.jpg)
من هنا نكون ضبتنا دماغنا عشان نستقبل البرامج والمعلومات الى هاتذكر هنا فى المقالة وهانبتدى بمهارات التواصل مع الناس وهانذكر فيها عدة اشياء اولية ثم نضع الضوء على عدة اشياء يجب القيام بها مع العلم ان الاشياء الى هاتتقال هنا هيا الصح والغلط تعدد بتعدد البشر لكن احنا هانذكرالاساس الى مبنية علية العلاقات الطيبة مع الاشخاص وانك تصبح شخصية جذابة ولو فى حاجة من الحاجات الى هانقولها تعارضت معاك يبقى انته محتاج فرمتة زى ماقلنا قبل كده وممكن ماتكنش محتاج فرمتة بس جربها وحطها فى الفعل وشوف هاتنفع معاك ولا لأ ولو ماطبقتهاش روح اعمل فرمتة وبعدين ارجع ونفذ البرامج دية تانى لحد ماتبقى سلوك فى حياتك وتبقى ديه طبعتك .
رقم واحد والى هى الاولى فى كل حاجة "الابتسامة"
وهى السحر الذى يسحر اى حد مهما كان وتقدرمن خلالها انك تحول كل المواقف لصلحك بس انته اعملها واتدرب عليها ، اكيد بتبتسم ونته فى المواقف السعيدة لكن عمرك جربت انك تبتسم وانته غضبان او فى موقف صعب ومتعصب انا موش بقلك انك يكون عندك لامبالاه فى الموقف لكن شوف الموقف ده ممكن يتصلح بابتسامة اكيد ممكن بس انته مش قادر تخرجها او مزاجك مايسمحلكش انك تخرجها على فكرة الابتسامة ديه فى الشركات الكبيرة بيدفعلها فلوس عشان الموظف المحترف هو الى ابتسامتة على طول بترضى العملاء وعلى طول على وشة مهما كانت ضغوط الشغل فهل هذا الموظف احسن منك ؟ طبعاً لأ بس الفرق انه عارف قيمة الابتسامة عند العملاء والمدراء وعرف يدرب نفسة عليها ويرضى بيها كل الاطراف .
مهمتك دلوقتى انك تدرب نفسك انك تبتسم دائماً وبص فى المرايا وابتسم وكشر "هايقولوا عليك مجنون" بس انته بتعمل ده لهدف انك تتعلم ازاى تبتسم وتعرف شكلك لما تمر بالمواقف المختلفة.
احكلكوا قصة كنت حاضر محاضرة صغيرة انا وواحد صحبى وماكنش عنده مهاراة فى التواصل ومابيعرفش يغير تعابير وجهة للاحسن ممكن يكون مبسوط بس باين انه مستاء من المكان والناس تاخد عنه انطباع سيئ ودهالى حصل فى المحاضرة ان كلنا واحنا اعدين مبسوطين جدا من الكلام ومتشوقين جدا بس هو اللى قاعد متكدر والمحاضر سأله انته زعلان ليه جاوبة وقاله مافيش حاجه مع انه كان باين على وشة انه مخنوق من المحاضر ومن المحاضر ومن الناس الى قاعدة ولما سألته بعد المحاضرة وقلتلهايه رأيك توقعت انه يشتم فيها بس لقيته بيشكر فيها جدا واستفاد منها كتير ، امال ايه الى خلانى اخد عنه انطباع انه شخص سلبى وماقدرش قيمة المحاضرة ؟حاجة صغيرة خالص وهيا تعابير وشه واحنا فى المحاضرة اوحتلى بده فعرفت من وقتها انى ممكن اكون زيه وعشان كده ابتديت اشوف التعبير الى بتبان على وشى واتخيل مثلا لو حد ممل بيكلمنى وابص فى المرايا واشوف نفسى شكلى عامل ازاى والحمد لله قدرت انى اكتسب مهارة مهمة جداً وهيه الابتسامة الدائمة لكل الناس حاول انته كمان تكتسبها هاتفرق معاك كتير ... جرب .
