا..شكلهااا تعقدت من اللون
حنين: ولاا ا تعقدت ولااا شي..اكيد مخليه اللون المميز ..حق اشيااا ثاااانيه
شمس.. بصوت مرتفع: اقووووول ..انتو الثنتين .. تراني موب فاااضيه لكلاامكم الي ماال امه داعي
راسي يفتر.. من الدوااره ورااكم
عليا: الله واكبر عليج ..الحين احنا تااركين اشغاالنااا عشااانج ..وانتي ما تقدرين تعبناا
شمس بعصبيه: ماطلبت مسااعدتكم.. اليوووم اخر مره اطلع فيهاا للسوق معاكم..الي
شرينااه كفااايه منتديات ليلاس
علياا: بااقي اشيااا وايد مااشريتيهاا..واهمها فستان الزواج
شمس: ماااابي فستان...اصلاً ..انا اشووف موب لازم نسوي عرس
علياا: نعم ..وش هالكلام تبين زواج سكيتي .. ليه ؟؟ وش ناااقصكم؟؟
شمس:عندي احساس .. انه بيصير شي ....والزواج ماراح يتم
عليا : فاال الله ولا فالج .... اصلاً انتي اعصابج مشدودة!! ومتوتره
حنين توئيد كلام علياا: اييييه ..انا بعد لاا حظت نفس الشي .. ارتاااحي وخليج ريلاااكس
شمس ودمعتهااا بتنزل: موو بكيفي ..والله غصباً عني.. احس اني باي لحظة بنهاار
حنين: روحي خذيلج شور داافي ..يهدي اعصاابج
علياا: اناا عندي فكره!!في وحدة من صديقااتي قالت لي مره.. انه في فسااتين سهرات و زفااف
روووعه ..طلبيه من النت
حنين: صحيح!! خل نجرب.. نتفرج ونشوف اذا عجبناا شي ..نسأل عن التفااصيل منتديات ليلاس
عليا وهي تفتح جواالها : بتصل على صديقتي ..واستفسر عن الموقع
شمس: انااا بروح اخذ شور ..واريح اعصابي..وانتوو ..سووو الي تبونه
حنين طلعت مع شمس تبدل ملاابسهااا.. وتجيب الكمبيوتر المحمول معاهااا
شمس.. ملأت البااانيو مااء داافي.. واضافت نقااط من زيوت عطريه.. ورغووه برائحه الفراولة
واستمتعت بحمام رائع .. طلعت منه وهي تشعربتحسن كبييير
لبست برمودا ستاان زيتي.. وتي شيرت ابيض وفيه رسوماات ناااعمه باللون الزيتي ..ربطت شعرها
ذيل حصان.. وحطت مكياج خفيف.كحل. شدو زيتي ولمعه فضيه
روج موف فاتح . ..وصندل ابيض فيه خيوط تلف على السااق .اخر شي رشت من عطر ستيلاا
القت نظره اخيره على شكلهاا في المراياا ..وانزلت لحنين وعلياا
شمس..سلمت وقعدت عندهم يتفرجون على الموديلات
علياا: الموديلات كلها روعه .. تختارين رقم الموديل.. وترسلينه للعنوان مع مقااساتج مضبوطه
وخلاال اسبوع يكون الفستان عندج
حنين: اناا اخترت واحد .. وبكره برسل المقاااسات
علياا : وانا بعد .. شمس !!اشرايج؟؟ اسهل واريح .. شوووفي هاالموديل رووعه
شمس قربت من الشااشه : صج حلووو .. بس عااري .. وايد
حنين وهي تأشر على ثاني : شمس .. شووفي هذاا .. جنه مصمم مخصوص عشااانج
الموديل عجب شمس: تصميمه نااعم حيل .. ولونه ابيض نااصع..
خلااص بختااره.. وان شاءالله يطلع علي حلووو زي الموديل
عليا: هههه..عيل اناا وحنين شنقوول؟؟منتديات ليلاس
الكل..ههههههههههههه
ام راشد اصرت على علياا مااتروح قبل العشا لان اجتماع العاائله عندهم
عليااا: سمحيلي ياا خاالتي ماقدراخلي لجين اكثر من جذي
ام راشد: لجين ما عليهاا شر عند جدتها ..وعمتها
حنين: يااالله عاد ..كلمي طلال ..خليه يجيب لجين وتكملون السهره عندنا
علياا خذت جوالهاا واتصلت على طلال
حنين: شمس تعاالي .. شوفي موقع دار الازياء؟؟ المراسله بالانجليزي
شمس..نقلت ارقام الفساتين الي اختاروها وعددها
واكدت الاختياار.. وارسال
حنين : شلون بتعرفين ان الي ارسلتيه وصل لدار الازياءالشرقيه
شمس: الحين بيرسلون التفااصيل
وصلت الرسااله على ايميل حنين وترجمتهااا شمس
فيها الموديلات الي اختااروها و الالوان المتوفره
ورسم توضيح طريقه اخذ المقاااسات..لكل موديل مقااسات خااصه
ام راشد: عسى ماينصبون عليكم !!وياخذون فلوسكم وما يرسلون الفساتين
عليااا: ههههه ..لاا ياخالتي..هذي شركه عالميه .واهم شي عندهم المصداقيه
حنين : ضروري نرسل لهم المقااسات بكره ..عشان يخلصونهم ويرسلونهم خلال اسبوع
وقفت حنين وكملت كلااامهاا: بروح اشوف راشد ..يمكن يبي شي؟؟
فؤجي الجميع بصوت راشد: حنين ..تعاالي شوي
واسرعت حنين باتجااه راشدوهي تقول: هلااا بقلب..وروح وعقل ونظر..حنين
شمس مستغربه: هااذي شلون عرفت ان راشد يبيهااا؟؟
علياا: ههههههه.. من كثر مااهم يحبون بعض تصير مشاااعرهم شفاافه
يعني هي تحس فيه وهو يحس فيهااا ..قبل لا يتكلمون..اناا تصير لي مثل
هاالحااله هههههههه بس نااادراً
ام راشد..تسمي وتكبر: الله يخليهم لبعض..ويرزقهم الذريه الصااالحه
****
خاااله حصه كاانت اول الوااصلين...رهف ركضت ..ضمتها ولفت يدهااا حول عنق شمس
رهف: اخييييييراً..بتسكنين عندناا
شمس: على شرط ..انج تناامين عندي كل يوم
عليااا: هههههههه .. لاااا .. سااااعتها انتي الي بدورين لهاا تصريفه وتزحلقينهاا
رهف تهز راسها معترضه:ماابي اتزحلق.. ابي ملكه
شمس وهي تضم رهف اكثر: حبيبتي ..اميره..ههههه
علياا: وش عندكم ..مغيرين اساااميكم؟؟
رهف : شمس ..ملكه جمال ..واناا اميرة الامنيات
عليااا : .احس انج متعلقه برهف لانهاا اكثر
وحده تشبه لعبدالله..وعبد الله يمووت على شي اسمه رهف لان فيهاا كثيرمن تصرفااتج
ام عبد الله: هههههههه ماقلتي شي جديد
شمس غطت فمها بكفهاا ..تمنع شهقه من الخروووج
رنه من جوال شمس تعلن عن وصول رساالة
..فتحت الرساااله بيد ترتجف.انقلب ويههااا اللوان
????
ازعــــــــــــــــل
عليـك وغيـرتـى مالـهـا حــد....
مثـل السمـا.... مالهـا حـدود ونهايـة
اجيبهـا مزحـة... وانـت تجيبهـا جـد
وصلـت فـى حبـى حـدود ...الغوايـة
مايعتـرض طوفـان حبـى ...ولاســد
وفيـك النهايـة وانـت كـل البدايـه...
حبيبتي..الشمس..جيت اشوفج ..وشوقي ساااابقني
????
الجوال يرن ..عبدالله ...شمس حولت الجوال على السايلنت
نزلت راسها ..بسبب احساااسها ان الكل يراقبهاا..وقفت تبي تهرب لاي مكان
حطت جوالها بجيبهاا ..وبخطواات متسرعه للهرب..صدمت بجسم ..وارجعت خطوه لورى
عبدالله مسكهاا ووقفهاا مقااابلته..وعينه تدور وتتفحص كل شمس
عليااا: ابو تركي..حياك الله .. سبحان الله تونا جايبين طاريك
شمس سحبت يدهاا ..وركضت وهي مااتشوف قدامهاا
دخلت غرفتهاا ..صكت الباب وتسندت عليه
حطت يدهاا على قلبهاا..تحااول تخفف من دقاااااته
قمة الاحراااج.....الله يسااامحج يااعلياا

