بتصدقون بنات ولا لا اذا قلت اول مره احس اني ماعرف ارد على معشوقتي اس الهجران
كل مره ادخل باكتب ردي اقعد خمس دقايق او اكثر بعدين اطلع لين توكلت على الله وقلت مابدهاش يبنت لازم تكتبين اي شي
كله ولا آسى الهجران اختس انفاس مهوب ان اللي اخلي بارت مارديت عليه وانا بكامل صحتي وماعندي اي ضرف يمنعني



اقولكم ليش ماقدرت اكتب بلاي ولله ضعيفة الله موضي
كل الابطال ماعليهم شر ياخذون حق ويعطون حق
لطيفه بيدها تنهي مهزلتها اللي هي مسويتها
مع اني اشك مثل ماقالت ابلا اراده انه بارده هي تحاول تتصنع البروده ولا مافيه زوجه تحب زوجه ويكن لها كل ذا المشاعر ولاحترام وتسوي معه كذا طول 13سنه وهو بار معها وهي معطيته كل مشاعرها والحين يوم عطاها تصده

وبعد باكي بيدها توقف المهزله الطفوليه اللي مسويتها مع يوسف
ومن زين الحلا تمنى انه اللي عند الباب
انا كيدهنا عظيم

العنود بعد حقها هي وفارس وماجاهم كل واحد منهم غلط على الثاني
ويبون الصلح ينزلون من برجهم العاجي ويتواضعون شوي
كل واحد منهم يقول يارض اتهدي معليكي ادي


ان ولله مقهوره من حال موضي وماراح يحس بموضي الا كل متزوجه وجربت اللي موضي فيه تخيلي زوجتس مشتاقه له ولشوفته وصايره على سنقت عشره ثم يدقتس ركبه ويسافر ياشيخ كان قمت من اقعادك في المجلس عند الرجال ورحت شفتها لو خمس دقايق عن خاطرها
ولا متزينه ومغيره الوك والكل يعرف انها مسويه كذا عشان راكان
ومن حبابتها ابلعت الغصه وماتشؤهت ولا زعلت بالعكس قدرت ولابغت تحسسه بذنبها
مره ثانيه اعملت استعدادها وزادت من زينتها ورجع دقها ركبه
وسوا فيها( معتز الابضاي )وقعد مع الرجال
كن مال الرجال اهل يجونه الله وكبر وشي العمليه كلها زايده ماتبي هذا كلها
ومع ذالك ماقالت شي وشجعته على الخير وهي بتموت من الحسره
وفوقها الفشيله ياخسارت افلوس لحناء اللي عادت عليه يالله يركون تبيها تعيد عليه ثالثه بعد
تراها صعبه صعبه حيل يراكان
ان كان زوجي مسافر برى 12يوم الشغل وفيوم رجعته قلي طبعن وقال بجي اخذتس من عند اهلتس العصر وماراح نرجع للبيت طبعن بتكون طلعه خاصه تدرون متى دق علي يقول يالله اطلعي الساعه عشر بالليل بدال ارنع العصر
كل هذا وانا كني موضي متزينه ومغيره الوك وعبايتي في يدي وشنطتي جنبي انتظره ومن زينه مادق يقول بتاخر
لو تشوفون وجهي محترق من الفشيله من امي واخواني وابوي
اللي يواسين ويقول عنده ظرف دقي عليه شوفي وانا خذتني العزه بالاثم ليش مادق هو قال سبب تاخره واللي يضحك ويعلق علي اخوي اختي اشوفها
فيهم الفشيله ان شاءالله مع اني معاد قدرت اصبر من صارت الساعه سبع الا ربع بس اشو جاني اخوي وقال شفته في المسجد هو وخواله وقعد يستهزء علي ويقولي ماحاب خبرتس ولاهي مع خواله واهله انتم عاد تعالو شوفو الكحل سال والعيون انتفخت والوجه ورم من الصياح وطلعت فعلن بلوك ثاني الله لايوريكم صرت كني شيما علي حتى براطمي تتفخت
ويوم جت 10 شرف عمي يقول يالله نمشي طبعن انا ماسويت زي موضي حست خذت حقي عشان مايتعودها وشذا العدم مبالات كن اللي وراه لوح مهوب مره على الاقل تلفون طمنها ماعليه مش لازمه الروحه لو عندك ظرف بس دق عط خبر
دق جول طبعن سفهته ارسل اختي الصغيره قالت عيت تاليتها نزل وعيت اطلع عليه حاولت امي حاول ابوي وعيت لين بكره جامره ثانيه واعترف وتاسف
ولا الان وهي غصه بحلقي وذاله ابو ابوه كل شوي مذكرته فيها
وهو يقول يابنت الحلال ماصارت احسن عشان يتوب
غثيتكم بس ولله حبيت اوضح ان اللي صار الموضي شي مهوب هين عليها
ويوم عدتها الراكان كبرت بعيني وبينت انها حرمه سنعه بمعنى الكلمه ظغطت على نفسها فوق الاحتمال ولله ان جنسها قليل وربي عوشها بالحمل
ربك عاد تقدر ياراكان
انفاس تكفين ريحي قلبي عليها وخلي لقائها براكان غير ماتدرين وشكثر مستهمه تقل صدق السالفه واعرفها وضايق خلقي عليها
وان شاءالله يكون لقائه بموضي غير خاصه انها بتوري راكان تغيرها وخاليهاتكفين تلبس الفستان الاسود


