كاتب الموضوع :
Emomsa
المنتدى :
القصص المكتمله
-(رفعت حواجبها ثم قالت بتعجب :ْ~ أهب ياولد انت وأذانك ذالرادارات ..!!!
-ههـ اتفلي بس ... لا تنظليني ...
-ترى ماأنصحك أخاف يجي مع التفله شي ثاني ...
-ويييييع الله يقرفج ... وسخه ماعليج شرهه ..
-أحترم نفسك ترى انا ماألعب معك ...
-هههـ ؤكي ... ((بتردد وتلعثم :~ اقول أميره ..
-ياليييل ... توني قايله لك ماأحاجي عيال انا ... يالله توكل على الله ...
-طيب ..آآآ ...بـ .... بتيين اليوم للخطوبة فـ ....فيـ .... فيصل ..؟؟
-(عض شفته وهو يطالعها خايف من ردة فعلها بس استغرب لما قالت بهدوء
مفاجئ :~ شنو علاقتي وياه عشان ايي الخطوبه ... !!!
-لا بس يعني ...يـ .. يعني .. آآآآ ...
-لا يعني ولا شي ... أنا شكو فيه ... هو وخطيبته الفاشله هاي ...
بالله مدري شنو لاقي فيها هالأمريكيه مدري شنو جنسيتها ...
-(بدون مايحس قال :~ الجمال يلعب دور ...
((علطول ندم على كلمته ... عض لسانه وهو يطالعها وقفت من كلمته ..
التفتت عليه بتكشير :~ شقصدك يعني ..!!!
-ممممـ ... ماأقصد شششـ .. شي ...
-لا لا قل قصدك قله يالله ..
-لا صج موب قصدي شي ...
-لا انا فاهمه شنو قصدك ... تقصد اني انا شينه صح قل يالله قل بسرعه ...
-ومنو قال انج شينه .. بعدين انتي شنو لج علاقه عشان اقارنج بجينفر ..!!!
-(بهاللحظه توهقت لأنو اللي على راسه بطحى .......... __^ ))
-(كملت بتصريفه :~ أحمد ربك انك تأسفت ...
-تأسفــــــــــــــت ..!!! متى ..!!!!
-خلاص لا تحاجيني انا ماأحاجي شباب ... وخر عني يالله ...
انتم وهالفيصل اللي مدري ليش الناس تحبه ...
هالبنقالي مالت عليه كفوه هالشقرا الشينه ...
لا وبعد ترى انا ساكته له منزمان ولا خليته يعتذر لي على كلامه اللي قاله لي ..
اول شي اني ولد وثاني شي اني .... اني ... يؤ شلون نسيت ...
هو فيه شي ثاني بس نسيته ... عموما هو اعتذاريين ... لازم يعتذرهم لي ...
- عيل تعالي اليوم للحفله ...
-يخسى الا هو ... (ثم سكتت شوي وكأن الفكره بدت تدخل براسها ...
بس شلون ووراها امها وجراح ...
والله لو يدرون عني بيقطعون راسي ....!!! لازم أدور لي على حل ..)
((بشقــــــــــــة ليان وصقر ...
كل الثنين ماداومو ...
صقر نايم على السرير بالغرفه ....
صقر تقلب شوي على السرير ... فتح عيونه ...
لما تذكر ليان حس بضيقه ...
اليوم صباحية عرسه ومو متهني فيها دام زوجته تكرهه ...
التفت على الكيسه اللي فيها الطقم كان ناوي يعطيها بصباحية زواجهم ...
بس ليان خربت عليه كل شي وحطمت كل آماله وسعادته ..))
صقر وهو يتروش داخل الحمام ...
جى على باله فكرة انو وين ليان الحين ....؟؟؟
((بسرعه لبس روبه ثم طلع بالصاله ...
لا يكـــــــــــــــــون طلعت من الشقه ..!!!!!!!
(بسرعه طل بالمطبخ ... بس شافها منسدحه على الأرض بفستانها ...
شكلها يرثى له ...
حس بقهر منها ...
هي بس لو تحبني جان ريحتنا احنا الأثنين ...
(جلس عندها وهو يطالع وجهها ...
ابتسم عالخفيف بحنان ...
وأخيرا صارت زوجتــــــــــــــــــه ...
بكل مره يكتشف جمالها اللي مخبيته وهي فقيره ولاهيه بس بدراستها وماتهتم بشكلها
ابدا ...
