كاتب الموضوع :
Emomsa
المنتدى :
القصص المكتمله
((سوسو طيرت عيونها على ميشو ...
واللي زاد قهرها لما عطتها ميشو عطتها نظره تبط الكبد ...
-(ريم حست بفشيييله قدام القروب كله سوسو وباقي البنات ...
ميشو قطعت عليها التفكير ثم قالت من غير نفس مصطنع :~
خلاص خلاص مابيه كليه انتي .... ؤففـ صج تيبون الهم ...
((ثم قامت وراحت للقاعتها ...
ريم نزلت راسها بضيييق ..
-(سوسو بقهر :~ صج انها سخيفه ... بعدين انتي شلون تخدمينها جذي ..!!
ؤفففـ منج خلي عندج كرامه شوي ماتفهمين انتـ...
-(قاطعتها ريم لما قالت بسرعه بضعف وانكسار :~
انتي تدرين انها أعز رفيجاتي وماحب أزعلها بأي شي ...
((ثم لفت ولحقت ميشو تبي تراضيها ...
سوسو ضربت خدها بقل صبر :~ ياربيييييه على هالبنت بتييب لي الجلطه ...
ماأدري شلاقيه بصداقة ميشو هاللي مزلبه فيها ومخليتها خدامه موب رفيجه ...
-(ليندا :~ تركيهون بحالون ... بعدين ريم هيا هيك مرتاحه خليها تصطفل ...
-(سوسو :~ تصطفـــل ..!! وش عقبه .. عقب ماتييب لي الجلطه ..!!
((ريم لما طلعت مر من جمبها فيصل توه داخل ويدور بعيونه على وتين ...
-(سوسو بصوت قصير :~ بنات بنات .... شرايكم باللي واقف عند الباب ..
((كلهم التفتو ...
-(ليندا فاتحه فمها :~ يااااي شو هيدا ... لا عن جد بيجنن ... بس شكلو
أوربي ما ..؟؟؟
-(سوسو :~ أكيد بعد فيها ...
-(سلمى :~ لا ويييع مو عاجبني ابدا ماحب هالأشكال ...
يعيبوني اللي اشكالهم خليجين بعوارض ... وااي صج صج هذولي الحلوين ..
-(سوسو :~ اقول سكتي سكتي بس ماعندج سالفه ولا ذوق ...
-(ليندا :~ سوسو سوسو شو رايك بروح حاكيه ..؟؟؟
-(سوسو :~ شو انتي مينونه ... ترمين نفسج على شاب .. شبيقول عنج ..!!
بعـ....
-(قاطعتها ليندا بشهقه طويييله وهي تقول :~ يؤ يؤ ولك شوفي شوفي ..
شوفي مين جلس معآ ...
-(سوسو :~ يؤ صج هاي ماتستحي على ويهها خليجيه يالسه ويى أجنبي ...
-(ليندا :~ ايييوه هاي اللي عم بتفهم ... بتعرف كيف بتختار ...
-(سمعو صوت فيصل ضحك بصوت عالي ....
-(سوسو :~ آآآآه ياقلبي يينن يينن حتى ضحكته تينن ... ليندو ليندو مسكيني قبل
لا طيح عليج ....
-(ليندا :~ سوسو شو رايك نعود بالطواله ياللي جمبون ...
-(سوسو :~ فكره مو شينه يالله ...
((بسرعه راحو وجلسو جمبهم وهم يسمعون كل كلمه بينهم ...
-(فيصل وهو للحين يضحك .. رفع عيونه عليها ثم قال ببتسامه :~
لا صج الدكتور حجر لي اليوم ...
((سوسو شهقت بصوت عالي ...
للدرجة انو فيصل ووتين التفتو عليها ...
ليندا بسرعه لفت وجه سوسو برتبااك عشان ماينتبهون انهم يطالعونهم ..
