كاتب الموضوع :
Emomsa
المنتدى :
القصص المكتمله
(بالمركز الشرطه ...
ليان جالسه على الارض عند سعود وهي تبكي من قلب وتردد كلمة :~ انا مالي شغل بأي شي ... أنا مالي شغل باأي شي ولله ...
(سعود طفششش .. صرخ بوجهها وهو يشدها مع بلوزتها ويوقفها :~ قلت لج لو ماتعترفين ولله لا اسوي معج اسلوب التعذيب وانتي
براحتج .. اللي وياج قالو انج مشتركه معهم بالتهمه التهريب وانتي اللي توصلين للناس الكيس والجرعات ..
اعترفي احسن لج اعتــــــــــــــــــرفي ...
(زاد بكيها وهي تحاول ماتبكي بس موب قادره ابدا ...
بهاللحظه دخل الشرطي :~
الأخ صقر وصل ...
-دخله بسرعه ...
(لما دخل صقر ... فتح عيونه مصدوم من حالة ليان اللي تبكي من قلب ووضابط شادها مع بلوزتها ...
-(بدون شعور من صقر بسرعه سحب ليان من الضابط وهو يقول :~ هيه انت شتساوي لها ...!!!!
-سالم ....
(دخل الشرطي سالم وقال له سعود :~ خذ النت للسجن بسرعه ...
(صقر ضغط يده أقوآ على ليان وكأنه يقول ماراح اتركها ...
-سعود :~ ياريت تتركها وخلنا نتفاهم لحالنا احسن ...
-بس ليش تسجنونها شنو ساوت ؟؟؟
(سالم سحب ليان غصب على صقر ... ليان وكأنها دميه بينهم موب قادره تتحرك بس كل واحد يجرها من جهه
وهي كله تبكي ومنزله راسها ...
-سعود :~ تفضل اجلس وخلنا نتفاهم شوي ...
-اقولك البنت شنو ساوت وانت تقول نتفاهم !!!
-طيب انت ايلس واسمعني شوي ولا ترفع صوتك المره اليايه ...
-(صقر يحاول يضبط اعصابه التلفانه وجلس ...-البنت محجوزه عندنا بتهمة تهريب المخدرات مع اللي تشتغل معهم ...
-شنـــــــــــــــــــــــــو ...!! مخدرات ..!! تستعبط انت وياي ولا شنو ..!!
-أخ صقر كم مره بقولك لا ترفع صوتك .... اللي وياها يقولون انها وياهم وهي تقول انا ماسويت شي وموب راضيه
تقول أي شي ثاني ... وانا استدعيتك عشان تعرف حالة اختك ...
-أختي ... مخدرات ... تهريب ... انت مينون تتوقع من ليان اصلا تقدر تقتل عصفور عشان تقول تهرب مخدرات ..!!
-عموما الاجرائات مابعد انتهت ... وليان عندنا لين يثبت كل شي ... وبعدين اسمها موب موجود بالسجل .!!! لقينا بس اسمك وأسم اخوك
عبدالمحسن بس .. بس اختكم موب موجوده غريبه ..!!
-(بتردد :~ موب اختي ...
-(عقد حواجبه :~ موب اختك !!! عيل شنو تصير لك ..
-(بلع ريقه وهو يقول بالرتباااك :~ خـ ... خطيبتي ...
-خطيبتك ..!!! طيب شنو اسمها عشان اطلع سجلها ..!!
-(نزل راسها وهو يبلع ريقه اللي جففففففففـ ... بصعوبه نطق :~ مالها أصل ...
-شنو ..!!! شلون يعني .؟؟
-(وهو يحاول يجمع قوته اللي راحت فجأه :~ البنت مالها اهل ولا اصل .. واللي ربتها ماتت .. وهي وحيده
بهالدنيا ومالها الا الله ثم .... ثم .... أنا ... وأنا واثق انها ماساوت أي شي ...
-(سكت شوي وهو يحاول يستوعب الكلام ... ثم قال بعد صمت طويل :~ طيب ماعندنا أدله تثبت انها موب الفاعله
بس حجي اللي وياها يقولون انها معهم بالتهمه ...
-(رفع راسه بقهررر وهو يقول ..:~ أقدر اشوفهم اللي اتهموها هالتهمه ..!!
-تقدر عندي .. سالم ... روح ييب الثلاثه اللي بتهمة التهريب ...
-حاضر ...
(صقر وهو يفرك يدينه ويحاول يهدي نفسه من الحقققققد على هالعيال ...
لما دخلو ... التفت صقر وهو عاض شفته بقوه وكانه يبي يهحم عليهم ويطلع كل الحقد اللي بقلبه عليهم ...
-سعود :~ بامكانك تتحجى وياهم الحين ...
-صقر وهو واقف قدامهم قال للاول واحد :~ تعرفون وحده اسمها ليان ..؟؟
-(بلع ريقه ثم قال الاول :~ لاء ...
