منتدى ليلاس الثقافي
_ حدثيني عن والدتك ..
أطلقت تنهيده عميقه .. ومسحت دمعة تعلقت برمشها تهدد بالنزول ..
_ وش تبغيني اقول ؟ لحد الحين زعلانه علي لأني انفصلت عن زوجي .." الحرمه تصبر عشان عيالها " هذا اللي تصبحني وتمسيني فيه .. _ طيب كيف علاقتك معاها قبل الزواج ؟
_ شوفي .. علاقتي بأمي سطحيه جدا .. تنحصر في " افعلي " و لا تفعلي " ..وقبلة الصباح اللي تعودت اصبحها فيها .. يمكن لأن أفكارنا جدا مختلفه .. صارت بيننا هالفجوة .. يعني امي همها الاول الزوج والعيال .. بعدين هي عصبيه جدا وتثور علي لأتفه الأسباب .. عكس ابوي .. كان هاادئ جدا الله يرحمه ..
منتدى ليلاس الثقافي
_ تفتقدينه ؟
_ جدا .. كان يدعوني " أميرتي "قالتها وهي تبكي ..
_ لو كان على قيد الحياة ماخفت على مستقبلي وطفلي .. وطلبت الطلاق .. بس الحين .. مصيري مجهول .. ومستقبلي ضبابي .. وأنا خايفه .. خايفه يادكتوره ..
_ من ايش حبيبتي ؟_
من كل شي .. من كل شي يادكتوره سارة .. المجتمع , زوجي ,المستقبل .. كل شي .. بصراحه انا ما اثق في أخوي .. في زوجته بمعنى أصح .. يمكن تحاول تطلعني من البيت ..
_ خلي أملك بالله كبير ..
_ ونعم بالله _ قلتي لي من متى انفصلت عن زوجك ؟
_ من ثلاث شهور ..
_ وعايشه مع اخوك وزوجته ؟
_ ايه .. وامي بعد .. بس هالنسره زوجته قالبه البيت لجحيم .
._ واخوك ؟ وش موقفه ؟
_ اخوي مصدق الدور اللي تمثله قدامه ..
_ وامك ماتقول له ؟
_ امي تخاف عليه حتى من الهوا .. كيف تبينها تقول له ؟
_ عندك اخو غيره صحيح ؟
_ عندي اثنين ..
_ وعايشين معكم كمان ؟
_ محمد له غرفه في البيت .. بس هو موظف ومايجي الا ينام بس .. وسعد في سكن الجامعه ..
_ وكيف علاقتك معاهم ؟
_ باختصر واقول عاديه .. بينا اكيد بعض المشاكل .. بس بعدين يرجع كل شي لطبيعته .. سعد طيب كثيرويحب ولدي أحمد .. ولما يكون عندنا في البيت ماينزل احمد عن حضنه ..
_ طيب يا نجلاء .. يكفي كذا اليوم .. يسر الله امرك وفرج همك .. تذكري ياحبيبتي أن هذه دنيا عمل وابتلاء .. وفي الآخرة يوفى الصابرون أجرهم بغير حساب ..
_ الله يجزاك خير يادكتوره سارة..
_ لا تنسين تاخذين موعد للاسبوع الجاي ..
_ إن شاء الله .. مع السلامه
_ مع السلامه ..
يتبـــع,
01-05-09, 05:51 PM
حكاية وجع ..!
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