**********

رهف تطق الباب:شمس .. فتحي اناا رهف
شمس..وهي تمسح المكيااج:تفضلي ..ياا اميره
دخلت رهف ..وصرخت لما شافت شمس تمسح المكيااج: ليه ..تمسحينه..مااشفتي ريمااا؟؟
ويههاا جنه خريطة العااالم..من الالون الي فيه
شمس..قلبهاا انقبض من طااااري ريمااا..اووف ..هااذي مااتستحي
شمس:وعبد الله ..راح ولااا ..لاا
رهف: عبد الله يمكن راح الحين..يااالله كلهم يسألون عنج
شمس: ..رهوفه..ريما شنو لابسه
رهف: لاابسه عباايه..غريبه... مكتوب فيهااا كلام وااايد
ومن هنااا..وتأشر على الكم..وردي غاامج..زي لون طرحتهااا
شمس تدقق في ملامح رهف وهي تتكلم..يااحبي لهااامنتديات ليلاس
طلع كلاام عليا صحيح ..رهوفه تشبه عبد الله
شعرهااا ..اسود وغزير..عيونهاا سود . ووسااع..رموشهاا كثيفه
انفهااامثل سلة السيف.. شفاايفها..!!لاا شفايف رهف اكيد غير
غمضت عيونهاا ..تحااول تتذكر شكل شفاايف عبد الله.
.وعضت على طرف شفاايفهااا
رهف تعلق على شمس وهي تضحك: يووووو ..شكلج تفكرين بشي مهم؟؟
شمس نفضت راسها والافكاار الي فيه.. وانا شعلي من شكل شفايفه ..خل يولي المغرور
كلهاا شهرين ..ويمكن اقل..وننفصل
شمس..اختارت تلبس شي مميز يشعرهاا بالقوه عند مواجهة
عدوتهااا اللدوده ..ريمااا
لبست فستاان سهره من اللونين البني والتركوااز
لما شااافتها رهف ظهرت عليهااا علامات الانبهار: واااااااو ..ملكة جمااال
شمس: توج مااشفتي شي..باااقي الميك اب
رهف: انااا بساعدج ..ابي اتعلم منج
رهف تسندت بيدينهاا على الطاوله عند شمس ووقفت تراقبهاا
رهف وهي تاشر على احد درجات اللون التركوااز
من علبه اللوان الشدو: هااذا يناااسب
شمس تبتسم : اكيد .. وبحط معااه لونين ..الاسود و البني
بعد نصف ساااعه كانت شمس بكاامل انااقتهاا
سحبت الدرج الخاص بالعطور: يالله رهوفه..اختاااري عطر
رهف مسكت العطر الي شكله عجبهاا..جورداني
ورشت منه على شمس وعليهااا
رهف من ورى شمس: لااااا ..شمس شنووو في ظهرج؟؟
تذكرت شمس..العلامات الباقيه من ضرب راشد
الخياطه تجميليه لكن باقي اثاار مثل الخطوط الغامجه
شمس: اووبس.. شلون طااافت علي
امممم ..يمكن ينفع احط كونسينر
عطت رهف اصبع خاافي العيوب
.يالله لوني فوق الاثاار الي تشوفينهاا
رهف بعد مااا خلصت: خلااص انحلت المشكله
هههههههههههه وركضت تساابق شمس
شمس ترفع صوتهااا عشان تسمعهاارهف ..الي وصلت الدرج : لحظه ..
اناا لابسه كعب عالي!!ماقدر اركض وراج
رهف: بدخل عند الحريم و اشيل لجوونه قبلج
وقفت شمس على اول درجه.تتابع الي يصير قداامها في الصاله
لجين تركض وهي تقووول ..ال لله.
وعبد الله يستقبلها بحضن كبير ..وابتساامه اكبر
علياا: يااابنت الذين..الحين تتركين ماما وتروحين عند ال الله
عبد الله: هههههه ..خربتو اسمي انتي وبنتج الماايعه
شمس وهي متردده ..تنزل ولا ترجع غرفتهاا
تفاجئت .. شعولي يمشي باتجاهها
شمس: شعوولي حبيبي وحشتني مووت
تذكرت اخر مره شاافته فيها..بس نست كل شي من سمعت ضحكته
شعولي: سمس سيليني
شمس : يااعيوني ..وترفعه وتبوسه
عليا وعبد الله توهم ينتبهون ان شمس موجوده على الدرج
علياا: وااو ..شمس..صاادقه رهف سمتج ملكة جماال
عبد االله يحاول يخفي مشاعر الاعجاب :احلى شي البساطه
عليااا خزت عبد الله: يااااخي ..قول شي زين ولااا اسكت
عبد الله:خذي بنتج وروحي داخل عشان اقول شي زين
عليااا: لا والله ..طرده..تبي يخلاالك الجو
خذ مرتك وروحوو تعشوا برى..وتكلم على راحتك
شالت لجين : هاذا انا رحت .. لكن مااضمن ان احد غيري ينط عليكم
شمس كان ودها تنط ببطن عليااا..وافكارها الغبيه
مشت شمس وهي ماسكه مشعل..وعبد الله مانزلت عينه عنها
ويدور اي سالفه يخليهاا تلتفت له اوتقعد ويااه
عبد الله: شمس..ليش مااتردين على اتصاالاتي
شمس : مخليته على السايلنت ..ونسيت
عبد الله : طيب ..خلي مشعل يروح عند امه..وتعالي
شمس تمسكت بيد مشعل اكثر..مااقدر...بدخل اسلم على الحريم
عبد الله مسكها وخلااها تلتفت له: صاار لي ساااعه انتظر حضرت جناابج
قعدي ..بكلمج بموضوع مهم
شمس: قول الي عند ك ..وانا واقفه..وبسرعه لو سمحت
عبد الله : ماااني قااايل الا اذا قعدتي
شمس: خلااص لااا تقول.. ماايهمني..ومشت
شاافت ريمااا بعباايتهاا الي تفضح اكثر مما تستر
ريما: شمس ؟؟ دخلي عند الحريم كلهم يسألون عنج
شمس طاالعت ريما بكل احتقار
ووقفت تشوفها وين بتروح
ريما فرحت لما لقت عبدالله بروحه منتديات ليلاس
ريما تنعم صوتها وترققه: هلااا..بكل الغلا..شلونك حبيبي
ومسكت يده لما حست انه يبيمشي ويخليها زي كل مره
ريما: ..حرام عليك ..احبك واتمنى اكون خادمه تحت رجلك
عبد الله كان بيقط عليها كم كلمه توقفها بمكانها الي تستحقه
لكنه لمح شمس تراقب من بعيد..وقف يسمع ريماا وقلبه مع شمس
ريما:انا عارفه انك تحتقرني!! عشاني اعرض نفسي عليك
بس شا سوي هاذي هي الطريقه الوحيده الي
اقدر اخليك تعرف اني احبك..بعد ماا صكيت كل البيبان بويهي
عبدالله: تصدقين يا ريما الشر..انتي اليوم بتقدمين لي خدمه
من غير ماا تقصدين
ريما مو مصدقه ان عبدالله اخيراً رد عليها!!بدون مااا يهزءها
وتمادت كثير بتصرفاتها..فتحت الشيله الملونه وكشفت
شعرها القصير والمصبوغ خصل من الذهبي والثلجي
ريما: عبوودي..انا تحت امرك ..آآمرني بلي تبيه
حس بخيبة امل كبيره لما رفع بصره..وما لقا شمس تراقبه
يعني الي كان يفكر فيه صاار مستحيل
عبدالله دف ريما من قداامه : ياااـــــ انا مستحيل افكر في وحده وضيعه ..منحرفه
سافله..مثلج ..ريموه الشر لو ماا وخرتي عن طريجي
بيكون لي تصرف ثاني معاج
اقل شي اقل شي..اعلم اخوانج عن سواياج
....
في السيااره..عبدالله يتصل على شمس..مااترد
ارسل رساله ..ردي ولااا بدخل اسحبج من شعرج
انتظر فتره ..واتصل مره ثانيه ..ماااردت
اخر محااوله لو ماكلمتني .. بدخل اسحبها من شعرهاا
اتصل على خالته ام راشد: هلااا خالتي
ام راشد :هلاا ومرحبا
عبدالله :خالتي ..عطيني شمس اذا هي يمج
ام راشد: لاا والله شمس موب عندي ..يمكن في غرفتهاا.. ليش ماا تدق على جوالها
عبدالله: مااترد على جوالها..خاالتي سوي لي درب.. ابي شمس
بموضوع ضروري
ام راشد: ان شاءالله ..تفضل البيت بيتك بس ادخل من الباب الي ورى ..محد قدامك
**********منتديات ليلاس
شمس

