كاتب الموضوع :
ميمي87
المنتدى :
الارشيف
****
بعد يومين::
((رسالة خاصة من المهندس))
شونج أمورة... آني مااعرف ليش دأكتب أصلا بس أكو رد بأحد مواضيعج معجبني كتبتي(شكرا عالردود الحلوة ياحلوين) أدري هو مابيه شي بس آني مدري ليش معجبني وآسف عالازعاج...
أحمد@
****
((رسالة خاصة من أميرة في خيالي))
بس آني كتبته عن حسن نيه ماحسيت بيه شي... بس أذا ميعجبك أحذفه عادي وهسة راح أسويله تعديل...
أمورة@
****
أي سلطة يملكها عليكي ياريم؟؟ هذه كانت بداية التنازلات ياترى مانهايتها؟؟ وأي آثار ستتركها عليكي جروح الزمان؟؟
****
-ريم شنو هذا؟؟ قالها ريان شقيق ريم وهو يشير الى اللابتوب...
ريم:: شكو؟؟
ريان:: يعني متعرفين شكو؟؟ شنو هالغراميات اللي عالانترنت ومنو هذا أحمد... من وين تعرفيه؟؟ ثم قرب اللابتوب منها لتقرأ...
تسارعت دقات قلب ريم وهي ترى رسالة أحمد التي جاء فيها:: "وينج أمورة مشتاگلج... تدرين انتي شي كلش مهم بحياتي"... أحمد لم يتجاوز بالكلام أكثر من هذه الجملة... لايجوز أن تتهمه بهذا الاتهام الباطل... أحمد يحترمها وهي تحترمه... أي غراميات يتكلم عنها ريان؟؟
ريان:: ليش متجاوبين؟؟
ريم ودمعتها بطرف اهدابها:: هذا... هذا مشرف بالمنتدى اللي آني مشتركة بيه...
انفجر ريان غضبا:: وشنو يعني مشرف؟؟ لايكون ابوج وإلا أخوج؟؟ وليش تحجين وياه بهذي الميانة... ثم أخذ نفسا عميقا لتتحول لهجته القاسية الغاضبة إلى لهجة هادئة وقال:: ريماني حبيبتي... آني أخوج الكبير وأدرى بمصلحتج... لاتخليني أطلع عن طوري... بس هذا آني أشوف شغلي وياه...
****
في المساء سجل أحمد دخوله للمنتدى وأبتسم وهو يقرأ "لديك رسالة خاصة جديدة من أميرة في خيالي" ولكن تلك الابتسامة أختفت وهو يقرأ مضمونها...
****
((رسالة خاصة من أميرة في خيالي))
بالبداية وقبل كل شي آني أخو "أميرة في خيالي" أو أمورة مثل ماتسميها... ولأني قريت الرسايل وشفت درجة الميانة بينكم... أحب اگول انت مترضى هالشي على أهل بيتك ولا آني لهذا أحترم نفسك وكافي قلة أدب... مااريد اشوف هذي الكلمات بعد مثل الغالية وأمورة ومشتاگلج...الخ
سلاااام@
****
جاءته رسالتها كالصفعة... هل عندما بدأت المشاعر الجميلة تتسلل الى قلبه المتحجر يختفي كل هذا فجأة ليصحو على الواقع؟؟ لن يسمح لها ابدا أن تتعامل معه بهذه الفوقية هي أو شقيقها... سينهي علاقتهم عندما يحب هو لاعندما هم يريدون... عندها فقط ستعلمون من هو أحمد...
****
((رسالة خاصة من المهندس))
وعليكم السلام... أخي مااعتقد إني غلطت بشي... هو مجرد إنه أختك كان عدها مشكلة ووقفت وياها وماكو داعي للغلط ... وشكرا عالأهانة وأحب أكول لولا إنج غالية يااختي كان لي تصرف ثاني بس للأسف كلشي توقعت إلا هالكلام... وكل العضوات هم خواتي عمري متجاوزت ويا وحدة... وإن شاءالله هذي راح تكون آخر رسالة...
أخوكم المهندس@
****
رسالته كانت مفاجئة لريم... ماحدث ليتكلم معها هكذا؟؟ ولكنها أدركت سر هذا التغير عندما قرأت الرسائل الصادرة... إذن فقد فعلها ريان... كانت لديها الرغبة في تحطيم جهازها على رأس ريان... أرسلت لأحمد أعتذار ثم آخر لكن لافائدة... فالذي أنكسر لن يتصلح... أحمد غاضب جدا وهي لن تلومه فكلام ريان لايحتمل... وأي إنسان لديه كرامة لن يقبلها على نفسه... ولكن ماذنبها هي؟؟ ضاعت بين الأثنين...
