كاتب الموضوع :
ميمي87
المنتدى :
الارشيف
بنت البلد:: السلام عليكم...
عاشق أميرتي:: وعليكم السلام... أگول مسنجري منور والدنيا غير شكل... أثاري القمر موجود ومنورلي حياتي...
بنت البلد:: أحمد انت متبطل؟
عاشق أميرتي:: أبطل شنو آني جاي أگول حقائق مو مجاملة...
بنت البلد:: تريد تفهمني إنك تعزني لهدرجة؟
عاشق أميرتي:: هسة أشگ هدومي انتف شعري انتحر حتى تصدگين بس گولي شلون تصدگين؟
بنت البلد:: لاسلامتك شنو تنتحر غير اموت بعدين...
عاشق أميرتي:: سلامتج من الآه... شنو تموتين لاتحجين هيج أمورة بعدين ازعل...إن شاءالله بيا ولابيج...
بنت البلد:: لاتدعي على نفسك...
عاشق أميرتي:: تخافين عليا؟
بنت البلد:: إذا مااخاف عليك لعد اخاف على منو؟
عاشق أميرتي:: لعد لو تعرفين شصارلي اليوم؟
بنت البلد:: خير إن شاءالله شصار؟
عاشق أميرتي:: اليوم آني وراجع من الشغل...
بنت البلد:: إي شصار؟
عاشق أميرتي:: لحگوني اثنين كانو مسلحين ورادو يخطفوني...
بنت البلد:: شنو؟؟؟
عاشق أميرتي:: بس گدرت أفلت منهم وبعدين وصلنا تهديد للبيت...
بنت البلد:: كل هذا يصير وانت هسة تحجي؟
عاشق أميرتي:: مااريد يظل بالج عليا...
بنت البلد:: شنو هالحجي أحمد يعني حياتك بخطر وانت ساكت؟وتگول مااريد يظل بالج عليا؟
عاشق أميرتي:: اللي ربي كاتبه رح يصير...
بنت البلد:: بس انتبه لنفسك دايما... لخاطري لاتغامر بحياتك...
عاشق أميرتي:: الله كريم أمورة لتشيلين هم... مگلتيلي شونه الدوام وشونها الدراسة وياج؟
بنت البلد:: ماشية الحمدلله...
عاشق أميرتي:: أريدج دايما متفوقة ومن الاوائل... بوجودي أو بغيابي...
بنت البلد:: بوجودك دايما أحمد... شنو هالحجي الله يخليك...
عاشق أميرتي:: ألله يستر بس...
في تلك اللحظة أضاء بريدها الالكتروني برسالة جديدة من شخص غريب...
الخطير:: هاي
بنت البلد:: منو معاي بلا صغرة؟
الخطير:: هذا آني!
بنت البلد:: لا صدك؟ ومنو انت اساسا؟
الخطير:: واحد معجب بيج وسويت الويل حتى حصلت إيميلج.... اسمي باسم...
بنت البلد:: تعذرني يااخ باسم آني مااعرفك ومراح أگدر اضيفك... مع السلامة...
الخطير:: لحظة انتظري الله يخليج...
في تلك الأثناء كان أحمد ينتظر على نار... مابها لاتتكلم أرسل تنبيه مرتين وهي لاترد...
عاشق أميرتي:: أمورة وينج؟
بنت البلد:: وياك أحمد بس أكو واحد ديزعجني مااعرف منو؟
عاشق أميرتي:: اكتبيلي إيميله وآني أتفاهم وياه...
بنت البلد:: أوكي...
تأمل أحمد بالايميل المكتوب عنده وشعر بإنه مألوف... أجل إنه أشرف... أمسك موبايله ليتصل به وهو في قمة غضبه...
الخطير:: حبي وين رحتي؟
بنت البلد:: حبك برص احترم نفسك...
الخطير:: شنو قابل أحمد أحسن مني؟
بنت البلد:: نعم؟ أحمد منو؟
الخطير:: متعرفين أحمد ال... لو هو شعنده احسن مني حتى تحجين وياه؟
بنت البلد:: اولا احمد هذا تاج راسك واشرف منك ومحترم نفسه ومحترمني ولهذا آني أحجي وياه مثل متگول ومايشرفني أحجي ويا أمثالك بالاصل مااعرف شلون أحمد يعرف ناس مثلك؟
الخطير:: ههههه ضحكتيني... أحمد هذا يعرف مية وحدة قبلج وبعدج وقريبا رح يخطب وحدة گرايبهم إذا متدرين... ظلي عيشي بالعسل حياتي بس معجبني اشوفه يلعب بمشاعرج واسكت...
بنت البلد:: انت واحد ماتحترم... ولاتجيب طاريه على لسانك أحمد بالنسبة لي مثل أخوية مو أكثر...
الخطير:: إي صدگت يلا باي حبي...
****
-شمسوي انت وشلون تحجي وياها ومن وين جايب ايميلها اساسا؟
كان أحمد يتكلم بغضب وجهازه الجوال يكاد ينصهر بين أصابعه...
أشرف:: على هونك حبيبي ليش معصب الدنيا ماتسوى...
أحمد:: ماجاوبتني
اشرف:: اولا هذا شغلي آني شون جبت إيميلها وثانيا مااعتقد هي من بقية أهلك حتى تمنعني منها...
أحمد:: لاتتعرضلها مرة ثانية فهمت ولاتجيب سيرة أهلي على لسانك لايجيك شي مايعجبك...
اشرف:: شنو هالعصبية؟ ريلاكس حبي ريلاكس وبعدين انت شبيك ضايج لايكون بس لأن آني فضحتك عند أمورتك وكلتلها على لعبك عالبنات...
أحمد:: شنو؟؟ شسويت؟؟
****
بقيت لدقائق تتطلع إلى شاشتها... ماذا يحصل... شخص لاتعرفه لكنه يعرفها ويعلم بعلاقتها مع أحمد... ولكن ماالذي قاله عن أحمد للتو؟ أيمكن أن يكون هذا حقيقة أم مجرد حلم وخيال ستصحى منه... هل يمكن أن ترى حلم حياتها يرتبط بإخرى؟أيمكن؟
****
يقطع غرفته جيئة وذهابا وهو يمرر أصابعة في شعره ويبعثره من التوتر... ثم يتطلع كل عدة دقائق إلى شاشة حاسبته منتظرا قدومها ولكن يبدو أن حلمه لن يتحقق اليوم... يجب أن يفهمها أن كل ماقيل بحقه كذب بالرغم من أنه يعلم بإنه هو الكاذب... ماالذي يريده منها ألم يمل لعبته معها؟ يجب أن يجد شيئا آخر قد يجذبها ويقربها إليه فيما عدا قصة محاولة خطفه المختلقة...
****
نهايةج5
|
12-09-09, 01:22 AM
جديد مواضيع قسم الارشيف
العرض العادي