ليان بألم في جسمها كله وهي على الأرض نايمه ليله كامله ..
فتحت عيونها بصعوبه وهي تحس بجسمها متكسر ...
لما شافت صقر يطالعها وجالس عندها ...
تذكرت الليله اللي أمس ...
حاولت انها تتفاداه بأي طريقه عشان كذا وقفت بتطلع من المطبخ ...
صقر مسك يدها وهي اقفه ...
-(وهو يطالع الأرض وجالس :~ انتي شعلاقتج باللي أمس لابسه ابيض ..؟؟
-(بخوف حاولت تسحب يدها منه بس ماقدرت كان ظاغط عليها بقوه :~............
-(وقف قبالها ثم قال مره ثانيه بهدوء وهو ضابط أعصابه وكرهه لميشو :~
قلت لج شنو علاقتج باللي كانت لابسه ابيض ...
-هد إيدي ...
-ماراح اهدج لين تقولين لي .... يالله جاوبي على سؤالي ...
-(بضعف وانكسار :~ قصدك مشاعل ..؟؟
-ماأدري المهم شنو علاقتكم ..
-(ببرائه :~ شلون يعني ..؟؟؟
-يعني انتي فاهمه ولا تتغيشمين ... انا هاي مشاعل ماأرتحت لها من أول
ماشفتها .... بس اللي زاد شكي أمس ...
شكلها ييب للواحد الشك وقاعده تقولين شلون يعني ...!!!
-بـ ... بس ... بس مشاعل رفيجتي ... ماأدري شتقصد انت ..!!
-(بنفاذ صبر صرخ بوجهها :~ شلون ماتفهمين .... اللي امس بويه ..
بويـــــــــــــــه .. شلون تماشين هالأشكال ..!!!
شلون تسمحين لها تتقرب منج بشذوذ ...
-(تقول بخوف وهي مو فاهمه أي شي يقوله :~ مممـ مافهمت عـ .. عليك ...
-(صقر صك على اسنانه :~ الله يصبرني .. انتي تختبرين صبري ولا شلون ...
اقولج هاي اللي اسمها مشاعل شاذه تفهمين شنو معنى هذا ..!!!
هاي بنت ماتخاف ربها .... لو تخاف ربها ماصارت شاذه وقذره وتتقرب منج
-(بخوف منه :~ شاذه ..!! شلون يعني ..؟؟
-يعني تعتبر نفسها ولد ...ولللد موب بنيه .... وتحاول تتقرب منج انتي بالذات ...
شلون تسمحين لهالأشكال ينعرفون عليج شلـــــــــــــــــــون ..!!!
-(حست بقهر من كلامه .... أول مره تحس بالغضب وتبي تطلعه له ..
سحبت يدها بقوه وهي تقول :~ ماأسمح لك تقول عن رفيجتي جذي ..!!!
انت حتى ماتعرفها عدل ... شلون تحكم عليها من الشكل شلووون ...
((لفت بتطلع ودموعها تنزل من القهر باللي سمعته ...
أغلى صــــاحبه على قلبها يتهمها بشي يغضـــــب الرب سبحانه وتعالى ...
صقر لحقها وهو مو قادر يمسك اعصابه بسبب كرهه لميشو ..
يكرهها بشكل غير طبيعي للدرجة انه يظلمها بالشذوذ (الله يحمينا ويحمي
المسلمين من شر الشذوذ )...
سحبها بقوه له :~ انتي ليش تدافعين عنها ...!!!!
((الشــــــــــــــــــك بيذبحك ياصقر .... ))
-(بين دموعها قال بتوسل :~ هدني ...
((سحبت يدها بهدوء ثم دخلت للغرفه ....
صقر جلس على الكرسي وهو حاس انه راح ينجن بسبب كرهه لميشو ...
التفت على الباب وفكر لو يروح للجامعه ويوقف مشاعل عند حدها ...
((بالجـــــــــــــــــامعه ...
راكان جالس بالحديقه ...
صاحبات مشاعل جالسين على الزرع وطاقينها سوالف وضحك ...
ماعدا ميشو اللي جالسه معاهم وهي بعالم ثاني مع راكان اللي ماشالت عيونها عنه ...
تطالعه من بعيد وهو جالس لحاله كالعاده ...