-عيل منو الرابع اللي وياكم وشنو اسمه ..!!
-(كلهم قالو :~ سلطان ...
(وفعلا ليان قد قالت لهم ان اسمها سلطان وهم مايدرون انها بنت ...
ابتسم صقر بخبث وهو يقول :~ طيب من بينكم فيه بنيه ..؟؟
-الأول :~ لا ..
-الثاني :~ أممممـ لا مافيه ...
-الثالث وهو الرئيس :~ لا ...
(الفت صقر على سعود وهو يقول شفت شلون ... هم يقولون مابينهم بنت وانت ضالم ليان بتهمه مالها شغل فيها ...
(التفت عليهم وقال :~ ومنو اللي وياكم عيل ...
-(قالو :~ سلطان ...
-(التفت مره ثانيه وهو مبتسم :~ شفت شلون ظلمت البنيه ...
-سعود :~ بس هم يقولون انها معهم ...
-وانت سامعهم بأذانك يقولون ماعندنا بنت بيننا وهي بنت .. وقال وان اسمه سلطان موب ليان !!!
وتقدر تنادي ليان الحين ...
(سعود التفت على سالم وأشر له انه يجيب ليان ..
-صقر :~اذا تسمح ودي احاجي ليان قبل لأن وضعها شكله مايطمن وماراح تتحجى عندكم انا راح أطمنها وأخليها تتحجى
كل شي لكم ... ياريت ماتردني ..
-(سكت شوي ثم قال :~ طيب بس بيكون سالم وياكم ..
-(هز راسه بالموافقه ...
طالع برآ الغرفه وهو يطالع ليان اللي ماسكها سالم وجايبها ..
يطالع كيف حالتها تكسر الخاطر وكان فيه أحد ميت عندها وهي في عزى أو هي بتموت من حالتها وكأنها مريضه ..
وجهها شااااحب ولونه اصفر ... وحالتها صععععبه ...
تقدم لها وهو يمسك يدها بقوه يحاول يطمنها ويقول :~
ليان سمعيني عدل ...
(ليان مارفعت راسها وضلت منزلته بس تسمعه ..)
-ليان انا اقدر أطلعج من هني بسهوله بس على شرط ..
-(رفعت راسها ووكأنها تقول أي شي تبيه انا حاظر بس طلعني ..
فهمها من عيونها ثم قال بصعوبه وتردد :~
آآآآآآآآآآآآآآآآ ... ليان ... أنا ...
أنا اقدر .. اقد .. اقدر اطلعج بس بـ .. بشرط ابيج ... توافقين عـ .. عليه ..
واذا ماوفقتي .. مـ .... مممـ ... ماراح أطلعج وخليج بهالتهمه ...
-(رفعت راسها مره ثانيه وهي تهزه بالنفي وتقول بصوت موب واضح :~ موافقه موافقه على أي شي .. بس طلعني
(ثم كملت تبكي ..)
-(صقر ماوده يكمل كلامه وحاس انه بطلبه راح تكرهه اكثر من الحين ... بس هذا الشي الوحيد اللي يقربها منه ...
وأخيرا قال :~
-تتـ .... نـ ... نتزوج ....
(جمدت مكانها مصدومه من اللي يقوله ...
علطول جى في بالها عبدالمحسن ...
لا مستحيل توافق مستحيل .. قلبها معلق بشخص ثاني ...
عبدالمحسن اللي بقلبها وتحبه موووت ... ماتقدر تاخذ احد غيره حتى لو ماتزوجها .. ماتقدر ...
لا ومن بعد باخذ .. صقر.. اللي حرمني من امي وعبدالمحسن ..
أغلى ناس على قلبي ...
ياربيه شنو الحل .. شساوي انا الحين ...
مستحيل مستحيل اوافق ..
(تردد آخر جملتين بصوت واطي وهي تهز راسها بالنفي بقوه ..
-(هذا اللي كان متوقعه وأكيد راح تقول كذا .. أكره انسان عندها أنا .. كيف بتوافق يعني ...
مستحيل ...بس لازم توافق وموب بكيفها ... ثم قال وهو يحاول يكون قوي ومايبين ضعفه لها :~
عيل خلاص خيسي بهالسجن لحالج ...
(لف بيروح .. بس مسكته ليان وهي جالسه على الارض موب قادره توقف على رجولها أكثر من اللي صار لها هاليومين ..
وهي تبكي وتتوسل له :~ تكفى طلعني تكفى .. أطلب أي شي ثاني .. لو أصير خادمه عندك عادي موافقه بس الا اللي قلته ..
تكفى لا تتركني تكفى انا خايفه خايفه اعيش حياتي بهالسجن اللي يخوف ...
تكفى لا تتركني تكفى ....