****
أحتضنت وسادتها وأغرقتها بالدموع... شهقاتها المكبوتة وسط الليل شاهدة على حبها... مالذي يرضيك يااحمد؟؟ كانت مستعدة لأي نوع من الاعتذار فقط ليرضى!! هل كتب لك الفشل ياقلبي من تجربتك الاولى... ولكنها لم تكن مجرد تجربة فهي تعشقه... نعم تعشقه دون أن تراه... دون أن تعرف أدنى تفصيل عن حياته... أحبت روحه التي سكنت داخلها... وألآن ماذا؟؟ مافائدة كل هذا؟؟
****
((رسالة خاصة من أميرة في خيالي))
سلام عليكم... أحمد لاتفهم الموضوع غلط إنت تدري مو آني كاتبتها... ولاتتسرع بالحكم ولاتظلمني... الله يخليك رد علي...
أميرة@
****
لاجواب... هذا كان محصلة إنتظارها له لساعتين... أي قلب قاسي يحمل كلاهما أحمد وريان لن تسامحهم على مافعلوه بها وتصرفهم دون أي إعتبار لمشاعرها...
****
((رسالة خاصة من المهندس))
وعليكم السلام أختي... انا ماكنت راح أرد لأن الرسالة جرحتني كلش... صح مو أنتي كتبتيها بس تقبلين أختي تدخل بإسمي مثلا وتگول إحترمي نفسج! يعني أخوج شايفني مراهق لو شنو؟ وآني مااريد أحجي عن نفسي بس آني إبن ناس ومحترم نفسي ومحد غلط علي گبل... وتجيني الأهانة من وين... منج؟؟ آني أحترمتج وقدرتج بس تعذريني كرامتي غالية ومراح أگدر أبعث شي حتى ماسمع شي ثاني...
أخوج المهندس@
****
((رسالة خاصة من أميرة في خيالي))
بعد كل هالكلام ماراح أگول غير الله يسامحك... انت ظلمتني كلش... لو تراجع نفسك تشوف شگد انت غلطان... وانا راح اتركلك المنتدى إشبع بيه حتى لاتتضايق وآني نزلت موضوع إنسحابي من بينكم... هسة إرتحت؟؟ وكبل ماانسى ردت أكول كل عام وانت بالف خير وإن شاءالله يوم المية سنة كنت أريد أعايدك بميلادك بظروف أحسن بس شنسوي...
أمورة@
****
((رسالة خاصة من المهندس))
أمورة الله يخليج شنو تتركين المنتدى؟؟ لا منو كال آني أريد هالشي... بغلاتج عندي تدخلين اليوم أريد أحجي وياج... واشكرج عالعيدية الحلوة لأن تذكرتي عيد ميلادي...
أحمد@
****
زفرت ريم براحة وهي تتطلع إلى شاشة اللابتوب وتقرأ كلمات من ملكها بعدة كلمات... وابتسمت وهي تعيد خصلة تمردت من شعرها لتستقر على جبينها لأنها أحسته لايريدها أن تتركهم بالرغم من تلك المشكلة... لكنها لاتزال غاضبة من تصرفه معها... كان عليه أن يقبل أعتذارها ألأول ولايجعلها تتنازل عن كرامتها عدة مرات... برأيها ماحدث لم يكن بإرادتها...
****
((رسالة خاصة من أميرة في خيالي))
بعد السلام حبيت أذكر كم شغلة::
اولا...شنو قصدك انت إبن ناس؟ ليش آني بنت شارع يعني؟ إذا هذا قصدك فإنت كلش غلطان... آني بنت ناس ومن أحسن العوائل وابوية وأمي اساتذة بالجامعة...
ثانيا... آني علمودك تحملت الضرب والأهانات وانت متحملت كلمة علمودي وزعلت... لوتعرف شلون مرت علي ذيج الايام لاعرفت ليلي من نهاري... لهدرجة أهون عليك؟؟
وثالثا... اريد اگول آني مو زعلانة منك... ترا اللي سويته حقك ومهما حصل تظل عزيز وغالي واذا تريد انطيك إيميلي نتفاهم أحسن...
أمورة@
****
((رسالة خاصة من المهندس))
آني اللي آسف أمورة تدرين بمعزتج وغلاج عندي... واسف مقصدي إهانة أو شي او كلت بنت شارع استغفر الله... ولاتنسين الايميل وانتظر رجعتج...
المهندس@
****
((رسالة خاصة من أميرة في خيالي))
لاتعتذر خلاص نسينا الشغلة وإن شاءالله كم يوم وارجع للمنتدى...والايميل
****@yahoo.Com
واذا دزيت إضافة لاتنسى ترسلي اوف لاين تكول انت منو لأن آني مااقبل أي إضافة...
سلام@
****
((رسالة خاصة من المهندس))
إن شاءالله... واني دزيت الاضافة بس شوكت تفتحين الايام الجاية؟ لأن انتي تدخلين وتطلعين بسرعة...
المهندس@
****
((رسالة خاصة من أميرة في خيالي))
آني رح افتح الاحد الصبح بين ال9وال10اوكي يناسبك الوكت؟
سلام@
****
تطلع أحمد الى شاشته طويلا وهو يفكر بهذه الفتاة تراها من تكون؟ كيف استطاعت أن تحتل جزءا ولو كان بسيطا من تفكيره... غير معقول؟ هو الشاب العابث يميل لأحداهن؟
****
نهايةج3
|
13-08-09, 10:56 PM
جديد مواضيع قسم الارشيف
العرض العادي