الانصات هو السحر الابيض الناس بتحب تتكلم بس نفسها تلاقى حد يسمعها انته عن نفسك عاوز تتكلم بس تلاقى حد يسمعك واكيد الحاجات الى هاتحب تتكلم فيها انجازات انته حاسسها وليها كيان كبيرعندك ولما بتحكيها لحد بتتوقع انه يقدرك عليها وقولك برافوا عليك مثلا انته عملت حاجه كبيرة بس المصيبة ممكن الحاجة تكون كبيرة بالنسبة لك وماتفرقش مع حد غيرك ولما تلاقى حد حاسس بالانجاز الى انته عملته ده بيتحول صحبك من غير ماتحس يبقى احنا لازم ننصت للشخص الى بيتكلم معانا وكمان نشجعه ونقدره ونخليه يتكلم فى المواضيع الى هو بيحبها ساعتها انته هاتتحول صديقه وحبيبه من غير ماتحس ولا هو يحس .
1- الكلام الى بيقوله الشخص المتحدث يتنافى مع القيم والمعلومات الموجوده عندنا .
2- سؤال اوجه له قبل مانساه ويدخل فى النقطة الى بعدها.
3- انه مايكنش فاهم وجهة نظرى وبيتكلم فى ناحية تانية خالص .
4- حب الكلام وانى نفسى اتكلم شوية كفاية عليك كده انته اتكلمت كتير سبنى بقى.
5- طول فى الكلام وخد وقت طويل فى الحديث .
6- لإظهار النفس وإثبات الذات .
1- تقدر تعرف من كلامه نمط شخصيته وتقيم حجم معلوماته .
2- تقدير المتحدث الى المستمع وهايحس انك مهتم بكلامه .
3- تقوية العلاقات والاستيعاب .
4- تقدر بعد ماتسمع كويس انك تقدم حل مناسب او رد مقنع .
1- توجيه النظرالى الشخص المتحدث وعدم الالتفات .
2- ملاحظة ملامح وجهى انها تكون معبرة عن مضمون الحديث والانفعال مع الكلمات .
3- طرح اسئلة .
4- استعمال الكتابة لتذكيرىبالنقط التى اسأل فيها بعد الانتهاء من حديثه .
5- الاهتمام بنفس الحماس .
دول كانوا أهم حاجتين فى التواصل فى نقاط ايضاً هامة وهى كالتالى
3- كن مجاملاً : بمعنى انك لو لقيت او لاحظت حاجه حلوة فى الشخص الى امامك على طول علق عليها بتعليق جيد وقدره عليها وولو مالقتش جامله فى حاجات معنوية ولو فى حاجه غلط فى الشخص الى قدامك اعد ساكت " فلتقل خيرا او لتصمت " .
4- لا تجادل تجنب الجدال :لانه يضل بالحديث ويؤدى الى الندية والمنافسة وياخذ كلا من الطرفين وضع الدفاع عن وجهة نظرة ونفسه ولاحظ ايه المغزى من الكلام وايه الهدف منه وقرر .
5- عامل الاخرين كما تحب ان يعاملوك : "بسيطة خالص".
6- التمس لغيرك الاعذار وابتعد عن العتاب :"الى حصل حصل ومانقدرش نغيرة حاول ماتخسرش الى قدامك بسبب شئ لا يذكر".
7- لا تغضب مهما كان السبب :"الناس الى بيشفوه منك الابتسامة والسلام مالهمش دعوة بقة بحياتك تخيل كده لو واحد قابلك وهو مكشر اكيد هاتفتكرانك انته السبب وهو مايقصدكش انته بس هو وصلك المعلومة غلط .
8- سلم على كل من تقابله والى قابلته :"اوعى تصدق ان كترالسلام بيقل المعرفة (خدعوك فقالوا) ، اكيد الشيطان هو الذى قالها".
9- قدم هدايا : للناس الى حوليك حتى لو كلمة حلوة او وردة اى حاجة بس هادى .
10- فكر بنفس مرحة :وكن متفائل دائماً "قانون الجذب" اوعى تتشائم .
11-كن متواضع مع الكل "من تواضع لله رفعه"وجعله فوق الجميع بحب الناس له .
12- اكتسب قوة التسامح ووفر طاقتك التى تضيع على الاعداء لتكسب بيها الاصدقاء .
13- لو هاتوجه نصيحة وجهها بإحساس وماتعملش زى الناس الى واقفينفى طابور النصائح الى بيعدى عليهم كل يوم "والمشكلة انهعارف كل النصائح دية بس مستنى نصيحة بإحساس عشان يتغير".