-(ليندا :~ ولك شو انتي مجنونه ..!!! ... شو بكي ..!!
-(سوسو بصدمه :~ انتي سمعتيه ..!!! الولد طلع خليجي ..!!
-(ليندا فتحت عيونها عالآخر :~ شوووو ...
((التفتت تحاول تسمع ...
-(وتين :~ اقول فيصل شكنت تبي تقول لي ..؟؟
-(فيصل بتوترررر :~ آآآآ ... صراحه كنت ابي اقول .. آآآ ...
انتي ... انتي للحين تحبين عبادي ..؟؟
-(ليندا :~ ييييي ... طلع الشاب خليجي ..!! مو معئول عن جد عن جد مو معئول ...
-(سوسو :~ ششششش خلينا نسمع ...
-(وتين بتوتر :~ ليش السؤال ..؟؟
-(فيصل :~ لا بس ابي جواب ...؟؟
-(وتين نزلت راسها بدون أي كلمه ...
-(فيصل سكت شوي وهو على باله ااسكوت علامة الرضا ثم كمل :~ طيب ممكن تتريين شوي بس ,,
((بسرعه فيصل وقف وراح بعيد عنها شوي ثم كلم بالجوال ... بعد ثواني رجع لها ...
-(وتين :~ طيب اذا ماكان عندك شي ثاني تبي تقوله لي انا مظطره أقوم...
-(فيصل بتوتر :~ لا لا بس كنت ابي اقول لج شتبين تشربين ..؟؟
-(وتين :~ مشكور ماقصرت بس صج امأقدر أقعد وياك أكثر من جذي ..
انت قلت موضوع وبس واعتقد ماعندك شي ثاني ...
((بهاللحظه دخلت أميــــــــــــــــــــره ومعها نجود ...
أميره وهي تمشي طاحت عينها على فيصل ووتين ...
بدت نار الغيره تشتعل بقلبها ...
بسرعه جلست بالطاوله اللي جمبهم ...
تبي تتجسس عليهم وماتتوب عن طبعها ...
-(نجود :~ اقول أميـ ...
-(أميره :~ ششششش سكتي بس دقايق ..
-ليش ..؟؟
-بعدين اقولج سكتي شوي بس ..
((فيصل حاول يصرف الوضع ثم قال :~ أقول وتين ...
-نعم ..
-آآآآ .... انتي أكيد تتذكرين الكلام اللي طلع عني وعنج صح ..؟؟
-(سكتت شوي بتوتر ثم قالت :~ أي ...
-(فيصل حس برتباااك ومايدري شلون بيطاوعه قلبه ويقول هالكلام :~
بس كنت ابي اقول لج انها كلها اشاعات وأكاذيب ...
خاصتا اني مو مال الحب موليه ... والحقيقه عبادي هو للي يحبج مو أنا ...
بس السالفه ومافيها اشاعات وجذب ...
-(وتين نزلت راسها بصمت وضييقه ...
-(فيصل حس بضيقتها ثم قال :~ لا يكون ضايقتج بشي ..؟؟
-(وتين :~ كمل ...
-(فيصل حس بتوتر أكبر لما حس انها متضايقه .. توتر لا يكون قال شي غلط ..
:~ بس هذ اللي كنت ابي اقوله ... يعني لا تفهمين غلط وبعدين انا ماعندي استعداد
اخون رفيجي اللي يحبج ... والكل يدري انا مو مال الحب ابدا ...
وانتي اعتبرج مثل أختـ....
-(قاطعته :~ خلاص لا تكمل ...
-(فيصل عقد حواجبه ..؟؟؟)
-(وتين نزلت راسها ثم قالت :~ عن أذنك ..
((توها بتقوم بس فيصل مسك شنطتها اللي شايلتها :~ لحظه بس ...