محد لي ... محد لي غيـ .. غيرك ... لا تتركني تكفى تكفى ..
(انفجرت بكي ... صقر ماسك روحه لا يضعف .... جمع شجاعته بصعوووووبه ثم قال وهو يسحب يده
اللي هي ماسكتها وتتوسل له :~ هذا اللي .. اللي عندي ... موب موافقه على شرطي .. خلاص مقدر اساوي لج أي شي ...
وافقي و ..... وأطلعج ...
-(سالم يقول وهو يوقف ليان :~ يالله دشو داخل ...
(ليان سحبت يدها منه ورجعت تجلس وهي تتوسل صقر :~ تكفى لا تعذبني اكثر من اللي ساويته فيني تكفى تكفى ..
دخيلك لا تساوي جذي فيني ...
-(غمض عيونه وهو يبلع العبره اللي بتطلع ... مايدري وش يقول بس هذي الطريقه الوحيده اللي تخلي
ليان له ... هذا الحل الوحيد اللي يمكن توافق عليه لأنها لا يمكن بعدين توافق عليه ..
لأنها تكرهه .. وهو يدري انه الشرط كرهته أكثر وبتكرهه اضعاف اضعاف كرهها له ... بس هو بيها بأي طريقه
لو بالغصب ... اهم شي ليان تكون لي انا وبس ...
-(طالعها وهو يقول :~ صدقيني توسلج ماراح يغير أي شي ... وافقي وينتهي الموضوع ...
(رفعت عيونها اللي غرقااانه دموع وهي تطالعه بنظرات ضععععععععععععععععف وحزن ...
سالم وقفها وهو يقول :~ يالله آخر مره اقولكم دشو داخل ..
(وهم يمشون ليان ساكته ...
ماتدري وش تسوي ...
ماتدري ....
وهي بقلبها ذاقت طعم الذل كل حياتها ... بس مثل يومها هذا اللي معلق مصيرها مع عدوها ماتتوقع فيه أكثر
من هالذل وهي تتوسل الشخص اللي روحها وكل مافيها يكرهه ...
وهم عند الباب التفت صقر وقال :~ آخر مره .. موافقه ولا لا ...
-(منزله راسها وساكته ...
صقر تنهد لأنه مايبيها تجلس بالسجن وماعاد يدري وش يقول الحين ...
لما دخلو ....
-(سعود قال :~ تعرفون هالبنت ..!!!
-(التفتو الثلاثه وهم يقولون :~ هذي ولد موب بنت ...
-(سعود :~ شنو يعني بتتلاعبون وياي انتم ..!!! تعرفونها ولا لا قولو وخلصوني ...
-(الثاني :~ أي هذا سلطان بس موب بنت مثل ماقلت ...
(سعود عض شفته بقهرررررر وعدم صبر من هالثلاثه ...
بهواش معصصصصب :~ تحجى عدل واعترف هالبنت وياكم ولا لا ...
(ليان الرتجفت من صوت سعود بخوف .. صقر ماهان عليه يشوف ليان تنتفض من هالمتوحش سعود ...
طالعها بنظره وكأنه يقول وافقي تكفين ابي اطلعج .. مايهون علي تقعدين هني بالضلم ..
(ليان رفعت عيونها عليه بضعف وحزن مايساوي أي حزن بهالدنيا أو ضعف ورضوخ للي تكرهه ...
بقلبهــــــــــآ وهي تطالع صقر :~
ليـــــــــــــــــــــــــآن .... من اليوم وانتي محكوم عليج العذاب المؤبد مع اللي تكرهينه ...
عبدالمحسن .. سامحني ... أحبك بس صج ص جانا ماستاهلك لأني ماملك ذره من شخصيتك القويه
والواثقه ... انا بدون كرامه الحين ... انذليت جدام صقر ...
ماعاد يفيد لو رجعت لك بهالشكل ... وهذا اذا رديت ل كوانا بالسجن ماتدري عني ...
يمه شتقتلج موت ... ليش تركتيني ...ياريتني مت أنا ولا الموت خذج عني ...
صقــــــــــــــــــــــــر أكرهك حتى لو تزوجنا أكرهك وربي أكرهك كره موب طبيعي ...
بس حياتي بين يدينك الحين ... وماجدامي غير ..............
(بحركه منها وهي تطالعه ويطالعها ... هزت راسها ببطيئ يدل على الموافقه ....
صقر فتح عيونه بقوه وهو مصدوم انها وافقت أخيرا ....البنت اللي اتمناها وافقت ..
ليان وافقت .. ياناس وافقت ليان ...
لا موب مصدق وربي موب مصدق ..
ليان بتكون لي ... لي انا وبس ...
(الفت بسرعه على الثلاثه وهو يرفع راس ليا لهم ويقول :~ هذي اسمها ليان .. بنت .. بنت فاهمين شنو يعني بنت .!!
