هلا وغلا بام سعد او سعود او سلطان او سطام او سامر عاد انتى اختارى مع انه كل شى يليق عليك


الله يحفظه لك


مريم تجنن هى وسعد وعجبنى فيصل واحترامه لمريم وفهيدان الله يعين مريم عليه بس اتوقع ما راح يطول ويحبها لانها تنحب


راكان وااااه من راكان يجنن هو وموضى متى بس يبعرف بحملها


العنود وفارس والله ماله داعى ترد عليه بكذا لو سافهته كان اهون عليه

كذا كبرت السالفه


لطيفه خفى على ابو محمد خلاص جاه الى كفاه وزياده


خذى راحتك نفوسه نستناك يوم الاربعاء على نار

السلاام عليكم..

يااهلاا وغلااا.. مرحباا مليااار بام ســـ..... اقوول نفووسه لاايكون تقلديني واسمتس مثل اسمي ( ام سيف ) هخهخهخهخه
تدرين والله اني كنت مفكره صدق ان ولدتس الله يحفظه ياارب ويخليه لتس اسمه عبدالله.. مدري والله من قال لي ان اسمه عبدالله؟؟؟ واذكر اني قلت ياا هالاسم على اسم ابو زوجها او هي مسميته على اسم اووول بطل في اوول قصه لها.. قصدي طبعا عبدالله بعد الغياب..>> شووفي كيف افكاار الخبلا توديني الا لاازم الصقها بالقصص.. هخهخهخه
عموما حتى لو اسمه بحرف السين ..هو باذن الله عبدلله.. الله يحييه على الطااعه والايمان..
لحظه ولدتس اسمه.. ســي حسين.؟؟.هخهخهخهخه

تدرين نفووسه.. لو انتي شاايفه كلامنا وصراخنا وندائتنا وكنتي ساافهتناا كنت مستحييييل اساامحتس>> ايواا يااخطيره انتي ياابنت..هخهخه
لااااااااااا وبعد لوو تدرين فيه ندااائاات محذووفه يعني مااشفتي لما وصلنا المغرب وماليقينا باارت وشلوون صاارت الندائاات..هخهخهخه
يااحبي لنم نم بالله سلمي عليها المراسل الخااص لتس..هخهخخه والله له فقده ولها وحشه.. وخااطري بهووشه اناا وياها.. قولي لها تجي عندي كلمتين لفاارس ودي اقوولهم اذاا شفتها هنا..هع هع هع
اما بالنسبه لجزء اليوم احب اقوول .. ان العنوود هذي اكبر حمااره بتااريخ الامه العربيه.. الرجال مرسل لها شووق وعذاب وهي مرسله له لغز وتبيه يفكّه ويجي له مزاج يفهم العكس.. نلعب حنا ياا عنيّد ؟؟ يااخووفي بس مااتصبحين الا على ورقة الطلاق بين يدينتس؟؟
ياا اختي انتي ذبحتينا ومصختي السالفه.. الوحده اذاا زعلت يكون لها مطالب .. وهالمطالب يكون عليها شهود.. انتي مطالبتس تبينه يجي ويعتذر .. مع انتس عاارفته رجال(ن) رااسه ياابس.. ليش ماا اعتبرتي رسالته هذي نوع من الاعتذار..؟ انا والله شفتها كذاا شفتها جمعت بين الاعتذار والشوق والاستعطاف ... تبين الصدق العنود انتي غبيه لو وحده معها مخ.كان استغلت هالفرصه واتصلت وتكلمت معه شخصيا.. يعني بدال مااتميلحين وترسلين سمعت اخر خبر هذي وماتبعها اتصلتي وشفتي وش مووية الرجال.. والا المسكين وش بيحده على هالرساله بهالوقت الا شي(ن) عظيم من الوله والشوق.. وبقمة شووقه وعذابه ووله.. اصبتيه بمقتل بكراامته بمثل هالكلام.. هو يقول تعبان ومشتاق وانتي اكرهك.. وش متوقعه اكبر اهاانه له من هالكلمه..؟؟ بس تدرين ياا العنود جرااتس ومااجاتس تحملي اللي بيجي لتس منه وانا اتووقع انه بيكون شي يبعد بينكم اكثر من ماا انتم بعاد..
مستغربه مرره مرره من اهلكم.. ؟؟ كيف مخلينكم كذاا مالكم كبير.. الواحد يزعل يوم يومين ويسكت ومايتكلم لكن اذا تطوور الوضع لاازم الاهل يتدخلون ويشوفون المشكله..؟ مستغربه من ابوتس ومستغربه من اخوانتس .. يسكتون عنكم عشان فارس مايحب احد يتدخل بحياته؟؟؟ وش هالمنطق عندهم.!!. الكل عارف ان فيه مشكله وماا احد تكلم لازم ياقف فيها الحين واحد من عقالهم.. ويفتون بالامر يااا يحلونها بينكم وديا والا يقولون مثل مادخلتوا بالمعروف تطلعون بالمعرووف.. والله لو صار هالكلام ان تطييييييير العنوود بدوون قشها لبيت فاارس وان يطير فااارس لقناة قطر الفضائيه يعتذر لها قدااام كل من ياصله الارسال.. يعني الملاايين بيشوفون اعتذاارك يااعم وتروح العنطزه على الفاضي....هخهخهخهخهخه
استحوا عاد على وجيهكم لوعتوا كبودنا .. والله الحين كل مااشفت اساميكم مع بعض قلت الله يجيرنا من خبالهم وش بيسوون الحين؟؟>> يااا حبي لي وانا عااقله واحدّث على الخبوول..هخهخهخه