كنت واقفه اتاابع مشهد ..من مسلسل الغرام بين ريما وعبدالله
ودي اروح المطبخ واخذ ساااطور ..اقطع فيه ريمااا
وعبدالله شكله مبسوط منهاا..ماحاول يصدها او يمنعها
شكلهم ماخذين على بعض وايد..لما شفتها تكشف عن شعرهاا
الوقحه لازم اوقفها عند حدها..وخليها تحرم تتعدى على ممتلكااتي
شعولي بدا يبكي بدون سبب...ويشد طرف فستاني
شعولي: سمس
شمس: هلااا قلبي
شعولي : انا مااحب عمو سرطي
عمو سرطي .. سوي دودو حد سمس
<<انا ماحب عمي الشرطي ..عمي الشرطي يطق شمس>>
حسيت اني مخنوووقه ..من ذكرى ذاك اليوم..
ومشعل حبيبي شلون انحفرت المشااهد في ذاكرته البريئه
ماااقدرت اتماسك .. ومااحبيت احد يشوفني منهااره
ركضت على غرفتي من المدخل الثاااني
هي المكان الوحيد الي اقدر ابكي فيها براحتي
احس بضيقه ...مو قااادره اتنفس
فصخت الاكسسوارت ..والسااعه
وفتحت الفستان من الجنب الايمن
خذيت نفس عميق
انفجرت كل الذكرياات الاليمه قداام عيني
انعااد الشريط .. ظلااام ..ريماا تكلم نااايف
ناايف يحاااول يمسكني ويشقق ملاابسي
العم محمود..وكلب الحرااسه
رااااشد والالم الي احس فيه كل ماا تذكرته
رميت نفسي على السرير ودفنت ويهي بالمخده وبكيت بحرقه والم
حسيت باحد واقف يراقبني
رفعت راسي ..الروئيه شبه معدومه,من كثر الدموع والمكيااج الي ساااح على بعضه
مااشفت الا ثووب ابيض ..وشمااغ..اكيد راشد..يبي يقطع لحمي
صرخت : لاااتحاول تمديدك علي
لا تجيسني..ولاااا بنتحر..بموت نفسي ..عشاان ترتاااحون كلكم مني
ومااحسيت بنفسي ..صرت اهذي بكلاام مو عارفه
معنااته..راشد.. ضمني لصدره ..وصار يمسح على شعري
بكل حب ..الى ان حسيت.بالهدوء والراحه
ونمت على صدره..وريحة عطره.. تملأ انفاااسي
منتديات ليلاس
*********

11-05-09, 01:33 AM

المشاركة رقم: 13

المعلومات
الكاتب:	احب الليل
اللقب:	عضو راقي

البيانات
التسجيل:	Jun 2008
العضوية:	78903
المشاركات:	2,051
الجنس	أنثى
معدل التقييم:
نقاط التقييم:	70

االدولة

مدونتي

الإتصالات
الحالة:
وسائل الإتصال:

كاتب الموضوع : احب الليل المنتدى : القصص المكتملة (بدون ردود)

عبدالله
طلعت الدرج بسرعه ..ابي اشوف شمس
واعلمها شلون تتجااهلني ..ولا ترد على اتصالاتي
سأغيرحياتها .. وشخصيتهاوحالتها المزاجيه
مو مهم الكيفيه..اهم شي النتائج
فتحت الباب ..ودخلت بدون استئذان
منظر شمس وهي تبكي بحرقه..هز مشااعري
قربت كم خطوه ..فستاانها مفتوح وظهرهاا عاااري
واثاار ندوب وتشوهات واضحه
ممكن هذي اثاار سقوطها من الدرج
لااا مو معقوله
صديت عنهاا .. مو من حقي ابحلق في جسمها
لكن صراخها ..وخوفها الي مبين من كلامهاا..
وحالة الهذيان الي صادتها ..قربت منهاا وحطيت يدي على جبينهاا
مثل ما توقعت ..حراارتها مرتفعه
شمس تصارخ :لاااتحاول تمديدك علي
لا تجيسني..ولاااا بنتحر..بموت نفسي ..عشاان ترتاااحون كلكم مني
قعدت معها على طرف السرير..وضميتها لصدري ابيهاا تهداا
شمس: ناااايف يااا لمجرم..ليش تحااول تتتتت
...يبي ياااكلني .. امسكه
حبيبي لاااتصيح
بقطع ريماا بساااطور
سااااعديني
يرفضني ..وانا احبه
**
دفنت راسها بصدري .. اكيد مرت بحاالة نفسيه ..صعبه
ناايف ناصر ..لما جاابت اسمه .. ولعت نيران الغيره
احساسي انها تحبه ..وبينهم علااااقه..طلع صحيح
لكن انا زوجهااا ..موب مخليها له ..لو تنطبق السماا على الارض

اخيراً نااامت ..بعد ماا اثاارت مشااعري
حااولت ابتعد عنهاا..مااقدرت ..لافه يدينها حولي
ومتمسكه بثوبي..
سحبت جوالي من جيبي واتصلت على علياا
عليااا..تعااالي غرفة شمس..بسرعه

***
بعد خمس دقايق ..كانت عليا مع عبد الله تحاول تمدد شمس على السرير
علياا: عبدالله شصاار..شفيها شمس
انا تاركتكم تحت ماافيها شي
عبدالله: عليااا الحين موب وقته..حااولي تنزلين حرارتهااا
عليا وهي تطالع بقع المكياج على ثوبه
عليا: شلون بتقاابل الريايل وثوبك جذي
عبدالله: اي رياايل ..ماقدر اقااابل احد..بروح البيت ارتااح
اليوم تعبت بما فيه الكفاايه
حنين طقت الباب ودخلت بدون ماا تسمع الرد
حنين : شعندكم ..شفيهاا شمس؟؟
عبدالله !!شفيه ثوبك؟؟
علياا: شمس تعباانه ..وعبدالله شالها وحطها على السرير
حنين وهي تحط يدها على جبين شمس:يووووو حرارتها مرتفعه
صحت شمس على اصواتهم: راشد ..وين راشد
عليا : بسم الله عليج .. شمس شتحسين فيه
شمس بصوت مرهق: ما فيني شي.. مجرد صداع
وانتبهت ان عبدالله موجود بغرفتهااا ..وفستانها مفتوح
شمس: عبدالله!! شتسوي بغرفتي
ماااكفتك ريمااا..ام شعرشايب
واثااار جريمتك..للحين على ثوبك...مااكلفت على عمرك ومسحتهااا
قبل ماا تتكرم وتزور غرفة خااادمتك

حنين وعلياا..يتبادلون النظرات ..موب عااارفين شسااالفه
عبدالله قرب من شمس وحط يده على ظهرهااا: من حقي اعرف
منهو المجرم الي سوى فيج جذي
شمس دفت يد عبدالله ورفعت اللحاف لين ارقبتهاا
لاااا مو من حقك..اطلع من غرفتي
حنين :عبدالله اطلع الحين ..شمس لها كم يوم متوتره ..اكيد اذا ارتاحت
بتتحسن نفسيتهااا
عبدالله : زين ..يا شمس ..ناايف ناصر..هاااا
اراويج فيه الحيوان
**************
قبل يومين من الزواج...وصلت الفساااتين الي طلبوهاا
ملفوفه بكل عنااايه بأكياس من الجلد الاسود
وفستان شمس.. في ثلاث اكياس فخمه
تنورة الفستان ..والطرحه ..والجيبون
وثلاث علب احجامها متفاااوته
الصغير فيه ..اكسسوار للشعر
والوسط..جزمه بكعب عاالي ملبسه من نفس قمااش الفستااان
والكبير.القسم العلوي من الفستان

راشد: والله ان هالطريقه وفرت عليكم وقت ومجهوود
حنين : وكل شي بثمنه..اسعارهم ضااربه
شمس: نفس الموديلاات والالوان..شي خياال
راشد : يالله حنين وريني الفستااان ..لبسيه ..ابي اكون اول واحد يشوفه عليج
حنين: طبعاً بتكون اول واحد..مافي احد يستاهل هالشرف غيرك
شمس تذكرت العطر الي للحين مو قااادره تنسى ريحته
شمس: راشد ..شنو العطر الي كنت حا ط منه يوم تجي عندي الغرفه
وانا تعبانه ونمت على صدرك
راشد: اي عطر..ومتى نمتي على صدري
من تزوجت حنين ..ومحد نام على صدري غيرهااا
شمس:لااا تمزح..انا متأكده
موب قادره انسى ريحه هاالعطر بالذات
حنين تردد كلام شمس لهاا قبل ماتتزوج راشد
حنين: كل ماقرب عرسج يطير برج من دمااغج
ههههه..ياأم دمااااغ
راشد: اتصلو بعلياا ..تجي تاخذ فستاانها

