كاتب الموضوع :
Emomsa
المنتدى :
القصص المكتمله
شايفين جدامكم تلفزيون ولا شنــــــــــــــــــــو ..!!!
أحد منكــــــــــــــــــم يتحجى ولا بس ماعندكم غير العيون تقزون فيها جعل عيونكم
العمى .....
((توها بتلف وهي معصبه الا وسمعت وحده تقول لها ...
-(أميــــــره :~ شنو ذنبنا اذا سمعنا انج أخت شاب معروف بالجامعه كلها ؟؟؟
-(التفتت بسرعه وهي معقده حواجبها تحاول تستوعب اللي تسمعه ..؟؟
فيصل بسرعه ركض للأميره وبقوه ومن غير شعور دفها بقوه وهو يصارخ بغضب جنوني
من لقافتها اللي ماراح تهده بحاله :~
سكتـــــــــــــــــــــــــــــــــــــــــــــــ ــــي ....
ماتفهمين انتي ؟؟؟ ... وانتي شنو علاقتج اذا احنا اخوان ولا لا ..!!!
طلعي منها طلعـــــــــــــــــــــــــــــي ...
((تقدم منها وهو عاض على شفايفه معصصصصب ... مسكها بقوووووه
مع يدها للدرجة انها صرخت من الألم ...
وهو يقول بصوت واطي لها وواظج عليه التهديد :~
وربي وربي ياأميره لو ماتهديني بحالي ... وربي لا أساوي لج اخليج
تندمين طول عمرج انج قابلتيني ... أميره انتي ولا أي أحد غيرج شاف ويهي الثاني ..
وبس انتي راح تحديني أطلع لج ويهي الثاني اللي ماأحب وأكره اني أطلعه ...
قلت لج لا تتقربين مني ... وحب ماراح أحبج لو على قطع رقبتي فاهمه ؟؟
جم مره بعيد نفس الحجي ؟؟؟ جــــــــــــــــــم ..!!!
-(بقهر وهي تحاول تطلع الكلام اللي بالويل يطلع :~ وو... ومنو قال لك
اني ابيك تحبني ؟؟؟ مالت على ويهك عمرك ماحبيتني .. موب ميته عليك
لو كنت آخر واحد بهالدنيا ...
-(ضغط على يدها قوه وهو يقول :~ لا تعانديني ياأميره أحسن لج ....
لا عاد تراويني ويهج مره ثانيه لأني بالأصح صرت أكره اشوف ويهج ...
وبلقافتج يالملقوفه ... بـ.....
-(توليـــــــــــــــن قاطعت عليهم وهي تقول :~ انتي وياه شقاعدين تخربطون ؟؟؟
اخو مين وأخت مين ؟؟؟ شسالفه ؟؟؟
-(فيصل غمض عيونه وكأنه يستعد لحرب ثانيه ....
التفت عليها وهو توه بيتكلم الا وسكت ....
نظـــــــــــــــــــــــــــــــــرات التوأم تقابلت ... فقط للثنين من بين الربعه ....
تولين عقدت حواجبها وهي تطالعه ...
-(صوت بعيد عنهم غير معروف قال :~ عظيـــــــــــم شنو هالشبه العجييــــب ..
مستحيل صدفـــــــــــــــــــــه .. انتو اخوان اكيد ...
-(صوت آخر بعيد عنهم :~قصو ايدي اذا ماكنتو تقربون للبعض ...
شبه موب طبيعي ..؟؟
-((صقــــــــــــــــــــــر وهو ماسك يد ليا ننادى بصوت عالي وهو يطالع فيصل
ببتسامه :~ فصـــــــــــــــــول .. عندي لك أحلى خبر عمرك ماحلمت فيه بحياتك كلها ...
((بهاللحظه أميره راحت عنهم للراكان وكأنها توها تتذكر راكان بخوف ..))
((فيصل وتولين والكل التفت على صقر والبنت اللي منزله راسها وماسكها مع يدها
ويسحبها ....
فيصل مابتسم بس معقد حواجبه ويطالع في صقر والبنت اللي معه ...
صقر وقف قدام فيصل ثم قال :~ فيصل ... أعرفك على ليان ...
ليــــــــــــــــــــــان أعرفج على فيصل ...
رفعي راسج وشوفي الشبه اللي بينكم وراح تتأكدون من الشكوك اللي براسي من أيام ...