لطيف ومشعل : وهـــ عاد يالطيفه مصختيها يالبااااااااارد..

مريم وسعد: يااويلي عليكم انتم والله النقطه البيضاااء بهالجزء .. انتم والله اللي توسعون الصدر هنا.. مريم ياا جعله والله سعيد ومبارك هالزواج والله يووفقتس ياارب مع سعد.. اعجبني كثييييييير تصرفتس مع عيال سعد واعجبني اكثر احتراامتس لنفستس قبل ماتحترمين سعد لما طلبتي من فيصل انه هو اللي يغرف لتس من الغدااء.. والله انتس تستااهلين كل خير وباذن الله نشووف عيالتس انتي بعد..
وسعد يااا ويـــــــلي على روماانسية الاربعين.. تهبببببببل.. بس بقوولك شي .. لااتدخّل بين مريم وعيالك خلها تدبر امورها معهم.. وباذن الله بيكون كل شي تماام..

نجم القصه وسبب صيحاااااااااات الاعترااااض من يووم السبت الى يووم هذا اليووم .. ركووووونـــــــــي ومووضي..
تدرون والله العظيم خااطري ادخل بعصاا عليكم واكفخ كل واحد فيكم على رااسه واقوول لكم ان شفتكم تطرون كلمه اصحاب هذي مرره ثاانيه قطعت السنتكم انتم تحبون بعض يااا خبووول... وهـ قسم بالله بغيت اطق واناا اشووف اللقااء تاخر بسبب النووم.. هذي نايمه ولما صحت العمه موضي الا طويل العمر نايم ولما صحى الا هي ناايمه.. وقسم بالله بغيت اشق هدومي من نوومهم قلت لايكون مشهدهم كله شخيييير..؟؟هخهخهخه
اي والله خفت يروح الموقف كله نووم الى يووم الاربعاء لين تصحى ست الحسن والجمال.. .. بس الصراااااحه لما صحصحواا عطوونااا لقااااء شبه حلوو.. اهم شي فيه ان راكان ارتاااح مرره من ناحيه مشاعر موضي من حمد.. خليهم يرتاحون مرره ونشووفهم مثل خلق الله .. اتمنى اعرف وشلون بيعرف راكان عن حمل موضي.. يمكن هو بنفسه بيشوف هالتغيير عليها لانه طووول الفتره اللي فاتت من خذها وهو يعرف كل حركاتها تقريبا.. ويمكن يلاااحظ انها ماقمت تلبس الكعب ؟؟ وماا ادري بس اتوقع ان راكان بيعرف من نفسه مو لان موضي بتقووله عن الحمل؟؟ بس اتمنى عاد انه يفرح فيه ويستاانس ويعتبره احلى هديه من الله.. مو يقلب الخشه ويجينا عاد البرستيج الماصخ وانا غلطان وهالشي ماكان لازم يصير..؟؟مع ان شخصية ركووني مو كذا..>> يعني نفووسه موو تخربين الهيبه ببعض العباارات اللي تجلط..هع
ناصر ومشاعل : عساااااااه دووم ياارب هالتفااهم والعقل .. يااخووفي بكره نشووف بلااوي بعد 3 اساابيع..