شمس تفتح جوالها ..وتتصل
رن جوال عليا لين انقطع
انتظرت خمس دقايق واتصلت مره ثاانيه
بعد ثلاث رناات انفتح الخط
شمس: عليااا ..ياااام الافكار الجهنميه..
عندي لج مفاجئه حلووووه
عبدالله :هلاا حي الله هالصوت
شمس:؟؟؟؟؟
عبدالله: شفيج وين لسااانج الي قبل شوي
شمس: وين علياااا
عبدالله:عليا راحت تلبس لجين
شمس: يعني انت عند ريما بالبيت
عبدالله: ايييييه ..عندج مااانع
شمس بصوت واطي: لااا ماعندي ماانع ..بالحريقه انت وياااها
وضغطت على زر انهاء المكاالمه
شمس: ميرنااا..تعالي شيلي الاكياس ..وديهم غرفه مال اناا
حنين: متى بتيي عليااا تاخذ فستانهااا
شمس:ماااادري عنها ..انتو كلموهاا
****
دخلت حنين على شمس: هاا شرايج ..الفستان صار احلى لما لبسته
ودارت حول نفسها .. فقدت توازنها وبغت تطيح
شمس:ههههههههه..شوي شوي لا تطيحين ..
الحمد لله والشكر على نعمة العقل
حنين: بذمتج..مو انا الي محليه الفستاان
شمس ..تتمصلح: الااا ..انتي ماافي زيج ثنين
اقوول حنين..راشد في الغرفه ولا طلع
حنين: ههههه ..لو في الغرفه جااان ماااطلعت لج
شمس: حلووو ..ابي اشوف عطور راشد ..يمكن احصل الي في بالي
حنين : وش تبين في العطورالرجاااليه..كلها نفس الريحه
شمس بعيااره: ابي اشتري ..هديه حق عبدالله .
وما عندي خبره في العطورالرجاليه
دخلت مع حنين غرفتها ..تفاجأت ..مافي الا عطر واحد
رجاالي والبااقي كلهم عطور حنين
شمس:حنون ويهد ..مو هاذا العطر الي ابيه..وين الباقي
حنين:الباقي قطيتهم.. اذا راشد حط منهم ..تلوع جبدي من ريحته
حنين: طول عمرج ملقوووفه
الحين شلون بعرف اسم العطر الي عااجبني
*****
يو م الزواج ..شمس ..حاالتها مثل الي محكوم عليه بالاعداام
دواها المسكن باقي فيه ست حبات
بلعت اربع ..وحطت الباقي في شنطنها الي بتاخذهاا وياها للفندق
علياا ولما ولين..تكفلووو بكل الترتيبات في القاعه
حنين ..طول الوقت مع شمس.. جهزت حقيبة شمس
وتاكدت ان كل شي جااهز
الكوفيره ..بدت في شمس..الساعة خمس..الساااعه عشر
كانت شمس جاااهزه.. لانها مارضت تبدا بالمكياج
الا بعد مااتصلي العشا
خبيرة التجميل اللبنانيه..كانت من اشد المعجبات بشمس
الكوفيره: وليك شو هيدي..صاايره بتطير العئل..بعمري ما شفيت متل هالجماال الربااني
ام عبدالله: ماا شاء الله تبارك الرحمن..انا قريت عليج الاذكار
بس هذا مايمنع انج تقرين على عمرج
عليااا: شمس ..حبيبتي..الف الف مبروك
القااعه متروسه نااس..كلهم يتمنون لج حياة سعيده
لما تدخل مثل الصااروخ: شمس ..عندي لج مفاجئه
شمس تحاول ترسم ابتساامه:لماااا قولي بسرعه ترى مافيني
اتحمل .. اي صدمه
لمااا :تعااالو ..اظهر وبان عليك الأماااان
شمس فتحت عيونهااا مو مصدقه...نسيم..ريم..هااديه
معقووولة ..شلون عرفتووو .. ومين عزمكم
ريم: اناا كنت بالسعوديه..من شهر تئريباً
وعرفت من نسيم انو فرحك اليوم ..فئررنا نعمل لك سبرايز
نسيم: شموستي ..شوووو عامله ..وحشتيني موووت
شمس: وانتو اكثر يااا صقيقااتي...هههههه
هااديه: قطعتينااا مره وحدة ..ولا تتصلين ولا نشوفج على المسن زي اول
شمس: هههههههه الله يرحم ايااام اول..مافي هموم ولا مشااكل
هااديه: على طاااري المشاكل يسلمون عليج ..منار ومنال ...ويقولون لج
بووسي ريلج عنهم..ههههههههه
شمس: لااااا ..اشوه انج مايبتيهم ويااج ..المشفوحاات
حنين: شموسه ويهد ..الحين يوم شفتي رفيجاتج
الابتسااامه شااقه الويه..ومسااع مبرطمه
جنه غااصبينج على الزواج
شمس: هععع ..وانتي شحاارق رزقج..مو انتي اذا
شفتي راشد..مااا تسألين عن احد
الكل هههههههههههه
نسيم وريم وهاااديه ..كل وحد منهم جاايبه هديه لشمس
بمنااسبة زواجهااا
وقعدووو ..يتذكرون ايام المتوسط
والمواقف الي كانت تصير لهم
والمقاالب االبريئه..الي سوهاا
شمس : لاا تنسون تعطوني ارقاامكم ..ابي اكلمكم
كل فترة والثانيه واطمن على اخباركم
ريم ..سجلت رقمين..محلي ودولي
ونسيم وهاديه عطوها ارقام جوالاتهم

عند الساااعه الواحده.. استعدت شمس للزفه بعد تشجيع حاا رمن صديقااتها

حنين: شمس ..في مفاجئه ثاانيه لج..اول مااا توصلين الكوشه
شمس: لو مثل المفاجئه الاولى ..اممممم ..ماااعندي مااانع
حنين: هههه .. مااانطرنا رايج ..ههههه
خطوات شمس كااانت ثاابته ومتوازنه..على اغنيه
بصوت راشد الماااجد

وش هالنهار الي طلع والليل توه ياالحضور
وش هالصباح الي بدى بالشمس والدنياا ظلام
؛؛؛؛؛
لاااالاا ابد مااهو نهاار....ولااصبااح شق نوره
هااذي عروسنااا شمس مقبله والليل شب
؛؛؛؛؛؛
جت بالصباح العذب واهدت..ليلهااا ابهى حضووور
جت بالنهاار وكنهااا..تمشي على همام الغماام
؛؛؛؛؛؛
خطوةخجل خطوةدلع خطوةترف خطوةغروور
خطوه تزين الصمت.صمت.وتجعل النظره.كلاام
؛؛؛؛؛؛
وش هالنهار الي طلع والليل توه ياالحضور
وش هالصباح الي بدى بالشمس والدنياا ظلام
؛؛؛؛؛
لااالاا ابد مااهو نهاار....ولااصبااح شق نوره
هااذي عروسنااا شمس مقبله والليل شب
؛؛؛؛؛؛
هااذي العرووس الي تمنت كفهااا كل الزهوور
والي خذت كل الجماال وطيبة قلووب الاناام
؛؛؛؛؛
من نورهاا كل الكواكب حولهااا صاارت تدوور
لااا تنظر النجمه ..ولااا تنزل لبدر التماام
؛؛؛؛؛؛
شمس..انسااام الورود..ورقه احساس العطور
شمس..النهارالودود..وبسمة شفاااه الغراام
؛؛؛؛؛؛؛
شفاافة كن القصاايد حسهااا المرهف شعووور
حتى القصيد الي كتبهاا قلبهاا ..سلهم وهاام
؛؛؛؛؛؛؛
شمس..بكل الوصووف بتفووق رباات الخدوور
كلهااا دلاال وطيبه..رقه وعفه واحتشاام
؛؛؛؛؛؛
شمس..بنت الكرام وبنت واافين المعاني والشعور
والشعر مااا وصف كلمه ولا حقق مرااام
؛؛؛؛؛؛
؛؛؛؛؛؛
وش هالنهار الي طلع والليل توه ياالحضور
وش هالصباح الي بدى بالشمس والدنياا ظلام
؛؛؛؛؛
لااالاا ابد مااهو نهاار....ولااصبااح شق نوره
هااذي عروسنااا شمس مقبله والليل شب
================
شمس
القااعه كانت مزينه بنجووم فضيه ..شرايط بااللونين الازرق والابيض..وورود بيضاا
الكوشه كانت مفااااجئه.. قطع كبيره من القطن ناااسع البياض
وكأنها سحب..تحيط بكنبه كبيره صفراااء على شكل شمس مشرقه في المنتصف
وقفت فتره ..للتصوير ..
بعد ساعه ..دخلوو..العم تركي ومعاه عبدالله
وراهم راشد ونيوف وكل خوالي
العم تركي : مبرووك يا الغااليه..بسته على راسه بكل خجل
عبدالله قرب وبااسني على جبيني ..وعلى خدي
عبدالله: مبروك يا زوجتي الجميله
وبعده راشد وكل خوالي
نيوف: مبروك ...الف الف مبروك
شمس:الله يباارك فيك عقباالك
ام عبدالله ببيدهاعلبه كبيره : هاااذي شبكتج ..الي ماا لبستيهاا
عبدالله:الله يخليج لنا يمه..زين الي تذكرتيهاا
ام عبدالله:وهذا شي ينسي..هذا زواج عبدالله الغالي
عبدالله قرب من شمس ولبسهااالعقد
كانت ترتجف وحاااسه ..انها بتذوب من لمسه يدينه
شمس: ميلت راسها جهه عبدالله..وهمست برقه مصطنعه
شمس: لاا يكون مصدق نفسك ..معرس من صج
ترى كل هاذا تمثيل..في تمثيل
عبدالله شد عليى يد شمس بكل قوته: خلج ..ساااكته ابرك لج
ترى في غيرج وايد يتمننون النعمه الي انتي
مو عااارفه قيمتهاا..اولهم ام الفستان الاحمر
الي من دخلت وهي تخز فيني
شمس التفتت يمين ويساار تدور الي قال عنهاا
عبد الله يضغط على يد شمس .. شفيج..مو مصدقه
شوفيهاا قداامج واضحه ..وياشر لها بعيونه
شمس تطالع مكان مااا شر عبدالله
ريماااا ..لاااابسه احمر غاامج و شيله شفاااافه قااطتها على شعرهاا
شمس: وعععععع ...هذا قدرك
جنهااا كت كات ..بلي لااابسته
عبدالله : المفروض اليوم نكون اسعد اثنين
شمس: عبدالله صدقني ماااا نقدر نعيش مع بعض
انا مااصلح لك
عبد الله : تصلحين حق نااايف نااصر ..هذا قدرج راعي سوابق
ومدمن مخدرات..لاااا او متزوج وعنده بنت
شمس ارتجفت من كلام عبد الله: من وين عرفت؟؟
عبدالله: حبيبتي الكل يعرف حقيقته الا انتي.. صبري عليه شوي ان ما
نسيته حليب امه..وانتي
حسااابج عندي ..بس خل نصير بروحنااا
===========
العم تركي كان يوصي عبدالله على شمس
وعبدالله يهز راسه : ان شاءالله يبه من عيوني
لااا توصيني على قلبي
ام عبدالله: في امان الله ..الله وياكم
ام رشد ضمت شمس وعيونها تدمع: مبروك ياا دلوعتي..الحمدلله
اني شفتج عروس ..الله يسعدكم
راشد : منك المال ومنها العيال
حنين : شمس شنو شعورج ..في هاالحظه بالذات
شمس بصوت حزين: مثل شعورج لما ركبتي الطياااره
وهمست عند عبدالله: لكن انا متأكده ان الطياره بطيح ويموت ركاابها
========
في ارقى فنادق مدينة الخبر
عبدالله

