حسبي الله عليك تزوج عليها لا وبدون اعتبار تقوله في وجها انت وش انت وشذا القلب عليك ماتخف الله فيها
وين الحنان اللي عندك على خواتك ولا لطيفه مالها قلب يعني عشانها قاطعه قلبه لك ولعيالك والله عينك مايملاها الاالتراب جعلك التراب في وجهك
تكفين انفاس لايتزوج حتى لو تزوج وبغى الرجعه الطيفه ومهما سوى والله قلبها مايقبله هذا ارخصها ويليتها مقصره تقول احسن انا استاهل بسبب تقصيري لكن المره قايد اصابعها له
خليها توريه الصده والجفا عشان تتحرك مشاعره ذا البارد وتعلمه ان بنت عبدالله مهيب بسيطه بدون مايدخل على المره الثانيه
ولا هيضي اخوانها ضده فارس ومشعل
وه وقف قلبي على ذا القفله انفاس مع اني متوقعه انه يفكربزواج بس اللي ماتوقعت استهانته بمشاعرلطيفه وبلغها وبدون مقدمات كنها بلا احساس ومشاعر
الله يمحاهم الرجال اللي مثله يحسبون المره جماد مالها احساس تكفين عطينا عنهم اعلوم البارت الثاني مع اني احب اخليتس على راحتس في الكتابه لانتس انتي ابخص لكن والله ودي تبردين قلبي في ذا الهيس الاربد




راكان والله حتسي خلص على اخوك اللي قهرني مير ماقدر اقول الا ونعم الرجال والله
وسئلني الله مايضيعك انت ماتركت موضي فسقه انت كفلت ايتام مدة سبع سنوات والرسول قال انا وكافل اليتيم كاهاتان في الجنه واشار على اصبعيه
وموضي مره بدالها مره بس التفت انت وبتجيك اللي تحيي اعروقك واتوقع معالي بيكون لها دور في حياتك خاصه انت تحب موضي ويمكن معجبك فيهاخفت دمها ومرحها وذا موجود في معالي وبتشوفه





انفاس الله يمتعتس في دنياتس واخرتس مثل مامتعتينا بذا التحفه والله عندي اننهم عايشين معي واتتبع اخبارهم
عن طريق القصه الله يحفضتس ويمتعتس بصحه ومن ابداع الى ابداع احس