انفاس نطلت اعقالي حدر رجلينتس وطلبتس ماتكون ذي اخر قصه تكتبينها
انتي مثل الادمان مانقدر نغيب عنتس وحتى انتي احس ماتقدرين تتركينا
ولله حرام مثلتس يغيب
ولتس وقتس بالتوقف مع اني اشك انتس تقدرين تصبرين عنا مثل ماحنا مانقدر نصبرعنتس
مثلتس انتي انفس اذا حب حب بجنون ويضحي عشان اللي يحبه ولله ماقول كذا مجامله لاولله هذا شي حسيته والدليل الضغط اللي تضغطينه على نفستس عشان ترضين قرائتس
وبعدين اطلبي اي مساعده تعينتس على مواصلت الكتابه ماراح نقصر لو تبين عنيت لتس بقطر
وبعدين بنت الخاله وينها الفزعه يبنت الخاله نخيتس توقفين مع انفاس بتربيت الصغينون عشان تكتب قصه ثانيه
ولله انفاس مانقدر على غيابتس بننتظراتس ان الله احيان على الطاعه

NoOoFy

ياحبيلتس انتي وسوالفتس ..وانا اقول وش عندها المره منقهره لحال موضي ؟؟؟

اتاريتس مجربه ...الله يكون بالعون ..ساعات احس اني ماأقدر امسك اعصابي

اقصد دميعاتي اذا صار لي مثلتس او مثل موضي ..

بس موضي احسها بهالموقف اعقل من لطيفه ..اللي كل اشوي منتفخه ..>>الله يهديها

وانا اتوقع ان راكان كل اشوي مطلع له عذر ..ويبي الهروووب باي وسيله ..

ويمكن لحظة غيابه تنكشف اوراقه لموضي ..في نفس الوقت اللي موضي

تختبر نتيجه الحمل وتصيير حاااااااااااااااااااااااااامل ..

لحظتها انا مع (ماما زارا) اكيد هي اللي تروح له.

عندي احساس ان موضي راح تسوي المستحيل علشان

ماتخسر راكااان خاااصه بعد ماتكتشف..

انهم عشاااق وليس اصحاااب ..!!

نفووووووووووووووووس يالغاليه ..

احنا مقدرين ظروووفتس الجديده ..

بس اذا في بالتس( فكره لقصه ثالثه ) فلا توأدينها الله يخليتس حاولي انتس تسقينها الين تكبر

حتى لو طااال بنا الوقت ..وانا مع نووووفى راح ننتظرتس ..

مســــــــــــــــــــاء الأوركيد

عيدك مبارك ياانفاس ,,,,


بارك الله لك في الموهوب لك، وشكرت الواهب، وبلغ أشده، ورُزِقت بِرَّه


================================

مشكوره على البارت او بمعنى اصح 3البارتات .


الاحداث قويه واغلبها جوهريه ,,,,,,

كان في زلزال صار وتأثر فيه 3 ازواج وكل وحده فيهن كان رد فعلها مختلف لكن القاسم المشترك

كان واحد وهو العقاب .

بعد مدة من الزلزال وبعد ماانطفى الغضب ,,,,,,وصفتي لنا مشاعر الزوجات الثلاثه

باكي والعنود لحد كبير في شبه بينهم وهو ,,,,الشوق والحنين ومن ثم الكرامه وصح الكرامه

مطلب اساسي لهم لكن شوقهم واحنينهم اكبر.

لكن لطيفه غير اصلآ طلعتيها من صفهم وخليتيها بفلك لحالها


وين شوقها وحنينها وعشقها لمشعل ماوصفتيه لطيفه صارت لمشعل مثل العروسه الخزف

الشكل الخارجي غاية بالروعه لكن من الداخل مجوفه مافيها الا الهواء.


ممممممم

السبب ان عتب علاقة لها شهرين او ثلاثه مختلفه تمامآ عن عتب علاقة مدتها 13سنه.