ماعاد تعرفون تجذبون وقلتو انها ولد ... وأصلا هي تقول ان سلطان اللي تتحجون عنه ماشافته من اسبوع ..
وانتم الحين تقولون انها سلطان وهي اصلا بنت ...
عندكم أي دليل انها سلطان !! قولو يالله قولو ...
(سكتو الثلاثه لأن السنتهم انربطت مايدرون وش يقولون وكيف يثبتون انها سلطان على قولتها قبل ..
وهم الحين مصدومين انها بنت ...
-(بس الرئيس المخدرات قال :~ وشنو يثبت اصلا انها بنت ...
(ليان خافت من قلب لا يساوون لها شي او يقربون منها ...
بس صقر ماترك هالخوف يدوم بقلبها وقال بثقه كبيره :~
لأنها خطيبتي ... (التفت على سعود وهو يقول :~ أطلب شرطيه وخلها تكشف عليها اذا هي بنت او ولد ... يالله
شتنطر ...
(سعود هز راسه بالنفي وهو يقول :~ اصلا واظح انها بنت بدون مانطلب أي أحد ...
وانتم جذبتكم ماطولت ...
سالم خذهم من ويهي وزتهم بالنضاره ....
(لما خذهم سالم وطلعو ...
التفت سعود على صقر وهو يقول :~أعتذر لك على سوء التفاهم ... وانتي ياأخت ليان كان بامكانج تتحجين من قبل
وتتركين عنج الخوف والبجي ... لولا خطيبج جان ماطلعتي الحين ...
بس لو انج متحجيه من البدايه بالحقيقه جان ماصار كل هذا ...
وصقر نعم الريايل اللي ماهج بهالحاله ...
عموما لازم انهي الاجرائات بعدين اسمح لكم تطلعون ...
(ليان جلست على الكنبه ودموعه تزيد وتزيد لأنها بالنسبه لها ...
رآح تطلع من سجن وبتروح لسجن ثاني مع صقر ...
صقر جلس جمبها بس ماألتفت عليها لأنه حاس بكرهها العميق له بس مايقدر يستغني
عنها للأحد ثاني غيره ...
في قلبه بقول ...
ليان مشكلتج بس اني حبيتج ...
وتحملي ماييج ... بس راح أحاول اخليج تحبيني لو يكلف عمري راح احاول ...
وانسيج كل همومج و ..... واللي تتحجين عنه <~ المقصود عبدالمحسن لكن هو لا يعلم من بقلب ليان ...
.............
(نرجع للجامعه مره ثانيه ....
نارآوهي تمشي طالعه من الجامعه .... طالعت يزيد واقف بعيد ويطالعها ...
لفت عيونها عنه لجهه ثانيه ولقت ريان واقف جمب سيارته يطالعها ...
وقفت شوي تفكر فيهم ...
يزيد ............ ريان
تنهدت ثم كملت طريقها للشارع تمشي على الرصيف بطريقها للبناية شقتهم ...
وهي تاركتهم وراها يطالعونها ...
فكرت لو تروح للريان .. يزيد ماراح يتركها ابدا الظاهر وبيراقبهم .. ولو راحت لليزيد
ريان بيتدخل وبتكبر المشكله ...
وبكذا تركت الثنين وراها ...
طلعت سماعات الآي بود وشغلت لها أغنيه أجنبيه من لهيلاري دووف ...
يزيد التفت على ريان ..
ريان لما راحت نارا لف وركب السياره ومشى ...
لما لف بيروح يزيد كان راكان واقف بالرصيف ينتظر أي تاكسي يمر بس الظاهر ماحصل ...
يزيد وقف عنده بالسياره وهو يقول :~ تحتاج توصيله ؟؟
-لا شكرا ...
(يزيد ماأهتم وحرك السياره بطريقه ...
فيصل وهو جاي من بعيد بيركب سيارته ...
صقع بكتفه كتف راكان اللي لاف بيروح ...
التفت راكان على فيصل ... فيصل بدون مايطالعه قال :~ سوري ...
(راكان رفع حاجب بدون اهتمام وكمل طريقه بيمشي على رجوله أحسن حل بدل ماينتظر سياره تاكسي ...
تولين وهي تمشي كانت تناديها جوجو من بعيد ...
التفتت عليها ... جوجو وهي توها بتوصل تولين طلع سعد بوجه جوجو وهو يقول لها بعيد عن تولين اللي ماتسمع وش يقولون ..
-جواهر ممكن دقيقه من وقتج ...
-آه سعد سوري اليوم ماحصل وقت اقابلك فيه ...
-لا ولو عادي __^ ...
-طيب بنادي تولين (لما التفتت مالقت تولين بالمكان اللي كانت فيه ..
سعد التفت يدور على تولين مثل ماقالت بس مالوقها اختفت فجأه ..