باكي ويوسف: يااعيني على ولد النيل لما يشغل مخه ويستغل معلوماته..هخهخهخه احسن هالباكي يبي لها تكسير رااااس من زمان بس ياليت ماقلت لها ان اللي صاار خطه منك ..بس اهم شي انها بدت تفقد دفاعتها وخصوووصاا وهي مكشووفه لك..هع هع هع

نفوووووسه متشكريــــــن اوووي اوووي على الجزء الحلوو هذا.. بس واللي يسلم عمرتس خلي ركوني يكتشف حمل موضي بذكائه ودهائه.. وبعد ثلاث اساابيع باذن الله بنلقى هيا ومشعل ردوا وحمل موضي عرف فيه راكان.. بس لااتخلينهم يعرفون انمه مو اصحاب.. لاا هالمعرفه نبيها تكوون على الهواااء مبااشره وبمشااركه منا حناا يالملااقيف موو خلف الكواليس..هخهخهخه. خلينا نفرح مع ركوووني برجوع حبه الاول والاخير لحظيرته..
اممممم تدرين والله خاايفه ان حمد بيصير له شي .. وغير هذا متووقعه وبقووه ان الجزء الجاااي بيكون فيه بداايه قوويه .. يمكن تكون محزنه وممكن تكون مفرحه.. ؟؟؟
ومشكووووره يااا ام ســ.... على امتااعتس لنااااا برواائع القصص ..

السلام عليكم ورحمه الله وبركاته

مرحباااااااااا نفوسه
في البدايه والله العظيم موب عارفه وش اكتب حروفي عاااااجزه عن التعبير
القصه من بعد رمضااان صارت خياااااال بصراحه عشان اكون واقعيه
كان يقلل استمتاعي بالبارتات اللي قبل رمضان قصرهابالنسبه لي
الشئ اللي تجاوزناه معا بعد عودتك
اول شئ
فارس والعنود بصراحه فارس يستاهل اللي يصير فيه لانه هو اللي بداء وكانت عنوده معطيته فرصه للعوده وهو اللي خسر فرصته احسه اناني مايفكر الا في مشاعره كرامته وهي وين راحت مشاعرها يوم مد يده عليها ويوم رفض يعتذر لها قدام الجده
وجاي الحين يقول لها انه تعبان طيب اوكي ليش ان شاء الله حضرته يفسر كلمتها اكرهك بالمعنى البعيد عن اللي تقصده اكيد لسبب بسيط هوانه اناني يحبها بس بطريقته هو البعيده كل البعد عن احساسه بمشاعرها

موضي وراكان روعه هذولا الثنين ملح القصه منتهى الشاعريه يحسون في بعض كل واحد يفكر في الثاني اكثر من نفسه وهذا منتهى الحب واتوقع موضئ تطلع حامل بس انشاءالله يكون الحمل بادرت خير عليهم اخاف ان راكان يتوقع حب موضئ لهبس ردت فعل بسبب الحمل
مشعل ولطوفه هل يعقل انك يا لطوف لستي الا ممثله بارعه ام ان جرحك اعمق من كل حب بنيتيه بينك انتي ومشعل امان ثقتك بحب مشعل لم تبنى في يوم ما
باكي ويوسف باكي كوني حذره امامك منعطف عاطفي يوسف بداء يلعب فيك ويحركك مثل الدميه

يوسف برااااااااااااااافو عليك عرفت تلعبها صح بس خلك مستعد اللبوه تنتظرفرصه عشان تاخذ حقها منك يا الاسد

حمدمن جد اليوم تاكدت بس انك شفيت بسبب عبارتك

[SIZE="5"] السلام عليكم ورحمة الله وبركاته


مقبول جدا يا حياتي يا ام سلطان.... اظن اسم سلطان احلى اسم من بين الاسامي.... وحنا سامحينك على اللي صار .... ندري حننا ملاقيف ونبي تعرف كل شي بسرعه...... بس لو تشوفين الرسائل الخاصه والنداءات كل عشان نعرف البارت الياي.....