-(وتين :~ فيه شي بعد ..؟
-(فيصل حس بأسلوب وتين اللي صار جاف :~ وتين انا قلت شي يزعل ..؟؟
((بطــــــــــاولة أميــــــــــره تقول بصوت قصير :~ الله عالحب ...
مالت عليك شلاقي فيها هالخايسه .. لا وبعد مسويه تتزعل ...
لا يكون هذي صدقت عمرها الكل يحبها ...
-(نجود :~ تبين الصراحه شكل البنت تحبه ..
-(أميره بصوت عالي من غير شعور معصبه :~ حبتهـــــــا القراده هالعيوز ..
-(نجود :~ شششششش فضحتينها ...
-((فيصل :ْ وتين انا قلت شي زعلج ؟؟؟
-(وتين نزلت راسها :~ ممكن تخليني الروح الحين ..؟؟
-(فيصل :~ لا ... أول ردي على كلامي ...
-(وتين :~ طيب خلاص انت تقول انك ماتحبني خلاص ؤكي خلني الروح
ماأعتقد فيه شي ثاني ..؟؟
-(فيصل حس بضعف قدام كذبته أنه مايحبها ... كان وده يقول لا اجذب عليج ..
بس مسك نفسه ثم قال :~ طيب يلسي انا ماخلصت حجيي ...
((وتين جلست بضييقه ..
-(فيصل :~ ثانكس ... آآآ ... الحقيقه كنت ابي اوظح لج الموضوع
هذا ..... ((ثم رفع يده يطالع الساعه برتباك ..)
-(وتين :~ طيب وبعدين ؟؟؟
-(فيصل بلع ريقه :~ أي هاه ... آآآ .. عموما أي شي تبينه مني
اعتبريني مثل اخوج ولا تترددين ...
-(وتين بقهر :~ بس انا مابي اعتربك اخوي ... يالله عن أذنك ..
-(فيصل بسرعه :~ وتين الله يهذاج صبري علي شوي ..
شسالفتج كل شوي معصبه ..!!!
-(وتين بدون ماتحس قالت بقهر :~ كنت معتقده كل هالسنتين اللي راحو انك تحبني
بس طلع كله اشاعات على قولتك وجذب ...
وماأخفي عليك ان بهالسنتين كان كل تفكيري هو انت وبس ...
لا عبادي ولا غيره ..
بس مثل ماقلت اشاعات يعني ليش أوهم نفسي عالفاضي ...
والحين عن أذنك ..
-(فيصل موب مستوعب .... بسرعه مسكها مع يدها من غير شعور :~
وتين انتي شقاعده تقولين .... لحظه عيدي .. مافهمت ..
-(وتين سحبت يدها ثم قالت بقهر :~ أي نعم انا أحبك ياسيد فيصل ..
بس خلاص طلع كل شي اشاعات وعلى قولتك تعتبرني اختك وانت مو مال الحب ..
انا الغبيه اللي فكرت انك تحبني صج ...
-(فيصل فتح فمه مصدوووم .. مو مصدق اللي يصير ...
توه بيتكلم قبل لا تروح الا وتدخلت أميره اللي ماقدرت تتحمل
الوضع ..
-(أميره بحتقار وغضب :~ انتي هيه على كيفج مره تحبين رفيجه مره هو ..
شنو انتي فاضيه .. كل يوم لج حبيب ..!!!
صج عقلج فيه شي ...
انا من زمان اشك ان عقلج مفصول ... يابنت استحي على ويهج ...
مااالت على هالويه اللي مدري شلاقين فيه ...
-((بطاولة سوسو وليندا فاتحين فمهم مصدووومين ...
اللي موجودين بالكفتريا التفتو عليهم لأن الصوت واظح ...
اللي فهم كلامها واللي مافهم اللغه العربيه لوجود اختلاف الأجناس ...
عند الباب دخل كان واقف عبادي بعد ماسمع كل الكلام ...
جاي بعد ماكلمه فيصل يناديه وكان مخططين ان عبادي يجلس مع وتين
ويقول لها انه يبي يخطبها ..
