السلام عليكم ورحمة الله وبركاته
تسلمين يابعد قلبي رغم اني امر بفترة حزن بس والله اسعديني ياعسل الله يسعدك دنيا وآخرة نفوسة اعذريني اني ماأرد دايم بس والله امام ابداعك احس اني ماحقول كلام يوفيك حقك
المهم نجي لشخصيات حمد هذا الإنسان انا راحمته وايد وماادري ليش هذا الهجوم عليه يعني هو مايدري عن نفسه ويبيله علاج واذا كان يعاني من ثنائي القطب على حسب الأعراض الي عنده فتراه مايحس انه في شيء غريب عشان كذا مانقدر نقنعه بالعكس علاجه ادويه اكثر م جلسات ومن تجربتي المرضى مايجوبنفسهم لازم احد يدخلهم المشفى امااذا عنده شيء ثاني فالله واعلم
اما موضي والله انها كاسرة خاطري مرررة ماادري اكون معها ولا عليها بس لو فكرت بوجهة نظرها غير الرعب الي هي فيه وخوفها من انه يئذيها فالانسن الي يعيش مع انسان زي كذا يتولد عنده خوف من ورعب من التخلص من الانسان المسبب لما هو فيه وهذا ايضا شعور غصبا عنها يحتاج له شجاعة جبارة ومن نقطة ثانية البنت مضحيه بسعادتها عشان ماتنصدم عمتها بولده الوحيد والله صعبة
هيا ياقلبي عليك والله انك عاجبتني وزاد اعجابي بك اش هالكلام يابنت خليتي الولد ينصدم ياعمري حبيت نقطة البكاء العميق لانه كان السبب انه مشعل يشوف الوجه الثاني لك ومشاعره الي تحركت لك وان كانت عطف بس المهم انها ايجابية
هيا الجدة والله انها كسرت خاطري بس الله يجمعكم مع بعض ويعوضكم ثنتينكم
مشعل الكبير متحمسة وايد لمواجهتك انت ولطيفة وان شاء الله تقهرك وتشعل قلبك زي ماكسر قلبها
لطوف اختيارك لراكان كان في مكانه و فكرة رجعة لدراستك والله انه مافي احسن منها الله يوفقك واشوفك الأولى على ققطر اش رايك بس
الله يوفقك ياعمري وسلمت الأيادي

الرائعة انفاس شكرا على الجزئين الرهيبين وعلى كرمك
لطيفه بدائتي بالصح واتوقع في في راسك اشياء اكثر
العنود نايمه وما تدري ايش في راس فارس اعتقد انها جننته
هيا الجده وهيا الحفيده رائع وصفك لإحساسهم ومشاعرهم ننتظر لقائهم

أنفااااااااااااااااااااااس ..،،.. قطررررررر

البارتين ..ممتعات حتى الثمااااله ««««««لطششششش

لطيفه ..تحصني بالقووه امام مشعل ..لاتظعفين ،،،

راكان ... قدها وقدود ..يا ولد الرجال ،،،

مشعل وهيا ..الله يقرب البعيد ..

فارس .. ولهفته لمكلمة العنود ..

ننتظرك انفاس ..بكل شوووق

أهليــــــــــــــــــن أنفاس

قبل ماأعلق على البارت بغيت أقولك شي

تعرفين قهوة الصباح؟؟؟


لما تصحين من النوم وتغسلين وطبيعي جدآ واساسي جدآ انك تشربينها


قبل كل شي ,لان هي اساس ابتداء يومك ,,,,,, انتي قهوة الصباح


يبتدى يومي وانا ماسكة كوب قهوتي وحاطة الاب توب على حضني واقرا


أســــــــــــــى الهجران


==============================

النقطه الثانيه


ممممممم

انا أرفع لك القبعه


لان يوم شفت انك نزلتي روايتك الثانيه توقعت داخلي ان بلقاها تشابه

روايتك الاولى خصوصآ يوم قلتي انك اخذتي افكار عاديه ,,,,


لكن فوجئت انك نقلتينا نقله مختلفه جدآ جدآ جدآ

الاحداث غير والاسلوب غير ومضمون الرواية اصلآ غير

لانك ركزتي علاقات جديده الا وهي علاقات ابناء العم,وأصلا بروايتك الاولى ماكان في علاقات ابناء العم