عـ......((ثم سكت .........فتح فمه بروعه وهو يطالع توليــــــــن ....
توسعت عيونه بقووووه من هول الصدمه اللي يشوفها قدامه ...
ترك يد ليان بسرعه ثم التفت عليها وكأنه خايف يكون ماسك يد بنت ثانيه وهذي تولين اللي قدامه
هي ليان وهو مايدري ؟؟....
بس الصدمه العظمى لما شاف ليان هي اللي ماسكها ...
-(بصوت خفيف :~ يــــــــــــــــــارب شنو هذا اللي قاعد اشوفه جدامي ..!!!
((صقر يلتفت على تولين ثم على ليان اللي صايرن نسختين من بعض خاصتا
بالحجاب ....
نفس الطول نفس العيون نفس كل شي .... شهذا ياصقر اللي جدامك ...
((تولين طالعت صقر من فوق لتحت باحتقار وغرور ثم قالت :~ انت هيه شتطالع ..؟؟
((ليان رفعت عيونها على تولين .........
فيصل بهاللحظه انربط لسانه .... واللي حواليهم سكتــــــــــــــــــو ...
الكل مصدومين من هالشبه العظيم اللي قدامهم ...
فيصل موب مستوعب هالشبه اللي بين تولين وليان ...
ليان وتولين يطالعون بعض وكل وحده تحس انه تطالع روحها بالمرايه ..!!!
هــــــــــــــــــــــــــــــــــدووووء ...
شوي شوي الا وصوت الهمسات بين الكل عن التوأم الثلاثه اللي تقابلو أخيرا ...
ماعدا الرابعه ..نارا ...
-(صقر بلع ريقه ثم قال للتولين :~ انتي هيه فصخي حجاب جابي اتأكد من شعرج ...
لأني شاك انج ليان ....((ثم التفت على ليان وبلع ريقه :~ وانتي بعد فصخي حجابج ..
الدعوه موب طبيعيه ...
((بهاللحظــــــــــــــــه وصلو شللة الأنس ... قروب فيصل ...
-(برهوم شهق بقوه ... أما عبادي طلعت عيونه ....
فهد من غير شعور قال :~ الدعوه فيها غش ...!! شسالفه الدنيا
تتشابه ولا عيوني متشابكه ؟؟؟
-(متعب بصدمه :~ فيصل هالبنتين يقربون لك ولا شلون ..؟؟
-(برهوم :~ لا لا الموضوع فيه تتش ((تتش = لمس ))<~ بس يقاله قود قود
بالأنقلش ككككـ ...
-(فهد :~ بسرعه نبي شرح مفصل ....
((برهوم تقدم للفيصل ثم مسكه ووقفه جمب تولين ثم قال لليان :~
تعالي وقفي هني جمب فيصل .... لو سمحتي ..
((وبكل طاعه من ليان وقفت جمب فيصل ببرائه وهو مو عارفه شسالفه ..
برهوم وقف من بعيد وهو يطالع الثلاثه جمب بعض ..
-(برهوم مسك شعره ثم قال :~ يـــآآآ إلهــــــــي ... ماهذا ؟؟؟
((تولين بهاللحظه كشرت ثم قالت :~ شنو هالمزله السخيفه ....
((التفتت على ليان ثم قالت بحقد لها ماتدري ليش هي حقدت على هالبنت
اللي ماينسمع صوتها وطول الوقت منزله راسها وفي حالهااا :~
انتي هيه شنو اللي موقفج هني ...
وانت بعد <~ تقصد فيصل ....
-(فيصل حس ان الحراره الرتفعت عنده ... بصوت عالي :~
شنو شايفين جدامكم ؟؟؟؟ مهرجين ولا شنو ؟؟؟ يالله كل واحد يلتهي بحاله ...
((توه بيرو حالا وصقر مسكه ثم قال :~ فيصل فيصل ... ليان ترى هاي أختك ..
والصراحه بديت اشك ان بعد هذي اختك هالمغروره <~ قالها وهو مكشر بقهر من غرورها
الكريه ...
-(فيصل سحب يده بقوه وهو يقول بلهجه جديه :~ صج ميانين ..!! بعد عني أحسن بس ...
((ثم راح وهو مشووووووش الأفكار ... وبنفس الوقت يحس بقلبه تزداد دقاته مايدري
ليه ...