بس السالفه تفركشت بشي ماتوقعوووه ابدا ابدا ابدا ...
-(وتين ساااكته مصدومه من لسان أميره الطويل اللي جرحها وبقووه ...
-(فيصل سحب أميره من يدها بقووه :~ انتي هيه يالملقوفه ..!!!
للحين ماتفهمين ..!!! تحبين تذلين نفسج .!!! تحبين تهينين كرامتج .!!!
يابنت لا تتدخلين جم مره بقول لج هالحجي ..
وبعدين جم مره بقول لج حبج ماأبييييه .. ماأبيييييييييييييييه ...
عقلج هذا يفهم الحجي اللي اقوله ولا لا ..!؟؟؟
ترى صج صج ماخذه مقلب بنفسج مو وتين ..
وبعدين ماأسمح لج تقعدين تنطلين حجي على أي شخص انا اعرفه ..
كل ماشفتيني مع أحد تدخلتي .!!!
كرهتي لي عيشتي ..!! ؤفففـ ...
بس تدرين انا ماراح أسكت لج هالمره زي اللي طاف ... تعالي وياي ..
((سحبها من يدها بقووه وأميره خانقتها العبره من كلامه اللي جرحها ..
هو مايدري شكثر تتمنى تكرهه وتنساه بس ماقدرت ...
مايدري شكثر تتمنى تمسك نفسها عن خصوصياته بس ماتقدر ابدا ..
الحب اللي بقلبها ينسيها كل شي ويرميها على فيصل بدون تفكير ...
كل اللي تسويه غصب وخارج الرادتها .. حبها أكبر من انها تضبط اعصابها
... فيصل وهو يجرها من يدها والغضب مغيم عليه ...
لما نزلو للصاله اللي خاليه من أي شخص ...
لما وصل للزاويه بعيد عن الدرج بحيث محد يشوفهم ...
دفها بقوه بالزاويه وهو يقول بعصبيه مثل المره اللي نشرت فيها
الإشاعه بالبلوتوث عن خواته ...
اميره تعور كتفها من دفة فيصل القويه ...
مسكت كتفها بألم وهي تطالعه بخوف ...وبعيون تلمع وكأنها تبي تبكي
بس كاتمتها ...
-(فيصل :~ لين متى ياأميره ..!!! ... لين متى ..!!! ...
قلت لج ماأحبج .... وانتي مصره اعطيج ويه ...
بس تدرين .. انا عندي لج حل ...
((طلع مفتاح من جيبه ثم قال :~ شفتي هالمفتاح ... خذيه ...
وتعالي على هالعنوان ((ثم طلع كرت عنوان شقه ...
:~ هذي رقم الشقه وهذا المفتاح ... دامج مصره على حبج لي ..
خلاص تعالي للهشقه ولج مني أعطيج كل اللي تبينه مني ...
((ثم تقدم أكثر وأكثثثر لها وهو يقول بصوت قصيير عند أذنها :~
كل اللي تبينه .. بنسيج العالم كلهم ... بس اتفاقنا لما تطلع الشمس كل واحد يطريقه ولا عاد
اشوف رقعة ويهج ...
بس أسم اني أعطيج الحب اللي أقدر عليه ...
((أميره كلمة صدمــــــــــه شويه عليها ...
تحس اللي قدامها موب آدمي ..
شيطــــــــــــــــان ....
بقوه دفته بكل قوتها وعطته كف محترم ...
كف طلع كل الحقد بداخلها ...
حست انها ماكتفت ... رفعت يدها تبعطيه كف ثاني
بس مسك يدها بقوه ثم قال :~
المره الأولى سكت عليها ... بس مافي مره ثانيه ...
أدري انج تحبيني وماله داعي تكابرين ... تعالي للشقه الساعه
تسع أحسن وقت ...