اخيراً صارت شمس عندي ..ودي اخليها اسعد
وحدة بالعالم.بس لو تعطيني فرصه
وماا تعكر مزاجي بكلاامها الي مثل السم
الله يعيني على ..عنادهاااا
عبدالله : شمس تبين عشاا
شمس : تهز راسها ..لاااا
عبد الله: على العموم..العشا فوق الطاااوله
شمس وهي منزله راسهاا: عبدالله ..ماتقدر تغير الحجز..ابي سويت
عبدالله : ههههههه ..ليش .مو عاجبتج الغرفه
شمس: لااا ..شلون باخذ راحتي وانت معاي بنفس الغرفه
عبدالله : عاادي ..زي كل المتزوجين
شمس: انت عااارف ان كله تمثيل
عبدالله : مثلي ..احد مااسكج
شمس: طيب والسرير ..واحد وماافي حتى كنبه انام عليهاا
عبدالله : لاا يا حبيبتي مو انا الي زوجتي تناا م بعيد عني
شمس فتحت عينهاا على كبرهاا : لااا احنا ما اتفقنااااا على جذي
عبدالله : وماا اتفقناااا ينام كل واحد بروحه
والحين تبين دورة المياه ولا اروح اناا قبلج
شمس : روح انت اول
عبد الله يغمز لشمس ويقرص خدهاا:راجع لج ياااقمر
شمس فتحت شنطتها وتفاجئت بالي فيهاا
هذي اكيد حنين ..يااااويلج مني
ليتني مااا خليتج على راحتج..ورتبت شنطتي بروحي
كان ودها تلبس بجاامه..ترتاح فيهااا
لقت انسب شي ..شورت فوق الركبه ازرق.. وتي شيرت وردي
فيه فراشه بالون الذهبي
وصندل ذهبي فيه ريش وردي
جهزت ملااابسها ..ووقفت تمسح طبقات المكيااج
وتفك الطرحه
عبدالله وقف ورى شمس وصار يسااعدها بنزع دببايس الشعر
ماقدرت تتحمل لمساته : عبد الله ..لاا تجيسني .لو سمحت
حط يده على كتفها وخلاها تواجهه بقوة: شمس .. ليش مو متقبله اني صرت زوجج ..ولي حق عليج
شمس تغطي ويهها بيدينهاا : لاااا انت قلت تمثيل وبس..مااااقدر
ركضت للدورة المياه.. قفلت الباب مرتين ..
يووووو ..ملابسي وروب الحمام في الغرفه
اوووووف
دخلت الغرفه تتسحب ..عبدالله متمدد على السرير ويتاابع الاخباار
خذت ملابسها ..وشطف ..على دورة الميااه
ملأت البانيووو ... وغطت نفسهاا بالرغوه..واسترخت
طلعت بعد ساااعه كااامله..وعبدالله مو بالغرفه
هذا وين راح؟؟
احساسها بالجوع خلاها تدور عن شي تاكله..فتحت صينية العشا وذاقت من الطبق الرئيسي
يععععععععع ..ربياااان..
حست بالغثيااان ..يعععععع
قامت غسلت اسنانها ثلاث مرات ..عشان يروح الطعم من فمهااا
توضت..صلت الفجر
تمددت على السرير ..وغفت
..رجع من صلاة الفجر في المسجد التابع للفندق
شاف شمس نايمه بكل برائه..غطااااها
وناام على الطرف الثااني
شمس ...يااربي ريحه العطر الي ماااعرفت مصدره تتخلل احلااامي
لكن ليش المخده قاااسيه ..اوووووه
فزيت بسرعه واااقفه..لما استوعبت ان
هاااذا مو مخدة انمااا صدر عبدالله
عبدالله : شمس رجعي ناامي ..شفيج
شمس تصااارخ: انت باي حق تناام جنبي على السرير
عبدالله : شووووفي ..انااا لي الحق بكل شي ..حتى فيج شخصياً
عااجبج اهلاً وسهلاً ..مو عاااجبج ..لاا تناامين
وبعدين انتي الي قربتي ..وحطيتي راسج على صدري
وانااا.. رحبت بالحركه ..بكل رحااابة صدر
شمس: مستحيل ارجع اناااام وياك
عبدالله..رجع حط راسه على المخده وسحب اللحاف ونااااام
شمس ..ياااربي..الله ينتقم منك
قعدت على السجااادة الصغيره المفرووشه امام السرير
كملت نووم وهي قاااعده
صحت على صوت عبدالله.. يضحك بصوت عاالي
عليااا: صبااحيه مبااركه ياااعريس
عبدالله: ههههههه الله يبارك فيج
علياا: مداام الضحكه تاارسه الحلج؟؟اكيد اموورك تمااام
عبدالله: تمااام التمام..بس شمس ..تبي سويت
عليااا: الله يسلمك ..انت وافكااارك.. انت الي
مختاار الغرفه صغيره..جن شمس بتضيع منك
شمس قاامت مستعجله وادخلت دورة المياااه قبله
وكل عظمة في جسمهااا تأن من الالم بسبب النومه الغلط
خذت شور سريع ولمااا جت تلبس ..لقت
ملاابسها طاااايحه على الارض..ومبلوله
شمس لفت جسمهااا برووب الحماام وشدت
الحزاام ..وطلعت تجيب لهااا ملابس غيرهاا
عبدالله كان قداامها..صبااحيه مبااركه ياعروس
شمس: قوول ..صبااح العظام المتفككه..صباح الملابس المبلوله
صباح النكد..يمكن يكون اقرب لحاالتي
عبدالله: هههههه انتي الي ..جبتيه لنفسج يااا احلى عرووس
ياالله ابي اخذ شاور سريع واطلع احصل ملااابسي جاااهزه
شمس: يصير خير
عبدالله : لااا هاذي الشروط الي اتفقنااا عليها..ولا نسيتي
شمس: ماانسيت .. بس وخر من طريجي
لبست بشكل سريع..فستان الصبااحيه
طويل وبقصه فرنسيه..بدون اكماام
توهقت في السحااب ..ماعرفت تسكره..
طلع عبدالله وشافهااا تحاااول تمسك ظهرهاا
عبدالله : شفيج
شمس : ماافيني شي..ماا قدرت اسكر السحاااب
عبدالله ..قرب منها ..وسكر ه بكل بساااطه
عبدالله: شمس..الجروح الي في ظهرج..من متى
شمس: ماااا يخصك
مسكهااا من عضدهااا:تادبي وانتي تكلميني
شمس: اااااي ..فكني عورتني
عبد الله : وين ملاابسي
شمس : ماااادري
عبد الله وهويبتسم: انااا كنت متأ كد انج ماا راح تقدرين تنفذين اتفااقنا .لكن مو بهااذي السرعه
شمس: لاا تحاااول ..تقرب مني ..او تلمسني

عبدالله حط يده على فمهااا يبي يسكتها
عضته ..وصرخت بويهه..ناايف ياا حقير..لاااا
عبدالله: لاا ..هاااذي مو حاااله ..كل ماقربت منج ..قلتي نااايف
انتي شسااالفتج ويا ناايف ..لااا يكون معتدي عليج
شمس: اطلع برى ماااااحبك ..طلقني ..مااااحبك
عبدالله لبس ملااابسه ..وطلع
صاار يدوور بالشواارع ..يدور بيت ناايف ناااصر بعد ما وصفه له واحد من اصدقاءه
عبدالله وقف سياارته ..وضرب هرن ..طلع له الحارس
عبدالله : هذا بيت نايف
الحارس: نعم
عبدالله: وينه ..ابيه بموضوع هااام
الحارس: العم نايف..بالسجن
عبد الله:مااتعرف شنهي تهمته؟؟ يمكن اقدر اساااعده
الحاارس: بيقوولو ..انه معتدي على عااايله وهو شاارب
عبدالله: طييييب ..مشكور ..مع السلامه
*******
شمس بعد الي صااار .. عواطفها منهكه
وجسمهاامرهق
عااجزه عن البوح بمشاعرها
تشعر بعدم الامان..والخوف
اذا شافت عبدالله تكون المشاعر معترضه عندهااا
وموب عاارفه شلون تتعاامل مع مشكلتهاا
اكيد تصرفاتها المتهوره.. تسببت بنفور عبدالله منها