=================================



راكان وموضي


أساس علاقتهم قوي جدآ يمكن لانه انبى بدرجه الاولى على الاحترام

موضي صارت مكملة لراكان وهو صار مكمل لها ,,,,بعدهم عن بعض بيتعبهم كثير


لكن ولا واحد فيهم عرف مسمى هذي العلاقه لان السبب بسيط جدآ ان اثنينهم خافو وهربو

من مسمى الازواج وبدون علم منهم دخلو بعلاقة وهي مثل ماقالت العنود ((عشاق))

لفت انتباهي حوار راكان مع نفسه بعد مقابلته لحمد .


(تزوج موضي لأربع سنوات
كم مرة لمسها خلال هذه السنوات؟!! وكم مرة ضربها؟!!
كم قبلة قبلها؟!! وكم مرة أدمى شفتيها بصفعاته؟!!
كم مرة أمسك بأناملها بين يديه؟!! وكم مرة اعتصر أناملها بقسوة؟!!
كم مرة مسح على شعرها؟!! وكم مرة مزّق شعرها؟!!)

يمكن انه بحمية ولد العم انقهر من حمد ,,,,,,,,,,,لكن كان سؤال جملة الغيره تجي قبل

سؤال جملة الحميه!!!

قهره بدرجه الاولى انه لمسها وبدرجه الثانيه انه ضربها ,,,وقهره انه باسها اكبر من انه ادمى

شفايفها!!!!

ممممم بالنسبه للقائهم ,,,,انفاس كان موقف لقاهم الاول بالبر غاية بالروعه وهو كان لقاء

وجوه واجساد ,,,,,,اتوقع لقائهم بعد ماتغيرت ارواحهم له وصف ثاني حتى ولو كان لقاء

روتيني مثل باقي الازواج.


=============================

مــــــــــــــــــــــــــــــــــريم وسعد

واخيرآ جاء وقت زواجهم ,,,,الكل مستانس عشان مريم لكن مريم بعالم ثاني .

احس انها ودها يرجع الزمن لوراء وترفض سعد وتكون حاليآ وسط عاليتها وعالمها وبس.


بتقولين لي مريم مو كذا شخصيتها لكن لو حللتي شخصيتها بتلاقين كلامي صح.

مريم شخصية غريبه جدآ

ماسمحت لاعاقتها انها تحرمها من شي ابد ,,,, او بمعنى اصح ماخلت العمى يكون شماعه

لفشلها ,,,,,,انسانه مثقفه قارئه نهمه لكل كتاب جديد للبرايل ....تكره ان احد يعطف عليها

او حتى يقوم بواجبها بالنيابه عنها لانها كفيفه (نقطه مهمه)

والاهم عندها قدره انها تعرف هوية الشخص من قبل لايدخل عليها والدليل ان مشعل اخوها

غير عطره عشان يخدعها لكن فشل .يعني سهل جدآ انها تعرف وهي جالسه ان

اللي داخل هو سعد او احد ابنائه يعني عمية بصر لكن مو عمية بصيره

عندها فائض من الحنان والامومه عشان كذا اظهرت امومتها وحنانها للعنود , شخصيتها

ايجابيه وهاديه وبسبب هذا صارت ملجئ لأخوانها واختها في حال قابلتهم مشاكل.

حبها لعيالتها ماله وصف عشان كذا صارت حياتها تدور بفلك عايلتها وشغلها فقط.

دينمو بيتهم كانت ست البيت الشاطره والمضيافه الكريمه وبنت العم اللي جبرت الكل على احترامها


طبعآ بعد كل ماسبق وذكرته يخلينا نقول مريم شخصية ماينخاف عليها ,,,,,لكن

ينقصها شي مهم جدآ ((ثقة الانثى بنفسها))

هي عندها ثقه بنفسها كأخت وكأبنه وكاموظفه لكن ماعندها ثقه بنفسها كزوجه

وتشوف ان الفشل حليفها بهذا الزواج لكن مجرد انها تدخل بيتها بترجع

تشتغل عندها حاسة الشم والسمع وبتطلع شخصيتها الحقيقيه وثقافتها وشخصيتها الحكيمه

الهاديه بتكون هي العلاج لابناء سعد.

ممم بالنسبه لسعد عايش في بيت ماينقصه شي لكن ينقصه اهم شي

روح الانثى سواء زوجه او ام رغم عدم تقصير ام فارس وابو صبري لكن

مريم بيكون دورها مبهر في البيت ...


لاتخافي مريم اخوك مشعل شاف الموضوع من زاويته الصحيحه

==============================

مممم طبعآ انتي اللحين تقولين اشوا عدت سفرة سنغافوره وارتحت من حنتها لكن في موضوع

ثاني بحن عليه ,,,,ممم متى بتعرف باكينام شلون يوسف عرف بشامتها؟؟

===============================

انتظرك بأذن الله

أشكرك على انضباطك بالمواعيد وتعاملك الراقي وبالك الطويل