بارت مؤلم جدا وبدت الصفعات اسلوب لعيال آل مشعل الكل اخطئ لكن لايستحقون مثل هذه الصفعات

لطيفة \ من حقها تغير على مشعل وايضا من حقها انها تطلب هذا الطلب وانه يفك الشراكه وحتى لوكانت واثقة بزوجها فالحريم حيايا من تحت لتحت تنتظر الفرصه حتى تنهال على فريستهابالوقت المناسب ولكنها لاتستحق منك يامشعل هذه الصفعه التى مانعلم مالذي يحدث بعدها وحتى ان قالت (انت منت رجال) فالانسان حين يغضب لايعرف ماذا يقول وفوق هذا هو غلطان بعد

العنود \ اكبر غلط انج رحتى بدون اذن زوجج ومهما خبيتي علية لابد في يوم ويطيح الزوج على زوجته اذا كانت تذهب بدون علمة ولكن ايضا لاتستحق الصفعه منك يافارس فغيرتك جنونية عليها
والله العنود تكسر خاطري تحب زوجها بمعنى الكلمة وتطيعه بكل شي حتى لوكان هذا الشي يضايقها ويمنعها من حريتها لابعدحد لكن الى متى ....

مشاعل\ ماذا يحدث بعد الحفل هل ستكون موجوده بالبيت وتفاجئ ناصر بتواجدها وباناقتها وزينتها وماهي رده فعل ناصر

مووووووووووووضي وراااااااااااااااكان
احس حياتهم اصبحت رائعه مع انهم اصدقاء لكن كل منهم يحمل مشاعر للاخر والانجذاب بينهم سيزيد يوم عن الاخر حتى يعشقوا بعض
موضى بما انك تخططين لمشاعل لماذا لاتخططين لنفسك
امانه انفاس ابي كل بارت يكون فية موضي وراكان

ونحن في الانتظار
ويعطيج العافية يارب وتقومين بالسلامه

لااااااااااااااااااا وش ذا لازم نسميه بارت الصفعات العالمي مالهم كل واحد فيهم فارد عضلاته بصراحه انصدمت بس اكتر وحده مظلومه باكي الكف ما تستاهله بصراحه والعنود يعني تترجى وتعتذر كان لازم يتحكم بحاله ويعطف عليها مو يحبها بس الصراحه لطيفه تستاهل وما تستاهل لانها طولت لسانها واستفزته بشكل كبير بس هي مدفوعه بغيرتها وكان لازم يفهم الموضوع انه اكيد صار شىء مو فجاه تطلب منه تدخلات بشغله الي طول عمرها ما اتدخلت الله يعطيكي العافيه بجد بارت روعه ونحنا نبي وقت نستوعب الصفعات الصراحه هههههههه بس اهم شيء ما يكون نتيجه شغل وتخطيط موضي ومشاعل عالفاضي ويلاقي هجوم مسلح وننتظرك عنار يا عسل

يوووووووووووووووووووووووووووووووووووووووووووووووووووووووووه
بارت اكثر من رائع بارت حماسي بس يقطع القلب موجع
بارت بيغير وبياثر على باقي الاحداث كلها
تسلم ايدينك نفوسه

مســــــــــــــــاء الاوركيد

وانتي وحشتينى اكثر واكثر,,,, ممم في سبب ثالث لعدم كتابة غزالتك بارت اليوم وهو,,,,


ان قلبها ماطاوعها انها توجع قلوبنا مثلك ياشريره .

==================================

ممم ناظري انفاس بكتب تعليقي على اول مره قريت البارت ,,,لان بارت اليوم


ثلاثي الابعاد يعني ممكن تشوفينه من كذا زاويه وطبعآ برأي مختلف ,,,,الا رأي واحد

لو قريته عشر مرات مايتغير وهو انك مجرمه بأمتياز (5قفلات,, 3مؤلمه 2يهبلون)


========================================

ناصر ومشاعل


عجبني شي واحد ان ناصر زعل واظهر زعله لمشاعل ,,,,وبنفس الوقت مشاعل


ذبحها زعل ناصر ,,,,,ممتاز جدآ لان هذا الزعل بيكون دافع لمشاعل عشان ترضي ناصر

وتنسى شوي خجلها ,,,,زعل ناصر بيلهيها عن مراقبة خجلها ,,وهذا بيعطيها جرأه شوي.


قلت قبل ان ساعات نمر بمواقف تخلينا ندعس على مشاعر نظن وقتها انها اساسيه .

(وطبعآ انهيتي البارت ولا عرفنا وش صار بينهم ,,,,,اول قفله تهبل )


=========================================


راكان وموضي

عرف انها بحياته شي جميل ملموس تقرا افكاره وتسوي اللي يبيه بدون طلب

وقاعد يضحي انه يكون مثل التحفه, لموضي مطلق الحريه تحطها بالمكان اللي يعجبها

بحياتها , مقابل قربه منها وموضي عقب سفره بتعرف ان المشاعر الغريبه اللي كانت

تحسها وهي مع راكان هي وبكل بساطه حبها له .

(وطبعآ انهيتي البارت وماعرفنا وش ردة فعل راكان يوم شافها وهي متزينه......ثاني قفله تهبل)


=================================

ممممممممممممممم

لطيفه&مشعل,,,,,باكي&يوسف,,,,العنود&فارس

العامل المشترك بينهم زلزال قوي جدآ زلزل حياتهم اليوم,,,وكلهم هالزلزل له سبب سابق.