وهذا شي قليل جدآ من كاتباتنا انها تنتبه له لان غاليآ تكون نفس


المحور اذا كانت الكاتبه لها اكثر من روايه

برافو عليك تكلمتي عن صور موجوده داخل البيوت مثل

علاقة لطيفه ومشعل وايضآ علاقة موضي وحمد وايضآ سلطان واهله

عجبتني بشده شخصيات الابطال كلهم جميع

موقف لطيفه من زواج مشعل وجعني حيل لان كأي متزوجه اعطت عمرها كله

لرجلها وحطت شخصيتها وطموحها بالهامش وخلت من شخصيته ومتطلباته هي

اساس حياتها وبالنهاية انه يضرب بكل مجهودها عرض الحائط

اكيد بتكون ردة الفعل قويه مثل كذا .

========================

خذي من شهاده لك انتي لو نزلتي رواية عن موضوع تقليدي جدآآآ

بتكون روايتك مميزه لانك ماشاءالله ((صاحبة اسلوب مميز)) يعني اسلوبك

اللي يجذبنا وماتعتمدين على فكرة الروايه .

من جد ياانفاس اشكرك من كل قلبي على انضباطك بالمواعيد

واشكرك حيييييييييييل على انك تسعديني كل يوم الصبح وانا اقرا روايتك

متابعينك اكثر مماتتوقعي و90% من وراء الكواليس .


ننتظرك يالغاليه ومعاك بأذن الله

أنفاسوه يا أنفاسوه... أنا مفوته محاضرة اليوم عشان أكوفنج شوي

هذي قفلة تفلينها.. ضاقت القفلات وخلصت ما تجي إلا على فارس حبيب قلبي... ولا هو يبي يكلم العنود بعد... يعني تبيني استخف وأنا أسوي احتمالات هو وش يبي يقول لها؟؟

أكيد يبي يقول لها: يا ليتش مثل بنت الخالة الموت الحمر.. تعلمي منها الأنوثة والحلا والزين والخبال << أفا من اللي جاب طاري خبال.. الشر برا وبعيد

قفلة مثل ذي لا عاد تقفلينها... والله العظيم وقفتي قلبي الله يأخذ أبليسج بس

لا وتكملينها بعد بأبو محمد وأنتي عارفة إني من أنصاره.. الحين أبو محمد وش جاي يبي يقول للطوف سوداء الوجه... الحين بتوجعه بالكلام.. كبر رأسك يابو محمد.. استحمل لطوف وكبر عقلك

تراها مره مجروحة وأنت اللي جرحتها.. يعني لازم تحمل اللي بيجيك فديت عينك... وخبز خبزتيه بالرفلا اكليه<< محشوم محشوم<< عقب ذا كله ومحشوم... أجل لو ماحشمتيه وش بتسوين؟؟

هيابنتسلطان تراني أحبج يا بنية.. بس تراج زودتيها موب حبيتين إلا عشر حبات عشرين... نعنبو دارج مركبة لسان مصفح
لسانج يلوط أذانج على قولت مشعل بن عبدالله

احشمي الرجال يا مال الحشيمة... مافي وجهج مستحى.. ولد عمج ذا موب يهودي... احس قصتكم ما بعد بدت.. ناطرينكم على أحر من القمر << الترجمة=الجمر

موضي وحمد... عورت قلبي موضي ياربي على التشبيه بس

كما لو أنك تعطي يديك لشخص ما ليقبلها
وأنت متيقن تماما أنه سيقبلها ثم سيعضها بوحشية
فكيف سيكون إحساسك بملمس شفتيه على يديك؟!!

عورني قلبي منه والله العظيم.... أتخيل الصورة بس... رعب ماله حدود
ما أدري لمتى وهم على ذا الحال؟؟


نفوستي.. فديت عينج بس... تدرين يالغالية يا ضي قلبي... المدح ماعاد يوفي حقج.. لأنه أنتي خلاص تجاوزتي المدح وكل المدح.. وكل الحكي ماعاد يوفيج حق إبداعج

التشبيات اللي تعور القلب بحلاوتها.. إحكام اللغة.. اللمحات الذكية.. اهتمامج بكل التفاصيل اللي تدل على احترامج لعقل اللي يقرون...
الله يحفظج بس من كل شر..
وتستمرين في إنج تخلين ليومنا نكهة غير.. لأننا ننتظر أنفاس وآل مشعل اللي صارو جزء من روتينا اليومي...

ماشاء الله تبارك الله.. لا حول ولا قوة إلا بالله


بنت خالتج الموت الحمر