ؤكي حبيبي ....(ثم غمز لها بخبث ولف بيروح عنها ...
أميره الإشمئزاز اللي بداخلها كبير كبيييير من فيصل ...
ماتحملت تخليه يروح بعد الإهانه اللي صارت لها منه ...
التفتت على جره صغيره جمبها ...
وبقوه رمتها عليه ...
بس فيصل كان أسرع انه يلف عنها ...
طاحت بالأرض وانكسرت ...
-(فيصل رفع عيونه عليها ثم ضحك :~هههههههههههااااي ..
باي ياحلو ...
((رقى الدرج وملامح الإبتسامه تحولت للضيقه ...
وهو يقول بقلبه :~
اللي سويته أحســـــــــــن حل عشان تكرهك ...
أمــــــــــــيره ... أنا آســـــــــــف ...
بس هذا الحل الوحيد عشان تكرهيني ...
انتي تساهلين منهو أحسن مني واللي يحبج مو أنا اللي قلبي عند بنت ثانيه ...
الله يحفظج للأهلج ويوفقج ...
((فيصل وهو بنص الدرج سمع صوت أميره وهي تبكي من قلب ...
ضغط على كفه بقووووه وهو يحاول يتجاهلها ....
فيصل طلع من المبنى وبهاللحظه صادف العم بندر قباله ...
العم بندر :~ فيصل تعال ابيك شوي ..
-(فيصل تنهد :~ ؤكي ...
((بعد مانتهو من كلامهم ...
-(فيصل :~ بس انا مابي اسلم عليه ولا ابي الروح للسعوديه ...
-طيب ليش ..؟؟
-اول شي جدي مستحيل اسمحه عاللي سواه في ابوي ...
وبعدين انا عندي دراسه شلون تبيني اتركها وهاي آخر سنه لي ..؟؟
-ماراح تطولون انت وخواتك ... بس تسلمون عليه وهو مريض ويبي يشوفكم
قبل لا يصير له شي الله يطول بعمره ...
-(فيصل سكت شوي ثم قال :~ بس أنا مابي اشوفه ...
-(العم تنهد بقل صبر :~ فيصل انت كبير وفاهم .. وش له العناد هذا كله ...
وبعدين جدك هو اللي تاب عن اللي سواه في أخوي اللي هو ابوك ...
ولو ماتكلم كان انا مادريت عنكم للحين ...
جدك يعيش بتأنيب ضمير ومحتاج يشوفكم ..
بعدين اذا انت موب مسامحه قول له قدامه موب عندي ..
المهم تشوفون بعض .. وثاني شي ...
انا لازم الروح معاكم ونثبت انكم عيال بدر الـ....
يعني فيه أوراق كثيره لازم تتضبط عشان تكونون مثل باقي الناس لهم
نسبهم وأصلهم ...
ويالله خلنا نروح ندور خواتك بهالجامعه اللي وش كبرها ..
مدري شلون بنلاقيهم ...
-(فيصل سكت شوي وكأنه اقتنع ...)
((بقاعه كبيــــــــــــره ...
فيصل والعم بندر جالسين على أحد الكراسي ينتظرون
البنات الثلاث ...
فيصل دق :~
فهود وينك ياريال مالقيتهم ؟؟؟
-(فهد :~ الا وصيت نص الجامعه ينادونهم للقاعه اللي قلت لي عنها ..
أفا عليك خويك عنده علاقات اجتماعيه كبيره ...
((انتهـــــــــــــــــــــى البارت ....
وألقاكــــــــــــــم ببارت قادم له أحداثه وتطوراته ...
سلامي للجميــــــــــــــــــــــع ...
فيرزاتشـــــــــــــVirsatCheــــــــــــــــي ...
أو
دمـ حبيبيـ يروينيـ ..
Salam…………….
|
17-10-09, 03:14 PM
جديد مواضيع قسم القصص المكتمله
العرض العادي