-(ابتسم سعد وهو يقول :~ الظاهر مكتوب نكون بدون تولين هالمره ..__^
-(وهي تتنهد وتقول بصوت واطي بس يسمعه سعد :~ مدري شصاير لها تولين هالأيام ...
-(وهم يمشون ابتسم سعد :~ عادي أزمه وتمر ... ابتسمي للحياه تبتسم لج __^
(التفتت عليه وابتسمت على كلماته اللطيفه ...
لما وصلو كافتيريا جامعتهم ... جلسو ..
بعد ماطلبو لهم عصير ...
-(سعد :~ ماقلتيلي شخبار مذاكرتج بهالأختبارات ..
-آآآه بليز ماتذكرني بهالاختبارات .. صج صج تعبت منها ...
وبكره بعد علينا اختبار ... وللي يقهرني تولين ماتذاكر بس تييب علامات حلوه ...
-ههههـ فيه ناس جذي ودج تعرفين وش السر فيهم .. واذا قلتي لهم ليش جذي يقولون ولله ماندري
جذي بالصدفه ... عاد الله اعلم اذا هم خايفين من العين ولا ذكاء بالفطره هههههـ
-شكله جذي الدعوه هههههـ ...
-(سكتو شوي ثم قال سعد :~ حبيت اقولج شي بس ماأدري اذا انتي بتتقبلين هالشي ولا لا ...
-(عقدت حواجبها ثم ابتسمت بحيره :~ قول وبعيدن نحكم ...
-خواتي ...
-شفيهم !!!
-وحده منهم يابت بنوته حلوه ...
-صج مبروووووك __^
-ابتسم :~ وأنا ابيج تيين وياي للسوق ونختار هديه سوآ بما انكم يالبنات تعرفون أذواق بعضكم ..
وانا حاب اساوي لها مفاجأه وبنفس الوقت حاب اساويلج مفاجأه ..
هاهم وافقه نروح للسوق ...
-(برمت شفتها بيأس :~ ماتوقع أبوي لو يدري بيوافق .. مهما صار تظل زميلي بالجامعه بس موب برآ ..
-(نزل راسه ثم ابتسم عالخفيف :~ كنت متوقع .. وعادي أي بنت عوائل محترمه بتقول جذي .. بس انا كنت طالب
هالطلب كطلب عفوي موب للأي شي ثاني ولله ..
-أدري __^ ... وأنا واثقه فيكولا ماكان صرت زميل لي باللجامعه انا وتولين ...
-طيب شنو تقترحين علي أشتري لها ...
-أممممممـ يعني مثلا سله حلوه فيها كذا لبس للبنوته بشكل مرتب وأنيق ..
-لا ودي بشي غريب ...
-أمممممـ ولله ماأعرف لهذي الامور بس يمكن اقترح لك تشتري لها ألبوم وتجمع لها صور هي وبنوتتها بدون ماتدري
ثم تجمعها بالالبوم ويكون شكله حلو وتهديها اياه ..
مدري يمكن الفكره بايخه شوي بس هذا اللي جى ببالي __^
-(سكت شوي ثم قال :~صراحه ....
-اييييوه __^
-أممممممـ أعجبتني الفكره ..__^
-(وهي تتنهد بمزح :ْ~ ريحتني عيل ههههـ ..
-(ابتسم وهو يطالعها :~ اقول جواهر ..
-سم ..
-سم الله عدوج شرايج تزوريننا بالبيت ولله اهلي ودهم يشوفونج __^
-هههـ ليه انت تحجي لهم عني ولا عن كسالتي الظاهر ...
-تدرين حركات الخوات.. منو تعرف بالجامعه من بنات وأقولهم تولين وجوجو بس موب مصدقين يقولون
اكيد فيه اكثر ... هو صحيح بس زملاء سطحيين فقط يني سلام وعليكم السلام لا جديد __^
-آها خلاص عيل بقول لتولين يمكن تيي وياي ...
-حلو عيل بقول للأهلي __^ ... ومنها ينعرفون اهلي عليج وعلى تولين ...
-اقول سعد ..
-هلا ...
-آآآآآ.. أنت اليوم مع تولين موب طبيعيين يعني بينكم شي صار شي ؟
-لا ليش __^
-مدري بس حسيت انكم تتفادون بعض ...
-بالعكس تولين مثل اختي ولا يمكن الزعل منها أو الزعلها بأي شي ؟؟؟
(نرووووح لتولين اللي تمشي بخطوات سريعه وهي تفكر بسعد لو يقول لجوجو وش بيصير وضعها قدام
جوجو ....
ؤفففففـ انا ليش قلت له اصلا ..
تولين وقفت لما شافت طلال توه طالع من المبنى وماسك مفتاح سيارته ...
شوي وشافت أميره طالعه بوجهه بس مشكلتها انها بعيده وماتسمع حديثهم بعد ...