راكان كان جالس يحوس بجواله من الفضاوه ...
رغم انه حاس بنظرات مشاعل له ...
صقــــــر توه داخل بالجامعه ... ماأمداه الا وشاف مشاعل علطول لأنها بالحديقه
وقريبه من بوابة الجامعه ...
وقف عندها :~ انتي ...
((ميشو حست بأحد يحاكيها .. التفتت باستغراب ... بس لما شافت صقر
تذكرت كل الحقد اللي بقلبها امس عليه ...
وقفت علطول وهي تقول بكره :~لك ويه تقابلني من بعد اللي صار أمس ...
((راكان التفت عليهم وجلس يطالعهم ...))
-(صقر :~ انتي منو متى تعرفين ليان ..؟؟؟
-وانت شكو .... وعلى فكره انا مانسيت لك الحركه الـ####
اللي ساويتها لي ... انت شلون تمد يدك على بنت ..!!!
-(بسخريه :~وليش انتي تسمين روحج بنت ..؟؟؟
-(طلعت عيونها :~ شتقصد ....
-سمعي عدل ..... ليان انسيها .... اذا شفتج مره ثانيه تـ.....
-(قاطعته :~ انت مريض .... تدري انك مريض ..؟؟؟ ...
بس انا اللي راح اقولك لو تساوي لليان شي ...
راح يصير شي انت ماتتوقعه ...
-(صقر :~ من اليوم ورايح .... نشوف شنو راح يصير بيننــــــــــــــا ...
((ثم راح عنها صقر .....
ميشو تحس بنار تغلي في قلبها ...
تحس بجرح في قلبها لما حست من كلامه انه يشكك بخلاقها
بشذوذ ((الله يكافينا شره )) ...
((بهاللحظه تذكرت جوالها اللي قفلته .. لما فتحته شهقت ...
300 مكالمــــــــــــــــــه من المجهول ...!!!!
((ماأمداها تلتفت الا وطاحت عينها بعين راكان ...
راكان وقف وراح عن المكان ....
ميشو تحس ودها تحاكيه ...
فيه شي يجذبها له بشكل مو طبيعي ...
بسرعه ومن غير شعور راحت له ....
-هيه انت ....
-(راكان مارد وهو يسخر بقلبه من اسلوبها الغير محترم ....
كمل طريقه وهي تمشي جمبه ...
-ممكن نتعرف ..؟؟؟
-(راكان وقف غصب عليه .... مصدوم من جرأة هالبنت ...!!!!
أول مره يشوف بنت تطلب من شاب انهم يتعرفون على بعض ...
-(التفت عليها ثم قال :~ انتي تتكلمين من جدك ..؟؟؟
-(رفعت حاجب باستغراب :~ ليه انا قلت شي غلط ..؟؟
-(بتريقه :~ لا أبدا ولو ....
((بهاللحظه راكان لاحظ لون عيونها الرمادي ... كمل يقول :~
انتي لابسه عدسات ..؟؟؟
-(ابتسمت بسخريه :~ هالمره انا اللي بقول .. انت تتحجى من صجك ؟؟؟..
-(يقلدها :~ ليه قلت شي غلط ...!!
-(ضحكت ... والأول مـــــــــــره تضحك مع شاب :~
ههههههـ ... عموما لا مالبست عدسات ... بس ليش السؤال ؟؟؟
-انتي امراتيه ؟؟؟
-(بهاللحظه توترت وهي تكرررررره هالسؤال ... تلعثمت شوي ثم قالت :~
ليه تشك اني موب امراتيه ؟؟؟
-(لف وكمل طريقه وهو يقول بهدوء :~ صراحه ... ماأعتقد فيه
امراتيه بأخلاقك وبشكلك ..!! ...
-شقصدك ؟
-سلامتك ...
-(تنهدت بقهررررررر بس ماتدري ليش أول مره تسمح للأحد
يجرح فيها وماترد عليه الصاع صاعين كعادتها ماتترك أحد الا وتشرشحه بالإهانات ..
-(بسرعه قالت بصوت عالي له :~ اليوم فيه حفلة خطوبه ... أكيد سمعت عنها ...
راح أتريـــــــــــاك هنيج ... لا تنسى راح أتريااااااك ...
-(راكان سمع اللي قالته بس مارد عليها )
((دق جوالها ....
شافت الرقم نفسه الغريب ... الحين هي مقهوره وتحاول تهدي روحهها بسبب راكان ..