اقول نوفي تذكرين شو توقعت لج قلت لج راكان ما بيصحي موضي بيفرش وبينام عدالها... يعني توقعاتي فيها جزء صحيح..... بس ليش يا راكان هاجس التردد والتوجس من ردة فعل موضي ليش كل هذا ,,,, هي قالت اشتقنالك ... وهذا ردك عاااادي جدا كانكم صدق اصحاب ؟؟... اظن انك انت اللي يبيله يعدي مرحله عوده حمد ويتعالج مش موضي .... موضي خلاص بخير وعايشه حياتها معاك بس الخوف منك يا رااكان ... لين متى بتصبر وتكبت مشاعر اخرتها تشرد مثل اخر مره رحت فيها الكويت ؟؟,,,, ليش ما تقولها اللي تحس فيها .... احلى شي استغرابك ثقل نوم موضي وهي كله راقده ... وانت ماتعرف ... موضي لا تخبرين راكان بحملك لين تكسرين الحاجز اللي بنيتووه اصحاب... خوفاتي راكان يتلوم على حمل موضي هو صحيح بيفرح وبزعل في نفس الوقت.... اذا بعده ما يعرف مشاعر موضي ولا موضي تعرف مشاعرها ناحيته.... احس انهم تايهيين عن بعض....


يقولون احذر الحليم اذا غضب.... وهاي العنووود شكلها بدمر كل شي بينها وبين فارس تريد تحطم كل شعور فيه اتريد لو الود ودها تزنطه وتكفخه على سواته ليش ايسوي فيها كذا .... اهيه اتشوفه متكبر ومغرور ويحب نفسه..... ماتشوف فيها انه رجال وله هيبته من سنين اخر شي اتييي هالمفعوصه اتريد تركب راسه وتنخه... لا ما عاش.... بس للاسف يا العنود انتي حطمتي فارس كسرتيه كسر الله العالم وش نفوسه بتسوي فيه تالي..... الله يهديكم على الصالح انشاء الله ....


بعدج بااااااااااااااااااره يا لطيفه جدا برودج صاير بايخ ... بنشوف سيرة العمره وش بتسوي فيج .... اكيد مشعل بيتكلم معاج باللي يريحج انشاء الله .....

هيا ... انا احس المره في فترة الحمل اتصير جدا جدا اتصير حساسه خصوصا في مسألة الغيره تغار على زوجها بسرعه ... ف اشوفها جد عايه من هيا انها تغار عليه في هالفتره..... بس يعجبني تعليقاته عليها ... كانه يصب عليها كوب ماي بارد هاهاهاها......
[COLOR="DarkSlateBlue"]
انييي على العروس... ماشاء الله عليها .... انسانه واثقه وراكزه... يا خوفي فهيدان يطلعها من طورها ... بس عندي احساس بدق صداقه قويه هي وفهيدان وبينتقل الكره الى الحب .... بس شكله فهيدان بيحاول يثبت شخصيته عليهم .....لو بالكلام العوف ... فيصل الله ايوفقه الحبوب والله حبيته شخصيته حنونه على مريم .... اخيرا سعد والله يعينك على اللي جاي من عيالك ....
[/COLOR]
بس تدرين انفاس تعودنا انقوم الموعد الصباحي .... بس الحين الموعد الظهر بيناسبني جدا جدا على الاقل اقوم اخلص شغلي الصبح لاني صايره ما اطلع لين اقرا الروايه ....[/SIZE]

مساء الورد لكل نبضات القلب
موعدنا بكرة تقدم إلى 8 الصبح
لأنه ولدي عنده موعد الظهر وأخاف أتأخر عليكم
فخل نحطه بدري
ونهاركم موفق
والسلام عليكم ورحمة الله وبركاته
.
.
.