-اميره :~ مرحبا دكتوووور __^
-(لما شاف أميره ابتسم لها وهو يقول :~ اهلين ...
-شحالك يادكتورنا الغالي ..
-هههـ غالي مره وحده .. جني مدرسج عشان تقولين جذي ...
-لا يعني للمستقبل يمكن تدرسني ..
قسمج غير قسم مادتي __^ ...
-طيب بغيت أسألك فيه واحد اليوم دخل متأخر شوي تعرف شنو اسمه ..!
-دخل وين ؟
-بحاظرتك اليوم اللي على الساعه ثمان تقريبا ...
-(سكت شوي يتذكر ثم قال وهو يضحك :~ أي عرفته قصدج راكان الظاهر ...
-أي ياكل علك 24 ساعه ..
-ههههت وانا بقعد اراقب الولد ياكل علك ولا لا !!
-لا هذا بالزياده عاد .. وععع شكل علكه من أول يوم شفته فيه ..
-لا تحشين بالولد ههـ __^ .. يالله خليني ارد للبيت حدي يوعان ...
-صحه صحه يارب ... فمان الله ..
(أشر لها بيده يعني مع السلامه وهو يضحك بقلبه ويقول بنفسه :~
مهضومه هالبنت .. بس اللي يقعد وياها يقول ذي بعمر المتوسط من استهبالها ..!! هههـ
(أميره وهي تطالع الدكتور رايح .. حست بأحد جمبها واقف ...
تولين تطالع أميره من فوق لتحت وهي تقول :~ هدي هدي يابنت لا تذوبين علينا الحين .. عدال ياحلوه ..
جان خذتي رقمه أحسن ...
-(أميره لفت عليها وهي متكتفه بقل صبر :~ وانتي شكو ... آخذ رقمه ولا لاء كيفي حره .. لا يكون غايره
وانا مدري ... اصلا انتي منو بيعطيج ويه يالمغروره ...
-عدال يالمتواضعه ... انتبهي بس لا تختفين علينا يوم من الايام وانتي مستحيه من الدكتور طلال ...
-كيفي أختفي ولا لا ... دامه يحبني شوراني اختفي ...
-(تولين انقهرت من اميره وقالت :~ احلمي على قدج ياعسل ...
-(أميره وهي تطالعها قالت :~ انتي تدرين ان فيه واحد هني يشبه لج ..؟
-(بستهزاء وهي رافعه راسها للسماء وتقول :~ صج تعرف تصرف هالبنت ....
(لفت وراحت عن أميره اللي تفكر شكبر الشبه اللي بينها وبين فيصل ...
هذولي صج يتشابهون !!!! يالله مثل ماقالو يخلق من الشبه 40 ... انا شعلي منهم يتشابهون ولا لا ...
أرد للبيت احسن لي ... ...
ياربيييييه ليش يحرموني من السياره مدري ؤف ...
""""""""""""""""""""""
رآكان تعب من المشي ووقف يجلس على كرسي بالرصيف ...
وهو يطالع السيارات رايحه وراده .... جذبته وحده واقفه من بعيد تلعب مع قطوه بيدها ...
أول شي تقرف كيف ان البنت تلمس قطوه من الشارع أكيد قذره من بين الزبايل ...
بس البنت هذي موب غريبه عليه ...
دقق فيها شوي ...
لما رفعت وجهها عرفها علطول وهي نارا ...
وأصلا كان متوقع انها نارا بما انها أسود X أسود ...
نارا التفتت عليه ... لما تقابلت عيونهم ببعض للدقايق وبينهم السيارات تمر بسرعه ...
نارا حست بقشعريره تسري في جسمها من نظرات هالولد لها ...
من أول ماشافته وهي مارتاحت له ...
هااادي بالزياه ونظراته بارده خاليه من أي معنى أو غموض ...
ماتدري وش سالفته ...
وخرت عيونها عنه شوي ...
بس ماتدري ليه ودها تلتفت مره ثانيه اذا هو موجود او لا ...
لما التفتت غصب عليها مالقته ...
لفت وجهها علطول حواليها بس مالقته ...
غريب هالولد من جد !!!
وهي تمشي واصله للبنايه ...
طلعت بوجهها نوف ...
-(نوف بتوسل :~ نارا ممكن احاجيج شوي ..
-(تنهدت بملل ولا ردت عليها بالعكس كملت طريقها ولا كانها قدامها أحد ..
-نوف :~ بليز نارا اسمعيني بس دقيقه من وقتج صدقيني ماراح اطول عليج ..
نارا بليز سمعيني بليييز ..
-(مالقتها وجه وكملت طريقها لحتى وصلت للباب البنايه :~
-(نوف مسكت ذراع نارا وهي تقول بترجي :~ نارا الله يوفقج سمعيني بس دقيقه .... يزيد بيطردني من الجامعه
وولله أهلي بيموتوني .. طلبتج ساعديني طلبتج ..