مين الجاني والظالم ؟؟؟ كلهم السته ,,,,,,,ومين المجني عليه والمظلوم ؟؟كلهم السته

خلينا نحكي بالمنطق بعيد عن كوني أمرأه او رجل ,,,,,

لطيفه ومشعل بن محمد

لاحظي يانفاس ان لطيفه يوم جاها اتصال فاتن كانت قاعده مع شيخه !!!

ولاحظي وش السواليف اللي كانت تدور بينهم وعن مين بالضبط!!!

يعني اضعف اضعف شي ,, مقارنه بسيطه جدآ بين شيخه وفاتن .

لطيفه تشوف صديقتها تنازلت عن امور كثيره مقابل انها تربي الايتام لأن الله بيسألها عنهم .

وفاتن ماتبي تتعب عمرها (وتصلح غلطها )بتربية ولدها ,,فضلت انها تصيد رجل

ضاربه بحياته هو وعايلته بعرض الحائط ,,,عشان يقوم بمهمة هي ماقدرت تسويها,لان

عندها شغل اهم وهي البزنس وتجميع الاموال!!!!

وبكل وقاحه متصله تعرض عليها صفقه والمقابل انها ماتبيه كزوج!!فقط مجرد مربي لولدها!!

(كنت متوقعه ان فاتن بتجي عن طريق لطيفه)يعني ردة فعل لطيفه طبيعيه ومتوقعه .


وموقفها مع مشعل

الغيره اعمتها (ولاتنسين ان سبب انقلاب لطيفه للشخصيتها الجديده هو زواج مشعل)

يعني الثوران اللي فيها هو نفسه ماتغير لكـــــــــــــــــــــــــن ,,,,,,,,غلطت


يوم قالها مشعل انه ملاحظ تصرفها وهي مثلها مثل الرجل المفروض انها تضغط على نفسها

وتقول لنفسها غضبي اطلعه على فاتن مش على مشعل .لان مشعل رايته بيضأ (لحد الان)

ومشعل كمان غلط وغلط كبيررررر

معقول مايعرف ان لطيفه بعصبيتها هذي مو لطيفه اللي يعرفها ؟؟؟!!!

معقول ماتذكر ان هالثوران شافه مره وحده بس ,,وهو يوم قالها بيتزوج؟؟!!

المفروض يأجل المناقشه لوقت ثاني .

والكلمه اللي قالتها لطيفه هي غلطت وبقوة لكن مشعل غلط وبقوه

كان بأمكانه يعاقبها بتهميش او حتى يترك لها البيت لكم يوم لكن بالضرب وعقب 13سنه؟؟!!

مممم اتوقع طيحتها قدامه بتكون مثل الكف له وهو يشوفها على الارض ويكتشف غلطه.

ممم للأسف الهجران بيبدء اللحين لان لطيفه كان لها تحذير سابق لمشعل .

(وطبعآ ماندري وش صار,,,,,ثالث قفله مؤلمه)

================================

العنود وفارس

الربع الخالي والقطب الشمالي,,,,,لليل ونهار,,,,سالب وموجب

متضادين لكن يجمعهم شي واحد ,,,,,,,عشقهم لبعض .

العنود غلطت غلط كبير وفارس غلط غلطه كبير ه

ولو جابو حكم من اهلها وحكم من اهله بيقول نفس الكلام .

كانت تقدر تقول سوري معالي رجلي مايرضى وتصر على رأيها , وتكتفي بتزين نفسها,يعني

هل لو كانت في بيت ابوها تقدر تطلع غصب عن ابوها ؟؟؟!!! طبعآ استحاله

وفارس بأمكانه يختار عقاب غير واكيد بيجيب نتيجه قويه لان العنود دلوعه اي عقاب بتشوفه قوي.

وطبعآ الهجران بيدء لان طبيعة شخصية العنود تفرض الهجران ,,,اذا من دفه بدون قصد زعلت

شلون بكف على الوجه (ومعروف بالتربيه ان الصفعه اشد انواع الاهانه)

وهذي رابـــــــــــــــع قفله مؤلمه

=================================

باكي ويوسف

يوسف غلطته الوحيده نوع العقاب فقط

من وهو بمصر وهو يسألها ,,,عندك شي تبي تقوليه؟؟ وهي تقول لا !!!

ورجع صارحها ...وطلب منها تفسير وهي ماتعبت نفسها بتفسير !!!

مو كافي نحب ونشعر بالحب لازم نترجم الحب ومن ظمن انواع الترجمه احترامي ,

كرجل شرقي يتزوج وحده وهو عارف انها تخونه اشد انواع العذاب .حتى لو جاء يعبر

عن مشاعره بينط حبيبها بمخيلته ويحول حياته جحيم .

كنت متوقعه ان بيعتبر عدم تبرير باكينام لعلاقته بحمد تهميش له . بس كف!! هذي قويه.

وطبعآ كلهم غلطانين ومغلوط عليهم.

(خامس فقله وكانت مؤلمه )
=======================================

الواضح من هذا البارت القوي ان البارت اللي بعده اقوى منه لان هذا البارت ,,,,(الفعل)

والبارت القادم بيكون ,,,,(ردة الفعل)

===============================

انتظرك بأذن اللـــه يوم الأثنين .

أشكرك على انضباطك بالمواعيد وتعاملك الراقي وبالك الطويل