لاااااااااااااااااااااا

وربي قهر مشعل وش شايف نفسه عليه والله ان لطيفه تسواه

انا لو مكانهاااااااااا اتركه خله يحس بقيمتهااا

مالت عليه اكرهه

ياااااااااااااااااااااااااااااارب ما يعرس امانه نفوس شيلي الفكره من راسه

راكان انا كنت دريه ان لطيفه بس صدقني اذا لك نصيب فيها بترجعلك

طال الزمن ولا قصر

مشاعل كويس انك فكرتي قبل العرس

العنود اكثر وحده ارحمها بالقصة

نفوووووووووووووووووووووس جزء مررره حزين :(

مساء الفل والورد والياسمين على احلى انفاس
خلصت اجازتنا وذا الحين بتفرق حق اسى الهجران
قفلة البارت هالمرة تقهر وتبط الجبد وترفع الضغط
اذا احنا اللي بعيدين صار لنا كذا اجل شلون صاحبة الشان لطيفه شنو بيكون احساسها .
حرام عليك يامشعل سنو ناقص بنت عمك عشان 13 سنه ماقدرت تحبها مرة فيها كل الصفات اللي يتمناها اي رجال في الدنيا قايمه بكل واجباتها وعاطيتك حقوقك وتعاملك برغم قسوتك وجفافك معها احسن معامله وفي الاخير بكل سهوله تقول لها بتزوج عليج اي عرف واي عقل او اي منطق يقبل هالكلام اتوقع ان العيب والنقص فيك يامشعل وماراح تحس بقيمة لطيفه غير لما تفقدها وذيك الساعه ردد ياليل ماطولك .الله عطاك نعمه وانت ماقدرتها ولا عرفت قيمتها فشوف حياتك بعد ماتنسلب منك النعمه .انتي يانفاس مو تقولين مشعل يقدر ويحترم لطيفه انا من وجهة نظري ان التقدير والاحترام مايجون الا من حب لان لو كان انسان يكره انسان ثاني فمستحيل راح يحترمه ويقدره وانا حاسه ان مشعل يحب لطيفه بس اهوا مو حاس بهالشي يمكن لانها قايمه بواجباته على اكمل وجه ومو ناقصه شي يمكنها ماتجلس تسالف معاه سوالف عاديه مثل عن شغله وعن اهلهم واولادهم يمكنه يحس بالملل لان حياتهم رتيبه مافيها اي مشاكل ومشعل يبقي اكشن في حياته زي الناس اتوقع مشعل يبقي مرة تحتويه وتحتوي قلبه بس لطيفه يمكنها ماقدرت توصل حق هالشي بس اللي انا متاكده منه ان مشعل لو فتش في اعماق اعماق قلبه بيلقى نفسه يحب لطيفه .اتمنى ان لطيفه تتركه فترة وتهمله شوي يمكن يحس فيها .
واتوقع بما ان لطيفه تحب مشعل وتعشقه فردة فعلها على موضوع الزواج انها بتقوله مبروك وانا بروح اخطب لك لان في ناس من كثر مايحبون الشخص الاخر يتمنون له السعاده حتى لو كانت هالسعاده مع الغير ادري توقعي طاش وخرطي .
راكان واخيرا انكشف سر اضرابه عن الزواج شهامته ونخوته خربت حياته خلته يتخللى عن حبيبته موضي وسكر باب قلبه الى الابد بس لاتخاف ياراكان انفاس ماراح تخليك من غير زواج الا ماتدبر لك حل حق موضوعك ويمكن ترجع لك موضي اللي عايشه في هم وغم مع زوجها اللي يصبحها طراق ويمسيها طراق الله يعينها مع هالمريض النفسي ويمكن تطلع الشخصيات الجديده وتزوجك انفاس وحده من اللي بيطلعون .
ناصر الجريء ومشاعل الخجوله اللي تستحي حتى انها تشوف صورته اجل شبتسوي اذا تزوجته وشافته على الطبيعه اكيد بيغمى عليها من الحيا .
العنود الله يعينج على فارس اللي متحلف ومتوعد انه يربيج حرام عليك يافارس البنت ترى دلوعه وحساسه ومدلله ماتتحمل صراخ وتاديب خف يابن الحلال عليها بس انا حاسه انها اهيا اللي بتادبك وبتربيك اذا من صوتها ماقمت تنام الليل وقمت تغار عليها اذا شفتها وش بتسوي الجواب عند انفاس .
بكينام الظاهر ان هيا صادقه وان الجرسون يمكنه مصري شكلنا بنشوف قصة حب مصريه .
الجده هيا الله يصبرها هالشهرين على ماترجع حفيدتها هيابس الله يستر ليكون تكون هيا قاسيه مع الجده بسبب اللي صار لابوها من اهله الجده في هالحاله ماراح تستحمل القسوة والله يعين هيا من اللي بيجيها من مشعل عبدالله .
مشكورة انفاس وتسلم ايدينك واعذريني على عدم ردي على البارتات اللي قبل تعرفين اجازة وطلعات وجمعات وعندنا زواجات الله يعين وننتظرج .
وجه الصباح /اللبؤة

السلام عليكم ورحمة الله وبركاته





آخ آخ يا قلبي من قفلة اليوم
خلتني استنى بارت بكره على ناااااار
من جد أنها ليلة طويله مررررره ويا عالم كيف راح تنتهي على يد انفاس قطر ليبدأ يوم آخر يحمل حياة جديد للأغلب الشخصيات






::مشعل بن محمد::

بطرااااااااااااااااااااااااان وما يحمد الله على النعمة اللي هو عايش فيها
ابغى اعرف هالرجال ايش اللي بيرضيهم
لو عندهم حرمة آية في الجمال وتولع اصابعها شمع من غير نكد واسئلة ... طفشوا من الحياة وحسوها روتين ممل
ولو عندهم حرمة نكدية تصبحهم بمشكلة و تمسيهم بمشكل ومقصرة بحقوقه ... برضو طفش منها ومن حياته معاها
تبغى تتزوج يا مشعلوه ... روح اتزوج مين نحنا حتى نمنعك وربنا حللك اربعة
لكن قديمك نديمك يا باشا << يا نه رافعلي ضغطي اليوم الصباح




::لطيفة::

أما انتي حكايتك حكاية
يمكن زواج هالمشعل هو اللي يخليكي تتغيري وتفوقي من هالحب الأعمى والحياة المثالية الباردة الي عايشتها معاه
بس طلبتك يا بنت آل مشعل ... وافقي على زواجه
ووريه وعلميه ان مافي مثلك اثنين وكوني ند له ونكدي عليه حياته



::راكان::

وهـ فديت الشهامة والرجولة اللي فيك يا ركوني :D
صح يمكن رغبتك بالزواج مع المسؤولية الي شلتها و الخوف من ان يكون مصيرك زي مصير عمك
لكني متأكده انك زيك زي بني آدم ... نفسك تسمه و تحس كلمة "يبه"
هل ممكن اللي فقدته بسبب شهامتك ... يرجعلك بيوم مع العلم انه حبك القديم مو نفس الشخصية
جزء من موضي راح مع حياة الرعب اللي عايشتها مع حمد




::فارس والعنود::

انتظر بشوق صراع آدم الساخط الناقم بسبب إهانة "الجنس الثالث" مع حواء بكل ما تحمله من أنوثة وطفولة




::الجدة هيا::

رائع ومؤثر هذا الوصف لاحساسها ومشاعرها نحو من فقدت حضنه بسبب الكبرياء
وكم ارتقب لقائها بسميتها اسما وشبيهتها قوة وضعفاَ




::باكينام::

اي ده يا بت يا انفاس
باكي دي توووووووووحفه خالص
<<نرجع للهجتنا
متشوقة حتى اشوف تأثير صراع الحضارات في عروقها
ومتشوق أكثر للمكسيكانو اللي ممكن يكون ابن الاهرام بكل عزها وعنفوانها





أنفاس قطر

سلمت يمناك
وبالتوفيق لك ولبنت الخالة