أما تولين التفت على ليان وطالعتها بغرور من فوق لتحت ثم راحت ...
أما ليان منزله راسها بضيقه ...
صقر قرب منها ثم قال بصوت واطي :~ ياقلبي لا تتضايقين مصير بيجي اليوم اللي
الكل بيعرف الحقيقه .. واذا كانو مو اخوانج ومجرد تشابه .. راح الاقي لج اهلج الحقيقيين
بس انتي ثقي فيني __^ ...
((ليان ساكته بس حست براحه من كلامه ولو شوي ...))
""""""""""""""""""""""""
((نرجـــــــــــــــــــــــع للنارا اللي تبكي عالأرض بوسط الشارع ...
يزيد تقدم لها بتردد كبيـــــــــــــــــر ..
مسك يدينها من فوق وهو يحاول يوقفها على رجولها ...
نارا رفعت عيونها وهي توها بتصرخ ...
بس لما شافته يزيد ...
سكتت شوي ...
وقفت والحقد يطلع منها بشكل مو طبيعي ...
وعيونها الحمرررا ووجهها الأحمر ... والكحل اللي نازل على خدودها ...
-(بللهجه فيها الحقد والكره :~ انت انسان حقير ... لأنك تدري عن مرض ريان وبعدتني
عنه .... انت حقير حقيــــــــــــر ... ليش ساويت فيني جذي انا وريان ليش ساويت جذي
فيننا ... ليش طلعت بحاتي ليييييش .. هدمتها لي ... لييييييييييييييش ..
((بهاللحظه صارت تظربه مع صدره العريض والقوي ...
وهي تبكي من قلبها وشكلها يقطع القلب ...
يزيد رافع راسه وهو مغمض عيونه يحاول يخفي دموعه اللي بتنزل بسبب منظر
نارا المبكي ....
نارا تظربه بقوه وهي تقول بين دموعها :~ انت السبب
ليش ماقلت لي ... ليش ماقلت لي عن مرضه .. أنا متأكده انك تعرف عن مرضه ..
قول ليش ساويت جذي فيننا لييييش ...
أنا لو عارفه عن مرضه كان لا يمكن أفكر بشخص غيره ....
انت تدري ريان شنو بالنسبه لي ..!! انت تدري شنو بالنسبه ليييي ..!!!
لو يموت انا بموت وراه .... بمووووت ....
اكرهك اكرهــــــــــــــــــــك ليش ماقلت ليش ماتحجيت من قبل ليش ...
جذاااب جذاااااااااااب .... للمره الثانيه تجذب علي ...
للمره الثانيه تجذب علي ...
بسببي ريان وصل لهالحاله ولو يموت بكون انا السبب ...
بس صدقني راح الومك انت برضو لأنك وصلتني انا وريان لهالحاله ...
انا احب ريان انت ليش تدخلت بحياتنا ليييييييييييييييش ...
هدمت لي حياتي انا وريان ...
أكرهك أكرهك وربي أكرهك ...
ياحقير أكرهك ...
((جلست عند رجوله وهي تبكي بضعف وجسمها صار يرررررررتجف وتطلع
منه حراره عاااااااليه وتعرررق كثييير من جسمها ...
يزيد بخوف جلس عندها وهو يلمس حرارتها المرتفعه ...
بس نارا دفت يده بضعف وهي تقول :~ لا تلمسني ..
انا وحده مجرمه .. قتلت اخوي والحين قتلت حبيبي ...
ليش اعيش ليش ... هدني اموت احسن لي ...
هـــــــ...ـــــد..((بدت عيونها تغمض والعالم يدور قدامها والدنيا تظلم ...
ماحست بنفسها الا وهي غايبه عن الوعي ....
يزيد بحركه خفيفه شالها بين يدينه وهو يركض للسيارته السبورت ..
لثــــــــــــــــــاني مره يركبها سيارته وهي بحاله يرثى لها ...
يحاول يحمبها من كل شي ...
يحميها مثل الدرع الآمن لها ...
انتهى البارت ......
ولاقوني ببارت قادم وهو الجزء الثالث من الباب الحادي عشر ...
سلامي للجميع ..
فيرزاتشـــــــــــــVirsatCheــــــــــــــي ...
(دمـ حبيبيـ يروينيـ)..
سلاااامـ ....
|
22-07-09, 08:24 PM
جديد مواضيع قسم القصص المكتمله
العرض العادي
