تدرين أحلاموه .. مع أني أصلا صار لي مدة النفسية موب تمام <<<ياكثر ماتشكي ذا المخلوقة وتبربر على غير فايده
لكن أنتي بصراحة تستاهلين اللي يحط أبو النفسية تحت رجوله عشانج
ماشاء الله تبارك الله إبداع والتزام وحبكة ووساعة خاطر.. الله يحفظج لعين ترجيج..
البارتات الأخيرة إبداااااااع.. ماشاء الله..
شوفي أنا صار لي كم بارت ما علقت.. باللي يجي في بالي بأقوله.. بس التركيز على البارت الأخير
كريم الغثيث جا الله واحد ينافسه اسمه عمر الغثيث... الحين بدل ما تصرقع سهاموه قليلة الحيا.. جاي تحط لها ورد أحمر وحركات وانت اللي تراضيها
وأنت ما غلطت في حقها
هي اللي غلطت.. ثم غلطت.. ثم غلطت... المرأة اللي تجرأ تصرف مثل هذا مع زوجها تبي تأديب معتبر... مهوب تغلط وعقب تروح تزيعل.. وحتى هو يوم زعل عليها مايعرف يزعل... حركات... ما أقول غير مالت عليك من رجل نص كم...
نرجع لصاحب اللقب الأصلي وعلامة جودة الغثاثة.. كريم الغثيث.. كل جزء بأظل أقول لك يا أنت غثيث.. ياناس بأنفجر منه ذا الرجال.. وش ثقل الدم اللي عنده.. مسخها مع المسكينة هدى.. والله إنها كاسرة خاطري ذا المسكينة من وين تلاقيها على قولت المثل عندنا (من وين ما طقتها عوجا)
وأنا أشهد أن ابو الكرايم أعوج..
اليوم أبي أتكلم عن شخصية مابعد تكلمت عنها ولا في رد... علاء
تدرين أحلاموه.. مع إن شخصية علاء انا شخصيا ما تعجبني.. لكن رسمج لها موفق واااااااااااايد.. موفق لأبعد حد.. لأنها شخصية موجودة وبكثرة.. وفي نفس الوقت مهمشة... الإنسان الطيب اللي لا له ولا عليه.. عطالي بطالي.. تحسه أحيانا مثل النسمة الحلوة في حياة هله.. وهو فعلا نسمة... صحيح نستمتع فيها وتنعش أرواحنا.. لكن لو انحرمنا منها عادي.. وهذا هو علاء... يعني صحيح وجوده نسمة هواء في حياة هله لكن هم ولا مستفيدين منه شيء...
تسلم لي فكيراتج
إيه قبل إنسى إياني وإياج تخلين محمد يسامح لمياء... يسامحها عقب 20 سنة إذا تخرجوا عيالهم من الجامعة... هذا أقل شيء
أحلاموه ياقلبي.. أنا مسافرة بعد كم يوم.. وبأرجع يمكن بعد شهر أو شهر وزيادة.. لا تخلصين القصة لين أرجع.. سامعتني والا ترا بأجي لج بالخيزارنة... أظني تعرفينها... عصا رفيعة يصرقعون فيها الواحد لين يقول تبت لله
أمزح أمزح.. لا حد يخنقني يا بنات... يالله بأشتاق لج.. لو مارديت رد ثاني قبل أسافر... انتظري مني رد طوييييييييييييل إذا رجعت إن شاء الله
مع السلامة ياحلوة
بنت الخالة
22-06-09, 09:20 AM
جديد مواضيع قسم الارشيف
العرض العادي