-(سحبت يدها بقوه ثم التفتت عليها بثقه :~ لج عين تطلبين مني شي بعد اللي ساويته يا .. (ثم سكتت شوي وكملت :~
وحتى الواحد خساره يتكلم بكلمات بذيئه عشان وحده من فوق لتحت وسخه وحقيره مايفيد فيها كل الكلمات ...
(بتوسل مسكت يد نارا :~ نارا تكفين تكفين انا ندمانه عاللي ساويته لج ولله ندمانه وايد .....
انتي بس قولي له مايطردني ...هو له معارف كبيره وواسطات يقدر يقولهم السالفه وبيصدقونه علطول
بما انهم يوثقون فيه وبيطردوني .. قريب عرفت كل هذا وخفت لا صج
يساويها ويطردني ...
-(لفت عنها ومشت ببرود وهي تقول بصوت واطي :~ تستاهلين كل ماييج انتي بالذات ....
(وهي تمشي نارا ابتسمت ابتسامه ساخره على حال نوف كيف هي الحين تترجاها ...
نوف جلست عالرصيف وهي خانقتها العبره ماتدري وش تقول للأبوها خاصتا ... يمكن يموتها ..
هو من النوع الفلتان مره بس من ناحية المستقبل والدراسه يكون شخص ثاني ومتشدد ...
(نرجع للصقر وليان لما انتهو من كل الاجرائات ..
التفت عليها صقر وابتسم وهو يقول :~ يالله خلينا نطلع من هالمجان ...
(ليان بعد ماسكتت .... تتنهد بضيقه وهي تشوف مستقبلها اللي راح يكون سيئ وهي مع عدوها صقر ...
طلعو من المركز ... صقر بسرعه فتح لها الباب وهو يقول :~ تفضلي بوصلج لمجان ترتاحين فيه ...
-(سكتت شوي ماتدري تركب ولا لا ... بس الضاهر ماعندها مكان تروح له غير مع صقر ..
وهي اصلا ماعاد تهتم بأي شي يصير لها بعدين ..
فقدت الامل بالحياه والاستمرار فيها دامها بين يدين أكره مخلوق لها بالارض صقر ...
هو كان فاتح لها الباب اللي جمب مقعده الامام ...
بس ليان فتحت الباب الخلفي ودخلت ...
صقر بهدوء سكر الباب وبقلبه يقول يحاول يضبط اعصابه اللي يمكن تفلت ..
صقر هد شوي ... هد .. شي طبيعي اللي تساويه دامها تكرهك ...
اللي تبيه بيصير .. قريب بيتحقق مرادك وبتكون لك ..
تحملها شوي تحلملها مايخالف ...
(لما مشى بالسياره قال وهو يطالعها بالمرايه بس هي منزله راسها :~
بوديج للشقه لي اخليج تعيشين فيها وأنا اصلا ماعاد صرت ايي هالشقه ..
بخليها لج انتي وبس ...
الشقه قريبه من يم الجامعه مره ...
(ماردت عليه ولا فهمت وش قصده بالجامعه ... بس فضلت السكوت على انها ترد وبقت بهمها لحالها ...
تفكر في شخصين بس ... عبدالمحسن وأمها ...
لما وصلوا لشقه ... نزل صقر بس لاحظ انها مانزلت من السياره ولا فتحت الباب حتى ...
تحمل وراح فتح لها الباب وهو يقول :~ يالله وصلنا ... نزلي اراويج شقتج ...
(لحظــــــــــــــــآت صمت ...
وهدوء ...
شوي وقررت ليان تنزل بدون ماتعاند هالبغيض صقر....
لما دخلو البنايه ...
فتح اللفت (الأآصنصير) بس لما التفت لقى ليان رقت بالدرج وهي ماتبي تكون معاه بمكان ضيق لحالهم ..
فضلت ترقى بالدرج للأعلى طابق خاصتا ان البنايه فخخخخخخخمه وعباره عن 25 طابق ...
صقر بسرعه ركض وسحبها مع يدها بقل صبر وهو يقول :~ لا تعاندين وصعدي باللفت وأنا بالرقى من ناحية الدرج دامج ماتتحمليني
للثواني بس ...
(ليان بدون ماترد عليه رغم انها تألمت من سحبته القويه مع يدها ...
وهي باللفت ماعاد تحملت الصمت .. جلست بالزاويه ولمت رجولها وطلعت كل اللي بقلبها بالدموع
اللي حابسته طول الطريق ...
هي أعلى طابق بالخامس والعشرين ....
ماأبي صقر ماأبيه اكرهه ... يارب انك تاخذه ولا تاخذني ..
مااتحمله مااطيقه موليه مااطيقه ...
مدري شلون بتحمل وجوده وانا الحين مابيه ولو للثواني بس ...