فتحت الثلاجه الصغيره ..والقت نظره على محتوياتها
اختاارت العصير المفضل ..فراوله
صارت الساااعه عشر بالليل وعبدالله ماارجع ولاا اتصل
فتحت جوالها واتصلت عليه
شمس: عبدالله ..وينك
عبدالله: ليش تسألين ..تبين شي
شمس: لاااا ..بس زهقت بروحي
عبدالله: تجهزي ..العشا اليوم عند راشد
شعرت شمس بالسعادة : من صج ..خلااص كلهاا نص ساااعه واكون جاااهزه
عبدالله : لا تنسين ..جهزي ملاابسي
شمس :ان شاءالله
عبدالله: اوووب ..شاااتغير المفااجئ ..عقب
يصير خير ..ان شاءالله
شمس: خلك مكااني .. من امس مااذقت شي
الا عصير الفرااوله..ولاا شفت امي ..مااقدر اقول غير
ان شاءالله
عبدالله: اهااا ..مصلحجيه
شمس عجبتها الكلمه: هههههههه.. فسرها زي مااتبي ..بس ابي اشوف امي

******
في السياره ..عبدالله استقبل اتصال من زميله جون
في امريكا.. وتكلم معه بالانجليزي بكل طلااقه
عن تقديم موعد الدراسه اسبوع..وانه يجب عليه الحضور باقرب فرصه
عبدالله طلب من جون انه يدور له على سكن خااص بالعوائل ...قريب من الجامعه
شمس لما وصلو بيتهم..اسرعت لحضن امهاا
ام راشد كانت اكثر شوق لبنتهااا منها: هلاا بحبيبتي ونظر عيني
شمس: يمه..اشتقت لج موووت
ام راشد: وانا اكثر البيت مظلم بدونج
شمس: عيل وين راشد وحنين
ام راشد:اكيد بغرفتهم..اتصلي عليهم
عبدالله: انا اتصلت على راشد ..مقفل جواله
ام راشد:بروح اجيب دوااي من الغرفه... اشوفهم
شمس: انابرووح لهم .واخرب عليهم
حنين: تخربين على منووو..حتى وانتي عروس..مانفتك من شرج
شمس: ياالدبه ..انتفختي وخستي من كثر النوم
شمس وحنين..يسوولفون بحماس..جنهم مااشافو بعض من شهر
عبدالله وراشد يتكلمون بموضوع الدراسه بالخااارج
راشد : هاا شمس شقلتي ..تبين تروحين مع عبدالله
شمس على بالها انه بيروح اهله واستغربت انه يشااورها
شمس: لاا مااابي اروح ..لو يخليني اناام عندكم اليوم ..يكون احسن
عبدالله: ههههههه ..اليوم ماني مخليج تناامين الا على صدري
شمس انحرجت من رده الجرئ..وصاار ويهها اللوان
راشد: والله ماا تدرين وين الله حااطج
احنا نتكلم عن سفر عبدالله خلاال اسبوع
شمس: وان شاءالله ..يبيني اروح وياااه
راشد: شي طبيعي ..كل زوجه تتبع زوجهاا
شمس: بس انا مااقدر افااارق امي
ام راشد: ولاا انا اقدر على فراااقج..بس اذا
عبدالله ..يبيج تروحين ويااه ..لازم تطيعينه
شمس انفجرت: اطيعه في اني اكون خااادمه .
واروح معاااه على اي اساااس
جاااريته المطيعه..هااذا الي انتو مغترين فيه
يذلني ..ويتهمني بشرفي
راشد مااعجبه كلام شمس عن زوجها: الظااهر انج نسيتي نفسج
وتمااديتي وايد..
راح المطبخ ..ورجع..وفي يده!!مقص؟؟
شمس تذكرت تهديده ..ان يبي يقص لسااانها
اركضت ورى ظهر عبدالله.. وهي صااكه حلجهااا بقوه..ومغطيته بيدينهاا
راشدبعصبيه: عبدالله وخر ..خلني اربيهاا..لسانها يبيله قص
وهذي موب اول مره انبهها
شمس: مست ثوب عبدالله: تكفى عبدالله لاا تخليه..يقرب مني
عبدالله: راااشد ..هااذي موب طريقه للتفاهم..اذكر الله
راشد: لاااا اداافع عنها .. توهاا متكلمه فيك ..الحقيره
شمس: الله يااخذك..اليوم قبل بكره
راشد: مد يده ومسك شمس من شعرهاا
عبدالله بعد راشد عنهاا: رااشد ..ماسمح لك ..تمد يدك على زوجتي
ترى مااالي قعده في بيتك
راشد: انت مااا سمعتها شقاالت..والله لو انها حنين.جاان ذبحتهاا
عبدالله : وانت كل شي عندك بالقوه..بكيفك مع زوجتك
لكن الشمس .. ماااسمح حق اي احد يمسهاا ..ولو بكلمه
والتفت حق شمس..انا رايح بيتنا ..بتجين وياي ولاا تقعدين عند راشد
شمس بدون مااا تفكر لبست عباايتهااا ..
وطلعت ورى عبدالله
****
عبدالله حاط على برنامج منوعاات في ال اف إم
اسمعت اغنيه ..واااقف على بابكم
شعرت باستحواذ المشااعر السلبيه
مدت يدهااا وقفلت الراديو..
عبدالله:ما كنت اتوقع ان راشد .. يقسوو عليج
شمس نزلت راسهاا . وشبكت يدينهاا بعض
عرف انها تحااول تخفي مشااعرها
سكت ومااا فتح اي موضوع
ام عبدالله: هلا بالعرساان ..وتنغز عبدالله..عاارفينك..سبع ..ابن سبع
عبدالله : هههههه ..وين ابوي السبع؟؟
ام عبدالله : عنده ريايل بالمجلس
دخلت رهف.. وفي يدهاا ورقه كبيره..ورتها شمس
رهف : ها ذيانا رسمتها ..هديه لج انتي وعبدالله
الصوره.. كرسين في وسط عشب اخضر
الكرسي الاول عليه صورة الشمس مشرقه باللون الاصفر
والكرسي الثاني عليه سحاابه محدده باللون الازرق الغامج
شمس: هههههه من جبتي الفكره
رهف: هاذي انتي الشمس ..وهذا عبدالله السحاابه
ام عبدالله : ههههههه من صبح الله وهي مااا كله قلبي تبي تيكم الفندق
وتوريكم رسمتهاا الفناانه
شمس باست رهف: حبيبتي اميرة الامنيات
ام عبدالله قربت من شمس اكياس ثلاثة اكياس كبيره
ام عبدالله : هذي الاكياس .. هدايا من صديقااتج ..ريم ونسيم وهاديه
شمس: كفايه حضورهم.. لما شفتهم امس غيرو نفسيتي 360 درجه
ام عبدالله: ههههه عبدالله تعب وهو يدور عنااوينهم ..حب يسويلج مفاجئه
احتاجت شمس لبعض الوقت لتتفهم مااا قالته خاله حصه
شمس: تقصدين ان عبدالله هو الي ..علمهم بزواجنااا وعزمهم
ام عبدالله ..هزت راسهاا ..ايييه
شمس .. شيقصد من هاالتصرف الغريب

دخل عبدالله و العم تركي..ونيوف..وقفت شمس وحبت عمها على راسه
العم تركي: هلاا بالغااليه..شخبارج يابنتي..عساك راضيه عن عبدالله
عبدالله:الله يسلمك يالوالد..منو المفروض يراضي الثااني
العم تركي: انت اسكت..لو شمس اشتكت ..انا الي باخذ حقها منك
رهف: بابا ..خل عبدالله..يجيب شمس اليوم تنااام عندي
ام عبدالله: صااجه بنيتي ..شلكم بالفندق..تعال هذا جناحك جااهز
احسن لكم من الفنادق والغربااال
العم تركي: ام عبدالله خلي العيال على راحتهم ..
رن جرس التنبيه في جوال خاله حصه
عبدالله: مووعد رضعة الوالد ..يالله حصه قومي
جهزي الرضعه
ام عبدالله قامت للمطبخ ..وقامت شمس وراهااا
ام عبدالله:ابو عبدالله يحب كل يوم يشرب حليب
بالزنجبيل قبل ما يناام بنص سااعه
شمس: ليش مااتخلين الشغالات يسونه
ام عبدالله: هههههه .. ما يحب الشغاله تلمس اي شي يخصه
وعياله طلعوه نسخه منه