بس لما شافت الرقم ماعاد تحملت ..
-(ردت بصراخ .. للدرجة انو الكل اللتفت عليها مصدوم :~
نعــــــــــــــم ... خير ... انت شتبي ..!!! يالـ##### ...
جم مره قلت لا تدق لا تــــــــــــــــــــدق ..
ماتفهم انت .؟؟؟ حمار ..؟ غبي ..!!! ماتفهم ..؟؟ هااااااااه ؟؟؟
-(صوت ضحكــــــــــــه طويله عريضــــــــــــــه :~
ههههههههههههههههههههههههههههههههههههههههههههههآآآآ ي ...
انتبهي لعرق من عروقج لا ينمصع .... ترى ماأقبل زوجتي يصير فيها شي
وأنا السبب ... ههههههههههـ ...
((ميشو بتجن ... خلاص ... من جد لعب بأعصابها هالولد ؟؟؟
سكرت الخط بقهر وطلعت من الجامعه بكبرها ....
((الســــــــــــــــــــــــاعه 6 المغرب ....
وحفلــــــــــــــــــة الخطوبــــــــــــــــــــــــه بـــــــــــــدت ...
جينفر وناستها بتتعدى الكره الأرضيه ...
بس بنفس الوقت خايفه لو فيصل مايجي ...
لأنه مايرد ولا داوم اليوم ...
لا عليها ولا على أخوياه ...
((أميــــــــــــــره اقنعت أمها انها بتروح للنجود بس ساعتين وبترجع ...
أميره مسكره عبايتها ... ولا حطت ذرة ميك أب على وجهها ...
أمـــــــــــــــــــا أخويا فيصل كلهم راحو من بدري يدرون الوناسه ...
نـــــــــــــــارا ماتدري ليش تحس بروحها متحمسه مررره وفرحانه ...
أول مره تحس بالسعاده من بعد مافترقت عن ريان وهم صغار ...
اما نوف لما درت انو نارا راح تروح كالعاده هي وراها وين ماتروح ...
ريـــــــــــــــــان قرر يروح يغير جو شوي من بعد الأشساء الغريبه اللي تصير معاه
بآخر فتره هو ونارا ...
مشــــــــــــــــــــاعل برضو الثانيــــــــه مررره متحمسه للشوفة راكان ...
تتمنى لو يجي وهي موب متأكده من جيته للحفله ... بس كان مجرد أمل بسيط داخلها
تشوف راكان اليوم ....
تولين وصقر وليان ماراح يروحون ....
يزيــــــــــــــد خايف ومتوترررررر من اللي راح يقوله لنـــــــارا اليـــوم ...
مايدري ايش ردة فعلها ... بس متأكد انها ردة فعل ماتطمن أبدا دامه راح يعترف انه
مو ريان وأنو ريان هو اللي يحاول يكلمها هالأيام ..
وكمان راح يقول لها عن مرض ريان وكمان
ايش سبب وجـــــــــــــــــــــــوده بالإمارات وليش يلاحقها من سنتين ...
كل هذا مايدري شلون راح يقوله لها ...
خااااايف ومتوترررر والأول مره يحس بهالشعور بحياته ...
مايدري اذا بتتقبل اللي بيقوله او لا ...
$$ وهنـــــــــــــــــــــا سوف أتوقف ..$$
$$ فالأحــــــــــــــــــداث بــــــــــدأت تتقـــــــدم للكشـــف الأســـرار..$$
$$ التــــــــــــــــي تملأ قصتنـــــــــــــا ...
فالحفــــــله سوف تكـــــــــــــــــون مليئـــــــــــه بالأحداث الغيـــر متوقعه ..$$
لهـــــــــــذا ..
انتظـــــــــــــروني بالفصـــــــــــــل الثانـــــــــي من الباب التاسع ..
يــــــــــــــــــــــــــوم الخميــــــــــــــــس ...
كمـــــــــــا عودتكم على الأفضــــــل فالأفضــــــــــل ...
سلامـــــــــــــــــــــــي ومحبتـــــي للجميــــــــــع __^
فيــــــرزاتشـــــــــــي ...
((دمـ حبيبيـ يروينيـ)) ...
Slam………………...
|
01-07-09, 08:47 PM
جديد مواضيع قسم القصص المكتمله
العرض العادي