يارب وش السوات وياه وش السوات ..!!
(وضلت تبكي أكثر ...
لما وصلت للدور انفتح اللفت ..
صقر رقى باللفت الثاني
لما طل عليها مستغرب ليه ماطلعت ...
انصدم لما شافها بهاللحاله مره ثانيه وكأنها بعزى وفاقده كل شي بهالحياه ..
ضغط على قبضة كفه بقوه وهو موب متحمل منظرها تتعذب بسببه ...
ماوده يصير فيها كذا بس هو يبيها ... وناوي يسعدها بس الضاهر هي ماراح تعطيه فرصه وكانها
رايحه معاه للقبر ...
تنهد وهو يشجع نفسه ويتقوى مره ثاانيه ولا يضعف قدام دموعها وحالتها اللي تكسر الخاطر ...
تقدم لها ومسكها مع يدينها ورفعها ...
ليان بعدت روحها عنه بسرعه ماتتحمل قربه منها ...
مشت بنفسها وهو وراها واقف مقهور من حركتها ...
بس لحقها وهو يحاول يتحلى بالصبر ووراه مشوار طويييل عشان تحبه هذا اللي يتوقعه ...
وهو ناوي فعلا يخليها تحبه لو غصب عليها بالزواج وبعده ...
لما دخلوا لشقه الفخمه ...
ليان رفعت عيونها للزوايا الشقه مبهوره من هالمكان ...
صحيح انها تتذكر كيف انبهرت بقصر صقر هذاك وماراح عن بالها جمال هذاك القصر ...
بس مثل هالشقه تحس انها ماقد شافت احلى منها .. وهي الفقيره من شارع للشارع ومن حي لحي
ومن بيت أردى من الثاني وأقبح وأقذر منه ...
صقر شاف بعيونها قد ماهي انبهرت بجمال الشقه ...
ابتسم براحه وراضي عن اللي سواه أول خطوه لها وهي هذي الشقه ...
حس براحه كبيره وبنفس الوقت فرحه لانها اعجبت بهالشقه حتى لو ماقالت لأنه واظح من عيونها وهي تطالع بانبهار ...
وقف قدامها وهو يبتسم يبي يحسسها بالراحه والامان وهو يقول :~ خليني اروايج غرفتج ...
أنا دقيت على واحد من الخدم اللي عندنا وقلت له يرتب كل شي وييب لج فرش يديد وكل الاحتياجات قبل واحنا كننا
بالمخفر __^
-(نزلت راسها وهي تقول :~ ممكن تتركني لحالي .. ؟
-(سكت من بعد كلمتها وهو جامد مكانه موب متحمل اسلوبها وكلماتها الجافيه معه ...
رغم الخوف يشوفه فيها للحين وهذا الشي يضايقه أكثر ..
هي للحين تخاف مني وماتطيقني ..
يالله شي طبيعي ولازم اتعود على هالشي بما نا وراي مشوار مره طويل وياها ...
(هز راسه بالموافقه وهو يقول بصوت واطي :~ خذي راحتج ... انتي بشقتج وهذا هو المفتاح ...
(لما عطاها وجى بيروح ..
ليان ترددت شوي بخوف بس قررت أخيرا تتكلم بسرعه :~
عندك نسخه ثانيه من المفتاح ..؟
-(وهو ملقيها ظهره وقف شوي ....
لهدرجه ماعندها ثقه فيني أبدا ولو ذره شوي ...
(بخشونه وهو يحس بالألم بقلبه اللي يحبها :~ لاء ..
(ثم طلع علطول بدون ماينتظرها تقول أي شي ثاني ....
سكر الباب وتسند راسه عليه وهو يطالع السقف ...
لمس صدره من ناحية قلبه ..
حس بنبضاته مرررره قويه ...
غبي وربي غبي ياصقر ... هالبنت شف شلون وصلتك لهالحاله ...
حتى نبضات قلبك تزيد أكثر واكثر بمجرد انها واقفه جدامي ...
آآآآآآخ بس ليش هي من بين كل البنات حبيتها وانا ادري بكرهها الكبير لي ...
(نروح داخل الشقه .... ليان جلست على كنبه بتعب وهي تحس جسمها متكسسسسسسر ...
نزلت دموعها وهي تتذكر امها وعبدالمحسن ...
شقد اشتاقت لهالثنين حيييييل ...
تموووت فيهم بشكل غير طبيعي ....
أنتهى البارت الثالث من الباب الرابع ....
وسوف ننتقل الى الباب الخـــــــــــــــــــــــآمس من اول جرء به ...
تحياتي لكم ومودتي للجميع :~
xoxoدمـ حبيبيـ يروينيـxoxo
SLMLM………………………….
|
07-05-09, 08:37 PM
جديد مواضيع قسم القصص المكتمله
العرض العادي