بعد ماطلعو من بيت العم تركي
عبدالله : شمس شتبين تاكلين
شمس: لاا مو جيعانه
عبداللهك وانا بطني بيصوصو من الجوع
وقف عند مطعم ..على الكورنيش ..ونزلو
عبد الله طلب ..بدون مايسأل شمس
عبدالله: غريبه انج ماتحسين بالجوع ..مع انج قلت لي انج
ماكلتي شي من امس
شمس وهي تلمس الورد الاحمر فوق الطاله : عاادي ..اقعد يومين بدون اكل
عبدالله مسك يد شمس الي مااسكه الورده: انتبهي من الشوكه
عبدالله: هاذي الورده مثلج ..حلوة نضره ..نااعمه .. الي
يشوفها مايقدر يقاااوم جمالها.. بس طريقتها في الدفاع
عن نفسهاا تجرح الي يقرب منها..حتى لو مااا يبي يضره
شمس ماا قدرت تتحمل كلاام عبد الله ..احتقن ويهها من الانفعال
لفت للجه الثانيه ..تخفي ويهها عنه
عبدالله: شمس تتذكرين ..يوم تخرجج من المتوسط..
لما ركبتي السيااره وبيدج ورده حمرا؟؟
شمس بلعت ريقها عشان تقدر تتكلم: كانت هديه من المدرسه
لكل الطااالبات..مو بس انااا
عبدالله: هههههه .. كنت ابي اكون اول من يهديج ورده حمراا
نزلت دموعها من رقه عبدالله واسلوبه الناعم
وصل الجرسون وحط العشا على الطاوله قدامهم
شاينيز فود وشوربة حريريه..وسلطه خضار
عبدالله احساسه بالجوع . خلاه يبدا بالاكل
ولما انتبه ان شمس ما لمست الاكل الي قدامها
مد لها الشوكه بعد ما غرز فيها قطعه حمرا حسبتها شمس دجاج بالصلصة
اكلتها ..وقبل ما تمضغهاا..وقفت تدور مناديل ..يععععع
يععععععععععع ..وشربت من عصير الليمون الي قدامها
عبدالله قااام بسرعه ومسك الجرسون ..انتو شحااطين بالاكل .
انا الغلطان الي جيت اكل في مطعم خدماته رديئه
ورمى علي قيمة الفااتوره..ومسك يد شمس وطلع من المطعم
عبدالله: تبين نروح مطعم ثاني
شمس:ههههههه..ههههه
عبد الله العيب مو بالاكل ..العيب فيني ..انا
ما أكل ربيان من كنت صغيره
عبدالله: ليش مااقلتي ..خليتيني اهزء الجرسون وزين ماسببت له عاهه
ههههههههه
مسك يد ها وحطها على قلبه.. ماارضى احد يمسك ..حتى لو بالغلط
شمس: عبدالله .. ليش كان ثوبك .. فيه مكياج من ريما
عبدالله: هههههه .. لاااا حبيبتي .. لاا تظلميني
حتى رهف تعرف انها نفس اللوان مكياج الملكه
شمس: انت الي كنت ..بغرفتي موو راشد
ودخلووو غرفتهم في الفندق ويدينهم متشابكه
شمس خذت شور دافي ولبست ..استر..مافي الشنطه..قميص نوم
احمر ومكون من قطعتين
شمس:الله يساامحك يا حنين.. مااتذكر اني شريت هالشياء
اعبدالله نبهر بجمال اللون الاحمر على شمس
قرب من شمس وحضنها: حبيبتي الشمس..احلى ورده بالوجود
شمس ارتبكت وخافت من ردة فعلها السلبيه
نزلت دموعها وهي تقول..عبدالله سااامحني ..ماقدر اعطيك حقك
في حاجز بيني وبينك..وانا موب عارفه شلون
اعاااالج نفسي..ارجوك عطني فرصه
عبدالله مسح دموعها بطرف ابهامه: مو انا الي اغصبج على شي مااتبينه
صدقيني ياعمري بيكون صعب علي اني اشوفج
عندي ولا اقرب منج..اذا هذا
الي تبينه..ماراح المسج الا اذا طلبتي مني
ارتاحت شمس من كلام عبدالله وتفهمه للموضوع
وقامت بحركه جريئه ..باست عبدالله على خده اليمين
عبدالله :ههههههه..واشر على خده اليسار..ترى يغار
شمس: هههههه لا تصير طمااع
عبدالله:كل شي بوقته حلوو ياحلو
====
شمس صحت من النوم وقلبها مقبوض
رن جوال عبدالله ..عبدالله طلع للصلاه ومخلي جواله
شمس ردت لما شافت ان المتصل حنين
حنين بصوت مرتبك وخاايف:عبدالله الحق ..راشد
ماايرد علي ..صارلي اكثر من سااعه احول اصحيه للصلاه
وهوموب راضي يقوم ..الحق علي
شمس: حنين شصاااير ..راشد شفيه..وين امي
حنين انفجرت بالبكي :مااادري ..يارب استر قوولي
لعبدالله يجي الحين يوديه المستشفى
شمس لبست عباايتها..ووقفت تستنا عيدالله عندالباب
======
دخلت شمس على راشد ..وشاافته ممدد على السرير ..جنه نايم
هزته بكل قوتها ..راشد قووم صل
رااشد..رااشد
حنين : اقوولج ماا يرد ..لمسيه بااارد زي الثلج
عبدالله ..لمس اطراف راشد ..باارده
اتصل على الاسعااف
شمس: امي وينهااا ..لحد يقولهاا شي
امراشد كانت وراهم: راشد ..مااات
وطاحت على الارض
الطبيب ..فحص راشد وسوى انعاش لقلبه اكثر
من مره ..مافي فايد ه..راشد مفارق الحياة من اكثر من خمس سااعات
ام راشد نقلوها للمستشفي ..ودخلت في غيبوبه
كانت الصدمه قويه على شمس..انهارت
راشد ماات ..انا الي دعيت عليه بالموووت
يارب ..خذني ورجع راشد..ياارب ماكنت اقصد
رااشد ساامحني..ياااخوي
عبدالله يحاول يهديهاا: ان لله وان لله راجعون ..هذا امرالله وتلى قول الله تعالى
(كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ) (العنكبوت:57
شمس..من حزنها والحسره الي في قلبها
صارت تضرب عبدالله على صدره:انت السبب .. ليت الله مأخذك بدل عبدالله.مااابيك
طلقي الحين..ماني قاادره اشوفك قدامي

=========
بعد مرور اسبوعين من العزاء
عبدالله اتصل على شمس:الو شمس
شمس بحده: نعم بقيت شي
عبدالله: انا مقدرالحاله الي تمرين فيها..بس هذا مايمنع انااا نتفااهم
شمس: ماقدراسمع صووتك..اكرهك ..اكرهك..انت السبب بموت راشد
ياليتك انت الي ميت
وسدت التلفون وقغلته
===
عرفت من حنين بعدهااانه رجع لامريكاا

شمس لاحظت على حنين..زياده الوزن.. والصداع المتكرر
شمس: اقوول حنين تعاالي اليم معاي المستشفى
وسوي تحليل حمل
حنين: ماااتوقع اني حاامل ..انا اعرف نفسي
شمس: انتي سوي تحليل وشووفي
كانت شمس كل يوم تزورامهاا ..وتقعد معهااا تقرا
ايات من الذكر الحكيم..تمسك يد امها وتسولف معها
حنين تدخل عند شمس في غرفة العناايه بحالات الكومه
حنين: شمس ...طلعت نتيجة التحليل
شمس: ليش حزينه..اكيد مااانتي حامل
حنين بدت تصيح: لااا طلعت حامل بالشهر الثاني
شمس : سجدت سجدة الشكر لله تعالى
الحمدلله ربي ياخذ ويعطي
ومسكت يد امهاا..وصاارت تكلمهاا
يمه..اذا تسمعيني حركي يدج
شمس ركزت على يد امهاا ..وشاافت يدها تترتجف
يمه راشد حي ماامات..يمه حنين حاامل
====
بعد شهرين كانت شمس في المستشفى ..تأكل امها بالملعقه
شمس: ام راشد ..يالله فتحي فمج وكلي ..عشان عيال راشد
ام راشد: وين حنين
شمس: عندها مراجعة للحمل ..بتخلص وتيي هني
ام راشد: شمس ..لا تخلين عيال اخوج يحسون ان ماالهم ابو
شمس: ان شاءالله تقومين بالسلاامة وتربينهم ..مثل ماربيتي ابوهم
ام راشد: وانتي ..ماحملتي للحين
شمس : تو النااس يمه
ام راشد: وين عبدالله ..ليش ما يزورني
شمس: عبدالله كل يوم يرسل لج سلام..هو رجع يدرس
باقي اربع شهور ويرجع قبل ولادة حنين بشهر
ام راشد: انا بناام شوي واذا جت حنين صحيني
======
رجعت ام راشد للبيت على كرسي متحرك
ام عبدالله : شمس حبيبتي لاا تردين الي قدمه لكم بو عبدالله
شمس: لا ياخالتي..جمايلكم على راسي..ماقدراحط
شغاله زياده وممرضه ..انا بشوف طلبات امي واعطيهاا الادويه بنفسي
ام عبدالله: ودراستج.. خلااص عيل اذا ولدت حنين ..تسكن عندنااا
شمس ارضخت للامر الواقع ..وقبلت بشغااله ثانيه وممرضه

حنين وهي تصحي شمس ودموعهاا تنهمر بغزااره
حنين: شمس ..قومي ..باموت من الالم
شمس فزت متخرعه: حنون ..تو الناس ..بااقي شهر
حنين تصرخ من الالم:شمس..بسرعه اتصلي على ابوي