14- كن مع الاخرين فى السراء والضراء روح اى دعوة او عزاء واعى تتأخر على الواجب وجامل على اد ماتقدر .
15- لا تنتقد الاخرين نهائياً "لا تحكم على احد".
16- ماتضحكش فى المواقف التى لا تستدعى الى ذلك "فمن الممكن ان يضيع وقارك ومهابتك".
17- تذكر اسم كل شخص فهو احلى صوت يسمعه "الناس بتصرف ملايين عشان تخلد اسمائها عبر التاريخ حاول تقدم هدية للاشخاص انك ماتنساش اسامئهم هى بسيطة بس عاوزة سنة مجهود فى الاول".
18- اسأل محدثك عما يستمتع بالاجابة عنه " مثل نفسة وانجازاته".
19- اجعل الشخص الاخر يشعر دائما بالأهمية "مثال على ذلك واحد صحبك بيتصل بيك ويقولك تعالى معانا رحلة بكرة ونته تعتذر يروح قايلك احسن بردك انك ماتجيش انته مالكش لزمة اصلاً انا قلت اعمل الى عليا عشان ماتزعلش منى وقفل السكة ونته عارف الباقى (ده مثال سيئ) العكس يروح قايلك بجد احنا عوزينك تيجى معانا وبجد احنا موش هانكون مبسوطين اوى غير ونته معانا حاول تظبط مواعيدك وتيجى انته الى بتحلى الرحلة طب شوف انته وقرر واحنا مستنينك لاخر لحظة ويروح قافل شوف الانطباع الى نته خادته عن الاتنين الى بيهتم ويحسسك انك مهم والشخص التانى الى مش مديلك اى اعتبار اديك عرفت ابتدى نفذ من دلوقتى ".
20- افعل للاخربن ماتحب ان يفعلوه من اجلك .
21-اذا كنت مخظئا اعترف بخطئك "احكلوا قصة حصلت معايا مرة كنت اعد فى المحاضرة وكنت بتكلم راح الدكتور مخرجنى والدكتور ده عمره ماخرج حد ودخلة تانى كل الى بيخرجة بياخد منه الكارنية ويخرجة بره المدرج انا طبعا عارف انه هايخرجنى زى الى قبلى ومافيش فايده من الدفاع عن نفسى والانكار روحت مستخدم الاسلوب الجديد الى هو الاعتراف بالخطأ وقولتله انا اسف جدا يا دكتور فعلا انا غلط واتفضل البطاقة عشان ماعييش كارنية وده اقل عقاب ممكن تقدمهولى بس ياريت ماتحرمنيش من انى احضر محاضرات تانى ليك انا اقبل اى عقاب بس ياريت مايكنش ده راح ابتسم وقالى ماتعملهاش تانى وادانى البطاقة وقالى ادخل J ".
22- ابدأ باسلوب ودى ولا تقرب للعنف .
23- اذا اردت ان يكون لك اعداء تفوق على اصدقائك , ةاذا اردت ان يكون لكاصدقاء دعهم يتفوقون عليك " بمعنى انك لو تفوقت على اصدقائك وحسستهم انك احسن منك اكيد هاتحصل غيرة ويتقلبوا اعداء ، واذا اصدقائك تفوقوا عليك وانت قدرتهم على تفوقهم هايحبوك مش معنى انهم متفوقين عليك انهم احسن منك لا ده كل واحد ليه مجاله متفوق فيه ونته ليك مجالك بردوه ومتفوق فيه ".
24- اذا اردت ان تشد الشخص الى فكرة تريد ان ينفذها اجعل هذا الشخص يشعر وكأنها فكرته .
25- حاول بأمانة ان ترى الاشياء من وجهة نظر الشخص الاخر .
26- قدر افكار الشخص الاخر فى إبداء التفاعل مع كلامه ورغباته واشعره بالاهتمام .
27- الجأ الى الدوافع النبيلة ، القاعدة الثابتة كل الناس مخلصين وامناء وصادقين اذا احسستهم بذلك .
28- عبر عن افكارك فى قالب تمثيلى "خليك حرك" وابتعد عن الملل فى عرض الافكار .
من قراءاتي
11-05-09, 10:05 PM
مهارات الاتصال
جديد مواضيع قسم علم النفس , دراسات علم النفس , كتب علم النفس , ابحاث علم النفس
العرض العادي