نور البيت ..براشد وصقر..عيال المرحوم راشد
ام راشد تحسنت صحتها واستغنت عن الكرسي المتحرك
شمس: يمه من احلى راشد ولا صقر
حنين: راشد بدوون اي كلااام
شمس:انتي يمه يالملقوووفه..امي هي الي ترد وتحكم
ام راشد: الاثنين احلى من العسل
الحمدلله ربي خذ واحد وعطااني اثنين
شمس تبوس راس امهاا تضمها : ربي خذ ابوهم وعطااهم ثلاث امهاات
====
حنين تتصفح موقع سبق..للاخبار
حنين:شمس تعاالي شوفي هالخبر
قربت شمس من الشاااشه.. طاالبه سعوديه من عائله معروفه تموت رمياً
بالرصاص..اقدم ناايف ناصر على قتل اخته.. بالرصاص امام مدرستها
بعد ان لاحظ عليه بعض التصرفات المخله بالشرف
ثم قام بقتل نفسه بنفس السلاح الذي استخدمه
وقال شهود عيان..ان نايف كان يترصد اخته يومياًامام
المدرسه الثاانويه للبنات ..وانه قاامت اكثر من مره مشاده كلااميه بين الاثنين
والجدير بالذكر ان نايف ..خريج الكليه العسكريه..قد اطلق سراحه
منذ فتره وجيزه لاا تتعدى الشهرين..بقضيه تحرش جنسي
==========
حنين لبست راشد بدله سماويه كامله ولفته بمهاد ازرق ..وحطته بسريره
ولبست صقر نفس البدله بس لونها اصفر وحطته بسريره
دخلت شمس من المدرسه: وين عياالي وحشوني
حنين : شمس ..لاا تصحينهم توهم ناايمين
شمس: ليش تنومينهم..انا كم مره قلت لج
ابي اجي من المدرسه الاقيهم باستقبالي
حنين: الله ..يالملكه..اشوف مسكيهم بالليل .وريحيني منهم
شمس وهي تبوس صقر ..ليش كاشخين من بيجيكم اليوم
حنين: الحمدلله والشكر ..في مره ماتدري ان زوجهاا
وصل من السفر
=====
شمس

دخلت على امي الغااليه: هلاا يمه..شلونج اليوم
ام راشد: الحمد لله..على كل حال
شمس: يمه بروح ابدل ..وانزل اساعد حنين
شودج اليوم تاكلين
ام راشد: شمس ..انا حجزت لج مشغل..عشان تقابلين عبدالله وانتي مثل العروس
شمس: يمه مايحتاج..انا شغلي احسن من المشغل
ام راشد: لاا تكسرين بخااطري ..وسوي الي قلت لج عليه
شمس: ان شاءالله يمه
دخلت غرفتي..وانا افكر بعبدالله
اكيد نساااني

فتحت الجوال واتصلت..رد بعد اول رنه
شمس: السلاام عليكم
بعد مااسكت فتره طويله ..حسبته سد بويهي
شمس :الوووووو
عبدالله : وعليكم السلام ..هلاا شمس
رجعت دقاات قلبي تزداد من اسمع صوته
شمس: الحمد لله على سلاامتك
عبدالله : الله يسلمك
شمس..مااعرفت شتقول ..شكله زهقاان ومااوده يسمع صوتي
شمس: حبيت اسلم عليك ..واسمع صوتك
عبدالله: ..توقعت ارجع احصلت في بيتج
شمس:اي بيت
عبدالله:شلووون اي بيت..انتي نااسيه انج متزوجه
شمس:وانت ناسي انك وعدتني ..بالطلاااق
عبدالله: طلااااق ماراح اطلق..واليوم ترجعين بيتج

========

رجعت شمس من المشغل مع علياا ولجين
بعد مااسوت مكياج وقصت شعرهااا قصة الفراوله.. قصير

شمس..شالت صقر وصاارت تلعبه..صقر علاا صوته بالصياح
حنين: شمسوه ويهد..وخري عنه ..شكله ماعرفج من القصه و المكيااج
شمس :شدعوه متنكره

دخلت الخاله حصه مع رهف..شمس ليش قصيتي شعرج ..الملكه لااازم شعرها طويل
شمس تمسح على شعر رهف: الله ..تحققت امنيتج وشعرج صااار طويل
ام عبدالله: في سياااره غريبه برى من عندكم
عليااا: يمكن طلال
ام عبدالله : لاااا ..انا اعرف سياارة طلال

عبدالله دخل وسلم على الجميع ..واخر شي شمس
شمس دققت في ملامح عبدالله..شكله مرهق او مريض
لكن عيونه ..عذاااب..نزلت عند شفايفه..ايه
عرفت الفرق بينه وبين رهف
حنين: هي ..نحن هناااا
عبدالله:خاالتي في ريال جاي يخطب من عندكم
الكل اندهش من كلاام عبدالله
ام عبدالله : هوووو من يخطب ..مااافي الا حنين ..وما ضنتي تفكر
بالزواج عقب راشد الله يرحمه
عبدالله :لااا موب حنين...يخطب الست شمس
الي دايره على حل شعرهاا من يوم مات راشد
شمس : لااا انت مصختهاا..انا محد يقدر يطلع علي ولا نص كلمه
ام راشد: اكيد مايعرف انها متزوجه
عليا: عبدالله ..انت فهمت الريال انك زوجهااا
عبدالله: فهمته وطردته برى البيت
موناقص الا جااي يخطب زوجتي مني
ويقولي ياااعمي
عليااا:هههههه تحصل في احسن العايلات ..عاادي
عبدالله:خالتي ..بعد اذنج ابي شمس اليوم ترجع معااي
ام راشد: ياولدي ..هاذي زوجتك..محد يقدر يمنعك عنهاا
شمس : يمه انتي يبلج احد معاج وحنين تبي احد يسااعدها على صقر وراشد
ام راشد:الله يرضى عليج يابنتي..الوحده مالها الا بيت زوجهاا
شمس :الي تقولين عليه يمشي على عيني وراسي
======
شمس ترتب اغراضها وملابسها في الدواليب
عبدالله : شمس ..سوي لي شااي
شمس : هذا رابع كاس شاهي ..خرام عليك
بعد نص ساعه
عبدالله: وين الي طلبته
شمس: يااخي هلكتني ..كل شوي شمس ماي
خلاص الحين بسوي لك الكافي الي طلبته
حطت الكافي له فوق الطاوله ورجعت
تكمل ترتيب ملابسهااا
فتحت شنطة عبدالله .يااي من السفر من يومين
ولا فكر يفتح شنطته ويرتب ملابسه
ينطر الخدامه شمس ..تقوم بخدمته
وصارت تطلع الملاابس واحدواحد..وتحطهم في سلة الغسيل
طاح البوم صور صغير من بين الملابس
شمس فتحته ..وصارت تتفرج على الصور
سالت دموعهاا وهي تشوف صور راشد ..ايام الملكه
والزوااج..اااااااه ياخوي

عبدالله سمع بكي شمس ودخل متخرع..شمس شفيج
قعد يمها وحط راسهااا على صدره يواسيهااا
انفجرت مشاااعر الحب والشوق عند شمس
شمس : عبدالله حرام عليك..ليش تعملني بهالقسوه ..وانا احبك
عبدالله : يعني انتي الي ..راحمتني..من وانتي عمرج 12 سنه واناا اموت على الشمس
ترفع راسهاا : عبدالله لاا تقص علي انت كنت ماا تداني البنات
عبدالله: البناات ..مو شمس ..الغاليه
شمس: ليه مااخطبتني..او لمحت لي
عبدالله: من صجج.. انتي كنتي ياااهل ..
وانا مابيج تتعلقين فيني ..يمكن يخطبج احد احسن مني
شمس وهي تدفن راسه ا بصدر ه وتاخذ نفس عميق
من عطره ..الي دوخهاااا
شمس: تدري اني خذيت جلسات ..عند الطبيب النفسي
عبدالله: ادري..وادري شكليتي
اوشربتي ..او وين رحتي ومع منو طلعتي
شمس: لاااا شلون ..حاط تحري خاص

عبد الله: شي من هاا نوع..هم بالصراحه ثلاثه مو واحد
شمس : لاااا تقول ..عرفتهم
رهف ..وعلياا ..ونابف
عبدالله:هههههه.. اكيد كشفتيهم
شمس: خلااص اوعدك من اليوم ورايح..ما راح اخش عنك شي
بس اهم شي..لاا تجيب طااري ريماا
عبدالله: مسكينه..والله ساعات ارحمهاا
شمس دفت عبدالله عنهاا وبوزت
عبدالله: مااادريتي انها تزوجت شاايب وعاشت معاه بدبي
شمس : وانت شدراك عنها..تتابع اخباارها
عبدالله: من نفس المصدر..علياااا
شمس: ذكرني بيوم ..اعطيها وساام التميز
على افكاارها الي كانت السبب ..في زواجنا
عبدالله: صحيح..تعبت معاي واي
شمس:ابي اقول لك سر
قربت من اذنه..ةهمست في ادنه كلمه تمنى يسمعهاا
من زمااان

النهاااايه